fiamthu corner - Movie Corner Magazine

https://www.facebook.com/pages/Sekibuhchhuak/196672380467047

contents 

FROM THE EDITOR’S DESK 

U MANUNA HJ 

FILM EDUCATION 

DIDINI TOCHHAWNG 

MC TALENT CORNER 

MC’S ACTRESS OF THE MONTH: 

MADELINE ZIMA 

MUANTEA COBAIN 

LASI NULA DINI A ZAWL E 

(Covergirl Story) 

ZOROCK A TUIRAL 

U MANUNA HJ 

INDO FILM 

HMUHNAWM KA TIH TE 

ENGKIMA CHAWNGTHU 

THE ENDURING MAGIC OF 

DISNEY ANIMATIONS 

ONIISAN CHAWNGTHU 

PEEPING TOM 

LAL JO-A 

FIAMTHU CORNER 

TSA KHUPCHAWNG 

REIGN OVER ME 

JAMES FAMKIMA 

KA FAWP TA NGEI ASIN 

(True Story) 

UNCLE TOM 

THE HITCHCOCK EFFECT 

(Movie Reviews) 

M.RALTE 

LOVE LETTER 

TO THE LOVE GURU 

GOOSH’S 

FASHION CORNER 

IN THE PARALLEL UNIVERSE 

KIMKIMY PSYCHED 

HACHIKO: 

A PU TAN A UI RINAWM CHU 

BIGDADDY HMAHMATEA 

MC COMIC STRIP 

4 

5 

6 

8 

10 

14 

16 

18 

20 

21 

22 

24 

27 

28 

30 

32 

35 

36 

MOVIE CORNER 

M A G A Z I N E 

moviecornermagazine.com 

EDITORIAL 

Editor-in-Chief: U Manuna Hj 

Deputy Editor: Maxeer Zach 

Editor-At-Large: Muantea Cobain 

Copy Editor : m.ralte 

Associate Editor - Entertainment: 

Able Smoochie 

Associate Editor - Columnist: 

Didini Tochhawng 

Art Director: Hriatpuia Cc 

Photography: Andrew Lalbiaknunga Ralte 

Contributors: MC Members

MC EDITORIAL 

FrOM THE EdITOr ' S DESK 

April 2013 Issue chu kan rawn tichhuak 

leh thei ta e. Editorial Board leh Cover Team 

leh Documentary Team te kan thawh hona a 

thain . , nuam pawh kan ti tlang hle. Thahnem 

min ngaihpuia, min sponsor-tu te zawng 

zawng chungah kan lawm tak zet bawk. 

Sekibuhchhuak ho avangin he magazine hi 

a free veka download leh chhiar thei kan 

ni tih kha a hmasain ka sawi duh tak zet a 

ni . Kan documentary rawn chhuah taka kan 

Director, Didini leh Music Director, Pu OmOma 

chungah pawh kan lawm tak zet; a magazine 

ang pawhin . Kan Miss Centerspread, Dindini 

pawhin tun thla zet chu min tuam mawi sak 

hle mai . Kei pawh tun thla chu hospital-ah 

damlo enkawlin ka hun tam zawk ka hmang a, 

kan project tam tak pawh duh angin ka telpui 

hman ta lo. Tel ve pawh ni ila, hetiang aia 

. tha hi chuan kan chhuah lem lo ang! Aizawl 

lehkhabu dawr . thenkhatah kan magazine 

hard-copy lei tum . thin an awm nual tih te kan 

lo hria a, online ang chauhin kan la kal hrih 

a, lei theiha chhawpchuah tum rilruk deuhna 

chu a awm chho leh zel bawk e. 

Tunlai chu Aizawl lamah Kristian Thalai . Pawl 

anga Film siam an tam ta hle mai . Tha . tak tak 

leh en nuam tak tak te an ni hlawm a. Mizote 

pawh film siam lamah kan san ve tawh zia a 

tilang chiang hle. Mahse, ‘commercial purpose’ 

atan liau liau a film siam lamah erawh hma 

chu kan la sawn hrih lo hle niin a lang. 

‘Khawnglung Run’ -ah khan kan tawp mai ang 

tih a hlauhawm hle mai . Khaw’nge hman ni 

lawka kan thlan thar MFDS te kha an awm? 

An hmalakna chu mipuite hmuh theihin rawn 

chhawpchhuak vat se a duhawm ngawt mai . 

Kan nghak reng che u a nia. Kan Film Industry 

hian hma a sawn zelna’ n hian tan . lak sauh 

sauh kan mamawh tak zet a ni . ‘Sum’ awm thei 

zawnga hmalakna pawh zawn a pawimawh hle 

bawk. 

Awle, tun thla magazine chu lo bihchiang 

dawn teh ang. Cover Team te an che na khawp 

mai!! Anni zarah kan Cover leh Centerspread 

chu zahpuiawm lo mai ni lovin , changkang 

takin kan rawn phochhuak thei e. Kan 

regular Columnists: Didini , Engkima, James 

Famkima, m. ralte , Kimkimy, Tsa te pawhin 

thu ngaihnawm leh bengvarthlak tak tak min 

MOVIE CORNER • APRIL 2013 | 4 

by u manuna hj 

rawn hlui leh hlawm a. Love Guruz pawh 

Facebook lamah a che na deuh a, a thinrim 

awrawl nen a rawn che chhuak e. Lal Jo-a 

paw’n thuziak ngaihnawm tak min rawn 

neih sak leh a, Goosh Vangchhia pawhin 

‘Fashion Corner ’ lamah Christian Dior a 

tawh dan vel a ziak bawk ;-). BigDaddyan 

kan magazine tana a thuziak hmasa ber 

ni turin Ui rinawm tak Hachiko chanchin 

a rawn thai lang bawk a. ‘Young Talents 

Corner ’ lamah Wayward Production kan 

kawm thei hlauh bawk a; anni hi an 

kutchhuak a changkangin , en a nuam 

khawp mai . Uncle Tom-a paw’n ‘Ka Fawp 

Ta Ngei Asin’ tih thuziak ngaihnawm em 

em mai a rawn nei a, he thu hi a taka a 

thil tawn atang . ngeia a rawn ziah a ni tih 

kha chhiartute’n i hria ang u. Pu Zorock-a, 

Mizo Zaithiam zinga hming dai tawh 

ngai lo tur pawh kawmna hun tha tak . 

kan nei thei hlauh mai a, a hla thar neih 

leh a vei zawng thu ngaihnawm tak tak 

min rawn chhawpchhuah sak e. Oniisan 

(Mawia) pawhin Disney lama a thil tawn 

ni awm tak a rawn ziak bawk a, Muantea 

pawhin actress chhe lo tak ‘Madeline Zima’ 

chanchin a rawn thai lang bawk e. Kan 

article ho hi uluk taka min chhiar sak vek 

turin ka’n ngen nghal keuh bawk che u a ni 

e. 

April ni 15 a Youtube lama kan release tak 

April Cover shooting “Behind The Scenes” 

pawh entute’n min lo hlut sak avangin kan 

lawm tak zet a, thlatin rawn tih chhuah 

kan tum a, kan OST nalh em em maia 

Lr-a min sak sak mawlh te khan lung a 

kuai khawp mai . MC Magazine Team te kan 

inpekna ka fak tak zet a, an bula hnathawk 

ve theia ka awm hi vannei ka in ti tak zet 

a ni . Mimal hming ang zawng chuan ka 

sawi seng lo a, MC Facebook Group lama 

kan Cornerites te avang liau liau a tun 

hun hi thleng chho thei kan ni tih kha kan 

theihnghilh a thiang hauh lo bawk a ni . 

MC VUL ZEL RAWH SE!

Film Education 

Paparazzi 

by didini tochhawng 

‘Paparazzi ‘ tih ṭawngkam hi kan hre tlang ṭheuhin a rinawm a, a 

awmzia pawh kan hai lo tlang hlawm awm e. He ṭawngkam hman lar 

tak mai hi khawi dang aṭang mah ni lo-in, film aṭanga rawn irh chhuak 

a ni. Italian director, Federico Fellini-an 1960 kuma a siam La Dolce 

Vita (The Sweet Life) film-a character pakhat hming ‘Paparazzo’ 

aṭangin ‘Paparazzi’ tih ṭawngkam hi a rawn lar chho ta a ni. He film-ah 

hian Paparazzo hi news photographer niin, news item atana thlalak ṭha 

nei tura tei vel chhen, mi bawh buai chung ang chi hi a ni a. Fellini-a 

pawhin, “Paparazzo mizia hi chu rannung lo thlawk, thin khei tawk 

leka beng bula lo vi chhen ang hi a ni e”, (“Paparazzo suggests to me a 

buzzing insect, hovering, darting, stinging.”) tiin a lo sawi nghe nghe 

tawh bawk a. Kum 1961-a La Dolce Vita, United States-a release a nih 

khan Time Magazine chuan an article-ah an rawn introduce ṭan a, hemi 

aṭang hian Paparazzi ṭawngkam hi ‘photographer mi lar te ho bawr/ 

bawh buai chung chung ṭhin ho’ sawina’n a hman hlen a ni ta a ni. 

Paparazzo 

MC CLASS ROOM 

• * Paparazzo hi singular noun 

niin, mi pakhat chauh sawina 

a ni. 

• * Paparazzi hi plural noun a 

nih angin photographer-te mi 

lar bawh buai a, lo chang ṭhin 

te, a huho sawina’n a hman a 

ni. 

• * La Dolce Vita hi darkar 

3-a sei niin, kum 1960 khan 

Cannes Film Festival -ah 

Palme d’Or (Golden Palm) 

chawimawina a lo dawng tawh 

a. Kum 1962 Oscar (Academy 

Awards)-ah Best Costume 

Design lawmman a dawng bawk 

a ni. 

MOVIE CORNER • APRIL 2013 | 5

compiled by: Oniisan Chawngthu 

MC YOUNG TALENTS 

MC : Wayward Production hi enge a nih? 

WP : Wayward Production hi Fashion Photography 

lam a ni a, Fashion Photography tih 

hmasawnna leh tlem a danglam leh changtlung 

zawka kalpui tum a ni. A tum ber chu 

Fashion Photography mai bakah Art Appreciation 

a ni a, photography hmanga mihring 

mawina capture leh youth affairs; entirna’n, 

fashion, style, music, lampang expose hi a 

tum a ni. 

MC : Chuan, Wayward Production te hi tu te 

nge in nih? 

WP : Wayward Production-ah hian member 

pali (4) kan awm a. Chu’ng te chu: 

Photographer Pahnih (2): Nathan Lalhruaitluanga 

leh Jeremy Lalrindika, 

Director: Samuel Ralte, 

Co-ordinator: Remtluangi Chhakchhuak te 

kan ni. 

MC : Khawia awm nge in nih hlawm? Lehkha 

zirlai nge in nih hnathawk? 

WP : Nathan, Jeremy leh Remtluangi te hi 

Aizawl a cheng kan ni a, tunah chuan zirna 

avangin Shillong-ah kan awm. Tin, kan Director, 

Samuel-a hi Shillong a awm nghet leh 

lehkha zir ve mek a ni bawk. Kan zirna chu 

hetiang hi a ni - 

• Nathan: Bachelor of Media Technologies 

at St Anthony’s 2nd Year, 

• Jeremy: Bachelor of Journalism and 

Mass communication at Sikkim Manipal 

University (2nd Semester), 

• Samuel: Bachelor of Commerce 2nd 

Year at St Anthony’s College, 

• Remtluangi: Bachelor of Philosophy 2 

nd Year at St. Anthony’s College. 


MC Talent Corner 

# Wayward Production

MC : Mahni tuina avanga ti nge in nih a, eizawnna 

lampang atan la hman zel in tum? 

WP : Mahni tuina avanga bul ṭan chu kan 

ni teh reng mai, mahse kan duhthusamah 

chuan Production changtlung tak din chhoh a, 

eizawnna tlaka siam kan tum. Kan theihtawp 

chuan ṭan kan la ve a, hmanrua leh hun kan la 

nei ṭha hrih lo hle thung. 

MC : In hnaah hian inspire ṭhintu in nei ngei 

ang a… 

WP : Aw, member tin hian inspiration hran 

ṭheuh kan nei a, a tlangpui thuin decade hrang 

hrang lo awm tawh te a mihring inthuam dan 

leh nun dan inthlak danglamna hian min 

inspire nasa hle. Photographer kan ngaihsan 

te chu Brooke Shaden, Annie Lebovits, Diane 

Arbus, Patrick Demarchelier, Richard Avedon, 

Billy Kidd Photography, etc. te an ni a. Nylon 

Magazine leh Vanity Fair Magazine hi kan 

ngaisang hle bawk. American artist, Andy Warhol 

hi kan ngaisang lutuk bawk a ni. 

MC : Engtik aṭang vel khan nge Wayward 

Production hi a lo inṭan? Reception eng ang 

nge in dawn? 

WP : November 2012 khan Jeremy leh Nathan 

hian bul kan ṭan a, tichuan min phurpuitu 

Samuel-a leh Remtluangi te kan lak belh ta a 

ni. Wayward Production hi kan ṭanna la rei lo 

mah se kan thlen chinah erawh chuan reception 

leh feedback kan dawng ṭha khawp mai. 

Model kan hman te hi mipui hmelhriat an nih 

tlangpui avangin reception leh feedback chu 

kan beisei phak bakin kan dawng ṭha. Professional 

Photographer te hnen aṭang paw’n 

feedback ṭha tak tak kan dawng a, Mizoram leh 

Shillong Designer te paw’n min hre chho ve 

ṭan mek a, min chawk phur hle. 

MC : In model leh location te chanchin tlem 

min lo hrilh - Thawhpui an nuam em? Engtia 

inhria nge in nih ṭhin tlangpui, etc. etc... 

Amelia 

Vanzy 

RC 

Rudy Marak 

MC YOUNG TALENTS 

WP : Kan model te hrim hrim ho hi kan ṭhian 

hnaivai te vek an ni a. Min phurpui a, min 

puih an hreh loh mai bakah an sum leh tha 

senga min ṭanpui an inhuam rengna hi chu 

kan phu lovin, kan lawm hle. Model kan hman 

te hi modelling ti ṭhin pahnih - Vanzy leh 

Rudy Marak te an ni a. Anni hi Shillong-ah 

chuan top model an ni ve ve a, Rudy phei chu 

Miss Shillong 2011 leh Eclectic Model Hunt 

a pakhatna lo hauh hial tawh a ni. Midang 

pathum, Fakpuii, R.C-i leh Amelia te hi Mizo 

an ni a, Thuktin erawh hi chu Bhutanese a ni. 

Kan sawi hmaih hauh loh tur chu Sarahlee hi 

a ni. Ani hi Shillong based band 4th Element 

vocalist a ni. 

MC : Website/FB page/twitter/instagram, etc. 

account te in nei em? 

WP : Kan Facebook page tih loh hi chu eng 

dang mah kan la nei rih lo. Blog leh Website 

siam tumin hma kan la mek. 

MC : Nangmahni (Nate, Jeremy, Samuel, 

Remi) te hi eng emaw competition/charity/ 

event-ah in tel tawh em? In tel tawh chuan a 

chanchin tlem min lo hrilh... 

WP : Zirlai kan la ni si a, hetiang lamah hi 

chuan kan la inhnamhnawih hrih lem lo. 

MC : Hmalam hunah enge in beisei? 

WP : Pathianin rem a tih chuan he production 

hmang hian Society ang din a, changtlung 

tak leh hmasawn zel a intundin ve kan tum a. 

National level ang hial pawha dinchhuah kan 

tum a ni. 

