Didakhe Jan-Feb 2008 - Aizawl Theological College

DIDAKHE : January–February, 2008 1
Vol. XXXVII No. 1 January-February, 2008
Didakhe
Zir la
A
Hril La
T C
Zirtir Rawh
Mihring leh Sual Thu ........ p 21
A Bi-Monthly Journal of Christian Thought, Life and Work

2
DIDAKHE : January–February, 2008
Vol. XXXVII No. 1. January-February, 2008
Editor : Rev. Dr. C. Lalhlira
Ph. 2361685 (R) 2361134(O)
Joint Editors : Dr.T.Vanlaltlani
Rev.K.Lalhmingliana
Rev. Lalchungnunga
Rev.H.Lalrinthanga
Manager: Rev. L.H. Rawsea
Ph.2362087
(Kum khat lâk man:Ram chhûngah Rs.30)
A chhûnga thu awmte
Phêk
1. Editorial ......................................................................................... 3
2. Keimahni ....................................................................................... 6
3.Mizo Kristiante mamawh – Taihmakna : Rev. Lalfakzuala........ 9
4. Lal Isua Eng chu zui rawh : Rev. Dr. C. Lalhlira ....................... 17
5. Mihring leh Sual Thu : Rev. Rosiamliana Tochhawng ............... 21
Didakhe-a thu chhuahte hi ATC emaw Editorial Board emaw
ngaihdàn a ni kher lo.
Published by the Didakhe Board, Aizâwl,
Post Box 167, PIN - 796001, Mizoram

DIDAKHE : January–February, 2008 3
Editorial ....
Kan LALPA kum, kum sanghnih leh kum riatna kum thar
chu kan lo thleng leh ta der mai. Didakhe chhiartu zawng zawngte
kum thar chibai kan buk a che u. Kum liam ta kha Aizawl Theological
College tan kawng hrang hrangin kum pawimawh tak, a \ha zawng leh
a chhe zawnga hriatreng tur tam tak a awm a. Kan zirtirtu mi paliten a
rualin Doctorate Degree an la a. An zinga mi Rev. Dr. Vanlalthlana chu
degree a dawn hnu rei lo teah a cancer tih hriatchhuah a ni a; rei pawh
enkawl hman lohvin Pathian hnenah min kalsan ta mai a. Kan zirlaite
zingah pawh chhungkhat hnaivai tak tak sun an awm nual mai. College
programme chu a kal zel a. Aijal Theological School hawn \an 1907
a\anga chhutin kan College chu kum za lai a lo tling ta a. Mizoram
Presbyterian Kohhran Synod remtihnain (SEC 193:32; Synod 2005, Gen.
56) November ni 22-24, 2008 khan ropui taka lawm a ni a. Hemi denchhen
hian lehkhabu \ha leh \angkai tak tak pahnih – Dictionary of Theological
Terms leh Mizoram Presbyterian Church : A History of Departments te chu
chhuah a ni bawk a. Mizoram Gospel Centenary Building tualah
Centenary hriatrengna lungphun (monument) mawi leh nalh \ha tak
phun a ni bawk. Mizoramah mumal taka Pathian thu zirna (formal
theological education) kum za lai a lo tling ta hi thil chhinchhiah tlak
tak a ni a. Kan kohhran unau dangte pawhin min lawmpui thiam hle a,
a tihzia takzet a ni.
Kum 2007 Synod a lo thleng a, kan College hotute pathum lai –
Principal, Registrar leh Rev. K. Lalrinmawia–te chu College chhuahsan
tur an lo ni a. Chutih rualin Rev. Dr. Roger Gaikwad chu ATC Principal
atan an thlang leh hlauh mai a, a lawmawm khawp mai. Chu bakah
zirna sang zawk bei kan zirtirtute Rev. Tlanghmingthanga leh Rev. K.
Lallawmzuala te an lo haw leh dawn tawh a, Rev. R. Vanlaltluanga M.
Th. (Counselling) pawh a zir zawh huna ATC-a awm tura tih a ni bawk.
Kan hotu chhuak turte pahnih hi chu kan hriat lawk sa–Synod
Moderator leh kum upat pension-a kal tur an ni a. Pakhat erawh chu
College zirtirtu ni tura Master Degree pawh nei, chhuak mai tura kan la
rin loh a ni. Amaherawhchu, a reltuten a \angkai lehzualna tur
rawngbawlna an hria niin kan ring a, kan lawmpui khawp mai.
Kan Principal Rev. Dr. H. Vanlalauva hi ATC-ah kum 1981 a\ang
khan zirtirtu hna a thawk a. ATC-a a awm chhung hian mawhphurhna

4
DIDAKHE : January–February, 2008
hrang hrang: Librarian, Calvin Study Centre Director, Didakhe leh
Mizoram Theological Journal Editor hna te a chelh a. Term hnih chhung
ATC Principal atana thlan a ni bawk. Synod Moderator a nih tak avangin
a term hnuhnung chu kum khatin a pum ta lo. Pu Auva hi mi \ha, taima,
mi dangte zahthiam tak a ni a. Nem tak, nghet tak siin mi a dawr a, a thu
awih loh hi a har thei hle! Midangte a dah pawimawh thiam em em a.
Eng emaw tih nikhuaa chaw eiho tum pawh hian hotu pa bere ti lovin
mi dang hnung a chuh tlat \hin. College Principal a nih chhung hian
kawng hrang hrangin ATC-in hma a sawn nasa hle a. Faculty
Development (zirtirtu chher) kawngah pawh a hun chhungin mi pariat
laiin Doctorate an zir a, M. Th. zir pawh engemaw zat an awm. Mahnia
thil tih vek tum lovin a huhova lungawi tlanga kan thawhho dan tur a
zawng thiam hle a, College campus himna leh \hatna turah pawh
thawktu zawng zawngte lungawi theihna tur ang berin mi kalpui a
tum \hin. Hetiang mi, kum kua lai Principal-a kan nei hi Pathian leh
Mizoram Presbyterian Kohhran Synod chungah kan lawm hle. Synod
Moderator hna pawh dam leh hrisel taka tlin leh zo taka a tluan chhuah
kan duhsakin Pathian hnenah kan dil sak reng dawn a ni.
Rev. Chuau\huama, kan Didakhe Editor ni reng \hin, ATC
Registrar a\anga pension ta hi kum upat hnuah Pathian thu a zir a,
pastor hna biala thawk lova a hun neih chhun ATC-a hmang zo a ni.
ATC hmun thara Hostel Warden hmasa ber a ni. Ani hi mize hausa tak,
John Chrysostom-a an sawi anga aw ropui tak nei a ni a. Mahni ngaihdan,
\ha leh dik nia hriat, huai tak leh chiang taka sawi thiam, zir chiana hriat
theih chi a nih chuan hriat vek a tum emaw tih mai tur khawpa zir peih
a ni. Pathian thu harsa a\anga zu chungchang te, Churachanpur nula
zaithiam chanchin thlengin a hrut peih a. A sawi thiam leh a ziak thiam
hi a mizia ti hausa tu a ni. IAS exam leh Law subject a lo beih sil ve nualte
chu a \angkai zawngin a hmang a, ATC-a a awm chhungin dan-tesep
(by-laws) tam tak kan siam a, a \angkai hle. Hun vawn dik ngai
pawimawh tak, mahni hna chu tihtura pek a nih tawh a, amahin a
pawm tawh a nih chuan zuzi san tum lo, tlin tak leh fel taka puitlin \hin
mi a ni. ATC Durtlanga kan insawn hlim khan in luah tur awm hmasa
luah tu-ah a \anga, a nun zawng zawng hi ATC tan a hmang a ni ber mai.
A miziaah mi tum tlang, thu chheh mawi tum lo mi, a ruh langa sawi
bawl bawl a nih avangin ral khata lo hretute chuan an tawng fo \hin. A
lehkhabu ziak Nilai leh Beihrual Thupui pawh chutiang mi ni awm tak
\henkhatten an hal hial kha! Mahse, Pu Chuaua hi mi zakzum, mi dang

DIDAKHE : January–February, 2008 5
a biak pawha an hmel tak en ngai lo, mi inthlahrung tak a nihna lam hi
sawi ila mak an ti mai thei. Chanchin tam tak sawi tur a nei a, mahse,
keini chuan kan sawi duh chu ATC tana a hriatna, a ngaihtuahna, a
thiamna zawng zawng theihtawpa a pe kha kan lawm a, Pathianin
hetiang mi ATC tana a lo ruat leh Mizoram Presbyterian Kohhran Synodin
ATC-a a lo dah hi kan lawm takzet a ni. Pathian awmpuina dawng zel
turin kan duh sakna kan hlan e.
Rev. K. Lalrinmawia hi a tlangval lai a\anga ‘Kungi pa’ tia koh
duat a ni nain fapa pahnih a nei a, fa nu an nei ta hrih lo. ATC-ah kum
nga zet a thawk hman a. Mizo pa dik tak kan tih ang hi a ni ber awm e.
Mi inthlahrung thiam tak, mi tlawmngai, mi dangte veng thawng thiam
tak leh aia upate zah thiam leh ngaichang thiam tak a ni. Ram siam
\hatna lam vei tak, mi chan chhe zawkte dinhmun hriatpui thiam tak a ni
a. Rual pawl thiam, \halaite lawm hlawh tak a ni a, thuziak mi leh sawi
thiam a ni bawk. ATC-a la awm zel tura kan la ngaih laiin Synod Ramthar
Board lamin a rawngbawlnaa a \angkaina tur dang an lo hria a, Guwahati
Mission Field hawn thar turah Field Secretary atan an rawn ruat ta
nawlh mai. ATC lamah chuan la ui hle mah ila, rawngbawlna hma thar
la atana itawm, thlahfal ngama ngaih niin an hmu a nih kan ring a, ui
tak chungin kan thlah ve ta mai a ni. A rawngbawl zelna turah Pathian
awmpuina leh tih chakna kan duhsakin kan \awng\aipui zel dawn a ni.
Tun hma a\angin ATC-a thawktute hi Synod hruaitu-ah leh hna
pawimawh dangah lakchhuah an lo ni fo \hin a; Senate of Serampore
College lama hotute pawhin Principal inthlak zing min ti deuh niin an
sawi \hin. Hetiang a nih avang hian eng emaw chen a\ang khan ATC-a
thawktute hi sawn chhuah fo loh deuh tur angtein siam a ni a. Hei hi
zirna ngawr ngawr ngaihtuah chuan a \hat hmel viau laiin hna dang
atana \ha tur chu sawn chhuah ve theih hi a \ha ve tho a ni ang chu, kan
hotute pawh sawn chhuah an ni leh \hin. Engpawh ni se, a hmasa an
chhuah avangin a tharin thiam lo leh khawr bik lutuk turah chuan ngai
lo phawt ila. Kan Kohhran hruaitu pakhat chuan, “Rawngbawltu hmasate
an chawlh dawnin kan ui a, an hna chhunzawm kan huphurh \hin. Mahse,
tupawhin Kohhran rawngbawlnaa mawhphurhna hi chelh se, mahni thiam dan
leh theih anga kan thawh hi a lo \ha ve chawp mai a ni,” a ti a. ATC pawhin
min chhuahsantu kan hotute hi ui hle mah ila, a tih ngaihna dang awm
chuang hek lo le, a la awm zel turten kan thiam ang leh theih ang angin
an hna kan chhunzawm ve mai poh a ni ang chu!

6
DIDAKHE : January–February, 2008
KEIMAHNI
1. Synod 2008 leh ATC: Mizoram Presbyterian Church Synod
(Inkhawmpui) 2008 Electric Venga neihah ATC zirtirtute kim takin an tel thei a,
a lawmawm hle. Hetah hian kan Principal Rev. Dr. H. Vanlalauva chu Moderator
a ni a. Hneh takin inkhawmpui a kaihruai a, Agenda a tam hle na a, kar leh lam
kai ngai lovin min zawhpui thei a; palaite pawh lungawi takin a siamin kan hria
a, kan chhuang khawp mai. He inkhawmpuiah hian ATC dinhmun enthat chu
sawiho a ni nain kum leh Synod-a enthat leh turin dahthat a ni. Rev.
Chuauthuama chu kum upat pension-a kal tur a nih avangin ngaihhruina
certificate hlan a ni. ATC-a Lecturer Rev. K. Lalrinmawia chu Synod Ramthar
Board lamin Field Secretary turin an ruat a. Rev. Tlanghmingthanga, tuna
Serampore College-a zirtirtu leh Rev. R. Vanlaltluanga (M. Th.) Couselling) zir
mekte chu ATC zirtirtu atana ruat an ni bawk.
2. Study Tour: Kumtina kan tih thin dan angin ATC final year zirlaite chu
Rev. B. Lalnunzira hovin India ram khawpui Kolkata, Chennai leh Bangalore te
tlawhin ni December ni 17-27, 2007 chhung khan an zin a, hmun pawimawh
leh hmuhnawm tak tak te an tlawh a. Chennaiah phei chuan Church of South
India Madras Diocese-in an Bishop hovin duat takin an lo thleng a. Chu bakah
Ecumenical Christian Centre Whitefield, Bangalore-ah Seminar an zu chhim
bawk a, hlawhtling takin December ni 27 khan an lo haw leh ta.
3. ATC Principal Thar Dah Nghehna: Rev. Dr. Roger Gaikwad chu Synod
Executive Committee-in ATC Principal ni turin a thlang a. January ni 7 Chawhma
lamin Principal kal chhuak ta hnen atangin mawhphurhna a la a; he mi ni vek
chawhnu dar 3:00 khan ATC chapel-ah a dah nghehna (installation) inkhawm
urhsun tak chu neih a ni. Hetah hian Synod Theological Board Member te, ATC
Faculty leh Zirlai awm remchang apiang an tel a; kan hnaih ber leh kan lawina
Leitan South Kohhran Hruaitute pawhin min rawn telpui bawk. Rev.
Lalhmangaiha, Senior Executive Secretary, Theological Education changtu chu
Chairman leh Principal dah nghettu a ni a, Upa R. Zatlaia’n tawngtaisakna a
hmanga, Rev. C. Vanlalhruaia’n malsawm tawngtaiin hnu a khar a. Dr. Roger-a
hian amah dahngehnaah hian (Mizo twang) thu sawiin, Principal-a ruat a nih
chu Pathian rem ruatah a ngaih thu leh, Kohhranten amah ring tawka Principala
an thlang chu lawmawm a tih thu a sawi a. Hebrai Bung 12: 1-2 chang thlanin,
Kohhran rawngbawlhna chu a huhoa thawh chi a nih thu te, chhumpui anga
min hual veltu kan hotu hmasate leh Kohhranhote min thlirtu an ni a, phawkhai
rual taka rawngbawlnaa tlanho turin thawhpuite a sawm bawk.

