Bilîcan - Nefel

Dûdêyî da kir û gotê:
Hesê fermo komelê gelekî çavnihêr nehêle!
Li dû fermana Mîrî ra Hesê çû li ser wê doþikê þipêkî rawesta û weha
dest bi axiftinê kir:
»Gelî komela birêz! Gelî ridênsipî û giregirên hêja! Pehlewan û mêrxasên
biwêr! Gelî jin û porsipiyên êlê! Hûn hemû dizanin û agadarin, ko
ta roja îro me li ber vê ax û avê da, li ber xaka paka nîþtimanê xwe da, çi
xizmetên giring kirine. Hûn hemû li giþtî qewimîn û serhatiyên me
agadarin. Çar nikarên me dijmin û neyarên çavnebar û çavçinok û
xûnxwar in. Ta roja îro bi yarmetî û arîkariya Yezdan û rênimûniya Mîrî
û hevaltî û hevkarî û yêkatiya komela xwe, me çi derfend nedane van neyaran.
Ne tenê li dirêjaya vê mêjûya ko em pêkve dixebitin, çi kesî
newêriye avirekî çep bide nîþtimanê me, belkû vê gavê hevhêsiyên me
yên baþûr û yên rojava bêþa salane jî didine me û em jî wana li himber vê
bêþê da, ji devê diz û gur û zorbêjan diparêzin. Lê her wekî hûn hemû
rewþa min dibînin, ez êdî pîr bûme. Min temenek bihorandiye. Roja îro
êdî gered, gereda genc û lawane, ko evê erka giring dest xwe va bigrin û
rêça me biþopînin. Ez roja îro li vê bereviyê da dixwazim tiþtekzor giring
bigehînim agadariya we. Bi fermana Mîrî û rêdana ridênsipiyan, ji îro
þûn da ez erka xwe ya serekpehlewntiyê dispêrim zavayê xwe Silêmanê
Eliyê Mîr Silîv Begê...«
Gava ko navê Silêmanî û bi taybetî navê kal û bavê wî, hate ragehandinê,
dengedeng kete nav komelê. Bû pistepista wan û li guçkên hevdu da
xeber dan. Mîr xwe kuxand û got:
»Gelî komelê tikaye bêdeng bin! Bêdeng bin kanê Hesê çi dibêje!«
Komel li cî da bêdeng bû. Hesê dîsan li dû gotinên xwe ra girt û got:
»Ez îro li pêþ çavên we vê erka giring dispêrim Silêmanî, lê ez daxwazê
ji Silêmanî dikim, ko weke kurdekî dilsoj bixebite û çi gavan li çi hel û
mercan da li beranber vî gelî û vê av û axê da serê wî jî biçe, kêmasî û
xinizî û qelsî û dexesiyê neke. Niha ez daxwazê ji Silêmanî dikim ko ji bo
rê û þûna vergirtina cil û bergên pehlewantiyê û sûnda nîþtimanperweriyê
çavnihêrî fermana Mîrî be.»
Bi kutabûna axiftinên Hesêyi ra, komelê li çepikan dan û bû tiplequtanê
û jinan tilîlandinê.
Li dû ra Mîr ber bi doþika nîveka meydana zoranê çû. Bi çûyîna Mîrî
ra dîsan bilmebilm kete nav komelê. Gava ko mîr giheþte ser doþikê, hê jî
bilmebilma komelê bû. Mîrî li ser doþikê du, sê caran vî alî û wî alî li do-
E-POSTE: INFO@NEFEL.COM MALPER: WWW.NEFEL.COM
BILÎCAN • 105