Create successful ePaper yourself
Turn your PDF publications into a flip-book with our unique Google optimized e-Paper software.
12<br />
Hnehtu piancham JUNE 2011<br />
~~~~~~~~~~~~~~~~~~~~~~~~~~~~~~~~~~~~~~~~~~<br />
B.Vanlalvula<br />
Kalay-Kabaw phaikuam leh thingtlang ram chhengchhe tak ata<br />
beiseina lian tak neiin kan thenawm Malaysia ramah kan tlankhawm<br />
a. Chu ramah chuan kan dam khawchhuah theihna tur leh kan inhnangfak<br />
theihna turin UNHCR kan bel a. UNHCR zarah khawvel ram ropui leh<br />
nuam takah Zofate kan inzarpharh ta duai mai. Chung zingah chuan ram<br />
ropui leh thil tithei ber ni hial USA rama thleng tawh kan tam ber a<br />
rinawm a, nghak mekte pawh kan la thahnem hle ang. Malaysia rama<br />
awm USA kal turte tan chuan America ram thleng tawhte chanchin hi<br />
kan hriat chak leh hriat nuam a ni thin. Engpawh nise, lo kal turte tan<br />
pawimawh em em lo pawh a ni mai thei a, hriatzauna ni pahfawmin tlem<br />
chu ka'n tarlang ang e.<br />
Ram ropui panin: KLIA kan thleng a, airport security RELA ho kan<br />
hlau tawh lo nghal pang a. Kuala Lumpur chung zawn kan thlen veleh,<br />
"Bye Bye Malaysia" ti chung zela vanlaizawl kan thlen hnu chuan kan<br />
ram thar thlen hun tur rilruin a ngaihtuah nghal a. Thlawhna chhung chep<br />
tak karah darkar sawm chuang zet han thut chu a ninawm thaw khat ve<br />
hle. Mahse, kan thutna hma chiahah hian TV/Video a awm vek a, kan<br />
en duh apiang hmeh chhuah tur a ni. A khat tawkin ei tur leh theitui in tur<br />
kan dawng reng bawk a. Kan chuanpui mi changkang tak tak zingah<br />
keini hnam tenau (tribal) te chu kan langsar larh mai. Chutah thenkhat<br />
thlawhna ruia lo thle nguai nguai, lo luak tawk, naupang lo tap chelchul<br />
te nen chuan USA an tih ram ropui kan ram thar chu kan thleng ta. Ar<br />
kho khuh hawn ang maiin kan thaw huai a, mahse kan bo hu si.<br />
Min lo dawnsawn dan: Airport a kan chhuk chiah hi Case worker ten<br />
min lo hmuak a. Kan in turah chuan min dah a. Chhungkua (family) leh<br />
mimal (single) min lo dawnsawn dan a inang chiah lo. Chhungkua tan<br />
chuan in hran (chhungkaw mihring milin) an lo luahsak a, mimal chu<br />
Hnehtu piancham JUNE 2011 9<br />
~~~~~~~~~~~~~~~~~~~~~~~~~~~~~~~~~~~~~~~~~~<br />
By Zohnemsangi<br />
Aw, tungchhova kal zinga mawi ber, ka Chunnu duh tak, tuilianin<br />
a chimpil theih loh leh meialhin a kan ral theih loh; i mi<br />
hmangaihna hi ka lenna kawlvelenchham atang hian ka hril zel<br />
dawn e.<br />
Ka chunnu, ka theih chhun thaikawi ziah tialte hian; Chhemdam<br />
thlifim iangin i lairil fan se la, Puan ang lo pawm nang che.<br />
Thuro iang ka Chunnu, I nunna thapin khawvel eng min hmuhtir<br />
a; Chhun leh zan mut mu tuah lo pawhin, I tan chuan parthi mawi<br />
tak ka la ni si a maw!<br />
Hai ang ka lo thang lian a, harsat mangan sawi phal lovin; zirna<br />
runsang min kaitir a, Nuamsa taka zirna run ka belh lai khan,<br />
Nang chu a sur a sa dawn lovin hna hram tuan zai i rel a.<br />
Tleirawl thinlung ka lo pu a, I mi hmangaihna haiderin tu’n<br />
min sel lo tura anka nem min hlan thin lai khan; Puan ang ka lo<br />
hnawl thin che. Chunnu i lairil tur ka lo dawn ngai lo.<br />
Tunah awze kar, kawlvalenchhamah hian riahrun remin hlim<br />
ni awm ve thin bawk mah se, ka nu i mi hmangaihna hian, ka tang<br />
laiah min chelh reng si.<br />
Ka mangan, ka hlim ni-a thu thlenna tur ka Chunnu, Mual hla<br />
kar danah kan leng ta si a, thaikawi biahthu leh anka-a inchhawn<br />
mai zawng, lunglawm a kim thei mawlh lo. Ka Nu i tangah min<br />
chawi leh teh reng la aw!<br />
Ka Nu, tunah hian silh leh fen/ sum leh pai hlan thei hrilh lo<br />
che mah ila, ka neihchhun he tawngkam khat chauh hi, min lo<br />
pawmsak nang che.<br />
“Ka Nu, KA HMANGAIH CHE” A tawp ber atan “Ka hmangaih<br />
che, ka Nu... Dam reng rawh.”#<br />
[zonun a mi lak chhawn a ni. Ed.]
Change language