Khrist leh Satan kikal-a - Myanmar Union Conference

Khrist leh Satan kikal-a 

KIDONA LIANPI 

The 

GREAT CONTROVERSY 

Between Christ and Satan 

The Conflict of the Ages in 

the Christian Dispensation 

by 

ELLEN G. WHITE 

Printed in Tedim Chin 

2002

ii KIDONA LIANPI 

LUNGDAM KOHNA 

Hih laibu zolai-in a hong om nadingin a 

letkhia masa Pastor Ngul Khaw Pau, a 

puahpha Pastor Tun Khaw Nang; tha le 

ngaal, banah hunpia in Computer sunga ong 

guansak Lia Zen Khan Niing; a endik Pa Cin 

Sian Pau, Sia Gin Lam Cin, Sia Hang Khen 

Mang, Pastor Kai Khan Khual, Sia Tg. Khup 

Tawng, Sia Pum Khan Hau, Sia Sian Suan 

Pau, Sia Thang Lam Mung, Tg. Thang Khan 

Tuang; neihsa, a kipan Computer ong zang 

sak Tg. T.S. Muangpi, Nu Hau Vung, leh 

Pasian a ittna hanga thungetna tawh a 

panpih khempeuhte tungah kam-a genzawh 

loh in lungdamna,laibu bawlpa in, hih pan in 

ka hong za sak hi. 

Pasian thutangna leh itna mikhempeuh in 

telmuh in Amah abelh na ding uh deihsakna 

tawh naki piakkhiatna uh in mitampi tungah 

gupkhiatna khuavaak asuak dingin Topa in 

athupha tampi tawh ong pom sak hen. 

Kham Khen Pau

THUPATNA iii 

THUPATNA 

Leitungah mawhna a hong lutma in Adam in amah a piangsakpa tawh 

maitang kimu in kiho zel uh hi. Mihing in thupalsat ahih man in 

Piangsakpa tawh a kizop na leh hamphatna lianpi teng a kitat hi. Ahih 

hangin leitung leh vantung akizop kik theih nading in tatkhiatna geelna 

tawh Pasian in lampi a honsak kik hi. Pasian in a Khasiangtho tawh 

asawltak te zang in mihingte tung ah a hong kilaakna tawh mihing a 

hong zong hi. 

“Khasiangtho sawlna tawh Pasian kiang pan in hong pai thute a 

gen khia uh hi” 2 Pet. 1:21. Mihing pian khit kum 2500 sung dong 

Pasian in a ki pulaak nadingin aki gelh thei laimal zang lo hi. Tua hun 

laite in Pasian thu pen a tu ata khang dong in kam tawh ki hilh, in a 

kivaikhak suk suk uh hi. Mose hun ciangin laimal ong neita uh hi. Pasian 

in tua laimal te zangin a na ki pulaak hi. Tua ciang in Khasiangtho’ 

humuap Kilaakna laibu a hong om hi. Tua sung ah piancilna leh thukham 

bu 5 teng a gelh Mosi hun a kipan Lungdamna bu a gelh John khang 

dong, kum 1600 huam sung-a thute a om hi. 

A thu hong luankhiatna naak in Pasian ahih hangin mihing khut 

tawh a kigelh khia ahi hi. Tua ahih manin Laisiangtho sung a om laibute in, 

agelhpa pianzia zui in khat le khat akigelh zia aki lam dang ciat uh hi. Ahi 

zong in tua sung a ki pulaak thuman avekpi in “Pasian Khasiangtho lamlahna 

tawh a hong ki pia”(2Tim. 3:16), mihing kam in a kigelhkhia thute ahi uh 

hi. Ciangtan aneilo pa in a Khasiangtho tawh a sawltakte lungsim salhvaak 

in mangmuhna tawh ahi zongin, zan-a mang sung pan ahi zongin limciing 

ciaptehna leh ciaptehna malte a muhsak khit ciangin mihing zat kammal 

tawh bulh in a hong ki pulaak hi.

iv KIDONA LIANPI 

Thupiak sawmte ahih leh Pasian kammal teek in a genkhiat khit 

ciangin ama khut teek tawh agelhkhiat thumalte ahih man-in mihing 

phuah tawm ahi kei hi. Laisiangtho pen mihing zat kammal tawh aki 

gelh khia Pasian piak thuman thute ahi hi. Tua a ding in Pasian leh 

mihing kikop in a semkhawm uh ahi hi. Pasian tapa leh mihing tapa ahi 

Khrish pianzia zong tua bang mah ahih hi. Khrish in thuman ahih zah 

mah in Laisiangtho zong thuman ahi hi. Ahangin, “ Thu in mihing hong 

suak in eite lak ah hong om hi.” John 1:14. 

Pianzia, nasep, leh lungsim navaak dan kibanglo mituam-tuam 

in hun tuam-tuam sunga a gelh uh ahih mah bangin, Lasisiangtho gelhna 

in a kizang kammalte leh athu luan zia tampi kilam dang ciat in thuzaipi 

a huam hi. A gelhte thu pulaak zia zong aki lam dang hi. Akibang thuman 

khat agelh dang khat in akician zaw in a gelh hi. Mihing tuam-tuam’ 

gelh ahih zui in a laigelhna uh ah a gen bang mun tampi zong a om hi. 

Ahih hangin lungsim takpi tawh asim mi in, deih kaihna nusia peuh leuh, 

akizomto suak thuman guipi a tel muh zo ve ve ding uh hi. 

Mimal tuam tek in a pulak ahih mah bangin thuman zong pang 

tuam-tuam pan ki en thei hi. Lai-atpa in a lawm dangte sangin a hah 

gen zawk thukhat ciat a nei uh hi. Tua a hah gennop bel thu apulak uh 

ciangin, anuntakzia, a lungsim navaak zia leh a pulaak nop thu a ultun 

sak dan zui in a gelh khia uh hi. Khasiangtho in ama lungsim sungah a 

guan thu atelna zui in agelh khia uh a hih man in, avek pi in guikizom a 

suak ahi hi. Tua man in mihing sapna mun tuam-tuam tawh kituaki in 

akipulak thu ahih hang in mun khat ah ong ki tuah veve uh hi. A thuman 

pulak nading in mihing mah zang thei ahih manin Pasian a lungdam hi. 

A gen leh a gel ding uh thu telsak in a Khasiangtho tawh tua nasem 

ding in a tel mite a picing sak hi. Zobel sunga ki koih vantung vangiil 

ahi hi. Mihing kamal tawh ki pulaak ahih hangin Pasian teci panna thu 

ahi hi. A thuzong in a um mite adingin Pasian vangliatna leh hehpihna 

thuman muhkhiatna a hi hi.

THUPATNA v 

Mihingte hotkhiat nading in tel angai thumante Pasian kammal 

Laisiangtho sung pan a hong pia hi. Laisiangtho pen akhial ngeilo 

thuneihna dim thubul ahi hi. A hang in ”tua Laisiangtho a om khem 

peuh in Pasian Khasiangtho humuap na tawh ong kipia a hih manin 

Pasian mite in gamtat pha ah a kicing mi asuah nading in thuhilh ding, 

mawhna lak ding, dikna thu hilh ding in dik in a pha hi.” 2Tim. 3:16. 

Tua bang i cih ciangin, Pasian deihna a lak dinga ong kipia 

Laisiangtho ih telsiam nading in Khasiangtho lam lahna kisam nawnlo 

cihna ahi kei hi. Laisiangtho hilh thute tel in ih nuntak pih theih nading 

in Honpa in a Khasiangtho ong kam ciam zaw hi. 

Laisiangtho a humuap pen Khasiangtho ahih manin, Laisiangtho 

thu hilhna leh Khasingtho a ki tukalh ngei lo ding ahi hi. 

Laisiangtho tawh ki eelpuak ding leh a neu-seek ding in Pasian 

in a Khasiangtho pia ngei lo hi. Ahi hangin thuhilhna leh nuntak zia 

khempeuh sittel nading in Pasian kammal aki pia ahi cin in Laisiangtho 

in a gen zaw hi. Nungzuipi John in “ka it lawmte aw, kha khempeuh um 

kei un, tua kha in Pasian tawh kipawl hiam ci-in kan tel un. Bang hang 

hiam cih leh leitung ah kamsang kineih khem tampi hong om khin ta 

hi.”(1 John 4:1) ci hi. Isaiah pulaakna ah, “thukham thu leh teci panna 

tawh aki tuak kei leh, amau sungah khua vaak nai lo ahih man ahi hi.” 

Isaiah 8:20(KJV) ci hi. 

Laisiangtho lam lahna kisam nawn lo hi ci in khua muta akisa a 

khial mihon khat te hang in Khasiangtho a ki maimial suah hi. Tua mite 

in amau lungsim-a suak peuh-peuh Pasian hopihna aw in a seh pah pah 

uh hi. Tua in a ki makaih sak uh hangin, tua khaa in Pasian Kha Siangtho 

ahi kei hi. 

Laisiangtho nusia in tua khaa aki makaih sak uh ciang in buaina, 

khemna , leh kisiatna sung ah a tung zawsop uh hi. Gitlohna a behlap 

zong a suak uh hi.

vi KIDONA LIANPI 

Pawlpi ading in Khasiangtho nasepna thupi lua ahih manin, Satan 

in thu motphut lampialna zang in Pasian mite a thahat sak ding a 

Pasian piak Khasiangtho a awlmawh lo sak ding in a han ciam hi. 

Lungdamna thu kizeek hun sung teng in, Laisiangtho tawh kituak 

in a Khasiangtho in nasep zom suak lai ding hi. Thukhun Lui le thak a 

om khit nangawn in mimal lungsim teltheih ding in Pasian in, Laisiangtho 

bu sunga te ban ah, lam tampi zang in a ki pulaak hi. 

Khasiangtho tung tawn in patau hilhna, mawh kawkna, lam lahna, 

leh thuhilhna te mite tung ah ki bang ci piak cih thu Laisiangtho in ong 

musak hi. Hun tuam tek a om laibu a at kamsangte leh a atlo kamsangte 

thu zong a hong thei sak hi. Laisiangtho a bu in a ki kaihkhop khit ciang 

nangawn in mite lungsim hon sak in, hilhkholhna leh hehnepna pia in 

Pasian mite adingin Khasiangtho in na sem niloh lai hi. 

Jesu in a nungzuipite tungah “Pa in keima tang in a hong sawl 

ding Huhpa Khasiangtho a ong tun ciang in note tungah thu khempeuh 

hong hilh dinga, note tung ah ka hong gen thu khempeuh zong hong 

phawk sak kik ding hi...a hong tung ding thute a hong gen ding hi.” 

John 14:26 a ci hi. 

Nungzuipite hun a kipan in a khang khang a ding in Khasiangtho 

kamciam a om thu Laisiangtho in ong lak hi. “Leitung bei dong in note 

tawh kong om khawm ding hi” (Matt 28:20.) ci in honpa in anungzuite 

a khamuang sak hi. Pawlpi sung Khasiangtho nasep zia ding Paul in 

zong a gen na ah, “Pasian mikhempeuh in Khrish ading in na sem in 

Khrish pumpi a khansak theih nading deih na ahi hi. Tua hi leh Pasian 

Tapa theihna leh, thu upna ah kithukhat in, eite a khangcing suak in 

Khrish cingtakna ciang i ban to ding hi” ci hi. (Eph 4:12, 13). 

Ephesus-a thu umte ading a thunget sak na ah zong “Topa Jesu 

Khrish’ Pasian ahi, aminthang Pa Pasian in note tung ah Khasiangtho 

hong pia in, tua Khasiangtho in note tungah pilna hong pia in, note in

THUPATNA vii 

Pasian na theih nading un note tung ah Pasian hong ki latsaknading in 

thu kong na nget sak niloh hi” ci hi (Eph. 1:17-19). Pasian Khasiangtho 

in Ephesus pawlpite lungsim honsak in Pasian kammal thu thukte a 

theih nadingin thu a nget sak hi. 

Pentekoh pawi ni Khasiangtho a ki buak khit ciang in mawhna 

kisik in Khrish min tawh a ki tuiphum ding in Peter in mipite a han 

thawtna ah zong ”tua hi leh Pasian piak khong Khasinagtho na ngah 

ding uh hi. .Pasian in ama kamciam na pen note tung leh na suan na 

khakte uh tung leh gamlapi-a om mi khempeuh, i Topa in a sap mi 

khempeuh tung ah hong bawl a hi hi.” Sawl. 2:38-39. ci hi. 

Pasian nilianpi tawh kizom in Khasiangtho kibuak nading kam 

ciam zong kamsang Joel tungah Topa in a pia hi. Joel 2:28. Pentikoh ni 

in tua kamciam pawlkhat tang tung a, lungdamthu tangko nasep mahial 

nadinga a kamciam Khasiango in tamzaw kan ding hi. 

Hun bei kuan ciangin sia le pha kido na zong ngong suah in suk 

sem sem ding hi. A khang-khangin Khrish Pawlpi tungah Satan a heh 

mah mah hi. Tua Satan’ vangliatna nan zawh nading tha a guan ding in 

Pasian in amite tung ah Khasiantho a pia hi. Khrish sawltakte in lundamna 

thu leitung ah tangko in akhang kik ading in mualsuang a phuh uh ciangin 

Khasiangtho lungvaak sakna anasia zaw in a ki pia hi. Pawlpi in a suahtak 

hun ding a naih ciangin Satan in zong vangliatna lianpi tawh na a sem 

hi. “A mah in ama hun tom lam theih ahih manin lungso na tawh 

(Mang12:12 ZIV) a hong tuak suk hi. “ Lim leh na lamdang lian pi pi 

lak in na asem hi. (2 Tet. 2:9). Pasian vantung mi lak ah a sangbel ngei 

tua khemsiampa in kum 6000 sung khemna leh suksiatna vive tawh na 

a sem hi. Khangsawtpi sung tua bang na sepna in a zat suksiat siamna 

leh khemsiamna zangh-a a thasanna teng gawm in a nunung bel in 

Pasian mite do nading in ahong zang ding hi. Mawhna leh satonna omloa 

mite in Topa a dawn theih nading un tua hunsia kawmkaal mah ah, 

Khrish nungzuite in thuman a tangko ding uh hi. Tua hun ciang in Pawlpi

viii KIDONA LIANPI 

in nungzuipite’ hun a zah mah in Khasiangtho hehpihna leh vangliatna 

a kisam ding uh hi. 

Khasiangtho lung vaak sakna tawh hih lai a gel mi in sawt veipi 

a kido niloh sia le pha kidona a mit tang tawh a mu hi. Thukham palsat 

masapa, mawhna phuangpa, leh gilo mangpa ahi Satan le Nunna kumpi 

leh hotkhiatna mangpa ahi Khrish kikaal a khangtawn ki dona ong ki 

lak zel hi. 

Satan in Khrish leh anungzuite a gaal bawl hi. A khang-khang in 

mite akhemna bulpi ding in, Piangsakpa tang in piansak nate pahtawi in 

abia sak hi. Pasian thukhun huatna lungsim, leh thumanlopi thuman 

banga lahna pen khemna in a zangh hi. Pasian leh Piangsakpa zia huat 

nading in itna Pasian kimlai, a lipkhap huai leh akihtak huai lim in a 

mukhial sak hi. Pasian thukham ahepkhiat sak nop manin, mihingte ading 

in kisam nawnlo hi a ci hi. Tua thu teng a lehdo ngam pe-peuh bawlsiat 

ding in a khang-khang in a sulzuih pah hi. Tua tangthute pen tanglai 

Tuulpi le pupite tangthu, kamsangte thu, nungzuipite thu, leh ngawngtan 

thuak puahpha makaite tangthute sung pan in ki sulzuih kik thei hi. 

Kidona lianpi a hial nadingin azatngei thubul, lungsim, leh dozia 

teng mah Saan in hong zang kik ding hi. Leitung in a muhkhak ngeiloh 

zah in huaisia mah mah ding cih simloh azat ngeisa te mah a zang kik 

ding ahi hi. A khem zia thuk zaw dinga, ado zia ngongtat zaw ding hi. 

Telsate nangawn a khem zawh leh a khem ding hi. Maku 13:22. 

Khasiangtho in ka lungsim ong hon ciang in Pasian thubu sunga 

om, abeisa leh mailam ading, thumante a hong mu sak hi. A hong tung 

baih ding kidona lianpi ah khua vaak ih ngah nading in a beisa hun leh 

mailam hun a ding kidona tangthute midangte zong ahilh sawn, gen 

sawn ding in hong sawl hi. 

Tua thuguite aki muh theih nading in, Satan a sinso sak Pawlpi’ 

tangthu sunga thupiang kician mah mah teng ka teelkhia hi. Tua sungah

THUPATNA ix 

leitung zui pawlpi leh “sih dong in nuntakna nangawn pammaih asalo” 

teci pangte’ thu ong dawk ding hi. 

Tuate tung tawn in a hong tung ding kidona om zia ding zong ih 

seh thei pah ding hi. Topa ong pai ciangin mawh kawk banglo in ih om 

theih nading in, i pelh ding leh ih delh ding thute Khasiangtho lungvaak 

sak na tawh Pasian thubu sung pan ih mu thei ding hi. 

Hun beisa a puahphatna a pungsak thupiang te pen Protestant 

te thamlo in leitung bup in a theih leh apom thute vive ahi hi. Hih laibu 

in a gennop thute a kawkkhia ding bek in tua thangthute tom sak in ka 

hong lak hi. A tangthute tomkaih leh tham zul in kila napi koi mun pan 

kila cih kipulaak lo hi. Ahangin tua tangthute thuman hi a, mikhempeuh 

in apomsa hi lel ngawn ahih man ahi hi. Eikhang in zong hih bang mah 

in laibute ki zang zel lel hi. 

Hih bu in thu thak zonkhiat nading le behlap na ding ngimna ahi 

kei hi. Kidona sate tel muh zawk manin, hong tung ding kidona a thupi 

zia ih seh thei nading ngimna bek ahi hi. Tua in i lampi ong vaak sak 

dinga, sih dongin Pasian kammal leh Jesu tecipanna i kepcing theih 

nading a hi hi. 

Hih laibu a simna hang in Satan gitlohna, akhemsiamna, azat 

gaal van teng ong thei sak ding hi. Mawhna ki bangci sian-suah in, tua 

tawh kisai kinialna lianpi ki koi ci ven sak cih ahi zongin, tua tung tawn 

in Pasian thumanna, itna leh vangliatnate zong ong musak ding hi. Pasian 

in a piansak nate tawh akikheel ngeilo a thukham siangtho dopphah in 

a kizop zia uh leh tua thukham siangtho huzap alutna mite’ lungsim ah 

khuamial ukna veng in, khuavaak tate asuah nading leh, eite hong it a, 

a pumpi hong pia pa akipahtawi nadingin thu ka ngen hi. 

E.G.W.

x KIDONA LIANPI 

A SUNGA OM THUTE 

Kidona Lianpi.................................................................................... i 

Lungdam Kohna................................................................................ ii 

Thupatna ........................................................................................... iii 

A sunga om Thute............................................................................. x 

1. Jerusalem Kisiatna .................................................................. 1 

2. Kum Zakhawk Masa Lai-a Bawlsiatna ................................... 22 

3. Khimzin Laitual Len Hun: Lampialna ..................................... 32 

4. Waldenses Te .......................................................................... 45 

5. John Wycliffe .......................................................................... 63 

6 Huss leh Jerome...................................................................... 81 

7. Rome leh Luther Kikhenkhiatna ............................................. 106 

8. Luther - Kikhoppi Mai ah ....................................................... 132 

9. Swiss - Puahphapa .................................................................. 160 

10. Germany Gam Ah Puahphatna In Mai Nawt .......................... 175 

11. Kumpite in Nial ...................................................................... 188 

12. French Puahpha pa ................................................................. 203 

13. Netherlands leh Scandinavia ................................................... 232 

14. A Nununglam English Puahphate ........................................... 241 

15. French Tualgal leh Laisiangtho ............................................... 262 

16. Biakna Suahtakna Zonga Zinkhia Papite ................................ 286 

17. Khuavaak Ding Tangkote ....................................................... 297 

18. America-a Puahphapa Khat .................................................... 316

A SUNGA OM THUTE xi 

19. Khuamial Pailet-a Tang Khuavak ........................................... 341 

20. Biakna Khanlawhna Lianpi ..................................................... 353 

21. Patau Kona Kinolh ................................................................. 373 

22. Hilhkholhnate Tungta ............................................................. 390 

23. Biak-buk I Cih Bang Hiam ..................................................... 408 

24. A Siangtho laka Siangtho Bel Mun ah.................................... 423 

25. A Kikheel Thei lo Pasian Thukham ........................................ 433 

26. Puahphatna Nasep Maban Khat.............................................. 452 

27. Tu Hun Kiphuahphatnate........................................................ 463 

28. Dawpkholh Thukhenna........................................................... 483 

29. Thusia Kipatkhiatna Bul ......................................................... 497 

30. Mihing leh Satan Kikal-a Ki-elna............................................ 510 

31. Kha Gilote’ Sawltakte ............................................................ 517 

32. Satan’ Thaangkamte ............................................................... 524 

33. A Masa Bel Kheemna Lianpi .................................................. 538 

34. Sikha Thu Upna ...................................................................... 559 

35. Biakna Lam Suahtakna Kiam ................................................. 572 

36. Hong Tung Ding Alauhuai Kidonalian ................................... 593 

37. Laisiangtho Kidalna Lum........................................................ 605 

38. Patau Kona Nunung ............................................................... 616 

39. Buaina Hun ............................................................................. 626 

40. Pasian Mite Kihonkhia ta ........................................................ 650 

41. Leitung Hawmsuahna ............................................................. 668 

42. Gal Veng Ta ............................................................................ 678 

Kammal Hilh Cianna ......................................................................... 697

1 

Jerusalem Kisiatna 

NANG in tui lai taka nopsakna tawh kipawl nate thei lecin nang 

ading a pha ding hi. Tu-in ahih leh, na mittang pan a kiseel hi. 

Bang hang hiam na cih leh, na galte in na kimkotah kan bawlin hong 

uumcip a, mun khempeuh pan hong khakcip ding uh hi. Nang a kipan 

na sunga a om na tate leitungah a kipuksak ding ni a hong tung ding a; 

na sung a suang khat tungah kiciang suang khat beek a omsak kei ding 

hi. Bang hang hiam cih leh, Pasian hong hawhna hun na thei kei hi.”Luka 

19: 41-44. 

Olive mual dawn pan Jesu in Jerusalem khua ensuk hi. Hoih-in 

daai hithiat hi. Tua hun pen Paisan Pawi laitak hia, mun tuamtuam pan-in 

Jakob’ suante-in tua pawisiim dingin hong ki kaih khop laitak uh ahi hi. 

Huan sungte, losel tawh akituam khualzinte’ buknote kilamna, mual pawnte 

lak panin a cialcial-a ki bawl mualneute, athupi kumpi innte, leh Israelte 

khuapi kulhpi te hong dawkkhia hi. Zion tanu-in ki saktheihnatawh, 

“Kumpinu ka hi hi, dahna ka thuak kei ding hi. It huai-a, hun paisa 

khempeuhah vantung’ deihsakna tawh amah kiphatna la: ‘Kumpi’ lianpa 

khuapi, leilu lam-a om ama maul siangtho Zion Mual in leitung khempeuh’ 

lungdamna ahi hi,” aci hi. Late 48:2. Biakinnpi alianpi in kimu hi. A

2 KIDONA LIANPI 

tumkuan nizangin a kham kongpi leh akawm suangte taan a, a biak inn 

khum leh tausang lengin ate dialdial hi. Jews minamte ki-saktheihpih “Meel 

hoih kicing” (18) biakinn ahi hi. Israel’ suan leh khakte in pahtawi loin a 

omthei diam! Jesu in thudang khat na lunggulh zaw hi. “Khuapi hong nai 

ciangin khuapi en-in Jesu a kap hi.” Lk. 19:41. Zawhna leh kipakna tawh 

ahong lut sung mahin, nisuh hiangte tawi-a, Hawsanna cihna aw in mualte 

thawn a, mi tul tampi in Amah Kumpipa ci-a, a uapna apiak hunsung mahin 

Honpa pen dahna lianpi-in atuam hi. Jesu, Pasian Tapa, Israelte adinga ki 

khaam Topa, sihna zo-a hansunga ki khumcipte akaitho Topa-in khitui 

luangin, a dahna lian mahmah ahih man-in, anan zawhlo khuisatna hong 

thuak hi. 

Amasuan theilua ahih hangin Ama adingin akhitui luanglo hi. 

Gethsemane huan-a lunggimna lianpi hong manawh hi. Kum zatampi 

meihal biakna adinga akikai gante alutna Tuu kongte ki mu thei hi. Tua 

kong vang mah ah Amah zong “A go dingte mai-a a ki paipih tuuno a 

hi hi” cih thu a hong tung ding hi ta hi. Kalvary mual singlamteh omna 

mun zong gamla lo hi. Khuamialpi in atuamna tua lampi ah mawhna 

adingin ki pia-a a pai ding hi ta hi. Ama aituam thuak natna hanga a 

dah hi lo hi. Jerusalem a, mi tul tampite thupha pia in ahonkhia dinga 

ahong paina mite-in saanglo, kisik nuamlo, atheihtheih lohna hangin a 

kap ahi zaw hi. 

Kumtulval sung Pasianin teeltuamte tungah a piak thupha, kep 

tuamna angah amite omzia Jesu-in telmuh hi. Pasian Tapa akigawhna 

ding lim alak kamciam tapa Isaac in nial selo-in gangawhna tau a zuatna 

mun Moriah mual zong mu hi. Tua lai-ah thuciamna thupha leh Messiah 

piak ding kamciam pen a muan huai thu-um Abraham tungah kikipsak 

hi. Pian 22:9, 16-18. Ornan buhphual a biakna meikhu-in vantung 

dong kahto-a asusia ding vantung mite’ namsau a heii khiat sak hi (1 

Khangsimna 21) Tua in mawhneite adinga Jesu kipiak khiatna leh Palai 

(19) sepna lim a hi hi. Leitung buppi mai ah Jerusalem pen Pasian in 

pah tawi hi. Topa in “Zion a teel hi”. “Amah in Ama teen nading in a

JERUSALEM KISIATNA 3 

deih hi.” Late 132:13. Tua mun ah khangtampi sung kamsaangte in 

thupuakte na hilh uh hi. Siampite in anamtui haalte uh veii-a, mite 

biakpiak thungetna leh namtui meikhu Pasian mai-a a kahtohna mun 

zong ahi hi. Tua mun pen Pasian Tuuno lim ala nisial-a tuuno sisan 

tawh a kithoihna mun ahi hi. Jehovah Pasian-in Hehpihna Tokhom tungah 

meilom tawh amite aom pihna mun zong ahi hi. Tua munah vantung 

leh leitung kizopna kahlei kiphut hi. Johan 1:51; Piancial 28:12. Pasian 

vantungmite asuktuah akahtohna tua kahlei-in a Siangthopen mun tun 

nadingin mite ading lampi ahi hi. Pasian’ thuciamah Israelte namuanhuai 

uh hileh Jerusalem in teeltuamza taan ngeilo ding uh hi. Jer. 17:21-25. 

Teeltuam mite nung tolhin lang pang uh hi. Vantung’ khualna nial uh a, 

angahuh hunphate lopthop bawl-in a zawntat uh hi. 

Israelte-in “Pasian sawltakte simmawh-in, a thupiakte neubawl 

uh a, a kamsaangte a nial uh hi 2 Khangsim 36:16, 15. Topa in “a migi 

leh a lungduai, a thusiam leh a thumaan”na amite tungah nalak lai veve 

hi. Paikhiat 34:6. Nial den napi-uh na khual den hi. Pate in tate hehpiha 

a kepna uh sangin Pasian in “A kamtaaite samin apai sakna tawh a 

khualna na lian zaw hi. Pasianin amite leh a tenna khuapite it hi. Lampi 

hilh-in, zolin, taai zel napi manglo uh hi. Vantung pan piakkhong lian 

penpen leh a hoihpenin Tapa ahi hi. 

Pasian’ Tapa tekmah a kisik nuamlo khuapi azol dingin ki paisak 

hi. Khristin Israelte Izipt panin lenggui hiang limci laak bangin na ci-lak 

a (Late 80:8), Ama khut mah tawh lawkite hawlkhiat sakin “leihoih 

mualno tungah” a suan hi. (20) A kiimah daai kai-in a vil hi. A hah 

akem dingin Anasemte a sawl hi. “Ka leeng huan ading bang ka bawl 

beh thei lai diam? Ka hih ding a kisam lai bang om hiam?” ci hi. Isa. 

5:1-4. “Leenggah hoih gah ding” lam-en napi “gam leenggah hong gah 

a,” gah phat theiha, ataksuak theihlai khak leh cih lam-etna tawh Amah 

mah a hong pai hi. A leeng phungte phung vuh a, a hiang keute hah 

siang-in, Ama suansa leengphung puah ding gim thei lo hi.


Kum thum sung Ama mite lakah minthanna khuavaak tawh hong 

teng hi. Amahin “A paina khempeuhah thupha bawl-a, dawi bawlsiatte a 

dam sak hi,” Sawltak 8:38. Lungsim kitamte khui a, a ki-heencipte phelkhiaa, 

mittawte a mituh vaaksak-in, khebaaite lampai sak-a, bengngongte khua 

zasak-in, a phaakte siangthosak-a, misite hingkiksak-in mizawngte 

hotkhiatna thu a hilh hi. Lk. 4:18; Matt. 11:5. A migitna aw tawh 

mikhempeuh a kibangin sama, “Vangik pua-a a gim mite aw, ka kiangah 

hongpai ta-un, tawldamna ka hong pia ding hi,” ci hi. Matt. 11:28. 

A thupha bawlte gitlohna tawh thuk uha, Ama itnate muhdahna 

tawh a thuhkik uh hangin, (Late 109:5) Amahin agitngei-in amigi hi. 

Hehpihna angente peuh mah nolh ngeilo hi. Nisimin, inn neilo, zahpihna 

leh thusimlohna tawh aki bawl hangin milunggimte hehnem-in, a 

taangsamte huh-a, nuntakna letsong a saan’ theih nading-un bawlsak 

den hi. Thumang nuamlo mite-in Athusiamna a nolh ciangin genzawhloh 

itna leh hehpihna tawh a thukkik zel hi. Ahih hangin Israelte-in tua a 

Lawmhoihpenuh leh Huhpa kiang panin a ki heiikhia uh hi. Ama 

thusiamnateng simmawhin Ama makaihnateng nuihsan uha, A thu 

kuppihnate a zahpih uh hi. Amau adingin lam-etna leh mawhmaisakna 

hunphate bei hanhan a, Pasian hehna haai zong hongdim dektak ta hi. 

Khang tampi dung zui-a lampialna leh langpan’na meiilomte hong ziing 

semsem a, tu-in lungkhamna meeivom lompi-in mawhbawlte a khuhcip 

ding hita hi. Agimthuakna panin a huukhia thei PA awlmawhlo uh a, 

tawng gawp-in nolh uh a, singlamtehah a khai ding a hi ta uh hi. Kalvary 

singkhuam (21) tungah Khrist a khai uh ciangin Pasian’ thupha 

piaktuam, teeltuam minam hihna pen Israelte tungpanin a kilakhia ding 

hita hi. Leitunga sum khempeuh sangin khakhat bek amai man’ na in 

ciangtan neilo supna hi zaw a, Khristin Jerusalem khua buppi-ii 

thuakding gimna mukhola, khatvei lai-a a khuabup, a minambup-a Pasian 

teeltuam Ama sumkhuk ahi ngei pen, en-in na a sa mah mah hi. 

Kamsaangte zong Israelte’ lampialna leh mawhna hanga a 

thuakuh gimnate, aguak suaknate hangin a kap uh hi. Jeremiah in, “Topa’


tuu honte kiman-a, a ki thatte adingin ka mit in khitui tuikhuk suak leh 

a sun a zan-in kapin ka tam lo nuam hi,” na ci hi. Jer. 9:1; 13:17. Tua 

hia, kum khat hilo a khang paisuak amusuakpa in bangzah in lunggim 

ding hiam? Amah in sawtveipi Jehovah’ teen’na mun ahi khuapi susia 

ding namsau a lek vantung mi a mu hi. Olive tangdung pan-in a sawtloin 

Titus leh a galkapte-in a luahding munte khawng a en hi. Siangthomun 

leh a bikhalaap khawng a galmuh hi. Galte-in kiimuum-a daaipua pana 

a vilna munding khawngte khitui mualtuangsa-in a en hi. Galkapte 

gualzawhna tawh asikcipna husa a za hi. A ki-uum cip khuapi sungah 

nupite leh naupangte gilkial anduh-a kahna aw a za hi. A 

innhoihpipiteuh, a kumpi innte, a tausaangteuh mei in kaangtum-a, 

meikhu leh meivu asuak mukhol hi. 

A khangkhangin ensuk a, Thuciam nei minamte-in mi’gam, mi’lei 

tengah “tui gei sehnel tunga teembaw kisia bangin” aom a mu hi. A 

mite tunga kibuak ding thuaksiatna mu a, hehna tawh thu a khen ciangin 

amaute beeltawdat bang hi ding cih a thei hi. Tua manin Sianmanglungduai 

in itnalian leh dahpih kammal tawh “Oh, Jerusalem, Jerusalem, 

nangmahin kamsangte na that a, a hong kisawlte suang tawh na 

deeng a, akpi in a note a kha nuai-a a kaihkhop bangin tamveipi kong 

huai hangin nang na ut kei hi”, (22) Matt. 23:37, na ci hi. “Oh, minam 

dang khempeuh sangin a ki deihsak zaw minam aw, na tunga hong tung 

ding thu leh nang’ ading ahi nopsak tawntungnate thei hi le teh hoih 

mah ding hi ven! Thuman nasem vantung mite kho niloh dinga, na ki 

sikkik nadingin hong sam ngitnget napi ing, na mangkei hi. Sawltakte, 

kamsaangte bek hong sawl hilo inga, Israelte Misiangthopa, note Honpa 

nangawn kong sawl hi a, nang mah in na nial a, na nolh khin zo hi. 

Kisiatna na thuak leh nangma teel a hi hi. Notein nuntakna nangahtheih 

nadingun Ka kiangah nong painuam kei uh hi.” Johan 5:40. 

Jesuin Jerusalem a et ciangin thu-umlo, lungkhauh-a, a lehpan 

leitungbup limciing leh Pasian thuk kik thukhenna manlaanga a tun’ 

nadingin a bawl bang bek in a mu hi. A puk minamte thuaksiatnate in


amah dah sak lua ahih man-in, dahna tawh atam lo khia khia sak hi. 

Mihingte’ gentheihnate, khituite leh sisante ki ciaptehna laibu mu a, A 

lungtangah leitungte thuaksiatna gentheihnate khasiatlua-in, suakta thei 

le-uh deihsak mahmah hi. Ahih hangin tua gimnate A khut tawh a daal 

sak ding deih-a a ngen tawm hi. Hih mite suahtakna apiaktheih nadingin 

sihna nangawn hong thuak hi. Ahih hangin nuntakna angah nuam mi 

tawm bek a hong pai uh hi. 

Vantung vanglianpa a khitui luang hi. Mong neilo Pasian Tapa, 

lunggim in kuun hi. Vantung khempeuh dip kua hi. Omzia khempeuh 

mawhna in vukcipta a, Pasian thukhamte palsatna pan hotkhiat kik 

nadingin mong neilo vangliatna nangawn in haksa sa hi. Jesu in hunbei 

hun dong en suk a, Jerusalem ki siat lai-a khemnate bang vive mah 

leitung in thuak suk suk ding cih a mu hi. Judahmite’ mawhna lianin, 

Khrist a nialna uh hi a, leitung bup Khristiante mawhna lian penin 

Pasianin van le lei-a ukna thukhun a nial nopna uh ahi hi. Jehovah’ 

thukham pen ki-simmawh dinga, kinuaisiah ding hi. Mawhna tawh 

kidiah, Satan’ sila a (23) suak, nihvei sihna khuk sungah a kia ding 

mimaktampi-in thumaan awlmawh loin amau khangin thukhenna 

thuakciat ding uh hi. Ngawngkhauhin kimuhmawh bawl uh hi. 

Paisan pawikhaam-ma ninih lai-in, Judah makaite kawkgawp-a 

Biakinn pan hong paikhiat khit ciangin, A nungzuite tawh Olive mual 

lopa eng dildial tungah hong pai-in khuapi hong galet uh hi. Khuapi 

kulhte, a tausaangte, leh a kumpi innte a hong en pha kik hi. Biak 

innpi’meel hoihna tee ziahzuahte meellawm takin a thupi sianthona lukhu 

tua mual siangtho a ki khusak bangin a mu hi. 

Tu-ma kum tulkhat lai-in laphuakpa-in Pasianin Israelte 

deihsakin, Ama teen’na biakinnpi a pahtawina hih bangin a na phuah hi: 

“Salem khua sungah Ama Biak innpi om a, Ama teen’ na in Zion a hi 

hi.” Late 76:2, na ci hi. “Amah in Judah minam teel a, Zion mual a it 

hi. Ama Biakinn pen Kumpi inn bangin a lam hi,” Late 78:68, 69 ci hi.


Biakinn masa in Israelte picin’ pen hun a aki lam ahi hi. David in biakinn 

lam nadingin na tampite na kai khawm hi. A lamdan ding pen Pasian 

geel ahi hi. 1 Khangtang 28:12, 19. Israel kumpi laka a pil pen Solomon 

in innpi azawhsiang dong lam hi. Leitung bup-a inn kilam ngei khempeuh 

lakah athupi pen hi. Ahih hangin Topa in kamsaangpa Haggai tungah 

akilam nu nung Biakinn tawh kisai-in, “Biakinn thakin a lui sangin hoih 

zaw thupi zaw ding hi.” “Mi namkimte ka lok dinga, minam 

khempeuhte’ Lungulhpa hong tung ding hi. Hih inn pen minthanna 

tawh kadim ding hi, mipite Topa in ci hi.” Haggai 2:9,7. 

Nebukadnezzarin Biakinnpi a suksiat khit, Khrist hong pianma 

kum 500 lai-in kum 70 saltaanna pan ahong ciahkikte-in nuntak kai 

nawnlo agamuh hong zuankikin alam uh ahi hi. Solomon’ lam Biakinnpi 

a thupina a mu piteek puteekte-in akilamthak amuh uh ciangin a masa 

sangin ginalozaw ahih manin akap uh hi. Mite lungsim puakzia 

kamsangpa-in a genna ah,””Ni danga biakinn a hoihdan a ciamteh theilai 

na om uh hiam? Tu-a pen bang ci nasa uh hiam?” ci-in dong hi, Haggai 

2:3; Ezra 3:12. Tua ciangin a nunung Inn’ minthanna in a masa’ (24) 

aa sangin thupi zaw pek ding a hihna kamciam kipia hi. 

Ahih hangin mite muhna panin, a nunung biakinn agolna, 

athupina, Pasian’ ompihnate in amasa baan lo hi. A aapna ah zong 

Vangliatna in meiilom banga a uapna zong omlo-a, vantung’ vangliatna 

in aompihna kilanglo hi. A biakpiakna akaangtum dingin vantung panin 

zong meikuang hong kia suklo hi. Siangthobel mun-a vantungmite zong 

Shekinah meiipaak in tuamlo a, Thukham kuang, Hehpihna Tokhom 

leh tetci pan’na suang peekte zong om lo hi. Siampipa’ phuisam laitakin 

Jehovah’ lungkimna apulaak dingin van awging zong kiza lo hi. 

Pasianin Haggai tungtawn-a a piak kamciamte kumzatampi sung 

amawkna takpi asuak hi. Kamsangpa gente theitellopi-in kihaibawl 

theilai uh hi. A kilamkik Biakinnpi pen Jehovah minthan’na meiipaak 

tawh ki pahtawilo ahih hangin Pasiante lakah Khatin hong om pih hi—


tuapain mihing asuak Jesu Pasian ahi hi. Nazareth mipa-in 

siangthomunte-ah thuhilha, cinate damsaka, A biakinnpi-ah minamkimte’ 

Lunggulhpa a hong tungta hi. Khrist hong paina hang bekin Biakinn 

nunung pen amasa sangin a thupi sakzaw hi. Ahih hangin Israelte-in 

tua vantung’ Letsong nial uh hi. A kiniamkhiat Topa-in tua Biak-inn’ 

Khamkong pan a pusuah ciangin minthanna in zong biakinnpi nusia ta 

a, “Na inn uh mi omlo gam simthamin ki nusia hi”ci-a Honpa’ gen a 

tun’na a hi hi. Matt. 23:38. 

Biakinnpi kisusia ding hi, ci-a Khrist hilhkholhna pen 

nungzuipite-in lamdangsa hi. Agennopna a kicing in theinuam uh hi. 

Tua innpi akizep nading in kum 40 beia, neihsa, thatang leh siamna 

siitloin kiseem hi. Herod-lianin Rome mi leh Judahmite hauhna phaltakin 

zeka, leitung-bup kumpipa in zong ama aituam sum tawh huh hi. (25) 

Golpipi-a seksa Marble suangpaakte Rome hong tun a, tuate tawh akilam 

inn pen anungzuite in a Topa uh kiang ah, “En in, hih suangte bang 

suang hi a kibangci lam hiam?” ci uh hi. Mk. 13:1 

Nungzuite paunate Jesu in mulkim huai takin dawng hi, “A 

mantakpi ka gen in ah, hih suangte khat tungah khat ki thuap nawnlo 

zah-in ki susia ding hi” Mt. 24:2,3. 

Khristin leitungbup ukna tokhom aluah nadingin thumanglo 

Judahte gimna pia-a, Rome ukna pan aminamte ahotkhiat nadingin 

Jerusalem khuapi susia gawp ding dan-in nungzuite in seh uh hi. Topain 

nihveina ahong paiding thu agen a hi hi. Jerusalem tungah thukhennathu 

a gen ciangin ahongpai nading thu-ah alunggim leuleu zel uh hi. Honpa 

kimum in Olive mualtungah hong ki kaikhawm uh a, “Topa, hih thute 

bang hun in hong piang dinga, Nangma nong pai kik ding leh leitung 

bei dingte bang lim-in hong kihil ding hiam?” ci-in a dong uh hi. Mt. 

24:2, 3. 

Tua laitakin nungzuipite-in Honpa’ thuakna ding, asih zia ding 

leh Biakinnpi aki siat nading theisiam uh hileh linglawng lua ding thei


in, akhualna tawh mailam thupiang dingte amaute tung ah na iim hi.. 

Khrist in hunbei ma-a apiang ding thute tom gen suk hi. A gen thute 

telsianglo uh hi. Ahih hangin tua thute atangtun ciangin hilhcian kulloin 

thei ding uh hi. Tua genkholhnate in khiatna nih nei-a: Jerusalem 

kisiatna in leitung bei cianga a lauhuai nateng’ lim alakkhol zong ahi hi. 

Jesuin nungzuite kiangah, lampial Israelte—Messiah nialin 

singkhuamtungah akhailumte—tunga thu kikhenna zia, leh angah ding 

uh mawhna thaman agen ahi hi. Mang ngilh theihloh ding lim lamdangte 

in tua thute pianma in akihil khol khol ding hi. Lipkhap huai hunte in 

nawhsa-in hong nawk ding hi. Honpa in a nungzuite a hilh (26) kholhna 

ah, “Kamsangpa Daniel in a gensa a lakhiading-kihhuaina in mun 

siangtho ah ading na muh uh ciangin Judea gama om mi mualtung ah 

taai ta hen”, Mt. 24:15, 16; Lk. 21:20, a ci hi. Rome milim biakna 

dialkhaite Mun siangtho ah kiphut ding hi; tua mun siangtho in khuapi 

kulh pualam zaipi huam hi. Tua hun ciangin Khrist nungzuite taai khiain 

suakta thei ding uh hi. Tua limte akimuh ciangin a suakta nuamte in 

zia-man ding hi nawn lo uh hi. Judea gambup hita leh, Jerusalem mah 

pan hitaleh, tua lim ahong kidawk ciangin thakhat-in taai kul ding hi. 

Innkhum zaang-a aomte nangawn in inn sunga van manphate la dingin 

a va lut kik nading hun om nawn lo hi. Lolai-a naseemte in zong 

anasep sunguh sun nisa-a a khua-ul huna asuahkhiat a puantungsilhte 

uh lak nading hun omlo hi. Tua hun sungah ki ze-olsak kullo hi. Aki 

zekaai sak uh leh taangpi kisiatna-in amau lapman ding hi. 

Herod in a uk lai-in Jerusalem khua pen a meel hoih bek thamloin 

tausangte, kulhpite, leh galdalnate ki lama, suksiat pak zawh ding hi lo 

ahih man-in,tua hun a khua ki siatcip nading a gen khol mipa pen Noah 

in ama hun-a tui ciin patau a taangkona bang bek a hi hi. Ahih hangin 

Khrist in, “Van leh lei mang thang ding hi. Ka thu bek a mang thang 

ngei kei ding hi”, Mt. 24:35, ci hi. Bang hang hiam cih leh, amau mawhna 

hangin Jerusalem pen ki nusia ta a ngawng khauh-a, a sawl man’ lohna 

uh thaman ding sihna pen ki tel muh thei ta hi.


Topa in kamsang Mikah tungah, “Hih thu za dingin kong ngen 

hi. No Jakob innkuan lutangte leh Israel makaipite in thukhenna maan 

na peel uh a, thu teng na lum let uh hi. Zion pen sisan tawh na phut uh 

a Jerusalem pen mawhna tawh na lam uh hi.Thukhen mangte in sumgolh 

ngahna ding bekin thu khenin, siampite in hong kicial ciang bek-in thu 

hilh uh a, kamsangte in sum thalawhna bek in thu a gen uh hi. Tua bang 

pipi mah Topa muangin a kinei uh a, Topa in hong ompih hilo hiam? Ih 

tungah siatna hong tunglo ding hi” ci uh hi. Mikah 3:9-11. 

Hih kamsangpa kammalte-in amau lah dik a kisa veve Jerusalem-a 

mi nin a kih huai, te omzia tellah(27)mahmah hi. Pasian thukhamte 

phincil takin zui-a, a kineih laitak nangawnin thukham-ii deihna bulpi 

teng a palsat khinzo uh hi. Amaute-in Khrist mudah uh hi. Bang hang 

hiam cih leh, Asianthona leh kiciatna-in amaute mawhnateng ki dawksak 

lua hi. Amau mawhna hanga hong tung buainateng, “Nang’ bawl hi” 

ci-in ngawh zaw sop uh hi. Mawh baang het lo hi cih thei napi uh in a 

minambup uh-ii lungmuan nadingin Amah a sih kul hi, ci uh hi. Jews 

makaite-in, “Hih bangin om-om sak lehang mi khempeuh in Ama thu 

um ding uh a Rome kumpite in i Biakinnpi hong suksiat sak in ih minam 

bup zong hong sugawp ding uh hi” ci uh hi. Johan 11:48. Khrist ki that 

leh a minam bup uh kilomkhat in thahat zaw ding ci uh ahih man-in a 

Siampi Lianpa uh khensatna zawm-in minam bup siat ding sangin mi 

khat sih ding hoih zaw tham hi ci in kizo uh hi. 

Tua bangin Jews makaite in “Zion pen sisan tawh phut uh a 

Jerusalem pen mawhna tawh a lam uh hi.” Mikah 3:10. Amaute mawhna 

lak ahih manin amaute Honpa a thah uh ciangin, ei pen Pasian deihsak 

tuam minam hi hanga Topa in i galte khut sung pan hong honkhia ding 

hi, ci-in amau leh amau ki dik sak uh hi. “Tua ahih man-in, Zion pen loin 

ki kho dinga, Jerusalem pen nin buakna suak-in, inn kilamna mual 

zong gam maang tuulak-a mun saangte bang ding hi” kamsangpa in na 

cih beh lai hi. Mikah 3:12.


Khrist mah mah in Jerusalem kisiat nading a pu laak khit kum 

40 phial phial dong Topa in tua khuapi leh a minam tunga a thukhenna 

sotto lai hi. Ama thupha nial a Ama Tapa a thatte tung ah Pasian 

lungduaina pen lamdang mah mah hi. A gahlo singkung thugentehna 

pen Pasian in Jews minamte a muhna dan ahi hi. “Phuk lel un, bang 

hangin leitang nawngkaai sak hiam?” ci in thu ki piakhin ta (Lk. 13:7 ) 

hi napi Pasian thusiamna tawh hun tawm kipia lai hi. Jews mite lak ah 

Khrist-ii nasep leh migitna a thei nailo omlai hi. A pate in a nolhsa uh 

hamphatna leh khuavaakte atu atate’n ngahzo nawnlo uh hi. Sawltakte 

(28) leh a pawlte thuhilhna tawh Pasian in amaute khuavak pia lai hi. 

Amaute in Khrist hong pianna leh A nuntakna bek hi lo A sihna leh A 

thawhkikna ah hilhkholhna bang ci tun’ cih a muh theih nading uh hun 

pia lai hi. A nute a pate uh mawhna hang in a tate ki mawh sak nai lo hi 

napi, tua khuavaak thei uh a amau khanga a kipiak beh khuavaak omte 

na nial lai lai uh ahih man-in amau mah mah in a nu a pate uh’ mawhna 

siimpih-in, tua mawhna haai adim to sak uh a hi hi. 

Jerusalem tunga Topa’ lungduaina leh a ngak-ngakna teng pen 

kisik nuamlo a ngawng khauh ahihna uh kipsakna suak lel mawk hi. 

Amaute in Jesu nungzuite tunga a gitloh luatna, amuh dah luatna uh 

tawh a nu nung pen thusiamna nangawn zong a nolh kha ta uh hi. Tua 

ciangin Pasian in Satan leh a vantung misualte a dal sakna leh a kepna 

vaang zong la khia ta ahih man-in, a minam bup un kep loh-in ki nusia 

a, amau teel a makaipa’ ukcip-in om ta uh hi. A tate un siatna adalsak 

dingpa ahi Khrist migitna nuihsan uh a hih man-in, siatna in a mau ukcip 

ta hi. Satan in a sia thei tawp-in mite a nen niam hi. Tangkhia thei 

nawn vet lo ding dinmun leh mihing vaihawm theih nawn loh ciang tun 

ta hi. Git lohna leh gamptatna lungsim vive a lungtang sung uh ah dim 

hi. A innkuan sung leh aminam sung uh ah a zawng ahau, a saang pen 

leh a niam pen kikal ah, ki muanlahna, ki haazatna, ki muhdahna, ki 

elna, langdona leh tualthahna tawh kidim ta hi. Mun khempeuh ah 

khamuanna om nawnlo hi. Lawmta leh behta ki leh heek uh hi. Tate in


anu a pa te uh that uh a, nuta pata a ki that uh hi. Mite a uk mangte in 

amau pumpi zongh ki uk zo lo uh ahih man-in gilo ngongtat mi a tang 

sak hi. Jewte-in teci maanlo pipi taksanguha, mawh baanglo Pasian 

Tapa mawh sak uh hi. Thumanlopi-a amawhsaknate uh hangin amau 

nuntakna mah mah zong bulkip le galmuanna neinawnlo a suah uh hi. 

Amau gamtatna tawh sawt veipi sung, “Ko maitang pan-in Israel 

Misiangthopa bei sak un” ci uh hi. Isa. 30:11. Tu in amau deih ki pia ta 

hi. Pasian zahtakna in amaute phawng zo nawn lo hi. Satan pen a minam 

bup uh kumpi suakta (29) a, leitung ulian pen leh biakna lam thunei 

pentenangawn akhutnuai mi suah ta hi. 

A galte uh zo thawh-in suh sak-in bawlsiat nadingin, thu nial 

pawl tuam-taum makai te a kipawl uh hangin, a sawtlo in amau hatna 

tek zangh leu leu in amau teng mah ki that leu leu uh hi. Amaute 

ngongtatna pen Biak inn sianthona nangawn in dal zo nawn lo hi. 

Biakna pia mite biakna tau mai ah that uh a, Siangtho mun nangawn 

misi luangte tawh a niin sak uh hi. Tua banga tatsia mite in mitsisa leh 

Pasian gen sia sa-in mipi mai ah, Jerusalem pen Pasian khuapi hi-a a 

ki siat ding lau huai lo hi, ci lai dep uh hi. Amaute’ vangliatna a kip 

theih zawk lai nadingin kamsang zuaute golh guuk uh a, Rome 

galkapte-in a Biakinnuh kiimuum-uuta napi Pasian hotkhiat ding a 

ngaklai uh hi. A tawpna ah Tungnungpenpa a kikal uah hong kikham 

dinga a galte uh a zawhsak dingin um lai zen uh hi. A hangin Israel 

in Pasian kepna sim mawh khin uh a tu-in a belh ding uh omnawnlohi. 

Jerusalem, dah huai zen mah si maw! A sung lam pan ki tam khia ta 

a, a tate uh ki thahna sisan in kongzingte san cip sak-in tua laitakin 

midang galkapte in Israelte galdalna kulhpi uh sat paai in a gal haang 

teng zong that khin hiau hi ven! 

Jerusalem kisiat naidng a Khrist in a gen kholh bang lian in tuin 

taangtung ta a, “Nang’ tehna seu tawh teh-in nang hong ki pia kik 

ding hi.”( Mt. 7:2.) ci-a Khris hilhkhol kammal teng Jews te in a 

thuak uh hi.


Cihmawh manthan vai vive a lak lim leh na lamdang dang a piang 

hi. Zankim laitak in a om ngei lo khuavak khat Biak inn tung leh biakna 

tau tung ah hong taang hi. Ni tum kuanciangin meii lomte tungah 

galphual zuan dinga kikhawm galkap honpi leh sakolleng limte a kilang 

hi. Siampite-in Biakinn sungah zan-a na a sep laitakun “Ki hem khia ta 

ni” cih mihon awngkek aging aw leh leitung kilinnate in kigaihsak zel 

hi. Suangsak tunga ki phut sikzawlpite tawh kikalh, gik (30)lua-a mi 20 

bangin haksa pi-a a khak Nisuahna lam kong khakpi pen, muh theih 

lohte-in zankim laitakin honghongkhia hiau mawk hi. (Milman, History 

of the Jews, laimai 13.) 

Kum sagihsung mikhat Jerusalem kongzingte-ah kileh kawikawiin 

khuapi tunga hong tungding gimnate a gen kawikawi hi. Sun leh 

zan-in kahtamlo kawmsa-in vakkawikawi-a, “Nisuahna pan awkhat ging! 

nitumna pan awkhat ging! huihlite pan aw khat ging! Jerusalem leh 

Biakinn langdo-in awkhat ging! Mopipa leh Monu langdo-in aw khat 

ging! mipi samsiatna aw ging!” ci kawikawi hi. Hih mi lamdangpa ki 

man-in thong ki khumin, ki sat gawp hinapi, a muk pan-in phunna 

kammal tawngkhatzong gingsaklo hi. A ki bawlsiatnateng a thuk kiknain 

“Jerusalemin gimthuak ding”, “khaw zaangpi-in gimthuak ding” bek 

ci ci lel hi. A genkholh galte’ uumcihna sunga a sihni dong mahin tua a 

taangko pen khawllo hi. 

Khristin a nungzuite hilhkhola, tua thu a umtengin hong piang 

ding thu navil gige uh ahih man-in Jerusalem kisiatna sungah Khristiante 

khat zong ki helkhalo uh hi. “Jerusalem khuapi galkapte in a uumcip 

namuh uh ciangin, tua khua kisiatna ding a nai zo hi ci-in na thei ta un. 

Tua laitakin Judea gama omte in mualtung ah taai ta hen. Jerusalam 

khua sunga omte manlangin ki hemkhia hen” Jesu in a cih kholsa a hi 

hi. Lk. 21:20,21. Cestius makai-in Romete in khuapi a uumcih khit 

ciangin nakhempeuin galsim nadingin hoih lel hi cih mu uh ahih man-in 

lamet lohpi-in a uumcihna pen uh hong tawlnga phottadih uh hi. A ki 

uumcih khin, a nangzo ding ahi nawnlo, lut ding bek a hih laitak-in


Romete Generalpa-in gelkholh lohpi - in a galkapte nungtolhsak tadih 

hi. Tua pen hehpihna tawh a dim Pasian in Ama mite hunpha a piakna 

ahi hi. A hilh kholhsa lim pen hong ki dawk ta a, a vilkhol den Honpa 

thu piak a mang nuam Khristiante adingin hunpha kipia ahi hi. Pasian 

vangliatna in nakhempeuh len khinta ahih man-in, Jews te hi ta leh 

Romete hi ta leh Khristiante taai khiat ding pen daltheilo uh hi. Cestius 

a taw kik pen Jerusalem panin Jewste-in delh uh a, a lang tuak a buai 

laitakin Khristiante-in khuapi nusiat nading hunhoih angah uh hi. Tua 

hun (31) laitak mahin a gamsunguh ah buaina vengsiang hi. Khristiante 

ma akhiang ding leh daltan ding galkap zong omlo ta dih hi. A ki uumcih 

laitakin Jewste pen Jerusalemah Bukpawi bawlin a kikhop laitak uh hi 

a, Khristiante pen gam sungtengah a nawngkaaisak omloin a suakta uh 

hi. Ze-ol se nawnloin mun muan huaina hi Jordan gallam Perea gam, 

Pella khuapiah a tundongun akihem khia uh hi. 

Jewste-in Cestius leh a galkapte a delhna uah galnungdalte 

nakpi-in nawk uh a a puuk mang khin dektak uh hi. Romete tawm a 

taw kik zenzen pen uh haksat lawh peuh mah uh hi. Jews te pen a si 

a mang om lo phial zah-in suakta uh a, gualzo takin galvan amat te uh 

tawh Jerusalemah a lutkik uh hi. Tua a gualzawh pakna uh’n gitlohna 

bek piang sak hi. Tua aki phat sak khak pak na uh’n a khua pi uh a 

kisiat meng meng theih nadingin Romete hong kinawh leh deiha zolna 

a suak hi. 

Titus makaihna tawh Jerusalem khua aki uumcih kik ciangin 

cihmawhna nasia lua hi. Paisan pawi khaam in Jewte tulzasawm lomin 

kulhpi huangsungah ki khawm-in a om laitak uh ahi hi. Hoihtak a 

kizek hi leh a kholsa ante kumtampi phial mah a nekhop ding uh hi 

napi, a pawlpawl-a ki khenin ki haaza-a aphu kilak natengun ansalte 

ki su-sia ahih man-in kialin ci mawh uh hi. Mangbuh lawhta no khat 

talent khat-in a ki-zuak uh hi. Kialna nasia lua ahih man-in a kawng 

gaak savunte uh, a khedap savunte uh, a galdalna lumm savunte uh a 

ne uh hi. Mi tampi zanin kulhpua-ah pusuak sim in, gamlak gah leh


tehte va kaaikhawm sim uha, tua sunsunte zong a na ki-man, a na kithat 

tawh tuah sia mahmah uh hi. Cidam-a hong tungkik sunsunte-in 

ava ngah sunsun ki guuksak-in buai lai uh hi. A selsimsim uh nektheih 

tawmno a nei kha laite zawhthawh thu-in bawlsia-in sut uh hi. Hih 

banga gitlohna pen thunei, an a khamte mahin saalsunga kholding bek 

angimna uh ahi hi. 

Kial leh pulnat-in mi tultampi a si uh hi. Ki-itna cih bang 

peuhmah a om-in om (32) nawnlo a hih man-in, pasalin a zi suamin, a 

zi-in a pasal asuam hi. Tate-in a nuteek a pateekte’ kamsung pan ante 

khelkhiatsak uh hi. “Nupi khat in a ta ngeek nawine lai a mang ngilh 

thei ding hiam?” Isa. 49:15, Kamsangpa khatin acih pen tua khuapi 

kulhsung gentheihna in dawnga, “Ka mite a cihmawh laitakun, itna anei 

nupite nangawnin, atanote uh go-in beel sungah ahuan uh hi” ci hi. 

(Kahla 4:10). Tua ma kum 1400 lai a ki hilhkhol thu tun’na a hi hi: 

“Note laka a om a ngeksuak, aci-thei pen numei, amah ngek-in a ci 

neellua ahih manina khenuai tawh leisik dingin angaihsun ngei vetlo nu 

in, a it apasal, atanu leh atapa adingin ama sung pan apaikhia a naunungzuite 

phallo ding hi. Bang hang hiam cih leh hong umcihna leh na 

galte-un na khuapite uhah note hong lungkhamsakna ding lungkhamna 

sungah bang mah neih lohna hangin amahin tuate nesim ding hi” ci hi. 

Thuhilhkikna 28:56,57. 

Jewste laulua-a a luttheih nadingun Rome makaite-in a lauhuai 

theithei ding hih a sawm uh hi. A mat uh ciangin nakpi-in a lehnan 

vialte nakpi-in satgawp, bawlsia gawp-in khuapi kulh mai-ah singlamteh 

tungah khai uh hi.Tua banga bawlna tawh a zalom-in nisim in siden uh 

a, Kalvary dongin Jehoshaphat kuamdung tengah, singlamteh phut in, a 

khuamte kikalah a ki thawlzolo zahin kizing hi. Mulkim huai mahmah 

thukhenna a thuak uh hi. Pilat thukhenna Tokhom mai a, “Ama sisan 

kote tung leh ka tu ka tate uh tung ah hong tu ta hen” ci-a a nget uh a 

ngah uh hi. Mt. 27:25.


Titusin tua lauhuai hunte beisak nuam mahmah ahih manin 

Jerusalem pen a lungkimna za in gimpia lo hi. A gamkuambup dim-a 

misiluang kisungte a muh ciangin kawngkaw dek phial ahi. A mulkim 

sa-in Olive mualdawn pan Biak innpi en suk a, suang khat zong a 

lawnloh nading un thu a pia hi. Hih munte a luah ma-in Jews upate 

kiangah, a munsiangtho uh sisan tawh nitsak loh nadingin a na lehdo lo 

dinga azaksaksa ahi hi. Paikhia in mundangah do le-uh Romete in a 

Biakinn (33) siangtho uh va niinsak lo ding uh hi. Josephus mahmahin 

zong amaute leh a khuapi uh, leh a Biakna munte a suahtaak nadingin 

lut hoh ve ni ci-in nakpi-in a ngen hi. Ahih hangin amah pen ki phuisam 

lel hi. Galte leh amau kikal anunung pen adinga ding mihing palai ahi 

Josephus pen ki mukpik lel hi. Jewste-in Pasian Tapa ngetnate nialuha, 

tu-a a nunung pen kutna in a lunguh a khauhsak zaw kaan hi. Titus in 

Biakinn huut ding a ngimna pen a mawkna a suak hi. Amah sanga lian 

zawpa khat genna sa-ah, suang khat tung ah a dang khat ki thuap lo 

ding hi a cih sa a hi hi. 

A ki uumcih khuapi sunga a muh thadah huai kithahna, tatsiatnate 

leh Jews upate mitsi vanvana a ngawng khauhnate un Romete lungngol 

saka, Titus in a tawpna-ah Biakinn pen suksiat gawp a sawmta hi. A ngimnaah 

bel, ahihtheih laiteng, tua inn suksiat loh ding ahi hi. Ahih hangin ama 

sawlnate ki-awlmawh lo hi. A tuipuanbuk sunga a tawlngak khit zan laitakin 

Jewste-in Biakinn panin hong awnggawp uha, pua lam-a galkapte hong 

dogawp uh hi. A kidona uah galkap khatin meiselkhat innlim vangah a 

lawt pheileh, thakhatin siangtho innliim taksingte a hong kuang hi. Titus 

hong taai pah a, a mangpite leh a makaaite in zui-uh a, galkapte kiangah, a 

phelh dingin a sawl hangin ama sawlna kimang lo hi. Galkapte lunghaam 

uh a, sing khuah tumbaang tumtawngte, Biakinn a lawh dingin innliim ah 

lot beh uh a, a namsaute-uh dok-in tua mun beela na om laite a that uh hi. 

Biakinn kahleite-ah sisan tuibangin luangsuk hi. Jewste a tultampi-in a si 

uh hi. Gal kidona sangin a ngaihzaw aw dang zong kiza a, “Ichabod” a ci 

hi. A khiatna pen, Minthanna-in hong taai santa, cihna a hi hi.


“Titusin galkapte khohzawh loh-a lunghaam a muh ciangin a 

bute tawh inn sungah lut-in a sunga siangtho vante a sittel uh hi. A 

thupina nasia mah mah a sa uh hi; tua mun teng lah kaang nailo ahih 

man-in hong zuankhia kik a, galkapte kiangah mei kuanbeh sak loin tua 

nate huut khiat nading a hansuah hi. Galkap mangpa Liberalis in ama 

khutnuai-a uliante(34) in a thu a man nading nakpi-in ngen napi, Jewste 

tunga a thangpaih a sinsona uh, a do gawp nopna uh, leh sukgawp nop 

van vanna-uh hangin kumpipa zong zahtaakzo nawnlo uh hi. A kiim a 

paam uh meikuang in taan a, a vante khempeuh khamci tawh kizut taang 

ziazua kawikawi galkapte-in amu uh hi. Biakinnpi sungah simzawhloh 

sum manpha om hi cih zong a mu uh hi. Kuama muh lohin galkap 

khatin kongkhak-pat-ta kikaakah meisel kuang hong golh ciangin, a 

inn buppi-in a kaang pah hi. Innsung teng meikhu tawh miala, bute 

zong nung kikin, innpi zong a suah-khua suak dingin a nusia uh hi. 

“Romete’ aa-in a et ngamhuailo zah hi-a, Jewste’ aa-in bang a 

ci tam? Meimual puakkham bangin tua khuapi a uk, mualno-khumvum 

buppi a kuang hi. Innte khat khit khat kan tumin cim ziahziah hi. Taksing 

inn khumvumte meikuang peek leeng bangin, Biakinn tau kuivum 

khamtui kizutte khawng siktul emsan bang in, khuapi kongpi tausangte 

in meikuang leh meikhu van lamah lawnto hathat ta hi. A kiim nai-a 

mualnote mei in taan hi. A siatcip ding bek a en lel mivom meimaite 

hong ki muta hi. Khuapi khunglama mun saangna leh kulh dungte-ah 

mite a lom-in hong ki khola, lunggim patau-in maikhing uha, pawlkhattein 

thangpaihna tawh a thuk zawhloh uh galte tungah hehsa-in, ngiik 

gawp uh hi. Rome galkapte lah kawitaai-in awnggawp uha, meikuang 

sunga kisia a galte-uh lah thuum in awnggawp-in, meikuang huuging 

tawh sing kaangtumbaang kia tawh, huihpi nung ging tawh, kihel ziazuain 

gamlum hi. Munsaangna pan-a mi honte otna gingte-in mual thawna, 

kulhpi dung zui-in tauna leh kahna kidim hi. Kialpi-a suaktalai 

omsunte’n a thaneih omlai sunteng pen a lunggim cihmawh natenguh 

pulaak nadinga otkeekna bek-in zangh ta uh hi.


“A sunglama ki thahna in huang pualama sangin nasia zaw hi. 

Nupi (35) papi a teek a khang, galkap, Siampi, galhaang, milungneemmi, 

a vek a tanghin ki satcip ta hi. A thatte sangin thahna thuak misi a 

tam zaw hi. Galkapte-in siaksianga a mong a tut nadingun misiluang ki 

thuapte tungah kahto uha, a tunguh tawn-in a sep uh a kul hi. (Milman 

laibu The History of the Jews, laimai 16). 

Bia innpi siat khit ciangin a khuapi bupin Romete khutsung 

tungta hi. Jews upate-in a kizozo ngeilo taupi nusia uha, Titus in 

daaitakin va en hi. Amahin dam-in velvela, dipkua sa-in, Hih pen kei 

khut-a hong pia Pasian hi bek hi; set tha tawh bang zah ta-in thahat ta 

leh hih zah-a thupi mun laak zawh ding dan hilo hi, ci hi. Khuapi leh 

Biakinn kikiatsiangta-a, tua siangtho Biakinn omna mun pen “leilet 

lo” suak ta hi. Jer. 26:18. A ki-umcihhun sung leh tua nunga kithat 

mi pen awn khat aval hi. Galzopa’ galphu-tun na lim-in, ahinglaite 

galmat-in kikaai a, sila-in ki zuak in, Romeah ki tun’ hi. Tua panin 

pawi lahna innpi sunga sapite mai-ah ki khia-in muhnop etna dingin 

kizangha, tua lote ki-khenthaangin inn neilo, mun neiloin leitung tengah 

akithehthaang uh hi. 

Jewste-in amau khekol ding mah uh seek uha, thukkikna haai 

amau mahin dimh to uh hi. A minambup puukna leh a kithehthaang 

khit uh cianga a thuaknate-uh pen, amau khut mahin atuh khaici a atkikna 

uh ahi hi. Kamsangpa’n “Oh, Israel, nangmah leh nangmah na kisusiahi” 

“nangma khialhna hangin na puuk hi” cih tawh na gen khol hi. Hos. 

13:19; 14:1. Amaute thuaknate pen Pasian’ gawtna bangin ki gen hi. 

Tua bangin zuauthei mite-in a mau nasep selsim-in mite gimpia hi. Pasian 

itna leh thusiamna na nial uh ahih man-in Pasian kepna vaangteng a 

dokkhia sak suak uha, Satanin a utbangin ukcipa, a pumpei gawp 

nadingin hunpha a kipia a suak hi. Jerusalem kisiatna-a lipkhaphuai 

ziate pen Satan’ ukna sunga kipia mite’ (36) ukna amangte tunga Satan’ 

gamptatna lahna lim ahi hi.


Ih ngah nopsakna thupate pen Ama hong kepna hia, Khirst tunga 

i bat leiba aliatzia kigen zolo hi. Satanin mihingte a ut a nuamin hong 

pumpei zawzen loh nadingin Pasianin ong na dalsak ngitnget ahi hi. 

Thumanglo-a, a lungdam theilo mite-in Pasian lungduaina leh migitna 

in gilomangpa hong bawlsiat nopnate panin hong hum niloh ahihna a 

phawk ding uh ahi hi. Tua banga a phawkkei den uh leh, a ciangtanna 

a khen ciang-un a hong huutna pen kilakhiata ding hi. Pasianin 

mawhneite daanthuak ding bawlsak loin, Pasian thusiamna na nial teitei 

uh ahihman-in amau gamtatnazui-in, gah atkik uh-a, athuak dingin a 

kinusia ta hi zaw hi. Khuavaak a muh bangbang nialna, hilhna khatpeuh 

simmawh-a donlohna, utpeuh-a tatnate, leh Pasian thukham khat peuh 

palsatnate-ah khaici a tuhtuh hi uh a, tuate gahin hong vuih ciangin, 

peelloin a atkik ding uh ahi hi. Pasian’ Kha-in hong humhum napi, 

mawhna bawlte a ki sikkik nop hetloh ciangin hum nawnlo dinga, Satan’ 

khelbawlna, leh thuaksiatna sungah, a keem omloin, ki nusia ding 

hi. Jerusalem lai-a a lauhuaina leh mulkim huainate pen, Pasian thupha 

leh A migitna thusimlo mite’ theih dinga lim lahna ahi hi. Pasianin 

mawhna a huatzia leh mawhneimi-in a thaman daanthuak takpi kul ahihna 

a kilahna dang hilhcianna-ah hih thu sangin a kician zaw teci dang om 

tuanlo hi. 

Honpain Jerusalem tunga hong tung ding thukhenna daan a 

hilhkholhna pen nasia takin tung takpi maha, ahih hangin tua pen 

limlahna khat hi phinglai bek hi. Tua a kiteel khuapi’ thuaksiatna i 

muh ciangin Pasian thusiamna nialna leh Ama thukham sikcipna tawh 

a dim leitung-ii thuakzia ding ih muhtheih nadinga kikoih ahi hi. 

Leitung-ii omzia ciamtehna-ah kum zatampi sung thusia bawlna tawh 

kilak-in a mial hi. Lungtangte na-in, lungsimte khing-a, a khimziing 

bangin amial hi. Vantungthu nialna thamanin kihtakhuai hi. Mailam 

hun ding ki lahkholhna-ah zong nakpi-in khuamial zawlai hi. Hun 

beisa ciam- (37) tehna-ah, teknekna, ki-elna, kidona, “galdona, 

buainate tawh gamlumna, sisan tawh kinim puan silh hi”. Isa. 9:5.


Ahih hangin hite pen aneu mahmah lai hizaw hi. Mihing noptatna leh 

Satan hennate dal-a migilote a keemden Pasian Kha Siangtho pen a ki 

lakkhiat khit cianga omzia ding leh buainate tawh saikaak le’ng, Ah! 

hun beisa-a buainate lel bang tham hi mawk hiam! Tua hun ciangin 

leitungin nidanga a muhngeiloh a thuakkhak ngeiloh uh Satan gitlohzia 

pen telmuh phasaan lai ding uh hi. 

Jerusalem kisiat lai anungzuite asuahtak bang mahin tua ni 

ciangin nuntaknabu sunga kiciamtek khempeuh kihonkhia ding hi. 

Khristin nihveina hong paikik dinga, a muanhuai mite kaaikhawm hi cia 

a genna-ah, “Tua hun ciangin leitung minam khempeuh kap dinga, 

Mihing Tapa in minthanna leh vangletnatawh meii tungah hong tuangsuk 

amu ding uh hi. Tua ciangin Amah in a vantungmite sawlin peengkul a 

tum sak dinga, a teelsa mite leimong khat pan mongkhat dongin a 

kaaikhawm sak ding hi” ci hi. Matt. 24:30, 31. Tua hun ciangin 

lungdamnathu a saang lote Ama kam pana hong pusuak huu leh a hong 

paina vaang taang in a su mai mang ding hi. 2 Thess. 2:8. Tanglai 

Isrealte mah bangin migilo te in amau leh mau ki susia ding uh a, amau 

mawhna hang mah-in a puuk ding uh hi. Mawhna a bawl nopna hang 

mah-un Pasian tawh kilem thei lo uh a, amau pianzia mah mah in siatna 

lam ah niam kiat suksuk-in, akilang Topa’ minthan-na leh vaangliatna 

pen amau adingin a sumai mang meikuang suak ding ahi hi. 

Mite kiging sak un. Tua hi kei leh Khrist kammalte-ah zawntat 

kha ding uh hi. Jerusalem kisiat nading leh kisiatna hong nai a ki 

theihtheih nading limte A nungzuite a hilh kholh mah bangin, hih leitung 

a siatcip nading anai cianga thupiang dingte zong hong gen khola, uma 

azui nuam mitein hehna panin suaktathei ding uh hi. Jesu in, “Ni leh 

kha leh aksite tungah lim kilang dinga, leitung minamte lunggim” na-ah 

zong ki theithei ding hi ci hi. Lk. 21:25. Hong pai nading a taangkonate 

“kong biang donga hong nai” zo cih mite-in theithei ding uh hi. Mt. 

24:33. Tua ahih ciangin “vil gige un”, hong ci hi. Mk. 13:35. Hih 

hilhkholhna a awlmawh (38) mi, khuamial sungah kinusialo ding hi. A


hangin kiging nai lo-in ut bangin amah na motom theinawnlo ding hi. 

Ahih hangin a vilgigelote adingin, “Topa’ni in zan-a guta bangin hong 

tung ding hi.,” 1 Thess. 5:2-5. 

Jerusalem tungtanga Honpa hilhkholhna a saang dingin Jewste 

a kisap mah bangin leitungin hithu-ah Jewste sangin awlmawhlo zawkan 

lai uh hi. Pasian nilianni in adonlote leh a kiginglote bingtuah ding hi. 

Nuntakziate bang mah ki lamdang khollo a, a ngei mahin pailai tadiha, 

mite zong nopsa hon lai mahmah tadih uha, nasepnate a ngei, khualzinna 

ngei, sumbawlnate a ngei mah-in ngeilai hi; biakna makaite bang leitung 

nate tawh mainawt-in noptuak lela, mite zong lauhuaina om loin kikhiimin 

lusu uh hi, — tua laitak keek mah-in, zankim a gutate-in a kiginglo 

mite’ van a guuksak bangin, tha khat-in tua siatna hong tung dinga, a ki 

ginglo, a ki kemcinglote-in “suahtakna neukha beek a ngah kei ding uh 

hi.” 1 Thess. 5:2-5.


2 

Kum Zakhawk Masa Lai-a 

Bawlsiatna 

(39) 

JESU in A nungzuite kianga Jerusalem thuakna leh Ama hong pai kik 

nading limte a genna ah, van akah ding hun pan minthan-na tawha 

hong pai kik ding kikal-a A mite omzia ding zong a hilhkhol hi. Sawltakte 

khang a pawlpite tunga hong tung ding thute zong Olive mual tung 

panin a mu khol hi. Ong pailai ding bawlsiatna hun ah a nungzuite ki 

lokgawp dinga a ki bawlsiat nading gitlohnate zong mu khol hi. Hih 

leitung ukte in Pasian pawlpite a paam paih nading ziate a tom-in genkhol 

hi. Matt. 24:9, 21, 22. Khrist nungzuite in a Topa uh’ siikna sa khekhapte 

ahi niamkhiatna, nehthawhna, thuaksiatnate, mah a tot uh kul ding hi. 

Leitung Honpa a langbawlna dan teng mah uh A mah a um teng in a 

thuak ding uh hi. 

Pawlpi masate huna thu piang teng in Honpa genkholhna teng 

atun takpina teci pang khin zo hi. Leitung leh Hell-ii vangliatna te pen 

Khrist a langdona leh A nungzuite thuakna ah ki lang hi. Lungdamnathu

KUM ZAKHAWK MASA LAI-A BAWLSIATNA 23 

hong gualzo leh biakinnte leh biakna taute phiat siang ding cih Lawki 

biakna in mukhol ahih man-in Khristian thu suksiat nadingin a thatang 

neih teng a zangh hi. Bawlsiatna mei hong kuang hi. Khristiante neihsate 

lak sak uh a, a inn pan un ki hawl khia hi. Amaute in “thuaksiatna gal 

a do uh hi.” Heb, 10:32. (40) Amaute in tua bang “gitlohna, nuihsatna, 

sat gawpnate thuak uh a, hencipna, thong khiatnate” zong a thuak uh 

hi. Heb. 11: 36-38. Tampi mah in a sisan uh tawh amau teci pan’na 

kip sak uh hi. Miliante leh silate, mihau leh mizawng, mipil mihaite, a 

kibangin hehpih lo in kithat hi. 

Paul kithah Nero khang pan kipan-in bawlsiatna pen uang zel, 

neem zel, cih bangin kum zalom tampi sung kizom to to hi. Khristiante 

pen a lip khap huai thusia bawlte, leitung buaina ahi kialpi khawng, 

natgual khawng, zinliing khawng a piang sakte hi ci-in ki ngawh hi. 

Mi khempeuh in tua bang lam-in mu khin uh ahih manin milawt hat te in 

thaman khat peuh lam etna-in mawh baang lopipi te heek uh hi. Amaute 

pen kumpi langpangte, biakna nawngkaai sakte, pawl lsung tok buaite 

ci-in mawh sak uh a, tampi mah pawi etna sung ah Sapite tawh kibuaan 

dingin khia suk in, tua lote a hing tangin a haal tum uh hi. Kimkhate 

singlamteh ah khai uh a, kim khatte gamsate’ vun tawh tuam-in uite bal 

zaan dingin pawi etna ah a khia uh hi. Amaute thuakna pen pawipi zin 

dona-in ki zangh den pha pen hi. Mipi ki khawmte in muhnop et-in 

amaute en uh a, si dinga a ki tha saante pen nuih zak bawlna leh muhnop 

sa-in khutbeng in otsan ziah ziah uh hi. 

Khrist nungzuite abukna peuh peuh uh, gamlak sa vaai bangin, 

zongkhia tei tei uh ahih manin, gam simtham buk theih nading mun a 

zon’ uh kul hi. “Tang sam-a, thuaksia dingin, ki gawtbawl hi (Leitung 

in bang mah man lo hi). Sehnel gam peuh, mual kawm peuh, kaw hawm 

sung peuh ah bu uh hi.” Heb. 11: 36-38. Leinuai haan kaw hawmpi 

sung khawng ah a tul tul-in lut-in bu uh hi. Rome khuapi pua lam ah, a 

tai-a kisim mual nuai leisung kito vang, lei leh suang vutlet-in khuapi 

kulh lehlam pang a pailet, lampi khat a om hi. Tua sung ah Khristiante


in a misite uh vui uh a, bawlsiat nading husa pian a zak uh ciangin tua 

kaw vang sung ah lut in a bu uh hi. Nuntakna a piapa in galdona pha a 

do mite hong sap khiat kik ni ciangin, Khrist hanga sihna a thuak mite 

tampi tua kawvang ziingpi sung panin hong pusuak ding uh hi. 

Bawlsiatna a nasiat pen pen hunsung nangawn in hih teci pangte 

in Jesu adingin amau upna (41)nin baang loin na keem uh hi . Nopsakna 

khempeuh taan uh a, nitaaang panin ki liahcip in, leikhuk khuamial sung 

ah a teen uh hangin, phunna leh nuakna nei lo uh hi. Upna kammalte 

tawh thuak keei kaai-in, lam etna tawh khat leh khat ki han suah uh a, 

pampaihna leh gentheihna te a nang zo uh hi. Leitung hamsiatna 

khempeuh in zong Khrist kiang pan-in amaute kaikhia zo lo hi. Tua 

bang bawlsiatna leh sittelna te in tawldamna leh thaman tawh amaute 

kinai sak zaw hi. 

Tanglai Pasian naseemte mah bangin mi tampi in “a hoih zaw 

nuntak-ah a thawhkik theih nadingun leitungah suahtak ding ut tuan lo 

in bawlsiatna thuak in asi uh hi.” Heb. 11:35. Amaute in Topa kammal 

omsa phawk uh a, Khrist hanga bawlsiatna a thuak uh ciangin nakpi in 

lungdam zaw uh hi. Bang hang hiam cih leh, vantung ah amaute letsong 

lian zaw ding hi. Amaute mai ah kamsangte zong ki bawlsia zo hi. 

Amaute in thumaan hanga bawlsiat tham cinga a om pen uh nuam zaw 

uh hi. Meikuang sung panin zawhna la aw te van ah kahto zel hi. Upna 

tawh van en to uh a, Khrist leh vantung mite in, galdo amaute awl 

mawh a a et suk tawntungna leh amaute kiptaka a din’ na te uh hoihtakin 

na ciamteh den uh hi ci-in mu uh hi. Pasian Tokhom panin zong aw 

khat hong ging a, “Na sih dongin keima tungah hong citak un. Tua hi 

leh nuntakna lukhu ka hong pia ding hi”, ci hi. Mang. 2:10. 

Zawhthawhna zangin Khrist pawlpi susiat nadinga Satan in 

na a sep pen picin lo hi. Hih galdona ah Jesu nungzuite in a upna uh 

a khah ding uh sangin a nuntakna uh pia in sihna thuak zaw uh hi. A 

gual lel abat hangun zawhna a ngah uh a hi hi. Pasian naseemte a


kithah zel hangin a nasepna un mai nawt zaw sop hi. Lungdamna thu 

ki zel sem sem a, a um mi zong tam sem sem in, a ki lut zo ngei lo 

munte na ngawn leh Zawma gamuk mangte lak na ngawn dongah a 

tung hi. Khristian khat in lawki gam ukte mai ah bawlsiat dinga a ki 

sap khiat laitakin, “ Nong mawh sak thei uh a, nong bawlsia thei uh 

hi, Zong nong that thei uh hi. ….Na thumaan lohnate uh in midik ka 

hih lam uh teci suak lel hi….Tham loin no gitlohna in no ahong gual 

zo zaw sak tuan lo hi” ci giap hi. Tua (42) a thuaksiat nate uh in hong 

ki behlap dinga midangte zong sapna suak takpi zaw hi. “ Khristiante 

sisan in khaici suak zaw a,kote nong vat mai pah pah uh hangin ka 

pawl uh ki behlap in khang han han zaw hi. “ ci hi. Tertulian’ at 

“Apology”, lai khawk 50na. 

Tul tampi te ki man-in thong ki khia-in ki that hi. Ahih hangin 

tuate mun luah ding mi dang hong ding khia zel uh hi. Tua banga upna 

hanga si mite pen Khrist adingin mi muanhuai leh a gualzote in ki ciamteh 

hi. Amaute in galdona pha do uh a, Khrist hong pai kik ciangin 

minthanna lukhu a ngah dingte a hi uh hi. Tua banga a thuakna te uh’n 

Khristiante kilom khat sak zaw tham loin, Honpa tawh zong a ki nai 

zaw sak lai hi. Amaute nuntakzia te leh asihkuan uh a ateci pan te uh 

pen thumaan teci-kip suak den hi. Lam et zawh loh na munte pan 

nangawn in Satan khutzatsa mite ong kikheel a, a na sep uh nusia-in 

Khrist’ ukna sungah ong lut uh hi. 

Tua ciangin Satan in a ngimna khel a, Pasian’ gam alangdo na a 

picin theih zawk nadingin Khristian pawlpi sungah athuneihna guan hong 

sawm hi. Khristiante kheem in Pasian a lung kim sak zawh loh theih 

nadingun ki makaih leh amau hatna, a kipna teng uh bei in a lom-in 

aikhupsa hong suak lel ding uh hi, ci hi. 

Zawhthawhna tawh gualzo lo ahih lam Galpa in a muh ciangin 

geel siamna a zangh hi. Bawlsiatnate bei sak zaw in tua mun ah a lau 

huai, a hong khiim thei ci-le-sa hamphatna leh leitung pahtawina zat


hong kipan ta hi. Milim biate Khristian upna a phel lang lel tawh sang 

sak in thumaan dangte nial sak hi. Amau in Jesu pen Pasian Tapa ahihna, 

A sihna le A thawh kikna ciang asan uh hangin mawhna ki sik kik-in 

lung sim piangthak ding cih kisam sa lo uh hi. Khrist a upna uh kibangin, 

amaute tawh din mun khat ah adinkhop theih nadingun, Khristian te in 

a upna thugui hon khat khiam leh adeih uh hi. 

Tu in pawlpi pen a a lau huai kisiatna ding mun ah ong tung hi. 

Thongkhiatna, gawt bawlna, meikuang leh namsau tawh bawlsiatnate 

pen tu-a tawh tehna-in thupha hi zaw lai hi. Khristian te pawl khat in 

tua banga upna ki helzau lak pan kip takin a tuam din uh hi. (43) Pawl 

khat te in bel upna pawl khat khiam suk in, thuguipi pawl khat a hun 

zui-in puah pha-in, tua Khristian upna a hong saan theih zah-zah ciang 

pen amau din’ mun hi sak a ki pawl zawk dingin ngen uh hi. Tua pen 

Khrist nungzui muanhuai taktakte a dingin lung gimna lianpi a suak hi. 

Tuvunsilh keivom bangin Satan mah mah pawlpi sung ah hong lut hi. 

Ngimna kawi bawl in, upna nin baang sakin mite’lungsim thumaan pan 

a heii khia hi. 

A tawpna ah, Khristian a tam zawin a din mun uh khiam suk in, 

lawki te leh Khristian te pawl khat suah ding hong thu kim ta uh hi. 

Milim biate a piangthak-in a ki gen uh hangin milim biakna nusia lo uh 

a, a ki khelna uh a thupi pen in a lawki milim te uh mun ah Jesu milim, 

Mary milim, leh misiangtho te milim te akhel bek mah uh a hi hi. Milim 

biakna silngo in pawlpi sung hong zeel a, a ngimna thusia hong sem to 

to hi. Upna maan lo, pupa thuciin zeh pawl pawl, leh milim biakna 

pawi zeh tannate Khristian upna sung uh ah a hong guang uh hi. Khrist 

nungzuite in milim biakna tawh hong kipawl ciangun Khristian biakna 

hong niin a, a sianthona leh a vaang neihna teng hong bei hi. A hih 

hangin tua kheemna’ zolna sung ah a lut het lo mi pawl khat om lai 

veve hi. Tuate in thumaan neipa leh a thuman len cinten-in Pasian bek 

mah a bia nuam mite a hi uh hi.


Khrist nungzui a kici te lak ah pawl nih a om hi. Pawl khat in 

Honpa lamlahna phinciil takin hong sin uh a, amau hoih lohnate zong 

khia-in a ki puahphat nop uh hangin pawl khatte in bel tua thumaan 

in amau khialhna kilang sak ahih man-in a nung ngaat sanh uh hi. 

Pawlpi in ahoih bel dinmun a tun laitak nangawn-in mi thu maan, mi 

siangtho, mi citak bek hi bit zo sam lo a hih hangin tua banga mawh 

bawl ding a ut zaw tang hialte pawlpi sung ah lut sak lo dingin Honpa 

in na hilh hi. Amah teek teek mawh nei mite tawh ki thuah in, thuhilhna 

leh lamlahna zong ngah sak ve ve a, a mawhna te uh mu-a a kheel 

theih na dingun hunpha a ngah sak hi. Nungzuipi 12 te lak ah a lehheek 

ding Judas zong a gam tat hoih lohna hangin nolh pah lo in, nungzui 

dingin ki saang ve ve lai phot a, Amau te laka khat mah-in ki sim 

khawm ve ve phot (44) ngei hi. Bang hang hiam cih leh Khrist 

thuhilhna te leh lamlahna te thei-in, a hoih lohna kimu hen la, ki sik 

kik-in Pasian migit-makaihna mang in a nuntakna sawp siang sak 

nading “thumaan sawlna mang leh” deihna a hi hi. Ahih hangin Judas 

in migitna tawh ama tunga kipia khuavak zui in kalsuan nuam lo hi. 

Ama zongsat mawhna tawh Satan mawhzolna a sam hi. Ama gitloh 

gamtatna te in amah uk zaw hi. Amah in khuamial mangpa ukna sung 

ah ki aap a, a mawhna te aki hilh ciangin heh in, tua pan in a lipkhap 

huai in a Topa a lehheek hi. Tua hi a, mawh bawl nuam a sa thei mi 

peuh mah a mawhna a ki kawk khiat sak ciangin tua a kawk khia te 

mudah uh hi. Hunpha a ngah ciangin ama hoih nading deihsak a a lak 

mite Judas bang mah in heek ding uh hi. 

Thu um mi a kinei, mawh bawl kawm nuam mite tawh pawlpi 

sung ah sawltakte ki kituak kha zel uh hi. Ananias leh Saphira te in 

zong tua kheemna nam te zangh in Pasian tunga ki pum piak in ki gen 

uh a, hazaatna tawh amau’ aa dingin pawl khat siit ngei uh hi. Pawlpi 

sianthona Sawltakte kiang ah alahna in Kha Siangtho in hih banga ki 

neih-tawm mite kawkkhia-a, Pasian thukhenna in tua bang mite, a siak 

siang pah hi. Pawlpi sung ah Khrist deihna a kizuih nading hih limlahna


pen a kineih-tawm gitloh bawl mite adingin a lau huai mah mah a hi hi. 

Tua bang mite pen amau omzia ngei tawh Khrist taktakte lak ah sawt 

veipi kip zo lo uh hi. Nungzuite tung ah sittelna leh bawlsiatna te hong 

tun’ ciangin, thumaan adingin a citakte in na dang khempeuh paih khiat 

ding phal zaw in, nungzui maan suak nuam zaw tham uh hi. Tua banga 

bawl siatna a om lai in pawlpi sung kician in siangtho zaw hi. Ahih 

hangin bawlsiatna a ven ciangin thu um nuam mi ki beh lap napi, zuihna 

ah kukkal lo thamlo in kipia tak tak khol lo uh ahih man-in Satan in 

Pawlpi sungah khe ngakna siksanh hong ngah ta hi. 

Khuavak Kumpi leh khuaziing ukpa aki gawm theih loh mah 

bangin, (45)a nunguite tuak uh zong kipawl thei lo uh hi. Khristiante in 

lawkite tawh hongki gawm uh ciangin thumaan panin gamla sem sem in 

apialkhia uh hi. Tua ciangin Satan zong Khrist pawlte tam ngah kisa 

mah mah in a kisial sial mai hi. A deih bang banga a kaih zawk lai theih 

nadingin tua bang mite tung ah vangliatna a tam zaw piak beh in, amau 

thu a manglo Pasian tunga a citak nuamte bawl sia sak hi. Khat vei laia 

thumaan teci ahi ngeisa te cih loh kuamah in Khristian upna maan ah 

pan zia ding zong thei nawnlo uh hi. Tu in hih lampial Khristiante in a 

phel bek ki ap lawki upna neite tawh a kipawlna hang uh’n a kisam 

Khrist phuhsa upna guigilte nangawn langdo kha ta uh hi. 

Muanhuai taka ading nuamte in, siampi puan kang tawh kizem a 

hong lut kih huai kheemna thu pan kidal ding hong kul ta hi. Laisiangtho 

pen upna din mun bulpi dingin kizangh nawn lo mawk hi. Biakna 

suahtakna thu pen upna pialna (heresy) hi ci in, thumaan len tei tei te ki 

mu dah in ki mawh sak zaw ta hi. 

Sau vei pi a kinial khit uh ciangin, tua milim biakna leh thumaan 

lo zuih nop tei tei na ah kipawl lo in Pasian thu man i zuih nop leh ki 

khen kul zaw hi ci-in a citak mi tawm bek in kikhen ding a teel zaw uh 

hi. Tua banga ki pawlkhawm den pen amau mah mah ading leh a tu 

atate uh ading in upna kisiat na ding lampi ziik ziik suak ding ci in


thuak thei nawn lo uh hi. Kipawlna tawh gal maung banga om man-in 

Pasian tunga thumaan na pan a kiam zaw suak uh hi. Tua bang 

galmuanna pen thumaan bulpi khek nadingin tham sa lo uh hi. Tua banga 

thumaan helzaugawpna tawh kipawl theihna om bek ding a hih leh kikhen 

zaw in do thuak zaw mai dingin a teel zaw uh hi. 

(46)Pasian mi a kicite lak ah thumaan bulpi te a kizuih takpi 

ciang bek in mite adingin pawlpi leh leitung ah thu hoih kim thei pan 

ding hi. Khristiante upna khuampi ahi upna bulpite a patauh huai zahin 

awlmawh lohna a om hi. Mite lungtang puak pen na kip lua ta a, tua 

thute thuphamawh-in na tuat nawn lo uh hi. Satan sawltakte na tha 

khauh lua ta ahih man-in, nidang lai-a sih dong a anan uh, hih thumanlo 

kiamsuk na mah pen mi tul tampi in pan pih zaw ta uh hi. 

Khristian masate pen mi tuam pian takpi te hi uh a, kawk abaan’ 

lohna leh upna ah akip zia uh in mawh bawlmite’ mai a mawl sak hi. 

Amaute citawm-in hau lo uh a, zahtak ngah milian mi thupi om lo uh hi 

napi, amau gamtat leh upnate pen mawhbawl mite adingin kih taak huai 

mah mah hi. Pasian deih a zuilo Kain in Abel a muh dah bangin, migilote 

in amaute mudah uh hi. Kain in Abel a thah na zong tua hang mah ahi 

hi. Kha Siangtho in a kep loh mite in Pasian mite that dingin a hanciam 

uh hi. Jews te in Honpa nial a athahna uh zong tua bang tekmah a hi hi. 

Honpa’ gamtat hoihna leh sianthona in amaute huaiham kihhuaina te 

dawksak den a, tua deih lo uh a hi hi. Khrist hun panin tu ni dong A 

nungzui muanhuaite in mawhna lampi a zui nuamte’ huatna leh langdona 

thuak suk den uh hi. 

Tua bang ahih leh hih Lungdamna thu in bangci galmuanna thu 

hi thei ding hiam? Isaiah in Messiah pianna a tangkona ah, Ama min 

in “Ki Lemna Kumpi” na ci hi. Vantungmite in Khrist suahna thu tucing 

te kiangah a tangko lai uh a, Bethlehem zaang kuam tunga a sak uh la 

ah zong, “Van a sang belna-ah a om Pasian a min thang hen la, ama 

pahtak leitung mite tungah nopna omta hen,” ci uh hi. Lk. 2:14. Hih


hilhkholhna thu leh Khrist kammal a kilehbulh tawh kibang hi. Ama 

ki genna ah, “Kei mah in kilemna hi lo namsau lek ding a hong pai ka 

hi hi” ci hi. Matt. 10:34. Ahih hang, teltakin a thu thei le hang tua 

thu nih pen a genna a kibang lin lian a hi hi. (47) Lungdamna thu pen 

ki Lemna thu hi a, Khristian hihna in a thu maan taka a na saangte 

tung ah ki lemna, nopna, lungdamnate leitung a hong puak ding 

nasepna a hi hi. A thu a na saangte lakah ki itna, ki sanggamna, 

kipawlna piang sak a, amaute khat leh khat kinai sak in Pasian tawh 

leptuahna pen Jesu nasep a hi hi. Ahih hangin leitung bup in Khrist’ 

gal gilo pen Satan’ ukcipna sung ah a om uh hi. Lungdamna thu in 

nuntakna thukhun pia ahih manin, a zongsatna hoih lo lunggulhnate 

uh tawh kileh bulh lua a hih manin, mudah uha lang do uh a hi hi. 

Amaute’ mawhna te nial a a ki lang khia sak sianthona pen mudah uh 

a, a siangtho dinga amaute a zol pen bawl sia-in phiat siang nuam uh 

hi. Tua bangin, lungdamnathu in a lah thumaan lampi a zui nuamte ki 

mudah-a kido den ahih manin lungdamna thu pen namsau tawh a na 

genteh a hi hi. 

Migilote in midikte a bawl siat gawp-gawp theih pen upna neu 

pawl khatte in lamdang sa in lung buai lawh uh hi. Tua banga migilote 

agualzawh zawk tham ciangin pawl khatte in Pasian a muanna uh nusiat 

lawh dek phial in, bang hangin athuman migitna tawh a kidimpa in 

mongneilo vaangliatna neinapi, thumanlopi-a netniamna te en khong 

thei mawk hiam? ci uh hi. Tua dotna pen ei dawn sak theih a hi loh 

hangin, Pasian in eite hong it takpi ahihna tel theih tham cing dingin 

teci a om hi. Ama vaihawmna avek pi in I theih pih se loh hangin Ama 

migitna pen muan lah ding hi lo hi. Sittelna leh khua mialna hun hong 

tun’ ciangin patauhna in hong netgawp ding mah thei ahih manin Honpa 

in anungzuite kiang ah “Sila pen a topa sangin lian zaw lo hi, ci-in ka 

hong thugenna phawk un. Amaute in kei hong bawlsiat uh leh note 

zong hong bawlsia ding hi”ci hi (Johan 15:20). Khrist in A nungzuite 

khat peuh thuak dingte khempeuh sangin a nasia zaw in migilote khut


lum thuak khin zo hi. Topa’ hanga gawtbawlna leh thahlupna a thuak 

mi khempeuh in Pasian’ it A Tapa khekhap a siikna uh a hi phing hi. 

(48) “Topa in a kamciamna ahong tungsak hak hi zenzen lo hi” 

2 Pet. 3:9. Tua banga akibawlsiat ciangin Amah in A mite hong a mangngilh 

leh a don loh man hi loin, A deihna a mang nuamte a ki kheem 

zawh loh nadingin migilo gamtatsia teng a ki lat nading hun a pia ahi 

zaw hi. Tham loin, midikte pen thuaksiatna pummei ah ki siangsak 

dinga, amau mah mah siangtho a a citak ding uh a hi hi. Amau thuakna 

et teh in mi hoih upna tak aneite in upna nei lo mi ginalote te a mawhna 

uh atel-lak thei den ding uh a hi zaw hi. 

Pasian in migilote daupaina khak tan pah loin, a langdona te uh 

zong amau gitlohna haai a dim dongin a phal hi. A migitna leh thumaan 

zangh-in thu akhen ciangin, A thukham palsat-a A mite a siik-ciilgawp 

sak mite in a gamtatna bang lian-un thukkikna a thuak sak ding hi. A 

hangin, ama tunga citak mite’ thuaksiatna khempeuh pen Khirst tunga 

kibawl mah bangin a ki thukkik ding a hi hi. 

Tu hun pawlpite in a ngaihsut ding uh a thupi mah mah khat a 

om a, tua in “Khrish Jesuh tawh kipawlin Pasian’ deihna bangin a nungta 

nuam khempeuh in bawlsiatna a thuak ding mah ahi hi” cih Paul kammal 

ahih hi. 2 Tim. 3:12. Tua ahih leh bang hangin bawlsiatna a ihmu cip 

bang in om hi ding hiam? A hangin, Pawlpi pen leitung mite omzia zuiin 

om uh a hih man-in langbawlna om thei lo ahi hi. Tu hun-a Khristiante 

in Jesu leh Sawltakte hun lai-a te bangin ciapteh tuam ding sianthona 

neilo uh hi. Bang hang hiam cih leh, mawhna ah kihelzau nopna lungsim, 

Pasian thumaan kammal te awlmawh loh na, leh pawlpi sung ah hoihna 

neu cik khat bek om ahih manin Khristian te pen leitung mite ngeina zui 

in kihelzau mawk ahih man a hi hi. Pawlpi masate hun lai-a upna leh 

vaangneihna te hong om kik leh bawlsiatna te hong tho kik dinga, 

meibangin hong kuang leu leu ding hi.


3 

Khimzin Laitual Len Hun: 

Lampialna 

(49) 

SAWLTAK Paul in Thessalonika pawlpite alaikhak anihveina 

ah lampialna in pope’ vangliatna kipsak ding hi ci in hilhkhol hi. A 

genna ah, “Tua A Gilopa in mite’ biak pasian a kici khempeuh leh na 

khempeuh nial gawp ding hi. Tua te khempeuh sangin a lian zaw-in a 

kigaihsut ban-ah Pasian ka hi hi, ci-in Pasian’ biakinn sung mah mah ah 

pai in ava tu ding hi.” ci hi. 2 Thess. 2:3,4,7. Sawltakpa in asanggam te 

avaikhak beh laina ah, “Tua mawhna thusim pen in tu na ngawn-in na 

a seem seem ta hi” ci hi. Tua ama thugen lai hun laitak na ngawn ah 

langpan’na pen simtham takin pawlpi sungah kiguang guang khin-a, 

pope vangliat nading lampi ki ziik ziik ta hi, ci hi. 

A simtham, dam dam leh tawm tawm-in na seem seem a, a tawp na 

ah mihingte lungsim a uk zawh khit ciangin akilangtang-in Pasian gensiatna 

leh mikheemna tawh Gilopa (akiseel mawhna mipa) in na asem hi. A tuungin 

akilang thamcing loin lawki upna leh ngeinate Khristian pawlpi sungah a

KHIMZIN LAITUAL LEN HUN: LAMPIALNA 33 

guang guang phot hi. Pawlpi in lawkite khut nuai ah nakpi-in bawlsiatna 

athuak lai in kop-leh-kai thuahna lungsim leh dikzulna tawm vei sung adal 

hi. Ahih hangin bawlsiatna adaih ciangin Khristian upna in kumpite leh 

thukhen zumte hong lawh pah hi. Tua pawlpi in Khrist leh a nungzuite 

kiniamkhiatnate nusia in lawki siampite leh ukpite kiliatsaknate hong nei 

pah ta uh hi. Pasian thu a phamawh taktak teng mun ah mihing deih thu 

mawk mawkte leh khanglui thuciin’ lelte khawng hong bulhto pah ta uh hi. 

Kum 400 huam kipat tuung lai-a a min bek-a Constantine a kikhelna thu 

hangin nuam na lianpi pianga, leitung bup in thumaan pen puansilh kizepna 

(50) bangin silh-in pawlpi sung hong lut uh hi. Tua man-in nasepna nin pen 

nawhsatak-in kalsuan ta hi. Ama thuguipi in pawlpi uk ta a hih manin, 

lawki biakna in a gual lel a bat hangin a gual zo zaw a hi gige hi. Ama thu 

upna, azeh tuam tuamte, a pawite, pupa thuciinte, Khrist pawlpi akicite 

sung ah ki zangh ta hi. 

Hih lawki thu leh Khristian thu helkhawmna in hilhkholhna sunga 

Pasian niala amah kilian zaw sak acih “Mawhna mipa,Gilo mipa” picinna 

a piangsak hi. Tua biakna khial vaipi pen Satan vaang tawh a kiseem 

khia hong hi a, Tokhom tung ah tu-a leitung bup a ut banga a uk 

theihnang nasep-ii mualsuang a hi hi. 

Khat vei Satan in Khrist tawh kipawl khawm ding a zol hi. Gam 

lak aa Pasian Tapa kiangah hong hawh hi. Leitung gam khempeuh leh 

a thupina teng lak-in, khuamial kumpipa a tungnunna a pulak nading 

leh tua gam khempeuh leh a minthanna teng piak dingin a zol hi. Khrist 

in tua mawhzolpa taai a, Ama kiang pan a paikhia dingin a sawl hi. 

Ahih hangin Satan in mihingte tungah tua zolna mah azat ciangin a 

lawh cing zaw hi. Leitung hamphatna leh zahtakna a ngah nop man-in 

pawlpi in mite pahtawina leh leitung miliante’ huhna tawh Khrist a nilkhia 

ta mai uh hi. Tua Satan’ sawltak Rome-a bishop hong pawm ta hi. 

Rome pawlpite upna bulpite laka khat pen, pope in leitung buppia 

mihing mitmuh theih Khrist’ pawlpi lutang hi cih ahi hi. Leitung


buppi-a phungzite leh pastor te khempeuh tung ah alian pen thuneihna 

nei hi cih bek zong hi lo lai-in, pope in Pasian hi, ci uh hi. “Topa i 

Pasian Pope” ci uh hi. Amah pen khial theingeilo hi, ci uh hi. Mi 

khempeuh ama tungah to akai ding ngen hi. Gamlak-a Kei hong bia in, 

ci in Satan mawhzolna,anget mah bangin Rome-a pawlpite tungtawnin 

ngen-a, mi tampi in amah bia in to kaai khin uh hi. 

Ahih hangin Pasian azahtak takpite in ahih leh, “Topa na Pasian 

bek (51) bia-in Ama na bek na seem ding hi” cih Khrish dawnna mah 

tawh dawng uh hi. Lk 4:8. Pasian in Pawlpi lutanga koih dingin mi 

khat peuh a sehna kam heem khat beek zong pau ngei lo hi. Pope lian 

pen hi cih thu upna pen Laisiangtho thu tawh kilehbulh mah mah hi. 

Khembawla asuhsim sakna tawh a lak ahih kei ngal leh pope in Khrist 

pawlpi tungah aana aneih theih na ding thu omlo hi. 

Rome te in Protestant te pen upna tangkaai-in ngawh uh a, pawlpi 

maan panin thutangpeek-in a pialkhiate ci-in a mawhsak uh hangin, tua 

amawh siatnate uh amau gamtatnate hi zaw hi. Khrist dialkhai a kaikhia, 

“misiangthote tunga ahong piak upna thu pan-a” pial khiate amau hi 

zaw uh hi. Jude 3. 

Laisiangtho in mihingte hilhpil kha dinga, ama khemna te leh a 

vangliatnate thei tel kha ding uh hi, cih mu in Satan a khalau hi. Ama 

nawknate ah leitung bup Honpa na ngawn in Laisiangtho len in amah 

na nial hi. Tua anawknate ah Khrist in, “Laisiangtho sungah” cih vive 

tawh atawntung thumaan bu pen kidalna lumm-in na nei hi. Galpa ngimna 

khempeuhte Pasian kammal’ vaangliatna leh pilna tawh na do hi. Satan 

in mihingte a pialpih theih nading leh a bawl tawm pope thuneihna akip 

theih nadingin mite in Laisiangtho thu thei kei le uh a deih hi. Laisiangtho 

in pahtawihuai Pasian bek mah pahtawi a, mihing pen amau mun dingah 

koih ahih manin, tua thumaan pen khuhcip in paihmang sak kul hi cih 

thu pen Rome pawlpi mah in hong zomto pah ta hi. Tua manin kum za 

tampi sung Laisiangtho kithehkhiat ding khaam cip uh hi. Mite


Laisiangtho simsak lo uh a, a inn uh ah zong abu nei thei sak lo uh hi. 

Thukhunkip neilo siampite leh pawlpi ukte bek in amau kineihtawm 

nate huut nading bek-in Laisiangtho hilh uh hi. Tua bangin pope pen 

leitung Pasian pawlpi le gam ukte tungah vangliatna a neipa dingin 

leitungbup phial in seh uh hi. 

Tua khialhnate a lak khia den Laisiangtho pen kiheem khia ahih 

man-in Satan in ama ut bangin gamta thei ta hi. Hilhkholhna in tua 

pope aana pen “thukham leh hunte kheel sak ding hanciam ding” a 

nacih kholhsa a hi hi. Dan. 7:25. Hih nasep pen kikoih cing nawn lo 

hi. Lawki lak pan mi (52) thak a ngah nading un, a saan uh upna thu ah 

peeng tak in sang uha, a milimte uh leh meel muh na tangvante Khristian 

biakna sung ah guang uh hi. Tua milimte biak theihna dingin ki khoppite 

ah thukhun bawl in, kipsakna thu piakhia uh hi. Amau deihna bang 

banga biakna thu azat theih nadingun, milim biak khaamna Pasian 

thukham nambat nihna phiatkhia uh a, a pha ngeizah mah phak sak 

nadingin nambat sawmna pen phelnih suah uh hi. 

Vantung thuneihna akithudonloh zawk lai theih nadingin lawki 

lungsim puak neih na in lampi vang sak pen hi. Satan in tua a 

piangthak takpi lo pawlpi makaite zangh in Pasian in thupha pia-a a 

sianthosak, piancil pan pek a a kip den Sabbath mun ah lawkite’ 

“zahtak Ni biakna” a bulh hi. Hih akikheekna pen akipat tuung in 

kilang lua sak pah lo uh hi. Kum za khawk masa lam tengin Khristian 

khempeuh in Sabbath maan bek mah zangh lai uh hi. Amaute in 

Pasian zahtakna neipha lai uh a, Ama thukhamte akip tawntung 

ahihna thei in, siangtho takin zui lai uh hi. Ahih hangin Satan in 

lungsim kawi tawh a sawltaakte zangh in a ngimna teng hong sep to 

ciangin mite in Sunday a pi muh theih nadingun Khrist thawhkikna 

zahtakna ci-in thawhkik pawi bawl pih hi. Tua ni-in biakpiakna hunte 

a neih pih hang in hanthotna hun bang lel-in kinei lai a, Sabbath pen 

siangtho tak mah in a zang tek lai uh hi.


A ngimna bang a sep theih nadingin Satan in Jews te na makaih 

a, Khrist hong pian ma zek lai in Sabbath thu ah a khengval in khauh 

lua leh phincil sak lua ahihh manin van gik asuak zo zah-in na tang sak 

se se hi. Tua bangin thumaan a kizuihkhialh pen hunhoih bawh pah in, 

Sabbath pen Jews te’aa bek hi, ci sak hi. Khristiante in Sunday pen 

pawi bawl-a gualnop ni-in zangh sak a, tua hun mah in Sabbath pen a 

tan’ uh teh Jews te muhdahna lahna kawm-in an ngawl sak-in dahna 

maikhinna ni-in zangh sak se se hi. 

(53) Kum zali huam ciangin Constantin kumpipa in Rome gam 

buppi sung ah Sunday ni in mipi in pawi kham dingin thu pia khia hi. 

Lawkite in tuani pen zahtak uh a, Khristiante in zong tua ni pen pahtawi 

uh hi. Tua bangin aana lian deih pawlpi makaite sawlna zui in kumpipa 

in a kilangdo den lawkite leh Khristiante a gawmtuah ahi hi. Tua hi leh 

Khristian ahi-a lawki ahi uh zongin akibangin Khristian thu a saan khawm 

theihna uh suak a, pawlpi aana aliat theih nading a hi hi. Ahih hangin 

Pasian a zahtak takpi Khristian tampite in dam dam-a akithupi bawl 

tawm Sunday baan ah thukham nambat lina ahi Sabbath maan pen Topa 

adingin siangtho tak mah-in zang ve ve lai uh hi. 

Mi khem mangpa in a nasep zo nai lo zek ahih manin leitunga 

Khristian khempeuh kaikhawm-in ama vangliatna naui ah a khum khin 

nuam hi. Sawltak-a a zat pope tung tawn-in na a seem hi. Tua pope 

pen Khrist’ ai tawi hi ci sak hi. A phel bek hong kikheel lawkite, 

zaliat ut makaite, leitung iiplah pawlpi mite zangh-in a ngimna apicing 

sak hi. Council pi pi te a hun hun-in sam a, leitung buppi panin pawlpi 

makaipite sam khawm hi. Tua kikhoppite khempeuh phial in Pasian 

phuhsa Sabbath maan pen nen niam geih zel a, a leh lam ah Sunday 

pen sangkhaan geih zel hi. Tua bangin lawki pawi Pasian thupiak 

bang kek-in saang uh a, Laisiangtho Sabbath pen Judah te khanglui 

van ngeina bang lel suaksak in, tua Sabbath azang pepeuh samsiatna 

thuakzah dingin a pulak uh hi.