WAYWARD PRODUCTION TE HIAN AN 

COMPANY HMING CHAWIIN FACEBOOK- 

AH PAGE AN NEI A. CONTACT DUH TE 

TAN BIAK THEIH RENG AN NI BAWK: 

8014610010,9774590388 

Sarahlee 


MC REVIEW 

MC’s Actress of the Month 

Madeline 

Zima 

by muantea cobain 

Bio-Data 

Birth Name : Madeline Rose 

Zima 

Height : 5’ 8” (1.73 m) 

Nickname : Mad, Maddie, 

Madsters 

Birthplace : New Haven, 

Connecticut, U.S 

Years active : 1992–present. 


Kum 1985, September ni 16 khan Marie leh 

Dennis Zima te fanu upa ber niin a piang 

a. Nau hmeichhia pahnih Vanessa leh 

Yvonne neiin, a nau te pawh hi lemchan lama mi 

hmingthang tak tak ve ve an ni. A hming tawpa 

ZIMA hi Polish ṭawng niin, a awmzia chu ‘thlasik’ 

tihna a ni daih thung; a Pu te hi Poland aṭanga 

rawn chawr chhuak an nih vang te pawh a ni 

mahna! 

Madeline Zima hi thla 24 mi lek a nih khan Downy 

Ad-ah a inlan tawh a. Kum 7 a nih aṭangin lemchan 

khawvelah pangngai takin a zuanglut ṭan a. TV 

Show pakhat, The Nanny-ah kum 6 chhung zet 

a inlan a ni. He’ng bakah hian Short-Film neuh 

neuh-ah a inlan nual bawk. A channa zingah chuan 

kum 2004 a tih chhuah tak ‘A Cinderella Story’ kha 

a lar ber pawl a ni awm e. Khatah khan ‘Brianna’ 

lemah a chang nghe nghe a nih kha. Nikum khan 

‘Crazy Eyes’ leh ‘Crazy Kind of Love’ -ah te a inlan 

ve leh bawk a ni. Kumin hian an la tlangzarh leh 

tur ‘Stuck’ -ah a inlan leh dawn bawk a ni. TV 

Show-ah hian a inlan tam zawk a tih theih awm e. 

1993 khan ‘Law and Order’ -ah inlan ṭanin, ‘The 

Nanny’ -ah erawh kha chuan 1993 aṭanga 1999 

thleng a inlan a ni. Mi tam zawkin kan hriatna chu 

MC REVIEW 

2007 kuma tih chhuah ṭan ‘Grey’s Anatomy’ leh Mizo 

ṭhalai te paw’n kan en nasat em em ‘The Vampire 

Diaries’ aṭang hian a ni ngei ang le! Grey’s Anatomyah 

khan hnehsawh takin Marissa anga inlanin a che 

kual vel a nih kha. Californication-ah pawh hnehsawh 

takin a inlan tawh bawk a ni. Kuminah pawh hian TV 

Show pakhat ‘Gilded Lillys’ -ah a inlan leh dawn a, hei 

hi Producer lar Shonda Rhimes buatsaih a ni nghe 

nghe. Flim leh TV Show hrang hrang 45-ah zetah a 

inlan tawh a ni. Award hrang hrang pawh a dawng ve 

nual tawh bawk. 

2009 kha a tan chuan kum ṭha a ni ngei ang le! FHM’s 

Sexiest Women in the World-ah khan #64-na a hauh 

pha a ni. Tunah hian Santa Clarita, California-ah a 

inbengbel mek. 

Madelina Zima hian interview-naah a mipa duhzawng 

sawiin ‘mipa fel’ a ngainat ber thu leh ‘hmelṭha’ 

chu a thlan ber loh thu a sawi a. Mipa fel tak chuan 

hriatthiamna te an ngah a, chuvangin ‘mipa fel’ hi a 

tan chuan an attractive ber thu a sawi. Mak tak main, 

Madelina Zima hian First Date-ah chuan dinner 

ei dun emaw movie en dun lam a lan loh thu leh 

‘Rock Climbing’ a chak ber thu a sawi teh tlat bawk! 

Hmeichhe ṭha tak a ni tih a chiang a, kum 16 a nih 

aṭang khan nitin a ṭawngṭai ngei ngei ṭhin a ni. 



MC EXCLUSIVE 

MOVIE CORNER 

presents 

DINI 

in 

“Lasi nuLa a zawL e” 

Hmanlai hian Aizawl khaw daia ramhnuaiah Lasi hmelṭha 

zet mai hi a awm a. Tuk khat chu pasalṭha ram vak hi a hmu a, 

a ngaizawng ta em em a. Pasalṭha chu a duh em avangin khuaah 

chuan lo cheng vein, mihring khawsak zia chu a lo pawm ve ta a. 

A hmangaih em em pasalṭha nen pawh chuan ingaizawngin, an lo 

innei ta a. 

Nimahsela, hringnun chu a beisei ang a ni ta hauh lo mai!! A 

pasal, a hmangaih em em chuan a tan hun a pek theih loh bakah 

hringnun khawsak chu a harsa em em a ni tih a hre chhuak ta zel 

bawk a. Tichuan, a pasal leh a hringnun chu kalsanin, a ro thil 

khawl te nen chuan, ramhnuai lam a pan leh ta zawk a ni.

(THE INTERVIEW) 

Tun ṭum cover shoot chu tih ṭhin 

dan lo takin location-ah kan shoot 

ve thei ta hram a, kan cover team 

bakah kan videography team te pawh 

an phur khawp mai. Kan Cover Girl, 

Dini pawh a hmain kawmna hun 

kan neih tawh hnuah photoshoot 

ni paw’n a hun takah lo thlengin, a 

chak em em rualin a zam ru ve reng 

tih a hriat. Mahse, nui hmel pu reng 

chungin ni chu a hmang a, thawhpui 

pawh a nuam hle mai. A hmun kan 

thlen huna a chauh kan hlauh deuh 

avangin motor-ah kan chuan tir a, dar 

11 vel chuan kan thlalakna hmun tur, 

Falkawn model village chu kan thleng 

thei hram a; kan che nghal zung zung 

a. Make-up, wardrobe leh thlalak 

karah chuan kan CG chu tawi tein kan 

kawm hman hram a ni. 

MC: Dini, hei, Falkawn khaw lum 

tak karah kan magazine tan i rawn 

thawk chhuak a, a hmasain kan lawm 

lutuk tih min lo hriat sak kan duh a. I 

hmingpum hi kan la hre miah lo mai 

a…. 

Dini: Nia, tumah khan min zawt si 

lo a, ka sawi ta lem lo mai a nih kha. 

Ka hmingpum chu Laldinpuii a nia, 

mahse Dini tiha min koh hi a pawi lo 

zawk khawp mai. 

MC: Aw le. Chuan, khawi vengah nge 

in awm kha? Tunah hian lehkha zirlai 

nge i nih hnathawk? 

Dini: Dawrpui Vengah kan 

chhungkuain kan awm. Hna em chu la 

thawk lo ee.. Pawl 12 ka pass tawh a. 

Chuan, tunah hian Interior Designing 

zir ka rilruk deuh a, chutiang lam 

hawi chuan ka inpuahchah chho mek 

a ni. 

MC: Interior Designing…line ṭha tak a 

nih chu! Hetiang lam hi i lo tum sa ve 

reng nge i tui chho chawp ve zawk? 

Dini: Tui sa deuh a ni mai. Thil chei 

neuh neuh hi nuam ka ti tawp a, 

hmasawn chho zel pawh ka tum. 

Interior designing nen hian a inang 

viau a, ka tui chho ve ta zel a ni. 

MC: Mahni talent/tuina lama kal tluk 

a awm hlei nem tiraw? Chuan, kan 

readers te hriat duh ngei ngei tur… 

relationship status lampang min hrilh 

thei em? 

MC EXCLUSIVE 

Dini: Hahahaha…A ho e!! Lol. FB-ah 

hian ka ṭhiannu nen uang deuhin kan 

dah a. Chutiang vel chu a ni. 

MC: Haha...A nih leh mipa eng ang mi 

nge i ngaihsan zawng ni hrim hrim? 

Dini: Nu leh pa zah thiam, Pathian ṭih 

mi leh ruitheih laka fihlim hi a ni mai. 

MC: Aw le. Kan readers te paw’n an 

lo chhinchhiah ngei chu a ngai ang. 

Chuan, a tawp berna atan, Movie 

Corner Magazine Cover Girl nih chu 

enge a an? 

Dini: (nui vur vur chungin) Team te 

an fel a, min duat thiam a, an puitling 

bawk a, a nuam ka ti khawp mai. Ka 

nui vur vur deuh reng mai a nih hi. 

In duhthusam ang ka ni lo ang tih ka 

hlau ru deuh a, mahse min hrethiam 

a, min pui nasa bawk a, ka rin aiin a 

nuam daih mai. 

MC: Keini tak a nia lawm. Kan 

magazine cover te min rawn mawi sak 

a. 


MC EXCLUSIVE 


~~~~~~~~~~~~~~~~~~~~~~~~~~~~ 

photography 

andrew lalbiaknunga ralte 

makeup 

zoe kholhring 

stylist 

amy l fanai 

art director 

oniisan chawngthu 

