Bilîcan - Nefel

Kerrî li siwaran heytand:
»Lolo hûn kî ne?«
— Kir be, kurê dêlê, dena ezê cergên te bînime derê.
— Kurê dêlê jî, kurê sê jî. Li nav hespan derkevin!
Lê siwaran bêpakî dakutane nav revoyê û revo kirin du tîþan û tîþek ber
bi binê geliyî hajotin û tîþek jî ji Kerr û Kuliki ra hêlan.
Vê carê Kuliki li cerdê heytand:
»Kuro lawo li nav revoyê derkevin û nebin bikujên serê xwe.«
Siwarekî cerdê got:
»Kuro tu li min û vî boncî yî! Dibêjî qay serê te giraniyê li leþê te dike.«
Ca bi gotina xwe ra rikêfî ser Kiliki kir:
»Kuro em dibêjin hûn rêncber in. kurên xelkêne. Gunehê me li we tê.
Eva çend salin hûn bi ferman Emerokî kewþenê me diçêrînin, qey hûn
nabêjin evî kewþenî xudan heye? Kir be, dena emê we jî tevî revoyê
bikin.«
Kuliki gotê:
»Boncî tu bixwey î, lawo, bixwe paþê biþêkirîne. Li nav revoyê derkevin!
Bi Yezdan ta hûn li ser leþê me ra derbas nebin, em nahêlin hûn mûyekî
ji revoyê kêm bikin.«
— Lawo zirtan neke! Em dibêjin hûn law in, ber bi mirazin. Em
naxwazin mirazên we li çavên we da bihêlin. Hûn çima xwe li ber revoyê
Emerok i da didine kuþtinê?
— Her çî ji destên we tê, xwe jê nehêviþînin!
Bi vê gotina Kerrî ra siwarekî hirçanpirçanî, wekî kirtanekî tevkutayî,
sungiyeke çargezî li destî da, fîrefîra hespê wî bû, kef li ser devî ketibû û li
bin suwarê xwe da neditebitî, dizgîna hespê xwe li ser Kerrî da zivirand û
ferman da suwarên dî:
»Gedeno dest û piyên herduyan jî girêdin û bavêjin terkiya hespan.
Evan ne mirovên qenciyê ne, ko mirov qenciyê bi wan bike. »
Çar pênc Siwaran bi hev ra hêriþ birin ser Kerr û Kuliki.
Ker û Kuliki bi hev ra dest avîtin darê sûngiyan û rikêfî ser wan siwaran
kirin. Bû þîrqîna sûngiyan û fîrefîra kehlan û mehnegiyan. her li yekimîn
hêriþê da sê siwar li xanên zînan ketin erdê û du suwarên dî jî li ber xwe
dan, lê berxwedana wan jî hind nekiþand. Li hêriþa dûyê da, ew herdu jî
ji xanên zînan da jor da ketin û sê hesp û du hesp li revoyê zêde bûn. Kerr
û Kulik li dora revoyê ra çerixandin û navbirî dane cerdê û revo topî ser
hev kirin. Serokê cerdê ewê hirçanpirçanî ferman da cerdê:
E-POSTE: INFO@NEFEL.COM MALPER: WWW.NEFEL.COM
BILÎCAN • 169