PDFa jaitsi - Euskaltzaindia

Betelu'n emakumezko bertsolari bat izan
zala, leen ere aditzera bagenduan. Ta bein
batean Ozkotz'eko Erdabide bertsolariarekin
bertsotan-edo egin zuala ere bai. Baiñan aren
bertsorik ez degu bat ere eskuratu, auek izan
ezik. Ta pena aundia da, sail au jarri zuana
bertsolari ona baitzan.
Baiñan paperean ori idatzita egonik ere,
gauzak orrela ote diran zerbait duda egin
diteke. Alzo'ko Imaz'en itxura artzen diogu
guk beintzat sail oni.
28
l/Bertso berriak jartzera noa
ala moduak emanik,
iñun ikusi eztegulako
onela gertatu danik;
eztet aditu kulparik gabe
ala tratazen gizonik,
istillu txarrak Nafar aldean
oraiñ ikusi ditut nik.
2/Santa Maria Kristoren Ama
jaio zitzaigun eguna,
degu Bedaio'n beraren ooran
festa egiten deguna;
eta orduan gonbiratzeko
ara juntatzen zaiguna,
Nafarroa'ra juan ardotara ta
izan det istillu ona.