~~~~~~~~~~~~~~~~ 

project director 

didini tochhawng 

music 

omoma vajaz ralte 

~~~~~~~~~~~~~~~~~~~~~~~~~~~~

MC EXCLUSIVE 

Tunah chuan a nupui fanaute nen 

Shillong-ah an khawsa mek a. 

Kei, Delhi lamah ka khawsa mek 

bawk a; kan inbiak dawn pawh hian kan 

hman hun a inang loin, ṭum hnih lai kan 

inbiak nawn phah nghe nghe. Tun thla 

chhung ringawtah a facebook account chu 

vawithum lai mai a buai a, tunah tak phei 

hi chuan facebook lamah pawh account a 

neih hrih loh lai tak a ni. Tichuan, April 

ni 11, zan dar 7:30 khan ka zuk be ta ngei 

a. Chhun lamah ka lo buai ve deuh bawk 

nen; dar 7 kha kan in-date-na’na kan hun 

tiam kha a ni a, kei chu a tlai zawkah 

ṭangin, darkar chanve laiin hun tiam 

chu ka bawhpelh a ni. Kar hmasa lamah 

Guahati lamah dailuah rate vel zawt turin 

duty-in a kal a, a duty laiin min rawn 

be deuh reng a, ka zawhna ‘sample’ pek 

chhoh te kha a lo chhiar thuak tawh niin, 

“Chhan a chakawm zek zek tawh hle 

mai, hei Guahati-ah dailuah rate ka 

zawt kual mek,” tiin min rawn hrilh 

nghe nghe a; min chhan lai pawh khan 

a ‘tuiral’ ve hle. Ka rin ai daihin a ‘Aw’ a 

lo nalh vak lo a, zaithiamte hi an lo ṭawng 

nalh vek kher lo tih min hriat chhuah tir. 

Phone aṭanga music ri ang deuh hlek ri 

a rawn siam te chu a awmzia ka hre lem 

lo a. A hla thar thluk tur kan sawi dun 

lain ‘Saxophone’ an ti emawni ang music 

ri chu a rawn zir kual vel a, a mimal tak 

pawhin ka lawm tak zet; ka mi ngaihsanin 

chutia min han ‘music’ khum vel chu!! 

Amah ka interview dawn avang hian a hla 

thar deuh pathum: Green Green Mizoram, 

Sailo leh Mobile chu ni 4 lai mai ka lo 

ngaithla lawk ve tawh a, ka zawhna ho 

pawh hi he’ng hla pathumah hian a in 

sawrbing deuh mai thei. Ka hriat chak ber 

aṭang chuan zawhna ka zawt ta pawp mai 

a, min han chhiar sak ula. 


Mizo Rock Legend ‘ZOROCK’ hi a chanchin tlangpui chu kan hre vek tawh awm e. Kum 

1956, August ni 10 khan a lo piang a. A naupan deuhlai aṭang tawhin zai lam a tui a, rimawi 

(music) pawh a ngaina hle. Ani hi Movie Corner Magazine chuan ‘Musician’ kan feature 

hmasak ber a ni nghe nghe; ‘The Living Legend’ ti ila kan sawi sual awm lo e. 

‘SAILO’ HLA A SAILO-I CHU. 

Zorock: Kum 1992-93 bawr vela Vanapa 

Hall-a Zorock Concert kan neih laiin, 

Sailothangi Sailo chuan min rawn pan 

hnai a. Ka beng bulah chuan, “Pu Zorock, 

i lo pa ber mai,” min ti deuh hnap a, 

chumi chang chawi chuan hla ka rawn 

phuah chhuak ta a ni. Ka hlaa, ‘Mawitei 

bawnglei kan tui vang em ni aw’ tih kha 

chu ka hla thu thar zawk, 2008 kuma 

ka phuah thar leh zawk kha a ni. Ka hla 

hlui zawkah kha chuan, ‘Thlen in nu ber 

bawnglei kan tui vang em ni aw’ ka ti 

a ni kha. Heta Mawitei ka rawn tih hi, 

Lalruanga (Vulmawi ) nupui a ni. Kum 

1992-93 concert kan neih lai khan thla 

khat dawn mai Aizawl-ah kan cham a, Pu 

Sangchia Hotel-ah kan 

thleng nghe nghe 

a ni. 

AMAHA PHURNA PE THIN TU. 

Zorock: Kum 56 mi lai ka ni ve tawh 

a. Hei, upa lam tawh pawh ni mah ila, 

fakna awka hi ka bengah hian a ri ve 

reng ṭhin. ‘Love Song’ hi chu phuah 

belh ta meuh loin, Pathian Hla leh Ram 

Ngaih Hla, Sports lampang te ka phuah 

thar lampang chu an ni nulh hlawm a. 

by u manuna hj 

Ram tana ka ṭangkai ve theihna a ni tih 

hriain, ṭhangtharte tana hla ṭha tak tak 

phuahchhuah hi ka dam hun chhung 

reilo teah hian ka tih ve theih tawk nia ka 

ngaihna vang hrim hrim hian phurna chu 

min pe nasa hle mai. 

MOVIES LAM HI A EN NGAI MEUH LO. 

Zorock: Movie ai mah chuan thawnthu 

ziah hi ka tui. Phek 22 lai mai ka ziak ve 

hman a, mahse kan nu hian ka ziahna 

lehkhapuan chu sangha rep funna’n min 

lo hmansak daih a, ka ziah chhunzawm 

tak loh phah!! Movies hi ka en hnem em 

em lo a; kan nu leh ka fate TV en laia va 

enpui ve leh zeuh hi ka en chhun chu an 

ni ber mai. Thawkkhat lai kha’n Wrestling 

hi ka tuipui ve deuh a, mahse a lem ka tih 

leh tak em avangin ka en chhunzawm ta 

lem lo; ‘The Rock’ pawh kha ka ngaisang 

hman ve dawn viau asin le! Khawvel thil 

hi ka rilruah hian a tlak nat em em loh 

vang te pawh a ni ta ve ang! Movie Theme 

Song/OST an tih ang chi hi chu keima’n 

ka duh ang taka a movie mil tura ka 

phuahchhuah a, ka sak theih dawn bawk 

chuan tih ve chhin hi chu ka hnial hran 

lo. 

‘GREEN GREEN MIZORAM’ 

MUSIC VIDEO PAHNIH AWM 

CHHAN. 

Zorock: Kha video kha Zoramchhani 

nen Tahan Chapchar Kut - 2012 kan han 

hman laia kan shoot a ni a; kan shoot-na 

hmun kha Khampat Bung hnuai a ni. 

Video dang lehah kha’n Op-a, C.Sanga, 

Sangtei te hoin Aizawl lamah an shoot ve 

leh bawk a, khami shooting-ah kha chuan 

ka telpui lem lo a. Kan shooting hnuhnun 

zawk ni mah se kan tichhuak hmasa zawk 

nghe nghe a ni. A hla kha han sawi ta ila - 

khami ka phuahna’n khan gel pen pakhat

ka ziak ral ṭhak a, ka bei ve nasa lutuk a, 

a thluk pawh ka bei uluk a, a hla thu ka 

phuah lai vel khan midang pawh ka rawn 

nasa. A nalh in lo ti ve em ang chu maw!? 

NGATINGE A CHER EM EM? 

Zorock: A cher chi hi ka ni ve hrim hrim 

a, ei chhiat vangah chuan lo ngai lul suh 

u. Sa hi ka ngaina lem lo a, ‘green tea’ 

ka in nasa bawk. Ka lo upa ve deuh tawh 

bawk a, exercise pawh a hranpa chuan ka 

la ngai miah lo. Ka dul hi chu a kiar ve 

thei dawn lo a niang. 

A HUN TAWNA A INCHHIR BER. 

Zorock: Pathian zarah chutia han inchhir 

tak viau ka neih ka hre lo; nupui fanau 

lah ka nei ṭha em em mai bawk si hlawm 

a. Lehkha ka zir ṭha peih lo kha a chang 

chuan ka inchhir ve deuh a, mahse ka 

thluak hi a thawl ve hrim hrim a, lehkha 

kha lo zir ta vak pawh ni ila, ka thlen 

san em em a rinawm loh a ni. Chuvang 

chuan, hetia hla phuah a, zai lama ka kal 

ta hi inchhirna pakhatmah ka nei lem lo 

a, nuam ka ti em em a ni. 

HLA PHUAHNA’NA HMUN LEH 

HUN ṬHA A TIH BER. 

Zorock: Hmun leh hun hian min tibuai 

tam em em lo. Zana mi mut reh ṭhet 

ṭhawt lai hi chuan hla phuah chu a kal 

ding ṭha duh bik khawp mai. Hmun 

fianrial deuh chu ka thlang ve ṭhin a, 

mahse, zing, chhun, tlai, zan, eng pawh 

ni se, hla ṭha tak phuah tur chuan rilrua 

a luhlai tak hi a pawimawh zawkin ka 

hria. 

ALBUM THAR SIAM LAM. 

Zorock: Ka album hnuhnung ber chu 

kum 2008-09 chhova ka siam ‘Zorock 

Thulkhung’ tih kha a ni a. Khami hnu 

khan hla thar pathum chu, hei, ka nei leh 

tawh a, album thar pawh neih leh ngei 

chu ka tum ve. CHUN NU, KA ZINNA 

RAM, HNEHNA ROPUI tih te hi ka hla 

thar te an ni hlawm a, a hnuhnung 

pahnih te hi chu kan la release loh an ni. 

Hnehna Ropui tih hi Mizoram Football 

Team tana ka phuah a ni a, Zonun 

Recording-ah kan record mek a, kan la 

peih fel chiah lo. Ka rawn tichhuak ṭep 

hlawm ang. 

HLA ENGZATNGE A PHUAH TAWH. 

Zorock: Hla hi ka phuah ve nual tawh 

hlawm a; 100 chu a chuang deuh ang, 

104-105 vel chu ka phuah tawhin ka hria. 

Ka hla sak chhuah ho hi keima phuah vek 

an ni hlawm a, a thluk pawh keima siam te 

vek an ni ve hlawm, midang phuah hi chu 

ka la sa em em lo. 

‘MOBILE’ HLAA MARUATI KHA A 

BIALNU EM NI? 

Zorock: Maruati ka rawn tih deuh hnap 

kha Mission Vengthlang, Aizawl nula a 

ni. Doordarshan lamah hian a thawk. Kan 

innelin kan inhmelhriat ṭha ve em em 

a, ka bialnu erawh ka ti ngam ngawt lo 

thung. Shillong a rawn zin pawhin min 

rawn tlawh a, Shillong Bawng sa ka lo 

rep sak nghe nghe a ni; a fel khawp mai. 

Tunah hian nula a la ni a, tlangval tan 

chuan rim ve ngei ngei chi a ni. Tunlai 

ṭawngkam takin ‘a khal bawn tawps’. 

MIZO MUSICIAN/ZAITHIAM A 

NGAIHSANTE. 

Zorock: Musician-ah chuan Hmingpuia 

(Albatross) hi thiam ka tiin, ka ngaisang 

khawp mai. Zaithiam mipa-ah chuan 

Vanlalsailova aw sin deuh hi ka duh chi 

em em ni lo mah se, a insum theihna hi 

ka ngaisang. Hmeichhe zaithiamah chuan, 

ka lo hriat chian leh ka belh chian ve ber, 

Zoramchhani hi ka ngaisang ber mai. 

MC EXCLUSIVE 

MIZORAM LAMA RAWN CHHUAH 

CHHOH. 

Zorock: T Medoly vocalist, Lalnunsanga 

hian tun thla hian nupui a nei dawn a. 

Kal ve turin min sawm nasa a, kal ngei 

pawh ka tum ve hle a. A nupui neihna 

hmun tur hi Tahan-ah a ni dawn a, hemi 

kal paha Aizawl rawn chhuah chhoh a, 

video shooting rawn neih pawh ka tum ve 

nasa khawp mai. Mahse, hei, vanduaithlak 

takin ka hna-ah ka buai leh thut dawn si a, 

chawlh pawh ka la hman lo a, tun thla ka 

‘program’ ho chu ka cancel leh hrih vek a 

ngai dawn a nih hmel khawp mai. A mimal 

takin Lalnunsanga lakah pawh hian ka 

inthiam lo hle a. Tun kum ngei hian rawn 

chhuah chhoh hman chu ka tum. Ka nu 

hi Khampatah a awm a, chumi tlawh pah 

chuan Tahan lam pawh kal ngei ka tum a 

ni. Mahse, chu, ka lo tum lawk tawh ang 

chuan, April thla chhung hi chuan ka 

rawn kal thei dawn ta lo a ni. 

‘HNEHNA ROPUI’ CHU 

ENGTIKAHNGE? 

Zorock: Ka la chiang thei chiah lo. Hla 

ṭha leh ril nei thei tur hian taimak hi a lo 

ngai ve em em a. Hei, ka ṭhutchilh nasa ve 

em em a, vawi 100 chuang teh meuh mai 

ka ṭhutchilh tawh a ni. A thluk pawh lam 

rem deuh tura siam ka tum a, HOT thei 

ang bera rawn sak chhuah ngei theih ka in 

beisei ve hle!! 

MIPUITE HNENA A THUCHAH. 

Zorock: Kan hriat ṭheuh angin ‘cassette’ 

hralh chhuah hunlai kha kan lo pel ta a. 

‘CD age’-ah kan cheng mek a ni a, a hralh 

theih tawh hauh loh thung. Zaithiamte 

tan hian sum hek taka studio record te 

a ngai ve a, video siam dawn phei chuan 

sum a ngai hnem ve tak zet. Chuvangin, 

sponsorship lam tal hi uar ila, phur taka 

hla phuah te pawh a awl bik a ni. Mahni 

sum seng ngeiin hla pawh ka rawn nei 

thar nual tawh a, sponsor-tu an awm 

chuan, ngaiawh talin, kan che chhuak 

ve thei a ni. Chu chu keimah chauh ni 

lo, zaithiam dang te tan pawh ka sawi 

chhuak duh a ni. Sum chu awm se, Aizawl 

khawpui ngei maia concert lian tham 

tak rawn neih leh pawh ka chak tak zet. 

Mizoram ngeia han ROCK leh pawh ka va 

han chak tak em! 


MC MASALA MIX 


by Engkima Chawngthu 

Film hmuhnawm ka tih hrang hrang ka ziak nual tawh a. Tun ṭum chu indo film 

lam in hrut ve dawn teh ang. 

The Great Escape (1963): Hei hi indo 

tlan chhuahna tura hma la tu ber, Flight 

film zingah chuan en tlak pawl tak a 

Lieutenant Danny Velinski “tunnel king” 

ni awm e. Indo film ka ti takna a, indo 

an tih mai kha an tlan chhuah dawnin 

avanga tang (Prisoner of war) film a ni 

thim a hlauh thu a sawi mauh mawle…. 

zawk mah. Indopui pahnihna laia German 

Leiverh tam tak (17 lai) lo laitu khan khati 

hovin ṭangrual pawl (Allied forces) an man 

tak maia thim hlau si, an tlan chhuah 

khawm te an tlanchhuah ruk dan, kum 

theihna tura a lo inthup thei te kha a in 

1963 daih tawha siam kha a ni. Allied 

forces an man te chu Stalag Luft III an 

pekna a ropui dangdai ve riau a ni. 

tihah (tunah chuan Żagań an ti a, Poland 

The Longest Day (1962): He film hi 

ramah a awm) an dah khawm a. An camp 

1962 kum-a chan niin, Cornelius Ryan- 

commander chuan ‘he camp-ah hian tlan 

an 1959 kum-a a lehkhabu ziah, The 

chhuahna a awm lo ang’ a ti vei pang 

Longest Day tih aṭanga siam a ni. He 

pang a, mahse a tang hoin an tum bawk a, 

film hi Normandy (France) tuipui kamah 

an tlan chhuak ta nge nge a ni. 

American sipai te, Kumpinu sipai leh 

Film-a a lan danah chuan he camp-a awm 

Feren sipai te’n German an do letna a ni 

te hi eng emaw ti takin an zalen a; an duh 

; 6 June 1944 a thil thleng a ni ber. Ram 

leh mamawh te chu an nei thei zel mai a; 

hrang hrang sipai te hian an mahni theih 

civilian dress te, map leh document lem 

ang angin, a ṭhen thlawhna hmanga 

thlengin an nei thei zel a. Mi chi hrang 

parachute zuang thla tawk te, a ṭhen 

hrang kal khawm an ni bawk a, an thiam 

chu ke leh tuipui lama ṭanga lawnga 

thil an han lantir liam liam a, lei pawh 

khawmual kai a bei tawk an awm bawk a; 

hmun thum laiah verhin, “Tom,” “Dick” 

scene hrang hrang si, mahse inzawm taka 

leh “Harry” tih hming an vuah a. An lo 

remkhawm a ni. He film hi international 

fimkhur vek seng bik lova, ‘leiverh Tom’ 

star pawh 42 laiin an chan a ni a, an chang 

chu guard te’n an hmuchhuak hlauh a, 

thiam hlawm a, a hmuhnawm dangdai hle. 

mahse Harry zawkah an bur leh chat a. 

A film ti hmuhnawmtu tur hrang hrang 

Rim taka thawkin an verh pawp a, mi 

an zep thiam hle a. Thlawhna aṭanga an 

76 lai an tlan chhuak hman a, mahse 

zuan thlak dawn a French ṭawng an thiam 

engtin tin emaw an man khawm leh a, mi 

ang ang lo hmang chhen te, zuan thlak 

pathum chiah nungdamin an tlan chhuak 

sual avanga Biak In dar ri ring leh rei tak 

thei a ni. 

ngaihthlak avanga bengchhet ta te leh 

He film ti hmuhnawmtu zingah chuan 

German fighter ngaihsam hmel deuhin 

Captain Virgil Hilts, mawl takin tlan 

an pu te a biak dan te, a ṭhianpa hnenah, 

chhuah an tum fo avang leh an man a, 

“Normandy-ah min tir a, kan let leh pawh 

