Read more @ Tahan Times Vol.2 No.13 - Zoin.Info

VOL.2 NO.13 | BI-WEEKLY JOURNAL 31 JANUARY 2013 ThURSDAY 

Union Peace-Making 

Committee leh DKBA 

Page 13 

India Ram National Award 

to Teachers dawngtu 

Pu C.Biaknghinglova kawmna 

Page 16 

U.S-a khawsa zai thiam 

Milla Dawt Hniang kawmna 

Page 15 

MILLA DAWT HNIANG

2 | TAHANTIMES 

MIN DAWRTU 

Khawvelin hma a sawn zel a, mihringte pawh kan changkang telh telh a. 

Mihringte fin leh remhriatna pawh a pung tual tual. 

Office-a thawk kan ni emaw, dawr kai kan ni emaw, tihdan pangngaiah 

chuan 'min dawrtu' tur chu nghah a ni tlangpui a. Mahse khawvel mihringte 

remhriatna a lo pung telh telh a, min dawrtu tur lo nghah tlawk tlawk ringawt 

chu tihdan hlui, tihdan pangngai angin an ngai a, a thar chher dan te an 

ngaihtuah ta a. 

Sumdawnnaah pawh 'multi marketing' te an ti a. Dawrkai emaw, bungraw 

hralh duh emawin a bungrua chu thutpui mai a, a rawn dawrtu nghak 

tlawk tlawk tawh lovin a lei duhtu va pan zawk a, hralh theih dan, va zawrh 

dan te an ngaihtuah tawh zawk a ni. Intin luta suartluana lottery ticket rawn 

zuar te pawh kan hmu fo ta mai. 

Office a ni emaw, dawr a ni emaw, eng sumdawnna pawha mi 

pawimawh, ngaih pawimawh tur ber chu, a dawrtu, min dawrtu, customer 

te an ni. Changkang leh fing apiangin anmahni va dawrtu customer chu an 

ngai pawimawhin an lo dawngsawng tha thin. 

Mahatma Gandhi thu sawi atanga an lak chhuah he thu hi 'Min dawrtu' 

tih a ni a, Kolkota metro leihnuai rel ticket zawrhna counter tin deuhthawah 

an tar a. Hetiang hian a inziak. 

'Min dawrtu hi kan tana mi pawimawh ber a ni. Ani chu keimahni min 

rinchhan tu a ni lo va, keimahni hian amah kan rinchhan zawk a ni. Ani chu 

kan hnaa min rawn zarbuaitu a ni lo va, kan hna hi ama tana siam kan ni 

zawk. Ani chu kan hnaah mi hrang a ni lo va, kan hnaa a peng pakhat a ni 

zawk. Atana hna kan thawh hian amah kan tanpui a ni mai lo va, chutiang 

hna thawk thei turin ani chuan hun tha min pe a ni mai zawk." tiin. 

Office-a thawk ka ni emaw, dawrkai ka ni emaw, kohhrana thawk ka ni 

emaw, civil mai mai ka ni emaw, a eng hnathawk pawh ni ila, min dawrtute 

hi an hlutna kan hriat a, fing leh fel taka kan dawnsawn thiam hi a tulin a 

pawimawh hle a ni.n 

SOUTH KOREA PRESIDENT LEE MYAUNG BAH, 

PRESIDENT THLAN THAR PARK GEUN-HYE-TE CHU 

SEOL KHAWPUIAH DAW AUNG SAN SUU KYI NEN 

INKAWM 

NLD party president, Pyithu Hluttaw member Daw Aung San Suu Kyi chu January 

29 khan South Korea khawpui Seol-ah President Lee Myaung Bah nen an 

inkawm. An inkawmnaah hian ram pahnih inkara zirna leh economics lama 

thanlen chhoh dan tur an sawi niin South Korea rama official-a thupuang thin 

hmeichhe pakhatin a sawi. Daw Aung San Suu Kyi hi South Korea president 

tura an thlan Park Geun-Hye nen pawh Seol-ah hian an inhmu a, an thusawi 

chipchiar erawh hriat a la ni lo. Nobel Peace Prize dawngtu Daw Aung San Suu 

Kyi hi January 28 khan America ram atangin South Korea ram hi a thleng a. 

Korea-a a awm lai hian kum 2013 Special Olympic opening Ceremony-ah pawh 

Suu Kyi hi a tel a. January 30-a an buatsaih 'Global Development Summit'-ah 

pawh thu a sawi. May 18 foundation Assembly-ah pawh telin Kwang Kyu lawmman 

a dawng. February 1 khan Seol National University-ah zirlaite nen inhmuin 

thuchah a sawi bawk. Tlai lamah Korea rama awm mek Myanmar mite a kawm 

bawk. January 24 khan zin chhuak tanin February 1-ah a lo thleng leh.n 

domestic news 31 January 2013 Thursday | Vol.2 No.13 

REM THU SAWI TURIN PRESIDENT U THEIN SEIN-AN 

KIO TE A SAWM 

President U Thein Sein chuan January ni 19-a Nay Pyi Taw MCC-a '1st Myanmar 

Development Cooperation Forum'-a a thuchahah KIO (Kachin Independent 

Organization) te chu 'Rem thu' sawi turin a sawm a, pawlho dang te nen pawh 

inkah titawpin political dialogue neiho turin a sawm bawk. 

"KIO ho nen rem thu sawi ka duh a. Remna dik tak leh tluantling tak neih 

thlenga hmalak ka tum a. KIO te tiam lovin pawlho dang 10 te nen inkah tihtawp 

a ni tawh a, 2013 kumtir lam hian political dialogue nei tura ruahmanna a kal 

mek a. KIO te pawh rem thu sawi tlang turin kan dawr mek a, tunah pawh he 

hmun atang hian ka sawm nawn leh duh. Hun rei vak lovah rem thu kan sawi 

theih ngei hi ka beisei tlat a ni. Army lamin tiamchin neia chet an lakna te pawh 

titawp turin thu kan pe tawh a. A lehlam pawhin an chawlh ve a ngai a ni," tiin 

President chuan a sawi. 

President U Thein Sein chuan, "Ram a ralmuana lungmuang taka kan awm 

theih nan ethnic hnam hrang hrang ralthuam kengte nen remna siam phawt hi 

tihmakmawh a ni. Kan sawrkar chhung hian taingyintha ralthuam kengte nen 

remna siam kan duh a. Remna derthawng tak ni lovin remna nghet tak kum 

khaw daih kan neihna tura beih kan tum a ni. Buaina avanga in leh lo tlansan te, 

sawrkar nen inberem ta ramhnuai mite dinhmun, khawsak sawhnghehsak, hna 

ngaihtuahsak te a tul a. Chutiang lama hma la turin Yangon-ah 'Peace Development 

Centre' kan din tawh a, chuta sum leh paia min tanpuitu ram te chungah 

pawh kan lawm tak zet a ni," tiin a sawi. 

Ram a ralmuan leh muan loh leh mihring khawsak chawisan hi inkungkaih 

tlat a nih thu, Ram-ah muanna a awm chauhvin mihring nun leh ei bar zawnna 

a changkan chhoh theih thu, nun khawsak phung, ei bar zawnna a changkan 

chauhin ram chhungah muanna a thlen famkim theih thu, 'Unity in Diversity' tih 

thu ang khan kan ngaihdan, duh dan inang te a awm ang a, a inan lohna laite 

pawh kan pawm tlan a tul thu U Thein Sein hian a sawi bawk. 

Kachin State-ah hian inkah tan a nih atanga kum 17-na 2011 June ni 9-ah 

Myanmar sipaite leh KIA (Kachin Independent Army) te an inkap leh ta chiam 

a. Hetia an inkah lehna hi Kachin State Bhamaw district-a Ta-Pein hydel project 

awmna velah a ni. 2011 June thla atangin 2012 December thla inkar hian 

sawrkar sipai leh KIA te hi vawi 2400 zet an inkap a. He inkahna nasa telh telh 

vang hian sawrkar thut chin ram bialah raltlan nuai khat, KIO/KIA thut ram bialah 

65000 zet an awm avangin raltlan mi 165,000 vel an tling ta a ni. 

KIO lam chuan sawrkarin a thunun tlat avangin UN leh ram dang tanpuina 

a rawn thleng thei lo an ti a. Information Ministry-a Deputy Minister U Ye Htut 

chuan, "KIO thut beh chin ram biala raltlante chhawmdawl dan kan ngaihtuah 

hmain raltlan zingah KIO/KIA member, nupui fanau leh chhungte eng zat nge 

inphum tih hre hmasa phawt ila a tha ang," tiin 7 Days News Journal-in an 

interviews-naah a sawi.n 

INBE TURIN UNION (PEACE-MAKING) REMNA 

SIAMTU COMMITTEE-IN KIO TE A SAWM 

Union level Remna Siamtu Committee 

chuan KIO (Kachin Independent 

Organization) hruaitu 

U Zaung Haya hnenah inbe tura 

sawmna lehkha January ni 19 

khan a thawn. 

Chu lehkhaah chuan January 

ni 11-a Pyithu Hluttaw rorel chuan 

Kachin State-a ralthuama inbeihnate 

chungchangah a lehlam 

lehlam mite inhmuho a, inbiak a 

la rem mai loh lai hian lang tlang 

takin Electronic Online hmangin 

thu sawi ho leh thu sawite tihchhuah ni sela, mipuite ngaihdan ngai pawimawh 

takin sawihona te nei ila, a tute ve ve pawh inrintawnna kan neih theihna tur a 

lo ni ang a, tihte a tel a, inkah boruakte tidai telh telh a, kumkhuaa remna neih 

theihna tur kawng zawh turin hluttaw atangin thu an chhuah thu, Remna Siamtu 

Committee pawhin KIO te nena dawhkan kila sawiho an duh a, an ngaihdan 

hrilh let leh an beisei thu te a tel a ni. n[The Voice]

31 January 2013 Thursday | Vol.2 No.13 

LocAL news 

KUM 2013 CHAPCHAR KUT PUIPA THAR THLAN A NI 

January ni 30 zan dar 7:00 khan Tahan ‘C’ Group-a Pu Biakkima te inah khawtlang hruaitu te, vengtin thalai hruaitute 

kal khawmin kum 2013 Chapchar Kut Committee puipa tur thlanna buatsaih a ni. Chapchar Kut Committee hi 

kum hnih tan zela thlan thin a ni a, mahse kumin atang chuan chutiang khera kal tawh lovin Chapchar Kut Committee 

chu MWO kut hnuaia awm tawh turin kalkhawmte chuan an rel a, kumin atan puipa turte an thlang phawt a ni. 

Meeting-a kal hi mi sawm leh panga chuang chauh an ni a, hemi zan hian meeting dang dang a lo awm vangin kal 

thei lo an tam a ni. Kum 2013 Chapchar Kut hruaituturte chu ban pharin vote pea thlan an ni a. 

Chairman : Pu Lalengzaua 

Vice Chairman : Pu H. Lalpianga 

Secretary : Pu Zohmangaiha 

Asst. Secretary (1) : Pu C. Lalthankhuma 

Asst. Secretary (2) : Pu K. Lallawmzuala 

Treasurer : Pu Lalnunhuma 

Auditors : Pu. F. Lalbiakmawia (Convener) 

: Pu Lalrohlua 

: Pu Vanlalrova 

: Pu Lalrosanga 

: Pu Vanlalthlengliana 

Journal : Pu Chhiarpuiliana 

PITAR KUM 118 MI HA UINGHO A TO 

He pitar hi a hming chu Pi Hme Thluai a ni a, kum 2013-ah hian kum 118-a 

upa a ni ta. Ni kum, kum laihawl vel atang khan a ha uingho thar a to leh 

tlat mai. A chanchin hi TT lam pawhin kan tihchhuah tawh kha. Tunah hian 

tu leh tuchhawng 70 chuang a nei tawh a. Heti anga la hrisela a dam rei 

chhan ber nia an hriat chu ei leh in lama displine a neih that vang a ni. 

Vaimim-a siam in theih chi (cereal mix)hi a rinrawl ber a ni a. A ngainain 

tui a ti hle. Mai (maite) pawh hi tun hma atangin chawhmehah a hmang 

ziah thin. Chaw a ei kham apiangin thingpui sen (khualchhawn thingpui) no 

khat leh kurtai a ei in ziah bawk. Ei leh in lamah displine a nei tha em em a 

ni. Tun hma chuan Hakhalay khuaah an cheng thin a. Hakhalay khuaa an 

chen lai hian Methodist kohhranah an lawi a. Hakhalay Methodist Kohhran 

dintute zinga mi niin a kul a taiah an tang thin. Tunah chuan Sanmyo Wardah 

an khawsa a, Salem Baptist Kohhranah an lawi. 

A mitin khua hmu tawh lo mah se, an inah chuan dap chawpin a la kal 

thei a, a tawng a mumal chiah tawh lo va, a beng a chhet tawh bawk. Engpawh 

nise hetiang kum 118-a upa ni tawh, ha uingho a to leh tlat hi thil mak 

ve tak chu a ni. 

Pi Hme Thluai chanchin tlangpui lo tarlang ila : 

A pa : Pu Chum Er 

A nu : Pi Pam Em 

A khua : Hriphi (Thantlang peng) 

Fa 6 a nei a, tu 31, tuchhawng khatna 74, tuchhawng hnihna 74 leh tu-chhawng thumna 19 a nei. Kum 3 a nihin a nuin a 

thihsan a. A ei duh em em thin chu Sangha, bete, bekang leh thlai hnah lamte hi an ni deuh tlangpui. A tul chang chauhvin 

sa hi a ei ve thin. Tun hma chuan zu pui, rak zu leh zu fangte hi a in thin a. A upat hnuah chauh kohhranah a inhmang. 

Pasal a neih hnuah Hakhalay-ah an pem a. Kum 1928-ah kan Tirhkoh Lian Siama'n Chanchin Tha rawn hrilin chu mi 

hnu atang chuan zu pawh a in tawh lo. Bawng hnute chu zu aiah an in ta zawk a ni. Sangha, Alu, Maite leh thlai hnah 

chi hrang hrang chu a ei uar ta em em a ni. A fate chuan kum 110 niin an hria a, NRC-ah chuan kum 118-a upa a ni.n 

LETPANCHAUNG-AH 

CHHANTU PAWL DIN A NI 

Letpanchaung khuaah kum 2012 November 

18 khan tlawmngai pawl 'Chhantu' chu din 

a ni. Letpanchaung khua hi Mizo khaw lian 

zinga chhiar tel a ni a. In 2000 bawr vel an ni. 

An khuaah hian Group (veng) 5; A,B,C,D,E 

tiin an then hrang a, heng Group-ahte hian 

thalai pawl chak tak din niin Letpanchaung 

Youth Association (LYA)-in a kaihruai ber. He 

LYA hian khawtlanga chhiatni thatniah mawhphurhna 

an la ber. Tunah hian khawtlanga mi 

thahnemngai rual pungkhawmin 'Chhantu' 

pawl hi an din ta a. An din chhan ber chu: 

(a) Tanpui ngai te tanpui 

(b) Oxygen bur a thlawna hawhtir 

a ni deuh ber a. 

A mamawhte hnena thisen pek dan tur pawh 

an ngaihtuah mek. Tunah hian an hruaitu 

zinga mite thawh khawm sumin Oxygen bur 

pawh an lei ve ta. Tahan-a Zawlbuk hmalakna 

ang chiaha hma lak chhoh an tum. Office 

Bearer-te pawh an inthlang fel tawh a. Membership 

fee pawh khawn an tum. Ding tir te an 

la nih avangin member pawh an la thahnem 

lo na a, an pun chhoh zel an beisei hle. Sum 

kenghet neih thuai a, kawng hrang hranga 

tanpui ngaite tanpui chhoh an tum ruh hle 

bawk a ni tih an pawl President Pu J. Malsawma 

hnen atangin thu kan dawng.n 

TAHAN-A CHAW DAWR HRANG HRANG 

CHANCHIN TLEM 

Tahan khaw chhung leh bazar bul velah hian chaw dawr hrang hrang 

an awm ve nual a. Kalaymyo kalna kawngpui, Tahan A Group-ah pawh 

tun hma atang San Thida chaw dawr a awm a. Tun hnuah Samari chaw 

dawr leh bazar thlang lamah te chaw dawr hi hmuh tur a awm. Heng 

chaw dawr zingah hian Samari chaw dawr hian pantu a ngah ber tih 

theih a ni a. He chaw dawr hi kum 2000 bawr chhova hawn tan a ni. Mizo 

chawhmeh chi hrang hrang lei tur an nei reng a, duh hun huna order 

theih an ni. Boarding School-a zirlaite pawh chaw dawrte hian chaw leh 

chawhmeh an supply reng thin. Mimal leh pawlho pawhin an order fo 

thin. A hralh thei deuh chuan ni khatah nuai chuang fe man an hralh thin 

bawk. Takhapin (thleng khat) hi Ks. 600/- a ni deuh ber a, duh tawka ei 

duh tan mi pakhat ah Ks. 1500/- in a ei theih. Zing dar 8:00 atanga thim 

thleng an hawng deuh tlangpui tih Pu B. Sangnawla hnen atangin thu 

kan dawng.n 

TAHAN TIMES OFFICE COMPOUND-A 

TENGTERE KUNGAH SAVA LIAN 

Thlasik khaw vawt tlansan thin sava lian 15 bawr vel chu Tahan Times 

Office compound-a awm tengtere kung lian leh upa tawh takah an rawn 

awm tlat mai. Heng sava liante hi tlai lam dar 6 velah chaw zawngin an 

thlawk chhuak thin a, zing lam dar 6 velah an rawn haw thin. 

Hman deuh lawk khan Shwe Dagon Pagoda-ah mu lu kawlh 3 an 

rawn awm a. Buddhist puithiam tam tak chuan thil tha lo lo thleng turah 

ngaiin an lo tawngtai nasa tawh a. Mahse Buddhist puithiam senior 

tak pakhat erawh chuan thil tha lo thleng tur lamah a ruat thung. Tahan 

Times office compound tengterea sava lian an rawn awm pawh hi thil 

tha lamah a compound neitu Pu Saptea chuan a ngai a. Tahana motor 

tha tha a pung tual tual pawh hi heng sava lian lo lutte avang pawh nia 

ngai an awm nual a ni.n 

TAHANTIMES | 3 

TUINGO YOUTH ASSOCIA- 

TION CHANCHIN TLEM 

Tuingo khua hi Tahan hmar lam mel 12 

vela hlaah a awm a. Mizo khaw lian tak 

pakhat a ni thin. He khuaah hian kum 

1964 atang khan Mizo thalai pawl (M.T.P) 

hi din tan a lo ni a. Tunah chuan Tuingo 

Youth Association (T.Y.A) tiin a hming an 

thlak ta a ni. 

A din chhan (thil tum) pawh chi 13 lai 

an nei. Chungte chu (1) Ram leh khawtlang 

dan siam zah thiam, (2) Sakhuana 

ngaisanga hlutsak, (3) Hnam nun kal zel 

vawn nun, (4) Zirna lama hmasawnna 

ngaihtuah, (5) Hun awl hman that thiam, 

(6) Tlawmngai chawisan, (7) Aia upate 

leh hruaitute zah thiam, (8) Mi harsa leh 

mi hnuaihnung zawkte tanpui, (9) Ram 

leh khawtlang thanlenna ngaihtuaha 

zirtir, (10) Mahni invawng fel thiam mi 

ni tura zirtir, (11) Sual do, (12) Chhiatni 

thatniah tlawmngai taka thawhho leh 

(13) A hun leh hmuna silhfen inbel thiamte 

hi an ni. 