DIDAKHE : January–February, 2008 7
4. Kum Thar Inlawmna leh Inthlahna: ATC zirlaiten mahni khaw lama
Krismas chawlh an hman hnuin January ni 9 khan an rawn lut khawm leh ta.
January ni 11, 2008 khan kum thar inlawmna thingpui inho a ni. Hemi ni vek
hian kan hotu kal chhuak tur Rev. Dr. H. Vanlalauva te, Rev. Chuau\huama te,
Rev. K. Lalrinmawia te kan thlah nghal.
5. Mawhphurtu Ruat Tharte: Synod Theological Education Board January
ni 4, 2008-a thukhawm chuan ATC mawhphurhna chelhtu a ruat thar a. Vice-
Principal atan Professor Vanlalchhuanawma chu a term hnihna atan a ruat leh a;
Rev. Dr. C. Lalhlira (Associate Professor) chu Registrar atan a ruat bawk. Hemi
bakah hian Dr. T. Vanlaltlani (Associate Professor) chu Director, Lay Theological
Education term khat dang atan a ruat nawn bawk. Lay Theological Education hi
Mobile Theological School leh Bible Ralchhan School hmanga kalpui mek a ni.
6. Didakhe Editor Thar: Kan editor tanglai Rev. Chuauthuama a lo chawlh
tak avangin hun eng emaw chhung Editor hna lo thawk turin ATC Faculty
chuan Rev. Dr. C. Lalhlira chu a ruat a; ani hi June 2000–April 2002 chhung
khan Didakhe editor hi a lo ni tawh.
7. ATC hotute rawngbawlna: ATC zirtirtute ktp leh kohhran hmeichhia
bial inkhawmpuiah heng hmunah te hian thusawiah sawm an ni:
Bial KTP-a kalnate:
Rev. Dr. Vanlalchhuanawma – Lungdai Bial Nisapuiah
Rev. Dr. Vanlalnghaka Ralte – Lallen Bial, Kawnmawiah
Rev. Lalchungnunga – Leitan Bial, Leitan Ramthar
Rev. L.H. Rawsea – Khuangleng Bial, Vangchhiaah
Rev. Rosiamliana Tochhawng – Viavakawn Bial, Huntharah
Bial Kohhran Hmechhiaa kalnate:
Ms. P. C. Laltlani – Khatla Bial, Khatlaah
Dr. T. Vanlaltlani – Biate Bial, Biateah
Rev. B. Lalnunzira – Kolasib Diakkawn Bial, Diakkawnah
Rev. Rosiamliana Tochhawng – Sumsauih Bial, Sumsuihah
Dr. T. Vanlaltlania chu January ni 21-22, 2008 chhung khan Programme of
Dalits-Tribal Interface , Jorhat-a neihah ‘Liberative Hermeneutics in Dalit Tribla
Inbterface’ tih paper a chhiar. Rev. Lalfakzuala pawh January 17-22, 2008 khan
Nagpur-ah Re-Reading the Bible Programmme hmangin a kal bawk.
8. College-in Thilpek a dawng: Biate Pastor Bial Kophhran Hmeichhia
chuan Silver Febrary ni 8-10, 2008 khan an lawm a. He an Jubili lawman
hriatreng nan hian ATC tan Rs. 3000/- (Sangthum) an Jubili lawmpuia kal ATC
zirtirtu Dr. T. Vanlaltlani an rawn hawn tir. Kan lawm e.

8
DIDAKHE : January–February, 2008
9. Workshop leh Seminar: January 15-19, 2008 khan ‘National Workshop
on “Theologiging Tribal Heritage: A Critical Re-look,” chu ATC-ah kan thleng.
He workshop hi Indian School of Ecumenical Theology, Ecumenical Christian
Centre, Whitefield, Bangalore leh Presbyterian Church of India, Shillong te
buatsaih a ni a, A senso sum rawn tum saktu chu Council for World Mission
(CWM), London a ni. Kan Synod hmingin ATC-in kan lo thleng thung. CWM
office atang hian Ms. Elizabeth Joy, (Indian Tamil) Executive Secretary, i/c Asia
& Africa chu a lo kal. Indian School of Ecumenical Theology atangin, an Dean
Dr. Hrangthanchhungi (Aizawl Dawrpui Vengthar – Bangalore-a awm) a lo tel
bawk. PCI Administrative Secretary-te pahnih Rev. Laldawngliana leh Rev.
Lalramliana Pachuau te pawhin min rawn uap bawk. National Workshop a ni
bawk a, India ram ril lam atangin Dalits leh Santal palai te, Bangladesh lam
atang tein an lo kal a. Palai tam berte chu India Hmarchhak tlang mi hnam chi
hrang hrang – Garo, Khasi, Kuki, Mizo, Naga, Vaiphei, te an ni. Heng palaite hi
kohhran pawl hrang hrang – Roman Catholic, Baptist Kohhran, Church of
North India, Lutheran, Salvation Army, Presbyterian Church of India aiawhte
an ni. Bishop/Pastor te, Social worker te, Laymen/women te, Theological Zirtirtu
leh zirlai te an ni. Kalkhawm erawh chu mi 70 vel zet chauh an ni. He Seminarin
a tinzawn ber chu Hman hnufual tia an sawi Tlang mite leh Dalits /Adivasis
te hi hnam chak leh thiltithei zawkten an awp beh avangin an hnam rohlu tam
tak – hnam zia te, tawng te, thawnthu leh pi-pute rohlu tam tak a bo tawh a.
Chungte chu zir thar leh a, Pathian thu chhuina leh sawi leh zirtirnan te, hnam
lungphum sawhngheh nan te a tangkai theih dan tur zir ho a ni.
Workshop tawp dawn ni January 18 khan North East India Christian Council
(NEICC) in ATC-ah tho Chanchin Tha hril dan Enthatna ‘Seminar on “Rethinking
Mission Strategies” an nei ve bawk a. India Hmarchhak Kohhran inzawmkhawm
palai mi 20 vel zet an kal khawm a. He Seminar pawh hi Synod hmingin ATCin
kan thleng.
Heng workshop leh seminar ATC-in a thleng thei hi a lawmawm hle. A
buatsaihtuten College-a an rawn thlentir pawh hi lawmawm tak a ni. Kan
zirlaiten hneh takin a tul apiang an buatsaih a, mikhualte pawh theih ang
angin kan lo duat ve a, khaw vawh lai a ni chungin lungawi takin an tin a, kan
lawm khawp mai. ATC hi miin seminar, workshop leh retreat neih nan te an it
thei hle thin a, mahse zirlaite chawlh lai a nih loh chuan mikhual riahna tur te,
bual in te kan nei tha lo hle a, class room leh inthiarna te hi riah chilh tur chuan
a remchang chiah si lo a. Chuvangin conference hall sak kan tum hi sak puitlin
thuai thuai theih a chakawm khawp mai.
ooooo

DIDAKHE : January–February, 2008 9
MIZO KRISTIANTE MAMAWH – TAIHMAKNA
Rev. Lalfakzuala
“Mihring sum hlu chu taihmak a ni” (Thufingte 12:27)
Mizo Kristiante mamawh ber pakhat chu taihmakna hi a ni.
Taihmakna hi nunphung leh zia-a bet nia sawi theih a nih laiin zir theih pawh
a ni. Khawvelah hian engthil pawh hi zir theih loh a awm meuh lo. Chuvangin
taihmakna pawh hi nunphunga nei turin kan inzirtirin kan inkaihruai thei a
ni. Taihmakna kan tih hian intodelhna nen pawh sawi hran theih a ni lovang
a, thawhrimna tih nen pawn lak hran theih a ni bawk lovang. Mimal,
chhungkua leh ram thawkrim leh taima chu an dingchhuak \hin. Kan thupui
zir a\ang hian taihmakna leh intodelhna kawngah pen khat tala hma kan
sawn chuan kan tum a hlawhtling a ni ang a, kan khawtlang pawhin hma a
sawn phah ngei bawk ang.
Kan taihmak a \ulna chhante
Taimak a \ulna chhan kawng tam tak sawi tur a awm thei ang a, a
pawimawh zual i han chhui lawk teh ang.
1) Pathian ram zau nan a pawimawh : Tunlai khawvela lei lam hmanraw
pawimawh ber chu sum hi a ni ti ila kan uar lutuk lovang. Sum haichhuak tur
chuan taihmak leh thawhrim a pawimawh hle a ni. Kan ram chhung leh pawn
lama rawngbawl zel kan duh chuan taihmak leh intodelh hi tihmakmawh a
ni. Kan ei leh bar leh sum leh paia kan thawh chhuahna tur kawngah kan
taihmak lova, kan intodelh loh chuan Pathian ram sum a nghawng tel nghal a,
rawngbawlna-ah ke a pen chak a harsa \hin a ni. Intodelh lo chung chuan
rawngbawlna kawngah a luh thuk theih lo a, chi/hnam sang ei leh bar
intodelhho phei chu kan hmin lo hrim hrim ang. Kutdawh thu leh hla hi chu
khawi hmunah mah zawrh a tla thei tak tak ngai lo.
2) Khawtlang sual ven nan a \ul : Kan ei leh bar dinhmun a chhiat lutuka,
kan retheih chuan Pathian thu pawh awih a harsa a, thlemna do zawh a har
\hin a ni. Mipat hmeichhiatna kawnga awm khawlo, nawhchizuar (K.S) te
pawh Mizoram hian kan lo hmel hriat ve ta hle a. Mizoramah hian nawhchizuar
250-300 vel zet chu an sevice reng a ni awm e. 1 A tam berte chu mi rethei
1 Hei hi “Nawhchizawrh kawnga Mizoram Dinhmun leh Nawhchizawrhna Sala tang
mekte Chhanchhuah theih a ni em ?” tih paper Vanramchhuangi (Ruatfela Nu),
President Human Rights and Law Network a present atanga information hi
lak a ni a. He paper hi chhuah a la ni hrih lo.

10
DIDAKHE : January–February, 2008
chhungkua, hawna tur in leh lo pawh nei mumal lo an ni. Hmasawnna chi
hrang hrangin kan ram a rawn thleng chho zel bawk si a, kan taihmak loh
phawt chuan nawhchizuar leh ‘mihur’ an pung tual tual dawn a ni. Ruihhlo
bawia tang tam tak te pawh hi an zirlai an zir \hat peih loh rah leh hna dang
an thawh peih loh vang a ni thui khawp mai. Heng sual rapthlak tak hi a
danna \ha ber pakhat chu ei leh bara kan intodelh a, kan hnathawha kan
taihmak hi a ni ngei ang.
Kan taihmak tawk loh avang leh intodelh loh avangin Politics thilah
pawh hmuihmer leh therhlo hmanga inleina a ti hluar a ni. Kan it a te tham a,
kan politics boruak tithianghlim lotu a ni. Ram intodelhah hetiang hi sawi tur a
awm ve lo. Kan inthlan hnuhnung 2003-ah khan kan boruak chu a chiang hle a
ni. ‘Kum 2003 MLA Inthlan kha in Constituency-ah a fel fai i ti em? tih zawhna
chhangtu mi 3638 zingah mi 1043 (28.67%) chuan a fel fai niin an hria a, mi
1550(42.61%) chuan ‘fel vai ka ti vak lo’ tiin an chhang a, mi 1045 (28.72%)
chuan ‘felfai ka ti lo’ tiin an chhang thung a ni. 2 Tun ai hi chuan taimain kan ei
leh bar dinhmun \ha se kan politics dinhmun pawh a felfai zawk ngei ang.
Dinhmun inthlau lutukin a hrin chhuah retheih lungawi lo inhawrkhawmin
helna an chawh chhuah mai tur ven na \ha ber pawh intodelh tlan hi a ni.
3) Chimrala kan awm loh nan : Mizote hi hnam tlemte kan ni. Ei leh bar,
sum leh paia kan thawhchhuahna kawnga kan taimak lova kan intodelh loh
reng chuan kan chhehvel hnam lian zawkte tan chimral mai theih dinhmunah
kan ding tih hriat tur a ni. Economics a inchimralna hi thil thleng thei reng a
ni tih hriain chimral kan nih loh nan thapui thawhin kan ram leilung
malsawmna hi haichhuak turin \an kan lak a hun tak zet a ni.
4) Kan hnam a lo zahawm theih nan : Eng hnam pawh ei leh bar, sum leh
paia intodelh lo chu hnam zahawm an ni thei lo. Chhungkua leh khawtlang
pawh chu tho chu a ni. Mi mala fing leh fel taka lang pawh mi taima, ei leh
bara intodelh mi a nih loh chuan pa zahawm a ni thei lo a, an kamchhuak awi
chana chan a har khawp. Kan ram chhungah insawi pawr viauin han inhawt
buk chiam chiam mah ila ei leh bara kan intodelh tlat loh avangin kan thleng
ril tial tial a, kan te tual tual mai a ni. Tirhkoh Paula pawhin “Kan hrilh ang
ngei che u khan phili ruai lovin mahni hna theuh nei tlatin mahni kut ngei
hmangin hna thawk rawh u; tichuan miten an ngaisang ang che u a, engmah
tlakchham in nei lo ang”(I Thes. 4:11-12) a lo ti a, hei hi a dikzia kan hmu
tawlh tawlh ang.
2 Rev H.Vanlalruata, “Mizoram Assembly Inthlan (2003) Bih Chianna” in Didakhe,
Vol. XXXIII No. 4 (July-August, 2004), 6.