an hrem zin em avangin “The Cooler 

ka ring lo,” a tih thu te, American sipai 

King” tih hming a put phah ta hial te, an 

hotuin (second in command) indo a chak

lutuk avanga indonaa kal dil a tum a, a 

tiang a thuhruk thu te, Beach Master-in a 

pi thusawi, “Khawl thil chu han chhu bur 

ila, a ṭha mai,” tih sawi paha khawl a vuak 

nghek thu leh a nun tak avanga a awih 

loh zawk hial thu te hi a ti hnuhnawmtu 

a tling hial awm e. Indo film-ah chuan 

indopui pahnihna hlimthla tarlang chiang 

ber te zingah a tel pha hial bawk awm e. 

We were Soldiers (2002): He film hi 

American hovin Vietnam an do ṭum a, 

Lt. Col (a hnu lamah Lt. General thleng 

a kai a ni awm e) Hal Moore-a lehkhabu 

We Were Soldiers Once… And Young tih 

behchhana siam a ni. Lt. Col Moore-a 

hi hnam hrang hrang leh sakhua hrang 

hrang bia te awm khawmna, 7 th Cavalry 

enkawl tura tih niin, Vietnam-ah tirh an 

ni a. Moore-an Vietnam an kal dawn a, a 

thusawi hi a ropui ka ti; ka ngaithla nawn, 

ka ngaithla nawn ṭhin. “In vaiin nung 

damin ka hruai haw leh vek ang che u tih 

ka tiam thei lo a che u, mahse hei hi sawi 

ka duh. Indonaah chuan hma ka hruai 

zel ang a, hnung ka dal zel ang. Tumah 

ka hnuchhiah lo ang che u, thi-in emaw, 

nungdamin emaw, a rualin kan haw dial 

dial ang,” a tih hi. A in pekna a ropui hle 

a, indona-ah chuan hma a hruai ta reng a, 

hnung a dal ta bawk a ni. 

He film thawnthuin a tarlan dan hian 

US sipai 400 lekin Vietnam sipai 4000, 

division khat an beihna a ni. An inbei 

nasa bawk a, Moore hian Vietnam sipai 

hi an hneh dawnin a hre ngang lova, a 

tawpkhawk tak meuh meuhah ‘Broken 

Arrow’ tiin thlawhna hmanga bei turin 

a ti ta a. Thlawhna hmanga beihnaah US 

sipai a thliar hran theih tawh loh avangin 

thihchilh ang thawthang an ni. A tawpah 

chuan Vietnam sipai lam pawhin tih 

ngaihna an hre lova, an in saseng san ta 

reng a ni. 

MC MASALA MIX 

No Man’s land (2001): He film hi kum 

2001 Oscar Award (foreign language) 

pawh lo la tu a ni. Indo bur bur leh inkap 

rep rep a ni lem lo nain, a hmuhnawm 

dan a dangdai riau. Bosnian war laiin 

Bosniak (Bosnia hnam chi khat) sipai 

hliam, nikhaw hre lova awm chu, Serb 

sipai pahnihin a mutna hnuaiah bomb 

an kam a. A thawh emaw an hnuhsawn 

emaw veih chuan bomb chu puak tur a ni. 

Chu chu Bosniak sipai leh Serb sipaiin 

an buaipui dan a ni ber a. Bomb kam chu 

sut turin an buaipui luih luih a, UN sipai, 

Peace Keeping forces lam te pawh rawn in 

rawlhin bomb kam chu sut an tum, mahse 

an beidawn san. Film mai mai mah ni se, 

bomb kamna pa kha engtin nge a awm zel 

ang le! tiin ngaituahnain a chhui zui ru ve 

vawng vawng ṭhin. 

The Hurt Locker (2008): He film hi tun 

hnai a indo film zingah chuan entlak pawl 

tak niin ka hria. He film hi America-in tun 

hnaia Iraq a run behchhana siam a ni. A 

changtupa, Sergeant First Class William 

James, American bomb disposal specialist 

lema chang Jeremy Renner hian a chang 

thiam em a, en pawh a manhla khawp 

mai. Jeremy hi bomb disposal specialist 

mizia ni awm tak, ṭhiante tana in pe zo 

tak, amaherawhchu, kawng ṭhenkhatah 

chuan ngaihsam ang reng tak anga a lang 

thiam hian a ti hmuhnawm zual a ni. 

Tin, he film hian Iraq indo lai vela an ram 

thim dan tur leh a khirh dan tur a tarlang 

chiang hle. He film hian award pawh a 

dawng hnem na-lai-leng a, nomination 

165 hmu in, chu’ng zingah chuan 98 lai a 

dawng a ni. 


MC AWESTRUCK 

THE ENDURING 

MAGIC OF DISNEY 

ANIMATIONS 

Hmanni chu keimah chauhin TV ka en a. Ka channel en 

ṭhinte-ah chuan ka en peih zawng a chhuah hlawm loh 

avangin ka channel surf ta mai mai a. Disney Channel-ah 

chuan ka naupan laia ka film duh ber, ‘’The Lion King’’ chu a lo 

chhuak hlauh mai a, ka en ta nghal chat a. Ti hian ka rilruah 

a lo lang ta a – keini generation, 1980s decade-a piang ho tan 

chuan animation kan en hmasak ber pawl te chu Hanna Barber 

te, Looney Tunes te, MGM cartoon te, Disney te hi an ni ber 

a. A hunlai ngaihtuah chuan animation changkang tak chu 

an ni ngei a ni. He’ng zingah hian tun thlenga la lar ber leh 

hlawhtling ber chu Disney hi a ni. 

Disney kan tih hian tunlai naupang tan chuan Tangled te, 

Monster Inc. te, Wall-E te, Finding Nemo te hi rilruah a lang 

ber awm e. Rual u deuh te chuan Mickey Mouse te, Donald 

Duck te, Chip and Dale te leh fairy tale movie hmasa ho kha 

kan hre tel bawk ang. Disney Studios dintu te hi unau, Walt 

leh Roy Disney te an ni a. October 16 th , 1923 khan Burbank, 

California-ah Disney Brothers Cartoon Studios ti a kovin, an lo 

din ṭan a. Animation bakah hian an huang an zauh sawt hle a, 

theatre, radio, music, publishing, and online media an khawih 


by Oniisan Chawngthu 

tel mek a ni. Disney Studios hi tunah hian Hollywood-a studio lian 

ber leh hlawhtling ber pawl ami a ni. Disney Studios te hian a tirah 

chuan ‘’shorts’’ – animation tawi te te – an siam phawt a. 1928 khan 

Mickey Mouse hi sound neia animation an siam hmasak ber niin, 

1932 khan Technicolor an hmang ṭan bawk a ni. Mickey Mouse and 

Donald Duck animation series hian Disney te hi Academy Award a 

dawn sak nual bawk. 

1934 khan Disney chuan an thil la tih ngai miah loh – feature 

length animated film chu an siam ṭan ta a. Thawnthu lar tak, 

Snow White and the Seven Dwarves chu kum 3 zet an buaipui 

hnuah 1939 khan an tlangzarh ta a, a hunlai rau rau chuan 

pawisa a la lut hnem ber a ni. Hemi zawh hian shorts leh feature 

film dang (Pinocchio, Fantasia, Dumbo, and Bambi) an release 

zawm zel a. An feature film te hi an siam ulukin, style bik te an 

nei bawk a. Music leh cinematography an ngai pawimawh a, an 

film siam tam zawk te hi musical (zai tel) an ni bawk a ni. 

Disney hian a bik takin thawnthu lar, fairy tales kan 

tih ho hi an siam nasa a. Snow White bakah 

Sleeping Beauty te, Peter Pan te, Alice in

Wonderland te hi film-ah an siam a ni. 

Tunah phei chuan he’ng thawnthu kan 

chhiar hian Disney te siam hi rilruah a 

rawn lang tlat tawh a ni. Mak deuh mai 

chu, Disney hian an din tirha an larpui 

em em Mickey Mouse leh a ṭhiante hi 

feature length film pakhatah chiah an 

siam a ni. 

1966 khan Walt Disney hian studio 

hlawhtling tak a din chu a thihsan a. 

Hemi hnu kum 20 vel zet chhung hian 

Disney Studios chuan hit film siam 

mang lovin, an hna thawktu tam tak 

pawh an ban phah a ni. 1985-a an film 

siam ‘’The Black Cauldron’’ phei chu 

a hlawmchham nasa lutuk a, in lamah 

pawh en theihin an siam zui ta lo tawp 

a ni. Heti khawpa an tlakchhiat hnu 

hian Disney chuan hruaitu thar, Michael 

Eisner leh animator, Jeffrey Katzenberg 

te kaihhruain hnuaiah hma an rawn 

sawn leh ta hret hret a. Studio hming 

pawh 1986 khan an thlak a, Walt Disney 

Feature Animation tih a lo ni ta a ni. 

Hemi hi chuan blockbuster deuh hlir 

an siam tawh a ni. Studio an siam ṭhat 

rual hian animation technique thar, 

Computer Aided Animation Techniques 

chu hman ṭan a lo ni bawk a. Disney 

chuan hei hi an chhawr ṭangkai nghal 

em em a ni. The Little Mermaid (1989), 

Beauty and the Beast (1991), Aladdin 

(1992), The Lion King (1994) leh 

Pocahontas (1995) te hian ‘’the Disney 

Rennaisance’’ tih hun chu an rawn siam 

a ni. He’ng movie te hi en ila, a hmaa 

mi te nen an animation techniques 

danglam zia chu a hmuh chian theih hle 

a ni. 

2007 khan thil thleng pakhat a awm 

leh a. Disney hi an experiment nasa a, 

an studio pui ber bakah studio dang an 

siam nual a. The Secret Lab te, Circle 

7 te an din a, mahse he’ng hi hun rei lo 

teah khar leh vek an ni. 2000 hnulam 

kha chuan Disney hian animation studio 

dang te an tluk lo chho char char a, 

a bik takin Pixar Studios (Toy Story, 

Up, Wall-E) te hian an luahlan hneh 

hle a. He’ng bakah hian DreamWorks 

Animations (Shrek, KungFu Panda, 

Madagascar) leh Blue Sky (Ice Age, 

Horton Hears a Who, Rio) te hi an rawn 

lar chho em em bawk a. 2006 khan 

Disney chuan Pixar Studios chu a lei ta 

hmak a. Walt Disney Feature Animation 

chu Walt Disney Animation Studios 

tihin an thlak leh a, Pixar leh Disney te 

chu inzawm lovin, a hrangin an thawh 

zui tir tho a ni. Computer generated 

animation siam an tam tak em avang 

chuan mipui chuan an hne ta deuh a ni 

ang e, Disney lam chuan tih dan thar 

an han ngaihtuah leh a. Chutah chuan 

an animation style hlui, hand drawn 

animation lam chu hawi lehin, hemi 

style hmang hian ‘The Princess and the 

Frog’ (2009) chu an siam leh a, beisei 

angin a hlawhtling ta bawk a ni. Tunah 

rih chuan Disney animation kut chhuak 

hnuhnung ber chu ’Wreck-It Ralph’ 

(2012) a ni a, ‘Frozen’ (thawnthu lar 

‘The Snow Queen’) chu 2013 kum tawp 

lam hian release turin an siam mek 

bawk. 

Din a nih aṭang khan 

Disney Studios hian 

harsatna tam tak a tawk 

a, studio khar ngai 

ṭhelh khawpa tlakchhiat 

chang pawh a tawng fo. 

Amaherawhchu, tun 

thlenga studio ṭha leh 

mipui lawm hlawh a 

nihna chhan hi enge 

kan tih chuan, mipui 

thinlunga thawnthu lar 

sa te hi anmahni stylein 

an rawn siam a, an 

siam uluk hle bawk a, 

entute thinlung an kuai 

hneh thei em em a, hun 

rei tak thleng chu an la 

awm dawn tih a hriat 

theih a ni. 

Disney hian tun thleng 

hian animation film 

52 an siam tawh a, he 

article ziaktu hian 26 a 

en tawh a ni. 

MC AWESTRUCK 


MC PEEP 

PEEPING TOM 

by Lal Jo-a 

A thupui avang hian Peeping Tom chanchin rawn ziah ka tum tihna a ni lova, a thawnthu rawn chhuah 

dan pawh sawi ka tum lem lo. In hre vek maithei, hre lo tan pawh chhiar tur a tam. A movie la en lo in 

awm pawhin ka dem hran lo che u, a sexy em a ni! 

Kan hunlai Cinema 

Han ti ve khanglang ila, kan nu leh pa te hunlaia 

Cinema boruak kha chu kan han tem pha ve chiah 

lo na in, ticket inchuh a nasat ṭhin zia leh sual huai 

deuh nih loh phei chuan ticket chan a har thu te chu 

kan hre vek awm e. TV te a lo chhuah hnu, in tin deuh 

thaw a en tur a awm chinah kha chuan Cinema khan 

a vanglai a pel ta deuh. En tur pawhin inchuh a ngai 

lova, amaherawhchu en tur chuan zahtheihlohna 

zawng zawng sawm khawma en a ngai ṭhin. 

A chhan berah chuan Cinema en ṭhin kha Gym kal 

vanga ban lian pui pui ni miah si lova ban lian leh 

purun sen chan avanga meng si deuh sup ni si lova 

meng si sup vek kha an ni a. An thawmhnaw te pawh 

JCB-in a laichhuah hlim hlawl an ha emaw tih tur 

khawpa bal te kha a ni ṭhin. Kha’ng avang khan en ve 

nih pawh kha zahthlak-ah kan ngai ni berin a lang. 

Tun hma a Cinema hall ṭhenkhat tih tawp ni tawh 

mah se, keini generation-ah chuan Zodin, JL leh AR 

te kha an la awm a. AR cinema Hall hi chu vai film an 

pek deuh ber avangin a lun lutuk lova, amaherawhchu 

Zodin leh JL-ah erawh film chhuak a ṭha thei hle. 

Ka ṭhianpa Joseph-a 

St. Paul’s HSS kan luh tirh khan kan classmate 

pakhat, ka hmingpui, Joseph-a ve tho a lo awm 

a; luh hmasak ber ni a hminglam-naah pawh kan 

present rual nghe nghe. Ani kha ‘repeater’ a ni a, 

kei aiin a zak thei lo hret! Amah hian a chhiar ve 

kher ka ring lo bawk a, i han puan law law teh ang. 

Faktea rawngbawlna vung chhoh lai, khatia mi hrang 

hrangin “khawihthluktheihna” an chan sup sup 

khan class chhungah te pawh khawihthluktheihna 

chang an awm ve a. A hman hman khan min khawih 

thlu kha a ni mai a. Joseph-a ning tawh deuh chuan 

khawihthluktheihna changtu kha hmeichhia an nih 

chuan hnung lama tlu ta mai lo hian, anmahni bawh 

zawng khera tluk luih kha a tum ta ṭhin a, an in dang 

bet nasa ṭhin teh asin! 

Cinema en hrat chu 

Kan inkawm rei telh telh a, a chanchin ka hriat belh 

tam tak zingah Cinema en hrat tak a nih thu te pawh 

chu ka hre chho ta zel a. School ban veleh hian tlai 

show nang hman turin, midang pawh nghak hman 

lovin, a rang a rangin a tlan haw nghal ṭhin a. A 

khawi berah nge a en pawh chu ka hre lem hlei law’. 

Chutiang reng renga hun hmang a nih avang chuan 


a zirlai-ah pawh a rilru a pe tak tak lo tih a hriat. 

‘Exam fail zawngin chhungte hruai tur’ an tih 

pawhin a hruai hmasa ber pawl a ni ve thei ziah. 

AR Cinema Hall-ah 

Vawikhat chu, chutia Cinema en hrat ta reng reng 

chu, Cinema enpui-ah min sawm ta a. School chawlh 

niin, chhunah, Cinema en tur chuan kan inzui 

chhuak a. Zodin leh JL velah show mumal a lo awm 

loh avangin Aizawl sipai lammual lama AR Cinema 

Hall chu kan pan phei ta a. Shah Rukh Khan-a 

channa ngei mai “Phir Bhi Dil Hai Hindustani” an 

chhuah lai a lo ni a. Ticket cut tur chuan kan intlar 

ve ta a, ni a sa rapthlak mai si a. Ka hawi kual leh zek 

zek ṭhin a; a chhan chu ka ‘confi’ loh em vang a ni. 

Hmelhriat an awm em? Min lo hmutu an awm em? 

Vai an tam bawk si a tih ngaihtuahna zawng zawng 

nen chuan ka ding hle hle thei lo a ni ber. 