T.Y.A hi khawchhung lal leh upate 

hriatpuia din a ni bawk. T.Y.A member ni 

turin Tuingo mi thalai dik tak, N.R.C nei 

ngei nih a tul. Member kum bi tuk chin an 

nei a, mipa chu kum 15-40 inkar, hmeichhia 

kum 14-30 inkarte an ni. T.Y.A hian 

khawchhunga chhiatni thatniah tlawmngai 

takin a tul tul an thawk a, group tin 

in committee pawh changtlung takin an 

din vek. Hnuchham tanpui te, nungchang 

tha lo inzilh te, dan zawm duh lote 

chungchang ngaihtuah te, group humhalhna 

te leh tlawmngai thlan chhuaha 

chawimawina hlan tih ang chite pawh an 

hma laknaah a tel.n 

TAHAN BAZAAR-A 

SAZU ZAWRH DAN 

Mizote chawhmeh zingah lo Sazu, Zupui, 

Zuchang hi sawi hmaih chi hauh lo 

a ni a. A duh vek tawh chuan sa dang 

zawng ai pawhin an duh zawk daih. He lo 

Sazu-te hi atlangpui thuin thlasik lai leh 

thal chhovah awh an ni deuh ber a. 

Tahan leh a chhehvela mipa tam 

takin lo lamah vaithang kamin an riak 

chhuak a. An Sazu awh chu bazaar-a 

khar chhawngtuten kharin an zuar leh ta 

thin a ni. Tahan leh a chhevel lova Sazu 

tam ber chu Zupui leh Zuchang hi a ni a. 

Mi tam zawk hi chuan Zupui hi an ngaina 

zual a. Zuchang ngaina zawk pawh mi 

tam tak an awm. Sazu sa hi a-tlangpui 

thuin antam leh tumthang nena chhumpawlhin 

an ei deuh ber a. Kang pawh an 

awm. Thlasik chhovah hian tumthang chu 

a tui ber pawl zinga mi a ni. Vaithangkamtute 

hi a chang chuan a huho deuhvin an 

kal a. Mi 2/3 inkawpa kal hi an tam deuh 

ber. Kalaymyo bialah tui a let loh avangin 

Sazu pawh an awk tam thei hle. Bazaara 

lo khartute hian la puah (rawh) loh hi 

buk 1-ah Ks. 3000/- in an lei a, rawh sain 

buk 1-ah Ks. 5000/- in an hralh leh thin. 

Zupui hi an lei duh ber thin. A hralh thei 

deuh chuan ni khatah buk 50 vel an hralh 

thin thu a zuartu Maeni hnen atangin thu 

kan dawng.n

4 | TAHANTIMES internAtionAL news 31 January 2013 Thursday | Vol.2 No.13 

ANTARCTICA-A BO MI 3 TE CHU THLAWHNA CHHE NUAIH 

KARAH THIIN AN HMU TA 

January 26 khan thuneitu lam chuan Antarctica-a 

tla chhia thlawhna chhe nuaih karah mi 

bo 3-te kha an hmu a. Tumah chhanchhuahin 

an awm lo. 

Sik leh sa a that loh em avagngin a zawn 

hna pawh an thawk chak thei lo. Atlantic khaw 

chhak lamah anmahni pui tura emergency mei 

eng an hmu chu DC-3 thlawhtheihnaa chhan 

chhuah an tum a, mahse sik leh sa a that 

loh em avangin an chhanchhuak thei lo a ni. 

Heng Canada mi 3-te hi thlawhna hmanga an 

thlawhnaah ti hian harsatna an tawk ta a ni. 

Chhanchhuahna hmun pui hi New Zealand-ah 

hmun khuar mah se, boruak a that loh em avangin chhanchhuah hna hi an kalpui hlei thei lo a 

ni. Bote chuanna thlawhna hi Twin Otter thlawhna te chi a ni a, a khalhtu hming hi a nupui hnen 

atanga hriat a ni tawh. Canada sawrkar hotu lam chuan mi bote hi an la puang lo. A zawngtute 

hian thlawhna chhe karah an va hmu a, an 3 hian Twin Otter aircraft hmangin an phur haw. An 

thlawhna hi engti kawng maha chhanchhuah theih a nih loh thu an sawi bawk. Heng Canadian mi 

3-te hi Antarctica lama an thlawh hnuah an chanchin hi hriat zui hlei theihin a awm ta lo a ni. An 

thlawhna hi South Pole atangin a thlawk chhuak a, Italian base Terra Nova Bay lam an pan thu 

Maritine New Zealand chuan a sawi. Hetiang hmuna thlawk tur hian inchhanchhuahna suit, tlanga 

awm theihna puan in leh ni 5 chhung ei turte an ken tel a tul thin. An thlawhna hi feet 13,000 

vela sangah a thlawk niin an ngai. Chu chu Mount Elizabeth sang lai bul vel a ni. An awmna hi 

Antarctica-a awm thlawhna tum hmunte atangin a hla hle.n [BBC] 

TUIPUI RAMRI CHUNGCHANGAH PHILIPPINES-IN 

CHINA KHING DAWN 

Philippines ram chuan South China Sea tuipui 

ramri chungchangah China khin a tum. China 

ram hian a ram dep ram thenkhat nen thubuai 

an nei nual bawk a. Tunah hian Philippines ram 

hian khawvel hriatin China ram hi khin a tum ta 

a ni. Philippines ram Foreign Minister Albert F. 

del Rosario chuan tuipui ramri chungchangah 

China ram khin an tum thu official-in a puang. 

Philippines Foreign Minister hian an rama 

China Ambassador pawh a hrilh hre tawh 

bawk. Tuipui ramri chungchangah Philippines 

ram hian politics leh inbiakna hmangin China 

hi a lo dawr tawh a. Tunah chuan dan hmangin 

UN kaltlangin International court-ah chinfel a 

tum ta a ni. Tuipui ramri chungchangah kum 

1982 khan Philippines leh Chinate hian inremna 

hming an lo sign tawh. 

He thliarkar, Philippines chuan ‘Scarborough 

Shoal’ tia an koh, China-in ‘Huangyan’ tia 

an koh thung hi an inchuha chu a ni a. Nikum 

June thla khan he thliarkar bula kal Philippines lawngte chu China hian a lo um chhuak tawh a, 

ram pahnih inkar boruak pawh a tan phah hle. China hian Brunei, Malaysia, Vietnam leh Taiwan 

ramte nen pawh tuipui ramri thuah buaina a nei mek.n 

VENEZUELA-A LUNG INA HELNA CHHUAKAH MI TAM TAK AN THI 

Venezuela rama lung in pakhatah helna nasa 

tak a chhuak a, mi 50 thiin mi tam takin hliam 

an tuar tih CNN-in an puang a. Ram chhung 

lung ina tharum thawhna rapthlak ber zingah 

an chhiar tel. January 25 khan lung in tangte 

inkarah inphek vuakna rapthlak tak hi a thleng. 

A thlenna hmun hi Uribana-ah niin prison ministry 

lam chuan lung ina ralthuam awmte tihtlem 

an tum. 

Venezuela top prison official-in a sawi 

danin a vengtuho chu lung inah an tlan lut a, 

nasa takin an inbei ta a ni. Vengtute chuan an intihbuainaa an hman ralthuamte chu laksak an 

tum a, tharum thawhna rapthlak tak hi a thleng tih Iris Varel chuan a tarlang. Ani hi Venezuela lung 

in minister a ni. Ministry lam chuan thi leh hliam hi an tarlang duh lo va, mahse Globovision lam 

chuan a tlem berah mi 50 an thi a, 90 velin hliam an tuar an ti. 

Control nasat kan tum a, eng vanga he buaina hi chhuak nge tih kan chhui ang tiin prison 

ministry lam chuan an sawi. Globovision lamin hetianga thil an puang mai hi mak kan ti. Buaina lo 

chhuak thin hi hetiang thil an tarlan fo vang a ni an ti bawk. Ram rorelna eptu lam chuan sawrkar 

hian a khuahkhirh hneh lo va, a mawhphurhna pawh a hlen lo a ni an ti. Tun hmaa Presidential 

Candidate, Governor of Miranda State Henrique Capriles Radonski chuan Uribana lung inah hian 

mi eng zat tak thi ang maw, thi chhungte nia hriatten min zawt reng mai a ti. 

Venezuela lung inah hian buaina hi a chhuak fo va, ralthuam leh drugs pawh lak luh a lo ni fo 

thin. Nikum August thlaah pawh khan Yare 1 lung ina buaina chhuakah mi 20 an lo thi tawh bawk. 

Kum 2012 kum tir thla 6 chhung ngawt pawh khan Venezuela lung ina buaina avanga thi hi mi 300 

an tling. n [CNN] 

RUSSIA RAM-AH TLANG KANG PATHUM 

A RUALIN A PUAK 

Russia ram Kamchatka peninsula-ah tlang kang pathum a 

puak rual a, lava chirh sa tui a phuh chhuak a, vut pawh a 

phuh chhuak nasa a ni. 

Kamchatka peninsula-ah hian Shiveluch, Kizimen leh 

Plosky Talbachek tlangkang pathumte hi hmun hran hrana 

awm ni siin a rualin a puak hlawm a ni. Tlang kang puak vang 

hian vawi tam tak lir a nghin phah a. Air Traffic Controller te 

chuan tlang kang chung zawna thlawhna thlawh te an khap a, 

warning level ‘serthlum rawng’-ah an puang a ni.n 

CHINA RAM CHHIM LAMA AWM KHAW 

PAKHAT LEI MINAH MI 46 AN THI 

China ram chhim lama awm Yunan State-a khaw pakhat-ah 

lei a min a, khaw chhung mi 46 chu lei min hian chhilhin an 

thih vek thu an ram TV lamin 2013 January ni 12 khan an 

puang. 

Thi 46 zingah hian naupang 19 leh kum 60 chuanga upa 

7 an tel thu Xinhua chuan a tarlang bawk. Thite hming hi Xinhua 

Website-ah tarlan an ni bawk. Heti anga lei a min chhan 

hi ruah a sur nasat lutuk vang a ni a, vur pawh a tla nasa 

bawk. A hmuna Mine laih chhuah vang niin an hre lo. Natural 

Disaster vang liau liau niin an hotuten an sawi. He lei minna 

hmunah hian lei hi a min fo thin an ti bawk. Nikum September 

thla khan he hmunah hian lir a nghing a, mi 18-in nunna an lo 

chan tawh bawk. A hnu thla khat velah he hmunah tho hian lei 

a min a, mi 18 lai an lo thi tawh bawk a ni.n 

EGYPT RAMA KAWNG ZAWHNAAH 

MI 100 CHUANG INHLIAM 

Egypt rama khawpui deuh deuhva an president Mawsi duh 

lova kawng zawh tute chu police-ho nen an inti buai a, mi 100 

chuangin hliam an tuar. An khawpui Cairo-a Tahrir-ah awm 

hmun khuarin police-ho nen an intibuai a, mipui 61 leh police 

32-in hliam an tuar thu Sky-News chuan a tar lang. Police-ho 

hian mittui tlakna bomb an hmang a, mipui hian lungin policeho 

hi an vawm ve bawk.n 

CHHANGTHAWP LEI TURA INTLAR 

MIPUI CHU THLAWHNA ATANGA KAH 

NIIN MI 200 VEL SYRIA-AH AN THI 

Ni kum December 

22 khan Syria 

rama chhangthawp 

lei tura 

intlar mipui chu 

thlawhna atanga 

kah niin mi 200 

vel an thi a, Syria 

rama thlawhna 

atanga inbeihna 

thlengah chuan mi thi an la tam ber tum a ni. 

TV atanga a lo lan danin thil chhia leh mitthi ruang eng 

emaw zat chu rapthlak takin a lo lang a. Inhliam pawh mi za 

tam tak an awm. 

New York khawpuia awm Human Rights lam buaipuituten 

he thil hi an dem hle a, Syria sipaite hian helho awmna hi an 

hre tak tak lo niin an ngai. Syria rama tualchhung buaina hi 

thla 21 a ni tawh a, inbeihna hi a nasa chho zel niin an ngai. 

Chhang thawp lei tuma intlar hi mi 1000 chuang an ni. Syria 

ramah hian tui-alh-thei leh ei tur lam hi a vang tan hle a, ti hian 

chhang thawp lei tumin mipui hi hun rei tak chhung an intlar a 

ni.n[Daily Mail]


internAtionAL news 

EU SAWI DANGLAM A NIH LOH CHUAN ENGLAND RAMIN 

INHNUHDAWH A TUM 

European Union (EU) chu tuna a dinhmun hi 

tihdanglam a nih loh chuan EU member a nihna 

ata inhnuh dawh mai an tum thu England 

Prime Minister David Cameron chuan a sawi. 

Cameron chuan EU nena an inkar thu sawi fel 

a duh a, chumi hnuah an ram mipui duh dan 

hriat a duh bawk. 

EU nena an inbiak fel hnuah in hnuh dawh 

a tul chuan inhnuh dawh mai a duh thu Cameron 

hian a sawi. Britain ram inthlannaah Conservative 

lam an chak a nih chuan EU chungchang 

thuah mipui ngaihdan lak a duh thu 

Prime Minister hian a sawi a ni. Labour party-a ED Miliband thung chuan, "Prime Minister hian 

ama tanghma chauh a hai," a ti thung. Cameron chuan Conservative party an chak a nih chuan 

kum 2017-ah mipui ngaih dan lak a duh thu a sawi. EU nena an inkar boruak a tha a nih chuan 

EU member nih zel tha a tih thu Cameron chuan a sawi bawk. 

"British mi tan mahni duh dan sawi hun a ni. Europe-a Britain-in a policy sawi chhuah hun 

a thleng ta. British mi tan duh thlan hun a ni," tiin Cameron chuan a sawi. Conservation-ho hian 

Parliament-ah EU chungchang tlang taka sawitir an duh a, mahse an la bei fat fat chauh a ni. 

EU chungchang thuah chuan England ram mite duh danah a innghat thui hle niin an ngai. "Chu 

vangin ram puma mipuite ngaih dan hriat a tul. He mi chungchangah inhnialna pawh a awm ngei 

ang. Debate buatsaih a tul a ni," a ti. Heng a thusawite hi EU member hruaitu tam takin ngun takin 

an lo ngaithla nghe nghe.n[BBC] 

AL QAEDA HRUAITU LAWK THAH A NI 

Arabian Peninsula-a deputy leader 

of Al Qaeda, Saudi Arabia rama 

man an duh ber chu thah a ni. Hei 

hi January 22 khan Jihadist chuan a 

puang a. Yemen-a official lam erawh 

chuan a thihzia nemnghehna tur an 

hre lo. Thi hi Abu Sufyan al-Azdi a 

ni a, Saeed al-Shahri ti pawhin an 

hre lar hle. Zio-Crusader Campaign 

buainaah a thi niin Jihadist Abdulla 

bin Muhammad chuan a Twitter-ah a 

tarlang. Mahse Al-Azdi hi engtianga 

thi nge tih a chiang lo. SITE lamin an 

sawi danin December thlaa khalhtu awm lo drone thlawhnain a beihnaa thi a ni. The Arabik News 

Network Al-Arabiya pawhin Al-Azdi thih thu hi an sawi a, Yemeni Defense Ministry-a senior official 

3-te erawh chuan a thi ngei tih finfiahna tur a awm lo an ti. 

"A thi ngei tih kan finfiah thei lo, kan sawrkar chuan firfiak pawl hruaitute hi kan la zawng zel 

dawn," tiin official pakhatin CNN-ah a sawi. Ni kum December thla chhung khan Al Qaeda sipai 

80 vel chu thah an ni. Nikum September thla khan Yemen chuan Al-Azdi hi thah niin an lo puang 

tawh a. Mahse October thlaah Al-Azdi chuan ka thi lo tiin a rawn sawi ve leh a. 

Al-Azdi hi US sipai lung inah kum 6 chhung a lo tang tawh a, a tanna hmun hi Guatanamo 

Bay a ni a, kum 2007 khan chhuah a ni. Saudi Arabia atangin kum 2008 khan Yemen-ah a biru ta 

a ni. Firfiak pawlte drone hmanga beihna hi kum 2012 khan an lo ngawrh zual hle. Hmanni lawk 

pawh khan tuialhthei tamna province (Yemen)-a Marib-ah US lam hian drone hmangin firfiakte hi 

an bei chiam bawk. He beihnaah hian mi 2 chu an that thei a, mi 5-in hliam an tuar bawk. Yemeni 

President Abdu Rabu Mansour chuan nikum October thla khan US sipaite nen Al Qaeda hi lungrual 

taka beih an tum thu a lo puang tawh. 

Chu chu chhang letin Al Qaeda pawl lamin nasa takin tharum an thawh let ve bawk. Sipai 

leh security Commander pawh an thi nual. Civil mi pawh 60 chuang an thi niin Yemen's Interior 

Ministry chuan a tarlang.n[CNN] 

VULMAWI ART 

a0qm yef;csD wHqdyf½dkuf 

SILK SCREEN PRINTING 

T-Shirt, Sport uniform, Banner etc... puanthan chi reng rengah 

lehkha thlalak kan chhu thei e, Sign board kan ziak thei reng 

bawk e. 

GRANITE ART (Thlan lung) 

Lungchang ber chi-ah pawh Hawrawp mawi tak leh tha takin kan 

ziak thei a, thlalak kan chhutsak thei reng e, Granite Size chi 

hrang hrang kan nei a, min rawn pan ve rawh. 

ProP: Ngura 

Bogyoke Road, Sanmyo, Kalaymyo. Ph. 09400541472 


NATO: PATRIOT MISSILE-TE CHU 

SYRIAN BORDER BULAH BUN FEL 

Syria ram beihna laka an him theih nan Patriot Missile 6 chu 

Turkey leh Syria ram ri bulah an dah fel tawh thu January 27 

khan NATO chuan a puang. Patriot Missile 5 pawh invenna 

liau liau atan nakina dah belh an tum thu an sawi bawk. 

Syria lamin Turkey ramri bula Scud Missile-te an dah hnu 

khan NATO foreign minister-te chuan December thla tawp lam 

khan Patriot Missile hi dah ve an tithlu ta a ni. Turkey-a Adana 

khawpui atangin Patriot Missiles Battery-te hi control a ni ang 

a. Turkey rama khaw pahnih Kahramanmaras leh Gaziantepte 

chu a venghim ber dawn a ni tiin NATO lam hian an sawi 

bawk. Turkey Foreign Minister Ahmet Davutoglu chuan beih 

an nih theih hun chhung zawng he Pariot Missile-te hi dah an 

ni ang a ti. Hmanni lawk pawh khan Syria ramah hian mi 96 

meuh thah an ni a. Thi zinga 37 hi Aleppo province-a thi an 

ni a, 29 chu Damascus-ah leh 18 chu Homs province-ah a ni. 

Aleppo-ah hian thlawhna atanga bomb-a beih a ni a. Iranian 

Senior official thung chuan Syria sawrkar do hi Iran dona ang 

a ni tiin Mehr News Agency a hrilh. 

Supreme leader of Iran, Ayatollah Ali Khamenci advisor ni 

bawk Ali Akbar Velayati chuan Hezabollah-ho Syria-in a pui hi 

a fak hle a, heng mite hi US chuan firfiaka che pawlah a dah 

thung.n [CNN] 

MALI RAMA KAWNGPUIAH FRANCE 

SIPAITE LEH ISLAM FIRFIAKTE AN INKAP 

Mali leh France ram chanchinbuin a tarlan danin Mali rama 

Dia Belli khuaah France sipaite leh Islam frifiak (hel)-ho chu 

kawngah an inkap chiam mai. Hei hi France lamin Islam firfiak-te 

lei lama an do hmasak ber tum a ni bawk. 

Dia Belli khua hi Mali khawpui Bamako atang hmar lam 

mel 220-a hlaa awm a ni a. January 14 khan he khua hi Islam 

firfiakho kutah a awm a. France sipaite hi January 18 khan 

Mali-ah lutin Islam hoin nawr chhuah tumin an bei ta a ni. 