Lampial lian penpa, “Pasian akici khempeuh leh a kibia 

khempeuh sangin amah alian zaw in hong kineih ciangin “a nasep hong 

picing mah mah hi. Mihing khempeuh in a maan Pasian a telmuh 

theihna Pasian thukham siangthote nangawn hong khek ngam ta hi. 

Thukham nambat lina in van leh lei bawlpa pen Pasian maan hi a, 

pasian dangte tawh kilamdang ahihna a lak khia a hi hi. Tua a ni sagih 

ni pen leitung piansakna phawk nading leh mihingte tawlngak ni ding 

in zong a sianthosak ahi hi. Tua ni pen mihing khempeuh (54) 

lungsim ah na khempeuhte bulpi anungta Pasian, zahtak-a biak ding 

ahihna phawk nadinga kiseh a hi hi. Satan in mihing te pen Pasian 

deihna panin heii khia thei hen la Pasian thukham azuihna uh phiatsak 

zo leh a ut hi. Piangsakpa ahihna akawk thukham pen teek mah sumit 

dingin a hanciam a hi hi. 

Protestantte in tu-in tua Sunday ni pen Khrist’ thawhkik ni hi a, 

Khristian Sabbath ni hi, ci-a zat dingin hah bawl uh hi. Ahih hangin 

Laisiantho pan tua bang ding in asawlna om lo hi. Khrist leh A nungzuite 

in tua bang in zahtak apiak na uh zong kimu lo hi. Tua Sunday tan’na 

pen a kiphuaktawm hi a, “thukham zuih loh nading vaihawmna thulaigil 

pana piang a hi hi” 2 Thess. 2:7. Tua nasep pen Paul hun in zong kipan 

khin zo ahih lam laisinagtho ah ki mu hi. Bang hun lai-in Topa in koi 

mun pan-in hih pope’ tano khawi kha zen zen hiam? Laisiangtho in thu 

apiak het loh thu pen bangzah-in manpha-a bang paulap-in kikheek thei 

mik mek ding hiam? 

Kum za guk huam ciangin papacy vangliatna pen hong kip mah 

mah ta hi. Ama tokhom leh a vangliatna pen gam bup khuapi ah kiphut 

a, Rome-a Bishop pen pawlpi khempeuh lutang hi ci-in kithangsak hi. 

Lawki upna in pope ading mun a abawlsak hi. Gulpi in “tua sapi tungah 

avangliatna, a tokhom leh a aana lianpi” a pia hi, Mangmuhna 13:2. 

Daniel leh John mangmuhna sungah kum 1260 sung pope gualzawh 

nading kigen khol pen tu in akipan ta a hi hi. Dan. 7:25; Mang. 13:5-7. 

Khristian te kiangah Amau gamtat hoihte khia zaw ding maw, pope’


zeh tuam tuamte zui-in bia zaw ding maw, cih a teel dingin kisawl ta hi. 

Thu om bang a zuih kei uh leh gumm sungah khia ding maw, siik saa 

tawh bi zaw ding? lom heen-in a ngawng uh tan ding maw cih te a hi ta 

hi. Tu in Jesuh thugente hong tung ta hi: “Na nu napate, na sangamte, 

na behte, leh na lawm te mahmah un note hong khia dinga, note pawlkhat 

in thahna na thuak ding uh hi. Mi khempeuh in keima hangin note hong 

mudah ding uh hi” na ci khol zo hi. Lk 21:16,17. Thu zui mite tungah 

nidanga om ngei lo bawlsiatna nasia hong tung ta ahih manin, leitung 

buppi galphual suak ta hi. Kum za tampi sung Khrist pawlpi in maimialin 

gam sung ah a bu hi. Kamsangpa in: “Numei in ama ading Pasian 

bawlkholhsak (55) gam simtham ah tai-in bu a, ni 1260 sung anvaak-in 

a om hi”, Mang. 12:6 acihna atung ahi ta hi. 

Rome pawlpi vangliatna in nasep hong kipat khiat ciangin 

Khuamial khang hong kipan tahi. A vangliatna a nasiatzia zui-in 

khuamial pen a sah zel hi. Upnaguipite zong abulpi Khrist kiang pan ki 

lakhia in Rome-a pope tung ah kibulh ta hi. Mawh maisak nading leh 

tawntung nuntakna ngah nading vaite ah Pasian Tapa sangin, Ama 

aana a ap pa ci-a a up uh, pope leh phungzite bek tungah ki nga zaw ta 

uh hi. Pope pen amaute’ ading leitung bup palai hi a, ama tung tawn 

loin kua mah in Pasian naih thei lo hi, ci in ki hilh uh hi. Tham loin 

amaute adinga Pasian dinmun a dingpa ahih manin, akawi amaam-in a 

cih peuh peuh zuih ding hi, ci uh hi. Ama sawl a mang lote in apum 

i leh a khaa dongin anasia pen dan thuak ding kilawm hi, ci uh hi. 

ua bangin mite lungsim pen Pasian kiang pan ki heii khia in, a 

puuk thei a khial thei, a gitloh ban ah amaute khutzat-in, a vaangliatn 

a zangh den khuaziing kumpipa tung ah nga ta uh hi. Mawhna pipi pen 

sianthona puanpak silh sak na ding in Laisiangtho aki nawl khin cian 

in, mihingin athunei pen in kiseh a, zuau genna, kheembawlna, mawhna lungs 

m ahi mihing gamtatsia leh ngeinateng in Pasian thukhun hemkhia hi. 

Tua bang thu te a ki zuih ciangin kisiatnate kihhuainate hong piang pah 

lel ding mah a hi hi.


Muanhuai tak-a upna maan kem cinten mi pen tawm mah mah 

hi. Thumaan zui teci pang pen tawm mah mah ta ahih manin, thukhial 

leh upmawh thuciin zuite in zo cip in leitung ah thumaan biakna 

abeimang ding zah-in hun khat sung om ahih manin, thumaan dawk 

zolo hi. Tua hun sung pen Khrist pawlpi siat hun a hi hi. Biakna pong 

lel pen bel khang zaw deep a, thuman ah kuhkal ding pen vangik pi 

asuak hi. 

Pope pen palai in zangh dinga, mawh amaisak nadingin gamtatna 

pha neih kisam hi ci-in kihilh uh hi. Khual gamlapi zui-in biakna siimna, 

pumpi gawtna, khangluite biakna khawng, biakinn lamsak na cihte, 

siangtho tau lamna, biakinn tau bawlna khawng leh sum tampi piakna 

in Pasian hehna daai sak dinga, Ama (56) maipha ngah sak ding in um 

uh hi. Pasian pen mihing bang lel-in seh-in tua bang thawthop-a bawlna, 

leh letsong khawng peuh tawh a hehna thoih dam sawm-a, ei leh ei 

kigawt ciang bangin Pasian A na lungdam ding in seh uh hi. 

Rome pawlpi makaite lak na ngawn ah tua siatna in zeel lua ahih 

manin a huzaap uh khauh sem sem hi. Kum za giat huam bei kuan lam 

ciangin pope in tu-a aneih khaa vangliatna nei-in kigen ta a, tua thu a 

kipsak nadingin a thuneihna zong a lahkhiat zek kulta hi. Tanglai-a kigel 

laite kici phungzite phuahtawm laite leh aki imcip council khensatna cia 

aphuah tawm uh thute tawh pope tungnunna a kipsak nadingun 

hanciam in mipi akhem uh hi. Thuman nial khinsa pawlpi in hih 

kikheemna thute liing liangin a taksaang hi. 

Zuauthu in ninlom bangin thuman akhak ciangin thuman 

khuambul phut (1 Korintu 3:10,11) mitawm cik bek a mai bing uh hi. 

Nehemiah hun lai-a Jerusalem kulhpi a lamte mah bangin, “Na semte 

atha uh zaw ta a, ahi zongin nin tampi omlaihi. Eima tha tawh kulh 

cian’ I zo ngei kei ding hi” (Neh. 4:10) ci hi. Bawlsiatna tawh kibuai 

lua a, kikheem nate, mawhbawlnate leh Satan vaihawmna tawh mai a 

dal tam lua a hih man muanhuai taka inn lamte pawl khat lungsim kisia-


in amaute neihsate huut nading leh amau nuntakna huut nadingin lemna 

ngah in thumaan pan a kiheiikhia zong hong om ta thong uh hi. 

Pawlkhatte leu leu pen lau lo, dual loin agalte uh langdona pan-in 

“Amaute kihta kei un, alian akihtak huaiTopa phawk un, ”(aneu 14), 

ci-in a nasep uh mailam nawt ve ve in a kawng uah namsau kuah uh hi. 

Efesa 6:17. 

Khang tawntungin Pasian galte in tua bangmah in thumaan 

langpang in mudah den ahih manin tua thumaante avil gige den dingin 

amuanhuai Ama naseemte zong kisamh suk den hi. : “Note tungah 

kong gen mah bangin mi khempeuh tungah zong, ‘Ngakin na pilvang 

un,’” Marka 13:37 ci in Khrist in anungzui pi tunga akampaute mah 

hun beikuan-a Ama nungzui- (57) te tungah zong kibulh suk thei hi 

Khuaziingpi a sah zaw seem seem ding tawh kibang hi. Milim 

biaknate hong ki tang zat seem seem ciangin Milim maite ah 

khuaimeivakte kivaak a, biakna ki pia in a haihuai pipu thuciin lelte in 

mihing lungsim khempeuh lawh mang khin hi. Tua in agam mang khin 

uh ahihna a dawksak hi. Siampite leh bishop te mah mah in gualnopna 

enlah uh a, ci-le-sa deihna, leh huukna lanna tawh ninkhin uh ahih manin, 

amaute makaihna tawh nungtate bel siatna tawh kidiahcip lel ding mah 

theihsa a hi hi. 

Kum zalom sawm leh khat huam pawl-in Pope-ii kineihtawmna 

cial dang khat hong piang hi. Tua in Pope Gregory a Sagihnapa akah 

ciangin, Rome pawlpi pen kicingin siangtho hi, ci-in hong pulaak na ah 

athu bulphuhte khat in pawlpi khial ngei nai lo a, Laisiangtho’ gen bang 

mah-in zong khial ngei nawn lo ding hi, cih thu a hi hi. Laisiangtho in 

lah ama gen bangin gen lo hi. Kumpite na ngawn a zakiasak thei ding 

zah-in thu a neihna tua a ki-uangsak siampipa in gen lai hi. Ama 

thukhenna peuhmah kua mah in khel sak thei lo, nolh thei lo ding hi. 

Ahih hangin amah in midang khempeuhte thukhennate a ut leh nolh thei 

khel thei phiat thei ding hi ci hi.


Pope aana thudon lo hi cih paulap tawh Germany kumpipa pen 

pawlpi pan lakhia-in a kumpi zakia sak hi. Tua bangin German kumpi 

Henry a-Linapa a bawlna ah a khial theihlo a kinei ahihna thu kitel muh 

thei hi. Pope hansuahna mang-in a ukpi teng in amah langdo ngam ahih 

manin Henry in Rome tawh kilemna bawl ding kul hi ci-in a ngaihsun 

hi. Pope mai ah va kiniamkhiat dingin azi leh a muan bel anaseempa 

tawh phalbi lai-in Alps Mual kantan-in a pai uh hi. A pai nading ukpipa’ 

inn a tun’ ciangin Gregory na tung khin a, kimuh nading thu a ngah 

mateng amah avil galkapte omlopi-in kulh pua lam ah phalbi vuksan lak 

ah dingin a lukhu khulo, khedap bulh lo, puan gina silh lo, kiniamkhiat 

tak-in pope thupiakna ngak in nithum sung an ngawl-in a om khit ciangin 

phungzipipa in apulak thumna teng maisakna hong piakhia phing hi. 

Tua khit na ngawn in pope-ii (58) phalna a ngah zah zah tawh kituak 

in akumpi za leh vangliatna zang thei bek ding cih a hi lai lai hi. Tua 

ciangin Gregory in gualzo kisa kawm lungsim kisial sa-in kumpite 

kiphatsakna lak khiat ding ama nasep hi ci hi. 

Hih akiliansak siampipa’ kiphatsakna leh a kiniamkhiat mah mah 

a,alut theihna ding in mite’ lungsim kongkhak kiangah dingin athum 

Khrist lungnemna saikak le’ng bang zah in kikhai ahi hiam? Khrist’ 

aitawi ka hi kici ta zen veh! A nungzuite kiang ah: “Note lak ah makai 

asuak nuam peuhmah in naseem bangin om hen” a cipa’ aitawi ka hi a 

ci te bang ci! Matt. 20:27. 

Tua zawh kum za tampi sungin Rome pan a kizek-khia upna maan 

loin manlangtak in munkhem peuh a zel hi. Pope vangliatna akipsak ma 

nangawn in zong lawki mipilte thu hilhna pawlpi sungah hong 

kiguanciangin pawlpi a tek nek mah mah khin a hi hi. Piangthak ing ci-a 

pawlpi sung lut mi tampi tak mah in a lawki upna zungpi mah uh len lai 

mawk uh hi. Amau bek in keem khin khian lel beek loin lawki sung a zelh 

nadingun midangte zong hilh sawn lai uh hi. Upna manlo thulianpipi 

Khristian sung ah hong kiguang ta hi. Tuate laka athupi zaw deuhte khat 

in, sih ciangin asilo kha khat(immortality) mihing sungah om hi ci-a upna


a hi hi. Hih upna tawh Rome in misiangthote tunga thuumna aapna leh 

Nungak Mary akipaaina khawng hong kipsak to pah hi. Hih upna pan 

mah-in mawhna kisik nuam lote atawntung gawtmun daan (eternal 

torment)thuak ding cih upna maan lo (heresy) hong piang a, pope upna 

maan lo sung ah hong lut masa bel upna khat ahi hi. 

Tua pan-in lawkite bawltawm upna dangte zong hong lut theih 

nading lampi hong vanga, Rome in Purgatory acih -–misisate khaate 

mawhna silsiangna mun ci-a a upna khat pen sit tel loin a um pah pah lel 

mihonpi te zolna-in a nei uh hi. Tua upna maan lo tawh gawt mun cihte 

ahong om thei a hi hi. Mi khat si a a khaa pen hotna lah ngah pah lo, 

tawntung samsiatna mun lah pai liang lo, amawhnate halsiang theih ding 

hi a, tua lai ah daan thuak in kihal hal phot-in a ninbaang teng akaat tum 

khit ciangin vantung ah kilut sak (59) phing hi ci-a upna hong kip sak 

to leu leu uh hi. 

Rome in ameet ngah nadingin a mite uh kisiatlawhna leh launa 

pawl khat a bawl beh lai ding uh kisam lai hi. Tua pen ki-awnghon, 

kitatkhiatna (indulgenses) tiket leina a hi hi. Pope te khaa lam tungnunna 

anial khempeuh phiat mang nading ahizongin, agalte dopih ding leh 

aleitung ukna zong akhauh theih nadingin galkap pih ding ahi zongin, 

tua banga apanpih mite khempeuh in a beisa hun, tu hun, leh mai lam 

hun-a a mawh lai ding te na ngawn uh mai siangin, daan thuakna peuh 

mah pan suakta sak ding ci-in kham uh hi. Tua baan ah, pawlpi tunga 

sumpiakna tawh amaute mawhna kimai sak dinga, gawt mun-a a nin 

baan’ nate uh mei tawh akihal hal lai, a sisate alawmte uh zong sum pia 

in kikhahkhia thei hi ci in ki hilh uh hi. Tua bang teng bawlna tawh 

Rome in asumbung dim sak a, ama thupi nading bawlna bek in leh-tatna 

vive tawh Khrist aitawi ka hi acih uh hangin , a aitawi-sakpa in leitungah 

a lutang ngak nading nangawn nei zo lo hi. 

Laisiangtho sunga Topa Nitak An kici nekkhawm bawl zia zong 

botkhia-in milim biate mass bawldan tawh khek uh hi. Pope-ii siampite


in bang mah ngaihsutna zong om ngap lopi-in phuisam-in a ciak mul 

mul uh ciangin, moh leh lengtui pen “Khrist’ sisan leh sa” suak takpi 

sak thei in ki gen uh hi. Cardinal Wiseman’ Thugenna “The Real Presence” 

(Ompih takpina), Lecture 8, khen 3, khawk 26. Piangsak Pasian 

bek in a neih piansakna vaang zong a nei bangin ki pulak khem uh hi. Si 

dinga gimsia mite amau lampial upna manlo teng ka um ci-in kipulaak 

sak uh hi. Tua thu a pulaknuamlo leh a umlo te thahna thuak ding ci uh 

a, thu nial pepeuh mei tawh hal uh hi. 

Kum za sawmlethum huam sung pen pope-ii nasepna cikziathuai 

pen hun a hi hi ci-in kiciam teh hi. Thusitna (Inquisition) kizangh ta hi. 

Khuamial kumpipa in pope-ii uliante zangh in simtham takin Council 

aneihnate uh ah Satan leh avantung migilote in migilote lungsim ukcipin 

avaihawm laitakun, amau muh loh-in, Pasian vantungmi khat in amaute 

laizang ah dingin, gitlohna tawh athupiak khiatte (decrees) a lipkhap 

huai gamtatna teng kimtak in atangthu tawh a na ciamteh zel hi. Tua a 

kiciamteh thu te in lipkhap huai mah mah ahih manin mihing et ngam 

loh ding zah a hi hi. “Babulon in misiangtho te’ sisan zubangin a kham 

hi”. Thahna athuak mi mak tampi in hih lampial vangliatna phulaak sak 

dingin Pasian kiang ah kiko in a ngen uh hi. 

Pope dinmun in leitung bup-ii thuneipi pen dinmun a hi hi. 

Kumpite, gam ukte khempeuh in Rome phungzipipa thupiakna bang 

bang zui uh hi. Mihingte vai khem- (60) peuh, tulaitak nuntakna 

ading hi ta leh atawntung nuntakna ading hi ta leh, ama ukna bang bang 

hi lel ding tawh kibang hi. Kum za tampi sung Rome-ii phuh upna bang 

bang kizangh a, phincil takin kizui hi. A zehte kitanga, taangpi in a 

pawite bawlpih uh hi. A khutnuai biakna naseemte kizahtaak mah mah 

a, limtak-in kivaak hi. Rome pawlpi in hih bang vangliatna, thupina, 

aana cik mah-in nei ngei nai lo hi. 

Ahih hangin “pope-ii vangtan hun laitak pen leitung adingin 

khuaziin bel laitak a hi hi.” Laisiangtho thute pen mipite bek hi lo


siampite lak na ngawn ah kithei nawn lo hi. Pharisee te hun lai mah 

bangin pope-ii uliante in zong khuavak pen mudah uh hi. Bang hang 

hiam cih leh amau mawhna kilang sak kha ding lau uh a hi hi. Pasian 

thukham kihemkhia a thumaan tehna omnawn lo ahih manin a dal om 

loin amau ut bang bang in gamta uh hi. Kikheemna, huaihamna, paktatna 

te in khuhcip hi. Mite in hauhna leh dinmun ngah nading a hih nak leh 

thusia bawl ding neukha beek cikzia lo uh hi. Pope leh a ulian dangte 

munteng pen paktatna mun nasia pen a suak hi. Pope pawl khatte in a 

bawl mawhnate gen ngam-in zong pha mawh sa lo ahih manin kumpite 

in biakna lam ulian hi bang zaw zen koih khong dingin kilawm sa loin 

zaa kiat sak a sawm uh hi. Tua bangin Kum za tampi sung Europe gam 

in khantona nei lo in, pilna, nasep siamna, leh khantohna lamte khawlcip 

hi. Lungsim leh gamtat hoih ah khantoh theihna ding khempeuh zong 

zawcip ta hi. 

Rome aana nuai ah leitung buppi omzia pen kamsangpa 

Hosea’hilhkholh alauhuai thu a tun’kimna a hi hi. A hilhkholhna ah 

“Ka mite in kei hong phawk lo uh ahih manin ka susia ding hi. Na 

siampite in kei hong phawk nuam loin, ka thuhilhnate nial na hih manun 

ka siampi dingin kong deih nawn kei a, na tate uh zong siampi-in ka 

zang kei ding hi,” ci hi. Hosea 4:6, 1, 2. Pasian kammal Laisiangtho a 

kinusiat manin tua bang thute a piang ahi hi.

WALDENSES TE 45 

4 

Waldenses Te 

(61) 

POPE’ tungnun’ pen na hun sawtpi sung khua a mial cip hangin 

thumaan khuavak bei siang kiuh keuh sam lo in, a khang khangin 

Pasian Teci ding ki koih suk suk hi. Pasian leh mite kikal-a Palai dingin 

Jesu Khrist bek mah a muang, a nuntakna lam lak dingin Laisiangtho 

bek mah a leen cinten, Sabbath maan bek mah a zang kinken mi na om 

ve ve zel hi. Khang thak tu le tate in a theih khin zo ngei loh ding leiba 

bang zah hi bang mite tung ah leitung in i nei hiam? Amaute umkhialte 

ki ci zaw lehbunga, a lungsim puak uh ki nuihsan in, a gamtat-te uh ki 

gensia a, a laigelhte uh ki sim mawh sak-in ahi lopi-in ki gensia in, ki 

suksiat sak hi. Ahih hangin amaute kip takin ding ve ve uh ahih manin 

a khang khangin a upna uh siangtho takin akeep uh pen a khang thakte 

adingin gamh gil anusiat bangin a ngaihsun uh hi. 

Rome tungnun’ pen hun azom khuamial hun sunga Pasian mite 

thu pen leitung ah aki ciapteh loh phial hangin vantung ah limtakin ki 

ciamteh hi. A bawlsiate’ langdona thute lo ngal amau omzia zon’ khiat 

kiktheih na’ng ciaptehna tawm mah mah hi. Rome te ngeina sung ah a


koih upnate leh a thupiak (decree) te tawh ki huai thei lo peuh mah 

phiat siang ding cih thu om ahih man zong a hi hi. Mihing hi ta leh lai 

kigelhte hi ta leh, ama thu nial peuh mah a muh leh phiat mang hi. Hauin 

zawng ta leh, lian-in neu ta leh, akua cii lo pope thu leh upna dot 

bawl, uplahna lak pian khat peuh peuh in a nuntakna taan lawh ding hi 

mai hi. Tua upna thukim pih lo mite a bawl siatna ciaptehna khempeuh 

zong susia den uh hi. Papal kikhopna councilte peuh mah panin tua 

bang thu kigelhna laidalte laibute hal tum dingin thu pia khia den uh hi. 

Laikhetna setpi a kibawl theih ma in laibu peuhmah zong tawm him him 

a, sawtveipi ki kemcing theilo (62) ahih manin Rome te vaihawmna te a 

khak tan ding tam lo hi. 

. Pope in thu a neih phet-in ama deihna bang zui lote su sia 

dingin a khut a zan pah ciangin, pawlpite khat khit khat, amau thu-in 

Pope ukna nuai ah hong ki ap pah uhahih manin,Rome te vaihawm na 

in a huam gam sung peuh mah ah, ama upna bang zui a sau vei a suakta 

zo mimal kuamah om lo hi 

Great Britain ah Khristianupna in sawtpek lai a kipan in zung 

kip na khaa zo hi. Gospel thu Britain te in kum zakhawk masa lam 

pekin na saang zo uh ahih manin, Rome lampialna in subuai thei nai lo 

hi. Lawki kumpite bawlsiatna hong kitheh kawi kawi-in hih a gamlapi 

tuipi dong Britain gam pawlpi masate in zong hong thuak khak pen uh 

Rome te letsong a saan khak uh hong suak hi. England gam pana 

bawlsiatna thuak Khristiante pen Scotland ah taai in va bu uh a, tua 

panin a thumaan uh Ireland dong ki puak sawn-in tua gamte in lungdam 

takin thumaan na saang ciat uh hi. 

Saxonte in Britain a sim gawp ciangin lawki nunzia-in uk hi. A 

zo zawte in a silate un a leh hilh zawk ding ut lo uh ahih manin Khristian 

te in gam lak leh mual kawm khawng a belh uh kul hi. Meivak pen 

tawm vei a ki sel cip hangin hong taang lai ve ve bang mah in Scotland 

gam ah kum za khat bang khit ciangin hong taang khia a, gam dang


gamlapi dong a tung hi. Ireland pan mipha Columba leh a pawlte hong 

pai uh a, a ki khenkeek thu um mite kaai khawm in a gam daai Iona 

tuikulh ah om in tua mun Pasian nasepna phualpi khat-in a zangh uh hi. 

Tua thupha tangkona lak ah Laisiangtho Sabbath a zang mi khat om a, 

tua thumaan mite lak ah ki pia hi. Iona ah sang khat phuan uh hi. Tua 

panin thuhilhsia te puak khia uh a, England leh Scotland ciang bek thamlo 

in Germany, Switzerland, Italy ciang dong va baan uh hi. 

Ahih hangin Rome in Britain pen ama khut nuai ah koih a sawm 

in mit suan hi. Kum zaguk khawk sungin a sawl khiat siate un lawki 

Saxon te mithak hong ngah uh hi. Mual lak mite in asawlkhiat siate uh 

lungdam in na saang uh a, mi tul tampi Romete upna sung ah a heii zo 

uh hi. Nasepna hong taang zai ta a, Papal makaite leh a mi ngahte un 

Khristian a na hi khin (63) sate hong do bawl ta uh hi. Ki lamdanna 

lianpi a om hi. Amasate in pope kisaktheihna, a liatna, pipu-thuciin te 

a lah uh ciangin a khatte in gen nopna, ki niamkhiatna, Laisiangtho 

bang zuihna upnate lak uh hi. Khristian pawlpite in phungzi lian pen 

pope khut nuai a hong lut dingin Rome pana ngetna leh sawlna nei uh 

hi. Mi khempeuh tawh ki it ding a deih uh hangin pope pen pawlpi 

khempeuh tunga a lian pen-in saang zolo a hih man-un Khrist’ nungzui 

khempeuh tunga bawl ding a ki lawm ciang bek ama tung ah bawl zo 

ding uh ahihna thu Britonte in lung neem takin zasak uh hi. Rome 

tawh kizopna bawl meng meng dingin thuhilh siate in va phu zel zel uh 

ahih ciangin, hih a ki niamkhiat Khristiante in tua kamtaaite lamdang sa 

leh kiphasak lua zong sa kawm tawh in a dawn kikna uh ah, “Khrist 

longal To dang ka thei kei uh hi” ci uh hi. Tu-in Rome makaipa pope 

lungism a kitel-in hong dawk in “No kianga kilemna hong gente’ thu 

saang lo na hih uh leh, gal thu hong gen mi thu na man’ uh kul dinga, 

galdona hong puak ding hi. Saxon te muh-in nuntakna lampi ah ko 

tawh i kipawl ding ut lo na hih uh leh, amaute kiang pan-in sihna leh 

tawl saan’na na thuak ding uh hi” ci hi. (D’Aubigne, “History of the 

Reformation of the Sixteenth Century,” bk. 17, ch.2). Hih te pen tawn’na


mawk hi lo in, gal hong piang takpi a, Laisiangtho leen te pen thusim 

leh kheem na tuam tuam tawh suu-in, Britain gam sung tenga pawlpi 

khempeuh pope khut sunga hong ki aap mateng uh a susia dingin gal 

hong phuang ta uh hi. 

Rome-ii huam khak loh gam te ah papal suk siat loh-a kum za 

tampi sung siangtho taka a suakta Khristian pawl tampi mah a om hi. 

Amau pen lawki te in umm cih uh ahih manin a khialhna uh zong om tei 

hangin a upna bulphuh uh in Laisiangtho mah hi a, thumaan tampi kem 

cing lai uh hi. Tua bang Khristiante in Thukhamte kip den hi, mah ci-in 

um uh a, a nambat li-na Sabbath zong na zang uh hi. Tua bang upna a 

leen Khristian pawl pen Africa gam lai zang leh Asia gam Armeniante 

lak ah na om uh hi. 

Tua papal bawng sunga lut nuamlo-a a nialte lak ah Waldenseste 

a ma dawk pen a hi hi. Pope thu lut in tut mun a ngahna sa munte ah 

alampialna uh na ki nak (64) nial pen pah hi. Kum za tampi sung mah 

Piedmont-a pawlpite in amau suahtakna kem cing gige uh hi. Ahih 

hangin a tawpna ah Rome in ama sungah a lut nadingin a sawl gawp ve 

ve ciangin, sawt veipi na nang uh a, a nolh uh hangin nolh zo lo leh 

leitung bup in a nung zui khin zah in om ta ahih manin ut lopi pi-in 

pawlpi makaite na tokaai ta uh hi. Ahih hangin tua pope leh a siampite 

thu sungah a kipia nuam het lo ami mal-in na om ve ve lai hi. Tua bang 

mite in Pasian bek tawh kizom-a amau upna siangtho takin keep ding 

khentatsa-in nei uh hi. Tua hangin Pawl kikhena hong piang ta hi. A 

upna ngei uh a leen nuamte kiin khiat hong kul ta-a, kim khat in a 

pianna uh Alp gam nusia in thumaan kep na dingin mi’gam mi’ lei zuan 

in, kim khat te leu leu in lui kaw hawm peuh, mual suang kaw hawm lak 

peuh beel-in Pasian biakna suahtakna na zong uh hi. 

Kum za tampi sung Waldenses Khristian te upna leh hilhna pen 

Rome pana hong pusuak amanlo upna guipi tawh hong ki lamdang mah 

mah hi. Tua Waldenseste’upnagui pen Pasian thubu sung pana ki


ngahthuman bang lian hi a, Khristian upnathugui maan a hi hi. Ahih 

hangin leitung mun dangte omzia va muh pih lo, amau huang sunga a 

ganhingte uh tawh na seem a nitum, mual leh guam lak-a bu lokho tua 

mitein amau zon tawm uh tawh tua a puuksa pawlpi upna leh lampialna 

thuguite va mu cian zo nawn lo uh hi. Amau’ aa pen muh thak uh upna 

hi lo in, apu apate uh tung pana a ngah suk-suk uh upnagui pi hi a 

sawltakte khang lai-a upna te bang a hi hi. “Pasian in ama mite tungah 

atawntungin akimang dingin khat vei bek hong piak…upna” pen hi. 

Jude 3. “Gam lak-a pawlpi” a cih pen hi, tua pen a kisathei gam uk 

tawh a thuah leitung bup munpi-a pen hi zaw lo a, Pasian in leitung 

bup-a ki tangko dinga a piak khiat thumaan sum keem cing Khrist pawlpi 

maan pen a hi zaw hi. 

Rome in Laisiangtho Sabbath a muh dahna pen Pawlpi maan te 

Rome tawh a ki khen khiatna thute lak ah a thu lian khat in ki hel hi. 

Hilhkholhna in a gen bangin papal (65) liatna in thumaan pen leitang 

deen na dinga, Pasian thukham leivui tawh siik cip ding hi. Khanglui 

thuciin leh ngeinate laam to in, Papal uk khak pawlpi peuh mah in Sunday 

pen ni siangtho-in zangh ding hi. Thukhial in nehthawh lua ahih 

manin Pasian mipha pawl khat na ngawn in Sabbath tang ve ve sa mahin 

Sunday ni in zong na seem loin khawl uh hi. Ahih hangin tua ciang 

lel tawh papal makaite lung kim zo lo uh hi. Sunday a awng hon’ tei 

bek tawh lungkim zo lo uh a, Sabbath palsat na dingin kam khauh pen 

pen te tawh to-in sawl uh hi. Tua ahih manin, Rome thu tawh kipelh 

siangthona bek tawh Pasian thukham nuam takin kizui thei bek ding 

mah a hi hi. 

Europe gam mite lak ah Laisiangtho a ki teikhia te a ngah masa 

pen te in Weldenses te a hi uh hi. Biakna puahphatna hun (reformation) 

ma kum za tampi lai in khut gelh Laisiangtho amau pau-in na nei zo uh 

hi. Tua mite in thumaan pen adang tawh sawhpawi lo a siangtho tak in, 

nei uh hi. Tua hang mah in muhdahna leh bawlsiatna a thuak uh hi. 

Amau in Rome pawlpi pen Mangmuhna sunga Babylon hi ci in, a


nuntakna uh taan lawh dongin tua siatnate saang nuam loin dal uh hi. 

Bawlsiatna sauvei kizom lua ahih manin kim khatte in a upna uh tawm 

tawm-in khah suah uh a, ki hel zau sak kha zel uh hi. Kim khat-te ahih 

leh khauh tak mah in thumaan ah ding uh hi. Tua lam khialh-khuamial 

hun sungin Rome tungnun’na leh milim biak ding nial-a, Sabbath maan 

mah a na zang pai suak Waldenseste om uh hi. Langdona pingpei nasia 

pen a laan’ laitak nangawn-in upna khah suah loin leen cinten uh hi. 

Savoyard teipi zum in khawh in, Rome meisel kuang in haal ta leh, 

Pasian thumaan leh Amah zahtakna uh bulkip pan amaute ki khongh 

khia zo lo hi. 

A khang khanga bawlsiatna thuakte belh den a hi Mualpang– 

kawl lak ah, Waldenses te bu uh hi. Hunlai Khang (Middle Ages) hun 

sung tengin hih bang muntelak pan thumaan meivak pen mitlo in ki 

taang sak hi. Thumaan teci pangte in kum tul khat sung (66) taang lai 

upnathugui gil teng na keem cingna mun ong suak hi. 

Thumaan-lian a kepcing theih nading un Pasian in a lam dang 

sak huai mun siangtho (biakbuk) tua lai ah a pia hi. A ki nawh keek 

micitakte in tua mualte pen akip tawntung Jehovah thumaan lak den 

lim bangin a mu uh hi. Mual dawn kuite kawk-in a tate uh kiangah a ki 

khiin ngei lo minthanna leh a liim zong a kiin lo Topa leh akammalte kip 

zia gen pih na in zang uh hi. Ama thu in tua mualte bangin kip a, ki 

khel sak thei lo hi ci-in hilh uh hi. Pasian in tua mualte kip sak in, 

thahatna tawh gaak-a, mongneilo-a a vanglian ama khut lo ngal kuamah 

in tua mualte a mun panin a khiin khiat zawh loh bang mah in vanpi 

leipi a ukna a thukham zong kip sak hi ci-in hilh uh hi. Mihing khut in 

mihing nuntakna laksak thei bek hi. Ahih hangin Pasian khut in tua 

mualpite nangawn longh khia in tuipi sung ah paai thei a, A thukham 

zong a ut leh amah bek mah in kheek thei ding hi. A naseemte in Pasian 

thukham adingin tua a ki kheel ngei lo mualpi te bang ding a hi uh hi, 

ci-in a hilh uh hi.


Mual te guamte ki kalhelh dimdiamte in a piangsak thei Pasian 

vangliatna alak leh a hong kep denna hong lak hi. Tua bangin hih 

khualzin-galbu mite in gam daai takin Jehovah om pihna phawk na in 

zang uh a, amaute thuaksiatna hangin phun phun ciak ciak tuan loin 

gam simtham leh mual kuam lak nangawn ah zong lungleng ngei lo 

thamlo in Pasian in migilote khut pan in buk nading mun hong pia hi ci 

in a lung dam uh hi. Nuam taka Amah bia thei ahih man un a ki paak uh 

hi. Galte in a delh zel hangun mualte guamte in amaute huu khia zel hi. 

Mualsang suang kawlpi zangte panin Pasian phatna la sa uh a, Rome 

galkapte in amau biakpiak lungdamna la aw te daai sak zo lo uh hi. 

Hih Khrist nungzuite in gamtat khua heek siangtho, migi, thu 

nop-in lawp den (67) uh hi. Thumaan pen a inn a lo a lawm a minampihte 

uh leh amau mah mah’ nuntakna sangin zong manpha sak zaw uh hi. 

Khangnote lungsim sung ah tua thumaan a guan zawh nading hanciam 

uh hi. A khangno mah mah lai limphet-un Laisiangtho tawh pantah uh 

a, Pasian thukham a sianthona hilh uh hi. Laisiangtho bu tawm lua ahih 

man in a kammal te kam ngah uh hi. Mi tampi in Laisiangtho a lui leh 

a thak pan khawk sau pi pi kam ngah-in gen thei uh hi. Nisim nuntakna 

ah Pasian zia leh tong leh a thuphate kilang sak den uh hi. Naupang 

neute in a nisial nuntakna te uh hong huh hong pia Pasian migitna hi ci 

thei uh hi. 

Nute pate in a tate uh it khengval-a a khah khong loh nadingun 

kikepsiamna a zongsangh sak uh hi. Amaute mai ah haksatna, sittelna, leh 

upna sih pihna nangawn om thei kha ding cih hilh uha, a neu lai lim phet uh 

a kipan in gentheihna a thuak zawh nadingun hilh in, uknate zui thei sak in 

amau thu-a thu angaihsut tawm theih ding zong a hilh uh hi. Na sep ding 

pia uh a, kam pau kidop nading te, thukhual in pilna a neih nadingte aneu 

tung pan kipan in hilh den uh hi. Keivom in a neek ding sa zongin a gep 

bangin Galte in kam sia mal khat bek mah a zak uh nangawn tawh a paupa 

bek thamlo in a u a nau uh za tampi nuntakna dong bei nang zong in biakna 

suahtakna a pu laak ngam peuh peuh suul zuih pah hi.


Waldenseste in thumaan hangin leitung hamphatna leh a neihsa 

teng uh taan uh a, anuntak nading un genthei pipi in na seem uh hi. 

Mual lak lo khawh theih nading mun om peuh limtakin kho uh a, mual 

kuam lei hoih loh zaw deuh na te leh maul pang khawng lo-kee khawh 

beh lai uh hi. Ciil siamnading leh pumpi deih gawhna anial zawhna ding 

un naupangte pilna sin sak uh a, laipai en thei tei ciang bek a hi hi. 

Pasian in i nuntakna te ah sekhna deih a, i taangsapna te ngah nading in 

ei mah in na i sep kul in geel siamna, kidopna leh upna kisam hi, cih a 

hilh uh hi. Nakpi in seem a gim uh a hih hangin lungkim ve ve uh hi. 

Mihing-a i pian khiat phot nak leh tua te i sin pel mawh ding a Pasian 

seh a hi hi. Khangnote in nasep kuhkalna ah zongsatna a neih bang mah 

un lung pilna (68) zong nusia tuan lo uh hi. Tha hatna leh vaang 

khempeuh zong Pasian-aa hi a, i hih theih khempeuh Ama nasepna 

adingin i zat ding a hi hi, ci in ki hilh uh hi. 

Vaudoi (a lawhna, Vaw Dua) pawlpite in Pope’ tungnun penna 

nial-in Laisiangtho bek tung nung in khial thei lo hi ci in leen uh a, 

siangthona leh gennopna te ah zong nungzuipi te hun lailim pua uh hi. 

A siate uh in Rome phungzite bang loin, Pope’ tungnun nial-in 

Laisiangtho bek tung nung in khial thei lo cih leen in, a Topa uh’ nungzuiin 

mi na seem zaw takpi uh hi. Amau in Pasian tuute cing uh a, lonona 

gam nuam ah, siangtho kammal pana nuntakna tui tawh a vaak uh hi. 

Kisathei-a puakbabak mihingte kikhopna a ki zeem biak inn hoih leh 

Zum-Biak innpi (Cathedral) te tawh ki lehbulh-in, thumaan a genna 

ngai dingin Alp mual lim nuai peuh, lauhuai hun ciangin suangpi kaw 

hawm sung peuh ah Khrist naseem te ki khawm zaw uh hi. Pastor te in 

lungdamna thu bek hilh loin cina veh-in, naupangte thumaan sin pih uh 

a, upna lam pial te lam lak in, sanggam banga ki it kilem nadingin kinialna 

omte lem-in, na seem uh hi. Hun hoih ciangin sumpi kipia te tawh a ki 

vaak tei uh hangin Paul in tuipuan khui a sep bangin khutsiamna khat 

tek nei uh a, a tangsapna uh a ngah nadingin nasep khat peuh sem kawm 

kawm uh hi.


A Pastor te uh kiang panin khangnote in pattahna ngah uh hi. A 

siam sinna uh ah pilna tuam tuamte zong a sin beh teei hang un 

Laisiangtho pen a bul pi a hi hi. Matthai leh Johan’ gelh Gospel bute 

kam ngah uh hi. Lai khak bute(Galati, Ephet, Timote, Kawlentu cih te) 

zong tampi mah a kamngah uh hi. Laisiangtho khawng zong teiuh a, 

pawl khatte a bu bup-in ahi zongin, Laisiangtho thu thuk kalh khiat 

nadinga a ki sam munte pawl khat teel khia-in a tom zaw in a tei uh hi. 

Pasian sanga lian zaw-a kibawlte in sawt vei pi a sel cipna uh sung 

panin Laisiangtho thumaan tua bangin hong kipuak to to hi. 

(69)Lei kaw hawm khua mial sung ah meivak vak sa-in, 

Laisiangtho aneu, a lian khawk khat khit khat aban ban in lung duai cim 

taak lo in na tei khia sawn uh hi. Tua banga nasepna hang in khamcitak 

bangin Pasian deihna hong teel khia a, bawlsiatna in anuai ciangin tee 

semsem a hih na tua na seemte in a thei uh hi. Vantung mite in hih 

banga muanhuai naseemte kiim kot-in vil uh hi. 

Khialna nin bung sung leh lampial thuciinte sung ah thumaan 

kammal te phumcip dingin Satan in papal siampite a sawl hangin, 

khuamial khang sung tawntung nin baang het loin a lam dangpi in tua 

thumaan pen na keem uh hi. Mite thukimna sang in Pasian kipsakna 

ngah zaw uh hi. Mite in a kitel a ol mah mah Laisiangtho khiatna te a 

haksa thei thei ding in bawl sawm uh a, a teci pan’na te a kileh bulh 

gawp dingin a bawl nuam uh hangin tuithukpi tunga tui hualpite a 

nawktan teembawpi bangin kisiatna khuasia kipeite Laisiangtho in nawk 

tan to hi. Ngun leh khamte in leimaitang sung lam ah a zing-zing zui-in 

a kisel khinkhian in a tokhia peuh peuh in sum manphate a ngah uh mah 

bangin, Laisiangtho zong a sung ah sum manpha abang thumaan te om 

a, hanciamna leh ki niam khiatna tawh thu ngen in a kal khia mi in tua 

thu manphate a ngah ding hi Laisiangtho pen minam khempeuh sin dingin 

Pasian in a sehsa a hih manin, nau pan’ lai, khangmoi lai leh khan khit 

hun cih dei dan omlo-a sin den ding a hi hi. Amah mah hong ki lahkhiatna 

maanbu bangin Pasian inLaisiangtho a zat a hi hi. I muh thak thumaan


khempeuh in a thu neipa nuntakzia hong lak zel hi. Amaute bawlpa 

deihna theih beh toh zel in kinai zawk toh toh theih nading leh Amah le 

mihing kikal a thu ki zakna leh kizopna dingin Pasian in Laisiangtho a 

hong piak a hi hi. 

Weldenseste in Pasian kihtakna pen pilna bulpi hi ci in a pom uh 

manin, leitung tawh kizopna thute ah zong mit mawk gawp-in hai keei 

pah tuan lo uh a, nuntakna vai peuh mah ah mi dangte sangin gina zawin, 

lungsim puakzia zai zaw a, navak zaw uh hi. Mual lak sang innte 

panin khangno pawl khat France gam leh Italy (70) gam saang gol 

zaw te ah Alp gam pilna sanga a zai zaw sin dingin a puak uh hi. Tua 

khangnote in, upna pan a lam pialsak ding in Satan sawltakte’ lungsim 

kawi pilna leh a lauhuai kheemna te a va tuak zel uh hi. Ahih hangin a 

neutuung pan uh-a a ngah uh pat-tahna leh pilna pen tuate khempeuh a 

dal ding a ki gin kholhna a hi hi. 

A va tun’ na uh saangte ah belh ding bang mah koih lo uh hi. A 

kizepna puansilhte zong mi dang aa bang loin na manpha pen a aneih uh 

khut gelh Laisiangtho vom sim theih nadinga kibawl khol kinken puante 

peuh a hi leeng luung zel hi. A kum a kha bei-a si le nanga a gelhsa uh 

tua laibu te vom kawi kawi uh a, mi muan mawh loh hun leh mun a tuah 

uh ciangin thumaan a saang nuam takpi mi a muh te uh kiangah a khawk 

a khawk cih banga a gelh te uh a pia khia zel uh hi. Waldenses khangnote 

in tua bang a agamtat theihna ding mah un a nute uh’ aang leh khuk 

tung panin a sinto pah uh hi. A masuan dingte uh thei uh a, a sep ding 

bangun aseem uh hi. Tua saangpi te sung panin thumaan um thei mite 

va ngah zel uh a, khat vei vei a thumaan bulphuh teng uh a saang buppi 

lawh in a ki zelh ciangin, papal makaite in upna susia lam pialna ci in 

beimang sak nuamin a sul zuih uh hangin kan khia zo het kei uh hi. 

Khrist lungsim in gupna thupuak ding lungsim ahi hi. A 

piangthak mi lungsim in midangte zong Honpa kiang ah puak ding 

veina ahi hi. Vaudoi Khristiante in pianthakna lungsim nei uha,


thumaan kem lih liah lel ding bek hi lo in a khua vak uh khua mial 

sungah taang khia sak ding in Pasian in deih hi cih phawk uh hi. Tua 

ahih manin Pasian kam mal ahi Laisiangtho’ vaangliatna tawh Romete 

khumcipna hong khia dingin a hanciam uh hi. Vaudoi siapi te pen 

thupuak sia dingin ki hilh masa a, thupuak nasep a seem nuam peuh in 

vakkawn sia seem masa phot ding a hi hi. Khuatual pawlpi khat a kep 

ma-in gam thak ah thupuak in kum 3 bang a seemphot sa hi zel uh hi. 

Tua thupuak nasep ah a kipiak zawh mah mahna ding in, (71) 

aangsung-khualna nial kul pha lua ahih manin tua teng phul sa ahih 

nak leh Pastor nuntakzia ding cing sak thei hi. Khangnote in gim ding 

leh lau huaina phu ding uh a, peuh zong sih lawh kha sop ding a hi 

zaw uh hi. Thupuak siate pen Jesu in A nungzuite a sawl khiat lai 

mah bangin 2 ta-in kop sak uh hi. Khangno naseem ciil tein a khang 

haam sa khat tawh a ki thuah uh ciangin a ki thuahpihpa makaihna 

tawh siam sin to zel a, tua a makai pa sawlna bang mang ding hi. Tua 

nasem khawmte pen kithuah pai suak ding ahih sam loh hangin, ki mu 

zel in thu ki kum zel ding uh a, thu ngen khawmin upna ah khat leh 

khat ki lawpsuah ding deihna a hi pi pen hi. 

A thupuak nasepna uh in a hialna ciang ciang ki lang sak a hih 

manin a ngiimna tak tak pen alangtang adawk loh nading ki dop siam 

mah mah a kul hi. Thupuak naseemte in leitung nasep khat seem dinga 

sapna ngah bangin a dawk theih nadingin siamna khat bulphuh in nasep 

dang khat tawh athuah uh kulahih manin, sum bawl leh van zuak bangin 

ki neih kul hi. “Amaute in naipuan peuh suang manpha peuh leh van 

dang dang te pua uh a, kua mah in a lei zawh loh ding leh gamlapipi-a 

va zuak a kul ding vante tawh thupuak dingin a kuan pah uh ciangin, 

thupuak te akinolh theih na mun te ah vanzuak sumbawlpa bangin na ki 

dawn tuah zaw hi. Tua bangin kham sanga manpha zaw sum ahi thumaan 

pen mi tung ah puak sawn uh a, Pasian kiang pan pilna a ngah nadingun 

a lungsim uh puah to den uh hi. Sim tham takin Laisiangtho te, a bu 

bup-in a hi-a, a phel phel-in a hi zongin pua uh a, hun hoih a ngah uh


ciangin a ki tuah pihte uh kiang ah tua khut gelh Laisiangthote lak khia 

zel uh hi. Pasian thu kigelhna laite sim nuam mi hong tho khia zel a, tua 

bang mite kiang ah a phel phel-in nusiat zel uh hi. 

Hih thupuak nasep pen a tenna uh mual no taw zaang kuam 

sung leh mun zaangte pan ki pan ahih hangin gam zaipi hong zeel hi. A 

Topa uh’ aa mah bangin khe guak leh puansia tawh gimpi in khuapite 

pal tan-in khualzin uh a gam dangte ah a va lut in mun ci teng ah khaici 

manpha va theh kawi kawi uh hi. Amaute paina teng ah pawlpi hong 

po kawi kawi a, thumaan ading in thahna thuakte’ sisan in teci hong 

pang kawi kawi hi. Pasian (72) ni lianpi hong tun ciangin hih banga 

citakte sepna panin sal sunga khol ding kha manpha tampi ki la ding hi. 

Pasian thu in Khristian takte nasepna tawn-in mi inn sungtham lo in mi 

lungtang sung dongah simtham leh dam tak in a va lut kawi kawi hi. 

Waldenses te adingin Laisiangtho pen, hun beisa-a Pasian in mite 

a donzia ciaptehna leh tu hun-a nasep ding hong piakna bang lel bek hi 

loin, hong pai lai ding siatnate leh minthanna dingte lahkholna laibu ahi 

hi. Na khempeuh beina mong ding gamla nawn lo cih um in thungetna 

le khitui tawh Laisiangtho a sim uh ciangin a manphatna thuk muh sem 

sem uh a, mi dangte tungah hot khiatna thu puak ding pen amau masuan 

in a ngaihsun uh hi. Tua a siangtho laidalte tungah teltaka kilak 

hotkhiatna dinga Pasian geelna thuguipite a sim uh ciangin, hehnepna 

leh lam etna tawh Jesu sungah a khamuang uh hi. Tua bangin khuavak 

in thuman theih siamna a piak ciangin lungdam mah mah uh a papal 

khua mialpi’ tuam cip mite kiangah khua vak puak ding a lung-gulh pen 

uh hi. 

Pope leh phungzi te makaihna tawh mipite in mawhmai nadingin 

amau pumpi amawkna-in gawt bawl uh hi cih a mu uh hi. Gamtat pha 

suangin hotna ngah ding in aki hilh uh ciangin, a lungsim un amawhna 

bek uh mitsuan sak-a Pasian hehsak lua khin in ki ngaih sun uh ahih 

manin, maipha zonkikna in amau leh amau a ki gawtbawl mawk uh


hangin mai sakna ngah tuan lo uh hi. Tua banga lungsim kisuanga gim 

mite Rome thu-upnate in a hen cipte ahi hi. Mi tul tampi in a lawma 

gual, a beh aphung, nusia-in a khan tawn uh nu ngak siangtho inn te ah 

lut-in a hun bei uh hi. Mi tul tampi in mawh maina leh khamuan na ngah 

na’ngin an ngawl ngawluha, savun keu tawh kisat-in, zan khuavak-in 

zanhak uh a, suang peek nom vot tung ah nai tampi pi bok-in, khual 

gamlapi pi thupha zonna in zin uh a, a kih tak huai zo zah-a ki gawt 

bawlna tawh amau leh amau ki bawl sia uh hi. Mawh ki suangtakna 

lungsim in nen cip ahih manin Pasian thuk kik ding lauthawnga amawkna 

pi-a kigimbawl mi tampite in lam etna khuavak zang khat (73)zong 

ngah kha lo in han sung ah a lut uh hi. 

Waldenseste in tua khaa gilkialte nuntakna an pia nuam uh a, 

Pasian hong khap lungmuanna thupuak hilh nuam-in, eite lam etna Honpa 

Khrist lak nuam uhhi. Gamtatpha leh thupha bawlna in thukham palsatna 

pan hong hon khia hi cih a upna uh in upkhialhna lian pen a hi hi. Sepna 

thaman tawh suahtak ding lam etna in Khrist hong itna le hehpihna teng 

a heem khia a suak ahi hi. Mihingte apuuk khit ciangin Pasian kiang 

zuat kik nading bang mah bawl theih nei nawn het lo uh ahih manin 

Jesu a hong kigo ahi zaw hi. Khristian te upna pangpi in Honpa sihna 

leh thawhkikna bek ah ki bulphuh ding a hi hi. Mi khat in Khrist ahi 

bang banga saan’ ding hi a, Amah tawh kizopna pen i khutte leh i pumpi 

a kizop bang dan, leenggui hiang leh a guipi a kizop bang mahin Khrist 

tawh ki zom ding i hi zaw hi. 

Popete leh phungzite in maigum leh etngamhuailo a hi gem gam 

ding bangin in Pasian leh Khrist’ nuntakna langhkhia sak uh hi. Honpa 

in mimawhte khasiat hetlo a hihmanin, siampite leh mi siangthote in 

palai sem in a vai hawm sak ding kisam hi ci-in um sak uh hi. Pasian 

thumaan a mu sa mite in ahih leh Jesu pen a hong khasiatpa, hong Honpa, 

mawhna van gik pua-a a gim mi khempeuh hong khut vaan-a Ama kiang 

zuan dingin hong sam den ahihna, tua bang mite tung ah lak nuam 

mah mah uh hi. Mihing in Pasian khap thute a muh tel theih loh nading


Satan lam khaknate heem khia nuam mah mah uh a, mite in Pasian 

kiangah a mawhnate uh pu laak-in maisakna leh khamuanna ngah le uh 

deih sak mah mah uh hi. 

Vaudoi thupuak siate in mite lungsim ah Gospel thumaan guang 

nuam lua mah mah uh ahih manin Laisiangtho pana ki gelh khia sawn a 

phel phel te ki dawmtakin pia khia uh hi. Hehna phula dingin Pasian in 

thu hong khen ding cih lauthawngin a kisungsia den mawhna net cip 

mite lungsim ah lam etna leh khamuanna ngah sak ding pen a lungkim 

pen pen na uh a hi hi. Amuk liing liing sa leh khitui luang sa-in khuk din 

kawm kawm-in a sang gamte mai ah mawh nei mite adingin lam etna 

maan khat bek a hong ki (74)kamciamna thu pulaak zel uh hi. Tua a 

khing cip, a mialsa lungtangte panin lungziinna meiilomte nil khiat sakin, 

Dikna-Nitaang in salh vak a a dam theih nadingin na seem uh hi. 

Laisiangtho phel no no te sim in, a ngai mi in a zak nop lai teng leh thu 

omzia maan takin a mat theih dong sim pha pha uh hi. Tua a ki deih pha 

deuh munte lak ah, “Ama Tapa Jesu’ sisan in I mawhna khempeuh panin 

eite hong siangsak hi,” (1 Johan 1:7), cih te peuh, “Moses in gamlak 

khuamtungah sumngo gul a khai mah bangin Mihing Tapa zong hong ki 

khai ding a, Amah a um mi khempeuh nungta tawntung ding hi” (Johan 

3:14, 15) cih te hi pha diak hi. 

Rome te khem zawh loh mi tampi mah na om a, mihing peuh 

vantung mi peuh in mawhnei te adingin palai sem ding cih a lau huai 

upkhialhna tua mite in tel muh uh hi. Khuavak in a lungsim uh hong 

salh ciangin lungdam takin “Khrist in ka siampi hi. A sisan tawh kei a 

hong thoih dam hi. Ama biakna tau in kei ki pulaakna mun hi” hong ci 

uh hi. A pum a tang-un Jesu kicinna ah hong kipia uh a, “Upna lotawh 

kua mah in Amah lungdam sak zo lo hi” Heb. 11:6, hong ci thi the uh 

hi. “Eite in hotkhiatna i ngah nadingin leitung khempeuh ah Pasian 

hong piak min dang khat zong om lo hi” Sawltak 4:12 hong ci thei ta 

uh hi.


Hih khuasia in a nuai gawp mi pawl khat te adingin Honpa’ itna 

telcian hak zah in lian lua ta hi. Khuavak in tuiciin bangin amaute tuum 

in, suakta lua mah mah ta uh a hih manin, vangtung kah to pah ding zah 

mah mah bang uh hi. A khut te un Khrist khut muang takin leen a, akip 

den Khang Suangpi tung ah a khete nga uh ahih manin sih ding launa 

teng a bei hi. Honpa minthan theih nading ahih nak leh thong inn le 

kihaalna mei kuang nangawn en lah mah mah zaw ta uh hi. 

Thumaan khuavak deih ahih nak leh, khat bek ahia, mi lomno 

khat ahi zongin omna mun simtham te ah Pasian thute ki sim khia a, 

thuman ki puak hi. Zan khuavak vak tua bangin hun ki zangh pah pah 

hi. Gupna thu amatcian mateng uh thupuak asimpa simna a cimtak 

theilo thungai mite lamdang sak huai zah phial ahi hi. (75) “Pasian in 

kei sumpi zong a saang takpi mah diam?”, “Kei hong mai tai zo ding 

hiam?”, “Kei hong maisak zo lai ding hiam?” cih dotnate kiza mun 

pen a, a dawn kik nadingin, “Van gik pua-a gim mite aw Ka kiang ah 

hong pai ta un, tawldamna ka hong pia ding hi”, Matt. 11:28 pen ki 

sim sak zel hi. 

Upna in kamciam ah kinga sak ahih manin, nuamna tawh a dawn’ 

kikna uh in “Khual gamlapi ah mawhmaina zongin va zin kul nawn lo a, 

Pasian biakna mun siangtho munte haksapi-in zuat kul nawn lo hi. Jesu 

kiang ah mawhna tawh kihhuai pi mah in kong pai dinga, ka thu ngetna 

Amah in hong nuih san lo ding hi. “Na mawhna kimai sak zo hi’, Kei 

aa, keima aa teek, ki mai sak zen ding hi!” cih khawng a ki za hi. 

Lungtang sungah lungdamna tuihual bangin hong kihual a, Jesu 

min pen lungdamna sumpite tawh hong ki pahtawi hi. Amaute lungdam 

in inn ah ciah uh a, khuavak theh khia dingin amau muh thak nuntakna 

lampi le thumaan te mi dangte tung ah gen sawn uh hi. Thumaan deih 

mite lungtang ah Laisiangtho kammal in tha khat-a thu a gen ciangin 

mul kim huai zah-in vanglian ki mu hi. Tua in a za mite lungtang ah 

kikhelna a pia Pasian’ aw a hi hi.


Ki niam khiatna leh muan huai na te ban ah, lungsim thuk a 

neihnate,hangin thumaan kamtaaipa khat in ma ban zom in a ma ki dawk 

lam ki mu hi. Mun khempeuh panin a thu ngai mite in Amah koi pan 

hong pai a koi lam ah pai lai ding cih thute na ki dong kha ngei lo hi. A 

thu a zak uh ciangin nuam lel uh a, a masa-in lam dang sa-in, tua khit 

teh lung dam gawp lel-in, tua thu dot dingin seh kha lo uh hi. Amaute 

in a inn uh ah ciah pih dingin a zol uh ciangin amah in Tuu mangte 

zongin a veh ding ka hi hi, ci zel hi. Amaute khat leh khat in vantung 

mi hoh hi mai hiam? ci in ki dong uh hi.. 

Lei danga pai hiam, ahih kei leh a ki thei lo kawhawm sung 

khat peuh ah a nuntakna sial mai hiam, a hih kei lai leh a teci pan’na 

gam mun khat peuh ah a guhte keu cip ta hiam, mun tampite ah tua 

thumaan kamtaaipa kimu kha nawn lo hi. Ahih hangin ama nusiat 

kammalte kisia thei nawn lo a, mihingte lungsim sung ah na (76) seem 

den hi. A thupha bawlnate thukhenna ni ciangin a kim in ki mu ding hi. 

Waldenses thupuak siate in Satan gam luh gawp uh a, khuamial 

vangliatna nakpi-in a ki gal ging sak zaw hi. Thumaan in mai a nawt 

lailai khak ding pang gige a, gilo kumpipa in ama sawltakte alin phawn 

hi. Ki niam khiat taka khual zin kawi kawi hih naseemte bawl-in amau 

nasepna pen lauhuai thei ding a hih lam Papal makaite in mu uh hi. 

Khuavak ki dal het kei leh thukhial meiilomte phiat siang-in mite a tuam 

cipna hong khia in mite lungsim Pasian bek ah ki nga dinga, Rome 

tungnun’ penna susia ding hi. 

Hih tanglai thuciin upna a leen pawlte hong pian khiatna in Rome 

te lampialna kilang sak pen a hih manin, mudah in zong a bawlsia pen 

pah uh hi. Laisiangtho teng kaai khawm-in aap na ding thu a piak khiat 

ciangin a na nialna uh zong Rome te zak dah pen khat a hi hi. Amau in 

leitung panin hi bang mite ki phiat khia siang leh hoih ding hi ci in a 

ngim uh hi. Tu-in Pasian mite a teen’na mualtung ah a lau huai naseppi 

hong tung ta hi. A khaap lui teng uh zui-in bawlsiatna hong laangin,


mawh baang lo Abel in tualthat Kain khutlum a thuakte bang hong tung 

thi-the ta hi. 

A lote uh ki vat mai sak pah pah a, a teen’na inn te leh a biak inn te 

uh ki phel gawp sak ahih manin, mawhnei lo a thanuam mite inn leh lo 

munte keu gaw gam a suak sak zel uh hi. Sapi gilkial in sisan a liah khak 

cianga a kihtaak huai zawk bangin pope pawlte zong a bawl siatte uh’ 

thuakna hangin a thang paihna uh hong suuk zaw hi. Hih teci pang mite a 

tampi mualtung teng ah ki delh a, a bukna uh zaang lei ah sabet-in ki beng 

in, gam-mang lak kawl lak teng ah a taai nading uh ah a daal uh hi. 

Hih mite a gamtat siatna uh mat khiat-a kawk tham ding lah 

bang mah om lo hi. A galte na ngawn un mi thu neem, zaaidam, mi 

hoihte ci in gen uh hi. Pope deihna banga Pasian a biak nop loh man un 

a mawhmat hi leh dih mawk hi. Mihing leh dawite kop in a khel thei pen 

a a phawk khiat uh sim mawhna te, (77) maitang salh nate, leh 

gawtbawlna te amau te tungah azang uh hi. 

Rome in a ki mu dah pawlte phiat siang ding khat vei sawm a, 

pope in zum thu (papal bull) pia khia in tua mite pen upna lampialte hi, 

thah siang ding hi, a ci hi. Amaute tha dah, tat sia, thupalsat, ci loin 

misiangtho bangin kibawl in “Tuu huang sunga tuute zol khia uh hi” cih 

thu tawh ki mudah a hi hi. Tua ahih manin pope thu piakna ah, “Tua 

thu tangpeek, kih huai a huaisia pawlte in hong kiciam ding uh a nial uh 

leh, gunei gulte sukzan bangin ki sat zan ding hi” ci hi. Hih a ki phasak 

thupiapa in a kammalte za kik kha ding ahih lam a phawk kha ding 

hiam? Thukhenna mai ah amah dawntuah dingin vantung laibute sungah 

na kiciamteh ahihna thu a thei nangap ding hiam? “Ka sanggamte a neu 

pen khat tunga na bawlna uh Kei tunga hong bawl na hi uh hi”, Jesu in 

ci hi. Matt. 25:40. 

Upna lampial te bawl siatna ah hong huh ciat dingin tua zum thupiak 

(bull) tawh pawlpi mi khempeuh samin a zawn hi. Tua nasepna ah a tha 

lawp nadingun, “Taangpi mawhna a hi-a aituam mawhna hanga a thuak


ding uh daan khempeuh pan maisak ahih nadingun upna pial te su mang 

ning, ci in ki ciamna khat peuh hong nei pepeuh te, a maan lopi-a a neih 

khat peuh zong tang suak thei ding hi. Upna pial mi a thah nading ah zong 

mithat hihna pan mawh maisakna piak kholhsa hi dingin khaam hi. Tua thu 

in Vaudoi tawh kinai nateng phiat sak a, a mite khem peuh uh kiang ah tua 

te tawh kizom nawn lo dingin thupia in, kuamah in amaute huh thei lo ding, 

a ut pepeuh in amaute neihsa na te sut thei ding,” ci in thu pia hi. Hih laibu 

in na khempeuh te’ Topa a kihih sakna lak hi. Tua pen Dragon gulpi hawkna 

aw hi a, Khrist’ aw hi lo hi. 

Papal makaite in Pasian thukham bangin nuntak ding vai hawm 

lo uh a, Rome deihna banga a phuat khiat uh ngeinate banga nuntak 

ding vai hawm zaw in mi khempeuh tua bangin zawh thawh thu tawh 

zuih sak a sawm hi. Khawsik mul thawh huai no no hong bawl uh a, 

Pope te leh phungzite in kih-huaina a tuam tuam leh Pasian neu bawl na 

te, Satan deih bangin phuangphuang mai uh hi. A omzia peuh mah uah 

migitna om him him lo hi. Khrist khai lum in, sawltakte that lupna 

lungsim leh, sisan luan sak bek a uuk Nero in a khan’ (78) sung teng a 

thumaan te athah nop bang in Pasian’ it mite leitung pan-a siak siang 

ding nakpi-in hanciam uh hi. 

Kum za tampi sung Pasian a kihta hih mite tung ah bawlsiatna 

tung a, lungduai takin a thuak thuakna man un Honpa in amaute a 

pahtawi hi. Tua bawlsiatna crusade lak mah ah thumaan theh khia dingin 

thupuak siate ki sawl khia a, saseh saat bang ding a hih uh thei napi 

kuan khia ve ve uh hi. Amaute sabet-in ki benga, a sisan uh in khaici 

tuh bangin gah hong nei zel hi. Tua bangin Luther pian ma a kum za 

lom tampi sung Waldenses te in Pasian teci na pang uh hi. Gam teng 

leiteng ah ki theh kawi kawi uha, Wycliffe huna ki pan khia biakna 

Puahphatna khaici na tuh in, Luther hun dong, tua pan-in mai nawt to 

zel-in hun bei ding cianga “Pasian thumaan leh Jesu Khrist tecipanna” 

tawh kizom to ta ding hi. Mang. 1:9.

JOHN WYCLIFFE 63 

5 

John Wycliffe 

(79) 

PUAHPHATNA hong om ma-in tawl khat sung Laisiangtho bu ki 

tawm neih mah mah hi. Ahih hangin Pasian in Ama thu a ki phiat 

siang ding phal lo hi. Ama thumaan te a ki seel cip paisuak ding hi lo 

hi. Amah in A naseemte suah taak nadingin siik kongkhakte hongkhiain, 

thong inn kongkhak te baih lam takin phel khia thei hi. Tua zah lianin 

Pasian’ Khaa in Europe gam mun tuam tuam-a omte taw sawn-in 

sum manpha zon khiat bangin thu manpha a zongkhia sak hi. Laisiangtho 

a muh zawh nadingun huh a, amau zong tua a siangtho laigelhte lawptakin 

a sim uh hi. Bang bang a thuak lawh uh zongin thuman khuavak om 

bang bang zui nuam uh ahih thumaan om khempeuh a muh khit pah loh 

uh hangin sauveipi a ki seelcipsa thumaante tampi mah mukhia thei uh 

hi. Van sawltakte bangin amaute pusuak khia uh a, pipu thuciin’ lelte 

lah lampialnate phu keek-in, sauveipi netcip-a om mite sam khia-in tho 

khia sak uh a, a suahtak nading un hilh uh hi. 

Waldenses te lak lo ngal ah kum tampi sung ki kalhcip a hih 

manin laisiamte bek in Pasian thu thei thei uh hi. Ahih hangin Laisiangtho


pen pau tuam tuam tawh a ki tei khiat sawn in amau mun tek ah amau 

pau tawh piak khiat nading hun hong tung ta hi. Leitung in zan kim 

hun kheng ta hi. Khuamial Hun bei-in mun tuam tuam ah khua hong 

vaak ding lim hong kidawk khia ta hi. 

Kum zakhawk 14 ciangin England gam ah Puahphatna zingsol 

hong suakkhia ta hi. John Wycliffe in kipuahphatna tangko khia masa 

pa hi a, England gam bek thamloin (80) Khristian gam khempeuh 

ading zong a hi hi. Rome nial in langpan nadinga ki pia a, tua a thu 

pholh khiatte daai kik ngei nawn lo ding hi. Tua thu pholh khiatte 

hangin a mi mal bek thamlo in pawlpi-in a hi zongin, a mi nambup a hi 

zongin suahtaak nading ki thasaanna hong piang hi. 

Wycliffe in pilna a saangpi nei a, ama adinginTopa zahtaakna in 

pilna bulpi a hi hi. Amah pen college pan-in mi siangtho hoih thamcinga 

ki tuat, siamna leh pilna saangpi a nei mi khat ahi hi. Pilna tuam 

tuamte siam nadingin nakpi-in a zonga, thu ngaihsut siamna leh pilna 

te, pawlpi thubulte leh ama teen’na gam sung’ki ukzia upadite a sin pha 

diak a hi hi. Nasep hong neih khit ciangin tua a siamna te hong ki dawk 

hi. Ama khang laitak-a thugui-sutna philosophy te siam ahih manin 

pawlpi lampialna te zong pholaak dan siam pah hi. Minam thu leh 

upadi te siam ahih manin kumpi vai leh biakna vai-a suahtakna ding 

thute pholhkhiat dan zong a siam hi. Pasian thumaan kammal te galhiamin 

nei a, saangte ki-ukna zia leh saangsiate kalsuan dante a thei hi. Ama 

pianpih ciimna leh sin a atheihna teng hangin a lawmte leh a galte in a 

zahtaak uh hi. Amah a muangte in a makaipa uh pen a mi nam sung uha 

mipil pen te khat hi cih mu-in a lung kim uh hi. A galte un hih 

puahphatna vai a hawmpa pen mi mawl bang mah thei lo leh a tha neem 

ci thei tuanlo uh hi. 

Wycliffe in college a om sung mah-in Laisiangtho zong sim hi. 

Hun masa laite in Laisiangtho pen tanglai pau bek-in om ahih man in, 

laisiam lote muh zawh loh thumaan naak pen lai siamte bek in a mu


khia zo bek uh ahi hi. Wycliffe in puahphapa a suah theih nadingin tua 

bangin lampi a vang khol a suak hi. Laisiamte in Laisiangtho a sim uh 

ciangin thumaan leh Pasian hehpihna thu a mukhia uh hi. Amaute 

hilhna tawh thumaan theihna kizeel (81) khia a, mite a nungta thudik 

thumaan ah a heii uh hi. 

Wycliffe in a saang laisimte a zawh theih nadingin a kuhkal 

bang mah-in Laisiangtho sim zong a kuh kal mah mah hi. Sanga asin 

pilna leh pawlpi kihilhna te in ah lungkimsak zo nai lo hi. Ni danga a 

muh zawh loh thute Pasian thu sung ah hong mu ta hi. Hotkhiat 

nading ngimnate zong mu a, Khrist in mite adinga Palai a sepnate 

zong a mu hi. Tua a muh thute ah kipia-in Khrist nasem a suah theih 

nadingin a ki aap hi. 

Ama nunga ding Puahphapate bang mah-in Wycliffe in zong a 

nasep kipat tuung in bang ciang tung ding cih mu khol kha het lo hi. 

Rome te lang pang dingin ki pan lo ahih hangin thumaan-a a ki aap 

takpi te in thu khial tawh kido a kul tei tei kha hong hi zaw bek hi. 

Papacy lampialna a tel muh sem sem ciangin Laisiangtho thumaan 

hilhna ah hong hanciam sem sem hi. Rome leh asiampite in Pasian 

thumaan leh Laisaingtho nusia in phuahtawm thu zui zaw hi cih amuh 

manin, tua banga agamtatna uh hang takin langpan’ a, mite in 

Laisiangtho nei kik in thumaante pawlpi sunga a ki kip let kik nadingin 

a ngen hi. Amah pen a thanuam, a cingtaak sia pha khat ahih ban ah 

a, thuhilh siampa khat ahihna zui in ahilh bang mah in anungta pah mi 

ahi hi. A Laisiangtho theih telna, a thuguisut siamna, a pau ban lohna, 

leh a kuhkalnate hangin mipi’ muan mah mah khat ong suak hi. Mi 

tampite in a beisa-a a upna dinmun ciang lel uh ah lungkim zo loin 

Rome pawlpi kih-huainate in a vuh cipna te mu uh ahih manin, Wycliffe 

hilh thute a ki langtangin lungdamna tawh a saang uh hi. Papal makaite 

in amau sangin hih puah phapa mite in muang zaw uh ahihna a muh uh 

ciangin lung so mah mah uh hi.


Wycliffe in khialhnate a mu siam mah mah khat hi a, Rome te in 

zawh thawh thu tawh a zat uh a hoih lo tampite hang takin kawk khiain 

a lang do hi. Kumpipa’ thu-(82) hilhsia (Chaplain) a sep laitak in 

pope in England Kumpite tung pan siah a kaihna leh kumpi dangte sanga 

atungnun zawknate pen thulam tawnlo leh Laisiangtho thumaan tawh a 

ki lehbulh hi ci-in nakpi-in a pang hi. Pope in tua banga siah a kaihna 

hangin mipi sinso in, Wycliffe’ thuhilhna in gam makai te a thu zawh hi. 

Kumpipa leh Ukpite kop-in pope-ii leitung thuneihna langdo uh a, siah 

piak ding a deek uh hi. Tua bangin England te tunga pope’ thuneihna 

teng a hong lang do ta uh hi. 

Puahphapa’ langdona a nasia lai mah mah khat in, Siampite’ khut 

dawh nget tawm nuntakna a hi hi. England gam ah hih banga a ngen tawm 

siampi dim keei mawk a, a gam hauhna leh ma-nawtna teng sing-nget bangin 

neek sak sak ahih manin, nasepna setzone (industry), pilna zonn’na te, 

thamlo in mihing lungsim leh hatna nangawn a keu sak hi. 

Phungzite’thadahna leh khutdawh ngetna in mihingte hong zawng sak bek 

thamlo in kiman na nei nasepna te siat suah mah mah hi. Khangnote 

lungsimte sia sak uh a, nin baang sak uh hi. Tua phungzite thuzawhna 

tawh a nu a pa te uh’ thukim loh leh theih khak het loh pi mah in mi 

tampite phungzi inn ah thadah vui nadingin lut uha, phungzi nuntakna vive 

ah hong ki pia sim uh hi. Phungzi suah ding athupi sak luat manin phungzi 

masate khat in “Na kong gei ah na pa bok-in kap kap in a thuum thuum ta 

leh, na nu in hong paai na a gil leh hong vaakna a nawi hong lak in hong 

thum ta leh, a tung sik-in Khrist lam zuan-in nawkve ve in” ci hi. “Christian 

lungsim bei sak in a nu leh pa te tungah mihing suun lo zah in keivom 

lungtang guan zaw hi”Luther in a cih bangin, naupangte lungsim ah nute 

pate thu mang nuam lo siik banga sak lungtang guatna a suak hi. - Sears, 

Barnas, “Life of Luther,” pp.70,69. Tanglai-a Pharisee te bangin papal 

makaite in Pasian thukham te pen amau phuahtawm thu tawh khek-in man 

nei lo a suak sak uh hi. Inn te hawm suak (83) sak uh a, tate in nute pate 

tawh kop loin suh khiat sak uh hi.


University saangnaupang te na ngawn amau pawl suak dingin 

siampite’ zuauthu in khem khin hi. Tampi mah a nung ciangin ki sik uh 

a, anu apa te uh dah sak in amau nuntakna te nangawn a meelhem sak 

lam uh a nung phawk uh hangin thaang ah awk phot uh ahih manin in a 

suakta kik zo kei uh hi. Nute pate tampi in tua siampite thu zawh khak 

ding lau uh ahih manin a tate uh University ah puak ngam lo uh hi. Tua 

hangin siamsinna munte ah saangnaupang hong kiam hi. Saang te tha 

kiam suk-in haina in avuk cip hi. 

Pope in phungzite tung ah mawhsut mite mawhna te a maisak 

theih nading thu a pia hi. Tua pen siatna lianpi kipatna a hi hi. A meet 

ngah nading ngaihsutna-in phungzi te in tatsiatna namkim a mai siang 

sak zel uh ciangin, a uang pen siatna te a pung beh sem sem hi. Letsong 

piakna ngenh tawh na seem uh ahih manin mizawng daipam te leh dam 

mawhte kep loh-in om uh a, letsong pia zo lote gensia-in don lo mawk 

uh hi. Phungzi te hau han han uh a, a inn golpi pi te uh leh a sabuaite un 

a gam’ zawh lawhna ki langh sak hi. Tua banga uangtatna leh gualnop 

bawlna tawh mite khimm sa a suah nadingin, lai thei lo mi, tangthu 

phuah tawm siam mi leh ciam nuih siam a, mi lungdam sak thei te amau 

tangin a khah khia uh hi. Phungzite in lah thuciin’ lomtang kaikhawmin 

mipite umsak uha, pope tungnun’ penna khawng, mi siangtho zahtakna 

khawng, siampite letsong piakna khawngte hanciam zo le uh amaute 

adingin vantung ah lung muan om hi ci-in a hilh beh beh lai uh hi. 

Pilna nei gamtat hoih mi tampite in tua phungzi pawlsung thute 

puahpha dingin a hanciam uh hangin mualsuah zo lo uh hi. Ahih hangin 

Wycliffe in a sung tawng dong tel (84) takin mu ahih manin, tua siatna 

te a zungpi bot khia-in atawnzia khem peuh maan lohna leh phiat siang 

akulna a genkhia hi. Ki kupna te leh dawp telna te hong tho khia pah 

hi. Phungzite khualzin kawi kawi in a vaakna te uh ah pope mawh 

maisakna a zuak uh ciangin mite in Rome phungzipipa kiang pan mawh 

maisakna nget ding sangin vantung Pasian kiang pan nget ding kilawm 

zaw lo ding hiam? ci-in na dong kik uh hi.


Mawh maisak nading sum tawh kilei thei mawk ding hiam cih 

khalauna om kawi kawi hi. Hih phungzite duh-hopna te uh lam dang sa 

a a patau mi tampi a om a, “cancer lung nektum bangin Rome phungzi 

te leh siampite in eite hong ne tum uh hi. Pasian in hong huut kei leh 

mite kisia ding hi,” ci uh hi. – D’Aubigne, b.17.ch 7. Hih khutdawh 

ngen siampite in a huai hamna uh a sel mang nadingun Honpa leh a 

nungzuite in mipite’ piak letsong tawh a ki vaak a etteh ka hi uh hi kici 

lai deep uh hi. Tua banga a gamtatna uh hangin mi tampi te in Rome-ii 

deih loh pen ahi, Laisiangtho thumaan zon’ na-in na nei zaw behlap uh 

a, amau nasepna na sak zaw lai hi. Thamlo in amau sel cip nop thumaan 

bulpi teng zon khiat nopna a guan sak ta zaw thong hi. 

Wycliffe in phungzite a langpan’na laihawmte zong gelh-in 

hawmkhia ding hong kipan ta hi. Tua laite pen phungzite’ mawhsakna 

teng dawnkik nading ngimna sangin mite lungism in Laisiangtho leh a 

neipa zongkhia leh cih deihna ahi zaw hi. Mi khat peuh peuh ama mawhna 

hangin Pasian nawhkhiat lohpi in, mi dang khat in a hawlkhiat theih zong 

hilo ahih manin, Pope in mawhmaisakna leh nawh khiat theinna vai ah 

siampi nautang khat sangin lian zaw tuanlo hi ci-in a gelh hi. Mi tampite’ 

khaa leh pumpi galmat suah na dang in Pope in a gat tawm biakna leh 

leitung a ukna puanbu pi sanga a khuh cip zo zaw bang mah om lo hi. 

Tua baan ah, Rome in mikang kumpi a sai se loh nadinga a dal 

dingin zong Wycliffe a kisam mah mah a hi hi. Netherlands ah ambassador 

a sep kum 2 sungin pope-ii menzilian te tawh na a seem khawm 

uh hi. Tua lai ah, France, Italy leh Spain te pana sia liante tawh hong 

kimu uh a, England pan-a a theih khakloh thu tampi zong a hong (85) 

muh beh in, a nung cianga a nasep lai nadingte ah a zat ding thu tampi 

hong ngah beh hi. Pope sawltakte kiang panin a zumpi uh’ ngimna thu 

laigil te zong hong man khia hi. England-a hong ciah kik ciangin, tha 

nuam zaw leh hanciam zaw lai-in, a thuhilh ngeina hong zom kik in, 

Romete’ pasian pen huaihamna, akiphatsakna leh a mikheemna te hi ci 

in a langtang-in hong taang ko khia hi.


Pope leh a siahdong te thu a laihawm khat sung ah a hi ci gen hi, 

“Amaute in i gam leitanga mizawngte nuntakna teng huup kang uh a, 

kum sim-neek khawm bawl nading leh biakna nasep nading ci-a a tul 

tul-a i kumpi sum a laak te uh leh samsiat ahi upna lampialna lam-a 

panmun leina (simony kici pen)-in, Khristian buppi kheem-in a ki huh 

sak sak uh hi. I gam ah kham mualpi khat om hen la, mi dang in la loin 

hih leitung hauhna tawh a kisathei phungzipa’ siahdongpa bek in la leh, 

hun khat ciangin tua mual bei ding a, I gam sung sum teng zong tua 

bangin la-in hong puak kik ngei nawn lo a, tua sumte Pasian samsiat lel 

ding zaleina sum suak sak zen zen uh hi,” ci hi. – Rev. John Lewis, 

“History of the life & Sufferings of J. Wyclf.” P. 37 (ed. 1820). 

England-ah hong ciah kik khit a sawt loin Lutterworth ah Siapi 

(Rector) dingin Kumpipa in Wycliffe a teel hi. A kumpite in ama thu 

gente za dah het lo ahihna tua pan in ong ki lang hi. Wycliffe thugente 

in Zumpi te thu tang sak a, gam mite thu-upna zong puah pha 

mah mah hi. 

Papal huzaap in vanging keekbaak bangin amah a hong deeng 

pah hi. Bull kici Pope thupiak lai dal 3 tak England hong tung pah a, 

khat University ah, khat Kumpipa kiang ah, a thumna phungzite kiang 

a hong tung hi. Tua thupiak 3 te in a vek mah in lampial thu hilh sia 

Wycliffe tha khat-a the bet-khiat bat sak nading sawlna a hi hi. – Neander, 

“History of the Christian Religion & Church,” period 6, sec. 2. Part 1, 

para. 8.Tua bull te a tun’ ma-in Bishop te na thanuamlua kisa in thusit 

dingin Wycliffe na sam khin zo uh hi. Ahih hangin a gam sunga thunei 

manglian 2 in thu sitna ah zui uh a, mipite in zong tua thusitna inn kiimuum 

in tha khat in lut uh in, thukhen mangte nehthawh gawpin thusitna 

kipelh sak uh a, utna peuh ah a pai mang thei dingin a bawl uh hi. Tua 

(86) zawh a sawt loin pope sawltakte in amau tawh Wycliffe langpang 

ding a akut den uh putek Edward a 3-na pa hong si ahih manin Wycliffe 

a keempa pen gam ukpi hong suak hi.


Tua banga papal Bull England hong tun’ ciangin thunialpa mat 

nading leh thong khiat nading nial theih loh-in thu a om hong suak ta 

hi. Tua bawlsiat nading zia pen kihaalna khuam hi pah pah mai ta hi. 

Tua thu hangin Wycliffe pen Rome te thangpaihna phuu aba pa hong 

hi ta hi. Ahih hangin tanglai pek pana, “Lau kei in, Keimah in lau 

huaina pan kong hu ding hi” Piancil 15:1 aci Pa in a naseempa hum 

dingin a khut a zan leu leu ciangin sihna in Puahphapa kantanin, suksiat 

sawmna a phuang khia phungzipi Gregory a 11napa tung a tu hi. Tua 

ciangin Wycliffe sit tell dinga kikhawm biakna makaipi teng ki 

khenthang mang uh hi. 

Pasian vaihawmna hangin, puahphatna mai a nawt lai tadih 

nading hun hong om thei lai hi. Gregory hong sih ciangin a mun luah 

ding pope nih ong kidem hi. Tua te gel in a khial thei lo in kigen tuak 

in, ki langpan tuak uh ahih manin, ama pawl lo te nasia tak-a a bawlpih 

ding leh, a amau lam a pangte vantung ah letsong piak dingin mipi a 

khaam tuak tuak uh hi. Tua bang thu hong om man in papacy vaang 

hong tha neem tuam mah mah in, a kilang bawl pawl nihte kido ki-el 

niloh kal in tawm vei sung Wycliffe hong tawldam thei hi. Pope leh 

pope kikal ah pawl pua-a paih khiatna leh bawlsiatna ki thuk tuak 

tuak uh a hih manin, sisan hawktui-in a luang hi. Kithahna te leh ki 

gensiatna te pawlpi sung ah hong dim hi. Tua hun sung tengin 

puahphapa in Lutterworth-a a inn ah a tawlnak kawm-in pope 

kitawngte kiang pan mipite in ki Lemna Kumpi Jesu kiang azuat na 

dingin hanciam in na asem hi. 

Tua ki pawlkhenna a leh kitotna teng hangin Puahphatna nasepna 

ading leh papacy’ keekluphumteng mite in a tel muh theih nading in 

lampi avangsak hong suak hi. Hih phungzipi nihte in amau leh amau 

antikhrist a kicih tuak tuakna pen maan mah mah ahi hi ci in “Pope te ki 

khenkhapna” tawh kisai in Wycliffe in a laihawmna khat ah a gen hi. 

(87) mite in Khrist min tawh alang nih in olno-a azawh theih nadingin 

Pasian in hi dawino tegel, anih un khen kham in, uk sak nawn lo ding


hi” ci hi. – Vaughan, R., “Life & Opinion of John de Wycliffe, Vol. 2, 

p.2, ed. 1831. 

Wycliffe in a Topa mah bangin mizawngte tung ah thumaan a 

hilh hi. Lutterworth-a a bial sunga a inn phual panin khuavak a theh 

khiat bek tawh lungkim zo loin England gam mun ci teng zeel sak dingin 

a seh hi. Tua nasep a pi cin’ theih nadingin migen nop, a kipia zo tak 

tak, leh nadang khempeuh sangin thumaan deih zaw a a genkhia nuam 

mihon lom no khat tawh pawl na phuan khia hi. Tua mite mun ci teng 

ah lut-in vanzuakna mun (market) khawng, khuapi kongzing khawng, 

leh gam sung zin lamneu khawng dongah pai in thuman a puak kawi 

kawi uh hi. Puteek piteek te, cina te, leh mizawng te zong khia uh a, 

amaute kiang ah Pasian lungdamna thupha a lak kawi kawi uh hi. 

Oxford sangpi ah Theology lam hilh Professor ahih mah bangin 

Wycliffe in University innpi sung ah Pasian thu ahilh hi. Deih sakna 

tawh saangnaupang te Pasian thu hilh ahih manin, “Gospel Doctor” 

min a ngah hi. Ahih hangin a khan’ sunga a nasep lian pen in mikangte 

pau-a Laisiangtho a tei khiat a hi hi. England gam mi kim in ama pianpih 

pau tawh Pasian nasepna thupite a sim theih nadingin Laisiangtho a tei 

khiatna thu “Thumaan leh Laisiangtho Khiatna” cih laibu ah a gen khia 

hi. Ahih hangin tha khat thu in ama nasep a khawl hi. Gal le sa lak-a a 

nasep sepna, leh a lai sim simna teng in Kum 60 zong pha nai lo napi a 

teek suah hi. Cinatna lauhuai nasia tak ahong thuak hi. Tua thu 

phungzipi te in a zak uh ciangin nuam mah mah uh a, pawlpi a 

mawhkawkna teng ki sik kik mah mah ta dingin tuat in, a ki pulaakna 

ngai dingin tha khat-in a inn sung ah paiin hong lut uh hi. Catholic pawl 

4 pan palai te leh kumpi lam pan ulian 4 hong ki sawl a, a si dinga a 

muanmawh uh Wycliffe kiangah hong kikhawm uh hi. “Pau zong na 

pau zo nawn pha kei hi. Na mawhna hang a hi hi. Tu-in ko teng’zakin 

nong natsakna teng ka kisik kik hi, ci-in hong pulaak ta in” a ci uh hi. 

Puahphapa in daai (88) takin ngai a, a lupna tung ah phongh to dingin a 

nat khoi mi kiang ah ngen a, a ki pulaakna ngak-a ama kiim-a omte en-


in, “Kei ka si kei ding hi. Ka nungta ding hi, phungzite gamtat hoihlohna 

teng ka genkhia kik leu leu ding hi,” ci in tua mite a ciliing zosak ngei 

kammal khauh tawh a dawng hi. –D’Aubigne, b.17. ch.7. Tua ciangin 

cimawh mai mawl in siampite in tua inn dei a tai khiat san ta uh hi. 

Wycliffe thugen tung takpi hi. Rome langpan nadingin galhiam 

khauh pen pen a gam mite khut ah pia dingin amah nungta hi. Thuhilh 

ding, khuavak sak dingleh a suakta sak dingin a gam mite Laisiangtho a 

pia khia hi. Hih nasepna vai kaai saka a nok khak tam mah mah hi. 

Natna in Wycliffe hong buak a, kum tawmno sung bek seem zo lai ding 

ahihna leh a thuak ding lang bawlna te mu khol zo hi. Ahih hangin 

lungsi tuan loin Pasian thuciam kammalte tawh ki hansuah-in mai a 

nawt ve ve hi. A pilna leh a phuut khaksa thu tampi tawh Pasian in hih 

nasep sem dinga a seh tuam vil vel hi a, athahat, a ki gingkhol kinken 

naseempa a hong suak hi. Amah tua nasep sem dinga kiteel tuam cih 

atheih manin Khristian gam teng a buai lia lua lai tak nangawn in, 

Puahphapa in hehna khuasia kipei te awl mawh se loin Lutterworth-a a 

Rector nasep pan-in a sem sem mai hi. 

A tawpna ah a nasep hong zo siang thei ta a, mikang pau-a 

Laisiangtho om masa pen pen a hi pah hi. Pasian thu England te mai ah 

hong kihong khia ta hi. Puahphapa in thong inn sungte leh kihaalna 

khuamte zong kihta loin awlmawh nawn lo hi. Amah in mikangte khut 

ah a bei kik ngei nawn lo ding Laisiangtho amau pau-in pia khia thei ta 

hi. Laisiangtho a piakna hangin thuphawk-lahna kol teng kisutkhia in 

mite suakta sak ahih manin in a gam tawi saang pha pen nasepna a suak 

hi. Gal kikap-a zawhna tuam tuamte khempeuh sangin tu-a gualzawhna 

lian zaw tham pek hi. 

Laikhetna set ki bawl thei nai lo ahih manin, Laisiangtho bu 

dang bawl beh nading pen cim taak huai-in zekai mah mah hi. Tua 

laibu ki deih mah mah ahih ciangin mi tampi in a tei khia sawn dingin 

kipiak uh a, a sepna haksa lua in a ki deih zah zah bawl sak zo lo uh hi.


A hau zaw deuh te in a bu bup in deiha a lei zawh uh hangin, kimkhat te 

in a phel phel bek a lei zo uh hi. Mun khat khat ah innkuan nih le thum 

kipawl in a bubup-khat in lei khawm uh (89) hi. Tua bangin mite inn 

sung dongah ah Wycliffe Laisiangtho bute hong tung hi. 

A ki aapna-sa uh papal upna sung panin hong lungkaa zel zul 

uh hi. Hotkhiatna in Khrist upna pan bek-in ki ngah thei hi a, a khial 

thei lo Laisiangtho bek om hi, cih Protestant upna bul teng Wycliffe 

in tu in hong tel hilh mah mah ta hi. A sawl khiat thuhilh siate leh a 

Laisiangtho hawm khiatte hangin England gam lang taang bang in na 

saang thei ta uh hi. 

Laisiangtho leh a thu man a kizelh sem sem ciangin pawlpi 

thuneihna te mai hiau ding patauh huai mah mah ta hi. Agalhiam te uh 

in a suk zawh loh ding Wycliffe sangin a vanglian zaw khat tawh a kital 

sik ding uh a hi ta hi. Tua hun laitakin England ah Laisiangtho bu 

khaam cipna thukham om lo hi. Bang hang hiam cih leh, amau pau in 

tua thubu ki hawm khia ngei nai lo hi. Tua laibu dal cipna’ng thukhamte 

a ki nung bawl kik kik zel hi zaw hi. Tua hun in siampite hong ki tha 

saan uh hangin Pasian thubu hawm khiat nadingin hun hoih tawm hong 

om lai hi. 

Papal makaite in Puahphapa’ aw a daih theih nadingin hong 

hanciam pha leu leu uh hi. Thusitna ah thumvei vil vel sam-in sit uh a, 

ahih hangin a zo kei uh hi. Amasa in bishop teng kikhopna ah a laigelhte 

lampial hi ci-in mawhsak uh a, kumpi moilai Richard a nihnapa amau 

lam ah pang dingin thu-zawh ahih man un upna tuam pian a saang mi 

peuhmah thong kikia sak ding hi ci-in kumpi thupiakna (decree) a 

gingkhia sak uh hi. 

Pawlpi’ thuneihna hanga minambup siatlawhna teng puahphat 

ding kisam ahihna Parliment a gammakaite tungah hangsan tak in a 

pulak hi. Papal gamtat siatna te leh thumanlo pi-a thuneihna a zat zia te 

a gen khiat ciangin a galte ci mawh in abuai gawp uh hi. Putek khat


pawl sam in koih leu uh pawlpi leh Kumpi thuneihna nuai ah hong ki-ap 

lel dingin um uh ahih manin, aki ap nading un Wycliffe nungzuite leh 

apanpih pe-peuh a hah bawl uh hi. A lam-et uh bang a pian sangsik-in 

pope pawlte nangh zaw in a ci-mawh zaw uh hi. Parliament in Wycliffe 

ngetna thupi sa zaw ahih manin, bawlsiat dinga a thukip saksa (Edict) 

uh phel kika, puahphapa hong suakta leu leu hi. 

A thum veina dingin agam sung biakna zum saang pen pen ah a 

puak uh hi. Tua lai ah a lampial (heresy) thunialte peuh mah hehpih cih 

bang a om thei nawn het lohna mun a hi ta hi. Tua mun panin Rome ong 

gualzo dinga, Puahphapa nasepna ki khawlsak ta ding hi ci in Pope 

pawlte in lam en uh hi. Amau ngiimna bang picin’ thei le uh Wycliffe 

ama upna pan tawkik in kiciam sak dinga, a ut kei leh thukhen-na zum 

panin meihal nading khuam phung zuat sak ding in a geelkholhsa uh a 

hi hi. 

Ahih hangin Wycliffe in a lungsim bang lopi gen thei lo a hih 

manin tawkik lo hi. Hangsan takin a thuhilhte zom ve-ve a, a bawlsia te 

mawhsak na teng a nial tei-tei hi. A pumpi ahi zongin, azaliatna le a 

dinmun cihte ahi zongin mangngilh-in, a hun a mun cih zong a phawk 

kha kha nawnlo in, a thu gen a za mite kiang ah Pasian thumaan leh thu 

kawi bawl-a phuah tawm thu te khai kaak dingin a zawn lai lai mai hi. 

Tua Council zum sung ah Kha Siangtho vaangliatna hong tung a, tua 

thu a za mite tung ah Pasian huu saa hong tung hi. Tua mun taisan 

theilo zah ding in om uh hi. Pasian piak Puahpha pa kammalte in amaute 

lung tang thal tang bangin a vut hi. Thu nial ci-a amah a ngawh na teng 

uh nial theihloh dingin in mau a leh ngawh hi. Bang hangin tua mawhna 

te theh keek lai lai ngam uh hiam ci in a leh dot zaw ta hi. Leitung 

hamphatna ngah nadingin Pasian thupha sum meet bawlna-in zat ding 

kilawm a hi hiam? ci ta mai hi. 

A tawpna ah, “Kua tawh kinial na hih lam uh na thei uh hiam? 

Haan kawvang gei a tung ta puteek khat tawh a ki nial nial lel-in na ki


seh lai uh hiam? No muh bang hi lo in, Thumaan tawh kinialna hi uh hi. 

Thumaan pen no sangin hat zaw ahih manin, a hong zo gawp ding hi” ci 

lai hi. – Wylie, b.2, ch.13. Tua khit ciangin mipi lak pan ciah a, a galte 

khat beek in kho in amah buaisak a sawm nawn kei hi. 

Wycliffe nasepna kizo dek ta hi. Thumaan dialkhai sawt veipi a 

na let kinken pen ama khut pan kiin khia baih ta ding ahih hangin Gospel 

thu khat vei teci pang lai ding hi. in mawhna gamsung tekmah ah 

munkip la-in thumaan ki taang ko ding hi. Rome-a popete mai ah thusitna 

thuak dingin Wycliffe a kisapna mun in misiangthote sisan a na luan sak 

den zel na mun ahi hi. Kawngkaw natna in dongkhak zel lo hi leh, a 

thuak ding bawlsiatnate thei gige mah in asep ding teng a sem nuam 

veve hi.(91) Zahtakna leh deihsakna bulphuh in papal kisaktheihna leh 

thupi nop luat nateng taina lai pope tung ah akhak hi. 

A genna ah: “Mi khempeuh te tung leh a diak diak-in Rome-a 

Bishop pipa tung ah ka upna guiteng pulaak ding ka hih manin ka lung 

a dam hi. Ka hilh upnate a maan ahih leh deih sakna tawh a na kipsak 

ding, a khialh leh a khialhna hong puah sak ding ka deih hi. 

“A masa bel in, Khrist lungdamnathu in Pasian thukham buppi 

hi ci-in ka um hi….Rome-a bishop zong leitunga Khrist taanga ding 

ahih leh tua Gospel thukham in mi dang khempeuh sang in ama ading hi 

pheelmawh zaw kan dingin ka um hi. Bang hang hiam cih leh Khrist 

nungzuite liatna pen hih leitung zaliatna te bang hi loin Khrist leh a 

nuntakzia etten in a kinai pen pen a zuihna hi zaw ding hi…. Khrist hih 

leitunga hong zin lai-in a zawng pen pen-in hong om in, leitung ukna 

leh minthanna a nial hi… 

“A thumaan mite adingin pope hi ta leh mi siangtho khat peuh hi 

ta leh, Topa Jesu Khrist a zuih bangin zuih ding kul lo hi. Peter leh 

Zebedee tate in zong Khrist kalsuanzia tawh kileh-bulhin leitung 

zahtakna alam-etna tawh zui nuam uh a ahih manin a khialh uh bangin 

ih zui kei ding hi….


“Pope in leitung thuneihna nusia hen la, a leitung ukna teng paai 

khia-in biakna lam nasep a bumpi-in sem leh, tua pen Khrist sep dan 

leh, a diak diak-in, a nungzuite sep bang hi zaw hi. Tua mun ah khial ka 

hih leh ki niamkhiat pen penna tawh hong puah ding uh a, a kul leh 

sihna dong thuak dingin kong kipia hi. Ka ut bang bek-in na sem-in ka 

deih bang a hih thei hi leng bel ka pumpi Rome-a bishop mai ah kong 

kilaak tak tak ding hi. Ahih hangin Topa in a leh lam-in hong bawl-in 

mite thu sangin Pasian thu mang zaw dingin (92) hong sawl hi” a ci hi. 

A tawp nadinga a genna ah: “I Pasian tung ah thu ngen ni in, I 

pope Urban 6-na hong ki toksuah-a hong hanciam nadingin thu ngen 

ni. Amah leh a khut nuai-mi sia a seemte in Topa Jesu leh a nungzuite 

nuntak lai-a a gamtatzia te uh a zuih takpi theih nadingun ngen ni; tua 

hi leh amau in mite a hilh na uh bun ding a, mite in muanhuai takin amau 

nung zui sawn thei ding uh hi” a ci hi. – Forx, “Acts and Monuments”, 

Vol. III, pp. 49,50. 

Wycliffe in Jesu’ taang hi ung a kici pope leh Cardinalte tung 

bek thamlo in Khristian buppi tung ah Khrist ki niamkhiatna leh amuate 

kilam danna te lakin, atang-a a dinga akici te in akiniamkhiat tham zawk 

ding ahihna langsak hi. 

A upna akip let nadingin anuntakna in sawng ding ahih lam 

Wyliffe in seh sa in a koih gige hi. Kumpipa, pope, leh bishop te kikopin 

kha tawm vei khit ciangin kihaalna khuam phung ah Wycliffe tun in 

suksiat nading geelsa-in akoih uh hi. Ahih hangin ama haanna kiam lo 

hi. “Bang hangin thahna kumpi lukhu gamlapi-a zon ding gen gen na hi 

uh hiam! A kiphasak siampite Khrist Gospel thu hilh le ucin thahna in 

hong pel lo ding hi. Bang e! Nungta laipi mah in, daai cip ding ka hi 

hiam?….Tua bangin ka om ngei kei ding hi! Bawlsiatna nawk ding mah 

in ka ki ging kholzo hi,” a ci hi. – D’Aubigne, b. 17, ch. 8. 

Pasian khutin a nasempa hum lai ahih manin, khantawn a thumaan 

lam-a a ding den in nisial-a siatna a nawk ngit ngetpa pen a galte muh


dahna lel tawh kisia lo ding hi. Wycliffe in amah leh amah kisel sim-in 

bu ngei lo napi. Topa in amah a hum hi. Agalte’ bat nading mun a a om 

ciangin, a bat zawh lohnading mun ah a na khin khia zel hi. Lutterworth 

biak inn sung uh ah neek khawm bawlna hawm dinga a om laitakin 

kongkaw-in puuk-a, tawm vei khit ciangin a nuntakna a bei hi. 

Pasian in thumaan kammal Wycliffe ama kam sung ah guan sak 

a mipite tunga a hih thuman a tun theih nadingin a cing a keem ding 

nasep a guan hi. Puahphatna ding mun bulkip a phuh khit dongin (93) 

Pasian in Wycliffe nuntakna keem keem a, a nasepna hun sot sak hi. 

Wycliffe in khuamial-khang (Dark Ages) khuazing pi lak pana 

hong pusuak a hi hi. Ma ban azop beh ding puahphatna nasem ama mai 

ah kuamah hong pusuak nai lo hi. Tuiphumpa Johan in nasep tuam vil 

vel hong sep khiat bangin amah’n zong hun khen thak khat hong taangko 

khia a hi hi. Tua a pholh khiat thumaante ah a nung kum za dong 

puahpha te in ama muh khiatsa val muh beh tuan nawn lo thamlo in 

pawl khat bang in ama phak tan zong baan lo zaw uh hi. Ama phuhsa 

thumam khuambulpite thuuk-in zai-a, akhunsa thumante zong kip in 

maan lua ahih manin, ama nunga te’ puah phat lai ding bang mah om 

nawn lo hi. 

Wycliffe-ii sepna in mite lungsim suakta in pil suah a, sau veipi 

Rome te hen cip aminam bup in Laisiangtho sung thu tawh suakta sak 

hi. Tua thupha tuinaak pen kum za khawk 14na pan in hong phuul khia 

ta hi. Laisiangtho pen Pasian kiang pana Ama deihna bang thu a hong 

kilak upna phuh nadingin phinciil takin zuih ding thu hi, ci in Wycliffe 

in a saang hi. Amah in kum tul bang a kipsa Rome pawlpi upna zuih lel 

ding hi ci-a a um ngei pa ahih hangin Pasian thu man zawk nading mun 

a tun ciangin Rome upna panin ki heii khia ngam hi. Tua thu mah zui-in 

mite zong hilh in azol hi. Mite in Pope tung tawn in thu a gen uh sangin 

Pasian thu siangtho bulphuh in a gen ding uh ahih zawkna a gen hi. 

Amah in, Laisiangtho pen Pasian deihna pulakna leh a khiatna Kha


Siangtho in hong hilha mi khempeuh in tua lai a sim ding uh amau 

nasep hi cih atheih ding uh kisam hi, ci in zong ahilh hi. Tua bangin in 

mite lungsim Rome pawlpi leh pope te kiang pan Pasian thu sung lam 

ah a heii khiat sak hi. 

Wyliffe pen biakna Puahphate makai liante lak ah khat a hi hi. A 

pil ateina, athumuh siamna, leh thumaan kemcing dingin lungsimkho 

nei in adinpih ngamna te (94) ah ama nunga hong khang khia puahphate 

lak ah amah ban ding tawm mah mah hi. Nuntak siangtho in, lai sim leh 

nasep kuhkal a, gamtat siangtho tawh na asepna ah Khrist suun-a itna 

leh muan huaina a neih na te hangin Puahpha te lak ah a ma dawk penpa 

a hi hi. Khuamial hun leh mihing lungsim siat pen pen laitak in tua bang 

mi hong piang khia hi. 

Wycliffe gamtat zia le tong teng pen hilhpila a piangthakna apia 

thei Laisiangtho’ vangliatna lahna lim a, tua bang nuntakzia a neih 

theihna zong Laisiangtho hang mah a hi hi. A kilakkhia thumaan lian 

pomin akip let ciangin alungsim, angaihsutna, leh a pumpi sung ah hatna 

leh navakna a lut hi. Tua in a lungsim zai sak a theih baihna leh khentel 

siamna a nei sak hi. Laibu dangte simna tawh a ki ngah thei lo lungsim 

hoih leh theih theihna te Laisiangtho simna tawh ki ngah thei hi. Tua in 

tupna kho, thuak zawhna, lung khauhna, leh hanciamna te guan thei a, 

gamtatna leh khaa lam nuntakzia siang tho sak hi. Zahtakna leh 

lunggulhna tawh Laisiangtho aki sim ciangin a sim mipa leh mong neilopa 

lungsim hong kizom sak in, mihing lel mah hi napi in, mihing hilh ngei 

pilna tuam tuamte in a ngah sak zawh ngei loh pilna taktak picin’na 

thute a guan thei hi. Laphuakpa in: “Na thu te gentelna in khua vak 

saka, thu theilo te tungah thu theihtelna a guan hi” mah na ci hi. Late 

119:130. 

Wycliffe upna te tawlpi khat kihilh zom lai hi. Ama nungzuite 

pen Wycliffe-te peuh Lollards peuh a kici hi. England gam sung bek hi 

loin gam dangte ah zong zin khia in Gospel thu va puak uh hi. A makaipa


in a sihsan hangin amaute tha nuam zaw kaan lai uh a, a thuhilh na uh 

mipi in ngai nuam uh ahih manin, mi honpi pi in a za uh hi. Tua thu 

ngaite lak ah Ukpite leh Kumpite’ zite na ngawn hong kihel uh hi. Mun 

tampi te ah mipi kikheelna hong om-in Rome te thu a zuihna hang uh a 

a milim biak te khawng uh a paai khia uh hi. Laisiangtho lamlahna azui 

mite tungah bawlsiatna khuasia kipein in, lipkhap huai leh cikze lo in, a 

nuai pah ta hi. Kumpi vangliatna akip theih nading in Rome te huh ding 

a deih man un England kumpi in zong Puahphate peuhmah thah ding 

(95) haksa sa het lo hi. England te tangthu ah gospel naseem te thahna 

ding khuam phut dingin kumpi’ thu piakna masa bel asuak hiau ta hi . 

Thahna in thahna hong zui suk suk hi. Thumaan lam-a pang peuh mah 

a ki bawlsiatna kahna aw te bek mipite (Sabaoth) Topa’ bil in za ta hi. 

Kumpi leh-hek Pawlpi galte ci-in sabet-in a bet uh ciangin, mun simtham 

te ah thu hilh ve ve uh a, mi zawngte inn sungte beel in, khat vei vei 

gam lak kaw hawm sung khawng ah a bu uh hi. 

Bawlsiatna a na siat mah mah hangin daai tak, ki pumpiak in , 

tha nuam leh lung duai tak in kum zalom tampi sung upna maan lo niala 

a thuak kenkon mah na om ve ve hi. Tua hun lai-a Khristian te in 

thumaan kim khat bang bek a theih uh hangin Pasian thu a muh zah zah 

mangin ki-it ding cih thei in, tua ciang lel mah tawh na sih lawh ngam 

tham zel uh hi. Sawltakte khang lai-a mah bangin mi tampi in aneihsa 

te uh Khrist hangin taan lawh uh hi. Amau inn-a teeng thei lai sunte in 

a ki nawh khia a lawmte uh tawh lungkim takin teeng khawm uh a, 

amau zong a ki nawh khiat hun hong tun’ cingin lungkim tak mah in 

thuak lel zel uh hi. A bawlsia te hehna kihta in suahtakna a ngah theih 

nading zong mitampi te a upna uh nusia-in kisik kikna puantual silh sak 

uh a, amau nung tolhna thu mi teng zaka tangko ding in thong inn pan 

pai khia sak uh hi. Mi zawng mihau leh uliantampi zong na om uh hi. 

Tua bang mite in lau lo takin leisung kaw hawm khawng panin thumaan 

teci napang ve ve lai uh a, “Lollard Tausang” khawng, bawlsiatna leh 

meikuang lak khawng ah “Amah (Jesu) tawh a thuak khawm” thamcing


dinga a om theih uh angtan pihzaw uhhi. Papist te in Wycliffe a hin’ laia 

a nasepna ah gual-lel lua kisa mah mah uh a, a pum pi han sung ah 

daai taka a tawl ngak ding nangawn haza in lungkim zo lo uh ahih 

manin, asih khit kum 40 bang sawtzo hinapi Constance khua kikhoppina 

pan a thupiakna uh tawh a guhte phong khia kik in mipi muh in haal 

tum uh a, a kaangvu te a kiang nai gun neu khat ah a bua uh hi. Laiigelh 

pisal khat in a genna ah, “Hih gun neu in, a vuu Avon gun ah luan pih 

suk a, Avon pan-in Severn ah lut in, Severn pan tuipi nakte ah lut-a tua 

pan tuipi sunga lut suk (96) hi. Wycliffe’ vuu in leitung buppii ah ki 

theh ziah zuah kawi kawi ama thu muh khiat upna bulte lim a ciing hi,” 

a ci hi. – Fuller, T., “Church History of Britain,” b. 4, sec. 2, par. 54. A 

galte in amau gitloh gamtatna teng in zong, tua bang mahin, leitung 

bup zel thang mang khin zo ahih lam phawk kha het lo zaw phial uh hi. 

Wycliffe laigelhna hangin Bohemia-a John Huss in zong Rome 

te khialhna tampi nusia in Puahphatna nasep hong seem hi. Aki gamlat 

mah mah hangin, hih gam nihte gel sung dong ah thumaan khaici tua 

bangin kituh hi. Bohemia panin nasepna pen a kiim a paam gam te ah 

hong ki zeel sawn hi. Mite lungsim pen sau veipi a ki mang ngilh Pasian 

thumaan ah hong ki leh kik hi. Pasian khut in Puahphatna adingin lampi 

a hon sak kawi kawi hi.

HUSS LEH JEROME 81 

6 

Huss leh Jerome 

(97) 

KUM za lom 9na lai pek a kipan lungdamna thu in Bohemia ah 

bulkip nakha khin zo hi. Amau pau in Laisiangtho na tei khia khin 

uh ahih manin, mipi in amau pau tawh biakna te na bawl thei khin zo hi. 

Ahih hangin pope vangliatna hong khan ciangin Pasian thu pen mang 

dek tak hi. Pope Gregory a 7-na pa in a kisathei kumpite niamkhiat in 

mite sila bangin khawi a, , “Na khempeuh a neipa in Amah ki biakna 

ah theih loh kam tawh biak ding a deih hi. Tua bang ngeina a zui lote 

lak ah siatna leh lampialna tam pi piang hi” ci in Bohemia pau pen 

biakpiakna a zat khaam cipna thupiak (bull) khat a hawm khia hi.– 

Wylie, p. 3, ch. 1. Tua bangin Rome in Pasian thu khuavak nil khia in 

khuamial sung ah mite a kalhnelh hi. Ahih hangin pawlpi ading vantung 

in nasepna dang khat vaihawm sak a, Waldenses te leh Albigenses te 

tampi amau inn omna France leh Italy panin bawlsiatna tawh ki hawl 

khia ahih manin, Bohemia a hong tung uh hi. A kilang tangin a hilh 

ngam loh uh hangin simtham in na a sem ve ve uh hi. Tua bangin upna 

maan pen kum za khawk khat pan a dang kum za khawk khat ah aki 

zom in ki kem to to hi.


Huss hong khan’ ma-in Bohemia ah pawlpi lampialna leh mite 

tatsiatna te tangtakin a kawk khia ngam mi na om zo hi. Amaute nasepna 

in mipi’ lungsim khanglo sak mah mah ahih manin, Pawlpi sung ki ukna 

ah makaite patauhna hong tho khia a, Gospel nungzuite a ki langtang in 

bawl siatna hong om pah zel hi. Biakna pia dingin gamlak mual lak ah 

ki hawl khia a, galkapte in nungzuih in sabet-in beng uh a, mi tampi a ki 

that hi. Hun khat khit ciangin thupiakna (98) khat hong bawl uh a, 

Rome biakna pana ki khenkhia peuh mah ki haal ding hi ci uh hi. 