DIDAKHE : January–February, 2008 11
Sawrkar hnathawk leh Taihmak
Bangalore khawpuia In ropui ber, state Secretariat bathlar pui
chunglamah chuan hawrawp lian takin “Government work is God’s work” tiin
an ker kulh mai a. Chu chu “Sawrkar hna hi Pathian hna a ni” tihna a ni.
Sawrkar hna hi hnam dang zingah chuan zelthel taka thawh tur chi-ah an
ngai ve lo a ni. Hei hi Mizo Kristian te kan inzirtirna leh kan nun kaihhruaitu
ni ve thei se a \ha ngawt ang. Tunlaia Mizo zinga \awngkam hman tlanglawn
tak pakhat chu ‘Sawrkar hnathawh a thawh’ tih a ni. Hetiang \awngkam mi
pangngai tan chuan hriat nuam a ni hauh lo. Mizoram hi kan state phu lova
sawrkar hnathawk tamna leh hlawh sanna hmun a ni. Hawh san phut avanga
nawr sekna hmun a ni bawk. Sawrkara hlawh tam kan ngiat phu tawk erawh
hi chuan kan hnathawhah kan taima lem lo niin a lang.
Statistical Handbook of Mizoram 2006-a lan dan chuan Mizoram sawrkar
hnuaia sawrkar hnathawk zat chu 40,603 a ni. Autonomous District Council
pathuma thawktute mi 1784 an awm bawk a. Central sawrkar hnuai thawk mi
3691 an awm mek bawk a. Sawrkar ni chiah lo semi Government thawk mi 711 lai
an awm bawk. Heng bakah hian Banking and Insurance leh Constitutional Bodies-a thawk
mi 839 zet an awm bawk. Tichuan sawrkar hnathawk zawng zawng chu mi
47,722 zet an ni. 3 Mihring maktaduai khat vel awm tawhah in ngai ta ila, za zela
5 dawn lai chu sawrkar hnathawk kan awm tihna a ni thei ang.
Kan rama sawrkar hnathawk zaa 95% aia tam zawk tur mah hi chu
Mizo Kristiante kan ni. Kan sawrkar hnathawktute hian Kristian nun mawi –
taimakna te, rinawmna te leh dikna te hi an hnathawhna hmunah lantir thei sela
chuan Mizoram hi hmel danglam an puttir thei hial ang. Amaherawhchu tam tak
hi chu sawrkar hna leh sum kan ngaih dan te, hun kan vawn \hat loh dan te leh
hna kan thawh nep dan te ngaihtuah hi chuan ban daih tlak kan ni. Sawrkar hna
kan thlir dan leh kan thawh dan te hi thlak danglam a \ul khawp mai. Sawrkar
hna hi Pathian hna a ni tih te hi kan hriat a \ul hle a ni. Pathian hna a ni tih kan
hriat chuan tumahin zelthel leh inthlahdah chungin kan thawk duh kher lo vang.
Sawrkar hnathawk kan nih chuan taima leh rinawm taka kan thawh
hian Pathian kan chawimawi a, mahni zahawmna pawh a ni. Tik tak taka
hnathawhna hmun, taima leh rim taka hnathawhna hmuna thawkte hi mi dangte
pawhin kan ngaisangin kan zah a ni. Kan hnathawhna hmun zahawm hi kan
zahawmna chu a ni. Kohhran thil chhuanlama chawlh la bawk si lova office \hulh
fo te leh chawlh lak zen pawh hi sim a \ha. I hnathawhna hmunah Pathian
sawichhiatna hmanruaah i \ang palh ang e. Sawrkar hna i thawhnaah khan taima
3 Statistical Handbook Mizoram 2006, Directorate of Economics & Statistics,
Government of Mizoram, 47.

12
DIDAKHE : January–February, 2008
takin thawk la, i hna thawhah khan rinawm bur mai teh. Chutiang mi chu tumahin
an ngainep thiang lo.
Zirtirtute leh Zirlaite -Taihmak
Ziak leh chhiar thiam tam lamah chuan kan hming a thang viau mai.
India ramah ziak leh chhiar thiamna kawngah pahnihna kan ni mek a. Zirna hi
kan uar a, mahse zirnain a tum bulpui mahni kea ding thei tura mihring puitlinga
insiamna kawngah chuan kan hlawhchham deuh a ni. Kum 2004-2005 chhung
khan Mizoramah zirna in Primary School atanga University thleng 2,964 kan nei
der tawh. Zirtirtu 17,019 leh zirlai 2,20,462 zet an awm bawk. High school chin
chung lam ringawt pawh zirna in 552 kan nei tawh a. Zirtirtu 5,369 leh zirlai 61,
611 zet kan awm bawk a ni. KTP a tam ber te hi chu zirlai zinga mi hi kan ni.
Kan rama zirna kawngah hian sawrkar sikul heti taka kan tlachhe ta hi
chu chhut tham a awm a ni. Sawrkar sikul zawng zawng an chhe ta vek e, kan
tihna erawh a ni lo. Amaherawhchu kum tin HSLC result hi thlir ta ila sawrkar
sikul sawm tel vel hi chu an result sawi tlak a awm ngai lo. Kum 2003 phei kha
chuan exam beitu 7,150 zinga 4,123 zet chu an fail der mai a. Sawrkar sikul zawk
zawk kha a tichhia-ah an \ang a ni. Sawrkar sikul 152 zinga 24 zet chu an
‘artelukawn’ tawp mai a ni. 4 Heti a nih chuan tleirawl hlawhchham sangli rual
zet mai hi kan inchhuah kum tin mai ang tih a hlauhawm ta a ni.
Hemi kawngah hian zirtirtute pawh kan hlawhchhamna thui tak a
awm ve tho bawk. Mi hmantlak, chhawr nahawm leh mi puitling ni tura zirlaite
kan chherna kawngah hian zirtirtute hi kan inbihchian a \ul. Chutih rualin zirlaiten
nawmchen paha lehkha kan zir leh kut hnathawk hnualsawt zawnga lehkha kan
zir tlat hi kan hnam tan a pawi a, a pawi thui dawn chauh pawh a ni thei. Zirlai
tana Pathian rawngbawlna ropui ber chu taima taka kan zirlai zir hi a ni. Piangthar
zirlai chu a zirlaiah a fail tur a ni lovang. A zirlaia a taihmak loh chuan thlemna a
hnai a, exam hall-ah rinawm loh a ti awl a; chu chuan Pathian sawichhiatna
remchang a siam \hin. Zirtirtu tan pawh taima taka zirtir hna thawh hi an
mawhphurhna (duty) leh zahawmna sang ber a ni. Zirtirtu aikal tih te hi Kristian
ram lovah pawh an sawi hriat a ni ngai lo. Rawngbawltute tan phei chuan tih mi
a ni lo. Zirtirtu tan vawk ngah te, arvulh vulh tam leh buh ngah te hi inchhuanna
tur a ni lo. A hna rinawm taka a thawh kha a inchhuanna tur chu a ni.
Lo neih – Kut hnathawh leh taimak
Lo neiha eizawna hi vawiin ni thlengin thingtlangah chuan eizawnna pui
ber a la ni. Khawpuiah erawh chuan hei hi kan kal san deuh tawh. Amaherawhchu
hei hi Mizo mipuite eizawnna bul pui ber a ni tih kan hriat a \ul. Lo neia eizawngte
4 Rev. L.H.Rawsea, Tunlai Khawvela Mizote Harsatna – Thlalaite Thlirna Atangin,
(Aizawl: Lengchhawn Press, 2005)

DIDAKHE : January–February, 2008 13
hi min chawmtu an ni a, kan hmusit a thiang lo. Thingtlang lama kan hna lak pawh
hi a na lo tawlh tawlh ta mai hi kan inrelbawlna fuh tawk loh vang a nih rualin kan
taimak tawk loh vang leh, hna rim kan thawk peih loh vang pawh a ni tel bawk. Rim
taka thawk \hin tan chuan chhungkaw hawp khawp (kham khawp) chu Zoram
leilung hian a la pe chhuak thei niin a lang. Lo lam hna tak tak kan thawk tawh lo a
nih pawhin chuktuah huan kan nei thei a, thlai tam tak bazaar-a lei kher \ul lova
intodelh hram thei tura kan taihmak kan chhuah pawh a \ul hle a ni.
Kan Pathian pawh hian lo neih leh huan siamte hi a lawm zawng tak thil
a ni ang. mihring hmasa ber Adama pawh kha sawrkar hnathawk turin a siam lova,
dawr nghak tur pawhin a dah bawk lo va; leilet tur leh huanpu ni turin a dah a ni
(Gen.2: 5-17)! Chuvangin lo lam hnathawk i nih pawhin taima takin thawk la,
malsawmna chu chung lamin a lo vur ngei ang che.
Dawrkaite leh Taihmak
Mizote hian dawr siam kan uar ta hle. Kan in ruak deuh apiang chu dawr
atan kan hmang ta deuh zel mai a nih hi. Mahse, Mizote hi dawr hawn chungchangah
pawh hian kan taima tawk lova, dawr pawh kan nuam lo hle bawk. Dawr nghak
\hin i nih chuan nangmah dawrtu i customer \ha taka i lo dawnsawn/chhawn kha
Pathian rawngbawlna a ni. Pathian thu sawi zuah zuah chunga min dawrtute lo
uksak loh hi sumdawnna kalphung a ni lova, kan biak Pathian lawmzawng pawh a
ni chuang lo vang. Nangmah dawrtu (customer) pawh lo chhawn \ha duh mang lo leh
peih lo i nih chuan i dawr kha khar mai rawh. I nihna leh i tih tur i hai a lo ni palh ang
e. Dawr nghaka eizawng i nih chuan i dawr nghah kha Pathianin hna a pek che a ni
tih hria la, rinawm leh taima takin nghak la, nangmah dawrtute kha hlim takin lo
chhawn \hin ang che. Hei hi a ni Zoram pawhin kan mamawh chu.
Nitin inhawhfa tan pawh a \ulna a nep bik lo
Inhawhfa chawpa eizawng tan hlei hlei hian rinawm leh taihmak hi a va
pawimawh em. Ruaitute hmuh laia thawk \ha tak, hmuh loh hleka zelthel tak hi
Kristian piangtharte awmphung tur chu a ni lo. Amaherawhchu Kristian piang tharte
zingah pawh chutiang mi chu kan awm leh tlat \hin hian Pathian rawngbawltute sawi
chhiatna remchang a siam \hin. K.|.P te hi kan inhawhfakna hmunah Pathian
chawimawiin a awm em? Kan \halaipui Josefa chu Potiphara in chhungah leh tan in
lamah pawh rin a kai zel. Inhlawhfa pawh ni la, hmun phiat pawh ni la i hnathawha
i taihmaka, i rinawm tlat chuan Pathianin a chawimawi ang che.
Taihmakna leh Rinna Thutiam
Kan Pathian hi kuthnathawk mi a ni. Intodelh leh hnathawh hi
Pathian zia a ni a, mihring awmphung tura Pathian remruat a ni. Intodelh
hlutna hre lo mi chu Kristian \halai hruaituah \ang suh se.

14
DIDAKHE : January–February, 2008
|halai zingah hnathawh kawr ha zak kan tam lutuk hi kan changkan
theih lohna bul a ni. Lehkha chauh zir chhuaka kut hnathawh thiam leh intodelh zir
chhuak lo kan pung zel hi anchhia a tling hial awm a sin. Zirlai nih avanga intodelh
loh chhuanlam hi kan inchhuanna tur a ni lovang. Kawng engkimah mi puitling
tawh te angin kan intodelh vek thei lo a nih pawhin kan pocket money tur leh Rinna
Thutiam (Faith Promise) thawhlawm tur khawp tal chu kan thawk chhuak thei ngei
tur a ni. Chuti a nih loh chuan thawk chhuak theia min siamtu kan zah lova, Rinna
Thutiam nihphung kan man lo hle tihna a ni. Tiam lo ngam zawk hial ila, mi huaisen
kan ni mai. Kan nu leh paten kan hrawk an chawm phawt chuan Pocket money leh
Rinna Thutiam thawhlawm tur hi chu electric bill leh phone bill pek sak inhlawh
emaw, lehkhabu zawrh emaw chanchinbu sem emaw leh inhlawhna dang hmang
hian kan thawk chhuak ve ngei tur a ni. Taihmakna leh intodelhna kawngah hian
sap thalaite awmdan hi i zir teh ang u. An nun chhe lam entawn kher lo hian!
Zirlai ropui min petu – Karimganj tlangvalte hi
Kan rama hnathawh tur a awm lo tia kan iak kan iak laia Karimganj vai
ngal ria te te leh derdep hmel tak takte hian engatinge thawh tur an hmuh reng
theih? Engvanginnge Mizo \halaite hian ban khur laih, cement work, leh puakphurh
hna hi hnam dang thawh tura kan dah tlat. ‘Vai chhia’ kan tih te hi haw ngawt
thei kan ni em? [Keini aia ‘chhia’ ang hrimin!Ed.]. Kan thawh duh loh \ha zawng
zawng min thawh saktu an ni lawm ni? Karimganj vai te hian Mizo Kristian \halai
sek pui puite hnenah hian ‘tumruhna leh taihmakna nena thawh chuan in ramah
hian eizawnna a la tam a ni’ tiin ‘Work Ethics’ min rawn zirtir a nih hi.
Taihmak hi Pathian zia a ni a, mihring ro hlu pawh a ni
‘KTP’ tih leh ‘BPL chhungkua’ tih hi a inhmeh lem lo. Hrisel pangngai,
chaw heh ve tak, hmui leh tui hre ve zet si te hian kan thawh loh chuan min siamtu
Pathian kan hmusit tihna chu a ni chiang mai. Kan Bible chuan ‘Hnathawktu chu
lawmman hmu tlak a ni’ a tih rualin ‘Thawk lo chuan ei pawh ei suh se’ a ti bawk a.
Thawh loh chuan ei tur a awm ngawt dawn lo a, ril\ama thih kan hmabak a ni.
Hnathawk peih lo chu ‘thi mai rawh se’ a tihna tluk a ni. Chuvangin Mizo Kristian
\halaite hian hnathawh hi kan chawisang tur a ni a, thawh neih loh hi thih hreh
takin kan hreh zawk tur a ni. Eng hna mah hi zahpuiawm a awm lo. Hna thawk peih
lote hi an zahpuiawm ber. Mi thatchhe dawngdah rilru chu Setana púm (workshop) a
ni. Thawhrimna avang ni lova hausak thut tum (lottery syndrome) hi Pathian huatzawng
tak a ni. Hnathawh hi Pathian zia a ni a, a zuitute chuan chu zia chu kan kai ngei tur
a ni. Kohhran inrelbawlna kawnga kan pu ber John Calvin-a pawh khan “Hnathawh
hi Pathian biakna a ni” a lo ti hial a ni.
Hnathawh i hreh a, i thawk peih lo a nih chuan Setana ram chhungah
i awm reng tih hria ang che. Pathian fa nih i duh a, a lawm zawng mi nih i