France sipai hotu pakhat pawhin lei lama indona tan a nih 

tawh thu a sawi. France ram Defence Minister chuan, "Vawiinah 

lei lam sipai kan dah fel tawh a Bamako ah pawh lei lam 

sipai eng emaw zat an awm. Mite an him theih nan theih tawp 

kan chhuah. Bamako hmar lamah kan sipaite kan tir ta bawk," 

a ti. Mali sipaite pawh France sipaite nen inkawpin Islam-ho hi 

an bei ve mek bawk.n[AP]


KUM 12 RUAL SCHOOL NAUPANG SCHOOL ATANGA 

HNAWHCHHUAH VANGIN A INTIHLUM 

Kum 12 mi lek school naupang pakhat chu school 

atanga an hnawhchhuah avangin a intihlum 

ringawt. Britain rama Jordan Grand chu a mutna 

pindanah hruiin a lo inawkhlum reng mai a. Nikum 

lai hawla thil thleng a ni a, mahse a chhungte hian 

an lo zep tlat a, he thil lungchhiatthlak tak hi tunah 

an sawi chhuak leh chauh a, a thih dan chungchang 

hian sawi zui a hlawh hle a ni. 

School-ah 'Naupang Sual'-a chhiar a nih avangin 

ni khat school chawlhtir a nih hnuah a zualkai ta 

zel si a, ni 5 chawlhtir leh a ni a. Chutiang chuan 

2012 June thla khan headmaster chuan Jordan 

chu school atanga hnawh chhuah zai a rel ta a ni. 

Jordan chuan school-a thawktute chu aw 

rawl ring tak takin a au khum nghek a, a haw ta a. 

Darkar rei lo teah a intihlum ta a ni. Ina a thlen hian 

a nu hnenah school atanga hnawhchhuah a nih thu a hrilh a, "Hlim takin awm 

rawh. Kei chu mitthi ka ni tawh mai," te a ti a ni. 

Beauty Parlour hawng a nu Haidy chu a hnaah a kal ta a, a hnuah in lam a 

han phone a, tuman an chhan loh avangin a hawng ta a. A fapa a kalsan Jordan 

chu a thiante nen an la infiam vel turah a ngai a ni. York Shire Harrogate bial-a an 

ina Jordan-a ruang rawn hlawmtu damdawi in hnathawkte chuan a thihna darkar 

a tam fe tawh thu an sawi a. 

Hetia Jordan a thi ta hi Britain rama zirna khawvelah zawhna tam tak a pian 

phah. Jordan hi a tet lai chuan naupang fel tak a ni a, a pi a thih hnua, a nu leh 

pate an awm hran tak avang hian lehkha lam a ngaihsak lo tial tial a. Harrogate 

high school a thlen chinah phei chuan naupang sual tak a ni ta a, school atanga 

hnawhchhuah hial a tawk ta a ni. 

Assistant headmistress Ann Francis chuan he an thutlukna hi loh theih lohna 

avang chauha siam niin a insawi, Jordan chu engtia tih tur nge tih vawi tam 

an sawiho tawh a, zirtirtu dang dang thlakin an enkawl tir tawh a, tu thusawi mah 

Jordan hian a ngai thla duh lo a ni a ti. Naupang pakhat mahnia intihhlum duh 

ta mai chungchangah school lam atangin tih theih eng nge an neih tih hi sawiho 

a la ni reng. Jordan hi an chhungkua boruak avangin a rilru a hliam a, a buai ta 

niin a lang a, school-ah tumahin ani hi an hnuaichhiahin an tinawmnah ngai lo 

niin headmistress chuan a sawi ve thung.n[Daily Mail] 

SHRI LANKA-AH ONLINE ATANGA MI BUM TUMTU 

CHINA RAM MI 100 CHUANG MAN AN NI 

2012 Decemeber 21 khan Shri Lanka police te chuan China ram mi an man nual 

a, mi 100 chuang an man a ni. 

Lanka visa an keng a, heng China mite hian China ram Computer-a thuruk 

eng eng emaw an ru a, Shri Lanka Bank Account-a sum thawn (transfer) turin an 

ti vel a ni. Chutiang chu an mi bum dan niin police Chief thuneitu pakhat chuan 

a sawi. China police te chuan Shri Lanka police te hnenah tanpuina an dil a, 

December 21 khan Shri Lanka khawpui Colombo leh a chheh vel an dap chiam 

a, December 21 khan mi an man nual ta a ni. 

Hemi chungchang hi Colombo-a China Embassy chuan engmah a sawifiah 

duh lo va. Shri Lanka Chinate din project chi hrang hrangah China mi sang tam 

tak inhlawh, hna thawkin an awm a. A tam zawk chu tourist visa laa lut an ni a, 

hna dang dang an thawk ta thin a ni. 

South East Asia-ah China-in huvang a ngah tial tial a, Shri Lankaah pawh 

hian China mite hian sum tam tham tak tak an invest hlawm a ni. Nikum June 

thla pawh khan China sum puka an din Lawng chawlhna lian an neih hmasak 

ber Shri Lanka sawrkarin a hawng a ni.n 

computer 

Training 

center 

Bogyoke Street, Tahan, Kalaymyo. Tel. 21448 

worLd crime 31 January 2013 Thursday | Vol.2 No.13 

CHICAGO AIRPORT-AH MIHRING LU 18 

Chicago O'Hare International Airport-a 

lo thleng mihring lu 18 ringawt mai chu 

investigator ten an dap chhuak a, heng 

mihring lute hi science research beih nan 

an taksa an hman hnua, paih tura an rawn 

thawn niin an ring. 

US custom te chuan thil fun rapthlak 

tak chu an haichhuak a, heng hi 2012 

Krismas hma lawka Italy atanga Chicagoa 

an rawn thawn thlen a ni. A thawnna 

lehkha velah thil fello a awm avangin agent te chuan lu bungte chu Cook County 

Medical Examiner hnenah vawn that turin an thawn phawt a ni. Heng mihring 

lute hi Rome-ah medical research tana hman a nih hnuah tha takin damdawia 

chiah an ni a, phui taka packing a nih hnuah thlawhnain an rawn thawn ta a ni 

tiin medical examinerte thupuangtu Mary Paleologos chuan a sawi. 

A hnuah heng 'Lu' phum tura mawhphurhna an pek company chuan 'a 

lehkha pawimawh' te chu medical examiner te hnenah an rawn thehlut leh 

chauh niin Mary Paleologos chuan a sawi. A sawi dan chuan federal thuneituten 

heng an lehkhate hi an finfiah fel hma chu heng 'Lu' te hi company kutah 

hlan a ni rih lovang. 

Hetih lai hian medical examiner chuan 'Lu' te chu 'X-ray a la, thla a la, record 

vawn that atan a ti a ni.n 

SANDY HOOK NAUPANGTE, BEIH AN TAWH HNUAH 

SCHOOL AN KAI TAN LEH 

Connecticut bial Newtown khua 

Elementary School naupangte chu 

thla kal taa inthahna rapthlak an 

tawh hnu khan January ni 3 atangin 

school an kai tan leh ta. An kaina 

school thar chu 'Winter Wonderland' 

tih mai tura chei thar vur a ni a, hetianga 

school thar building thar an 

nei hi khawvel puma naupang sang 

tam takte zarah a ni. December ni 

14-a silaia beih an tawh hnuah tun 

hi an school luh leh vawi khatna a ni 

a, Sandy Hook Elementary School 

naupang 400 chuang an lut tan leh 

a ni. January ni 2 tlai khan school 

naupang leh an nu leh pa te chu, 

school thar hmu turin sawm an ni a, 

an school thar hi thenawm Monroe 

khuaah a ni. 

A hmaa 'Chalk Hill Middle 

School' chu a hming an thlak a, 

'Sandy Hook Elementary School' tiin school hmelhmang thar, nuam em em 

hmel an puttir a, a chheh vel pawh mawi takin an chei tha a. Heng thu hi Newtown 

leh Monroe official ten school bul pangpar huana chanchinbu mite nen 

inkawmna an buatsaihnaah Newtown School Superintendent Jent Robinson 

chuan a sawi a ni. 

Adam Lanza-an silaia a kah chiam vanga mi 20 lai an thih hnua school 

lut tura lo kal leh naupangte hi an thlabar em avangin official te pawhin heng 

naupangte hi an ngaihsak lehzual a ni. Adam Lanza silaia a kah chiam vangin 

first grade naupang 20 an thi a, staff paruk an thi bawk a ni. US history-a school 

naupang beihnaah a rapthlak ber dawttu a tling.n 

• In chhung cheina bungraw chi hrang hrang: 

3 ကြန္နာ, ဇာလီ chi hrang hrang 

ေရလိႈင္းျပား, 

• ရွာထိုး, 

နေဘထိုး 

leh in chhung bungraw chi hrang hrang 

• Kawngkhar (chokut) chi hrang hrang mahni duh zawng 

thing ngei thlangin a chah theih reng 

• I in thleng pawhin kan rawn pe thei che 

Ngaihvenna tur: 

YCW thlang kawng peng thuamhnihna, Tahan 'G' Group 

Tel: 09-400458135, 400511902


KHAWVELA VAWT TAWRH CHHEL BERIN 

A AIA NASAIN A IN-SHOW 

‘Vur Pa’ an tih mai Jin Songhao chu khaw vawt tak karah minute 

46 a awm vel a, a taksa chanve chu vurah a inphum lehnghal a 

ni. Hei hi thlasik lai ngeiin a ni a tih. “Vur nena taksa indek, indai 

reng chunga awm rei thei ber’ Guiness World Records’ siamtu 

chuan a taksa chanve chu minus 20 degree Celsius-a vawt karah 

vurah a phum a ni. 

Jilin province-a kumtin an neih thin ‘Yanbian Arirang Ice 

and Snow Tourism Festival’-ah chuan mipui sang tam takin Jina 

thil tih mak chu thlir turin an lo kal hlawm a. 

Kekawr bul chauh ha leh boot bunin Jin-a chuan noodle 

vawt a ei a, beer vawt tak a in bawk a, hlate a sa a, thlir tute tan 

Chinese New year card-ah te lehkha a ziahsak a, lem te a ziak 

bawk a ni. A pen hman laite chu a vawh em avangin a tui a khal 

zung zung a, a thar dang thlak a ngai reng mai a ni. 

A ni hnihnaah chuan minute 20 vel hnuah vur atang chuan 

a rawn chhuak a, a hmai leh a kut kete tuiin a han sil thuak 

thuak a. Chumi hnuah vur tui vawt tak tin 60 in a chhip atangin 

a inleih ta a ni. 

Kum 58 mi Jin hian 2011 January ni 17 khan Guiness World 

Record a siam tawh a. Minute 46 leh second 7 chhung vur-ah 

a inphum a, hetih lai hian Jin chuan minus degree 30 Celsius-a 

vawtah swimming truncks chauha inbelin a awm a ni. Jin hian 

darkar hnih chhung vur-ah a inchiah bawk a ni.n 

KHAWVELA A VAWHNA BER RUSSIA 

RAMA OYMYAKON KHUA 

Khawvela mihringte chenna khuaa vawt ber an tih thin chu 

Russia rama Oymyakon hi a ni. Kumin kum tir lamah khan Russia 

rama khaw thenkhatah chuan a vawh lam hi -50 degree 

Celcius Oymyakon khuaah chuan -71 degree Celcius hial a 

tling a, khawvela a vawhna hmun ber a ni ta a ni. Khua a vawh 

em avang hian an motor-te pawh a khawl that lovin ni leng zan 

khuain an tinung thin. Mobile phone pawh hman theih a ni lo. 

Mitthi an phumna tur pawh vur a tam em avangin ni 3 chhungte 

an lai thin. Oymyakon khua hi tuifinriat mawng atanga tehin 

Meter 750-a sangah a awm a, mi 500 vel an cheng. He khua 

hi kum 1920/30 chho vela din a ni nghe nghe. Sakhi kaptute 

riahna ber a ni bawk thin. Kum 1924 atang tawh khan a vawh 

lam hi -71.2 degree Celcius a lo ni tawh thin. He khua hi 'Pole 

of Cold' tiin a hming an phuah. n 

Kalay-Yangon khual zin mite tana rawngbawltu 

generAL knowledge 

Direct-a Yangon thlen theihna Aircon (Express) motor changkang hmangin 

kan tlan ta e. Kalay - Yangon (Discount) 25,000/- 

Kalay atanga chhuah hun : Chawhnu dar 1:00 

Yangon atanga chhuah hun : Tlai dar 5:00 

CoNtaCt-Na tur 

Kalay Yangon 

Tel. 09-47043026, Tel. 09-47605700 

09-47078085, 09-400512035 09-400442020 


FEBRUARY 29 HLIRA FA PATHUM NEI 

American nu pakhat chuan a zawnin February ni 

29-ah zel fa pathum a nei ta. Thil mak leh vang a 

tling a ni. Hetiang thil hi 1960 chho khan record 

siam a ni tawh a, kum 40 chuang hnuah a thleng 

leh a ni. 

David leh Louise Estes te fanu Jade chu 2012 

February 29 khan a piang a, hei hi an fapa Remington 

pian hnu kum li, an fapa dang Xarier pian 

hnu kum riata thil thleng a ni. Jade chu a hrin hun 

aia tlai ni 5-ah a piang a, February ni 29-ah a piang 

ta kha a ni a. Utah bial Provo-a Louise chuan The 

Daily Herald te chu, "Hetiang em em hian ka la vei rei lo va, a nghak thei dawn lo emaw ka tih 

hnuah zanlai kan thleng chho ta mai a, thil mak chu a thleng ta mai a ni," tiin a hrilh. 

"Kan fapa upa ber hian birthday vawi 4-na a hman hnuah car leisak kan tum," tiin Louise 

chuan KSL ten Salt Lake City-a an kawmnaah fiamthu a thawh a. 

Estes Family hian he ni khera piang lo fa dang pahnih an la nei tho. Hetianga Leap Day (February 

29) khera fa nei zawn hnem Guinness World Record siamtu chu Norway rama Henriksen 

chhungkua an ni a, 1960, 1964 leh 1968 February 29 te khan a zawnin fa pathum an nei ve a ni. 

Mr David chu chanchinbu miten, '2016 Leap Day-ah naute neih leh a record hmasa khum i 

tum em," tia an zawhna chu, "Tunah chuan a chhanna chu 'Aih' tih a ni ang a, tunge chiang taka 

sawi thei ang? tiin a chhang a ni.n 

MAL LIAN LEH TAKSA THAU NIH CHAUHVA HLIM THIN 

Mal pui lian tak leh taksa rih zawng pound 420 

ni mek Mikel Ruffinelli chuan a weight tih hniam 

a tum loh thu a sawi riap mai. He nu hian fa 4 a 

nei tawh a, a san zawng pawh feet 5 leh inches 4 

chauh niin a thau em em a ni. A bik takin a malpui 

hi a lian em em a ni. Amah hi America ram 

Los Angeles-ah a khawsa mek. A thau em avang 

a san zawng ai pawhin a taksa vang lam hi a sei 

mah mah zawk an tih chu. A thau lutuk hi a thian 

thenkhatten hlauh thawnpui mah se, ani chuan 

heti anga a thau hi a hlimpui em em a ni. “Tuna 

ka taksa len zawng hi tha ka ti. Ka hlimpui. Ei in 

lamah kan inkhuahkhirh dawn lo. A chhan chu hriselna lamah harsatna ka neih loh vang a ni,” a 

ti. A kawng len zawng hi inches 40 ni mah se, a taksa thau zawng nena khai khin chuan a lang 

lian lo. Mipa ho hian hmeichhe cher tak hi an duh lo, keimah anga cher hi an thlang zawng a ti 

bawk. A mal len em avangin car pangngai pawh a khalh thei lo va, truck motor a khalh thin. A mal 

len zawng hi feet 8 bial a ni a, khawvela mal lian ber a ni hial ang. He nu ‘Big Beautiful Women’ 

Websites-a vawi khat a inlan a piangin dollar 1000 a hlawh thin. 

A khum hi feet 7-a zau a ni a, a thutna te pawh thir veka siam a ni. Kum 10 liam taa a neih a 

pasal hi a taksa len zawng hmanga a thlem thluk niin a sawi bawk. A tleirawl lai chuan pound 140 

chauhva rit a ni. Kum 22 a nihin fapa Andrew-a an nei a, tunah chuan kum 19 mi a ti tawh Mikel 

Ruffinelli hi Psychology subject-a degree la a ni bawk. Ni khata a thil ei zat heng ka ei inte hi an 

thahnem lem lo a ti. Big Beautiful Women Websites-a a lan thin hian amah leh amah inrin tawkna 

a siam bawk. A thawmhnaw thuisak thin pawh mi pahnih an ni a. A kawr tur thui chu a harsa lo. 

Mahse a taksa hnuai lam tana thawmhnaw an thui apiangin harsatna an tawk thin.n 

RAM PAWN ATANGA LO KAL, INKAWP MAI MAI LEH MIMAL TE TANA 

NAU PAISAK INDIA-IN A KHAP 

Ram pawn atanga lo kal, neih inang inkawp, leh mimal tan India hmeichhiatena nau lo paisak 

chu India sawrkar chuan a khap ta. India-ah hian mi nau pai hlawh hi hna lar tak a ni a, nau 

nei lo emaw, nau pai thei lo emaw, mimal te emaw-in danin a phal bakah senso a tam vak loh 

avangin India-ah 'Chhul hawh' turin an lo kal chawk thin a. Sawrkar dan tharah chuan hetianga 

mi chhul hawha nau paitir duh te chuan dan ang taka inneihna certificate an nei tur a ni a, mipa 

leh hmeichhia, an inneihna pawh a tlem berah kum hnih a ni tawh tur a ni. n 

E X P R E S S

8 | TAHANTIMES ceLebrity 31 January 2013 Thursday | Vol.2 No.13 

ZAI THIAM RIHANA CHUAN 

THAWMHNAW PAN TAK HAIN 

NIGHT CLUB-AH HUN A HMANG 

Rihana chuan Skirt pan taka inthuamin night 

club a hmang. Heti anga a inthuam hi amah 

pawhin tha a ti hle. A kekawrte thlengin fiah 

takin a lang tlang thei. Night club-ah hian a 

thiante nen hun nuam tak an hmang. Kum 

24-a upa Rihana hi Skirt tawi tak, pheikhawk 

ke artui sanga inthuamin a hmui pawh sen 

takin hnawihsen a hnawih a. A lang itawm hle 

niin an sawi. 

A thiante nena night club an hmanna hi 

Hollywood-a Luxurious Eden-ah a ni. Heti 

anga thawmhnaw sexy taka a inthuam hi a 

vawi khatna pawh a ni hauh lo. Music Magazine 

lamah pawh sexy takin a lo inpho lang 

tawh thin.n 

rEÅav; 

၂၂ လမ္း၊ ၈၆×၈၇ လမ္းၾကား 

ျခေသ့ၤၾကီးႏွစ္ေကာင္အနီး။ 

Tel. 09 402705580, 09 402514585 

JENNIFER LOPEZ IN-SHOW 

January 24 khan Jennifer Lopez chu a film thar 

theh larin a inshow nasa mai. New York-a MO- 

MA-ah thawmhnaw var lama sexy taka inthuamin 

a show kual vel a nih chu. 

Amah hi kum 43-a upa ni tawhin pop star lar tak 

a ni a, a pasal hlui Mark Anthony nen darkar 

chanve chhung a rukin an inhmu nghe nghe. 

New York Post-in a tarlan danin Lopez-i hi London 

Hotel-ah a thleng ngei a ni awm e. Mark Anthony 

pawh hi kum 44 mi niin he hotel-ah hian a 

ruk tein a nupui hlui nen hian an inhmu niin an 

tarlang hlawm. 'Amah chu a lo kal ngei. Mi hmuh 

a duh loh avangin a rawn kun lut," tiin amah lo 

hmu chiangtu chuan Page Six-ah a report. Jennifer 

Lopez pawh a sexy thei ang berin a inchei. 

