Bilîcan - Nefel

Berî hemûyê termên Silêmanî û Ehmed Begî ko li rex hev ketibûn serê
rê, nasîn. Li dû ra termên Remo pehlewan û Mihoyê berdestik jî nas
kirin. Bû wêlewêla siwar û peyayan. Desteyek ber bi keriyî çûn û desta
dinê jî bo her termî çend nêze bi hev ve girêdan û darbest çêkirin û term
danîne ser darbestan û bi wawîlok û þîn û girîn li ser zomê da zivirîn.
Werdek li nava koma jin û qîzan da, nehecimtî vî alî, wî alî pêgermok
digerand. Guçkên wê li ser akama hawariyê bû, ko þîhîna seglaviya
Silêmanî ew veciniqand. Seglaviya Silêmanî bêy siwar li ser êlê da
zivirîbû. Gava ko seglaviyê Werdek dît, careke dî þîhiya. Werdekê dizgîna
wê ra girt û ew ber bi devê xîvetê anî û vî alî, wî alî li zîn û pûsadê wê
nihêrî. Bi þîhîna seglaviyê ra zaroyan dest ji leyza xwe kiþandin û ber bi wê
hatin. Jin û zar hemû li dora seglaviyê berev bûn. Werdekê destên xwe li
bijiyên wê gerand. Destên wê ter bûn. Bi dengekî ko rehên tirsê jê diyar
bû, bangî dayîka xwe kir:
»Dadê dêranê! seglaviya Silêmanî bêy siwar ziviriye... Ca were kanê!
Dadê !..«
Bi dengê Werdekê ra zarên mala Mîr û Hesê Dûdêyî Kewê, Gulav
Xatûn, Gulîzer bi koma kalemêr û ridênsipiyan va li hawariya Werdekê
da hatin. Hesê bixwe mom li desti da berî hemûyan xwe bi Werdekê ra
gîhand:
»Çî ye Werdek? Çi bûye?«
— Bavo seglaviya Silêmanî bêy siwar ziviriye.
— Seglaviya Silêmanî!?
— Way la çavên dayîka te rijiyayê!
Eva dengê dayîka Werdekê bû. Mom anîn û li ber momê li
seglaviya Silêmanî nihêrîn. Bijiyên seglaviyê, qaþ û terkiya zînê wê li
xûnê da mabû. Gava ko Werdekê ew xûna dît, bi lez pê xwe kire zengiyê
û li seglaviya Silêmanî siwar bû û berê xwe da hawariyê. Hesê Dûdêyî li
dû ra gazî kirê:
»Kiça min hêdî bajo ta ko ez jî bi te ra giheþtim.«
Hê qisa Hesêyi li devi da bû, ko Werdek li tariya þevê da gum bû. Li dû
Werdekê ra Hesê Dûdê û çend siwarên dî jî ber bi hawariyê çûn. Deng û
gaziya nava zomê û hawarî û þîn û girîna siwarên ko termên kuþtiyan dihanîn
tevî hev bûn. Werdek li nîviya rê da rastî siwarên hawariyê hat.
Siwar hemû peya bibûn û çar term danîbûne ser darbestan, digotin û
dilorandin û kor û poþman ber bi zomê dizivirîn. Gava ko Werdekê ew
dîmena dît. Bêy þîn û girîn zengî li seglaviya Silêmanî da û xwest ber bi
E-POSTE: INFO@NEFEL.COM MALPER: WWW.NEFEL.COM
BILÎCAN • 123