DIDAKHE : January–February, 2008 15
thlakhlelh tak zet a, Mizo \halaiten Lal Isua Krista hmel kan tihbalh i duh loh
ngat chuan hnathawh tur i hmuh ang ang kha taima takin thawk mai rawh.
Taihmakna hi mihring rohlu a ni tih theihngilh lo la, mi taima chu Pathianin a
chawimawi thin tih hria ang che. Hnathawh chawisang hnam leh ram chu
Pathian pawh hian a chawisang ve zel mai a ni.
Taihmakna hi Thlarau lam thil a ni
Mi thiam tak Prof. M. Douglas Meeks-a chuan, ‘Ei leh bar dinhmun
\ha lovin thlarau nun a hnuk hniam a, Pathian thu pawm dan fuh tawk lovin
ei leh bar dinhmun a tisang thei lo,’ 5 tia a sawi hi a dik hle a ni. Pathian hi Biak
In chhungah chauh nilovin kan nun hmun kilkhawr ber thlengin a lalzia tih
lan tur a ni a, Pathian kan rinna hian fairel bel leh ei leh bar zawnna kawng
zawng zawng a thleng ngei tur a ni.
Mizote hi hman lai kan pi leh pute thih hnu khawvel hian min kaihruai thui viau
niin a hriat a. An thlarau khawvel suangtuahna duhthusam chu Pialral a kal theih a ni.
Pialral an kal chakna chhan ber pawh hnathawk lovin faisa ringin an awm der der tawh mai
dawn niin an ngai \hin. Kan hnam pumpui Kristiannain a chiah hneh ve hle tawh hnuah
pawh hian vanram kan suangtuah dan hian kan pi pute Pialral hnuhma kan la hmu thui
hle a ni. Vanram hi thawk lova tlai leh puar taka awmna hmunah kan ngai a la nih ber rih
hi. Kan thlarau mi dan hian van lam a hawi tlat a, he leia kan nunpui tur leh awm dan tur
phawkchhuak zawngin Pathian thu kan kalpui tlem deuh zawng a ni. ‘Kan Pathian hi
hnathawk \hin Pathian a ni a, keini ringtute pawhin rim tak leh taima takin hna kan thawk
tur a ni’ tih hmang te hian Kohhranah beihpui kan thlak a hun hle a ni. Kristian chhungkua,
khawtlang leh ram tih leh ‘BPL chhungkua’ nih hi thil intulo tawp a ni tih i hria ang u.
Kohhran siamthatna hna thawktu Martin Luther-a leh John Calvin-a te khan
kut hnathawh hi an chawisang hle a. 6 Mi zawng zawng hi Pathian ropuina tura thawktu
kan nihzia leh he leia Pathian ram din tura ringtute mawhphurhna an uar hle a ni. Calvina
zirtir dan phei chuan ringtute hi thlarau khawvela intlakral ringawt tur kan ni lo va; leilung
hausakna hai chhuak a, Pathian ropuina leilung hausakna hmanga hre zual zel tur kan
nihna a uar hle bawk a ni. Eizawnna hi Pathian rawngbawlna hna vek a nih thu a sawi uar
hle. 7 Mi thiamte pawhin khawvel hausakna leh changkanna thlentu pawimawh berte
zingah an telh hial nghe nghe a ni. Mi thenkhat erawh chuan mimal zalenna a dah len em
avangin mi hausate vulh liantu leh an hamthatna kawng sialtu-ah an puh thung.
5 M.Douglas Meeks, God The Economist (Minneapolis :Fortress Press, 1989), 23
6 E.Clinton Gardiner, Biblical Faith and Social Ethics (New York: Harper & Row,
Publishers, 1960), 298.
7 Rev. R.Lalthanmawia, “Calvina Zirtirna leh Khawtlang Nun Siamthatna….,” 9.
Sumdawnna hi hna dang ang bawka sualin a chim chhiat a ni a, Pathian thu
chuan chu chu a siam \ha tel ngei turah a ngai a ni.

16
DIDAKHE : January–February, 2008
Mihring nunho dan zirna kawnga mi thiam (sociologist) hmingthang
tak Max Weber-a (1864-1920) chuan Protestant Kohhrante hian he khawvel kan
chen mek laia ringtute mawhphurhna an zirtir uar avangin Kristian ramte hi
Kristian lo ram ai chuan an changkang hle zawk niin a sawi a. Kristian rau rauah
pawh Protestant dinnghehna ram chu changkang leh intodelh hle zawk niin a
sawi bawk. 8 Zoram Kohhrante hi Calvin-a hnahthlakte tia sawi theih deuh vek
kan ni. Chuvangin ei leh bara kan intodelh hi Pathian fa kan nihna leh Calvin-a
hnahthlakte kan nihna atangin a \ul takzet a ni. Ei leh bar- khawsak relbawlna
intodelh lo lutuk tan tunlai khawvelah nun khawchhuah theih a ni lo.
Taihmak hi hnehna a ni.
Thawhrimna leh taihmakna hi khawvel hnehna a ni bawk. Tharum
hmanga Khawvel pumpui awp turin Japan hote chuan Indopui pahnihna an
chawk chhuak a, mahse an hlawhchham chiang hle. Technology hmanga khawvel
awp an tum leh ta zawk a, thawkrimna theih tawpa an beih hnuah chuan
khawvelin ‘Made in Japan’ tih chu \ha turah kan ngai thup a, an khawl thil siam
chhuah hmangin khawvel an awp mek a; an taihmakna leh thawhrimna rah an
seng mek a ni. Japan ho dictionary-ah chuan hunawl tih a awm ve lo an ti \hin.
Kan Bible pawhin “Mi a hnathawha taima chu i hmu thin ngai em?
Lal hmaah te a awm ang a, mi naran hmaah chuan a awm lo vang,” a lo ti a ni
(Thuf. 22: 29). He Bible thu hi i chhut chiang tawh ngai em? Lal hma-a awm
tur, Lal ina khawsa tur, Lal dinhmun luahtu tur chu tu dang ni lovin, ‘mahni
hnaa taimate’ hi an ni. Chung mite chuan mi dang pawh an hneh \hin a ni.
Tlangkawmna
‘Taihmak hi vanneihna nu chu a ni’ an tih laiin hian ‘dawngdahna leh
thatchhiatna chu Setana bu khuarna a ni’ thung. Kan biak Pathian hi tun thleng
pawha hnathawk reng a nih avangin a ringtute chu kan hnathawhna hmun apiangah
kan inthlahdah thiang lo. Taihmakna kawngah Pathian zia kan kai tur a ni. Taihmak
hi Pathian zia a ni a, mihring sum hlu pawh a ni. Kan nitin hnaa rinawm hi Pathian
rawngbawlna ropui tak a ni. Nitin eizawnna kawnga taima leh rinawm taka kan
thawh hi Pathian kan chawimawina a ni a, mahni pawh a ti zahawm bawk \hin.
Dawngdah leh zelthel taka kan nitin eizawnna hna kan thawh hi a pawi a; a
Kristian lo hle bawk tih kan hriat thar a \ul a ni. Hawh u, kan Zoram siam \ha tur hian
rim leh dik takin hna thawk ila, kan hnathawh a piangah i taima ang u.
8 Lallungmuana, “Mahni Intodelh: Kohhran Lam” (Unpublished Seminar Paper, n.d), 1.
(He thuziak hi Dinthar Branch K|P zingah nikum 2007 October ni 9 khan zir ho a
ni a; \halaite zinga zirho tura buatsaih a nih avangin \awngkam hriam deuh pawh
hman luih a ni a, chhiartuten in lo hrethiam dawn nia – Editor).

DIDAKHE : January–February, 2008 17
Kumthar Thuchah
LAL ISUA ENG CHU ZUI RAWH
“I thu hi ka ke atante hian khawnvar a ni a,
Ka kawng atan eng a ni”. Sam 119: 105
Rev. Dr. C. Lalhlira
Kum thar kan lo chuang kai leh ta a, Kristiante chuan Pathian khawngaihna
avang a ni tih kan hria a. kan lâwm zual bik a ni. He kum thar thlengtu zawng
zawngte kan Lalpa Isua Krista Hmingin Chibai ka buk a che u. Kum Thar min hruai
thlengtu Pathian hnênah lâwmthu i sawi mawlh mawlh ang u.
Kum thar kan lawm hian min hruai thlengtu Pathian theihnghilh
phah khawp \hakin kan lawm ang tih a hlauhawm hle \hin. A lawman lam uar
ai chuan kum tluana kan nun kaihruaitu tur mumal tak kan insiam a \ha
khawp ang. Mahni nun chu mahni thu thuah a innghat thui hle a. Mi tumahin
i nun kawng zawh turah thu tawp an siampui tak tak thei lo che. Mahni –
keimah, nangmah, ngei hi kan nun dan tur ruahmantu kan ni a. Chuvang
chuan min kaihruaitu tur thupui mumal tak kan thlan a pawimawh khawp
mai. Thu\ha tam tak hriain, mi fing leh mi thiamte zirtirna pawh dawng mah
ila, a zawm tura thutlukna siamtu chu mahni kan ni leh tho a ni. Pathian thu
pawh ngaithlain hre \hin mah ila, zawm duhna nen kan dawnsawn loh chuan
a thlawn mai a ni. Chuvangin tuna kan sawi tur pawh hi zawm turin tumah
kan ti lui thei lo. Chuti chung chuan kum tluana kan nun kaihruai thei tur
thupui atana rawtna siampui che ka duh a ni.
Khawvel hnam chi hrang hrangin kum chhiar dan an nei hrang a,
mahse hman tlanglawn ber chu Kristiante Calendar ‘Gregorian Calendar’ tia
an sawi \hin hi a ni. (Tunlai hian Common Era (C.E.) tiin an sawi bawk.
Calendar dang nei vete rilru tih nat hlauh vanga a thleh mawina a ni ber awm
e!) Heng calendar kum tharah hian ‘Kum thar thu tiam’ (‘New Year Resolution’)
an ti a – Thil chín tha lo zûk leh hmuam leh ei-in taksa tichhe thei bãnsan tur
emaw, vãntlâng tân leh Pathian rawngbãwlna atâna thil \ha ti tura intiam
nânte emaw an hmang \hin. Tûn \uma kan kumthar thutiam atâna ka han
rawt duh chu – Lal Isua Eng Zui tih hi a ni.
Kan sawi tur hi sakhaw dang betute tân a ni lo va, hnam dang,
\awng dang hmangte tân lah a ni hek lo. Mizo Kristiante tân a ni. Thuthlung
Hlui mite chuan Pathian thu chu an kawng entu a ni an lo ti a. Chu mi awmzia ni

18
DIDAKHE : January–February, 2008
awm chu Pathian duhzawng chuan an nun dan tur dik leh dik loh a kaihruai tihna
a ni. Kan awm dan tur te, kan hun tawng tur te hi enge a nih dawn hre lo mah ila,
Pathian thu atanga kan awm dan leh nun dan kan inteh reng chuan eng pawh
kan dawngsawng thei ang a, sual leh tha, fel leh bawlhhlawh kan thliar hrang
thiam ngei ang. Keini Lal Isua ringtute tan phei chuan a thu mai ni lovin, Amah
ngei chuan he khawvel lei rawn rapin, Pathian duhzawng leh lawm tlak nun chu
hmuh theih leh khawih theih ang maia chiangin min rawn kawhhmuh a ni.
Mi \henkhatin insawi\haih zâwngin Mizoramah chhiatna nasa tak lo
thleng mai dâwntein an sawi \hin a. Kan hun tawng zêlah hian Pathian duhzawng
kan zawn loh chuan eng emaw chhiatna lo thleng mai dawna sawina a lâr khawp
mai. A dik lovang kan ti thei lo va, a dika han rinpui viau dawnin a lo la thleng
miau si lo va, kan sawipui thei thui vak lo. Heng an sawi hma daih khan Lal Isuan
a lo sawi tawh a, thil thar mak taka ngaih hranpa tur a ni lem lo. A enga pawh chu
ni se, Kristiante chuan ngaihngamna chhan tur \ha tak kan nei. Chhiat rupna lo
thleng pawh ni se, harsatnain min rawn nang mahse, awm dan kan thiam theihna
tura kawng min kawh hmuhtu Isua Krista “Khawvel Entu” kan nei a. Chu mi Eng
chu kan zui chuan kum tluan mai ni lovin chatuan daih NUNNA ENG kan nei
dâwn tih min tiam nghe nghe. “Kei Khawvêl Entu ka ni; tupawh mi zui chu
thimah a leng tawp lo vanga, NUNNA ENG a nei zâwk ang,” tiin (Joh. 8: 12).
He Eng hi Lal Isua Chanchin \ha ziaktu Johana chuan “Eng tak”
(êng dik) a ni tih min hrilh (Joh. 1: 9). Chu êng chu mahnia awm chawp a nih
avangin engmahin a ti thim thei lo. En theih loh lai a nei lo. Nî khi chuan ên
theih loh lai a nei. Lei chanve a en laiin a chanve dang chu a thim \hin. Lal
Isua engah chuan engmah thim a awm lo va, lang lo a awm hek lo. Khawvêla
kan awm dãn turte, khawvêl piah lam thleng pawha kan nun dan tur kawng
dik min kawhhmuh thei Eng chu a ni. Chu eng chu zui turin kum tharah hian
kan intiam dawn lawm ni? Chuti mai pawh chu a la ni lo. Nun dan duk leh dik
lo, nun tlo leh tlo lo, tha leh tha lo hriat theihna chu Lal Isua Eng a\angin a ni.
A Lem leh a Der Khawvêl: Kan awmmna khawvêl hi a lem a tam hle. Rangkachak
leh lunghlûte pawh a lem an siam zêl; thil \ha, tlo leh nalh a lo chhuah hnu lawkah a
lem a lo chhuak leh \hin. A der pawh a tam. Lemchanna khawvel a ni a, nun dãn lem,
chan chawp a tam a, chu chu a tak emaw tia lo entawn pawh kan tam mai. Chutiang
bawk chuan kawng dik leh \ha ni awm tak, “a tawpa thihna” ni leh si a awm bawk.
Chutiang kawng zawhtute chu an boral chawk. A der thlangtute chu an inchhîr thina,
a lem leitute chuan pawi an ti hle thin. A der leh a lem, kawng bo theihna zawh palh
a hlauhawm ngawt mai. Lemchanna khawvêla lemchang \hinmi tam tak chuan an
lem chan zia an nunpui a, nupa \ang \hen te an tam hle a. Ruih theih thil nena inham
buai pawh an tam mai. Sum leh hausakna leh nawmchenna te chu thil tak tak niin an