Skirt tawi te a feng a, Jacket hain a inchei sexy 

hle niin an sawi.n 

(Air Con) ယဥ္ငယ္အသင္းမွ 

rEÅav; uav; wrl; 

ခရီးစဥ္မ်ားကို 

(၇-၁-၂၀၀၃) ရက္ေန႔စျပီး ဂ်ပန္ႏိုင္ငံမွ 

မွာယဴတင္သြင္းခဲ့သည့္ 

GRAND CABIN-G (Air Con) 

(၁၀) ေယာက္စီး ယဥ္ငယ္မ်ားျဖင့္ 

စတင္ေျပးဆြဲေနပါျပီ။ 

ယဥ္စီးခႏႈန္းထားမ်ားမွာ ေအာက္ပါအတိုင္း 

ၾကိဳ/ပို႔ 

စနစ္ျဖင့္ 

ေျပးဆြဲသြားမည္ျဖစ္ပါသည္။ 

မႏ ၱေလး - ကေလး 20000 အေရွ႕ခန္း 25000 

မႏ ၱေလး - တမူး 25000 အေရွ႕ခန္း 30000 

ၾကိဳတင္လက္မွတ္မ်ားကို 

တယ္လီဖုန္းျဖင့္မွာယူပါက 

(ျမိဳ႕တြင္း) ေနအိမ္အေရာက္ပို႔ေပးပါသည္။ 

uav; 

ေရႊဒိုင္နမို 

ဗိုလ္ခ်ဳပ္လမ္း၊ 

ပင္လံုရပ္ကြက္ 

(ပင္လံုအရံမီးသတ္႐ံုးအနီး) 

Tel. 09 400541418, 09 420744969 

vufrSwf ta&mif;Xmersm; 

uav; 

ေရႊျခေသၤ့ဂိတ္ 

TAYLOR SWIFT CHU WHITE MINI-DRESS-A 

IN THUAMIN A LANG SEXY HLE 

Hman zan lawk khan Madrid-a music bash-ah Taylor Swift chu 

white mini-dress-a inthuamin a intheh thil ve a ni awm e. He 

nu hi kum 23-a upa a ni tawh a, Kaufman Franco Frock leh 

Christian Louboutin heels-a inthuamin a inlan vel a ni. He mi 

hnu hian 40 Principles Awards Ceremony-ah International Artist 

Award an hlan nghal. Ani chuan, "Zanin hi 40 Principles 

Awards Madrid-a ka dawn hmasak ber tum a ni. A ropui hle. 

International Artist Award fante chungah ka lawm em em a 

ni," a ti. Love Story singer hi a la danglam chho zel dawn niin 

a lang. One Direction zai thiam nen an rawn inlan a. Amah hi 

a bialpa a ni nghe nghe. An inkar boruak pawh a tha hle ni tur 

a ni. A hun te chu nuam lo taka hmang duh lovin hlim takin a 

hmang thin. A bialpa Harry hi hun tha tak a pe fo thin.n 

စမ္းၿမိဳ႕ဘုန္းႀကီးေက်ာင္းအေနာက္ဘက္ 

ဗိုလ္ခ်ဳပ္လမ္း၊ 

ေတာင္ဇလပ္ရပ္ကြက္ 

Tel. 073 22066 

wrl; 

၀င္း မိသားစု 

အာရွလမ္းမႀကီး၊ ေစ်းတန္း(၉)ရပ္ကြက္ 

Tel. 073 40251

31 January 2013 Thursday | Vol.2 No.13 entertAinment 

A VAWI 70-NA GOLDEN GLOBE AWARD 

January 13 khan America ram California State-a Beverly Hilton Hotel-ah a vawi 70-na Golden Globe Award semna 

buatsaih a ni a. Kum 2012 chhunga an entir Cenema film atangin heng lawmmante hi pek an ni. 

Film tha ber (Drama) - Argo 

Film tha ber (Musical or Comedy) - Les Miserables 

Chang thiam ber mipa (Drama) - Daniel Day-Lewis (Lincoln) 

Chang thiam ber hmeichhia (Drama) - Jessica Chastain (Zero Dark Thirty) 

Chang thiam ber mipa (Musical or Comedy) - Hugh Jackman (Les Miserables) 

Chang thiam ber hmeichhia (Musical or Comedy) - Jennifer Lawrence (Silver Linings Playbook) 

Best Supporting Actor - Christoph Watz (Django Unchained) 

Best Supporting Actress - Anne Hathaway (Les Miserables) 

Best Director - Ben Affleck (Argo) 

Best Script - Quentin Tarantino (Django Unchanged) 

Best TV Series - Girls 

n 

RAIN:SIPAI TAN LAIA A BIALNU A HMUH RUK 

VANGIN THUBUAI A NEI MAI THEI 

South Korean flim star lar Rain chu sipai a 

tan laiin a bialnu nen an inhmuh ruk avangin 

sipai danin a chungchang ngaihtuah a ni 

mai thei tiin Korea Defence Ministry-in an 

sawi chhuak a. 

Defence Ministry spoke person Kim Min 

Suh sawi danin he kum 30 rual singer, film 

star lar Rain hi January thla chhung hian 

sipai dan a bawhchhiat vang hian Discipline 

Committee hmaah a inlan a tul mai thei a ni. 

Mahse a sawi zel danin Rain hi a thil 

tihsual vanga lung in tan ngai khawp chu a 

ni kher lovang. Rain hi ram dan anga sipaia 

a tan hian artist a nih avangin Korea Army 

TV leh Radio program lamah te a thawk a. Hetia sipai a tan lai hian a 

bialnu flim star ni bawk Kim Tae-hee (32) nen an inhmu fal a, sipai dan 

bawhchhia ang a ni ta a ni. K-Pop khawvel leh Asia khawmuala mi uar leh 

lawm hlawh em em flim star, singer ni mah se Rain chu chutia dan bawhchhia 

ang a nih takah chuan mi tam takin a laka action la turin Defence 

Ministry-ah hming sign-in lehkhate an thehlut hlawm a ni.n 

ကၽြန္ေတာ့္အနာဂါတ္ေအာင္ျမင္မႈအတြက္ 

ဒီသင္တန္းဟာ အေကာင္းဆံုးေရြးခ်ယ္မႈတစ္ခုပါ 

Zam Ngaih lian 

IELTS-6.5[July, 2012] 

The TOEFL & IELTS Specialist 

international english language proficiency 

ETs TOEFL [PBT] 

Cambridge IELTS 

SaYa MiChael KhuPPi 

PCM Venglai (သံုးထပ္ဘုရားေက်ာင္း) 

အေရွ႕ဘက္ 

တာဟန္းေစ်း အေနာက္ဘက္ 

test preparation course 

• Foundation Cours/Test-prep Course ျဖင့္ 

တစ္ႏွစ္ပတ္လံုး 

သင္ၾကားေပးေနပါသည္။ 

လစဥ္ တန္းခြဲသစ္ 

လက္ခံသည္။ 

TAYLOR SWIFT-IN 

A HNUTE A ZAI EM? 

He nu hi thingtlang khaw tea awm 

thin a ni a, tunah chuan khawvela 

mi lar hmingthang a ni ta. Holly 

Wood khawvelah hre lo pawh an 

awm tawh awm lo ve. Hetianga lar 

chho tur hian a taksa peng thenkhat 

pawh a zaitir a ni. 

He zaithiam hian a hnute a lan 

mawi zual theih nan a zaitir niin thu 

a thang chiam mai. People's Choice 

Awards semnaa a lo kal chu ti hian 

a hnute zai thu hi a rawn thang ta 

chiam a ni. Amah hre hauh lo doctor 

pakhat chuan, "Taylor Swift hian a 

hnute a zaitir nge ka hre lo. Mahse a 

hnute chu tun hma aiin a lian sawt," 

a ti.n 


TOP 10 BOXOFFICE 

1 Hansel & Gretel:Witch Unters $20M 

2 Mama $49M 

3 Zero Dark Thirty $70M 

4 Silver Linings Playbook $69M 

5 Parker $7M 

6 Django Unchained $146M 

7 Movie 43 $5M 

8 Ganster Squad $40M 

9 Les Miserables $138M 

10 Broken City $15M 

TOP 10 MusIC AlBuMs 

1 Long.Live.A$AP ASAP Rocky 

2 Kidz Bop 23 Kidz Bop Kids 

3 Pitch Perfect Soundtrack 

4 Red Taylor Swift 

5 Unorthodox Jukebox Bruno Mars 

6 Les Miserables Soundtrack 

7 The Lumineers The Lumineers 

8 The World From ... Phillip Phillips 

9 Babel Mumford & Sons 

10 Take Me Home One Direction 

Website: www.tahantimes.com 

E-mail: tahantime@gmail.com 

xl;jcm;csuf 

Past paper + Audio CD မ်ား၊ အမွတ္ေပး 

စည္းမ်ဥ္းမ်ားျဖင့္ 

သင္ၾကားေပးေသာေၾကာင့္ 

အမွတ္ေကာင္းရဖို႔စိတ္ခ်ရသည္။ 

ဆရာကိုယ္တိုင္ 

TOEFL-610, TWE-5.5 of 6 / IELTS-8.0 

ရခဲ့သျဖင့္ 

2012 တြင္ တစ္ႏိုင္ငံလံုး 

Top 10 စာရင္း၀င္ျဖစ္ေသာေၾကာင့္ 

သင္တန္းသားမ်ားအတြက္ စိတ္ခ်ရသည္။ 

• trSwfaumif;&csif&if trSwfjrifhjrifh&xm;wJh q&mxH oif,lyg •

10 | TAHANTIMES Article 31 January 2013 Thursday | Vol.2 No.13 

hmanah chuan, hmanah chuan 

Kum 1975 vela Tahan khawtlang 

naupang dinhmun leh tun hi inang lo 

tak a ni. Khang hun lai naupangte kha 

chuan kut sil lovin chaw tlang kan keng 

mai thin a; hriselna kawngah chhuanlam 

tling tur khawpin natnain min tlakbuak 

hranpa lote kha, kan va han vannei 

tak em! Khawlaiah naupang vak mai 

mai hmuh tur kan thahnem thin hle. A 

chhun a zanin kan pawnto hi a ni ber 

mai. Silhfen tha nei kan awm meuh lo, 

kan thawmhnaw inbelte lah kha tet lo a 

bar hi a awm lo. Naupang zual deuhte 

phei kha chu saruakin tual kan chai mai 

thin a, zahna chang kan hre hauh lo. 

Tunlaia sikserh leh hritlang-awmna hi 

khang hun lai khan a awm ve lo a ni 

ang a, tih mai tur a ni. Nu leh paten leilet 

leh kut hnathawh dang an thawh thin 

avangin naupang an enkawl hman lo 

va, khawlaiah kan duh duhin kan lengin 

kan tal kual thin. 

tunah chuan, tunah chuan 

Hun a lo kal zel a, naupang tam tak 

chu pawna vak chhuak lo turin nu leh 

paten an khuahkhirh a. An duh zawng 

khalh tur an lei sak a, pawna chhuak 

lovin inah an awm a. Chhungkaw tam 

tak chu mahni inah hlim takin an inkawm 

dial dial thin a ni. Tichuan naupang an 

ril a tamin nu leh paten an ei leh in tur 

chhang emaw, thil dang eng emaw an 

ngaihtuah sak a. Zirlai naupang an nih 

chuan nu leh pa thenkhat chuan an 

fate lehkha zir an vilveng a. An zir zawh 

hmaa mutsan mai lovin, an menpui ve 

tang tang a, zingah lehkha zir turin an 

kai tho leh thin a ni. An riltam huna an 

ei leh in tur an lo buatsaihsak a. Kan ute 

High School kal tur (heng hun lai hian 

High School hi Kawlpuiah an kal thin) 

an chaw fun (Tiffin)-a artui phel an pai 

te kha kan it em em mai a, chilthli tla lek 

lekin kan thlir liam dauh dauh thin a ni. 

Nursery School 

Kum 1990 bawr atang chuan naupang 

awmna bik (nursery school)-ah 

kan indah tan a. Kum 1990 hma lamah 

chuan nursery school chu Kohhran 

hmingin hmun thenkhatah a lo awm 

ve tawh tho nain 1990 hnuah kan intih 

hmuhin kan uar sawt hle a. Hma kan 

sawn phah nangang mai. Naupang 

an hriselna a that mai bakah, an kum 

mila lehkha an zirtir avangin an nun a 

changkan phah em em a ni. 

TAHAN: HMAN LEH TUN 

Naupang thuam leh enkawl 

Tahan khawtlang hmasawnna pakhat 

leh chu, nu leh paten naupang 

kan enkawl dan hi a ni. Puipunna ilovah 

hmanah kha chuan a pui a pangin kan 

pungkhawm thin a. Kangmei a han 

chhuah palh changte hian mei thelh 

tibuai khawpin naupangte kan phar 

buai ve nuai nuai thin kha a ni a. Tunah 

chuan hetiang nikhuaah naupang 

hmuh tur an vang pharh tawh zu nia! A 

lawmawm tak meuh a ni. Chu mai a ni 

lo, naupang silh leh fen, thuam inbelah 

hma kan sawn chak hle a. Thangthar 

nu leh pa-te an fakawm hle. Naupang 

inkhawm leh an sikul kal tur silhfen an 

inthuam leh an inchei dan hi a thianghlimin 

a mawi a ni. Tunhmaa kan nu 

leh pate khan naupangte eng ang 

pawhin inthuam mahse, an ngaihsakin 

an pawisa hran lo niin a lang. Tunlaiah 

chuan an neih ang ang hi fai leh mawi 

takin an bel a, nu leh pa-ten an thlah 

liam thin a ni. 

Zirna 

Zirna lamah pawh kan naupan ve lai 

(han ti ve khanglang ila) chuan lehkha 

hi sikulah chauh zir tur emaw kan ti a. 

Sikulah bak lehkha kan zir lo. In lama 

lehkha chhiarte kha chu ‘mi phutkhat’ah 

kan ngai thin. Veng thenkhatah phei 

chuan ina lehkha chhiar thin chu an 

thianten pawnto pahin an bang awngah 

an bihthla a, an tibuai thin. Ka nu min 

hrilh ka hriat reng chu chunglai chuan 

Service Veng (‘D’ Group)-ah kan awm 

a, kum 1975 kha ni tain ka hria, “I ute 

lehkha chhiar kha kan veng tlangval 

khawlai leng thenkhatin he laia Kawlpa 

chu a ri leh bul bul tawh an ti thin”, tiin 

min hrilh a. Tun thlengin ka bengah a la 

cham reng. 

Chung laia zirna lama Tahan khawtlang 

dinhmun hniamzia kha aw! Matric 

pass kha kut zungtang thliah tham 

chauh an awm tih a ni thin. Chu chu 

kum 1990 thleng khan a la ni chho zel 

ti ila kan sawi sual em lo ang chu maw. 

Heng hun lai hian Tuition chu awm ve 

bawk mah se, Tuition kai thei kha kan 

tlem em em a. Tuition kai apiang kha 

chu an thiam bik turah kan ngai a, kan 

ngaisang em em a. Mahse, Tuition kai 

thei apiang an pass kher lo. Kum 1990 

hnu lamah phei chuan Tuition mai ni lo, 

Boarding sikul din a lo ni ta a. Kan bawh 

luih luih a, nasa takin zirnaah kan thang 

chho ta dawrh a. Zirlai tam tak mahni 

ina zir tha peih lote pawhin Boarder-ah 

B.lalBiaKhlira 

chuan discipline hnuaiah an awm bawk 

a. Kumtin mai hian a sawma sawm rual 

hi matric pass kan awm tih theih a ni. 

Chutih karah hlawhchhamte chu an 

awm ve tho. Nu leh pate tan sum leh 

pai sen erawh a hautak hle a ni. 

Zirna lam hma kan sawnna chhan 

pakhat leh chu Kalay University, (an din 

tirh chuan Kalay College tih a ni) kum 

1993-a lo ding hi a ni. Kalay University 

hi awm lo ngat se chuan zirlai matric 

pass a tam zawk hi chu College kan 

indah theiin a rinawm loh. Mon-ywa, 

Mandalay leh Yangon-a College inkal 

tir tur chuan chhungkaw tam tak dinhmunin 

kan tlin loh tur thil a ni. Chuvangin, 

Kalay University lo awm hian Tahan 

khawtlang hi zirna lamah nasa takin 

min chawikang tak meuh meuh a ni. 

ram tawng (Kawl tawng) 

Zirna kawngah hmasawn hle mah 

ila, kawltawngah erawh hmanlaia kan 

nu leh pate dinhmun nen khaikhin ta ila, 

hma kan sawn teh chiam lo a ni lawm 

ni, tih theih a ni. Kan College zirlai nulatlangvalte 

zingah kawl tawng thiam tha 

tak mai kan vang hle niin a lang. M.A, 

M.Sc meuhte pawhin kawltawng kan 

nal chuang lo a ni lawm ni tih theih a 

ni. A bikin, Pathian biak inkhawmte hi 

kawl tawnga hmang turin keini Mizote 

hian kan tlangmi unaute hi kan tluk lo 

nasa hle mai. Heng kawngah hian Kristian 

thalaite'n nasa taka tan kan lak a tul 

tak zet tawh a ni. Kan ram tawng hi kan 

thiam that loh chuan thil tak tak tihna-ah 

kan mikhual ru riau ang a, khaw zuam 

lovin sorkar hnathawhte kan hreh phah 

fo dawn a ni. 

Khua leh tui 

Kan pi leh pu, kan nu leh pate kha 

an fakawm hle mai. Kawl tawng thiam 

miah lovin ram leh hnam chhan tura 

sipaiah te tangin hna an lo thawk a. Mi 

tam tak chuan ram leh hnam chhan nan 

an nunna hial an chan phah a ni. Keini 

an tu leh fa, thalai ziak leh chhiar thiam 

zirlai leh zirlai lo te pawh hian min thlahtute 

hnung zuiin kan ram leh hnam tan 

eng nge kan tih ve ang a, kan thawh ve 

theih awm ang tih hi chal dawm meuhva 

kan inngaihtuah ngun a pawimawh tak 

meuh mai. Min thlahtuten an vanglai 

huna ram leh hnam tana huaisen tak 

leh rinawm taka an inpekna chu kan 

ram sorkar chuan a hre reng a, eng 

tikah mah a theihnghilh tawh dawn lo 

a ni. 

Chuvangin, kum 1963 March ni 23 

khan Col. Lun Tin, North West Commander 

of Burma Army, Chin Affairs 

Council Member ni bawk te, Col. Van 

Kulh, Chairman, Security and Administrative 

Committee, Sagaing Division te 

Tahanah an lo kal a. Upper Chindwin leh 

Chin Hills pum puia department hrang 

hranga lu ber te ko khawmin, Burma 

rama Mizote chu Burma khua leh tui dik 

tak an nih thu an puang ta a ni. (History 

of Mizo in Burma, B. Lalthangliana, M.A. 

Page 151) A Vawi 20-na Pyidhaungsu- 

Nih (Union Day) puala buatsaih ‘Taing- 

Yin-Tha Culture’ lehkhabu, kum 1967-a 

chhut, U Min Naing-a’n kan ram pum 

puia hnam 70-te Culture leh Tradition 

a ziah lehkhabu phek 93-naah Lusei te 

chu Sagaing Division, Kalaymyo, Tahan 

khua tiamin khaw 14-ah an cheng tiin 

a tarlang a. Khaw khatah in 70 atanga 

100 inkar an khawsa tih a ni. Tahan 

hi min thlahtuten an thisena an lei tih 

pawhin a sawi theih awm e. 

Chutiang zelin, kum 2008-a kan 

ram Danpui (Constitution) tur an duan 

thar lehnaah pawh Taing-Yin-Tha hnam 

100 zinga mihring 10,000 aia tam te 

ziaknaah No. 24-naah Lusei (Mihring 

19724) tih a chuang kuau a. Lusei-te 

chenna hmun chu Kalay leh Kabaw tia 

tarlan a ni. Zo hnahthlak a tam zawk 

chenna hmun Chin Hills bakah Kalay 

leh Kabaw-ah Zofate chen nan sorkarin 

hmun min pek hi a ropuiin chung 

Pathian malsawmna kan ti lo thei lo a ni. 