Khristiante in a nuntakna uh a taan ngam zel uh ciangin zo kisa mah 

mah uh hi. “Singlamteh-a ki khai Honpa upna bek tawh Hotkhiatna ki 

ngah thei hi” a ci mikhat a thah lai-un, a sih kuan akam pauna ah, 

“Thumaan dote’ hong bawlsiatna in eite hong zawh mah mah hangin a 

tawntung hi lo ding hi. Mipi lak pana namsau leh thuneihna suanglo in 

Hang bei leh hang hong ding zel dinga kuamah in amah lang nial zo lo 

ding uh hi,” ci hi. –Wylie, b. 3, ch. 1. Luther hun ding lah a sau vei lai 

hangin Rome langdo in teci pan’na tawh minam bup tok suah ding mi 

khat hong ding khia hi. Tua pa in John Huss ahi hi. 

John Huss pen minam lian a hi kei hi. A pa in sih sanh baih ahih 

manin mi tagah khat ahi hi. A nu pen mi dik khat hi a, Pasian kihtat na 

leh pilna in neihsa khempeuh laka a manpha pen hi cih pom ahih manin, 

a tapa’pil nadingin a hanciam sak pen hi. Huss in gam sung khuate ah 

sang kah phot in, tua panin Prague University ah huhna kipiate tawh 

sangkah dingin a kisaang hi. Prague lam zuan-a hong pai lai-in a zawng 

meigong a nu in zui a, a tapa a piak ding leitung nate nei lo ahih manin 

khuapi hong naih uh ciangin tagah tangvalnopa tawh khuk din’-in 

Vantunga a Pa uh kiang ah thupha a nget sak hi. A nu in tua a thu 

ngetna bang zah takin Pasian in saan sak cih thei kik pah khol lo hi. 

University hong tun’ ciangin a hanciamna leh khantohna te hangin 

gamtat kawk baang lo thamlo in leitung bup in a pah tawi tham cing-in 

hong ki lang khia pah hi. Jubilee khat ah a khol sun sun a sum neih teng 

mawh pulaakna-in pia a, a Zehbawlna te uh ah a zui hi. Amah pen


Rome pawlpi mi kuhkal mah mah khat hi a, khaa lam thupha ngah 

nadingin tua bangin nakpi-a a zong pha mah mah khat a hi hi. College 

a zawh phet siampi suak a, za khang han han-in kumpi zum ah hong ki 

hel pah hi. Professor hong suaka, tua zawh ciangin ama pil-sinna saang 

mah ah Rector (Sia pi) a hong suak hi. Huhna hang bek a sangkah 

naupang khat lel pen tomno sung (99) in agam bup aang taan na leh 

Europe gam buppi ah mi kidawk khat hong suak hi. 

Ahih hangin Huss in mun tuam khat ah Puahphatna nasep a ki 

pan hi. Siampi nasep a sep khit kum tampi ciangin Bethlehem biak 

inn ah thu hilh sia dingin a ki teel hi. Tua pawlpi a phuan khia pa in 

amau pau-a Laisiangtho hilhna pen thupi a sa hi. Tua dan pen Rome 

te in a lang do uh hangin Bohemia-a a nasepna a din-khawl pah hi sam 

lo hi. Laisiangtho theihna neu lua in mi teng siatna nasia pen dong 

tung suk hi. Huss in tua siatna te siit lo het-in gen a, Pasian kammal 

om bang zui-in thuman guipi in sianthona hong puak kik theih nadingin 

a ngen hi. 

Ziinglam cianga Huss lawm ong suak Prague khua mi Jerome in 

zong England pan-a hong ciah ciangin Wycliffe lai gelhte a hong pua hi. 

Tua laitak in Wycliffe’ thuhilh nate apom England kumpinu pen Bohemia 

kumpinu hong suah ciangin ama huzap na tawh Puahphapa nasepna te 

zong a gam sung teng ah ki theh zaak-in taang zai tuam mah mah hi. 

Tua laite Huss in lawp takin a na sim hi. Tua laigelhpa Khristian hoih 

mah mah khat hi ci in pom-in a puahphatna nasep zong hoih sak pih 

mah mah hi. Huss in a theih loh kal-in Rome pan gamlapi a pial khia 

khin a hi gige hi. 

Tua laitakin England gam panin laisiam mi nih in tua thu khuavak 

gam danga puak ding tang hial mah-in Prague khua hong tung uh hi. 

Pope tungnun’ penna in a ki langtang-in hong nawk pah ahih manin 

zawh thawh thu-in tua te gel a ki daai sak hangin amau ngimna bei sak 

mawk lo ve ve in, thuhilh sia hi napi limsuaih na seem in, lampi dang


tawh na sep a ki pan pha uh hi. Mipi muh dingin milim nih suai uh a, 

“kiniam khiat takin la-no tung tuangin,” Khris Jerusalem alut lai tak, 

khe-a pai khual zin gim, puansia Silhsa-in a nungzuite (100) a zuih 

na(Matt. 21:5), leh pope in a zaliatna lahna in a puantual hoihpi leh 

lukhupi cial thum khu-a a ki zem, sakol tung ah tuangin amai ah peengkul 

tumte makai sak-in a nung ah Cardinal te leh phungzi lian te ki zem 

ziah zuah sa-in a zuihna lim a suai uh hi. 

Hih pen mi khempeuh tunga thuhilhna sermon hoihpi a suak hi. 

Mipi te a lom lom-in tua milimte en dingin hong pai uh a, ki sung mai 

mai uh hi. Tua lim a muh uh ciangin a deihna bulpi a tel thei lo kuamah 

om lo uh hi. Khrist’ ki niam khiatna, lungneemna leh pope kiliat sakna 

le a nungzuite kisaktheihna te khai kaak loin om theinawn lo uh hi. 

Prague khua sung teng sa kheu kho zo ahih manin lengla nihte in amau 

suahtak nadingin aki heep khiat ding uh hong kul ta hi. Ahih hangi 

amau hong hilh thu pen kuamah in mangngilh thei nawn lo uh hi. Tua mi 

im in Huss lungsim lawng lua ahih manin, Laisiangtho leh Wycliffe’ lai 

te sim hong hanciam pha saan lai hi. Amah in a ngimkholh nai lohpi 

in Wycliffe nasep, puahphatna, a saang hong hi gige a, papacy omzia hon 

tel muh zaw lai-in pawlpi sung zaliatna din munte’ nin baan’ na leh 

kisaktheihna te uh nakpi-in hong gen sia ta hi. 

Bohemia University pana buaina hangin Germany sangnaupang 

te a za lom-in hong ciah uh ahih manin, khuavak hong taang khia pen 

Bohemia panin Germany gam hong tung hi. Tua te tampi in Huss 

kiang panin Laisiangtho thu hong thei uh a, a pianna gam leitang tung 

ah Lungdamna thu hong theh khia uh hi. 

Prague-a thupiang teng Rome ah ki puak a, a sawt loin Huss 

pen pope mai a ki laak dingin sapna hong tung hi. Tua sapna mang leh 

pel loin sihna thuak ding a hi pah hi. Bohemia kumpipa leh kumpinu-a 

kipan University leh Ukpite leh kumpi uliante khempeuh in Huss, pen 

Prague ah om-in ama, taangin mi khat Rome ah va pai dingin pope


kiang ah a ngen uh hi. Tua ngetna pope in a piak sang sik-in Huss thu 

sit a mawhmat ding leh Prague khuapi bup zong et-cik a koih dingin 

thu a pia zawsop hi. 

Tua hun lai-in hi bang thupiakna a kipiak nak leh a ki patau mah 

mah ta hi. Bang hang hiam cih leh, pope pen leitung thu ahi-a khaa lam 

thu ah ahi zongin Pasian mah banga vantung kongvang tawhtang (101) 

a keem, leh vangliatna nei thukhen pa hi ci-in a ki um a hi hi. Et cik-a 

a ki om ciangin vantung kongvang pua lam-a a ki nawl khiin bang in ki 

tuat ahih manin, pope lungdam sak kik in tua a ki nawl khiinna pan a ki 

laak kik mateng, misite in vantung nopsakna a taan dingin um uh hi. 

Tua lip khap huai bawl siatna hangin biakna vai nasep na khempeuh 

khawl pah hiau hi. Biak inn te ki kalh cip hi. Mo kiteeng te bang 

ahuang sung bek biakinn pua lam ah ki bawl ta hi. Misite bang a kipia 

han khawk leitang te ah ki vui loin gam lak mun awngkhat peuh leh 

lolai khawng peuh ah thuphapiak phuisamna om loin ki vui mai ta hi. 

Tua bangte hang mah-in Rome te in mite sung lam upna na ngawn a uk 

cip thei uh a suak hi. 

Prague khua buppi a buai hi. Mi tampi in tua a thuak uh ngil 

ngawtna te hangin Huss mawh sak uh a, Rome te hehna amah’n thuak 

lel hen, ci uh hi. Tua khuasia kipei a daih nadingin Puahphapa in ama 

pian’na khua neu ah tawm vei sung a ki heem khia hi. Prague khua a 

nusiat ding cianga a lawmte a lai khakna ah: “Note lak pan ka pai khiat 

pen Jesu Khrist ettehna, Ama thukhamte zuihna hi a, lungsim kisia in a 

tawntung mawh sakna adingin kipiak khak loh nading leh mi hoih khat 

in bawlsiatna a thuak loh nading ka deihna bek hi. Kong nusiatna a thu 

khat ah zong siampi ninte in Pasian thumaan note laka a ki hilh ding a 

khaam cip suak loh nading zong ka cihna hi. Pasian thumaan nial nading 

in hong nusia ka hi kei hi, a kul leh Pasian huhna tawh sih ding zong ka 

thuak ngam hi” ci hi.—Bonnechose, “The Reformers Before Reformation”, 

Vol. 1. P. 87. Ed. 1844. Huss a nasep a khawl tuan loin a kiim 

apaam a gam sung khuate ah khualzin, mihonpi te thu a hilh kawi kawi


hi. Pope in Gospel thu a dal cipna sangin a taang zai sak zaw hi. “Kote 

in thutak langdo in bangmah ka hih thei kei uh hi; thuman lam bek ah 

ka pang uh hi” – (2 Kor. 13:8.ZIV). 

“Tua laitak in, nasepna pen Huss adingin agentheih huai mah 

mah dinmun tung a hi (102) hi. Pawlpi in ama thuneihna husaa vangingpi 

tawh hum cip ding a hanciam hangin Huss adingin Rome pawlpi 

pen Khrist’mothak bang, leh pope zong Pasian’ taang mah-a ding pa 

mah in a pom lai hi. Huss langpan pi pen in Rome pawlpi in thuneih 

suangin zawh thawh thu tawh a gamtat pen bek hi a, a thukhun guipi 

langdo ahi kei hi. Tua hang mah-in a theihna leh a upna a saan’ thu leh 

a upna in maan a sak ki bang thei lo hi. Tua thuneihna in ama lam et 

bangin a hiding bang maan takin sem hi leh a nial tei tei nading bang om 

ding hiam? A thu uh manna in, ama muh dan ah, mawh bawlna hi zel 

napi , bang hangin a khialngei lo akici pawlpi in tua bangin sawl mawk 

hiam? cih thu ki lehbulh te gel tel hak a sa hi. Tua bangin hun khat khit 

hun khat a lunggim suk suk hi. Amah in, Honpa hun lai-a siam pite pen 

migilo te suak a, amau thuneihna te a leh zat lai te uh bang mah in hong 

piang kik hi cih ciang a lungsim ah bulh thei hi. Tua man-in Laisiangtho 

hong sawlna bang bang mite hilh-in, tua bang zui-in, amau sung lam 

upna in a khentatna ciang amau te ki ukna suak ding hi, cih ciang hong 

tel ta hi. A dang khat in gen le’ng, Siampite tawn in Pawlpi in thu 

khung hilo in, Pasian in Laisangtho tawh thu gen hi zaw cih hi leh ki 

khial thei lo zaw ding hi cihna hong hi ta mai hi.” –Wylie, b. 3, ch.2. 

Tawm vei khit ciangin Prague ah buaina hong daai kik hi. Huss 

zong hong ciah kik in Bethlehem biak inn ah Pasian thu hangsan takin 

hong hilh kik hi. A galte vangliatna nasia lai mah mah a hih hangin 

kumpinu leh Ukpite tampi leh mipi te ama lawmte vi-ve ahi uh hi. Ama 

thuhilh thumaan na leh sianthona thute in Rome pawlpite’ upna niam 

kiat dan leh duh-hop a mite a kheem bawlnate uh, khaikaak in kilang 

sak ahih manin, mi tampi in zah taak in ama lam a pang zaw uh hi.


Kua mah in hang tak in panpih ngamlo-a a tang din lai tak in, 

England a om lai-a Wycliffe thu hilhte a na um Jerome kici mi khat in 

tua nasep huh ding in hong ding khia hi. Tua a kipan-in a nih un ki 

kop in sihna (103) na ngawn in a khen zawh loh zah in ong kikop uh 

hi. A pianpih pilna siamna, a thu gen siamna te baan ah a theihna te 

hangin Jerome in mipi thu zawh mah mah ahih manin, mite in aang 

vaan in deih sak mah mah hi. John Huss zong tua bang seem mah a hi 

hi. Nunneem in lungsim kip mi ahih manin in tua in Jerome lung kip 

sak mah mah a, ki niamkhiatna tawh Huss sawlna man’ tham sa mah 

mah hi. Tua tegel ki kop-in na hong sep man-un puahphatna nasep 

hong tangzai sem sem hi. 

Rome te khialhna tampi a pulak theih nadingun Pasian in hih a 

teel khiat mite lungsim ah khuavak a lut sak hi. Ahih hangin leitunga 

kipia ding khuavak om khempeuh mu kimpah nai lo uh hi. A naseem 

hih mite tung tawn-in Pasian in Rome khuamial sung panin mite kaai 

khia a, amai uh a dal thu tam mah mah ahih manin amaute taak zawh 

ding zah tawh kituak-in kalsuan pih to to hi. Amaute in khuavak om 

khempeuh tha khat thu in ngah kim pah zo lo ding uh hi. Khuamial 

sunga sauveipi a om khin sa mite suun kim nitaang bang khuavak pia 

khin pah leh thuak zo lo ding uh a, lam pial pih zaw ding uh hi. Tua 

manin Pasian in makaite tung ah tawm tawm in lah beh zel ciangin, mite 

in saang thei zaw uh hi. Kum za lom lom-in na seem muan huai dangte 

in a nung uh hong zui ding uh a, puahphatna behlapin mite hong kal 

suan to to ding uh a hi hi. 

Pawlpi ki khenkhapna ong ki zom to to hi. Pope 3 tak a lian 

zaw ding hong kituh uh a, amau ki elna hangin Khristiangam buai sak 

in a gam lum hi. Pawlpi pua-a ki paih khiatna bek hi nawn loin galhiam 

ong zang ta uh hi. Galhiam tawm in, galkap tampi ngah ding hong 

hanciam tek uh hi. Tua pen dangka tampi neih kul ahih manin sum 

ngah nading letsongte, pan mun te leh pawlpi thupha piakna te dangka 

tawh kizuak ta hi. Siampite in amau sanga a lianzaw te et-teh in a


vangliatna a kip theih nadingin a lang lam te a do nading in sum a zong 

uh hi. Nisial-in tua kih huai na te akhan sem sem ciangin, nidangin 

pawlpi a zahtaakna tawh a thuak ken kon hangin tu-in Huss in tua teng 

hang san tak in lang pan’in agensiatna hong ki pan ta hi. Khristian bup 

buaisak a, a palau sak pen Rome makaite hi cih mipi in zong mu in hang 

tak in angawh ta uh hi. 

Prague khuapi pen sisaan luanga kidona mun ah atung ta tawh 

hong kibang hi. (104) Khang Masa-a te mah bangin Pasian nasempa 

kimawh sak ta a, “Nang, Israel mite a lungkhamsakpa, nang” mah kici 

kik leu leu ta hi. 1 Kumpite 18:17. Khuapi pen etcik-in a ki koih leu 

leu ciangin, Huss zong a khua lam ah hong ciah kik hi. A it Bethlehem 

biak inn a teci pan’nate hong bei leu leu hi. Thumaan leina-in ama 

nuntakna a piak khiat ma-in Khristian khempeuh adingin a taang zai 

zaw-in thu a gen leu leu hi. 

Europe gam buppi a mai mial sak thusia teng aven theih nadingin 

Constance khua ah kikhop pi khat ki sam hi. Tua ki khoppi pen kidem 

3 te laka John 23 na pa in kumpi Sigismund’ deih zui-a a sap ahi hi. 

Council ngimna zong siampite leh pawlpi mite na ngawn in gi na a sak 

het loh uh pope John’ 23 na pa deihna bangin pailo-in, pawlpi sung 

kikhen-khapna teng lemtuah nading leh upnapialte bei sak ding ahi hi. 

Bang hang hiam cih leh Amah in Sigismund thu nial ngam lo hi. 

Tua lai ah pope kidem tegel leh thu thak phuang khia John Huss 

zong hong ki hel ding uh a hi hi. A masa te gel in amau mimal galmuan’ 

nading ngaihsun-in a amau tangin midang palai a sawl uh hi. Kumpipa 

in amah za kia sak nuam ahih khak ding dah pi pi in, ki khoppi sampa 

bang pian-in Pope John hong pai hi. A thuneihna ading siatna khat 

peuh a suak zaw kha ding hiam?, ahih kei leh, kithat in a vangliatna a 

taan kha zaw ding hiam cih khalau-sa in a hong tung hi. Constance 

khuapi hong lut ciangin a nasia mah mah-in hong ki thawi-a, sia za lian 

pen pen te leh zum thukhen mang lian te tawh a hong ton hi. Khuapi


sunga miliante, biakna nasemte, leh khua mite in amah dawn dingin 

hong pu suak uh hi. Canopy kici kham tawh kizuut puan buk tawh 

kiliah sa-in hong pai a, tua buk khuamte aning li panin Mangpite in dom 

sak lai uh hi. Amai ah nek khawm pawi anlum ki pua-in Cardinal te leh 

Ukpite in a ukpi-puan tawh ki zeem ziah zuah sa-in a zui uh hi. 

Tua laitakin kihaalna khuam phung zuan mah-in ki tuat ahih 

manin a lawmte a nusiat ding lai-a ki mu kik nawn kei kha le’ng cih lim 

mah-alawmte mangpha paihsa a hong kuankhia (105) khualzin mi dang 

khat zong Constance a hong pai hi. A hangin Bohemia kumpipa kiang 

panin amah a vil mi khat leh kumpi Sigismund kiang pan lam dung 

tenga a keem ding galvil khat a ngah tei hangin Constance va tung leh 

zong si thei kha mai ding cih lungsim sehsa-in a nei kin ken a hi hi. 

Prague khua-a a lawmte teng a laikhakna ah: “Sanggamte 

aw,…Keimah in kumpipa kepna tawh ka pai ta hi. Ka leitung si-le-sa 

galte tawh ka ki talsik ta ding hi…..Ka Honpa Topa Pasian in pha a sak 

na bang hi lel dingin ka muang hi. Amah in nakpi-a na thu ngetna uh 

hong dawngin thuman akip nadingin A thukhualna leh A ciimna ka kam 

sung ah hong guang ding ka um hi. Amaute ka dal zawh nading A Kha 

Siangtho hong kop pih sak-in Ama thumaan ah kei hong hat sak dinga, 

ka maitang hangin mawhzolna, thong inn cihte kihta loin, a kul leh sih 

sia zong hong thuak ngam sak ding hi. Jesu Khrist in Ama itte adingin 

thuakkhin-a, eite zuih dingin khe khap a na koih zo hi. Eite in zong 

hotna i ngah theih nadingin Ama bawlsa te i hi lel hi. Amah i Topa hi a, 

eite in Ama nasem i hi bek hi. Amah leitung bup’ Topa hi a, eite I hih 

leh a muat thei nate i hi lel napi Amah in na thuak ve ve lai hi! Tua ahih 

leh, bang hangin eite in thuak lo ding i hi hiam? Tham loin, thuakna in 

eite siansuahna hi zaw hi. Tua ahih ciangin ka itte aw, kei sihna in Ama 

minthan nading ahih leh man langa ka sih nadingin thu na nget sak zaw 

unla,. tua thuakna ka thuak zawh nadingin a hong huh nading thu na 

ngen un. Ahih hangin note kianga kong tun’ kik ding hoih a sak zawk 

leh lah kawk baang lo-a kong tun’ kik nadingin Pasian kiang ah thu na


nget sak un. Ka u ka nau te’ ading etteh hoih ka nusiat ngam nadingin 

Lungdamna thumaan malno khat zong ka meel hem sak loh ding kisam 

ka sa hi. Prague khua sung ah ka maitang na mu nawn kei kha ding uh 

hi ci-in ka um zaw hi. Ahi zongin vangliatna khempueh anei Pasian in 

note kianga kong ciah kik ding a deih zawk khak zen zen leh lah i 

lungsim sung ah Ama thukham kiplet zaw-in it zaw lai-in ma nawt ni,” 

ci hi. –Bonnechoe, Vol. pp. 147, 148. 

A nungzui hong suak Siampi khat a laikhakna ah, Huss in amah 

mah ki mawhsak-in a khialhna te gen a, hun beisa-a “a zaliatna puan 

silh nuam sa-a ki veek vai nasepte tawh a hun te a mawk bei sakna te uh 

a gen hi. A pu laakna khat, “Pasian minthan’na leh khaate hotkhiatna 

thu in na lungsim ah kip ta hen. Liatna leh thupi na te om kei hen. 

(106) Na khaa ading sang in na inn peuh zeem zaw kha loin vai khempeuh 

ah khaalam vaipi pen suak zaw ta hen. Mizawngte tung ah hoih in la, 

na neihsa te pawi bawl na lel peuh in bei sak kei in. Na nuntakna na 

puah kei a a khengval-a na om leh kei thuak bang sul zuihna te zong 

thuak kha dingin kong um hi….Ka upna na thei hi. Na neu tuung pana 

kong hilhna na za hi. Tua ahih ciangin tampi kong gelh ding zong 

kisam kasa kei hi. Ahih hangin kong vaikhak nopna khat ah, Topa 

migitna tawh hoih nong sak lohna leh ka gamtat a mawkna te nong zuih 

loh nadingin kong thuum hi,” ciin at khit ciangin, a lai-ip tung ah, 

“Lawm aw, Ka sih thu na zak ngeu ma teng hih lai ip na hong khia nai 

kei in” ci leu leu hi. – Ibid. 

A khualzinna teng ah ama theh khiat thute a na om kawi kawi 

Huss in mu a, a nasepna na kideih sak hi cih a mu hi. Mi honpi in 

nadawn tuah zai zai uh a, khuapi pawl khat ah thukhen Mangpite in 

kong-zing ah amah a zui uh hi. 

Constance a tun’ ciangin Huss pen suakta tak-in ki om sak hi. 

Kumpipa in zong a cing khat pia a, pope in zong hum ding mah-in a gen 

hi. Ahih hangin tua thuciam a sawt loin palsat uh a, pope leh cardinal


te thu piak na tawh Puahphapa man in khuamial leisung thong ah a 

khum uh hi. Tua khit ciangin Rhine gun gal-a Ukpi inn sung khat ah 

thong kia min-in a keem uh hi. Tua ciam peel pope zong a sawt loin 

tua thong sung mah ah a lut hi. (Ibid. 247). Amah zong gamtat siatna, 

mi thahna, golh guk neekna, leh numei tawh mawhna tawh ki mawh 

mat a, “a mal-a lawh khiat ding na ngawn a zum huai mawhna te” neii 

ahih manin, Councilpite in ama lukhu suah khiat sak-in thong inn sung 

denna uh hi. Pope kidemteng zong a za khia suk in, pope thak vil vel 

khat a teel uh hi. 

Ki phuahphat nading a Huss kawk khiat sangin a golzaw mawhna 

pope in bawl hi napi, pope a zakia sak councilte in Huss zong gawi a 

(107) sawm ve ve mawk uh hi. Huss thong a khiatna thu in Bohemia te 

heh sak ahih manin, Ukpi vanglian mah mah te in Councilte vai hawmna 

te nakpi-in a nial uh hi. A vil sak kumpipa in amah limtaka a kep ding 

kimlai a palsatna heh-in a a lang pan’ uh hi. Puahphapa gal te in lungsim 

khensat sa in nei uh a, Kumpipa kiang ah a khalau kholhna ding leh 

pawlpi adinga a thanop nadingin ngen uh hi. Sawt veipi sung “thu nial 

te leh a upna uh khawi khawm lo in, thunial dinga muan mawh ahih nak 

leh kumpite in a vil a koih hangin hinkhawi lo ding” ci-in nakpi in a 

hanciam uh hi. Tua a nialna bang uh picin’-in zo uh hi.—Lenfant, “History 

of the Council of Constance,” Vol. 1, p. 516. 

A thong khiatna mun uh kawt in khuamil khuk sung pen huihte 

uih mah mah a hih manin nat tun in a si dek dek hi.…A tawpna ah 

Huss pen Council mai ah hong pai pih uh hi. Sik khau ki khih liap 

luap sa in, hum dinga a muan, amah a zahtak, leh hum dingin kamciam 

a pia Kumpipa mai ah hong dingin, thu a ki sit sit sung sawt veipi mah 

thumaan adingin ding hi. Kikhawm mi thupite lai zang ah pawlpi leh 

gam ukte mai ah mulkim huai zah-in pawlpi sung uliante kih-huai 

gamtatnate siangtakin a gen khia sin sen hi. A tawpna ah a upna pan 

taw kik zaw ding maw sihna thuak zaw ding cih a ki teel sak ciangin, 

Sihna a teel zaw hi.


Pasian thupha in amah huh hi. Ama thuak ding a ki khensat 

ma nipi kaltampi sung vantung pan in ama khaa lungmuan’na ki guan 

hi. A lawmte khat a lai khakna ah: “Hih lai pen thongkiatna pana 

khut kol kibulh lakpi mah a ka sihna ding thu kipiak khiat ni ding 

zong zing ciang hi ta ding um ka hih manin kong gelh a hi hi….Khrist 

hong huhna tawh nuntak kikna sunga galmuang taka i ki muh kik ni 

ciangin Pasian in kei tung ah bangzah-in migi-a, mawhzolna thusitna 

te lailak panin Amah in hong bang ci huh cih na mu ding hi,” ci hi.— 

Bonnechose, Vol. 2, p 67. 

Thumaan upna in tungnungin agualzawh ve ve ding zia te zong 

a thong kiatna khuamial kaw hawm sung panin amu khol hi. A mang in 

Prague-a a biak inn it Bethlehem a va pai hi. A kawm tunga a suaih 

Khrist lim te pope leh bishop te in (108) sukmit sak den in a mu hi. Tua 

in a lungsi sak mah mah hi. Ahih hangin a zing ciangin limsuai siam 

zaw tampi hong pusuak-in tua lim a hoih zaw, a kilang zaw leh a tam 

zaw in suai uh hi cih a mang in a mu leuleu hi. A suaih khit uh ciangin 

mipi in uum cih in lim suaite in, “Tu in pope te leh bishopte hong paii 

hen, phiat zo ngei nawn lo ding uh hi! a ci hi. Puahphapa in a mang a 

genna ah, “Khrist lim ki phiat khiazo ngei lo ding hi ci in ka gen ngam 

hi. A suk siat nop uh hangin kei sanga thu hilh siam zawte in mi 

khempeuh lungsim sungah suai in hong zeem den ding uh hi,” ci hi.— 

D’Aubgine, b 1, ch. 6. 

Huss pen Council mai ah a nu nung pen dingin hong ki puak ta 

hi. Tua ki khop thupi in mi tam mah mah hi. Tua ni-a thu piangte mu 

nuam-in Kumpipa leh a Upapite, kumpi behte, cardinalte, bishopte, 

phungzite, leh mihonpite dim zih-ziah uh hi. Sawt veipi sung biakna 

suahtak nading hanciamna hanga gawhna thuak masa pen dingpa en 

dingin Khristian gam mun tuam tuam panin zong hong pai ciat uh hi. 

A nu nung pen dingin Huss hong ki sam khia ta a, amah in kiciam 

ding nial-in, ciampeel a thu kheel kumpipa mit suan-in, “Hih Council


mai a kong pai ding lai-in mipi leh hih laitaka om kumpipa kepna ngahin 

hong ki suakta sak ding hong cihna muangin kong pai hi,” ci hi. – 

Bonnechose, Vol. 2, p. 84. Kikhopna-a mi khempeuh’ mittang Sigismund 

tung ah tu a, amah zong mai san gawp-in zah la in a om hi. 

Thu khensatna mipi zak in kitangko khin a, bawl siat nading a 

cial cial-in ki pan ta hi. Siampi ngeina zui-in bishopte in a thongkia pa 

uh puantual silh sak uh a, tua ciangin amah in, “I Topa Jesu Khrist zong 

a ngil ngawt lai takun Pilat mai ah Herod in puantual paak silh sak hi” 

a ci hi. - Ibid. 86. A taw kik nading ngen lai uh a, Huss zong mipi 

lamah ki heii- (109) in, “Taw kik mawk leng bang ci maitang tawh 

vantung en ngam ding ka hi hiam? A siangtho Lungdamna thu ka hilh 

hih mipi te mai bang ci et ngam nawn ding ka hi hiam? A si dinga ki 

sehsa hih ka pumpi lel sangin amau’ hotkhiatna a ngah nading nakpi in 

manpha zaw ka sa hi”a ci hi. Bishopte in a puante suah khia-in, khat 

khit khat in amau zeh sian nading phuisamna hong sam tek uh hi. Tua 

khit ciangin, a mei dawi a taai keek ding bang a kisuai dawite lim leh 

‘lampial Mangpipa’ cih min ki-at, lai tawh ki bawl pyramid bang dan 

phungzi lukhu khat a khu sak uh hi. Huss in, ‘To Jesu, kei-a adingin 

ling lukhu a khupa aw, Nang’ adingin hih maizumna lukhu ka khuk 

khak zen zen ka nuam mah mah hi," a ci hi. 

Tua bang tenga a sep khit uh ciangin, “siampite in, ‘Tu in na 

khaa dawi tungah ka aap uh hi’ ci uh hi. John Huss in, amit vantung 

lam ah sal to a, ‘Nangma khut sung ah ka khaa kong aap ta hi Topa J 

su aw, bang hang hiam cih leh Nangmah in kei nong tankhia zo hi’ a ci 

hi.” - - Wylie, b. 3, ch.7. 

Tu-in amah pen leitung thu neite tung ah ap in, a ki haalna ding 

mun ah a pai pih ta uh hi. Constance khua sung mite aki pan, gal hiam 

tawi mi a za lom leh, phungzite, bishopte in amau puantualpite tawh a 

zui uh hi. Ki haalna khuam ah ki heen ta a, a mei kuang sak ding bek in 

a sap laitak hun in thah dingpa in a khialhna pulaak leh khah kik lai


dingci-in khat vei hansuah lai uh hi. Huss in, “Khialhna na cih uh bang 

ci khialhna hi hiam? Ka pulaak ding khialhna ka neih lam ka thei kei hi! 

Ka teci dingin Pasian a om hi. Mite in kisiatna panin a suah taak theih 

nading un thu hilh in lai ka gelh hi. Tua ahih manin ka hilh thute leh ka 

gelh thute maan hi ci in teci ding in ka sisan tawh kip sak ding ka hih 

manin ka lung dam mah mah hi,” ci kik hi. - Ibid. A haalna mei hong 

kuang ta a, hong hul ciangin” “Jesus, David Tapa aw, Kei hong hehpih 

in” cih a aw a gin’ nawn loh dongin a sa hi. 

A galte na ngawn in ama haan’na a muh ciang-in thuak hak a sa 

mah mah uh hi. Huss leh tua zawh a sawt lo-a ki that Jerome sihna thu a 

kuhkal mah mah pope pawlte khat in a gen na ah, “A nih mah un a phawk 

theih liai lai teng uh a lungsim uh kheel loin a ngei mah-in kip den pai suak 

tuak uh hi. Amaute meikuanga haal dingin a pai uh ciangin mopawi (110) 

siim ding bangin lawp lel uh hi. Naa sa-in kap-in awng gawp cih bang om 

lo hi. Meikuang in hul a kipat ciangin la sa uh a, a meisa in zong a lasak uh 

khawl sak zo tuan lo hi” ci hi. (Wylie, b. 3. ch. 7). 

Huss pumpi a tum mangkhit ciangin a vut pen alei nangawn 

tawh luak khawm uh a, Rhine gun sung ah a bua uh hi. Tui in taai in 

tuipi sung a lut hi. Amah bawlsiate in a lungsim sung uh ah, ama hilhsa 

thumaan teng a ki zung bawh khin ta dingin tuat ta uh hi. A kaatna vut 

in tua ni-in tuipi sung ah a lutciang in ama khaici in a ki phawk kha nai 

lo gamte na ngawn ah thumaan teci adingin gah tampi a gah dinga leitung 

bup zel in kitheh ahih lam a phawk kha het kei uh hi. Tua Constance 

Council sunga ki pau khia kammalte pen hong pai ding khangte ah a 

tawntungin ki taangko kik kik ding ahi zaw hi. Huss bel om nawn lo 

mah hi. Ahih hangin ahilh thumaan ki sia ngei lo hi. Ama kipna leh 

upna te mipi adingin bawlsiatna leh sihna maitang ah thumaan adingin 

kip tak-a din’ nading ettehpi hong suak hi. Ama sihna leh beina in 

leitung bup ah Rome te gitlohna, muanhuai lohna ki thang sak a hi lel 

hi. Thumaan galte in a susia a a ki ngaihsut laitak un, amau theih loh in, 

thumaan nasepna a taangzai sak a suak leh bung uh hi.


Contance ah ki haalna khuam khat ki phut lai dinga, thumaan 

teci pang dang khatin sisan pia lai ding hi. Huss in Council-a a pai ding 

lai-a Jerome tawh a kivai khakna ah, haang ding, kip ding, ci-a a ki 

hanthot lai un, Huss a kithah nak leh thakhat in a huh pah dingin Jerome 

in akhaam hi. Huss thong sung ah ki khum hi ci-a a zak phet-in nungzui 

muan huaipa in a thuciam taangtun’ dingin a kiging pah lian hi. A vil 

om se loin a lawmte khat bek tawh Constance lam hong zuan pah hi. A 

phual a tun’ ciangin Huss hotkhiat nading piang thei nawnlo thamlo in, 

amah zong aki thah theih nadinga a ki pulak va suak zaw kha ding cih a 

phawk ciangin khuapi panin hong taai khia hi. Ahih hangin lampi ah 

kiman in, kol kibulh-in a ngeina bangin galkap hon khat in hong pai pih 

kik uh hi. Council mai-a hong kilah ciil-a a ki mawh sakna te a dawn 

kik ciangin ot khaai uh a, “Amah tawh haal khawm un, haal khawm un” 

a ci uh hi. (111)– Bonnechose, Vol. 1, p. 234. Amah pen thong kaw 

hawm sung den’na uh a, a thuak siat phot nadingin khih cip in an leh tui 

pia sam uh hi. Kha tampi sung tua thong sung ah a hong khum uh 

ciangin a mun gentheih huai lua ahih manin Jerome hong cina pha mah 

mah a, a galte in amaute khut sung pan sihna tawh peng khia kha ding 

hampha sa lua uh ahih manin a thuak nop zaw deuh dingin koih leh 

bung uh hi. Ahih hangin thong sung ah kum khat om lai ve ve hi. 

Huss sihna in pope pawlte lam et bangin bang mah phattuamna 

piang sak lo hi. Hoih taka kep ding a ciam peelna un mipi hehna suuk 

sak zaw ahih manin, council in a ngimna hong kheel uh a, Jerome pen 

haal loin, ahih theih leh zawh thawh in a taw kik nadingin bawl ding in 

aki thukim uh hi. Kikhoppi mai ah hong puak zel uh a, taw kik ding 

leh ki haalna khuam phung zuat ding teel sak zel zel uh hi. A ciil 

panin that pah uh hi leh thong kaw hawm sunga a thuak siatna teng 

sangin ama adingin thupha hi zaw mah mah ding hi. Ahi zongin tu in 

natna in tha zawm sak a, thong sung gentheihna leh a galte gawt bawlna 

hang leh Huss sihna hanga alung neu kawmkal ah, a lawmte tawh ki 

khen lai ahih man in tua in Jerome khauhna teng bei sak a, Council te


vaihawmna a mang sak hi. Amah in Katolik upna zui dinga, Wycliffe 

leh Huss thu upna paai khia in, gensiat leh mawh sak na tawh a hilhsa 

uh thumaan siangtho niil khia dingin kiciam sak ta uh hi. - - 

Bonnechose, Vol. 2,l p. 141. 

Hi bang teng tawh Jerome in ama lung-sung upna daai sak-in 

tua kaw hawm thong sung pan suakta phot leh a ut hi. Ahih hangin tua 

kaw hawm gam daai sung panin ama sep khiatsa teng a tel muh zaw 

pha saan hi. Huss cihtakna leh haan’na teng a ngaihsut ciangin, Jerome 

in ciampeel a thumaan nial ahih lam amah le amah hong ki phawk hi. 

Pasian ahi Topa kiang ah Ama naseem dingin ki-ciamna pia khia zo a, 

Topa in ama adingin singlamteh ah sihna hong thuak khin zo cihte a 

ngaihsun hi. A taw kik ma-in, gentheihna a thuak hangin Pasian maipha 

in lung muang sak napi, tu-in a kha ading patauhna leh lung hih mawhna 

in a mah a gimsak hi. Amah pen Rome te in a muan’ tatak nadingin taw 

kik kul lai ding a lampialna tak tak ah a tun’ ciang bek-in muang pan 

ding uh ahihna zong a mu hi. Tawm vei sung gentheihna pan suaktak 

nading lel tawh a Topa nial lo ding, ci in a lungsim hong khensat zaw ta 

hi. (112) Council mai ah sawt loin hong ki paipih leu leu hi. A ki-aapna 

sa ciang bek tawh a thukhente lung kim zo lo uh hi. Sisan a lunggulhna 

uh Huss tungtang ah taat hiam pan zaw uh a, adang that nuam lai-in 

gam lum heet haat uh hi. Thumaan a om khempeuh apaih khiat khit 

ciang bekin Jerome in a nuntakna hu thei bek ding hi. Ahih hangin 

amah in upna nusia lo in, a ki hal-lumsa a sang gampa nung mah zui 

zaw ding in a khen tat ta hi. 

A taw kikna omsa teng nolh kik ahih manin, aki halma in a upna 

teng gentheih nading hunkhat angen hi. A thugente muibut luat ding 

launa-in thukhente in a upna kip let lai ding leh tawk kik ding thu bek 

a gen dingin a hah sawl uh hi. Jerome in zong hih gitlohna tawh thutang 

lo taka seem te nakpi-in seel gawp a, “ A kih huai khuk sung, a nop lo 

pen pen mun ahi ciak zia zua-a a uih lak thong sung ah ni 340 sung 

paulo in nong kalh nelh khin uh hi. Tua pan note mai-a ki laak dingin


nong la khia uh a, ka galte thu gente bek awl mawh in kei gente nong 

ngai nuam kei uh hi….Mipil takpi na hih uh a leitung adingin khuavak 

na hih uh leh thumaan lang pang in mawhna na bawl khak ding uh ki 

dawm un. Kei lel bel a muat thei mihing thaneem khat ka hih man in ka 

nuntakna lel pen thupi hetlo in neu mah mah hi. A maan loin thukhen 

kei un kong cih ciangin kei ang sung adingin gen ka hi kei-a nomau a 

ing ka genna a hi hi,” ci hi. -Ibid. 146, 147. 

Ama ngetna a ki pia hi. A thukhente muh tang in Jerome khuk 

din’a, Pasian’ khaa in amah uk in a lung sim leh a kampau ah thumaan 

langdona nei kha lo dingin leh a Topa tawh kilawm lo ahih khak loh 

nadingin a ngen hi. Tua ni in ama tung ah nungzuipite tunga Pasian 

genkholh thu a tung a hi hi: “Keima hangin gam-ukte le kumpite mai-ah 

hong puak ding uh a, tuate tung le Zentel-te tungah ka teci na hi ding 

uh hi. Ahih hang in note hong mat uh ciangin bang ka gen ding hiam, 

bang ka ci gen ding hiam, cih lung hi mawh kei un na gen ding uh hong 

kihilh ding hi.” Matt. 10:18-22 (ZIV). 

A galte na ngawn in Jerome kammal te lamdang sa in a pah tawi 

uh hi Lai sim theilo, khua mu lo, pumpi genthei le lung sim kisia phial 

zah in kum khat buppi sung kaw hawm sung ah a khia uh hi hi. Ahih 

hangin ama thu gen te a nawngkaisak om het lo-a lai sim sim te gen zah 

in siangtho lai hi. Thu lang khente (113) mawh sakna hang a bawlsiatna 

thuak misiangtho tampi sihna teng zong athu ngaite tel dingin a dawk 

sak hi. A khang a khangin mite mai nawt nading thu gente pen ki neh 

thawh-in a ki bawl siat hang, khat vei ciangin tuate ki zahtaak kik mah 

mah ding ahihna a gen hi. Khrist mah mah zong mi buai sak ci in ki 

mawh sak a, a maan lo thusitna a ki thuak sak hi. 

Huss aki mawh puak nate ahi ding mah hi ci-in atawkik lai in 

agen hangin tu in ki sik kikna tawh Huss mawh nei lo mi siangtho kim 

lai ki that kha hiau mawk ahihna teci pangin gen khia kik ta hi. “A neu 

tuung pan in amah ka theih mi hi a, Huss pen mi hoih lua khat, thutang


in siangtho a, mawh nei het lo hi napi ki mawh zon tei tei mawk a hi 

zaw hi….Kei zong sihna thuak lel dingin ka ki ging khol zo hi. Ka 

galte leh zuau phuak teci te in kei adinga a bawlkholh gawt bawlna te 

panin ka ton kik nuam kei hi. Amaute in kheem zawh loh ding a lian 

Pasian mai ah khat vei ciangin amau phuah tawm thute a pulaak kik uh 

kul na ding hi’ a ci hi. Bonnechose, Vol. 2, p. 151. 

Thumaan a nial khak manin amah leh amah a kimawh sakna-in 

Jerome in: “Ka neulai-a kipan a ki khol to ka mawhna khempeuh 

sangin, sih le hin khentelna mun pan-in ka siapi leh ka lawm te ahi 

Wycliffe leh a kithat John Huss pen mawh sak huai mah hi kong cih 

khak ta zen pen in ka lungsim hong lawngin, naa ka sak pen pen 

mawhna ahi hi. Hi mah hi!. Ka lungsim tak tak hong genle’ng, ka lau 

man-a tua hun lai-a ka ton cip kik pen kih huai ka kisa mah mah hi. 

Sih ding ka lau manin amaute thu upna a maan kim lai ka mawhsak 

mah hi, kong ci khia khak ta zen pen poi ka sa bel hi. Tua ahih manin 

a vanglian Pasian in hong maisak nadingin ka thum hi.” a ci hi. A 

thukhente kawk a, gaw takin agen behna ah, “Wycliffe leh John Huss 

pen pawlpi upna a tok sia hi het lo Pasian naseem-a kinei te tung pana 

kheemna hong pusuakte dik sa lo-a hong kawk khia lel kim lai note in 

na mawh sak uh hi,- - a kawk khiatna te maan mah hi lo hiam? A ki 

dawk luatna te uh, a ki saktheihna te uh, phungzite leh thukhente 

kheltat luatna te, a hi mah hi mawk hi. Amaute in hi a sak, a kip sak 

uh thute a ki iim thei lo, a ki la kik zo lo, a ki mu gige hi a, kei zong 

amaute mah bangin hi ka sak pih hi” ci hi. (114) A thu gen lai kibawh 

tat sak hi. Thukhen siampipa heh lua in liing a, “A dang tel sit sit lai 

ding bang om mawk hiam? Hiah i mit mah mah-a i muh, a lungkhauh 

thunialpa hi lo ahi hiam? ci in a awng gawp hi. 

Tua bangin a ngeh gawp uh hangin Jerome in hang tak in “Bang 

e! Sih ding a kihta ding hong sa zen na hi uh hiam? Kum khat tawntung 

sihna sangin a kih taak huai zaw mun khuamial kaw hawm kih huai 

sung ah ah nong hen cip khin uh hi. Turks te, Jews te, Lawki te sangin


gilo zaw-in nong gawt bawl khin hi. Ka satak teng muat khin a, ka guh 

teng bek a hing lai hi. Ahih hangin ka thum nai kei hi. Thumaan tham 

cing natna hong tunga, lungsim nangawn sukha hi. Ahih hangin Khristian 

khat tunga hi bang gamtatna pen lam dang sa in zong ka gen khia thei 

vet keng!” a ci hi. - Ibid., Vol. 2, pp. 151-153. 

Hehna khuasia hong kipei leu leu a, Jerome manlang takin thong 

ah a ki puak kik hi. A thu gente in ki khoppina sung a pawl khat te 

lungsim su kha lua ahih manin, Jerome nuntakna huut khiat ding dong 

hong ut zo phial uh hi. Pawlpi makaite in va veh uh a, Council’ cih 

bang bang mang lel dingin a kun uh hi. Rome langnialna pen nu sia 

peuh leh hamphatna lianpi kipia ding ci in a lak uh hi. Ahih hangin a 

Topa mah bangin leitung minthanna tawh a zol uh hangin Jerome in 

adinmun ngei mah ah kip takin ding ve ve hi. 

“Khial ka hih leh ka khialhna Laisiangtho sung panin hong lak 

un. Tua hi leh kong kiciam ding hi” a ci hi. 

Amah zolte khat in, “Laisiangtho pan na cih mawk, tua tawh 

thu khempeuh kikhen thei ding hiam? Pawlpi in a khiatna a hilcian 

mateng kua in tua teng thei khin zo ding a hi hiam?” a ci hi. 

Jerome in dong kik a, “Mite bawltawm thu lelte in Lungdamna 

thu sangin up thamcing zaw ding a hi hiam? Paul in hansuahna lai a 

gelhna ah ‘Tua pipu thuciinte sangin Lasiangtho thuman zong khia un’ 

ci zaw hi,” ci in a thuk hi. 

Tua ciangin agaal te khat in “Thunialpa! Hi tanvei nang kong deih 

sakman-a kong zol zol zen zen pen ki sik zaw mai ing. Dawi in nang hong 

taw holh ahihna kimu hi,” ci pong hel sam hi. –Wylie, b. 3, ch. 10. 

A sawt loin mawhsakna thu kikhen pah-a, Jerome zong Huss a 

kithahna mun mah ah ki pai pih hi. A lam pai kawm in la sa a, lungdamna 

leh khamuanna in a mai suah vak sak hi. Khrist bek mit suan ahih 

manin, ama adingin sihna lau huai teng a (115) a bei hi. A that dingpa


in a haal nadinga kiciang sing haal dingin ama nung lam pan hong din 

toh ciangin, thah thuak dingpa in, “Hang takin hong kah to in la ka mai 

ah mei hong tawh in. Lau hi leng hih mun ah ka om kei ding hi,” ci in 

a awng khia hi. 

Ama kammal nu nung pen pen meikuang sung panin ging khia 

in, “Vanglian Topa aw, kei hong khasiat in. Ka mawhna te hong mai 

sak in. Na thumaan te ka it den hi cih Na thei hi,” a ci hi. –Ibid. Vol. 2. 

P. 168. A aw ging aki zak zo nawn loh hangin a muk te thu ngenin a 

phun lai hi. Mei in kaang tum ta a, a vuu pen Huss’ vuu mah bangin a 

leitang tawh luak in, Rhine gun sung mah ah bua in apai uh hi. 

Tua bangin Pasian khuavak atangsak mi muan huai te na ki that 

zel hi. Ahih hangin zingsang nisuak ding daltan nuam-in aki leh sawnkik 

theih loh mah bangin amau tangkona khuavak leh thuman adinga 

ahansan-nate uh ki mit sak zo lo hi. Huss kithahna in Bohemia khua 

sung ah hehna leh buaina meikuang sak hi. A gambup in phungzite’ et 

satna leh kumpipa thuciam pelhna hang hi ci-in a ngawh uh hi. Amah 

pen muanhuai taka thumaan hilhpa ahih man in, ama sih nading thu a 

khen council zong tual that hi ci in a mawk puak uh hi. Ama muh khiat 

thu upna thakte ni dang sangin tu in ki deih pha zaw kan ta hi. Pope 

thupiakna tawh Wycliffe laigelhte aki haal hangin a ki susia kha lo om 

sun te, a ki seelna phual panin hong ki la khia in, a ngah khiat theih 

bang bangun Laisiangtho tawh simkak uh ahih manin, mittampi in 

puahphatna upna lam hong zuan uh hi. 

Huss thatte in a nasepna gual zo mawk ahihna daai takin en lel 

bek lo in Pope leh kumpipa kop-in tua nasep nuai gawp uha, Sigismund 

galkapte in zong Bohemia khua a buak huan uh hi. 

Gaal hong pian lian leh a mit tawt ong kituah hangin ama 

khanga General minthang pen khat ahi Ziska a kici honkhiapa khat 

hong khang khia in, Bohemia te makaipi (116) ong suak hi. Thumaan 

nasepna ahih manin Pasian huh ding muan-na tawh, galkap thahat pente


langdo in, kuama zawh loh dingin mite kip takin ong ding uh hi. 

Kumpipa in galkap khawm thak zel in Bohemia a va sim kik kik zel 

hangin maizum takin na ki leh nawh kik zel hi. Huss pawlte in sih 

kihta loin na ding zel uh ahih manin, kuamah in nang zo lo uh hi. 

Galkido zawh sawt lua loin gal haang Ziska a si hi. Ahih hangin ama 

mun ah Procopius a hong ding hi. A zalaihpa zong amah zah mah-a 

gal haang leh vai hawm siam General hi a, mun khat khat te bang ah 

hoh Ziska sangin siam zaw lai hi. 

Bohemia te gal haangpipa si ahih manin a lelhna sa teng uh thukkik 

nading hun pha hi ci in galte in alam en uh hi. Pope in, tu in Huss 

pawlte zo gawp ding ci in galkap hong phuan thak a, nasia takin Bohemia 

buak gawp ding in a vai hawm kik hangin, mai zum leh zahla a a lelhna 

gau uh hong hi leu leu hi. Europe gam bup papal huam khakna sung 

khempeuh pan in galkap hon dang hong kaikhawm kik zel uh a, mihing, 

dangka, leh thau vui thau tang a kaai khawm uh hi. Papal laan kiim ah 

mipi hong ki kaai khawm uh a, Huss pawlte sumai mang ding ci in a 

hong vai hawm uh hi. Zawh ngap lua kisa in galkap hon Bohemia ah 

hong lut uh hangin mipite kilomkhat in galkapte na nawh khia kik uh hi. 

A kikal uah gun no khat bek in a haldongin a lang-tuak pan galkap leh 

galkap a ki nawt uh hi. “Crusaders a kici pope galkapte in pawl cing 

zaw leh gamlapi pana galdo ding tang hial-a hong pai uh hi napi in gun 

gal kan phei ni ci loin a leh lam gal hangte gal et mawk lel uh hi.” 

(Wylie, b. 3, ch. 17). Tua laitakin tha khat-in a lip khap huai mah mah 

buaina khat in mipi tung ah a hong buak mawk hi. Ki do-a ki tha saanna 

meel zong om nai lopi khat in tua galkap honte ki khen kham in ki theh 

thaang uh a, muh theih loh vangliatna in nawh keek gawp hi leh a ki 

lawm hi. Huss pawlte in a gaalte tampi that uh a, a taai te nung a delh 

uh ciangin galvan tampi a ngah uh hi. Tua galdona hangin Bohemia te 

a zawnkhaal gen loh a hauh lawh zaw hi. 

Tua zawh kum tawm khat khit ciangin pope thak khat hong 

dingga galkap hon dang khat tawh khe lam pai-in hong kuan uh hi. Tua


te in a masa-a mah bangin Europe gam-a papal gam khempeuh pana ki 

kaai khawm mah a hi leu leu hi. Singlamteh pua crusade galkap dinga 

hong kipia peuh mah in a kihhuai pen mawhna a neih hangin siangtho 

sin sen-in ki mai sak hi ci-in, hih mai man’ nading sungah ki pia dingin 

nakpi in aki zol uh hi. (117) A site in vantung ah letsong ngah dinga, a 

hing te gal vai-a ki ngah vante ki pia dinga, pahtawina min pha zong ki 

pia ding, hi a ci uh hi. Tua bang in galkap tampi khawm leu leu uh a, 

gamgi khengin Bohemia a va lut leu leu uh hi. Huss pawlte in nung kin 

in galte ki delh sak sak phot uh a, gal zo hangh a cih zah phial ding uh 

dongin hong tawkin uh hi. A hih hangin a tawpna ah Procopius’ galkapte 

a na leh nan gawp ciangin Crusade galkapte in a khialhna uh mu pha 

saan uh a, tangthei nawnlo in a giah phual uh ah apiang bang bang 

thuaak dingin ngak-in a omta uh hi. Gal husaa-nasiapi za uh a, Huss 

pawlte in amuh ma nangawn un Crusade galkapte ciliing gawp uh a, 

kumpi te, galkap te, galkap honpi te in a gal hiam te uh paai in mun ci 

teng zuan in mai lam ciat uh ah a taai keek uh hi. Pope Sawltakpa in 

tua gal simna ah makaih a, a lau-a a ki khen thaang a galkap teng 

nangawn a kai khawm kik zo nawn kei hi. Ama hanciamna teng bing ta 

ahih manin, amah na ngawn a taai keek te lak ah a ki hel hi. A vekpi un 

a tai keek khit uh ciangin a vante uh a galzo te adingin ki nusia a, 

galvan tampi a ngah leu leu uh hi. 

Tua bangin Europe gamte pana siam a sin sak uh, a haang pen 

leh gal siam penteng gal van hoih bel guan-in anihveina a kuan sak 

hangun a tha neem gam no khat a huu a keemte mai ah kuama do ma 

keei-in a taai mang zel uh hi. Tua pen Pasian vangliatna ki muhna a hi 

hi. A va sim gawp dinga kuante mihing sanga vanglian zaw khat in na 

phial zel mawk hi. San Tuipi sunga Pharoah galkap te a hen lum khin 

Topa, Gideon galkap 300 bek mai-a Midian galkap honte a nawk keek 

pa, a ki uangsak Assyria te zan khat thu-a a nen niampa in, a susia nuam 

galte tung ah a khut zang ahih man a hi zaw hi. “Cik mah-a tua bang 

launa om ngei lo, launa lianpi sungah amaute om uh hi. Bang hang hiam


cih leh Pasian in migilote’ guhte thehthang ding hi; Pasian in amaute 

nial ahih manin, amaute maizum in kikoih ding hi.” Late 53:5. 

Papal makaite in gal bawl-a dona tawh zo thei kisa lo uh ahih 

manin, pawl bawlna lam tawh zawh ding a sawm leu leu uh hi. Rome te 

khut sung a lut sak nop man in ki lem in lungkim dong in biakna (118) 

zui thei ding ci in Bohemia te suahtakna a pia uh hi. Bohemia te in 

Rome tawh ki hotheihna dingin, Pawlpi in a ut bangin Laisiangtho sung 

thu a hilh theih nading; neek khawm bawlna ah mikhem peuh in leengtui 

leh anlum a ngah kim ciat nading uh; leh Pasian biakna-ah amau pau tek 

zat theih nading; Pasian naseemte pen leitung zumte leh thunei te tawh 

ki zom lo-in a tuam om nading; leh, thusia khat peuh a om ciangin 

pawlpi mite leh pawlpi sia seemte a kibanga leitung thukhente mai-a a 

ki saan’ nading cih thu 4 a ngen uh hi. Papal thunei-te in a tawpna ah 

Huss pawlte’ nget thu 4 teng “kong saang phot ding uh a, ahi zong in 

Council te in hoih a sakna bang uh hong tel gen kik ding uh hi, — cih 

nop na ah, pope leh kumpipa thu hi ding hi,” a ci uh hi. –Wylie, b. 3, ch. 

8. Tua bangin kihona tawh hong lut uh a, Rome te in gal bawl-a kidona 

sangin kheem bawl-a thu sim zo thei zaw uh hi. Bang hang hiam cih 

leh, Huss pawlte’ ngetna teng nangawn kheemna tawh Laisiangtho 

khiatna heii-in amau deihna lam a kawk sak ngei uh bangin hei thei zaw 

lel ding cih a lem-en uh a hi hi. 

Bohemia-a mite tampi in amau suahtakna pen a heek sia a ki 

suak zaw lel kei na diam ci in thu kim thei lo uh ahih manin, kinialna leh 

pawl khenna hong piang hi. Amau lak mah ah kidona leh sisan luan’na 

hong piang hi. Hih kidona ah Procopius si a, Bohemia te suahtakna a 

bei hi. 

Huss leh Jerome a heekpa Sigismund pen Bohemia kumpi hong 

suak hi. Bohemia te ngah ding hamphatna bulpi teng ngaihsut sak ding 

cih ama thuciamte awl mawh loin pope vaite hong picing sak hi. Tua 

bangin Rome a mai-et hangin bangmahpi picin zo lo in, kum 20 tawntung


lungkham sin kham leh launa bek tawh anuntak na a dim hi. A galkapte 

si mang uh a, a neihsa te a gal sim simna-in a bei mang hi. Tu in tua 

banga a uk zawh kum khat khit ciangin amah si a, a kumpi gam pen 

tualgal kido ding bek-in a nusia hi. Ama nung zom-a hong khang kik 

mite adingin minsiat ciamtehna khat a nu siat a suak lel hi. 

Buaina, kidona, sisan luan’na te tawh hun saupi ki zom hi. Gam 

dangte in Bohemia hong sim uh a, a sung pana kilem lohna in a minam 

tha neem sak hi. Lungdamna thu ah muan huai taka ading Laite 

bawlsiatna thuaka sisan luang dingin a pia uh hi. 

(119) A masa-a a sanggam te uh mah bangin Rome tawh 

thukimna hong bawl khit uh ciangin a maan lohna te uh kimuh mawh 

bawl ta uh ahih manin, ni danga a upna bulpi uh a keem lai teng pen 

pawlpi tuam hong suah uh kulta-a, a min, “United Brethren” a kici uh 

hi. Tua nasepna hangin mi khempeuh in hong hamsiat lawh uh hi. Ahih 

hangin a upna kipna kilok nai lo hi. Gam lak kaw hawm sung khawng 

belh hong kul ta a, ahih hangin gam simtham sung ah Pasian thute sim 

khawm-in biakna te a pia khawm ve ve uh hi. 

Thu puak siate a simtham in gam dang te ah ki puak ahih manin, 

“mun tuam tuam ah thumaan zui ki zelh kawikawi in tang om na thu a 

thei uh hi. Khuapi sungte ah zong hiah tawm, huah tawm cih bangin 

om ni nek kawi kawi uh hi. Amaute pen bawl siat ding bek in a ki ngim 

den ahi uh hi. Alps gam mual lak pen Laisiangtho tunga kinga in, a 

kihhuai Rome mikim biakna langdo nading tanglai Pasian pawlpi dinna 

mun a suak hi.” –Wylie, b. 3, ch. 19. Tua bangin Waldenses Khristian 

te tawh zong hong ki thu za uh a, lungdam mah mah uh hi. 

Bohemia mite in bawlsiatna khuamialpi sungah Gospel thu kip 

let uha, zingsang khuavak ding ngaka mualmong en bangin bawlsiatna 

zan khuasawt thuak ten tan uh hi. “Amaute in nisim in, kamsiatna vive 

a nawk to uh hangin, Huss in a tangko masak, Jerome in a zop toh, 

khuavak hong tun’ nading kum za khat bang hong bei thei lai ding hi a


cih pen a phawk zel uh hi. Hih kammal pen Taborite (Huss nungzuite) 

adingin Joseph in aminam bup saltaan’ lai-a a gen, ‘Kei ka si ding a, 

ahih hangin Pasian in note hong vil ding a, khat vei hong la khia kik 

ding hi’ a cih bang a hi hi.” – Ibid. ch. 19. Kum za lom 5 na bei lam 

ciangin tecii pan’na hong ze-ol kik pian a, ahih hangin Brethren pawlpi 

a pung ta ding cih ki mu hi. Buai sak zelna kawm kal lak mah ah amaute 

lungdam mah mah uh hi. Kum zalom16na kipat ciangin Bohemia leh 

Marovia ah amau pawlpi za nih bang om ta hi.—Gillet, “Life & Times 

of J. Huss,” (3 rd . ed.), Vol. 2, p. 570. Tua a beibaang, meikuang leh 

namsau pana suakta sun sunte in Huss gen kholh Zingsang khua vaak 

pen mu dingin hun hoih a ngahte a hi ta uh hi.” –Wylie, b. 3, ch. 19.


7 

Rome leh Luther Kikhenkhiatna 

MARTIN Luther in Pope vaihawmna 

khuamial sung panin upna maan 

zaw khuavak sungah pawlpi makaih dinga 

sapkhiatte lak ah amadawk penpa a hi hi. 

Luther in ama hunin biakna upna pen 

Laisiangtho tung bek ah kiphut dinga thu 

dang phuak tawm lo ding hi ci-a, lau lo takin 

Pasian bek akihta a ki-aap zo mi, a thanuam 

a hanciam mipa a hi hi, tua hun-ading maha 

piang a hi hi. Ama hangin Pasian in 

leitungah khuavak taang sakin puahphatna 

nasnep athupi pen a kiseem thei hi. 

Lungdamnathu a kitangko masak lai-ate mah bangin Luther 

pen mi zawng a hi man-in hong ding khia hi. Amah aneu lai-in Germany 

gam sung mizawng lokho innkuan khat sung panin hong 

khangkhia hi. Nisial-in a pa in lei to-in a tapa pilsin nadingin sum

ROME LEH LUTHER KIKHENKHIATNA 107 

thalawh-in na a seem hi. A tapa upadi lente khat hi dingin hanciam a, 

ahih hangin Pasian in a kum zalom-a dam dam-a mai nawt pawlpi 

puah dingin seh sak zaw hi. Mong neilo pilna neipa in Luther pen a 

khantawn nasep dinga a sehsak kipattahnate in, haksatna, tanggawlna, 

naa sapi-a seknate ahi hi. 

Luther’ pa pen mi thahat, lungsim gina anei, gamtat hoih leh 

khauh a thuah mi zahtaak kaai, khentel siam, mi thutang khat a hi hi. 

Amah in panmun khat a let nak leh ama sep ding bang maan takin seem 

a, a thaman hong tung ding pen ahi bang bang hi sak lel hi. A lungsimin 

biakna phungzi saangte muang zolo hi. Amah in phungzi saanga 

Luther ama thu-a a va kah zong thukim pih het lo hi. A tapa tawh a 

kimuh uh teh Luther pen saang ah kum nih na kah khin ta a, tua mah 

zong a lung kim tuan nailo hi. 

Luther’ nu leh pate in atate uh pilna sin nading pen anak ngaihsut 

mah mah uh a hi hi. Amau in atate uh Pasian thei sak-in Khristian hoih 

asuah nading uh hanciam uh hi. (121) A pa’ thungetnate a tapa in 

zakpih kha zel a, Topa min phawk-in Ama thumaan ah mainawt nading 

ahuhpa khat a suah nadingin ngen zel hi. Lungsim leh pilnate ah 

mainawt-in gimtaka a nasepnate uh thaman lungdamna angah kik nading 

uh ngim gige-a a ngak kinken nu leh pate a hi uh hi. A tate uh mihoih, 

Pasian zahtak, zat thamcing a suah nading uh lungduai takin leh nakpi 

takin hanciam uh hi. Amau kipluatna leh hatna hangin ngaat lua kha zel 

thei uh hi. Puahphapa in zong ama hoihsakpih loh phialpi hi ta leh a 

seknate uh zui a, a tawpna ah asia sangin ahoih hi zaw hi acihna tam 

zaw zel hi. 

A neulai-a Luther akipuakna saangah ki nak uk mah mah-in nop 

lo-a, khat vei vei bang thatang gimnate zong om zel hi. A nu leh apa 

zawng lua uh ahih manin a inn pan khua danga a sang kahna lam dung 

ah a an nek ding thalawh tawm a, inn sim ah la sa kawi kawi a, sum a 

ngah loh ni ciangin gilkial lua-in sang kah zo lo hi. Pipu thuciin khuamial


biakna lungsim in zong amah tuamcip hi. Zan-in lunggimsa-in lum-in a 

mailam nuntakna khuamialte ngaihsun a, Pasian pen khauh lua, a thu 

zuih hak lua sa-in khahkhong keei loa thukhenpa, gilo taka a ukcippa 

bang pian-in en a, hehpihna tawh a kidim vantunga i Pa ahihna mukha 

thei lo hi. 

Tua bang lungkiat huai lua lakpi mah panin Luther in mai hong 

nawt a, lungsim gina leh pilna hoih hong ngah hi. Pilna deih mah mahin 

lunggulh takpi-a, apua tham bek-a mi muh ding cihna lel hi loin agil 

akhauh pilna nei nuam-in seem in a zui hi. 

Kum 18 aphak ciangin Erfurt university ah lut a, aneu zawk 

laite sangin a mailam lam-etna hong om zaw deuh hi. A nute apate 

sum zat kidop siamna leh nakpi nasepna in ama kisapna huuzo sak 

teei hi. A lawmte tawh maa van’ nading khawng gen-in a beisa-a a 

sangkahna lungkiat huai lua khuamialte a bei zaw deuh hi. Sia hoih 

pen pente’ thute (122) sim kawi kawi a amau lungsim thupi bangci 

leng ngah khia thei-in amau pilna teng ngah zo ding cih a hanciam hi. 

A sangkah masaklai-a a siate in gilo taka a uknate, kiseknate, in hoihna 

pia a a lungsim zong taang zai-in deih huai hong suak hi. Ciamteh 

hatnate, lungsim gelkholh siamnate, nakpi-a ngaihsut akul thuphawk 

khiatnate, cimtak lo-a hih ngit nget akulnate ah a lawm a gualte sangin 

amadawk zaw hong suak hi. Pilna zonga, kisekna in theihtel na guana, 

a lungsim in tawlnga loin na seem sak ahih manin thu matkhiatna ah 

hong navaak mah mah a, a khantawn nasepna adingin a kigingkhol 

hong suak hi. 

Luther lungsim ah Topa kihtakna teengden ahih manin a ngimna 

kipsak kician sak tuam a, Pasian mai ah kiniamkhiat sak den thei hi. A 

tawntung-in Pasian huh nading muang den a, zingsang sial-in thungetna 

tawh ki ap den hi. A lungsim-in Pasian makaih ding huhna ngen den hi. 

“Thungetna in thusinna alang taang bang honghuh hi,” ci hi. (D’Aubigne, 

“History of the Reformation of the Sixteenth Century,” b. 2, ch. 2).


Ni khat, University-a laibu koihna apheklek leh Latin Laisiangtho 

bu a mu kha hi. Tua bang laibu ni dang in mukha ngei naii lo hi. Tua 

bang laibu a om lam zong thei kha ngei nailo hi. Lungdamnathu sung 

pawl khat leh laikhakte pawl khat za kha ngei zel teei bek a, tuate zong 

mipi kikhop biakna-a ki simte bek ahi hi. Tua amuh laibu pen Laisiangtho 

bup ahi dingin um hi. Tu-in Pasian Laisiangtho bup hong mukhia ta a 

suak hi. A lungsim ah nuam-in alungtang kisai vat vat sa-in nuntakna 

thubu hong sim sim-a, “Pasian in hih laibu mimal neih dingin hong pia 

leh deih mah si’ng” a ci hi. (D’Aubigne, Ibid.) Pasian vantung mite in 

akiang pan vil uh a, Pasian kiang pana khuavakte amat khiat theih 

nadingin huh uh hi. Amah in Pasian anial khak ding a lau den sa hi a, tu 

in mawhneimi ahih lam nidang sangin a kimu zaw lai hi. 

Mawhna pan suakta a Pasian tawh kilemding ut lua ahih manin 

Phungzi huang ah lut-in hong ki aap hi. Hih thu in amah aniam pen pen 

nuntakna pan kipan sak a, inn (123) khat pan inn khat ah khut dawh 

ngen-in vaak kul sak hi. Kiphatsak nop pen pen hun laitak ding akum 

hong cingta a, hih a za neu lua nasep in maizum sak lua mah mah ahi ta 

zongin thuak kenkon a, tuate amawhna pan a kimaisak nading hi-in a 

tuat hi. 

A nisial nasepte kawm kal ah hun neu cik aneih sun sunte laisimna 

in zangh a, a ihmut hunte eu liangin lai sim-a, a an neek hun sungte na 

ngawn pam maih a sa hi. Na dang khempeuh sangin Pasian laibu sim 

ding thupi a sa pen hi. Convent inn kawmpang ah Laisiangtho bu 

kikhihcip khat mu a, tua lai mun ngen kidenna pah pah hi. Amawhnate 

kiphawk mah mah a, mawh mai nadingin sep zawh thatang hanciam in 

lungmuanna a zong hi. A nuntak zia a kigawt bawl thei pen pen tawh 

gawt a, an ngolhnate, vil-a zanhahnate, khauteep-a kisatnate khawng 

tawh pianpih gitlohnate khawng zawh sawm-a, ahih hangin tua banga 

kigawtbawlnate in lungmuanna pia tuanlo hi. Pasian mai-a lungsim 

siangtho angah theih nadingin thuakna khempeuh siit loin a thuak hi. A 

nung sang cianga apauna khat ah, “Kei pen phungzi hoih-a kigente khat


ka hi lo hi. Ka kam-a ka genkhiat kim zawh loh zah-in kuhkal-in ka zui 

hi. Tua phungzi gamtat hoihte zuihna hangin vantung ki ngah ding hi 

leh, kei pen in ka ngah tak tak ding hi….Tua baan sep lai ding kul hi leh 

zong sihna dong thuak-in ka hih ding hi” ci hi (D’Aubigne, Ibid, ch. 3). 

Tua a haksa kisek tawmna te hangin thagui kisaan natna ngah a, dam 

siangtho zo ngei nawn lo hi. Ahih hangin tua zah-a a hanciamna tawh 

lungkim tatak thei lo ve ve a, tawldam hetlo ve ve hi. A tawpna ah lung 

mang zaw hi. 

Luther in tuate khempeuh amawkna suak lel hi cih amuh ciangin 

Pasian in amah huh ding khat a pia hi. Mihoih Staupitz in Luther kiang 

ah Pasian Laisiangtho thu hilh a, amah leh amah ki en loin Honpa Jesu 

en zaw leh Pasian thukham palsatna in a tawntung dan thuakna hi cih 

etna pen khawl sak hi. “Na mawhna hangin nang leh nang kigawtbawlna 

sangin Honpa ang sung kiden na zaw in. Amah Muang in Ama nuntak 

maan suang in (124) la siansuahna a seem dinga A sihna muang 

zawin….Pasian Tapa thu ngai in Pasian itna na saan’ theih nadingin 

Amah mihing-in hong piang ahih na um in. Nang hong it masapa it 

thuk in” a ci hi. (D’Aubigne, Ibid.) Tua bangin hih migitna kamtaipa in 

hilh hi. Tua hong thugente Luther lungsim sungah lut mah mah hi. 

Sawt veipi kithasaan-a siatna sung pana asuah taak zawh loh, tu in 

thumaan hong saang thei zaw, hong lung muang thei zaw hi. 

Luther hong ki Ordain a, phungzi nuntak panin Professor hong 

suak to a, Wittenberg University ah hong seem hi. Tua pan-in amah in 

Laisiangtho a kigelh cilna kam pau tawh hong sim hi. Laisiangtho sung 

thu hilh ding hong kipan hi. Late bu, Gospel bute leh Laikhat bute mipi 

thu ngaite in hong za uh a, hong thei thei uh hi. Amah sanga upa zaw 

alawm Staupitz in pulpit ah kahto-in Pasian thu hilh dingin a sawl hi. 

Luther in mipite mai ah Khrist’ taang-in thu gen dingin thamcing lo 

mah mah a, gen haksa pian tham hi. Sawtveipi a kisittel khit ciangin 

alawmte sawlna a mang hi. Laisiangtho thei mah mah khin a, Pasian 

thupha zong ama tungah hong tung hi. Ama thugen siamna in thuza


mite mancip-a thumaan thu kitel tak leh vanglian tak tawh agenna aw 

mite in tel thei in a lungsimte uh khoih pha mah mah hi. 

Luther pen Pope pawlpi pan-a khangkhia hi a, thu dang bang 

mah ngaihsun zen zen lo hi. Pasian vaihawm sakna tawh Rome ahawh 

nading thu hong om hi. A khe-in zin a, lampi dung ah zong phungzi 

innte ah zintung hi. Italy gam phungzi innte khat a tun’ ciangin hauhna, 

liatna, a valkhong nopsaknate nasia lua mah mah mu a, lamdang a sa 

hi. Kumpinu sum tawh kivak phungzite in inn nasia mah mah sung ah 

teeng-in puantual manpha pen pente tawh kizeem-in an lim pen pente 

a ne uh hi. Luther in amah leh amah kinial-a kigawt-a a om tawh 

hong kikhai lua mah mah a, naa sa mah mah hi. A lungsim hong buai 

gawp zo phial hi. 

A tawpna ah agamla sim pan-in khuapi kiphuhna mual sagihte a 

gal et hi. A lungsim thuk sung pan-in “A siangtho Rome khua aw, 

salam kong pia hi,” ci-in lei ah bok suk hi. A khuapi sungah va lut a, 

biak inn tuam tuamte ah a va hawh hi. Siampite in tangthu (125) 

ngaihnono agente uh va za-in a biakpiaknate uh a va siim hi. Mun 

citeng a a muhteng lamdang sa-in kamkaa bek hi. Biakna naseem akicite 

mawhnate va mu kawi kawi hi. Thukhen siampite ciamnuih kih huaite, 

Mass abawl laitak nangawn uh akih huainate uh mu-a lamdang a sa lua 

hi. Phungzite ahi-a khuamite ahi zongin a kithuahnate uh ah zulhtatna 

leh khuavalna a mu hi. Aheiisuk aheiitohna tengin mun siangtho pipite 

ah nitna thaanghuaina a mu kawi kawi hi. Rome a gamtatzia mawhna 

leh kihhuaina min-siat huai-in kuamah in um zo lo ding hi. Aki up 

nadingin muh ding kisam hi. Acih theih khat uh, “Hell a om takpi leh 

Rome pen tua hell tunga kiphut hi pah ding hi: mawhna namcin a hong 

phuulna kawhawmpi hi” ci uh hi. (D’Abigne, Ibid., ch. 6). 

A sawt nai lo-a pope thupiakna khat ah, “Pilat Keellei” akici 

cial ah khukdinsa-in kahto leh a mawhnate kimaisak dingin khaam hi. 

Tua keellei pen Honpa in Rome thukhenna zum anusiat cianga a


kumsukna hi-a a lamdangpi-a kipua hi ci uh hi. Luther zong kipak 

takin tua keellei ah ni khat va kah a, vanging aw in a hopih bangin, 

“Midik in upna tawh anungta ding hi,” Rom. 1:17, cih aza hi. Thakhatin 

dingto-a, mai zum kawm lau kawm-in a kum suk pah hi. Tua 

Laisiangtho mun pen a lungsung ah mang ngei nawn lo hi. Tua huna 

kipanin mihing in hotna ngah nadingin sepna amuan sangin Khrist kicinna 

muang ding kul zaw hi cih atel seem seem in hong mu hi. Ama mit 

kihongkhia a, papacy kheemna ah mitsi kik ngei nawn lo ding hi. Rome 

anusiat ciangin alungsim zong paikhia khawm pah a, papal pawlpi tawh 

kizopna pen a kitahkhiat dongin zai seem seem pah ta hi. 

Luther in Rome pan a ciang khiat kik khit ciangin Wittenberg 

University panin Doctor of Divinity degree a ngah hi. Ni dang bang hi 

loin ama ut bangin Laisiangtho simnate ah suakta takin hong sim thei 

ding ahi ta hi. Amah in kiciamna bawla Pasian (126) thu om bang 

kidawm tak leh muanhuai takin hilh ning, pope gen bang leh ama thu 

upna phuahtawm mawk mawte zui kei ning, ci hi. Amah pen siampi 

mawk mawk leh siapi mawk mawk hi nawn loin Laisiangtho thugen 

siapi hi ta hi. Amah pen Pasian Tuunote, thumaan gilkial dangtaakte 

vaak ding hong hi ta hi. Amah in, Khristiante in Laisiangtho sung thu 

lo ngal upna dangte saan’ ding hi lo hi ci-in kiptakin genkhia hi. Tua 

thu in papal pawlpi kiphuhna thu bulpi satkhia pah hi. Puahphatna 

thubul hong kihel pah mai hi. 

Luther in Pasian kammalte sanga mite thuphuahtawmte 

akipahtawi zawk leh a lauhuai zia ding mu hi. Amah in sang sunga 

gamtat hoihlote thuguisutna pana bawl tawm upna tawh mite sauveipi 

aki uk ahihnate mu in langpan’-in kawk khia hi. Amah in tua bang 

kihilhnate kimanna nei lo bek loin mite kisiat lawh zawkna hi ci in gen 

a, ama thu ngaite in tua philosophy siamte leh theology siamte thu a 

zuihna uh pan in kamsangte leh sawltakte phuh a tawntung thumaan ah 

hong kihei in hong zuan ding sawm uh hi.


Ama thugente aza mite tungah manpha mah mah hi. Ni dangin 

tua bang thu kihilhna za ngei nailo uh hi. Honpa hong itna thu, Ama 

sisan in hong hotkhiatna hangin maisak na leh lungmuanna ki ngah thei 

thu azak uh ciangin lungdam mah mah uh a, aki sia thei lo lam etna 

hong nei uh hi. Wittenberg ah khuavak hong taangkhia a, leimong dongin 

kithehkhia ding hong hi ta hi. Tua pen hunbei dongin taang sem sem lai 

ding hi. 

Ahih hangin khuavak leh khuamial kilem ngei lo hi. Thumaan 

leh thukhial kigawm thei lo a, kido ngit nget hi. A khat lam ah kop le 

hang, akhat lam pen paih kul hi. Hong Honpa mah mah in zong agen 

ah: “Keimah in kilemna omsak dinga hong pai hi loin namsau a lek 

dinga hong pai ka hi hi’ ci hi. Matt. 10:34. Puahphatna kong akihong 

khit zek-in Luther in, “Pasiang in kei hong kaai loin hong tawsawn a, 

hong paikhiatpih hi. Keimah in ka ut banga om ka hi kei hi. Tawldam 

taka om ka ut hi. Ahih hangin buaina leh lehpanna laizang ah hong 

kihenlut hi” ci hi (D’Aubigne, Ibid. ch. 2). Tu-in amah pen kidemna ah 

kisam ding ahi ta hi. 

(127) Rome pawlpi in Pasian thupha pen summeet bawlna-in 

zangh uh hi. Sumkhekte sabuaite in amau pulpit pang ah ki nga a, 

aleite leh a zuakte aw ging hong kiza hi. Matt. 21:12. St. Peter Biakinn 

pi lam nadingin sum kaihkhopna ah pope aana tawh mipi mawhna amai 

theih nading letmat a kizuak hi. Thusia bawl theih nading leina sum 

tawh Pasian kibiak nading inn kilam ding hi. A innkiu khuambul suang 

pen mawh leina sum tawh kiphut ding hi ta zen hi! Rome te kiphatsakna 

khengval-lua in ama liatna leh avangliatna susia ding suak zaw hi. Bang 

hang hiam cih leh, tua thu in pope vaihawmna apicing zo ding 

thawhkhiatna hong piang sak hi. Pope tokhom hong lok-a a lutunga 

lukhu cial thum hong nawk khia hi. 

Germany gama mawhna maisakna ticket zuak dingin zum thu 

tawh hong kisawlkhia uh hi. A hong paipa amin Tetzel hi a, Pasian


thukham langdo in mihon asusia thei pen penpa mah a seh pah helsam 

uh hi. Ahih hangin ama tatsiatna daante pan suakta sak-in pope thutak 

leh thugil neih lohnate leh sumzonna nasep seem dingin a sawl uh hi. 

Maizum lo takin zuauthu tanghhial khawng gen gen a, athei lo mite 

akheemzawh nadingin tangthu phuahtawm khawng gen a, thu sittel selo 

mite leh pipu thuciin peuh tawh alungkim lel mite um sak kawi kawi hi. 

Amau in Pasian thu na thei pha zek uh hi leh kikheem zo lo ding hi. 

Amaute pope in a ukcip zawh theih nadingin leh makaite hauh theih 

nadingin mipite kiang panin Laisiangho a selcip uh hi. 

Tetzel khua khat ah a lut ding ciangin kamtai khat sawl khol zel 

a, “Pasian leh siangthopa leh hehpihna na kong kiang ah om hi” ci-in 

tangko khol sak zel hi. (D’Aubigne, Ibid. b. 3, ch. 1). Tua ciangin 

mite in Pasian gensia a akineih tawm mipa a Pasian taktak vantung 

pana hong kumsuk-a amau kianga hong hawh bang pet pet-in na zindo 

uh hi. A zumhuai lel sumbawlnate biakinnte ah seem uh a, Tetzel pen 

pulpit ah kahto-in mawhmaina a om theih pen Pasian hong piak letsong 

manpha pen pen hi ci-in a gen hi. Ama (128) piakkhiat mawhmaisakna 

letmat alei mite, mawhna nam khempeuh – amawh nai lohpi a mawh 

nop laite na ngawn kimai siang sak kilkel ding hi. Kisikkik zong kul lo 

hi” ci lai hi. Ibid. Tua tham loin, hih mawh maina letmat in ahinglaite 

bek zong hi loin asisate zong honkhia thei a, tua letmat leina sum in 

akuangtaw deenga a ginkek leh tua misi khaa in Purgatory pan in vantung 

lam zuan-in dingkhia pah ta hi” ci tazen hi. (Hagenbach, “History of 

Reformation” Vol. 1, p. 96). 

Simon Magus in sawltakte’ nalamdang bawltheihna sum tawh 

lei dingin sum a piak khiat ciangin Peter in: “Pasian letsongte sum tawh 

lei sawm nahih ciangin na sum tawh nang kisia khawm in” na ci hi. 

Sawltak 8:20. Tua hi napi Tetzel thu pen mi tultampi in saang ve ve uh 

hi. Ngun leh khamte sumkholna khuksung ah hong luang hi. Hotkhiatna 

pen kisik kik-a upna tawh hanciam taka mawhna dal zawh nading sangin 

dangka tawh lei ziau-a ngah ding pen baih zaw ahih manin ki ut zaw hi.


Mawhmaisakna lei ding pen mihoihte leh laisiamte in a Rome 

pawlpi sung mah mah panin nial-in, thu saikaak theihna leh Laisiangtho 

thu tawh kilehbulh hi ci-a a um thei lo mi tampi mah om ve ve hi. 

Thukhen phungzite lah tua mawhna kawkna laisuante a nial a kawk 

ngam om loin kikhahkhong lel a, mite lungsim buai-in cih nading meel 

thei lo uh hi. Mi tampi mah in kantel in, Pasian in pawlpi sung puahsiang 

nading na khat peuh hong seem lo ding hiam? ci uh hi. 

Luther pen papal thu kiplet pawl ahih lai pi mah-in tua mawh 

maina letmat zuakte Pasian aneubawlnate uh a lau pih mah mah hi. 

Ama pawlpi sunga pawlpi mi tampi mah in maisakna lei uha, tua khit 

ciangin asiapa uh kiang ah hong pai-in amawhna tuamtuamte uh hong 

pulaak uh a, kimaisak khin hi ci-in lamen uh hi. Tua pen kisik kika 

kipuahpha ding ngim hi loin tua mawhhonna sik sak uh ahihzaw uh hi. 

Luther in tuate niala, amaute kisik kik-a a kipuahphat kei uh leh 

amawhna uh tawh kisia ding uh hi ci-in hilh hi. Mite (129) hong 

pai kik-in Tetzel kiangah tua letmat te pen a kipulaakna pa un nolh hi, 

ci-in a gen uh hi. Kim khatte in asumte uh mai ngal takin a va ngen 

kik uh hi. Letmat zuak siampipa hong heh luain, a huaisia mah mahin 

mipi lak ah meikuang saka, “Pope kiang pana thu ki ngahna ah, hi 

banga amau thu tawh mawhmaina ana langdo thunialte (heretics) mei 

tawh hal theih nading thu ka ngah hi” cikhia zal zal keei zen hi. 

(D’Abigne, Ibid. B. 3, ch. 4). 

Luther pen tu in thumaan genpipa ahihna dinmun ah ahong tung 

ahi ta hi. Pulpit panin kidop nading agenna aw ging kiza ta hi. Amah in 

mite mai ah, “Eite sepna tawh hotna leh mawhna daan neemsak tuam 

ding cih te aki ngah thei hi lo hi ci-in mawhna huathuaina hilh ding 

hong kipan ta hi. Pasian lam ah kisik kik-a Khrist upna lo ngal mawhneite 

hong honthei om lo hi, a ci hi. Khrist hehpihna pen sum tawh akilei thei 

hi loa piakkhong hi zaw hi ci hi. Mawh honna letmat leilo in upna mit 

tawh Honpa en zaw dingin mite a hansuah hi. Amah in ama haihanciamna 

omsate, kiniamkhiat-a amah leh amah kigawtbawlnate


amawkna ahih lam genkhia a, hotkhiatna ngah nading in ei leh ei ki en 

loin Khrist bek en in um leng lungmuanna leh lungdamna kingah hi zaw 

cih thu mite tung ah hilh hi. 

Tetzel in kineihtawm nasepnate zomzom lai ahih manin tua thu 

langdona Luther-in zong a uang zaw in bawl hi. Hun hoih khat hong 

om hi. Tua hunin, Wittenberg-a Castle Biakinn ah tangvante (relics) 

tampi om a, zumkhak-ni(holiday) ciangin tua te kilak khia zel in mite 

va pai hen la va kipulaak le uh a mawhna khempeuh kimaisak hi ci-in a 

um uh hi. Tua bang ni ciangin mi tampi tua mun ah a pai uh hi. Tua hun 

ciangin Misiangtho kici “Saints” te khempeuh pawi bawlsakna om hi. 

Tua ni a tun ma a zan-in Luther in zong biakinn-a pai mi honkhat va 

zui-in laidal khat kawm tung ah va suanga, mawhhonna thu upna anialna 

(130) thumal 95 a gelh hi. A zing ciangin University ah tua thu kikum 

kik uh a, anial a om leh tellah ding a utna zong a gen hi. 

Ama ngimnate mi khempeuh in hoih sa uh hi. Tua lai kigelh pen 

sim uh a, sim pha pah-in telkheh uh hi. Tua huhau in University sung teng 

leh khua sung bup zong patau in, a linglawng hi. Hih tellahna laite hangin 

pope in mawhnate maisak thei hi cih thu leh mawhsak thei-a, daan zong 

thuak sak thei lai hi, cih thu te Pope ahi a mi khat peuh ahi zongin tuate’ 

tung ah tua bang hih theihna om hi kua mah in ci nuam ngei nawn lo hi. A 

vai hawmna teng uh ciamnuihna, teengtaa kineihna bang lel suak khin hiau 

ta hi. Sum lut theih nadinga bawltawm pipi thuciin lel peuh ahihna thu 

hong dawka, Satan in tua kineihtawmna thu amuang khaate suksiatna dinga 

avaihawm ahihna kimu hi. Tham loin Khrist’ Gospel pen bek pawlpi adingin 

amanpha ahihna zong hong kidawka, Pasian thupha kimukhia thei-in, tua 

pen kisik kikna leh upna tawh azong mite tung ah letsong a kipia ahihna 

thu zong ki tel dawk sak hi. 

Tua Luther lai in kikup honna neih ding atawn hangin kuamah 

in va kikuppih ngam lo uh hi. Dotna apiaknate khawng kigen zel zul a, 

ni tawm kha sungin Germany gambup kizeel in nipikal tawmno sungin


Khristian gam khempeuh a zel khin hi. A ki-ap tatak Rome pawlpi mi 

tampitak in in Pawlpi sunga mawhna leh siatna teng bangci dal ding cih 

thei loin thuum uh hi. Tua bang mite in lungdam tak-in tua thu sim sim 

uh a, Pasian hong gen kammal hi ci-in ngaih sun uh hi. Romete lampialna 

ngeina khanglua te dal nadinga Pasian in a khut hong nga ta hi ci in 

ngaihsun uh hi. Kumpi vaihawmte, thukhen mangpite in simtham takin 

lungdam mah mah uh a, thumaan teng a nial akiphasak aana pen kidal 

thei ding ci in lungdam uh hi. 

Ahih hangin mawhna a it, tanglai thuciin tawh alungkim thei 

mite pen amau khalauna pan lungnop apia phuahtawm thupilna (sophistries) 

teng a paih-khiat sak ciangin a patau uh hi. Thuhilhsia thukhel 

zanghte in thusia abawl theih zelna teng uh hum suak ahih manin amau 

kineihtawmna teng uh azop theih nading hanciam in tua thu mudah-in a 

heh mah mah uh hi. Puahphapa in langpang nasia mah mahte tawh 

hong kitalsik ding hi ta hi. Kim khatte in lop-tat lua, lung ngol lua ci-in 

kim khat leu leu in upmawh gen lua, Pasian sawl hi kei, kiphasak lua, 

kimaingalsak lua cih bangin a mawh sak uh ciangin Luther in “Mi khat 

peuh in thu thak khat a gen khiat ciangin aki pilsak, ki nial na- (131) 

ding thukhel zong hi aki cih ngeina a thei lo kua om a hiam? Bang 

hangin Khrist leh akithat dangte zong kithat hiam? En leng, tanglai thu 

omsa thusim lo-in atua hun-a mite pilnate a simmawh sak manin tua 

bangin agamta sa kha uh ahih man hi,” a ci hi. 

A genbehna khat ah, “,Mihing nigmna hi loin Pasian sawlna hi 

zaw ahih manin, ka sep peuh mah a tangtung ding thu a hi hi. Pasian 

sawl nasepna kua in dal zo ding –a,Pasian sawl loh na kua in nawk zo 

ding ahi hiam? Hih thu in kei deihna hang hi lo-a, amau deihna hang leh 

kote’ deihna hang zong hi lo hi. Van-a om a siangtho Pa aw, Nangma 

deihna bang hi zaw ta hen” ci hi. (D’Aubigne, Ibid., b. 3, ch. 6). 

Luther nasep pen Pasian Kha Siangtho sawl ahih hangin haksatna 

tuak lo ding cih hi tuanlo hi. A galte’ gensiatnate, ama deihna a ki khellaak


saknate, a man lo pi leh etsatna tawh Luther’ nuntak zia leh a lungsimpuak 

dan agensiatnate un tuihualpi bangin hongvat ciangin, nasia tak in amah a 

buaisak hi. Ahih hangin pawlpi leh sang pan makai zaw diakte in puahphatna 

nasep huh ding uh hi cih Luther in lungmuan na a nei hi. Mi zalian pipi te 

hansuahna a ngah ciangin lungdam mah mah in lungkhauhna leh lam etna 

nei hi. Pawlpi adingin khuavak taang zaw hong tung ding cih zong a mukhol 

hi. Ahih hangin hansuahna teng kawkna leh mawhsakna hong suak kik hi. 

Pawlpi ulian, kumpi lam uliante in a thu gelhkhiatte maan hi ci in a muh teei 

uh hangin tua in thu tampi lumlet in kheel ding hi cih zong a mu uh hi. Mite 

in hih khuavaak mu in kipuahpha le uh Rome te’ aana neihna kiam dinga 

tu-a papal makaite nopsakna, ahauhna uh ahi sumlut na teng kang hiau 

dinga, papal uliante noptat zawhna hong sukha hamtang ding hi. Tham 

loin mite in Hotna ngah nadingin Khrist bek en le uh pope tokhom pen 

puuk-in a aana kisia ding hi. Tua ahih man mah-in Khrist leh thumaan 

mite-in ateltheih nadingin Pasian piak khuavak lak dinga a ki sawlte na nial 

den uh ahi hi. 

(132) Mihing khat bek in leitunga vanglian pen pen teng lang 

pan cih amah leh amah akiphawk khak ciangin Luther patau in a liing 

hi. Khat veivei pawlpi aana langpan’ dingin Pasian in amah sawl takpi 

mah hiam? ci in a ngaihsun pha pha hi. “Leitung kumpite leh leitung 

bup in liing lianga a kihtaak uh pope vangliatna nial dingin kei kua kahi 

hiam?….A tuung lai kum nih sung bang, bangzah in ka lunggim hiam 

kuamah in hong theih pih lo uh hi. Ka lungmang mah mah hi” ci-in a 

gelh hi. (D’ Aubigne, Ibid., b. 3, ch. 6). Ahih hangin alungkia cip lel 

dingin Luther kinusia lo hi. Mihing in apanpih theih nawn loh ciangin, 

Pasian bek mah mitsuan in, avanglian Pasian khut in amah huu-khia 

thei takpi hi cih Luther in mu toto hi. 

Puahphatna nasepna vai alawmte khat a laikhakna ah, “hanciam 

thu, leh pilna neih man, tawh Laisiangtho pen a kithei zo hi lo hi. 

Amasa in thungetna tawh na kipan masa ding hi. Ama thumaan teltheih 

nadingin A migitna na ngen phot ding hi. Tua Laisiangtho akhiatna


pen aneipa sangin athei zaw kuamah omlo ahih manin ‘Pasian in 

amaute hong hilh ding hi’ A ci hi. Nang hanciamna lel leh nang pilna 

panin bang mah lamet ding om lo ahih manin, Pasian bek muang in la 

Ama Kha Siangtho ki makaih sak in. Hihte pen ka tuah-khak ngeisa 

thu kong gen ahih manin um in” a ci hi (D’Aubigne, Ibid. b. 3, ch. 7). 

Tu hun ading thumaan apuak sawn dingin Pasian hong sap ka hi aci 

mite in zong theih ding akisam mah mah thu tampi hih sungah a om 

hi. Thumaan in thu ginalo peuh tawh alungkim thei Satan leh ama 

mite lok-in muhdahna toksuah ding hi. Gilo vangliatna tawh kidona a 

om ciangin mihing hatna leh theihna lel in cinlo ahih manin tua sangin 

akisam zaw lai na na om zel hi. 

Galte in thuciinte leh ngeinate peuh, pope aana leh a gente peuh, 

siksan in aneih lam a muh uh ciangin Luther in Laisiangtho bek tawh a 

na nang zel hi. Laisiangtho bek zangh ahih manin adawn nading uh thei 

lo uh a, Jewste in Khrist a sisansuah sawm uh bangin thuciin ngeina lel 

a um mite in Luther zong sisansuah a sawm uh hi. Rome adinga hanciam 

mite in amah upnapial (heretic) hi ci in awng zel uh hi. “Amah nai khat 

sung bek nangawn hinkhawi lai le’ng pawlpi susia kisuak lo ding ahi 

hiam? Tua ahih manin ama adingin kingkalhna gilbeem khat bawl ve 

un” (133) a ci uh hhi. (D’ Aubigne, Ibid. b. 3, ch. 9). Ahih hangin 

amau ut bangin Luther a manzo kei uh hi. Pasian in sep dinga apiak 

masuan a hih manin, vantung mite in amah a vil uh hi. Luther kiang 

pana khuavak hong ngah mi tampite pen Satan lungngolna in ngimsanhin 

a nei pah hi. Ahih hangin thumaan adingin kilangbawl hangin laulo 

dual-lo in sihna dong thuak ngam zel uh hi. 

Luther thuhilhna in Germany gam sung tengah thungaihsun thei 

mikhempeuh a lawpsak hi. A thu hilhnate leh alaigelhte in mi atul lom 

lom-in khanghlo sak-a, khua a vak sak hi. Sawtveipi ngeina luii zui-a 

asi upna tawh a om Pawlpi lak panin upna nungta ngah sak hi. Mipi in 

nisial-in Rome te thuciin lellelte muanglah to sem sem uh hi. Kimanialna 

ahi theihkhialna in a dal dal teng ong beei ta hi. Luther in thu khempeuh


sittelna-a azat Pasian kammalte in langnih-a hiam namsau tawh kibangin, 

anawk khakte lungsim peuh peuh nasia takin bun ahih manin, mun 

khempeuh ah khaa lam khanlawhna leh mainawt na om kawi kawi hi. 

Khang tampi sung a kiphawk kha lo thumaante mite in gilkial dang taak 

bangin na lunggulh uh hi. Mite in leitung palai kineih siampite’ 

biakbawlna ngeina luizuih nate panin aki-khaipa Khrist bek mah en in 

hong mitsuan zaw ta mawk uh hi. 

Hih mipi khanlawhna in papal makaite hong lauthawng sak zaw 

sem sem ahih manin, thunialpa ci-a sittelna thuak dingin Rome pan-a 

sapna Luther kiang hong tung hi. Tua thupiakna hang in Luther lawmte 

lau mah mah uh hi. Bang hang hiam cih leh tua a kih-huai gamtat na 

hangin tua khuapi in Jesuh mi siangthote sisan kham in guui khin ahih 

lam a thei uh hi. Tua ahih manin amaute in Rome-a apai ding kho uh a, 

Germany gam sung pan mah-a a kisittel lel dingin a ngen uh hi. 

Tua ngetna pen atawpna ah ngah uh a, pope-ii teel thukhenmang 

khat tua thusit dingin kisawl hi. Pope in Luther pen Heretic ci-a 

amawhsak khit sa ahih mah bangin “zekai lo in sem pah in” ci-intua 

thukhen mangpa a vaikhak hi. A na kip tentan vial a a thuzawh kei leh 

Germany gam bup in Luther a saan loh nadingin hawlkhia-in, (134) 

samsia in la amah tawh akop khempeuh nagawn pawlpi minkhumna 

pan phiat in” a ci hi. (D’ Aubigne, Ibid., b. 4, ch. 2). Tham loin Pope in 

ama sawlpa kiangah upna thunialna peuhmah akizungbawh siang theih 

nadingin pawlpi sung leh kumpisung uliante, kumpipa lo buang, Luther 

leh a nungzuite a man ngamlo khempeuh pawlpi pua ah koih in la, Rome 

ah phu-laak dingin koih in” ci in a hilh lai hi. 

Tua bang in Khristian hihna thubulphuh atawnlo, zong thutang 

ahi him him lo pope sungthu teng hong dawk khia ta hi. Luther pen 

Rome pan gamlapi ah om ahih ciangin adinmun telsiang nadingin kiphel 

na hun pia lo leh athu kantel nailopi in, thunialpa (heretic) hi ci in thu a 

lang khen mawk uh hi; tua ni mah in hanthawn-in mawhsiat-a, thu tan-


in a mawhsak uh hi. Leitung leh pawlpi ukna lenkhawm a, khial theilo 

aana neipa, tungnung pen leh a siangtho-pen a kici pa gamtat tua bang 

peuh hi mai tazen hi! 

Tua laitakin Luther ahehpih ding, athukuppih ding lawm hoih 

khat kisam ahih manin, Pasian in Wittenberg ah Melanchthon a puak hi. 

A kum moi lai, amah leh amah akimuang nai khollo, a neem dikdek 

khentelna maan-a nei, thu mu-in thu gen a siam, nuntak siangtho nuntak 

maan tawh a kithuah Melanchthon pen leitung bup pahtawi hong cing 

hi. A thusiamna leh aki niamkhiatnate in a navakna leh atalen dangte 

sangin niam zaw lo hi. Amah pen asawt loin Gospel nasem hanciam 

pen khat hong suak a, Luther a huh lawm muanhuai hoih pen a suak hi. 

Luther’ haansanna leh thatang nawtna ah thuneem leh kikop siamna 

tawh leen in Melanchton in huh a siam hi. Amaute nih kikop-a a sep 

man un Puahphatna nasep thahat tuam mah mah a, Luther adingin 

hansuahna lianpi ngah a suak hi. 

A thu kisit nading khua pen Augsburg ding ci uh ahih manin 

Puahphapa in tua khua lam manawh in akhe tawh hong zinkhia hi. Amah 

a aangvaan mi khempeuh in a lau pih ciat mah mah uh hi. Apaina lam 

dung nangawn ah kiman-in a na kithat mai ding tawnna kam zong kiza 

ahih manin, a lawm hoih khempeuh in pai awl mai leh ci in kho kho uh 

hi. Wittenberg zong lawi phot hen la hoih taka akeem ding khat kiang 

va beel phot mai leh deihsak uh hi. Ahih hangin Luther in Pasian 

sehsak dinmun pelh nuamlo hi. (135) Khuasia kipei in anawk Jeremiah 

bang ka hi hi. Kitot ki selna thuak mi ka hi hi; hong kigimbawl pha saan 

ta leh ka lungdamna khang sem sem zaw hi….Amaute in ka vangneihna 

teng susia khin in hong minsia sak uh hi; ahih hangin a om lai khat om 

a, tua pen akisia thei ka pumpi a hi hi. Tua zong a ut uh leh la vet uh 

hen! Amau in ka nuntakna a tomzaw sak uh hi lel bek ding a, ka khaa 

nuntakna bel sukha zo lo ding uh hi. Khrist thu leitunga a tangko nuam 

mi pepeuh pen sihna athuak kha den mah hi a, hun khempeuh a lau huai 

zel mah hi’ a ci hi. (D’ Aubigne, Ibid. b. 4, ch. 4).


Augsburgah Luther hong tung hi ci-in pope sawltakpa in a zak 

ciangin a lungkim mah mah hi. Leitung bup alinglawngsak thuthakpholhkhiapa 

tu-in Rome khut sung hong tung suak a, sawltakpa in lah 

suahtaak sak loh dingin a sehsa a hi hi. Puahphapa in amah vil ding nei 

lo hi. Alawmte in pope sawltakpa mai-a amah kia avil om lopi-in kilaak 

lo dingin genpih uh a, amau mah in Kumpipa kiang ah ngetsak in ngah 

sak uh hi. Sawltakpa in tua mun panin aana hial-in Luther taw-kik sak 

ding bawl-in ahih theih kei leh Rome ah puak in Huss leh Jeromete mah 

banga bawl dingin seh hi. Tua ahih manin mi sawl sawn-a Luther pen 

khemsak in avil midang nei se loin amah kia hong pai-in hong kilaak 

hen la ama migitna muang lel hen, a ci sak hi. Hih thuah Puahphapa in 

hih ding ngimsaahih manin, Kumpipa kiang pan phalna lai a ngah mateng 

pope sawltakpa mai ah va kilaak het lo ding cih a hi hi. 

Ngeina om bangin Rome te in Luther azawh theih nadingin 

thutang bang keek-in kidawk sak vial phot ding uh hi. Sawltakpa in 

amah a thusitna ah lawm hoih pha mah mah bangin kigen in, Luther pen 

pawlpi aana sungah seel lo dongtel lo-a a lut ding a ngen hi. A kisikpihpa’ 

nuntakzia a sehna ah a seh khial hi. Luther in pawlpi ahawmthawhna, 

thumaan a deihnate, a hilhsa thute a kidottel cianga dawn kik nading a 

neihte leh university pawl khat in a khentatna a om banga ama doctrine 

te ahilh ding a (136) ngimna teng a gen hi. Ahi hangin a khialhna nei 

lopi in tawkik dinga cardinalpa, nget thapaih teng a nial veve hi. 

“Taw kik in, taw kik in” cih be bek peuh hi lel zen ahih manin, 

Puahphapa in a dinmun pen Laisiangtho pan bek in dawngkik in, thumaan 

pen nolh thei lo ahihna kiptak-in a gen hi. Luther nialnate athuk kik theih 

loh ciangin Sawltakpa in ko gawp, nuihsan gawp, phat kheembawl gawp 

pong lel-in pipu thuciin leh pawlpi papite’ paunak khawngte tawh a melhcip 

gawp lel mawk hi. Puahphapa pau ding hun pia nuam lo mawk cih bangin 

a om hi. A vaihawmnate in kimanna nei zolo ding cih a mu ciangin, atawpna 

ah, Luther in haksa sa pipi in ama dawn nading thute lai tawh gelh-in apiak 

khiat lel nading thu a ngah sak teei lai bek hi.


“Tua bang teng hong hih ciangin netniammi in a zahnih meetna 

a ngaha; a khatna ah, a kigelh pen midangte sittel thei ding hi; anihna 

ah, akiphasak kamtungnun tuhpa in ama kam tawh a phial gawp theihloh 

zahin a khalauna ahi kei leh a lungsim va kisu kha thei zaw ding hi”ciin 

alawmte khat a laikhakna ah a gen hi. (Martyn, “The Life and Times 

of Luther”, pp. 271, 272). 

A ki thusit kikna ah Luther in a Laisiangtho sung thu vive siksanin 

kitel mah mah, khentelna ahi mai,a ngimna kidawk thamcing in a lak hi. 

Tua alaigelhte gin ngaih taka a sim khit ciangin Cardinalpa pia a, amah 

in mukpik kawmin a kiang ah pai-a, Hite lel pen haihuai kammal teng 

kikaikhawm, hong kidong lopi teng dawn nadinga na kaihkhop hi, a ci 

hi. A kiliansak cardinalpa pen bulkip neilo pipu thuciin tawm leh pawlpi 

hilh tawmthute tungah ding ahih lam Luther in hong pholh-khia siang 

ta hi. Sawltakpa in Luther thugente a dawngkik theih loh ciangin, heh 

mah mah a, amah leh amah ki khual zo nawn loin, “Taw kik, tua ahih 

kei leh Rome ah hong puak ding hi’ng. Tua lai-ah na thu kikhen ding hi. 

Na pawl teng tawh hong kinawhkhia dinga, nang maipha hong pia 

peuhmah in pawlpi pua suak ding hi’ ci in a awng gawp hi. A tawpna ah 

kiliatsakna leh hehna awsuahpi (137) tawh, “Na taw kik kei leh, ong 

kileh nawn kei’n” a ci hi. (D’ Aubigne, Ibid. b. 4, ch. 8, London ed.). 

A thu dok kik lo lua ding ahih lam lahna dingin cardinalpa 

sawl lohpi mah-in Puahphapa zong alawmte tawh a ki heem khia lel 

uh hi. Amah in a nawkgawpna tawh Luther hong ki aapzo hel dingin 

seh pian-in kiphat zaw lai hi. Tu in apanpih teng bek tawh om uh a, 

angimna bang uh tun zo het lo mawk ci in amau leh amau ki en lel-in, 

alungmang uh hi. 

Ki-khawm mipite adingin hih mi nihte lungsim puak uh leh a dinmun 

tuak uh enkak-in amau leh amau ki khentel sakna hun hong suak ahih man 

in Luther hanciamna hih hun ah a mawk na suak ahi kei hi. Amau te nih bel 

kilamdang mah mah sam uh hi! Puahphapa pen gennop-a, kinaimkhiat-in


kip-a, Pasian tha tawh ding in, thumaan a keem hi. Pope sawltakpa bel 

amah leh amah kithupi sak, kiliansak in kiphasak-a, kuppih theih-in zong a 

om kei hi. Thamlo in, Laisiangtho sung mun khat beek lah len loin “Taw 

kik in, tua ahih kei leh Rome ah kong puak dinga dan thuakpa na hi ding 

hi” ci-in husia tak-in kiko ee-aa zel ci lel mawk hi. 

A vil ding aneih hangin Luther man in thong a khum dingin Romete 

in a geel-sim uh hi. Sawtveipi tua lai ah a om hangin phattuamna omlo ahih 

manin man-langa Wittenberg ah ciah kik-in a ngimna teng sel sim khin 

khian phot dingin apawlte in Luther a hansuah uh hi. Tua mah zui-in 

Augsburg panin khuavak ma-in ding khia a, sakol tungah tuangin Mangpipa 

piak lamhilhte tawh a ton hi. Mial lak zawt-a gam daai tak-a khuapi kongzing 

a zuih laitak un bang tuak ding theilo uh ahih manin a lungkham uh hi. 

Galte A gitlo agamtat agalte in amah suksiat ding bek bek a vaihawm sim 

uh hi. Amah kisiahna thaangzaakte a pelh zo ding hiam? cih lungkhamna 

teng thu ngetna hunpha hong suak hi. Khuapi kulh kongpi neu khat dong 

atung hi. A pua lam hoihtak a tun’ khit uh ciangin taai suak pah uh a, 

sawltakpa in Luther taaikhiat (138)a theih ma-in a bawlsia nuamte phak 

zawh nawn loh nading mun a tung ta uh hi. Satan leh a sawltakte in lel uh 

hi. Thangsiahpa thaangzaak pan a suakta vasa bangin suksiat asawmpa uh 

amau khut panin suakta hiau ta hi. 

Luther suahtak thu Sawltakpa in azak ciangin patau in a heh 

mah mah hi. Hih pawlpi buaisakpa a sittelna pan in apilna leh a kipna 

kilang dinga zahtakna lianpi ngah dingin amah aki lam-et hangin ama ki 

lametna teng bing ta hi. Frederick (Saxony gamte ME neipa) kiang ah 

a hehluatnate genna lai khat khak-in, Luther pen mawhsak ngi-ngei in, 

Frederick in tua puahphapa Rome ah a puak kei leh Saxony pan hawl 

khia dingin a sawl hi. 

Sawltakpa leh Pope mah mah in zong ama khialhnate Laisiangtho 

pan lakkhia in, Pasian thu tawh a kilehbulh na lak thei le uh, a upna a 

kheel ding ahih lam a khaapna leh, Pasian in hih thu siangtho hanga


thuak dingin thamcing sa ahih man-in a lungdamna thu zong Luther in 

ama kihuut nadingin gen lai hi. 

Mee neipa Frederick in puahphatna thu upna pen tam thei nai lo 

hi. Ahih hangin Luther kammalte thutang muibun-in siangtho lua a, tua 

pen thukim pih mah mah tawh Puahphapa khial hi cih a kitel mateng 

Frederick in amah keem ding hong hi zaw behlap hi. Sawltakpa laikhak 

a thuk kikna ah Augsburg-a Doctor Martin na mai ah hong kilaak nungsang 

na lungkim peuh lel in. Amah khial hi ci-a na lahtel theih a, amah leh 

amah khial a kisak mateng a taw kik ding pen, nangmah mah in zong deih 

zaw kei ni teh ci-in ka lungsim uh ah ka lamen uh hi. Ko lak ah laisiam mi 

peuhmah in Luther upna pen thusia asa om loin, Khristian’na langpan’-a 

thu nialna hi aci zong om lo hi. Tua ahih manin Kumpi upa vaihawmpipa 

in Luther pen Rome ah puak nuam loin ama gam pan zong hawl khia 

nuam lo hi,” a ci hi. (D’Aubigne, Ibid. b. 4, ch. 10). 

Mee neipa in mihonte lungsim pen kitamkham zel zul hi cih mu 

hi. Puahphat ding pen kisam hi. Thusia bawlte dal nadinga sum tampipi 

bei-a dan piak kul loin Pasian deihnate kihilh-in kizui leh mite hong 

thudik lel ding ahi zaw hi. Amah in Luther pen tua nasemhi ci in um a, 

pawlpi sung ah tua bang lungsim kinei hi cih mu in ana lungdam sim 

khin khian a hi zaw hi. 

(139) Amah in Luther pen University-a Professor khat ahihna 

tawh zong a nasep picing tuam mah mah hi, ci in a mu hi. Castle Biakinn 

mai-a mawhsakna lai thu 95 a suan khit kum khat ciangin Misiangtho 

Bup Pawi ah a hawh mi hong kiam pahlam amu hi. Rome te sumpi leh 

mihing tampi lomthaw a, ahih hangin milim khawngte bia ding bel hi 

loin, sangkah ding midang hong om zel uh hi. Luther laigelhte in mun 

citeng ah Laisiangtho sim ding lawpna kuang khia sak a, Germany gam 

sung teng bek thamlo in, leitung mun khempeuh panin sangnaupang 

ding University ah mite hong kisung zuah zuah sak hi. Wittenberg-a 

hong pai ciil khangnote in “a khut uh lam lo-in Pasian phat uh a, tanglai


in Zion pan khuavak taang khat a gamla pen mun dong akizelh mah 

bangin tu-in hih khuapi panin thumaan khuavak taang khia ta hen,” ci 

in Pasian a phat uh hi. (D’ Aubigne, Ibid.). 

Luther nangawn in zong Romete lampialna thute a lang ciang 

bang bek a mukhia pan phing a hi zaw lai hi. Ahih hangin thusiangtho 

leh pope thupiak le ngeinate a khaikaak ciangin lamdang sa lua ahih 

manin, “Popete thupiakte ka sim ciangin a pope mah mah Anti-Khrist 

hi zaw hiam a sawltakte hi zaw hiam ci in ka thei kei hi. Bang bang hi 

ta leh Khrist omzia tawh ki leh bulh lua uh ahih manin Khrist a khai lum 

den uh suak hi cih kamu hi,” ci in a gelh hi. (D’Aubigne, Ibid. b. 5, 

ch.1). Tua hun lian laitakin bel Luther pen Rome pawlpi mikhat hi lai 

a, tua pawlpi panin paikhiat ding zong a ngaihsun ngei nai kei hi. 