Zawi zawia kan tawlh phei hret hret hnu chuan kan 

thleng ve ta, Joseph-a chuan mi pahnih tan ticket a 

duh thu a hrilh pah chuan pawisa a pe lut a. An thai 

kawi neuh neuh hnuah chuan ticket chu an rawn pe 

a, kan kal mai dawn emaw tih laiin, “A seat hi min 

thlak sak rawh u, ban zawn a nia, ka duh lo,” a ti 

ta mai. Awi karei! Ka zui pa hian engkim a hria a 

nih dawn hi! Ka zak ang reng bawk si, counter a ṭhu 

te lah chuan la mai tura an nawr hnu pawhin a kal 

sawn duh lova, a ding tlat bawk si. A tawp a tawpah 

chuan seat chu min thlak sak ta a. A chhung kan luh 

hnu chuan ban zawna ṭhu te chu ka va en ṭhin a, a 

chhuah zawh meuh chuan an nghawng a kham tur 

zia te chu ka hriatpui mai. Joseph-a hnung ka zui 

chu ka inchhir lo leh hnuhnawh ta vel a. 

Cinema Hrik 

Hun a kal zel a, rei vak lo hnuah chuan Zodin 

Cinema lam chuan an chhuah ‘sexy’ chho ṭan ta 

hle a; lun pawh an lun malh malh hle. School ban 

apianga State Bank bus stand (tuna Tennis Court bus 

stand ni ta) zawn chhak lamah Hoarding lian puiah 

chuan film chhuak lai mek poster an tar ṭhin a. Tin, 

Zodin bus stand chhak lamah pawh a aia te deuhin 

an tar bawk ṭhin. A poster aṭang ringawt pawhin 

naupang en chi loh tih hi a chiang ngawih ngawih 

zel a. Lian takin, a sen hian ‘A’ tih hi a inziak kulh 

ṭhin a, a awmzia hre chiah lo mah ila puitling en chi 

tih chu kan hrethiam tho. Chu’ng thlalak (poster) 

in tar te chu kartin deuh thaw hian a tharin an thlak 

ṭhin a, mahse chu’ng zingah chuan “Peeping Tom” 

kha a awm nawn ngun malh malh 

hle. 

He’ng ‘A’ tih inziah telna poster 

reng reng Cinema-a an chhuah 

hian school naupang emaw kum 

tlinglo hrim hrim kha en phal loh 

a ni a; en chi-ah pawh tumahin an 

ngai lem lo. Amaherawhchu, kan 

Cinema hrik Joseph-a chuan a en 

ngun tawh thu a rawn sawi leh 

mauh pek. 

A chhuah apianga a en ziah thu 

leh engtin nge a en theih mai bik 

sawi duh silo hian a film kalphung 

hi a sawi zuah zuah ṭhin a. Inti 

tlangval ve ṭan ik ik tan chuan en 

ve hi a chakawm ngawih ngawih 

ta ṭhin. Tlai khat pawh dar 3 show 

nan hman a duh avangin a lu a 

tina der a, a hmel a lo damloh 

hmel sa hrim hrim bawk nen, 

zirtirtu te’n awih sakin, dar 2-ah 

chuan school aṭangin a chhuak ta 

a. A chhuah pahin min rawn bye 

bye nghe nghe. 

Peeping Tom chu vawi engzah 

nge a en tawh thu ka zawh chuan, 

a sawi mai theih loh thuin min 

chhang a. Vawi 10 chu a chuang 

tawh ngei a ni tih erawh a chiang 

thung. Peeping Tom en hrat-a 

chuan Cinema hall bang awng 

aṭang pawha a en chhuah ṭhak 

tawh thu te kha a sawi tel tak 

nghe nghe asin. Chutiang khawpa 

Peeping Tom-in a bual at kan 

ṭhiana chu kha’ng hunlai bak kha 

ka hmu leh ta reng reng lo. A la 

en nghauh nghauh a niang! Amah 

avanga Peeping Tom ka en chak 

em em kha tun thlengin ka la en 

ve miah lo thung.

TOP 

BOX 

OFFICE 

1. Evil Dead 

$25.8M 

3. The Croods 

$20.7M 

5. Olympus Has Fallen 

$10.2M 

2. G.I. Joe: Retaliation 

$20.9M 

4. Jurassic Park: An IMAX 

3D Experience $18.6M 

6. Temptation 

$10.1M 

FIAMTHU CORNER 

by Tsa Khupchong 

MC LAUGHS 

• An ar kha sihalin a la a, ar neitupa chuan sihal chu man tumin a 

um a, ar neitupa a tlan chak mai mai, reilote hnuah a sihal zawkin 

a um. 

• Mistiri a chhawr ve a, in chanve an sak zawh tawh hnuah mistiri 

dang a zawt a, “Ka mistiri rawih hi a thiam em?” a ti vei ar ar a, 

mistiri chuan, “Umm…helper nia, plaster chu thiam,” a lo ti hmak. 

• “Apa chu a dose a hniam lutuk, no khat a in paw’n a chatthla thei.” 

“Eng no-in nge a in thin?” 

“Jooke-in!” 

• A vawt an ti ve bawk si, kawrlum an nei bawk si lo. An chhungin 

khawlaiah zan reiah an tlan vak zel, lum chu an tih phah, an thlan 

pawh a tla, mahse, thenawm khawveng tan an bengchheng a ni. 

• Rambuai laia hmeithai pakhat veng mawng lama awm pawh kha, 

vai sipai khan rinhlelh thil thu-ah a in an rawn dap ve a. Engmah 

an hmuh tak lohvah chuan chhuah mai an tum a, kawngka an pen 

chhuak dawn chiah tih chuan hmeithai chuan, “Inpawngsual lamte 

hi…?” a ti e an tih chu! 

• An in chhungah a kezungpui chauha hrui thlungin a lo inkhai lu lu 

a. A ṭhianpa’n a rawn hmu thut a. 

“Eng nge tih i tum a?” 

“Ka inawkhlum dawn!” 

“Tunge kezungpuia inawkhlum ngai? Nghawngah alawm an 

inawhhlum thin!” 

“Ka thi ang asin!” 

• Tuai pakhat pawh kar khat a mo ve a, a haw tau a. A chhan an 

zawh chuan, “Awi, a nu saw ka ning, zingkarah zun ruk ngai ziah,” 

tih pahin a kal awt awt. 

• Tlangval chawhmeh duhtui zing tho tlai pawh khan an chawhmeh 

a en vang vang a, “A seng theih e!” a ti hmak. 

• A bialnu nen an inhau a, a bialnuin phone a dah hmak a. “Dah 

mah la, ka sawi zo tho tho ang,” a tia, a duh a sawi zawh hnuah a 

dah ve hmak! 

• Mi chuan an nupui neih hnuin ‘tlangval ka kham lo’ an tia, ani 

ve chu a nupui nen thla khat chauh an innei a, an inṭhen leh sia, 

nupui neih a kham lo. 

7. Oz the Great and 

Powerful $8.0M 

www.mizofiamthu.com 

8. The Host 

$5.2M 

9. The Call 

$3.5M 

10. Admission 

$1.9M 


MC ADDICTION 

I can’t sleep and I lay and I think, 

The night is hot and black as ink. 

Oh God, I need a drink of cool, cool rain 


Love, Reign o’er me. 

Love, Reign o’er me, o’er me. 

-Pete Townshend, The Who. 

Charlie Fineman: [Alan-a lam hawi pahin] Fanu pathum ka 

nei a.. 

Alan Johnson: Aw... Ka hria alawm.. [a hmelah erawh 

chuan mak a ti a ni tih a hriat theih a] 

Charlie Fineman: A naupang ber chu Geena a nia..kum nga 

a ni ve tawh a. A u chiah Jenny chu kum sarih mi chauh 

a ni na a... a rualpui mipa naupangho ngainat nachang a 

hre deuh der tawh a. A upa ber chu Julie a ni a, kum kua-a 

upa a ni ve thung a. Johnson, an vai mai chuan an inang 

em em a. An nu, ka nupui Doreen-i an chhun em em vek a. 

Doreen-i chu DT tiin kan ko ṭhin a, a hming lamtawi a nia. 

A hmingpum chu Doreen Timpleman a ni. Doreen chuan 

ui, poodle hi a nei a, a hming chu ‘Spider’ a nia. Tuktin 

hian an zavai mai chuan min kaitho ṭhin a. Inrinni tuka 

min kaihthawh nana Beatle hla ring zeta min han sakkhum 

ṭhin te phei chu..duhawm tak hi an ni ringawt! Duhawm 

tak! Doreen chuan ka awm ang angin min pawm tawp a, 

tute emaw nupui angin mi a sawisel ve ngai lo. Carpet a 

bawlhlawh lohna’na pheikhawk phelh turin min ti ṭhin 

a..chu zawng chu a ni mai. Ka fanute chu, an nu ho chuan 

an duhawmin an nu ngawih ngawih a... Kei..kei ber chu 

a danglam fal bika chu ka ni..I hrethiam mai anga..mipa 

awm chhun ka ni a..Min duata min zahthiam ṭhin zia chu.. 

Alan Johnson: Aw..ka hrethiam alawm... 

Charlie Fineman: Kan pang ber Geena tih loh chu an sam 

a sei vek a. Ani chuan sam tawi a ngaina tlat a..midang ang 

lo deuh nih kha a duh ni berin ka hria... A taksa-ah hian 

hang bik lai, a kanna hnu ni awm tak hi a nei a, mahse, 

kanna hnu ni lovin, a pianpui a ni a.. ‘A reh mai ang’ hi a ti 

ve ziah a..mahse, chutia reh mai mai chi a ni lova. Chuan, 

a u chiah Jenny ka tih kha..Jenny chuan gymnast nih a 

tum a. Thil han chelek vel a zei lo nasa mai si a..mahse, a 

tana gymnast nih a harsat turzia chu ka hrilh ngam ngai 

lo. 

An vaiin an nutei Boston-a awm tlawh turin an kal a, 

Spider pawh an hruai a...englo a nia, Spider an hruai ve 

reign over me 

by James Famkima

MC ADDICTION 

chhan pawh, chaw ka lo pek ṭhat loh an hlau a.. Kan chhunga, 

Los Angeles-a DT-i cousin te inneihna-a kal tur kan nia. ‘Los 

Angeles-ah kan inhmu dawn nia’ kan ti a. Naupangho chuan Los 

Angeles-a kal chuan Disneyland tlawh ngei an duh a, mahse, 

sikul an chawlh rei kan phal loh avangin Disneyland-a kal chu 

‘a theih lohvang’ kan ti a. Chuan..chuan..Los Angeles-a anmahni 

hmu tur chuan keipawh ka insiam a, JFK (airport) panin Taxi-ah 

ka chuang a. Chutia Taxi-a ka chuan mek lai chuan Radio-ah 

an rawn puang a…. [sawizawm harsa a ti a..a mittui a tla zawih 

zawih a] 

Charlie Fineman: Airport ka va thleng a..pa pakhat chuan 

thlawhna chu Boston aṭanga thlawk chhuak a ni tiin min hrilh 

a…pakhat dang leh chuan thlawhna pakhat mai pawh a ni lo.. 

pahnih a ni a ti bawk a.. Chutah, Airport chhungah chuan ka 

lut a. TV-ah chuan an lo chhuah a…TV-a ka thil thlir chuan 

ka tirilah min man a.... Geena taksa-a kanna hmuamhma ni 

awm taka dum lai awm te kha ka mitthla-ah a rawn lang a…ka 

thinlung chu a kan hian a kang a… 

Zing nichhuak hlim ai pawha thlakhlelhawm zawk khawpa 

hmel duhawm leh ngainatawm pu te hi chu kan damchhung 

tal chu kan kianga awma, dam ve reng turin he mihring, mahni 

hmasialna-a khat hian a duh ṭhin a. Mahse, chu chu khawvel 

kalphung a ni lova, kan duhna ringawt hian khuarel a tidanglam 

thei si lo. Inhmangaih ngawih ngawih karah pawh dam rei zawk 

awm a ngai a. Kan engkima kan engkim, ṭawngka maia sawifiah 

thiam phak bak khawpa rila kan hmangaih ngawih ngawihte’n 

mual min han liamsan chiah hi chuan patling pawh a patlin hleih 

theih lohva. Mi fing nihin awmzia a nei lova, hausak leh retheih 

lahin kawngro a su hek lo..a natin a na ngawih ngawih a… 

Thihna rapthlakin dim lo baksak leh diriam taka a nghaisak tan 

chuan vanduaina chhipchhuan chunga khawvel hmachhawn chu 

thil namai lo tak a ni. Chutiang dinhmuna dingte hnenah chuan 

he khawvel leh a chhunga awmte hian beiseina nung siamsakin, 

nun thar a dinsak leh thei a ngem le? 

REIGN OVER ME ka en hmasak ber tum chuan ka mittui a tla 

zawih zawih a. Ka hmangaih ngawih ngawihte’n min lo boralsan 

ve tawh avangin ka rilru a nem deuh pawh a ni mai thei. Movie 

mai mai avanga mittui tla ngai lova inchhal ve ṭhin kha ka insum 

hleithei meuh lo. IMDB lam chuan 7.5 vel rating an pe a, kei 

chuan 10 ka pe ve thung. 

A nupui, a hmangaih ngawih ngawih leh a fanu duhawm tak 

tak pathum 9/11-a a hloh hnu chuan Charlie Fineman chu mi a 

ang maiin a khawsa chho a. Chutia mu leh mal pawh nei lo leh 

bawrchhawr zeta a tal mai mai lai chuan, College a kal ṭhin laia 

a ṭhianpa, a roommate ṭhin nen an intawng leh hlauh mai a. A 

tawrhna zawng zawng ata chhanchhuaka nun thara nung thei 

tura puih chu, chu a ṭhianpa tan chuan thil awlsam a ni hauh lo. 

A plot a ṭha a, nuih loh theih loh lai a awm ang bawkin mittui 

kaichhuak khawpa lungkuai lai pawh a awm ang lawi bawk si. A 

khat tawka Bruce Springsteen-a zai, aw chhang ṭiak ṭuak leh per 

nalh zet mai lo ri leh zauh ṭhin te pawn a tihmuhnawm zual a. 

Vawi ruk zet chu ka en ta a. Midang la en ve miah lo awm ta se, ka 

la enpui peih thovin ka ring. 


MC CONFESS 

(True Story) 

by Uncle Tom 

KA FAWP TA NGEI ASIN 


Ka naupan lai ka ti dawn nge? Aw, a dik ang. Pawl 8 kan zir kum kha a ni miau a, kum 12 chauh 

ka la ni tlat alawm. Kan til-pawr-aw ṭan ve chauh a nih tak kha!! Tah chuan ‘star’ ka nei ve ta a. Ka 

sikul kalna hming chu sawi lang lo mai ila, kum (year) ka rawn dah pawh hi kum dik lo angin ka 

rawn dah ta mai, mahse awmzia a nei vek. A chhut thiam chuan lo chhut mawlh rawh se. 

KA TAWN DAN: 

Kum 1901 khan pawl 8 ka zir a, high sikul ka rap ṭan ve ta der chu a ni mai a. Kum 12 

mi lek ka ni a, mahse rilru erawh a lerh ve her hawr tawh hle. Kan sikulah chuan zirlai 

kan tam deuh bawk a, section 5 laiah min ṭhen a; kei chu section tawp berah ka awm 

nghe nghe. Zing dar 8:30-ah sikul hi kan ṭan ṭhin a, a hma thei ang reng khawp mai. 

Tuk khat chu sikul ka thleng hma fal hle a, kan class-room kawtah chuan ka ding kual 

vel mai mai a. Chutah, tih tur em em nei lem lova ka hawi kual lai chuan, ka thinlung 

chu na lutuk taka ṭekin a den sawk ang mai hian min deng ta dawt mai le! Principal 

room kawtah chuan tleirawl keimahni ang rual vel chu a sikul diary nen chuan a lo ding 

a. Zak hmel tak chuan a lo nui chei chei mai bawk si. Chu tleitir ngei chuan min deng 

bet hneh kher mai. La naupang hle mah ila, fate nu atan ka it nghal em em ringawt mai 

a ni. Ka bula ka ṭhianpa ding ve hnenah chuan, “Saw nu saw eng section ami nge?” ka ti 

nghal vat a. Ani chuan, “Section B ami a nih saw,” tiin min chhang a. Section B a awm 

ve chu ka va han chak teh reng em! 

KUM 3 TAWP KAN IN BE LO: 

Kum 1901 a zawh chuan pawl 8 final exam te a lo hun a. Chu 

tleitir melh reng reng chuan hun remchang ka zawng chho 

char char a ni mai awm e. A hming chu ‘Puii’ a ni. Pawl 8 

chu kan han pass chho ta a, pawl 9-ah pawh chuan Puii nen 

section khatah kan awm leh ta hauh lo mai. Mahni sectionah 

chuan star tur ka zawng kual vel ruai ṭhin tak na a, ani 

chhingzo reng chu ka hmu mawlh si lo. Pawl 9-a kan sectionah 

hian, Moriah-i, chhelo em em mai, sai ngho ang maia var 

nalh chu a awm bawk a; Puii tih lohah chuan ka duh ber mai 

awm e. Mahse, chu nu pawh chu ka ‘bem’ chuang hlei lo a! 

Puii pawh chu ka la ‘bem’ chuang bawk si lo, a rukin ka lo 

lerh ve em em mai ringawt a ni. Kan ti nek nek a, Pawl 10 chu 

kan lo ni ta der mai. Ani pawh chu ‘pass’ chho ve zelin, pawl 