DIDAKHE : January–February, 2008 19
lantir a, mahse chutiang zuitute chu kawng lakah an tlu chhe leh \hin. Khawvelin
hlimna, muanna, lungawina nia a zirtirte chu sum leh paia hausakna te, in leh lo
ngelngheh te, mipat hmeichhiat nawmchenna te a ni. Mahse heng thila inhmang
nasa apiang hian a tlo lohzia an hre chhuak leh thin. Thutna dupah kan thu a, atirah
a nuam viau a, a tawpah a ruh leh tho ang hian khawvel nawmna chu a tirah
hlimawm leh nuamin hre mah ila, a reiah a lo hrehawmin a lo kha leh thin. Mi
\henkhat erawh chuan an lem chante ataka chantir lovin nun zahawm tak leh
chhenfakawm tak an nun chhuahpui ve mêk bawk. Chutiang lemchanna khawvêlah
chuan kaihruaitu \ha leh belh tlak kan hmuh loh chuan hruai bovin kan awm ve mai
dawn a ni. Kaihruaitu tling leh belh tlak êng dik tak chu Isua hi a ni.
Isua chu ÉNG Tak Tak a ni: Zan thimah chuan thil kan hmuh chian theih loh
avangin hlauh tur kan hlau lo va, hlauh loh tur kan hlau chawk. Isua khawvêla a
lo kal khan hlauh tur dik tak min rawn hrilh a; duh tur dik te, ngaihhlut tur dik te
min hrilh a. Nun dan \ha leh Pathian duhzawng pawh amahin min hrilh. Chungte
chu kan zawm chuan NUNNA Eng chuan kan nun a hruai ang a, kan buai philî lo
ang. Chhiatna eng anga nasa pawh lo thleng se Isua Krista zârah kan him ang.
Mite angin tuar ve tho mah ila ama zârah hahdamna leh lungawina kan hmu ang.
Êng Chuan Sualna Thim A Do: Lal Isua Eng chuan Sual a ti lang fiah \hin. Thil
mak ang reng tak chu khawvel \awngkamah pawh hian ngaihtuahna sual leh thil tih
sualte hi thim nen tehkhin a ni ve fo mai. Mi bum te, sum dik lo lakte hi thim angin an
sawi thin (entirnan Saptawngin black mail, black money, etc) Khawvelah mihringpuite
tichhe zawnga chêtna te leh mahni nunna ngei pawh tichhe duh khawp sualna a
awm \hin. Hengte hi kaihhruaina dik lo, thim zui vang a ni. Thima thiltih chu a tha lam
a awm lo. Ruih theih thil ti \hin te, rukru \hinte, inngaihna sual ti thinte leh nawmchenna
dang tite hian thim an chuh \hin. Lal Isua Eng hi kan zui erawh chuan mahni tana \ha
tur mai ni loin midangte tâna \ha pawh min tih tir thei a ni.
Kum thar hian eng ang Boruak nge a rawn thlen dawn kan hre lo.
Kan chhuidawn theih erawh chu Mau tãm \ãm lo thleng tur hi a ni. Politics
boruak sâng tak kan hmachhawn leh dawnin a lang bawk – Inthlan kan
hmabâk avangin. Chu chu ram pumin kan hmachhawn tur a ni. Khawkheng
te, ruah sur nasa te, lei min leh tui lian, thlipui te pawh a lo thleng lo vang tih
kan sawi thei lo. Mimala kan hmachhawn tur harsatna tamtak a awm mai thei
bawk. Thalai tam tak chuan hmabâk \ha tak neia in inhriat loh avangin in bei
a dawng hle mai thei e. Kut hnathawk mite tan pawh buh leh bal leh thlai thar
hlawk loh avangin ngaihtuahna a buai viau mai thei. Eizawnna kawng dang
zawhtute pawhin sum a vãn avãngin in hma lam a thimin in hria a ni mai thei.
Taksa bawrhsawm avãng pawhin hlimna chân dawna inhria pawh kan awm
mai thei e. Chutiang thil harsatna chi hrang hrang chuan min hmuakin hre

20
DIDAKHE : January–February, 2008
mah ila, Isua, kawng dik min kawh hmuh thei kan nei tih hi kan hre reng thei
dawn lawm ni? Kan hla chuan:
Hmatiang Hmuh lawk loh kawng, Hlauhawm a hnai thei;
A Hnai zawk Chhandamtu’n, Thlamuang rawh min ti.
Khua thal Sirvate ang, Lunglai ka lawm ta;
Hlimin ka zai zel ang, Min kalsan lovang tiin, a ti a ni.
Thinurna te, lungawi lohna te, beidawnna te, hlawhchhamna te a lo
thlen hian ngaihtuahna fîm hmang hman lo lêka chét rum rum a awl khawp mai.
Chutiang hunah pawh chuan kaihruaitu atan Isua – ENG TAK, NUNNA Eng chu
kan zui dawn lawm ni? Hei hi kan kum thar thutiamah i nei \heuh teh ang u.
Thufingte 3: 1-8-ah chuan thurawn fing tak kan hmu. Hei hi sakhaw
dang vuantute chuan lo awih lo pawh ni se, keini Kristiante tan chuan zawm
ngei ngei chi a ni. Pathian Dãn hriat leh vawn tlatna hi kan dam chhûng tisei
thei khawp a ni. Mi tamtakin Pathian Dan an hawisan a. Lal Isua Eng an zui
loh avangin an taksa tichhethei thilin an intichhia a, \halai tam tak an thi mek
a nih hi. Mifing thurawn chu hei hi a ni:
I thinlung zawng zawngin LALPA ring la,
Nangma hriatna-ah innghat suh.
I kawng zawng zawngah amah hre reng la;
I kawngte chu a kawhhmuh zel ang che (Thufingte 3: 5-6).
Pathian hriatreng hi har kan ti \heuh mai. Mahse, mahnia kan kal dawnin
kan buai si a. Eng pawh ti dawn ila, eng thil pawhin min rawn nang se, “Pathian
hriatreng” chu kan tum dawn lawm ni? A chhunzawmna pawh hi a la \ha hle mai:
Mahni ngaihin intifing suh la;
LALPA chu tih la, sual kalsan rawh (Thufingte 3: 7-8).
Sual kalsana thil \ha ti turin kan rilru kan siam dawn lawm ni? Chu
chu thu tiamin a zui a: Hriselna leh chakna a ni. Mahni hriatna leh
remhriatnaa kan innghah hian kan buai thin alawm. Kum tharah chuan Lal
Isua hruaina zuiin, a kawng min kawhhmuh kan zui chuan kan tan a tha ang.
Kum Thar hlim taka i hman theihna tur leh kum tluana kawng tluang i zawh
theihna turin Ìng dik tak Lal Isua êng chu zui turin ka sâwm a che.
Lalpa’n A thu malsawm rawh se.
(Courtesy: LPS Vision, Aizawl : ‘2008 Kumthar thuchah’. Didakhe-a chhuah
tura siam rem hret a ni e, Ed.)

DIDAKHE : January–February, 2008 21
MIHRING LEH SUAL THU
Rev. Rosiamliana Tochhawng
I. Mihring Inhriat Dan leh a Nihna
“Mihring hi eng nge maw a nih a, i hriat reng thin ni? Mihring fapa
pawh hi eng nge maw a nih a, i kan \hin ni?” (Sam 8:4).
He Sam-a kan hmuh ang hian mihring hi eng nge a ni tih zawhna hi
mi zawng zawng tan zawhna pawimawh kan inzawh \hin a ni. Thil kan
hriatthiam dan hi kan nun chhuahpuiin kan thawh chhuahpui \hin a,
chuvangin mihring hi engnge a ni tih kan chhan dan hian kan awm dan pum
pui hi a hril thei a ni. |ha leh sual kan tehnate pawh hi eng nge kan ni tih kan
hriat danin a siam a ni. Sual chu engnge a nih chiah, mihring te hi engvanga
sual nge kan nih tih te hi ngun taka zir a \ul hle a ni.
1. Mihring nihna leh a inhriat dan:
Mihring hi eng nge maw a nih le tih zawhna hi mihringte thinlunga
zawhna riak reng pakhat chu a ni phawt ang. Ni-a a inhriat dan angin mihring
chu a nung mai dawn a, chuvangin ni-a a inhriat dan hi a pawimawh hle reng
a ni. Mihring chuan amah leh a chhehvel thil tam tak te chu a han en a, a
chhehvela thil awmte lak a\angin a danglam a ni tih a han inhmu a, tichuan
a nihna chu a zawng ta a, chumi hriat chak chuan a tuihal a ni.
Lal Davida zawhna ‘Mihring hi engnge maw a nih a…” tih bawk kha
tunlaia khawvela pa lar ber pawl, sum tam tak neia lar em em, mite ngaihsan
tak pakhat David Beckham-a rilruah pawh a riak reng a ni ang, ‘tunge i nih a,
khawnge i awm a, khawiahnge I kal zel dawn’ tiin a inzawt nasa a ni. Chutiang
bawkin Thuziaktu lar tak, US President Nixon-a thachhangdawltu ni \hin lo
piangthar ta Charles Collson pawhin kristianna hian ‘khawi a\anga lo awm
nge ka nih a, engatinge hetah hian ka awm a, khawnge ka kal zel dawn tih
zawhna hi a chhang tur a ni,’ a ti.
Mihring nihna sawifiahna hmasa pawl nia an sawi chu hmanlai
Greek mifingten an lo sawi dan hi a ni. Greek mifing (philosophers)-te khan
tawi tein mihring chu ‘thilsiam ke pahnih nei, thla nei si lo a ni” (a two legged
creature without wings) an ti tawp mai a. A tawi hle nain awmzia an neih tir
thui hle. Thilsiam dang thla nei lo zawng chu ke nei lo emaw, ke pali emaw a aia
tam nei emaw an ni vek a, ke pahnih nei thilsiam dang chuan thla an nei thung
a ni. Mihring chuan thilsiam dang zingah anpui a nei lo a, anna a nei vek bawk.

22
DIDAKHE : January–February, 2008
Sakhaw hrang hrangte leh khawvel finna leh Science thiamna
hmangte pawhin mihringte hi eng nge kan nih tih hi nasa taka chhui a ni.
Hindu-te hriat dan: Hindu-te chuan mihring thlarau (atman) chu
Pathian (Brahman) them a ni a, thi thei lo niin he taksa kawrah hian a tang a, a
thiltih \hat leh \hat loh azirin thil chi hrang hrangah a piang nawn a piang
nawn mai a ni. Chu thiltih ang zela pian nawnna (karma samsara) laka chhuaha
mihring thlarau chu Pathiana hip rala a awm chuan chhandamna (moksa) chu
niin an ngai a ni. Chi inthliarna an zirtir bawk a, Pathianin a siam dan rengah
mihring hi kan intluktlang lo a ni.
Muslim-te ngaihdan: Islam sakhaw zuitu Muslim-te hian Pathianin
Amah anga Adama a siam thu leh suala an tluk thute pawh hi an pawm a,
mahse Adama sualna chuan a thlah teah sual inrochun kan tih ang hi a hring
ve kher lo va, mihring piang tirte hi sual emaw \ha lam emaw awn sa niin an
ngai lo. Pathianin Setana chu mihringte bum theihna a pe a, chuvangin
mihringte chu sual tihbuai theih reng an ni thung a, mihringte \anpui turin
Pathianin zawlneite a tir \hin niin an ngai.
Buddhist-te ngaihdan: Buddha sakhaw zuitute chuan thil awm reng
reng hi inzawm vekin, chumiah chuan mihring hi tel ve pakhat angah an ngai
a, mihring nihnaa thil langsar ber chu danglam reng a nihna hi a ni an ti.
Hindu-te ang deuh bawkin pian chhawn thurin an nei a, chutah chuan mihring
chu a nihna tak bo chuang lovin a piang danglam reng a ni an ti. Thing lo
thang lianin chi a chhuah a, chu chi chu thingah a lo \iak leh ang hian mihring
pawh a nihna hmasa ang ni si lo, mahse a hmasa nena intan hrang daih ni si
lovin a piang nawn zel a, chumi a\anga tawp chu zalenna emaw chhandamna
(nirvana) niin an ngai.
Sakhaw \henkhatten mihring an ngaihdan kan zir ta a, hengte hi
mihringin nia a inhriat dan \henkhat a ni a tih theih awm e. Sakhaw pawn lam
a\anga hriat dan tlem tlem lo chhui leh ila.
Scientific Materialism: Mihringin Science thiamna avanga thil tam tak
a tih theih tak avangin thenkhat chuan mihring an ngaihdanah Science a
lian ta hle. Thenkhat chuan mihring hi Pathian siam a nihna lam aiin zawi
zawia thilnung te tak te a\anga lo piang chhuak angin an ngai a, thlarau lam
thil hlamchhiah a ni a. Mihring hian a mamawh ang chu a thawk chhuak
theiin a tum thleng turin theihna a nei tih hi mi tam takin mihring an hmuh
dan a ni. Mi mal tin hlutna pawh an mahnia theihna awmah a innghat a,
chuvangin an ngaihdan chuan mi mawl tam tak ai chuan Scientist pakhat
pawh a hlu zawk a ni.