Sorkar hna 

Hun hmasaah khan sorkar hnathawk 

kan neihte chu sipai bang an ni 

tlangpui a. Lehkhathiam, degree nei 

chuan zirtirtu hna leh hna peng hrang 

hrang an thawk a ni. Township Party 

leh Council Member-ah an tel nual a, 

khawtlang pawhin kan tangkai pui nasa. 

Mi thenkhat phei chu sorkar-in an rinchhan 

em em a, an kut leh ke an tling 

hial, fakawm tak an ni. Hlawh a tlem 

vangin sorkar hna thawh hi kan hreh a 

ni mai thei, engmah thawk lova awm mai 

mai hian sawtna leh tangkaina chhete 

mah a nei lo. Nu leh pa thlazar hnuaiah 

thenrual kawma kan tei chhung hian 

kan College kai puite chuan hun rei 

lote chhungin sorkar officer nihna an lo 

chelh fur mai ang. Chung kan sikul kai 

puite nena kan inhmuh hunah chuan 

kan inchhir ang a, khua a tlai hman 

tawh si ang a, a pawi dawn em a sin! 

>>To Page 18


SAGAING REGION CHIN NATIONAL AFFAIRS 

MINISTER PU NO THAN KAP TAHAN-A 

VANTLANG INKHAWMAH 

Sagaing Region Chin National Affairs Minister Pu No Than Kap chu Tahanah 

a lo kal a, vangtlang mipuite nen inkawmhona tha tak neih a ni. Tahan veng 

hrang hrang atanga lo kal mipuite nen January 19 zing lam dar 10:30 khan 

Nazarene Hall-ah an inkawm hlawm a. 

A hmasa berin Pu No Than Kap hian thuhmahruai tha tak tawi fel takin a 

sawi a. Chin National Affairs Minister hna hi hna la awm ngai lo a nih thu te, hei 

hi tlangmi zawng zawngte tana minister a nih thu leh kan harsatna, kan duh, 

kan duh loh thlenna tur minister a nih thu te, kan chhawr thiam kan inhman 

thiam a pawimawh thu te sawiin mipuite a fuih a. 

Chu mi hnuah mipui kal khawm atangin zawhna leh kawng hrang hrang 

dilna theh luh a ni a. Basic Education Middle School (No. 1) building sak chungchangah 

sum indaih loh thu report a ni a, cheng nuai 300 vela sak zawh theih 

tur niin Pu Kap hian a kawng a lo zawng dawn a ni. Chu bakah Basic Education 

Primary School (No. 8) chungchang pawh thu thlen a ni a. He school, school 

naupang 400 chuang awmnaa toilet (inthiarna), school naupang tana pakhat 

chauh a awm thu te, toilet grandthi dil a ni naa chan loh theih a nih avangin 

chang ngei ngei thei tura hma lak pui an ngaih thu te, school compound hungna 

a that loh vanga zirlai te leh school tan a him that loh avanga hung vat a tul thu 

te, leh headmistress hian transfer a dil avangin leh he school-a zirtirtu mipa pa 

khat chauh a awm avangin he school-a an rawn dah tur hi headmaster, mipa 

ngei nise an duh thu, te an thlen a. He mi chungchang thuah pawh kawng a lo 

ngaihtuah tur thu Pu Kap hian a sawi. 

Tahan bazar thuah pawh zing lama lirthei luh loh theih dan tur te, room pela 

inzar hluai an tam thu te, Kalaymyo leh Tahan khaw chhunga ke 12 nei motor 

lian luh loh dan tur te, Yuzana street metal loh thu te, zing hma taka bazara 

thute tana public toilet ruahman dan tur te leh thil hrang hrang zawh fiah a ni a. 

Pu Kap leh Kalaymyo Municipal hotuten tha takin an chhang hlawm a. Hma lak 

theihna hrang hranga hmalak an tum thu an sawi nghal bawk. 

Pu Kap chuan mipui Rights hi mipuiin hriat a tul thu te, mipuiin huai taka 

an duhna tihlan a tul thu te, Taingyintha minister hi mi 29 an awm thu te, heng 

minister-te hian kum khatah vawi 2 President an hmuh theih thute leh thil 

pawimawh hrang hrang a sawi nual bawk. Mipuiin an thlan Administrator leh 

hruaitu dang dang chu pawm mai a that thu a sawi tel a, mipuiin an mamawh 

chu sawrkar-ah an thlen ang a, sawrkarin a tihhlawhtlin thu te, amah kawm an 

duh phawt chuan englai pawha koh theih, sawm theih a nih thu te, Kalaymyo-a 

Sagaing Region Chin Affairs Office chu February 5-a hawn tan a nih tur thute 

pawh a sawi. Chhun dar 12-ah inkawm khawmna hi tihtawp a ni ta a ni.n 

Local News TAHANTIMES | 11 

KAWLPHAI ZOFATE TANA HUAPZO MAGAZINE AWMCHHUN 

HRUAITU ARSI 

• Kawlphai Zofate'na thu leh hlaa hma kan sawn theihna tura kan neih makmawh Huapzo 

Magazine chuan tlawmngaite enkawlnain a rawngbawlna a la chhunzawm zel a. 

• He Magazine hian neitu bik Kohhran mal emaw, pawl bik emaw a nei lo va, khawtlang tana 

mi tlawmngaite'n an enkawl a ni. 

• He Magazine hian hringnun kaihhruaina thu tha leh hla tha tak tak mite tan a chhawpchhuak 

reng a, Zofate tan chuan he Magazine hi lak ve a, chhiar ve ngei chi a ni e. 

• Tichuan, kan thu thiam hla thiamte pawh thu leh hla rawn thawh reng turin kan sawm reng a. 

• A bu la thar duh leh thu chhuah tur pe duhte tan Pu Kh. Lawmsanga, Tahan 'A' Group contact 

tur a ni e. 

TAHAN MWO BRANCH INTHLANG 

Tahan MWO Branch chuan 2013 January ni 13 tlai dar 3:30 khan kum 2013 

hruaitu tur an inthlang. Inthlanna hi Tahan 'E' Group-a Pu Lalhmangaiha inah 

buatsaih a ni. Inthlannaah hian mi 25 an kal a. Inthlan hma hian rorel a ni. Rorel 

zawh hian inthlan a ni a, inthlan hi Revd. B. Zosangliana (Believers' Church)-in a 

kaihruai. Inthlanna a neih hmasak hnuah thuchah tawi a sawi a. "Vawiina lo kal 

khawmte hi Tahan khawpui kal dan tura a herhna (steering) vuan pha chin thah 

in nih avangin in pawimawh em em a ni," tiin a sawi. 

Hemi zawh hian 2013 MWO, Tahan Branch hruaitu tur thlan a ni. Inthlan hi 

secret ballot –a inthlan a ni a. Inthlan result chu hetiang hi a ni. 

President : Pu Lalthangliana 

Vice President : Pu Lalnunhuma 

Secretary : Pu Chhiarpuiliana 

Assistant 1 : Pu Pu Lalrosanga 

Assistant 2 : Pu Lalthuama 

Treasurer : Pu Vanlalneia 

Auditors : Pu Vanmawia (Convener) 

Pu Vanlalchhunga 

Pu Rothangpuia 

Pu Lalpekthianga 

Inthlan hi tluang takin tlai dar 4:30 ah zawh fel a ni.n 

KALAYMYO BIAL DEP, CHIN STATE CHUNG 

MUAY TAUNG-PHA TAUNG PROJECT TITAWP TURIN 

AN NGEN DAWN 

Kalymyo bial dep, Chin State Muay Taung-Pha Taung-a khur chhuak thil laihna 

project chu 2013 January ni 2 atang khan a teh leh ilo vel Company-in an rawn 

bei tan a. 'Heng lai ram hi kan tichangkang ang a, he khur chhuak thil laih hi min 

thlawp rawh u,' an rawn ti ni awmin Zonuam khaw lal chuan a sawi. 

"He Muay Taung-Pha Taung velah hian ram ngaw, mau rua a la buk tha a. 

Kan khawsak a la changkang lo naa, he laiah hian hman hman atangin kan 

khawsa tawh a. He project vanga kan in leh lo, kan khua te kan chhuahsan tur 

chu thil ni thei a ni lo. Helai project ti tur hian China company hian 2005-2006 

atang tawh khan bul a rawn tan tawh a. Kan hriat hauh lohin hna tan an tum 

ringawt a. 

Hetiang leilung khur chhuak lai turte chuan thil hi zep leh thup lovin lang 

tlang takin ti thin se," tiin khawtual pa Pu Tum chuan a sawi. Chin State Muay 

Taung - Pha Taung project hi thawh tak tak a nih chuan Tedim bial khaw 18 leh 

Kalay bialah Mya Sein, Mya Linn, Kyauk Chat, Hinn Boke leh Shuh Khin Tha te 

sawn a ngai ang a, an leilet te pawh an chan thei dawn a ni. He project vang hian 

buh leh bal, bean, vaimim, nihawi chhuak tha em em, lo zau tak tak leh thing 

leh mau ram ngaw te a chereu ang a, ramsa te tan pawh tha lo tak a ni dawn a, 

Kalaymyo bial mipuite an thlaphang hle a ni.n 

TAUNG PHILA-A CHHANG KANNA DAWR 

No. 2 Basic High School thlen hmaah hian 

chhang kan dawr lun zet mai hi a awm a. Kum 

25 liam taah khan he chhang dawr hi hawn tan 

a ni. An chhang kan hi a tuiin a thar lam thei 

bawk a, dawrtu an tam hle thin. Chhang chi 

hrang hrang an kang thin a. Chi 8 vel an kang 

tlangpui. 

Sanmyo leh Tahan bazar velah pawh hetiang 

chhang zawrhna hi a awm bawk. Chhang 

pakhat hi tlangpui thuin cheng 50/- a ni a. Lei 

tam deuh chuan an belh nual thei bawk. Taung Phila-a chhang dawr hian ni 

khatah tel buk 13 vel an hmang deuh ber. Pathianniah phei chuan an hralh tam 

zual a. Ks. 150,000/- vel an hmu thin tih a zuartu Maw Mawi hnen atangin thu 

kandawng.n

12 | TAHANTIMES local news 31 January 2013 Thursday | Vol.2 No.13 

KALAYMYO TOWN HALL HAWNNA LEH SAGAIN REGION CHIEF MINISTER LEH VANTLANG INKHAWM 

January ni 30 chhun dar 1:15 khan Kalaymyo Town Hall hawnna buatsaih a ni a, Sagain Region sawrkar hruaituten ribbon chet chatin an hawng. Town hall 

hawnna inkhawm zawh hian hall-ah vek hian Sagain Region Chief Minister U Tha Aye leh mipuite inkawmna vantlang inkhawm buatsaih zui a ni. 

Kalaymyo Town hall thar hi Kalaywa lam chhuahna kawngkam khawchhak lamah chhim hmar hawi zawnga sak a ni a. Hall hawnnaah hian Sagain Region 

Municipal Minister, Chin National Affairs Minister, Region Hluttaw Palai, Region Municipal Director leh khawtlang nu leh pa mi pali ten ribbon an chep chat hmasa 

a. Chumi zawhah Sagain Region Chief Minister U Tha Aye chuan remote control hmangin ‘City Hall’ sign board puanzara khuh chu a hmet hawng ta a ni. Hawnna 

program zawh hian hriatrengna thla lak nghak a ni a, Chief Minister chuan No (2) State High School zirlaite Band leh Pangpang Keng lama lam zirlaite chu lawmman 

a pe a. Lawmman hlan zawh hian Chief Minister leh a hote chuan Hall thar chu an en kual hmasa a ni. Tichuan Vantlang inkhawmin a chhunzawm nghal a. 

Vantlang inkhawmah hian Hall sak contractor Dr. Tin Aung Swe chuan hall sak chungchang report a hlan a. Hall sak nana Municipal, mipui vantlang mi thahnemngaite 

thawh zawng zawng tling khawm atanga an senso chu Ks. Nuai sanghnih zet a nih thu a tarlang. Hall hi a dung feet 72 a ni, a pawn lam lan danah 

Kawl design taka sak a ni. Mi 800 vel thawl taka leng tura ngaih a ni a, 2012 khan zawh fel a ni. Hemi nia vantlang inkhawmah hian sawrkar department lam leh 

mipui 500 tha an kal khawm a. 

Contractorin thu a sawi zawh hian khawtlang nu leh pa lam atangin Pu Gen Khan Pau lawmthu sawi turin a rawn ding chhuak ve leh. Kalay District, mipui 

280000 chuang khawsakna, sumdawnna kawng peng thuam, VIP leh Tourist ten an tlawhpawh nasatna khawpui pakhat a nih ve avangin Chief Minister hmalakna 

zara hetianga City Hall tha tak, khawtlangin a mamawh em em a lo ding ta a lawm thu a sawi. Lawmthu sawi zawh hian Chief Minister U Tha Aye chuan zirlaite 

tan ziak loh puan, Kangthelh sipaite tan uniform, Red Cross te tan uniform a pe hlawm a. 

Chief Minister chuan lawmthu a sawi ve leh a. He lai Myittha Lui kam phaizawla Kalaymyo tan he City Hall hi history lungphun a nih thu, India, ‘Look East’ policy 

hmang mek tan luh chhuahna kawngka tak, Asia, South East Asia kawngpui a nih tawh avanga khaw pawimawh a lo nih tawh thu, chuvangin he hall hi Kalymyo tan 

‘land mark,’ khaw mawitu a nih thu, Myittha Lui timawitu, Sagain Region khawthlang lam chhuahna kalkawnga awm Kalaymyo tana chhuan tlak, chhawr nahawm 

a nih avangin tha taka enkawl zui turin lawmthu sawi pahin fuihna a sawi nghal a ni. 

Hemi hnu hian Chief Minister chuan tunlai sawkar kalhmang te a sawi a. Inawp dan hi chung lam atanga thupek hnuai lamin bawhzui ngawr ngawr ni tawh 

lovin mahni department theuhah mawhphurtuten mawh lain mipui tan a tul tul thawh mai tur a nihzia te a sawi a, politics, economic, social leh hriselna leh education 

lama sawrkar hma lak mek dan te sawiin mipui tana tha, mipui base-a sawrkar hnathawkten hma la tur, hma la mek an nihzia te a sawi a ni. 

Vantlang inkhawm a zawh hian Chief Minister chuan mipuite a chibai kual a, ding chungin inkawmna hun a hmang leh a. Zan lam dar riatah khawtlang hruaitute 

nen inkawmna hun bik a neih leh dawn avangin dar 2:40-ah thlenin lam panin a chhuak leh ta a ni. Chief Minister hian he ‘Kalaymyo City Hall’ hawn hma hian 

Tuingo Lei kan tih mai, Ks. Nuai 1,000 senga dawh chu zing lam khan a va hawng tih thu kan dawng.n 

TUN LAI TAHAN BAZAR-A THIL MAN 

1. Antam tel 1 Ks. 50 

2. Nan Nan tel 3 Ks. 50 

3. China Nan Nan tel 1 Ks. 50 

4. Phai lam Alu buk 1 Ks. 800 

5. Maite buk 1 Ks. 500 

6. Parbawr buk 1 Ks. 800 

7. Tomato buk 1 Ks. 300 

8. Zawngtah kawm 3 Ks. 200 

9. Purunsen buk 1 Ks. 600 

10. Purunvar buk 1 Ks. 1000 

11. Hmarcha hring no 1 Ks. 200 

12. Hmarcha ro no 1 Ks. 500 

13. Sawhthing buk 1 Ks. 800 

14. Lengmaser tel 1 Ks. 100 

15. Khakhuan tel 1 Ks. 100 

16. Samtawk buk 1 Ks. 800 

17. Zikhlum buk 1 Ks. 800 

18. Bawkbawn buk 1 Ks. 500 

19. Fanghma pum 1 Ks. 500 

20. Serthur pum 1 Ks. 50 

21. Sadawpe No 1 Ks. 100 

22. Badam No 1 Ks. 350 

23. Dawlrep hlum 1 Ks. 200 

24. Aieng No 1 Ks. 400 

25. Pesi (Badam) buk 1 Ks. 3500 

26. Nihawi hriak buk 1 Ks. 3000 

27. Antam hriak buk 1 Ks. 3000 

28. Kalape No 1 Ks. 250 

29. Chini buk 1 Ks. 1000 

30. Changkha Lian buk 1 Ks. 1000 

31. Rahnal tel 1 Ks. 100 

32. Changkha te No 1 Ks. 150 

မိန္းမ၊ေယာက်္ားစီး ေဒါက္ဖိနပ္အမ်ဳိးမ်ဳိး 

အလွကုန္ပစည္းအမ်ဳိးမ်ဳိး 

အမ်ဳိးသမီးကိုင္ 

အိတ္အမ်ဳိးမ်ဳိး 

ေစ်းႏႈန္းခ်ဳိသာစြာျဖင္႔ေရာင္းခ်ေပးေနပါျပီ 

၀ယ္ယူအားေပးမႈကုိအထူးေက်းဇူးတင္ပါသည္။ 

qdkifydwf&ufr&Sd 

ဖြင္႔ခ်ိန္ 

- နံနက္ ၇ နာရီ မွ ည ၈ နာရီ 

Ngwe ZiN Yaw 

33. Khuaizu Um 1 Ks. 2500 

34. Purun zung tel 1 Ks. 500 

35. Pe kawm ei buk 1 Ks. 1500 

36. Bul sen buk 1 Ks. 1000 

37. Bul uih tel 1 Ks. 100 

38. Artui pum 1 Ks. 100 

39. Mandali tui pum 1 Ks. 100 

40. Vahmim tui pum 1 Ks. 300 

41. Bawngsa ti buk 1 Ks. 5000 

A kaw chhung buk 1 Ks. 2500 

42. A lu buk 1 Ks. 10000 

43. A ke buk 1 Ks. 2500 

• Hmeichhia/mipa bun pheikhawk artui 

• sang leh pheikhawk chi hrang hrang 

• Cosmetic lam chi chi hrang hrang 

• Ipte chi hrang hrang 

• Man tlawm takin a lei theih ta. 

• Dawr khar ni a awm lo 

• Hawn hun: Zing dar 7 atang Zan dar 8 

ဗုိလ္ခ်ုပ္လမ္း၊ 

ေတာင္ဇလပ္ရပ္ကြက္၊ ကေလးျမိဳ႕။ ဖုန္း - ၀၇၃-၂၁၆၈၃၊ ၀၉-၄၄၄ ၀၂၉ ၀၀၈ 

Bogyoke Street, Taung Za Latt Ward, Kalaymyo. Ph. 073-21683, 09-444 029 008 

44. A ir buk 1 Ks. 3000 

45. A ruh buk 1 Ks. 2000 

46. A nak leh buk 1 Ks. 2500 

a nghawng ruh 

47. Vawksa buk 1 Ks. 5000 

48. A ke buk 1 Ks. 3000 

49. A hlap buk 1 Ks. 2000 

50. A thau buk 1 Ks. 2500 

51. A thi thun buk 1 Ks. 3000


domestic digest 

RAM PUMAH CHATUANA REMNA LEH 

TAINGYINTHA-HOTE INPUMKHAT NAN SIPAI LAM 

CHUAN AN THAWHPUI DAWN TIH DEFENCE 

MINISTRY LAMIN PUANG 

Ram puma chatuana remna a 

thlen theih nan leh Taiyinthahote 

inpumkhat nan KIO/KIA 

leh ram mipuite nen lungrual 

taka thawhho an tum thu Defence 

Ministry lam chuan January 

28 khan thu an chhuah. 

Kachin State-a indona thuah 

ram chhung leh pawna pawl 

thenkhat te, Ambassador 

thenkhat leh chanchinbu 

thenkhatin sawrkar leh sipaite 

mipuiin dik lo taka thil kalpuia 

an ngaih theih nan an ti a, mipui kalna kawng leh lei tam tak tihchhiat a nih thu 

puan ni mah se, chungte chu haiderin dik lo takin thu an chhuah a ni an ti bawk. 