10 kan ni ho leh ngei a. Sikul kan luh ṭan ni, section min ṭhen 

darh ni chuan thin hi a phu rang khawp mai. Eng dang vang 

ni lovin, Puii chu kan section-a a awm loh hlauh vang chauh 

a ni. Kan matric zir kum hi 1903 a ni a, kan pass chhuah kum 

tak kha chu 1904 a ni. Pawl 10-ah pawh chuan section khatah 

kan la awm leh ta chuang lo. Ngaiah ka nei tawh a, mak tih 

lamah pawh a kal tawh lo. Kan zirtirtu, section hrang hranga 

min ṭhen darhtu te chu chhuahchhal deuh an chakawm rum 

rum ṭhin. Matric kan nih kum hian lehkha zir nasat a ngai 

a. Lehkha zir chu thupuiah ka nei chho a. Theih tawpa ṭhain 

matric pass chhuah a, Puii chu nupui a neih ka tum deuh 

vang pawh a ni mahna! 1901-1904 tawp chu sikul khatah kal 

mah ila, ka duh beri chu ka be lo tawp a nih chu; lerh loh 

vang nge zei loh vang zawk!?

ZIRNA RUN HRANAH. 

Pawl 10 chu ṭha takin kan pass chhuak 

a; kan sikul result pawh a ṭha kher mai. 

Kei chu kan sikul pangngai ‘Pu Mawia 

Sikul’-ah pawl 11 ka zir zawm a. Ani 

Puii chuan subject hran deuh a zir duh 

avangin ‘Madam Ropuii’ School lamah 

chuan min luhsan ta a. Sikul kalna a 

inhlat tawh bawk a, pawl 11 leh pawl 12 

kan zir chhung (1904-1906) hian vawikhat 

chiah Puii chu ka hmu. Amah phei chuan 

min hmu ve kher lo ang. Ka sikul bang 

ṭum khat chu a haw tur, kawngkuala a 

peng lai ka hmu fua ringawt a, rilru-ah a 

thar leh ang reng khawp mai. Ṭek chuan a 

vawihnihna’n min deng nawn leh ta chat 

mai le! Higher kan kal ve lai hian, kan 

class-ah chuan chhe lo tih em em ka nei 

hran lo a. Pawl 12 kan nih khan, pawl 8 

zirlai pakhat han ‘spengtereuh’ ve deuh 

kha chu ka nei a. Puii ai hian Pawl 8 zirlai 

‘Vanlal-i’ hi ka duh zawk lem lo pawh a 

ni mahna; hei, ka ngaihtuah zui ta lo em 

mai. Mahse, Vanlal-i pawh chu ka tih dan 

pangngai te chuan, ka ‘bem’ leh ta chuang 

lo a. Thianpa Nuna chuan nep min ti thei 

ngang mai. 

KUM 1911 A RAWN THLENG TA!: 

Pawl 12 ka zir zawh aṭang khan kei chu 

vairamah ka awm ta daih a. Ani Puii chu 

Aizawl lamah a zir chhunzawm a. Engtin 

tin emawni inbiakhlatna hmangin, kum 

1911 June thla vel khan, kan intawng 

ta tlat mai le! Kan inbe chho zel a, kan 

naupan laia ka duh ṭhin zia, ka lo zui ruk 

nasat ṭhin zia, a nui hmel mawi ka tih 

ṭhin zia te chu ka hrilh ta nghal mawlh 

mawlh a. Darkar 6 lai te inbiak chang 

kan nei chho ṭan ta a. Zantin, nitin kan 

inbe deuh chawt a tih theih ang. Kan 

inning lem lo a, ani pawh chuan min 

haw lem lo a. “Ngatinge chutiang te chu, 

hman hmanah min lo hrilh loh a” tih 

thu min hrilh ṭum phei kha chuan, ka 

lawm lutuk kha engtin nge ka awm tak 

pawh ka hre lo; ka ṭap ta vel khan ka hria. 

Kan inngaizawng chu a lo ni ta der mai. 

Thianpa Nuna, a hmaa min lo nuih ṭhintu 

pawh kha ka hrilh hre vat a. “Naupan laia 

star ngei han nihpui chu ka ngaisang 

ngawt mai che. Kei chu, ka star-in pasal a 

nei tawh si,” a ti a, intithei deuh chuan ka 

nuihsawh let ve hmak a. 

KA FAWP TA NGEI ASIN. 

Chutia zantin kan han inrim zak zak takah chuan kan in ngaina tawn ve hlein ka hria a. 

Mahse! Mahse! Kan la in ‘kiss’ ta chuang miah lo. Vairam lama ka chhuk a hun leh ṭep 

tawh nghe nghe (chawlh kar hnih chauh chawlh ka nei) a ni. Vairama ka chhuk dawn 

zan chuan dan pangngaiin ka va leng leh ngei a. A tuk lawkah ka chhuk dawn tih chu 

kan pahnih rilru-ah chuan a lian deuh nge, hemi zan hian kan mood a ‘off’ dun hle niin 

a lang. Zan dar 11 lai a rawn ri chho tawh a. Mut a hun tawh em avang chuan haw zai 

ka rel dawn ta mai a. Chutia haw tura ke ka pen lai chuan kawngkhar bulah chuan a lo 

ding vang a. Kei chuan ka tihdan pangngaiin chhuah mai ka tum a, mahse zan dang 

ang lo tawkin, KA NAUPAN LAI ATANGA KA STAR EM EM CHU KA FAWP TA NGEI 

ASIN. Kan duhthawh deuh bawk a niang, kan rei malh malh hle. Dar 11:30 velah in 

chu ka chhuahsan thei ta hram a ni. Mood ‘on’ em em si, lungleng em em si chuan ka 

haw san ta a. Ka haw hnu pawh chuan inbiakhlatna ngei chuan kan inbe chhunzawm 

malh malh reng a. A tuk a lo nih chuan vairam lam ka pan san leh ta daih a. Kal lo mai 

tura min tihna awka te chu ka bengah hian a la cham reng ṭhin. “Puii, nghilh ni reng i 

awm dawn si lo,” tiin he ka thuziak tawite hi ka’n ti tawp rih mai ang e. 

MC CONFESS 

KAN INHMU TA A. 

Kum 1912 a rawn inher chhuah chuan 

Zoram lamah ka chhuak chho ve leh ta a. 

Puii hmu tur ka ni bawk a, ka nghakhlelin, 

ka phur teh kher mai. Thlen zan em em 

chuan ka kal ta lo a. A chhan leh vang 

erawh a awm. Ka sawi chuan, nangni, 

chhiartute hian min hriat chhuah ka hlau 

deuh bawk si. Thlen tukah chuan kan in 

‘date’ ta ngei a. Kan ‘lai’ dun lutuk chu 

ka rin lawk ang ngeiin engmah he hu 

kan sawi ta lem lo a!! Chewing Gum bur 

ruak te min ‘offer’ vel mai mai a. A ruak 

tih pawh a hre lo. A ruak a ni tih ka hrilh 

hnu phei kha chuan a zak lutuk kha a sen 

pawp pawp ringawt. Zan lamah chuan ka 

bawhzui nghal char char a. Zantin deuh 

thaw chu an inah chuan ka bur deuh 

chawt mai a. Zah pawh dawn lovin kan 

inrim ṭang ṭang zel a ni ber mai. 


MC TRIVIA 


Transformers: Dark of the Moon 

siamna-ah khan car 532 zet tih 

chhiat a ni. 

Cowboys and Aliens scene 

pakhata Sheriff-in “Wanted” 

poster a pawh thlak lai khan a 

movie director Jon Favreau hmel 

a lang ve. 

Total Recall (2012) movie-a lang 

ve tur khan Ethan Hawke-a paw’n 

shooting a nei nual a, mahse a 

lanna an telh leh ta lo. 

Vincent Vega-an Pulp Fiction-a 

a car hman kha director Quentin 

Tarantino ta tak tak a ni a, 

lemchan an siam lai khan an 

tikhem nghe nghe. 

127 Hours-a James Franco 

camcorder hman kha Aron 

Ralston-an kawr (h) thuk taka a 

tan laia a hman ngei kha a ni. 

Mission Impossible: Ghost 

Protocol-a Ethan Hawke-an 

bawm a hawnna key 07362 kha 

Tom Cruise-a piancham a ni – 3 

July 1962. 

Hangover Part II-a tattoo artist 

lanna-ah khan Mel Gibson lang 

tura tih a ni a, mahse Jews ho 

laka a thusawi avangin tel tir leh 

loh a ni. 

Star Trek ami Spock (Zachary 

Quinto) khan Vulcan salute kha 

dik taka a tih theihna’n a kut 

zungṭang a char khawm vek. 

Skyfall-a James Bond kah fuh 

a nih khan Thunderball (1965) 

hnua a thlen lehna hmasa ber a 

ni. 

In Bruges movie-ah khan 

‘F-word’ vawi 126 zet hman a ni – 

minute khatah vawi 1.18 ang hu 

vel zel. 

Pitch Black an channa kha Mad 

Max Beyond Thunderdome (1985) 

an channa hmun chiah chiah a ni. 

The Matrix Reloaded-a motor-a 

an in um laia ‘road signs’ zawng 

zawng te kha Enter The Matrix 

game cheat codes vek an ni. 

Prometheus ami tur khan director 

Ridley Scott-an University of 

London mi thiam te hnenah alien 

ṭawng thar hlak siam turin a ngen. 

Warrior an chan lai khan Tom 

Hardy-an a kut leh ke zungṭang a 

tih tliah bakah, a nak ruh pawh a 

titliak tel bawk. 

Safe House-ah khan Denzel 

Washington kha puan chhanah, a 

hmaiah tui leih niin, an nghaisa 

tak tak. 

Tron: Legacy kha ni 64 chhung 

leka shoot zawh a ni nain, 

tlangzarh thei tur khawpa cheibawl 

lehna’n kum khat aia tam hun an 

hmang leh a ni. 

The Dark Knight Rises-a Gotham 

City airport lanna-ah khan EasyJet 

thlawhna chiang takin a hmuh 

theih. 

Centurion an channa hmun kha 

a vawh em avangin Noel Clarke 

(Macros) kha frostbite vanga 

enkawl a ngaih phah a ni. 

The Hobbit: An Unexpected 

Journey director khan Martin 

Freeman (Bilbo Baggins) a tel ngei 

theihna’n an lemchan siam hun 

(shooting schedule) a ti danglam 

leh vek. 

Horror-Sci-Fi, Resident Evil 

hminga lemchan siam panga-na 

‘Retribution’ kha zombie ui (dogs) 

lan ve lohna awmchhun a ni.

THE HITCHCOCK EFFECT 

THE GIRL [2012] 

TV Movie | Drama 

MC Ratings: 6.5/10 

MC REVIEWS 

The Master of Suspense ti a kan hriat lar leh ennawm khawvel a mi duai lo tak Alfred Hitchcock-a 

hringnun lamtluang hi a lemchan siam te ang bawka maksak leh dangdai a ni tih hriat i duh chuan a 

chanchin an ziah behchhana siam ennawm te hi en ve dawn chhin ta che! 

Mi lar tak tak te chanchin ziah sak ṭhintu hmingthang, Donald Spoto-an Alfred Hitchcock-a 

ennawm siam ṭan tirh aṭanga a bansan thlenga a hmeichhe thawhpui tawh te nena an inkar 

boruak a ziah “Spellbound by Beauty: Alfred Hitchcock and His Leading Ladies” lehkhabua 

Tippi Hedren-i inpuanna beng verh zet mai behchhana siam niin, Alfred Hitchcock-a khawsa 

zia tarlan a nih dan hian chan loh khanah min barakhaih chiang hle mai! 

The Birds (1963) leh Marnie (1964) avanga khawvel hmelhriat Tippi Hedren hian a tilartu, 

Alfred Hitchcock, hi eng lemchan-ah mah a thawhpui leh tawh ngai lo reng bawk a ni. He 

ennawm avang hian Critics tam tak an inhnial nasat phah em em a, ‘Drama ni lovin, in tih 

hming hliauna a ni,’ ti tawk te pawh an awm bawk. 

HITCHCOCK [2012] 

Biography | Drama 


HBO-in ‘The Girl’ an tlangzarh hnu thlakhat velah he ennawm hi pek chhuah ve leh 

a ni. Stephen Rebello-a lehkhabu ziah “Alfred Hitchcock and the Making of Psycho” 

zulzuia lemchan siam niin, Alfred Hitchcock leh a nupui, Alma Reville te in laichinna 

mak ang reng tak tarlanna a ni. 

Wisconsin tual thah hmang leh thlan rawk ching chanchin behchhana ziah lehkhabu 

‘Psycho’ a chhiar hnu chuan ennawm khawvela la awm ngai lo leh endiktute pawhin 

an rem tihpui loh khawpa rapthlak lemchan siam chakin Hitchcock chu a za zek zek a, 

mahse a puitlinna hna hi thil tih namai lo a nih avangin a kutchhuak ropui ber a ni ta 

reng bawk a ni. Hmeichhe sam buang te hian engtin tak zel ṭhin ang maw!!? 

BATES MOTEL [2013- ] 

TV Series | Horror | Mystery | Thriller 


MOVIE REVIEWS 

by m.ralte 

March 18, 2013 aṭanga chhuah ṭan, TV series thar hi Alfred Hitchcock-a ennawm siam Psycho 

(1960) zulzuia chan tho ni mah se, Norman Bates-a te nufa chanchin kimchang zawk leh 

tunlai khawvel mila tarlanna a ni. 

Norma Louise Bates-i pasal boral hnu chuan an nufain khaw dangah an pem a. Riah buk ṭawi 

tawh tak lei a, nun thar ṭan ṭhat an tum lai mek chuan vanduaina rapthlak takin a nangching 

leh ta thuai a. Ngawih bo puia fel thei vanduaina nia an hriat chuan eng ang chiahin nge an 

nufa inkar a tih buai ang? Eng thil nge thleng zel dawn? An chenna khua lah chuan thuruk 

mak tak tak a chhak chhuak ve reng bawk si nen…! Mystery | Thriller ngaina tan chuan hmaih 

phal chi a ni lo. 


LoVe 

 

Letter 

to the 

LOve GurU 

 

:: 

Q1. Josh TheFallguy Guite: Lal Guru en 

teh, ka zawhna chu e, eng nga ti nge ka va 

luck lo reuh ve maw le? 

LOVE GURU SPEAKS: A ruk a uih deuh 

emaw, ril deuh emaw te hi nula in an hlau 

va, an luck lo duh. A eng emaw zawk zawk 

hi i lo ni reng em? In enfiah ta che. I luck 

lohna chhan a buai chiam mai hi Guruji 

tan chuan “a ni lo zawnga til then” ang 

chauh a awmze nei lo a ni a. Chuvang chuan, 

luck ngei ngeina tips pathum ka lo sih 

hmuh ang che - Fai veng la, mawl huih la, 

inla cute em em ringawt mai teh. 

I star te bulah inkawm vawih tawh lo la. 

Zen (gun powder) rim nam rum rum 

khawpa vawih te hi nuam i ti viau a ni 

thei, mahse i lo insum hram hram tawh 

dawn nia. Mahni thil neih sawi reng mai 

te hi hmeichhe ho hian an ning duh viau 

a, chapo leh insawithei nih hlawh theihna 

awlsam tak a ni. Chuvang chuan, i thil 

neih chu a te emaw, a lian emaw pawh ni 

se la, uanpui ngai suh ang che. Tichuan, 

i lo luck-in, i duh zawng zawng chu ‘bel 

chhunga sa’ a ni tawh mai. 

Q2. Rics Renthlei: Dear Guru, lunglen tuar 

dan ṭha ber hi eng nge ni ang? 

LOVE GURU SPEAKS: Lianchhiari mah di 

ngaih lunglen a ban theih loh chuan, nang 

meuh he tia lunglen avanga puih i ngai 

mai hi ka hrethiam khawp mai che. Tanpui 

dilna tur hmun takah i rawn kal a ni; ka 

fapa, lungngai suh. 


Add Me on Facebook to know love 

Profile Name: Love Guruz. 

Profile link: https://www.facebook.com/love.guruz.5 

Lungleng awmzia i hria em? ‘Hmangaihna 

fân’ tihna a nia maw, he hmangaihna fân 

vel hian nang chauh lo pawh a lo chimbuai 

tawh ṭhin asin. Lunglen hnemtu ṭha deuh 

i hriat duh chuan i ṭhian mawl tak tak palinga 

vel sawm khawm la, taxi pakhat hire 

ula, film chang mai r’u. Film chan hian 

hun a heh ve reuh a, lunglen hre hman lo 

lekin i mawl huih mai ang. 

Renthlei mipa reng reng hi ‘an thaibawih 

duh e’ an lo ti ṭhin a, a hmeichhe lam 

thawm kan hriat hmaa mipa zawk hetia 

i lungleng i rawn kiu ruai ruai mai hian 

kan ngaih a tiṭha lo riau. Chuvang chuan, 

a rang thei ang berin hmuh tum la, i duh 

tawkin i khuainuai dawn nia. Lunglen tuar 

dan ṭha ber chu, lung tilengtu bula awm 

deuh reng a ni mai. 

Q3. Puia Misualpa Tochhawng: My Love, 

thla hmasa a ka zawhna kha i chhang ta 

si lo a, kei val rianga hian zawhna dang 

ka’n nei leh pek a, a lo chhuak nawn a 

nih pawhin pawi lo-ah ngai ang. Kumin 

hi ngaihzawng neih kumah ka puang ve 