DIDAKHE : January–February, 2008 23
Communism: Communist-te chuan sorkar tha neih hi thupui berah an
neih a, chuvangin an ngaihdan chuan mihring pawh hi sorkar tha tak dinna
hmanrua a ni ber mai. Sorkar \ha dinna daltu chu sakhua pawh ni se nuai bo
an duh \hin. Mi mal hlutna aiin sorkar \ha kha an ngai pawimawh zawk a ni.
Mao Tse Tung-an ‘silai ngul hi thiltihtheihna a ni’ a tih angin tharum pawh
hman an uar deuh bik.
2. Mihring nihna – Bible-in a sawi dan tlangpui: Mihringin amah a
inhriat dan kawng hrang hrang kan sawi ta a, sawi leh tur pawh tam tak a
awm thei awm e. Mihring hi eng nge maw a nih tih zawhna hi chhanna a tam
hle a ni. Mihring hi engtia lo awm nge, engvanginnge tuna a awm ang hian a
awm a, khawnge a kal zel dawn tih zawhna te kha chhan lo tum ila. Bible-in
min hrilh tih lam i han en ve thung teh ang.
Bible-in mihring chungchang a sawi dan kawngpui awm ruah a awm a.
‘Mihring chu Pathian siam a ni a, Pathian hawisanin sualah an tlu a, chhandamna
kawng siam sak leh a ni a, chhandamna tura Krista ringtu chu chatuanin Pathian
hnenah an awm ang a, ringlotu erawh chu chatuan hremhmunah’ tih hi Bible-in
mihring chungchang a sawi dan khaikhawmna a ni thei ang.
Chutichuan mihringin a inzawh fo chhanna chu Bible-ah kan hmu
ta. Khawi a\anga lo kal nge kan nih a, engtia lo awm ngawt nge kan nih tih
chhan chu Pathianin mihring a siam tih a ni a. Engvanginnge tun dinhmunah
hian kan awm tak tih zawhna chu suala tluk thuin a chhang a, khawnge kan
kal zel dawn tih zawhna chu chhandamna thurin hmangin chhan a ni ta.
Bible zirtir dan chuan mihring chu thil nung lo piang danglam zel a\anga
lo awm a ni lo a Pathian siam a ni. Pathianin mihring a siam thu hi Gen 1:26-27 leh
2:7ff ah kan hmu a, helai hi mihring siam chungchang Bible-a kan hmuh langsar
tak a ni. Mahse heng chauh hi Pathianin mihring a siam thu Bible-a kan hmuh an
ni lo. Joba buah chuan Pathian chu ‘Siamtu’ tih a ni a (Job 32:22; 35:10; 36:3), Sam
bu hian Pathian chu mihring siamtu a nihzia a sawi uar hle (Sam 95:6; 14:31; 22:2)
zawlneite pawhin Pathian chu mi zawng zawng siamtu a nihzia an tlangaupui a
(Is. 51:13; Hos 8:14). Lal Isua pawhin Pathianin mihring chu leilung piantirh
a\anga hmeichhia leh mipaah a siam thu a sawi (Mk 10:14).
Mihring chu Pathian anpuia siam ni mahse Pathian them a ni lo a, Pathian
tisa peng emaw, Pathian thil engemaw a\anga siam a ni lo a, chuvangin engti kawng
mahin Pathian a ni lo. Pathian thilsiam, a siamtu rinchhana nung mai tur a ni.
Pathianin duh takin mihring a siam a, ropuina pein thil dang chungah
thu a neih tir a, amah nen an inpawl \hin. Chumi zawh chiaha mihring awmdan
Bible-in a sawi chu suala tlukna thu a ni. Gen. 3: 1-13-ah chuan mihringin Pathian

24
DIDAKHE : January–February, 2008
a tluksan thu kan hmu a, Pathian thupek awih loin an bawhchhia ta a. Gen 3: 14-
21-ah Pathianin an sual avanga a hrem thu leh chang 22-24-ah chuan Eden huan
ata hnawhchhuah an nih tak hial thu kan hmu a ni.
Mak ang reng tak chu Bible-ah hian mihring sual thu vawi tam tak
kan hmu a, mahse tlukna thu hi sawina dang a vang hle. Thuthlung Hlui
hmun dangah hmuh tur a awm lo a, Lal Isua pawhin tlukna thu hi a sawi lem
lo. Paula hian Rom 5: 12ff, I Kor 15:22; I Tim 2:14 ah te hian Adama
bawhchhiatna leh Adama-ah mi zawng zawng an thih chungchang hi sawi a
ni a, hei bak hi chu chiang taka sawina a vang hle.
Eden huana Evi leh Adama te tlukna thu hi hmun dangah chiang taka
sawina awm lo mahse Bible hian mihringte chu Pathian duh loh zawng tia sual an nih
thu erawh chu a sawi uar hle. Thuthlung Hluia dan leh thupek hrang hrang te pawh
hi suala tlu tawh mihringten Pathian thianghlim an pan theihna tur a ni a, Zawlnei te
phei chuan sual sim turin an au nasa hle \hin. Fakna leh Finna (Sam leh Thufingte)
buah te pawh mihring sual zia chiang takin kan hmu. Lal Isua pawhin mite chu an
sual sim turin a ti a, Thuhtlung Thar lehkhabu hrang hrangah pawh mihring sualna
kan hmu. Bible hi mihring sualzia tarlanna bu a tih theih hial awm e.
Sual avanga Pathian hremna thu kan hmu a, tuna kan dinhmuna
kan dinna chhan ber chu suala mihring tlukna a ni. Chuvangin engatinge
hetia kan awm tih chhanna chu Pathianin duh takin min siama, mahse kan
tluksan tak avangin tuna kan dinhmunah hian kan ding a ni.
Suala an tluk hnu pawhin Pathian mihringte chu a hmangaih zui reng a, a la
tuamhlawm zui zel a (Gen. 3:21), chhandamtu pawh a tiam nghal a (Gen 3: 15), chu
chhandamna thutiam chu Isua Kristaah tihfamkim a ni a. “Pathianin khawvel a hmangaih
em em a, chutichuan a Fapa mal neih chhun a pe a, amah chu tupawh a ring apiang an
boral loh va, chatuana nunna an neih zawk nan” (Joh 3:16). Suala tlu tawh, Pathianin a
hrem te chu chhandam turin Isua Krista a lo kal a, amah ring apiang chu chhandamin an
awm ang, ringlo erawh chu thiam loh chantir an ni ang. Tichuan khawnge kan kal zel
dawn tih thuah Bible-in kawng hnih min hrilh a, ringtu chu chhandamna changin
Pathian hnenah an kal ang a, ringlo erawh thiam loh changin hremhmunah an kal ang.
Kan zirlai hi lo khaikhawm dawn ila. Mihring hian engnge kan nih
chiah a, engtia lo awm nge kan nih a, engati nge he hetianga kan awm a,
engtinnge kan awm zel dawn tih hriat kan chak a ni. Nihna dik tak inhriat hi
a \ul a, awmdan dik kan hriat theihna tur a ni.
Bible chuan mihring hi Pathian siam a nih thu chiang takin a sawi a,
chuvangin mihring chu Pathian them eng emaw tia lo tla emaw rannung
piang danglam emaw ni loin Pathianin a duh ang taka a siam a ni.

DIDAKHE : January–February, 2008 25
Pathianin duh taka a siam chu sualah a tlu a, Pathian hremna tuarin
a hnen ata tihhran a lo ni ta a, chu dinhmun rapthlak tak ata tlan chhuak leh
turin Isua Krista hmangin chhandamna pek a ni a, chumi pawma ringtu chu
chhandamin a awm ang a, ring duh lo erawh chu thianloh chantir tur a ni.
II. Pathian Anga Siam Mihringte Dinhmun
Pathianin mihring a siam thu hi Genesis buah sawi dan chi hnih kan hmu.
Pakhatnaah chuan Gen 1: 26-27 –ah “Tin, Pathianin, “Kan anpuiin, keimahni ang
takin mihring siam ila, anni chu tuifinriata sangha chungah te, chung leng sava
chungah te, ran chungah te, lei chung zawng zawngah te, rannung leia bawkvaka
kal zawng zawng chungah te thu I neih tir ang u,” a ti a. Tichuan Pathianin ama
anpuiin mihring a siam a, Pathian anpui ngeiin a ni a siam ni; mipaah leh hmeichhiaah
a siam a ni,” tih kan hmu a. Hetah hian Pathianin mihring a siamin hmanrua a
hman thu sawi a ni lo a, mipaah leh hmeichhiaah a siam a ti nghal mai a ni.
Pahnihnaah chuan Gen 2: 7-ah “Tin, LALPA Pathianin leia vaivutin
mihring a siam a, a hnarah chuan nunna thaw chu a thaw lut a: tichuan
mihring chu minung a lo ni ta a.” tih kan hmu a. Hetah hi chuan Pathianin
mihring siam nan vaivut a hman thu kan hmu ta a, thaw hmanga tihnun a lo
ni ta bawk. Hmeichhia siam a nih chhan leh siam a nih dan pawh kan hmu zui
a. Mipa amah chauha a awm \ha ti loin, a nakruh a\angin hmeichhia a siam
tih kan hmu (Gen 2:20-21).
|henkhat chuan mihring siam thuah hian thlarau lam siam thu leh
taksa lam siam thu hi a hrang niin an ngai a. Gen 5:1,2 a ‘… Pathianin thu
ngawta mihring a siam ni khan Pathian anpuiin amah chu a siam a: thu ngawtin
mipa leh hmeichhiaah anmahni chu a siam a ni; thu ngawta siama an awm ni
khan mal a sawm sak a, an hmingah chuan “Mihring”, a vuah a’ tih leh Gen
1:26,27 hi thil thuhmun nia ngaiin mihring thlarau siam thu niin an ngai a.
Chutiang bawkin Gen 2:7ff hi taksa lam siam thu ni ve thung an ngai a, tichuan
mihringah hian thua siam leh vaivuta siam thliar hran tur niin an ngai.
Mihring siam thu hlawm hniha kan hmuh avang hian Pathian hian mihring
hi vawi hnih a siam tihna a ni lo a, thlarau lam leh taksa lam a hranga siam thu sawina
pawh a ni lo. Thil thleng pakhat sawi dan hrang deuh mai a ni tih hriat tur a ni.
Mihring chu Pathian Anpuia Siam a ni: Mihring chungchang Bible-in min
zirtir dana langsar hmasa ber chu Mihring chu Pathianin Amah angin a siam
tih hi a ni. (Gen. 1:26, 27; 5:1; 9:6)
Pathian anpui (imago Dei) a siam tih hian eng nge a kawh chiah ni
ang? Kohhran pate hun (Patristic period)-ah khan hei hi mihringin ngaihtuah
theihna a neih hi niin an ngai. Thilsiam dang reng rengin an neih ve loh

26
DIDAKHE : January–February, 2008
ngaihtuahna fim (rationality) a nei bik a, hei hi mihring Pathian anpui a nihna
chu ni berin an ngai. Augustine-a khan mihringin ngaihtuahna fim a neih hi
Pathian a pawl theihna a ni a, hei vang hian Pathian zia a \awmpui thei a,
chuvangin Pathian anpui tih hian mihring a ngaihtuah theihna awm hi a
kawkin a ngai a ni.
Hetiang deuh bawk hian Grik Kohhran pate (Greek Patristic writers)-ho
khan mihring chu suala a tluk hma chuan a \hain a dik a, sual kai lo mi
fel a ni, chu chu Pathian nihna a ni a, chumi avang chuan Pathian nihna
\awmpuina chen a nei a ni, chu chu Pathian anpui a nihna chu a ni an ti bawk.
Athanasius-a chuan Evi leh Adama te khan an tluk hma khan Pathian nena
inlaichinna famkim an nei a, chu chu Pathian anpui an nihna chu niin a ngai.
Kohhran siam\hatna hun lai khan Siam\hatute khan mihringin
ngaihtuah theihna a neih kha Pathian a anna a nih si chuan tluk hnuah pawh tun
thlengin chu ngaihtuah theihna chu kan nei si a, chutih laiin Bible-in suala tluk
avangin mihringin Pathian a anna a hloh tih min zirtir bawk si, chuvangin mihring
ngaihtuah theihna ringawt chu Pathian anna a ni thei lo vang an ti ta thung a.
Calvin-a chuan Pathian anpui nihna chu taksa pianphungah ni lovin
thlarau lam thilah awmin a sawi a (Institutes 1:15: 2). Ani ngaihdan chuan tlu
tawh mihring kan inenin tluk hmaa Pathian anpui nihna kan hmu thei tawh
lo, chuvangin Pathian anpui lan chianna ber chu tlukna ata Krista zara
chhandamna a chanah a ni. Kristaah chuan Pathian anna chu siam\hat a ni
(Cf.Eph. 4: 24; Kol. 3:10) (Institutes, 1:15:4).
Kohhran siam\hat hun hnuhnung lamah Pathian anpui tih hi awmze
zau zawng leh zim zawng neiin an sawi a. A zau zawnga sawi chuan mihringin
chhia leh \ha hriatna a neih te, ngaihtuah theihna a neih te leh thlarau thi
thei lo a neihna hi a huap a, chung chu tluk hunah pawh, sual hnuhma keng
telin, a la nei zui zel. A zim zawng chuan Pathian hriatna dik a neih te, a felna
leh a thianghlimna te a kawk a, chung chu tluknaah khan a bo a ni.
Pathian anpui kan tih hian mihring chuan ngaihtuah theihna, chhia
leh \ha hriatna, thilsiam dangin an neih ve loh a nei a, chuvang chuan Pathian
pawl theihna danglam bik neia siam a ni. Thilsiam zawng zawnga ropui ber
leh thilsiam dang te leh Pathian inkara awm a ni a, Pathianin thilsiam enkawl
hna a pe a, thilsiam dangte aia ropuiin Pathian pawlna a nei thei a ni. Mi
nung, mize nei leh mahnia duh thlang theia zalen a ni bawk, chu zalenna
avang chuan Pathian lakah hial pawh a hel thei a ni.
Tluk hma chuan fel, thianghlim leh \ha a ni a, Pathian nena lengdun
\hin nun an nei a ni. Pathian ang chiah a ni lo va, mahse Pathian ropuina

DIDAKHE : January–February, 2008 27
tilang turin mawh a phur a ni. Pathian thu awih lova an tluk hnuin sualin a
tikhawlo ta a, chuvangin chhandamna a mamawh a, chu chhandam mihringah
chuan mihring hlui chu khenbeha awmin “mihring thar, thutak felna leh
thianghlimnaa Pathian anpuiin” a inthuam ta zawk a ni (Eph. 4:24).
Pathian anpui awmzia dik tak chu Isua Kristaah tihlanin a awm.
Krista chu ‘Pathian anpui’ tih a ni a (II Kor.4:4; Kol 1:15). Isua chu mihring
famkim niin, Pathian anpui dik tak chu amah chuan kan hmu a ni.
Mihring Ropuina leh Nepna: Pathian anpuia siam anih avangin mihring
chu a ropui hle. Thilsiam dang zawng zawng chunga thuneihna Pathianin a
pe a (Gen. 1:28ff: 2:19ff), Pathian nena lengdun thei a ni a (Gen 3; 5:22; 6:9;
Mika 6:8). Pathianin a enkawl ngun em em a; thilsiam dang te aiin a hlut zawk
a, lua samzai lamin a chhiar vek a ni (Mt. 10:30, 31). Mihring dinhmun ropuizia
a ngaihtuahin Davida chuan mak a ti a,
Ani chu Pathian aia hnuai deuh chauhin i siam a,
Ropuina leh chawimawina i khum tir si a,
I kut chhuak chungah te hian thu i neih tir a;
A ke hnuaiah te engkim I dah a (Sam 8:5, 6) a ti hial a ni.
Chuti khawpa ropui a nih laiin lehlamah chuan a nep hle bawk a,
vaivuta siam a ni a (Gen 2: 7), vaivutah vek kir leh tur a ni (Gen. 3:19), hlo bet
ang niin an ropuina pawh phul pangpar ang lek a ni (Is. 40:6), rei lote dam,
buainaa khat an ni (Job 14:1), sa boral \hin ang (Sam 49:12), a dam chhung ni
te pawh hlim thla ral leh \hin ang (Sam 144: 4) leh chum reilo te lo lang a ral
leh mai \hin ang a ni (Jak 4:14).
Mipaah leh hmeichhiaah a siam: Pathianin mihring a siamin mipaah leh
hmeichhiaah a siam tih a ni a (Gen 1:27; 2:7, 20-23). Hei hian awmze
pawimawh tak tak a nei thei awm e.
Pakhatnaah chuan mihring hi amah maia awm tur ni loin a huhoa
awm tur kan nih zia a tilang. Adama amah maia awm chu Pathianin \ha a ti lo
a, a kawppui awm mi a siam sak a ni. Tumah hi mahnia awm thei kana wm lo
a, awm ho, intihlim tawna, in\anpui tawn tura siam kan ni.
Pahnihnaah chuan Isuan, he thu hi mipa leh hmeichhia inneihna
nen a sawi zawm a ni. “Nimahsela leilung piantirh a\ang chuan, ‘Anni chu
hmeichhia leh mipaah a siam a ni.’ Chu mi avang chuan mipain a nu leh pa
a kalsan ang a, a nupui vuan ang; tichuan an pahnih chuan tisa pumkhat an
lo ni tawh ang, chutichuan pahnih an ni tawh lo va, tisa pumkhat an ni tawh
zawk a ni” (Mk. 10: 6-8) a ti. Mipa leh hmeichhia inneihna hi Pathianin
mihringte awm dan tur atana a ruat a ni a, nupa nun hi Pathian remruat a ni.