Puahphapa laigelhte leh a upnate Khristian gam teng minam 

tuamtuamte lak ah kizel kawi kawi in Switzerland leh Holland gamte 

dong a tung hi. Tua laidalte France leh Spain gamte ah zong a tung hi. 

England gam ah tua thute nuntakna kammal hi ci in a na saang uh hi. 

Belgium gam leh Italy gam in zong a na mu uh hi. Mi tul tampite in 

misi banga ki nga mawk amau dinmun lui panin a nungta upna hing leh 

lam etna le lungdamna mun ah hong tho khia ciat ta uh hi. 

Luther kawk khiatna hangin Rome ong heh suak sem sem a, thu 

dang mahmah a en lo, Katolik University-a Doctor pipite nangawn, 

langpang pawlkhatte in (140) langpang phungzipa Luther a that a om 

hangin mawhna-in kaailo dinghi a ci uhhi. Ni khat ni-in zinte khat a 

puantualpi nuai ah pistol thautom kengsim sa-in Puahphapa kiangah 

hong hawh a, bang hangin thutangpek nahiam cih adot ciangin Luther 

in, “Keimah in Pasian khutsungah ka om hi. Amahin ka lumm leh ka 

thahatna ahi hi. Mihingin ka tungah bang bawlzo ding ahi hiam?” a na 

ci hi. (D’ Aubigne, Ibid. b. 6, ch. 2). Tua thu azak ciangin vantung 

pana hong kisawl vantungmi mai-a om bangin maitang si daangin zinpa 

a paikhia hi.


Romein Luther suksiat nading bek hanciampi-in anei hi. Ahih 

hangin Pasian in ama belhpa ahi hi. Ama thu-upna pen mun citeng ah ki 

za hi. Inn sungte, Convent sungte,…Ukpite’ inn sungte khawng, University 

khawng leh Kumpi inn sungte nangawn ah kithangin,” tua baan 

ah Ukpite in ama nasepna a panpih zaw lai uh hi. (Ibid. ch. 3). Tua 

bang bilbial lakah Luther in Bohemia-a Puahphapa Huss nasepnate a 

simsim ciangin, amah mah in a zongkhia-a, ahilh Upna hanga Hotna 

ngahnathu pen, Bohemia Puahphapa in zong naleen zo cih a mukhia hi. 

Luther in, “Paul, Augustine leh keimah in kuama theihlohin Huss pawlte 

ka hi gige uh hi! Pasian in leitungah thu hong khen tatak ta ding hi. 

Kum za huam lai-in tua thumaan ki hilh zo a, amautein mei tawh kihal 

lum khin uh hi” a ci hi. (Wylie, b. 6, ch. 10). 

Germany gam kumpipa leh Ukpite tungah Khristian vai adeihsak 

nading uh ngetna lai agelhna ah pope tawh kisai-in: “Khrist’ taang ka hi 

ci-in a mahmah kibawl tazen a, kumpi khempeuhte tawh kikim theilo hi 

acih tazen ciangin etngam huailo hi. Tua ahih leh Jesuh pen zawng 

mahmaha Peter bang ki niamkhiat mahmah ahih teh, amau’ kineihpa 

tawh ki bang nasa thei ciat uhhiam? Mite in lah leitung bup Topa ci 

tazen uh hi! Ahih hangin amah in a taang kahi a cihpa dinna sangin a 

lian zawin a gamzai thei mawk ding ahi hiam?” ci in Luther in agen hi. 

(D’ Aubigne, Ibid. b. 6, ch. 3). 

Amah in Universityte tung tang hi bangin a gelh hi: “Universityte 

in Laisiangtho nakpi-in a sin kei uh a, a khangnote lungsimah thumaan 

agelh kei uh leh, Hell kong khak a suah khak ding uh ka lau hi. Kuamah 

in Laisiangtho gina taka a kisin lohna mun (141) saangteah naupangte 

apuak ding uh ka hansuah kei hi. Sangteah Pasian kammalte tawlnga 

lo-in akizat kei leh avekpi-in kisia ding hi” a ci hi. (Ibid.). 

Tua ngetna zong Germany gam buppi ah kihawmkeek ciangin, 

mite tungah vaang hong nei mah mah hi. A minam bup-in kilok a, 

puahphatna dinmun ah mipi hon tangh ki khawm hon uh hi. Phuu la


nuam-in so keei uh ahih manin, puahphapa a mat theih na ding uh thu 

bawl ding in Luther langpangte in pope a tawsawn uh hi. Ama muhkhiat 

upna pen thakhat mah-a phiat dingin thu a pia khia vial hi. Puahphapa 

leh alawmte hun awng ni 60 sung a pia hi. Tua sunga a taw kik kei uh 

leh a pawlpi pan hawlkhiat dingin thu a pia uh hi. 

Tua pen puahphatna adingin a thupi mah mah ahi hi. A kum 

zalom paisate ah Rome in a kumpite nangawn apawlpi pan-a a hawlkhiat 

ciangin poi mah mah a, avanglian mah mah kumpi gamte na ngawn 

gimna leh hawmsuakna ciang tun’ thei zel hi. Tua mawhsakna a thuak 

mi peuh mah leitung bup in diipkuatpih mah mah a, alawmte in ngeina 

bangin pawlpih ngam nawn lo zel-in, Upadi huam nawn loh mi bangin 

tuat-in, suk maimang nadingin sabet-in a kibeng ding ahi pah zel uh hi. 

Luther pen tua thusia in buak ding ahihnathu a muh gi gehangin kiptakin 

dingg veve a, Khrist muang-in amah huhna bek kidalna lumm-in a nei 

hi. Akithatsa mite upna thakhauhna in nei-in a laigelhna ah: “Bang 

hong piang ding ka thei kei a, theih ding zong ka sawm kei hi….A utna 

mun peuh phial mang uh hen, ka lau kei hi. Pa Pasian deihna bang lopiin 

nahthel khat zong mawk kiat samlo ding hi. Amah in eite bangzahin 

hong keem zaw kan ding hiam? Thumaan adinga eite sihna lel pen 

thupi lo hi. 

Thu in si-le-sa-in hong pianga, Amah mah eite adingin hong si 

hi. Eite in Amah tawh i sih khawm leh Amah tawh i nungta khawm 

ding hi. Amah in eite mai ah a Na nawk khitsa thute mah i nawk leh 

eite in Ama omna pepeuh ah om-in Amah tawh i teeng khawm tawntung 

zaw ding hi” a ci hi. (D’Aubigne, Ibid. b. 6, ch. 9. 3 rd London ed., 

Walther, 1840). 

Papal Bull kici Pope thupiak pen Luther kiang hong tunga, amah 

in, “Hih lel pen thu in kasim kei hi. Akhial, misia ahihna lahna in ka mu 

lel hi….Tua lai sung mah mah ah Khrist akimawhsakna om pah hi….Hih 

banga etna ka thuak ciangin ka nasepna adingin ahoih pen hi a ka naum


mah mah hi. Ka lungsim sungah suahtakna zai zaw ka ngah hi. A 

tawp- (142) na ah , pope pen AntiKhrist hi ci in ka theitel a, ama 

tokhom pen Satan tokhom a hi hi, ka ci hi,” ci-in a gelh hi. (Ibid). 

Rome thupiakna in bangmah suk khak nei zo het lo hi. Sawlman’ 

nadingin a galhiam ding in namsaute peuh, thong innte peuh leh 

bawlsiatnate peuh azangh uh hi. Mi tha neemte in thuciin lel lel khawng 

tawh a om mite pope thupiak kihta-in lau-in a liing uh hi. Luther pen 

mihing ki-itna ngeina tawh it teei uh ahih manin, puahphatna hanga a 

nuntakna a piak ding dong in phallo uh hi. Thupai zia khempeuh in 

puahphapa nasepna khakcip ding tawh kibanghi. 

Ahih hangin Luther lau tuan nailo hi. Rome in amah pawlpi 

pana a lakkhiatna thu uh hong thang sak uh hi. Leitung bupin na galet 

uh a, a sih kei leh ki aap ding cih thu nih simloh thu dang om lo hi. Ahih 

hangin Luther in vanglianpi tawh tua amawhsaknate Rome tung deenna 

kik-a, tua pawlpi a nusiat suak nopna mipi mai ah a pulaak hi. 

Sangnaupang hon, Doctor honte, leh mi citeng mai ah Luther in pawlpi 

thukhamte leh siampite zehtan nasepna te, pope vangliatna-a kizangh 

na peuhmah leh pope thupiakna lai pen meikhuk deen na in a haal tum 

hi. “Ka galte in ka laibute a halna uh tawh mipite lungsim sungpana 

thumaan nasepna leh a khaa uh a suksiat sakna uh bangin amaute lai 

zong kei’n ka hal tum hi. Tu a kipan-in kithasaanna hong nasia pan ta 

hi. Hun beisate ah pope bek tawh ka nitum kha tazen hi. Tu in Pasian 

min tawh hih nasep ka kipan ta hi. Hih nasep pen kei bek tawh a bei loin 

Ama thahatna tawh ki hial bek ding hi” a ci hi. (Ibid. ch. 10) 

Agalte in neu bawl in a nasepna thaneem hi cih tawh a to to 

ciangin Luther in “Kua in kei Pasian sawl ka hih leh ka hih loh thei uh 

ahi hiam? Lau lo-a a hong simmawh ngam vial uh leh Pasian a simmawh 

suak lel ding uh hi lo ahi hiam? Izipt pana apusuah laitak-in Mosi kia 

hi. Ahab uk lai-in Elijah bek om hi. Jerusalem ah Isaiah bek om hi. 

Babylon ah Ezekiel bek om hi….Pasian in kamsang dingin siampi peuh


leh biakna lam milian khat peuh ahi zongin mot teel ngei lo hi. Ahih 

hangin mi ginalo leh mi’ simmawh mi mawkmawkte teel zaw in, tuucing 

Amos peuh (143) a teel hi. Khang tawntung-in luang kham-in 

misiangtho te in makaite, Ukpite, miliante, kumpite, siampite, mipilte, 

mawhna na pulak zel uh hi….Keipen kamsang ka hi lo-in keikia ka hih 

hangin Pasian thu in kei tawh om a ahih man in lau thei uh hen ka ci hi. 

A hangin Pasian thu pen amau tawh om lo hi cih ka thei hi” a ci hi. 

(D’Aubigne, Ibid. b. 6, ch. 10). 

Luther in pawlpi tawh akikhenkhiat ding pen haksa a sa mah 

mah ahih amnin, hih bangin lai a gelh hi. “Neu tuung pheta i vom thute 

paihkhiat ding ahaksatna ka thei tel sem sem hi. Aw, Laisiangtho tawh 

kop zaw ka hih hangin pope lang khata panga Laisiangtho thu zuihna 

hang tawh lang pan in pope pen AntiKhrist aw ka cih hangin na ka sa ve 

ve hi. Midangte in gentheih lawh mah si! Pope pawlte in ‘Nang bek 

mipil na hi hiam? Midangte khempeuh akhial hi khin thei zawzen ding 

hiam? Nang akhial zaw peuh hi kha leteh na khialhna ah khaa tampi 

hong lut dinga a tawntung mawhsakna thuak mawk ding hi lo na hi 

hiam? hong cih zelnate khawng uh zong kei leh kei ka kidong thithe kei 

kha zel hi. Tua bangin Khrist in kammal a khial thei lo akoihte tawh ka 

lungsim hong uumcih masiah kei leh kei ka kinial nial a, Satan tawh ka 

kido do hi” ci hi. Martyn, “Life and Times of Luther,” pp. 372,373. 

Pope in Luther pen akisik kik kei leh pawlpi pua ah nawhkhia 

ding acih pen tu in ong tung takpi hi. Bull thak khat hong tung leuleu 

a, Puahphapa pen Rome pawlpi panin a kipaihkhiat tatakna thu hong 

pulaak ahi hi. Amah leh aphuahthat upna a zuih pih teng aki bangin 

vantungin asamsiat hi ta hi ci in thu ong tung hi. Kidemna tatak ciang a 

hong tungta a hi hi. 

Pasian in thumaan gen dinga a sawl pepeuhte in amau hun ciat 

ah langbawlna thuak uh hi. Luther hun in zong tua hun-a ding thumaan 

na om sam a, tua hun laitaka thumaan thu phamawh mah na hi ciat zel


hi. Tu hun in zong pawlpi adinga thu phamawh thumaan om zel a, 

Pasian sawl bang bang amang nuam mi te adingin ama hun-a tangko 

ding thumaan tuam vilvel om zel a, zui-a, a seem naum pepeuh (144) 

tungah kipia zel ahi hi. Angah khuavaak a na pibawlte tungah 

khuavakzaw a kipiak beh zel hi. Hi napi in tu hun-in zong mi a tam zaw 

in Luther a langpan pope pawlte mah bangin thumaan deih lo uh a, hun 

beisa-ate mah bangin pipu thuciin peuh tawh lungkim-in Pasian thutak 

pen awlmawhlo zaw uh hi. Hun beisa-a puahphate mah bangin tu huna 

thumaan tangkotein zong mitam zawte aangvaanna ngah dingin kilam 

en kei uh hen. Leitung hun bei ding hi ta a, thumaan leh thukhial, 

Khrsit leh Satan, ki nakdo pha zaw kan lai ding a hi hi. 

Jesus in a nungzuite a hilhna ah: “Note in leitung mite tawh na 

kipawl uh leh, leitung mite in amau mipawl note hong it ding uh hi. 

Ahih hangin leitung mite tawh na kipawl kei uh a, leitung mite lak pan 

note kong teelkhia hi tua ahih ciang in leitung mite in no hong mudah 

uh hi. Sila in a topa sangin lian zaw kei,’ cin in ka gensa thu na ngaih 

sun un. Amau in kei hong bawlsia le-uh no hong bawlsia ding hi. Amau 

in kei thu zui le-uh note thu a zui ding uh hi,” a ci hi. John 15:19, 20. 

Agenna dang khat ah Topa in teltak ci hi: “Mi khempeuh in note hong 

phat uh ciangin gimna na thuak ding uh hi. Bang hang hiam na cih uh 

leh, a pu apate un thuzuau kamsangte tungah tua bangin abawl uh hi.” 

Luke 6: 26. Ni danglai sangin tu huna mite lungsim in Khrist lungsim 

tawh kilem zaw tuan lo hi. Pasian thumaan a om bang ahilh mite tua 

hun lai-a te sangin na paakta zaw tuan het lo ding uh hi. Thumaan kilah 

dan pen kikhel khel a, agalte zong na ngian siam to to uh hi. A 

kilangdona dan bel kibang kha thei dinga, a ki meelmaakna zong a 

thukawi zawkna hangin a kilangh lua-in kimu lo kha ding hi; ahih hangin 

akigaal-muhna uh pen a kibang den ahih man in hun bei dong in a tua ci 

to to ding a hi hi.


8 

Luther - Kikhoppi Mai ah 

(145) 

KUMPI thak Charles a 5-na pa in Germany kumpi tokhom hong 

ngah ciangin Rome sawltakte in a nuampih na uh hong puak-in 

athuneihna zangh in puahphate a mai dal pih nadingin a zol uh hi. A 

lang lam panin Saxony te, amah kumpi lukhu a ngah nading Mee pia te, 

in a thu gen za masa lopi in Luther langdo dingin kal khat zong a suan 

loh nadingin a na kho uh hi. Kumpipa in a cih nading thei loin a buai hi. 

Papist te in lah kumpipa in Luther sihna thuak dinga thu a piak kei leh 

adang lungkim zawh na nei lo uh hi. Mee piapa in lah, “Luther lai gelh 

te kumpi lam pan a hi a mi dang khat peuh in a hi zongin a nial zawhna 

uh om lo hi ci in khauh takin gen a, “Doctor Luther pen a cing ding 

guan-in mipilte, Pasian itte leh thukhente mai ah hong ki laak leh” ci in 

a ngen hi. – D’Aubigne, b. 6, ch. 11. 

Kumpi Charles hong maan’ khit a sawt loin Worms khua ah 

Germany gam sung teng khempeuh kikhoppi khat hong ki bawl a, tua 

bek mah vai pi-in a ki ngaihsun hi. Hih minam bup kikupna ah gam uk 

zia a tuam tuam te zong ki vai hawm dinga, kumpi vaihawm ulian teng

LUTHER - KIKHOPPI MAI AH 133 

in makai khangno a kumpipa uh tawh thu ngaihsut khawpna masa pen 

a nei ding uh ahi hi. Gam sunga mun ci teng pana pawlpi leh gam sung 

makai liante zong hong pai uh hi. Leitung uk tote, ulian tate, a vanglian 

ukpa te, amau gui zui a gam luah nuamte, kumpi thusuak pawlpi upate 

in amau tungnun’na vangliatna te, thukhen zum-a milian (knights) te in 

amau galvil vantawi te tawh, gam dang gamlapi pi pana ambassador 

(146) te tawh Worms ah hong ki khawm uh hi. Tua zah-a ki khop 

thupi sung hi napi in a vai hawm khempeuh te lak pan uh Saxon Biakna 

puahpha pa thu bek i lawp hon in vai pi pen hong suak mawk hi. 

Charles in a masa in kiteelna-a Mee piapa (Elector) kiang ah, 

kikhoppina ah Luther hong paipih in, a keem ding zong pia ding, thu 

zong ut bang bangin thu thei te tawh ki kum sak dingin a gen khol hi. 

Luther in zong kumpipa mai-a din’ ding a ngak lah mah mah hi. Tua 

hun in ci dam pha lo a, Mee piapa kiang ah laigelh in: “Cidam in kei 

thu-a kong pai zawh kei leh zong a damlo pi mah in kong kipua sak 

ding hi. Kumpipa in hong sam a hih leh tua pen Pasian hong sap 

bangin ka tuat a, ka lau het kei hi. Ava thuhilh dinga hong sap uh hi lo 

ka hih nungsang, Ka tung ah thusia hong bawlnop uh leh hong bawl 

thei kha mah ding uh hi. Tua ahih manin amau deihna bang hi lel hen, 

Topa in pha a sak bang hi dingin ka aap hi. Meikuang khuk sunga 

tangvalno 3 te huu khia Pa tu ni-in nungta lai lai hi. Hong huut kei 

hial leh zong kei nuntakna lel neu lua hi. Gospel thu pen migilo te 

nuih sat, sim mawh loh ding bek keem zaw-in amaute hai gual zawh 

khak loh nadingin i sisan te buna ni. Mi khempeuh te hotna ngah 

nadingin kei sihna leh kei hin’na hangin phat tuamna a om ding leh kei 

khentat ding hi lo hi….Taai mang ding leh nung tolh in ki pulaak ding 

lo ngal thu dang ah nong sawl bang bang kong hih ding hi. Tawkik 

ding leh taai mang ding cih bang te bel ka seh thei kei hi,” ci hi. – D” 

Aubigne, b. 7, ch. 1. 

Worms-a kikhoppi na ah Luther hong pai ding cih thu a ki zak 

sak kawi kawi ciangin mipi lawp mah mah uh hi. Papal thu gil teng


keem,Alexander in din’ mun buai sak lian ding hi cih a mu khol hi. 

Pope in amawhsak sa mi khat thu pen tel kan lai lai ding cih pen tua 

thuneihna nei, na khempeuh a uk siampipa sim mawhna suak mawk 

ding hi. Tham loin hih pa pen thu gen siam a vaang nei khat ahih manin, 

a thu-in ki nial le uh pope-ii khut nuai-a naseem lianpipi te’ mai nangawn 

dal thei tham ding cih a mu thei hi. Tua ahih manin in a man alang thei 

pen pen-in Luther pen Worms a hong pai loh na dingin Charles kiang ah 

a va nolh pah hi. Tua pen (147) Rome pawlpi pana Luther a ki paihkhiat 

a than’ laitak a hi hi. Tua thu hang kawm tawh in kumpi Charles in a thu 

a man’ ding hi pian hi. Amah’n zong Luther a taw kik kei ding leh 

Wittenburg ah na om mai hen la ki khopna ah hong pai loh nadingin ME 

pia pa kiangah lai a gelh pah hi. 

Tua bang ciang lel tawh Aleander lungkim zo loin a sia theih 

tawp suah-in Luhter mawhsakna a piak nadingin hanciam hi. Tua ciang 

lel sangin a bun zaw dingin ulian vaihawmpite, phungzi lian pite leh 

kikhoppina-a ulian dang te kiang ah Biakna puahphapa pen “pawl khen, 

kumpi lang do, Pasian awlmawh lo, Pasian gensia’ in a ngawh nading 

un a ngen den den hi. Ahih hangin tua kikhoppina ah Romete’ 

sawltuakpa in a lungtang puak zia a kam pau leh a omzia ah a hong ki 

lang sak hi. “Hanciamna leh Pasian thu kinna sangin muhdahna leh 

phulaak nopna a lian zaw hi,” ci ciat uh hi. – Ibid. Tua kikhopna sunga 

a tam pen te in Luther nasep hoih sa zaw tek uh hi. 

Aleander hong hanciam pha saan in, kumpipa kaing ah pope 

thupiak khiatsa om bang a zuih dingin a hansuah hi. Ahih hangin Germany 

gam Upadi ah kumpi vaihawm upa pite thu kimna omlo pi in tua 

bang hi thei lo dingcih hi napi, Rome sawltakpa in a cih teei teei ciangin 

thu zawh a, Charles in kikhoppi mai a thu gen dingin a sawl ta hi. “Tua 

ni pen pope sawltakpa (nuncio) te vaang neih ni a hi hi. Kikhoppi thu 

pi a, a vaihawm te uh zong a thupi zaw lai hi. Aleander in pawlpi 

khempeuh’ Nu leh Tonu a hi Rome’ adingin thuumna a nei hi.” Amah 

in Khristian sunga makaipite kikhop na ah Peter thupina a lak khia ding


a hi hi. “Amah pen thu uang gen thei khat hi a, tua hun adingin ki tuak 

mah mah hi. Pasian’ sehna sa bangin amah a ki mawhsak ma-in kikhop 

vaihawmna a thupi a zahtak huai pen mai ah ama neih thu gen a siam 

pen pa palai na sep a hong nei a hi hi.” –Wylie b. 6, ch. 4).. Vaihawm 

dan hoih loh tawh Puahphapa deihsakte in Aleander thu gente bang 

teng hong hi ding hiam ci in na en gi-ge uh hi. Saxony ME-piapa hong 

ki hel thei lo a, ahih hangin ama vaihawmna tawh a Upa te hong om uh 

a, Nuncio-ii thu gente na ciamteh tek uh hi. 

A thu gen siamna leh a pilna tawh Aleander in Thumaan thal 

paih dingin amah mah ki koih gige hi. Thu khat khit thu khat, Luther 

pen pawlpi leh kumpite, mihing (148) leh misite, Pasian nasemte leh 

pawlpi mite, vaihawm upate leh Khristian te gal hi ci in lang pan in a 

gen to to hi. “Luther khialhna hangin thunial tulza lom” a ki haalna thu 

man ahi hi, ci in a gen hi. 

A thukhupna ah, Puahphatna thu upna a neite mawhsakna kipia 

leh deih-in: “Hih Luhter nung zuite bang hi mawk hiam? Mi dang 

khempeuh mawhsaka a hilh zaw nuam den se zen te, siampi kihhuaite, 

siampi palaute, upadi leen mihaite, ulian niam khiat te, mipi lam khial 

saka a lumlette, sangin Katolik pawl pen bang zah-in tam zaw, siam 

zaw, vaang nei zaw hiam! Hih kikhoppina pan ki thukim taka thupiak 

khiatna om leh mi mawlte thu mu sak dinga, thukhual lote ki dawm 

sak-in, lungkaate in lung sim khen sat thei in, mi tha neemte hat sak 

ding hi” a ci hi.—D”Aubigne, b.7, ch. 3. 

Hi bang ngentang-in thumaan pua mite a khang khangin naki 

bawl suk suk den hi. Pasian thumaan tang takin a gen ngam, khialna 

tawh aki lehbulh thumaan a gen ngam peuh peuh, hih nialna te mah 

tawh na ki nial den hi. “Hih upna thak ahilh kua te hiam?” biakna min 

bek a pua te in ci uh hi. “Amaute lai thei lote, milom tawmnote, mi 

zawngte ngen hi lo uh hiam? Thumaan gen-a a kinei in, Pasian’ mite ka 

hi uh hi a cih uh hangin lai thei lote ngenhi uh a, a ki kheem uh a hi lel


ve! Ei pawlpi pen a mi tamna leh a vaang neihna mah mah zong nakpiin 

a tungnung zaw buang ve leh! Ei lak ah mi lian mipil bang zah om a 

hia! Ei lam mah nakpi-in a huu-pha zaw hi lo ahi hiam? a ci uh hi. Tua 

te pen leitungte a thuzawh zel thunialna te hi. Ahih hangin Puahphapa 

dam lai mah bangin tu-in zong among tung thei tuan lo hi. 

Mi tampite upmawh bangin Puahphatna pen Luther ciang bek 

tawh khawl mawk lo hi. Hih thu pen leitung a bei donga ki zom ding a 

hi hi. Pasian piak khuavak mite tunga a taan’ sak ding nasep lian Luther 

in a neih hangin, leitung ading a kisam khuavak khempeuh ama tung ah 

ki pia khin nai lo hi. Tua hun a ki pan in tu hun dong mah-in Laisiangtho 

sung pan khuavak kimuh beh toto denzel a, thumaan athak muh beh 

beh zel lai hi. 

(149) Kikhopna sunga Pope sawltakpa thu gen in mite huup 

mah mah hi. Tua lai ah Papal thu gen siampa zo gawp dingin Pasian 

thumaan ki tel taka lak khia Luther om kha lo hi. Puahphapa huu dingin 

kuamah ding lo hi. Mipi om zia in Luther mawh sak ding bek thamlo in 

a thuhilhna khempeuh botkhia in vatmai ding cih lam vive hi zaw pian 

ahih manin, Rome in ama din’mun huu ding mi a tam thei thei a nei 

hong suak ta hi. A ki huut theihna teng a gen khia khin ahi ta a, a zoa 

a ki tuatna teng a lelhna a na hi zaw hi. Bang hang hiam cih leh tua 

hun pana ki pan-in thumaan leh thukhial a ki langtang-in kisu ta ding 

ahih man in, tua ni-a kipan-in Rome pen ni danga a ngaih muan’ zah-in 

ngaih muang thei nawn lo den ta hi. 

Kikhopna sunga mi a tam zawte in Rome te phuu lakna Luther 

tung a tuk ding aphal loh uh hangin, pawlpi kiamsukna teng ahuat man 

un, biakna makaite siatna leh huaiham duh hop na hanga German mite 

siat lawh na teng kibeisak mai leh a deih uh hi. Sawltakpa in Papal 

thukhun ngeinateng a tel nop pen ding leh a deih huai bel dingin a gen 

khia hi. A hih hangin Pasian in papal gitlohna a thuak hakziateng tel 

tak-a pholak dingin kikhopna sunga member khat ahi Saxonyte’ Duke


George hu-muap in a sawl hi. Tua kumpi ulian pa in kikhopna sung ah 

huzap lianpi nei mi khat ahih hi. Hang san tak le muan huai tak in amah 

ong ding to in Pope te kheembawlna teng pan a piang khia kih huaina 

thaman teng leh a buai huaina te siangtak teltak-in a gen khia hi. A gen 

tawpna ah: 

“Hihte pen Rome-ii gitlohna akimuthei pak pawl khat hi phing hi. 

Mai zum na le ki suan na mel nei lo in na khem peuh ah, sum, sum, sum, ci 

uh…ahih manin thumaan hilh ding siate in zuauthu be bek hilh uh a, hilh 

sak bek lo-in zuau a phuah beh uh ciangin sum a zong tam ngah zaw lai uh 

a hih manin letsong a kipiak thuah lai uh hi. Tua kih huai tuinaak panin tui 

nin hong phuul khia a hi lel hi. Khuaval zulhtatna khut in duh hop-huaihamna 

khut a leen hi….Ala, tua bangin tawntung mawhsakna sunga mihing tampi 

paih mawk pen phungzite mi heekna hang hi lo ahi hiam! Tua ahih manin, 

Puahthakna lianpi khat a kisam takpi mah hi ci in ka ngaihsun hi” ci hiau 

mawk zen hi. – Ibid. b. 7, ch. 4. 

Tua sanga khauh zaw in Luther nangawn in zong papal 

gensiatna gen thei tuan lo ding zah a hi hi. Tua thu genpa pen 

Puahphapa’ gal lamte hi lai deep ahih manin ama kammal in thu a 

thukbut zaw sawn lai se hi. 

(150) Kikhopna a mite mit kihong khia thei hi leh amaute lai 

zang ah thukhial upna daltan-a khuavak hong puak Pasian vantung 

mite in thumaan saang dingin mite lungsim kong hon’ khiat sak in om 

a mu ding uh hi. Nasep lianpi a kizawh theih nadingin tua bangin 

Pasian thumaan leh pilna in vangliatna tawh lampi hongkhia-in 

Puahphatna langdo te na ngawn a uk cip hi. Tua lai ah Martin Luther 

hong om thei lo napi amah sanga lianzaw khat-ii aw kikhoppina sung 

ah a kiza ve ve hi. 

Papal’ netniamna hanga Germany mite tunga om van gikpi teng 

amalsim khia dingin Kikhoppi in Committee khat a phuan khia uh hi. 

Tua bangin a malsim uh ciangin thu za-leh-khat mu khia a, kumpipa


kiang ah pia-in tua thu te nopnehna hi takipi hiam hi takpi lo hiam 

khentel-in teh kaak pah dingin a ngen uh hi. “Khristian khaa bangzah ki 

sumh hiam? Khristiante lutangpipa a ki puak mi-heek mi-lawtna thu 

tampi te hangin bang zah ki taan-in bang zah in gawtbawlna thuak hiam! 

I gam mite kisiatna leh zahhuaina te i dal ding i nasep hi. Tua ahih 

ciangin ki niam khiat tak leh kin takin taangpi ki puahphatna khat nong 

bawl meng meng ding kong deih uh hi” a ci uh hi. – Ibid. b. 7, ch. 4. 

Tu-in Council te in amau mai ah Puahphapa hong ki laak ding 

angen ta uh hi. Aleander’ kutna le nialna te ngaihsun thudon nawn loin, 

ongki thukim ta uh ahih manin, kikhoppi ah Luther a ki sam hi. A 

sapna uh ah lim taka vil ding leh cidam taka mun muan huai khat ah 

ciah kik sak ding zong khaam-in ahel uh hi. Tua sapna thu taangkopa 

khat in Wittenberg ah hong pua a, Worms dong hong tonpih dingin thu 

a ki pia hi. 

Luther lawmte in lau pih in a lungsim kham mah mah uh hi. 

Amah pen ki manial-in ki gal bawl lua cih te thei uh ahih manin a vil te 

teek teek mah zong muang lo uh ahih manin a vil takpi nadingin a kun 

uh hi. Luther in a lawmte kiang ah: “Papist te in bel kei va pai ding deih 

loin kei mawhsak nading leh ka sih nading deih uh hi. Ahih hangin tua 

bel thupi lo hi. Kei adingin thu ngen kei un la Pasian thu adingin na 

ngen un….Khrist in hih lamkhial siate ka zawh nadingin Ama khaa 

(151) hong pia ding hi. Ka nuntak sung teng amau ka thupi seh kei hi; 

sihna tawh amaute zo ding ka hi zaw hi. Amau in Worms ah ka taw kik 

na dingin hong sawl teei teei ding uh hi; “A masa lai-in pope pen Khrist’ 

taang adingpa ka ci kha ngei zo hi. Tu-in ahih leh i Topa’ galpa hi a, 

dawi’ sawltak hi ka ci ta hi. Tua pen ka nungtolhna hi ding hi,” a ci hi. 

– Ibid. b. 7, ch. 6. 

Luther hong khual zin nading lampi ah amah guak-a kisiatna 

tuak thei dingin kibawl lo-a, kumpi kamtaipa baan ah a lawm muan 

thum in zuih sawm in Melanchthon in zong zuih a sawm hi. Ama


lungsim pen Luther’ aa tawh ki hualkhawm ahih manin, amah zui-in a 

kul leh zong thong kia khawm ding, a sih leh zong sikhawm dingin a 

kipia hi. Ahih hangin ama ngaihsutna kiphallo hi. Luther pen hong si 

kha leh puahphatna nasepna ah amah khangno tha hat, a na sep pihsa 

lak pan muan pen hong suak ding a hi hi. Puahphapa in melanchthon 

a nu siat ding ciangin “Ka galte in kei hong thah-a kong ciah kik kei 

leh, thumaan ah kip in la na hilhsa bang hilh paisuak in. Kei sep taang 

in na seem in….Nang na nuntaka nasepna na zop theih leh kei sihna 

lel pen thu neuno khat bek hi ding hi” a ci hi. Idem. ch. 7. Luther pai 

khiat a mu Sangnaupangte leh gam mite lungsim akhing hi. A lungsim 

uh lungdamna thu in a lawn khaksa mite in kapsa in amah a khaa uh 

hi. Tua bangin Puahphapa leh a lawmte in Wittenberg panin a pai 

khia uh hi. 

A khualzinna lam dung ah mite lungsim lauthawngin a gim uh a 

mu uh hi. Khua pawl khat te bang ah amaute ki zahtak bawl het lo hi. 

A zan giahna uh khua khat ah a lawm it siampipa khat in, Italy-a 

Puahphapa khat kithahna lim khat Luther kiang ah lakin a laupihna a 

lak hi. A zing ciangin Luther laigelhte Worms ah ki mawh sak hi cih 

thu a za uh hi. Kumpi kamtai te in kumpipa in Mangpi te tunga tua a ki 

mawhsak lai nasepte puak ding a lam etloh zia gen a, pai suak tei tei 

asawm leh a lungsim khel zaw leh ci-in a ngen ciangin Luther in a dawn 

kikna ah bel, “Khuapi khempeuh pan in hong ki dal ta leh ka pai suak ve 

ve ding hi,” a ci hi. – Idem. ch. 7. 

Erfurt a tun’ uh ciangin Luther pen a na pi bawl mah mah uh hi. 

A zahtaak mipi in a kiim uum kawmin, savun ip pua a khutdawh ngen 

a a vakngeina kong zingte atkan tan hi. (152) A convent inn dei te ah va 

hawh a, Germany gam khuavak in a hong tuam theih nadinga a 

hanciamna te a ngaihsun hi. Amah pen thu hilh dingin na ki kun hi. 

Thuhilh thei nawn lo dinga thu kipia sa ahih hangin taangkopa in aphal 

a hih manin, tha man tawmno tawh tua convent-a na seem Phungzi ahi 

ngeipa tu’n pulpit ah a kah to hi.


“Note in nopna ngah ta un.” “Mipilte, Siavuante, laigelh siamte 

in tawntung nuntakna ngah dingin mite thu hilh nuam uh hi. Ahih hangin 

a pi cing kei uh hi. Tua pen note kiang ah tu-in kong gen ding hi: 

Pasian in Jesu Khrist sihna pan thokik sak a, sihna a zawh nading leh 

mawhna a siak khiat theih nadingin Hell kongkhak kalhcip sak hi. Tua 

pen hotna nasep a hi hi….Khrist in zo khin ta hi. Hih thu in a lungdam 

huai thu a hi hi. Ama nasepna tawh eite in hotna ngah i hi a, ei’ sepna 

hang a hi kei hi….I Topa Jesu Khrist in, ‘Note in nopna ngah ta un. Ka 

khut te en un’ hong ci hi. Tua pen, En un, mihingte aw, no mawhna a la 

khia Keiman ka hi a, note a hong hon khia Kei bek ka hi hi; tu in nopna 

ngah ta un,’ Topa in ci hi,” ci-in mipite tung ah Khrist’ kammal om sa 

khat a gen hi. 

Tua ban ah; Upna maan pen nuntak daan siangtho tawh hong 

kilang khia ding hi. “Pasian in hong hon ahih leh i gamtatna te Ama 

saan’ theih dingin om ni. Mi hau na hih leh mi zawngte adingin zangh 

in. Mi zawng na hih leh mi haute pahtaak dingin na seem in. Na nasepna 

pen nang ading beka ki man’na nei ahih leh Pasian adinga seem na ki 

sak khakna teng a vekpi in zuaupi vi ve suak ding hi” a ci hi. – 

D’Aubigne, b. 7, ch.7. 

Mite in ama thu gen kam kaa sa-in a ngai uh hi. Nuntakna Anlum 

te a gilkial mite adingin ki phel khap ahi hi. Pope te, sawltakte, Kumpite 

sangin Khrist pen tung nung zaw in akoih hi. Luther in ama kisiat 

nading thu bangmah gen lo in, mite in amah ngaihsut-a a neih ding un 

zong a deih kei hi. Khrist a ngaihsut ciangin amah leh amah a ki 

mangngilh lel hi. Kalvary mipa nung ah amah bu in, mawhneite honpa 

Jesu thu bek a gen hi. 

Puahphapa a khualzin zom na te ah na ki mu nuam mah mah 

hi. Mipi in na kiim uum zel uh a, itna tawh Rome te vai hawmna na ki 

hilh zel hi. Kim khat te in, “Nang (153) hong hal ding uh a, John Huss 

a bawl bangun na pumpi vut hong suak sak ding uh hi” a na ci zel uh


ciangin, “Amaute in Worms leh Wittenberg kikal teng mei kuang sak 

khin in, a meikuang te in vantung a holh zongin, Topa min tawh tua 

mei te nawk-in ka pai dinga; amaute mai ah va kilaak in, hih sapi 

gilkial te kam sung ah ka va lut dinga, Khrist Jesuh min pulaak kawm 

in a ha te uh ka va sutan ding hi,” ci-in Luther in a dawng kik hi.- 

D’Abigne, b. 7, ch. 7. 

Worms hong tung dek ta cih thu kizak ciangin a mite patau in 

buaina apiang sak hi. Ama lawmte in a suahtaak loh khak ding patau 

mah mah uh a agalte in zong gual lel in azahlat ding uh patau uh a hih 

manin, khuapi a lut loh nadingin nakpi in a kho uh hi. Papist te hansuahna 

hangin a lawm milian khat’ inn ah ki tawl dam sak phot ding in a sawl 

uh hi. A lawmte in ama thu a lau huai ziate lak-in lau thei leh deih in a 

khoh uh hangin, lau tuan lo, dual tuan lo in, “Worms ah dawite dim-in 

inntung leisek dal (tile) zah a pha zongin ka lut ve ve ding hi,” ci ahih 

manin kuamah in Luther a kho zo kei uh hi.– Ibid. 

Worms hong tun’ ciangin mi honpi in amah dawn dingin 

kongkhakpi ah na ngak uh hi. Kumpipa na ngawn tua zah-in ki dawn 

ngei lo hi. Lunggim patau na tawh aw sik gin’ zaw zen khat-in, a maia 

a phuut ding thu a hilh kholhna in a kitel mah mah-in Luther adingin 

sikhakna la khat mipi lak panin a sa hi. “Pasian in keima belhpa ahi hi” 

ci lel in leeng tung pan in Luther hong kum khia hi. 

Papist te in Luther pen Worms ah hong pai ngam ding um lo uh 

ahih man-in hong tung takpi cih a zak uh ciangin a am kham zaw zek uh 

hi. Kumpipa in a vaihawm upa te tha khat in kai-khawm in, bang ci 

vaihawm ding cih a ki kup pih hi. Bishop a thu cilgil mah mah khat in, 

“Eite in hih thu i buai pihna sawt lua zo ahih manin, na kumpi vaang 

tawh amah tha khat-in siak khia lel in. Sigismund in zong John Huss 

hal lel hi lo a hi hiam?. Ei te in lampial mi khat a keem thapai ding i hi 

kei hi,” a cih ciangin Kumpipa in, “Tua bang ahi kei hi, eite in (154) i 

khapsa kamciam i zuih kul ding ahi hi” a ci kik hi. – Ibid. b. 7, ch. 8.


Tua ahih manin Puahphapa thu gen sak a ngaih ciat phot ding hong 

suak hi. 

A khua bup in tua mi thupi a mu nuam uh hi. A zintun na ah zin 

lom hong tung thuah thuah hi. Luther pen a dam kaang pan a hih ban 

ah a khual zin lam paina nipi kal 2 sung tak hi a, a gim mah mah hi. A 

zing cianga a hun zat nading kiging-in a ki tawl dam sak kul hi. Amah 

mu nuam nasia lua ahih manin nai tawm kha sung bek tawl nga-in 

miliante, ukpite, siampite, leh gam mite in kiim uum lut lut uh hi. Tua 

mihingte lak ah ukpi tampite in kumpipa kiang ah hang takin pawl sung 

hoih lohna te puah phat ding ngen uh a, tua te pen Luther in, “Ka Gospel 

in suahtaak na hi” acihte ahi uhhi. –Martyn, “Life and Times of 

Luther,” p. 393. Galte hi ta leh, lawmte hi ta leh, a dual lo phungzipa 

en dingin hong pai tek uh a, amah’n bel, daai tak ling lawng het lo sain 

amaute leengla na khawl lel a, piltak leh Pasian thu gun takin na dawng 

lel hi. Kipna leh haan’na meel pua in, a cidam siang nai lohna leh a 

gimna a maisuah in alak hi. Lungdamna leh migitna meel zong a lak hi. 

A hanciamna leh a thupina in a galte na ngawn cih nading meel thei 

lozah in a hu-neh zaw hi. A galte hi ta leh, a lawmte hi ta leh in lam 

dang a sa lua uh ahih manin, kim khat te in, Pasian in ompih hi ci uh a, 

kim khat te ta leu leu in, taang lai Pharisee te in Jesuh a cih bangin, 

“Dawi lawmnei hi” a ci uh hi. 

A zing ciang Luther pen ki khoppina ah kah dingin a ki sam ta 

hi. Kumpi zum sung bu-pa in ki khoppina ah pai pih dingin akiseh napi, 

kongzing khempeuh ah pope’ thuneihna a daltan ngam, a deu-leu lo 

phungzipa mu nuam mi honpi ki sung miah muah kawi kawi ahihmanin, 

ama mun ding a tun’ pih nading bang haksa zo phial hi. Ama thu a 

khen sak dingte mai hong tun’ ciangin, galhaang mah mah General lui 

khat in hehpihna aw neem tawh: “Siampipa aw, kei teek teek leh sisan 

luanga galdoo bute khat peuh in gal kapna thupi pen laka ka sep uh 

nasep sanga thupi zaw pan mun a leen ding a hong pai na hi hi. Nangmah 

in na nasepna a maan a hih na tel takpi in nasep zong a hi hi. Tua ahih


manin Pasian min tawh mai nawt in la, lau kei in. Pasian in hong (155) 

nusia lo ding hi” a na ci hi. –D’Aubigne, b. 7, ch. 8. 

A sawtna ciangin Council mai ah Luther a hong ding hi. 

Kumpipa a tokhom ah hong tu hi. Amah pen Kumpi gam sunga mi 

thupi pen te in uum uh hi. Martin Luther in a upna a tel gen nading 

tua kikhoppi sanga zum thupi zaw ah kua mah thu a kisit ngei kei hi. 

“Pope in a mawh sak khit sa hi napi leitunga ki khopna thupi pen pen 

mai ah zahtakna kammal te tawh amah ki sam lai mawk ahih man in, 

tua bangin a va ki laak dan mah mah pah phot pan in papacy a zawhna 

lim khat ki mu pah mai hi.. Pope in amah pen gam daai den dingin 

mawhsakna a piaksa hi a, ahih hangin tu-in Khristian gam khempeuh 

pana ki sam khawm mipi tul tampi zak dingin thu gen lai ding a hi hi. 

Luther sepna in ki puahphana lianpi a piang sak hi. Ama aw ging in a 

suk khak manin Rome pen a tokhom tung panin ki kai khia suk in a 

hong kum suk suk ta ahi hi.” – Ibid. b. 7, ch.8. 

Pianna tualniam mikha ahi Puahphapa pen tua zaha vanglian 

kikhopna mai ah cimawh in lamdang asa gawp ding tawh ki bang hi. 

Vaihawm upa pi te in ama ki heek zia en uh a, khatpa hong pai-in a bil 

ah “Pumpi a thah theih hangin khaa that thei lote kihta ken aw” ci in 

hong huau sim hi. Khat leu leu in, “Keima hangin note gam uk mangte 

leh kumpite mai ah hong kipai pih ciangin na gen ding uh thu Pa’ Kha 

Siangtho in hong pia ding hi” hong ci leu leu hi. Pasian naseempa aki 

thusitna ah a hat sak dingin Khrist’ kammal omsa te hih leitung vaihawm 

liante in hong puak uh hi. 

Luter pen kumpipa mai tawh ki tang mun ah hong ki koih hi. A 

ki khawm mipi te a vek-un daai khip khep uh hi. Tua ciangin kumpi 

zum sung bu-pa hong dingkhia a, Luther laigelhte kawk kawm-in a 

dawn’ ding thu nih pia a, Hia laibute ama aa a hi hiam, cih thu leh, tua 

laibu te sunga thu omte panin a taw kik ding hiam, cih thu a hi hi. A 

laibu minte hong ki sim khia a, tua dotna masa tawh kisai in Luther in


ama gelh hi mah hi,a ci hi. “A dotna nihna pen Upna leh khaa hot na 

thu hi a, Pasian kammal om bangin vantung (156) leitunga a manpha 

pen thu hi a, thupi a kisa pen zong ahih manin ngaihsun khol lopi-in 

hong dawng le’ng ka khial ding hi. Kim leh pam zahtakna in thumaan 

lomthaw sak ahih keileh beh lap mawk le’ng ‘Mite mai-a hong nialpeuh 

mah, vantung Ka Pa mai ah ke’n zong ka nial ding hi’ achih mawhna 

bawl ka suak ding hi. Matt. 10 : 33. “Pasian kammal tawh ki leh bulh in 

ka dawnkhak loh nadingin humpha khat nong piak ding lunggulh in 

kiniamkhiatna tawh kong thum hi.” a ci hi. –Ibid. 

Hih ngetna ah Luther pilvaangtat mah mah hi. Lungsona leh 

thuaklahna te om lo hi cih a ki mu ahih manin, a om zia in ki khawm mi 

teng athu zawh hi. A daaih hit-hiat-na leh a ki kepsiamna teng in mite 

lam et sangin ahaan zawkna, leh lungsim kho-na lak tel zaw a, a nung 

ciangin thu khualna leh khentelsiam na tawh, pil vang takin dawng thei 

ding cih thukhualna nei ahih manin, tua in agaalte’ ki saktheihna leh 

thusia bawlnopna teng taaina le hilh pilna leh suah zaw ahih manin, 

agaalte nangawn alungkia sak hi. 

A zing ciangin dawn’na nunung pen pia dingin hong dingg kik 

ding ahi hi. Tawm vei sung thumaan nialte tha hatna a muh ciangin a 

lungsi mah mah hi. A upna kiam-in lau-in liinga, patauhna in amh a 

tuam hi. Ama mai ah lauhuai na vi-ve khanga, a galte in zo ding bangin, 

khuamial vanglian atung nung ding bang in hong om hi. Meiilom te 

hong ki kaikhawm-in Pasian kiang pan amah liah cip-in a khen khia 

ding bang in hong om ahih manin, Mipi te’ Topa in amah a ompihna 

telcian thei leh a deih hi. Lunggimna lianpi tawh lei ah amai phum-in, 

mi dangte tel pih zawh loh Pasian bek in a tel pih theih lungtang balkhama 

thungetna hong nei hi. 

“Aw, vanglian khempeuh kimna a tawntung Pasian, bang zah-in 

hih leitung pen buai huai ahi hiam? En in, amah in a kam kaa-in kei 

hong valh ding a hi ta hi. Muan lahna tawh ka kidim hi…..Hih leitung


tha bek suang ding hi leng ka muan ding abei ahi ta a,.... Ka hun nu 

nung hong tung ta hi. Kei ong ki mawh sak khin zo hi.... Pasian aw, 

leitung te pilna khempeuh nang zo dingin hong huh in. (157),.... Hih 

nasep pen kei aa hi loin Nang’ aa a hi hi. Nang bek in hih thu hong seem 

ta in. Hih leitung miliante tawh kiseel in kei hih ding bang mah om lo 

hi….Tua nasep pen Nangma aa a hi hi….Tua thu dik-in a kip hi. Topa 

aw, hong hon in! Thuciam ah a muan huai a ki khel lo Pasian aw, mihing 

peuh muang lel ka hi kei hi….Mihing te kician loin amau kiang pana ki 

ngah thu te akip kei hi….Hih nasep na adingin keimah nong teel zo 

hi….Ka kiang ah hong din’ pih in, na it Jesu Khrist min bek ka muan’ 

ka kidal na lumn leh ka belh tausang ahi hi, ong khawtuah inla, hong 

huu in,” a ci hi. – D’Aubigne, b. 7, ch. 8. 

Ama tha maung in alau huai sungah a lut vat khak loh nadingin 

Pilna nam kim neipa in a kisiatna ding zia teng ngaihsun sak in, Luther 

alau thawngsak ahi zaw hi. Tua launa pen sawt lo-a hong tung ding 

pumpi sihna thuaka a gen theihna te kihta a launa hi lo hi. Lau huai hun 

hong tung mah a, amah in tua thuak ding in kicing taak lo ahihna phawk 

hi. Ama tha neemna hangin thumaan in supna thuak kha zel hi. Ama 

pumpi suahtaak nading hi zaw loin Gospel thu in zawhna a ngah nading 

in Pasian a buan a hi zaw hi. Isreal in zankim gam daai ah lunggimna 

tawh luigei ah a khaa a ki tha saan bang a hi hi. Isreal mah bangin amah 

in Pasian tawk kibuan in a zo hi. A cih mawh mah mah ciangin upna 

tawh a honkhia tha hatpa Khrist tung ah a luai ken kon a hi hi. Tua 

ciangin amah kia-in council maitang ah kipai sak lo ding ahih na ki lak 

tel hi. Gam uk te mai ah Pasian thu a tawi sang thei dingin Pasian in 

amah hunpha pia lai ahih lam kitelna leh khamuanna ngah in lungdam 

takin tua mun pan ong dingkhia ta hi. 

Pasian suangin a mailam phu dingin Luther ong ki ging ta hi. A 

dinmun kiptak a alet theih nadingin alaigelhte in Laisaingtho sungpan 

vive ahih na a lah tel nading in a en pha pha hi.“Gospel thu ah muan 

huai taka din’ zawh nading, leh upna pu laak-in a teci pan’na ah a kul


leh a sisan tawh zong a kip sak zawh nading” in akhut khat Laisiangtho 

lemsa tungah nga in, ataklam khut lamto in a ki ciam hi.- D’Aubigne, b. 

7, ch. 8. 

(158) Kikhoppina sung hong tun’ kik ciangin a mai puak ah 

launa leh zahlatna bang mah ki mu lo hi. Daai-in lung muang mawk a, 

haang tak leh zahtak kai in leitung miliante mai ah Pasian teci pangin 

a dingg hi. Tu in kumpi zum bu-pa in ama upna a taw kik ding hiam 

cih a dong hi. Luther in gitlohna leh lungsona dawk sak lo in, aw 

ngaih aw dam tawh dawng kik a, ki hihsakna lim dawk lo in a heek zia 

zahtaak kaai-in, lung muang maitai-om a hih manin mipi in lam dang 

a sa uh hi. 

Luther in, “A thudam bel kumpipa, thu thei bel vaihawmpi te, 

leh thusiamna tawh a dim Ukpite mai ah, zan ni-a thupiakna ka ngah 

bangin, tu in kong ki laak hi. Pasian migitna tawh ka gen ding thu pen 

dik hi maan hi ci-in um ka hih manin thusiam na tawh nong ngaihsak 

ding uh kong thum hi. Kei mah in kumpi inn sung pan a khang khia ka 

hi kei-a, gam simtham phungzi innte (convent) pan-a khang khia ka hih 

manin, thukhen zum-in a zat ngei kammalte ka theihloh manin ka palsat 

khakna a om leh ka mawhna nong maisak nadingun kong thum hi” a ci 

hi. – Ibid. 

Tua zawh in dotna te dawng dingin ki pan ta a, lai hawm khiat te 

pen a vek-in kibang lo in, pawl khat upna leh gamtat hoih agenna om a, 

a galte na ngawn in tuate pen mi dangte na sak lo tham loin phattuamna 

om zaw hi a cih pih uh hi. Pawl tuam tuam in thumaan hi a cih pih sa uh 

tua laite dok kik leh thumaan nilkhia a suak ding uh hi. A laigelhte a 

lom nihna ah, papacy tatsiatna leh a kih huaina te aki hel hi. Tua te nolk 

kik leh Rome-ii ngoltolna a hansuah, a leii haang sak suak-in, mitpi’ 

gamtat siatna dinga kong vang a hon’ sak kisuak zel ding hi. A laigelh 

bu thumna ah siatna a awi aam a pan pih te a langpan’na a gelh hi. Tua 

munte ah Luther in aki lawm zah sangin gamtat zaw kha ahihna a ki


pulaak hi. Amah leh amah a khial ngeilo in aki seh loh hangin tua 

laibute a nolh kei hi. Bang hang hiam cih leh, tua laibu nolh mawk leh 

thumaan galte’ leii haang sak-a Pasian mite tuancil in a gawi cip nading 

uh a uang zaw-a gitloh suah suak zel ding a hi hi. 

A gen zomna ah, “Kei pen Pasian hi lo-in mihing lel khat ka hi 

hi. Tua ahih manin Khrist bangin kei ma pumpi hut nadingin kaki phelh 

ding hi. Ahih hangin zau ka gen leh zuau thu in akhap tawn kik in teci 

pang ta hen….. (159) A thu dam kumpipa, thu selsiam vaihawmpite 

leh a mipite aw, note in ka laigelhte kamsangte thu leh sawltakte thute 

tawh sit tel un la, a khial a om leh man khia un ci-in Pasian migitnasuang 

in kong thum hi. A khialhna ka muh phet-in a khial teng dok kik bek 

loin keima khut mah in tua ka laibu meikhuk ah ka khul masa pen ding 

hi, ci in k’ong ki ciam hi. 

“Tu-a ka thuak ding lau huai na te zong ki dawm leh khinkhai 

sa-in kalungsim ah ka ngaihsun zel hi. Ahih hangin, hun beisate mah 

bangin tu in zong Gospel thu hangin buaina leh ki selna piang hi cih ka 

muh ciangin lau lo in ka lungdam zaw hi. Hih bang pen Pasian thumaan 

in a nawk khak den zel, a ngeina a hi hi. Leitung ah kilemna khah 

dingin hong pai ka hi kei a namsau lek dinga hong pai ka hi hi,” Jesu 

Khrist in ci hi. Pasian pen a vaihawmna te ah a lam dang mah mah leh 

a kih taak huaimah mah ahi hi. Hih ih buainate bei sak, daai sak nuam a 

i kineih lai tak in Pasian kammal siangtho a bawlsia ki suak kha thei 

zaw ding ahih man in, na kidop mah mah kei uh leh, nomau tung ah a 

lau huai suksiatna leh tawntung maiman’na ong tun nading in a sam 

sam na suak kha ding uh hi….Pasian kammal mun tampi siksan in ka 

gen ahi hi. Pharaoh te, Babylon kumpite thu zong ka gen nuam hi; a 

gam ukna leh vaihawmna a tha hat nadingin kikum a a sep khiat te un 

bang mah phat tuamna apiak loh ban ah amau kisiat nading a suak zaw 

hi. ‘Pasian in mualte khiin khia khin na pi, amau a thei kei lai uh hi’.” – 

D’Aubigne, b. 7, ch. 8.


Luther in Germany pau-a agen sa teng mah Latin pau in a gen 

kik leu leu nadingin a ki sawl hi. A genna sa teng tawh gim mah mah 

ta a, a hih hangin mite deihna zui-in amasa-a teng mah kitel takin 

Latin pau tawh a gen kik hi. Pasian in a piakna bang bang a gen a hi 

hi. Vaihawmpite i lam khialhna leh thuciin’ te in mihing mit hum khin 

lua ahih manin Luther gen masak tungtangah adeihna a tel zo kei uh 

hi. Ahih hangin agen kik ciangin a thu gilpi tel takin a man khia thei 

phing uh hi. 

Ngawng khauh-a thumaan ah a mitsi ven van, thumaan pen bang 

bang hi ta leh zuih a sawm lo kholh mite in Luther thugen huu-nei pen 

in a heh uh a suak sak lel zaw mai (160) hi. A thu gen a khawl ciangin 

kikhopna ukpa in lung haam sa-in, “Nang tunga hong kidong thu na 

dawng kha kei hi….A ki tel, dawn’ kikna ki deih hi….Dok kik ding 

maw dok kik lo ding? a ci hi. 

Puahphapa in, “Nang a thudam a vanglian pen leh na milian teng 

in a kitel, a baihlam, a tom dawn’ kikna hong ngen na hih manun, mal 

khat kong dawng ding hi. Tua pen hi bang hi: Ka upna pen pope tung 

ah ahi a Council tung ah a hi zongin ka aap thei kei hi. Bang hang hiam 

cih leh, amaute in khial thi the thei a, khat leh khat zong ki tukalh-in a 

om theih lam uh sun nitaang bangin kitel muh mah mah hi. Laisiangtho 

tecii pana hiam thu sai kaakna maan pen pen hiam in a hong lah tel a, 

Laisiangtho ka matna te in a hong muh tel sak a, Pasian thu in ka lungsim 

khua phawkna lam maan zaw-a hong kaih leh cih loh, Khristian khat in 

ama sunglam upna lang pang-a thu gen ding pen lung muan huai lo ahih 

manin, Ka dok kik kei a ka dok kik kei ding hi. Hi lai takah ka ding hi. 

Thu dang bang mah ka bawl thei kei hi. Pasian aw hong huh in, Amen,” 

a ci hi. – Ibid. 

Tua bangin hih midikpa Pasian thumaan kammal tung ah dingg 

hi. Vantung khua vak in a maisuah taang sak hi. Thukhial langpanga a 

gen khiat ciangin ama thupina, a gamtat sianthona, a lungmuann’na leh


a lungdamna te hong ki dawk pha sem in, tua a upna in leitungte zo 

gawp-in tung nung ahihna a dawk sak hi. 

Kikhawm buppi in lam dang sa-in tawm vei sung daai khip khep 

uh hi. A dawn’ masakna kammal te ah a aw niam khiat-in zahtaak na 

nei a, ki ap ding phial bang phot hi. Rome te in tua pen Luther leii 

haan’na teng beina lim bangin a seh kha uh hi. Tawm a zekaai sak 

dinga a nget bang zong a upna a dok kik nuam hi’n teh a ci uh hi. 

Charles mah mah in zong phungzipa ki zepna, a dawk dan, a kampau 

thu neem dante en in sim mawh bawl kawm sa tawh, “Hih phungzipa in 

kei lang ah thu nial ngei lo ding hi,” a ci hi. A haan’na leh a lungkipna 

tu in hong dawk a, a thu gente vaang nei in siangtho a, a za mi pawl 

pawl te lam dang a sa sak hi. Tua ciangin kumpipa in pah tawi a, tha 

khat in, “Lau lo, dual lo, leh haangsan takin hih phungzipa in thu a gen 

hi” ci in a kiko khia hi. (161) Germany upa pi te tampi in amau minam 

taanga hih bang mi thupi mi gina a neih uh kisathei kawm-in lung dam 

in a en uh hi. 

Rome lam a kop luateng pen lungsia mah mah uh a, amau nasepna 

teng a deih huai lo pen pen-in ki dawk hiau ta hi. Bawlsiatna leh Rome 

te’ thulsel hatna suangin a thuneihna uh aletsuak theih na ding un, 

Laisiangtho siksanmel neilo in, a hanciam uh hi. Kikhop ukpa in, “Na 

taw kik nop kei leh kumpipa leh a gam kumpite in hih a kipuah kik thei 

lo thunialpa bang ci bawl ding cih kikum-in a vai hawm uh kul ding hi,” 

a ci hi. 

Tua kikhop ukpa kamma hangin lung dam mah mah sa-a Luther 

din mun thupina a ngai ngai a lawmte kha lau in liing uh hi. Ahih 

hangin Doctor pa in daai tak in, “Pasian in hong huh ngawn ding hi. 

Bang mah dok kik thei ke’ng” a ci ve ve hi. - Ibid. 

Upapite ki kum-in a om laitak sungin amah pai khiat pih dingin 

thu a pia uh hi. Tua hun in a lau huai pen hun a hi hi. Luther ki aap nop 

het lohna thu in khang tawntunga pawlpi khang tangthu a sukha ding hi


ta ahih manin, a taw kik nadingin hun hoih khat pia lai dingin a ki kupna 

uh ah a khen tat uh hi. Hun hoih piakna nu nung pen dingin ki khopna 

mai ah amah khat vei hong pai pih lai uh hi. A upna a nusia a ding hiam 

ci-in a dot phat uhciangin, Luther in, “Ka gensa thute cih loh a dang 

bang mah ka gen ding ka nei kei hi” a ci lel hi. Zawl bawlna tawh a hi a 

bawl siatna tawh tot bawl in ahi zongin Rome te huang sung ah a ki lut 

kik sak zo ngei nawn lo ding ahihna hong kician mah mah ta hi. 

Kumpite leh ukpite liing sakin, hih siampi ginalo khat in a 

vangliatna uh a tua ci sim mawh pen Papal makaite thang paai mah 

mah uh a, a nuntakna nangawn suk sawm zah in aheh lam uh a thei 

sak nuam mah mah uh hi. Luther in ama ading lau huai thei ding cih 

mu ahih manin a pauna khempeuh ah Khristian nun neemna leh thu 

dam vive a zangh hi. A kammal te ah ki phatsakna ki hel het lo a, 

lungso na’ng leh muh khialh theih ding bang mah a om sak het kei hi. 

Ama pumpi leh, a kiim-um a om miliante, kumpi te leh ukpite 

mangngilh in tuate leh pope te sanga nakpi-in a lianzawlai khat maitang 

ah ding ahih lam a ki phawk hi. Khrist in Luther zangh-in thu gen a, 

a lawmte leh a galte in lam dang a sak ding zah in vanglian leh thupina 

guan hi. Pasian Khaa in tua kikhoppi ah na hong sem in,(162) ukpite 

leh kumpite lungsim a lawn sak hi. Ukpite tampi mah in Luther nasep 

pen a maan hi, ci in haang takin pu laak khia ta uh hi. Mi tampi in 

thumaan ah hong ki zo uh hangin pawl khat pen sawt vei a kip zo kei 

uh hi. Pawl khat te leu leu, tua thu maan a sa te ki pu laakna ah hong 

kihel lo napi uh amau mah in Laisiangtho kan khia-in a sim sim mite 

om uh a, a nung ciangin Biakna puahphatna ah haang taka a huh pi 

pen te hong suak uh hi. 

ME piapa Frederick in kikhopna sunga Luther om dan teng lawp 

takin na en a, a thu gente lungtu takin a na ngai hi. Doctorpa han’na, 

khotaka a din mun, khentelsa-a a omna te lungdam leh angtang takin 

teci a na pang hi. A lang tuak na saikaak ciangin pope te, a uliante, leh 

kumpite pilna tawh kiteh thei vet loin thumaan vangliatna tawh amaute


bang mah lo ciang tun suk hiau mawk hi cih a mu hi. Papacy pen 

minam khempeuh in khang tawntunga a neu sim nading agual lel sak 

hiau ta hi. 

Luther thu genna in Rome te vangliatna susia hiau ding cih thu 

Rome sawltakpa in ni dang sangin hong lung hi mawh zaw a, Puahphapa 

ki suk mang theih nadingin ahih theih tawp suah-in a han ciam kawi 

kawi hi. Thu uang gen siamna leh siamtheih na a tuam tuam hangin 

mite lak a ki khai mah mah ahih man in Rome thuneihna letmat tawh hih 

a thu nei nawn lo siampipa mawh-zon’ dinga khangno kumpipa kianga 

ki sawl zong ahi pah sii lai hi. 

A thu gente in bun lo het lo mawk mah hi. Luther thugen ni 

zing ciang in kikhoppina ah Charles kumpipa thu khat phuang khia sak 

zo hel a, ama maia seemte zuih ngeina mah zom suak in Katolik upna 

mah puah dingin taang ko hel hi. Luther in a thu nialna khah nuam lo 

ahih ciang thuhilhna a na sia pen pen bawl siat ding ahi hi. “Siampi khat 

lel a haina tawh a pai khial khat Khristian buppi upna lang do-in hong 

tho hi. Hih banga Pasian zahtaak lo-a omna tawp sak nadingin ka gam, 

ka neihsa teng, ka lawm teng, ka pumpi leh ka sisan, ka khaa leh ka 

nuntaakna zong ka pia zaw ding hi. Augustine Luther ka ciah sak ta 

dinga, mite laka kilem lohna a sep aneu pen pen zong dal in amah leh 

ama pawl lut te (163) lang do-in, thu nial tei tei te ka ci ding a, pawlpi 

panin amau te nawh khia-in suk siat theihna khempeuh zanghin ka su 

sia ding hi. Gam sung mi khempeuh, a muan huai Khristian ahi dingin 

kong sawl hi,” –D’Aubigne, b. 7, ch. 8. Ahih hangin thuciam bangin 

Luther pen cidam-a a inn tung kik sak phot ding hi cih zong a pu laak 

hi. A baan ah, amah langdo nading vaihawm pha kik ding hi pan bek hi. 

Tua ciangin kikhopna sunga members te lungsim puak dan pawl 

nih hong pha a, kinialna hong om hi. Rome sawltakte leh pope sawltakte 

in Puahphapa a vil ding piak lai lai ding pen nial uh hi. “Tua ma kum za 

khat lai-a John Huss mah bangin ama vuu Rhine Gun sung ah kibua


leh” ci uh hi. – Ibid. Ahih hangin Germany gam vaihawm upapi te 

amau mah mah papist hi-in Luther’ galte a hih teei uh hangin tua banga 

mipi upna gong gaak sak ding pen minam neu vai suak ding hi ci in nial 

uh hi. Huss sihna hangin siatna tuam tuam a gamsung ah atun mah 

bangin, Germany gam leh kumpipa lu tung ah tua bang atung ding in i 

sam suk ngam kei ding hi a ci uh hi. 

Charles mah mah in tua thu-sun te a dawn’ na ah, “Leitung mun 

khempeuh pan in zahtaakna leh upna a ki nawh khia phial zongin a 

bukna ding in upa vaihawmpi te lungsim ah mun a om lai kul hi,” ci hi. 

– Ibid. Sigismund in Huss a bawl bangin Charle in zong Luther a bawl 

nadingleh pawlpi in a deih bang bang a bawl theih dingin pia khia leh, ci 

in Luther gal nasia pen te in a gen uh hi. A hih hangin mipi mai-a Huss 

in a ki khihna sik khau kawk-a kumpipa tunga a upna a pulaak thu 

phawk kik ahih manin Charles V-napa in ‘Sigismund bangin ka mai ka 

san gawp sak pah kei ding hi’ ci kik phi-phet lel vet hi. – Lenfant, 

“History of the Council of Constance,” Vol. 1, p. 422. 

Charles in ngaihsun sun sa-in Luther puak thumaan a nial hi. 

“Keimah in ka mai a te nung kip takin ka zui ding hi” ci in gelh hi. – 

D’Aubigne, b. 7, ch. 9. A pate in papacy gitlohna leh kisiatna teng na 

zui uh ahih manin, amah’n zong zuih sawm in, thumaan leh dikna lampi 

a zui zongin, ngeina omsa pan pial khia lo dingin a khentat khin hi. 

(164) Apate khang lai-a sepna omsa baan ah khuavak thak hong tung 

mah ta leh nial ding cih khen tel sa-in din mun a la a hi hi. 

Tu, ei’ hun-in zong mi tampi in i pa te khang lai-a ngeina te leh 

thuciin’ te ah a luai ken kon mawk mi om uh hi. Topa in khuavak 

thak hong piak beh ciangin a pate khanglai-a na zui nai lo uh ahih man 

bek-in amau zong a nial pah pong mawk uh hi. Eite in i pate khanglaia 

te i eeng thei kei ding hi. Bang hang hiam cih leh, i nasep dingte 

amaute aa tawh ki bang nawn lo hi. Ei hun ading a hong piak thumaan 

te Laisiangtho sung pan zon’ khiat beh zel lo-in Pate et teh bek le’ng,


Pasian in dik hi a hong kei ding hi. I pu i pite sangin ei sep ding gol 

zaw ta ahih man ahi hi. Amau ngahsa khuavakte zong zui in, tua baan 

ah amau muh nai loh ei muh beh thumaan te zong i zuih beh toh zel 

ding a hi hi. Tua pen Pasian thubu pana thumaan khuavak i muh beh 

ding a hi hi. 

Thu um lo Jew te kiang ah Jesu in, “Kei hong pai in amaute 

kiangah thu hilh lo hi leng, amaute in mawhna anei kei ding uh hi. Tuin 

a hih leh, amau mawhna pan suahtak theih nading anei kei uh hi.” ci 

hi. Johan 15:22. Tua bang mah-in Pasian vanglian in Luther zangh-in, 

Germany kumpipa leh a vaihawmte tung ah thu a gen hi. Pasian kammal 

pan khuavak hong taang khia in, Pasian Khaa in tua kikhoppi makaih a, 

mi tampi tung ah a tawp khakna zolna a nei hi. Tua ma kum za tampi 

lai-a Pilat in kisaktheihna leh kidawk nopna lungsim aneih manin leitung 

Honpa adingin alungsim kong akhak cip mah bangin, a lauthawng Felix 

in, “Tu tung pai suak phot in la hun hoih ka ngah kik ciangin nang kong 

sam kik ding hi,” a cih bangin, leh akisathei Agrippa in, “Kei na ngawn 

Khristian nong suak sak dek tak hi,” a cih bangin (Sawltak 24 : 25; 26 

: 28), Charles a 5-na pa in zong leitung kisaktheihna leh ngeina zuihna 

hangin thumaan khuavak nial dingin khentet sa-in a koih hi. 

Luther suam nading-a a geel sim uh thute ki baan gen-in khuapi 

sung teng zeel ahih manin, mite patau mah mah uh hi. Puahphapa in 

Rome gitlohna a selpho ngam lawm tampi nei a, Rome in bang lawh 

ding cih zong tuate in thei uh ahih man-in Luther akithah loh nading in 

a vai hawm uh hi. Tua kumpi thupiak pen Rome ukna nuai-a ki aapna 

hi lel hi ci in a ki lang tang- (165) in a gen uh hi. Ukpite a za lom phial 

mah-in amah keem dingin kam ciam a pia uh hi. Kong khak tung khawng, 

mipi om honna mun khawng te ah lai kisuang kawi kawi a, pawl khat in 

Luther gum-in pawl khat in mawh sak uh hi. Tua te lak ah khat in 

mipilpa paunak khat dawk sak a, “ Naupang kumpi anei gam khat peuh 

in lungkhamna thuak hi”, Thuhilhsia 10 : 16, a ci hi. Bang hang hiam 

cih leh, Germany gam bup-a Luther lam a panpih mite in a kumpipa leh


tua kikhoppi in thumaan lo-a a vaihawmna uh hangin a gam bup kha 

muan’ na leh a tokhom mah mah zong lau huai sak zo kha ding hi ci in 

um uh hi. 

Saxony te Frederick in Puahphapa muh-in a lungsim tak tak sel 

sim lai-in, sim tham tak leh gimlo tawl loin amah vil sim gige a, ama 

kiheek dan leh a galte om zia a en cik gi ge hi. Ahih hangin mi tampi in 

Luther a khasiatna uh leh a huh nopna uh akilang khia sak uh hi. 

Vaihawmpi te, ukpi te, hausa liante leh mi dawk zaw deuhte leh thuhilh 

siate-a kipan pawlpi mite ama kiang ah a va hawh ciat uh hi. Spalatin in 

a lai gelhnaah, “Doctorpa inn dei neu sung ah ava hawh lenglate taa lo 

uh hi” ci hi. – Martyn, Ibid. Vol. 1, p. 404. Mite in amah pen mihing 

bek hi lo ding in a muang mawh uh hi. Ama up banga uppih lote na 

ngawn in ama ginatna pahtawi lo thei lo uh hi. Lungsung upna a palsat 

sangin sihna a thuak ngam zawpa a pi et ciat uh hi. 

Rome tawh lep-khawm theih dingin Luther hong thukim theih 

nading nakpi in a hanciam uh hi. Pawlpi thu leh Council thu a nial pai 

suak leh a gamsung pan ki nawh khia dinga belh ding nei lo in ta-vai 

ding hi, cih a gen dingin ukpite leh vaihawmpi te ama kiang ah ki sawl 

hi. Tua ngetna te Luther in, “Muhdahna thuak loin Khrist Gospel pen 

kihilh thei hi lo hi….Bang hangin tua luahuaina lel te in Pasian thumaan 

leh Topa tawh kei hong khen khia mawk ding hiam? Tua sangin ka 

pumpi leh ka nuntakna ka pia nuam zaw hi” a cih san hi. 

(166) Tua khit ciangin, kumpipa thukhenna mang hoh leh 

khamuanna om zaw ding hi ci in kunh leu leu uh hi. “Hi mah hi, ka 

lungsim khempeuh tawh kong gen in ah, Kumpipa-a kipan vaihawm 

upapite in Khristian hihna a khiatna leh ka na sep en kaak in sit tel ta uh 

hen. Tua sit telna ah Pasian laibu kammal te a din’ mun dingin zangh 

uh hen. Mihing in ei thu in bang mah i khun’ tawm theih om lo a, i zuih 

lel ding bek hi zaw hi. Laisiangtho sung thu zuihna ahih nak leh ka 

upnate hong mawh sak kei ta uh hen,” ci in a dawng hi. – D’Aubigne, 

b. 7, ch. 10.


A dawn’ na dang khat leu leu ah, “Ka gamtatna te nusiat ding 

leh ka pumpi le ka nuntakna kumpipa khut sung ah ka pia ngam hi, ahih 

hangin Pasian thumaan bel ka pia ngam kei hi. Zongh ka pia ngei kei 

ding hi!” a ci hi. Ibid. Kikhoppi khentel sak ding pen thukim a, ahih 

hangin tua kikhoppi in a din mun dingin Laisiangtho a zat ding a ngen 

hi. “Pasian kammal leh upna thu tungtang ah pen Khristian khempeuh 

in, Council awn khat in a thu kimpih phial pope zah mah-in, ama ading 

amah in khentel theihna anei hi” a ci hi. – Martyn, Vol. 1, p. 410. Tua 

ciangin alawm te leh a galte in Luther leh kaih kik nading hanciamna 

pen a mawkna hi ci in mu thei ciat ta uh hi. 

Puahphapa in malno khat ah ki pia leh Satan leh a pawlte gualzo 

pah lel ding hi. Ahih hangin neu kha beek lok lo-a ama kipna in pawlpi te 

suahtaak nading hun thak hoih zaw khat hongg khia ding cih lim a dawk 

sak a hi ta hi. Mi khat in hih bangin biakna tawh kisai a a ngaihsutna leh a 

gamtat ngamna hangin leitung bup leh pawlpi adingin tua khang bek thamlo 

in hong pai lai ding khang khempeuh a sukha suk den ding thulianpi khat 

aki khung den ding ahi ta hi. Ama kipna leh muanhuaina in ama thuak bang 

a thuak dangte khempeuh adingin zong, hun bei ni dongin, tha hatna a pia 

suk suk hi. Pasian vangliatna leh thupina in Satan vangliatna leh mihing 

vaihawmna te sangin tung nung zaw in dingg khia to ve ve hi cih ki mu hi. 

Kumpi thu tawh Luther pen a man laang in inn lama ciah dingin 

aki sawl hi. Ahih hangin a nung ah amah suk siat nading thu in amah 

nung zuih pah ding cih a thei khol hi. A ciahna lampi ah bawlsiat nading 

meiilomte na kaai a, ahih hangin Worms pan hong ki khenkhia kik thei 

ahihna tawh a lungsim ah Pasian phatna leh nuamna a dim hi. “Dawi 

mangpa in pope’ kulhpi a cing hi; Khrist in bel tua kulhpi su keh-in tua 

ciangin (167) Satan in amah sangin Topa hat zaw hi cih a pulaak loh 

pha mawh hi,” a ci hi. – D’ Aubigne, b. 7, ch. 11. 

Ama khona pen tual-gal bawlna a ki sak khak loh nading deihna 

in a pai khait khit ciangin Luther in kumpipa lai khak kik a, “Lungsim


teng a zongg khia Pasian in keima teci a hi hi. Kei mah in pahtak ngahin 

gensiat ngah ta leng na thu khempeuh a mangin, sih leh hin ding thu 

ah zong na thu a mang dingin ka ki ging hi. A hi zongin tua te lak ah 

mihing nuntakna a hi Pasian thumaan zong ka sih pih ding hi. Hih 

leitung nuntakna vai khempeuh tawh kisai thute in tua ka upna 

muanhuaina lok zo lo ding hi. Hotna thu in leitungna khat peuh ah 

ngah ding leh taan ding cihte lel-ii suk khak zawh a hi nawn kei hi. A 

tawntung ading thu te ahih leh mihing in mihing khensat sak mawk ding 

Pasian in a phal kei hi. Tua bang mah in khaa lam thu ah zong mihing 

tungah ah ap mawk le’ng Piangsakpa bek tawh kisai ding thu kim lai mi 

dang khat a muang zaw ki suak mawk ding a, tua pa bia ki suak ding 

hi,” a ci hi. – Ibid. 

Luther Worms pana hong ciah kik na lam dung ah a kuan lam 

sangin maitang phat a (flattery) pahtawina hong tam zaw hi. Pawlpi 

pana ki paai khiasa siampi khat pen kumpi vai hawmpite khat zah-in na 

ki dawn a, kumpipa in a mawh sak mi khat pen leitung uk mangte in na 

pibawl uh hi. Amah pen kumpi vai a dal om loin thuhilh dingin na sawl 

uh a, pulpit ah kah leu leu hi. “Pasian thu sik khau tawh khih cip ding 

ka kiciam ngei kei a, zongh ka khih cip kei ding hi’ a ci hi. – Martyn, 

Vol. 1, p 420. 

Worms a nusiat khit a sawt loin papist te in kumpipa thu zawh 

uh a, Luther mawh sakna thu khat a bawl sak uh hi. Tua thupiakna 

sung ah Luther pen, “Satan phungzi puan silh-in mihing banga hong 

kibawl a hi hi” ci in gen sia hi. – D’Aubigne, b. 7, ch.11. Ama pumpi 

kepna hun ciangtan a bei ciangin a nasepna zong a ki tawp sak ding hi 

cin in thu a pia sak hi. Kuama in amah an le tui pia lo ding, ki thuah lo 

ding, hopih lo ding, mipi lak ahi a mi mal in ahi zongin amah keem lo 

ding, huh lo ding, ci in thu a pia uh hi. A mu kha peuh mah in man-in 

thunei te tung ah puak ta hen ci in thupia khia uh hi. Amah a kop pih 

peuh mah thong kia dinga, a neihsa kilak sak ding hi. A laigelhte ki 

haal tum hen. Hih thupiak banga agamta lote in ama thuak bang


mawhsakna thuak khawm ding uh hi, a ci uh hi. Luther lawm hoih a 

hi Saxony ME piapa leh uliante Worms (168) pana Luther pai khiat 

khit phet ciangin kikhopna pana kumpipa thupiak (decree) teng saangin 

amau zong pai khia pah uh hi. Tu in Rome te kigualzo sak ki aang 

tang sak hial uh hi. Biakna puahphatna nasep pen a khawl lel ta dingin 

a seh uh hi. 

Pasian in hih kisiatna hun hong tun’ ciangin Ama nasempa 

suahtak nading lampi a hon’ sak hi. Luther ki heek zia, bilpil takin ki 

mitsuan a, Ukpipa khat amah huu dingin Pasian in zawh sak hi. Rome 

te pen amah a sih ngiat kei buang leh a lung kim zo ding hi lo uh hi. 

Humpineelkaai kam panin seel mang ding a kul hi. Pasian in Saxony- 

Frederick pen Puahphapa keem dingin pilna a pia hi. Lawm hoih te 

kop pihna tawh Mee piapa tupna hong taang tungin, Luther pen a lawmte 

leh a galte muhna panin a seel mang sak hi. A inn lam zuatna lampi 

panin amah vilte kiang pan a guu mang sak hi. Gam maang tulak kaan 

tan-in Wartburg-a Ukpi inn sung ah a ki tuam koih hi. Amah laak mangna 

leh seel simna dan pen thu thuk lua ahih manin sawtveipi sung mah 

Frederick teek teek in zong amah a ki keem keem mah ahi hiam cih a 

thei kha kei hi. Tua a theih khak lohna pen ama ngim bang zong hi lo 

tak pi a, bang ci ki bawl hiam cih a gen ding zong om lo ding mah in a 

ki seh a hi zaw hi. Ahih hangin Puahphapa suak ta hi cih ciang bel thei 

tel lel in a lungkim lel phot hi. 

Tuk hun, khaal hun, phalbi kipat tuung lam hun teng hong bei a, 

phalbi tak tak hong tung in, Luther pen a kikhum lai hi. Aleander leh a 

pawl te in Gospel thu khuavak pen mit ding hi ci in ki sial sial zaw lai uh 

hi. Tua kawmkal ah Puahphapa in thumaan saal sung pan-in a meivaktui 

na thun dim a, na puah siangin, a khuavak pen a hong taang khia pha 

saan ding a hi ta zaw hi. 

Wartburg-a a lawmpa kepna tawh in tua buaina galdona in a 

hulkhak loh in kipelh manin Luther a lung dam hi. Ahih hangin tua


banga gam daai leh sim tham tak a buk cip den ding a lung kim thei kei 

hi. Mihing ngeina nasep ki tha saanna om loin sawt vei lua om zo lo hi. 

Tua a gam daih sung tengin pawlpi omzia a ngaihsut ciangin a lungsi 

mah mah hi. “Ala! Hih ni nu nung ni-a Topa hehna ah Ama mai ah 

kawm dal banga dal ding khat beek (169) om lo a, Isreal te hon ding 

khat beek om lo mw!” a ci hi. – Ibid. b. 9, ch. 2. A lungsim sung ah 

amah leh amah tua kidemna pan taw kik leh meidawi a ki cih ding a lau 

hi. Tua ciangin amah leh amah-a mot om-a ki awng hon’ ki ci ta hi. 

Tua bang hi kawm kawm sam napi ni sial-in mihing khat sep theih dinga 

ki lawm lo zah na a seem khia den hi. A lai kung pen tawl nga ngei lo 

hi. A galte in amah pen a tawl nga ta, a gam daai ta hi ci-a a lungnop 

laitak un, a nasepna hong ki muh khiat zawk saan ciangin a kii-lat uh hi. 

Ama lai hawm khiat pawl khat hong dawk khia-in Germany gam sung 

teng ah a ki hawm keek hi. Tua tham loin a gam mite adinga thupi pen 

pen ahi Germany pau-in Laisiangtho thak a na tei khia hi. Tua 

suangmualno Patmos bang ahi tung panin mite lampial hun-a mawhna 

te Gospel thu taangkona tawh a kum bup-in a na taai taai hi. 

Luther pen a galte hehna pan aki seel sim bek leh Pasian in A 

naseempa hih nasep thupi sepna pan tawl khat gam daai taka a om ding 

a deih zaw cih bang bek a hi kei hi. Tu-a sanga a manpha zaw sep khiat 

ding a om lai ahih manin, tua mual tung gam daai ah, gal muan’ tawl 

damna ah Luther pen leitungte pahtawina pan aki hem khia phot ahi hi. 

Na sem in mai a nawt zel ciangin amah leh amah ki sathei-a a ki muan’ 

khak zel ding deih lohna aki hem khia a hi hi. Tha khata a dinna mun 

saangpi ah muan huai tak in a kalsuan theih nadingin gentheihna leh 

tualniam na mun pan akisek khol khol asuak hi. 

Mite in thumaan mu in suahtakna a ngah uh ciangin thukhial 

thuciin sik kolpi te sutat dinga Pasian khutzat a sawtak mite tungah ana 

ki nga kha zel uh hi. Tua bang ding in Satan in mite lungsimin Pasian 

kiang pan heikhia in mihing lel te tung ah a bulh zawh nading zong 

zong a, van zat lelte peuh thupi sa zaw sak in na khempeuh a uk khut


pen a mangngilh nading un a hanciam hi. Biakna makaite in Pasian 

zahtak a Ama tung ah ki ngak ding sangin amau leh amau ki muangin a 

vaihawm kha pah pah uh hi. A tua cih man un biakna makai tampi te in 

amau aki pah tawina teng hangin Pasian sangin amau a ki muan zawk 

ding adeih zaw uh hi. Tua bang lungsim (170) puakte om ahih manin 

phuahphatna nasep kidal kha pah pah hi. Tua te a om loh nadingin 

Pasian in Puahphatna nasep a vil ding ahi hi. Tua nasepna ah mite en 

loin Amah bek mitsuan ding Pasian in a deih hi. Mi khempeuh in Luther 

bek mitsuan in thumaan mu khiapa leh a neipa bangin a tuat khak loh 

nading leh, thuman anei Pasian a mitsuan zawk theih na ding uh deihn 

a in amah a ki kem cing a hi hi.


9 

Swiss - Puahphapa 

(171) 

PAWLPI a puahpha ding khutzat mi Pasian in a teel ciangin pawlpi 

phuhciil lai-a mah bangin a teel hi. Vantung siapipa in a ki zahtaak, 

a ki biakbawl leitung milian makaite a baanbaan-in khengin a paisan hi. 

Banghang hiam cih leh, tua bang mite kisathei lua uh a, a liatna suangin 

kimuang lua uh a, a mite a hehpih thei dingin ki seek phakik nuam lo uh 

ahih manin, a ki niamkhiat Nazareth mipa tawh na seem khawm dingin 

ki zangh thei lo uh ahih man ahi hi. Mimawlte leh Galilee ngabengte 

peuh sam zaw in, “Ka nung hong zui un, mi mante kong suaksak ding 

hi” a ci hi. Matt. 4:19. Tua bang nungzuite ki niamkhiat thei in, ki 

thuhilh thei zaw hi. Tua lai hun thuman lo hilhna in tua bang mite 

lungsim nakpi-in buum lua nai lo ahih manin, Khrist in Ama na seem 

dingin hilhpilin kheel thei baih zaw hi. Tua hun lai mah bangin 

Puahphatna hun ciangin zong hong hi leuleu hi. Puahphatna-a makai 

liante pen minam neutengen pan hi zaw a, Siampite’ thu zawhna leh thu 

langsan lo mite vive hi zaw deuh uh hi. Pasian in tua bang mi nunniam 

a thutangte zangin na lianpi sepkhiat ding ama ngiimna ahi hi. Tua 

bang ciang mahin mihing sangin Pasian a ki pahtawi thei pan zaw ahi hi.

SWISS - PUAHPHAPA 161 

Saxony gam leisung sumpiang tote’ inn neu sung khat panin 

Luther a suah zawh nipi kal tawm kha hal khit ciangin Alps Mualdung 

a gancingte’ bukno sung khat panin Ulric Zwingle hong piang hi. A 

neu lai-a veeng le paam tawh a kipattah danin ama nasep masuanpi 

adinga a kithawi-kholsa a suaksak pah hi. Amuh ngitnget nate’ hoihna, 

a thupina leh aliatnate in a lungsim sungah Pasian liatna leh athupinate 

musak pah hi. A khanna mual le guam lak (172) panin khangnolai 

napi-in a lungsim lianin a hangsan hi. Biakna kin mahmah na pi-in 

pawlpite’ gen thuciin pawlkhat leh Laisiangtho taangthu tomnote leh 

taangthu pawlkhat a hilh zel hi. Tanglai tulpite leh kamsangte 

nuntakziate, Palestine gam mualtung laka tuucingte leh vantung mite 

kihonate, leh Bethlehem a piang naungek thu leh Kalany a Mipa 

tangthute api kiang panin ngai den hi. Martin Luther mah bangin 

Zwingle’ pa in zong a tapa pilna ngah nading deihin a pian’na gam pan 

mundangah a kha khia hi. A lungsim hong gina mahmah a, koilai-ah sia 

gina kingahthei ding hiam ci-in hong ngaihsun pah hi. Kum 13 a phak 

ciangin Switzerland gam sung tenga sang hoih pen a kicihna Bern khuaah 

hong pai hi. Tua lai-ah khantawn a sia a suah theih ding lauhuaina 

khat na om a, tua in phungzi inn sunga amah khumcip pai suak dinga 

Phungzite’ hanciamna ahi hi. Tua laitakin mite aangvaanna ngah zaw 

nuamin Dominican phungzite leh Franciscan phungzite a na kidem laitak 

uh ahi hi. Biakinn zep dan, zeh tuamtuamte a pi bawlzawhna leh tangvan 

kholin na lamdang a bawl milimte a tamzaw neih zawk nading hanciamna 

tawh mite huup sawmin, na kilah san tuakin akidem uh ahi hi. 

Bern-a Dominican-te in na khempeuh a siam, hih khangnopa 

ngah thei le uh hamphatna leh zahtaakna tampi ngah thei ding uh ahih 

lam a mu uh hi. A khangno lai luatna, a pianpih thugen siam le laigelh 

siamna, banah laphuah lasak a siamnate in a hanciamna dang khempeuh 

uh sangin muibun zawin, mipi huup zaw dinga sum tampi ngah thei 

zaw ding uh ahihna mu hi. Tua ahih manin amau Convent ah Zwingle 

hong lut theih nadingin kheemna leh pahtawina tawh khiimin a zol uh


hi. Luther zong sangnaupang ahih laitakin Convent sungah na 

kiphumcip-a, Pasian vaihawmna in khah khia lo hi leh leitung in 

phawkkha lo-in a mangthang ding a hi hi. Tua banga siatna nam sunga 

amangthang dingin (173) Zwingle kiphal lo hi. A pa in tua phungzite 

vaihawmna thu a zaksim ciangin a tapa pen tua banga kiman’na nei lo 

phungzi nuntak lel adingin phallo ahih manin manlang-a a innah hong 

ciah nadingin a sam hi. 

A pa’ sapna mangin a ciah hangin tangvaalpa in pilna sinbeh 

nuam lai-in kipuahpha nuam lai ahih manin a pian’na kuam sungah 

sawtveipi motom zo lo-a, tawmvei khit ciangin Basel ah a pai hi. Tua 

pen Zwingle adingin manpiak loh Pasian hehpihna Lungdamna thu a 

zak masak belna mun ahi hi. Tanglai pau a hilhsia Wittembach in Greek 

lai leh Hebrew lai a hilh ciangin Laisiangtho zatpih ahih manin, tua 

panin sangnaupangte in Pasian kiang pana khuavak taang hong ngah uh 

hi. Amah in sang pana siate leh philosopher mipilte hilhna sangin a 

manpha zaw leh a piang masa zaw lai thumaan khat oma, tua pen 

mawhneite hotkhiat nadinga Khrist’ sihna a hi hi, ci-in agen hi. Zwingle 

adingin khuavak ma-a zingsang phalvak a bang kammal ahi hi. 

Zwingle pen Basel panin, khantawn nasem dingin kisam baih 

ding hi ta hi. A nasep kipatcilna pen Alpine khawk teng hi a, ama 

pian’na mun panin a gamla lo mun ahi hi. Phungzi suak dingin Ordination 

kipia a, na nakpi-in a seem hi. Puahphatna naseem a lawm dangte 

khat in a nuntak buppi thumaan zon’na-in a zang hi, bang hang hiam cih 

leh amah a ki-aap Khrist’ tuuhonte a teltheih a kul lam a phawk hi, ciin 

Zwingle thu agen hi. - Wylie, b. 8, ch. 5. Laisiangtho a limsin 

seemseem ciangin thumaan leh Rome lampialna a telmuh seemseem hi. 

Laisiangtho pen Pasian kammal hi, cih um seemseem ahih manin, a kicing 

a khial thei lo ki-uk nadingin tua bek a kiplet pha seemseem hi. Tua 

laibu sung thute khiatna pen tua laibu mah in genin hong hilhcian ding 

hi, ci hi. Laisiangtho pen upmawh deihkaihna tawh a khiatnate gensak 

nuam lo-a, a kammal om bang leh a hilh bangbangin zuih ding hi, ci hi.


A khiatnate akiteltheih nadingin hanciama, Kha Siangtho huh ding ngen 

a, thungetna leh lungsim kihongsa a a zongte’ tungah kilak zel hi, ci hi. 

Zwingle in, “Laisiangtho pen, Pasian kiang pana hong pai hi a, 

mihing kiang pan hi lo hi, tua ahih manin theihtelna a hong guan Pasian 

in thugen siamna zong ama kiang (174) pan hong pai hi, cih hong 

theitelsak ding hi. Pasian thu in seplah nei lo a, amah leh amah 

kihilhcianin hong taangkhia in, hong kitelmuh khiasak-a hot nadingin 

khua hong vaksak ding hi. Pasian thu tawh hong hehneem dinga, sup 

leh bai ih thuak zongin kiniamkhiatna tawh Pasian hong kawicipsak 

hi,” ci hi.-Wylie, b. 8, ch. 6. Tua banga agen ciangin Zwingle in a phuut 

ngeisa thu agen a hi hi. Tua thute a theihna a nunggelhna-ah, 

“Laisiangtho ah ka kipumpiak ciangin philosophy leh theology-te pen 

kinialna lel hong suak hi. A tawpna ah, tua zuauthu pen a ut bang hihi 

mai henla, Pasian thu pen a gen bangbangin theih nadingin hanciam 

dingin ka lungsim in ka seh ta hi. Tua ciangin Pasian khuavak ka ngen 

zaw a, Laisiangtho thu hong telnop zaw mahmah ta hi.” - D”Aubigne, 

b. 8, ch. 9. 

Zwingle hilh thu upnate pen Luther tung pana kingah hi tuan 

loin Khrist kiang pana kingah upna hi zaw hi. “Luther in Khrist thu a 

hilh leh tu laitaka kei’ sepbang na a seem a hi hi” ci-in Swiss puahphapa 

in a gen lel hizaw hi. “Luther in Khrist kiangah, kei sangin mi tam a 

puak zaw hi. Ahi zongin tua pen ka vai masa pen ahi kei hi. Khrist bek 

ka ukpa hi a, Ama galkap ka hih mah bangin Ama min lo a dang ka 

suang thei kei hi. Laidal neu no khat nagawn Luther ka khak ngei kei a, 

Luther in zong kei hong khak ngei kei hi. A hang in, ko’ vaihawm 

tawm hi loin, Pasian Kha Siangtho makaihna ahih manin, ka kithuzak 

ngeiloh uh hangin ka thu uh kitulkalh loin kihuanga, Khrist upna ah ka 

kipumkhat uh hi, cih hong lak hi,” a ci hi. - Ibid. 

1516 kumin thuhilhsia dingin Einsiedeln ah Zwingle kisam hi. 

Hih lai panin Romete kihuai nateng hong telmuh thei zaw a, puahphapa


khat a suak thei dingin thu hong theizaw ta a hih manin, a pianna Alps 

gam khengin a thu kiza hi. Einsiedeln ah mite a huupnapi pen in na 

lamdang bawl thei hi, acih uh nungak milim thu tawh kisai ahi hi. “Hih 

laitakah mawh maisiangna kingah thei hi” cihna lai khat Convent 

kongkhakpi tungah kisuangin a om hi. Suahtakna zonga hong zin mite 

in a tuuk a khaal ci loin tua nungak lim kiang- (175) ah hong tung uh a, 

tua baanah kumsial kiaapna pawite ah Switzerland gam khempeuh leh 

France leh Germany gamte panin mihonpipi tua zuanin hong paiden uh 

hi. Zwingle in tua mite a muh ciangin nop sa loin, tua thuciin lelte sila 

hihna pan suahtakna Lungdamna thu tangko dingin hunpha khat a ngah 

theih nadingin na pang gi ge hi. 

“Hih biakinn sungah mundangte sangin Pasian om zaw hi, ci-in 

um tuam se kei un. Na omna gam pepeuh uh leh na kiimkot uhah 

Pasian omin, na thu uh hong za thei veve hi. Biakpiakna kengin khual 

gamlapi nong zin uh a, hih nungak lim leh misiangthote lim nong pahtawi 

uh ciang bekin Pasian hehpihna thupha kingah thei bek ahi hiam? I 

thungetnate kammal tampipi tawh zeema i hih zong, bang phattuamna 

om ahi hiam? Puantual lukhu nei banga bawla a lukhu zepsa, puantual 

sau a khedap pen kham tawh zepse, a phattuamna bang hiam?.... Pasian 

in lungsim sung ena, i lungsimte Amah tawh kigamla hi.” “Khrist in 

singlamteh tungah khat vei kipia a, kithoihna ganno bang sihna thuaka, 

tua in thu-um mi adingin a tawntung lungkimna pia hi bek hi,” a ci hi. - 

Ibid. b. 8, ch. 5. 

A za mi tampi in hih hilhna pen zaknop a sa het kei uh hi. Bang 

hang hiam cih leh, gimpi-a khual gamlapi hong zina a bawlnate uh a 

mawkna hi, a cihsak hang ahi hi. Maisakna pen Khrist hanga mannei 

lo-a kipia hi, cih pen sang thei lo uh hi. Rome te guan khitsa vantung 

zuat nading lampi lui mahah lungkim zaw uh hi. Amaute in a hoih zaw 

thu zon’ khiat nadingin a lungsim uh meidawi-in patau uh a, ton kikkik 

uh hi. Hotna pen lungsim siangtho tawh zon’ ding sangin phungzite 

popete tungtawn mahin zong nuam zaw uh hi.


Ahih hangin pawlkhatte in bel Khrist tungtawna Hotkhiatna thu 

pen lungsim takpi tawh saang uh hi. Romete zehtan teng in khaa ading 

lungmuanna pia zo lo-a, Khrist sisan upna bek in hong honkhia thei hi, 

ci-in saang uh hi. Tua mite ciahin a khua lam uhah amaute ngahthak 

khuavak pen mite a hilhsawn uh hi. Thumaan leh hih suahtaakna thu 

pen khua neu pan khuapi dongin, khualzin mite in puak kawikawi uh 

ahih manin nungak milim kiang zuatnopna lungsim a kiamsak pha 

mahmah (176) hi. Sumpi kipia zong kiam ahih manin, Zwingle khasum 

zong kiamlawhin, suplawh mahmah hi. Ahih hangin tua pen amah a 

lungdam zaw hi. Mite in thuciin lellel leh a omsa upna khat, alet tentan 

pongmawkna panin suakta ta ahihna uh a kidawk hi. 

Pawlpi sunga thuneite in Zwingle nasepnate amu lo uh ahi kei 

uh hi. Ahi zongin thuhoih deihna-in thuak lai uh hi. Amah zawhkik 

theih ding lamen lai uh a, phat kheembawlna tawh a zol sungun thumaan 

in mite lungsim sungah zung na khakha-in, munkip a na luah hi. 

Einsiedeln-a Zwingle nasep in ama gam a zai zaw dingin lampi 

hong hi. Hih lai-ah kum 3 a sep khit ciangin Zurich biakinnpi-ah 

thuhilhsia seem dingin kisam hi. Hih khua pen Swiss gam bup sung pan 

a thupi pen hi-a, tua pana thu pusuak peuh mah in mun zaa zeelbaih pen 

hi. Zurich ah a pai nadinga a sam siate peuh mah in thuthak khat peuh 

panin dalnopna lungsim nei uh ahih manin, Zwingle tungah a sepding t 

ng na hilh pah uh hi. 

Amau in, “Sum lutna thute kalhelh nei loin a neu pen dong telsit-in 

septheih na khempeuh ah na sepding kul hi. Mite muanhuai theih nading 

na hansuah dinga, pulpit pan hi ta leh, mawh pulaakna pan hi ta leh, kaih 

piakna leh a dangdang piaknate panin pawlpi a deihsakna uh lahding nahilh 

ding hi. Sum lut nading kua vang om khempeuh, cina vehna pan ahi zongin, 

kipulaakna pan ahi zongin, zeh te khat peuh bawlna pan ahi zongin, na 

hanciam kul ding hi,” ci uh hi. “Neekkhawm bawlnate, thuhilhnate, tuu 

hon kepnate - hihte siate (chaplain) sep ding hi. Ahih hangin tua bang


sepnate ah a seemding naseh dinga, a diakdiakin thuhilhna bangah nazangh 

thei ding hi. Neekkhawm bawlna nang mah’n na bawl dinga, mi thupite 

tung bek leh a hong kisap ciang bekin na bawl ding hi. Deidan nei loin na 

banbawl mawk kei ding hi,” cih beh lai uh hi. - D’Aubigne, b. 8, ch. 6. 

Zwingle in daaitakin hih thuhilhna ngai a, hih munthupi a sapna 

zahtak bawlna leh lungdam kohna teng genin, ama ngimnate zong a 

gen hi. “Khrist nuntakna, mite kiang panin sawtvei kiseelsim lua hi. 

Matthai Laisiangtho sung, a bupin ka hilh ding hi.... Laisiangtho sung 

pana kingah thu bek ka hilh dinga, nakpi thungetna tawh mun (177) 

khat leh mun khat saikaakin ka teltheih nadingin ka zongkhia ding hi. 

Pasian minthan nading, Ama Tapa a kipahtawi nading, khaate in hotna 

a ngah takpi nading leh upna maan a neih toh theih nadingun ka seem 

ding hi,” ci hi. - Ibid. b. 8, ch. 6. Siate pawl khat in ama ngimna deihsak 

loin a kheelsak nop uh hangin Zwingle in a awl mawh kei hi. Thuthak 

phuangkhia ding hi loin, pawlpi in tu ma, a siantho lai-a a neihngei uh 

thu omsate bek mah phonghkhia kik nuam ahih na a gen hi. 

Ama hilh thumaanah lawpna thokhia laklawh ahih manin a 

thuhilhnate a za nuam a lomlomin mi hong pai ta hi. Sawt veipi lai-a a 

kikhawm nuam nawn lo mite nangawn thuhilhna ngai dingin hong 

kikhawm uh hi. Amah in Lungdamna thubu hong khia-in Khrist sihna 

thu, ama thuhilhna omsate leh nuntakna lampite thumaan bek puuk thei 

lo hi, Khrist sihna bek in biakpiakna picingsak hi, cihte a hilh hi. “Khrist 

kiang bekah hotkhiatna kingah thei ahih manin Khrist kiang bekah note 

kong puak nuam hi” mah ci veve lai hiaumawk hi.- Ibid. b. 8, ch. 6. 

Thuhilh siapa kiimkotah minam kim ahi, laisiamte leh mipi naseemte, 

khutsiamte leh lokho mite dongin thu ngainuamin hong kisung zuahzuah 

uh hi. A thugente lawptakin ngai uh hi. Amah in thumaan om bang 

tangko bek zong hi loin tua huna siatnate leh nitnate nakpi-in a taai hi. 

Biakinnpi pan Pasian phat kawmin mipite a ciah uh hi. Amaute in, “Hih 

mipa thumaan hilh tatakpa hi. Amah in eite Izipt gam khuamial sung 

pana hong lakhia ding, i Mosi ahi hi,” ci uh hi. - Ibid.


Amasa-in a nasepna hong kipahtawi teei 

hangin a nung ciangin langpang mah hong om 

zel hi. Phungzite in amau nasepna mai daalin 

ahilhnate mawhsak uh hi. Mi tampi in zahpihna 

leh nuihsatna tawh amah nawkgawp uh a, a 

bawlsia nuam zah donga simmawh (178) zong 

om hi. Ahih hangin Zwingle in lungduai takin 

thuaka, “Mi gitlote Khrist kiang ah i puaknop 

takpi leh i mai hong dalna tampi kimuhmawh 

bawla i thuak kul hi” ci hi. - D’ Aubigne, b. 8, ch. 6. 

Tua laitakin puahphatna nasep mainawt nadingin midang khat 

hong tung hi. Basel khua a puahphat upna a saang lawmte khat in, 

Lucian mi khat Zurich ah hong sawl a, Luther laigelhte honpi khat hong 

kengsakin, tua laibute zuakin thehkhia leh khuavak thehkhiatna tha hat 

mahmah khat hiding ci-in a ngaihsun hi. Amah in Zwingle kiangah lai 

khak a, “Hih mipa in thukhual thei mah hiam na thei inla, tua bang mi 

ahih takpi leh khuapi khat pan khuapi dangah, khuaneu khat pan khuaneu 

dangdangte dongin inn khat pan inn khat dongin na vak kawikawi sak 

lecin a, Swiss mite lakah Luther nasepnate na hawmsak in, a diakdiakin 

Topa thungetna a tel hilhnate pawlpi mite adingin hilhsak lecin hoih 

mahmah ding hi. A thu a kitheih seemseem ciangin a leinuam mi hong 

tam seemseem ding hi,” ci hi. - Ibid. Tua bangin mun tuamtuamah 

khuavak a lut kawikawi hi. 

Pasian in mite’ thu theihlohna leh thuciin sikkol kuaitana nasepna 

a honkhiat ding laitak-in Satan in mite khuamial sunga a khumcip theih 

nadingin a septheih tawpin na hanciama, amaute sikkol a kip thei penpen 

dingin na khih hi. Mite in gam tuamtuamte ah Khrist sisan hangin 

diktanna leh mawhmaisakna kingah hi, cih thu a hilh laitakin Rome in, 

Khristian gamsung tengah, mawhmaisakna sumpi piakna na hanciam 

thak phasaan taleuleu uh hi.


Mawhna khempeuhin aman kilawmzah nei ciat a, bang zah 

tatsiatna hita leh pawlpi sumkholna ah sum hong dim nak leh, bang 

mawhna ci loin mawh bawltheih nading thu a kihong a suak hi. Tua 

bangin thu nihte mainawt tuak uh a, a khat pen sum pia zo peuhleng 

mawhmai thei-a, a dang khat pen a hih leh Khrist kiang pan bekin 

mawhmaina kingah thei ci-in, Rome in, pawlpi sumlut nadingin mawh 

theih nading letmat pia-in a zangh uh hi. Puahphapa in bel mawhna 

kawkin dal-a, Khrist bek mah mawhmaisakpa leh honkhiapa hi, ci hi. 

Germany gamah tua mawhtheihna ticket pen Dominican 

phungzite tungah ki-aap a, aminthang lo Tetzel in a zuak hi. Switzerland 

gamah Franciscan te khutah a ki-aapin Italy siampi Samson in 

makaih hi. Samson hanciamna hangin, Germany leh Switzerland gam 

panin sum tampi pope sumkholna saal sungah hong lut hi. Tu-in Switzerland 

ah hong zin a, mipite lawpsakin mizawngte le lokhote thalawh 

sunsun teng (179) luakin, mi haute kiang panin sum lompipi a laksak 

hi. Puahphatna huusaa kiza ta a, a hun khop khat a vatkhiat hangin, 

tua nasep buppi khak tan zo ding dongin ahat nai kei hi. Switzerland 

ah Simon a lut khit a sawt loin a kiim khua khawngah nasepna kipan 

a, tua laitakin Einsiedeln ah Zwingle a om laitak ahi hi. Ama nasep a 

kitangko saksak laitakin Puahphapa in thakhatin a daltansak hi. Amau 

gel a kimuhkhak loh uh hangin Zwingle in tua phungzipa nasepna mai 

dalzo zaw ahih manin amah pen mundang khatah a kikhiinkhiat ding 

hong kul ta hi. 

Zurich ah Zwingle in mawhmaisakna summeet bawlte langpanna 

thu nakpi takin a hilh laitakin Samson hong tunga, Council pana sawltakte 

khat in, a paisuak dingin sawl hi. A tawpna ah vaihawm siam takin khuasung 

hong lutzo veve a, ahih hangin mawhhon’na ticket bel khat zong khawng 

loin a paikhia hi. Tua zawh a sawt loin Switzerland a nusia hi. 

1519 kum sungin Switzerland gam bupah puulnatna in 

puahphatna nasep hong huh mahmah hi. Mite in tua natna tawh a


kisukkhak uh ciangin, mawh maisakna ticket alei nunung pen te nangawn 

in bangmah khamuanna apiak zawh loh lam ong tel uh a, tua sangin a 

thupi zaw, khamuanna apia thei ding upna khat hong lunggulh mahmah 

uh hi.. Zurich-a Zwingle hong cina gawpin, nangh mahmah in a damkik 

ding lam-et om lo ahih manin, amah si zo hi, ci-in mun citengah kigen 

kawikawi hi. Tua bang ze-etna hun sung tengin ama lam-etna leh a 

hanciamna kiam tuan lo hi. Amah in Kalvary singlamteh bek en a, 

mawhna teng hong siangsak tua bek hi, ci-in a maung hi. Sihna kongkhak 

pan hong pusuah ciangin Lungdamna thu nidanga zah sangin a hilh pha 

zaw lai a, a kammalte in zong huneh zawh loh vanglian a nei hi. Han 

kongvang pan a hong suak ta kik a it uh pastor pa pen mite in lungdam 

takin a na dawn uh hi. Amaute in Lungdamna thu’ manphatna pen 

nidang sangin hong telphawk mahmah zaw uh ahih manin, amau mahmah 

in cinate vehin, misite a uap uh hi. 

(180) Zwingle in thumaan a telzawin hong thei to lai a, thuman 

in mi a puahthak theihna vangliatna zong hong ngah beh lai hi. Mawhna 

hanga mihingte puukna leh hotkhiat kik ding Pasian geelna thu, thupi 

asa pen hi. “Adam hangin eite khempeuh i puuk a, mawhsakna i thuak 

hi,” “Khrist in tawntung ading hotkhiatna hong pia a, Ama hong 

khasiatna tawh a kimang den ding kithoihna-in Amah mah hong kigo 

hi. Tua in a tawntunga eite i dam nading ahi hi. Upna tak tawh Amah 

a muang mite a lungdam tawntung nading Pasian in thu tangtaka hong 

vaihawm sakna ahi hi,” a ci hi. Khrist hong hehpihna in mite mawh 

bawl theih nading, lam honsakna hi zaw lo hi, cih pen teltakin a mu hi. 

“Pasian a um taktak mi khempeuh tungah Pasian hong om a, Pasian 

koppih mite peuh mah in thanuam takin napha bawl nuam uh hi,” a ci 

hi. - D’Aubigne, b. 8, ch. 9. 

Cathedral biak innpi dim let-a mi hong tamna pen Zwingle 

thuhilhnate a zaknop man uh ahi hi. Thungai mite teltheih dingin 

puahphatna thumaan cialte damdam leh tawmtawmin behlap toto a, a 

kimanial thei leh mipi apatau gawpsak ding thumante gen masakin aneih


mawk loh nadingin a kidawm pha mahmah hi. Zwingle nasep in Khrist 

mah bangin mite lungsimte zo toto in, Khris itna tawh amaute nipsakin, 

Khris khekhapte ama nuntakna tawh lakin, mipi in Lungdamna thukhun 

pomin a zuihna uh tawh thuciin luii teng apaikhia sak ding ahi hi. 

Kal khat khit kal khat puahphatna in Zurich khua sungah mai a 

nawt hi. A patau a galte in nakpi-in alangpan uh hi. Tua ma kum khat 

lai-a Wittenberg phungzipa in Worms ah pope leh kumpipa ana nial 

bang mahin Zurich a papal vaihawmnate zong nial akul ding dan ong 

hi ta hi. Zwingle pen hong kinawk thithe ta hi. Pope gam neihna sung 

tengah Lungdamna thu naseemte a hunhunin kihaalna khuam phung 

kidenna zelzel ta uh hi. Tua bek tawh bei nai lo ahih manin thuzuau 

hilhte ci-in kidaisak phot lai ding ahi hi. Constance-a bishoppa 

thupiakna zui-in Zurich Council ah mi 3 hong sawl uh a, pawlpi 

thukhamte a palsat dingin Zwingle in mipite leii haang sak hi, ci-in a 

mawhsak uh hi. Tua in pawl sung kilemna leh vaihawmnate susia 

ding hi, a ci uh hi. Pawlpi thuneihna kiheemkhia (181) leh leitungbup 

ki-ukna a hong piang ding hi, a ci hi. Zwingle in a dawn ciangin, 

Zurich ah Lungdamna thu kum 4 sung a hilhna thu gen a, “khuapi 

dang khempeuh sangin gam daaizaw, gal muang zaw, kithuhual zaw 

hi,” ci hi. “Tua ahih manin, Khristian thuzuihna pen galdal hoih penpen 

hilel lo hiam?” a ci hi. - Wylie, b. 8, ch. 11. 

Tua Constance bishop sawltakte in Pawlpi sung longalah 

hotkhiatna om lo hi, ci-a a zop zel nadingun Councilte a hansuah uh hi. 

Zwingle in thukkik a, “Hih mawsaknate taksang pah mawk kei un. 