ngawt pek a, tun thleng hian ka la single 

chu a ni si a, engtin nge ni ang? Money leh 

Love lamah hi chuan ka tluang ve tlat lo hi 

ka buaina a ni. Eng tia hma lak chi nge ni 

dawn le? 

LOVE GURU SPEAKS: Mahni hmel phu 

loh pawisa leh chhass neih i tum a va nih 

mai hmel em! Political party te deuh ang 

maia eng kum kum emaw lo puan ve sek 

Love yeah.... 

te hi a bawihzuina power neih si loh chuan 

beidawnna titamtu mai a ni ṭhin. Nimahsela, 

lungngai suh. Kei Love Guruz ka awm 

alawm. 

Money leh love lama tluang lo deuh 

chanchin ka dahṭhat te ka han keu nawn 

leh a, money lam hi an buaina a lo ni zel 

mai. Money hi han tam em em phawt mai 

se la, love lam chu a tluang purh tawh mai 

a ni tih lo sahuai thing vawn tlut phawt 

mai teh. Money i neih phawt chuan love 

lam chu hnar tum mah la, i hnar seng 

dawn chuang lo a ni. Tichuan, buaina 

pakhat chu kan solve ta phawt. Money 

erawh hi chu thluak hman deuh a ngai ang, 

in veng hnai deuhah hmeithai pitar hausa 

deuh, mahni chauha awm ngaihzawn 

tur an awm em? Zak duh suh, a zahthlak 

reng reng loh. I tih chhan kha ‘love’ a ni 

tih theihnghilh ngai lo la, love vang chuan 

mualpho leh tlang sawi vel mai mai te chu 

huam ve a ṭul a ni. I nupui pitar a thih 

hunah a ro zawng zawng i khawm ang a, 

i nun chu money leh love hlangin a par 

chhing chheng mai ang. 

Q4. Zir Bochung: Aw, hmangaihna Guru, 

hmangaihna leh love hi kal kawp ta se a 

pawi thei em? Min chhan loh chuan ka 

lawm lo hle ang, Saala. 

LOVE GURU SPEAKS: Hmangaihna leh 

love hi a kal kawp ngei ngei tur a ni. A tirah 

hmangaih awm deuhin i awm vel ang a, a 

ruk tak chuan love char char i tum ang.

Love thei tur chuan a rinna zawng zawng 

neih tum tur a nia, a ring tawk ta che maw 

tihah love tawh mai tur a ni. 

Love hma hian a khawl zawng zawng endik 

hmasak vek tur a ni. Buhdeng khawl a fit 

tawk em, sukhbir lai tak kha a inpeih em 

tih te i hre vek dawn nia. I buaina ber a 

ho em mai, love tel lovin hmangaihna hi a 

awm thei lo, a kal kawp tur a ni. 

Q5. LiesPb: Special Report lam aṭanga pet 

chhuah i ni kha, keini, i fate ho hi chuan 

mittui leh hnaptui tla chungin kan lo thlir 

che a, tih theih kan nei si lo. Aw, ropui ber, 

a na hi kan ti tlawk tlawk. Chutih laia i 

ṭhianpa chuam leh rinawm ni a kan ngaih 

Maxeer-a ngei maiin, i thlavang hauh chu 

sawi loh, i kross kilhna thing a chhu nghet 

sak sak mai kha chu a rapthlakin, pai dam 

a va har em! Vawi sarih, hmun sawm sarih 

i ngaidam ve dawn nge, a love life hi i tih 

chhiat sak mai dawn? 

LOVE GURU SPEAKS: Ka fate ho mittui leh 

hnaptui tla chunga in lo awm tur lai chu ka 

han ngaihtuah a, in hmelchhe awm hlawm 

mang e! Khatia Special Report lam aṭanga 

hnawh chhuah ka han ni ta rup mai kha a 

hlawkthlak ka ti khawp mai. Ni sawmli leh 

zan sawmli chaw ngheia inngaihtuahna 

hun thawl ka neih theih phah a, hmangaihna 

lamah ka ril leh zual ta em em a ni. 

MaXeer-a’n kha tia a ti ta mai te kha a 

hunlai chuan awm lo viauin a lang a; 

nimahsela, a thil tih avanga zofate tan 

hmangaihna kawngah kawl a en phah nasat 

turzia hi hrethiam teh reng ula ka va ti em. 

Hmangaihna bu-ah a hming hi tarlan a ni 

ang a, hmangaihna a awm chhung chuan 

a thil tih avangin a hming a dai tawh ngai 

dawn lo a ni. 

Q6. Timothy L. Pialtu: Lynn Puii Mi Chapo 

hian Maruati Happygoluckyissmiling nen 

nih tir min tum lai boruak a ni a, khuanu 

samsuih kan ni ang em le? 

LOVE GURU SPEAKS: Love Guruz speaks: 

Thla hmasa lama i hming ka hrilhfiahna 

che a takin a thleng dawn ta a nih hi. 

Timothei-a i nih kha hre reng la, i rin 

chuan i ti thei a ni!!! Ti tur pawhin rinna 

a pawimawh. Ka han zawt let teh ang che, 

khuanu samsuih ni ta ula, tihpui i ngaih i 

ring em? 

I chhan dan azirin thil tam tak chu a fiah 

kuar ngei ang. Chu aia pawimawh ta zawk 

chu, nang Timothei-a hian i ti thei dawn 

em? tih hi a ni ta a ni. I tih theih dawn 

chuan khuanu samsuih inni tihna a ni mai. 

Q7. Christina Khiangte: Pu Love Guru, 

tunlai chu ka zawi ngawih ngawih a, ka tui 

a hal reng bawk a, ka mut a chhuak reng 

bawk a. Sing-a-gul life nen hian a inkaihhnawih 

thei ang em? 

LOVE GURU SPEAKS: Eng nga ti nge nula 

ho reng reng hian in natna te hi a dik tak 

in sawi hreh ṭhin le aw? Ka fanu, zam hauh 

suh. Kei, kawng tin renga zei leh thiamna 

nei hian i natna te hi dik takin ka tidam 

dawn a ni. 

Chau, zawi leh tui hal huam huam hi 

chu i kawṭhalo benvawn vang a nih hi. 

I single lai nen a lo in-nang kher kher 

erawh hi chuan i tuar hle tih a hriat theih 

a. Mahni kawṭhalo pawh theihnghilh ṭhak 

khawpa sing-a-gul life i lo tuar mai hi ka 

va khawngaih tak che em! Tui hal huam 

huam, zawi leh mutchhuak tihrehna’n 

chuan fai tak khan lo inenkawl ta la, 

karkhatah vawi khat tal i inbual ṭhin dawn 

nia. I hriselna chuan hma a sawn awk awk 

ang a, i hmel te pawh a lo eng leh sawt sawt 

dawn a ni. 

I kawṭhalo a dam hunah chuan i tituai te 

pawh a lo mam leh ang a, khuai tin rengin 

pangpar mawi an bawm hut hut ang mai 

hian i sing-a-gul life chu chimbuai a lo ni 

tawh ang. Hrethiams? 

Q8. Sammu Pachuau: Pu Guruz, sunday 

pualin pakhat ka lo zawt ve lawks mai che. 

Mipat hmeichhiat kawnga chak lo kan tih 

hi a zahmawh lamah chuan an strength 

viau lawi si a. Buan chak lo kan tih te lah hi 

a chuan chak chak, a hlawhtling hma hma 

an ni leh ang lawi bawk si. Mizo ṭawng hi 

a lo har a ni; min lo hrilhfiah teh, khawngaihin. 

LOVE GURU SPEAKS: Ka fapa, vegetarian 

ṭawngkam lo chhuah dan i hria em? 

A greek ṭawng chuan ‘sa pel thiam ve lo’ 

emaw, ‘sa kap ve thei lo’ tihna asin. Mizo 

ṭawng har leh har lo-ah buai duh suh, 

ṭawng a nih chhung chuan thil hi a fel thei 

lo. Tawng hmanga fel thei ni se, nula ho 

inkar hi a va han fel dawn tak em! Mipat 

hmeichhiatna kawng pawh chu a chak 

emaw, chak lo emaw pawh ni se la ṭawng 

hmang chuan i sawi fel dawn lo, a tiha i tih 

fel a ngai. 

‘Tifel’ turin i chak tawk em? ‘Tifel’ turin 

engzat nge i buan tawh? tihah khan lo buai 

ta zawk la, hmasawnna thar a ni ngei ang. 

Q9. Daelus Mnemonics Valor: Pu Love 

Guruz, bialnu i nei em? Tu nge? Neih pawh 

i neih loh chuan rawn sek tlak pawh i ni 

dawn emaw ni le? 

LOVE GURU SPEAKS: Bawiha, i zawhna hi 

i fimkhur tawk lo a ni. Ka bialnu hming i 

hre duh maw? Han sawi ta tak tak i la, in 

chhungkuaa hmeichhe ho hming kha phek 

hnung lamah tlar ve dil del a ngai dawn si 

a, i rilru a na leh mai mai si lovang maw? 

Hmangaihna kawng zawng zawng hi vawi 

sawm ka zawh chhuak tawh a, a film ang 

te hialin ka lo ziak kur ve nasa tawh asin. 

Chuti a nih si chuan, hmangaihna hi ka 

duh thua leu kual vel mai mai leh ka chawh 

kawi a ni a, engkim ka hriat avang leh ka 

thuhnuaia awm a nih avang hian kei lo 

rawn tur an awm dawn chuang em ni? 

Q10. Ngaihtea Sailo: Pu Gurung, oh! Pu 

Love Guruz, hmangaihnaa bual atin ka 

awm mek a, engtin nge ka harhchhuah 

theih ang? Ka whore-mones hi a dik lo 

a ni thei ang em? I fapa hian i puihna ka 

mamawh a ni. 

LOVE GURU SPEAKS: Love Guruz speaks: 

Ka fapa, i pa hming i theihnghilh mai dan 

aṭang hian hmangaihnaa bual at phut phut 

hmel te pawh i pu tak tak hial mai ka ti! I 

Love Guruz hi hrechiang la, tichuan hmangaihna 

tui nu chu a lo fim ang a, hleuh 

chakawm hliah hliah a fim hmangaihna 

chu i damchhung atan i chen dawn nia. 

I whore-mones a lo tam avangin lungngai 

mai lo la, mi tlemte chauh te hnena 

duhsakna thilpek hlan i dawn ve avang hian 

lawm rawh. I whore-mones a tam ta sa sa 

bawk a, hman zawh ṭhak han tum chhin la. 

Thil dik lo a ni reng reng lo tih lo hria la 

ka duh a, thlamuang taka awmin, ṭangkai 

takin i hmang dawn nia. Thil reng reng 

hi a tam lam chu a ṭha lo duh khawp mai 

a, chuvang chuan hman phai deuh i tum 

dawn nia. I hmanrua nge daih rei i whoremones 

tih hriatna hun remchang tak pek 

i nih avang hian lawm la, hmang ṭangkai 

rawh. 


CHRISTIAN DIOR: 

A FASHION DESIGNER I NOW KNOW 

When the “New Look” came out 

on the twelfth date of February, 

1947 at Avenue Montaigne, Paris, 

France, I was not yet born nor my father. 

But for Christian Dior, the launch of the 

“New Look” marked his entry into the 

world of Fashion. Some of us who know 

Dior today are just followers of his name 

– its well-written reputation. So I embark 

myself upon a short study of the great 

Fashion Designer, Christian Dior who had 

changed the scene of the world’s fashion 

during his stay in this Fashion World for 

only ten short years. 

(PHOTOGRAPHER: Yousuf Karsh, 1954) 

The magical name—Christian Dior— 

that, for sixty six years now has been 

synonymous the world over with the 

dignity and enchantment of French 

Fashion, elegance and style. With 

technological advancements, even we 

Mizo people from the far corner of India 

have had privileges of many sorts. 

Regardless of the intrinsically fleeting 

nature of the creative sphere and the 

endless cycle of seasonal collections, the 

House of Christian Dior has somehow 

withstood the cruelty of time: season after 

season, Dior has, almost paradoxically, 

built its own ephemeral and placing itself 

squarely in the realm of tradition. 

Despite his untimely death, the House of 

Dior has grown and branched out beyond 

its original field, that of haute couture, 

to acquire the far more global dimension 

it enjoys today. I am always moved when 

I re-read the visionary words taken from 

Monsieur Dior’s personal correspondence: 

‘In troubled times like ours, we 

must uphold our tradition of 

luxury, the jewel of our culture.’ 

At the heart of Dior’s success was 

his ability to combine the seemingly 

inconsistent areas of exclusive design and 

mass merchandising. Christian Dior’s 


GOOSH’S FASHION CORNER 

business acumen ensured that his 

house reaped considerable benefits 

from cooperation with department 

stores the world over and from his 

being the first couturier to develop 

a licensing system. Dior founded a 

fashion empire on a past that took 

its strongest guidelines from the 

traditions of French art de vivre, 

whilst summoning a new era of 

couture in which underwriting 

by the mass market ensured the 

continuation of the unique and 

expensive handmade designs of the 

couturier. 

Of all the great names to have made 

their mark on the history of fashion, 

only a few have succeeded in doing 

what Christian Dior did: reinvent the 

rules, for all time, in the space of a 

single decade. 

(Presented in his Envoi (Flight) 

collection of 1948, Dior considered 

the ‘Adelaide’ evening gown his 

masterpiece. With 70 metres of tulle in 

the skirt alone the dress embodies the 

femininity, luxury and extravagance of 

Dior’s New Look and marks the end of 

wartime restraint. It was shown at the 

Dior parade in Sydney in 1948. Photo by 

Coffin, 1948) 

by Goosh Vangchhia 

(Dior mannequins in 1957. For each collection Dior 

presented about 170 garments in a show lasting up to 

two hours. The order of each show was carefully set, 

beginning with suits, then formal town dresses, then 

more formal outfits, cocktail dresses, short evening 

dresses, and long evening dresses and ball gowns. The 

finale would be the wedding dress. Photo by Loomis 

Dean, Life Magazine, 1957)

With an acute awareness of the importance 

of his trade, he opened the House of Dior in 

1946 and established a way of working that 

was to signal the advent of a new era in haute 

couture. 

This success story is all the more dazzling 

because the road that led to it was so 

long and unusual. Son of an industrialist, 

Christian Dior had to renounce his artistic 

leanings to study political science, in 

accordance with his father’s ambitions. But 

far from thinking of a future diplomatic 

career, the young student preferred to lead 

the life of a gilded Bohemian, surrounded 

by the artist friends who formed his tastes. 

In 1928, pushed into practicing a trade, he 

obtained (not without difficulty) financial 

assistance from his parents to open an art 

gallery, on the express condition that he 

remain a silent partner. He and his associate, 

Jacques Bonjean, exhibited the work of 

artists they admired — Picasso, Braque, 

Matisse, Dufy — and those who were close to 

them, including Christian Berard, Salvador 

Dali and Max Jacob. But this experiment, 

which satisfied Dior’s keen interest in art 

in all its forms, was cut short by his father’s 

bankruptcy in 1931. He withdrew the funds 

given by his parents from the gallery, but 

continued, with his friend Pierre Colle, to 

promote the Surrealists and Salvador Dali. In 

1934 Dior fell ill with tuberculosis and spent 

a year in convalescence. 

GOOSH’S FASHION CORNER 