Defence ministry lam chuan President office lamin mahni inven chauh tia 

Kachin helte do kawnga beihpui thlak lo tura order an chhuah hnuah sipai lam 

hian order chu dik takin an zawm a. KIA lam hian sipai lam hmalakna chu 

remchangah lain sipai camp lam hi an tibuai thin. Sipai lamin regu takin thil an 

kalpui pawh leia phum chi bomb hmangin an bei thin a, a huhova lo changin 

sipaite hi an bei ta thin a ni an ti. Hei vang hian sipai lam pawh an thi nual. KIA 

hian indona nena inkungkaih lo, kawng, lei, electric tower leh sawrkar building 

chu an bei thin a. Dan kenkawh a nih theih nana thawktu sawrkar departmentte 

leh police-te hi nasa takin an bei thin. Suala nei lo mipui pawh manin an 

hrem a, an that hial thin. Kachin State luhna kawng pui ber chu tichhiaa an lak 

avangin State-ah eiin tur a vang a, thil man a sang a, damdawi lam an indaih 

loh avangin natna pawh a hluar thu an tarlang bawk. 

Sipai lam chuan La Gyan Yan Camp-a sipaite himna tur leh Myit Kyina - 

Bamaw inkar kawngpui a him theih nan a tawk tein an thawk a, mahse Kachin 

hel lamte lo kala an rawn kah avanga kap let leh an nih thu an sawi. Remna hi 

sipai lam chuan a duh hle a, KIA lam pawh ram leh sipaiin an duh remna a thlen 

theih nan rilru dik taka hma an lak a tul. Sipaite chuan President thu chhuah 

mahni inven nana lo beih leh tih chauh lo chu nasa taka beih chiam loh tih chu 

a zawm angin KIO/KIA lam pawhin remna a awm theih nan president sawmna 

chu an zah a tul a ni an ti.n[Eleven Media] 

KACHIN STATE-A INDONA A LA AWM RENG THUAH 

AMERICA CHUAN A HLAUH THAWN THU A SAWI 

Kachin State-a indona a la awm zel thuah America chuan a hlauthawng a, civil 

mi eng emaw zat thi an awm hian inremna kawng zawn kawngah harsatna a 

thlen avangin he indona hi America chuan na taka a dem thu January 24 khan 

Yangon-a awm America Ambassador lam chuan an puang. 

Thu chhuah an siamnaah Kachin State-a mipuite an him theihna turin UNO 

leh khawvel puma mipuite zalenna leh himna, awm a tanpui ngaite tanpui thintu 

Agency-te nen thawk ho va, Kachin State-a zalen taka an luh theih nan Myanmar 

sawrkar chu a nawr thu an tarlang. 

Myanmar sawrkar chuan January 19 atang khan inkah hai puang mah se, 

KIO/KIA-te awmna Laiza bulah sipaiten beihpui an la thlak thu media lam leh 

NGO thenkhatin an tarlang tih pawh an ziak tel. KIO-in lak hmun chhungah ral 

tlan mipui hi mi 60000 chuang an awm mek a. Heng mite hian eiin tur leh damdawi 

lam an mamawh thu Laiza-a awm raltlanho chhanchhuaktu pawh chuan 

an sawi. n 


UNION PEACE-MAKING COMMITTEE LEH 

DKBA TE INBIA 

DKBA leh Border Security 

Force te ralthuam hmanga 

inbiakna a thlen nawn tawh 

loh nan Union Peace-making 

Committee leh DKBA hote 

January 22 khan Karen State 

Myawaddy khuaah an inbiak 

thu Karen chanchin (KIC)-ah 

an tarlang. 

Chu inbiaknaah chuan 

Union Peace-making Committee 

vice chairman U Aung 

Minn leh Boorder Security 

Force Director Genenral 

Maung Maung Ohn hote leh 

DKBA lamah Senior General 

Saw La Pwe hote chu darkar thum chuang thu an sawiho a ni. 

DKBA thupuangtu Colonel Saw Sann Aung sawi danin, he an inbiaknaah 

hian DKBA Borrder Security Force te hnen atanga ralthuam an mansak te 

pek let leh chungchang DKBA leh Border Security Force te ralthuama inbeih 

a thlen nawn tawh loh nana intiamkamna sawihona mai a ni. 

Union Minister U Aung Minn chuan, "Kan sawi tlan chu, sipai awmna tur 

hmun chungchang te, Liaison office hawn chungchang te leh DKBA te ei leh 

bar tur lam thil chungchangte a nia," a tih thu KIC chanchinah tarlan a ni. 

Sawrkar leh DKBA te hi 2011 November thlatir lam khan inkah hai an remti 

tlang tawh a ni awm e.n[Eleven Media] 

INDONA HI RAM POLITICS NGHAWNG A NI A, RAM 

POLITICS BUAINA CHINFEL A NIH LOH AVANGIN 

REMNA TAK TAK HI A AWM THEI LO A NI TIIN KNU 

PRESIDENT CHUAN A SAWI 

Indona hi ram politics 

nghawng chhuah a ni 

a, ram politics buaina hi 

chinfel a nih loh avangin 

remna tak tak hi a awm 

thei lo a ni tiin KNU President 

General Saw Mutu 

Say Poe chuan a sawi. 

January 31 khan KNU 

Headquater-ah KNU Revolution 

day a vawi 64-na 

hman a ni a, he tah hian 

he thu hi a sawi chhuak. 

KNU President chuan, "Tun lai hian Myanmar ram sawrkar chuan ram 

chhunga remna a awm theih nan Taigyintha hel pawlte nen inbe turin inkahhai 

an puang , remna a awm theih nan an sawm mek. Inkah hai hi awm bawk mah 

se, a tak tak chu a la thleng thei lo. Hel lam pawhin thu an lo zawm bik lo," tiin 

a sawi bawk. 

Inbiakna neiha remna lo awm hi hlauhna a ni lo va, harsatna tawk mipuite 

tan a ni a ti. General SawMutu Say Poe hruai KNU hruaitute chu kumin kum 

tir lam khan president U Thein Sein sawmnain Nay Pyi Taw-ah U Thein Sein 

leh Chief Defence deputy Senior General Min Aung Hlain-te nen inkawmna 

an nei a. Inzahtawnna leh inrin tawnna a awm thu KNU lam chuan an puang. 

President U Thein Sein pawhin hel pawl, pawl 10 nen kumin kum tir hian 

remna thuah inbiakna neih a nih tur thu a sawi a, KIO pawl pawh an sawm thu 

January 19 khan a sawi.n[Eleven Media]


LEHKHABU LEH CHANCHINBU ENDIK HNUA 

CHHUAH DAN CHU THIAT A NI TA 

Lehkhabu leh chanchinbu thuziak 

endika registration siamna 

department chu January 24 khan 

thiat a ni ta. Chu mi aiah publisher 

nihna neihtheihna leh registration 

siamna department-ah din a nih 

thu chu department-a executive 

secretary U Myo Myint Maungan 

a sawi. 

Department thiat tak hian 

thu ziak chhuak turte chu an lo 

endik hmasa phawt thin a, he hna hi kum 2012 August 20 thleng khan 

a thawk. Tunah chuan lo endik lawk hi a awm tawh lo vang. "Department 

hlui kha thiat a ni tawh. Tichuan department thar din a ni. Department 

thar hi ding tir a nih avangin a hna thawh tur chu chip chiar taka 

sawi theih a ni lo," tiin U Myo Myint Maung chuan a sawi. Kum sawm bi 

4 chhug meuh thu chhuah turte endik hna hi a lo thawk a, tunah chuan 

sawrkar phalnain thiat a ni ta a ni. 

Department thar hian Literaturer leh Arts lam chhuah phalna registration 

siam leh publish theihna leh lehkhabu chhuah phalna registration 

siam hnate a thawk phawt ang.n[7Day News] 

MYANMAR RAM SAWRKAR DAMDAWI IN PUI- 

AH TAWH PHAWT CHUAN EMERGENCY MI NA 

LEH NAU NEI ZAWNG ZAWNGIN A THLAWNIN 

AN INENKAWL THEI DAWN TA 

Myanmar ram chhunga sawrkar 

damdawi in puiah tawh phawt 

chuan emergency dam lo, nau nei 

leh emergency-a inzai ngaite chu 

a thlawna an inenkawl theih nan 

kumin kum tir thla 3 chhung daih 

damdawi leh damdawi hmanraw 

hman man chu sawrkar damdawi 

in tinah pek chhuah vek a 

nih tawh thu Health Ministry-a an 

hotu pakhat U Kyaw Htay chuan 

The Voice Weekly Journal a hrilh. 

Sawrkarin health ministry budjet a tihpun chhoh avangin damdawi leh 

damdawi bungruate a lei belh zel a, ram pumah a thawn chhuah thin 

tur thu Health Deputy Minister U Thein Thein Htay chuan a sawi bawk. 

"Damdawi inah emergency dam lo an lo kal hian lo intlar rawh u an lo 

tih thin avangin dam loten an pan duh vak lo. Hei hi tihdanglam tum a 

ni," a ti bawk. Heng inenkawlna tur sumte hi damdawi in sum accountah 

pawh an ziak lut vek tawh. An mamawh damdawi an lei theih nan 

tender pawh an koh tawh thu ruh lam enkawlna damdawi ina a head 

Dr. Win Myint chuan a sawi ve bawk. 

"Kan sawi tak enkawl ngai dam lo chi 3-te tan damdawi leh hmanruate 

a thlawna an hman theih nan sawrkar hian tum tha tak a nei a. Tuna 

sum an pek chhuah hmang hian damdawi leh a hmanrua pawh leiin a 

thlawna hmantir an ni tan tawh. Tul dang zel lo awm tur damdawi leh a 

hmanruate chu damlo lamin an lei chhunzawm ve tawh ang. Entirnan 

i ruh thlakna tur bungruate chu tumsak theih an ni lo vang. A vaiin a 

thlawna kalpui theih chu a ni lo," tiin Dr. Win Myint hian a sawi tel bawk. 

Tun hma atangin sawrkar damdawi inahte hian CMSD lam atang damdawi 

a lo pe tawh thin. Tuna mi ang hi chu a vawi khatna tur a ni.n 

INDIA-MYANMAR AN INKAL PAWHNA 

KHAR A NI A, INSUMDAWN TAWNNA 

PAWH A TAWP RIH 

India-Myanmar ramri-a Imphal kalna kawng chu January 14 khan khar 

a nih avangin ramri-a insum dawn tawnna pawh tawp rih a ni. India 

ram, Manipur State-a Moreh khuaah hnam pawl khat intel tual chuan 

silaia mi an beih avangin mihring leh motor kal chu tihtawp rih a ni. 

"Motor kawnga kal khap a ni a. Hei hi Moreh lama thleng a ni. 

Hman deuhva bomb puak nghawngte pawh a ni ang. Moreh-a in pakhatah 

bomb a puak a nih kha. Imphal leh Moreh kawng chu khar a ni 

a, Security lama fimkhur turin an infuih," tiin ramri insum dawn tawnnaa 

hotu pakhat chuan a sawi. 

India-Myanmar ramri insumdawn tawnnaah hian tun hma kha 

chuan bungraw chi 40 chauh phal a ni a. Tunah chuan buhfai, wheat, 

vaimim leh damdawite telin bungraw chi 62 hmanga in sumdawn tawn 

a ni tawh. He insumdawn tawnnaa sum che vel chu ni tin India pawisa 

vaibelchhe khat vel a ni a. Hetianga an khar tak avang hian ram pahnihah 

nghawng tha lo a thlen hle. Ram tan tax eng emaw zat hloh a ni 

tih an sawi bawk. 

Myanmar-India ramri insumdawn tawnna hmun hi hmun 2 (Rih leh 

Tamu gate) a awm a. Kum 2012 chhung khan Tamu gate atanga insum 

dawn tawnna USD maktaduai 9.236 a tling pha.n[Messenger] 

domestic News 31 January 2013 Thursday | Vol.2 No.13 

COMMUNICATION MINISTER A INHNUHDAWH HNUAH AN 

DEPARTMENT HOTUTE AN ENFIAH MEK 

Communication leh Technology lam hotu 

Union minister U Thein Tun a inhnuhdawh 

hnuah an ministry hotute chu koh a enfiah 

mek an nih thu President aiawha thusawi 

thin U Ye Thut chuan The Voice Weekly a 

hrilh. Myanmar Communication hotu zinga 

CE pahnih leh hotu 8-te chu Home affair 

Ministry lamin kohvin an enfiah mek tih thu 

hi a thang nasa hle a, he thu hi a dik thu U 

Ye Thut hian a sawi ta a ni. Mahse tuten nge 

endik a, tute nge an endik tih chu sawi theih 

a la nih loh thu a sawi bawk. Endik hna kalpui 

zawh a nih hunah chauh an sawi ang. Minister U Thein Tun bakah he ministry-a hotu 50 

chu endik an ni. Ram pawisate la chhuaka dik lo taka an hman avangin thawktu 8 chu 

January 18 khan thubuai awrhtir an ni. He ministry hian kan ram chhunga Mobile phone 

project atana hman tur thil mamawh leina atan a chuang a liamin sum an lo la chhuak 

a, tlawm taka an lei leh si avangin ram sum chu an lo ei ru ta a ni. Ram sum dik lo taka 

ei rutute hi dan ang taka an chungthu rel turin Naypyidaw police station pakhcat chuan 

thubuai an siamsak ta a ni. An zinga pakhat chuan amah intihhlum a tum tih erawh thu 

thang dik lo a ni.n[The Voice] 

'SPIT FIRE' INDO THLAWHNA PHUM AN LA ZAWNG HMU LO 

Indopui zawhhlima Myanmar ram chhunga 

an phum nia sawi 'Spit Fire' indo thlawhna te 

chu awm ngeia rin a nih avangin leite laiin an 

zawng naa tuna an laihnaah chuan thlawhna 

phum a ni lo a ni ang tia geologist-ten an 

sawi thu BBC chanchinah tarlan a ni. 

Indopui zawh hlim khan Spit Fire 124 

lai Myanmar ram leilunga phum a ni tih thu 

a than angin an rinna lai lai chu an zawng 

ta a ni. Mahse geologist te chuan tuna an 

zawnna Mingaladon airport bulah engmah 

a awm loh thu an sawi a. Heng Spitfire te hi Indopui laia German thlawhna laka London 

khawpui venghimtu an ni. Heng indo thlawhna laihchhuah nana senso tumtu Wargame. 

net Company pawhin eng thlawhna them mah an hmuh loh thu an puang. An hmuh 

erawh chu electric hrui phum te a ni hlawm. Spirtfire zawn chungchanga a hruaitu ber 

David Cundall chuan an laihna hmun hi a zawn a dik lo a ni mai thei a ti a. Tuna an laihna 

hmun hi Yangon International Airport atanga yard 100 vela hlaah a ni. Hetia an laih vel lai 

chiah hian Kachin ram Myitkyina lamah pawh ho khatin an lai a, an zawng ve mek bawk 

a ni. Japan ral a lo lian a, British-ho khan Japan ral lo lutten an hman theih loh turin an 

phum bo niin titi a leng nasa a, chu chu a ngaihven miten an zawng ta chiam a ni.n 

SEA GAMES HUN CHHUNG ZAWNG FOREIGNER TE 

THLEN IN MAN MI PAKHAT DOLLAR 50 A NI ANG 

SEA Games laia foreigner lo zinte chu hotel thlen man 

mi pakhatah dollar 50 tuk an tum thu Hotel & Tourism 

MInistry lam atanga thu dawn a ni. 

Myanmar-ah South East Asian Games (27)-na 

nghah a ni a, a bul hnaia hotel te pawh an room te 

biak fel a, room man tur te pawh bithliah fel a ni tawh. 

Hotel and Tourism Ministry-a Director U Tint Tun Aung 

chuan, "Inbuatsaihna chu kan tizo ta. SEA Games hun 

chhungin foreigner te thlen in man mi pakhat tan ni 

khat dollar 50 a ni ang," a ti a ni. SEA Games intihsiakna 

chi hrang hrang hi 2013 December thla atangin 

Yangon, Nay Pyi Taw, Mandalay, Ngwe Saung-ah te 

an bei tan dawn a ni. Nay Pyi Taw-ah hotel 40, Yangon-ah 10, Mandalay-ah 4, leh Ngwe 

Saung-ah 3 an riruat sa a ni tih U Tint Tun Aung chuan a sawi bawk. 

Tunah hian international level hotel room man dollar 150 bawr a ni a, tun thla chhunga 

tihfel tum a ni tiin Mandalay Hotel Zone-a thuneitu pakhat chuan a sawi. 

Nikum 2012 chhung khan Myanmar-ah foreigner khualzin mi mtd chuang an lo lut a, 

Myanmar hian ram dang atanga rawn tlawhtu a ngah sawt hle a ni.n 

AMERICA-IN BURMA TIA KAN RAM A KO THIN CHU 

KAN RAM FOREIGN MINISTRY LAMIN DUH LO 

Sipai leh KIA indo an duh loh thu America sawrkarin January 25-a a thu chhuah siamah 

'Burma, Burmese Government, Burmese Military' tia a tarlang chu na taka an dem thu 

Myanmar Foreign Ministry lam chuan January 26 khan thu an chhuah. 

Thu chhuah an siamah hetianga Myanmar ram an ko hi International dan nen a inmil lo 

va, inzahtawn tura ram pahnihte lo din tawh thuthlung leh thawhho dan tur a tihchhiat 

theih avangin hun lo awm leh zel tura an hman tawh loh an beisei thu pawh ziak lan a ni. 

Kachin State-a indonaah America a hlauthawng hi kan hriat thiampui a, mahse America 

Ambassador lamin thu chhuah an siamah Laiza hmun chuah an kawhtir a. Kachin State 

hmun dang leh Shan State hmar lama KIA-in sipai hmun leh civil awmna hmun an beih 

thu an sawi tel lo hi mak an tih thu President office aiawha thu chhuah siam thin U Ye 

Htut chuan a sawi. President ordered anga sipaiten inkah hai an kalpui lai hian KIA/KIO 

lam pawhin an zawm ve a tul thu Foreign Ministry thu chhuahah tarlan a ni bawk.n


iNterview 


CHIN ZAI THIAM MILLA HNIANG 

myanmar rama piang America-a khawsa Chin mi zai thiam Milla Hniang chuan a single album chu January 8 khan Tape Music Group Company atangin a theh 

darh ta. Music album siam thin company chu youtube atang in an lo ngaithla a, an ngainat zawng tak a nih avangin album siam thuah an inbe rem a, ti hian 

an release thei ta a ni. A naupan lai chuan Polio natna a vei thin a, tunah chuan USA-a khawsain ti hian music album hial a siam thei ta. A naupan lai chuan 

Lay Lay War, Kabia Bwe Hmu leh Iron Cross-ho hla hi a ngaina em em thin a. Ram dang mi zai thiam zingah Taylor Swift leh Shania Twain-te zai a ngaina hle, 

8 days chanchinbu chhiartute tan Milla Hniang chuan online atangin January 17 khan interview-na a neihpui a. Ti hian kan han tar lang a ni. A aw mawi tak 

ngaihthlak kan duh chuan www.playcrossroads.comI4I Milladhniang-lutin ngaihthlak theih reng a ni a. Playcrossroad-a a tel theih nan vote pawh a pek theih. 

Q: Milla, music i ngainat chhoh dan min hrilh 

thei em? 

a: Ka naupa lai atangin radio hi ka ngaithla peih 

em em a. Hei hi Chin State-a kan awm lai a ni. TV 

pawh kan nei lova thenawmah kan en mai thin. Kan 

thenawm te hian an kawngkhar pui atangin min auvin 

min zaitir thin. Hetia ka zawi zawh hian Cartoon 

film min entir thin. Heta tang hian music hi ka 

ngaina chho ta a ni. 