28
DIDAKHE : January–February, 2008
Chuvang chuan Pathian \ih leh rawn chunga inneihna hi buatsaih tur a ni a,
inneihna pawh a nghet tur a ni.
Mihring hi bung engzat nge?: Mihring hi bung eng zat nge tih thuah bung
hnih (dichotonomy) tih leh leh bung thum (trichotonomy) tihte a awm. Kohhran
pateho zingah pawh ngaihdan a inang lo hle a, Bible chang \anchhan tur an
ngah ve ve hle a ni.
Thuthlung Hlui leh Kristiante sawi dan tlanglawn zawk chu bung hnih
a ni a, chumi awmzia chu mihring hian taksa leh thlarau a nei tih a ni. Kohhran
pate zingah Latin lam mi (Latin fathers) te khan he ngaihdan hi an pawm a,
Kohhran Siam\hatute (Luther, Calvin) te pawm dan pawh a ni. An innghahna
chang langsar zualte chu Gen 2: 7; Thu. 12: 7; Mt.10: 28; II Kor. 5: 1-10 te hi an ni.
Bung thuma \hentute chuan mihring hi taksa, rilru leh thlarau tiin
an \hen thung. Hei hi Grik philosophy-in a sawi dan a ni a, Kohhran pate
zingah Greek lam mi (Greek fathers) te pawm dan a ni a. Hemi ngaihdan hi
chuan taksa (tisa) leh Thlarau zawmtu chu rilru (soul) a ni a, chu rilru chu
Thlarau lam a zawmnaah chuan thi thei lo niin Tisa lam a zawmnaah chuan
thi thei a ni thung. An innghahna chang langsar te chu Job 10:11, 12; Mk.12:
30; I Kor. 14:14,15; I Thess. 5: 23; Heb 4:12 te hi an ni.
Genesis 2: 7-ah chuan Pathianin mihring taksa (tisa) chu a din a, tichuan
nunna thaw a thaw lut a, mi nung a lo ni tih kan hmu.
Mihring chu taksa leh thlarau nei a ni tih hian mihring hian rilru a nei
lo tihna chu a ni lo va, mahse taksa leh thlarau a hrang daih a awm a, chumi thil
awm hrang rilruin a zawm ti anga taksa leh thlarau dah hran lutuk hi Bible zirtir
dan a ni lo.
Bible-in a sawi uar chu mihring nihna pumpui inzawmzia hi a ni
tluan chhuak parh zawk a ni. Hindu leh Grik-te chuan thlarau chu a \hain a
thianghlim a, tisa erawh chu engmah lo leh sual mai niin an ngai lian hle.
Chuvangin tisa leh thlarau an indotir a, an dah hrang hle a ni. Mahse Hindu
leh Grik-te anga taksa leh thlarau thliar hran viau lam aiin Kristian zirtirna
chuan a inpumkhatzia hi a uar a ni.
III. Sual Awmzia leh Sual Bul
Mihring nihna Bible-in min zirtir dan chiang tak dang leh chu mihring
chu suala tlu a nih thu hi a ni. Mihring awm danah leh a nihnaah hian inbuk
tawk lo, fel lo leh Pathian leh mi dangte lak atanga inmihranna a awm a, hei
hi sual a ni Mahse sual kan tih hi engnge ni chiah? Kristiante zingah pawh
sual nia kan hriat hi a inang lo thei viau awm e. Kohhran pawl hrang hrangten

DIDAKHE : January–February, 2008 29
sual nia kan hriat a inang lo thei a, Kristian zingah hnam hrang hrangin sual
kan tih hi a inang lo hle thei bawk.
Bible-a Sual Sawina |awngkam te: Thuhtlkung Hklui leh Tharah hian sual
sawina \awngkam tam tak a awm a, chungte chu tawi te tein han tarlang
hmasa ila Bible-in sual a zirtir dan zirna \ha tak a ni ang.
Thuthlung Hluia a lar deuh te chu
hattah: ‘Tum \helh’ tihna a ni ber a, Thuthlung Thara Hamartia tih nen
a inang hle. A chhan leh vang engpawh nise nih tur ang ni lo, tling lo, nih tur
ang ni pha lo sawina a ni. Thil tisual sawi nan (Gen. 42: 22; 50:17) te, Pathian
laka helna leh a thupek zawm duh lohna (I Sam 14: 33; 15: 24) sawi an te,
Pathian mite tihretheih sawi nan (Ex 10: 17) te, helna leh aienthiamna sual
sawi nan (I Sam 15:23) te, milem biak sawi nan (Ex 30: 30-34; 9: 16-18) te
hman a ni a. Mihringpui te laka helna (II Lal 18:14) mihring te inkara thuthlung
bawhchhiatna (I Sam 19:14, 24; 12: 26), mawhphurhna hlen duh lohna (Gen
31: 36; 42: 22) leh \anpuina mamawh te hawisan (Gen 20: 9) sawi nan te
hman a ni bawk. Hattah hi pawn lam lang theia thiltih sual sawina ni ber a,
chhungril lama tim sa rana tihsual luih sawina a kawk lutuk lo.
awon: Thiltihsual, khawlohna sawina a ni a, sual hremna sawina a ni
bawk. ‘tikawi, tiherh, tisawi, tikhawlo, ti linglet’ tihna te a ni thei ang. Tum rana
thil tihsual a kawk deuh bik. Mahni unaute tihnat/thah (Gen. 4: 13; cf. 44:16), lal
laka rinawm lohna (I Sam. 20:1), serh leh sang tihbawrhbanna (I Sam. 3:13f.) leh
Pathian thupek bawhchiatna (Sam 81: 31ff.) sawi nan te hman a ni.
Mara: Helna a ni a. Luhlul leh tihmawh taka naupang a nu leh pa
laka a helna sawi nan hman a ni (Deut. 21: 18-21)
Pasa: Helna tihna tho a ni a; roreltute laka helna sawi nan (I Lal.
12:19; II Lal. 8: 20) te, Lalpa laka helna sawi nan (Is.1:2; Jer. 2: 29; Amos 4: 4;
Hos. 7:13) te hman a ni.
Thuthlung Thar-a a lar zual te
hamartia: Tum \helh tihna a ni a, Thuthlung Thara sual sawina
\awngkam lar deuh ber a ni. Pathian laka \hen hrangtu leh diabola zia a ni
(Joh. 9:31; I Joh.3: 8). Pathian mihringa a lo channa chhan pawh he sual thawi
nan hian a ni (Rom. 8: 3). He sual hi dan bawhchhiatna a ni a (I Joh. 3: 4) “Fel
lohna zawng zawng hi sual a ni” (I Joh. 5: 17) tiha ‘sual’ tih pawh hi hamartia a
ni. He \awngkam hi hmun tam takah hman a ni (e.g. I Thess. 2:16; II Kor. 11:
7; I Pet.2: 22; Jak. 5: 15; I Joh. 3: 4, 8; Mt 9: 2, 5f.; Mk. 2 :5, 7, 9f.; Lk.5: 20; TT 2:
38; 5: 31; 10: 43; 13: 38; Joh. 1: 29; Heb. 10:11; Jak 5:16)

30
DIDAKHE : January–February, 2008
paraptoma: Kal sualna emaw bawhchhiatna tihna emaw a ni a. Mahni
mihringpui chunga sual (Mt. 6: 14,15; 18: 35) sawi nan te, Adama bawhchhiatna
sawi nan (Rm 5:15,17) te hman a ni a. Paula chuan sual (paraptoma) a lo lan fiah
theih nan Dan a lo awm (Rom 5: 20) a ti a. Hmun erngemaw zatah he
\awngkam hi hman a ni (e.g. Mk. 11:25, 26; Rom. 4: 25; 5: 16; II Kor. 5:19; Eph.
1:7; Kol. 2: 13; Jak. 5:16)
asebeia: Pathian ngaihsaklohna, Pathian \ih lohna a ni (Rom 1:18,11,26;
II Tim 2:16)
Heng bakah hian sual sawina \awngkam pawimawh tak tak a la
awm a, dan bawhchhiatna (anomia), thuawihlohna (parakoe), fel lohna (adikia),
sualna (kakia) leh a dang te pawh a la awm a. Sual hi \awngkam khata hrilhfiah
mai a harsat avangin \awngkam hrang hrang an hmang a ni.
Thuthlung Hluiah chuan sual leh sual lo tehna chu Mosia dan a bawhchhia
em tih a ni ber mai a, Mosia dan kha sual vengtu a nih rualin sual hrilhfiahtu a ni
nghal bawk. Mahse Mosia dan bawhchhiat loh ringawt kha fel tihna a ni si lo a ni
ang, zawlnei ten nasa takin Mosia dan zawm \ha em em si ho kha an au khum tlat
(e. g. Amosa 5: 21-24; Mika 6: 8;). Lal Isuan simna thu a tlangaupui a, mi tin an sual
sim turin a ko a, sual chu rilru put hmang (attitude) lamah a bel lian hle a, Mosia dan
zawm leh zawm loh ringawtin sual leh \ha a teh lo.
Thuthlung Tharah sual chungchang Lal Isuan a zirtir dan an hmu. Lal
Isua hian mi zawng zawng mi sual an nih thu a zirtir a. Mi zawng zawngin
chhandamna an mamawh a ni (Lk. 17: 10) Sual simte chauhin thiam an chang ang
(Lk.18: 13). Lal Isua hian a hun laia mite sual ngaihdan ang a \awmpui vek lo.
Tuarna reng reng sual vang nia an inzirtirna pawh kha a kalh a (Lk. 15: 1-5; Joh. 9:3).
Lal Isuan sual chungchang a zirtirnaa langsar zualte chu: pakhatnaah
chuan a hun laia mite sawi dan aia danglamin sual chu mihring rilru put
phung angin a sawi. Judaten sakhaw thila serh leh sang lama pawi khawih
leh taksaa inkai theih anga an ngaihdan ang ni lovin amah ngeiin phârte
pawh a khawih a (Mat. 8: 3; Mk. 1: 41; Lk. 5: 3), hmeichhe thi putin a nawk
pawhin sual a nih thu a sawi lo. Sual chu mihring rilru put hmang zawk niin
a sawi a, chuvangin tualthat kher lo pawh mahni unau hua chu sual a ni a
(Mt. 5: 21-22), “Kei erawh chuan, tupawh ngaih chaka hmeichhe melh apiang
chu a thinlungah a uire tawh reng a ni tih ka hrilh a che u” (Mt. 5: 28) tiin sual chu
a tih lam (action) ai mahin rilru put hmang (attitude) zawk niin a sawi a, chu rilru
put hmang dik lo chuan thil tih \ha lo/sual chu a hring chhuak chauh zawk a ni.
“Kaa lut chu mihring tibawlhhlawhtu a ni lo va; kaa chhuak chu, chumi ngei chu,
mihring tibawlhlawhtu a ni zawk e” (Mt. 15: 11) a ti a; chumi a hrilhfiah zuinaah

DIDAKHE : January–February, 2008 31
chuan “Kaa chhuakte erawh chu thinlungah a lo chhuak thin a ni; chung ngei
chuan mihring a tibawlhlawh thin a ni, Thinlungah hian ngaihtuahna sual te,
tualthahnate, uirenate, inngaihnate, rukrukna te, heknate, sawichhiatnate a lo
chhuak si \hin a, chung chu mihring tibawlhhlawhtu a ni; kut sil loa chaw ei erawh
chuan mi a tibawlhhlawh lo ve” (Mt. 15: 18-20) a tih hian a zirtirna a tifiah hle a ni.
A pahnihnaah chuan Isua hian mi mal sualna chu Adama emaw
thlahtuah emaw bel loin mi tinin an sual chungah mawh an phur theuh niin a
zirtir a, chuvangin simna thu kha a tlangaupui nasa hle, sim turin a au lawm
lawm, simte tana ngaihdamna a awm thu pawh a sawi a ni. Hun kal tawha
thlahtuah sual a bel mai lo, anmahni ngei mawhphurhtirin sim turin a au \hin.
A pathumnaah chuan Lal Isua hian sual ngaihdam theihna a neih thu
a sawi bawk \hin (Mk. 2: 5). Lal Isua a lo pian dawn khan “ani chuan a mite an
thil tihsual lakah a chhandam dawn si a” (Mt. 1: 21) hrilhlawk a ni a, chutiasng
zelin a rawngbawl chhung pawhin sual ngaihdam theihna a neih zia a tilang
\hin a, “Khawvelah mihring fapain ngaihdamna a nei…” tih a sawi a ni (Mk.2:10).
Lal Isua zirtirna baka Thuhtlung Thara kan hmuh langsar tak chu
Paula zirtirna hi a ni. Paula hian mi zawng zawngin thil an tihsual vek thu hi
a sawi uar hle a ni. Dan chungchang hi a buaipui nasa a, a chhan chu sual chu
dan bawhchhiatna angin a ngai a, chuvangin Jentail-te pawhin Dan nei lo
mah se an thilungah dan thu chu ziakin a awm a, an bawhchhe tho a ni a ti.
Paula hian sual chu Adama thlah nihna avanga awm leh sual
hnathawh chuan mihring a fan chhuak vek tih thu hi a uar hle a. Paulan sual
chungchangah, sual bawiha awm thu a sawi (Rom 7) hi ngaihsual a awl hle.
Paula hian sual thiltheihna chuan mihringah hmun neiin he taksa hmang
hian hna a thawk niin a ngai a, chutah chuan mihring duh vang reng lo
pawhin chu sual chuan hna a thawk ni te pawhin a lang. Mahse Paula zirtirna
pum kan thlirin mihring sualnaah chuan mihring mi malin mawh a phur a ni
tih hi a hriat theih. Paula hian Adama avanga mi zawng zawng sual thu a sawi
\hin laiin Isua Kristaah siamthar lehna a awm thu sawiin Krista chu Adama
hnuhnung zawk, Adama pahnihna ang te pawhin a sawi a ni. Paula hian sual
hi sawi chiam mah se a zirtirna pumah mihring sualna aia Pathian khawngaihna
nasat zawkzia hi a uar hle a ni.
Thuthlung Thar Kohhran khan sual sawifiah nan Judate tehfung
ber Mosia dan kha an hmang ber ta lem lo. An buaipui ber chu Isua Krista chu
Messia, Pathian nung fapa a ni a, amah ringtute chu chhandamin an awm
ang tih kha a ni a, chuvangin Sual chungchanga Kristian thurin pawh hi
Krista chungchang chhuina a\anga lo zi chhuak a ni.