Muang takin Amah a pulak man-a, Peter cih min a piapa Khrist pen tua 

Suangpi leh Pawlpi khuambulpi hizaw hi. Lungsim tak tawh Topa Jesu 

aum mi peuhmah nam deidan om loin Pasian in a saang hi. Hih in tua 

pawlpi hi-a, tua loin kuamah in gupna ngah thei lo ding hi,” a ci hi. - D’ 

Aubigne, b. 8, ch. 11. Tua thu teng azakna kikhoppi hangin bishop-pa’ 

sawltakte khat in puahphatna thu hong saang pah hi.


Council in Zwingle mawhsak nadingin thu a vatsat loh uh ciangin, 

Rome in a nawkkik dingin hong kipan hi. Puahphapa in a galte 

geelsimnate angaihsut ciangin, “Amaute hong kuan sak un. Tuipi gei-a 

keensaang-kawlpi in ama bul a nawkden tuihualpi kihawt damdam a 

kihtaak bangin ka kihta hi” a ci hi.- Ibid. Siate in tua nasep satpaihsak 

a sawm uh ciangin, kipuuk loin thumaan pen mainawtin a kizeel 

seemseem hi. Germany gam a Luther a dawk nawn loh ciangin, 

puahphatna thu-um-a alente a lung khauh sem sem bangun Switzerland 

ah zong Lungdamna thu in a mai nawt sem sem lam a mu uh hi. 

Zurich ah puahphatna thu hong kip ta a, gah a hong neih semsem 

ciangin siatna hong kiam semsem pah ahih manin, vaihawmna hong 

nuamin kilemna hong omzaw takpi hi. Zwingle in a laigelhna ah, “I 

khuapi sungah kilemna a teeng ta hi. Kitotna, kikheembawlna, 

kihaazatna, ki-elnate om nawn lo hi. Hih bang kipawlna pen Pasian 

kiang pana hong pai hi a, i thu upna in lungmuan’na leh gamtat hoih 

hong gah khia sak ahi hi,” a ci hi. - Wylie, b. 8, ch. 15. 

Puahphatna gualzo-in, gah hoih agah a muh uh ciangin Rome te in 

a suksiat theih nadingin asukzaw in a hanciam uh hi. Germany gama Luther 

nasepnate bawlsiatna tawh a suksiat nop uh hangin kizo thei lo cih mu uh 

a, puahphatna dal nadingin puahphatna galhiam mah zangkikin lehdo ding 

a sawm uh hi. Zwingle tawh kiselna khat bawlin, (182) a mun leh a thukhen 

mangte tua kiselna thu nihte ngai-in mat tam a piak zawkte a zo ci le uh, 

amau mah in zo ding cih kingap sinsen uh ahih manin, a thukhen ding le 

amun ding seh kholhsa in a nei dim-diam uh hi. Tua bangin amau khut 

sungah Zwingle khat vei ngah kha thei phot le uh amau khut sung pan a 

suahtakkik nawn loh nadingin a keemcip pah nuam zong ahi uh hi. Makaipa 

Zwingle hong daai leh a nasepna pen suksiatna hong baih ding, cih ngimna 

ahi hi. Hih a ngimna pen a kuama theih loh dingin a iimcip phot uh hi. 

Tua kinialna mun ding pen Beden kiseh hi. Ahih hangin Zwingle 

hong pai lo hi. Zurich a Councilte in papistte ngimna thei pianin pope


gam sunga Lungdamna thu-umte haal nading meiphualpi kesep thei uh 

ahih manin a pastor pa uh a va tuahsia dingin a kilaaksak kei uh hi. 

Zurich ah bel, Rome in a sawl peuhpeuh tawh kimu dingin a kigingsa-in 

a om hi. Baden-a pai ding pen a zan mah-a thumaan hanga sisan a 

kisuahna ahih manin pai leh si ding hi lel hi. Puahphate taangin 

Oecolampadius (a lawhna, Ekawlampeidias) leh Haller paisak uh hi. 

Romete in mipil misiam doctorte leh uliante panpih sakin a minthang 

Doctor Eck na pangsak uh hi. 

Kikhopna ah Zwingle a va om loh hangin ama huzaap in kikhopna 

sukha veve hi. Papistte in thu ciamteh ding telsa mi koihkhol uh a, 

midang thu ciamteh a om leh that ding a ci uh hi. Ni sialin Zwingle in 

Baden ah bang thu piang hiam cih pen za tawntung veve hi. Tua ki 

selna-a, a va kihel sangnaupang khat in tua ni-a kiselna a thu piang teng 

ciamteh a, a nitak ciangin a gelhkhia zel hi. Tua laidalte sangnaupang 

dang nihte in la in Oecolamapadius in Zwingle a laikhakte tawh Zurich 

ah a tun’ zel uh hi. A lai thuhkiknate zan sungin na gelhkhola a zingsang 

ciangin sangnaupangte in Baden ah puak zel uh hi. Khuapi sung alut uh 

ciangin kongkhakpi-a galvilte a pelh theih nadingun ak-bawmpite lukhuk 

uh a, a nawngkai sak om loin lut suak thei zel uh hi. 

Tua bangin Zwingle in a mudah galte do kawmin na hong seem 

hi. “Zan ihmu lo-a, thu ngaihsunin Baden-a thu a puak zelna tawh a 

galte (183) laizanga om-a, thu a kikuppih uh sangin, na naksep thei 

zaw hi,” ci-in Myconius in gen hi. - D’Aubigne, b. 11, ch. 13. 

Rome sawltakte in zo dinga a sehkholhna uh tawh a phungzi 

puantual tam man penpente suangmanpha tawh kizeem lialua sa-in 

Baden ah hong pai uh hi. Amaute noptatna nasia a, a sabuaite uh, a 

zu lim tam man penpente tawh a uum uh hi. Thuhilhsia nasep vangik 

teng gualnop bawlna leh ciamnuih tawh a van zaangsak uh hi. Amau 

tawh kileh bulhin Puahphate pen mite muhna ah khutdawh ngente zah 

dektakin a kineumuh hi. Oecolampadias pen cil siamin inndei sunga a


om ciangin laisim leh thungen hi den ahi hi. Lamdang sak mahmahna 

tawh, thunial acih pa uh pen aneu belin gen le’ng ‘biakna mi mahmah 

hi,‘ ci-in pulaak sak hi. 

Kikhopna ah a kizem ziahzuah pulpit tungah Eck pen kiliansak 

bembam sa-in kahto a, Oecolampadius bel kizepna ngeina ciang lel tawh 

kiniamkhiat-a hong pai pen, a langpa’ mai-a kikoih tutphah ngeina lelte 

khat tungah tu dingin a kisawl hi,” - Ibid. Eck in a aw ngaihpi tawh 

hong hawk khia-in, amah puuk ngei lo ding cih, hong genkhia hi. Amah 

pen, kham leh minthan’na lamen-a thanuam mahmah ahi hi. Bang hang 

hiam cih leh upna a huu zo mi thaman letsong kipia ding ahi hi. Ahih 

hangin kiseelna-ah hong lel mawk ahih manin, amah a kilehciam hel, 

hong kul zaw mawk hi. 

Oecolampadius in neel ngi-ngei leh kipummuan se lo sa-in, kinial 

van vannate zangh loin, kip taka tecii pan’na tawh, “Pasian kammal om 

bangbang baanah thukhenna maanzaw ding om lo hi, ci-in kong theisak 

hi” ci ziau hi. - Ibid. A sepdan a kiheekziate thumaanin a kilawm mahmah 

lel ciang tawh dawng thei a, tawkik dek lo hi. Rome sawltakte in pawlpi 

thuneihna tawh zawhthawhna kammal zanga a ngetna mun mah, a sawlna 

mun mah omsak uh a, ahih hangin puahphapa in kiptakin Laisiangtho 

mun bek mah a len giugeu lel hi. A genna khat ah, “Ngeina” cih pen in, 

“Ko Switzerland gamah Upadi ahih kei buang leh thu nei lo-a, upna 

lam tawh kisai leuleu-ah Laisiangtho pen, ka Upadi uh hi lel mai hi,” ci 

hi. - D’Aubigne, b. 11, ch. 13. 

A kiseel thu langnih tuak in huzaap lianpi anei hi. Puahphapa in 

aw-neem leh daaitak, kiptaka a genkhiat hiathiat thute in, mite lungsim 

sungah Eck-ii kisialhna (184) kammal pana dawkkhia kiphatsak buaibuai 

nate pen, a kihhuai suaksak pah zaw hi. 

Thu kikupna pen, ni 18 sung kizom hi. A tawpna-ah pope pawlte 

in kimuan’na lianpi tawh, ko zo ungh a ci uh hi. Sawltak Mangpi a 

zawte in Rome lamah kop uh a, kikhoppi thukhenna pan Puahphapa a


lelsak uh hi. Tua ahih manin a makaipa uh Zwingle tawh amah pen 

pawlpi pan kinawhkhia khawm hi, ci-in pulaak uh hi. Ahih hangin 

kikhoppi gah in, amau lang lamte’ nasep a mai nawt nadingin kong 

honsak zaw hi, cih a kimu hi. Tua kidemna in Protestant nasepna 

tawsawnin hatsak zaw ahih manin, tua zawh a sawt loin khuapi thupi 

mahmah ahi Bern leh Badente Puahphatna sung lut uh hi, cih thu kiza 

pah zaw ta hi. 

Martin Luther leh a lawmte

GERMANY AH PUAHPHATNA MAINAWT 175 

10 

Germany ah Puahphatna 

Mainawt 

(185) 

A 

thu kithei lo-a Luther hong dawk nawn lo hiau mawkna in Ger 

many gam buppi patau sak mah mah hi. Amah kan sim sim mun ci 

teng ah a ki za hi. Kam zuau gilo peuh hong kitheh khia a, mi tampi in 

amah ki that sim hi ci in um uh hi. Dahna thuumna lianpi hong om hi. 

Ama kiciam pihsa a lawmte bek hi loin a kilanga a pawl ngam lo mi tul 

tampi te mah in zong kha khun pih uh hi. Mi tampi in a phu laak ding 

sawm a, a kiciam ciam mah zong a om hi. 

Rome pawlte in amau tungah mite in bangi ci lungsim sia nei 

hiam cih pen mu gi ge uh hi. A masa-in Luther pen si hi lel lo ding a hia 

ci in ki sial sim vial uh a, ahih hangin a sawt loin mipi hehna so lua muin 

bu sim nuam van van keei lel phial mawk uh hi. A galte adingin a om 

hon laite uha a buaina uh sangin a om nawn lo hiau mawk cianga a 

buaina uh na sia zaw mawk hi. Puahphapa susia nuam-a a sinso vial 

zente khawng pen tu in launa tawh galmat bang hi zaw kik mai ngiau uh


hi. Khat pa bang in hoh hih bangin thu gen hi, “Eite suahtaak theih 

nading lampi khat om lai sun pen, meivak zangh liang mah-in Luther 

zongkhia lenga leitung bup ah I muh mateng sabet-in bengin a mi nam 

bup-in amah mu sak kik leng bek lung kim ding uh ahih ciangin, amah 

ap kik leng hoih ding hi” ci hi. – D’ Aubigne, b. 9, ch. 1. Kumpipa 

thupiak Edict khawng lelte bang mah-in ki sim nawn lo hi. Papal thukhen 

mangte in Luther mailam thu ding sangin kumpipa thu ki neu seh zaw a 

muh uh teh thang paai uh hi. 

Amah hing lai-a thong kia hi cih a ki zak ciangin mite launa 

daai a, ahih hangin hon khia nuam uh hi. A laigelhte a ki sim nuam 

kaan hi. Pasian thumaan keempa pen tang sam-a lau huai hi napi in 

tua mihaangpa lam ah tu in mi hong ki beh lap zua zua zaw hi. (186) 

Puahphatna in thahatna ngah to to hi. Luther khaici vawh pen mun ci 

teng ah hong pokhia ta hi. Amah ki dawk hi leh a picing zaw lo ding 

kim lai a ki dawk loh hiau mawk man-in picing zaw sop ta hi. Makai 

dangte in zong amah a omloh hiau mawk ciangin hanciam zaw uh hi. 

Upna thak tawh hanciam-in mai nawt uh a, nasepna a bei sang sik-in 

huu pha zaw lai hi. 

Ahih hangin Satan pen na tawl nga samlo hi. Puahphatna nasepna 

peuh mah ah a na do ngei zelte bang mah-in hih lai ah zong nakpi-in na 

a seem hi. Kheem theih teng kheem-in susia a, nasepna maan ahi ding 

lim mah ciing-in nuai khia hi. Kum zalom masa lai-a Khrist zuau a 

pian’mah bangin Khristian pawlpi sung ah kum zakhawk 16 lai-in zong 

kamsang zuau piang hi. 

Mi pawl khat in leitunga biakna nakpi ngaihsun in sukha lua 

ahih ciangin amau mah mah in vantung pana mangmuhna tuam vil vel 

hong kipia a, Pasian in hih puah phatna nasep mai nawt nadingin Luther 

in a hi ningneng lel-a a pat khiat pen a picing to sak dingin hong sawl hi 

ci in ki gen uh hi. A tatak-in ci leng, amau in ama sep khiatsateng a su 

nawngkaai hi zaw uh hi. Amaute in Puahphatna nasep a laigil thu pen


a nialte hi zaw mawk uh hi. Pasian kammal thubu upna leh zuihna 

khempeuh phuh nadingin a kicing hi cih thu pen amau ut banga a khel 

sak nuam, a lai sak nuam, amau hoih sak bang bang din mun-a a nei 

nuamte peuh hong hi zaw mawk uh hi. Tua khialhna a mankhia pi a 

hong paam paih uh ciangin Satan in ama deih bang banga mite lungsim 

a uk theih nading lampi a hong vang a hi hi. 

Tua kamsang ka hi a cite laka khatpa bang in vantung mi Gabriel 

in thu hong za sak hi, ci hi. Sangnaupang amah huhpa khat bang in a 

sang kah tawp-in Pasian mah mah in Ama thu thuk kal khia dingin kei 

hong puah hi, ci hi. A lawmte thu dang en nawn mah mah lo-a amau cih 

zuk tak a phu ten tan pawl khat bang in tua te pawm zaw lai uh hi. Tua 

bang a lawp pawlte nasepna in bel pholh suah lah lo hi. Luhter thuhilhna 

in mi tampi mun ci teng ah puahphatna kul hi ci in pholh khia a, tuate mi 

hoih pi pite pen tu-a kamsang thak-a (187) ki bawl te thu in buai sak 

leu leu uh hi. 

Tua bang nasep makaite Wittenberg ah hong pai uh a, 

Melanchthon leh a lawmte kiang ah hong gen uh hi. “Kote Pasian in 

mite hilhpil dingin hong sawl hi. Topa tawh ka kimu uh a, hong piang 

ding thute hong hilh hi. Kote in sawltakte leh kamsangte ka hi uh a 

Doctor Luhter kiang ah zong ka gen uh hi,” ci uh hi. – Ibid. b. 9, ch. 7. 

Puahphate lung mang in patau uh hi. Hih bang thu pen phu kha 

ngei nai lo uh ahih manin bang cih ding cih thei lo uh hi. Melanchthon 

in, “Hih mite sung ah khaa tuam pian zek bel om ve’n, bang khaa hi 

ding hiam?….Pasian Kha Siangtho i daih sak khak ding kidop ding hi 

napi in a langlam ah Satan khaa in lam hong pial sak khak ding tel et 

ding ahi leu leu hi” ci pah lian hi.- D’Aubigne, b. 9, ch. 7. 

Tua thuhilhna thak a gah pen a sawt loin hong kimu pah ta hi. 

Mite in Laisiangtho hong awlmawh lo uh a, hong paam paih pah lel uh 

hi. Sangte hong buai gawp hi. Sangnaupang te in ki uk ki khalna te 

nuihsan in thu sim lo uh a, sang tawp-in University panin ciah khia uh


hi. Tua puahphatna ah nasep picing sak dinga hong kisawl hi, sawlna 

ngah hi ung, a kici uh hi napi-in kisiatna gong ah mite puak mawk uh hi. 

Rome pawlte in mite’ muanna hong ngah kik ta uh a, kisialhna kammal 

tawh, “Khat vei kitha saan lai leng a vekpi-in ki luak lel sam na ve!” ci 

sim pian uh hi. – Ibid. 

Luther pen Wartburgah om a, thu piang te na za za-in, lungsim 

thuk tak tawh, Satan in hih gimna daan hong buak kha ding ka khalau 

kholh den mah hi” a ci hi. – Ibid. Amah in tua kamsanga ki bawlte 

omzia ding mu thei a, thumaan nasepna a suk khak zia ding zong mu 

thei hi. Pope leh kumpite langbawlnate in amah tua zah in lungkham 

sak ngei lo zaw hi. Puahphatna naseem mah ka hi uh aci tua lawmte 

pen a su sia pen pen galte hong suak uh hi. Amah a lungdam sak leh a 

heh neem pen pen thumaan in tu in pawlpi sung ah ki elna leh buaina 

piang khia sak a suak hi. 

(188) Puahphatna nasepna ah Pasian in Luther pen Kha Siangtho 

in mai nawt dingin sawl a, ama hun kheng to-in mai a nawt to sak hi. 

Amah in tua a din mun la ngei dingin kiseh kha lo a, tua zah-a a ki khel 

dingin tuat kha lo hi. Amah pen mong neilo vanglianpa khut zat a hi hi. 

Tua hi napi in a nasepnate ah khalau zel lai hi. Khat vei a gen ngei thu 

ah, “Ka muh khiat thu upna in bang zah-a mi niam mi hi ta leh, mi khat 

bebek zong a suk siat ding leh, — su sia het kei sam in cin Lungdamnathu 

ahih man in, — taw kik lo-a ka om sangin sawm vei ka si nuam zaw hi” 

ci hi. – D’Aubigne, b. 9, ch. 7. Puahphatna phualpi ahi Wittenberg 

nangawn tu in thu mot phuut te mot tatna in hong tuam cip ta hi. Hih 

a lung kham huai thu pen Luther thuhilhna pana piang hi lo hi, ahih 

hangin Germany gam buppi-a a galte in ama hang hi ci in ngawh uh hi. 

Kha sia mah mah sa-in amah in dotna pia zel a, “Puahphatna thu in hi 

bang thu tawh thaman ngah thei zaw zen ding hiam?” ci kik zel hi. Thu 

ngetna tawh Pasian a buan zel ciangin lung nopna a ngah zel hi. “Hih 

nasep pen kei aa hi lo-a Nangma aa hi. Hih bang thuciin lel peuh leh 

mot phuutna lel peuh in a suk siat dingin na lung kim thei ding hiam? ci


zel hi. Hi bang biai buai hun-a taam teei teei ding ngaih sut hak a sa hi. 

Tua hi in, amah zong Wittenbergah ciah kik sawm hi. 

Zekaai loin a lau huai pi pi-in khual hong zin khia hi. Amah pen 

kumpi in a sam siatsa ahi hi. A galte in a suk siat theih nading thu ngahin 

om uh a, a lawmte in a huh a huut ding ki khaam hi. Tua hun-a 

kumpite pen in Puahphate a khauh thei pen pen-a adal laitak ahi hi. 

Ahih hangin Lungdamnathu nasepna pen kisia hi cih mu a, Topa min 

tawh lau loin thumaan a huu ten tan dingin a pai khia hi. 

Mee teelpa tunga a laikhakna khat ah Luther in Wartburg a nusiat 

phot ding thu gen a, “Wittenberg-a ka pai nading ah kumpite leh Me 

piate kepna sanga sang zaw kepna ngah in pai ding ka hihna nong theih 

dingin kong zasak hi. Nangma ginatna tawh nong huh ding leh nong 

kep ding zong kong nget ding kisam-in ka um kei hi. Kei mah mah in 

nang kong keem nuam zaw hi. Nang’ hong kep ding kul-in um hi leng 

Wittenberg ah ka pai kei zaw (189) ding hi. Hih nasepna namsau in 

mai nawt pih zolo hi. Pasian bek in na khempeuh a vaihawm ding hi 

mai ding hi. Mihing huh theihna zong om vetlo zaw hi. Upna lian bel 

a neite pen lim kep zo pen ding ahi hi,” ci hi. – Ibid. b. 9, ch. 8. 

Wittenberg a ma nawh lai-in nih veina lai khak a, “Keimah in 

leitung bup hehna leh nangma vanglian hong lungdam sak lo ding ka hi 

ta hi. Wittenberg mite ka tuu hon hi mah lo uh hiam? Pasian in kei kep 

dinga hong piak hi mahlo hiam? A kul leh amaute hangin sihna ka 

thuak lel ding mah hoih lo hiam? Tua lo thu dang khat panin, i gam 

Germany buppi ah buaina hangin Pasian in i minam bup daan a piak 

ding ka lau hi.” ci-in beh lap hi. – Ibid. 

Ki niamkhiat tak leh ki dawm takin, kipna leh khentel sa-a omna 

tawh hih nasep a kipan a hi hi. “Zawhthawh thu tawh aki ding saksate Thu 

tawh i sial paai ding hi. Keimah in thuciin khawng umte, thutak umlote, 

zawhthawh thu tawh ka nawk kei ding hi….Kuamah ki zawh thawh bawllo 

ding hi. Upna ah suahtakna cih thu a pangpi pen a hi hi,” ci hi. – Ibid.


Wittenberg ah Luther hong ciah kik ta hi cih ki thangin thu a 

hilh ding hong hi ta hi. Mun ci teng panin mite hong pai-in Biakinn dim 

leet hi. Pulpit a kah toh ciangin thuneemna leh pilna tawh hilh-a, 

hansuah-in a taai hi. Mass phiat khiat vai-a thatang a suangte tung ah: 

“Mass pen thusia pi khat hi. Pasian in deihlo hi. A kiphiat lel ding 

mah hi. Tua taang-in leitung bupin Lungdamnathu nitak an in ne zaw leh 

ka deih hi. Ahi zongin thatang tawh kuamah ki kaai khia kei hen. Tua vai 

pen Pasian vaihawm dingin I koih ding hi. Ama thu in na na seem dinga, ei 

sep ding hilo hi. Bang hang hiam? nong ci kha ding uh hi. Bang hang hiam 

cih leh, mite lungsim pen kei khut sungah tungman meek bangin ka meek 

thei kei hi. Thu hilh ni. Tua ban Pasian in sai ta hen. Zawhthawh thu in 

sem leng bang ngah ding ka hi hiam? Maai sia, cih ngei ci, mi ciing, ngeina 

neih, ki neih tawm hi lel hi… Lungsim tak leh muan’na migitnate ki ngah 

hetlo ding hi. Hih thu thumte a ki (190) sapna mun ah na dang khempeuh 

zong a kisam hi a, ka koih khong khi-khe mawk thei kei hi….Nang leh kei 

leh leitung buppi kikop-a I thatang hatna I zat sangin Pasian in Ama thu lel 

tawh na sem thei zaw hi. Pasian in lungtang uka, lungtang a zawh khit 

ciangin a vekpi a zawhsa a suak hi zaw hi. 

“Laigelh-in thu hilh-in thu ka gen pih ding a, ahih hangin kuamah 

ka sawl ten tan kei ding hi. Bang hang hiam cih leh, upna in ama utna 

tawh hong sem na ding hi. Ka sep dan na en un. Pope lang pang-in 

mawhhon’na leh papistte nasep na ka nial mah hi. Ahih hangin thatang 

leh buaina ka zangh kei hi. Pasian thu ka masuan a, thu hilh-in lai ka 

gelh a, — tua bang ciang bek ka sem hi. Ka ihmut sungin ka hilh thute 

in pope vai nalawn mangin kumpite hi ta leh vaihawm pite hi ta leh in 

tua zah-in bawllo uh hi. Ahih hangin bang mah kei bawl omloin Pasian 

bekin na a seem ahi hi. Thatang suang hi leng Germany gam buppi 

sisan in tuum kha ding hi. Ahih hangin tua cih leng bang hong piang 

ding hiam? Siatna leh hawmsuakna, pumpi leh khaa in a thuakna tawh 

kizom ding hi. Tua ahih ciangin daai takin ka om a, leitung bup ah Thu 

in seem ta hen ci in ka aap hi.” – D’Aubigne, b. 9. Ch. 8.


Ni khat khit ni khat, nipikal khat bup, a lawp mite tung ah Luther 

in kizom-in thu a hilh hi. Pasian thu in thu motphuut te omzia teng a 

phel khia hi. Lungdamnathu vangliatna in aki makaih khial miteng 

thumaan ah hong kaai kik hi. 

Lutherin thu motphuutte in thusia a pian’ sakna uh gennuam 

selo hi. Amaute ngaihsutna maan nei lo leh uk khialh hi uh a, van pana 

khuavak tuam vil vel hong kipia hi a ci zaw zen te hi na pi’n a lang 

nialna kammal neem pen khat zong a thuak zo lo lel te ahih lam uh a 

thei hi. Amau leh amau a lian pen in kituat khol kin ken uh a, mite in 

dong nawn het loin amau cih bang bang mang lel dingin thei sak ziau lel 

uh hi. Amau in Luther tawh ki kum ding a nget uh ciangin a mang hi; a 

ki kup uh ciangin amaute a kineih tawm ahihna teng uh ki dawk khia 

sak sisek lel mawk ahih manin tua a kineih tawm miteng pen Wittenberg 

panin a taai khia uh hi. 

Thu motphuutnate tawl khat sung hong daai sam hi; ahih hangin 

kum tawm khat khit ciangin a gam zaw a sia huai zaw-in a hong dawk 

kik hi. Hih nasepna a makaaite pen Luther genna ah, “Amau te adingin 

Laisiangtho pen lai sisa bang hia, amaute in ‘Kha! Kha!’ ci in sam tawm 

tawm uh hi. Ama kha in amaute a makaih na ah bel ke’n ka zui (191) 

zo kei ding hi. Pasian in Amah migiitna tawh misiangtho be bek midang 

omlo hel mawk pawlpi sung ah kei hong keem ta hen. Kei pen mi tha 

neem, mi cina, mi niamte, amawhna a phawk-a a lung kham, a tau mite, 

a lungsim tawng donga Pasian hehnepna leh huhna a deih mite tawh ka 

teeng khawm nuam hi” ci hi. – D’Aubigne, b. 10, ch. 10. 

Thu motphuutte laka thahat pen Thomas Munzer in thu ngaihsun 

siam khat hi a, maan tak-in kimakaih leh na-pha a bawl theih nading 

siamna a nei hi; amah’n bel biakna maan deihna bulpite na sin kha lo hi 

bek hi. “Amah in leitung bup ki puah pha leh a deih hi a, a lawp het hat 

mawk dangte mah bangin amah mah tung pan a puahphatna nasepna a 

pat masak ding ahih lam a mang ngilh hi.” – Ibid. Amah pen in ngimna


lian nei a, a lian pen hih ding ut-in, Luther zom pah hih ding na ngawn 

a hawm thawh hi. Amah in, Puahphate in Laisiangtho thuneihna leenin 

pope ding mun mah bang ve ve pope tuam khat a phuang khia hi lel 

lo uh hiam? ci hi. Amah mah Pasian in puahphatna thugen dingin sawl 

hi ci in ki gen hi. Munzer in, “Hih khaa aneite in a nuntak sungun 

Laisiangtho khat vei zong mukha ngei ta kei leh upna maan a nei uh a hi 

hi” ci hi. – Ibid. 

Thu motphuut siate in amau mah mah a lung lawpna bang ciat 

uh zui in ki uk uh a, a lungsim sunguh ah hong lut thu khat pepeuh pen 

Pasian Aw hi ci uh a, tua bangin zui in khengval kha pah pah uh hi. Kim 

khatte in a Laisiangthote uh hal tum in, “Lai in sihna pia a, khaa in 

nuntakna pia hi” ci nong zen uh hi. Munzer thuhilhna in mite lam dang 

dang ah a deihna uh taang tung sak-in Pasian kammal sangin mihing 

lungsim sehna te tung nung sak zaw in tua tawh a lung tup uh a tung 

sak uh hi. Ama thu upna zong mi tul tampi mah in a saang ve ve a hi hi. 

A sawt loin mipi biakna ngeinate nial a, Kumpite thu man’na in Pasian 

leh Belial’ na i sep khopna khat hi ci in a gen hi. 

Mipi lungsimte in papacy hak kolte hep khiat a sawm sa pen 

zawh thawh thu hial a ukna husia tawh amai uh a kidalte zong hong 

thuak lah ta uh hi. Munzer in lumlet nuam a a thuhilhna Pasian hong 

sawl hi ci-a a ki gen pen in amau te a ki uk cipna panin phu (192) keek 

dingin makaih a, amau ki manialna te leh thuakna te ah tha a pia hi. A 

buai huai pen pen Kumpi langdona leh kidona hong piang sak a, Germany 

gam teng sisan tawh a ki diah sak hi. 

Puahphatna ah thu motphuutte hong dian’ man-un Erfurt-a a 

thuaksa lungkham na Luther in a zah nih-in a hong thuak kik hi. Papist 

gam ukte in mi tampi amin-in lo khia uh a, hih tualgal pian’na pen Luther 

upna phuan khiat’ gah hi ci-in angawh uh hi. Hih ngawhna pen maan 

het lo ahi ta zongin Puahphapa amin pua suak hiau mawk ahih manin 

lung sii sak mah mah hi. Thumaan nasepna pen hih thu motphuut te


bawl-in ki en san mawk ding ahih ciangin tua pen mah mah thuak hak 

sa pen hi. A leh lam ah, hih tualgal makaite in Luther mudah ve ve uh 

hi. Bang hang hiam cih leh amau upna nial sak bek zong hi loin van 

pan-a kisawl thu hi lo hi cih sak baan ah kumpi lang pangte hi cih sak 

ahih manin heh uh hi. A mi mal-in amah a ki neih tawm bulpipa hi ci-in 

mawh sak uh hi. Amah in kumpite leh mipite a gal bawl tuak tuakna 

om hi ci uh hi. 

Rome te pen kisial-in na nuam mah mah uh hi. Puahphatna 

nasep a puak ding hi ta hi, ci uh hi. Luther mawh sak uh hi, amah mah 

in hanciam tak-a a kawk khiat a puah phat thumaan lo te teek mah tawh 

tu’n Luther leh-mawh sak uh hi. Thu motphuut te in maan lo tak-a a 

pulaakna uh om a, amaute maanlo tak-in ki bawl hi ci in mipi te in 

khasiat huai a sakna uh a ngah uh hi. A tatak-in amaute a khialhna uh 

om a a thuak uh hi lel a, tuate pen midik kithat te (martyr) bangin gen ta 

zen uh hi. Tua banga Puahphatna a thatang neih khempeuh tawh anial 

lelte khawng hehpih-in git loh man-a bawlsiatna thuak bang in gen uh 

hi. Hih pen Satan pian khiat sak hi a, vantunga a gal phuan khiat cil-a 

a lungsim pen mah a hong zangh kik kik a hi lel hi. 

Satan in a tawntungin mite khem theih nading zong den a, amaute 

in mawhna ahi gige te bang, Hoih hi, mah ci sak ve ve ta zen-in a hoih 

te bang Mawh hi, mah ci sak ve ve se ta zen ngei den sa a hi hi. A nasep 

paisuakzo zen mah si maw! Pasian naseemte pen lau lo taka thumaan a 

dingin a din kip uh teh bang zah vei ki mawh sak-in ki zahpih mawk 

mah hiam? Satan zat mite pen bel ki paakta zaw helse a, midik kithatte 

bang keek-in ki (193) dawk sak zaw hel se zen hi. Pasian adinga 

muan huai taka dingte Pasian tunga a muan huaina uh zahtaak huai zaw 

napi in amahkia tangkop sak-in, migilo hi dinga muan mawhna ki nei 

sak zaw hel se zen hi. 

Sianthona limcing, bawl tawm sianthona in a mi kheemna zom 

lai hi. Lampi tuam tuam tawh Luther hun lai-ate mah bangin mite


lungsim Laisiangtho pan heii khia a, mi makaite in amau hoih sak 

bang zui-in Pasian thukham zuihna pan lam pial pih uh hi. Hih pen 

thumaan leh siangthona maan pam paih theih nadinga Satan vaihawm 

pi pen ahi hi. 

Luther in laulo takin Lungdamnathu keema, mun ci teng pana a 

hong ki nawk teng a dal hi. Kidona khempeuhah Pasianthu in amah leh 

amah a vanglian galhiam ahih na ki lak hi. Tua thu galhiam mah zanghin 

pope in mi thuneihna a suh khiat pen va do a, sang pan-a thu ngaihsun 

siam-pilna zong lang doin, puahphatna pau lam-a thu motphuutna lang 

khat ah suangpi bangin a kip a kho-in a ding hi. 

Hih thu nialna te in Laisiangtho pen pam paih-in mihing pilna 

thupi sa zaw-in, biakna thumaan theihna bul ahi dingin a saang hi. 

Ngaihsut tawmnate in thu saikak na bia mai ta a, tua pen biakna sunga 

et teh dingin a zangh sak hi. Romete upna in pope ukna pen sawltakte 

hun pana ki tatsat lo-a ki saang suk sawn sawn vantung thupiak hi a, 

cikmah hun-in ki khek thei lo hi, ci ahih manin a siatna, a nitna teng ah 

a uat luatna teng uh, sawltakte thupiak hi, a siangtho hi, ci suk suk sak 

hi. Munzer leh a pawlte in Pasian hong sawl hi a cihte uh zong lungsima 

a sehna mawk mawk uh, mitkha-a uang et luatna pan-a piang peuh hi 

a, thuneihna nei khempeuh Pasian hi ta leh mihing hi ta leh nial dinga 

hanciamna hong suak mawk hi. Khristian maante in Pasian kammal om 

bang saang dinga, thumaan kikholna Laisiangtho bu tawh tua a kisawl 

thute en kaak-in sit tel pah pah ding a hi hi. 

Wartburg pana hong ciah kik ciangin Luther in Laisiangtho Thak 

atei pen hong zo ta a, Germany mite amau pau-in Lungdamnathu pia 

khia thei baih ta ding a hi hi. Hih laite pen thumaan a it mi peuh mah in 

lungdam takin na saang uh a, ahih hangin mite thuciin lel (194) peuh 

leh mite thukham a zui nuamte mudah-in na nial uhhi. 

Mi taangpi nangawn in Pasian kammal thukhamte siampite leh 

dot uh a kisel thei tangh tangh uh a a om mawk pen phungzite in lam


dang sa in amau theih loh luatna kilangh sak ahih manin patau mah mah 

uh hi. Amau ci le sa thu sai kaakna galhiam lel pen Kha Siangtho namsau 

mai ah taang thei vet lo hi. Rome in ama thuneihna teng kai kawm in 

hih Laisiangtho ki hawm keek pen dal nuam a, a bawl theih zah zah 

tawh dal-in thupiakna te, pawl sung pana paih khiatna te, gawt bawlna 

te zong zangh napi uh lah tuate lel pen a mawkna suak-in dalzo tuanlo 

hi. Laisiangtho hawm khiatna a naak khaam semsem uh ciangin mipi in 

a sung ah bang thu om zaw zen-a hi ci khaam mawk uh hiam ci in a 

theih nopna uh nasia semsem zaw hi. Lai sim thei peuh mah in amau 

mimal adingin Pasian thubu sim nuam pha seemseem zaw uh hi. A 

paina peuh uah pua kawi kawi uh a, sim sim mai in, sim pha pha mai uh 

hi. Khawkpi khat khat a kam ngah ma teng uh lungkimloin simsim uh 

hi. Laisiangthothak tua zah in ki sim nuam hi cih a muh ciangin Luther 

in tha khat mah-in a Lui zong tei ki pan pah a, a zawh masak sak a 

khawk khawk-in a hawm khia pah pah hi. 

Luther laigelhte khuapi hi ta leh khua neu hi ta leh ah a ki bangin 

na pahtawi mah mah uh hi. “Luther leh a lawmte in a thu kaihkhop siin, 

mi dangtein hawm khiat asii uh hi. Phungzite in a phungzi huang 

sung thukham tawh kituak lo thei napi-in a khan’ tawn uh naseem lo-a 

tha dah-a nuntakna panin hong ki kheel in thanopna hong nei uh hi. 

Ahih hangin Pasian thu tangko dingin bang mah theilo lua lawmlawm 

zek uh a, zin kawi kawi-in khuaneute ah Luther leh a lawmte laibute va 

zuak uh hi. A sawt loin Germany gam sung teng a haang mah mah 

laibui zuakte in tuam khin hi,” – D’Aubigne, b. 9, ch. 11. 

Hih lai kigelhte a hau a zawng, a pil a hai in lawp takin sim ciat 

uh hi. Khua neu saang omnate ah nitakin meikiangah ki khawm uh a, 

sangsia te in a vek pi ua a zak dingun a sim khia uh hi. Sep theih 

khempeuh ki seem a, khaa kim khat-te in thumaan a theih khit uh 

ciangin lungdam takin saang uh a, tua thupha mi dang te va puak 

sawn zel uh hi.


Pasian gensa hong ki tel muh hi: “Na thu a lutna ah khuavak pia 

a, mi hoih te tung ah theihna, pilna guan hi.” Late 119: 130, acihna thu 

tung takpi hi. Laisiangtho simna (195) in mite lungsim leh lungtang 

nakpi-in a kheel hi. Tuate tungah papal ukna in sik kol bulh a, thu thei 

loin niam kiat suk suk ni loh a na hi ta zen hi. Thuciin lel khawng leh a 

ngeina khat bawl-a tua zuihnate in theihna pilna neu guat lua mah mah 

hi. Luther thu hilhna pen in Pasian thu a om bangin thumaan tang takin 

lak khia a, mipi te khut ah tua thu aap-in amaute hih theihna ki phual 

cipte tua thu in pholh khiat sak-in khaa te tha hat sak a, puahsiang a, a 

pilna te uah tha thak guan in a tok suah hi. 

Mite amau din mun tuam tuam ciat mah tawh a khut sung uh ah 

Laisiangtho tawi-in puah phatna thumaan pan pih-in om ki mu hi. 

Papistte in Laisiangtho pen phungzi te siampite sim ding bek-a a koih 

uh hi a, tu ciangin hih thuhilhna thak hong nial un ci in ki to to ta hi. 

Pasian vangliatna in lah na seem baan ah Laisiangtho thu thei lo lua uh 

ahih ciangin siampite leh phungzite in laisiam lo te lampial thu nialte cia 

a zah ko ko te uh lelhpi-in lel ta mawk uh hi. Katolik laigelhpa khat 

in a gelhna ah, “Lungkim lopi-in Luther in a nung zuite kiang ah, 

Laisiangtho longal thu dang um het loh dingin hansuah hi,” ci hi. – 

Ibid. b. 9, ch. 11. Pilna tawmno bek mah a nei hi napi thumaan teci 

pangte thu ngai dingin mipi ki sung zuah zuah a, a tuate lel mah in 

laisiam minthangte leh theology siam minthang te nial gawp thei ve ve 

lai uh hi. Hih mi minthang, bang mah lah a thei tuanlote in zum huai 

takin Pasian thumaan dai tak-a a ki gente nangawn dawng thei lo veve 

lel mawk uh hi. Na sem gim mite, galkap te, numeite leh naupang te na 

ngawn in siampite leh phungzi te, lai thei Doctor akici zaw zen te sangin 

Laisiangtho thu thei zaw hiau mawk uh hi. 

Laisiamte leh mihonpi mawk mawk te kikal a ki lam danna 

zah-in pope thuciin leen te leh Gospel thu zui mite kikal ki lamdanna 

a ki zakim in om hi. A cial cial-a ki ukna a cial tung nung pen te pau 

sin ding leh lai sim ding awl mawh lote lang doin khangno lungsim lai


sim tha nuam te in Laisiangtho sim sim mai uh a, taanglai laigelh thupi 

te a hong thei uh hi. A lungsim uh tha hat in pahtawi huai nuntak leh 

lungsim khauh a nei hih (196) khangnote in tua bang pilna hong nei 

uh a, sau vei pi sung amau dem zo hong om kei hi….Hih puahphatnaa 

khangno te in Romete’ Doctor pipite, mipi kikhopna sung khawng 

ah hong ki muh khak uh ciangin phuul gawp zo uh a, hih bang mah 

thei ngap lo te in a cih nading uh thei loin mai mawl mah mah uh a, 

mipi tung pan-a a ngah ding mah uh a hi lel et thawlna a ngah uh hi.” 

–D’ Aubigne, b. 9, ch. 11. 

Rome siampite in amau mite kiam kiam hi cih mu-in thukhen 

mangte huhna khawng zangh-in amite uh leh kaih zawh nading a vai 

hawm uh hi. Ahih hangin mipite in amau taang sapna huh dingin hih 

thuhilhna thak sung ah thu gil-vah thei zaw uh a, buhvai bek ahi pipu 

thuciin lel ante nek na pan a taai khia uh hi. 

Thumaan hilh siate bawl siatna mei hong kuan’ ciangin amaute 

in “Hih khua ah hong bawl siat uh ciangin khua dang ah taai un” cihna 

Khrist’ kammalte a phawk kik uh hi. Matt. 10 : 23. Khuavaak mun ci 

tengah lut ta hi. Amaute ading kongvang a na hong nuam pe peuh beel 

uh a, Khrist thu hilh-in, khat veivei biak innte ah zong hilh uh a, biak 

innte a ki phalloh ciangin mi innte leh kong lak mun awngte ah hilh uh 

hi. Koi ma peuh ah thungai ding mi a om nak leh biak inn tawh kibang 

hi kawi kawi hi. Thumaan pen thahat takin ki tangko kawikawi a, a dal 

zo bang mah omlo hi. 

Leitung thuneite leh pawlpi siatein Upnapial ci in a gawi cip 

nop uh hangin zo thei lo uh hi. Thongkhiatnate, gawt bawlnate, 

meikuangte, leh namsaute azat uh hangin zo thei tuan samlo uh hi. Mi 

tul tampi in amau upna a sisan uh tawh kip sak uh a, nasep pen mai 

nawt veve hi. Bawlsiatna in thumaan ki theh thang sak semsem zaw a, 

motphuutna tawh Satan in ahelsak pen in lah Satan nasep leh Pasian 

nasep teltakin ki lang khia sak zaw khin lel hi.


11 

Kumpite in Nial 

(198) 

GERMANY gam Khristian kumpi vaihawmte in 1529 kum a Spires 

khua kikhopna-a a nolhna uh pen Puahphatna adinga akician pen 

teci pan’na khat a hi hi. Tua bangin Pasian ading a haan’san na, upna 

leh a kipna uh hangin a khang thak te in lungsim kisuanna om lo a 

biakna suahtakna a ngah uh hi. Tua banga hansanna tawh thumanlote 

anial luatna pan un pawlpite min dingin Protestant cih min hong pua 

khia uh a hi hi. A thu bulpite zong “Protestant upna laigil” teng ong 

suak to pah hi. - D’Aubigne, b. 13, ch. 6. 

Puahphatna adinga a luahuai ni khat hong tung hi. Worms 

thukhensat na ah Luther pen pawlsung pan ki nil khia, a thuhilhna te ki 

khaak cip sakin, a upna te a ki dal cip sak sa ahih teei hangin biakna 

tawh kisai-in gam sung ah phalna om lai hi. Pasian vaihawm sakna in, 

thumaan dalte ki kho kho lai hi. Charles a 5-na pa in Puahphatna suam 

lum nuam in a khut a viik sial in a sat nop pen na ki hepkhiat sak zel hi. 

Rome lang pan’na na seem ngam pe peuh susia ding ki pan leh a pian’ 

theih lohna khat ta om zel hi. Ahih hangin hun hoihlo sung khat in

KUMPITE IN NIAL 189 

nisuahna gam nawl nung pen pan-in Turk galkapte hong kidawk vat 

mawk a, France te kumpipa leh pope te kumpi thuneihna a liat luatna 

teng haza-in hong sim uh hi. Tua gaal buai sungin Puahphatna nasep 

pen, phawk in hong ki neilo ta dih ahih manin, hong tha hat-in hong 

khang khia hi. 

A tawpna ah, popete in agaalte uh ong zawh uh ciangin, Puahpha 

te a lang do huan theih nadingun a bawl hi. 1526 kum Spires khua-a 

kikhoppi pan in a ki khoppi kik ma sung dong state teng tungah biakna 

suahtakna a pia uh hi. Ahih hangin hih suahtakna ngah khit a launa 

teng uh zong a bei man lo hial zah-in kumpipa in upkhialhna phiat siang 

nuam-in 1529 kum-in kikhoppi a nih veina a sam hi., A hih theih liai 

nak leh, Puahphatna lang pan’ pih dingin kilemna tawh kumpi vaihawmte 

(198) zol masa ding uh a, ahih zawh tuan kei leh Charles in namsau lek 

ta ding hi. 

Papist-te a kisial mah mah uh hi. Spires ah mi tampi hong pai 

uh a, tua puahpha te leh a aang vaan mite a et satna uh hong gen uh hi. 

Melachthon in, “Eite pen leitung mite phiat siang nop, a dong kholh 

mah mahte i hi hi. Ahih hangin Khrist in hong en suk dinga Ama mi tha 

neem ginalote hong huh ding hi,” a ci hi. - Ibid. b. 13, ch. 5. Kikhopna 

a hong kihel Pasian thu gen nuam ulian tenangawn in zong agam sung 

uh ah Lungdamna a thu hilh loh na dingin a khaam cip lai uh hi. A ki 

khaam cip hangin Spires khua mite in Pasian thu ah dang taak lua uh 

ahih manin, Saxony Mee piapa biak thugen hun zatnate ah a lom lom-in 

hong ki khawm uh hi. 

Tua in a lau huaina amanlang sak tuam hi. Biakna suahtakna in vai 

hawm na tampi susia ahih manin tua thu phiat kik dingin kumpipa in a 

ngetna kumpi thu khat Kikhopna panin hong ki pulaak hi. Tua banga tha 

gum han ciamna in thuhilhnuam Khristiante hehna hong ki pholh suah hi. 

Khat pa bang in, “Khrist pen Kaiaphas leh Pilat khut sung ah tung kik hi” a 

ci hi. Rome te hong ngong tat zaw lai uh hi. Amau lam bek a en ten tan


papist te khat in, “Turks te pen Lutheran te sangin hoih zaw lai uh hi. 

Turkste in an tan’ ni bang nei lai sam uh a, Luther nungzuite in tua te a 

palsat uh hi. Eite in Pasian Laisiangthothu leh pawlpi lamkhialna a cihte uh 

ong kiteel sak leh a masa pen i nolh zaw ding hi,” a ci hi. - Ibid. Melanchthon 

in bel, “ ei Lungdamnathu hilhte nisial-in Faber in kikhoppi sungah suang 

tawh hong deeng niloh hi,” ci hi. - Ibid. 

Biakna kithuak keei kaaina ki kip sak khina, thuhilhna gam khen 

khawk tuam tuamte in amau thu ngahna bang susiate dal theih nading 

thu om hi. Luther pen Worms pana thu kipia in heen lai ahih manin 

Spires ah ki pai sak lo hi. Ahih hangin ama taang dingin a nasep pih a 

lawmte leh Pasian in a nasep a huh dinga a lap toh pak vai hawmpi te 

pawl khat bel pai uh hi. A masa-a Luther huu khia Saxony kumpi 

Frederick pen sihna in heem khia ta hi. Ahih hangin a sangam pa leh a 

zalaihpa Duke John in Puahphatna paakta-in na pah tawi mah mah uh 

a, tua upna tawh kisai thute khempeuh ah a kuhkal lawm hoih a (199) 

na om lai a suak ve ve hi. 

Siampite in hih puahphatna thu a pom gam-khawk te pen Rome 

te thukhenna in a huam gam asuah nading nakpi-in a ngen uh hi. Puahpha 

te in lah suahtakna hong kipia khin zo hi a na ci zel uh hi. Amaute in 

Pasian thu lungdamna lianpi tawh na saang khin uh ahih manin, Rome 

te ukna nuai-a lut kik dingin a thukim kei uh hi. 

Thu a maitam sak nop man un, puahphatna thu a ki kip sak nai 

lohna gam te ah Worms thukhensat bangin khauh taka a ki zuih nadingin 

a hanciam in, “mipi in Worm khensatna thu a man’ lohna sa mun leh 

langpan’ lo-a a pian’ theih lohna mun te nangawn ah zong puahphatna 

sep beh nawn loin, ki nialna a piang sak thei thute zong khoih khak loh 

nading, mawh pulaakna neek khawm zong nialloh nading, leh Rome 

Pawlpi mite in Luther upna a san loh nading” a geel uh hi. - Ibid. Tua 

ngimna pen popete, siampite leh phungzi thukhente lung kimna hi a, 

Worms kikhopna pan-a a khen tat uh ahi hi.


Tua khensatna ki zui takpi leh puahphatna thu a ki zak nai lohna 

mun te ah ma kisot theilo in, a ki sepna sa te ah zong kip takin a om thei 

lo ding a hong suak hi.” - Ibid. Tua hi leh, ut peuh hilh theihna ding 

suahtakna a ki khaam cip suak ding a hi ta hi. Pianthakna peuh mah om 

thei lo ding hi. Puahphatna a it khempeuh nangawn in zong tua thuki 

khungte a zuih kul pah mawk ding a hih manin, leitung bup lam etna a 

bei ding tawh ong ki bang hi. “Rome te ukna a ki kip kik hong suak in, 

ni danga thuaksiatna te hong tung kik peel mawh ding a hi ta hi.” “ 

Thutuah lohna leh thumotphut-te lawh gawpsa nasepna teng acim mang 

sak ding” thu khat a hong om ding a hi gige hi.” - Ibid. 

Thupha hilhte khat leh khat thu ki dong, ki kum khawm uh a, 

“Bang cih ding?” ci in lung mangin ki en lel bek uh hi. Leitung bup 

ading buai na lianpi a hi ta hi. “Puahphatna makaite in tua thupiak 

mang mawk lel ding maw? Hih bang lau huaina hun in a lampi manlo 

zuih khak ding (200)ol mah mah mai hi. Ki aap lel-in aki ci bang bang 

mang suk thek le uh ki mai sak-in ki paakta zaw lel mawk hi sam a hi 

ve! Luther nungzui gam-uk mangte in biakna a ut banga a zuih theih 

nading un thu a ki pia hi. Tua kumpi thukham a kibawl ma-a puahphatna 

a deihte amau mite in zong amau tawh aki bangin ham phatna a ngah uh 

hi. Ki ap lel in Rome te lungkim sak le uh, lau huai na tawh ki pelh zaw 

ding uh hi lo hiam? Lang pan’ le uh a ki mu nai lo haksatna leh thuak 

siatna bang teng in amau zui ding a, hamphat bang teng ngah ding uh 

cih zong a thei kua om hiam? Rome tawh gal lem-na bawl in tanluan 

hiang leen khawm dih ni. Germany gam liamma teng khui sak zaw mai 

ni, cih bangin puahphate in pau lap na zong uh hi leh ahi thei ding hi 

napi, tua hi leh, a nasepnasa teng uh a sawt loin a puuk hiau ding hi zel 

mawk hi. 

“Lungdam takin tua vaihawmna thu bulphuh en uh a, upna tawh 

ana nawk uh hi. Tua thu bulphuh bang a hi hiam? Rome te in mi 

lungsim tawng nangawn zawhthawh thu tawh uk cip uh a ukna dangte 

a dal theih nading thu a nei uh hi. Ahih hangin amau mah mah leh


amau khutsunga Protestant-te in biakna suahtakna deih tek mawk lo 

uh ahi hiam? Hi mah hi. Deih sakna tawh a tuam vil vel a a ki bawl sak 

a hih man in, ai tuam-a neih hi lo hi. Tua geelsakna in a huam khak 

loh teng pen zawhthawh na lianpi tawh uk theih nading thukhun ahih 

manin, sung lam upna thu kon lawh kul nawn loin, Rome pen a khial 

thei lo thukhen maang suak a, a thu uh zuih lel ding hong hi pah ding 

hi. Tua vaihawm sakna ki saang leh a ki puahpha Saxony teng bek in 

biakna suah takna ki nei ding uh hi ci-a thukimna a bawl suak hiau 

ding hi mawk hi. Khristian gam dangte ah bel puahphatna thu a dawp, 

a um peuhmah thukham palsatna a suak pah ding uh a, leihawm thong 

inn sung ahi kei leh ki haalna khuam phung ah a tung ding hi pah 

mawk uh hi. A ki ciangtan mun teng bek ah biakna suahtakna a om 

ding a thukim zo ding uh hiam? Puahphatna in mi thaka ngah tawpna 

hi ta hi ci in taang ko ding hi ding haim? Gam mong a tung khin ta ahi 

uh hiam? Rome in a hong huam khakna ciang ciang ama uk den ding 

suak pah zen zen ding hiam? Puahphate in tua vaihawmna hanga 

pope leitang tung ah a tul a za-in nuntak a taan lawh dingte’ sisan 

tung ah peng ung a ci ngam ding uh hiam? Hih bang hun thupi laitakin 

tua bangin ki peng sak leu uh Lungdamnathu tangko(201) nasep leh 

Khristiante suahtakna heek khiatna hong suak ding a hi hi.” -Wylie, b. 

9, ch. 15. Tua ahih manin, “ amaute in a gambup, a kumpi lukhu uh, 

leh nakhempeuh thamlo in a nuntakna dongun taan lawh nuam zaw uh 

hi.” - D’Aubigne, b. 13, ch. 5. 

Kumpi neu te in, “Hih vaihawmna nial zaw mai ni.” “Sunglam 

upna tawh kisai in mi tam zaw thu hi thei lo hi” ci uh hi. Mangpi te in 

“1526 kum a thupiakna in kumpi gam sung kilemna piang sak a, tua thu 

hoih i sa hi: tua pen ki phiat leh Germany gam buppi buai-in ki khen 

keek ding hi. Tua kikhoppi in Councilte ki tuah kim mateng biakna 

suahtakna a let kip ding lo ngal a dang hih zo lo hi,” ci uh hi. - Ibid. 

Lungsim kisuan omlo a biakna suahtakna pen i gam’ khensat ding thu 

hi a, biakna tawh kisai-in tua ciang bek thu a nei hi. Leitung uk kumpite


in Civil vai tawh biakna a hong ukna pepeuh ah Khristian thupuak te 

thubulphuhpi a paai khia a suak uh hi. 

Papist-te in bel “koh kang” a cih te uh net cip a sawm pah uh ahi 

hi. Amau in puahphatna a panpih peuh mah khen keek in, a simtham a 

deihsakna a neite na ngawn a lau thawng sak nuama ki pan a hi uh hi. A 

suakta khuapi te panin Sawltakte kikhoppina ah sam uh a, tua thusun’na 

thu saang uh hiam saang lo uh hiam a dong tel uh hi. A hun 

bang khan; to uh a, a hih hangin pha tuam lo hi. Tua sit telna hong neih 

uh ciangin amaute a lang phialphial in puahpha te lam ah hong pang uh 

hi. Sunglam upna leh eima khentelna ciat ah suahtakna a taan nuamlote 

in mai lam ah gensiatna thuak-in mawhsakna leh bawlsiatna thuak ding 

tel takin a thei ta uh hi. Sawltakte khat in, “ Pasian kammal ih nial kei 

vet leh haal tum thuak zaw ding,” a ci hi. - Ibid. 

Kumpi neute hong thukim theih-a hong kop kei buang uh leh 

tua thupiak in ki phelkhapna lianpi piang sak ding hi cih kikhoppina-a 

Gam-ukpipa’ sawltak ahi kumpi Ferdinand in a mu hi.Tua ahih manin, 

zawhthawh thu zang leh hih mite lungkhauh sak zaw kaan lel ding cih 

mu ahih manin hansuahna lam vi ve tawh kumpi neute a zol hi. Kumpi 

neute kiang ah, “Tua thupiakna saang le uh a gam bup kumpipa amaute 

tung ah lungdam mah mah ding” ahih thu nakpi-in a gen hi. Ahih hangin 

hih leitung ukte khempeuh sanga lianzaw thunei khat om lai hi cih hih 

mii muanhuai kumpineute in tel hilh uh a, “Pasian zahtakna leh lemna 

tawh a ki (202) hual thu teng bek ah kumpipa thu a vekpi-in ka zui 

ding uh hi” ci uh hi. - Ibid. 

Khristian kumpi neute in Laisiangtho pen mihing phuah tawm 

thuciin te sangin tung nung zaw hi cih apomna uh leh tua bang upna a 

kineihna mun peuh mah ah pope vangliatna a puuk ahih pah pah mai 

lam zong Kumpi lam pawlte in athei uh hi. Ahih hangin amau hun lai-a 

mi tul tampi te mah bangin “a ki mu thei nate bek” en uh ahih man-in 

amau leh amau in kumpipa leh pope mah hat zaw buang hi ci in seh uh


a, puahpha te pen a kih tak huai lo a tha neem lel ding in a seh uh hi. 

Puahpha te in mihing tha bek suang hi leh pope pawlte up mawh bang 

mah in bang mah hih zo lo ding uh hi. Ahih hangin mi tawm in a tha 

neem uh a, Rome tawh thu ki tuak loin a om uh hangin tha hat ve-ve uh 

a hi zaw hi. Amau in “kikhoppi na ah thu ki khentat te leh Pasian thu 

teh kaak uh a, Kumpi Charles leh kumpite’ Kumpipa, topa te’ Topipa 

ahi Jesu Khrist a sai kaak uh hi.” - Idem, b. 13, ch. 6. 

Ferdinand in amaute lungsim kimna awl mawh sak lo-in a nial 

ciangin kumpi neu te in zong ama om loh khual nawn loin gambup 

kikhopna mai ah nakpi-in nial pah uh hi. Pulaakna thupi khat bawlin, 

kikhoppi ah a pulaak uh hi: 

“Hih laidal tawh na khempeuh bawlpa, a keempa, honkhiapa leh 

tankhiapa Pasian mai ah Amah ni khat ni ciangin I thukhen dingpa ahih 

mah bangin, mi khempeuh leh a kipiang sak khempeuh mai ah, kote 

ading leh I mipih adingin hih a ki ngim thupiak (decree) pen thukim loin 

ka saang beek kei uh a, Pasian leh Ama thu siangtho tawh kilehbulh na 

khat pepeuh ka sunglam upna uh leh kote khaa hotna hong dal hi ci-a 

ka up up uh thute ka (203) zui kei ding uh hi” ci uh hi. 

“Bang e! hih thu kip sak zo ung! Pasian in mi khat Ama pilna 

piak dingin a sap ciangin tua mi in Pasian thei thei lo ding a hi hiam? 

“Upna maan dang om thei lo-a, Pasian kammal om bang bang pen 

upnamaan hi pah hi....Topa in tua bang upna dang hilh ding phalo 

hi....Laisiangtho pen a Laisiangtho mun dang khat mah in hilhcian 

dinga,...Khristiante adingin thubu siangtho in kisapna om khempeuh ol 

takin hong thei sak dinga, khuamialna teng khen keek ding ahi hi. Pasian 

hehpihna tawh Laisiangtho Lui leh a Thak bu sung a Ama thu siangtho 

te bek hilh-in, tua bang ahi lo thu dangte tawh beh lap lo dingin ka kizo 

khin uh hi. Hi bek thumaan thu hi a, upna maan leh nuntakna maan 

adinga hong uk hong keem in agual lel ngei lo ding ahi hi. Hih din mun 

ah a ding mi peuh mah Hell vangliatna lang do-in ding ding uh a,


motbawla a langdote Pasian mai ah puuk ding hi.” 

“Tua hang mah in ko tunga hong ki suan hak-kol ka nolh uh hi.” 

“ Kumpipa zong Pasian a it takpi Khristian kumpi bangin ko tung ah 

hong gamta ta hen. Tua hi leh kote in zong ka pum ka tangh un ama thu 

mangin, no a migi to te’ thu zong ka mang ding uha, lawp takin a 

sawlmang mi ka hih ding uh hi ci in kong pu laak uh hi,’ ci uh hi. - 

D’Aubigne, b. 13, ch. 6. 

Tua in Kikhoppina-a mite’ lungsim a khoih kha pha mah mah hi. 

Ki khawm mi a tam zaw in tua thu nialte’ haan’na hangin lam dang sa in 

patauhna tawh a dim uh hi. Mai lam thu ding pen khua ziingin bang 

hong ci ding ki thei lo hi. Ki thu tuahlohnate, kidona te, sisan luan’nate 

ki pelh zawh tuak lo hi. Ahih hangin puahphate in amau nasepna te a 

dik a maan ahihna uh leh, a vanglian pen pa khut bek maungin, “haang 

tak in a kip ngam” uh ahihna zong lak uh hi. 

“Hih a nialna teng uh pen Protestant-te thu bulphuhpi teng a 

suak pah hi. Upna tawh kisai kih-huai gamtatna thupi nih nialna zong hi 

pah hi. Amasa in, upna sungah leitung thukhen maangte hong kiguanna 

hi -a, a nihna ah, pawlpi bek thuneihna-gitlote ahi hi. Protestestant upna 

in, tuate mun ah, (204) Mangpite sangin mimal neih lungsim khensatna 

thupi sak zawin, muh theih pawlpi sangin Pasian kammal tung nung 

zaw cih hong pho laak hi. A masa bel in Pasian thu tawh kisai vaite ah 

ah leitung thuneihna azat te uh nialin, kamsang te leh sawltakte in, ‘Mi 

thu sangin Pasian thu man ding aki lawm zaw hi” a cihna a dawk sak uh 

hi. Charles a 5-na pa minthanna mai tang ah Jesu Khrist vaangliatna a 

laam to uh hi. A baan ah, mihing phuahtawm thute pen Pasian thu 

siangtho sangin niam zaw hi cih zong a lak hi.” - Ibid. Thu nialte in 

amau kizawhna thumaante a ut bang in a pulaak theih nading uh zong 

akip sak zaw lai uh hi. Amau in um in zui ding bek hi loin, Pasian thu a 

om bang hilh-in siampite leh leitung uk maangte a hong ki thun zel pen 

a nial uh hi. Spires-a a nialna pan-un biakna lam-a ki thuak lahna teng


langdo ahihna uh teci pang in, mi khempeuh in ama lungsim khentelna 

banga Pasian a biak theih nading uh thu ngah na a guang zaw uh hi. 

Mipi theih dingin zaksakna ki bawl ta hi. Mi tul tampi in tua 

vai a phawk den ding ahi ta hi. Vantung laibute sung ah zong kiciamteh 

khin a hih manin, mihing in a phiat nop hangin kuamah in susia zo 

nawn lo ding hi. Germany gam-a thu hilh nuam mite in tua nialna pen 

a upna uh pulaakna a suak sak uh hi. Mun khempeuh ah mite in tua 

pulaakna pen hun thak hoih zaw khat hong tun’ nading khapna bangin 

a tuat uh hi. Spires-a Protestant-te thu kumpi neute khat in hi bangin 

ci hi, “A lian bel Topa in hong hehpihna tawh tha neih teng siit loin 

pulaakna hong nei thei sak ahih manin, a tawntung ni hong tun’ dongin 

tua Khristian upna kip ah hong keem tawntung ta hen,” ci hi. - 

D’Aubigne, b. 13, ch. 6. 

Gualzawhna honpi khat angah khit uh ciangin leitungte maipha 

ngah na dingin thu kim kik mawk le uh, Pasian tung ah a thu maan lo, 

thamlo in, amau dinmun nangawn suksiatna sunga a hentum suak lel 

ding uh ahi hi. Hih puahphatna apom hausapite nawktoh teng pen a 

hong pai lai ding khang tawntunga etteh ding thu a suak hi. Satan in, 

Pasian leh A thu siangtho a langpan’na nasep pen kheel tuan lo hi. 

Kum zakhawk 16 hunlai a Laisiangtho in nuntakna lampi hi a cih uh 

pen a langpan’ zah mah-in a langpan’ lai ve ve hi. Eite hun leu leu 

ciangin amau upna leh thukhamte panin gamlapi ki khenkhiatna om ta 

a, Protestant upna ngei ah ciah kik ding ki sam pha mah mah hi. 

Laisiangtho bebek a upna uh leh a zuihna uh uk dingin a let kik ding uh 

kul pha mah mah hi. Satan in biakna suahtakna susia nuam-in veh (205) 

kawi kawi hi. Spires-a Khristian lote vangliatna bangvangliatna mah 

thak bawl-in a kip kik sak theih nadingin a a khahsuah sa tungnun’penna 

a ngah kik theih nadingin lampi zong zongin a hanciam pha saan hi. 

Puahphatna hun lai-a a kiptak in Pasian thu om bang bang a cih ten tan 

bang un, tu hun puahphatna ah zong ih cih tentan ding aki sam hi.


Protestant te ading lau huaina lim hong kidawk ciangin, amaute 

a hum ding Pasian in a khut hong zan zelna lim zong aki dawk zel hi. 

Hih hun pawl mah-in ‘ ka theih ngei loh puteek a zahtaak kai khat tawh 

ki tuah ciangin, Grynaeus man dingin Ferdinand in thukhen maangte 

hong pai sak ding hi, hong ci hi ci-in, Spires khua sung pan a lawmpa 

Simon Grynaues paikhiat pih-in Rhine gun kantan meng meng dingin 

Melanchthon in a sawl ciangin Simon Grynaues in tua bang biang buang 

pen lam dang a sa hi.. 

A sun-in papal siapi Faber in a sermon-na ah Grynaeus agensiat 

luat ciangin, nakpi in kisel uha, “a kih huai thumanlo khat” a huut nop 

manin a nial hi” acih ciangin, Faber in a heh lo bangin a om hangin a 

tawp lian uh ciangin Kumpipa kiang ah tua a nial zawh loh Heidelberga 

Professor Grynaeus a lawt pah hi. Tua ciangin Kumpipa in zong 

lungtang khauh tua Heidelberg professor pa bawl siat nading thu a pia 

hi. Tua thu teng putekpa tung pan azak ciangin, Pasian in a vantung 

misiangtho te khat thu ko khol dingin hong sawl-in alawmpa hong 

honkhia ahi lam Melanchthon in a thei pah hi. 

Guntui in a galte muh lona mun ah Grynaeus a huut khiat amuh 

dongin Rhine gun piau ah dingin a gal-et hi. ‘A tawpna ah,’ Melanchthon 

in gun gal atun agalmuh ciangin, ‘mawhnei lo sisan a lunggulh dente’ 

kam sung pan ki dok khia zo ta hi,’ ci hi. A inn a hong ciah kik ciangin 

Grynaues man dingte in a lu pan a taw dongin sit tel-in zongg uh hi cih 

Melanchthon tung ah hong kihilh hi.” - D’ Aubigne, b. 13, ch. 6. 

Tua bangin Puahphatna pen ni dang sangin leitung ulianpi-te 

mai ah hong ki lang pha zaw lai hi. Kumpi Ferdinand in Thuhilh 

kumpineute thu a ngai nuam kei hi. Ahih hangin amaute upna leh 

nasepnate kumpipa mai, pawlpi leh uliante mai-a a gen khiat theih nading 

uh hun hoih a ki pia ve ve uh hi. Spires-a thunial te hangin gam sung 

kilem lohna tam-in buai ahih main, tua teng daih sak nadingin Augsburg 

ah a kum kik ciangin kikhoppi khat Charles a 5- (206) na pa in sam a,


amah mah in hun uk ding a ngimnate lai tawh a tangko khia hi. Tua 

mun ah Protestant makaiteng a ki sam hi. 

Puahphatna pen lau huaina in a buak hi. Ahih hangin Protestant 

makaite in Pasian muangin, Lungdamna thu ah kipdin dingin kiciamna 

abawl uh hi. Ki khopna-a Saxony Me piapa pai loh na ding a ki nget 

ciangin Kumpipa in kumpi neute a thang siahna hi ci in hilh uh hi. 

“Khuapi sung khata avanglian galte tawh ki kalh nelh cip pen lau huai 

mah lo ding hiam? Mi dangte in, “Kumpi neu te hang takin na gam 

taang lel peuh le uh Pasian nasepna kihu zo lelding hi” ci uh hi. Luther 

in, “Pasian ciam peel loin muan huai hi. Amah in hong nusialo ding hi” 

ci hi. Me piapa vilte tawh Augsburg lam zuan-in a hong pai khiat ding 

uh ciangin, a tuah ding lau huaina te theih pih tek uh ahih manin, tampi 

tak mai khing lunggim sa in a kuan khia uh hi. Ahih hangin Coburg 

dong Luther in zong ton pih a, amaute lungsim khing teng la peuh sa-in 

alawp sak hi. Tua a khual zinna ah, “Ih Pasian in a kip Tausang a hi hi” 

cih thu a gelh hi. Lungsim vangik tampi lasakna tawh a zaang sak hi. 

Puahphatna apom kumpineute in amau dinmun uh thugui-sut 

bangin agen khiat theih nadingun geelsa-in a nei uh a, Laisiangtho pana 

teci vi-ve tawh lak-in thu khempeuh kikhoppi ah phu ding in a ki ging 

khol uh hi. Tua te a geel dingin Luther leh Melanchthon leh a lawmte a 

seh uh hi. Tua a dinmun uh a pulaakna thugui-te pen Protestant te in 

amau upna pulaakna-inbawl uha, apompna min khum dingin a ki khawm 

uh hi. Tua hun pen mulkim huai-in sittelna hun a hi hi. Puahpha te in 

amau nasepna leh leitung ukna helzau khak loh nadingin ki dawm dingin 

gen uh a, puahphatna nasep in Pasian kammal om bang val agen loh 

nadingin zong a hanciam uh hi. Tua pulaakna ah Khristian sunga kumpi 

neute in a min uh a gelh dingin a kigin laitakun Melanchthon inkhawlsak 

in, “Hih (207) pen Pasian thu thei-siamte leh Siate sep ding hi a, 

leitung vanglian neite in thu dangte ah thu nei dingin siit zaw le’ng,” ci 

in a nial hi. Saxony te John in, “Hi lo hi. Pasian in kei bangte nong val 

khiat sak ding uh deih zaw lo hi. A dik thu a seem lel ding ka ut zaw hi.


Mi ka teel theihna lukhu leh ka Ukpi samul puante lel pen Jesu Khrist 

singlamteh zah-in manpha ka sa het kei hi,” ci hi. Tua teng a gen khit 

ciangin a min a gelh ziau lel hi. A dang khat leu leu in laikung la-in, 

“Ka Topa Jesu Khrist in adeih nak leh ka nate leh ka nuntakna nangawn 

a nusia dingin ki gingsa-in ka om hi.” “ Hih pulaakna thugui sunga om 

lo upna dang khat ka pom ding sangin ka mite, ka gam ka lei leh ka 

khuta om kapa’ tuul-tawina leitang teng nangawn ka nusia zaw ding 

hi” ci leu leu hi. Tua zah-in Pasian mite in upna leh haan’na tawh ana 

ding uh hi. 

Kumpipa mai-a a din’ ding uh a hun kiseh pen hong tung ta hi. 

Charles a 5-na pa a tokhom ah hong tu hi. A kiim ah kumpi neute leh 

Me pia te in uum-in tut pih uh hi. A mipite pen puahpha te ngen ahi uh 

hi. Amau pulaakna lai a ki sim hi. Tua kikhopna thupi sung ah Gospel 

thumaan pen tel takin ki lak khia hi. Papal te khialhna teng zong ki 

kawk khia hi. Tua ni pen, “Puahphatna vai ah ni lian pen ni ahi hi. 

Khristian khang tangthu sung leh mihing te tangthu sung ah zong a 

minthang pen ni khat “ in ki ciamteh hi. - Idem. b. 4, ch. 7. 

Wittenberg phungzipa Luther pen Worms-a minam bup kikhoppi 

mai-ah a mah guak a adin’ khit kum sawt nai lonapi, tu-in, gam bup 

ulian pen pen te leh kumpi neute, ama taangin hong ding ta uh hi. Luther 

pen Augsburg-a a pai ding ki kho ahih manin amah hong om thei lo a, a 

thu leh a thu ngetna bel hong om hi. A laigelhna ah, “Hih zah-a minthang 

kikhoppi ah thu um mi thupite in mipi mai-a Khrist a pahtawi dong uh 

ka nuntak lai ka lungdam lua hi,” ci hi. - Ibid. Tua in Laisiangtho sunga 

“Kumpite’ mai-ah nangma thute ka gen dinga, maizumna ka thuak kei 

ding hi” acihna a tun’na ahi hi. Late 119:46. 

Paul khang lai-in zong thongkia mi bangin thu kisit na athuak hangin 

Lungdamnathu in gam bup khuapi-a kumpi neu te leh ukpi te kiang dongah 

tunna in a nei zaw hi. Tua mah bangin hih hun-a kumpipa in Pulpit (208) 

pan Lungdamna Gospel thu hilh ding ana khaam pen kumpi inn sung dongah


taang ko na in akinei zaw hi. Sila te khawng ngaih ding a phal loh uh thu 

tu-in gam buppi-a tote leh sia lian te ngaih dingin ki gen khia ta hi. Kumpi 

te leh miliante in thu ngai mipi te na hi uh hi. Lukhu ngah kumpineute pen 

a Gospel thupuakte ong hi ta uh hi. A thu gente uh Pasian Thumaan ahi hi. 

Laigelhpa khat in, “Sawltakte hun khit hi zah-a upna pulaakna thupi om 

ngei nailo hi,” ci in gelh hi. - Ibid. 

Papist Bishop khat in, “Luther nungzuite’ genna khempeuh maan 

a, eite in i nial thei kei hi. Me piapa leh a lawmte gen pulaaknathuguite 

zong thumaan tawh na dawng thei uh hiam? ci-in Doctor Eck kiang ah 

a dot ciangin, “Kamsangte leh a sawltakte laigelh te panin bel ki dawng 

kik thei lo hi.” “Ahih hangin Fatherte leh Council te thusuak te tawh 

bel dawn kik theih nading om hi” ci hi. Tua ciangin a dongpa in, “Luther 

pawlte in Laisiangtho leen uh a, ei lam ah bel Laisiangtho leenlo hi-in 

ka ki thei hi” a ci hi. - Idem. b. 14, ch. 8. Germany gama kumpi neute 

honkhat puahphatna upna in lawh khin zo hi. Kumpipa mah mah in 

zong Protestant te thu gente bang bang i ci ta zongin a maan a hi hi, 

mah a cih pih hi. Tua pulaakna pen pau nam tuam tuam tawh ki tei 

khia-in Europe gam khempeuh ah ki hawm thaang a, mi mak tampi in a 

khang kik kik dongin tua upna na pom suk suk uh hi. 

Pasian nasem muan huaite in amau kia ki nusia-a na sem uh ahi 

kei hi. “Vangliatna khempeuh leh a saangna pana khaa gilote” kikop-in 

amaute a na langdo laitak-in Topa in Ama na seem te nusia ngeilo hi. 

Amaute mit kihong thei hi leh, taang lai kamsangte ahuh bang mah-in 

Pasian in amaute zong om pih in a huhna mu mah ding uh hi ve’n! 

Elisha naseempa in a mangpa’ kiang ah amaute a kual khum khin gilo 

galte muhsak laitakin suahtak theih nading lampi om het lo bang hi 

napi, “Topa aw, amah in a muh theih nadingin a mitte hon’ sak in “ 2 

Kumpite 6:17.ci in thu anget ciangin, Ah, ngei aw! Pasian mipa a vil 

vantung galkapte mual dung khempeuh ah phualsatin, meikuang galkap 

leh leengte adim in a om uh bang mah in puahphatna nasepna a seemte 

zong vantung mi in a vil hi.


Luther in a kip let thupi pen khat, Puahpahtna huh ding peuhmah in 

leitung vaang, thau tawinate, zangh ngei lo ding cih thu ahi hi. Amah in 

gam bup kumpina panin (209) kumpineu te in Gospel thu ading teci hong 

pan’ uh ciangin lung dam mah mah hi. Ahih hangin amau ki huut nading a 

gal hiam zat ding dongin hong ki kup uh ciangin, tua mun panin “Gospel 

thu upna pen Pasian bek in huu ding hi... Nasepna ah mihing helh-hawtna a 

tawm ciang bekin Pasian’ sep ki langh zaw hi. Gam ukna tawh kisai a ki 

dop nading a gen pian te pen uh ama muhna ah up lahna leh muan lahna 

mawhna a suak hi.” –D’Aubigng, b. 10, ch. 14, London, ed.. 

Galte kikop-in Puahphatna upna thal paih a sawm ciangin a leh 

do dinga namsau tul tampi dawh khiat sa banga a om laitakin Luther in, 

“Satan in a hehna suah khia a Pasian-milo pope tawh kikop-in eite hong 

sim uh ahi hi. Mite hansuah un la Pasian tokhom mai ah haang takin 

upna leh thu ngetna tawh ko sak lel un. Tua hi leh Pasian Kha Siangtho 

in i galte hong zawh sak-in gal lemna hong bawl nuam ding uh hi. I 

kisapna pi pen leh i nasep lian pen in thungetna ahi hi. I mite in namsau 

maa leh Satan hehna mai ah om ahih lam uh theih sak un la, thu ngen 

sak sak zaw un,” a ci hi. - D’Aubigne, b. 10, ch. 14. 

Tua khit zawh khat vei ciangin, puahphatna pom kumpineu teng 

kipawl-a vaihawmna khat a genna ah Luther in hih kidona-a ki zangh 

galhiam pen “ Kha Siangtho galhiam” bek ih hi sak ding hi a ci leu leu 

hi. Saxony Me teelpa kiang ah lai gelh a, Kipawlna bawl le’ng i sunglam 

upna bangin zong ki om thei nawn lo zel ding hi. I Gospel in sisan mal 

khat a taak sak ding sangin sawm vei-in a si nuam zaw ding te I hi hi. 

Eite nasep in a ki go tuuno bang I hih ding kisam a hi hi. Khrist 

singlamteh i pua ding hi. Lau het kei in, i galte kisialhna sangin i 

thungetna in na tam sem zo zaw ding hi. Na sanggamte’ sisan na khut 

ah baang kha sak kei in. Kumpipa in sit telna leh bawlsiatna hong neih 

nop leh va ki laak dingin i ki ging khol zo hi. I upnate nang kia huut 

zawh ding hi lo hi. Eite in i upna hangin siatna leh lauhuaina a om leh 

a thuak lel ciat ding i hi hi. - Idem. b. 14, ch. 1.


Munsimtham pan-a thungetna hangin Puahphatna tawh leitung 

a lok zo ding vangliatna hong pusuak hi. Topa naseem te in kamciam 

suangpikip tungah siangtho leh daai tak- (210) in akhe uh nga in siksan 

ding uh hi.... Ausburg a ki thasaan hun laitakin Luther in ni khat-in nai 

3 sung peuh mah thu ngetna-in zangh loin ni tum sak lo hi. Laisim hun 

dinga a deih huai pen hunte-in thu a ngen den hi.” Ama inn dei sung ah 

Pasian kianga a ki aapna kammalte ki za a, “lawmte khat hopih bangin 

lam etna, zahtaakna leh launa tawh a hopih hi.” “Nangmah in kote Pa 

leh Pasian na hih ka thei a, na tate mi’ bawl siat-a ki theh keek ding na 

deih hi. Nangmah mah zong kote mah tawh a lau huai munah na om hi. 

Hih vai khempeuh nangma vai hi a, Nangma hong sawlna hang bekin ka 

khut uh tawh a leen ka hi uh hi. Tua ahih manin, Pa aw, kote hong vil 

in” a ci hi. - D’ Aubigne, b. 14, ch. 6. 

Launa leh lunggimna van gik tawh kidim Melanchthon kiang ah 

hi bangin a gelh hi: Khrist sung ah muanna leh hehpihna na ngah ta in 

- - Leitung hi loin,… Khrist ah, Amen. Nang hong kaang tum ding 

banga a kheng val-a na lung hih mawhnate, huat theih tawp-in ka hua 

hi. Hih nasepna a maan lopi ahih leh nusia mai in; amaan ahih leh 

lungmuang tak in a ihmu dinga hong sawl Pa’ kam ciam te bang hangin 

muang lah ding i hiam?...Khrist in thumaan leh thutang nasepna adingin 

hawmthawh huailo-in a ki cing hi. Amah nungta-in a uk hi; lau ding 

bang om hiam? - Ibid. 

Pasian in Ama naseem te kiko na awte a za hi. Amah in kumpineu 

te leh thuhilhsiate thupha pia a, leitung khuamial ukpa langdo ngam 

nadingin thumaan a pia hi. Topa cih, “A kiteel a vanglian inn kiu khuam 

bul suangpi, Zion mual tungah ka koih hi. Tua suangpi a beel mi in, 

zumna a thuak kei ding hi,” 1 Pet. 2:6. Protestant puahphate in Khrist 

tungah ki phut uh a, Hell kongkhak in amaute a zo zo kei hi.

FRENCH PUAHPHA PA 203 

12 

French Puahpha pa 

S 

(211) 

OIRES-a kinialna leh Augsburg-a upna thu 

pulaakna in Germany gam sung ah 

puahphatna hanga gualzawhna khat ahi hi. A 

nung ah a kum kum in kidona leh khuamial in a 

zui hi. Pawl kikhennate in tha kiamna a piang 

sak hi. Gaalte thahatnate in Protestan a bei mang 

sak ding tawh a hong ki bang hi. Mi tul tampi in 

a sisan uh tawh a teci panna uh a lak uh hi. 

Tualgaal hong piang khia hi. A thunei pen pen 

kumpi neu khat kumpipa in a mat ciang in tua 

puahphat tawh kisai kinialna thu kawng ong ki 

heei khia hi. Kumpipa in agaal matpa pen khua pi khat pan khat ah akai 

kawi kawi hi. Ahih hangin a gualzawhna pen hun tomno khat sungin a 

bei hi. A gaal matpa hencip zo loin a khahsuah hi. A khan sunga suk 

mang ding a sawm thu-upna pen suksiat sak loh dingin thu a pia zaw ta 

hi. A kumpigam-a sum khukte leh ama nuntakna mah mah zong pia


ngam zah in thukhial suksiat mang ding a sawm hi. Tu in tualgal in 

hong sim man-in a galkapte bei in a sum khukte a kangh hi. A kumpi 

gamke tampi in langdo sawm uh a, a net cip nop upna pen nen cip zo 

nawnlo in pung zaw sop hi cih a mu hi. Charles a 5na pa in vangliatna 

khempeuh a nei pa a lehdo kha hi. Pasian in ‘khuavak sak un’ ci napi, 

kumpipa in khua mialsa mah kip sak lai dih ni a ci hi. Ama ngimnate 

tung zolo hi. A kum cinglo, khan khin nailopi mah in galdona in nangh 

sak di-dek ahih manin a tokhom nangawn aap-khia in phungzi inn sung 

khat ah a ki phum cip ta hi. 

Germany gam mah bangin Switzerland gam ah zong Puahphatna 

ading in khua hong zing hi. Mun tampi in puahphtna hong sangin a 

dangte in Rome upna ah, vot paih lah bangin, mitsi tentansa in a belh 

cip teitei uh hi. Thuman a saang nuamte bawlsiatna dingin (212) 

atawpnaah tualgaal hong piang hi. Zwingle leh puahphatna-a a ki kholh 

pih mi tampi Cappel sisan kisuahnaah hong bei ta uh hi. Oecolumpadius 

zong hih suksiatna in buakin a sawtloin a si hi. Rome hong gualzoa, 

mun tampi ah a taansa uh munte ong ngahkik uh hi. Ahih hangin a 

tawntunga ngaihsut apia Pa in Ama nasepna leh a mite peuhmah nusia 

ngei lo hi. Anaute adingin a khut in huut khiatna pia ding hi. Leitung 

mun dangteah zong Puahphatna nasep mai nawt nadingin nasem a 

guang hi. 

Luther pen Puahphapa ci in a kitheihma pek nangawnin French 

gam ah khuavak ding na ki pan zo ta hi. Khuavak a mankhia masa pen 

pa in, puteek, Lefevre ahi hi. Amah pen laisiam mi, Paris University-a 

Professor ahi hi. A thanuam, mihoih ahih manin Papistte’ nuam mi khat 

ahi hi. Amah in khanglui laite a zonkhiatna lam in Laisiangthothu hong 

mukhia a, a sangnaupangte sim ding in agen hi. 

Lefevre in misiangthote zahaakna khawng a hanciam mah mah 

khat ahi hi. Tangthu sung a misiangthote leh thahna thuakte thute gelh 

ding in pawlpi tangthute panin thu a khawm tuah hi. Tua pen naseep


thupi hong suak in, tam pi mah zong a 

kalkhia khin hi. A lungsim sungah 

Laisiangtho pan in zong huhna ngah thei 

ding lam en in Laisiangtho sim hong ki 

pan hi. Tua panin misiangthote omzia 

hong mu thei napi Romete ciamtehna 

bang hong hi nawn lo mawk hi. A lungsim 

sung ah khuavak in tuiciin bangin hong 

vung hi. A lungsim hong patau in, amasep 

dinga a seh nasep nusia in Pasianthu bekah 

hong kipia ta hi. Tua a manpha thumaan 

a muh pen hilh dingin hong kipan hi. 

Luther leh Zwingle te puahpha ding in a kipat ma 1512 kum in 

Lefevre in lai na gelh zo a, ‘A tawntung nuntakna ngah theih nading-a 

hehpihna in upna hangin a hong sep sak theih tua dikna a hong pia 

Pasian bek ahi hi.’ na ci ngei zo hi.-Wylie, b. 13, ch. 1. Hotkhiatna thu 

thukpi gen bel in a nei hi.’ Aw, gen khiat zawh hoh tua zaha thupi 

kikheelna, mawh banglo Pa kimawh sak a amawhte ki suahtaak! Thupha 

a hi pa in samsiatna ngah in, samnsiatte thupha ki pia; 213 nuntakna ahi 

Pa in asite hin nadingin sih lawh a, Vanglianpi pen khuamnial in tuamin 

bang mah theilo a buai gawp lelte vaang a kipia hi’ na ci hi.—D’Aubigne, 

b. 12, ch. 2(London ed.). 

Hotkhiatna minthang pen Pasian bek neih thu ahi hi. A hih hangin 

sawlman nading bek mihingte neih tha ahi hi.’ Nang zong Khrish pawlpi 

mikhat nahih leh ama pumpi tunga nate khat na hi pah hi. lh Pasian in 

lim leh meel a nei na hi hi.... Aw, mite in tua thu thei le uh bang zah in 

sang gamtat ding uh a, mawh baang loin siangtho takin nungta nuam 

ding uh hiam? Amau sunga om vangliatna tawh khaikaak le uh bang 

zah in ki hawm thawh ding uh hiam? Tua vangliatna leh minthanna pen 

mihing mit tawh kimu thei lo hi. Hih leitunga om minthanna lelte pen 

amial dide bang bek muthei mah ding uh hi ven!’ –Ibid.


Lefevre ii sang naupangte lak ah ama kammal te limtaka ngai 

pawlkhat a om hi. Tuate in siapa uh a a daih nung a sau veipi ciangin 

thuman na gen zom lai uh hi. Tuate lak ah William Farel zong a om hi. 

Nu leh pa hoih sunga upna phincill tak leh pawlpi hilhna bang tawh a 

kikhang khia sah ahi hi. Sawltak Paul in ama thu agen ciangin ‘Kote 

biakna sungah a hahkat pha diak Farisai pawl a kicite sunga ka om cil a 

kipan in ka nunak zia khempeeeuh a gen nop nak uh leh hong gen thei 

ding uh hi’ (Sawl. 26:5) acih bangin ci nuam leh ci thei ding ahi hi. 

Romete sunga ki aap pha mahmah khat hi a, pawlpi lang pang vannuai 

suk siat nopna tawh a sa val val mi a hi hi. ‘Pope lang pan-a thu gen ka 

zak nak leh keeivom lungso bang in a ha gawi khat ka hi hi’ ci in a 

kikheel ma anuntk zia a gen hi.—Wylie, b. 13, ch. 2. Gimlo tawllo in 

Lefevre tawh kithuah in misiangtho te zahtakna a pia ngei Paris khua 

sunga biak inn leh biakna tau te ah biakna pia in misiangthote’ guh 

koihna te a zep nading in letsong khawng a pia pia pa ahi hi. A hih 

hangin tua bawlnate in lung muan na pia zo lo hi. Mawhna a phawk 

ciangin tuate bawl in amah le amah a kigawt hi. Ahih hangin tuate in a 

dahna nilkhia zolo hi. ‘Hotkhiatna in hehpihna hang bek hi’cih 

puahphapa kammal pen vantung pan-a aw hong ging zak bangin hong 

za hi. ‘Mawh neilo pa kimawh sak in mawh nei mi ki khah hi’. –Wylie, 

b. 13, ch. 2. (214) 

Farel in thuman lungdam tak in a sang hi. Paul mah bangin kikheel 

a, khang lui thuciinte’ hen cipna pan ki heei khia in, Pasiantate’ 

suahtakna sung a bel hi. Sapeel keivom bangin mithah nopna lungsim 

nei nawnlo in daai takin lung nem migi in tuuno a hong bang hi. Pope 

kiang pan ki khen khia siangtho vilvel in Khrish Jesu kiang ah hong ki 

pia kik hi.’ – D’Aubigne, b. ch. 3. 

Lefevre in a sangnaupangte tunga khuavaak a theh khiat khiat 

laitak in Farel in pope khut sunga a om lai a a hanciam mah bangin 

Khrish nasepna ah zong hong kuhkal in mipi mai ah teci apang hi. Pawlpi 

vangliatna ukpi khat ahi Meaux a bishop pa zong tua zawh a sawl loin


amau tawh hong ki pawl beh lai hi. Sia dangte 

in zong amau din mun ciat pan un amau pilna 

neih zah tek zui in thuman tangkona ah hong 

pawm tek uh hi. Lokho mi, khutsiam nasem 

mite pan kumpi inn sung dongin, mihing 

aniam asang, a cial cial in a lawh to hi. Tua 

hun a gamuk kumpi Francis khatna pa 

sanggamnu in zong puahphatna thuman a na 

saang hi. Kumpi pa leh anu mah mah in zong 

tawlkhat sung deihsakna hong nei uh ahih man 

in puahphate in France gambup pen 

Lungdamnathu tawh kizo thei ding hi ci in a lam en uh hi. 

Ahih hangin amau lam etna bang in a hong piang kei hi. Khrish 

nungzuite sit telna leh bawlsiatna in a nangak gige hi. Ahih hangin 

hehpihna tawh tua thu amau mit pan in kiliah sak hi. Tawl khat sung 

teng lemna hong om sam hi. Tua thusia a thuak dingte uh a zawh theih 

nadingun tha hong ngah uh a, puahphatna in nawhsa in mai a nawt hi. 

Meaux-a bishop pa in ama gam sung tenga sia semte leh pawlpi mite 

tungah tha nuam tak in na sem hi. Thu thei lo, tatsia-a khuaval a zulhtat 

siampite paai khia in gamtathoih leh pilna neite tawh a khek hi. Bishop 

pa in amite in amau mah mah ading in Pasian thu atheih ciat ding uh 

deih sak mah mah ahih man in, a sawtlo in a theisak ciat zo takpi hi. 

Lefevre in Laisiangtho Thak na tei khia in, Luther in Germany pau in 

Wittenberg pan a na hawm khia hi. Bishop in ama gam sung teng ah hih 

thu a theh khiat nading sep theih teng sitlo in sem ahih manin, lokho 

mite khut sung dong ah Laisiangtho hong tung ta hi. 

Tui duh in a dang tak khualzim gim mi in luitui siang a delh uh 

bangin mite in tua vantung thu siang a na saang uh hi. Lokho mite, 

khut nasep siamte khawng in a nasep kawm kawm un Laisiangtho 

thuman gen uh a, a kitha lawp suah uh hi. Nitak ciangin zu zuakna peuh 

ah a kikhop tangun a innte uh ah ki hawh in, Laisiangtho sim in thu a


ngen khawm uh hi. Tua milomte tung ah kikhelna lianpi a hong tung hi. 

Mizawng genthei, gimpi-a nasemte hi napi uh in amau nuntaknate ki 

puahto in Pasian vanglian ah pah tak huai hong cing uh hi. Ki niam 

khiat in ki it uh a, siangho in, Lungdamnathu in a nasep gahpha teng a 

maute lakah hong gah khia hi. 

Meaux pan-a tang khia khuavaak in gamlapi a taan hi. Nisial in 

mi ki kheel thak ki muh beh den hi. Kumpipa in phungzite lungsim 

kawcik tawl khat sung meek cip a ahih hang in a tawpna ah papal makaite 

vang mah hong ultung kik hi. Sih nading kihaalna khuam a mai uh ah 

kiphut hi. Meaux bishop pa pen tawkik zaw ding maw meikuangah pai 

zaw ding cih a ki teel sak hi. A tawpna ah a baih lam zaw pen a teel hi. 

A hih hangin a nungzui tuuhonte amah bangin puklo in akip din uh hi. 

Mi tampi in meikuang sung panin thumaan teci pang uh hi. Amaute in 

kihaalna khuam phung pan in teci pang uh hi. Hun nop lai-a thuman a 

zakha ngei nai hetlo a kiniam khiat Khristian tul tampite ading in 

tangkona leh teci pan’na asuak hi. 

Mi niamte leh mi zawngte bek in zahkona, bawlsiatna lakah 

Khrish ading teci a pang ahi kei hi. Kumpi huang sung, leh ukpi inn 

sungte-a kumpitate lak pan in zong, hauhna liatnate nusia in thuman a 

teel zaw leh anuntakna nangawn uh apia mi hong om hi. Bishop puantual 

leh lukhu bemte sangin kumpi galhiamte in lungsimpuak ahang san zaw 

anei zel hi. Loius de Berquin pen Knight kici galhaang mintha’na a 

ngah, lungtang puak zia kawk a banglo ukpi te suan le khak khat ahi hi. 

Gamtat hoih in laisiam mi ahi hi. Laigelhpa khat in ama thu a genna ah, 

‘ amah pen papist thukhente a zui pha diak, mawh pulakna leh thuhilhna 

tampi aza, Luther nung zuihna amudah te a pakta mi ahi hi,’ ci hi. Ahih 

hangin midangte mah bangin Laisiantho ah hong lungtu ve a, lam dang 

sak huai zah in ‘Romete upna ahi lo Luther upnate’ hong mukhia hi. – 

Wylie, b. 13, ch. 9. Tua a kipan in amah mah Lungdamnathu tangko 

nasepna ah hong ki pia hi.


‘French gam buppi-a ukpite lak ah laisiam pen pen,’ leh pianpih 

navaakna anei, thugen siam, leh a hangsan’na leh a kuhkal na te aki 

baan theilo kidem zo lo hi. Zum thuteah huzaap nei in, alian kumpipa 

tawh ki itpa khat ahi hi. A gam bup adingin Puahphapa ahi dingin mi 

tampi in a lemen uh hi. Beza in hoh, ‘Francis khatna pa pen me piapa 

nih na ahih leh Berquin pen Luther nihna hi ding hi,’ ci ngei liang hi. 

Papistte bangin , ‘ Amah pen Luther sangin suuk zaw mawk hilo ahi 

hiam?’ ci uh hi. –Ibid. France a Rome pawlte in kihta mahmah takpi uh 

hi. Amau in amah upna pial ci in thong sung a khia uh a, ahih hangin 

kumpipa in a khah khia kik hi. Kum tampi sung mah buaina ki zom zom 

hi. Francis in Romete leh Puahphate kikalah langkaai kawi-kawi in 

phungzite gitlohna khah zel daltan zel hi. Berquin pen pope pawltein 

thum vei thongah khia uh a, kumpipa bekin lakhia zel hi. Bang hang 

hiam cih leh ama pianpih pilna leh a nuntak zia a mipi suakna paakta in 

biakna lam uliante muh dah etsatna a thuak ding a phal kei hi. 

Berquin pen France gam sung pana a taai simte nung zui dingin 

ngen hi. Tuahi kei leh a lau huai theih nading ziate zong ahilh khol uh 

hi. A meidawi, hunhoih bek a ngak, pilna sangpi nei napi lungsim gina a 

neilo, thuman sang in a nunna a thupi sak zaw Erasmus in Berquin a 

laikhakna ah, ‘Gam danga Sawltak(ambassador) sem ding ngen inla, 

Germany ah khual va zin dih in. Beda leh lutang tul nei-a mun citenga 

guu aphih kawi-kawi pa na theih sa hi. Na galte galkap honpi a kici ahi 

hi. Na nasepna Jesu Khrish’ aa sangin hoih zaw hel mah ta leh amau in 

nang hong suksiat ma siah un hong khah lo ding uh hi. Kumpipa hong 

kepna bek muang khin lua kei zaw in. Thu piangte ah kei pen theology 

tawh hong pawm kei zaw in’ a ci hi—Ibid. 

Ahih hangin tua launa in Berquin tha khauh sak leh bung hi. A 

leitung vai le angsung bek khual den Erasmus lam lahna a man sangsik 

in (217) hong hanciam phazaw kan hi. Amah in thuman gum ding bek 

hi nawnlo in thukhial kawk khia ta hi. Romete in amah mawh sak in a 

upna khial a cihna teng uh amau tungah leh suat zaw nuam ta hi. Amah


langpang a nasia pen pente in Paris University sangpi pan-a Pasianthu 

asiam Doctor leh phungzi honte ahi uh hi. Minam sung pan leh khuapi 

sung pan-a thunei lian pente zong ahi uh hi. Amaute laigelhna sung 

panin Berquin in mipi mai ah ‘Laisiangtho tawh kileh bul, upkhialna’thu 

12 tak lak khia in kumpipa in tua kinialna a khen sak dingin angen hi. 

Kumpipa in anial lamte hih theihna leh ngentelna dawk sak nuam 

kawm leh hih phungzite kiphatsakna niam khiat suk theih nadingin hun 

hoih ngah kisa kawm ahih manin lung dam in, Romete in Laisiangtho 

thu mah tawh amau upna a huu ding in a sawl hi. Thong khiatna, 

gawtbawlna, thau vui thau tang mah zatna, leh hal lupna te zang lo-in, 

a tua ci ciang lel tawh nasep ki tawm zawh mah mah ding cih a thei uh 

hi. Siingkuang leh aikuang ki heei in, tu-in, Berquin kiat nading munah 

amua kiat tuak zaw mawh uh ahihna a mu uh hi. Lau ge-gapsa in bang 

ci leng suakta thei ding ih hi hiam? ci-in lampi a zong zaw ta mai uh hi. 

‘Tua hun laitak in kongzin kiu khat ah nu ngak siangtho lim 

khat naki satsia hi. Tua in khuapi bup a patau sak hi. Tua mun ah mipi 

hong ki sung zua-zua hi. Dah in a heh uh hi. Kumpipa zong dip kua 

hi. Tua mun ah phungzite hong ki leii hang sak mah mah uh a, ‘Hi pen 

Berquin upna gah hi. Na khempeuh ki lumlet ding hi ta hi. Biakna ahia, 

gam thukham ahi zongin, kumpi tokhom dongin hih Luther pawlte 

kipawlna in lumlet ding hi ta hi’ ci-in a awng keek uh hi.—Wylie, 

b.13, ch.9. 

Berquin ki man leu leu hi. Kumpipa Paris pan in ki hem khia a, 

phungzite in a ut bangin na sem ta uh hi. Puahphapa thu ki sit in sihna 

thuak ding in khensat uh hi. Francis in amah gum ding in hong ki golh 

man khak ding launa-in tua thukhena a piakkhiat ni mah un asem pah 

uh hi. A sun ciangin (218) Berquin pen thahna ding mun ah puak uh hi. 

Mihonpi in tua thu piang teci pang ding in va en zia zua uh hi. Mi tampi 

in France gambup-a ukpi minthang galhang pen pa thuakna lamdang sa 

leh diip kua sa in a va mu uh hi. Lam dang sakna, lung ham-a hehna,


muhdahna tawh mite mai khing gawp hi. Ahih hangin khatpa mai bang 

mah liim in a liah kei hi. Thah thuak dingpa mai suah leh lungsim buai 

hetloh in a Topa hong ompihna bek a kilang sak zaw hi. 

Ama tuan’na leng ginalote, a bawlsiate mai gum mitsitnate, leh 

mulkim huai-a siding ahihna te ngaih sun in aphawk kha man het kei hi. 

Sihna pan a hingkik, Hell kong honna tawhtang a kem, anungta tawntung 

pa a kiang ah om cih bek a phawk hi. Berquin mai suah pen vantung 

vanglian leh lungmuanna tawh a taang hi. Puan hoih a tee dial-dial, ‘ a 

lum a neel, a sah(velvet), satin-damask kici te khat a silh hi.’ – 

D’Aubigne, History of the Reformationb in the Time of Calvin, b. 2, 

ch. 16. Amah pen kumnpite’ Kumpipa mai-a a upna kisittel ding hi a, 

leitung vantung buppi mai ah teci pang ding ahih mah bangin ama 

lungdamna pen dahna in meel hem sak lo in, dah lim ki mu lo hi. 

Kongzing teng mi dim hi. Tua lak nawk in dam dam in ki pai pih 

hi. Mite in a maisuah mial hetlo in zawhna lungdamna tawh kidim zaw 

cih mu in lamdang asa mahmah uh hi. A maute in, ‘Amah pen biak inn 

sunga tu-a thu siangtho lungngai ( ngaihsun) tawh ki bang thong hi lo 

hiam?’ ci uh hi.—Wylie, b. 13, ch.9. 

Kihaalna khuam phung panin Berquin in mipi zak dingin thu 

tawm a gen hi. A hih hang in phungzite in thu buai piang kha ding lau 

uh ahih manin galkapte in a gaal hiamte uh tatging sak in, khut beeng 

in a buai gawp sak uh hi. Tua ahih manin thahna thuak dingpa’ aw 

kizazo nawnlo hi. Tua bangin Paris a laisiam pen leh biakna makai 

lian pen te in ‘1793 kum cianga thahna thuak dingte’ sihkuan thuvaikhakna 

kammal siangtho te mukpik san na ding thu khat 1529 kum 

in ana koih uh hi’—Ibid. 

Berquin pen ki gawlmeek in meitawh ki haal hi. Tua thu ki 

thanga, France gam bup-a puahpha a lawmte in ama sihna hang in a dah 

uh hi. Ahih hangin ama lah sa limte maimang ngei nawn lo hi. (219) 

Thumaan teci pangte in Eite zong tua sihna te lungdam taka thau ding


in ih kiging khin zo hi. Ih mit in hong tung ding nuntakna bek ih mit 

suan hi” ci uh hi.—D’Aubigne, b. 2, ch. 16. 

Meaux-a bawlsiatn a laan’ sung teng puahphatna thu ahilh siate 

a thu hilhna letmat te uh ki sut khia ahih man in, mun dang ah a pai khia 

uh hi. Lefevre zong tawl khat sung Germany ah a va pai hi. France 

nisuahna lam gam, a pianna khua ah ah Farel hong ciah in khuavak 

hong theh khia hi. Meauz khua-a thu piangte na ki za khin a, thu ngai 

nuam mi na tam ahih manin a man zong hangsantak in thuman gen in 

teci a pang hi. A sawt lo-in thuneite in amah gam daai sak nuam in, 

khuapi pan in a nawh khia uh hi. 

Mipi mai ah thu a hilh theih nawn loh hangin zanglei khua te ah 

zin kawi kawi in mi inn sung te peuh, gamlak mun daai te peuh ah ahilh 

hi. Gammang tulak, suang kawm kaw-hawm te peuh beel in a neu lai-a 

a gamvak vakna munluite peuh a beel hi. Pasian in anasia zaw sittelna 

thuak ding in a pia hi. “Satan’ tukalhna, bawlsiatna, zialgawpnate hong 

ki hilh khol zah kiam het lo in ka thuak theih zah sang a nasia zaw ka 

thuak hi. Ahih hangin Pasian in ka Pa hi den a, Amah in ka tangsapte a 

hong pia zel hi. Ka tangsap thahatna zong hong pia den ding hi.” ci 

hi.—Ibid., b. 12, ch. 9. 

Sawltakte hun lai mah bangin bawlsiatna in Lungdamnathu a 

khangsak zaw”ahi hi. Philip 1:12. Paris leh Meauz pan a ki hawlkhiat 

uh ciangin “a ki thehthang mit e pai kawi kawi in thu a hilh uh hi.” 

Sawl. 8:4. Tua bangin France gam mun citeng ah thumaan lut kawi 

kawi zaw hi. 

Pasian in Ama nasepna a theh khia dingin nasem ding mite a na 

ki gingsak lawikawi hi. Paris-a sang khat ah khangno thudam, thu 

ngaihsun thei, lungsim picing in a khua muJohn Calvin kici mi khat a 

om hi. Amah kawk bang lo in nuntak zia ah lungpilna leh biakna kin in 

aki mu hi. A pianpih pilna leh a pilna a zat dan pen College in a angtan 

pih hi. John Calvin in pawlpi a huu mi muan huai pen khat suak thei


(220) ding hi ci in ki lam en hi. Ahih hangin Pasian kiang pan-a khuavaak 

taangin amah a khumcip pilna leh khanglui-thuciin-upna kawmdal pailetin 

Calvin ava mukhia hi. Amah in upna thak thu pen ciliing liang mah in 

a zak ciangin cik zialo in mei tawh haallupna a thuakte in athuak lel 

ding mah hi ci-in amu hi. Tua bang laitakin, kiging khollo pi in, upna 

pialte khat tawh ki talsik ahih manin Romete upna leh Protestantte upna 

khaikaak in sittel ding hong kul hi. 

Puahphate tawh a ki pawl Calvin’ inn lak sanggamte khat Paris 

ah a om hi. A behta unkimu in Khristian a buaisak den thute a kikhum 

zel uh hi. Protestan ahi Oliveton in leitung ah biakna nam nih a om a, 

tua biakna pawl khat pen mihing phuah tawm, ama gamtat hoihna 

thaman tawh hotna a zong ahi hi. A khat pen bel Laisiangtho thu a om 

banga Pasian piak khong hehpihna bek muanga hotna a lam ente ahi 

uh hi” a ci hi. 

Calvin in, “Na upna thakte bel ke’n hong sang zo kei ning. Ka 

nuntak sung tawntung khialhna sunga nungta a hong sa hi ve teh maw?” 

a ci hi.—Wylie, b. 13, ch. 7. 

Ahih hangin a lungsim sung ah a ngaihsutna hong khanghlo in 

tua thute a mangngilh zo kei hi. Alupna inn deisung ah amahkia in a 

sanggampa kammal pen a ngaih sunsun hi. A mawhnate phawk tel in 

thutang taka a khen Topa mai ah palai neilo-a om ahih lam a ki phawk 

hi. Mi siangthote ma suan ding cih thute, thupha bawl ding cihte, leh 

pawlpi zeh tuam tuamte lel in mawhna pan hotkhiatna pia ding in 

vaangnei lo hi cih thu hong man khia thei hi. A mai ah tawntung mai 

man nading lungkiat huai thu khat longal adang bang mah omlo ahih 

na hong mu thei hi. Tua a lungkiatna te bei thei nadingin pawlpi 

sunga Doctorte a ahanciam uh hangin a bang mah a lawh zo kei uh hi. 

Ki pulaaknate, ei le ei kigawt bawlnate, a ki pan khiatna neilo tua 

bang gamtatnate in Pasian kiangah khaate lem kik zolo hi cih hong 

mu khia hi.


Tua gah neilo ki thasaanate ngaih sunsun in a om laitak in Calvin 

in mipi umm cih upna pialte ki haalna a va mu kha hi. Tua a ki haal 

mipa maisuah in lung muang tak in a omlam a dawksak hiau mawk hi. 

Tua a muh ciangin lam dang hong sa sawn sawn hi. Tua a lipkhap huai 

bawlsiat leh sih nadinga pawlpi thukhenna a omsa kawm pan mah in, 

pawlpi thu zuihna hanga haksa pi leh genthei lungziinga a a nuntak 

zia tawh aki leh bulh ding in tua sangnaupangpa in a upna leh a haan 

ahong lak khia h. 221 Tua thu nial a cih te uh pen Laisiangtho a len 

cin ten te hi zaw mawh uh hi cih a thei hi. Ama’n zong tua Laisiangtho 

sim a a maute ngah lung damna pen ngah ve ding hanciam nopna 

lungsim hong khen tat hi. 

Laisiangtho sung panin Khrish hong mu khia hi. “Pa aw, Ama 

kigawhna in Nang hehna hong dam sak a A sisan in ka siantho lohna te 

a sawp khia hi. Ama singlamteh in kei thuak ding samsianate thuak a, 

Ama sihna in kei hong tan khia hi. Kote in ki man’na neilo zuaupi teng 

tawh kong hanciam kha uh a, ahih hangin Nangmah in na thumaan ka 

mai ah meivak bangin nong det hi. Ka lungsim nong lawnga, Jesuh lo 

ngal in a siansak theih loh nitnate na hong mu sak hi” ci in a kap hi. 

Martyn, vol. 3, ch. 13. 

Calvin in phungzi suah nading pilna ngah khin hi. Kum 12 a 

phak lim phetin pawlpi neu khat uk ding in a ki teel ngei hi-a, ama lu 

pen bishopte metsak den sa, pawlpi ngeina zui-a kizem sa ahi hi. Phungzi 

dinga aapna kinei nailo ahih hang in biakna na asem khat hi khin zo ta 

hi. Ama din mun ding leh zum zong nei in khasum a kituak zah zong 

asang khin ahi hi. 

Tu in phungzi suah ding pen ngaihsun thei nawnlo ahih manin 

hun khat sung Law(upadi) lam hong sin hi. A hih hangin tua pen nusia 

ve ve in atawpna ah Lungdamnathu na seem ding in hong ki pum piak 

hi. Ahih hangin mipi mai-a hilh ding pen hong ki uai-kaai sak pian hi. 

Amah pen pianpih lungsim ah a meidawi leh a mulkim thei mi ahih tei


hangin a pan mun a zawh nadingin akuhkal thei mi ahi hi. Lai sim beh 

lai ding zong a ut hi. A lawmte in a kut kut uh ciangin atawpna ah hong 

thukim a, “A pat ciil dinmun a niam mah mah khat ki laamto ding cih 

pen lam dang mah mah hi” a ci hi.—Wylie, b. 13, ch. 9. 

Dai takin nasep hong kipan hi. A kammalte in leitung anel sak 

daaitui tawh ki bang hi. Paris khua a nusia hi. Lungdamnathu a it, 

gam meeng khat-a kumpineu asem Margaret kepna khua khat ah hong 

om hi. Tua nu in thuzui mite a na hu den hi. Calvin pen khangmoi lai 

a, thuman in, ki neih tawm ngeilo hi. Mite inn phual ah va hawh in a 

nasep a pan hi. Innkuante in kiim uum uh a, amah in Laisiangtho lem 

in hotna thute a sim khia hi. Thu za mite in thu manphate pua sawn in 

midangte kiang a tun uh hi. Tua pan in mun dang khuapi khua neute 

dong in a zeel hi. Ukpi innte a ki pan haampheng sungte dongin lut 

kawi kawi thei a, thuman teci pang dinga kipia dingin pawlpi a va 

phut kawi kawi hi. 

Kha tawm khat khit ciangin Paris a hong tung kik hi. Tua lai ah 

laisiamte mipilte lak ah a neihngei loh uh kinialna a hong om hi. Tanglai 

paute a sin uh ciangin tua in Laisiangtho ah lut pih pahpah hi. Tua 

thuman in a lawn loh mite tawh ki nialna nasia tak in hong om zel hi. 

Romete’ gualzawh tuhna hangin kidona nangawn hong om hi. Calvin in 

theology lam ah kinialna te a siam mah mah ahih hangin hih a buai 

sangpi-a mite tawh kikup ding sangin a thupi zaw nasep a nei hi. A 

maute lungsim kilok a, thuman lut thei ding hong hi ta hi. College sangpi 

inn dei golpipi pen thu upna kinialna leh buaina tawh ki dim a a om 

laitak in Calvin in khuata te ah inn khat pan inn khat ah lut in mite 

laisiangtho sin pih in Khrish le a kikhailum pa thu a gen pih hi. 

Pasian vaihawmsakna tawh Paris in Lungdamna thu a ngah theih 

nading lampi dang khat hong om hi. Lefever leh Farel kuutnate kinolh 

ahih hangin tua khua pi in thuman a zak theih nading dang khat hong 

om lai hi. Kumpipa in leitung ukna vai ah Romete leh Puahphate a kua


lam lang gup nei tuan nailo hi. Margaret in Protestan lam pang ah zawhna 

a om nadingin France gam sung teng lamen in len veuvau hi. Amah in 

Paris khuapi sungah puahphatna thu kihilh leh a deih hi. Kumpipa omloh 

kal in amah in Protestan siate khat vaikhak in khuapi sunga biakinnteah 

puahphatna upna a hilh kawi kawi sak hi. Pope pawltein kham uh a, 

tua ciangin mang inn hong khia in kumpinu a lut sak uh hi. Inn dei khat 

pen seh khia in kikhopna inn dingin zangh uh a, nisial in tua hun in thu 

kihilhna om ding hi ci in deidan omlo in mi khempeuh hong pai in thu 

ngai ding in za sak zelzel uh hi. Tua hunzatna ah mite hong dim den 

hi.223 Biakpiakna inn dei bek hi lo in innpua lam a deipi sung zong mi 

a dim lai hi. Nisial in a tul lomlom in hong pai uh hi. Miliante, ukpite, 

Upadi siamte, sumbukte leh khutsiamte hong ki hel ciat uh hi. Kumpipa 

in mipi a kham sang sik in Paris khua sung a Biak innpi nih hon beh lai 

dingin thu a pia hi. Ni dang in khuapi sung pen Pasianthu in tua zah in 

lok ngei nai lo hi. Vantung pana nuntakna huih mite in diik kha uh hi leh 

a kilawm phial hi. Ahih hangin pawlpi ukte na ihmu mawk lo zel uh hi. 

