toif;awmftwGif;uefYowf - Zoin.Info

More documents

Recommendations

Info

14 Hnehtu piancham JUNE 2011 ~~~~~~~~~~~~~~~~~~~~~~~~~~~~~~~~~~~~~~~~~~ Ka-a lut thei tih lemah BEER chu a lei thei chuang lo a nia aw, M-a. SNAP bakah hian eiin lam dawn theih chi khat a la awm leh a. Mahse, hei hi chu raipuar leh naupang tan bik a ni a, Women, Infants, and Children (WIC) tih a ni. WIC card erawh chuan duh duh a lei thei lova, raipuar leh naupang eiin tur bik chauh a lei thei. Thlatin bawnghnute, artui, cereal leh naupang chaw bakah theirah leina tur liau liau US$ 10 an pe bawk. He WIC ngawt pawh hi sum faia chhut chuan US$150 hu a ni daih. Chhangchhe pa tan pawh eiin lamah chuan lungngaih tur a awm lo. A rethei apiangin sorkar zemzen a ni mai. Dam lo enkawl chungchang: USA thlen hlim chuan Medicaid hi kan dawng tlangpui a. Kan dawn hun chhung erawh a inang lo. Kan sum lakluh danin a hril dawn a ni. Tin, chhungkuaa mi pakhat chauhin hna a thawha sum lut a tlemin emaw, raipuar leh naupang kum 18 hnuai lam chin chuan rei tak an dawng thei. State then khatah chuan kum 21 hnuai lam thleng dawng an awm bawk. Hna thawh hma thla 6 chhung chu dawn dan tlangpui a ni a, hemi chhung chuan hrilselna inentir tur zawng zawng chu inentir vek a tha. Medicaid emaw, insurance pakhat khat emaw nei lova inentir (check-up) mai mai chi a ni lo. Kan khaw thenawm tawngkam han hawh lawk ila, sum sen chu 'a nawi lo' (a tam an tihna) a nia. Medicaid hian nau neih leh thil dang tam tak a huap (cover) thei a. Mahse, ha phawi leh silfai hi a awlsam viau laiin ha vuah leh lam chu Medicaid-in a theih tawh meuh lo. Ha chungchangah chuan Malaysia a siam kha a duhawm mah zawk. Kan thenawm Tedim nu Pi No No-i pawh a ha hmai pahnih a phawi ringawta a vuah leh thei tawh si lo, Pi Habal-i an tih tak nghe nghe hi. Kan pastor-in an pa lawk bal emaw tiin a lo zawt ngam lawk lo zui… Ha lam chungchangah chuan sum sen "A nawi lo" a nia. Zirna: "A-bang" leh "Terima kasih" aiah "hi/hello" "thank you" tih a nih tawh avangin sap tawng thiam lo tan tawng zir hi hnapuiah neih hmasak a tha. Tawng zir tir tan chuan ESL class (English as a Second Language) hi an kal tlangpui a. Mi thenkhat chuan 'ESL chu a ho lutuk, ABC atangin kan tan ang' an ti thin a. Mahse, a ho lo. Tawng thar zir tur tan a bul mai nilo, a hram atanga zir hi a tha nge nghe. Keini'n " Z" (zet) Hnehtu piancham JUNE 2011 15 ~~~~~~~~~~~~~~~~~~~~~~~~~~~~~~~~~~~~~~~~~~ kan tih mai pawh hi "Zi" in zu lam ri daih a. Hna thawk paha lehkha zir tam tak an awm bawk. Kum 18 hnuai lam erawh chu Sorkar school-ah an kal ang. Sap ramah kan awm a, sap tawng thiam loh chu kawng chi hrang hrangah harsatna kan tawk. Kan thlen hlimin ka thiannu pawh damdawi inah a kal a, daktor-in damdawi ei tur a hrilh leh fawn tur a hrilh kha hre chiang tawh hek lo. A hriat dan chuan "Tylenol fawn rawh min ti" a ti ta tlat pek a. Tylenol chu natchhawkna (keini lama paracetomol ang kha) lo ni rengin. A rawn hawn kawngah Tylenol fawn dan tur mite chu a la zawt lehnghal. Inti sap tawng awphawi tawkin Tylenol a ti a, Sap pa chuan hawi vual vual chungin 'Thailand' mi chu saw lamah an awm mai thei' lo ti ve zaih. Hna thawh: A chunga kan sawi tak angin sap tawng thiam lo tan hna tha hmuh a harsat tlangpui a. Kan phak tawk chu awm ve bawk mah se, tawng thiam leh thiam lo inkar chu a danglam deuh thin. State tin hlawh (basic) a inang vek lo. Hna a zirin hlawh a thain a tha lo mai a ni. Mizo tam tak chu sa talhna hmun lamah an thawka hlawh a thaa tawng thiam aiin tharum a pawimawh ve thung. A rammi nih theih dan: Raltlan (refugee) te hi USA ram chhungah dan anga lut (Legal Immigrants) kan ni a. Kum khat hnuah USA ah tiam chin awm lova chen phalna Green Card dil theih a ni. Green Card neih tawh chuan Vote thlak theihna tiam lovin USA ram mi (Citizen) te dawn theih zawng zawng chu dawn theih vek a ni a. Kum 5 hnuah chuan a ram mi nihna "Citizenship" dil theih a ni bawk. Sap tawng leh USA inrelbawl dan te, a ram chanchin tlangpuite hriat erawh a ngai ang. Beisei awm (TAX): "A nei ta an laksak anga a nei lo hnenah an pe ang" tih hi USA inrelbawl dan a ni. Sorkar-ah hian chhiah (tax) hi loh theih lova pek a ngai a. Mahse, hei hi a thlawn lo. Kum tawpah (tax dawnlet hun tak chu Jan - Apr) dawn let vek a ni. Hetah hian mimal (single) leh chhungkua (family) inkar a hla hle. Single hi chhiah an laksak teuh a, kum tawpah tlem te an pe let thung a. Sorkar-in mimal sum lakluh tur a ruahman aia tam sum a lak luh chuan chhiah dawnlet aiin