32
DIDAKHE : January–February, 2008
Greek ho chuan sual hi tisain thlarau a bawihna niin an ngai ber niin
a hriat. Greek philosophy (Platonic dualism) -ah chuan mihring hian eng lal ram
(kingdom of light) a\angin thlarau a dawng a, tisa leh ramsa te nunna ang
nunna chu thim lalram (kingdom of darkness) a\angin a dawng bawk a. Sual
chu tisa leh thlarau a lo inbelhbawma, tisain thlarau a a tihbawlhhlawhna a ni
a, chuvangin sual hnehna pawh he tisain thlarau a a hruaina (influence of the
body on the soul) tih tawp hi a ni. Hetiang ngaihdan ang chi hi Gnostic zirtirnaah
te leh sakhaw lian pui pui Hindu leh Buddhism-ah te pawh a lian hle.
Augustine-a khan sual chu \hatna tlakchhamna (privation of good) angin a
ngai a, sual ze bulpui chu ‘châkna’ emaw ‘mahni hmasialna’ emaw niin a sawi \hin.
John Calvina chuan sual chu \hatna tlakchhamna mai ni lo deuhin a ngai a, mahni
hmasialna hian mihring a tikhawlo zo vek a, mahse chu aia thuk zawka sual thlentu
chu thuawihlohna, chaponain a hrin niin a ngai a ni. Calvina-a chuan sual hi
Pathian thuawih lohna (disobedience), Pathian dan pawisak lohna angin a sawi a
(Inst.II.12. 3; Comm.Rom. 5: 12f). Pathian aia mahni duhzawng dah pawimawhna
ti tein a sawi bawk \hin (Inst.II. 1. 4). Chu chuan mihring khawlohna leh chhiatna a
thlen bakah, Pathian zahawmna a tinepin a tichhia a ni (Inst.II.16. 5).
Hmanlai a\anga Kristian ten sual an sawifiah dan lar tak pakhat chu
‘Pathian hawisana thilsiam lam hawi’ [aversio a Deo et conversio ad creaturum (Latin) Aversion
from God and conversion to creature (English)] tih hi a ni. Chu chu Paula’n ti hian a sawi
a; “Pathian hre siin Pathian angin an chawimawi lo va; lawmthu pawh an sawi
hek lo; thil lawi lo an ngaihtuah ta zawk a, an thinlung â chu a lo thim ta a. Finga
inngaiin mi âah an lo chang a, thi thei lo Pathian ropuina chu thi thei mihringte
leh sava te, fuliafa te rannungte lemah an chantir ta a” (Rom 1: 21-23), “a
Siamtu biak aiin a siama chu biain a rawng an bawl ta zawk si a” (Rom. 1:25) tiin.
Pathianin mihringte hi mahnia tlahrang (independent) tur ni loin Amah
rinchhan a nung (dependent) turin a siam a, chuvangin Pathian nena lendun chu
mihring nihna tura duan a ni. Mihringin Pathian a anna leh mihring a nih famkimna
chu Pathian nen an len dun chauhin a ni. Pathianin mihring a siam tirh a\angin
amah chu an hmangaiha an thinlunga an thlan reng theihna turin vaukhanna
pawh a siam nghal a (Gen. 2: 17). Chumi awih lova an tluk hnua thuthlung a siam
leh pawhin chu thu bawk chu a bul phumah a rawn hmang leh a (Ex 20: 3), chu thu
vek chu zawlneite thusawi zawng zawng laimu ni pawhin a hriat a ni. Lal Isua
pawhin mihring tih tur sang ber chu a theihna leh chakna zawng zawnga Pathian
hmangaih a nih thu a sawi (Mk. 12:30). Paula chuan Pathian ring tur leh a hnena
intulut tura mihringin chhuanlam an neih theih lohna tur khawpa Pathian chu
mihringte hnena a in puan zia heti hian a sawi bawk: “Pathian chanchin hriat theih
tur chi chu mihring te hnenah a lang reng a, chu chu Pathian ngeiin a tihlan a ni.

DIDAKHE : January–February, 2008 33
A nihna, mita hmuh theih loh chu, a chatuan thiltihtheihna leh a Pathianzia chu
khawvel siam tirh ata thilsiamah te chuan chiang taka hmuh theihin a lang a.
Phatna tur reng an nei lo” (Rom 1:19f. Lehlin Thar).
Chuvangin sual awmze bul ber chu Pathian hawisanna (aversio a Deo) hi a
ni. J. E. Colwell-an “Bible-in sual nihphung a sawi dan hlawm pui ber chu - sual chu
a bul takah chuan Pathian Thianghlim lak a\anga in\henhranna a ni tih hi a ni: Bible
sawi dan tak chuan sual chu a nihna takah chuan Pathian laka sualna a ni” 4 a ti hi
a pawmawm khawp mai. “Pathian hmangaih la, i duh duh ti rawh” tih pawh hi a dk
theihna chhan chu sual leh \ha tehna bulpui ber chu Pathian nena kan inlaichinna
a ni a, thinlung thianghlima Pathian duhdan kan hriatna kalh zawng leh amah
nena in\henna kawng anih chuan thlarau thilpek hrang hrang dawngin mahni
mihringpuite tan inpe ral raih mah ila engmah a ni lo (cf. I Kor. 13: 1-3). Pathiana
innghat lo va, amah ring lo a hawisanna hi sual nihna zepui chu a ni. Chuvangin
sual chu Pathian nena inkar thil a ni ber a, Pathian leh mihring inkar dik lo chuan
mihring leh mihring inkar te, mihring leh thilsiam inkar te a nghawng khawlo zo ta
a ni. Mihring suala an tluk hnua an dinhmun Pathianin a sawi “…mihring chu a
chhhia leh \ha hriain keimahni ang a lo ni ta.” (Gen 3: 22b) tih pawh kha, mihring
chuan Pathian \ha a tih kha \ha ti a, \ha lo a tih kha \ha lo ti a Pathian ring loin
anmahniin \ha leh \ha lo chungchangah ngaihdan hrang an nei ta tihna a ni ang.
Sual chu a nihna bulpuiah chuan dinhmun leh nihphung (status & nature)
emaw thil \ha lo hrim hrim (evil) aiin inlaichinna sawina (relationship term) a ni. Pathian
leh mihring inkar thil a ni lian hle a, chuvangin sual pawh hi Pathian leh a duh dan
a\anga teh tur a ni. Sual chu mihring pawn lam a\anga nawr luih thila lo thleng aiin
mihringin ama duh thu ngei a tih a ni \hin a, chu chuan a hmuh lawk leh a duh loh
thil te pawh a a thlen \hin. Sual chu thiltih aiin rilru put hmang (attitude) a ni zawk
mah a, rilru puthmang dik lo chuan thiltih dik lo a thlen zawk a ni.
Sual Bul
Pathianin mihring a siamin sual sain a siam lo. Engtin nge sual hi a
lo awm ve ringawt mai le? Pathian hi engkim bul a nih chuan sual hi engtinnge
a lo awm ve ngawt mai le? Pathian chuan sual chu a haw hle si a (Deut 25: 16;
Sam 5:4; 11:5; Zak. 8:17; Lk.16:15), Amah chu Pathian thianghlim (Is.6:3), fel
lohna reng reng nei lo (Duet. 32:4; Sam 92:16), niin “Pathian chuan thil suaksual
tiin, Engkimtitheia chuan thil dik lo chu a ti teuh lo vang” (Job. 34:10) tih a ni
si a. Kan Pathian ni lo hi siamtu dang an awm em ni?
Mizo Bible-ah Isaia 45:7 hi “Eng ka siam \hin a, thim pawh ka siam
\hin a ni; remna ka siam \hin a sualna pawh ka siam \hin a ni; kei hi LALPA,
chung thil zawng zawng ti \hin tu chu ka ni” tiin” tia dah a ni a. Pathianin sual

34
DIDAKHE : January–February, 2008
a siam em ni? Lehlin Tharah thung chuan sualna pawh ka siam \hin a ni tih hi
‘vanduaina te ka thlen tir bawk’ tiin a dah ta a. Hei hi lehlin dan \ha zawk a ni ang,
a sawi duh ber chu chang 5-6 a mi, Pathian dang reng reng awm loh thu a ni
a, chuvangin sual hi Pathian siam a ni lo a, siam theitu dang pathian pawh an
awm hek lo. Chuti nise engtinnge sual chu a lo awm bawk si?
Evi leh Adama sualna kha mihringa sual lo awm \anna nimahse, kha mi
hma pawh khan sual tura thlemtu sual chu a awm tawh. Lal Isuan Diabola chungchang
sawiin “Ani chu a tir ata tualthat a ni’ (Joh 8:44), “Diabola chuan a tir ata thil a tisual si
a” (Joh 3:8) tiin a sawi a. henga ‘a tir’ tih hi eng hun lai nge tih hriat a har khawp mai.
Mahse Kristian ten sual lo awm \an dan an zirtirnaah Greek finna zirtirna angin sual
chu siamtu hrang awm emaw Hindu te anga mitvai thil (maya) emaw ni loin
Sual chu Pathian thilsiam vantirhkohteah a in\an a ni. Chung
vantirhkohte sualna bulpui chu chapona, ropui leh zual chakna emaw mahni
hmasialna vang niin a hriat. “Tin, vantirhkohte anmahni tirhkoh nihna pawm
duh lova, an awmna pangngai kalsan zawkte chu, ni ropui rorelna atan thim
hnuaiah chatuan phuarnaa phuar chungin khek a ni” (Juda 6). Paul’an kohhran
hruaitu tur a sawinaah “Ring thar mi ni tur a ni lo, chutilochuan chapovin a awm
ang a, diabola thiam loh channa chu a chang ve dah ang e” (I Tim.3: 6) tiin a sawi
bawk. Tichuan sual chu mihring zinga a luh hmain vantirhkohte zingah a in\an a,
chapona, Pathian anga ropui châkna avangin Pathian lakah an hel a, Pathian
anga ropui chakna vek chu mihring sualna bul pawh niin Bible-in min hrilh.
Pathian ni lo siamtu dang an awm lo va, mahse sual chu Pathian siam a
ni lo: a thilsiamte hmangaih takin zalenna a pe a, a thilsiam a\ang chuan sual chu
a lo awm a ni. Mizo pain hmun awih-ah in kan sa a, kan sa kan sa a, a tawpah
chuan kan sak ve miah loh inhnuai a lo awm ta ang hian Pathian thilsiam te a\ang
chuan sual chu a lo awm a ni. Mihring chanchin sual lo awm \anna chu Eden
huana thuawih lohna leh bawhchhiatnaah khan a lo in\an a, chu mihring suala a
tluk thu leh sual inrochun thu chu a hranpain zirlai dangah kan la sawi leh ang.
(He thuziak hi Bible Ralchhan School zirlai thar ‘Pahnihna’ zirlai
“Mihring leh Sual thu” Bung 1-3 a mi a ni a. Pathian thu kan hriatna atan
a tangkai tho bawk a, zirturten in lo enchhinna atan a that hmel bawk si a,
kan han chhuah a ni e. Ed.).
ooooo

DIDAKHE : January–February, 2008 35
HRIATTIRNA
Synod Archives-ah Inkhawmpui hrang hrang
minute-te vawn\hat zel a ni a. Pastor Bial
Inkhawmpui Minute, Bial Kohhran Hmeichhe
Inkhawmpui Minute leh Bial K. T. P. Conference
Minute te min han pe ve zel \hin turin Pastor
Bial hrang hrangte kan ngen e.
Sd/-
( REV. DR. R. LALBIAKMAWIA )
Executive Secretary, i/c Archives

36
Pi/Pu...............................................
Didakhe lâkna man i pêk hnuhnung
ber chu kum................... a ni a, rawn
tithar leh ta che.
DIDAKHE : January–February, 2008
Manager
(A man pe duh, Manager hnêna pe
remchâng loten Pi Khawvêlthangi
O/A, Synod Office, Aizâwl hnênah
pêk theih a ni e.)
Printed at Synod Press, Mission Vêng,
Aizâwl - 796001,
Copies -4,500
Regn. R.N. 24629/72
Postal Regn. No. MR-NE/627/99
Didakhe
A man :Kum khatah Rs. 30
Bu mal : Rs. 5
Lâkna hmun :
Manager, Didakhe
Aizâwl Theological College,
Post Box - 167
Durtlang, Aizawl - 796001
Mizoram, India
Ph.2362087(R),2361126(0)
Mobile : 9436159364
To