Q. i natna a reh theih nan america-ah engtin 

nge i inenkawl? 

a: Ka naupan lai chuan damdawi inah ka awm 

deuh reng thin a. Damdawi inah hian naupang 

dang angin infiam pawh min phalsak lo. Hei hi ka 

natna vang a ni a. Ka la hriat reng chu min zai fo 

kha a ni. Min zai zawh hnu lamah chuan taksa min 

sawizawitir a. Kha tih hun lai khan ka nu leh paten 

ka kuta vuanin, "Milla i tha leh mai dawn. A harsa 

deuh pawh a ni mai thei. I rilru ti khauh tlat ang 

che. Heti anga i tih hi i lo kal theiha hna te i thawh 

theihna tur a ni," tiin min fuih reng thin. 

Q. i pianna hmun atang america-ah engtin nge 

i kal? 

a: Chin State-a Hakha-ah ka piang a. Chu tah 

chuan kum 4 ka awm. Kum 4 ka nih atang kum 8 

ka nih thleng Yangon-ah kan awm. He mi zawh hian 

America-ah kan pem ta a ni. America rama Michigan 

khuaah kan khawsa. He mi hnuah Indiana-ah 

kan pem a. Tunah chuan Maryland-ah kan awm. 

Q. tuna lehkha i zirna? 

a: Maryland High School-ah ka zir chhuak a. Howard 

Community College-ah kum 2 ka zir leh a. Ka 

album kan release hma deuh khan lehkha zir hi rei 

lo deuh ka chawlh san. 

Q. eng tik hun atang khan nge hla i phuah i sak 

chhoh? 

a: Ka pa zin a lo haw hian Choirs leh Mizo Choir 

te a rawn hawn thin a. Ka tawng theih phat 

atangin hla hi ka sa ret ret thin. Kum 2 ka tlin 

atangin hla hi ka sa tan a ni ber. Kum 4 ka nih 

hian mi hmaah zam hauh lovin a zai. Kum 9 

atang kum 14 ka nih thleng chu biak inah 

te, inneihnaah te leh Christioan inhmuh 

khawmna hmunahte ka zai. High School 

ka kainaah American Idol tih ang 

chi 'Falam Idol' inzaisiakna hi 

kum tin an buatsaih thin a. 

Pakhatna pawh ka la ve 

nghe nghe. 

Grade 12 ka nih in 'Columbia Idol' inzai siaknaah 

ka tel, Mi 50 zingah pakhatna ka la a. He mi hnu hi 

chuan chanchibu leh TV lamahte ka chanchin an tar 

lang thin. Hei hian chakna leh huaisenna pawh min 

pe. 

Q. i tum lian ber? 

a: Kei mah anga hrisel lote an hringnun a bei dawng 

mai lova theih tawp an chhuah ka duh hle. Pathina in 

mi pek talent hi hmangin hla ka sa zel ang. Ka hlate 

hi mi thinlunga tuh ka duh. Miin harsatna eng pawh 

tawk sela ka zai an ngaihthlak hnua rilru hlimna an lo 

neih ka duh. Kei mah anga harsatna lo tawk tawhte 

theih tawpa tanpui ka duh a ni. 

Q.tape Music group (tMg) nena in incontact dan 

a: Ni kum Febuary thla khan 'Wagon Wheel' tih hla 

chu youtube-ah ka dah a. Chu chu lo hriain min rawn 

contact ta a ni. A hnuah contract pawh kan ziak fel 

ta a. Chu tih lai chuan ka hlim lutuka ka mittui a tla 

zawih zawih hial. Ka album (Gone)-a ka sak zawng 

zawng ka phuah vek a ni. Album kan hralh man 75% 

hi ka dawng a, 25% chu company-in an dawng thung. 

America-ah hian music series siam hi a har hle. Heti 

anga ka siam ve mai thei hi ka vannei em em a ni. 

Q. i private hla eng zat nge awm tawh? 

a: High School ka kai lai atangin hla hi ka phuah a. 

He tih laia ka suangtuahnate chu poetry ang deuhva 

dah in lehkhabuah ka ziak. Poetry 40 atang 50 inkar 

vel an awm tawh ang. Ka album tan hla 12/14 vel ka 

phuah bawk. 

Q. eng tik atangin nge music hi i zir. Myamar rama 

lo kal te i tum em? 

a: Music hi ka zir chiam lem lo. Mah niin ka tichhin a, 

ka duh dan angin ka kalpui mai thin. Music tui 

ve tho nuta pakhat ka nei a. Kum 

13 a nih atangin tingtang a 

perh tawh a. Kum 2012 

khan Full Soul University 

atangin music lamah 

degree a la, ka nuta 

hian tingtang, piano 

leh violin tih ang chi 

hi a tum thiam a. A 

chang chuan a nin 

a tum a, kei ka lo zai 

thin. Kum 16 ka nih 

a tum dan pawh 

ka zir chho ve a. 

Tingtang ka perh 

thia hle hnuah music 

dang hi ka zir. 

Piano hian ka hla 

key turte min hrilh. 

Myanmar-ah pawh 

lo kal ka tum. Ka tih 

theih chuan Myanmar 

fante tan eng 

emaw chu ka ti 

ang. Myanmar- 

ah hian Single Album pawh siam ka tum. Nakum thal 

lamah emaw Myanmar-ah ka kal ang. 

Q. internet atanga lo puitute eng tin nge i ngaih? 

a: Ka hlim lutuk. Engtianga lawmthu sawi tur nge tih 

pawh ka hre lo. Myanmar-a ka fante chu a mal mala 

chibai vek ka chak. 

Q. Facebook-a an dah 'Play Cross road' website 

thuah sawi duh i nei em? 

a: Maryland's Country Music Chart-ah Top One ka 

nih hlauh avangin ka intihsiaknaah hian ka lut thei a. 

100%-a ka tih that (puitu) ka neih chuan New Yorka 

Madison Square Garden-a an buatsaih tur Stage 

Show ropui takah zaithiam lar tak takte nen kan 

zaiho vang. He tah hian ka ngainat em em Keith Urban 

pawh a tel dawn. 

Q. Kum khat i pelh hnuah Polio natna i vei ta si a, 

engtin nge i chhungte nen hun in hman? 

a: Ka pian lai chuan ka hrisel hle. Ka kum khat birth 

day a thlen hma ni khat a duhah ka nuin ka ke a 

chiang lo, tih a hre tan a. Ka ke vei lam chuan ka ding 

hlei thei lo tih a hriat chuan Hakha damdawi inah min 

kalpui a. A tawpah doctor chu Polio natna ka nei tih a 

hre ta a. Yangon-a doctor thiam ber berte pawhin ka 

nunna an chhan thei dawn lo. Tichuan kan chhungte 

leh thenawm te hnenah ka nuin a sawi ta a. Ka dam 

theih hi tuman an ring lo. Ka nu leh paten an tuarna 

em em bik a. Ka nu phei chuan zan lam te min pawm 

reng a, a tap reng mai a nia. He mi hnu hian Falam 

damdawi inah min hruai leh a. Ka pa phei chuan 

kan ruang phurh haw lam ngawt a ngaihtuah tawh. 

Doctor enkawlna avangin tlemin ka rawn tha deuh 

va. Kum nga ka tlin thleng bawk vakin ka kal. Kum 

nga mi zai chu a harsat avangin damdawi hmanginn 

ka nung hram hram. Ka ke vei lam hi a kawm tlat a. 

Tichuan Yangon-ah min zai ta a. Kum nga chhung 

ka pain engmah thawk thei lova min enkawl avangin 

kan chhungkua pawh kan harsa ta hle. Kan rilru a 

hahin kan taksa pawh a rim em em thin. 

Q. i tawn tawhte atangin tleirawl/rawltharte fuih i 

duh em? 

a: Eng dinhmunah pawh ding ila mahni inhmangaih 

thiam zir tur a ni. Kan tumna pawh a hlawhtlin rin tlat 

tur. Kan rilru hi a tumruh tlat a pawimawh. Mahni insit 

zawnga insawi fo hi a awm thin. Hetiang mite hi tha 

takin kan kawm tur a ni. Hringnuna pawimawh ber 

chu rilru thianghlim tak put hi a ni a. Hlawhchhamna 

hi hlawhtlinna rahbi hmasa berah ka ngai. A tha lo 

zawngin engmah thlir ngai suh. Bei dawng lova i tum 

ram thleng tura i beih fat fat chuan i hlawhtling ngei 

ang. Kan panna leh chakna hi a inang thei lo. Hei hi 

chhuan zawk tur a ni. Mi dang nena inang chho turin 

awm ngai suh. Pathianin min pek kan nunna hi a hlu 

ber. Hlim taka awm tum hram hram ang che. Milla 

Hniang hi tumah anglo Milla Hniang a ni tawp mai. 

Beidawng lova ka tan sauh sauh avangin ka lo tum 

ruk ber Music Album pawh ka siam ve thei a ni. Keimah 

ang chiaha hringnun kawng zawh laia bei dawn 

hauh loh hi hlawhtlinna a ni. Tu 

nen maha inang lo 

i hringnun kha hlut 

tlat rawh. Ka fan 

zawng zawngte 

chungah lawmthu 

ka sawi e.n

16 | TAHANTIMES interview 31 January 2013 Thursday | Vol.2 No.13 

INDIA RAM NATIONAL AWARD TO TEACHERS DAWNGTU 

PU C. BIAKNGHINGLOVA KAWMNA 

January 14 Thawhtan tuk khan Mizoram atanga lo zin India Ram National Award To TeacherS dawngtu Pu C. Biaknghinglova chu Tahan Times hminga 

kawm a ni a. A thusawi thenkhatte kan han tarlang a ni e. 

T.T : Pu Biak, i dam maw? 

B : Aw ka dam a nia. 

T.T : Engti tura lo kal nge in nih? 

B : Kan unaupa Pu Chalmura leh Pi 

Thanghleiveli te inneih Golden Jubilee 

lawm tura lo kal kan ni. 

T.T : Engtik kumah nge i pian? Fa eng 

zat nge i neih tawh? 

B : Kum 1959 khan ka piang a. Kum 

1976 khan Hrangmawii nen inneiin fapa 

3 leh fanu 1 kan nei. 

T.T : Eng tik kumah khan nge zirtirtu 

hna i thawh tan? Khawi hmunahte nge i 

thawh tawh? 

B : March 1, 1991 khan zirtirtu hna ka 

thawk tan a. Kum 1991 khan Primary 

School (P/S) Headmaster hna ka thawk 

tan a. Armed Veng P/S (IV), Edenthar 

P/S, Vanbawng P/S (I), Ramhlun P/S 

(IV), Ramthar P/S (III), N.Chaltlang P/S, 

Ramhlun P/S (I)-ahte ka thawk tawh 

a, tunah hian Ramhlun North P/S-ah 

ka thawk mek a, Ramhlun North-a kan 

chhungkuain kan khawsa mek. 

T.T : Zirtirtu tha chawimawina award i 

dawng nual tawh tih kan lo hria a, eng 

Award-te nge i dawn tawh? 

B : Kum 2005 khan State Award ka 

dawng a, Mizoram Governor A. R. Koh- 

li-an min hlan. Kum 2012 September 

5 khan National Award To Teacher 

(Presidential Award) chu India President 

Pranat Mukherjee-in min hlan a. 

He Award hi 'National Award to Meritorious 

and Outstanding Teacher' award 

an ti thin. Kan dawnna hmun hi New 

Delhi khawpuia Vigian Bhawan Hall ropui 

takah a ni nghe nghe. Hotel changkang 

takah min thlentir a, VIP ang 

chiahin min dawngsawng a ni. 

T.T : A va ropui ve. A nih National 

Award dawng tur hian tehfung eng ang 

nge an hman? 

B : Tehfung (Criteria) zawnga sawi 

chuan 40 lai a awm a. Sawi vek sen 

pawh a ni lo vang. A pawimawh leh 

langsar zual chauh sawi ta ila. 

He Award dawng tur hian State 

Award dawn phawt a tul a. School-a 

thawhpuite leh zirlai nu leh pate nena 

thawhhonaah boruak a tha em tihte 

pawh an en a. Mahni thawhna School 

atangin Merit Scholarship mi eng zatin 

nge dawng tih an en leh a. Hei hi 

zirlai ti tha zual Top 10 hnena hlan 

thin a ni. Ka thawh chhung hian ka 

thawhna School hrang hrang atangin 

he Scholarship hi zirlai 68-in an dawng 

tawh. Khawtlang leh NGO lamah an 

inhmang tha em tih hi, tehna zingah an 

ngai pawimawh khawp mai. Kei pawh 

Pathian zarah YMA tih ang chi-ahte ka 

lo inhmang ve nasa a. Consumer pawlah 

Unit President ka thawk ve mek a. 

NLUP, Ramhlun North Local Councilah 

chairman hna ka thawk mek bawk. 

Chubakah Kohhran rawngbawlna lam 

pawh an ngai pawimawh hle bawk. 

Pathian zarah Ramhlun North kohhran 

Upa ka ni ve a, tunah hian Kohhran 

Secretary hna ka chelh mek. 

Zirtirtu thawh chhunga Service 

Training (Ram State chhung leh 

pawnah) neih tam leh tam loh an en 

bawk a. Training-naa kan dawn Certificate 

pawh show vek a tul. Tunah hian 

Mizoram Primary Teacher Associationah 

President hna ka chelh mek a. He 

pawlah hian kum 20 chhung General 

Secretary ka lo ni tawh bawk. Hei 

bakah hian lehkha bu 2 ka lo ziak ve 

hlauh va. Heng bakah tehfung tam tak 

sawi tur a la awm. Ka sawi vek seng lo 

a ni. 

T.T : Tehna key an lo 

ngah hle mai maw? A 

nih National Award To 

Teacher hi mi eng zatin 

nge dawng thin, kum tin 

dawn thin a ni em? 

B : National Award 

To Teacher hi India ram 

State zawng zawng 

atangin mi 2 theuh 

hnenah kum tin hlan thin 

a ni. Elementary level leh 

Primary levelah zirtir 1 

ve vein an dawng thin. 

T.T : Thil dang daihah 

pakai ila. Tahan hi nuam 

in ti em? 

B : E khai, kum 1970 

khan ka lo kal tawh a. 

Chutih lai chuan buh kan 

seng tluk tluk mai a ni. 

Hei tunah kan lo kal leh 

a, kan lo suangtuah thin 

aia a let tam takin in lo 

changkang kan ti. (A nupui Pi Mawii'n 

a lo sawi ve zauh va- Nuam kan ti lutuk, 

haw pawh kan hreh, in hmun kan 

rawn lei ngei ang a ti a, kan nui dar dar 

a). Tahan Times chanchin bu pawh hi 

Mizoram lam chanchinbu aiin a changkang 

ka ti bawk. 

T.T : A nih Pu Biak, zirlai leh zirtirtute 

hnenah chah duh i nei em? 

B : E khai, nei teh meuh mai. A hmasa 

bera ka ngaih pawimawh chu taimakna 

(inpekna tak tak) leh rinawmna hi 

a ni. Hmangaihna tak taka zirlaite enkawla 

zirtir hi a pawimawh hle bawk. 

Chu bakah hun vawn dik hi tul tak a ni. 

Efficient Teacher ni tura mahni pawh 

kan infuih mawlh mawlh a tul reng a ni. 

T.T : Hei ka pu, hun chep tak karah i 

hun hlu tak sengin inkawmna hun min 

pe a, kan lawm tak zet a ni. 

B : Kei pawh ka lawm e. 

n


VILANOVA: "REAL MADRID COACH NIH 

HI KA TIH NGAI LOH TUR PATHUM ZINGA 

PAKHAT A NI" 

Barcelona coach Tito Vilanova 

chuan Real Madrid enkawl (manage) 

chu football-a thil tih ngai loh 

tur pathum zinga pakhat a nih thu 

a sawi. Barcelona football club-in 

kumtina lehkhabu an tihchhuah 

thin, Ser del Barca-ah Vilanova 

chuan a dinhmun chiang takin a 

sawi a, "Real Madrid coach nih hi 

football nena inkungkaihna ka neih chhung chuan a thleng ngai 

lo ang a, ka tih ngai loh tur pathum zinga pakhat a ni. A dang 

pahnih chu chak loh luih leh damdawi hman phal loh hmang tura 

player te fuih a ni." tiin a sawi. Kum 44-a upa Vilanova hian tun 

season-ah Barcelona a chet thatpui hle a, La Liga bultan tha ber 

record siamin, tunah hian hma an hruai fal hle a ni. Hei bakah 

hian Champions League leh Copa del Rey-ah an la dam ve ve 

bawk. 

Ser del Barca-ah hian Vilanova bakah Barcelona mi ropui 

tak takten thu an ziak a. Barcelona coach hlui, season thara 

Bayern Munich manager tur Pep Guardiola pawhin Barcelona 

fans te chu an inpekzawh em avangin a fak hle a ni. 

Kum 2008 leh 2012-a trophy 14 zet lakpuitu Guardiola 

chuan, "Barcelona football club hi chu player te emaw, president 

emaw ringawt hi a ni ve lo a. Inkhel en tura rawn kal te hi thildang 

zawng zawng aia pawimawh an ni a, bar-a intihhlim paha patling 

rualin Barca chungchang an sawiho te hi he club-in mi nuna 

awmzia a neih thuk zia tilangtu a ni. 

"Engvangin nge Barca ka hmangaih tih min zawt a nih 

chuan, engvangin nge ka nu leh pate ka hmangaih tih min zawt 

ang a ni ang", tiin Barcelona a hmangaih thu a ziak a ni.n[Zofooty] 

LI NA A VANDUAI, AUSTRALIAN OPEN 

CROWN CHU AZARENKA CHUAN A HUM 

January 26 khan Australian 

Open Tennis Single 

hmei-chhe final khelh a ni 

a, nikuma lo champion tawh 

Azarenka leh China player 

Li Na-te chuan final hi an 

khel a. Li Na chu mipui lawm 

hlawh zawk a ni na a, vanneih 

thlak takin Azarenka 

hian a hneh a, nikuma a title 

chu humin World No. 1 a la 

ni ta zel a ni. Azarenka hi set hmasaah chuan a che tha lo hle 

a. Li Na-in a hneh. Mahse Li Na ke hi a nat tak avangin medical 

treatment pawh neih a ni a. Darkar 2 leh minute 40 chhung 

meuh an inkhel a ni. Azarenka hian 4-6, 6-4, 6-3-in Li Na hi a 

hneh ta. Li Na an enkawl chhung hi minute 10 vel a tling. Opening 

Set-ah Li Na chuan 5-2 meuhva hma hruaiin a che tha hle a. 

Mahse a ke na avangin duh angin a che thei ta lo a ni. Li Na hi 

Asian hmeichhe zinga grand slam singles title la hmasa ber a ni 

nghe nghe. Li Na-i ke na hi an inkhelh chhung hian vawi 2 meuh 

enkawl a ni. 

In khelh zawhah Li Na chuan, "Australian Open-ah a zawnin 

Azarenka hian pakhatna a la a, ka lawmpui hle. Ka naupang 

tawh lo nain, nakum lamah ka la khel zel ang," a ti. Azarenka hi 

Belorussian a ni a, pakhatna a lak avangin USD maktaduai 2 a 

dawng.n 

DROGBA GALATASARAY CLUB-AH 

Didier Drogba chu tunah chuan Turkey Club zinga lar tak Galatasaray 

nen thu an thlung nghet ta. Ivory Coast selected Striker 

hi China Club 'Shanghai Xinhua'-ah season chanve zet a khel a, 

hemi hnu hian Europe lamah a hawi leh ta a ni. A team 'Chelsea' 

chuan Drogba (34) chu season zawh thleng awm turin an sawm 

chiam na a, ani chuan a hnial thla a ni. Tichuan Galatasaray nen 

kum khat leh a chanve tan thu a thlung ta zawk a ni. Africa Cup 

khelh zawh fel a nih hnuah Galatasaray chu a rawn fin dawn a ni. 