20 Hnehtu piancham JUNE 2011 ~~~~~~~~~~~~~~~~~~~~~~~~~~~~~~~~~~~~~~~~~~ tlang hle a ni. Ohhla WY member-te rawngbawlna zarah Upa pakhat chu fakna hla atangin lawmna nasa tak a dawng a, vawiin thleng hian Lalpa fakna atan amaha phuar awm zawng zawng chu phelhsak a ni a, Lalpa a ropui hle. Ohhla WY member-te, Lalpan malsawmin awmpui zel rawh se. - Tv. Kamdingliana 3. Gospel Team feh chhuak: JFP thawktute leh UBS faculty & Student te chuan local 19-ah rawngbawlin an feh chhuak a, mi 9 niin; April 25 - May 11 thleng an feh chhuak a ni. Zan lamah chuan inkhawm program hman thin a ni a, praise and worship zawnga inkhawm kaihhruai a ni deuh ber. Zai a tho tha thei hle mai a, a thu lamah pawh Lalpa inpuanna langin an hria a; an hlim tlang hle. Zan inkhawm banah Local upate remtihnain JFP rawngbawlna, Isua film te chhuah thin a ni a. Zanlai thleng pawhin entu an thahnem thei hle a, Local thenkhatah phei chuan Lalpa hnathawh a lang a; mittui far zawih zawih khawpin kan thlir ho a ni. Kan Pathian hming chu fakin awm rawh se. UBS Saya Lalramnghaka leh JFP Board Secretary Tv. Kamdingliana hovin Gospel team hi feh chhuak an ni. 4. Degree la lawmpuina: Nl. Nancy Zirsangliani (D/o) Rev. Dr. Morris Liana fanu, Yangon chuan M.A. (Theo.) a khum a, kan lawmpui hle. 5.Thu inziahsiak hawng: - Thupui: “Zo Nun Mawi, Liam Lul Suh” - Thumal: 1500-1800 inkar. - Mi tupawh tel theih a ni e. - Paper chu Computer-a chhut, A4 size-a phek lehlam chauhva chhut ni thei se. E-mail atanga thawn duhte tan: hnehtuchanchinbu@gmail.com-ah thawn theih a ni. Hnehtu chhiartu zawng zawngte Hnehtu Piancham vawi 14-na hmingin chibai kan buk a che u. Hnehtu piancham JUNE 2011 17 ~~~~~~~~~~~~~~~~~~~~~~~~~~~~~~~~~~~~~~~~~~ B. Zarzoliana Spain Nupang Branco leh Ortega an tih thiandun pahnih hi an awm a. Inkawm rual tak an nih mai bakah inthenawm hnaite an ni bawk. Branco-a pa chu sumdawng hausa tak, in lian leh ropui taka khawsa, motor nalh tak tak nena khawlai leng thin an ni. Ortega pa erawh chu relkawng siamnaa thawk pa rethei tak, kawngsira thil zuar thin, dap in chhete khawsa leh mahni ke baka khawlai leng chhuak ve ngai lo an ni. An naupan lai atangin Branco-a pa chuan, Branco-a chu “ Ka fapa, i lo len hunah chuan, i tuizawng leh i duh ber ni thei turin tan la ang che. Ukil nih i duh em? Ka thianpa ukil thiam tak a awm a, a hnenah i zir thei ang. Doctor nih i duh zawk pawhin thian doctor thiam tak ka nei a, a hnenah i zir thei bawk. Lemchan lam i tui zawk a nih pawhin a zirna sikul tha berah, director thiam thiam zirtirtu kan ruai mai ang. Hei hi hre reng rawh, i pa hi sumdawng naran ka ni lo, sumdawng hlawhtling tak ka ni a, sumdawnna lam i tui a nih pawhin heng ka sumdawnna thil zawng zawng hi i kutah ka hlan ang,” tiin a hrilh thin a. Ortega pa ve thung chuan, “ Ka fapa, sum leh pai rohlu engmah ka nei lo. I tana ka tihsak theih awm chhun chu kawngsira thil zawrh hi a ni mai. Keimah nena hetianga kawngsira thil zawrh bak engmah thil dang beisei suh ang che,” tiin a hrilh thin. An pate zirtirna chu vawng rengin Branco-a chuan ukil ropui tak nih tumin a zir tan ta a, hun rei vek lovah chuan ukil hna chu ningin doctor a zir leh ta zawk a. Doctor hna pawh chu rilru sei tak put ngai leh dawhtheih ngai tak a ni, tih a hriat chuan ka mizia nen a inmil lo tiin, lemchan lam a zir leh ta a. Rei loah lamchan lam pawh chu a hahthlak e mai tiin, a pa sumdawnna lam chu a ngaihven leh ta a, mahse khua a
Page 1 and 2: To _______________________ ________
Page 3 and 4: 4 Hnehtu piancham JUNE 2011 ~~~~~~~
Page 5 and 6: 8 Hnehtu piancham JUNE 2011 ~~~~~~~
Page 7 and 8: 12 Hnehtu piancham JUNE 2011 ~~~~~~
Page 9: 16 Hnehtu piancham JUNE 2011 ~~~~~~
Page 13 and 14: 24 Hnehtu piancham JUNE 2011 ~~~~~~

toif;awmftwGif;uefYowf - Zoin.Info

You also want an ePaper? Increase the reach of your titles

Delete template?

Save as template?