Kumpipa in lah thuhilhna khawl sak ding in dal tan nuam nailo mawk 

ahih manin mipi lam ah a ki heei uh hi. Mipi te thuciinte leh laitheilo te 

phut tentan a om a muh uh ciang in kigimneih kholh na leh lauthawng 

sakna zangin a septheih khem peuh tawh mipi a buaisak ding in aki pan 

uh hi. Tanglai Jerusalem mah bangin Paris khua in zong a zuauthu hilh 

siate uh tungah ki mot ap uh hi. A maute nopsakna a pia pa phawkloh 

man-n daan a thuak ding uh lam zong a seh kha kei uh hi. Khuapi sung 

ah kum nih sung thu ki hilh a, tua sung in Lungdamna thu a saang mi 

tampi mah a om tei hang in a tam zaw mah in a nial ve ve uh hi. Francis 

in lah, biakna ki thuaklana omsaklo tei na pi in, ama nasep ding teng a 

sem lel hi. Pope pawlte-in nidanga a bawl den ngeisa bang mah in biak 

innte kalh cip in ki haal tumna khuamte a phut kik uh hi. 

Calvin pen Paris ah om lai a, mai lam khuavak theh khiatna nasep 

nading in kigingin, lai sim in thu ngen in a lungngai-ngai hi. A tawpna 

ah amah pen muan lahna lungsim in a gak cip hi. Thuneite in amah


haltum ding in a seh uh hi. Lungmuang a om laitak in, hu sam liangin, a 

lawmte hong taai in a inn dei sungah hong lut uh hi. Athu teng a hong 

gen uh ciang in amah man dingin bute hong pai uh hi cih a gen uh hi. 

Tua laitak in kongkhak pua nung nakpi in hong ki kiu hi. Tai mang ding 

hun om nawnlo ahih manin a lawmte pawl khat in mi man ding bute 

kong khak ah a na tuan tual sak uh hi. Tua sung in a taikhiat theih 

nading in a lawmte in kong vangneu pan in amah khia suk uh in, khua pi 

pua lam dongin a taai suak sak uh hi. Puahphtna a a lawmte bukno khat 

sungah a bu hi. Ama pawlte kizep bang in kizem zel lel in, tupek khat 

liang puak in Leitaw lam ma nawh in a zin suak lel hi. Margaret ukna 

gam a va bel hi.—D’Aubigne, “History of the Reformation in the Time 

of Calvin, b. 2, ch 30. 

Hih lai ah kha tawmkha sung a om hi. A lawm hoih khat kepna 

tawh lai peuh a sim sim lel hi. Ahih hangin France gamsung tengah thu 

hilh nuam lua ahih manin naseem lo in sawt veipi a om cip thei kei hi. 

Tua thusia teng hong ven’ phet leh University zong a omna, Poitiers 

gam thak ah a va pai hi. Tua munthak ah Lungdamnathu a za nuam gam 

a va mu hi. Mi khempeuh, a lian a neu ci lo, in Lungdamnathu za nuam 

in a ngai uh hi. Mipi mai-a thuhilhna omlo a, ahih hangin ama zintun’na 

ahi Menzipa inn leh, khat vei vei, kumpi huan sungah Calvin in 

Laisiangtho lem in a tawntung nuntakna thu ahilh mite in a ngai uh hi. 

Thu ngai mi hong ki beh lap in tawl khat khit ciang in Calvin in khuapi 

pua lam-a kikhop ding lung muan om zaw hong sa hi. Kuam kaw-cik 

thuk sunga sing hiangte leh suang zum kaai sukte in a liahna kawhawm 

mun khat ki khopna mun ding in a teel uh hi. Mihon no no in khuapi pan 

pai khia uh a, lam tuam ciat tawn in, tua lai ah aki tuah uh hi. Hih mun 

daai ah Laisiangthote simin a ki hilh uh hi. Hih lai mah ah France 

Protestantte in nek khawm bawlna masa a nei uh hi. Hih pawlpi neu in 

thuhilh ding siate a puak khia uh hi. 

Calvin in khat vei Paris va pha kik hi. France gam in puahphatna 

thu saang ding a lam etna bei nailo hi. A hih hangin nasep theihna lampi


khempeuh phial a ki khak hi. Lungdamna thu hilh peuh leng meihaalna 

khuamphung zuat a kul ahi hi. A tawpna ah Germany gam zuat a sawm 

hi. France gam nusia theilo kha zenzen hi leh France gam Protestante 

kithahna ah a ki helkha ding a hi zen hi. 

French puahphatein Germany leh Switzerland gamte mah bangin 

amau gam ah zong a minam bup in hang san tak in ding khia in Romete 

thuciinte phiat khia leh a deih mah mah uh hi. Mawh pulaakna tawh 

kisai laidal France gam sung mun khem peuh ah zankhat thu in khuam 

tung leh kawm tung teng dim in a ki suang hi. Hih thu in puahphatna 

thu mai a nawt sak gen loh in thukhenna gilo a tung sak hi. A na semte 

bek hi nawn lo in tua puahphate’ meeltheih khempeuh dong suksiatna 

dingin France gam bup a lawh sak hi. Tua in Romete lung gulh mah 

mah den tatsiatna hong piang khia sak zaw hi. A kha lau den a thupial 

peuhmah suk siat ding a ngen den te in kumpi tokhom kip nading leh a 

gam gal muanna piang sak ding cih paulap den uh ahih man in a ngente 

deihna a tun nadingin kong a hong khia hong suak zaw mawk hi. 

Tual hiam gaal hiam akithei zolo khut khat in kumpipa omna inn 

dei kongpi tungah tua laidalte a va suang se zen hi. Kumpipa ahong 

lung kham hi. Hih lai dal sung ah khang tawntunga kizahtakte siit hetlo 

a, lang panna a ki gelh hi. Hih a bawl huailo hang sanna Kumpipa mai a 

hong ki lah ciangin Kumpipa a heh sak hi. Amah in tawm vei sung 

paulo in ciliingsa in en in lamdang asa hi. Heh sa in kam hong pau khia 

a, “Luther pawl ahi a, ahi kei zongin a vekpi in man khia dih un. Avekpi 

in ka vat mai ding hi” a ci hi.—D’Aubigne, b. 4, ch 10. Ai ki saan ta hi. 

Kumpipa in Rome lam ah pangin a koppih ta hi. 

Paris khua sung a Luther pawlte khempeuh mat ding thu a ki 

bawl pah hi. Khut siam mizawng, puahphatna thu a um, a kikhop simna 

uha thu umte a zawnzel khat kiman in ki haalna khuam tung ah that 

pah ding in a tawng uh hi. Khuapi sunga Protestant inn teng ah papa 

sawltakte a pai pih kawi kawi ding in a ki sawl hi. Amah in vaihawmna


hoih lo te a theih ciangin lau in ton cip kik pian hi. Ahih hangin meikuang 

kihtaakna in a lawmte teng heekpa a suak sak hi. Mipi pai masa in a 

kizom deet-daat in siampite, mei haal bung tawite, phungzite leh galkapte 

in um cih sa in Morin kici kumpite thukanpa, tua miheekpa tawh dam 

dam in khuapi kong zingte ah a pai uh hi.”Siangtho pumpi” zahtakna 

lim lahna a ki bawl Mass pen thunial te in amin a daisak uh a siansuah 

kik nading paulap in a bawl uh hi. A sung thu alau huai lua ahi hi. 

Luther pawlte khat’ inn-gal a tun’ uh ciangin bang mah thu genlo pi-in 

tua mi heekpa in lim lahna khat a nei hi. Tua a kigual-a pai ngeetngaatte 

khawl uh hi. Tua inn sung va lut uh a, 226 inn kuante kaikhia in 

sik khau tawh a khih uh hi. A kihtak huai mihonte ding in a pai leu leu 

uh hi. Amaute in inn khat beek siit lo in a neu alian, collegete leh 

universiti nangawn dongah alut uh hi. Paris khua sung khempeuh Morin 

in a liing sak hi. Tua pen ukna lipkhap huai hun ahi hi”—D’Aubigne, 

History of the Reformation in the Time of Calvin, b. 4, ch. 10. 

A thuakte pen a gilo pen pen bawlsiatna tawh a si uh hi. A thuak 

mite in sawt veipi a gim siat theih nading in a meikuangte a ki nak 

kuansak lua lo ding in thu aki pia hi. A hih hangin amaute in zawhna 

tawh a si uh hi. Amaute kipna kilok zo tuan lo hi. Pasian a muanna uh 

kiam tuanlo hi. A bawlsia mite in tua kipnate mu in amau mah in lel a 

kisa zaw ve ve mai uh hi. “Mi haalna taute Paris khua sung teng hawm 

kimsak dil dial uh hi. A mau sih dan a lipkhap huaina hang in thulampialte 

hih ding a ki ut loh nading deih na in ni tampi kizom in a kuang thei 

ding in a bawl uh hi. A tawpna ah Lungdamnathu om lai a meetna a 

ngah ve ve hi. Hih bang lungsim puak in koi ci bangin mihing hong 

khan suah ding cih Paris khua bup in amu thei uh hi. Thahna thuakte ki 

ciang vetvat hi. Tua zaha mui bun thuhilhna pulpit dang omlo hi. Hih 

mite in tua kithahna mun ah a lungdamna tawh maitai zaw mawk uh 

ahih man in, meikhuang laizang ah hangtak in a ding ngam uh hi. A 

maute a liam sak mite’ mawhna mai sak zo ding in lungnem ve ve lai 

hiau mawk uh hi. Hehnate hehpihna tawh, muhdahnate itna tawh a


kikheel zaw ta hi. Tua manin Lungdamnathu a lunggulhna uh dal zawh 

loh in hong uang zaw sem hi.—Wylie, b. 13, ch.20. 

Siampite heh in Protestantte lang pan nading a lip khap huai 

thei pen pen mawh siatna lai hawm khia zel uh hi. Amaute in Katolik te 

a lom a tangh in that ding , kumpi gam lumlet ding, kumpipa nangawn 

that ding ci uh hi cih in a lawt uh hi. Tua a lawtna te uh maan hi cih 

theih nading neng cik khat zong om lo hi napi hih a gen kholh uh thusiate 

a hong taang tung ding lim in hong dawk hi. Thu tuam tuam tawh 

upmawh loh dingin a leh lam lam pan sepna khawng a zangh uh hi. 

Mawh neilo Protestant te tunga Katolikte gitlohna te a thuk kik nading 

guu a khol khol suak uha, kum zalom tampi pek pan a a kigen khol khol 

kumpipa mah mah leh a gam alei leh a ukna dongin ki susia ding a ki ci 

pen Lawkite leh pope pawlte kikop in hong sem uh ahi hi. Hih thu pen 

Protestant te hang hi lo in aki gawi cipna hang in tua zawh kum 30 

ciang in France gam ah lipkhap huai zah in hong tung phing a hi zaw hi. 

Ki muan mawhna, lung hiang neihna, leh launa te mite lakah a 

dim hi. Taangpi patauhna lah ah Luther pawlte hilh thu in mipil pen, mi 

vang nei pen leh nuntak hoih pen te lungsim bang zah in na bun hiam 

cih a ki mu hi. Nasepna zalian mun thupipite theih kholh loh loh in 

awng vat zel hi. Khutsiamte, laikhente, laisiamte, universiti-a siapite, 

laibu gelhte, leh zumpi ukte nangawn a omna meel kitheilo in mang diil 

deel zel thei hi. Paris pan in a zalom in taimang uh a, amau le amau thu 

in a pianna gam uh a nusia uh hi. Tua te pen bang hang hiam ci in a 

kidot ciangin a lam tuam tuam tawh kisai in Puahphatna upna a neih 

hang uh ana hi zel hi. Papistte in amaute thulampial dinga a ngaihsun 

het lo uh ahih man-a bang mah ki lawh lo-a om om te na hi zel uh hi. 

Tua ciangin ahehna uh hong so hi. Tua hehna pen mipi tungah tu sak 

mawk uh a, mi nautang teng in a thuak lawh uh hi. Lungdamnathu umte 

haal nading a kitawh meikhu in huih lak teng a mial sak hi. Thong innte 

zong a dim leet hi.


Francis Khatna pa pen kum zalom 16 kipat cil a hong thang khia 

pilsina lam ah ang tan pih cing makai minthang khat ahi hi. Ama huang 

sungah gam tuam tuam pana mipil teng kaih khop khawng nuam asa mi ahi 

hi. Pilna a deihna leh bang mah thei lo phungzite a sim mawhna mah in 

zong tua puahphatna thu dal lo in a khah hiit hiat sak hi. Ahih hangin 

thulam pialte siak siang nading hanciamna tawh hih pilna paakta pa in France 

gam buppi lai ki khen khempeuh siak mai nading thu a pia khia leu leu hi. 

Tua lai ah Francis 1 na pa in thuciamtehna tampite lak pan in khat hong lak 

khia hi. Khuak pilna bek in biakna kisuksiat sak loh nading leh bawlsiatna 

te daal zolo hi cih a hong dawk sak pa a suak hi. 

France pen a mulkim huai mipi nasepna tawh Protestan hihna a 

susia gam khat a suak hi. Mass a ki mawhsiat pen vantung simmawhna 

suak ahih manin, kumpi pa in mipi aitangin mihompi mai ah sisan tawh 

mawh sut ding a, mipite in zong lampialte suksiat nading nasep ah aki 

hel hamtang na ding un kumpi pa in sawl ta hen ci in siampite in 

hamtangpi in a gen uh hi. 

1535 kum January 21 ni pen tua nasepna ni ding in a ki seh hi. 

Thuciin te kih taakna leh ki pum muhdahna hang in a mi nam bup a tho 

hi. Paris khua sung teng a kiim gam pana hong pai mite tawh a dim hi. 

Tua ni pen mi honpi lam pai khawmna in ki zang ding ahi hi. Lampi 

dunga innte lah dahna kahna puante kikhaai in a hoih bek ciang khat ah 

biakna tau khatta a ki phut kawi kawi hi. Inn kongkhakte mai ah, 

“siangtho pumpi” zahtaakna mei ki tang sak hi. Khua a vaak siang ma 

in a vak ding teng ki kaikhawm in, kumpi huang sung a tung kim uh hi. 

“Amasa in biakna sia khawk uk tuam tuamte dial khaite leh singlamteh 

te hong ki paipih hi. Tua banah mipi in zomin nihta maikim in, meidee 

in a pai uh hi”. Phungzi namlite in a kizepna uh a tuam tuam ciat tawh 

hong zui uh hi. Tua zom in tang-van(relics) tampi pua te in hong zui uh 

hi. Tuate nungah thuhilh mangte sakol tuang sa-in hong ki zui uh a, a 

puante uh a sandup, au-san, leh suangmanpha tawh kizem in, nasia tak 

in tee-ziahzuah sa in, a hong zui uh hi.


“Siangtho moh pen kumpi neu lite dom puan buuk nuai ah Paris 

bishop pa in a hong pai pih hi. A nungah kumpipa in khe pai in a zui hi.” 

Kumpipa Francis Khatna in tua ni in a kumpi lukhu khu lo hi. Gam 

ukna puan zong silh lo” “A lu ah bang mah khulo in amit in lei lak bek 

en a, a khut ah khuai meivak banga det theih khat tawi” sa in “kisik 

meel tawh” a zui hi.—Wylie, b.13, ch. 21. Biakna tau a om geih zelte 

kiang ah tun ciangin kiniam khiatna tawh a lu kuun in zahtaakna apia 

zel hi. Ama gamtat siatna hang leh a khut in mawh neilo sisan a luan 

saknate hang hi zaw lo in, mite in siangtho pumpi a kawkna mawhna 

hang a tua bang in a thum ahi hi. Ama nung ah kumpinu leh gam uliante 

nihta, maikim in meivak tawisa in a zui uh hi. 

Tua ni a nasepna hun sung khat ah Bishop innpi sungah kumpipa 

in a gam sung uliante mai ah thu genna a nei hi. Dah meel pua sa in kah 

aw tawh, “thusia pian ni Pasian gensiatni, dah le kah ni” i mi nam tung 

ah hong tung hi, ci in kumpi vaihawm khempeuh in France gam ki siatna 

hong tun thulampial buaina i siak siang zawh nadingin hong huh un ci 

in a zawn hi.”Lawmte aw, kei mah in na kumpi uh ka hih a man hi. Ka 

pumtung nate khat peuh in kawk baangin, kihhuai muatna in a suk khak 

leh na sat tan ding un kong pia khia ding hi....Thamlo in ka tate khat 

peuh in zong tua bang ahih leh ka hing khawi kei ding hi...Ka la dinga 

Pasian mai ah ka go ding hi” ci hi. A awk tawng in a naak ngek na in 

pau theilo a, a ki khawm mite khempeuh a kap uh hi. A ki tuak in awng 

khia uh a, “Eite in i si-a , ih hing zongin Katolik biakna ading ih hi ding 

hi!” ci huan uh hi.—D’Augbine, b. 4, ch 12. 

Thuman khuavaak a nial minam bupte tunga khuamial pen kihtak 

huai mah mah hi. “Hotkhiatna hong puak hehpihna” hong tung hi. France 

gamin a vaang leh a sianthona mukhin hi. Siangtho-a a etlawmna in mi tul 

tampi huup khin hi. A khuavaak in zong khuapi khua neu taan khin napi 

khuavaak sang in khua ziing mah a teel zaw veve uh hi. Amaute ading a ki 

pia vantung letsong pen a nolh uh hi. A sia pen a pha ci uh a, a pha na te a 

sia hi ci uh hi. A kisiat khit dong un amau le amau a ki khem uh hi. Pasian


naseem in ki tuat in Pasian mite bawlsia uh hi. Ahih hangin amau cihtakna 

in mawh peng sak tuan lo hi. Khemna pan a suahtak nading uh leh sisan 

luansak mawhna pan a pau baan loh nading un khua vaak ki pia napi, 

ngiim-ngiim tang hial in, amau mah in a nolh uh hi. 

Phungzi biak innpi sungah thulampialna te phiat siang nading 

kiciamna a nei uh hi. Tua zawh kum 300 ciangin tua mun mah ah a 

nungta Pasian khekna in aminam bup pasian ding un Thumuhna pen 

pasian bang in a tu sak uh hi. Ki zuih deu-dau na mah bawl kik uh a, a 

ki ciamna omsa bang mah in France gam Sawltak tuam tuam te in sem 

ding in ki pan uh hi. “Saupi ki gamla lo in kihaalna tau khat ta a na om 

zel hi. Tuate tungah hing haal ding a sehsa uh Protestantte ana om zel 

hi. A kizui-a pai te in a kiang uh a nawk uh ciang in khawl phot in a 

kihaalte sihna mu ding in a en ta dih phot ding uh hi ci in a vai hawm uh 

hi. –Wylie, b. 13, ch. 21. Aki bawlsiat dan kam tawh gen theih loh zah 

in a lipkhap huai thei pen ding in a bawl uh hangin Khrish ading a thuak 

tecipangte in neng khat zong hoi bek lo in a thuak lel uh hi. Tawkik 

ding in a ki kut-kut laitak in khat pa in a dawn na ah “Kei mah in 

kamsangte lelh sawltakte hilhsa thute leh misiangtho ahi pe-peuhte upna 

bang ciang bek a um ka hi hi. Ka up ka muan Pasian in Hell vangliatna 

khempeuh dal ding hi” a ci hi.—D’Augbine, b. 4, ch.12. (230) 

Tua a kizui deet-daatte in bawlsiatna thuakte omna phual a tun 

sial-un khawl zel in, a thuak zia te uh en zel uh hi. A kipat khiatna mun 

kumpi huang sung a tun kik uh ciangin mipi pen ki khen thaang in 

kumpipa leh pope-thusapa zong tawlnga hi. Tua ni nasep pen lung kim 

mah mah uh a, thulampial phiat siang ding nesep kipan takpi ta hi ci in 

amau teng mah a ki pahtawi uh hi. 

Gal muan lemna a hong pia Lungdamna thu pen France in zung 

bawh siang ding sawm uh ahih manin tua in buaina hong tun’ ding hi 

bek hi. France in puahphate a bawlsiat kipatna kum 258 a phakna 1793 

January 21 ni in, in mihonpi pai deu-dau na ding khat hong om sak leu


uh hi. Ngimna tuam vilvel khat nei in khua sung lam zing teng a zui uh 

hi. “Tua tungtang in zong kumpipa mah a vai hawm pi ahi hi. Tua tungin 

zong gamlumna leh buaina om kik in, a thuak mi tam zaw lai-a, a 

otkeekna uh leh a kahna aw te uh ki za hi. Ki haalna taute mah dawh 

kik uh a, tua ni in a lipkhap huai sihna tawh ni tum khawm hi. Thong a 

khia mite leh a gawt bawlte tawh tha tang zangh in kipek ahih man in 

Loius 16na pa kaai khia in, a tawl pan in gapcip in hei tawh a sat uh hi. 

A ngawng tan in kihaalna tau tungah a lutang a khuuk uh hi.”—Wylie, 

b. 13, ch. 21. Kumpipa bek a thuak hi loin a kiang nai tual ah mihing 

2800 te in sisan kisuahna hu ahi Ukna Gilo nawk in ngawng tanna setpi 

tawh alu tang uh a ki tan hi. 

Puahphatna in leitung bup ading in Laisiangtho hongin, a ki sincip 

Pasian Thukham teng pholaak in mite lungsim ah thuman a guan hi. 

Mongneilo itna in mite kiang ah vantung thukhunte a lak khia hi. Pasian 

in hong gen na ah, “Tua thute zui unla sem un; Bang hang hiam cih leh 

hih thukham te khempeuh azak uh ciangin, ‘Hih minam liante pen a pil, 

thu thei mi tak tak hi’ aci ding uh mite’ muhna ah hih thu in nomau 

pilna leh nomau thu theihna hi ding hi.” Thuhilhkikna 4:6. France gam 

in vantung thugil a nolh uh ciangin kisiatna leh ki-ukna gilo adingin 

khaici a vawh uh a suak hi. A ki leen kik zolo Lumlet Gaal leh Ukna 

Gilo in na hong sem a hi hi. 

Laisiamte in bawlsiatna hong thawh khiat sak ma sawtpi lai in 

ahaang a tha nuam Farel pen ama pianna gam panin pai khiat tei tei 

hong kul ta hi. Switzerland gam ah pai in ama nasepna in Zwingle 

nasepna ahuh hi. Puahphatna picing hong suak sak uh hi. Tua baan siah 

a hun te tua lai ah zangh a, France gam zong a huzaap in a zelh veve 

nading a hanciam hi. Ama taikhiat khit tuung lai kumte in ama gam lam 

mah a Lungdamna thu ki zelh theih nading a hanciam hi. A hunkhop 

khat mah gamgi gei-a ama mite lak ah thu a hilh hi. Kinialna te gimlo 

tawllo leh cimtak lo in vil in, hansuahna leh lamlahna tawh thu a hilh hi. 

A taikhia a lawm dangte in zong ahuh uh hi. Germany gam a puahphapa


laite France pau in teikhia uh a, French Laisiagtho tawh tampi mah a 

khen khia uh hi. Laibu zuakte in Frence gam thukpi mah bun in a va 

zuak uh hi. Laibu zuakte kiang ah man niam no no in pia uha, a meet 

tawmno teng tawh nasep a zom thei uh hi. 

Farel in Switzerland ah saang sia sem ki neih in a nasepna a zom 

thei hi. Sia khawk khat ah kua ma phawk loh in naupangte lai a hilh hi. 

A lai hilhte baan ah Laisiangtho thumaan zong hilh khawm zel ahih man 

in naupangte tung tawn in anu apa te uh a lawh theih nading a lam en 

hi. Mi kimkhat a thu um zong hong om sam napi siampite in a nasep a 

dongkhak theih nading un hong kalsuan leu leu uh hi. Thuciin lelte uum 

in a lungkim thei gam mite in ama thuhilh langpan ding in helhhawt uh 

a, a hong tho khia ta uh hi. Siampi te in “tua thu i hilh ciangin kilemna 

piang sak lo in kidona pusuah zaw ahih manin Khrish Lungdamnathu hi 

lo ding hi,” ci uh hi.—Wylie, b. 14, ch. 3. Nungzuipi masa te mah bangin 

khua khat ah bawlsiatna a thuak ciangin khua dang khat ah a taai hi. 

Khua neu khat pan khua neu khat, khua pi khat pan khuapi khatah khe 

tawh pai in khual zin kawi kawi in gilkial dang dak leh khuadam thuak 

in mun ci teng ah nuntakna haksa a phu kawi kawi hi. Vanzuakna mun 

khawng, biakinn sung khawng leh khat vei vei biakinn lianpi te sung 

khawng ah zong thu a hilh hi. Khat vei vei ama thugente zahpihna tawh 

ki otsan in biak inn te hong hawm suak thei hi. Thamlo in pulpit pan 

huai sia taka a ki kaih khiat hun zong a om hi. Mi honpi buai gawp in 

amah na ki sat gawp ahih manin a sih dek dekna zong a om zel hi. Ahih 

hangin mai a nawt veve hi. A ki thal sawn zel hangin lung kia loin nawk 

(232) tei tei a, tua a kibawlsiatna munte mah va sim kik zel hi. Tua 

bang in a lut ciangin popete’ thu-upna tawh a bulkipsa munte ngawn ah 

Lungdamna thu a ding in a kong uh a na hong khuapi khat pan khat, 

mun khat khit mun khat ah a mu kawi kawi hi. Ama kipat sat cilna sia 

khawkte in zong Puahphatna upna a saang uh hi. Morat leh Neuchatel 

khuapi te in zong pope zeh bawlte nusia in, a biak innte uh pan in milimte 

a paikhia uh hi.


Farel in Geneva ah Protestant din mun a phuh nopna sawt vei 

zo hi. Hih khuapi kizo thei leh France te ki puahphat nading phualpi 

suak ding a, Switzerland leh Italy in zong lem lawh thei lai ding ahi hi. 

Tua ngimna tawh a kiim a paam-a khuapi khua neute ah na seem seem 

in a zo kawi kawi phot hi. Geneva ah ahuh ding lawmkhat bek tawh a 

lut hi. Thuhilhna nih vei bek hun a ki pia hi. Siampite in bel leitung uk 

thuleente in amah mawh sak leh a deih uh hi. Biakna lam kikhoppina 

khat ah amah a sam uh hi. A thah na ding un a puantualpite sung uh ah 

thau khawng a keng sim uh hi. A pua lam ah mipi lungso te adim hi. 

Namsau leh molhtumte kengin kikhopna pan amah suakta in hong tai 

khiat khak leh ci in a pang uh hi. Mangpi te leh a vil galkapte in bang 

bang a hi ta mawk zongin amah a vil uh hi. A zing ciang ziingsang in a 

lawmpa tawh a suah taak na dingun bualpi khat kantan in mun maunhuai 

khat ah a puak uh hi. Tua bang teng tawh Geneva a a thu tangko uh a 

din khawl phot hi. 

Kisit telna dang khat hong om kik hi. Thu neu mah mah khat 

tawh a ki sit hi. A khangno, ameel hoih mah mah ban ah kiniamkhiatna 

lim a pua, puahphatna sunga a ki thusim lo khat hong kiteel hi. Farel a 

ki nolhna mun ah tua bang peuh in bang lokzo ngap ding hiam? A hat 

pen pen leh a haang pen pen nangawn in nang zo lo in a taisan tua 

khuasia kipeei pen haana leh tua bang dingin phutkhakna neilopa in 

bang ci nan zawh ding hiam? “Galkap tampi neih hang hi lo, nangma 

vangliatna hang zong hi lo, keima tung panin na ngah vangliatna bek 

tawh na ma na tun zo ding hi” Zech. 4:6. “Pasian haina pen mite pilna 

sang in pil zaw lai-a, Pasian thanem na pen mite hatna sangin hat zaw 

lai hi.” 1 Kor. 1:27, 25. 

Froment in sangsia sem in na sep hong ki pan hi. Sanga a hilh 

thumaan te a naupangte in a inn uh ah a na sim pha kik kik uh hi. A nule 

a pa te uh’n Laisiangtho thuman na za uh a, thu ngai nuam-in a tawpna 

ah sanginn hong dim uh hi. (233) Laisiangtho Thak leh lai hawm dang 

dangte a hawm khia uh hi. A kilanga hong pai ngamlote nangawn in hih


upna thak a za uh hi. Tawm vei khit ciangin hih naseempa zong a taai 

mang ve hong kul ta hi. Ahih hangin mite lungsim ah a hilh thumaan te 

in a teeng den hi. Puahphatna nasep ki phut khin a, mai nawt beh zel hi. 

Thu hilh siate hong pai kik kik in a tawpna ah Geneva ah Protestant 

biak piakna pen kip tak in a po thei hi. 

Calvin in hun kilaih zui-a taai mang te a va veh kik zel ciangin 

Geneva khuapi ah puahphatna na pokhia ta hi cih a mu hi. A pianna 

khua-a a hawh a nunung pen hong ki leh kik ciangin Basel khua lampi 

hong zuih leh lam-matsat in Charles 5na pa galkapte na om uh ahih 

manin kual pai-in Geneva a nawk kul hi. 

Tua hong zin kawina ah Farel in Pasian nasepna tel takin a mu 

hi. Geneva ah puahphatna upna a kisaan teei hangin sepbeh laiding tampi 

om cih a mu hi. Mite a lom hi lo in amimal in Pasian lam a hong ki kheel 

uh hi-a, Khasiangtho tawh amaute lungsim sung ah pianthakna ki sama, 

Council pana thupiak cih bangte hi lo ding hi. Geneva mipite in Rome 

thuneihna a na paih khiat teei uh hangin a ukna sunga hoih lohna pawl 

khat phiat siang nailo uh hi. Tua te lak ah Lungdamna thu bulpite kip 

sakin Pasian sapna mun ah a din theih nading un amaute makaih ding 

nasep pen thu neu hi nailo hi. 

Farel in hih nasepna ah ki pawl pih ding in Calvin mu ahih 

manin a lung muang hi. Pasian min tawh na sem in a om suak ding in 

a kiciam hi. Calvin pen patau in a ki hep khiat kik ding hong kul hi. A 

mah pen a meidawi, lung muanna a lunggulh den mi ahih manin, hih a 

hangsan lungtang khauh, ama thu bek tawh a om nuam, Geneva siapa 

tawh ki thuah nuamlo hi. A thanem leh laisim hit-hiat a kin ahih man 

in tawlngak theih mai na ding lampi a zong hi. Laikung tawh lai gelh 

in, laisimna tawh tha la-in, laikhetna leh thuhilhna tawh puahphatna 

na sem in pawlpi phut thei pen ding in a ngaihsun hi. Ahih hang in 

Farel lam lahna a kiang hong tun ciangin, vantung sawlna bang in 

ngaih sun in nial ngamlo zel hi. “Vantung panin Pasian khut hong ki


zan suka, amah leen-in man langa a nusiat nopna mun mah ah a om 

lai ding in, nial kik theih loh zah in, a hong sawl hi” ci hi. –D’Augbine, 

b. 9, ch. 17. 

Tua hun in lau huaina tampi in Protestant nasepna um cih hi. 

Geneva khuapi bup in pawlpi panin pai khia hi ci-in pope in hamsiat 

ahih man in, mi nam lianpi dangte in suksiat ding in a tawng uh hi. Hih 

khuapi-no lel khat in kumpite le gam-ukte nangawn zo thawh a ki aap 

sak ziau ziau, a vanglian mah mah pa’ vangliatna nang zo peuh mah 

ding ahi hiam? 

Khristian gam peuh mah ah Protestantte pen a kihtaak huai galte 

bangin koih tawn tung uh hi. Puahphatna a picin’na teng bei kik hi. 

Romete in a suksiat khit zawh nading un a kipan pha pha uh hi. Hih hun 

lai tak in Jesuit-te hong piang khia hi. Pope nasepna a dingin a thahat, 

a gilo pen pen, leh khual a nei lo pen te ahi uh hi. Leitung deihna, 

mihing kizopna cih bang lelte thu in seh lo uh hi. Ki itna, thugeel siamna, 

lungsim sung mimal zalenna, leh gamthukhun cihte amau a ding in khat 

beek athupi kei hi. A mau thu leh a vangliatna uh a gual zawh nading 

bek in septheih khempeuh, khual neilo in, a sem uh hi. Khrish 

Lungdamnathu alen photte in lah lau na thuaksiatna te nawk ngam in, 

gilkial dangtak ban ah zawngkhaalna te athuak uh hang in thuman a 

khahsuah nuamlo te a hi uh hi. Tua hang mah in heencipna, khuamial 

thong sung ah khiatna, leh haalna te a thuak ngam zaw te ahi zel uh hi. 

Tua bang mite a do nading un Jesuit-te in zong a mite uh lauhuai a 

tuam-tuam thuak ngam in thuman a khem zawh nading un gaalhiam 

namcin a guan uh hi. Tatsiatna ah mulkim theilote ahi uh hi. Khemna ah 

zong za neu huai cih bang zong neilo uh hi. Seelsim cih zong haksa salo 

in a sem ngam uh hi. Hauh ding ngim in a sem uh hi napi zawn le ngaau 

thuak dingin kiciam bang baih lam sak mah mah uh hi. Protestant thu 

upna thalpaih in pope tungnun na a kip sak kik na ding uh in suah khua 

suak in a sem te ahi uh hi.


Amau pawl sung lut mite pen sianthona puan cih khat silh sak in 

thong innte leh zatote ah a hawh sak uh hi. Cinate veh in, mizawngte 

keem in, leitung vai peuhmah a nusia hi ung ci in a ki gen uh hi. A paina 

peuh mah uh ah thupha bawl Jesu min siangtho pua uh hi. Hih a ki 

dawk khia munte ah kawk bang lo uh hi napi in a sim tham in tatsiatna 

thu khel pen pen te lah a sincip ve ve uh hi. A thubul uh tua bang hi-a, 

a tawpna ah a piang bang bang hoih zul zel uh hi. Hih ngeina tawh zuau 

phuahna, guuk taakna, zuau thu-a kiciamna, mi suamna, cihte pawlpi 

adinga nasepna ahih nak leh ki maisak thei bek tham lo in tua bang sem 

ding in ki sawl thei, ki sem thei hi ci zel uh hi. A nam tuam tuam tawh 

Jesuit te pen kumpi zumte ah tu in, kumpipa thu kuppihte lak dong ah 

kahto in, mi namte gam ki ukna thukhun te nangawn amau deih lam su 

dingin lem in a khungsak uh hi. Kumpite leh ukpite’ tate adingin college 

khawng hong in, mitaangpi a ding in a tuam hon sak uh hi. 

Protestantte tate a kah uh ciangin pope phuattawm zehte a tang sak uh 

hi. Rome te biakna a liat luatna leh a kidawk luatna te in mite lungsim 

buai sakin, mit leng in lamdang sak na tawh mihingte lung sim a man 

cip hi. Tua bang mah in pate sisan tawh aki lei biakna suahtakna teng 

tate in a lehhek a suak uh hi. Europe gam ah Jesuit pawlte pung mah 

mah in, a tunna ciang ciang uh ah pope thute puahpha kik uh ahi lel hi. 

Amaute a vangliat zawk lai nading leh thusitna zum (Inquisition) 

a kip kik nading in pope in bull kici thupiak khat a bawl kik hi. 

Katolik te lak nangawn-a a ki gimneih mah mah, sun khua vaak a ki 

sem ngam lo ding, a mulkim huai gam tatsia te, a simtham in leisung 

thong innte ah sem uh hi. Tua thuneihna hang in, gamtuam tuam pan 

paak hoih banga minam le gam a tawi sang mipil nuntak hoihte, pilna 

saang nei-a a ki pumpiak pastorte, laisiam huzaap nei mite, leh khutsiam 

khutneel mitampite in, atul lom lom in thahna a thuak uh hi. Pawlkhatte 

in a gam uh nusia in a taai mang uh a kul hi. 

Tua ci bangin Rome in puahphatna khuavaak a sumit uh hi. 

Mite kiang panin Laisiangtho kai-khawm in a sutkhia uh hi. Khuamial


Hun (Dark Ages) a thu phawklohna leh thuciinte a hong kip sak kik 

uh hi. Ahih hangin Pasian thupha piakna leh Luther ban zom-a a huh 

(236) dingin Pasian kaih khiat Ukpite nasepna hangin Protestantna 

pen puk lo hi. Kumpi-neute galhiam leh deihsakna hanga hat zong ahi 

lo hi. Gamneu pente, mi nam neu pente bang bukna muan huai pen 

hong leh suah zen hi. Geneva bangte a kiim kot ah gaalte in susia ding 

a a vai hawmna laizang ah a om hi. Saklam tuipi gei Holland gam 

bangte sehneel tuipi piau ah tua huna gam lian pen leh a hau pen ahi 

Spain gilo-ukna sung pan a ki tom tom hi. Sweden gam zong bang 

mah pian zawhna mun hilo kim lai puahphatna ah a picing pen gam 

khat hong suak zaw hi. 

Kum 30 dektak bang Calvin in Geneva ah na a sem hi. Tua lai ah 

Laisiangtho sung thu bang a nei pawlpi phut phot in, tua pan-in Europe 

gam teng ah puahphatna nasep a mainawt sak hi. Mipi mai-a nasepna 

ah kawk banglo ki keuh hi zo sam lo a, a upna thugui zong a khial nawn 

hetlo dingin hi zo sam lo hi. Ahih hangin ama hun adingin amah pen 

thumaan tangkopa ahi hi. Pope thu luangte daal-in Protestant din’mun 

a na puah hi. A ki puahpha lungsim siangtho leh nuntaak maan a nei 

pawlpi a na phut hi. Ki phatsakna leh nitna tawh a ki vaak Rome te 

thuhilhna teng a khek sak hi. 

Geneva pan-in siate leh laihawmte pusuak uh a, puahphatna upna 

theh khia uh hi. Tua mun pen bawlsiatna a thuak gamte khempeuh ading 

in thuhilhna, lam lahna, leh han suahna a tawkna uh phualpi a suah hi. 

Calvin khuapi pen Europe nitumna lam gam teng khempeuh a sabet a ki 

beng puahpha mite belh munpi pen hong suak hi. Kum za tampi a ki 

zom to husia pan in a taikhia te in Geneva kong khakpi hong zuan uh h. 

Gilkial mite, liam-ma neite, inn le lo neilote, leh a ki sihsan meigong 

tagahte le lung zuangte lim tak in a na keem uha, tua lai ah a teng sak 

uh hi. A siamna leh a hoihna teng uh tawh tua khuapi zem in a puahte 

zong a hong suak uh hi. Hih lai a belh khit uh ciang in Rome ukna gilo 

nang ding in a gam uh ah a ciah kik zong mi tampi mah om uh hi.


Scotch gam puahpha pa Kohn Knox, English-a Puritan a kici mitampite, 

Holland gam leh Spain gam pan-a Protestantte, leh France-a Huguenots 

kici te khawng in Geneva pan in thuman meivaak hong pua in a 

amial cip a pianna gam uh ah khua-vaak tang sak ding in a ciah khia kik 

zong a om uh hi.


13 

Netherlands leh Scandinavia 

(237) 

NETHERLANDS gamah gilo papal ukna in sawtpek lai-a ki panin 

langpan’na apiang sak hi. Luther khanma kum 700 lai pekin Romeah 

Embassy-a kipuak bishop nihte-in “holy see” (pope zumpi) 

nuntakziate atel muh uh ciangin, “ Pasianin pawlpi pen A zi, a kumpinuin 

neizo a, a tawntunga ki mang ding neek leh dawn pia-in, a mualngeilo 

a zong a kisia theilo moken, leh tawntung lukhu leh ciangkhut a pia 

hi. Tua teng khempeuh gutate bangin nang na guuksak hi. Nang leh 

nang biakinn sungah Pasian bangin naki koih a, Pastorte taanginom 

na hih manin, tuute’ adingin gilokeivom bang na hi hi….Nang mah in 

bishop khempeuh laka tung nung pen bangin kote hong umsak napi 

cin gitlohna tawh nong uknuam se hi….Naseemte’ sawltak ahi ding 

kim lai, nang mahmahin hih ning ci napi cin, topate’ topa hih ding na 

hamciam hi….Pasian thupiak ziauziau ding taang teng nang na pia 

hi….Leimong dongin pawlpi phutpa Kha Siangtho bek a hi hi….I 

Pasian khuapi in vantung mun khem peuh uk a, eite zong tua khua 

mite i hi hi. Kamsang siangthote-in Babylon a cih khuapi-in 

khuasiangtho ka hi ci-a vantung khuapi a kineih pen, apil a ciimna

NETHERLANDS LEH SCANDINAVIA 233 

mangthang theilo si theilo, ka khialngei naikei, zong ka khial ngeikei 

ding a mawk cih, sangin a lian zawin na ki neih hi ci-in hangsan tak in 

Rome a phungzi pa na mawh sak uh hi:.” – Brandt, “History of Reformation 

in and about the Low Countries,” b. 1, ch. 6. 

Kum zalom khat khit lom khat tua bang mahin na pai toto hi. 

Tua hun masa (238) lai-a siate in min tuamtuam tawh, Vaudoi (a lawhna, 

Vaw Dua) thupuaksiate nuntakzia pua-in munkhat pan munkhat zin 

kawikawi uh a, Lungdamnathu Netherlandsah a lutpih uh hi. Amaute 

thu-upna pen ki zeel baih mahmah hi. Waldenseste Laisiangtho pen 

Holland pau-in a tei khia uh hi. Amau in, “ciamnuih thu, phuahtawm 

thu, kheemnate, ki hello phattuamna tampi a omna thumaan kammal 

sitset ahi hi. A pua-thamte a khauh teei hangin phelkhap le hang a sungah 

a ngeek alim akhumte, limci-a siangthote baih takin ki ngahthei ding 

hi” ci-in a tangko uh hi. – Brandt, Ibid. b. 1, ch. 14. Tua bangin kumza 

khawk 12 lai-a tanglai upna a neite-in a nagelh uh hi. 

Tu in Romete bawlsiatna hong laang leuleu hi. Ahih hangin 

thu-um mite-in gawtbawlna lak, meikuang lak, mah ah akhangkhangin, 

Laisiangtho bekin a puuk thelo biakna thu nei hi, cih kip takin a um uh 

hi. “Thu-upna dingin zawhtawh thu zat ding hilo-in, thuhilhna tawh 

zawh ding kul hi bek hi,” ci uh hi. – Martyn, Vol. 2. P. 87. 

Luther hilhna-in Netherlands gam leitangah zungkhaa-in mi 

muanhuai thanuamte thokhia sak a, Lungdamnathu a hilh uh hi. Holland 

gam kiukhat panin Menno Simon a kici mikhat a hong pai hi. Amah 

pen Katolik sunga khangkhia pilna ngah ahi hi. Phungzi khutngaksa hi 

in, upnapial thu saan’khak ding lau-a Laisiangtho a sim ngeilo, zong a 

sim nuamlo, leh theih zong a thei hetlo khat ahi hi. Khomun leh leengtui 

pen Topa si leh sa suaktakpi hi cih upna pen um tak theilo ahih man in, 

Satan mawhzolna hi kha ding cih lau-in, a tua cih loh nading thu ngetna 

leh ki pulaakna tawh a hanciam hangin a um tak thei tuan kei hi. Tua 

vai-a a ki-suanna lungsim a beisak nuam hi. A hun tawmveikhit ciangin


Laisiangtho Thak sim hong ki panin, Luther laigelhte zong a sim ciangin, 

puahphatna upna hong saangta thong hi. A sawtloin a kianga khua 

neukhat-ah a ki tuiphum kik man-a ngawng tan-sihna a thuak mi khat 

hong mu ta hi. Tua panin naungeek tuisawpnavai Laisiangtho-ah hong 

kanto leuleu hi. Laisiangtho sungah ki sikkik-a upna neite bek tui kiphum 

ding cihna om a, naungeekte tuisawp nading teci a mu kei hi. 

(239) Tua ciangin Menno zong Catholic pawlpi pan paikhia-in a 

muhthak thumaan hilh dingin a nuntakna a aap hi. Germany gam leh Netherlands 

gamah thu motphuut (fanatics) pawlkhat na laang mahmaha, buaina 

piangsak-in pawltuam a na phuan uh hi. Menno in zong hih pawlte hilhna 

pen lauhuai sa-in amau ngimnate nakpi -in a langdo hi. Mi tampi-in tua 

motphuutte nung zuihna leh upna nusia-in Waldenseste hilhna tawh taanglai 

Khristian upna maanah a kiplai zong tampi a om hi. Tua bang ziazuate 

lakah Menno in kuhkal takin naseem in alawh cing mah mah hi. 

Haksatna, hawmsuahna, cimawh gilkialna, thamlo-in sihna thuak 

zah dingin launa tampi thuakin kum 25 sung azi atate tawh Netherlands 

leh Germany sa lam gamtengah zin kawikawi-in, mi tualniamte lakah 

na seem ahih manin huzaap lian a nei pha mahmah hi. Pilna sanglua 

aneih loh hangin pianpih thugen siam mi ahi hi. Migina, lungsim kho 

khat hi a, ki niamkhiatna leh thumaan athuah amaitaiden mi ahi hi. Tua 

bang nunzia tawh a thuhilna etteh hoih cing sak a, mite-in muang ahih 

manin huzaap nei pha mahmah mi ahi hi. A cihkhat bek a ci teeltaal 

thumotphut Munsterte bang dingin mite-in atelkhialh uh manin, mun 

citeng ah Simon anungzuite ki nen-niam, akithehkek in, a thuaksiat lawh 

mahmah uh hi. Ahih hangin ama nasepna hangin mi tampi in ki khelna 

a ngah uh hi. 

Netherlands gam sangin puahphatna thu a saangzaw gamdang 

omlo hi. Gam pawlkhatah tua thuzuite-in bawlsiatna athuak uh hi. Germany 

gamah Charles a 5-na pa-in puahphatna nialin tua thu azuite ki 

haalnakhuam a denna pahpah laitakin Kumpineute-in tua ukna-gilo-


gamptat pen a langdo pah uh hi. Netherlands gamah ama thuneihna ki 

lianzat zaw a, bawlsiat nading thupiak tung pahpah hi. Laisiangtho 

simna, tua thu hilhna leh ngaihna, leh tua thu tawh kisai genna a om leh 

a thaman pen sihna, leh ki haalnakhuam phung hi pahpah hi. (240) 

Pasiang kianga sim-tham thunget ding leh milim mai-a kuun loh ding, 

phatnala khatpeuh sak dingte nangawn sihna daan thuak thei lai hi. Amau 

upna maanlo nusiat ding kiciamnanei mi peuh mah mawhsakna daan 

pen – pasal ahih leh namsau-a satlupna, numei ahih leh a hingtanga 

vuina hi pah hi. Charles 5-na pa leh Philip 2-napa uk sungin, ua bangin, 

i tul tampi in maiman’ lawh uh hi. 

Khatvei, Mass pailo in a amau inn-a biakpiakna a neihna manun 

innkuan khatte thudotna mai-h hong ki puak hi. A simtham-a a sepna 

vai uh a kidottelna ah a tapa neu pen un, “Ka thu ngetna uah, Pasian 

mai-h ka khukdin uha, ka lungsim uh khuavaa hong piak nading leh ka 

mawhnate uh hong maisak nadingin ka ngen uh a, i kumpite ading zong 

anuntakna uh nuam-in i gamin mai a nawt nading zong ka ngen uh hi. 

Mangpite zong Pasian in a nuntakna a khawi lai nading ka ngen uh hi” 

ci-n a dawng hi. – Wylie, b. 18, ch. 6. Tua teng azak uh ciangin thukhen 

mang pawlkhatte’ lungsim sukha mahmah ahih hangin a pa uh leh a 

tapa khat uh bel haallup dingin seh veve uh hi. 

Abawlsiate’ hehna anangzo ding zah mahin aki thatte’ upna a 

lian mah mah zel hi. Pasal bek hiloin a thaneem numeite leh nu-ngaknote 

nangawn zong a haangsan uh hi. “Zite in a pasalte uh kihaalna mei a 

kuan laitakin a kiangah dinguha, hehnepna kammal genpihin lungdamsak 

ding pahtawina late a sa uh hi.” “Zan sial-a a lupna-h a zuat bangun nungaknote-n 

ahing tanga kivuina ding hankhuk sungah lut uha, a haal 

dingte-n zong pasalnei ding mothak lungdam bangin kizeem lin-lian sa 

in haalnatau zuan lel uh hi.” – Ibid. 

Lawkite in Lungdamthu asuksiat lai hunte mah bangin tu-in 

Khristiante sisan aluan ciangin khaici kituh a suak pahpah zel hi –


Tertulian’s “Apology”, paragraph 50. Bawlsiatna in thumaan teci pang 

ding mi pungsak zaw hi. Kumkhat khit kum khat, anial zawhloh mite’ 

deihna aman nopna in, haitatzo zah-in tua a gitloh gamtatna zom dingin 

kumpipa in a sawl teeiteei hangin a suksiat nasep alawh cing zotuan kei 

hi. A tawpna ah, Orange a om Ukpi William lehdo in Holland ah suakta 

takin Pasian a kibia thei ciang a hong tun zaw sop hi. 

Piedmont mualdungte, France gam zangleite, leh Holland gam 

tuipi piau zangte dong ah Lungdamnathu alawh cin na thu-um mite 

sisan tawh kiciamteh zel hi. Saklamgam ah bel oltakin ki seem hi. 

Wittenberg-a sangnaupang te a inn uah hong ciah uh a, puahphat- (241) 

na upna Scandinavia gamte ah zong hong gen uh hi. Luther laihawmte 

in zong khuavak a thehkhia hi. Mi maitai, lungtang khauh saklam gam 

mite in pope liatluatna, Rome thuciinte paaikhia in sianthona, nunnemna, 

leh nuntakna apia Laisiangtho thumaante na saang uh hi. 

“Denmark-a puahphapa” Tausen pen singtaang lokhopa khat’ 

tapa ahi hi. A naupan lai-a ki panin lungpilna kho a nei hi. Laisiam 

ding ut mahmah hangin a nute a patein guan zolo ahih manin phungzi 

sangkhatah a lut hi. Tua lai ah ama nuntak daan siangtho leh a 

muanhuaina, a thanopnate hangin a tung-a pa’ deih sakna hong ngah hi. 

A laivuannate in mailam ah pawlpi ading nalian seemthei ding thamcing 

ahihna teci lak ahih manin Germany ahih kei leh Netherlands-a 

Universityte khat ah sangkah sak dingin ngaihsun uh hi. Wittenberg lo 

buang ama kahnopna saang khat teel sak uh hi. Huhna zong ngahsak 

uh hi. Upna lampialguu tawh pawlpi’tel laisiampa a ki sukkhak loh nading 

deihna in tua bang atelsak uh hi cih phungzite in agen uh hi. 

Tausen zong Colonge khua ah a pai hi. Tua khua pen tua hun 

aki pan tuhun dongin Romete mun muanhuai khat ahi hi. A sawtloin 

saang-a te in khaalam thusim a neih sawnse uh kih huai sa-in nop hong 

sanawn kei hi. Tua hun laitak mah-in puahphatna tawh kisai Luther 

laigelh pawlkhat hong ngah kha hi. Tua laite a sim ciangin zaknop leh


lamdang sa in, a puahphapa mahmah in hong hilh leh cih a lunggulh hi. 

Tua bang hih mawk leh lah a phungzi inn pana huhna a ngah pen taan 

ding a hi zel hi. A lunggulh den Wittenberg mah ah lut ding in a sawtloin 

hong khentat ta hi. 

Denmark-a hong ciahkik ciangin a om masakna phungzi inn ngei 

mah ah hong tung hi. Kuamah in Luther pawl suak dingin na ummawhlo 

uh ahih manin a lawm a gualte in na gimneih nai zenzen lo hi. Amah’n 

zong a thusim pholaak nailo ahih manin a siangtho zaw upna ah amaute 

a kaikai thei hi. Laisiangtho leem-in a khiatnate a maan in hilh a, a 

tawpna ah Khrist pen mawhneite in Dikna a ngah theihna leh hotkhiatna 

dinga lametna khatbek ahihna hilh tota hi. Amah pen Rome khutzat mi 

muanpi khat suakthei ding ci-a lam etna tawh a (242) pan-tahte nakpi 

in hong lungso ta uh hi. A omna phungzi inn dei panin tha khat thu 

mah-in mundang khatah paikhia sak uh a, inn dang khatah khumcip in 

amah sanga lianzaw khat in a vil sak uh hi. 

Amah vil mithakte lungkham theih nading keek-in phungzi neu 

tampi in Protestant upna ah ka ki khelhon ta uh hi, aci sawnsawn uh 

hi. A innsung pan in a lawmte tawh ki zom in thumaan a kihilh zel uh 

hi. Tua Holland Danish phungzite in upnalampial sukmit nading 

vaihawm na siam uh hi leh hoh leitung haan-thong ah koih ding uh a 

Tausen’ aw a kizakik nawnlo ding ahi hi. Tua bang in hihlo in phungzi 

inn panin nawhkhia lel uh ciangin phungzite in amah ukkha thei nawnlo 

uh hi. Upna thak hilhte a kivil nadingin Kumpi thu piakna khat hong 

ki thoh khia hi. Tausen zong thuhilh ding hong kipat ciangin, biakinnte 

hong hon’ uh a, ama thu gen ngai ding mi alomlom in ki sung uh hi. 

Mi dangte in zong Pasian thu hilh ciat uh hi. Laisiangtho Thak Holland 

pau a ki tei pen ki hawm keek ta hi. Papistte in tua nasepna 

maidal in thalpaih nuam a a hanciamnate un nasep athahat sak zawsop 

hi. A sawt loin Denmark gamte in puahphatna upna ka saang uh hi ci 

in pulaakkhia ta uh hi.


Wittenberg tuikhuk pana nuntakna tui adawn khangnote in zong 

Swedenah a gammite adingin tua thu hong puak uh hi. Sweden-a 

puahphat makai nihte ahi Olf leh Laurentius Petri te pen Orebro-a sik 

seekpakhat tate hi uh hi. Luther leh Melanchthonte hilhna pana a ngah 

uh thumaante tha nuam takin a hilh sawn uh hi. Puahphapipa mah bangin 

Olf in lawp leh thu gen siam thuah in mipi phong khia laitak in, Laurentius 

pen Melanchthon mah bangin thugil theih kikek leh thu ngaihsun-in 

daai takin a na om hi. Katolikte langpan’na lak mahah a nih mah un mi 

kician, Laisiangtho siam, a haang, thumaan ah a kuhkal mite a hi uh hi. 

Katolik phungzi te in mimawlte leh thuciin umte taw holh leu leu uh hi. 

Olf Petri zong mipi in uum cih zel napi a pumpi kia in suakta zel hi. 

Tua puahpha te pen kumpipa in it in a hum hi. 

Rome pawlpi ukna nuai ah mite lei-ah kigawicip suk ahih manin 

zawng mahmah uh hi. (243) Laisiangtho theilo in, lungsim khuavakna 

apia theilo lim lahna leh zeh thupi bawlna lel ngen ahih manin mite a pu 

a pa khang lai uh a a lawki ngeinate peuh uh ah ki heiikik in thuciin 

upna peuh ah tungkik mai uh hi. Minam bup phelnih kisuah a, a tawntung 

in kinialna leh kidona om in buaina pungsak hi. Kumpipa in a hih leh a 

gam sung leh pawlpi sungah puahphatna pahtawi zaw ahih manin, Rome 

a nangg zothei mite a paakta hi. 

Kumpipa leh Swenden makaipite mai ah Olf Petri in Rome mi 

dawk pente nangawn puahphatna upna tawh a nangzo thei hi. Amah in 

Pawlpi Pate’ thuhilhnate Laisiangtho tawh a kilem leh bek saang ding 

in a hilh hi. A kisam bang upna Laisiangtho ah om a, baih in, ki tel-in, 

theih nop ahih manin, mi khempeuh in tel thei lel hi a ci hi. Khrist’ 

genna: “Ka thu hilhna in keima thu ahi kei hi; kei hong sawlpa’ thu ahi 

hi,” (Johan 7:16) a ci hi. Paul in, “ka hong hilh uh lungdamna thu longal 

a dang Lungdamna thu kote a hi zongin, vantung pan ahong pai vantung 

mi khat ahi zoningin hong hilh mi in haamsiatna thuak ta hen” (Gal. 

1:8) ci hi. Puahphapa in, “Tua bang a hih leh bang i ci ding hiam? 

Mite-in amau ut bang mawkin bawl tawm upna thugui tawh hotna ngah


nading bang peet peet-in hong gen mawk mawk ding a ki lawm ding 

hiam?” a ci hi. – Wylie, b. 10, ch. 4. Pasian thukham tawh a kileh bulh 

leh Pawlpi in thu a piak hangin bang mah vaang nei lo a hihna leh Protestant 

te thubulphuh ahi “Laisiangtho leh Laisiangtho thu bek” tung ah 

upna leh zuihna kinga ding cih thu a hilh hi. 

Tua a kidem thu nihte in simtham takin “puahphate galkap banga 

i nasep din mun hong seh sak dim diam a suak hi. Amaute lai thei lo te 

hi lo uh hi. Thu um lo a pawl ki khen khamkhamte hilo uh hi. A kinial 

a ki tawng tawng te hi lo uh hi. Tua bang ahih gen loh uh Pasian thu sin 

sin a Laisiangtho thu koi lai ah koici bangin gal hiam-in zangh ding cih 

a siamte a hi zaw uh hi. Pilna lam ah amau khanga a ma dawkpen leh a 

pil pente a hi zel zaw uh hi. Hih khuavak phualpi ahi Wittenberg te 

Urich te mi minthang Luther, (244) Melanchthon, Zwingle, 

Oecolampadius cihte khawng a ki lawh cianga amau makaihna uh leh 

vanglian na uh bek kingaihsun a, a nungzuite uh pen amau ban zolo 

ding in kiseh kha pah pah hi. Ahih na kawmkawm zong om kha mah 

ding ahi zongin Sweden-a buai-na tung taang ah mi niam mah mah a 

kiseh Olf leh Laurentius Petri te tung pan in amakaihte guat nungzuite’ 

han na ih mu thei hi. …A mau pen laisiamte leh Laisiangtho theisiamte 

hi uh a, Gospel thumaan a tel a khawk-a sim-a a sit tel te hi uh hi. 

Romete’ khutzat muan bel zuau pilna nei teng nangawn thalpaih-a azo 

gawp te ahi uh hi. – Wylie, b. 10, ch. 4. 

Tua kinialna hangin Sweden kumpipa in Protestant upna saang 

thei a, tua zawh a sawt lo in a gambup ki khoppi in zong Protestant 

upna adeihsa lam a pulaak pah uh hi. Laisiangtho Thak pen Sweden 

pau in Olf Petri in na tei khiakhin a, Kumpipa lunggulh zui in a unau un 

Laisiangtho buppi a teikhia leuleu uh hi. Tua pen Sweden mite in amau 

pau in Pasian kammal a neihna masakna uh hong suak hi. Gam sung 

khempeuh a sang siate in Laisiangthothu hilh in a sangnaupangte uh 

zong Laisiangtho sim dingin hilh ding uh hi ci tua kikhoppina panin thu 

a piakhia uh hi.


Lungdamnathupha khuavaak in damdam in hai-lai thuciinte leh 

khuamialnate nawhkhiakhia in Romete netcipna panin mite a suakta 

sak hi. Ni danga a ngahngei nailoh uh thupina, liatna, hatnate a minam 

un ong ngah ta uh hi. Sweden gam pen Protestantte a hum kawmdaalpi 

khat a hong suak hi. Tua zawh kum 100 ciangin kisiatna a nasia 

penpen hun hong tunga, tua laitak nangawn in hih a thaneem gamno 

khat in Europe gambup ah huhna khut a khak kawikawi ngam pen khat 

hong suak hiau mawka, Kum 30 Galpi kidona panin Germany a 

honkhiathei gam hong suak zaw ta hi. Europe gam saklam teng 

khempeuh Romete ukna-gilo nuai-ah lutkik ding bang pian hong hih 

laitak in Sweden galkapte in pope gualzawh luatna in Protestant ahi 

Calvinistte leh Lutherante a khelbawl loh nadingin a leh-nanzo penpente 

hong suak uh hi. Tua bangin puahphatna thu pom gamte in khalauna 

omlo in a upna bang uh a zuih theih nadingun biakna zalenna a ngahsakzo 

penpen gam a hong suak hi.

A NUNUNGLAM ENGLISH PUAHPHATE 241 

14 

A Nununglam English 

Puahphate 

(245) 

GERMANY gam mi khempeuh in Laisiangtho asim theih nadingin 

Luther in lampi a hon’ laitakin England gamah tua bang mah seem 

dingin Pasian Kha Siangtho in Tyndale a na hansuah hi. Latin pau pan 

in mikang pau in Wycliffe in Laisiangtho ana teikhit tei hangin a khial 

tampi kihel lai hi. Lai khetna tawh zongh ki kheenkhia ngeinailo a, bu 

tawm lai lua mahmah ahih man in mihau mahmahte leh Ukpite bang 

bekin na nei zo uh hi. Tua baan ah pawlpi in khaam pha mahmah laideep 

uh ahih manin ki hawmthang zo nai mahmah lo hi. Luther in 

mawhsaknalai 95te a suan’ma kumkhat lai, 1516 kum in, Erasmus in 

Greek leh Latin pau-a Laisiangtho Thak a tei pen na hawmkhia khin 

sam hi. Ahih hangin tu-a pen Pasian thubu a ki gelh ciilna pau tawh a ki 

khetkhiatna masa pen hong suak hi. Tua panin a ki gelh masa sung-a 

khialna tampi omte ki puahpha in, a thu a telnop zaw deuh hi. Tua in 

mipil laisiam zaw deuhte adingin thumaan omzia telthei sak ahih manin,


puahphatna nasep hong thuklut thei zaw deuh pah hi. Ahih hangin mi 

taangpite leh Pasian Laisiangthothute kigamla lai mahmah uh hi. A gam 

mite ading Laisiangthobu piakkhiatna ah Wycliffe nasep baan zom in 

Tyndale in hong picin’ to a suak hi. 

Amah pen laisim hat thumaan zong mahmah mikhat ahih manin 

Erasmus khet Greek laibu pan Lungdamnathu hong mukhia hi. Hang 

takin ama maansak thu hong hilhkhia a, upna thuguikhun khempeuh 

Laisiangtho tawh sittel dingin mite a hansuah hi. Pawlpi-in Laisiangtho 

bawlin piangsak dinga, a khiatna zong pawlpi khiat bangbang bekin 

kizui ding hi, Papistte-in acih laitak un, “Muvanlai in ama sa-mat ding 

kua in hilh hi na ci uh hiam? A Pa uh a mu dingin Pasian mah in A 

tagilkialte Ama thu sungah a hilh ahi hi. Tua Laisiangtho nong piak 

sangsik-un na humcip ngitnget zaw uh hi. Tua thu ahilh (246) mite a 

haallum zelte nomau mah na hi uh a, hih zo ding hi le uh cin a Laisiangtho 

mahmah nangawn zong a haaltum dingte nahi uh hi,” ci in Tyndale in a 

dawng hi. – D’Aubigne, b. 18, ch. 4. 

Tyndale thuhilhna-in mite phongkaang mahmah ahih manin, mi 

tampi-in thumaan a saang uh hi. Ahih hangin phungzite bilpil mahmah 

uh a, Tyndale-in a omna mun a taisan ma nangawn in, gensiatna leh 

tawnna tawh a nasep suksiat nading na ki pan khin uh hi. A hanciam 

bang in adaupai mahmah sawnsawn uh ciangin, “Bang lawh mawk ding 

i hi hiam? Mun khatah khaici tuhkhin pan leng i nusiat phet leh gilo 

takin galte-in na thaikhiatsak zel uh hi. Mun khempeuh ah lah omkhinden 

theilo ing a, mataw! Khristiante in amau pau in Laisiangtho neithei le 

uh zuausiamte nangthei zaw deuh mah ding uh hi ven! Laisiangthobu 

om loin thumaan zui pawlpi mi a ki koih theilo ahi ve maw!” ci in Tyndale 

a khuisa hi. – Ibid. 

A lungsim sungah ngimna thakkhat hong nei ta hi. “Israelte pau 

in Jehovah biakinn sungah phatna late ki sa hi. Eite lak ah English pau 

in Lungdamnathu kigen theilo tuan ding hiam?…Pawlpi in phalvak tung


khuavaak sanga taangzaw khuavaak ki sam uh hi lo ahi 

hiam?…Khristiante in amau pau in Laisiangtho Thak a sim uh kul ding 

hi” ci hi. Pawlpi sunga siate leh pilnasang neite ki thuhual theilo uh hi. 

Laisiangtho pan bekin mite in thumaan ngah thei ding uh hi. “Mi khat 

in pilnasang nei khat muanga a dang khat in a pilna sang nei dang khat 

mah muang lel uh hi….Tua apilnasang nei mite lah na ki thuhual beeklo 

uh hi. Tuate lak ah a kua dik-a a kua khial hiam cih koi ci khentel thei 

ding ihi hiam?…Koi cih ding?…Pasian kammal Laisiangtho bek mah 

tawh ki khentel thei bek ding hi.” – Ibid. 

Tua zawh a sawt loin Katolik Doctorte khat tawh ki sel-a, tuapa in, 

“Eite-in pope thukham tawh i kikhen sangin Pasian thukham tawh kikhen 

le’ng hoihzaw lai hi” ci mai tazen sawnsawn hi. Tua azak ciangin, “Pope 

leh ama thukham khempeuh thu in kaseh kei hi. Pasian in cidam-a ong 

omsak nak leh hia bawng lokhawhna len naupangno lel khat nangawn nang 

sangin Laisiangtho ka siamzaw sak ding hi,” ci in Tyndale in thuk hi. – 

Anderson, “Annals of the English Bible,” p. 19. (Revised ed. 1862). 

Amau pau ciat in Laisiangtho Thak mite tunga piakkhiat theih 

ding pen a lawppi pen hia, tu in tua nasep asem dingin hong kipia ta hi. 

A inn panin bawlsiatna in hawlkhia ahih manin, London ah tai in a 

buaisakna a omloh sung nasep a zom tadih phot hi. Ahih hangin (247) 

papistte tatsiatna hong laang veve a, London pan taikhiat sawn lai hong 

kul hi. England gam peuh mah ah maibing kawikawi ahih manin Germany 

gam hong beel hi. Tua lai-ah mikaangpau Laisiangtho Thak 

kheenkhia dingin hong kipan khia hi. A nasep nihvei tak ki khawl saka, 

khuapi khat ah hong ki dalcip ciangin khuapi dang khat ah kikhiin zel 

hi. A tawpna ah Worms khua a zuan hi. Tua lai pen tua mazek kum 

tawmkhat lai-a Luther in ki khoppi mai a Lungdamnathu teci a na pan’na 

khua ahi hi. Puahphat nasepna ah a lawmlui tampi tua tang khuapi ah 

om uh a, nasep zong adaal omloin hong seem zom thei hi. Laisiangtho 

Thak bu 3000 a manlang in hong zokhia hi. Tua kum sung mahin a nih 

vei khetna zong hong kheenzom thei pah hi.


Kuhkalna leh lungduaina tawh a nasep hong zom hi. Gamsung 

lutna tuipigeite nakpi in Englandte-in a vil uh hangin, asimtham in lampi 

tuamtuam tawh honglut thei ahih manin, London ah Pasian thubu hong 

tung veve hi. Tua panin gamsung tengah kihawmkhia sawn hi. Papisttein 

thumaan phiatnuam uh a, ahih hangin dal zolo uh hi. Tua nasepna 

akhaktan nop manin Durham-a bishoppa-in laibu zuak Tyndale lawmpa 

laisiangtho puak teng a lompi in leikhit sak in a susia khin sisek hi. 

Ahih hangin ama ngimna tawh ki leh bulhin tua a leinasumteng tawh a 

hoih zaw khet thak nading nate ki lei leuleu hi. Ahih hangin ki hawmkhia 

kik thei nailo hi. Tua zawh in Tyndale pen thong ki khia in, a Laisiangtho 

khetna-a sumbei a sik mite a pu laak leh suakta ding a cih uh ciangin, a 

laibu neih khempeuh a leisak khin Durham-a bishoppa in mi dangte 

sangin nakpi-in huh zaw a, a baan a sep zawh lai nadingin zong tha 

hong pia hi, ci-in Tyndale in a dawng hi. 

A galte khutsungah Tyndale ki lehheek leuleu-a, kha tampi sung 

mah thong sungah a om hi. A tawpna ah sihna tawh upna teci a pang 

hi. Ama ong nusiat galhiamte-in galhaang mahmah mi tampite pholhkhia 

in, kum zatampi khit eite hun dongin galdona-ah a kizangh lai hi. 

(248) Mite-in amau pau in Laisiangtho a sim dinguh a kul hi, ciin 

Latimer in pulpit panin hilh veve hi. Laisiangtho neipa pen Pasian hia, 

tua a Laisiangtho mahmah in zong a neipa mah bangin a tawntung 

kipna vanglian nei veve hi, a ci hi. “Kumpi, Menzi, mangpi leh Ukpi cih 

omlo-in, tua Laisiangthothu zuih ding hi-a,…Ama thusiangtho i zuihciat 

ding akul hi lelmai hi,” a ci hi. “Eite in lamtuam zuilo-in Pasianthu lam 

i ki hilhsak ding hi. Ih pi ih pute-in zong ana zuih ding uh thu hizaw a, 

amau zuihlohna eengkha kei zaw ni” ci hi.—Latimer, “First Sermon 

Preached before King Edward VI”, (Ed. Parker Society). 

Tyndale lawm Barnes leh Frithte zong thumaan adingin adin uh 

ciangin, Ridleys leh Cranmerte-in azui uh hi. Hih mite in England gama 

puahphatna naseemte lakah laisiam, pilna neite hi uh a, amaute a


tampen in Rome pawlpi pana mimuanhuai ci-a a pah taakte uh ahi hi. 

Amaute langpan’na pen “Holy See” (pope) a maan lohnate mu uh ahihna 

hang hi pi pen hi. Thuthuk Babylon pen va teltheih khin ta uh a, a 

langpan’uh ciangin zong a teci pan’na uh vanglian in thupisuah zaw 

pah hi. 

Latimer in, “Dotna lam dang khat ka’ong dong ding hi, England 

gam bup-a a thanuam pen bishop leh a ukpi pen kua a hiam?…A 

min kong lawh ding nong ngaih diam duam uh kong muh bangin….Kong 

gen ding hi. Tua pa pen Dawimangpa ahi hi….Amah in ama sia-khawk 

(Diocese) pan puapial ngeilo hi. Na tangsap hun pepeuh-in ko le ci’n a 

inn ah om in, lokhawhna tu-gaa na len den ding h. Amah thadah om 

ngeilo hi….Dawi omna peuh ah laibu kinawl khin-in, khuaimei kivaak 

hi; Laisiangthobu heemkhia in khitangte sik hi. Lungdamnathu ahi 

khuavaak nilkhia-in, sunlai nangawnin, khuaimei tawh ki vaak sak hi. 

Khrist singlamteh khiasuk in siansuahna mun (purgatory) sum-ip ki 

lamsang hi. Puan neilo mizawng mipoite ki paampaih in, singtawng 

suangtuum milimte a tee ziazua-in zeem uh hi; mihing thuciin lelte leh 

mihing thukhamte hilh in, Pasian hong sawlna thusiangthote leh A 

thukhamte phumcip uh….Aw! Satan in mantep peuh, kiak peuh a tuh 

bangin i siampite-in upna khaici hoih tuh nuambeek le uh pha ding hi 

ven!” a ci hi.– Latimer, “Sermon of the Plough.” 

(249) Laisiangtho pen khialngeilo in, upna leh zuihna khempeuh 

hong makaih ding thu ahi hi, cih in thubulpi ahi hi. Hih Puahphate-in 

zong Waldenseste, Wycliffete, John Husste, Lutherte, Zwinglete, leh a 

pawlpihte mah bangin hih thubulpi tung mahah na ding uh hi. Biakna 

lam ah sunglam upna hong uk dingin kumpite, phungzite, Councilte leh 

popete nangawnin zong hih theilo hi, a ci uh hi. Laisiangtho bekin thu 

a nei hi, ci-in a upna te uh tua thu tawh sit tel pah pah uh hi. Pasian leh 

a thumaan bek aleettentanna uh’n, misiangthote in a nuntakna uh zong 

taanngam zaw uh hi. Meikuangin hul-a a aw-guui abei dek laitak in a 

lawmpa Latimer kiangah, “Ki lungnop sak in, Pasian hehpihna tawh


England gam a vaaksak ding meivak tuni-in ih dee a, ki sumit ngei 

nawnlo ding hi cih ka um hi,” cih tawh ahan thawn hi. – “Works of 

Hugh Latimer,” Vol, 1, p. 13. (ed. Parker Society). 

Columba leh a pawlte’ tuh thumaan khaicite in Scotland gamah 

ki susia taktaklo ahih manin, England gam-a pawlpite Rome khutsungah 

a luutkhit kum zatampi dongin Scotland gam a pawlpite in suakta takin 

a om lai uh hi. Kum zakhawk 12 ciangin pope thu hong lut kik hangin 

nidang zahin gamsungah thu aneizo kei hi. Khuamial pailet-in khuavaak 

taang hong ki zom ahih manin, sun hong tung ding cih lamet a om sak 

hi.Tua dingin England pan-a Laisiangtho tawh hong pai Lollardste in 

Wycliffe thuhilhnate leh Lungdamnathu a kemcing uh hi. A kum zasimin 

teci pangg uha, upna hangin thahna thuak hong omto den hi. 

Puahphatna Lianpi ong khan lian ciangin Luther laigelhte leh 

Tyndale’ Laisiangtho Thak hong tonkhawm hi. Thupuakte in Biakna 

ukpite theihloh kal-in mual le guam lak kantan in Scotland gama a 

mitdektak thumaan mei hong muutkuang kik uh hi.Tua bangin kum zali 

sung Romete’ gawicipsa nasep a hong phongkaang kik uh hi. 

Tua ciangin bawlsiatna hong om phasaana, thahna thuakte’ sisan 

in mihonpi akhanglosak zawlai hi. Tua in amau nasepna susia ding cih 

lau in Papist makaite hong diang khia uh a, (250) Scotland gam Ukpi 

lian pen pawlkhat leh a kizahtaak mi pawlkhat ki haalna khuam phungah 

hong tun’ta uh hi. Mipi in tua bawlsiatnate thuakhak sa-in, thugenna 

tausangte lam uha, akithatte’ sihkuan teci pan’na kammalte mun citengah 

tangko uh ahih manin mite-in Romete sikkolpi paihkhiat theih nading 

bek kikumin vaipi-in a hawm uh hi. 

Pianpih milian nam leh nunzia thupi tawh khangkhia Hamilton leh 

Wishartte in zong ki niamkhiatin nungzui dangte tawh ki haalna khuam ah 

anuntakna uh pia uh hi. Ahih hangin, tu in, Wishart kihaalna meikuang in a 

daih sak zawhloh ding, Pasian’sawlna tawh Scotland-a pope ukpi-hun beina 

sih-daak asat ding khat a hong paikhiasak a suak zaw hi.


Tua pa pen John Knox ahi hi. John Knox zong thuciinte leh 

pawlpi thusim neihte panin ki heiikhia in Pasian thumaan tawh akivak 

hi. Wishart hilhna zui-in Rome tawh kizopna suktat ding a hanciamna 

teng kipsak-in, bawlsiat thuak puahphate lakah hong kipia hi. 

A lawmte-in thuhilhsia sem dingin azol uh ciangin tua nasep a 

sep khak ding alauthawng hi. Tawlpi khat tangom in a ki hinggawtkhit 

ciangin a thukim pan hi. Khat vei a saan’sa thu pan tonkik nawnlo in 

hansanna tawh a khantawn hong sem hi. Hih puahpha maanpa-in mihing 

maitang zahtak a neikei hi. A ki thatte haalna meikuang in uumcih 

taleh tuate-in amah thanuam sak zaw a, ngimna lianzaw a guan hi. Ukna 

gilo-heipi a lutang ah a ki ngak ciang nangawnin a dinmun ngei mahah 

ding kip in, aziat avei milim a phiatsiang nadingin thasaan in a phial 

man aphial lai veve hi. 

Protestant makai thanuam tampite a na dualsak zel Scotland 

kumpinu maitang nangawn ah neukha zong dualtuan loin thumaan teci 

a pang veve hi. Kamsiam-a zol bawlna leh tot-bawlnate hangin amah 

tonkik ngeilo hi. Kumpinu-in amah upnapial a hilh ci-in a khentat hi. 

Kumpi khaam biakna mite zuih dingin ahilhte pen Kumpite thu mang 

ding ci a Pasian sawlna thu palsat ci-in a mawhsak ciangin, Knox in a 

dawn’ kikna ah: 

“Biakna maan in leitung kumpite tung pan in tha leh thuneihna 

ngah ahi kei hi. A tawntung Pasian kiang pan bekin angah ahi hi. Tua 

ahih bang mahin gam mite-in kumpite duh leh deih bangbek zui-in biakna 

lemtawm theilo ding hi. Bang hang hiam cih leh kumpite in Pasian biakna 

maan thu a theilo pente lakah aki hel uh hi….Abraham suan khempeuh 

in a kumpi uh ahi Pharoah (251) biakna zuihpih khin le’uh amaute kua 

tawh ki zom hi ding uh-a, leitungah bang biakna hong om ding hiam? 

Tonu aw! Ahih kei leh sawltakte khanglai in mi khempeuh Rome 

kumpipa biakna ah na lut leh leitung bupah bang biakna om ding 

hiam?…Tua ahih manin, Tonu aw, na khutnuai mite amau kumpite biakna


tawh zawhthawh in hencip theih hilo hi. A hi zongin amaute thumang 

dingin thu ki piathei bek hi,” a ci hi. 

Kumpi nu Mary in, “No, Laisiangtho na teikhiatna uh a tuam hi 

a, RC thuhilhte in a tuam khat mah hi zel a, a kuazaw um in a kuazaw 

mawh pia mawk ding ka hi hiam? a ci hi. 

Puahphapa in, “Note-in Pasian thubu-a thu om bang maan takin 

um lel ding uh cin-a, thubu in a genloh thute tawh kua mah ki mawh 

saklo ding hi uh teh. Pasian thubu kitel mah mah lela, mun khatkhat a 

telhak pian mun a om ciangin, amah leh amah kitukalh ngeilo ahih manin, 

Kha Siangtho in tua thu mah a mun dangah hong gentel ding hi. A ki 

tel zolo mun, nusiat mawk cih bang zong om hetlo ding hi” a ci hi. – 

Laing, “Works of John Knox”, Vol. 2, pp. 281, 284 (ed. 1895). 

A lau theilo puahphapa in kumpite mai-a a thu gente hi bang ahi 

hi; Scotland in popete kiang pana a suahtak hel dongin thungenin do 

uha, a vaihawmnate dua lo in a nawk pai suak hi. 

England ah gambup biakna dingin Protestant Thu-upna a 

kikipsak ciangin bawlsiatna akhawlcip pah nai loh hangin a kiamsak 

tham hi. Romete upna tampi a kipaihkhiat khit hangin biakpiakzia tampi 

zangh lai veve hi. Pope tungnun’ penna kinial sam napi-in pawlpi lutang 

dingin kumpi kikoih leuleu mawk hi. Pawlpi biak piakziate ah siangthoin 

a gennopna Lungdamnathu tawh gamlapipi a kikaak pawl omlai veve 

hi. Biakna suahtakna thubulphuh pen a tel a khawkin ki theician nailo 

veve hi. (252) Gitlohmana upnapial ci-in kihtaak huai Romete 

ngawhpahpahna pen beita sam hi. Ahih hangin mi khempeuh-in amau 

lungsim khentelna bangin Pasian a biaktheih nading uh suahtakna nei 

ahih lam Protestant ukpite in teltatak nailo veve uh hi. Tua ahih manin, 

biakzia ding khempeuhah a kikipsaksa pawlpi bawltawm ngeina bangin 

upna leh biakna kizui ding cih hi lai hi. Tua zawh kum zalom tampi 

sung mah bawlsiatna, a uang zaw ahi a a neem zaw ahi zongin, ki thuak 

suk lai veve hi.


Kum zakhawk 17 sungin Pastor tampi takte amau dinmun panin 

ki nawhkhia hi. Pawlpi in a piak biakkikhopna longal ah kah ding khaam 

cip-in a manglote tampi-in gaam uha, thong khiatna, nawhkhiatnate a 

zangh uh hi. Tua bang laka Pasian biakna maan nusia nuamlo-a kip 

teeiteeite kongzing kawciak sung khawng, inn khum vum munsimtham 

sung khawng, khua phat ciangin gamlak ah zankim zankhangh-in biakna 

bawl-in ki kaihkhop a kul hi. Gammang thuksunga Pasian lamsa pianpih 

biakinn ah a ki thehkeek bawl siatna thuak Topa mite ki khawm uha, 

thungetna leh phatna tawh a ki aap uh hi. Amaute kikep zawh talai a 

ciam uh hangin tampi mah in amau upna hangin bawlsiatna thuak uh hi. 

Thong innte dimlet hi. Innkuan khat kimlai ki khen keek uh hi. Mi 

tampi gam dangah kinawhkhia hi. Ahih hangin Paian in A mite om pih 

ahih manin, bawlsiatna in amau teci pan’na daaisak zo tuanlo hi. Mi 

tampi tuipi kantan-in America-ah ki nawhkhia a, tua gamah ki-ukna leh 

Biakna suahtakna thukhun-bul hong phuh uh ciangin, tua thubul in a 

gam minthan’na leh a galmuanna a suak hi. 

Tu in zong Sawltakte khang lai mah bangin bawlsiatna hangin 

Lungdamnathu a ki zel zaw hi. Mi zualzang leh mi suuksiate dimna 

leisung kawhawm thong kihhuai khat sung panin John Bunyan-in 

vantung huih diikkhak ciangin, hih a kisia leitung pana van khuapi zuatna 

lam dung tang thu (Vantung lam paina) a kici laibu a na gelhkhia hi. 

Kum zanih vaal bang tua Bedford thonginn pana John Bunyan aw gingin 

mite lungsimah thuphamawh tampi aguan sak hi. John Bunyan laibu, 

“Vantung Lam Paina” (Pilgrim’s Progress) cih leh “Mawhnei Mangpipa 

adinga kicing Hehpihna” (Grace Abounding to the Chief of Sinners) 

cih bu-in mitampi takte nuntakna lampi ah a heii hi. 

Baxter, Flavel, Alleine, leh pilna nei a leek mahmah, Khristian 

laka a kho mahmah thumu midangte-in misiangthote tunga kipia thumaan 

upna adingin na a seem uh hi. Hi mite nasepnate leitung ukte-in a 

hilopi-in ukcip nuam-a a paihkhiat nop uh hangin ki siacip sak zolo uh 

hi. Flavel gelh “Nuntakna Tuinaak” leh “Hehpihna Omzia” cih (253)


Laibute in mi tultampi Khrist kiang zuat dan ahilh hi. Baxter gelh “A 

kipuahpha Pastor” acih pen in Pasian nasepna-a a kipuahpha nuam 

mitampi thupha pia a, “Mi siangthote tawntung maan’na” cih bu in zong 

“Pasian mi adinga a om lai tawldamna” lamah mite a pai pih hi. 

Tua zawh kum 100 cin khit, khaa lam khuamial mahmah laitakin 

Whitefield leh Wesleyte Pasian khuavaak puak dingin hong ki lang khia 

leu leu uh hi. Kumpi phuhkipsa pawlpi’ ukcipna hangin lawkite tawk 

khentel theih nawnloh ding zahin gambuppi biakna omzia akiamsuk hi. 

Biakna omsathu bek siate in simnuam uha, tua a omsa thu-upna bek 

thei uh hi. Mi thupi zaw diakte in lah biakna zahtak-nunziate nuih san 

uha, motphuut biakna cih sak-in, a tua mite sang asaang zaw-in kiseh 

uh ahih manin aki sathei lai deep uh hi. Thumaan phong dingin pawlpi 

na thaneem mahmah ahih manin a niam zawte ta leu leu lah bang mah 

theiloin a ki ek-nusiat cip lel hi. 

Upna hanga Diktan’na thulianpi ahi Luther thuhilhna pen muh 

khak zonawnloh zah dingin Romete hilh gamtatpha tawh hotna zon’na 

in khuhcip phial ta hi. Whitefield leh Wesleyte pen a kumpi’kipsak pawlpi 

sunga member hi napi uhin Pasian deihna a zong takpi te hi uh a, gamtat 

hoih leh biakpiakna Zehte tan’ zawh thu tawh a ki ngah thei ding upna 

zong a ki hilh ngeisa ahi uh hi. 

Charles Wesley khat vei cina-in si dektak hi. Sih ding ki lamen 

zaw-a muanmawh ahuai lai takin a kidot ciangin a dawn’na ah, “Ka 

theih tawp-a Pasian na aseem nuam-a kinei mah hi sam hi veng in,” ci 

mawk hi. A dong a lawmpa in tua dawn’ kikna lungkim zo tak lo ahihna 

a lah ciangin Wesleyin, “Bang ci mawk in maw? Ka hanciamna tengin 

lam etna ong guan zolo ding ahi hiam? Ka hanciamna teng mawk maiman 

ding maw? Bang mah ka suantaak ding omlo pi,” ci kik hi. – Whitehead, 

John, “Life of the Rev. Charles Wesley,” p. 102, (2 nd Am. Ed. 

1845. Pan-a ki la hi). Khuamial in pawlpi a khuhcip ciangin 

mawhmaisakna, (254) Khrist vangliatna, leh gupna adinga singkhuam


tunga kikhai Honpa sisan bek mitsuanna pen mite lungsim panin a 

heiikhiat sak hi. 

Biakna man ahih leh lungsim pan ki pana, Pasian thukham in 

ngaihsutna leh kampau gamtat khempeuh zelin, lungsim sianthona guan 

in, a pua-a ki lang khia nuntakna thak hong ding cih thute Wesley leh 

alawmte in ong mukhia uh hi. Nakpi thungetna tawh pianpih lungsim 

gitlohnate zawh ding hong hanciam uh hi. Pumpi deihna nial-in ki 

niamkhiat takin nungta uh a, Pasian pahtaakna leh sianthona a ngah 

theih nadingin thupha bawlnate phingcil in kician mahmah uh hi. Ahih 

hangin amau ngimthu a ngahkei uh hi. Amau utna in, mawhna sakna 

leh avangliatna pan amaute suaktasak zoloin zong a pengsak kei hi. 

Erfurt-a Luther agimsak ngei lung himawhna nam mah ahi “Bang ci 

bangin Pasian mai ah mite adik suak thei ding hiam?” (Job 9:2) cih in tu 

in amaute abuai sak hi. 

Protestantte biakna tau pan akimutmit dektak Pasian thuman 

meivak pen tanglai meisel kuang pan in Bohemia Christiante in ong 

dekik ding ahi ta hi. Puahphatna khit in Bohemia-a Protestant upna 

pen Romete in sikcip hi. Thumaan a nusia nuamlo pepeuh taimang kul 

hi. Tua ataaite pawlkhat in Saxonyte lak beel uh a, tua lai-ah tanglai 

upnathugil na kemcing uh hi. Tua pawlte suan leh khakte tung panin 

Wesley leh a pawlte in amau khuavaak nangah sawn uh hi. 

John Wesley leh Charles Wesleyte a ki ordain khit uh ciangin 

America ah thupuak dingin ki sawl hi. Tembaw tungah Moraviante 

honkhat tawh a tuang khawm uh hi. Huih hualpi tawh ki talsikin sih 

nading maitangah a om laitakin atheih ngeiloh vive ahi tua Germany 

mite lah lung muangtakin om uh hi. John Wesley in lah Pasian kiangpan 

khamuanna nei kisalo hi. 

Amah in, “A omzia uh sawt veipi ka en giaugiau zo hi. Ki 

niamkhiatna tawh thaman sialloin mi dangte ading naseemsem mai uh 

hi. Mikang (English)te hi leh tua bang sem hetlo ding (255) cih ka um


hi. Mite in lah lungdamna kammal takpi zong paulo uh hi. Amaute it 

Honpa in amau ading thupha a tamzaw bawlsak sam nave ka cici hi. 

Nisial in a lungneemna uh ki langsak uh a, thuakhak zong saselo uh hi. 

Amaute ki phupaai-in ki sawngawp taleh zong phun seloin thokik in 

pailel uh hi. Tu in lau uh a mite kihta uh ahih man un a tua ci migiit uh 

ahi hiam ci-a dot nading hunhoih hong ngah hi. Biak kikhop bawla la 

asak laitakun tuipi kihawt a, teembaw puankhai kikeek gawp-in teembaw 

khuhcipa, a vaiteng uh ki pelhhi.Tuipi sunga tum ding tawh ki bangin 

tui in hong tuum hi. A mikangte tengin siip sa-in dah uh hi. Germanyte 

teng pen in damdam-in lasa hiaumawk uh hi. Tawm vei khit ciangin, 

“Laulo nahi uh hiam?” ci in ka dot leh, “Lau lo e, Pasian muang lel hi 

vehang” hong ci uh hi. “Na numei naupangte zong laulo uh maw?” ka 

ci zel a, “Ka numei naupangte un zong sih ding kihta khollo uh ai ve” 

dam takin hong ci kik hi. – Whitehead, “Life of the Rev. John Wesley,” 

p. 10. (Am. Ed. 1845). 

Savannah atun’ uh ciangin Wesleyin Moraviante tawh tawmvei 

a om khawmna ah Khristian hihna ah lungtu mah mah hi. Hin’na a nei 

hetlo Church of Englandte bawlngei omsa khat zui-a biak ngitngetna 

mawk tawh a tehkaak ciangin, “Baihlam leh zahtakkai in a biakna zia 

peuh mahin bun lua a hih manin, akikal kum 1700 bang mangngilhin, 

tuipuan khuipa Paul leh ngabengpa Peterte hun kaphawk hi. Bawltawm 

ngeina omsa khat a zui-ngit-nget biakpiakna a om mahun-a kikhopnate 

khat-ah kikhawm bangin ka ki ngaihsun hi. Amau biakpiaknate pen 

Kha Siangtho leh vangliatna in a lam lahna bang lian ahi hi” ci in agelh 

hi. –Ibid., pp. 11, 12. 

England hong ciahkik ciangin Wesley pen Moravian thuhilh 

siakhat-ii hilh pilna tawh Laisiangtho upna a telzaw in hong thei hi. Amah 

in ei hanciam tawmna tawh hotna zon’ ding piang theilo ahih na hong 

telmat khiat ta a, “Leitung mawhna a pua khia Pasian Tuu no” muan ding 

hi zaw cih hong mukhia hi. London-a Moraviante kikhopna khat ah (256) 

Luther laigelh khat hong ki sim hi. Tua lai pen Pasian Kha Siangtho in


thu um mikhat sung ah na hong sep ciangin a kikhel dan telhilhna ahi hi. 

Wesleyin ngai gige a, upna kip hong ngah hi. “Ka lungsim tuam pianzo 

hel in ka thei hi. Hotkhiatna ngah nadingin Khrist bek, Khrist mah mah 

bek ka muang hi. Tu in ka mawhnate amah’n puakhia a, mawhna leh 

sihna panin hong honkhia takpita hi cih kei leh kei ka kitel cian ta hi” ci 

hi. – Whitehead, “Life of John Wesley”, p. 52. 

Lunggim haksat thuak in, kum hi tanta, pumpi deihna nial in ki 

niamkhiatna ki tha saan-na tawh Wesley in thatang hat ciamin Pasian 

zong kha hi. Tu in a zon’ Topa a mu hi. Anngawlin thungen in, thuphate 

bawlin, amah ki nunun’ in, tua a zon’ “sum tawh lei-a man kipia a hilo 

letsong” pen a hong ngahkhia ta hi. 

Hih Khrist upna a kipkhit ciangin amah in Pasian thupha 

piakkhong Lungdamnathu mun citengah kithei ciat leh deihin thehkhia 

nuam hi. Amah in, “Leitung buppi pen nasep na maban in ka mu a, ka 

omna peuhpeuh ah hotkhiatna thupha a zanuam khempeuh in a zak 

nading uh ka nasep ahi ci in ka seh hi” ci hi. – Ibid., 74. 

Amah in khauh takin amah leh amah ki nialna nusia tuanlo hi. 

Tuate suang hilo in a upna gah, a zung hi loin sianthona gah a gah ta ahi 

zaw hi. Khrist hanga Pasian thupha pen Khristiante lametna bulpi hi a, 

sawlman’na tawh tua thupha a ki lang khia ding ahi hi. Wesley nuntak 

pen ama ngahkhiat thumaan hilhna in ki piakhin si sek hi. Khrist sisan 

in a siansuahna upna tawh a san ciangin Dik hi cihna kingahin, Kha 

Siangtho vaang tawh thaksuahna in Khrist etteh-a gamta mite gahnei in 

a nungta sak ahi hi. 

Whitefield leh Wesleyte in amau nuntak puahnaah supna a thuak 

lam uh phawk in a kikhelna uh tawh naseem dingin a kiging mi a suak 

uh hi. Univeristy leh Pasian nasepna ah muhdahna, selnohna, 

bawlsiatnate tuakin Khrist gaalkap hihna uh hangin (257) sikdona leh 

thauk zawhna hong nei uh hi. Amau leh a thu a deih a lawmte uh pawl 

khat pen a lawm Pasian umlo sangnaupangte in Methodistte ci -in a


simmawh uh hi. Tu in a hih leh England leh America-a pawlpi golpenkhat 

min hong suakto ta hi. 

Church of England pawlpi sungah biak-zia khauh tak-a lente 

ahih teei uh hangin tu in Topa in Ama thu sungah dinmun sangzaw khat 

amaute alak hi. Khrist leh a ki khai-lum Pa thu hilh dingin Kha Siangtho 

in a sawl, sangbelpa vangliatna in amaute nasep a panpih ciangin mi a 

tullom in kikhel in pawlngah uh hi. Hih tuute Keivom gilo kiang panin 

kepkul hi. Wesleyin pawltuam phuat ding ngimngeilo hi. Ahih hangin 

a pawlte Methodist cih min zom-in a phut hi. 

A kipsa pawlpite in hih thuhilh siate nakpi in alangdo uh hi. 

Ahih hangin pawlpi sung ki puahphatna dingin a piang khempeuh Pasian 

in Ama pilna tawh len in a uk hi. A pualam panin puahphatna hong 

kipan hi leh a kisapna muntak tungzolo mawk ding ahih manin, 

pawlsunga puahpha nuam pawlpimi mah ahi siate tegel zangin Pasian 

in na hong sep ciangin thu a luttheih nadingin kong na kihong a, hun 

hoih a ngah thei kawikawi uh ahi hi. Lungsim ih mutna panin sia 

pawlkhatte khanglo uh a, amau nasep na khawk tengah sia thanuam 

pente hong suak uh hi. Ngeina luui tawn lela, a kheng-gawpsa pawlpi 

teng ki thalawp-in hong nungta kik sak uh hi. 

Pawlpi khang tangthu sung dangte-a mah bangin Wesley hun 

laitak-in zong mite in amau ngah Khasiangtho silpiak bang ciat zui in 

na seem uh hi. Amaute upna mun khat bek ah a kilom hon pah khol loh 

hangin Pasian Kha Siangtho sawlna bang ciat ahih manin ngimna mun 

kikhat in, mi tampi Khrist kianga tun’ pih ding mah ngim bel in anei ciat 

uh hi. Ngaihsutna kilamdan man in Whitefield leh Wesley kikhen dingin 

hong kisa uh hi. A ahih hangin (258) Khrist kiang pana a ngah uh lung 

neemna hangin a langtuak panin ki thuak in kilem kik zel uh hi. Mawhna 

leh palsatna hong dawk zelzul a, mawhna bawlte kisiatna lam a ma 

nawhnawh hunin kitot hun ding neimanlo uh hi. Laisiam mite huzaap 

nei pipite mah in tua bang thuak nadingin a vangliatna neih teng a zangh


uh hi. Tua zawh hunkhat ciangin Pasian naseem tampite in elbawl uha, 

a siangtho upna maan leh a hilhte adingin a biakinnte uh na phallo uh hi. 

A pulpit uh a na phalloh man un khuamial, haina, leh mawhna hong 

thahat hi. Pasian in John Wesley sihna ding panin a lamdangin huukhia 

zel a, tam veipi a kipelh sak hi. Patau lunghaam mihonpi in Wesley 

uumcih in suahtak nading lampi a om nawn loh laitak in vantung mi 

khat a kiangah hong ding vata, mihonpite thakhat in thalpuuk uh hi. 

Tua kal in Pasian nasempa na paikhia in a suak ta hi. 

Migilo honlak pana a suahtaakna khat Wesleyin a genna ah, 

“Khuapi lam manawh-a pai mual pang lamnaalna ah hong sawnpaai 

nuam uh hi. Khat vei lei-ah tuukkhin peuh leh thawhkik haksa ding hi 

hong ci uh hi. Ahih hangin amaute khut pan ka suaktaak siang dong ka 

puuk genloh zong ka taal beek kei hi…. Hong kaipaai nuam in khut 

tampi in ka puan tung leh ka puanngawng ah hong let uh hangin hong 

leencip zo kei uh hi. Khat in ka puantungsilh ipsiin alen in a kimciang 

bek a kikeek sak hi…. Ka deek khatvei satkha leh a manpah ding ngimnain 

ka nunglam panin mi khuaval thahat khat in tehno hiang khat tawh 

tamveipi hong sat hi. Kei lah ka ziat kavei ka kiintheihetloh hangin a 

hong sat khempeuh-in ka paam vive satkha uh hi. Bangci om ka hiam 

zong ka thei kei hi….A dang khat in mihon lak nawkin hong bawh a, 

hong tuum dingin a khut a viik leh a khut a viikkhia khat na om a, ka 

lutang nawl kha-in, “A sam neel mah si!” ci zaw lai hi….A masa pen te 

bang khua sung buppi-a gilo makai pente hi uh a, mihon buaina 

khempeuh-a makaite ahi uh hi. Khatpa bang mihon sutuah a makai min 

nei den khat a hi hi…. 

(259) “Ama deihna sep nadingin Pasian in bang zah takin hong 

huu hiam? Tua ma kum 2 lai-in zong leiseek tangkhat-in ka liangko 

hong kha ngei hi. Tua zawh kumkhat sawt ciangin zong suangtum 

khatin ka mit kikal hong kha hi. Nung kha-in zong khatvei suang tawh 

deen ka thuak a, tu nitak khuasung kong lutma un khat vei, ka pusuah 

kikkhit in khat vei, agawm in nih vei deen’na ka thuak hi. Ahih hangin


bang mah thamlo hi. Mi khat in a tha tang neih khempeuh tawh ka 

awm-puak hong tuum a, a dang khat in ka muk hong tuum hi. Tha 

khatin sisan hong luang saam napi tua hong tupnate uh buh tu-a sat 

bang lel in na ka sa peuh mah kei hi” ci hi. – Wesley’s Works, Vol. 3, pp. 

297, 298 (ed. 1831). 

Tua hun lai-a Methodist siate leh pawlpimi khempeuh in nuih 

satna, bawlsiatna a thuak uh hi. Pawlpi mite leh thulang genna tawh a 

ki satsuah gawp a biakna-olmawhlo pawl khatte in bawlsia uh hi. 

Thukhenna zumte ah heek uh a, ahih hangin amin pua bek zumte in 

thumaan in thu a khen ngeikei uh hi. Amau ahu ding thuman a omlo 

bang zel ahih manin, a bawlsiate khutlum thuak tawntung uh hi. Inn 

lakah migilo honte hong vaak in inn sung van zatte susia uh a, van it 

tatate balzan-in innkuan numei pasal naupangte nawkgawp uh hi. Khat 

veivei lai suanguha, Methodistte innte lokgawp ding, kongvangneute 

susia ding, a ut a om leh tua hun tua munah kituah ding ci-in a tangko 

zawzen uh hi. Tua bangin mihing leh Pasian thukham a ki langtanga 

susiate daalloh, khohloh, taailoh in ki awi-aam hithiat hi. Siatna pana 

siantho nading lam laka, sianthona lamah mawhneite kalsuan dan ding 

a hilhte pen a khialh bangin bawlsiat a thuak sak zawsop uh hi. 

John Wesleyin amah leh a lawmte a ki mawhsaknate ah: “Kim 

khat in hih mite upna lampial, thukhial, a kiza ngei nailo thuthak hilh uh 

a mite a lawpsak Quakerte vai, a motphuutte vai, popevai, hong ci uh 

hi. Tua banga ki neih tawmnateng kizunglot a, upna meengte khempeuh 

ei pawlpi mah in a khiatna i bawl bangbang Laisiangthothu vive mah hi 

cih a tel a khawkin a kilakkhia hi. Tua a hih manin khialtheilo, lampial 

(260) theilo hi. Laisiangthothu om bangbang ahi hi. Mi dang pawlkhatte 

leuleu in, ‘Amau upna pen khauh lua hi. Vantung lampi pen kawciik 

sak lua zenzen uh hi’ hong ci uh hi. Tua pen a kinial ciilna bulpi ahi hi. 

Thumaan pen tua bang a kici zelden mah ahi hi. Tua bang ki cih nopna 

a muntul-in om lai ding hi. Amau in Topa leh A sawltakte bawlna 

sangin khauh zaw a hi hiam? Laisiangthothu a theihbaih pawlkhat enpak


leng: ‘Na Topa Pasian na lungsim khempeuh, na khaa khempeuh, na 

thahatna khempeuh tawh it in.’ ‘Mite in kam ginalo a pau khempeuhte 

uh thukhenna mai-ah ki pulaak ding hi,’ ‘Na neekna, na dawnna, na 

hihna van nuai ah Pasian minthan nading bek ngaihsun in sem un.’ 

“Amau in hih athu omte sangin akhauh sak zawk uh leh kawk 

mah ding ahi hi. Ahih hangin na lungsim sungun a khauh zawkloh 

lam na thei uh hi. Tua ahih leh Pasian kammal lah susia loin malnokhat 

zong a khauhlo zaw in a bawlthei kua om ding hiam? A thumaan a 

omsa lumlet-in khelsak thawthop gawp napi Pasian thu akemcing midik 

ka hi aci ngam ding kua om hiam? Tua bang a om kei ding hi. Pasian 

thu khiaptheih, neem zawksaktheih na ding in kua mah in thuneilo 

ahih manin a om bangbangin mite mai ah, ‘Na deihna uh leh lim nasak 

bangbang uh zui-in Laisiangtho pen ka khiamsuk theikei uh hi. Tua 

tawh ki lem dingin kahto un. Tua ahih kei leh na kisiacip suak lel ding 

uh hi.’ Mite gen ‘citlohna’ a cih pen uh hih thu ahi hi. Amaute in 

gilkialte an vaak loin, tang guak a omte puansilh guan lo uh ahih man 

in ‘cingh lo’ aci uh ahi hiam? Athu bul in tua bang ahi kei hi. Amau 

cih bang longal in hotna ngah thei ding lampi omlo in um uh ahih 

manin hehpihna neilo, a cinghlo bang uh hi.” – Wesley’s Work, Vol. 3, 

pp. 152, 153. 

Englang gamah Wesley hun ma-in thukham omlo cih 

(antinomianism) thu hilhna hangin khalamah kiamsuk in niam mahmah 

ahihna ki mu hi. Khrist in thukham phiat khin a Khristiante in tan’ kenkon 

ding bang mah omlo hi; thu-um mi in, “gamtatpha” panin topeng hi ci 

in mitampi in hilh uh hi. Pawlkhatte leuleu in, Thukham pen a kip den 

hi ci napi uh in siate in pawlpi mite tua thu a hilh ding uh kullo hi, 

amaute pen Pasian in hotkhiat (261) dinga a teelsa hi uh a, “ut thu 

hilo, a ki dek zolo dingin Pasian thupha in nuntak hoih lamah makaih 

ding hi” ci uh hi. A tawntung siatna khuk zuante in ahih leh “Pasian 

thukham zui zo dingin vaang neilo uh hi” ci uh hi.


A dang pawlkhat in, “Teelsate pen thupha panin kiakik thei peuh 

mahlo-a, Pasian deih sakna taan zo nawn mahmah lo hi” ci uh hi. 

“Gamtatsia a tat khakte uh zong mawhna hi tak lo-a, Pasian thukham 

palsatna zong ki ci lo ahih manin, ki sik kik leh ki pulaak zong kul lo hi” 

ci uh hi. – McClintock and Strong’s Cyclopaedea, art. Antinomians 

(ed. 1871). Tua ahih manin a teelsa mite khat in “a suuk sia penpen 

tatsiatna a hi-a, leitung buppi in Pasian thukham palsatna-a seh a na sia 

penpen ahi zongin, Pasian muhna ah mawhna hi nawn lo hi. Bang hang 

hiam cih leh, teelsa mite in Pasian adahsak gamtat leh thukham’ phalloh 

nate a gamta thei nawnlo, mi siangtho vi-ve hi ta uh hi,” ci uh hi. 

Hih upna lamdangte pen a nung cianga laithei theology siam a 

kicite hilhnate bang mah ahi hi. A ki kheltheilo Pasian thukham pen 

thumaan din mun cih bangin om thei nawnlo-a, mihing khat lungsim 

puak pen a nungzui ciat in din mun a a koihna bang bek asuak mawk hi. 

Tua in dinmunte pen ki khel khel ding cihna a suak hi. Tua bang lungsim 

puak pen mawhnei omlo vantung pan nangawn-a Pasian thukham a 

palsatna masa pa’ thumuapna pan apiang upna a hi hi. 

Mihing nuntak gamtatzia sia leh pha ding pen Sian in laitansa-a 

a neih khitsa ahi hi, cih upna hangin mitampi in Pasian thukham nial uh 

hi. Wesleyin thukham langpan(antinmian) siate’ hilh khialnate nial in, 

Laisiangtho tawh ki lehbulh hi, ci in a lak hi. “Pasian thupha mi 

khempeuhte mai-ah hong kilak hi.” “Hih in eite Honpa Pasian muhna 

ah hoih-in a saan tham hi; Amah in mi khempeuh hotkhiat a hih ding 

nadingin thumaan a theih ding uh a deih hi. Bang hang hiam cih leh 

Pasian khatbek oma, tua Pasian leh mite kikal ah palai Jesu Khrist bekin 

mi khempeuh ading (262) hotna hong pia pa khat bek, a om hi,” ci hi. 

Titu 2:11; 2Tim. 2:3-6. Pasian Kha Siangtho in a khawn khonga hong 

kipia hi a, mi khempeuh in na saang-in hotna ngah le uh deihna a hi hi. 

Tua bangin Khrist, “Tua khuavakna in leitunga piang mi khempeuh a 

vaak sak hi.” Johan 1:9. Mite in gupna a taan theihna pen hong ki pia 

nuntakna a nial hang uh ahi hi.


Khrist’ a sih ciangin zehtan thukham leh Thukhampi Sawmte 

bei khawm hi, cih thu Wesley in a dawn’ kikna ah: “Kamsangte in a gen 

phat kik-kik Thukhampi sawm a phateng pen Amah in paikhialo hi. A 

hong paina pen tua susia ding zong hilo hi. Hih thukham a ki susia ngei 

ding hiloa, ‘vantungah kip takin a om den teci ding ahi hi.’… ‘suang 

peek tungah agelh loh hangin, leitung a om phetin hih thu a om pah hi 

a,’ mihingte lungtang tunga ki gelh ahi hi. Piangsakpa khut pana i 

pusuah lim phet in a ki nei pah thukhun zong ahi hi. Tua baan ah Pasian 

khutme in khatvei hong gelhsak a, mawhna in mualsak tham ahi ta zongin 

i lungsim sungah sia-leh-pha i theih laiteng kiphiat siang theilo hi. Hih 

thukham pen mi nam khempeuhte lakah omden dinga, khang khempeuh 

leh hun khen tuam in, mun teel tuam neilo hi. Pasian in Pasian a hih lai 

teng, leh mihing in mihing ahih lai tengin, amaute kikal kizopna ah ki 

khelthei ngeilo ding ahi hi. 

“Keimah in a susia dinga hong pai ka hi kei hi. A taang tun’ ding 

a hong pai ka hi hi.’ acih ciangin, dot dot kul loin mite hei gawp-gawp 

theih loh ding in a tawntung (a nung a mai huam tuak hi) a kipding 

ahihna, a ki telmuh ak ding a hong pai ahi hi. Thukham a hi bang leh a 

hi zah ciang laktel in, asaan zia le a zaizia thamlo in, a meeng nonote 

nangawn a vekpi in siangtho in khatawh kipawl (263) ahihna lakdinga 

hong pai ahi hi.’” – Wesley’s Works, Sermon 25. 

Wesley in thukham leh Lungdamnathu a ki thuhual takpi ahihna 

a gen hi. “Tua hi a, thukham leh Lungdamnathu pen kizom uh a, pumkhat 

hi, ci-in i muh ding kisam hi. Thukham in Lungdamnathu ih muhna 

ding lampi hong kawkkhiatsak khit ciangin Lungdamnathu in eite hong 

kaai a thukham deihna lel sanga a hoihzawlai dingin hong zui sak hi. Et 

paak theih ding ah, Thukham in Pasian leh i mihing pihte it dingin 

lungneem ding, ki niamkhiat ding, siangtho dingin hong ngen hi. Eitie 

in tua teng hih dingin kicing zo i kisa kei hi. Hi mah hi. ‘Mihing tha 

tawh ki hih zo lo hi.’ Ahih hangin Pasian in hong khap ki itna hong pia 

ding a, tua in eite hong ki niamkhiat sak in hong lung neem sak dinga,


hong siangtho sak ding hi. Tua thu i up leh Gospel in tua upna bangin 

hong sem ding a, Khrist neih Gospel i upna hangin thukham-ii dikna i 

sung ah hong tung ding hi…. 

“Thukham gensia in, neupen a hia, a lian pen ahi zongin palsat 

nadingun mite a hilhte, thukham khempeuh a tawlsaan hia, Khrist um 

leh zahtaak bang kineih in thukham phiat ding cihse pen thu piang 

khempeuh laka a lamdang pen leh a diipkuat huai penpen thu ahi hi.Tua 

bang ahihte pen Khris lungdamna thu-ii gaal lianbelte ahi uh hi. Ama 

thuphiat sak in Ama vangliatna pahtawi ding cihse pen bel a lam dang 

mah mah thu ahi mah ve maw! Judas in, ‘Dam maw Topa? ci in a 

Topa nam in aleh heek’ bang a hi hi. Judas kiang ah acih mah bangin 

tua bang mi khempeuhte kiangah, ‘Mihing Tapa napna tawh leh heek 

se na hi hiam?’ ci ngel mah lo ding a hia! Ama sisan thugen a, a 

Kumpi lukhu lakkhiat sak-in a Lungdamnathu mainawt nading ci-a a 

thukhamte phiat sak cihse zen pen napna tawh Topa a leh heekna nam 

mah hilo hiam! Upna thu hilh ci vet na pi a thu mang nuam lo cih zel 

mawk pen leh Khrist thu hilh a Pasian thukham khat phiatsak, paampaih 

sak, thaneem sak cih te a ki bang linlian ahi hi. Tua bang ahihte kua 

mah Pasian’ mawhsakna thuak loin peng thei peuh mahlo ding uh hi.” 

Wesley in aci hi– Ibid. 

“Lungdamnathu hilhna in thukham bei sak hi,” a ci mite kiangah 

Wesley in, “Tua pen i nial pah lian hi. Tua in thukham kipatna mong pen 

mah, mite mawh a phawk sakna (264) pen, a photkhiatna tawh ki 

lehbulh pah hi,” ci hi. Sawltak Paul in, “thukham tawh mawhna kithei 

thei hi” ci hi. Tua hi a, “mikhat in a mawhna tel theih kei leh Khrist 

sisan in a sawp siang ding kisam a hihna ki phawk thei lo ding ahi to leu 

leu hi….’A ci dam kimlai te ading siavuan kisam lo a, cinate ading bekin 

a ki sam hi,’ Topa in ci hi. A ci dam kim lai, ahih kei leh ci dam a kisa 

kim lai siavuan sap sak ding hai vai lel hi. Amah in cina ahih ki phawk 

masa dinga, tua cingin nahuhna lungdam phing ding hi. Tua mah bangin 

a lungsim ah kisapna nei lo, lungsim zaangawp nailote kiangah Khrist


va puak mawk ding pen selphona bang hi lel ding hi” ci hi. – Wesley’s 

Works, Sermon 35. 