On returning to Paris in search of 

something to satisfy his own needs 

and help his family, and on the advice 

of his friends, Dior tried his hand at 

fashion design. A complete novice, he 

knew nothing of this world, but a few 

couturiers, and milliners especially, 

accepted his sketches, as did the 

newspapers, including the women’s 

pages of the daily Le Figaro. These 

hesitant beginnings in fashion took 

a more decisive turn in 1938 when 

Robert Piguet hired him as an assistant 

designer and he never looked back 

from then on. 

I have read his autobiography Dior by 

Dior and have also read his biography 

written by Marie France Pochna and 

I have developed a sense of friendship 

with Dior and I have read lots of 

articles and journals written about him 

and plus I have been an ardent follower 

of the art that the House of Dior has 

been creating. So I can honestly say 

that I know Christian Dior now. Those 

who are interested in fashion may have 

heard of Balenciaga, Pierre Cardin 

or Balmain, but you don’t have to be 

interested in fashion to have heard 

about Dior. His New Look has become 

as famous as the Battle of Waterloo or 

Lindberg’s first Atlantic crossing. 

(The New Look have appeared on the Fashion runway for ROCHAS Fall/Winter 2013 yet again 

but they have been reinvented.) 

(NEW LOOK OF 1947) 

(THOM BROWNE FALL/WINTER 2013) 


MC GALAXY 

in the parallel universe 

A 

kut dinglam chuan hnang zungbun chu 

a hum thlan dap tawh a, a mamawh chu 

Chamciali te ina leng tura huaisenna tlem 

chiah a ni. Mahse, a rilru insual nasat em avang 

chuan ngawi rengin a lo inngaihtuah vung vung 

a. Pu Hawla lo len lai tak a nih avangin an in chu 

a reh deuh ṭhap a, vanneihthlak takin a haw ta 

hlauh a. A hmel en chuan a ngaihtuahna kal thui 

zia chu a hmuh theih mai, mahse eng chena thui 

nge a kal tih erawh chu thuziaktu pawh hian a 

chhut phak lo. Nimahsela, a rilru-ah chuan a 

hmangaih em em, an kawmthlangte vawkpui no 

neih zana a ṭhen tak bak kha a awm tuma’n an 

ring lovang. 

‘Len a rem em?’ tih zawtin message a va thawn 

ta ngei a. Chamciali te in hi ruam deuha awm a 

nih avangin, a rin ang ngeiin a rawn reply har 

leh pek viau a, mahse a reply harna chhan hi chu 

an khuaa signal chhiat piah lamah Hnarkaia laka 

Chamciali signal hrim hrim a chhiat vang a ni 

bawk. Amaerawhchu, he thu hi Hnarkaia lakah 

chhiartute zawng zawngin thup tlat tur a ni. 

Minute sawm vel hnuah chuan Hnarkaia phone 

chu a ri ta ral ral a, ‘len a rem thu’ a rawn sawi 

a. Remchangah la-in Hnarkaia chuan an inkar 

thu chu sawi ṭhat a duh thu leh a lunglen thu a 

va hrilh a. Chamciali chuan sap ṭawng buruhseh 

deuh tak leh Mizo ṭawng pawlh deuh nuaihin a 

rilru a buai thu a hrilh a, mahse an inhmuh hun 

lama sawi tur atan an khek ta zawk a. Tichuan, 

Hnarkaia pawh chu Chamciali te ina leng tur 

chuan a insiam ta a. 

A va thlen chuan Chamciali nu leh pa chu NLUP 

dawng tura thlan zinga an tel ve avangin hall 

a kal turin an lo chhuak dawn chiah a. Pindan 

aṭanga a rawn chhuah pah chuan Chami pa 

chuan Hnarkaia hnenah a fanu laka ft.3 tal a 

hlaa awm turin, rum deuh taka melh pahin, a 

han hrilh a. A thusawi chu hre lo awm ang main, 

a chhuah pah chuan a nui leh ang uarh uarh 

a. Mahse, an khaw mite chuan Pu Vungmama 

awm dan chu ngaiah an nei tawh. A chhan chu, a 

tlangval laia ganja a zuk nasat em avangin tlemin 

a huihphai phah ta a ni. Chutia an pahnih chiaha 

an han awmfal takah chuan an han lai deuh a, 

inhlat deuh taka ṭhut pah chuan an ni hman dan 

te an inzawt a. Inthlan a hnaih deuh avangin an 

khuaah motor kawng thar an lai a, a bengchhen 

em avang chuan an inbiak te pawh chuan an in 

au deuh lawng lawng a. 

Hnathawk ho chawlh hlan chu remchanga 

chuhin Chami chuan dam deuh tak hian, 

“Nangmah vang hian ka hlim em em ṭhin 

a, mahse tunah chuan kan inkawp hi a rem 


by kimkimy psyched 

tawh lo. I tana ka tih zozai hi i hre duh lova, ka 

tana inpek hi har i ti e mai. Nangmah vanga ka 

ṭahnaah ka Burma rawawl thar pawh a huh vek 

tawh. Ka rilru i tihnat reng ai chuan min kalsan 

mai rawh. I tan leh ka tana ṭha tur a ni. A pawi 

ka ti khawp mai, mahse dik taka sawi chuan ka 

hne tawh che a ni. Ka hrilh che tih tumah hrilh 

suh aw, U Hnarkai. Lo inngaihtuah la, ka thusawi 

chu min pawmpui ka beisei,” a ti a. Hnarkaia chu 

hrilhhai takin a haw ta a. A haw pah chuan ring 

leng lawngin Dil Ka Rishta a play a, a lungchhe 

hnuhnawh ang reng viau leh nghal a. Mahse, 

khawlaia ṭah a duh loh avangin a mittui chu a 

mitah a ti tang tlat a, in a thlen chuan a sah ta 

huau huau a. 

A tuk zinga a harh chuan Chami message a lo 

awm a, a han en a, “Ingyhtuah m?” tih chiah hi 

a lo ni a. Chami hi lehkhathiam tak mah ni se, a 

thinchhiat em vang hian a message te hi a bung 

thei hle a. A hmeh nat theih em avangin a Nokia 

1100 phone pawh a keypad a khawk nual tawh 

nghe nghe. A reply hman hma chuan a dang a 

rawn thleng leh a, “Ingyhtuah lh tp l ag, i hoi a 

lh huyh th ag cu. hmagyhna tk2 ph nilo k bag” 

a ron ti leh a. Hnarkaia harh chiah, hmai pawh la 

phih lo chu mitek nen a ṭap leh ta kuang kuang a. 

Chami hnenah chuan “U Niagi te dorah sachek ei 

ila chhunah? kn inhrelo der don nia” a va ti a. A 

hma lama a thuhnuaia a dah reng ṭhin Chamciali 

chu a lo induh ve larh tawh a, “gy lo my rh se, 

sachk kn ny v tho” a lo ti a. Chutah zet chuan, 

Hnarkaia chuan an inkar chu a tawp chiang hle 

tih a hrethiam chiah a. Eng ang pawn inti thinrim 

mah se sachek ei tura sawmna hi an la hnial ngai 

loh vang a ni. 

Chami rilru chu a na ve hle a, mahse amah 

ngaihsak lotu leh a rilru tina rengtu chu a kalsan a 

ṭul tih a hre si a. An intawn tirha an hlimna ang te 

chu tawn leh a chakin, nunhlui ngai tak chungin 

vawk chaw chu a chan mawlh mawlh a. Hnarkaia 

pawh chuan a tihsual chu a hrechhuak ve ta a. A 

hmangaih tak thinlung a lo tihnat ṭhin avanga a 

thinlung lo nat ve dan chu ril a ti hle a, chawhma 

ṭhakin a lo ngaihtuah a. Thingpui in hun awm 

velah chuan message a dawng leh a, “K hre reg ag 

ce” tih teh tlawng hi a lo nia. A hma zana Chami 

thusawi a ngaihtuah rei em avanga a mut theih loh 

nen, a changtupa ve meuh chu a ṭap muhil ta a. 

Tuma hriat lohin tuipuiralah hemi te pahnih ang 

chiah hi an lo awm ve a, an inkara kum leh mel 

awm chuan danglamna a siam lo. An piang ve tih 

pawh an inhre lo, mahse Meg & Dia te sak ‘Bored 

of Your Love’ tih kha chu hnial rual lohin Hnarkaia 

leh Chamciali te tan a lo ni.

P.D. DENTAL CLINIC 

Ha leh ka chhung enkawlna lamah a hma aia tha . 

lehzual a kan tanpui . theihna’n che u he’ng khawl thar 

te hi kan nei e: 

1. Dentsply 

-MultiMat 2 :touch anD press 

-ceraM press 

Ha tak ang thei ang bera, mawi 

leh tlo a siamna 

i. Full Ceramic Crowns 

ii. Metal fused ceramic crowns 

and Bridges 

iii. Full Metal Crowns and 

Bridges 

2. X sMart plus 

Ha phawi lo a tih dam lehna (RCT) 

awlsam tak a tih theih a ni. 

P.D. DENTAL CLINIC Zarkawt, Aizawl. Phone : 0389-2340065 / 943619530

LPS CREATIONS 

The Bridal Studio 

Inneih thawmhnaw, 

naupang leh puitling ta, 

engtik lai paw’n order leh hawh theih a ni e. 

LPS CREATIONS. The Bridal Studio 

Zarkawt, Aizawl 

Phone - 9436350162 / 9774141389

Khaw’nge a hmasa ber atan a ni bawk a, film 

lampang kaihhnawih deuh a ni bawk a, film 

rilru khawih lutuk tak mai, Japanese hovin 

tun thlenga rinawmna in zirtirna atana an hman, 

a pu tana a thih thlenga Ui rinawm, HACHIKO 

chanchin hi ka’n sawi chho daih teh ang. 

HACHIKO hi November ni 10, 1923 khan Japan 

ram a Olate City, Akita Perfecture an tih hmunah 

a lo piang a. 1924 khan University of Tokyo, 

Hidesaburo Ueno-a agriculture professor in a la a. 

Amah hi ‘Akita breed’ a sen buang deuh, a hmai 

cream rawng deuh a ni a. Hachiko leh a pu hi an 

in ngaina hle mai a. A pu a hnaa a kal lo ho lam hi 

nitin a rawn haw tur chu Shibuya Rail Station-ah 

hian a lo hmuak ziah ṭhin a. Kum 1925 May thla 

khan, nikhat chu a pu hi a rawn haw ta tlat lo 

mai. Professor Ueno chu thluak a thisenzam chat 

‘cerebral hemohrage’ vangin a thi hi a lo ni a. A pu 

chu kumkhua atan nghah chhuah tur a awm ta lo. 

Chu chu ani ui tan a han hriathiam chi ni hek 

lo le! Nitin mai hian a pu a nghahna ṭhin hmun 

pangngai-ah chuan a lo nghak ziah ṭhin a. Chulaia 

rail kal ṭhin chu hunbi nei thlap a rawn thleng 

ṭhin a nih avangin chu rail a chuang ṭhin leh 

chulai hmuna kal ṭhin te chuan Hachiko chu an 

hmelhriat ta viau mai a. Ei tur eng eng emaw 

te pawh an pe ve ṭhin a. Chutiang chuan chu ui 

rinawm tak chuan a pu haw tur, nghah chhuah tur 

awm tawh lo, chu rinawm takin kum 9 chhung zet 

nitin a lo nghak ṭhin a ni. “Ka pu hi rawn haw tur 

a awm tawh lo a niang,” ti a beidawn a tum reng 

reng lo. Rinawm takin a hun ngai, a hmun ngaiah 

kum 9 chhung teh meuh a lo nghak a ni. 

Professor Ueno thih kum 1925 vek hian a student 

ṭhin pakhat, ui lampang a tui tak mai chuan 

Hachiko hi Shibuya station aṭang chuan a zui 

haw a. Professor Ueno enkawl ṭhintu Kikuzaboro 

Kobayashi in-ah a zui lut nawlh mai a. A chanchin 

a hriat belh phah ta ṭeuh mai a. Tin, a chhui a 

chhui a, Japan-ah chuan Akita ui ang chi hi 30 

vel chiah a lo awm tawh tih te a hmuchhuak a. 

Tichuan, HACHIKO chanchin hi chanchinbuah 

article te a ziak a, 1932 khan Tokyo Asahi 

Shimbun tih chanchinbu-ah tih chhuah a ni ta 

a. Tichuan, Hachiko chanchin chu a lo larin, mi 

hriat a lo hlawh chho ta a ni. 

Tichuan, March ni 8, 1935 khan chu ui rinawm 

tak chu Shibuya khawlaiah thi a chhar a ni a. A 

ruang hi mithiam te’n an endik nghal a. Terminal 

cancer a vei tih leh, rulhut, filaria infection a 

vei tih hmuh chhuah a ni ta a ni. HACHIKO 

hi dar-in a lim siam a ni a, Shibuya-ah chuan 

dah a ni. Mahse, indopui II-na lai khan indona 

hmanrua vel siamna’n a lim dar chu hman a ni 

ta a. Tin, a vun hi an lip a, an hnawh puar ṭha a, 

National Science Museum of Japan-ah an dah 

ta a ni. August 1948 khan a lim original siamtu 

fapa chuan a lim dang a siam ve leh a, Shibuya 

Station luh chhuahna pakhat bulah chuan an 

dah a, chulai hmun chu HACHIKO GUCHI an ti. 

A awmzia chu ‘HACHIKO luh/chhuahna’ tihna 

a ni; inhmuhkhawm-na hmun ber pakhat a ni. 

Tin, a pu a lo nghah ṭhinna lai takah hian ui ke 

hniak lem dar-in an siam bawk a, a bulah chuan 

Hachiko chanchin an ziak bawk. Tin, a pianna 

khua Olate City-ah a lim hi dah a ni bawk a ni. 

Kum tin, April ni 8-ah amah hriatrengna 

hun hi hman ṭhin a ni a. Japanese ho hian an 

ngaisangin, an ngaihlu hle mai a, an fa te hnena 

rinawmna chungchang zirtirna’n ber an hmang 

ṭhin a ni. He ui, a pu tana a thih thlenga rinawm 

Hachiko hi awm tawh lo mah se, khawvel hian 

a rinawmna hi engtikah mah an theihnghilh leh 

tawh ngai lovang. 

Hachiko chanchin hi film a siam a ni a, ‘Hachi: 

A Dog’s Tale’ tihin 2009 khan tih chhuah a ni. 

Hemi film tho, kum 1987-a an lo siam tawh 

‘Hachi-Ko’ tih zulzuia an siam leh niin, a thu hi 

Stephen P. Lindsey ziah a ni a, a film erawh hi 

chu Lasse Hallstrom direct a ni thung. Filmstar 

lar tak Richard Gere leh Joan Allen, leh Sarah 

Roemer te’n an chang a ni. He film hi ram 25 

chuangah tih chhuah a ni a, US bikah chuan 

Seattle International Film Festival-ah June ni 

13, 2009 khan tih chuah niin, UK lamah thung 

chuan March ni 12, 2010 khan tih chhuah a ni 

ve thung bawk. Kum 2010 chho khan he film 

hian $46.7 million vel zet a la lut nghe nghe a, 

hemi hnu pawh hian tam tham tak a la lak luh 

belh chho zel bawk a ni. He film-ah hian Hachiko 

angah hian Akitas ui pathum, Chico, Layla leh 

Forrest te Hachiko tet lai deuh leh a len deuh 

hnu leh a puitlin tak tak hnu lemah a hrang 

ṭheuhin an chang a. Film hmuhnawm leh lung 

kuai zet mai a ni nghe nghe a, hman deuh lai kha 

chuan Star Movies-ah pawh an rawn chhuah fo 

ṭhin a ni. 

MC FIRST TIME 

HACHIKO: 

A PU TAN A UI RINAWM CHU 

by r.lalhmangaiah (bigdaddy hmahmatea) 


NUIMAWI MENGMAWITE 

Awmkhaw har zual chang hian 

Thinlaiah i thar leh ṭhin 

I sakhmel suihlung dumtu 

Leh i anka nem lung damna. 

Tawn leh che ka nuam 

Mi u, nuimawi, mengmawite 

I sakruang kimtlang a mawi ngei e. 

Zawlkhawpui fang vel a 

Thlertin i hrut ni hian maw 

Thlirnin i har ṭhin ngei e 

Nang chhingzo reng an awm si lo. 

Vul reng la, sang zelin 

Thang mawi rawh Zoram fanin 

Sakhmel ṭha hluan enchim loh 

I zunah val zawng kan uai zo. 

a 

Movie Corner Magazine 

OST 

Performed by 

LR-a and MatLana 

Lyric and Tune 

abLe SMoochie (awMtea RenthLei) 

and oMoMa RaLte 

© 2013 Movie Corner.

fiamthu corner - Movie Corner Magazine

You also want an ePaper? Increase the reach of your titles

Delete template?

Save as template?