Bilîcan - Nefel

hîþtin. Rast e ko min Werdek wekî bûka xwe ji mala te siwar kir û anî û
li rex mala xwe ji wan ra xîvet da vegirtinê. Her wekî te gotî, dîsan jî her
ez Werdekê ji xwe ra bûk dizanim. Lê ez jî hema li ser hizra te me. Xîveta
Werdekê roja îro li rex mala te be çêtir e. Her çawa hebe tu bavê Werdekê
yî. Xûþka Kewê dikare baþtir lê agadar be. Baþ bû, ko te bixwe ev yeka
hilxist. Her niha ezê bêjim rêncberan, bila alî zaroyên we xîveta Werdekê
rakin û bibin li rex mala we danên. Em dîsan jî her xizmin.«
Hesêyi got:
»Zor sipas Mîrîê min!«
— Sipas xweþ Hesê!
Mela Heseni ko ta niha qet peyvek jî neaxiftibû, rabû þipê û destê xwe
da sîngê û got:
»Yezdan te payedar bike Mîr! Xudê siya te li ser serê me kêm neke!
Xudê tifaq û yêkatiya me ragire!«
— Xudê ji te xoþ be Mela Hesen!
Li dû van teklîfana ra Hesê û Mela Heseni xatirê xwe ji Mîrî xwestin û
ji dîwanxanê derketin.
Hê bîstek li ser ra nebihorîbû, ko kurên Hesê Dûdêyî bi arîkariya Mîro
û çend rêncber û berdestkan va, navmala Werdekê berev kirin û istûna
xîveta Silêmanî li ber xîvetê hilanîn. Destên Werdekê li çi tiþtî nedigeriya.
Werdekê destên xwe li ber hev ra kiribû û li pêþber xîvetê li ser rûniþtekek
kevirîn rûniþtibû û posîde posîde li kavilbûna hêlûna xwe û Silêmanî ya
çend mehî dinihêrî.
Gava ko xîveta Silêmanî ji cî leqiya. Gulavtûn û Gulîzer û Gulendam
û Gulindar, bi koma jin û bûk û qîzan va hatin û destên xwe li ustuyê
Werdekê ra birin û hema wisan li derva þînek giran danîn. Piþtî qaseke
xurt ridênsipiyek ji xîvetê derket û hate bal wan û gote Gulavtûnê:
»Gulavtûn xatûn tikaye êdî bese! Negirîn! Nehêle ew zarûyana wisan
bizarin. Mîr dibêje bila nehêlin Werdek bê hewik bibe.!«
Bi vê gotina ridênsipiyi ra Gulavtûnê çavên xwe ji hêsiran paqij kir û
gote Werdekê û yên dî:
»Lawo êdî bes e! Em çendê bigirîn jî, dilê me hêsayî nabe. Rabin!
Rabin!«
Li dû gotina Gulavtûnê ra hemû ji cî rabûn. Lê kela Werdekê sar nedibû.
Werdek her wisan kul diçû. Gulîzerê destên xwe uskura Werdekê ra
biribû û herdu tev digiriyan. Gulavtûn hat û li ber wan geriya û bi zorê
ew herdu kir kirin.
E-POSTE: INFO@NEFEL.COM MALPER: WWW.NEFEL.COM
BILÎCAN • 133