Tua hi-a, Wesley in Lungdamnathu ahilhna ah a Topa mah bang 

in “thukham gol sakin, a thupina lakkhia” hi. Pasian piak nasep 

muanhuai takin seem a, a thaman ding lam en in angak hi. Kum 80 val 

bang anuntak sungin, kum sawmnga taang bang khualzinna-in zangha, 

thumaan saanga ama kiangah kiciamna teci hong pang mi tulza-nga 

val bang a pha hi. Ama nasepna hanga hong kipuahpha, siatna tawh 

kipelhin a saang zaw-a hong nungta mi bang zah pha hiam cih pen 

Pasian gam a hotkhiat miteng ki kai-khawm kik-a innkuan khat-a i 

om ni ma teng a kithei kim zolo ding ahi hi. Ama nuntakna in Khristian 

khempeuh adingin man a ki seh zolo etteh hoih nuntak ahi hi. Upna 

leh ki niam khiatna, gimlo tawllo a tha nuam taka sepna, kipiak zawhna, 

leh Khrist tunga naseempa ki aap zawhnate in tu hun-a pawlpite lak 

zongah ki mu kik ta hen!


15 

French Tualgal leh Laisiangtho 

(265) 

EUROPE gamte khempeuhah mite-in Laisiangtho akipom nadingin 

kum zalom 16 lai-a Puahphatna-in na kun kawikawi hi. Gam 

pawlkhatte-in vantung kamtai hi ci-in lungdam takin na saang uh hi. 

Gam pawlkhatte papacy vangliatna-in nadal ahih manin, Laisiangtho 

khuavaak leh a thuphate nilkhia khin dektak uh hi. Gam khatah khuavaak 

alut hangin khuamialin na deihlo ahih manin a saang kei uh hi. Kum 

zalom tampi sungmah thumaan leh thukhial a tungnungzaw ding kituh 

in buai niloh uh hi. A tawpna-ah thusia in zoa, vantung thumaan ki 

paaikhia hi. “Hih thu pen leitungah khuavaak hong tunga, mite-in 

khuavaak sangin khuamial a deih zaw hi,” a cih mawhsakna a tangtunna 

ahi hi. Johan 3:19. Tua vantung Hehpihna thupha a neuseh minamte 

kiang panin Pasian thupha kiheemkhia ahih manin, gitlohna thusia a 

khan’cin dongin ki koihkhong ta hi. Leitung buppi in tua khuavaak 

nialna thaman a gahte amu toto uh hi. 

Laisiangtho deihlo-a, gal-a dona hun France gamah kum zatampi 

sung asawt hi. A tawpna-ah tualgal a pian’lawh hi. Romete-in

FRENCH TUALGAL LEH LAISIANGTHO 263 

Laisiangtho a sukkhiatna uh hanga tua buaina hong kipan ahi hi. Pope 

thuneihna leh ngimna tawh akisem khempeuh lakah leitung buppi muh 

dingin a nasia pen zong ahi hi. Kumtulval sung Rome pawlpite thuhilhna 

in angimsan uh a ki lahkhiatna zong ahi hi. 

Pope tungnun’pen hunsunga Laisiangtho suhkhia-a a humcipnauh 

kamsang mangmupa-in na genkhol khin zo hi. Akisel Mawhna mipa 

nasepna hanga piang ding a cih pen France-in athuakpha deuh hong 

suak hi. (266) Topa vantungmi-in, “Amau in khuapi siangtho zong kha 

42 sikgawp ding uh hi. Ka teci nihte zong thu ka pia dinga, amaute in 

khautang puan silh in ni 1260 dongin kamsangte bangin thu a hilh ding 

uh hi….Amaute in a teci pan’na a zawh khit uh ciangin kuam thukpi 

sungpan hong kahto sahang in amaute do-in zo-in a that ding hi. Amau 

luang te zong aTopa uh a singlamteh tung ah asihna khuapi ahi, khaa 

lam thu-in Sodom leh Iziptcih khiatna nei khuapi sungah a om lampi 

tungah a om uh a, … Leitunga om mite in zong tua kamsang nihte in a 

bawlsia ngei ahih manin, tua a luange hangin lungdamin khat leh khat 

nuamna nate a ki pia ding uh hi. Ni thum leh a lang khit a cin khit 

ciangin tua mite sungah Pasian kiang pan a nungta sak Kha lutin amaute 

in a thawh uh, adin’ uh ciangin a en mite khempeuh a lau mah mah ding 

uh hi.” – Mangmuhna 11:2-11. 

Hi a hun a genna ah kha 42 leh ni 1260 pen a hun a kibang ahi hi. 

Khrist pawlpi-in Romete’ bawlsiatna athuak ding hunteng ahi hi. Kum 

1260 sung pope tungnun’vangliat pen hun hia, AD 538 pan ki pan in 

1798 kum-in a bei ding ahi hi. Tua khit-in France galkapte Rome-ah 

lut uha, pope man-in thongah akhia uha, pope thong sung ah asi hi. A 

sawtloin pope dangkhat aki teelkik hangin aneih ngei-uh kumpi 

thuneihna a neikik nawn kei hi. 

Pasian -in A mite hehpih a, athuak siatluatna uh tomsak ahih 

manin bawlsiatna pen kum 1260 sung a bit in ki zomsuak samlo hi.. 

Pawlpi’ thuak ding tua “gimna lianpi” Honpa in a gen kholhna ah, “Tua


nite akitom sak kei leh kuamah suakta zo lo ding hi. (267) Ahih hangin 

a teelsa adingin a ki tom sak ding hi” ci hi. Matt. 24:22. Puahphatna 

thu hangin 1798 ma-in bawlsiatna pen vengta hi. 

Teci nihte tawh kisai-in kamsangpa gen zomna-ah, “Tua mite in 

Topa mai-ah a om oliv kung nih, meivak koihna nih a hi uh hi.” (Mang. 

11:4). Laphuakpa in, “Na thu in kei, lam hong lak ding meivak hi a, ka 

paina lampi-ah khuavak ahi hi.” (Late 119: 105) ci hi. Teci nihte pen 

Laisiangtho a Lui leh a Thak bu nihte a genna lim ahi hi. A nih mah un 

tawntung Pasian thukham thupina teci leh tatkhiatna ding geelna thu ah 

teci pang tuaktuak uh ahi hi. Laisiangtho Lui-a gangawh kithoihna 

limte-in Honpa hong om zia ding a kawk khol ahi hi. Laisiangtho Thak 

sunga Lungdamnathu leh Laikhakte-in Laisiangtholui sunga hong pai 

ding kamciam ahi Honpa pen Jesu a hihna leh hilhkhol limteng in amah 

kawk in ataktak pen hong tung ta ahihna a gen leuleu hi. 

“Khautang puan silhin ni 1260 dongin kamsang bangin thu ahilh 

ding uh hi.” Papal vangliatna in thumaan kammalte selcipin, zuau-thei 

tecite zangin lang pan’sak ahih manin, hihhunin Pasian’ teci nih te ahi, 

Laisiangtho pen a maimialmah mah hi. Biakna lam leh leitung lam 

uliante-in Laisiangtho mawhsakin a hilo lamlam heisak in mihing leh 

dawi kikopin mite lungsim Laisiangtho thuman pan a heikhiat theih zah 

un hei uh hi. Tua thumaan a gen ngamkhat om lehheekin sabet-in beng 

uh hi. Gawtbawl in khuamial thong inn sungah khum uha, upna hangin 

a that uh hi. Amaute in mual le guam lak kawhawm sung khawng 

beelin a buk-sim laitak nangawn un thumaan teci a pangg te thang-ippi 

silh in kamsang bangin thugen hi. Tua manin hih kum 1260 sung pen 

tua banga teci a pan’ uh kul hi. Tua khua mial mahmah hun nangawn in 

zong Pasian kammal thumaan a deih, tha nuam hanciama azong mi om 

veve sam hi. Tua hun sung teng mah in thumaan a dawksak theih 

nadingun amaute tungah vangliatna, pilna, leh thuneihna a kisam bang 

a kipia hi.


“Mi khat peuh mah in amaute tungah gimna abawl nop leh, 

amaute kamsung uh pan mei pusuakin a galte a kangtum thei hi. Mi 

khat peuh in tua bang gimna aabawl nop leh, tua bangin thahna athuak 

ding hi” Mang. 11:5 (268). Mihing in Pasian kammal nuainetin nin sak 

theilo hi. Mangmuhna a thu khupna-ah tua bang ahihte ading luahuaina 

a gen hi. “Hih laibu sunga hilhkholhna thu te a za mi khempeuh kiangah 

teci ka pan’na in, kuami kua mi hi ta leh, hih laite behlap in aguan leh, 

hih laibu sungah a kigelh gimnate tua mi tungah Pasian in akoih thuah 

ding hi. …a paih khiat leh zong laibu sungah a kigelh nuntakna kung 

leh Khuapi Siangtho pan tua mi ngah ding khempeuh Pasian in a 

lakkhiatsak ding hi.” Mang. 22:18,19. 

Pasian lahkhiat thute leh a sawl thute mite-in a kheksak loh 

nadingin ki kep nadingin tua bangin thu apia hi. Tua thupiak mawhsakna 

pen Pasian thukham zaang khaai ngaihsut dinga mite a makaih khempeuh 

tungah zong atu hi. Pasian thukham i zui-a i zui kei zongin thupilo hi, 

a ci mi peuh mah tungah hih a lauhuai thu atung ding ahi hi. Pasian 

hilhna sanga ama lungsim puak a thupisakzawte, a deih banga 

Laisiangtho khiatna a kaaite, leh leitung lam a ngate-in tua a gamtatnate 

uh hangin thaman thuak ding uha, tua in amau zontawn thaman ahi hi. 

A ki gelh thu ahi Pasian kammal leh a thukham in mi khempeuh gamtatna 

sittelin tawikhai dinga, alek zolo leh acinglo peuh mah anolh ding hi. 

“Amaute in teci panna azawh khit uh ciangin,”cih tawh kisai in, 

thangip-pi puan silh teci nihte in a teci pan’ ding hun uh pen 1798 kum 

in beita hi. A simtham-a a sepna uh a zawhkuan-uh ciangin “kuam 

thukpi sungpan hong kahto sahangin” amaute gal-in hong sim ding a hi 

hi. Satan in papalte zanghin, Europe gam tampi-ah leitung ukna leh 

pawlpi-ukna ana a len kop hi. Tu-in Satan vangliatna thak tua bangin 

hong ki lang hi. (269) Laisiangtho a zahtaak luazaw-in ki gen uha, kuama 

sim theihloh ding kam tawh koih in, mipite kiang pan aki gamla theitheia 

selcip ding pen Romete ngiimna policy bulpi ahi hi. Tua bang hun 

sungin tecite in “thangip-pi puan silh in” kamsang bang in thu ahilh uh


hi. A hi zongin kuam thukpi sungpan pan hong pusuak a vanglian sapi 

khat in Pasian thu Laisiangtho pen gal in do ding hi ci hi. 

“A khuapi” kongzingah teci-te kithatin a luang uh a kisialna 

mun pen “khalam Izipt” a kici hi. Laisiangtho tangthu sunga minam a 

gente khempeuh lakah Izipt kumpi sangin vantung’ thuneihna a 

nialngam zaw kumpi dang omngeilo hi. Mosesin Topa min tawh thu 

hong gen ciangin Pharaoh in, “Ama aw ngai in Israel ka paisak ding in 

Topa in kua ahi hiam? Topa ka thei kei hi, tua thamlo-in Israelte ka 

pai sak kei ding hi,” ci hi. Paikhiatna 5:2. Tua in a nungta Pasian 

niala, up lohna leh demna lungtang a dawk sak Egypt banga hong pau 

lawki minam khat peuhte lim cing ahi hi. Tua “khuapi” pen “khaa lam 

thu ah” Sodom tawh zong gen teh hi. Sodom khua in Pasian thukham 

palsat-a a nitna uh pen khuavalna a hi hi. Hih Laisiangtho sunga 

mawhna bawl gam a gen pen in zong hih thuah paangtat penpen ding 

uh cihna zong ahi hi. 

Kamsangpa kammal mah bangin 1798 ma deuh-in Satan 

phuatkhiat, Laisiangtho bu gal-a a bawlna gamtatsia hong laang takpi 

hi. Tua gamah Pasian teci nihte daaicip leh Pharoah Lawki ngeina leh 

Sodomte paangtatna hong khang kik ding ahi hi. 

Tua hilhkholhna bang lianin France gamah atung hi. 1793 kum 

tualgal lai-in, “Europe gam mipil misiam, mi nam thupi pen khat a ukte 

in ki khoppi khat bawl uh hi. Mite pomsa thumaan upna leh Pasian 

biakna nialhuan nading thukimna khat, leitungin a zak cilna dingin, ong 

nei uh hi.” (270) Sir Walter Scott “Life of Napoleon Buonaparte,” 

Vol, 1, ch. 17 (ed. 1854). Van leh lei bup aneipa’thu nialin, do nadingin 

a khut a zanghngam gamkhat aki ciamteh gam pen France gam ahi hi. 

England, Germany, Spain cihte leh munkhempeuh ah Pasian gensia ngei 

leh Lawki upna pom gam tampi mah om ciat uh hi. A hih hangin France 

pen leitung tangthu-ah a ki langkhia vilvela Pasian omlo cihna 

gamthukhun bawl nading ki khoppina nei a tua banga pulaak khia gam


France bek a om hi. A khuapi sung mitam penpenna mun citengah 

numei-pasal lungdam in Pasian omlo cih thu la-in sa in a laam uh hi. 

France gam in Sodomte omzia teng a zilkik pha mahmah hi. 

Tua tualgal hun sungin zulhtatna, leh kihhuai gamtatnate pen Sodom 

khuapi kisiat lawh gamtatna ciang mah a tung hi. Tangthu gelhte 

ciaptehna-ah, hilhkholhna sunga kigen bang lian mah in Francete huukna 

lanna leh Pasian aneih lohzia uh a nasiat gen mahmah uh hi. “Tua thu in 

biakna nakpi in a susia hi. A siangtho kiteenna kiam suk a, nupa leh kipi 

kiteenna vai ah gam ukte vaihawm sak hong suak-in, ut hun in kitengin 

ut hun mah in kikhenthei dongin ong zulhtat ta uh hi. Dawite-in innkuan 

sung nuntak zahtaak kaaina, a nopciitna, leh a muanhuaina om zaangzah 

suksiat a sawmna uh ah, a kipuahkik thei nawnlo ding leh asuuksia pen 

kheltatna ahi kipi kiteen na a siatsakna uh kaan a suuksiazaw adang om 

thei nawnlo ding hi….Kam khelkhel zangh thei-a min thang, pawi-lahsiam 

nu Sophie Arnoult in kumpite thu-a ki teen’ sakna pen “zualzananlim 

neekkhawm pawi hi’ ci hi. – Scott, Vol. 1, ch. 17. 

(271) “A Topa uh singlamteh tunga asihna khuapi ahi” Hih 

hilhkholhna kammal pen France mah ah a taang tung hi. Hih gam sangin 

Khrist alangdozaw gamdang omlo hi. Hih gam zah-a gilo leh kheltat, 

thumaan langdo gamdang omlo hi. Lungdamanathu a um mite a bawlsia 

in, Khrist’ nungzuite tunga a tatsiatna-uh tawh France-in singlamteh ah 

Topa a khailum uh a suak hi. 

Kumza khit kumza akizom in, mi siangthote sisan ki luangsak 

den keei hi. Waldenseste-in “Pasian thumaan ading leh Khrist Jesu 

tecipan’na adingin” Piedmont mual dungte-ah a nuntakna-uh a paih 

laitak un France gamah a sanggamte uh ahi Albigenseste in tua bang 

bawlsiatna mah natuak uh hi. Puahphatna a laan’lai-in tua thu-umte a 

lipkhap huai gawtbawlna tawh that den uh hi. Kumpite, Ukpite, Tonu 

a hite, leh a kisathei a gal-haang miliante in a ki that Jesu mite’ gentheihna 

teng muhnop et-in en uh hi. Gaal-haang Huguenotte in a siangtho bel


leh athupi bel thuman ading gaalnanna in asisan uh na bua uh hi. 

Protestantte pen gam mi a kismlo bangin seh uh a, athatzo pepeuh tua 

zah pia ding cih sehna khat nei uha, amaute’ lutang la nuam-in gamsa 

bet bangin a beng uh hi. 

“Sehnel gamkeu sunga pawlpi” a kici 1800 huam-a France 

gamsunga om athamlai nidang Khristian suan le khakte-in khanglam 

gam muallak ah bu in a pate upna baan zom thei uh hi. Zankim laitakin 

mual pang munsia lakte ah gaal-haangte hong pai-in tuate kaai mang 

ving veng uh a, a khantawn un innsung sila-in a khawi uh hi. A 

siangthopen, a na vaakpen, France gam mipilpente sikkhau khih in a 

lipkhap huai gawt bawlna tawh mi suamte leh gutate mah bangin a bawl 

uh hi. A dopbawl zaw diakte uh kaptuuk zel uh hi. Gaalhiam neilo, cih 

nading thei loin khuk din’in thungen lel uh hi. 

Khanghaam puteek piteek, belh ding neilo nupite leh mawhneilo 

naupang tampi a ki khopna munte uhah a sisa-in ki nusia hi. Mualsang 

tung khawng, a kikhop ngeina mun uh gam mang tulak (272) lak 

khawngah vaak le’ng, kalli suan sim-in, muhngam huailo zah in “lopa 

tung khawngah misi luang ki phahpheei zelzul a, singkung tung 

khawngah misiluang ki khai geei-gaai kawi-kawi hi.” – Wylie, b. 22, 

ch. 7. Namsau, hei, leh meiselte’ suksiatna hangin a gambup un 

“khuamial gam simtham a suak hi.” “Hih gitloh gamtatnate pen in 

Khuamial Hun (Dark Ages) sungate hilo in khuavaak hun akici Louis a 

14na pa khang khawnga gamtatnate ahi hi. Nate thei in pilna khangtota 

a, lai kisiamta hi. Zum lam leh khuapi lam naseemte zong laithei thugen 

siamte vi-ve uh hina pi lungduaina migiitna thuphate a khansangsik in 

aki sumit zaw hi.– Ibid. 

Tua kum zalom huam sunga tatsiatna zosiah-a a sia huai penpen 

le dipkuathuai pen St. Bartholomew-a Mihon Suamlupna ahi hi. 

Leitungin a cikziathuai kithahna a seh kikkik uh ciangin tua thu phawk 

pen in ki nei zel hi. Rome siampite leh thukhen phungzite ngetna zui-in


France kumpipa thupiakna tawh ki seem ahi hi. Zankim ihsip laitakin 

misuam nading daak ong ging hi. Protestantte a innciat uh ah 

kumpihulum beelin lung muang tak a ihmu hithiat kimlai, theih kholhloh 

in ki kaaikhia hi. Paulap bang mah omlopi-in ki ban thah ngelh ngelh hi. 

Izipt gama saltang Amite mitmuhloh in Khrist in a makaih bang 

mah in, tua mihon suamlupna sungah Satan in aki mulo in amite a makaih 

hi. Khuapi bek ah tawp lo-in, Kumpi thupiakna tawh Protestantte omna 

gamsung khua khempeuh ah zong kithat ziazua kawikawi hi. Numei 

pasal, piteek puteek, naupang meelmawl, zahtaak leh siit cih neiloin 

that uh hi. Milian mineu, a moi ahaam, nupi leh nungak, a vekpi-in a ki 

bangin that uh hi. Misuamte in France gambuppi ah khanih sung si khop 

in mi a go uh hi. A gambup ading paakpalh lih-leh abang amanpha 

mihoih 70,000 bang that uh hi. 

“Tua misuamnathu Romein a zaak ciangin thuzui naseem 

(clergy)te gen zawhloh in nuam in nopsa uh hi. Lorraine-a Cardinalpain 

tua thuko mipa pen pahtawina lukhu tul khat a pia hi. St. Angelo ah 

tua lungdamnathu muakna in thaupi (Mee pi) lawn uh hi. Mun khempeuh 

pan in lungdamna biakinn daakte kisaat a, zan-in meiphualpite sep-in 

sun zah phial mahin vaak sakzo uh hi. A Cardinalte leh thuhilh 

maangliante in Gregory a 13napa kiim uum-in Lorraine ah Cardinalpa 

omna St. Louise Biakinn ah siangthopumpi tawh lam pai khopna 

(prosession) nei-in “Nang Pasian kong phat uh hi (Te Deum) cih zingsang 

thu ngetna ava neihpih uh hi. Thamlo in, Misuamnapi phawk dennadingin 

minphatna Medal khat ki seek hi. Tua tungah galkap mang lianpi penpa 

a dona lim, Kumpipa in tua misuam nading a vaihawm lai-a Councilte 

tawh a ki kupna lim, leh mi kithat ziazuate lim kisuai, Vatican zum 

sungah zong Vasari lim kizeem thum tak a koih uh hi. Gregory in Kham 

tawk kibawl Lingpaak khat Charles a khak hi. Misuampi khit khali 

ciangin Misuampi ni thu French phungzipa khat genna lungkim takin 

ngai a, a, “asiangtho bel pa in tua thu a zak ciangin Pasian tung leh St. 

Louis tung ah lungdam ko dingin a pai ni pen a lungdam huai kipah na


tawh kidim ni ahi hi’ a ci hi. – White, Henry, “The Massacre of St. 

Bartholomeu,” ch. 14, par. 34 (ed. 1871). 

St. Bartholomeu Misuampina a hansuah khaa mah in Frence 

Tualgal a pian nading mah in a vaihawm hi. Jesu Khrist pen akineih 

tawmpa hi, ci uh a, Pasian deih lo French mite in “Tua mi sualpa 

meekzaan un” ci uh hi. Vantung simmawhna leh kihhuai gitlohna tawh 

kheltat a khan sia pen pen, leh gamtatsia-a mi’ gimneih pente peuh 

pahtawi pente suak sak uh a, a thumaan, a siangtho, a duhhop a 

huaihamlo Khrist a khailum zaw uh hi. Hih bang teng tawh Satan tunga 

tokaai a suak uh hi. 

Kuam thukpi sung pan hong pusuak sahang in amaute gal-in do 

dinga, zogawp in amaute that ding hi. “Tualgal leh Ukna Gilo in a uk 

hun lai-a Pasian neilo France vangliatna in Pasian leh A thu siangtho a 

lang bawlna zah-in ahuaisia dang leitungah om ngei lo hi. Gambup 

kikhoppi thukimna tawh Pasian biakna beimang sak uh hi. A huatna uh 

lahna in Laisiangtho bute kaai khawm-in mipi mai ah a haal tum uh hi. 

Pasian thukham te zong lei ah sik cip uh hi. Laisiangtho thusinna mun 

khempeuh susia uh hi. Nipikal tawl (274) ngak nite zong kheel in ni 

sawm sial-in tawlnga-in gualnop bawlna leh Pasian neu bawlna lim a 

lak uh hi. Tuiphumna leh neekkhawm bawlnate khaam uh hi. Misi vuina 

haante ah lai suang uh a, a tawntung in ihmu cip ding hi, cih sak uh hi. 

Pasian kihtakna in haina kipatna hi, cih sak uh hi. Gam zahtakna 

leh suahtakna longal biakna peuh mah khaam uh hi. “Mi gensia leh 

thusia gen ding tang hial-in Paris-a bishop pa pen kumpi ngeina tawh 

kiteel minam bup palai bangin koih tawm uh hi. Mi hon ki zui-a paina 

khat ah amah pai pih uh a, kum hi-tan ta a hilhsa thute leh siampi sepna 

khempeuh in, thumaan pan hi ta leh tangthute pan hi ta leh, gui le zop 

pih nei hilo hi ci a Kikhoppi mai-a pulaak sak uh hi. A biak Pasian omlo 

hi acih nadingin ki ciamna bawlsak uha, mailam ah gambup suahtakna 

leh liangko kikimna, nuntakhoih lungsim maan neih nading ah ki aap


sak uh hi. A nasepna leh siampi kizepna teng sabuai tungah a ngaksuk 

ciangin Presidentpa in sanggam it banga itna tawh amah a ngawngkawi 

hi. A lampial phungzi tampite in hih phungzipa nungzui-in ama bawl 

bangin a bawl ciat uh hi.” – Scot. Vol. 1, ch. 17. 

“Leitunga a om mite in zong tua kamsang nihte in a bawlsia 

ngei ahih manin, tua aluangte hangin lungdam in khat leh khat nuamna 

nate akipia ding uh hi.” Pasian neilo France in Pasian teci 

nihte’mawhkawk khiatna aw daaisak uh hi. Pasian thumaan kammal 

zong a kongzingte uh ah that-in a sialpaih ciangin, Pasian thukham niala 

a mu dahte lungdam ki paakin diang uh hi. Mitein a kilangtangin 

vantung Kumpipa gensia uh hi. Tanglai mimawhte mah bangin, “Pasian 

in bang ci theih ding ahi hiam? A sangbelpa icih in phawktheihna nei 

ahi hiam?” ci-in ko uh hi. Late 73:11. 

Up zawhloh zah-in Pasian kosiatna hangsan uh a, a vaihawm 

thakna sunguh-a phungzipa khat bang in, “Pasian aw, A om mah na hih 

leh Na mindai-na teng tu-in hong siansuah in. Na phu hongla in ci-in ka 

hong to hi! Thuklo a Nong om lailai leh Na vangliatna a zangh ngamlo 

Na hi ding hi. Paulo in tua ci khen-khan mawk le cin kua in Nang a om 

mah hi ci-in hong umthei nawn ding hiam?” ci zen hi. – Lacretelle’s 

“History,” (275) Wol. XI, p. 309; in Alison’ “History of Europe,” 

Vol. 1. Ch.10. Tua kammal pen “Ama thu ka man’ ding Jehovah i cih 

kua ahi hiam? Ke’n Jehovah cih bang kathei ngeikei hi!”ci-a Pharoah 

in a zat ngeisa khat a hong ging kik ahi hi. 

“Mi haite in a lungsim sungah Pasian omlo hi” ci hi. Late 14:1. 

Topa in bel thumaan a susiate, “Amaute haina leh khialhna mi khempeuh 

mai ah kilang ding” ci hi. 2 Tim. 3:9. France gam in a nungta Pasian 

biak ding nial a, “a tawntung-a lian pen, a sangpenpa” a nolh khit uh 

asawtlo in numei suksia limpua Thu Ngaihsutna Tonu(Goddess of Reason) 

nungzui in milim a bia uh hi. Hih pen mi nambup kikhopna-a 

gambup thukimna ahi hi. Tangthubu gelhte in, “Khiatna mahmah a neilo,


a zahtaak thamcing lo, hih haitatna a bawl uh bel a suuk pen mah hi pah 

hi. Kikhopna inn kongvangte ki honga, lasa pawl leh tumtheihtawi 

pawl hong lut uh hi. Khua sung vaihawm hausate tawh suahtakna 

pahtawina la sa kawmkawmin, galvilte-in uum cih sa-in mailam-a a biak 

ding uh Thungaihsutna Tonu cih min aphuah uh numei khat amai 

kikhuhsa in hong lut pih uh hi. A tual hong tun’uh ciangin amai kikhuhna 

leemkhia khian-khian uh a, Presidentpa taklamah a koih uh ciangin, 

laam inn-a numei laamsiam nu ahi hi. Thungaihsutna Tonu a cih nusianlim 

laakna aneih uh, hih nu mai ah France gam mihonpi thamlo in 

mipil thungaihsun siambel akineite nangawn in bia-in a tokaai uh hi. 

“Hih a kihhuai leh maizum huai, akineih tawm Thungaihsutna Nusian 

hangin a minam bup un ki kheel-in, liangko kikim-a taangpi nuntak theih 

ding deihna-in Tualgal piangsak uh ahi hi. – Scot. Vol. 1, ch. 17. 

Thungaihsutna biak sapna thugenpa in, “Gam Ukna thukhun 

bawlte! Ahang theihna Khuavaak in motphutna mialpi nawhkhia ta hi. 

A mitmang tawh tua khuavaak taang lua en in mutheilo uh hi. Tu ni-a 

hih gothte inn lim-a kilam biakinnpi sungah mipi hi zah ki khawpna-in 

thumaan ging a hong thawnkik ih zaksakna masa pen ahi hi. Tua lai ah 

biakna man ahi, suahtakna leh Ahang Theihna(Reason) ki bia ding hi. 

Tua pen Gambup galhiam hi-a, zong ki cipha sak ding hi. (276) 

Tua lai mah ah nate pianzia ahi a Ahang Theihna Pasian anuntak 

suak theih nadingin agamtang theilo milim khempeuh ki susia ding hi. 

Nate pianpih, milimte laka anungta a thupi pen ahi Ahangtheihna Pasian 

pahtawi-in i bia hi.” aci hi. – Thiers, M.A., “History of the French 

Revolution,” Vol. II, pp. 370, 371. 

Tua Nusian pen biakinnpi sungah hong tun ciangin kikhopna 

thugen siampa in akhut tawh leenkawmin, mipilam hong nga in, “A 

sithei mihingte aw, na meidawi man uha na bawltawm uh, bang mah 

ahih theilo Pasian’van gingte kihta-in liing nawn kei un. Pasian cih omlo 

hi. Ahangtheihna bek om hi, cih tu-a ki pan in thei ta un. A milim thupi


pen leh siangtho pen note kong pia hi. Milim neih a kul leh hih bang 

milim bek nei un…alian mah mah Suahtakna zong ahi Ahang Theihna 

mai bekah na kun ding uh hi!” 

“Tua nusian pen presidentpa in a ngawngkawi khit ciangin motor 

hoih mahmah sungah tuangsak uha, mi honpi laizang nawk-in, Pasian 

zalaih dingin, Notre Dame Biakinnpi-ah a koih uh hi. Biakna tausaang 

tungah tua nu saang khaan uha, a hong pai khempeuh in a bia uh hi.” – 

Alison, Vol. 1, ch. 10. 

Tua zawh a sawt loin mipi mai ah Laisiangthobute haalna in a 

zom pah hi. Inn lianpi sung ong lut uh ciangin, Tang’van keem Pawl 

(Popular Society of Museum) thakhat in awng uha, “Vive la Raison!”, 

Ahang Theihna khansau hen! ci-in ciangdawn khat ah Thungetna leh 

Misa bawlnabu, leh a kaangtum baang Laisiangtho Lui leh A Thak 

khawng suang in presidentpa in, “Leitung mi a hong biak sak uh hih 

thuhaivai teng meikhuk-ah ki haal ta hi,” a ci hi. – Journal of Paris, 

1793, No. 318. Quoted in Buchez-Roux’s collection of Parliamentary 

History, Vol. XXX, pp. 200, 201. 

Hih Lawki nasep a hong picinna pen pope patkhiat sak ahi hi. 

Romete bawlbawl kithuah ki kholhdan ngeina, ki-uk dan, biakpiak 

ziate in France gambup siatna a piangsak hi zaw hi. Tualgala a khengval 

tatsiatna khempeuh pen Pawlpi’ tokhom alente hang hi –a, thu tang 

takin kikhen hi leh pawlpi tung tu ding hi ci-in thuciamteh laigelhte in 

gen uh hi.. Pope in kumpite lungtang sungah thusia pawi-in gu a 

suahkhit ciangin, Puahphatna pen, kumpi langpang, kilemna leh 

galmuanna asusia bangin musak in(277) a langdo sak hi.Tua bang ahih 

nadingin, kumpi tokhom panin gitloh kheltatna nasia penpente tawh a 

gam a ukcip nadingin sim hansuah in thumuap sim den cih Romete 

vakhna pen ahi hi. 

Suahtakna lungsim pen Laisiangtho tungtawn-a piangkhia ahi 

hi. Lungdamnathu a na ki saan’na peuhah mite lungsim khangh-lo hi.


Tua ciangin a kikhihcipna sikkol ahi khua-phawkloh saltaanna, ki 

siatnate, leh thuciin zuihnate suutkhia in a nusia uh hi. Amau in mihing 

ngaihsutna maante ngaihsun in sepna ngeina bang seem nuam uh hi. 

Kumpite in tua mu uha, amaute a nawkgawp khak ding uh lau uh hi. 

Rome in a launate uh a khiangkhol thei dingin navaak-in, zong 

tuantual ngeilo uh hi. 1525 kum in France gam a keem dinga ki sawlpa 

kiangah pope in, “Hih haina (Protestant thu) in biakna bek thamlo in 

vai thupi khempeuh, mi thupi khempeuh, thukham leh ngeina khempeuh 

baan ah thuneihna leh zaliatna khempeuh zong ong susia lai ding hi,” 

ci-in a hilh khol hi. – Felice, G, de. “History of the Protestants of 

France,” b. 1, ch. 2. Par. 8. Tua zawh kum sawtloin pope sawltak 

khat in Kumpipa kiangah, “Kumpipa aw, taksang kei in. Protestantte 

in biakna bek hilo leitung ki-ukna kumpivai zong hong lumlet ngelngel 

ding uh hi….Biakna thak khat in kumpithak khat mah deih hamtang 

ding hi’ ci-in ava lawt hi. – D’Aubigne, “History of the Reformation in 

the Time of Calvin.” b. 2, ch. 36. Tham loin, theology siamte in mipite 

giim-neihna asiansuah nading un, Protestant upna in “a ki phuaktawm 

thu leh a haihuai thu lamah mite heiikhia ahih manin, kumpipa a ki 

muan ding zah-in muang sakloin pawlpi leh kumpi hong hawmsuak sak 

ding hi,” a va ci hi. Tua bangin Puahphatna langdo dingin Rome in 

France athuzawh hi. “Kumpi tokhom kip nading, Ukpite kip nading, 

leh Upadite kip nading deihna-in France ah Protestantte bawlsiatnading 

namsau kidok masa hi.” – Wylie, b. 13, ch.4. 

Tua athukhun uh in bang thaman hong tun’pih kik ding cih 

Gamukte in tawm muh kholh luazekkha uh hi. Laisiangtho bangin thu 

hong kihilh leh a gambup nopsakna bulpi teng, ahikitamkimnate, 

thumaan-na te, ki kepsiamnate, leh thuman-nate mite sungah hong po 

dinga French gam khangto zawngel mah ding hi ven! “Dikna in minam 

a tawi saang ” ( Paunak 14:34; 16:12) in tua tungah “kumpi tokhomte 

a kip” hi zaw hi. “Thumaan-nasepna in lungmuanna a pia hi zaw”a, tua 

ciangin “daihna leh khamuanna atawntung in akip ding hi.” Mite in


Pasian zahtaak in athukhamte a zuih uh ciangin, (278) thumaan leh 

dikna thuneihna a zangh kumpipa zahtaak in, gamsung thukhunte zong 

ong zahtak pan ding uh hi. Ahi hangin akamsia France in bel Laisiangtho 

leh athuzuite nial uh hi. Kumza khit kumza, a dik-a gamta mite, a 

thumaan ngimna khauh mipilte, thuman a zui ngamte, upna thumaan 

hanga a thuakngam tua bang mihoihte in a kum zalom mah-in aki 

khumcip sal suak uha, ki halna khuamtungah si uh hi. Pawlkhat leisung 

khuamial thongte-ah muatcip uh hi. Tul tampite taaimang uha, 

Puahphatna hong om-a ki pan kum 250 sung bang tua bang bebek hi 

den uh hi. 

“Tua bang bawlsiatna maitang pan a taaimanglo, Lungdamnathu 

ah a belhtentan, khutsiamna, set nasepna lam, leh pilna lam peuh seema 

om teeiteei French mi tampite in a gam ki-ukna hangin taaikeek in 

abelh theihna gam peuh beel uha, tua gamte va hamphasak tuam uh hi. 

Mi gam va tung uha, Puahphatna thuphate tawh va khangkhia uh hi. 

Amau gam pen a hawmsuak hi. Tua kum 300 sung bang a ki nawhkhia 

teng France ah om in, a gam leitang puah uh hen la, a gam-a setzongte 

ah na seem sakin, amau pilna leh theihna in aminam laite puah uh henla, 

amau thumuhnate in a gam uh makaih in dinpih hi zen leh, amau 

galhaan’na in a gam ading galdo leh, amau thutan-na lungsim in a upadi 

uh bawl in, Laisiangtho’ guat lungpilna in gam mite lungsim makaih hi 

zen leh bel bang zah ta in minthanna leh vangliatna in tu dongin France 

tuam in, bang zah takin hampha in mi dangte et teh a khangto gamnuam 

suak ding uh hiam! 

“Ahih hangin a kizo theilo, thulang bek en, mitsi tentan nuam 

uh ahih manin amau gam pan sia lian sia hoih mahma te, vai hawmsiam 

belte, kumpi (279) tokhom adinga pangpi mihoihte, leitunga ama gam 

“a minthang sak dingte”, ki halna khuam leh nawhmang ding khat zaw 

saang a ut zawk teelsak denkeei mawk uh hi. A tawpna ah a gam kisia 

takpi ta a, a sunglam upna pulaak ngam gaalhang mi zong om nawnlo 

hi. Kihalna khuam zuat pih ding biakna kuhkalmi zong bei ta hi.


Nawhkhiat tham dingin gam it mi zong om nawnlo hi.” – Wylie, b. 13, 

ch. 20. Tua ciangin lipkhaphuai sisan luan’na Tualgalpi tawh mual hong 

khum ta uh hi. 

“Huguenotte taaimangna in France gam taangpi kiamsak hi. Van 

leh nate abawl khuapi kisia ta hi. Lei hoih an tamna munte gamsimtham 

suak ta hi. Anaak pan aluang Pilna teng kangta, mihing lungsim khantoh 

nateng kiamsuk in mainawt zonawnlo hi. Paris khua pen mi zawng 

munpi khat suak a, Tualgalpi bei ciangin kumpipa kiang pan khutdawh 

ngen a nungta 200,000 bang om hi, ki ci hi. Aki siacip minam sung pan 

Jesuitte bek khangto uha, pawlpi leh sangte ukcip sawn uha, thonginnte 

leh inn kawcikte ngen zat-in nei uh hi.” 

France-a thuhilhsiate, a kumpite, leh mipi upadi leente siamna 

in bang mah cinzo nawnlo hi. A tawpna-ah ukna gilo leh siatna ciang a 

tun’ gam-ukna leh nuntakzia pen Lungdamnathu in a puah sak uh hi leh 

tua buaina teng aveng ding kimlai tua bang ding in lah aphal kei uh 

hi.Tua manin agambupin siatna ah aki denna uh hi. Romete ukna sungah 

mitein Honpa hong piak thupha leh etteh dinga hong koih angsung 

mangngilha ki piak ngamnate bei ta hi. Mi dangte noptuam nadinga 

angsung nialna leh midang deihsak masakna lungsimte gamlapi ah 

leengmang ta hi. Tua hangin, mihaute in mizawngte a gawina ahilh a 

taai ding om nawnlo hi. Mi zawngte in zong salnuntak leh kiamsukna 

pan-a a huh ding kua mah nei nawnlo uh hi. Amau angsungbek khuat 

ciat uh a, a hau photte hau semsem in gilo semsem uha, mite a nencip 

semsem uh hi. A kum zalom tampi sung miliante in mi ginalote gawicip 

uha, a, huaihamna uh tawh khelbawlna piang hi. Mi haute in mizawngte 

tungah khial uha, mi zawngte in mi haute mudah ta uh hi. 

Gam meeng tuamtuam tampi ah ukpite leh miliante in mun le 

mual leh logam khempeuh leen uh ahih manin, nasemnamte in a saap 

bebek in lokho in leitang neite’ thu bangbang leh a nget bangbangin a 

sap piak kul hi. Pawlpi leh kumpite pen tua miniamte in vaak (280)


uh a, thuneite in tampi-pi la in, kumpi leh pawlpi naseemte vaak uh hi. 

“Ukpite deihna bangbang Upnadi golpen suak pah mai-a, lokho mite 

leh a miniamte in a ukte a vaakna un gilkial in tasam uh hi….Mipite in 

avai khempeuh uh ah leitang neite deihna a dot phot denkeei uh kul hi. 

Lokho mite nuntakna pen a tawlnga thei ngeilo, a buai den khat hi a, a 

phun ngamte phunna pen bawlsiat behlapna lel a suak hi. Thukhen Zumte 

in lah miniam pampaih in Ukpite lampang zaw hamtang den uh hi. 

Thukhen mangte in a ki langtang in golhguuk la uh hi. Hi banga a 

buppi kisiatna hang mah in tungsiah uliante lungsim bangbang pen 

thukham hi pahpah hi. Gam-uk kumpi baan ah, biakna lam uliante in 

mipi tung pan siah a kaih uh hangin a kimkhat nangawn Gambup sum 

kholna leh Pawlpi sumkholna sungah lutlo hi. A dangteng pen zulhtat 

paangtatna-in zangh uh hi. Tua banga mipi zawng sakzo zah-a siah le 

kaih a late Upadi in siah a maap zawlai hi. Tua bangin siah pengh mi 

150,000 bang a om hi. Ahih hangin amau nopsakna ngah nadingin a 

gentheihlawh mi a awn a mak-in a om hi. 

Thukhen zumte lah gualnopna vive tawh paangtat uh hi. Gam 

mite leh makaite kikal ah ki muanlahna vive a om hi. Huaiham in 

simneek ding uh hi ci-a Kumpi naseemte muan lahna dimkhol den hi. 

Tualgal pian ma kum 50 val lai in Louis 15na pa in kumpi sem hi. 

Tuapa zong hih hunsia sungah bang mah-a ki manglo, thadah, khuaval, 

gualnop bek uuk kumpi hi, ci in ki ciamteh hi. Gamsung nautaang 

mite zawngsakzo zah-in hamphat tuhna in na a ki sep manin gambup 

in sum tasam uh hi. Tua in mite hehna sosak ahih manin, buaina piang 

ding hi cih, kamsangte mit kulselo in, mikhempeuh in mukholthei ta 

uh hi. Councilorte in ngaihsut a piak ciangin kumpipa in, “Ka deih 

banga ka bawlna zui phot lel un. Ka sih khit ciangin a piang nuam 

peuh piang hen,” cih vive-in thuk hi. A (281) ki samte puahphat dingin 

a ki nget hangin a mawkna a suak hi. Thusia piang dingte zong mu 

napi in puahphat ding bawlngaap loin zong a bawlngam kei hi. France 

in a thuak ding siatna pen ki mukhol gige a, ahih hangin ama thadahna


leh a huaihamna bek tawh ni tumsak in “Kei khit ciangin piang hen!” 

cih a hi den mawk hi. 

Kumpite leh gamukte hazat-huai-hamlungsim zui in Rome in 

mipite hu-neh gawpin sila bangin khihcip uh hi. Tua ci leh a gambup 

thaneem ding cih mu in tua bangin gamukte leh gammite thaangawk 

ding in abawl hi. Saupi a ukcip zawh nading in, a khaa uh sikkol bulh in 

salsuahna pan a taaikhia sim zolo ding in koih kul hi cih amu uh hi. Tua 

a Upadi bawl uh in pumpi gentheihna sangin, azah tul-in a mite lungsim 

a siasak zawtham lai hi. Laisiangtho suhkhiat sak a, mihingte huaihamna 

leh thulang etna bek tawh vai a kihawm ciangin mite pen haina leh 

thuciin lelte khawng in khuhcipa, lungsimsia in vuka, amau leh amau a 

ki-uk theilo, dinmun atun pih hi. 

Ahih hangin Romete ngimna banglo lam in nate hong piangkhia 

hi. Rome upna sungah mipi ong ki piak sangsik in, mipi pen thu umlo 

lawki leh tualgal bawlte suaksak zaw tham hi. Rome thu pen phungzi 

vai ci in a mu dah uh hi. Thu zuihna lam siate peuh mah pen amaute a 

nen-niam lel ding mite bangin muta mai uh hi. Romete pasian bek pasian 

in mu ta uh a, Romete thu hilhna bek amaute biakna aseh ta uh hi. Tua 

gitloh huaihamna teng pen Laisiangatho hanga piang nuntakna gah sa 

uh ahih manin, Laisiangtho a deihna uh om nawnlo hi. 

Romete in Pasian omzia lakkhial uh hi. Pasian nget thute a lehlam 

in lak uh ahih manin mite in Laisiangtho leh A neipa Pasian nial ta uh hi. 

Rome in ama upna pen Laisiangtho sunga om thu bang lim-in 

khembawlna tawh mite a hai-up sak uh hi. Tua manin Voltaire leh a 

pawlte bangin Pasian kammal paai khia uha, mun citengah uploh nading 

thu a theh kawikawi uh hi. Rome in a sikkhetul zangin sawtveipi mite 

sikcip uh ahih manin, nakpi in kiamsuk khin uh hi. Tua hangin mipi 

lunghaam in ngoltol khin uh ahih manin Rome tawh kipelh nuam ta uh 

hi. Tua manin a thu khatbeek a mang nuam kei uh hi. (282) Sawt veipi 

a biak uh kheemna ah a heh uh suaklua ta uh ahih manin, thumaan


nangawn tua tawh nialkhawm kha ta uha, tua suahtakna pen a lungsim 

uh’n suahtakna man sakha ta uh hi. 

Puahphatkikna kipatlam in, kumpipa thusiamna tawh, ukpite leh 

thuhilhsiate gawm sanga atamzaw dingin mipi sungpan teelin taangmi 

hong puak thei uh hi. Thu saikakna leh khensat theihnanei uh hi napi, 

ahih hangin tua athuneihna uh hoihtak in a zangthei dingin kiginglo uh 

hi. A thuaksa thumaanlo omzia teng ki puah leh deih lel in tua ding aki 

thukim uh hi. Sauveipi a kikhol a thuaknate uh hangin lungso in, tuate 

apiangsak-a a up mawhte uh tungah phula in gamukna lumlet-a buaisak 

gawp mai ding ut zaw ta uh hi. Mipite in amau akinetcip nateng tawh 

amau anenniamte gawtkik uh hi. 

France in a vawh uh khaici mah sisan tawh a atkik uh ahi hi. 

Romete ukna-a a ki piak man un a thuak uh buainate lauhuai mahmah 

hi. Romete thuzawhna hang bek in puahphatna nasep kipat tuung-in 

France gam teekteek mah ah kihaalna khuam kiphut masa pena, tu in 

tuamun mah ah Puahkikna-tualgalte in ngawngtanna set phut masa uh 

hi. Kum zalom16 lai-a Protestant upna hanga ki haalna thuakmasate ki 

haalna mun teekteek mah ah kum zalom 18 ciangin Tualgalte thah masak 

penpente ngawngtanna set tawh kitan hi. France a cidamsak ding 

Lungdamnathu nawhkhia in thu umlo hihna leh siatna kong, a hong 

zaw uh hi. Pasian thukham kepna paampaih uh ahih manin, mite 

thukhamin a lungsona dalzol nawnlo in, a mi nambup in langpang uha, 

kumpi a dohuan ta mawk uh hi. Laisiangtho a galbawlna un leitung 

tangthu sungah “Ukna Kihtak huai” a cih hun a kipan khiasak ahi hi. 

Gaalmuanna leh lungnopna teng mite lungsim pan leh inn sungah beita 

ahih manin, kua mah a lun muang om nawnlo hi. Tu ni-a a gualzo mi 

zing ciangin guallel thei ding cih hi lel hi. Gamptatna leh huuktatna vive 

hi khin hi. 

Alungso mipite khutah ki aap dingin Kumpipa, biaknasiate leh 

Ukpite, ki zawhthawh ta hi. Kumpipa a kithah ciangin a phulaak nopna


uh ki sosuah pan bek hi. Thah ding (283) thu pia te mah ki halna 

tautung dong ki nungzuih sak pah hi. Tualgal ah gilo a sak tata uh 

thah dingin sehsa-in om hi. Thonginnte dim uh hi. Khiat khat-in 

200,000 val khum uh hi. A gam khuapite buaina tawh kidim hi. 

Tualgalte sung nangawnah pawlkhat leh pawlkhat ki thuhuallo lai uha, 

France gam bup pen ki totna buaina tualpi asuak uh hi. “Paris khua 

sungah buaina khat khit khat hong kizom a, khua sung mite a pawlpawl 

in kikhen ziazua uh ahih manin, ngimna lian nei zong hi kholloin 

pawlkhat leh pawlkhat ki susia nuam uh hi lel mai ta hi.” A buaina uh 

behlap dingin, aveng theilo, Europe gam galdona lakah va kihel 

sawnsawn uh hi. “A gambup sumzat kisam a, galkapte in khasum 

ngen in Paris khua mite in anngawl uh hi. Gam dawnte ah misuamte 

in mite hawmsuak sak uh in, agambup in kumpi omlohna ninam (civilization) 

bang mai ahi hi. 

Romete in gitloh-gawt bawl zia mi khempeuh hilhpil mawk uh 

ahih manin siamthei tek mahmah uh hi. Ki thuhkikna hun khat a hong 

tung ta ahi lel mai hi. Tu in bel Jesu nungzuite kihaalna khuam ah ki 

kaai saamlo-in, khuamial thong sungah ki khum hi. Sawt veipi lai-in 

hihte mangthang khinzo, ki hawlkhiamang zo hi. Sisan luang saka gamptat 

nop asak theih nadingun, apattahna tenguh a huaisiatzia pena agamptat 

Rome in a hong phawk ta hi. Khang tampi sung France gam-a biakna 

siate in a zat uh gawtbawlna teng mah etteh in amau tungah tu-in ki 

zangh kik ta hi. Ki thahna taute phungzite sisan tawh san ziazua hi. 

Khatvei lai-a Huguenotte dimna inn kawcik sungte leh thonginn sungte 

ah tu in amau a bawlsiate leh dim kik ta hi. Tutphah saute peuh tawh ki 

khihkhawm in tutmun-a a pei-peii ding nasep cih bang khawng sem sak 

uh hi. Rome Pawlpi in amau thunialte a bawlsiat ngei dan uh gimna 

teng mah tawh a Pawlpi siate, tu’in, aki bawlsia kik ta ahi hi.” 

“A gitloh huai penpen thukhunte a gilo penpen zum pan in ki 

bawl hi.Tua thukhun sungah kua mah in a lawmte nangawn hopih theilo 

dinga, thu zong ngen theilo ding cih a hi hi. (284) Tua bang ahihte pen


gambup lehheek mawhna nei zah in kiseh hi. Tua adingin thusim kante 

mun citengah dim uh hi. Zing sialin ngawngtanna set pen tawlnga lo-in 

sau veipi pi na seem sak uh hi. Sal nawn teembaw tung mi-kigak zah 

mah-in thonginn tengah mi kigak hi. Kong zing hawkguam pan in sisan 

phuan teng Seine gunah luang suk hi….Paris khua kongzingte ah Thong 

Motorte in a mi matte uh a dimdim-in a nawn hi. Aki sawlkhia Ulian 

Sawltakte in a va gamkuanna uhah khuapi sunga kitheih ngeilo kheltatna 

tuamtuam va zangh lai uh hi. Mi thahna set-tempi pen ki khaangto in 

kiasuk kik zel hi. Tua nangawn zekai lua a sa uh hi. A mimatte uh a hon 

in gual-in teh khat-in tampi-pi a teptan sak uh hi. A taw ki vutvang 

simsa gunkuangte ah mi tampipi tuangsak in a nawn uh hi. Lyons khuate 

sehnel gam a suak hi. Arras khua a mi ki mante bang akhel bawlnop 

man bek un a nawh sih ding uh phallo kik zawzen uh hi. Saumur pan 

tuipi dongin Loire gundung suk tengah va-ak leh muu in a guak tanga 

ki bua misiluangte bawm zaizai uh hi. Numei pasal, a haam a moi, cih 

zahtuam nei loin a ki lawmlo theithei-in ki kawisa-in a bua uh hi. Tua 

a kih huai kumpi in a thah khangno nu ngakno leh tangval no kum 17 

gualte a zalom mah in ki sim thei hi. Naungeek nawine laite kaaikhia 

uh a, Jacobin pawl makaite ki lot-in teipi muk tawh ki saang lianlian uh 

hi.” Kum sawm sung bek in mihing tampi bei mang uh hi. 

Hih gamtatte khempeuh Satan deihna bangbang hi a, 

amalungkimna bang a ki sem ahi hi. Ama nasep a ki pat pan, a tawp 

dong a khangkhangin, tua bang ngen ahi hi. Mite gimpiak ding, Pasian 

nasepte meelhem sak siatsak ding, Pasian itna leh thuphateng zuutmai 

sak ding, leh tua bangin vantungah dahna dim sak ding cih vive ahi hi. 

Tua ciangin mite kheem in a lungsimmit uh mangsak ding leh tuahsiatna 

khempeuh ah Pasian ngawhsak in phunsan sak ding a deih ahi hi. Ama 

ngongtatna zui-in suahtak ding deiha a hong ki thasaan te a niamkiat 

ciangin (285) amaute valtat in tatsia sak sese hi. Tua banga a dal om 

keeilo a gamtatnate pen a tatsiate leh migawite in suahtakna ngah i 

cihte hi bang hi, ci-in mawh kawk kik leuleu uh hi.


Khilhna gamtat namkhat a ki dawk ciangin Satan in mengcip 

leuleu in lampi dang khat tawh a kheem zel hi. Tua khemnathak pen 

mite in a masa-a mah bangin lawp takin na saang zel uh hi. Romete 

vaiteng kheembawlna hi cih a muh uh ciangun Pasian thukham palsat 

dingin a sawltakte tung tawn-in lah seem zo tuanlo ahih manin, biakna 

khempeuh kheem bawlna vive hi, a ci sak leuleu hi. Laisiangtho zong 

gelhtawm laibu mawkmawk khat hi, ci sak hi. Tua bangin Pasian thute 

paam paih-in, kamkaih ki vawhlo gan bangin utut a mawh bawl lel dingin 

a bumbeh leuleu hi. 

Amaan suahtakna pen Pasian thukham nget bang zui-a nuntakna 

ah om zaw ahi hi. France gam-in hih thumaan a theih loh manin agambup 

in siatna khawk bel athuak uh ahi hi. “Ka thupiakna a ngai hihoh leteh! 

Nangma nopsakna pen gunpi bang dinga, na thumanna pen tuipi tuihualte 

tawh kibang ding hi. Tua ahih ciangin migilote’ adingin nopna omlo 

hi.” “Ahih zongin, ka thugenna a ngaite in lungnopna ngah dinga, launa 

nei loin nuam takin om ding uh hi,” ci hi. Isa. 48:18,22; Paunak 1:33. 

Lawkite, thu umlote leh lampialte in Pasian thukham nial uh hi. 

Ahih hangin a thaman hong saan’ uh ciangin Pasian sawl bangbang man’ 

na pen mihing nopsakna hi bek zaw mawk h, cih aki langh zel hi. Pasian 

laibu Laisiangtho pana sin ding thute a sim nuamlo mi in mi namte 

omzia tung panin a simtheih nading khom uh om veve hi. 

Mite in sawl a man’ loh nadingin na asep ciangin, Satan in Rome 

pawlpi a zangh hi. Azat sawltak pen akilangh lo dingin seelcip phot hi. 

A nasep zong asimtham in kuul-lut in iimcip ahih manin kiamsukna leh 

kamsiatnate apian ciangin Pasian thu a palsatna uh hanga piang ahih 

lam mite in atelzo nawnkei uh hi. Tua bang hun ciangin Pasian Kha 

Siangtho nasepna in Satan vangliatna nalangdo zel ahih manin adeih 

bang zah in apicin zo kei hi. Mite in agentheih nateng uh hong bangci 

pian’ khiat hiam cih a khekhap sulzuih in kankhia kiknawn selo uh hi. 

Tua ahih manin, tualgal sunga a minam vaihawmte un Pasian thukham


a kilang tanga a paaihkhiat uh manin a tuateng a thuak uh ahih lam 

nangawn a theizo kei uh hi. Ahih hangin azompah Uknagilo hun ciangin 

ahang in bang hiam cih mi (286) khempeuh in muthei ta uh hi. 

France in mipi maitangah Pasian nial in Laisiangtho a paampaih 

ciangin, migilote leh khuamial khaate in sawtveipi sung atup kinken 

alunggulh uh a ngah suak uha, gambup khatin Pasian thukham dalsak zo, 

ci in ki paakta mahmah uh hi. Bang hang hiam cih leh thusia bawlte zong 

ki mawhsak pahpahlo a hih manin mite lungsim in “thusia bawl ngam pah 

hi.” Thuhilhsia 8:11-13. Ahih hangin amaan a dikk thukham palsatna pen 

daltheihloh buaina leh siatna in asul zuih kik teekteek zel hi. Pasan sialnek 

bangin thukhenna in buak pah zawzenlo ahih tei hangin mihing giloh 

gamtatna pen, a tawpna ah, maibin’na ah kinga den ham tang hi. Kum za 

tampi sung lampialna leh tatsiatna in thuk-kikna ni ading hehna a khol uh 

hi. Amawhna uh a dim ciangin Pasian awlmawh lote in Topa’ lungduai 

zawh nawnlohna a lauhuai lam phawkpha saan uh a, tua lah ziakaai lua ta 

zel hi. Hong hu den Pasian Kha Siangtho in a gilo Satan vangliatna teng a 

khakcipna pan a khawl ciangin mite thuaksiat nading bek vaipi-a a hawmpa 

Satan in a ut banga a septheih nading hun kipia sawn sawn hi. Tua banga 

langpan’na a teel zawte in agamtat uh gah a ne lel dingin ki koih a, a 

gambuppi tatsiatna leh buaina tawh kidim hi. Tua pen laikung tawh gelh 

theihvet ding hi nawnlo hi. Gammeengte hawmsuak a, khuapite kisia in 

buai uha, lungkham-a kahna leh kiko aw vive ki za ta hi. Ziinliingpi’ lohgawp 

bangin France gam kilok hi. Biaknate, gamukna thukhunte, mipi kikholh 

dante, innkuan vai, gam kiukna, leh pawlpi dindan khempeuh pen Pasian 

thukham apaaikhia khut mahin sat paai hi. Mipilpa in a kituak taka a genna 

ah, “Migilo in ama gitlohna mah ah puuk kik ding hi” ci hi. “Mawhnei mi 

in gitlohna a za vei-in bawl napi a khan’ ki sawtsaka, ahih hangin tua migilote 

a hoih hi lo hi: Pasian kihta a Ama mai-a a lau mi in nopsa dinghi.” 

Thuhilhsia 8:11-13. “Note in pilna deihlo in, Topa kihtakna na mudah uh 

hi,” “nagamtatna bangun na thuak ding uha, nomau’ gamtatna mah in note 

hong gimsak ding hi.” Paunak 1:29, 31.


“Kuam thukpi sung pana hong pusuak” Pasian dempa’ 

vangliatna in a thah Pasian teci muanhuaite tua bangin a ki nusia den 

ding ahi kei hi. “Ni thum leh ni (287) lang acin khit ciangin tua mite 

sungah Pasian kiang pan nuntakna huih lutin, amaute in atho uha, a 

din uh ciangin a en mite khempeuh alau mahmah ding uh hi.” Mang. 

11:11. 1793 kum in Khristian biakna phiat a Laisiangtho a paam paih 

upadi khat France gam buppi ki khoppi in a bawl hi. Tua upadi a ki 

piak khiat khit kum thum leh a lang ciangin Laisiangtho pen susia 

nawn lo ding ci in tua thunei te mah in genkhia kik uh hi. thu siangtho 

anial khialhna thaman mu in leitungbupin galet-in lam dang a sa uh hi. 

Pasian um-in Ama thumaan zuihna in hoihna leh dikna bulpi ahih lam 

a mu tel uh hi. Topa in a genna ah, “Nang in kua zahko-in simmawhna 

hi hiam? Nang in kua tungah na aw sangsakin, kiphasak na hi hiam? 

Iaraelte’ Siangtho Pa, kei tungah hong tuaci na hi hi” Isa. 37:23. 

“Tua ahih manin, en un, amaute ka hilh ding hi. Tu tung peuhmahin ka 

min in Topa hi, cih a theih nadingun ka vangliatna leh ka hatna ka thei 

sak ding hi,” ci hi. Jer. 16:21. 

Kamsangpa in teci nihte vai gen beh lai hi. “Vantung panin zong, 

‘Hih laitak ah hong kahto un,’ ci-in nakpi-in thupiakna aw a za uh a, 

vantung meii tungah tuangin a kahto uh amaute galte in a mu uh hi” 

Mang. 11:12. France in Pasian teci nihte gal-in a do man-in a ngah ngei 

nai loh zahtaak ngah ta uh hi. 1804 kum-in British & Foreign Bible 

Society ki ci Laisiangtho Hawmna phualpi ki phuan khia hi. Tua nung 

zui-in Europe gamte ah a phual meeng tampi kinei kawikawi hi. 1816 

kum-in American Bible Society ki phuan leuleu hi. British Society a 

hong pian khiat ciangin Laisiangtho pen paunam tuam tuam 50 bangin 

kheen in ki hawmkhia hi. Tua pen tu in pau nam tuamtuam tampi in ki 

teikhia khin ta hi. 

1792 ma kum sawm nga sung gam danga thupuak ding 

ngaihsutna om nailo phial ahi hi hi. Tua ading kipawlna zong omlo hi. 

Lawki gamte a Khristian thupuak ding asawm Khristian pawlpi zong


omlo phial hi. Ahangin kum za lom18 bei kuan lam ciangin ki khelna 

lianpi hong piang hi. Mihingte ngaihsut tawm tawh theihna bekah (288) 

lungkim zo nawnlo-in Pasian lahkhiat thuman leh nuntak pih ding biakna 

khat hong lunggulh ta uh hi. Tua-a ki pan-in gam dang thupuakna pen 

up mawh zawh loh zah in a khang hi. 

Laikhetna a ki neih ciangin Laisiangthobu hawmkhiatna ong 

manlang mahmah hi. Vanzat hoihzaw bawl theihnate leh gam khat leh 

gamkhat ki thuzakna hoih neih tohnate in ni dang lai-a minam ki 

deidannate leh ki-makihtaak kholhnate beisak hi. Rome-a phungzipa 

thuneih luatnate bei in Pasian thu tuamtuam a lut theih nading lampi 

ong ki hong khia hi. Kum tawm vei sung Rome khua kongzingte ah a 

daal omloin Laisiangtho bu te ki zuak thei hi. Tu in leitung bup mi a 

omna ciang ciang ah a baan zom-in na ki seem thei pai suak hi. 

Thu umlo Voltaire in kisial kawm-in a pauna khat ah, “Tua mi 

sawm leh nih in Khristian biakna phuan hi, mite in a cih uh ka zak a tha 

dah ta hi. Mi khat bek in zong tua biakna susia zo ding hi cih kong lak 

nuam hi,” ci hi. Ama sihkhit kum 100 pai ta hi. Mi mak tampi in 

Laisiangtho gal-in do lai uh hi. Ahih hangin Laisiangtho a bei genloh 

Voltaire hun lai-a bu 100 a omna ah tu in bu tulsawm, thamlo a butul 

za-in om ta hi. Puahpha mite khat in Khristianthu a genna ah, 

“Laisiangtho pen sikseekte phahsanh bang hia, sek tampi in a sat hangin 

a sekta kisia zaw hi” ci hi. Topa genna ah, “Nang mah do nadinga ki 

bawl hiam peuhmah mavanglo ding a, thukhenna sungah nangma langa 

apang mi khempeuh na nial gawpzo ding hi.” ci hi. Isa. 54:17. 

“ Pasian kammalte kho tawntung dinghi,” “Ama nasepnate 

khempeuhah amah thumanin citaka, ama thupiak nate muan taak mah 

mah hi. Atawntrung in tuate kip ngitngeta, thuman leh thutang tawh 

zuih ding ah hi..” Isa. 40:8. Late 111:7, 8. Mite’ zawhthawhthu tawh 

a ki seem khempeuh ki puuk dinga, a ki phiat theilo Pasian thu ahi 

suangpi tunga kiphut khempeuh a tawntung in kip ding hi.


16 

Biakna Suahtakna Zonga 

Zinkhia Papite 

(289) 

ENGLISH Puahphate in Romete upna a paih khiat laitak nangawn 

un tampi mah a vom lai lai lai uh hi. Church of Englandte in Romete 

upna leh a thuneihnate a nial uh hangin ngei leh a zeh bawl tuam tuam 

te uh a biakna lak uh ah a hel khak lai uh tampi a om hi. Tua na neuneute 

sunglam upna tawh zong kisai tak tak lo hi. Laisiantho in sawl lo ahih 

manin kul zong kul lua khol lo hi. Zong ki khaam lo ahih manin siatna 

lua nei khol lo hi ci uh hi. Tua banga azat pih man un Rome tawh a ki 

kaaknateng uh cih-kik sak ahih manin Rome thu um te in zong Protestant 

upna a saan’ theih nadingun Rome thu zuite kiang ah Protestant 

upna mah hoih zaw hi ci uh hi. 

Thu luisa len tentan nuam, upna kihel niknek alungkim thei 

pawlte in hih hansuahna pen hoih sa pah uh hi. Ahih hangin a tua ci 

ngaihsut lo pawl khat zong om hi. “Rome upna leh Puahphatna ki 

lamdanna” a a saan uh tua kuamthukpi tungah tung ah kizop kikna lei

BIAKNA SUAHTAKNA ZONGA ZINKHIA PAPITE 287 

dawh ding cih pen saan’ hak a sak pen uh a hi zaw hi. – Martyn, Vol. 5, 

p. 22. Bang hang hiam cih leh tua kilamdannate pen saltaan’na pan 

suahtak khiatna ciamtehna-in a seh uh a hih manin, kigawm kik ding a 

ut kei uh hi. Pasian in Amah a kibiakna zia ding a kip-in a bawlsa hi a, 

mihing in beh lap thei lo, dok khia thei lo hi ci in a um uh hi. Lampial 

khiatna lianpi a pianna zong Pasian thuneemna pawlpithu tawh a beh 

lap hang uh ahi hi. Rome in Pasian khaam (290) loh pi khaam-in, aki 

cian mahmah a sawlnate lah a khaam zel hi. 

Hun masa lai-a pawlpi sianthozia leh baihlamzia din munte 

mitampi in lunggulh kik uh hi. Church of Englandte biakbawlzia pawl 

khat ah milim biate’ zat ngei ciamtehna pawlkhat vom lai sa lua uh 

ahih manin, tua bang biakna asaan ding uh alungsim uh ki awi thei lo 

uh hi. Ahih hangin leitung uk thuneihna in a omsa pawlpi pan pih in 

tua pan-a a tuam om ding uh phal lo hi. Amau kiang mah ah ki khawm 

ciat dingin Upadi in len a, biakna pawl tuam tuam phuat ding khaam 

ahih manin thumanglote thong khiatna, nawh khiatna, leh sihna daan 

ki pia hi. 

Kum zalom 17 kipat tuung pawl in England kumpi tokhom-a 

hong kah thak kumpi pa in Puritan pawl in “thumang ding, tua ahih kei 

leh a gam pan nawh khiat ahih kei leh a nasia zaw lai khat hiam thuak” 

sak dingin angimna gen khia hi. – Bancroft, George, “History of the 

United States of America,” Part 1, ch. 12. par. 6. Sawl manglote sabetin 

ki beng a, bawl sia-in thong ah khia uh hi. Mai lam ah hunnop zaw 

hong pai ding zong lamen thei nawnlo uh hi. Tua ahih manin mi tampi 

in Pasian na asep theih nadingun a sung lam upna bang uh tawh gam ta 

dingin hong khen tat ta uh hi. “England pen amau teen’ theih nading 

mun hi nawnlo mai ta hi,” –Palfrey, J. G., “History of New England,” 

ch. 3. par. 43. Tua ahih manin, kimkhatte in Holland gam beel uh hi. 

Haksatna, supna leh bai-na, thongkiatnate tawh ki talsik pah uh hi. Amau 

vaihawmnate kidaltan zela, a galte uh khut sung khawng ah ki lehheek 

zel mai hi. Ahih hangin thuak tentanna leh kipna in a tawpna ah zawhna


ngah sak a, a na migi Hollandte tuipigei Dutch Republic tengah bukna 

mun a ngah thei uh hi. 

Amaute a taai uh ciangin a inn alo uh leh nuntakna-a a ki sam 

nate nusia uh hi. Gam dang ah zin le leeng vasuak uh hi. Midang, 

paudang, ngeinadang tuamtuamte lak ah peemta va suak uh hi. Tua lak 

ah a neek a dawn ding uh a va zon’tawm uh kul hi. A khanglai thahat 

lokhote in tu in set nasep peuh hong sin uh hi. Ahih hangin lungkim 

takin ahi bang bang hanciam tozel uh a, phunna nuakna, leh hun mawkval 

cihte om saklo uh hi. Zawn’ leh ngau in hong vunheek zel hi. Ahih 

hangin a buaisak omlo Pasian piak khaalam thupha a ngah pen tawh a 

lungdam uh hi. “Amaute in leitung ah zin le leeng ahihna uh thei in, 

leitung nate sangin amau lametna gam (291) vantung bek mitsuan in a 

ki lung nuam sak uh hi.” – Bancroft, part 1, ch. 12, par. 15. 

Ki nawhkhiatna haksa lakpi mah ah itna leh una ah khang in a 

khauh uh hi. Topa khapna muang uha, a ki sap hun ciangin Amah’n 

zong a huh khial ngeikei hi. Ama vantung mite in amaute vilden a, 

hansuah-in huh uh hi. Tua bangin Pasian in amaute tuipi kantan dingin 

asawl hi. A tate uh luah toh theih ding biakna suahtaknagam lam 

manawh-a a zuan dingin lampi ki hong bang bang a zui uh hi. 

Hehpihna thupha a ngah theih zawk nadingun Pasian in A mite 

sittelna leh gentheihna a thuak dingin aphal hi. Pawlpi a ki pahtawi 

theih nadingin zong netniamna thuak phot uh hi. Pasian in Amah 

muangte nusialo ahihna leitung mite mai-ah a lah theih nadingin A 

vangliatna a zangh ding hi. Satan leh migilote-in Pasian minthanna dal 

nadinga a nuai-siatna munte nangawnah zong Pasian in uklai veve hi. 

Tua manin bawlsiatna leh nawh siatna in suahtakna ngah nading lampi 

hong in, A mite mun muanhuai ah apuak zaw hi. 

Puritante in Church of England pan a ki khenkhiat ding uh ciangin 

amau leh amau ki pawl in kiciamna bawl uha, a suakta Topa mite ihih 

mah bangin “Pasian thu i theihsa teng leh i theih beh a om leh zong tua


bangin zuikhawm ding,” ci in kiciam uh hi. – Brown, I., “The Pilgrim 

Fathers,” p. 74. Tua lungsim pen puahphatna maan hi a, Protestantte 

thubulphun ahi hi. Tua ading mah in Holland gam panin Gam Thak 

(America) ah mun a va zong uh hi. A Pastorpa uh, John Robinson, pen 

amite tawh a paikhiat khawm pah theihlohna thu khat hong om ahih 

man in, tua a pai khiate a kam vai khakna ah: “Sanggamte aw, tu in eite 

ki khen phot ding i suak hi. Note mai kong muhkik dong ka damlai 

ding hiam cih Topa bek in thei hi. Topa in a hong seh-in, a hong seh kei 

phial ta leh Pasian leh a vantungmite mai ah kong vaikhakna in, Keimah 

in Khrist nung ka zuih bangin keima nung hong zui unla, a gamla zaw a 

(292) luangleet in hong om kei un. Pasian in a sep dan tuam khat 

pepeuh tawh Ama thumaan hong lahkhiat beh leh, tu a note tunga kei 

hong sepna dan bangin thumaante saang dingin na kiging un. Topa in a 

thumaan khuavak hong taang khia sak beh lai dingin ka um hi,” ci hi. – 

Martyn, Vol. 5, p. 70. 

“Kei hih theih pan in a ki puahpha pawlpi pawlkhatte tawm vei 

sung hong hanciam hehu uh a, amau ki puahphatna khut zat khenga a 

masawnna lah a neihnawn tuanloh pen uh ka dah pih mahmah hangin 

piang zo tuanlo hi. Lutherante in Luther muh val behlap zolo uh 

hi….Calvin pawlte zong, na muh uhbangin, a makai uh Pasian mipa in 

a nusiat ciangin thumaan khempeuh a mukhin naikei uh hi. Tua hi napi 

a muhna sa ciang bekah belh tentan mawk uh hi. Hih pen a dahhuai 

mahmah thukhat ahi hi. Amau in amau hun-a khuavaak taang angah ta 

uh zongin Pasian deihna zah khuavaak khempeuh ngah kimkhin nailo 

uha, tu in amaute nungta lai uh ahih teh a baan a khuavaak zaw a muh 

beh uh ciangin a saan’ sate uh mah bangin a saan’ behtoh zel ding uh 

ahi zaw hi. – Neal, D., “History of the Puritans,” Vol. 1, p. 269 (two 

vol. ed. 1848). 

Na pawlpi un a zuih thu leh zuih ding a cih thu Topa deihna a 

om khempeuh zui dinga na kiciamna uh phawk tawntung un. Ama 

Laisiangtho sunga ki gelh thu omte mah ahi hiam telsit in thumaan


khuavaak Pasian deihna ahih nak leh zui ding, ci-a Pasian tung leh note 

kikal a na kiciamna uh phawk un, ci-in kong hansuah hi. Saan’beh ding 

Thumaan na neih uh ciangin na saan’kip ma un Laisiangtho sung mun 

dangte tawh enkaak un. Bang hang hiam cih leh, hih Khristian a hong 

langpan’ khuamial sahpi panin khuavaak taktak theihtelna thakhat a 

hong pusuah ding haksa mahmah hi. – Martyn, Vol. 5, p. 70, 71. 

Lungsim sung upna zuihthei nadingin suahtakna deih manin 

Peemtate in tuipi kantan uh hi. A lauhuai siatnate thuakngam uha, 

gam mangtulak gam sung lau huaii na haksatnate thuakngam in 

America tuipi gei ah va ki sepkhia uh hi. Tua bangin minam lianpi 

kiphuhna bul hong suak uh hi. Pasian kihta mi hoihte ahih hang un 

Pemtate in biakna suahtakna thubulpi zong mankha tatak nailo uh hi. 

Amaute ki piak ngamna hangin (293) suahtakna a ngah nading 

hanciam uh hi napi in, mi dangte tungah tua bang lian mah in piak 

sawn ding zong ngim nailo uh hi. “Kum zakhawk 17 laite in thu 

ngaihsun pen, nuntak hoih pente in zong Laisiangtho Thak sungpan 

hong pokhia thubulphuhpi ahi mihingte upna hong khen tel sak Pasian 

hi cih thu a phawk mi tawm mah mah hi.” – Martyn, Vol. 5, p. 297. 

Sunglamupna ukcip a, thumanglote daan liau theih nading Pasian in 

pawlpi thu pia hi cih upna pen pope thukhial sung ah kip khin lua zo 

hi. Puahphate in Romete biakna ukcipzia a nial uh hangin midang 

tungah suahtakna piak ding lungtang a paai kei veve mawk uh hi. 

Sawt veipi ukcipna khuamial sungah Khristian upna khempeuh pen 

popethu in tuamcipkhin ahih manin, tua thute panin zong apeng khia 

tatak nailo ahi uh hi. Massachusetts Bay-a peemte lak ah sia khatpa 

bang in, “Ki khahkhongna in leitung buppi ah Christian langpan na 

lungsim piang saka, pawlpi in lah tua bang lampialte daan a pia ngei 

kei hi,” ci hi.-Idem. p. 335. Pawlpi mite bek in kumpi sung ah thu nei 

thei dinga, mi khempeuh in biakna na seemte vaak in, mangpi seemte 

in Upna lampialte phiat theih nading thu pia ding hi, ci-in pawlpi in 

gam-ukna a let theih nading thukhun khat a bawl uh hi. Tua bangin


leitung uliante pen pawlpi khut sung ah hong leh om uh hi. Tua ngeina 

ong zuih uh ciang in a ki dal zolo a thaman dingin bawlsiatna hong om 

pah hi. 

Peemta masate hong dinkhit kum sawm leh khat ciangin Roger 

Williams zong tua Gam Thak(America) ah hong pai hi. A mah zong 

Peemta masate mah bangin biakna suahtakna ngah nuama hong pai ahi 

hi. Suahtakna pen, bangbang um ta le uh, mi khempeuh tawk kisai aituam 

van hi cih thu a mu hi. Hih thu hongmuh hun in tua zah-a mu mi omlo 

phial lai hi. Amah pen thumaan zong takpi mikhat ahi hi. Pasian thumaan 

khuavaak a kim in ki ngah kim nailo ding hi, ci-a Robinson tawh um 

khawm mikhat ahi hi. Williams pen “tu hun a biakna suahtakna thu leh 

mi khempeuh Upadi mai ah ki zakim ciat uh hi, cih thukhun akip na 

dingin a vaihawm masabelpa ahi hi.” – Bancrost, part 1, ch. 15. par. 

16. Thukhen mangpite in tatsiatnate dal bek dinguh a, biakna tawh kisai 

sunglamupna pen ukcip ngeilo ding uh hi, ci in a gen hi. Amah in, 

“Mipi leh thukhen mangte in mihing leh mihing (294) kikal a thu 

piangte bek khenthei ding uha, mihing leh Pasian kikal vaite a vaihawm 

sak uh ciangin amau sep loh dingpi asem uh ahih manin a lau huai hi. 

Bang hang hiam cih leh, thukhem mangpite in upna leh lungsim tung ah 

ukna thunei mawk leh tu ni in upna khat hong kip sak ding uha, zing 

ciangin upna dang khat hong kip sak leuleu ding uh hi. Tua hi leh England 

gam a kumpite bawl bang leh Rome pawlpi popete leh Councilte 

in a hih ngeisa uh bang mah in hong hih kik lel ding uh hi. Tua pen 

buaina kaikhawm upna hong suak lel ding hi cih pen siangtak teltak in 

ki mukhol thei lel hi” ci hi. – Martyn, Vol. 5, p. 340. 

A ki kipsaksa pawlpi ah va kikhop loh ding pen daan thuakna 

ahih kei leh thong khiatna hong suak mawk ding hi. “England gama ki 

neisa thukham a suuk sia penpen zawh thawhthu tawh biakna piak ding 

thu ahi hi, ci-in Williams in upadi a mawh siat hi. Mite in upna ki 

banglo pi zawhthawh in munkhat ah gawm ding pen mihing neihsa 

suahtakna suksiat sakna leh simtatna nam khat ahi hi….’Ut thu-a


lungkimna omlo pi in, biakna vai ah kua mah ki heenciplo ding hi’ a cih 

ciangin alang lamte in, ‘Bang hi eh! Naseemte in a thaman a ngah ding 

kilawmlo ahi hiam?’ ci uh a, a upnate lamdang sa in dong uh hi. ‘Hi 

mah hi, a cialte tung pan thaman a ngah ding uh hi,’ ci in adawng kik 

hi.” – Bancroft, part. 1, ch. 15, par. 2. 

Roger Williams pen a ki zahtaak, a ki it, leh a muanhuai siakhat 

ahi hi. Siamna nei, thumaan in a lungsimkho, leh mi tunga adik acingh 

mi hi napi thukhen mangte in pawlpi tunga thuneihna a neih dih zenzen 

pen nial in, biakna suahtakna a nget pen koihkhong theilo hi. Tua upna 

thak ki zangh leh “a gam din zia leh kumpi ki ukna thubulphuh khempeuh 

kilum-let ding hi” ci in gen uh hi. – Idem., par. 10. A tawpna ah amah 

pen man bel manlo ding, ahih hangin peemta hihna gam pan in hawlkhiat 

dingin thukhenna hong nei uh hi. Tua manin phalbi khuadam huihsia leh 

guahsia lak ah kuama nawk nailoh gammaang tulak nawk in taaikhiat 

hong kul hi. 

“Nipikal 14 sung kei kia-in khua dam haksa sung ah bang an nea 

koici nuntak ka hiam, koi ah bang ci giah ka hiam zong ka thei kei hi,” 

ci hi. Ahih hangin va-akte in gam lak ah hong vaak uh hi” ci hi. Sing 

hawm sung khawng peuh abelh leh a giahphual ahi zel hi.– (295) 

Martyn, Vol. 5, pp. 349, 350. Tua bang in zawi neu zong omlohna 

vukkhal lak leh gammaang tulak lak nawk in Indian minam lak khat 

atung hi. Amaute amaute itna leh muan’na a ngah dongin 

Lungdamnathumaan hilh in, na a seem hi. 

Akhakha-in a vakthap ciangin atawpna ah Narragansett tuipipiau 

a tung hi. Tua lai ah biakna suahtaakna maan taka kizatna dan ahi 

tu hun a gam ki-ukzia masa pen hong phut hi. Roger Williams 

thubulphuh pi pen in, “Mi khempeuh in ama sunglamupna bangin 

suahtakna tawh Pasian a biak theih nading thu a hi pen hi”. – Idem., p. 

354. Tua ama peemna gam meengno Rhode Island pen netcipna thuak 

teng in beel uha, punto na leh mai nawtna mun in nei uh hi. Leitung


ukna leh biakna suahtakna in gam ukna thubulpi pen a suah dongin 

America gam a lawh zo hel hi. 

Tua mimal thuneihna kip pen American makai masate in thukip 

dingin lai na bawl uh a, agam un suahtakna a ngah ciangin tua 

thu,kipsakna nei uh hi. “Mi khempeuh pen a ki zakim-in a ki piang sak 

ahih na thu tel-in kho tak in ih pom hi. A Piangsakpa in amaute ciat 

tungah kuama suhkhiat sak theilo thuneihna a pia hi. Tuate lak ah 

nuntakna, suahtakna, leh lung muang-a nuntakziate” aki hel ahi hi. 

Gambup Upadi ah zong tua thu kipsak in, ngentel mahmah sa in suksiat 

sak theihloh sunglamupna phalna ahi hi. “United States sung peuh mah 

ah mipi tawh kisai zum-a naseem ding mite biakna tawh sittelna ki neilo 

ding hi.” “Congress in biakna khat peuh huamna nading leh ut peuh 

biak theihna a khaam ding in thukhun khat peuh bawl theilo ding hi,” 

ci-in nagelh uh hi. 

“Gam thukhun bawlte in a mihing leh Pasian kizopna pen mihing 

adingin tawntung thubul ahih ban ah, Upadi bawlte khat pepeuh sangin 

zong tungnung zawa, sunglamupna thuneihna thupi pen hi, ci-in saang 

uh hi. Thumaan phuhkip nadingin vaihawm tawm pen kicing zolo, kulloa, 

tua pen ei mau pum sung ciata i theih theihna sunglamupna pana kip 

ding hi zaw hi. Tua banga sunglamupna ki ukcip saknop man mah in mi 

tampi ki that a, ki bawl sia-in, mei tawh kihal hi. Mite in Pasian tunga 

a bawl ding uh thu mite thukham sangin thupi sa zaw uh a, amau 

sunglamupna tungah kua mah in thu neitheilo hi. Tua pen (296) pianpih 

thubul hia, kua mah in phiatsak theilo hi.” – Congressional Documents 

(SUA), Serial No. 200, Document No. 271. 

Tua thu Europe gamte ah hong kizak ciangin, mi khempeuh in 

amau nasepna gah lungnuam tak in ne-a, sunglamupna bang zuihtheihna 

gam om hi, cih hong theita uh hi. Tua nopsana lem-lawh nuam in gamthak 

tuipi gei teng ah a lomlom in hong ki sepkhia nainai uh hi. Tua bangin 

Peemta ki behlaplap in hong dim hi. “Massachusetts gam in thupiak


tuam khat nanei a, Atlantic Tuipi kantan-a ‘bawlsiatna, gal leh gilkialna, 

netniam bawlsiatnate tai san-a hong peemte’, kua gam kua mi hita leh 

Khristian peuh mah huh in, pawl bawl ding cih thu na nei uh hi. Tua 

ahih manin galtaite leh mi’tuatcilte in tua mun hong beel uha, leitung 

mi namkim ki suktuahna mun hong suak hi.” – Martyn, Vol. 5, p. 417. 

Plymouth-a hong tun cil khit uh kum 20 ciangin Peemtate a tul tampi 

New England ah hong ki phualsa uh hi. 

Amau zon’thu a ngah nading un, “gim leh tawl ban ah sum zat 

ciil thiamthiam-a ki vaakna a zon uh a kul hi. A gam leitang hoihna 

in, khawhsa a kham uh ahih manin, lunglen nading thudang bang mah 

a ngaihsunlo in a om dan ciang uh tawh lungkim lel uh hi. Kipawlna 

zong damdam-in hong khangto hi. Gam nuai taktak hi a, haksatna e 

thuak keeikaai uh hi. Suahtaakna in zungkip thukpi akhak dong in a 

khitui uh leh a atal pan atak khia a khua-ul uh tawh tuibuak in akem 

den uh hi. 

Laisiangtho pen upna phuhna bulpi, pilna kipatnabul, leh 

suahtakna phuhna khuambul in zangh uh hi. Tua thubulte thanuam 

takin a innsungte, a saangsungte, leh a biak innsungte ah kihilh uh hi. 

Tua pan in sum zatsiamna, pilnate, sianthona, leh ki deek ki daamnate 

hong gah khia hi. Tua Puritante teen’na sa munte ah kua mah “zukham 

peuh, a ki ciam tantan peuh, a hih kei leh khut dawh ngen peuh” ki 

mulo hi. – Bracroft, part 1, ch. 19, par. 25. Laisiangtho khun thute aki 

zuihna mun ah minam lungmuanna leh khantohna a om thu a kilangsak 

teci a suak hi. A thaneem a tangsuah peemtate hong khang khiato in a 

vanglian gamlianpi hong suak uh hi. Tua banga “Pope leh Ukpi om 

selo-a hih zah a khangto pawlpi leh gamlian” leitungin amuh uh ciangin 

lamdang sa in a en hiaihuai uh hi. 

Tua baan ah zong America tuipi geite ah mi hong lut behbeh lai 

a, Peemta masate tawh a heekzia uh hong ki lamdang semsem ta hi. A 

masate upna leh sianthonate hong ki zalh hangin a mihing pung in leitung


ham-phatna a zong mi hong tam seemseem (297) ciangin nuntak siangtho 

huuzaap a hong neem seemseem hi. 

Peem masate zat ngeina ahi pawlpi mite bek in Me pia thei a, 

kumpi zumte lenthei ding cih thu in kisiatna lianbel hong tun’ hi. Tua 

thu in a gam-ii sianthona a kippaisuak nading deihna ahi hi. Ahih hangin 

pawlpi nitna a piangsak zaw hi. Biakna ka nei hi cih pen Me khiat 

theihna zum sung nasep ngahna-a kizangh hong suak ahih manin mi 

tampi in a leitung vaiteng uh tawh lungdamin, ki khellopi-in pawlpi 

tawh ong kizom uh hi. Tua bangin a ki khello mite tawh pawlpi a ki 

helzau hong suak hi. Sia seemte in zong a upna uh panin lampial bek 

loin Kha Siangtho puahphatna cih nangawn a thei hetlo hong om uh 

hi. Tua baan ah limhoih lopi lak kha ta uh a, siatnate hong tungin 

Constantine khang pan tu hun dong kumpi in pawlpi a huh zel uh 

ciangin Lungdamnathu tangko nasepna pen leitung kumpite huh loh 

in a piang theilo ding bangin ze etna hong om hi. Ahih hangin “Hih 

leitung in ka gam hilo hi” a ci zaw hi. Johan 18:36. Kumpi leh pawlpi 

ki gawmkhawmna pen thu neuseh ding ahi kei hi. Tua bang ciangin 

leitung in pawlpi a hong neh sangin pawlpi in leitung tawh ki neh zaw 

pahpah den hi. 

Robinson leh Roger Williams thu bulphuhpi ahi Khristiante in 

Pasian Laisiangtho pan a hong taang khia thumaan khuavaak pepeuh 

zui dingin ki ging den ding, cih thu pen a suan a khakte un mangngilh 

zel uh hi. America-a Protestant pawlpite hita leh, Europe-ate in hi ta 

leh puahphatna thupha saan ding a deih uh hangin, tua puahphatna 

lampi a mansuah uh hi. A hunhun-in thumaan thak tangko ding leh 

sau veipi a ki khial thute pholaak ding mi muanhuai tawm kha nono a 

hong om zel hangin, a tamzaw in Jesuh Khrist khang lai-a Jewste hun 

lai leh Luther khang lai-a papistete mah bangin a pate up leh nuntak 

ngeina ah lungkim lel mawk uh hi. Tua ahih manin biakna pen (298) 

ki ngeina seh lel uh hi. Pasian khuavaak tawh mai anawt nading munte 

ah nilkhiat lel ding amanlo thuciin khawngte pawlpi in zangh nuam


lailai kha den uh hi. Puahphatna lungsim puak daaikik hiau a, Luther 

hun-a Rome pawlpi in puahphatna a kisap luat mahmah zah dek takin 

Protestant pawlpite in puahphatna ki taangsam ta uh hi. Leitung 

vai bebek hong dim a, khalam an kham ding sangin mihing ngaihsut 

peuh thupi saan’na leh Pasian thumaan hilh nading mun ah mihing 

phuahtawm thu peuh ki hilh kik ta uh hi. 

Kum zakhawk 19 kipat tuung lai a Laisiangtho ki hawmkhiatna 

taang zaipi leh leitunga khuavaak a taang pen a hong ki lang khia 

thumaan hilhna leh biakna nasep nading in zanglo uh hi. Satan in nidang 

bangin Pasian thubu selmang zonawnlo a, mi khempeuh ngah zawh theih 

dingin ki bawl ta hi. Ahih hangin ama ngimna a taang tun’ theih veve 

nadingin Laisiangthobu a zaang khai ngaihsutsak veve hi. Mite in 

Laisiangtho sim nuamlo uh hi. A khiatna maanlo saang uh a, Laisiangtho 

tawh kituaklo upnate pahtawi zaw sak hel se leuleu hi. 

Bawlsiatna tawh thumaan pen ki nen-cip zolo zaw cih amuh 

ciangin, Satan in a ngimna a kheel hi. Upna helzau-in, lampialna lianpi 

leh Rome pawlpi hong piankhiat lai-a thute mah a zanghkik sak hi. 

Milim bia banglel a suah theih nadingun leitung nate tawh kisawh 

pawisak in Khristiante a zol hi. Hun beisa a kisiatnate sangin tu-a 

kisiatnate neu zaw tuanlo hi. Pawlpi sungah ki phatsakna leh 

uangtatnate tawh ki vaakthau in lampial in nin khin uh hi. Satan in mi 

mak tampi a suksiat nading in Laisiangtho sung thumaante heikhiat 

nading a azat pupa ngeina thuciinte in zung thukpi khaa khin hi. Pawlpi 

in tua thuciinte keem in huut na un, “misiangthote tung a kipia 

thumaan”te awlmawh zaw nawnlo in a din munlui mah uh ah kip tentan 

uh hi. Puahphate sepkhiat leh a thuak lawh uh thubulpite tua bangin 

niam koih suk khin hi.

KHUAVAAK DING TANGKOTE 297 

17 

Khuavaak Ding Tangkote 

(299) 

JESU Khrist nihveina a hong paikik na ding 

thu pen Laisiangtho sunga a ciiliap huai leh 

avanglian thumaan liante lak ah khat ahi hi. Tua 

in Hotkhiatna nasepna ah gualzawhna tawh 

mahialna ahi ta hi. Pasian kiang zuan-a zin mite 

“sihna liim tawn-in” a khual zin uh sauvei lua ta 

hi. Lungdamna lian ngah dinga hong ki khap hun 

pen “thawhkikna leh nuntakna” ahi Zeisu hong 

kilat ding ciang ahi ta hi. “Ama hanga hawlkhiat thuaka tavai teng inn 

ah a ciahpih ding hun ahi ta hi.” Laisiangtho buppi-ii thubulpi in zong 

Zeisu nih veina hong paikik nading thu ahi hi. Adam leh Evua in dahna 

tawh Eden huan nusia-a a paikhiat ni uh-a ki pan thu um mite in a ki 

Kamciampa in galpa’ vangliatna teng susia mangin aki taan sa Paradise 

hong piakkik ding hun a ngak niloh uh ahi hi. Taanglai misiangthote in 

zong minthan’na tawh tua Messiah hong kilat ding a na lamen khinzo 

uh hi. Eden-a tengte pan-a simsuk a khang 7 na, leitung ah kum 300 

sung khawng Pasian tawh a ki thuah den Enock zong Honpa hong pai


zia ding na ki mukhol sak hi. Tua ciang in, “En un, Topa in Ama 

misiangtho te tul sawm tampi tawh hong pai a mi khempeuh tung ah 

thu a khen ding hi” ci hi. Jude 14, 15. Pu-pi Job in zong tua muan’na ah 

kiptak in dingin a thuak siat lai tak nangawnin “A hi zongin a tawpna ah 

kei hong panpih ding a nunta tawntung mi khat, vantungah a omna thu 

ka thei hi. Natna in kavun a nek tum khit hangin, hih ka pumpi mahmah 

tawh Pasian ka mu ding hi. Keima mit tektek tawh amah kamu ding a, 

amah in kei hong mi-khual et lo ding hi” na ci hi.( Job 19:25-27.) 

Laisiangtho gelhte in a pulaaknop bulpi pen uh zong Diknagam 

lut nadinga (300) Khrist hong paina thu mah ahi hi. Laphuakte leh 

Laisiangtho sung kamsangte in zong tua thu a gente uh vanlam meikuang 

bangin a taang hi. Laphuakpa in Israel Kumpipa(Zeisu) minthanna a 

phuah lasungah zong, “Hoih kicin’na, Zion panin, Pasian hong taangkhia 

hi. Pasian hong pai hi, amah dai omlo hi, ama mai-ah mei husia om a, a 

kimkot ah huihpi om hi” ci hi. Late 50:2-4. “Vantung mite kipak hen 

la, leitung lungdam hen…amah hong pai ta hi. Leitung mite thukhen 

dingin hong pai ta hi. Amah in thumaan tawh leitung uk-in mite’ thu ahi 

bang in khen ding hi,” ci hi. Late 96:11,13. 

Kamsangpa Isaiah genna ah, “No leivui lak-a teengte aw tho un 

la, la sa un: note ading thupha in nahteh tunga daai ngo bang a, leitang 

in misite pholh khia ding hi.” “Nangma mi asite hing kik dinga, amaute’ 

pumpi tho ding hi.” “Amah in sihna beimang sak dinga, maitang 

khempeuth panin khitui nul ding hi; leitung khem peuh pan in ama mite 

ki zahkona lakhia ding hi; bang hang hiam cih leh Topa in hilh thu gen 

zo hi. Tua ni ciangin, En un, amah in eima Pasian hi; eite hong hon 

dingin amah i ngak hi. Amah in eima Topa hi; amah i ngak hi; amah in 

eite hong honkhia ahih manin lungdamin kipak ni” ki ci ta ding hi. Isa. 

26:19; 25:8,9. 

Habakkuk in zong a mangmuhna sunga amuh Topa hong ki lat 

zia ding agenna ah “Teman khua pan in Pasian hong pai a, Paran Mual


pan in Siangtho Pa hong pai hi. Ama minthanna in vanpi tuam a, leitung 

khempeuh Amah phatna tawh ki dim hi. Ama vang in ni taang bang 

hi.” “Amah dingg-in leitung a teh hi: Amah in en a, mi namte ki hawl 

keek zai zai hi; a tawntung mualte ki khen keek a, a tawntung mualnote 

kuncip suk hi: Ama hihte ki mang suak hi.” “Na sakolte leh na hotkhiatna 

leeng te na tuang hi.” “Mual liante in Nang hong muh ciang in liing uh 

a: leinuai a om tuite ging zuazua a, a tuihualte in sangpipi ban to hi. Na 

thaltang leeng amuh ciang, na teipi tezalzal a muh ciangin, ni leh kha a 

omna san ah khawl cip uh hi.” (301) “Na mihing te a honkhia dingin na 

pai a, na tel kumpipa , a honkhia ding in na kuan khia hi.” Hab. 3:3-13. 

“Note lungmang kei un; ...Ka Pa’ inn sungah omna tampo a 

om hi…Note omna ding mun bawlkhol dingin ka pai hi. Pai in na om 

nading uh ka bawl leh, no kiangah kong paikid dinga; ka omna mun 

ah na om nadingun ka hong la ding hi” Johan 14:1-3. “Mihing tapa in 

a minthan’na tawh, vantungmite tawh hong paikhop cingin, minthana 

tokhom tungah hong tu ding hi. Amaiah mi namkim a kikhawmsak 

ding hi” Matt. 25:31,32 ci-in Honpa in a nungzuite tungah van akah 

ma in agen khin zo hi. 

“Note kiang pan vantung ah kilto Jesu in vantungah a pai na 

muh uh bang in khat vei hong kumsuk kik ding hi” ci-in Jesus van akah 

khit in Olive mualtungah vantungmite in nungzuite a na hilh phakik uh 

hi. Sawltak 1:11. Khasiangtho humuapna tawh Sawltak Paul in teci a 

panna ah zong “Topa mah in kikona tawh, vantungmi’ mangpa kikona 

tawh, vantung pan hong kumsuk” na ci hi. 1Thesa. 4:16. Patmos-a 

kamsangpa in zong, “En un, Topa in meiite tawh hong kumsuk dinga, 

mittang khempeuh a kipan amah asun mite in Amah hong mu ding uh 

hi,” ci hi. Mang. 1:7 

Ama hong paikikna ding thu pen “Tanglai panin ama kamsang 

siangthote’ kam uh tawh agenkholh mah bang in na khempeuh a bawl 

thak kik hun” cih thu vive ahi hi Sawltak 3:21. Tua hun ciangin gitlohna


in sawtveipi a ukcipna pen bei ta ding hi. “Hih leitung gam in I Topa leh 

ama Khris gam” ong suak dinga “Amah in a tawntung in a uk ding hi.” 

Mang. 11:15. “Topa minthanna hong ki lang dinga, mi khempeuh in 

mu ciat ding uh hi.” “Topa Pasian in mi nam khempeuh mai-ah thumanna 

leh phatna pokhia sak ding hi.” “Ama mi a om laite’ ading in minthan’na 

kumpi lukhu hi ding hi.” Isa. 40:5; 61:11; 28:5. 

Tua hun ciangin vannuai khempeuh ah sawtvei pi a kingak 

galmuanna mun ahi Messiah gam hong ki kipsak ta ding hi. Topa in 

Zion heh nem ding hi: a kisia (302) ama mun khempeuh puahpha in, 

agamlakte Eden huan bang sak ding hi. Sehnelgamte Topa’ huan bang 

sak ding hi. “Lebanon thupina teng Carmel leh Sharon hoihna teng tua 

mun ki pia ding hi.” “Nang pen a kinusia, hong kici nawn lo dinga, na 

leitang pen Gamkhing kici nawn lo ding hi; ama tungah lungkimna om, 

hong kici ding a na leitang pen a Kiten’pih, ki ci ding hi.” “Zipipa mothak 

nu tungah a lungdam mah bangin na Pasian nang tungah lungdam ding 

hi.” Isa. 51:3; 35:2; 62:4,5. 

Topa hong pai ding pen khang tawntunga om Ama midikte 

lametna uh ahi hi. Olive mualtung pan van akah ding lai in Zeisu in 

Ama hong paikik ding thu a nungzuite na kamciam hi. Tua in nungzuite 

mai nuam sak thamlo in thuaksiatna leh lungkiatnate nangawn in zong 

tua kamciam a mitsakzo kei hi. Bawlsiatna leh thuaknate lak ah “a lian 

Pasain leh eite Honpa Jesu Khrist hong kilat” ding pen “lametna thupha” 

hi den hi. It pipite in sihna hankhuk ah mual-liam san ta ahi manin, 

Thessaloni khua-a Khristiante a lunggim laitak un a Siapa uh Paul in 

zong Honpa hong pai kik ciangin thawhkikna ah hong thokik ding uha, 

Topa hong pai mukik ding uh hi, ci-in a upna amaute kiang a lak hi. 

Tua hun ciangin Khrist um misite hong tho pkik ding uha, a hinglai mite 

tawh kigawm in Topa dawn dingin huih lak ah ki laamto ding uh hi. 

Tua hun ciangin “Topa tawh i om khawm tawntung ding hi. Tua ahih 

ciangin hih thu tawh note khat leh khat ki heh nem un” ci hi. 1 Thess. 

4:16-18.


“En in, aman lang in ka hong pai ding hi” cih kamciam leh 

“Amen. Topa Jesu aw, hong pai ta in” ( Mang. 22:20.) cih khang 

tawntunga pawlpi te thu ngetna a hi suk den pen Patmos tuikulh suanglak 

ah Topa it nungzuipa(Johan) in zong na za hi. 

Thuman a dinga thahna athuakna munte uh leh bawlsiatna hanga 

akikhumna thong sung leh meihalna khuamtung pan nangawn in tua 

lam-etna leh muanna a khangkhangin a lang sak uh hi. “Jeisu mahmah 

a thawh kikna leh A hong pai kik ciangin amaute zong tho kik ding cih 

ah khamuang uha, hih teci pan’pen thudang khempeuh sangin manpha 

sa zaw uh ahih manin sih zong awlmawh nawnlo uh hi,” ci-in tua 

Khristiante khat in a gen hi. “Suahtakna” tawh athawhkik nading un, 

haan sung lutsuk ding lungkim zaw uh hi.– Taylor, Daniel T., “The 

Reign of Christ on Earth; or the Voice of the Church in All Ages,” p. 

33., “Midikte tung ah kumpigam hunte hong puak ta ding in“vangliatna 

leh minthanna tawh Mihing Tapa in meii tungah tuang a hong kumsuk” 

hun amaute in lam-en in angak uh hi.(303) Tua thu mah tawh Waldenses 

te zong lung dam uh hi. – Ibid. pp. 129-132. Wycliffe in zong pawlpi 

lametna bul ahi Honpa hong kilat ding na lawp hi. 

“Thukhenna ni ding kum 300 kheng nawnlo ding hi, ci in keimah 

mah in ka um hi. Pasian in hih gilo leitung sawtveipi thuakzolo ding a, 

zong koih khong thei nawnlo ding hi.” “Tua ni lianpi ni hong tung dinga, 

a kih huai kumpi gamteng ki lumlet ta ding hi,” ci-in Luther in zong gen 

hi. Ibid. pp. 158, 134. 

Melanchthon in “Hih a teek leitung a bei nading gamla nawnlo 

hi,” cih ahih zongin, Calvin in Khristiante kiang ah “Lungkaa kei unla 

thu khempeuh lak ah Khrist hong pai ding thu ah lawp mahmah un. 

Mipha khempeuh in tua ni bek etsan in neiciat ni,” “Khrist bek mah 

lung gulh in ngaih sunsun mai ni,” “ minthanna Kumpigam tawh Topa 

hong kilat hun ding vilvil mai n.i” ci-in gen ciat uh hi. Ibid. 

Scotland-a puahph pa Knox in zong “Topa Jesu in eite si le sa


vantung ah kahtoh pih hilo hiam? Hong ki leh kik mah buanglo ding 

hiam? Tua ding mah a Topa hong pai kik ding ahihna i thei hi” ci hi. 

Thumaan adinga a nuntakna a piakhia Ridley leh Latimerte in zong 

Topa hong pai ding lamen ciat uh hi. Ridley in, “Leitung bei baih mahmah 

ta dinga hihna thumaan hi ci in ka um-a ka tangko hi. Pasian nasem 

Johan tawh ki bangin eite in i lungsim sung thungetna tawh Honpa 

Khrist kiang ah, ‘Amen. Topa Jesu aw hong pai ta in,’ ci khawm n,i ci 

in a gelh hi. – Idem. pp. 151,145. 

Baxter in zong a laibu sung ah, “Topa hong pai ding ngaihsutna 

pen kei adingin lungdamna lianpen hi den hi,” ci hi. – Baxter, Richard, 

“Works,” Vol. XVII, p. 555. “Upna nasepna leh misiangthote gamtatpha 

in Ama hong kilat ding deihna leh thupha lametna neihna ahi hi,” ci hi. 

“Thawhkikna tawh sihna gallian pen kizo siang ding ahih leh, tua zawhna 

ngah nadinga Khrist hong kum kikna pen thu um mite’ adingin ngaklah 

huai mah si!” – Idem. p.500. “Thu um mikhempeuh in a ngak hotkhiatna 

nasep picin’na tawh mahialna ahi tua ni ding tu hun in ih ngaklah penpen 

ding hi hi.” “Hih ni pha hong tungsak baih in Topa aw!” – Baxter, 

(304) “Works,” Vol. XVII, pp. 182, 183. Hih lametna pen sawltakte 

khanga pawlpite lametna hizo a, “gamlaka pawlpi” leh puahphate khanga 

lametna pipen zong ahi hi. 

Hilhkholhna in a hong paizia ding bek genkhol hilo hi. Tua hun 

ahong nai ciangin a ki theih nading limte zong a genkhol hi. Jesu in, 

“Tua laitak in ni, kha, leh aksite tungah lim kilang ding a,”Luka 21:25 

“Ni hong mial dinga, kha a hong taang nawn kei ding hi. Aksite in van 

pan hong kia ding uh a, van a om vangliatna te a ki liing ding uh hi. Tua 

lai tak in vangliatna leh minthan’na tawh Mihing Tapa meii tung ah 

hong kumsuk a mu ding uh hi,” ci hi. Marka 13:24-26. Mangmuhna in 

Nihveina hong pai ding cianga kilang ding lim masa pen thu a genna ah, 

“nakpi in ziin a liing hi. Ni in samul tawh kigan puan bangin vomin a 

suak hi. Kha in zong si bangin a piang hi” ci hi. Mang. 6:12.


Hih limte kum zakhawk 19 kipat tuunglai-in hong tung zo hi. 

Hih hilhkholhna a tun’ nadingin 1755 kum-in ni danga piang khempeuh 

sanga a nasia zaw ziin a liing hi. Lisbon Ziinliingpi a kicih hangin Europe, 

Africa leh America buppi in a theikim uh hi. Tua ziinpi in Greenland 

gam, West Indies, Madeira tuikulh, Norway leh Sweden gam, Great 

Britain leh Ireland gam dong a lok gawp hi. Taikhawk awn li kuam 

sanga neu zawlo mun dong alok hi. Africa gam pen Europe gam zah 

phial mah in a lok hi. Algiers gam phelpi khat a lok sia gawp hi. Mi tul 

giat bang, tul sawm bang a teen’na Morocco pan a gamla lo khua neu 

khat zong ziin linna in avuknelh hi. Tuipi hual pipite nasia mah mah a, 

Spain gam leh Africa gam tuipi gei neh khuapi te nakpi in a susia hi. 

Spain leh Portugal gam ah nak liin’ lua mahmah ahih manin Cadiz 

khua ah tuipi hual pii 60 bang saang in hong ki hualto hi. Portugal gama 

“mualgolpente thakhat in lokvat a hih manin a bul pan-a ki lok tawh ki 

bang in, mual dawn pawlkhat ki tamkhia in kawhawm golpipi vangsuka, 

a ki tama leengkhiate a kiim zaanglei a ki deen na uh hi. Tua mual 

kitamte (305) panin meikuang zong ki khawh khia hi.” – Lyell, Sir 

Charles, “Principles of Geology,” p. 495 (ed. 1858, N.Y.). 

“Leisung ah van ging bang a ging khat Lisbon khua sung panin 

a ki zakkhit zek ciangin thakhat in leh nakpi in lokvat ahih manin, a 

khuapi phelkhat sang a a golzaw leisungah a tumsuk hi. Minit 6 sung in 

mihing tulsawmguk val bei mang hi. Tui pi pen ki hawtkhia a a lei zapi 

a keu hi. Hong ki hawt kik leu leu a, tuihual pi 50 val saang in hong 

kinil hi. “Lisbon khua sung thu a kiciamtehna khat ah, sumtam mah 

bei-a ki lam suangpaak suang bek tawh a ki bawl teembaw khawlna 

leipi-inn thak zong tua hun sung mah in tumsuk mang hi ci hi. Mite in 

a suahtak theih nading un tua leipi va beel hon uha, ahih hangin tua leiinn 

hoihpi pen Quay (a lawhna, khei), gungei leh teembaw kikal a mi 

om khempeuh tawh tummangsuk a, siluang khat beek tui tungah lamkhia 

kik nawnlo hi ci hi.” – Ibid.


Tua ziinliing pi in “Biak inn leh Convent inn om khempeuh ban 

ah kumpi inn agol khempeuh dektak, leh mi inn seh li suah sehkhat val 

a kicim sak hi. A lawhgawp khit nai 2 bang sawt ciangin mun tuamtuam 

panin mei hong kaang a, ni 3 sung ding meikuang ahih manin khuapi 

sung buppi in kangtum hi. Ziinliingpi pen zumkhak ni khat hia, Biakinnte 

leh Convent innte ah mi a dim kikhawm uh ahih manin mi tawmno bek 

suak ta hi.” – Encyclopedia Americana, art. Lisbon, note (ed. 1831). 

Kua mah kaplo hi. Khitui zong luang nawn vetlo hi. Amaute kawitaai 

in dipkua lua in hai ot kha lel ta zaw uh a, a mai khawng a awmpho 

khawng uh beeng gawp in, ‘Misericordia! Leitung a bei hi ta thong lo 

hiam!’ ci uh hi. Nute in a tate uh mangngilh-in singlamteh-a ki khai 

milim honte ok sa-in a taai uh hi. Mi tampi in Biakinnte zuan in a belh 

uh hangin mawhsuutna in kiman’na nei nawnlo ahih manin biakna tau 

khawng kawi uh hi; milimpi te, phungzite, mipi te, a ki bangin ki vuk 

khawm hon lel uh hi.” Tua ni in mi 90,000 bang si hi. 

Tua zawh kum 25 ciangin Jeisu ong kumkik nang ciaptehna lim 

nihna hong ki langh leu leu hi. Ni leh kha mialna thu a hi hi. Hih thu 

tawh kisai lamdang sak a huai bel thu in a hun (306) ding a ki genkholh 

banga a tun’lian-lian na a hi hi. Honpa in a nungzuite tawh Olive mual 

tunga a kihona uah Pawlpi in kum 1260 sung papal bawlsiatna hangin 

sawt veipi bawlsiatna thuak ding ahih manin teelsa mite adingin hun ki 

tomsak ding hi, ci a a gen genkhit ciangin Ama hong pai ma-a piang 

ding ciaptehna limte a genna ah a piang masa ding pen pian hun ding 

zong hih bang in agen khol hi— “Tua gimna khit ciangin ni hong mial 

ding a, khaa hong tang nawn kei ding hi,” Marka 13:24. Kum 1260 pen 

1798 kum-in a mong tung ta a, tua ma kum 25 bang lai in bawlsiatna 

veng siang pian ta hi. Hih bawlsiatna baan ah Ni mial ding hi cih Khrist 

kammal omsa mah bangin 1780 kum May 19 ni in tua hilhkholhna hong 

tang tungin, khim a ziing hi. 

“Tua nate amau mun tek ah genkhiat theih loh zah vi ve mah in 

nasia ciat uh ahih tei hangin, tua te lak ah a thupi pen phial khat in 1780


kum May 19 ni a khimziin ahi hi. New England pan a ki muh theihna 

khempeuh a khimziing pen a haang ki thei zolo hi.” – Devens, R. M., 

“Our First Century,” p. 89. Massachusetts a teeng mikhat in a muh 

banga a genna ah: “Zing sangin ni pen siangtho takin hong suak a, ahih 

hangin ni hong dial vat mawk hi. Meiite hong niamkai- a, adenzek 

ciangin hong vom-in om hong nuamlo hi. Tua lak pan khua hong phia 

in vanging diandian-in guah tawmtawm hong zu hi. Nai 9 bang a sat 

ciangin meii lom hong paazaw deuh a, tausan meel bang khuavaak hong 

tang ahih manin leitungte, suangtumte, singkungte, innte, tuite,leh 

mihingte nangawn ameelpuakzia hong ki lamdang sak hi. Tawm vei 

khit ciangin meiivom lom in vanmaitang khempeuh hong tuam a, mual 

mong tenglo buangah khallai nai 9 satkhit khuamial zah in khua hong 

mial hi…. 

Mitete’ lungsim ah buaina, patauhna leh lamdang saknate ong 

dim hi. Numeite kong vang ah ding in khua mial en uh a, pasalte a 

nasepna lote panun hong ciah uh hi. Khutsiam naseemte in a van zat 

teng uh nusia in, siik seekte in zong a taiteh teng uh, van zuakte in a ma 

baan uh nusia ciat uh hi. Saangte khak uh a, ci liing sa-in naupangte in 

(307) a inn lam zuan in taai ciat uh hi. Khualzinte zong a nai penpen 

lobuk ah kinga uh hi. ‘Bang hi mawk a hia leh” ki ciciat uh hi. Huih 

hualpi nung ding bang ahih manin, na khempeuh ki suksiat ni ding hong 

tungta tawh ki bang hi. 