Galatasaray nen thu an thlun fel hnuah Drogba chuan Twitter 

Website-ah "Europe-a top club team-a tel vena remchang 

chu ka hnial phal lo. Tunah hian Champions League-ah tel ve 

theihna ka nei leh ta, Europe-a team tha ber ber te nen pawh inhmachhawnna 

remchang a awm ngei ka beisei," tiin a ziak a ni. 

Galatasaray hi tun January thla khan insiksawi a, insiamrem hna 

fel tak hlawhtling takin a bei thei a, Drogba bakah Inter Milan-a 

midfielder Wesley Sneijder pawh a lut ta a ni. n 

soccer 

REAL MADRID "MONEY LEAGUE" AH AN 

SANG BER. SEASON KHAT AH 500M EU- 

ROS CHUANG LA LUT!! 

Deloitte in football club te season 

khat a an income a chhutsak 

dan "money league" ah 

Real Madrid chu sang ber in 

season khat (2011-12 ah khan 

Euros 512.6 millions lai la lut 

ang a chhut an ni a, a ni dawt 

ah hian Barcelona , Man Utd, 

etc te an intlar thla ve thung a 

ni. A sang zual sawm te zing ah England club 5, Spanish leh 

Italian club 2 ve ve leh German club 1 an lang a ni. 

1. Real Madrid : 512.6 m 

2. Barcelona : 483.0 m 

3. Man Utd : 395.9 m 

4. Bayern Munich : 368.4 m 

5. Chelsea : 322.6 m 

6. Arsenal : 290.3 m 

7. Man City : 285.6 m 

8. AC Milan : 256.9 m 

9. Liverpool : 233.2 m 

10. Juventus : 195.4 m 

Dan Jones Deloitte spokesman in a sawi dan in "Hei hian 

miten sports an lawm zia recession a awm pawh in a lang reng a 

ni, top levels club te hian broadcast leh commercial ah recession 

ah an buai ve vak lo, club 20 chuang hi 10% in an income a tha 

vek a, chumai bakah, a zavai a teh in kum 15 kal ta nen a chhut 

in a let li in hlawkna an hmu vek a ni , hei hian a than chak zia 

a tilang chiang hle" a ti a, "Manchester City hian field chhungah 

leh pawn ah hmasawnna an nei chak em em a, Chelsea leh 

Arsneal te rawn lehpel vat thei dinhmunah an ding mek a ni" a ti 

bawk. Manchester City hian an value pun na hi 51% vel dawrh 

a ni a, chutih laiin Manchester United pawh 11.1% vel a ni ang 

kum hnih khatah 500ml Euros chu income hmu ve thei mai tur a 

ngaih an ni bawk.n[Zofooty] 

LA LIGA-AH KAN CHAMPION THEI TAWH 

LO: JOSE MOURINHO 

Real Madrid manager Jose 

Mourinho chuan La Liga-a 

champion chu "thil theih loh" a 

nih tawh thu a sawi. 

Season hmasa-a champion 

Real Madrid hi La Liga-ah 

pathumna an ni mek a, hmahruaitu 

Barcelona nen point 15 

a inthlauin, pahnihna Atletico 

Madrid nen point 7 in an inthlau mek bawk. "La Liga chu a theih 

tawh loh, kan inkar hi a zau tawh lutuk deuh a ni. Tunah chuan 

Copa del Rey leh Champions League lamah kan insawrbing a 

ngai tawh ang. Hetiang hi chu ngaihtuah ngut ngut hi a hlawk lo 

a, engmah hi awlsam takin a champion theih loh a, ngaihtuah 

nasat lutuk chuan a buaithlak leh zual vek thei a ni. Tunah chuan 

rilru fim tak puin kan hmabak la awmah a tha thei ang berin kan 

che tawh ang", tiin RMC sport a hrilh. Real Madrid chhuahsan a, 

PSG a kal tur anga thuthang awm chu a dik loh thu sawiin, "PSG 

ka enkawl ka ring lo. Leonardo leh Ancelotti te enkawlna hnuaiah 

an che tha hle a, chuvangin manager thar an mamawh lo a, Europe 

hian Paris khawpui hi level sang bera khel ve turin a mamawh 

a, he project hi a hlawhtlin ngei ka ring." tiin a sawi bawk.n 


PREMIER LEAGUE 

sat 9 Feb 2013 

Hotspur 7:15 Newcastle 

Chelsea 9:30 Wigan 

Norwich 9:30 Fulham 

Stoke City 9:30 Reading 

Sunderland 9:30 Arsenal 

Swansea 9:30 QPR 

sun 10 Feb 2013 

Southampton 12:00 Man City 

Aston Villa 8:00 West Ham 

Man Utd 10:30 Everton 

Tue 12 Feb 2013 

Liverpool 2:15 West Brom 

sun 17 Feb 2013 

Liverpool 9:30 Swansea 

CHAMPIONS LEAGUE 

Wed 13 Feb 2013 

Celtic 2:15 Juventus 

Valencia 2:15 PSG 

Thu 14 Feb 2013 

Real Madrid 2:15 Man Utd 

Shakhtar 2:15 Dortmund 

Wed 20 Feb 2013 

Arsenal 2:15 Bayern Mun 

Porto 2:15 Malaga 

Thu 21 Feb 2013 

Galatasary 2:15 Schalke 04 

Milan 2:15 Barcelona 

EPl TOP sCOrEr 

R. van Persie Man Utd 18 

L. Suarez Liverpool 17 

D. Ba Newcastle 14 

Michu Swansea 13 

Walcott Arsenal 11 

Chief editor 

Ni Lian Sang 

editor 

Zalianthanga 

trANSLAtorS 

F. Lalbiakmawia 

C. Zaithankhuma 

MeMberS 

Laldinthari, Lalengkima 

The Rengs, Zothankhuma 

PAtroNS 

Lalsawmliana [LPS-Mizoram] 

Vanlal Zawma [UAE] 

B. Zarzoliana [Malaysia] 

Vanlal Dika [Canada] 

Pachhunga [Yangon] 

Vanlawmsanga [Germany] 

Lalrinsanga [Mandalay] 

Lalremsanga [Australia] 

Zoramchhana [USA] 

Lallawmthara [New Zealand] 

BAYERN MUNICH COACH THAR PEP GUARDIOLA 

Germany ram Bondes Liga club Bayern Munich chuan Barcelona coach hlui Pep Guardiola chu 

football season thara an coach thar atan an be fel ta. Tuna Bayern Munich coach thawk mek 

Jupp Heynckes chuan an club hi Bondes Liga khelh meka hmahruaituah a dah thei a, mahse 

season tharah chuan football khawvel hi chhuahsan a tum tawh a ni. 

Bayern Munich lam chuan, "Tuna kan coach hian Season tawp thlengin hnehna min lakpui 

ngei ang. Guardiola hian June thla atang chauhvin club hi a enkawl tan dawn a ni," an ti. 

Guardiola hi season hmasa tawp thleng khan Bacelona club-ah coach hna a thawk a. A chawlh 

chhung khan Man City, Chelsea, Arsenal leh AC Milan club-te an rim thin a, mahse an hlawhtling 

lo. Tuna an inbiak remnaah hian Bayern Munich-ah kum 3 chhung coach hna a thawk 

dawn. Bayern Munich hotu pakhat chuan, "Club tinin Coach-a an duh em em Guardiola kan 

koh theih avangin kan club pawh kan lawm hle. Ani hi khawvela coach hlawhtling ber a ni hial 

ang. Germany football khawvelah ani hian min hlawhtlinpui ngei kan beisei. Club-a a rawn kal 

hun June thla khi kan nghakhlel em em a ni," a ti. 

Bayern Munich president Uli Hoeness pawhin, "Tuna kan coach chungah hian kan lawm 

hle. Guardiola hian kan club hi min hlawhtlinpui ang em tih chu kan thlir chho dawn a ni," a ti ve 

bawk.n

18 | TAHANTIMES sport digest 31 January 2013 Thursday | Vol.2 No.13 

AWIHAWM LOH KHAWPA ANDY MURRAY 

A HNEH AVANGIN NOVAK DJOKOVIC A HLIM 

World number one Novak Djokovic chuan Australia Open-a a vawi lina 

atan hnehna a la chu mak a tiin a thin a phu nasa tih a sawi chhuak. 

Kum 25 mi 'Serb' val hian Britain-a Andy Murray chu 6-7 (2-7) 7-6 

(7-3) 6-3 (6-2) te-in a hneh a, Melbourne-ah kum 46 chhunga a zawna 

kum thum chak hmasa ber a ni ta. 

"Tunah hian ka hlim full a ni. Kumin season dang la awm tan pawh 

mahni inrin tawkna nasa takin min siam," tiin Djokovic chuan a sawi 

chhuak. 'History siam lam chu han chhunzawm hlek ila, a zawna vawi 

thum hnehna han chan hi thil namai a ni lo, awih a har, thin a phu a ni," 

a ti bawk. Game hnihnaa set hnihnaah break point vawi thum a hum thei 

kha khami tuma amah vawrh dawrhtu niin Djokovic (25) chuan a ngai. 

Grand Slam champion vawi ruk lai lo ni tawh chuan, "Ani khan vawi tam 

a lo dawng thelh a nih kha," a ti zui. 

"Khatianga a pawimawh lai taka ka chan ka titha thei khan a hnuah 

ka rilru a tizangkhai a, a tir lam ai daihin khelmualah khan mahni inrintawkna 

ka neih zual phah a ni." 

Melbourne Park-a tum thum tlawm tawh Andy Murray chu set thumna 

atang rengin thlan sa phulkaiin a tang kawh nasa a, Djokovic chuan 

a thunun zawk ta a ni. Serb val chuan kum hnih kaltaa Briton pa nen 

an inkhelhna zawng zawng aiin tun tum ( Murray nen) an finalah hian a 

service (ball pe) tha hle a inti a ni. 

"Kan pahnihin kan service kan pe tha ve ve," "Kan service game 

reng rengah kan khel tha ve ve a ni. Na taka han nawr chiam ka tum 

thin a, chuvangin ka vaw na a, a bik takin a vawi thumna leh vawi lina 

game-ah te khan. Net zawnah pawh ka vuak tam phah reng a. A inkhelh 

pumpui kha ka thunun theih a ngai a, ka theih tawpa thain ka khel thei a, 

ka lawm tak tak a ni." 

He sports kalphung hi i thlak danglam ta em ni? tia zawhna chu 

Djokovic chuan, "Kum 25 ka ni tawh a, Grand Slam-ah vawi ruk ka chak 

tawh a, trophy pawh ka ngah tawh lutuk, a mak a ni." "He hun tha hi 

ka tawng mek a, ka theih ang anga chen ka tum a ni. Naktuk hian eng 

thil nge a rawn chhawpchhuah dawn tih hi ka lo thlir reng bawk," tiin a 

chhang a. Tuna khawvel tennis player tha ber pakhatna Djokovic hian 

Australia Open Tennis champion lawmman a dawn tum 4 -na a ni. Tennis 

khawvela 'Grand Slam' intihsiakna pui pali-a Djokovic hlawhtlin dan 

chu hetiang hi a ni: 

Australia Open - Champion (2008, 2011, 20012, 2013) 

French Open - Final (2012) 

Wimbledon - Champion (2011) 

US Open - Champion (2011) n 

CASILLAS BIALNUIN REAL INRELBAWL DAN 

A PUANG! 

Iker Casillas-a bialnu Sara Carbonero chuan Jose Mourinho chu Real Madrid Playerte'n 

chhuak turin an duh a ti. 

Casillas-a bialnu chuan tunah hian player-te inkhelh dawna an inthlaknaah Mourinho 

chuan a telpui ngai tawh lova, biak pawh a be pawp meuh tawh lo a ti bawk. Mourinho 

hian nikum nipui lai khan contract thar a ziak zo chiah a, chu thuthlungah chuan 

kum 2016 thleng cham tura tih a ni. 

Spain TV Sports Journalist Sara Carbonero chuan Bernabeu 

boss Jose Mourinho leh team player-te inkarah 

khi chat lian tak a awm thu a sawi. Karhmasa khan 

Spain a sports daily hralhchhuak hnem ber Marca 

chuan Casillas leh Sergio Ramos-te pahnihin an 

club Chairman Florentino Perez hnenah zualkovin 

an boss Mourinho chu ban turin an nawr 

tih thu a ziak a, hei mai bakah hian an manager 

hi an chhawr chhunzawm zel dawn 

a nih chuan player engemawzatin club 

chhuahsan zawk an hreh loh thu a 

tarlang bawk. Hei vang hian press 

conference siam khat tak Real 

Madrid President Perez chuan 

he thil chungchang vang hian 

thutharlakhawmtute a ko 

khawm a, he thil thleng 

chungchang hi club tihchhiat 

duhtute tawngkam 

mai mai a nih 

thu na takin a sawichhuak 

a, hei mai bakah 

hian Casillas leh Ramos-te 

pawhin thuchhuah intawm an 

siamnaah he thil chungchang hi 

an tih a nih loh thu an tarlang bawk. 

Casillas chungchang bikah hi 

chuan Chirstmas hma deuh khan 

Mourinho chuan mi mak tih khawpin 

captain kum engemawzat lo ni tawh chu 

a khelh tir duh lova, hei hi buaina rawn irh 

chhuahna a tih theih mai awm e. Mahse 

engpawh ni sela he Spanish International 

hi a kutzungpui veilam a tihnat vangin zai 

a tawk a, kar 12 vel chhung chu a chawlh 

a ngaih hmel a ni. 

Zanin zanlai dar 1:30 hian Real Madrid 

chuan La Liga hmahruaitu Barcelona chu 

King's Cup 1st Leg khel turin an mikhual 

ang.n[Zofooty] 

ZAUVI DRESS MAKER 

• Kum a lo thar a eng nge ka thawh ang a eng nge ka zir ang i ti mai thei. Puan thui leh Design lam te i tui ve zawng a nih chuan 

Zauvi Dress Maker-ah Coat, Long Pant, Jeans Style, Sequence chei mawi, Puan chei mawi, Emboidery la in puan thui thiam pa 4 

leh puan zaithiam tak pa 1 an mamawh a a thawk duh tan Zauvi Dress Maker-ah mah ni ngei in ngaihven theih a ni. 

• Hmun hla atang a zir duh leh thawk duh tan Hostel (free) buatsaih sak tum a ni. 

>>From Tahan: Hman leh Tun 

Chuvangin, tun atang hi chuan a lian emaw, a te emaw sawi lovin sorkar hna a nih phawt 

chuan theih tawp chhuahin thawh i tum hram hram ang u, khua a tlai hma hian. 

thukharna 

Tahan khawtlang chu tunhma ngaihtuah chuan nasa takin a thang chho zel a. In tha 

pui pui a ding nual tawh a, kal kawng a nuamin a thianghlim sawt hle. Mahse, sorkar 

hnathawh kan intihhmuh lo erawh a pawi khawp mai. Tahan mipui tam dan ngaihtuahin 

sorkar hnathawk kan tlem em em a ni. Kan mite sorkar hnathawk an tam pauh leh office te 

hi kan tlangnel phah ang a, kan tuitla bawk ang. Sorkar hna hi rinawm tak leh taima takin 

thawk ila, kawng engkimah kan tangkaipui ang a, hnam tan ro hial a tling dawn a ni. Chu 

vangin, sorkar hnathawh hi ngaizam mai lo vang u, mipuitling leh mi zahawm nihna a ni 

zawk.n 

ZauVi DreSS MaKer 

H.No. 10/14, Tahan [G] 

FG Glory (Ma Ma) Bike Workshop hmun nen inkawp, 

Letpanchaung kawng

wufaevif; December thla chhung discount 

• Mit lamah harsatna i neih chuan တက္ေနလင္း rawn pan ve mai rawh. 

• Tarmit man tlawm ber atang-in man tam ber thleng (rate dik takin) 

kan nei reng e. 

• Computer hmangin a thlawn-in i mit power kan en-sak thei bawk che. 

• Theih tawp chhuahin kan tanpui ang che. 

• Duhsakna sang tak nen kan hmuak reng che. 

Min rawn pan vat la, i inchhir hauh lovang. 

eleCtroNiC & SaNa 

• Sana chi hrang hrang leh, Mobile phone (GSM) chi hrang hrang, memory 

card, off set, TV chi hrang hrang pawh man tlawm takin lei tur a awm reng. 

(Sana chhia te pawh warranty nei-in kan siam-sak thei tawh e) 

BIKE SALE CENTRE 

EFCM Biak in kiang, Tahan, Kalaymyo. 

မ်က္စိက်န္းမာ၊ လူခ်မ္းသာ 

TarmiT leh Sana dawr 

Summer engliSh ClaSSeS 

Hming pek hun - Febuary 25 – 28 

Zir tan hun - March 

Zir hun chhung - March 1 – May 20 

Thla 3 chhung English Zirna Duhthusam, Speaking Zirna runah hian 

rawn lut la, theih tawpin kan lo tanpui ang che. 

Nursery – 10th Standard tan hming ziak luh theih a ni e. 

gCeC 

Taungzalatt Ward, Kalaymyo 

Tel: 09 47080672, 09 400506644 

Cherry Maung Soe + Sayama Ringi 

BIKE SALES & SERVICE 

Hei le! Kan mi leh sate rinchhanin “Bike” thar tha, “Che Koung” (Mu,facgifxkwf) packing ngat 

tlawm takin kan zuar ve ta. 

Duhsaka min rawn dawrtute hnenah present eng emaw pek zel in ni ang. 

Tlawmngaia rawn kawhhmuh emaw, a lei tur rawn hruaitute tan pawh lawmman (yGJc) 

buatsaihsak in ni ang. 

Licence siam sa pawh kan zuar a, office kal buai ngai lovin min rawn pan mai dawn nia. 

တံတားဦးအနီး၊ျမသီတာကုန္စံုဆိုင္ေဘး၊ဗုိလ္ခ်ဳပ္လမ္း၊ကေလးၿမိဳ႕။ဖံုး-၂၁၈၃၈၊၀၉-၄၇၀၇၃၅၆၂၊၀၉-၆၄၇၂၈၄၈ 

Ta Da Oo kiang, Sky Net dawr bul, Bogyoke Street, Pinlong, Kalaymyo. 

Tel: 073-21838, 09-47073562, 09-6472848

Isua Krista hniak hnung zuiin 

HOLy LAND TOUR Kal 

Isua pianna Bethlehem khua, a sei lenna Nazareth, rawng a bawlna Galilee, 

'Tlang chunga thu sawi' a sawina Mt. of Beatitudes tlang, Isua chuanna lawng te, 

Zanriah hnuhnung an kilna Jerusalem khua, Kros pua a kalna, Zion tlang a panna kawng, 

Isua Krista a thawh lehna Garden Tomb thlan te bakah 

Bible-a hmun pawimawh langsar zual te, nun tam tak thlak thlengtirtu 

Ram Thianghlim tlawh turin 

April ni 10 leh 21 inkar (Tui theh kut lai)-in class sang tak luxury-a zin 

a tlawm thei ang bera ruahmanin mi pakhatah 

cheng nuai 29 leh sing 5 chauh. 

lam haw lam thlawhna ticket man, 

kalna apiangah motor standard changkang 

hlir hman, Professional English 

Tour Guide leh Kawl tawnga tawnglettu 

hruai tel an ni ang. '3 Star' level hotel 

lian hlira thlen tur a ni bawk. Israel Embassy-ah 

mahnia visa dil buai a tul lo, a 

huhovin Israel visa lak mai tur a ni. 

Kal tur zat bithliah a nih dawn avangin 

hming pek lawk vat a ngai. Passport la 

nei lo ten dil vat a tha ang. Chipchiar 

taka hre duh tan hetah hian biak pawh 

theih reng kan ni. 

Pu andrew lal lian thang [Pate] 

Managing Director 

Business Plus Travel and Tours Co., Ltd. 

141 Room 903 Bargayar Condo., 

Sanchaung, Yangon. 

Tel: 01-518147,09-73194300 (office) 

09-5083710 (hp) 

မူပိုင္

Read more @ Tahan Times Vol.2 No.13 - Zoin.Info

Create successful ePaper yourself

Delete template?

Save as template?