“Khuai meite vak uh hi. Meikhuk meite zong phalbi kha-mawk 

nitaak a vak mah bangin a taang pempam sak uh hi….Vasate gil kah uh 

a a ihmu uh hi. Ganggualte huang sung ah ki khawm in haam uh a, 

uiphukte haam in vasate zong a gilkah haam ngei un a haam uha,. baakte 

a kawi leen uh hangin zan hun hi nailo ahih lam mihingte in a phawk 

gige uh hi…. 

“Salem Biakbuuk pawlpite’ pastor pa Dr. Nathaniel Whittaker in 

kikhopna bawl a, mun tuam tuam panin thungai dingin mipite hong ki


kaikhawm uh hi. Mipite tungah tua khua mial pen a apiangngeilo 

nalamdang khat hanga khimziing a hihna thu agen hi.. Kiging khol lo pi 

mah in tua khimziinna thu inLaisiangtho hilhkholhna a tun’na hi ci in a 

hilh hi….Tua khimziing pen nai 11 bang laitakin a sah pen hun atung hi. 

“The Essex Antiquariah,” Salem, Mass., April, 1899 (vol. III, No. 4, pp. 

53, 54. “Gam sung khempeuh ah sunhun ding kimlai in khuai meivak 

loin nai ki en theilo, an ki ne thei loin, na ki seem thei nawnlo hi…. 

“Hih khimziing pen khuaziing mial mawkmawk sangin huaisia 

zaw hi. Ni suahna lam Falmouth dong, ni tumna lam ah Connecticut 

leh Albany dong baan hi. Khang lam ah tuipi gei dungdung dongin thuak 

kha uh hi. Sak lam panin America te teen’na ciang ciang na baan hi.” – 

Gordon, Dr.W., “History of the Rise, Progress, and Establishment of 

the Independence of the U.S.A.,” Vol. III, p. 57. (N.Y. 1798). 

Tua a khimziing mialpi pen nitum kuan nai 1 nai 2 bang ding 

ciangin tawm hong ki hong kik hi. Vantung mun khatkhat hong sian 

sam hangin, a vommial in ziingsak lai hi. Ni pen tawm hong ki mu thei 

ta hi. “Ni a tumsuk khit ciangin meii pite hong ki kaai khawm kik in, 

khuamial pah hi.” “Tua zan khuamial pen uang deuh pah a, a sun a 

mialna zah mah in a lau huai hi. Tua hun pen kha liik dektak hun hi napi 

in kha neu kha beek ki (308) mu lo a, tawm a gamla zek ahih nak leh 

meivak nangawn in zong pailet zolo a hih manin agal panin kimu theiloa, 

Izipt gam khuamial mah bang ahi hi.” –Thomas, “Massachusetts Spy; 

or, American Oracle of Liberty,” Vol. X. No. 472 (May 25, 1780). Mit 

tawh a va mu mi khat genna ah, “Tua hun pen a gen-in genthei keng, 

leitung vantung a taang thei na khempeuhte in a pailet zawhloh ding 

liim neikhat in a liah hiam, tua teng a ki beisak hiam hi mai ta leh tua 

zah val-in mialzo tuanlo ding hi,” ci hi. – Letter by Dr. Samuel Tenny, 

of Exeter, N. H., December, 1785 (in “Massachusetts Historical Collections,” 

1792, 1 st series, Vol. 1, p. 97). Tua ni zan nai 9, khaa a hong 

suah khiat khit, tua khuamialpi hong ki nilkhia a, ciangin sisan bang lin 

lian in khaa hong kidawk hi.


1780 May 19 ni pen “Khimziin Ni” ci in tangthu bu ah ki ciamteh 

hi. Mosi khanga kipan in hih banga sah khimziinna leh a hun sawt dan, 

ciamtehna dang om ngeilo hi. Mit-a va mute genna ah hih 

nalamdangpipen a hun hong tun’ma kum 2500 lai-a kamsangpa Joel in 

“Topa’ ni, tua alau huai hun hong tun ma-in, ni hong mial in, kha sisan 

hong bang ding hi” Joel 2:31 a cih atang tunna hi ci uh hi.. 

Ama hong paikik nading limte vil gige ding leh a hong pai na 

ding ciamtehnate a muh uh ciangin kipak in “ hih thu hong piang a kipat 

lai tak in note suahtakna hun nai zo ta ahih manin ah, khua dakin na 

lutang uh phongto ta un,” cih phawk ding in Khrist in A mite a sawl hi. 

A nungzuite kiang ah singteh selna tawh zong gen the a, “A tehno na 

muh uh ciangin khuakhal anai zo hi ci-in na thei uh hi. Tua mah bangin, 

tua thu hong piang na muh uh ciangin, Pasian’ Gam hong nai zo hi ci-in 

na thei ta un” a ci hi. Lk. 21:28,30,31. 

Ahih hangin pawlpi sung ah ki niam khiat-a ki aapna lungsim om 

loin ki sak theihna leh ngeina omsa khat let tan tanna a lut ciangin Khrist 

itna leh Ama hong pai (309) ding lawpna te kiam pah lian hi. Pasian mite 

in leitung vai leh nopsakna te a zon’ nak uh leh Honpa hong pai nading 

limlahnate vil dinga hilhna a phawk nawn kei uh hi. Zeisu hong kum kik 

ding cih upnate ki thudon loin, tua tawh kisai Laisiangtho munte’ khiatna 

mankhial in agennop bulpi mansuah in ki mangngilh pah hi. A diakdiak 

in America a pawlpite tua ci pha diak uh hi. Suahtakna leh gualnopna 

tawh mi khempeuh kikhah zan in, hauhna leh uangtatna tawh sumbawlna 

ah ki pia uha, mi laka dawk nopna leh vangliat nopna vive ki tuh uh hi. 

Mite in tua bangin alam-etna uh leh a ngiimna teng uh hih leitung nuntakna 

bek ah tu sak uh ahih manin, a ciliap huai Topa ong pai kikna nilian ni 

ding pen gamlapi a sot toto uh hi. 

Honpa in A hong paikik nading nungzuite kianga a genna ah 

zong A hong kumkik ma zekin mite nungtolhkik nadingthu genkhawm 

pah hi. Noah hun lai a mah bangin nasepna te leh lawpna te pen leitung


vai vi vei hi a, nop sakna zon’na, sum lei sum zuakna, tukna khawhna, 

inn lamna, kipi ki ten na vi ve bek ahih manin, mai lam nuntakna adingin 

Pasian mangngilhna vi ve a hi hi. Tua huna nungta-khate tung ah Khrist 

hilhna in, “Note na kikeem ta un. Ahih kei leh, an kek tui dawn hih 

nuntakna leh lungman’na hangin na lungsim uh a gim laitak in, tua Ni in 

thang kisai bangin nonte tungah a hong tung ding hi,” “Tua thute 

khempeuh tawh nakipelh theih nading uh leh, Mihing Tapa mai ah na 

din theih nading un a tawntungin thu ngen un la, na ngak ta un,” ci hi. 

Lk. 21:34,36. 

Tua hun a pawlpi omzia Honpa in Mangmuhna sunga a genna 

ah, “na nungta hi ci-in minthan’na na ngah hangin a si na hih thu ka thei 

hi” (Mang. 3:1-3) ci hi.. Polhtatnate pan kipuahphat ding a nial mi tungh 

a tung ding a mulkim huai thu agen na ah, “Tua ahih ciangin ngakin na 

om kei leh, guta bangin ka hong pai ding a, na kiangah bang hun in ka 

hong tun’ ding na thei kei ding hi”a ci hi. Mang. 3:1-3. 

(310) Amaute thokhia in hehpihna kong kikhak ma in ah ki 

ginkhol theih na dingin, mihing in amah mah adinga lauhuai din mun ah 

ding ahih lam a phawk khiat ding kisam mahmah hi. Pasian kamsangpa 

in, “Topa ni ding nak kihtak huai mahmah ahih manin, kua in thuak zo 

peuhmah ding ahi hiam?” Joel 2:11. Ama hong kilat ciangin A mai ah 

kua ding ngam ding hiam? “Na mit ciim lua-a a gamtat sia mite na 

thuak zo kei.” Hab. 1:13. Late 16:4. “Kei pen amau Pasian hong ci,” 

(Hos. 8:2,1) napi Ama thuciamte palsat uh a, pasian dang bia pak zel 

uh hi. A lungsim sung uh ah mawhnate selsim uh a, thumaan lo lampite 

a enlah uh hi. Tua bang mite adingin Topani in, “khuavaak ni hi loin 

khimziin ni hi a, maitaiina om lo in lungzin’ ni ahi hi.” Amos 5:20. 

Topa in a gen na ah, “Tua hun laitak in Jerusalem khua sung, meivak 

tawh ka zong ding a, thu phawk loin amau’ ngeina bang bangin om cip 

a, ‘Topa in a pha hita leh asia hita leh, bangmah bawl ngei lo hi’, aci 

mite, dan ka pia ding hi” ci hi. Zeph. 1:12. “Leitung mite tatsiatna 

hangin, migilote a mawhna hangin dan ka pia ding hi; mi kihisakte’


kiphatsakna bei sak in, a kisatheite’ kiliatsakna ka niam khiat ding” Isa. 

13:11. “Topa’ heh thuk ni hong tun ciangin, amau’ ngun leh amau’ 

khamte in hon khia zolo ding hi” “Amau neihsa khempeuh kisut dinga, 

a innte uh kisuksiatsak ding hi.” Zeph. 1:18, 13. 

Kamsang Jeremiah in hih a lauhuai hun enkhol in, “Ka lungtang 

kisai vanvan a, ka om hithiat thei kei hi; bang hang hiam cih leh pengkul 

mutna aw, gal kisimna aw ka za hi. Siatna khat khit ciang’ khat hong 

tung a, gam sung khempeuh kisia khin hi.” ci in a ki ko khia hi. Jer. 

4:19,20. 

“Tua ni, heh mahmah ni, lungkham sinkhamni, tuahsia-in 

kisuksiat gawp ni, khua ziingin maimial ni, meiipi kai-in huihpi nun’ ni, 

galdona ding peengkul a kitum ni,”Zeph. 1:15,16. ahi hi. “En un, leitung 

gamkhing suaksak in, leitung mawh neite a susia dingin hehna leh sinsona 

tawh Top’ ni nasia tak in hong tung hi.” Isa. 13:9. (311) 

Kha lam lusukna pan khangh loin, ki sikkikna leh ki niamkhiatna 

tawh Ama maitang a zon kik nadingun Topa in a ci-liap huai leh mulkim 

huai bel kammalte tawh A mite hong sap na in, “Zion mualtung ah 

pengkul tum un la, Pasian mual siangtho tungah ah patau kona tum 

un.Topa’ ni hong naita ahih manin, gamsung mi khempeuh lau ta uh 

hen”.”an tan nading thupia unla, biak kikhopna khat nei un. Mite 

kaikhawm un la, amaute sian’ suah un. A khangham mite sam unla, 

naupangte zong kaikhawm un la, nawine lai naungekte zong paipih 

un. A kitengcil nungak leh tangvalte nangawn in, a omna uh nusia-in 

hong pai uh hen. Topa’ na a sem siampite, biakinn sung innlim leh 

biakna tau kikal-ah, kapin thu ngen uh henla,” “lungsim takpi tawh 

kisik kik in, antangin, kapin, thumna tawh kei kiangah hong pai kik 

un. Nadah tak tak uh lungkhamna tawh langsak unla, na puan uh a 

balkeek bek hi kei un, Topa, note’ Pasian kiangah ciah kik un. Amah 

migi-in hehpihna a nei hi a, alung duai-in hong huh nuam tawntung 

hi.” Joel 2:1;15-17, 12,13.


Topa ni lian ni-a dingg zo dingin mite ki gin’ sakna ah 

kipuahphatna nasep thu lianpi kiseem ding hi. Ama mi a kici tampi takte 

in tawntung ki mang ding kha thu ah a ki lam lo uh a muh ciangin, 

khangh-maa a a omna panun a phong khia dingin thu puakte Topa in a 

sawl hi. Tua tangkona pen Mang. 14 sung ah oma, tangkona cial 3 

vantung mite in hong puak bang daan in a gen hi. Tua tangkona nung 

ah mihing Tapa “leitung an la dinga” hong paina in tha khat-in hong zui 

pah hi. Tua thupuakte laka a cial masa in thukhenna hun hong tunna 

thu hi a, mangmu pa in, “Lei tung a teng mite-a kipan gam khempeuh, 

nam khempeuh, pawl khempeuhte kiangah Pasian’ Lungdamna Thu 

hilding in vantungmi a dang khat in van kim lai-ah a leng ka mu hi. Tua 

vantungmi in, ‘Pasian kihta un la, a vangliatna phat un. Bang hang hiam 

na cih uh leh a thukhen ding hun a tungzo hi. Vantung, leitung, tuipi leh 

cikte a piangsakpa na bia un” ci in nakpi in a ki ko hi. Mang. 14:6,7. 

Hih thupuak pen “a tawntung lungdamnathu” khat ahi hi. 

Lungdamnathu hilhna pen vantung mi kisawl ngei lo a mihing te sep 

ding a ki aap a hi hi. Vantung mi siangthote in hih (312) tangkona van 

uh a, mihingte hot nading nasep pan mun alak uh hangin pumpi tawh 

tangkona pen leitunga Khrist naseemte in seem uh hi. 

Pasian’ Kha in a sawl bangbang a mang nuam, Topa thu 

ahilhnuam mite, in leitung ah hi thu tangko uh hi. Amaute in “a kitel 

mahmah hilh kholhna thu” awl mawh in, “lungsim sungah khuavaakin, 

zingsol a suah dongin tua thu, khuamialna-ah tang meivak bang in ”a 

tang sak ding uh hi. 2 Pet. 1:19. Amaute in Pasian sum manpha zong 

uh a, “ngun sangin hoih zaw a, kham sangin manpha zaw” a sa uh hi. 

Paunak 3:14. Tua ciangin Topa in amaute tung ah Kumpigam thu liante 

a lak hi. “Amah a zahtakte’ ading hi a, a thuciamna amau tungah 

kitheithang sak hi.” Late 25:14. 

Theology siam a kicite in hih thumaan theilo uha, zong na tangko 

khalo uh hi. Kuhkal leh muanhuai takin thungen in Laisiangtho a


zongkhia den uh hi leh hilhkholhna thute telthei in khuahun leh 

ciaptehnate zong a thei ding uh hi. Ahih hangin tua din mun ah omlo uh 

ahih manin, mi ginalo zawte in tua tangkona na a seem uh hi. “Khua 

mial in no hong lap loh nadingin khuavaak a om lai takin na pai un”( 

Johan 12:35) Jeisu in acih atangtunna ahi hi.. Pasian in khuavak pia 

napi a nusiat san ve ve te leh ama saan’ khak theih ding hun sunga a 

awlmawh lote khuamialpi sung ah ki nusia cip ding hi. Honpa in bangin 

“Ka nung hong zuite in khuamial lakah pailo-in nuntakna khuavaak a 

ngah ding hi” ci hi. Johan 8:12. Pasian deihna zui nuam a lungsim 

khatbek a neite leh, a kipia khuavaak awlmawh a a zon beh khempeuhte’ 

tungah a taangzaw khuavaak kipia dinga, thuman amuh kim dong lam 

lak dingin vantunga tang aski in tua mite a makaih ding hi. 

Khrist khat veina hong pai lai in Khuapi siangtho sunga siampite 

leh laitheite tungah Pasian thu siangtho kipia ahih manin, kam-ciampa 

hong pai ding hun (313) theih nading limte zong khia in atangko’ ding 

uh ahi hi. Mikah in a pianna mun ding genkhol in, (Mikah 5:2) Daniel 

in a pian ding hun a gen hi. (Dan. 9:25). Pasian in hih hilhkholhna te 

Jew upa te tung a pia hinapi Messiah hong tung ta ding hi ci-a mite a 

hilh loh man-un paulap zongin peng theilo ding uh hi. A awlmawhloh 

man-un mawhna leh awlmawhlohna thaman angah uh ahi hi. Pasian 

kamsangte athah man-un a haante ah mualsuang phuhsak suak uha, 

leitung uliante a zahtaak bawlna un Satan naseemte tunga tokaaina a 

suak hi. Lungliatna tawh mite laka zaliatna leh vangliatna a kituhna 

teng un, vantung Kumpipa piak minpha pen a khahsuah uh hi. 

Israelte in zahtak in thu ngaihsun uh hi zen zen henla, a hun leh 

thu omziate tawh na zong uh hi leh, leitung thupiang lian bel ahi mihingte 

honkhia dinga hong pai, Pasian Tapa telmuh mahmah ding uh hi. Leitung 

Honpa muak dingin mi dang khempeuhte makaih in pi-pang zaw ding 

uh hi. Ahih hangin en dih ve, Khualzin mi nih Nazareth mual lak panin 

gim mahmah-in hong pai a zan-a a tawlngak nading mun uh zongin 

khua sung kongzing neute paltan suak-in nisuahna lam khuanawl dong


a zon uh hangin mulo uh hi. Amaute adingin kong na ki hon’ nuamlo 

hi. A tawpna ah bawngbuk sia lui khat ah ki nga mai uh hi. Tua buk 

sung ah leitung bup Honkhiapa hong suak zawzen ta zen hi! 

Van-a vantung mite in Pasian Tapa, A Pa tawh leitung pian’ maa 

a ki banga vanglian khawm sa a muh uh hi. Mi khempeuh ading 

lungdamna lian pen ahi leitunga Ama hong pian’na zia, lungsim ki tha 

saan sa-in na en gige ciat uh hi. Tua thu adeih leitunga teeng mite a thei 

sak sawn ding leh a tangko dingin vatung mite a ki seh hi. Khrist in 

mihing pianpih omziateng Amah leh Amah a kisuan hi. Amah in lung 

gimna nasia belte thuak dingin hong ki pia hi. Mawh ki thoihna-in zong 

hong kigo ding hi. Amah a ki niam- (314) khiat ta zongin 

tungnungbelpa Tapa in a vangliatna leh a zahtaak huaina mihingte mai 

ah lak leh vangtung mite in a deih uh hi. Leitung-a mi liante ki kai 

khawm in Isrealte khuapi ah Amah a na vai dawn nuam ding uh hiam? 

Vantung mi honpite in tua vai dawn mite’ muh-in Amah vil-in a hong 

zui ding uh hiam? 

Leitunga Jesu a na dawn nuam ding mite en dingin vantung mite 

khat hong pai hi. Tua hong pai suk vantung mi in kua mah a lam en thei 

ding mi a mu het kei lai hi. Amah in Messiah hong pai baih ta ding hi ci 

a phatna leh lungdamna kammal no khat zong a za kei lai lai hi. A ki 

teel khuapi leh khang tampi Pasian ompihna mun ahi Biak innpi tung 

teng kiim vial in tua Vantung mi a laam laam hangin, hih mun nangawn 

ah zong a awl mawh na khatbek kihil lam amu tuan kei lai hi. Siampite 

in ki sathei in puak babak sa-in biak inn sung ah ki thoihna te zeh phii 

uh a, a nin sa-in pia pia lai uh hi. Pharisee te in aw lianpi tawh mite 

sam-in kisialhna thu ngetna te kongzing kiu kawi khawng ah bawl bawl 

lai uh hi. Kumpi inn sungte, mipi kikhopna munte, Rabbi saangte a vek 

un a kibangin vantung ah a lamdang lungdamna leh phatna dimta ahih 

lam atheih se loh uh hangin, mihing te Honpa pen leitung ah hong kilang 

ta ding a na hi gi ge hi.


Khrist a na ki lametna lim bang mah omlo hi. Nuntakna Kumpi 

hong tun hun adingin bang mah ki gin’kholhna ki mulo hi. Lamdang 

sasa kawm leh mai zum pipi-in van kamtaaipa vantung ah a ciah kik 

kul ding hi ta hi. Tuu cingte tawm kha in a tuute uh vil in zan-in gam 

a giahlai tak un leitunga Messiah hong pai ding na ngaihsun kawm 

kha zenzen in vantung en to uh ahih manin, Honpa leitung a hong 

suah ding a na lam-en milom no khat ki mu teei suak lamh lai hi. Tha 

khat-in Topa vantungmi va kilanga, lungdamnathu ava hilh hi. Vantung 

minthanna in a zangkuam teng tuam a, a kisim zolo vantung mihon 

hong kilang-in van pan-a lungdamna lian pen thupuak lasa dingin hong 

tung uh hi. Thupuak vantung mi khat bek lasak ding ki hawm thawh 

bang dan-in aw tampi tawh ni khat ni cianga mi namkimte lak pana 

hotna ngahte in a sak ding lapi ahi, “Van a sang belna-ah Pasian 

minthang ta hen. Leitung a deih mite tungah nopna om ta hen,” cih 

asa uh hi. Lk. 2:14. 

Hih Bethlehem tangthu lam dang mah si maw! Ei leh ei hi gawp 

peuh i ki sak khak zennate, upna i neih zawhlohnate zumhuai lel mah si 

maw! Ki gin’kholh ding bang (315) zah-in ki sam hiam cih phawk 

tuamna-in neithei beek le hang hoih ve ma taw. Tu in zong eite i na 

kigin’kei-a, hun ciaptehnate i na phawk kei leh, eite tunga thu kikhennate 

phawklo pah lel ve mawk ding i hi aw! 

Lawkite gam ah Ama hong kilat ding hun a vil na om zaw a, 

Judea mualno laka tuu cingte bek hi loin Messiah hong tun ding a na vil 

mi dang zong vantung mi in a va mu lai hi. Amaute nisuahna lam gam 

pana mipil, mihau, miliante hi zaw bilbel uh hi. Nate pianzia tawh 

Pasian leh Ama nasep dan a kan den magi a kicite ahi uh hi. Hebrewte 

Laisiangtho sung pan mah in Jakob sung pan Aksi khat hong suak ding 

ci in thei uh a, tua pen “Israelte lungnop pia ding” bek tham loin 

“Zentialte tung ah khuavaak na ding” leh “leimong dong gupna a piansak 

na ding,” cih mu uh ahih manin ngak lah in a vilte a na hi uh hi. Lk. 

2:25,32. Amaute in khuavak zong uh ahih manin Pasian kiang pana


hong taang khia khuavaak in amaute khe ading lampi a vaaksak hi. 

Jerusalem-a siampite leh Rabbi te in thumaan kal khia ding leh a vil den 

dingin ki teel hi napi, khuamial in amaute a vuh cip laitakin vantung’ 

sawl Aksi in hih a hong suak thak Kumpipa suahna mun ah Zentail 

khual mite a pai pih hi. 

Tua mah bangin “Amah lam-ente gum dingin, mawhna tawh 

kipawl loin, nihveina a hong paikik ding hi.” Heb. 9:28. Honpa pian’na 

thu-thang zaksakna mah bangin nihveina hong pai nading tangkona ah 

zong Pasian tawh ki zopna nei kin ken lo uh a, vantung pan hong ki 

puak khuavak nial uh ahih manin, biakna makaite ki zangh lo hi. “A hih 

hangin ute naute aw, tua Ni in guta mi bangin note tungah a hong tun’ 

nadinginah note in khuamial lakah a om na hi kei uh hi. Bang hang hiam 

na cih uh leh, note khempeuh in khuavak’ tate, sunlai’ the na hi uh hi. 

Eite zan tawh a hi zongin khuamial tawh ahi zong in kipawl I hi kei hi.” 

1 Thess. 5:4,5. Ci-in Paul in agen mah bangin thupuak te lak ah tua 

mite ki sim khawm kha nawnlo hi 

Zion kulh tunga om galvilte in Honpa hong pai ding a thei 

masa pen dingte hi uh a, Ama hong paina tangko in a aw a saang khai 

ding uh a hi hi. Patau a tangko masa ding, A hong pai nading a ki 

ging sak masa dingte a hi uh hi. Ahih hangin amaute in tawl nga hit 

hiat lel uh a, nopsa in lung muang in mite in mawhna sungah ihmu in 

ki khimm lel uh (316) hi. A gahlo theikung nahluun in a kheem bangin 

Jesu in Ama pawlpi a mu hi. Tua mah bangin akisial, biakna lim mah 

a pua vial mite, ki niamkhiat a, ki sik kik a, upna tak a neite bek Ama 

naseem dingin saang thei ahih manin Pasian in amaute ta sam sa a, 

zangh thei lo hi. Kha Siangtho hehpihna mun ah ki-saktheihna, ngeina 

khat bawla zuih ten tan pong mawkna, a mawkna minthan’na, huai 

hamna, leh nuai net neihna te tawh ki dim uh hi. A nungtolh kik 

pawlpi in a ki lak nalamdang leh limte munuam thei-nuamlo in a mit 

uh khup san uh hi. Pasian in amaute nusia hi lo-a, Amah a ciam peel 

zong hi loin, amaute Pasian kiang pan a taai khia uh hi zaw hi. A hun


a mun tawh kizop ding nial uh ahih manin tua khapkholhna pen amau 

tung ah tung thei lo hi. 

Tua bangin Pasian hong piak khuavaakte puahlo donlo-in i om 

leh, a thaman ih saang kik ding hi. Pawlpi in Ama hong lam hon’sak zui 

a hong piak khuavaak saang in, a hong lah sep ding om bang bang ih 

sep kei leh, biakna pen in theihtham loh-in kiam suksuk a, a ngeina 

omsa khat zui ki suak ding hi. A tawpna ah Kha Siangtho in hong taai 

san lel ding hi. Tua thu pen pawlpi tangthu sung ah a om suk suksa ahi 

hi. Pasian in Ama mite sawlman’na leh upna zui in thupha leh 

hamphatnate a pia hi. Sawlman’na cih ciangin kipiak zawhna kul a, 

singlamteh khat mah a hi hi. Tua hang mah-in Khristian a kici pipite 

tampi mah in van pan-a khuavak a saan’ ding uh na nolh kha zel uh a hi 

hi. Tanglai Jewste in amau thuak siat nading uh hun thei lo uh hi. Lk. 

19:44. Kiphatsakna leh uplahna hangin Topa in amaute pai san a, a 

thupuak pen khuavak deih-a a vil gige Bethlehem-a tuu cingte leh 

Nisuahna lam Magite tung ah lak zaw ta thong hi.


18 

America-a Puahphapa Khat 

(317) 

LOKHO, mi thumaan, lungsim picing, Laisiangtho pen Pasian thu 

hi, cih a up zo taklo hangin thumaan a thei nuampa khat hi a, Khrist 

nih veina hong pai nading thu tangko dingin Pasian teelkhiat mi a khat 

ahi hi. Puahpha dangte mah bangin William Miller zong aneu lai in mi 

zawng migenthei khat a hih man-in, tua in phengtat lo in ki sekna a nei 

sak hi. Suakta, aki it, lungsim hoih a lungduaina tawh gam it innkuan 

pan khangkhia ahih man-in tuate in ama khan zia ong suakto pah hi. 

America Tualgal om lai in a pa pen galkap maang Captain ahi hi. 

Tualgaal sunga buaina leh gentheihnate hangin Miller aneulai akipan in 

ki sekna a guan to hi. 

A pumpi thatang hoih a, naupang khat a hih lai nangawn in zong 

adangte sang in navak zaw in ateitan zawkna kilang den hi. A hong gol 

ciangin zong hoih to semsem hi. A lungsim picing a hih man-in pilna a deih 

mah mah hi. A laisim uk leh thu telkheh asiam zia in College ah pilna sinna 

hunpha aneih loh hang in lungsim navak thumu mi khat ahih lam alangsak 

hi. Ama gamtat kawk baan’na omlo a, deih gawh huai pahtaak huai-in,

AMERICA-A PUAHPHAPA KHAT 317 

siangtho in, ciil siam in, mi a huh nuam hi. A kuhkal man-in lawh cing zel a, 

lai sim thanopna zongsatna a nei hi. Civil sung leh galkap zumte ah ana 

seep nate pan in mi te’n muang ahih man in, hauhna leh zahtaakna ngah 

theih nading (318) lam tampi ama ading in a kihong hi. 

A nu pen Pasian zahtaak mah mah khat ahih man-in, aneu limh 

phet-a anu pattah na in biakna lam ah zong a kuhkal mi a suak sak hi. 

Pisal a hong suah ciangin Deist a kicii pawl biakna sungah a va bual uh 

hang in a gam itna, a mikhualna, ki niam khiatna te, leh a mi huh nopna 

te uh kiamtuan lo in khang sem sem zaw hi. Khristian munpite lak ah 

hong teeng uh a, kiim leh paam omzia in zong hong lawh to zel uh hi 

napi amaute a thuzawh ahoih pen pen khat in Laisiangtho a hi hi. Ahi 

zongin tua bang hoihna phatna a neihte uh Pasian thu tawh ki lehbulh in 

hong zangh kha uh hi. Hih mite tawh kikholna hangin Miller in amau 

lungsim bang lungsim hong nei hi. Laisiangtho mun a khiatna haksa a 

tel zawh loh mun hong om thei hi. Laisiangtho nusia in a muh thak ama 

upna bek tawh hong lungkim zo napi in, kum 12 sung bang a hong om 

hi. Ahih hangin kum 34 hong phak ciangin Kha Siangtho in ama lungsim 

sung ah mawhneipa khat ahihna a phawk tel sak a, ni danga a upna in 

sih khit a ding khamuanna bangmah kamciam lo ahih lam a a tel ciangin, 

a mai lam khua ziing-in mial sa lua ahih man-in, hi bangin ci hi: 

“ Mai mang ding cih thu in i khua hong sik sak a, sit tel ding i 

hihna in mi khempeuh kisia ding hihna lak hi. Vantung in ka lu zaang ah 

sumsan bang hi a, leitung in ka khe nuai ah siik bang a hi hi. A tawntung 

- bang cihna hiam? Sihna - bang hang hiam? A haang kan tetek leng ka 

gen ding a bei tetek hi. Nak ngaihsut semsem leng ka thukhup nading 

teng ki theh keek in palau khin hi. Seh nawn dah ni ci in ki deek ta leng 

ka lungsim khawl thei lo hi. Ka nangh gawpta-a, hang ka thei zo nai 

kei hi. Ka phun phun ka ciak ciak hangin a kua’ tung ah cih zong hi 

tuan lo hi. Khialhna khat om cih thei napi ing in a maan bang ci muh 

ding, koi ah kan ding cih ka thei kei hi. Ka thuum thum hangin lam etna 

lah ka nei kei hi” ci hi.


Tua bang dinnum tawh kha tampi a om khit ciangin, “Thakhat 

thu in ka lungsim ah Honpa’ nuntakzia ka phawk vat hi. Tu in eite 

mawhna daan thuakna pan a hong (319) honkhia ding ih 

thupalsatnate a hong lep sak nuam a migi a hehpih thei khat a om 

dingin ka phawk hi. Tha khat thu mah in tua pen it huaii mah ding a 

hi hi ka ci hi.Tua bang mi ang ka kden na naum hi. Ahih hang in tua 

bang mi aomtak pi mah ding hiam cih ka lung hian leu leu hi” 

Laisiangtho sung longal ah tua mi leh mai lam khamuan na thu ka mu 

zo kei hi. 

Laisiangtho pen Pasian hong kilahna hi cih ka nialzo nawn kei 

hi. Lawm hoih Jesu ka mu ta a, tua in kei lungdamna hi. Honpa pen 

lawm tulsawmte lak ah a bul pen hong suak a, ni danga a mial a thu ki 

lehbulh banga ka seh Laisiangtho pen tu in ka lampi ading meivak banga 

hong taan’ a hi hi. Ka lungsim siangin ka lungkim hi. Tuipi bang ih 

nuntakna sunga belh ding suangpi bangin Topa Pasian ka mu hi. Tu in 

Laisiangtho a lang zong hong ki hilh nai lo ahih lam ka thei ta hi. Ni 

dangin a meel hoihna leh a minthanna ka muh ngei nai loh lam dang ka 

sa a, ka nial pong mawk zong lam dang ka sa hi. Khaa cinatna khempeuh 

adamsak thei lungsim in a lunggulh thu khempeuh a hong lak thei thu 

ka mu ta hi. Lai dangte sim ding ka ut nawn kei a, Pasian kiang pana 

pilna thu bek ka sim nuam ta hi’ ci hi. - Bliss, S., “Memoirs of W. 

Miller,” pp. 65-67. 

Miller in hun beisa a thu sim loh a biakna pen tu in mipi zak in 

saang ta hi. Ahih hangin ama lawm luite in, nidanga ama nial ngeizel 

bang mahin, Laisiangtho’ thuneihna a hong nial uh hi. Tua a lawmte 

tawh ki nial in hun a bei sak sangin, Laisiangtho pen Pasian kiang pana 

hong thu lahna ahih takpi nak leh ki-tukalh lo a; mite thu hilh nadinga 

kipia ahih manin a theih lah ding zong hi lo hi cih a hi zongin, Laisiangtho 

sim a theih tel ding bek ngim pi-in (320) nei a, a ki le bulh mun teng 

zong a leptuah theih pah tuan loh ding zong a mu hi.


A lungsim puak omsa teng niil khia phot in Commentary kici 

Laisiangtho khiatna laibute zangh loin a Laisiangtho mun leh a 

Laisiangtho mun dang mah sai kaak in, a thu kibang omna zon’ khiatna 

te tawh a en kaak kawi kawi hi. Piancil bu pan pan suk in hun maan tak 

leh a zia om takin a neu khat khit teh khat, a deihna thu thei lopi in 

mawk nusiat het loin kician sak suk suk hi. A kitel phalo thu hong om 

ciangin tua thu mah a genna mun dangte zong khia in, a deihna a ki tel 

dongin zong khia in sutuah in sittel hi. Laisiangtho munte gennop thu 

pen aki tel sak dingin tua thu mah a kigenna mun dangte in lak khia sak 

a, va sutuah leh haksa nawn lo pah hi. Tua bangin a haksa mun atun’ 

ciangin Laisiangtho mun dang zong khia in a tel lah sak zel hi. Thu 

nakpi in ngen a a sim ciangin a masa-a theih hak a sak munte zong tel 

takin hong thei thei hi. Laphuakpa’n “Nangma thute hon’ khiatna in 

khuavaksak a thu theilote thu theihtelna a guan hi,” (Late 119:130) a 

cih mah bangin thuman omzia ong tel to to hi. 

Lawp mahmah sa-in Daniel bu leh Mangmuhna bu simkop a, 

Laisiangtho mun danga khiatna a zondan mah zui in lungdamna lianpi 

tawh, hilhkholhna leh Mangmuh nate teltheih takpi ahih lam mukhia hi. 

Tua hilhkholhnate a tung sa teng zong a tun’ na mun man khia hi. A 

heem gennate, gentehna-a a kizanghte, aki bat pih paunakte a ki zop 

pih thu tawh a khiatna tel takin mu a, tua mun-a a zat kammal Laisiangtho 

mun dang khat in a tel lahnate lemkhawm in ki telkhia sak hi. Amah in, 

“Ka lung kim mahmah hi. Laisiangtho in thumaan lahkhiatna zia nei a, 

a lampi maan-in zong leng tel nop in siang mah mah a, a vaak thaap mi 

in zong ahai phial zongin khial thei lo ding hi,” ci hi. - Bliss, “Memoirs 

of W. Miller,” pp. 70. Hilhkholhna laisiangtho munte khat khit khat 

khil suk-suk inthu a suutna ah thumaan kizop dan hong mu khia khia hi. 

(321) Vantung mite in ama lungsim hon sak a, Laisiangtho a sim ciangin 

teltheih nading pilna a pia uh hi. 

Hun beisa a hilhkholhna a tangtun’nate tawh etteh-in mai lam a 

hong tunglai ding hilhkholhnate zong sehkholh theih in hong om a,


leitung bei ma-in Khrist kumtul leitungah maang ding cih taangpi upna 

pen Laisiangtho kammal in gen hetlo ahih lam a muhna manin a lung 

kim hi. Hih doctrine in Topa hong pai ma-in dikna leh nopna kum 

tulkhat sung om ding hi cih lakkhia a, Pasian nilianpi ni buaina pen 

gamlapi ah heemkhia suk hi. Khrist leh nungzuite hilhna-a an laak hun 

mateng taang leh tahum pokhawm sak ding; an laak hun pen leitung bei 

ciang cih thu tawh ki lehbulh hi napi, tua thu tawh mite ki lungkim sak 

mawk uh na hi ta zen hi. Matt. 13:30, 38-41. “A gilo leh mi kheem thei 

te a hih uh leh, gilo semsem ding uh a,” “ni nunung ni ciangin kisiatna 

hun sung tung ding hi,” 2 Tim 3:13, 1,2 khuamial kumpipa’ gam in mai 

nawt dinga, Topa hong pai ciang in Ama kam pan pusuak siasak dinga 

Ama vaang in susia ding cih a hi zaw hi. 2 Thess. 2:8. 

Leitung kikhel dinga, Khrist in khaa tawh hong uk ding cih upna 

pen nungzuipite hun lai in omlo hi. Tua bang upna pen kum zakhawk 

18 bang mateng in Khristiante lakah ki thei kha ngeilo hi. Tua upna 

pen lampialna dangte mah bang ahi hi. Tua upna in Topa hong pai ding 

gamlapi hi lai ding bang hong suaksak a, Ama hong pai nading limlahnate 

mite awlmawh lo sak hi. Tua upna in a lung muan’ huai het lopi in mite 

lungmuang sak a, Topa mu dinga ki gin’ kholh nading teng susia hi. 

Miller in Laisiangtho sungah Khrist a mimal mahmah mitmuh in 

hong paikik ding cih genna pen teltakin mukhia hi. Paul genna ah, “Topa 

mah mah in kikona tawh, vantungmi mangpa’ kikona tawh, Pasian peengkul 

tumna tawh vantung pan hon kumsuk “ding hi ci hi. 1 Thess 4:16,17. Honpa 

genna ah zong, “avang liatna leh min than’na tawh, Mihing Tapa in meii 

tungah tuang a hong kumsuk na mu ding uh hi.” (322) “Khuaphialep in 

nisuahna pan phia a, nitumna dong a taang bangin mihing Tapa hong kumna 

a piang ding hi,” ci hi. (Matt. 24:30, 27). Amah pen vantunga mihonpite in 

hong zui ding uh hi. “Mihing Tapa in a minthan’na tawh, vantungmite 

tawh hong pai khawm” ding hi. Matt. 25:31-34. “Amah in peengkul nakpiin 

tumsak dinga, ama vantungmite sawl in, lei kiu li pan, van mong khat 

pan mong khat dongin a kikhawm sak ding uh hi.” Matt. 24:31.


Ama hong pai ciangin midik sisate hong thokik dinga, a dikhing 

laite kikheel ding hi. “Eite khempeuh in sicip ding i hi kei hi. A nunung 

pengkul a hong mut ciangin tomkha sung mitphiat kikalin eite khempeuh i 

kikheel ding hi. Tua peengkul a mut ding a, misite in muat thei nawn lo 

dingin hong tho kik ding uh hi. Eite khempeuh in zong i kikheel khin ding 

hi. Bang hang hiam na cih uh leh, hih a muat theite in muat theih lojhna 

asilh ding hi” Paul in ci hi. 1 Kor. 15:51-53. Thessalonte a lai khakna ah 

Topa hong paina a gen khit ciangin, “Khrist sungah asisa mite in a tho masa 

ding uh hi. Tua khit ciangin nungta-a om lai eite in van kim lai ah Topa 

dawn ding in tua mite tawh meii tung ah puakna i ngah mah bangin, Topa 

tawh i om khawm tawntung ding hi,” ci hi. 1 Thess. 4:16,17. 

Khrist tektek hong paikik matengin A mite in a kumpigam luah 

thei nailo ding uh hi. Honpa genna ah, “Mi hing Tapa in a minthan’na 

tawh, vantungmite tawh hong paikhop ciangin, minthan’na tokhom 

tungah hong tu ding hi. A maiah minamkim kikhawmsak in gancingpa 

in tuu leh keelte a tuam khen mah bangin, mi khempeuh atuam tuak in 

hong khen sak ding hi.Tua ciangin a ziatlam ah a omte kiangah Kumpipa 

in, ‘Ka Pa kiangah hehpihna ngah te aw, leitung pian’cil a kipan, note 

ading a kibawl kholsa Gam ah hong pai unla hong luah un” Matt. 25:31- 

34 ci ding hi ci hi. Laisiangtho in mihing Tapa hong pai ciangin misite 

a kisia thei nawnlo dingin hong thokik dinga, a hinglaite kikhel ding hi 

cih thu a genna i mu zo hi. Tua a ki khelna in kumpigam ngah nading 

uh ahi hi. Paul genna ah, “si leh sa in Pasian’ Gam aluah zokei ding hi” 

(1 Kor. 15:50) a cih pen ahi hi. Tu a mihing i din’ mun pen a si thei a sia 

thei hi ahi hi. Pasian Kumpigam pen bel a sia thei lo, a tawntung kimang 

(323) ding ahi hi. Tua ahih ciangin mihing in tu-a i omzia tawh Pasian 

gam ki lut thei lo hi. Ahih hangin Khrist hong pai ciangin Ama mite 

tung ah sih theihlohna hong pia ding hi. Gamluah dingin hong sam dinga, 

tua ciangin a luah thei ding uh ahi hi. 

Miller lungsim sung ah siangtho takin hih thute leh Laisiangtho 

mun dangte zong hong kilak hi. Khrist hong pai ma-in Pasian


kumpigam leitung ah ki ngah phot ding cih taangpi upna khat om hiau 

pong mawk pen zong Khrist hong pai khit cianga a baan zomto lai thu 

hi zaw hi cih a tel muh ta hi. Tham loin thu piang tuamtuamte in ni 

nunung ahihna lim lakciat ta zaw uh hi, cih zong a mu hi. Laisiangtho 

pan beka thu sinna tawh hih leitung in tu-a a omzia bang tanvei zom 

lai dinga, tua teh bangci bei ding hiam cihte a zon khiat nop van van 

na hong nei hi. 

A gen laina khat ah, “Ka lungsim hong lawng thu dang khat in, 

Laisiangtho khang tangthu-a hilhkholhna a om, a tungsa te a hun ki 

sehna bang lian mah in maan takin tung hi cih hong mu sak hi. Tuiciin 

vai-a kum 120 thu (Piancil 6:3), ni sagih sung nisat laina leh ni 40 sung 

guah zukna (Piancil 7:4), kum 40 sung Abraham suante a va zin mangna 

uh (Piancil 15:13), kumpipa an bawlpa leh an piapa mang matna (Piancil 

40:12-20), Pharoah’ mang mat kum 7 vai (Piancil 41:28-54), kum 40 

sung gamlak ah thamna (Gamlakvakna 14:34), kum thum leh a lang 

sung kialpi vai (1 Kumpite 17:1); (Lk 4:25), kum 70 sal mat-a omna 

(Jer. 25:11), Nebukadnezzar hun 7 vai (Dan. 4:13-16), leh nipikal 70 

Jew te adinga seh khiatna vai (Dan. 9:24-270), te in a hun sehna bangin 

ki hilhkholte maan takin tung kim hi cih ka mu hi” ci hi. Bliss, “Memoris 

of W. Miller,” p. 74, 75. 

Tua bang teng ahih manin Laisiangtho a sim beh zelna ah 

khangsimna tuamtuamte a hun ciat un tung kim ahih manin Khrist hong 

paikik nading thu zong mot koih thei (324) loin Pasian in a hun a “tun’ 

ma in” A naseem te tung ah hong lak a hi hi. Moses in, “Thu simte pen 

i Topa Pasian theih hi bek hi. A kilang thute ei ading leh i tate ading ahi 

hi” ci hi. Thuhilhkikna 29:29. Topa in kamsang Amos kiangah, “Topa 

Pasian in ama nasem kamsange tungah, ama geelna theisak lopi-in 

bngmah hih het lo hi”. Amos 3:7. Pasian thumaan a zong khia mi in 

Laisiangtho in apulak kholh nate mihingte muh a thupiangte lak pan 

teltak in mu ding uh hi.


Miller in, “Pasian mop Laisiangtho a om khempeuh ki man’na 

nei’ hi ding hi ci in ka um hi” (2 Tim. 3:16). Tuate in mi’ deih bangin 

hong tung ngei kei hi, Kha Siangtho hansuah ngahin mite in Pasian 

kiang pan a gen sawn uh a hi hi. 2 Pet. 1:21. Eite in lungduai tak in 

Laisiangtho sim le’ng ki hehneepna leh lam etna ki ngah hi. Rom. 15:4. 

Laisiangtho sunga khangsutna leh thu kizom khawkte zong a dang 

khawkte zah mah in, nakpi-in zong khia-a i ngaihsut kul hi ci in ka seh 

hi. Tua ahih manin Pasian in Ama migitna tawh hong lah nop thute ih 

zon laitak in hilhkholhna tawh kisai hun-sehna a omte mawk nusiat 

ding in ka ngaihsun kei hi. “ -Bliss, “Memoirs of Wm Miller,” p. 75. 

Nihvei hong pai nading hun a tel hilh pen hilhkholhna in Dan. 

8:14-a “Ni tul nih leh zathum ciangin Biakinnpi ki siansuah ding hi,” 

cih thu ahi hi. Lim zangh-a hilhkholhna Laisiangtho mun a hih leh 

nikhat ciangin kum khat-in ki tuat hi cih Miller in a mu hi. Tua zui in 

ni 2300 pen kum suah to leng Jewste hun khengto mawk ahih manin 

tua hun sehna pen Biakbuk taktak genna hi theilo hi cih ki mu pah hi. 

Tua ciangin Miller in Khristian khang hun ah Biak buk cih pen leitung 

hi ci in taangpi etngeina tawh tuat a, Dan. 8:14-a Biakbuk siansuah 

acih-(325) na in Khrist nihveina hong pai cianga meikuang tawh leitung 

a siansuah nading hi ding hi ci hi. Tua bang hi mah leh zong tua hun 

sehna a kipatna i tel muhphot a, a patna a maan phot leh ni 2300 beina 

ki tuak ding hi. Tua hi leh nihveina hong pai nading hun leh “kisak 

theihna, ki liatsakna, ki hihsakna, mawknate, gitlohna leh ki 

netniamnate bei ta ding a,” “samsiatna leh sihnate leitung pan a beimang 

nading hun zong kitel pah ding hi”. Pasian sawltakte, kamsangte, 

misiangthote, leh Ama min zahtaakte letsong kipia-in tuate leh leitung 

susia den migilote leitung pan ki siak siang ta ding hi.” - Bliss, “Memoirs 

of Wm. Miller.” P. 76. 

Miller in tua a muhthak hilhkholhna ah lawp zaw leh thanuam 

zaw-in sun tawh zan tawh sit tel-in hun azangh hi. Tua a thu in a utna, 

a deihna leh a vaidang khempeuh huup mang hi. Daniel 8 sungah ni


2300 ki patna theih nading genna om lo hi. Vantung mi Gabriel in 

Daniel tung ah theihsiamna guan napi in a kim khat bek hilh se hi. 

Kamsangpa mangmuhna ah pawlpi in a thuak ding bawlsiatnate kilak 

hi. A thatang gim lua ahih manin thuakzo nawnlo-a, vantung mi in 

ciahsan phot ta dih hi. Daniel “bah gawp in ni tawm vei sung a cina hi.” 

“Ka mangmuhna lam dang ka sa a, kua mah in lah a thei kei hi” ci hi. 

Pasian in Ama kamtaipa kiang ah, “Hih mipa a mangmuhna thei 

tel sak in” ci in sawl hi. Tua sawlna aki zuih a kul ahi hi. Tua sawlna 

mangin vantung mi Daniel kiang ah hong ki langkik a, “Pasian in nang 

hong it ahih manin, tua thu gen dingin ka hong pai zo hi. Tu in, tua 

mangmuhna thu ka hong hilhtel laitak in ciamteh in” a ci hi. Dan. 

9:22,23.25-27. Alian 8 ah hun tawh kisai thu phamawh theih tel ding 

akul, ni 2300 vantung mi hun sehna a om hi: 

“Na mite leh na khuapi siangtho ading leh, mawhna leh gamtat 

khialhnate a bei nading in nipikal 70 kiseh zo hi....Hih thu ciamteh in 

la thei in: (326) Jerusalem lamkik nading thupiak khiat hun-a kipan 

sathau kinilhpa’ hong pai dong nipi kal sagih leh nipi kal sawmguk leh 

nih ahi ding hi. Jerusalem kongzing lampi nei leh kulhpi nei-in kilam 

kik dinga, ahih hangin buai hun sung ahi ding hi. Nipi kal sawm guk 

leh nih a bei khit ciangin sathau kinilhpa thuman lopi-in a kithat ding 

hi….Amah in mitampite tawh nipi kal khat sung thuciamna kip a bawl 

ding hi. Gangawh biakna leh biakpiaknate tua nipi kal laizang ah a 

khawlsak ding hi.” 

Daniel in a lian 9 sunga hun sehna tawh kisai a khiatna a theih 

zawh loh pen tel hilh dingin vantung mi ki sawl hi. “Ni tulnih leh zathum 

ciangin Biak innpi ki sian-suah ding hi” cih thu ahi hi. Tua sawlna a 

ngah khit ciangin Daniel in a mangmuhna ngaih sun a, a thu hong thei 

ta hi. Vantung mi kammal ah, “Na mite leh na khuapi ading nipikal 70 

ki seh zo hi.” cih thu a hi hi. Seh khia cih kammal pen “at khia” cihna 

zong ahi hi. Nipikal 70 pen kum 490 cihna hi a, tua hun sung teng pen


Jewste hun hoih a kipia lai a hi hi. Bang pan in tua hun ki seh khia ding 

hiam? cih itheih nading in a lian 8 sunga ni 2300 bek mah hun sehna om 

a hih manin tua sung pan mah-a nipikal 70 ki seh khia ding ahi hi. Nipikal 

70 pen ni 2300 khen khat hi in, a kipat uh zong a ki tuak ding ahi hi. 

Tua nipikal sawm sagih pen, “Jerusalem lamkik nading thupiakkhiat 

hun-a ki pan” ding hi ci-in vantung mi in gen ahih manin, hih thu kipiak 

khiat ni i muh tel nak leh ni 2300 kipatna zong a kitel a hi pah hi. 

Ezra a lian 7 ah tua thupiakna ki mu hi. Ezra 7:12-26. Tua 

thupiakna nu nung pen Persia kumpipa Artaxerxes, in BC 457 kum-in 

pia khia hi. Ezra 6:14 in Jerusalem-a Topa inn pen Persia kumpi a hi 

Cyrus, Darius, leh Artaxerxeste in a ki lamkik nading a sawl uh hi. Hih 

kumpi 3te in a thu phuang khia, kip sak, leh a ki zawh nading thupiak 

nu nung dong pia khia uh hi. Tua panin hih kum 2300 kipatna ciamtehna 

kician sak hi. BC 457 pen (327) thupiak a kimna hi a, thupiakna ni pen 

hilhkholhna sunga nipikal 70 kipatna a hi dingin maan tak tung ta ahihna 

ki mu hi. 

“Jerusalem lamkik nading thupiak khiat hun-a ki pan Kumpi 

Messiah dong nipikal 7 leh nipikal 62 hi ding hi,” cih pen, nipikal 62 ah 

kum 483 a suak hi. Artaxerxes thupiak khiat BC 457 phalbi kipat 

tuunglam hi a, tua pan kum 483 zalh-to le’ng AD 27 kum atung hi. Tua 

kum pen John in Khrist a tuiphum kum hong hi a, hih hilhkholhna tawh 

kituak in hong tangtung hi. “Messiah” cih kammal in “sathau kinilh” 

cihna hi a, AD 27 kum khuadam kipat laitak in Khrist a ki tuiphum 

ciangin Kha Siangtho sathau kinilhna a ngah hi, Sawltak Peter in, “Pasian 

in Nazareth khua mi Jesu Kha Siangtho leh vangliatna tawh a zut(nilh) 

“ hi ci in teci a pang hi. (Sawltak 10:38). Honpa in Amah mah a kigenna 

ah, “Topa Kha Siangtho in ka tung ah hong tunga, mi zawngte tung ah 

Lungdamna thu hilh dingin hong nilh zo hi.” Luka 4:18. Tui akiphum 

khit ciangin Galilee ah pai a, Pasian gamthu hilh-in a genna ah, “a hun 

hong tung ta hi” ci hi. Mk 1:14,15.


“Tua ciangin Amah in nipikal khat sung in mi tampi tawh thuciam 

a kip sak ding hi.” Hi lai taka “nipikal” pen nipikal 70te sunga a nu 

nung pen nipikal ahi hi. Jewste hun kipia laka a nu nung pen kum 7 

sung a genna ahi hi. Hih hun sung pen, AD 27 pan AD 34 kikal ahi hi. 

Tua sungin Khrist in Amah leh A nungzuite in Jewste Lungdamnathu 

ah sam niloh uh hi. Pasian gam thupha hilh dingin Sawltakte a paikhiat 

laitak un Honpa sawlna ah, “Gentailte omna-ah pai kei un. Samarite 

khua sungah lut kei un. Israel pawl a gammang tuute kiangah na pai 

zaw un” ci in gen hi. Matt. 10:5, 6. 

“Nipikal laizang tak ah Amah in kithoihna leh biakpiakna te khawl 

sak ding hi.” AD 31 kum aki tuiphum khit kum thum leh a lang a phak 

lai takin singlamteh ah Topa ki that hi. Tua Kalvary-a kithoihna in kum 

tulli bang a na kawk kholh uh Pasian Tuuno hi a, a lim ciing biakpiak 

kithoihna teng a khawl sakna a hi hi. A lim kiciing khol khol pen a tak 

(328) hong tung ta a, ki thoihna zeh tuam tuam khempeuh a bei ta hi. 

Jew te teel tuam ahihna hun kipia lai nipikal 70 ahih kei leh kum 

490 pen beita ahihna AD 34 kum-in ki mu takpi ta hi. Tua kum-in Jew 

Sanhedrinte in Lungdamnathu a nial takpina uh a kip sak nadingin 

Stephen that-in Khrist nungzuite bawlsia uh hi. Tua ciangin teel tuam 

minamte kiang bek a ki pia masa Lungdamna Thu pen leitung bup ah 

kipia ta hi. Nungzuite ki bawlsiatna hangin Jerusalem panin taaikeek 

uh a, “mun ci teng ah thu va hilh kawikawi ta uh hi.” “Philip bangte 

Samariate khuapi ah lut in amaute tung ah Khrist thu a va hilh hi.” 

Peter bang Pasian makaihna tawh Caesarea khua-a Pasian zahtak galkap 

mang Kornilius, tungah Lungdamnathu va hong khia hi. A tha nuam 

Paul bang, Khrist upna in hong zawh ciangin Lungdamnathu “gamlapi 

Zentailte tunga puak dingin kisawl hi.” Sawltak 8:4, 5; 22:21. 

Tua ciang dong pen hilhkholhna te ki tuak takin tung suk sen 

sen ahih manin, nipikal 70 thu a kipatna pen BC 457 leh atawpna pen 

AD 34 ahih lam tak lung hian om nawn lo hi. Tua zui in ni 2300 bei na


hun zong ki tel to pah lel hi.Tua theihna ding in, 2300 pan in 490 dol le 

hang 1810 om lai hi. Kum 490 abei khit in 2300 cin na dingin 1810 in 

zomto lai ding ahi hi. Jewste hun kipia tuam kum 490 beina AD 34 pan 

a omlai kum 1810 gawmto le’ng 1844 in ong bei hi. Dan 8:14 sunga ni 

2300 pen 1844 in ong bei hi cih na ahi hi. Tua 2300 bei-na 1844 in, 

Pasian vantung mi gen bangin “biakbuk kisian-suah” ding ahi hi. Tua 

“biakbuk sian-suah” na pen mi khempeuh in Topa nihvei a hong paina 

ding hi ci in ki seh tek uh hi. 

Miller leh a pawlte in kum 2300 beina pen 1844 tuuk lai hi ding 

hi ci in um masa uh hi. Hilhkholhna in bel tua kum khuadam kipat hun 

kawk zaw hi. Tua a bulh khialhna in Topa hong Pai ding a hun ma leep 

in a ni bulh kha kha uh a hih man in ci (329) mawh in a lungkia uh hi. 

A hih hangin 1844 kum in ni 2300 bei cih thu neng khat beek zong a 

sukha kei hi. Biak innpi siansuahna lim lianpi apiang veve ding mah na 

hi zaw hi. 

Pasian lahtel thuman ahihna atel nadingin Laisiangtho kan a 

telkheh ciangin tua a tun’na ciang tung ding in ki lamen nai hetlo hi. 

Laisiangtho in lah ki teltakin lak napi bang hanga ci mawh uh hiam cih 

pen Miller nangawn in lam dang asa hi. 

Kum nih sung Laisiangtho a sittelna ah, 1818 kum pan kum 25 

ciangin Khrist Ama mite hon dingin hong kilang ding ci-in a um hi. 

Miller in, “ka lungsim in lungdamna tawh ki dim a, nuam sa mah mah a 

hotna ngah ding ci a ka lungdamna pen ka gen khia thei vet kei hi,” ci 

hi. “Tu in Laisiangtho in kei adingin laibu thak a suak hi. Thu tuatna 

pawipi hi takpi hi. Mialcipin mumang a bang, tel zawh loh thute tua 

Laisiangtho sung pan a hong taang khia khuavaak hangin ka lungsim 

sung ah a bei mang ta hi. Aw, tua thumaan taang in vanglian mah si! 

Thubu sunga ka muh khak a ki zawi tawnlo thu ki lehbulh teng a bei 

siang pah hi. Laisiangtho sung khawk khatkhat ka lung kim zawh lohna 

a om laiteei hangin a masa a ka lungsim a mialpii teng zong tampi mah


vaak zoa, Laisiangtho pan-a ngah dinga ka ki ngaihsut ngeiloh laisim 

nopna ka nei hi.” - Bliss, “Memoirs of Wm. Miller,” pp. 76, 77. 

“Laisiangtho hilhkholhna hih hun tomno sunga hong tung ding 

pen ka up takpi mah hi a, ka lungsim ah dotna hong om a, leitung mite 

tung ah kei lungsim hong lawng thu pen ka sep ding mah hi cih ka ngaih 

sun hi.” - Bliss, p. 81. Bangbang ahi zongin ama (330) ngah khuavaak 

pen midangte pialo-in om theilo hi. Pasian umlo leitung mite in bel 

hong langdo mah dinga, Khristiante in bel Honpa ka it hi ci uh a hih teh 

Amah muh ding lungdam ding uh hi ci in Miller in um hi. A kha-luana 

khat bek om a, tua in minthan’na hong kilang ding lam etna ah thumaan 

a kicing in thei lo a, Laisiangtho a tel sit lopi te lungdamna pen a bei kik 

pahvat ding bek a dah hi. Tua hi ci-in gen khia kei leh lah amah thu nial 

hi zel dinga, makai khial suak zel ding hi. Tua ahih manin amau tun’na 

ciang a enpha kik kik hi. Ama lungsim sunga hong lut thuhaksa 

khempeuh sittel phapha hi. Zing meiilumte nisa in asalh cianga a bei 

mang bang in a lung buai-na teng Pasian kammal khuavak mai ah ong 

bei hi. Kum 5 sung tua bang sit kikna-in hun zangh-a, adin mun maan hi 

ci in a mu hi. 

Tu in ama upna bang mi dangte hilh ding cih thu Laisiangtho in 

teltakin gen ahih manin hilh loin om theilo hi. Ama genna ah, “Na ka 

sep laitak in ka bil sung ah, ‘leitung mite thuak ding lau huai na te pai in 

la va gen in,’ cih aw-ging ka za tawn tung hi,” ci hi. “Mi gilopa khat 

pen si ding hi, ci-in kong gen ciangin amah a nuntak theih na ding in a 

gamtatna a khelna ding na hilh kei leh, tua mipa pen a mawh nei in si 

ding a, ahi zongin ama sihna nang kong ngawh ding hi. Nang mah in 

gilopa khat hilhkhol napi-in a mawh gamtatna akhawl kei leh, tua mipa 

a mawh nei mah-in di ding a, ahi zong in nang na suakta ding hi.” Ezek. 

33:8,9 cih thu hih Laisiangtho mun ka bil sung ah ging ngit nget hi,” a 

ci hi. Misualte ahih ding bangin vahilh theileng, mi honpi a ki sikkik uh 

kul hi. Va hilh kei leng amau sisan ei khut ah hong ki ngen ding hi cih 

pen ka phawk hi” ci hi. - Bliss, p. 92.


Amah in hun a ngah ciangin a muh thu gen a, sia pawlkhatte in 

zong tua ama gen thu tangko pih ciat ding deihna a ngen hi. Ama muh 

patau kona amah teek in a gen loh ding hi thei salo hi. A lungsim sung 

ah, “Pai inla leitung mite hilh in, amau sisan na khutsung pan (331) 

kong ngen ding hi” cih pen ging ging mai hi. Kum 9 sung bang ngakngak 

a, ahih hangin a thupuak in phuu niloh ahih manin 1831 kum ciangin 

mipi mai ah ama upna a tangkona masa a hilhkhia hi. 

Hilhkholhna nasepah a ki pumpiakna puan ngah dingin Elisha 

kisap ciangin a lo khawhna bawngtalte nusiat mah bangin, William 

Miller zong a lo khawh nusia-in Pasian gam thuthuukte mi a va hilh 

dingin a ki sam khia hi. Khalau pipi in a nasep thak hong kipan hi. A 

za mite aniam pan in panto in Khrist hong kilat ding hun ciang dong 

hilhkholhna omte a lak toto hi. Ama nasepna in za pi zeel a, mite ki 

tok suah mah mah hi cih a muh ciangin tha khauh in a haangtuam 

mahmah hi. 

A sanggamte ngetna a zakna tawh Pasian sapna hi ci-in Miller in 

mipi mai ah a thu muhkhiatte piakkhiat ding pen hong thukim hi. Tu-in 

amah pen kum 50 bang hong upa ta hi. Mipi mai ah thugen ding in 

amah le amah gina kisa lo hi. Ahi zongin a nasepna kipat cil nangawn 

pan in ciapteh tham ding in mi hong ki kheel uh hi. A thu genna masa 

ah innkuan bup 13 ah mimal 2 lo buang, hong ki khel pah uh hi. Mun 

dangte ah zong thugen dingin hong ki sam pah ta hi. A sepna pepeuh ah 

Pasian lam-a ki puahphatna ong om toto hi. Mawhneite hong kikhel in, 

Khristiansate in a gilzaw ki aapna hong nei uh hi. Pasian om cih ciang 

bek a thei (deist) te leh pasian meel nei selote(infidel) in Khristian 

biakna Laisiangtho thumaan hong mu uh hi. A nasepna-a mite in teci a 

pan’na uh a, “Ama hilh mite in mihing kihilhna ngei baan ah thuk a bun 

zaw thu om hi” ci uh hi. - Bliss, “Memoirs of Wm. Miller,” p. 138. A 

thuhilhnate in biakna lam ah mipi lungsim phongkhia in, leitung vai-a 

mainawtna, pheengtatnate daalna a suak hi.


Khua khempeuh phial ah ama thuhilhna tawh a sawm nih lom cih 

bang, pawlkhatte ah a zalom-in mite kikheel in apiangthak uh hi. Mun 

tampi ah Protestant pawlpi tuamtuamte in a biakinn uh na zanghsak uha, 

mun tampi pan a siapate uh’n thuhilh ding (332) in a sam uh hi. A sam 

omna munteng bek ah pai ding in khensatsa ahi hi. Tu-in asam khempeuh 

langkhat zong a banzo nawnlo zah ding in a sam ong tam hi.Ama muh 

banga Khrist hong pai ding a hun lian sehna a um thei lo te na ngawn in 

zong Hong pai baih ta ding hi, cih ciang pen thukim mah mah uh a, a ki 

gingkholh sak tuam mah mah hi. Khuapi lian pawlkhat ah a ma nasep in 

mite alawpsak mahmah lam ki mu hi. Zuzuakna innte ki khak-in, kikhopna 

inn suak sak uh hi. Thaai kaapna munte khawl-in, thu umlote, pasian um te 

(deist), leitung bup-in hotkhiat ngah ding a cite (universalist), a paktat 

suuk pente zong ki puahpha uh hi. Kum tampi biakinn kah ngeilote bang 

hong thanuam mahmah uh hi. Pawlpi tuamtuamte in thungetna kikhop 

khawng phuankhia uh hi. mun tuamtuam ah hun-bit nasep neite bang in 

sunkim thunget leh phatna hun hong neiciat uh hi. A eengtat lawpna hi loin 

leitung bup mulkim huai zah-a ki puahphatna pian khat mite lungsim ah 

hong om hi. Ama nasepna in puahpha masate mah bangin mite thu theihna 

telciansak in, mot lawp saklo hi. 

1833 kum ciangin Miller in ama pawlpi Baptist panin thuhilh 

theih nading License a hong ngah hi. Ama omna pawlpi pana siate mah 

mah in zong phat tuamna tampi ngah uh ahih manin amaute thupiak 

tawh na a seem hi. Amah khualzin kawi kawi in, tawl nga loin thugen 

kawikawi a, New England leh Middle Stateste ah a phual-sa hi. Kum 

tampi sung ama sum zatte amah leh amah ki sikh ahi hi. A nunung lam 

ciangin a sam omna mun khempeuh phakkim nadingin sum nei nawnlo 

hi. Tua bangin mipi ading a nasepna pen sum tha lawh a hih gen loh a 

neihsa in cin nawn lo ahih manin tua hun sung teng kiamlawh zo hel hi. 

Amah pen kuntaa inn papi hia, a inn sung sum zat siamte leh nasep tha 

nuam inn kuan ahih man un a lo neih un a inn sung leh ama nasepna 

vaak zo thei ve ve sam hi.


Miller in mipi mai-a Jesu hong pai ding teci a pan’ kipat zawh 

kum nih cinna 1833 kum in Matt. 24:29 sunga “Van-a aksite hong kia 

ding hi” ci-in Ama hong pai kik nading-a Jesu gen limlahnate lak ah a 

nu nung pen khat (333) hong tangtung hi. John in zong a mangmuhna 

ah tua pen Pasian ni hong tun’ nading tangkona hi ci hi. “Huih in thei 

kung nakpi a mut ciangin amin nailo gahte apulhkhiat bangin vantung 

aksite in leitungah a pulhkhia uh hi.” ci hi. Mang. 6:13. Hih hilhkholhna 

1833 kum November 13 ni in hong taangtung hi. Leitung thuciamtehna 

khempeuh lak ah hih aksi kia pen a na sia pen pen a hi hi. “United 

States tunga kia te bang, nai tampi sung ding so lia lua hi. Mi teng in en 

zia zua uh a, patauh huai in lau haui hi! Hih gam-a a kiteen’ zawh hih 

zah-a mi pawl khat in a muh nop, pawl khat in lah a kihtaak van-a thu 

piang hih bang om ngei nai lo hi. A thupina leh a muhnop huaina mite 

lungsim mit ah mangtheilo hi. Guah zu zong tua aksite zah-in tam ngeilo 

hi. Nisuahna nitumna, sak leh khang ki bang khin hi. Vantung khempeuh 

kiakhia ding tawh kibang ici ciat uh hi....Professor Silliman-ii gelh Journal 

ah a nasiatzia pen America saklam gam buppi in kimu ciat hi ci in ki 

gelh hi. Zing sang nai 2 pan khuavak siang dong vantung pen meii om 

loin sianga, vaang tang in vantung khempeuh tee zia zua hi,” ci hi. - 

Devens, R. M., “American Progress; or The Great Eventh of the Greatest 

Century,” ch. 28, parts. 1-5. 

A nasiatzia kua mah in gensiang theilo hi. A mulote nangawn in 

a thupi zia ding ngaihsun thei lai hi. Vantung a saang penna mun khat 

ah aksi khempeuh ki kaikhawm ding tawh kibang hi. Thakhat-in a omna 

ciat panun ki khawh khia in taang zal zal a, van leh lei kicin (horizon) 

teng pan leng khia in bei hun lah nei lo uh hi. A tul lom tampi te ki 

khawh khia napi a tua zah mah in zuih beh beh hi. Hunpi khat zangh 

ding uh hi leh ki lawm hi.” - (334) Reed, F., In The Christian Advocate 

and Journal, Dec. 13, 1833. “Huihpi in thei gah puam a mut leeng cih 

pen a tellahna lim hoih zaw hi mah hi,” - “The Old Countryman,” in 

Portland evening Advertiser, Nov. 26, 1833.


1833 kum November 13 ni New York Journal of Commerce sung 

ah hih na lam dang thu saupi ki gelh na ah, “Mipil laithei khat beek in 

zan zinga thu piang bang dan a dang a genna aki gelh om-in ka um kei 

hi. Tu ma kum 1800 lai-in kamsang khat in a teltakin a genkholzo a na 

hi hi. Tua aksi kia lamdang i sak hangin a kia mah a hi hi,” ci hi. 

Jeus in A nungzuite a hilhkholhsa A hong paikik nading limlahna 

nunung pen a hi hi. “Ka gensa khempeuh na muh uh ciangin, Mihing 

Tapa kongbiang dongin hong nai zo hi, ci-in na thei ta un,” ci hi. Matt. 

24:33. Tua baan-a na lian piang Johan muh pen, van in laidal zial bangin 

ki zial mang hi. Mualte leh tuikulhte khempeuh in a omna uh pan a 

kinkhia uh hi. Migilo te in Mihing Tapa mai mu ngamlo in suang hawm 

leh mual suangpi lak ah a bu uh hi.. Mang. 6:12-17. 

Mi tampi in tua aksikia pen en in thukhen nading tangko bangin 

seh uh hi. “A lamdang, patau ko, migitna lim, sawltak hong pai a, 

“a lauhuai ni ding hong tangko” bangin a a ngaihsun uh hi. Mite in 

hilhkholhna tun’na ahih thu saang uh a, tua in nih vei hong pai nading 

tawh kisai thu hilhna huh tuam mah mah hi. 

1840 kum ciangin hilhkholhna dang khat ong tangtung leuleu hi. 

Tua in mun khempeuh-a mite a patauh sak leuleu hi. Tua ma kum 2 lai in 

nihveina hong pai nading tangkote laka sia makai khat ahi Josiah Litch in, 

Mangmuhna 9 sung a hilh cianna thu lai tawh ahawmkhia hi. Tua sungah 

Ottoman gam leh kumpi puukna pen Mangmuhna 9 tangtun na ding in ong 

puk ding hi cih a tangko khol hi. Ama tuatna ah tua Ottoman gam pen 

“1840 kum August pawl-in puuk ding hi,” ci hi. Tua hun atun’ ma zek-a a 

gelhna ah, Turkste phalna tawh Deacozes tokhom-a a tut ma ciang a hun 

masa lam kum 150 maan takin tung a, kum 391 leh ni 15 sung pen tua hun 

(335) masa ki khakna pan ki pan to leu leu-in, 1840 kum August 11 ni 

ciangin Constantinople-a Ottoman te vangliatna bei ding hi. Hi thu pen 

hong piang takpi ding ka um hi” ci hi. - Litch, Josiah, article in Signs of 

the Times, and Expositor of Prophecy, August 1, 1840.


Tua a gen hun lian mah in Turkey in a Ambassadorte tungtawn 

in Europe gam kipawl-honte ahi Khristian gamte ukna nuai ah ki pia uh 

hi. Tua a ki genkhol thu pen a hun maan in a tangtung hi. Tua 

hilhkholhna maan takin tung hi cih a theih uh ciangin mipite in Miller 

leh a pawlte hilhkholhna suut pen muang mahmah uh a, Jesu hong kum 

kik ding lam etna Advent Movement ah nasia takin hong pawm uh hi. 

Laisiamte leh miliante in Miller hong koppih uh a, a lai hawmnate leh a 

thu hilhnate huh in, 1840 pan 1844 sung teng nasep pung mah mah hi. 

William Miller pen pianpih lungsim hat mahmah khat ahi hi. 

Ngaihsutna leh lai simna lam ah aki sek mi ahi hi. Tua aneih pianzia 

teng pen vantung pilna tawh beh lap in pilna pian khiatna bulpipa tawh 

kizom hi. Mi mawk mawk hi loin zahtaakna leh thupi-a a ki ngaihsutna 

khempeuh ah zahtaak ngah-in a ki thupi seh khat a hi hi. Khristian ki 

niamkhiatna leh a hehpih siamna gawm in, amah leh amah ki ukzawhna 

tawh mi khempeuh mai ah gen nop ahih manin kilem pah pah lel uh hi. 

Mite in a na motnial mawk loh nadingin mi lungsim mu thei in, amau 

gente zong tawi khai a siam hi. Lungso patau mawk loin mi upnate 

khempeuh Pasian kammalte tawh sittel in, ama upna pen Laisiangtho 

thu theihna tawh kituak-a ton ahih lam lak den hi. 

Tua hi napi ama nasepna pen a nak nial mah mah pawl na om 

ve ve hi. Puahpha masa te mah bangin a thupuakte pen biakna omsa 

siate in deihsakna tawh na saang masa het lo zel uh hi. A nialte in 

Laisiangtho tawh kituak-in let ding dinmun kip nei lo uh ahih manin 

tanglai pupa thuciin leh mite thukhun upnate peuh siksan mawk uh hi. 

Advent nasemte in Pasian kammal bek len uh hi. “Laisiangtho bebek” 

ci uh hi. A langpang te in Laisiangtho mun let ding nei lo uh ciangin, 

mukpikna leh zahpihna peuh tawh gualzawh tuh uh hi. Topa hong pai 

ding lamen a ki gingkhol dinga ki hansuahte, (336) nuntak siangtho 

ding hanciamte, a Topa uh hong pai ding lungdam taka lam en te 

langdona-in a hun, a vai hawmna tuam tuam leh a pilna a siamna te uh 

zangh in na buai sak uh hi.


Nihvei paina lam-ente lungsim tua pan hei-khiat theih nadingun 

hanciam in na seem uh hi. Khrist hong pai ding leh leitungbei ding 

hilhkholhna a kigen ciangin a mawhnate uh kilang sak in maizum piathei 

thu hong om zel ahih manin a za nuamlo uh ahi hi. Tua dan in mi 

tam’deih nasepna in Pasian kammal a siasak hi. A langdote thuhilhna 

in mi kimkhate thu umlo mi suaksak a, tampi mah in amau ut peuh-a 

om theih nadingin nei uh hi. Tua ahoihlo a bawlte in Adventistte ngawhin 

mudah uh hi. 

Thu ngaihsun thei mipil minthang honpi leh mihonpi in Miller 

thuhilhna azuih laitak in daisak nading zonna, gensiatna leh zahpihna 

bek in biakna lam thuthangte ah a min dawksak bek uh hi. A nasepna 

leh amau mahmah mite in a nial theih nadingin biakna omsa siate 

hansuahna tawh amot-tat leh Pasian awlmawh lo mite lak pan bekin 

sim-mawhna, ciamnuihna, gensiatna, leh to-gawpna ong om thei zel hi. 

A inn lum alo lum nusia a a ma sum leh pai zanga khuapi khat pan 

khuapi khat ah gim lo tawllo-a leitung mite thu kikhen ta hi ci-a patau 

ko a zin kawi kawi pisalsamkaangpa, na ki nuihsan in na ki zahko lel hi. 

Zuauphuakpa, thu uanggenpa, mi kheempa bang in na ki bawl hi. 

Zahpihna leh zuauphuahna tawh a minsiat nadinga kibawlnate 

hangin leitung thu thang bek tangkona lai-kheen nasepna te in zong ana 

thangpaih lawh uh hi. “A vang lian a thupi, a thu nung ding a lau huai 

hi bang thu” zaang khaai ngaihsut a sim mawh pen, “a thu gente leh a ki 

gen thu mawl bawlna bek thamloin thukhenna ni aciamnuih bawl, Pasian 

mah mah a zahko, A thukhenna a lau huai zia a neu seh sak a hi uh hi” 

ci in Pasian zahtak lo mite nangawn ana thang pai uh hi. - Bliss, “Memoirs 

of Wm. Miller,” p. 183. 

Thusia hansuahpa in Jesu hongpai kikna ding tangkona thupuak 

langdo bek loin a atangkopa mahmah a sulum nuam ahi hi. Miller in 

athu ngai mite tung ah mawhna pulaak khiatna in Laisiangtho thumaan 

te a zangh hi. A kammal maan leh tomkaih siamna tawh a ki pum muan-


a lungkimte maibing sak in, a dal ziau ziau pen zadah-in hua uh hi. 

Pawlpi mite in a thupuak a langpanuh ciang in bangmah theilo zaw mite 

a uangtat sak zaw hi. Ki khopna pana a (337) ciahkhiat ciangin suam 

ding peuh a sawm uh hi. Ahih hangin mipi lak ah vantung misiangthote 

hong kihel a, khat pen mihing-in hong kibawl hi. Mihon lungsote lak 

panin Topa nasempa a khutin lena kai-in a suakta sak hi. Nasempa in a 

nasep mahial nai hih manin, Satan leh a sawltakte in a dalnuam in a vai 

hawm uh hangin a ci mawh lel uh hi. 

A langdo a tampi kawmkaal ah Zeisu hong naihna tangko nasep 

pen mai nawt in pung mah mah hi. A sawmnih lom pan a za lom in mipi 

hong lut uh ahih manin, a tul lom lom in ong om ta hi. Pawlpi tuamtuamte 

sung panin thu um mi tampi hong om hi. A sawt ciangin tuate langdo 

nopna lungsim hong tho hi. Khaktan theih nadingin a pawlpite in Miller thu 

a pawm pepeuh pawlpi panin sek ding a vaihawm uh hi. Tua bangin a 

vaihawm uh ciangin ama upna akhialh leh Laisiangtho pan lak dingin ngetna 

lai Khristian pawlpi tuamtuamte tung ah gelha zaksak hong kul ta hi. 

Amah in, “Ka up thute uh pen Pasian kammal in up ding ci-a a 

sawlte mah hi a, no mau mah in zong upna thukhun leh zuih ding thu 

bul hi na cih uh hi lo a hi hiam? Ka upna uh leh ka zuihna uh ah ka 

omzia uh a siatna bang om a hi hiam? Pulpit pan a hi a Press pan a hi 

zongin ko Zeisu a lamen pawlpite in pawlpi siat nading ka bawlna uh 

bang om a, pawlpi pan a nong paih khiat nading uh bang mu na hi uh 

hiam? Ka khialhna uh a om leh hong lak un. Nuihsatnate khawng 

tampi ka thuak uh hi. Tuate in ka khialhna uh hong laklo a ki kheltheih 

nading hilo hi. Pasian kammal bek in ka ngimna uh hong khel thei ding 

hi. Ka zuih uh thute ngaihsun mah mah sa leh nakpi thungen sa in 

Laisiangtho sung teci a omte bek a zui ka hi uh hi” ci hi. - Bliss, “Memoirs 

of Wm. Miller,” pp. 250, 252. 

Khang khat pan khang khat, a hunhun-a Pasian sawl naseemte 

in leitung mite adinga a hilh sak thute pen uplohna, thusimlohna vive


tawh na ki dawntuah zel hi. Tuiciin tun’ ma-a mite mawhna in leitung 

ah tuiciin tung dingin a samsuk uh a suak hi. A gitlohnate uh akikheel 

nading un Pasian in thu ahilh kholphot hi. Pasian hehna in amaute 

asuksiat loh nading in kum 120 sung tua aw a bil uh ah za den uh hi. A 

hih hang in tua pautauko hilhkholhna thute pen phuah tawm tangthu 

bang lel in angaihsun uh hi. A gitlohna uh zongsangh in tua thupuakpa 

leh a tangko thu a simmawh bawl in akineih tawm bang in ngaihsuh in 

a nuihsan uh hi. Leitung mi minthang teng langkhat ah bang ci bang in 

mihing khatbek dingngam ding ahi hiam? Noah tangko thu aman ahih 

leh bang hangin leitung in mu in um lo uh a hi hiam? Mi tul tampite 

pilna dek ding in mi khat bek in langpan’ ding maw! Patau kona thusim 

nuam lo uh ahih manin Tembaw zong va bello pah lel sam uh hi. 

Khua hunte kikhel hetlo-in, vandum kiu keu lel pen in guah 

zong buak suk ngei lo hi. Gam sung dum dildialte nelsak dingin zan 

ciangin van pan daitui kia den lel hi. Mi zahpihte in tua nate pian ngei 

te kawk in, ‘Thu gentehna peuh a gen a hi kei na diam?’ peuh ci gawp 

se uh hi. A simmawh man-un thumaan hilhpa a hai lawp hi, ci uh hi. A 

om ngei-in om lel uh a, gualnopna vive delh uh hi. Ni dang sangin 

zong a gitlohna uh uang zaw kaan hi. Ahih hangin amau uploh manin 

a ki hilhkhol thu piang ding pen tonkik tuan lo hi. Pasian in amau 

gitlohna sau veipi thuak a, ki sik kik nading hun tampi a pia hi. Ahih 

hangin Ama migitna a nialte tung ah a hun sehsa a tun’ cinagin A 

thukhenna buak suk lel hi. 

Khrist in Ama hong paikik ding a umlo hong om ding cih zong 

na genkholzo hi. Noah hun lai-a “Tui ciin a tun’ ciangin mi khempeuh 

a suksiat mateng, bang mah ngaihsun loin a om uh bangin, Mihing Tapa 

hong pai cing in a om ding hi,” ci in gen hi. Matt. 24:39. Pasian mi a 

kicite in leitung te tawh ki pawl a amaute gamtat bang hong gamta in, 

leitung nopsakna te pawlpi’ nopsakna hong suah ciang, a awi huai lo 

nopsakna ciang ah hong ki pawlmat uh ciangin, mopawi daak hong 

ginga, leitung nopsakna sawtpi ngah ding a aki lam et laitak un, van


panin khua phelep taang bang in a lam etna teng bei nading hong tung 

vat ding hi. 

(339) Pasian in tuiciin tung ding hi ci-a kamtai sawla agensak 

mah bangin, leitungmite kiang ah Ama thukhenna hun hong tung dekta 

hi ci a tangko ding a teel kamtai te a sawl ta hi. Noah khan’ pih te in 

thumaan tangkopa a nuihsat lel mah uh bangin Miller hun ciangin zong 

Pasian mi ka hi a ci pi pi te mah in tua patau kona thu zahko in nuihsan 

lel uh hi. 

Tua mah bangin Khrist hong paikik nading upna pen pawlpite in 

bang hangin na thudonlo lua mawk uh ahi hiam? Migilote adingin Topa 

hong pai nading thupen gimna, hawm suakna hong puak ding thu suak 

mawk mah ding hi! Midikte adingin bel lam etna leh lungdamna hi sam 

naven cin! Hih thumaan pen khang tawntunga Pasian mi muan huaite 

adingin kipna leh ki hehneemna a suak hi. Tua bang ahih leh, a thuneipa 

mah bangin Ama mi hi’ng a kici pawlkhat e tung ah bangci bangin amaute 

“puukna leh nialna suangpi” suak lehbung thei thong hi ding hiam? Ih 

Topa mah mah in a nungzuite a khap, “Pai in note om na ding uh ka 

bawl leh, no kiangah kong paikik ding a; ka omna munah na om nadingun 

ka hong la ding hi” (Johan 14:3)a cih thu ahi hi.. A hehpih den Honpa 

in Ama nungzuite dah nading leh taangsap nadingte uh mukhol hi. Amah 

tek mah vantunga a kahtoh a muh bang teekteek un hong pai kik ding 

hi ci in vantung mite sawl in kamciam tawh a hehnem sak hi. Nungzuite 

in amau’itpa vantung ah tummang to hiau a muh theih tawp dong a et 

hiaihuai laitak un, amau et pen khawlsak liangin Aw hong ging a, “Galile 

mite aw, bang hangin vantung lam ento na hi ulh hiam? Note kiang pan 

vantungah kilato Jesu in vantungah apai na muh uh bangin khat vei 

hong kumsuk kik ding hi,” (Sawltak 1:11) ci hi. Vantung mi hong 

thupuak in lametna hong thaksuak sak hi. Nungzuite “lungdamna tampi 

tawh Jerusalem khua-ah ciah uh a; Pasian’ min phatin biakna innpi 

sungah a pai tawntung uh hi” (Luka 24:52-53). Pasian kiang pan a ki 

khen khiatna hang hi leh leitung mawhzolna tawh a ki buan ta ding uh


ahih manin lawp ahi kei uh hi. Jesu hong pai kik ding vantung mi 

kamciamna hang in alawp uh ahi hi. 

Bethlehem-a vantung mi in tuucingte kianga a tangko thu mah 

bangin, tu in Khrist hong paikik nading tangkona zong lungdamnathu 

thak lianpi ahi hi. Honpa a it tatakte in Pasian kammal thumaan om 

bang a ki gen pen lungdamna tawh saanglo theilo uh hi. A hong pai 

(340) masak lai a ki nial-a, ki simmawh a, ki maitang salh-in, ki nolhin 

a om bang hi nawn loin, a hong paikik ciang in tawntung nuntakna 

lametna khempeuh a hong puak ding a hi hi. Amah pen i thulaigil hi a, 

vangliatna leh minthan’na tawh A mite hong honkhia ding a hi ta hi. A 

itlote in bel Amah va thaamcip suak mai hen la, Pasian kiang pan in 

pawlpi lam pial khia khin hi cih thute zong ki gengen seloin, mite mawhna 

kawkkhia-a a maizum sak hih vantung thupuakte zong omsekei zaw 

mai leh deih zaw mahmah uh hi. 

Tua kumkiknathu a saangte in Pasian mai ah ki niamkhiat a ki 

sikkikna peuh ki samse mawk mah hi. Mi tampi in sawtveipi sung leitung 

leh Khrist kikal ah khawl in om uh a, tu in din’ khiat kul ta hi. “A 

tawntung thu pen amaute tung ah tu in a tatak ding hong hi ta hi. Vantung 

hong nai vat a, amaute in Pasian mai ah mawhneite a hih lam uh aki 

phawk uh hi.” - Bliss, “Memoirs of Wm. Miller,” p. 146. Khristiante in 

khalam nuntakna thak ngah uh hi. A lawm dangte uh adinga nasepna 

ding huntom sa lua uh a, manlanga sep ding a ut uh hi. Leitung pen 

kiamsuk a, a tawntung vai ding amai uh ah hong kihong hi. A tawntunga 

abuaipih uh leitungvai tengin kha mai hong liah ta hi. Pasian Kha 

Siangtho amaute tung ah hong kinga-a, a sanggamte uh kiang ah thuum 

in a zol nading uh tha a pia hi. Mawh neite Pasian nilian ni adingin a ki 

gin kholh nadingun zol uh hi. Nisial-a a gamtat a luheekzia un pawlpi 

mi a ginatatlote daai taka taaina suak ngit-nget hi. Tua ciangin mite in 

amau gual nop zon’na a mai dong sakte deih lo uh a, amau sum zon’nate, 

leitung zaliat nopnate nokkhak sa uh hi. Tua hangin lametna thu 

tangkote leh a tangkonate uh ki lang pan’ in ki mu dah hi.


Hilhkholhna hun sehna pen nialzawh ding hilo ahih manin thu 

nialte in a lungkiat theih nading un, hilkholhna pen thusim hi ci uh hi. 

Tua bangin Protestantte in Rome te nungzui kik uh hi. Pope pawlpite 

in Laisiangtho a buppi in a selcip uh mah bangin Protestant pawlpite in 

zong ei hun a om zia ding a genna thusiangtho thupina mun tata a 

kitheitel zo hi lo hi, ci-in gen uh hi. 

Siate leh pawlpi mite in Daniel leh Mangmuhnabute a kithei 

telzolo thuthuuk bu hi ci uh hi. Ahih hangin Khrist in a nungzuite kiang 

ah kamsangpa Daniel (341) kammal amau huna hong tung dingte agenna 

ah, “Laisiangtho asim thei te in thei ta uh hen” ci hi. Matt. 24:15. 

Mangmuhna bu pen kithei zolo thusim hi, a cih uh zong a laibu mah in 

amah leh amah a kigenna tawh kilehbulh lian hi” “A sawtloin a piang 

ding nate ama silate tungah lah dingin Pasian in a piak Jesu Khris’ 

mangmuhna lai ahi hi…Bang hang hiam i cih leh, ahun a nai zo hi” ci hi. 

Mang. 1:1-3. 

Kamsangpa in: “Hih lai sim in, hilhkholhna thu za-in, lai sungah 

a kigelh nate a ngai mite in thupha a ngah ding uh hi” ci hi. A sim lo mi 

in thupha ngah lo ding hi pah lel hi. “A za mi in” ci leu leu a, pawlkhatte 

in a zak mahmah zanuamlo zong om pah zel hi. Tua bang mite zong tua 

thupha ngah lo ding ahi hi. “lai sunga kigelh nate a ngai mite in “ ci leu 

leu hi. Mi tampi in mangmuhna sunga thuhilhnate pen awlmawh het lo 

uh hi. Tua bang mi adingin zong khapna omtheihlo pah zel ding hi. 

Hilhkholhna-a thu omte a nuih san in a nuntakna uh a puah pha nuam lo 

limlah kholhna te a na nuih san mite, leh mihing Tapa hong pai nading a 

na ki ging lo te ading in, tua thupha ki pia theih lo mah ding hi. 

Khasiangtho humop teci pan’na hi cih a tel ciangin Mangmuhna 

pen thuthuuk hi a, mihing theih tel zawh ding hi kei ci-a, a hilh nuam lo 

ding a kua ommawk ding hiam? Thu thuuk pen mah ki hong in, ong 

kitel-lah khia zaw ta ahi hi. Mangmuhna bu i sim ciangin Daniel 

hilhkholhnabu en dingin hong sawl a, a bunih mah in thuphamawh


penpente hong hilh tuak uh hi. Pasian in mite hong piak hih leitung bei 

ding cianga thu piang dingte dong a hong gen ahi hi. 

Johan tungah pawlpi’ thuak ding thulamdang tuamtuamte gen 

hi. Amah in a din’ mun, lau huainate, galdonate, ban ah a tawpna ah 

Pasian mite a ki hot khiat ziate hong gen hi. Amah in thupuak nu nung 

pente na gelh hi.Tua sungah leitung khaici te minta-a, an-at in in buh 

phal teng vantung saal sunga guan ding vai te agen hi. Hal ding nin 

lomte haltumna meikuang (342) te omziate zong na gen hi. Vai thupi 

mahmahte ama tung ah na ki lak a, a diak diak in pawlpi nunungte vai 

dingte ahi hi. A hong tung ding ki siatna leh galdo nading thute amau 

mai ah na lakkhol hi. Tua ahih manin, leitunga a hong piang ding thute 

theih lohna khuamial sunga ki khum cip tei tei se lai ding hi nawn lo hi. 

Tua hi napi bang hangin hih Laisiangtho-a thuphamawh pente 

mitampi in theiloin om mawk uh ahi hiam? Bang hangin a thu ki 

kannuamlo hi ding hiam? Khuamial kumpipa in mite’ mai hum in, tua 

thu a simnoploh nadingun ki hilh sakin, thumaan a theih khak loh 

nadingun a liah hi. Ama kheemna a kilat khak loh nadingin daltan in na 

a sep hang a hi hi. Tua hang mah in Mangmuhna bu a lak khia Khrist in 

tua laibu sim le uh thupha thaman ngah ding mu ahih manin, tua thu a 

sim, a za, a zui mi in, thupha ngah ding cisuk ngekngek hi.

KHUAMIAL PAILET-A TANG KHUAVAK 341 

19 

Khuamial Pailet-a Tang 

Khuavak 

(343) 

PASIAN nasepna tawh kisai in biakna puahphatna anamnamte, 

akhang akhangin leitung ah ki pia hi. A tawntungin Pasian in mite 

tungah na hong sepzia pen a kibang den ahi hi. Tu hun a thuphamawhte 

nidangin zong a phamawh mah na hia, ni danga pawlpi thu phamawhte 

pen tu hunin zong a phamawh aman nei mah na hi hi. Ni danga pawlpi 

phuut khak thute tu hun a ih etteh ding na hi zel hi. 

Hotkhiatna adingin Pasianin leitungah a Kha Siangtho tawh 

anasemte alamlahna sangin Laisiangtho sunga thuman hong hilhna kitel 

zaw hi. Pasian in mihingte pen khut zat in hong nei a, Ama itna leh 

hehpihnathu a seem dingin hong cial hi. Mite ama khang zuiin ama sep 

ding ciat om a, a ngah khuavak ciat uh amau huna kisam ahi hi. Hih 

nasep pen Pasian in sep dinga a seh, a kisam bangbanga aguat ahi hi. 

Ahihhangin kuamahin hotkhiatna thu thei kim zo lo a, Pasian deih zah 

zawh ding nasepna pen mite’n tel kim zo lo uh hi. Mihing in Pasian


deihna tawh kizui-in sep dinga kiseh teng thei kim zo lo a, Ama min 

tawh a kipuak thu teng gen kim zo lo uh hi. 

“Pasian’thu thuk thei khin zo ding na hi hiam? Vanglianpa’ hih 

theihna thei khin zo ding nahi hiam?” “Bang hang hiam cih leh keima 

ngaihsutnate nomau’ ngaihsutna bang hi lo a, ka paiziate nomau’ paizia 

bang hi lo hi, Topain ci hi. Vantungte pen leitung sangin asan’ zawk 

mah bangin, keima paiziate, nomau paizia sangin sang zaw a, ka 

ngaihsutnate, namau’ ngaihsutna sangin sang zaw hi.” “Keimah in Pasian 

Ka hi a, (344) Kei tawh ki bang adang omlo hi. A kipatcilin a tawpna 

dong thu ka pulaka, tang lai pek panin apiang nailo nate genin, ‘Ka 

thugen kip ding a, ka ngimna khempeuh ka tungsak ding hi,” Topa in ci 

hi. Job 11:7; Isa. 55:8,9; 46:9,10. 

A kideihsak tuam kamsangte, Kha Siangtho khuavaak atuam 

vilvel-a kipiate nangawnin aki lakkhia thuthukte telkim zolo uh hi. 

Pasian’ mite in hih lahkhiatna thute theihkul ahih mah bangin akhang 

akhangin a deihna leh akhiatna kilakkhia hi. 

Peter in Lungdamnathu khuavaak zui-a hotkhiatnathu hihbang 

in gen hi, “Tua gupna thu kamsangte in a tel takin dongin, zongin, note 

tungah a hong piak ding thupha hehpihna a hilh khol uh a, Khris’ thuak 

gimnate ahi zongin, tua gimna a thuak khit ciangin, amaute sungah a 

om Khris’ Kha Siangthoin teci apan’ kholh ciangin a bang ci, a bang 

hun a cihnopna ci-in a zong uh hi. Amaute’ thuhilh nasepnatein amaute 

ading hi lo, note ading ahi ci-in amaute kiangah a kilang hi.” 1 Pet. 

1:10-12. 

Theikim zawh dinga kiseh a hihloh hangin, Pasian in apiak amau 

tunga kilak khuavaakte a theihkim zawh nadingun kamsangtein hanciam 

takin azong uh hi. Amautein “thanuam takin kanin zong uh hi.” 

“Amaute sunga om Khrist Kha in a lahna zui-in, bang thu hia, bang hun 

in hong piang ding cihte azong uh hi.” Tua ahih leh Khristiante hun laiin 

Pasian in bang thu etteh a, phattuamna ngah cih A nasepnate tungah


hilh kholhna pia a hi ve! “Hih hilhkholhnain amau ading bek a kilak 

hilo in apiangnailo khangte adinga kihilhkhol a hi hi.” Pasian 

misiangthotein apiang nailo khangte adingin amau tunga kilakte 

“thanuam takin kan in a zon’ uh” teci pang uh ahi hi. Hun nunung-a 

thupha ngah mite in geelkimzawh lohding, akiphawk lo vantung letsong 

asaan ziate leh hih misiangthote nasepna saikak in. A thazual mite, 

hilhkholhnate thei tel zawh ding hi kei ci-a a kilungkim sak leitung a it 

mite Topa in hong taai hilo hiam? 

A kiciangtan mihingte lungsim in Mongneilo Topa ngiimnate 

atheih pih kim zo kei zongin a lampialna uh leh a awl mawh lohna uh 

hang in, vantung thupiak amuhna uh mualsak hi. Mite’ lungsimte, Pasian 

naseemte nangawn, (345) mihing lungtang puak zui-in thuciin peuh leh 

phuahtawm zuau thuhilhnate tung peuh ah kingak mawk uh manin, 

Pasian thubu in a lah khiat thumaante a mat theihna uh neu sak hi. 

Khrist nungzuite bang zong, Khrist mahmah tawh a kithuah keei uh hi 

napi in thuman na mankim zolo uh hi. Amaute lungsim ah Messiah pen 

hih leitung kumpi dingin vawhsa-in nei uh a, Israel pen leitungbup 

kumpinam suaksak dingin lamen uh hi. Ama thuak nading leh a sih 

nading thute bang a genkholh ciangin telhak sa mahmah uh hi. 

Khrist in amaute thuhilh dingin sawl khia-a, “A hun a kicing zo 

hi. Pasian Gam a hong nai zo hi. Na mawhna kisik kik un la, Lungdamna 

Thu na um ta un” (Mk. 1:15)ci sak hi. Tua hilhkholhna Daniel 9 sunga 

hun ciangtan pen a siksan ahi hi. Vantung mi in “Sathau kinilhpa (Messiah)” 

hong pai dong nipikal 69 hi ci hi. Tua manin lungdam leh lawp 

takin Messiah Kumpi gam pen Jerusalem ah kiphut in leitungbup uk 

ding hi, ci-in lamen uh hi. 

Amaute in Khrist sawlbang in ahilh uh hangin amau mahmah 

nangawn in a khiatna pen bulhkhial lai uh hi. Amau tangkona pen Daniel 

9:25 ah kibulphuh ahih lam mu tel lo uh hi. A baan ah tua Messiah ki that 

ding hi, cih zong na theilo uh hi. A piantung uh a kipan in Messiah pen hih


leitung kumpi minthang hi ding cih lungsim tawh na lam en khol zo uh ahih 

manin, Khrist hilhkholhna leh kammal pawl khatte atel zo kei uh hi. 

Amau in a Jew mipihte tungah lainatnate hilh uh a, tua thu hilh 

kawmkawm in Topa pen David tokhom ah hong tu dingin a lamen uh 

hi. Tua laitak in, thusia bawlpa hi ci-a akiman mu uha, a kisat gawpna, 

a kiselnohna, a kimawh-saknate leh Kalvary singlamteh tungah a 

kikhaina mu zaw sop uh hi. A Topa uh han sungah a lup sung tengin 

nungzuite bang zah takin lungkia in, lunggim uh hiam! 

(346) Laisiangtho sunga kamsangte genkholhna leh hun tawh a 

kitualian-in Khrist hong pai hi. Amah in Tatkhiatnathu tangko a, “a 

thugente in vanglianna tawh ki dim hi”. A za mite in hih thu pen vantung 

pana thu hi, ci’n teci pang uh hi. Pasian Kha Siangtho leh a thugente in 

Pasian sawl A Tapa ahihna kilang sak hi. 

Nungzuite-in lungsilo in Topa bel kenkon lai uh hi. Ahih hangin 

amaute lungsim sungah lung hihmawhna leh khalauna a dim hi. A 

lunggimna lam un Khrist ii thuaksiat nading leh a sih nading a gente 

phawk khalo uh hi. Nazareth mi Jesu pen Messiah takpi hi leh amau 

hihzahin cimawh in lunggim ding uh ahi hiam, ci’n patauhna tawh Jesu 

hansunga atawlngak Sabbath nibup leh a thawhkik kikaal dong amau 

leh amau ki dong uh hi. 

Dahna khuamialin nungzuite a tuamcip hangin Pasianin amaute 

nusialo hi. Kamsangpa-in hi bangin ci hi: “Khuamial sungah ka om 

hangin Topa in khuavaak hong pia ding hi…Amah in khuavaakah hong 

paipih dinga, keimah in Ama dikna ka mu ding hi,” (Micah 7:8,9). 

“Nangma adingin khuamial pen mial lo a, zan khuamial pen sun nitang 

tawh ki bang hi.”Lungsim thutangte’ adingin khuamial sung panin 

khuavaak hong taangkhia hi.”(Late 139:12; 112:4) “Amau’ theihloh 

lampi-ah mittawte ka paipih ding a, amau’ theih ngeiloh sul zuihpih-in 

ka kha ding hi. Amau mai-ah khuamial pen khuavak suaksakin, a phokna 

munte a tam-in ka bawl ding hi.” (Isa. 42:16.)


Topa min tawh nungzuite tangkona pen a nen a si-in dik kim a, 

a piang ding thu a kawk kholhte zong tungkim hi. “A hun tung ta a, 

Pasian gam hong nai zo hi,” cih thu in amau tangkona ahihi. “A hun” 

tawpna ah — Daniel 9 sunga nipi kal 69 cin-in “sathau ki nilh pa” 

Messiah ciang hong ki zansuk hi. (347) Tua pen Jordan gun ah 

Tuiphumpa Johan in Khrist a tuiphum ciang in Khasiangtho “sathau ki 

nilhna” ngah ahi hi. “Pasian gam” hong tungta hi ci-a atangko pen uh in 

Khrist sihna in akip sak pen hi a, leitung ki-ukna gam hi lo hi. Tham 

loin a hong tung nailo sih theihnawnlohna gam ahi “sangbelpa’ 

misiangthote tungah kipia ding, vannuai leitung a uk ding gam” zong 

na hi nai lo hi. Tua tawntung gam ah “mi khempeuh in Ama na seem in 

a thu mang ding uh hi,” Dan. 7:27. Tu-a Lai siangtho gen “Pasian gam” 

cih kammal in hehpihna gam (kingdom of grace) leh minthannagam 

(kingdom of glory) kawk khawm ahi hi. Hehpihna gam bel Paul in 

Hebrewbu sungah na gen hi. Khrist kawka a gen khit ciangin Amah in, 

“eite siampi ukpa in eite hat lohna hong hehpih zolo mi ahi kei hi”…”Tua 

ahih ciangin eite in hehpihna leh a kilawm hunah hong huhna thupha 

ngah nadingin, lau lohna lungsim tawh hehpihna’ tokhom kiang ah nai 

ni,” Paul in na ci hi. Heb. 4:15,16. Hehpihna tokhom pen hehpihna 

Kumpi gam limla in ana gen ahi hi. Tokhom omna in Kumpi gam omna 

kawk hi. A thu gentehna tampite ah “vantung gam” in mite lungsim 

sunga ki phut Pasian dikna nasep hi ci-in Khrist in gen hi. 

Tua bangin minthanna Tokhom in minthanna gam lim lak hi. 

Honpa i gen Kumpi gam cih pen “Mihing Tapa in minthanna tawh hong 

pai ciangin vantung mi siangthote khempeuh tawh hong ton dinga, 

minthanna tokhom tungah Amah tu-in, mi namkimte A mai ah hong 

kai khawm ding hi.” Matt. 25:31,32. Tua Kumpi gam pen mai lam ah 

om lai hi. Tua gam pen Khrist nihveina hong pai mateng kiphut nailo 

ding hi. 

Hehpihna gam pen mawhna ong lut khit phet, mi mawhte tatkhiat 

nading vai a kihawm a kipan a kiphut gam ahi hi. Tua gam pen Pasian


khapsa thu leh A geelna tawh ki tuak in, upna tawh mihingte in tua gam 

mi a kisuak thei ahi hi. Ahih hangin Khrist hong sih mateng tua gam a 

kiphut tatak nailo ahi hi. Honpa in leitungah tua gam phuh ding in nasep 

akipat khit nangawn in, mite lung khauh leh lungdamna phawkthei nai 

lo lai uh hi. (348) Tua hangin Honpa lungnuamlo in Kalvary mual-a 

kipumpiakna pan a tonkik thei lai ahi hi. Gethsemani huan sungah a 

lunggimna hai-in amah lokin liinggawp sak hi. A mitkhu pan sisan khuaul 

a nulkhit nangawn in mawhna sungah a mangthang dingin mawhnei 

mite khuallo in hong nusiathei lai hi. Tua bangin na hih kha zenzen leh 

a puuk mihing ki honkhia thei nawnlo ding hi. Ahih hangin Honpa in 

Ama nuntakna aapin, “A zo zo hi” ci’n a huu tawpna-ah a awt khit 

ciang bekin mihingte hotkhiat nading geelna a tangtun zia aki cian pan 

ahi hi. Eden huan a nupate tunga kikham tatkhiat nading vaihawmna a 

kikip sak ta ahi hi. Pasian khapsa hong piang ding a kilam-en Hehpihna 

gam pen tua huna ki pan akikip sak ta ahi hi. 

Tua bangin a nungzuite in amau lam etna akisuksiat tawpna 

thulian hi ci a amuhkhialh uh hangin, Khrist sihna in lametna khempeuh 

akipsak tawntung ahi zaw hi. Tua a thuak uh cihmawhna in amaute 

upna dik hi cih alak khia thuhoih pen ahi zaw hi. Tua bang a pian mawk 

ciangin amaute lung sii-in a dah uh hangin, tua pen mah Adam suan le 

khakte khempeuh ading lametna kong a honna na hi zaw lehbung hi. 

Tua mun pen khang tawntunga Pasian mi-muanhuaite luah tawntung 

ding uh nuntakna gam nuam a lut nading uh phualpi na hi zaw hi. 

Mong neilo hehpihna i ngimnate a tangtunna kimukhia hi. 

Pasian thupha leh vanglian thuhilhna in a lungsim uh a zawh laitakin, 

“Kua mah in hih bang in thu gen ngei lo hi” a cih laitakun; kham 

siangtho bang itna tawh Jesu it mah a ki sak laitakun; leitung 

kiphatsakna, angsung akhual tupna lianpipi a lungsimsung uhah na 

nei lai mawk uh hi. Paisan Pawi a bawlna nangawn uah Topa pen 

Gethsemani liim ah a lut khinta ahi hi. Amautelak ah bel “kua lian 

pen ding i hi hiam?” cin ki-elna a nei lai lai uh hi. Lk. 22:24. Amaute


mit kha ah Kumpi Tokhomte, Kumpi Lukhute, (349) minthannate 

bek om a, a mai mah mah u’ah lah maizumna, huansunga lunggimna, 

thukhenna zum, Kalvary singlamteh cihte a om zaw sop mawk hi. 

Amautein leitung minthanna bek lunggulhin a kisathei gawp na hi zaw 

kha uh hi. Tua in amau hun lai-a kihilhna man lote leen cip sak in, 

Honpa in A Kumpi gam omziate a gen hangin thupi sim nawn loin, a 

thuaksiat leh a sih nading a gen-te nangawn phawk in nei nawn lo 

mawk uh hi. Tua thu in sittelna khat suak sakin—a khauh mah mah 

leh a kisam mah mah—a dik a ki bawl nading a Pasian phal ah ihi. 

Nungzuite in amau genthu khial khin leh lametna ngah lo hi khin napi 

Pasian sawl thu bel hilh uh ahihmanin Topain a upna thaman pia in a 

sawl manna uh vaang pia hi. A tho kik Topa Lungdamna Thu minthang 

pen minam khempeuh tungah tangko dingin amaute masuan in a ki-ap 

ahi hi. Tua a thuak siatna uh pen a kha mah mah tawh akibat hang in 

amasuan uh sem dingin a kigin khol nading a kithuak sak a hi hi. 

A thawh kik khit ciangin Emmaus khua lampi ah Jesu A 

nungzuite kiang ah ki lak hi. “Mosi leh kamsangte khempeuh pan a 

kipan, Lai Siangtho sungah amah a cihnopna thute tel takin ahilh hi” 

Lk 24:27. Nungzuite lungsim hong ki tok khia in a upna uh hong 

kitawh kuang hi. Jesu amaute kiangah hong kilah ma nangawn in 

amaute in “a nungta lam-etna angahte a hi uh hi. Amaute theihna telgen 

nading leh a up uh “hilhkholhna thu kho” alet cinten nading pen Jesu 

deih na bulpi ahi hi. Amaute lungsim ah thumaan in zungkip khaa in 

Amah mah teci panna hang bek hi loin, Laisiangtho lui sung ah hilh 

kholhna leh dot kul vetlo a kilangh khia lim ciin kholhnate Amaute 

lungsim sungah tua thuman kiptaka zungkha ding Topa’n deih hi. Jesu 

nungzuite in amau a ding bek upna hilo in a pilvaang-upna nei in, 

leitung bup a hilh ding uh a hi hi. Amaute sunga theihtelna a guan 

nadingin Jesu in a nungzuite kiang ah, “Mosi leh kamsang dangte 

khempeuh” alak masa hi. Hih pen a thokik Honpa teci panna hi-a, 

Laisiangtho Lui thupitna leh man phatna a hihi.


Nungzuite in a it Topa maitang hong en kik uh a, a lungsim uh 

hong ki khel dan dan hi. Lk. 24:32. Ni danga a lungsim neih bang bek 

uh hi nawn lo uh hi. “Mosi thukham leh kamsangte gelh” hilhkholhna 

sung pan in, nidang sangin, a kicingzaw, azai zaw in Topa hong mu uh 

hi. (350) A lungkiatna a lunggimna, a kiciat lohna tenguh, a kicing a 

kip a mual nawn lo upna tawh khekta uh hi. A vankah khit ciangin 

kipaak takin “biak innpi sung ah amautein Pasian phat in thupha pia 

den” uh hi. Honpa sih laitakin amaute mai gum, dah, buai, lel a a om lai 

meel uh amu mite in tu in lungdam, kipaak, gualzo-in a om uh amu kik 

ta uh hi. Hih nungzuite in mailam-a a nasep nading uh a kiging khol 

phiphet hong suak uh hi. Amaute in sit telna nasia pen pen nawk in pai 

let khin uh a, mihing muhna panin na khempeuh supna beina ahih laitakin 

Pasian kammal in gualzawhna, nasep picin’na hi zaw cih mu ta uh hi. 

Tua-a kipanin amaute upna a tuantual sak, itna a daai sak thei bang om 

nawn hiam? A dah luatnate uh ah “hehnepna kician” ngah khin uh hi. 

“Lam etna in khaa adingin siikkawikip tawh kibang hi khin ta a, kip 

takin a ding uh hi.” Heb. 6:18,19. Amaute in Pasian pilna leh vangliatna 

mu khin uh a, “sihna ahi zongin, hin’na ahi zonin, vantungmite ahi 

zongin, ukna ahi zongin, tu laitaka omte ahi zongin,…Topa Jesu Khris 

hanga I ngah Pasian hong itna tawh hong kikhensak zo kei ding hi” ci 

uh hi. Tua nate khempeuh ah “eite hong itpa hangin hih nate khempeuh 

tungah gualzo pente I hi hi.” Rom. 8:38,39,37. “Pasian’ thu ahih leh, 

aom tawntung ding hi,” 1 Pet. 1:25. Tua ahih leh “hong mawhsak ding 

kua ahi hiam? Khrist in sihna thuaka, tua sihna pan tho kik a, Pasian 

ziatlam ah” om hiau ta hi ven. Eite adingin tua lai ah Palai hong sep sak 

sawn sawn lai a hi ve! Rom. 8:34. 

Topa in, “Ka mite hong ki sim-mawh kik ngei nawnlo ding hi” ci 

hi. Joel 2:26. “Zan sung teng kahna om kha mah ding a, ahih hangin 

zing khuavak tawh nuamna hong pai hi” Late 30:5. A thawh kik ni in 

nungzuite in Honpa mu uh a, A pau a zak tang hial uh ciangin a lungtang 

uh hong kuang khia hi. Amaute adinga a ki liamsak a lutang, a khut a


khete a muh uh ciangin Jesu in a van kah ma in Bethany dong a tonpih 

hi. A khut laam to in anungzuite thupha pia a, a sawlna ah, “Note leitung 

khempeuh ah vak kawikawi un la, mi khempeuh kiangah Lungdamnathu 

na hilh un,” “Keimah in leitung a bei dongin note tawh ka om khawm 

tawntung ding hi” ci hi. Mk 16:15. Matt. 28:20. Pentecost ni hong tun’ 

ciangin a ki khaam khol Hehneempa Kha siangtho hong kumsuk a, (351) 

vantung panin vangliatna hong kipia hi. Thu um mite lungsim upna in 

vantung kahto sa a Topa uh’ om pihna a phawkthei uh hi. Tua bang hi 

sam napi in Amah tawh kibangin amau lampi ah ki thahnate, ki gawhlupnate 

ki thuak hi. A hehpihna Lungdamnathu a hilh na u’ah a thuak 

uh haksatnate nawkto uh hi. Tua teng pen Ama hong paikik ciangin 

“Dikna lukhu” tawh a khek ding uh hi. A nungzuite lametna leh 

ngaihsutna sangin a tung nung zaw, a thupi zaw” hong pia thei ahihna 

ahi hi. Ama thuakna te thuakpih a, Ama nopna te zong nop pih ding 

cihna a hi pah hi. Tua lungdamna in “minthanna sung ah ta tampi hong 

lut pihna” ahi hi. A ki gen theivetlo lungdamna, “a tawntung kip 

minthanna” a hi hi. Paul in tua pen “Tu-a i thuak gimnate tawm vei 

sung hi bek a,” i ngah ding minthan’na-ii manphatna tawh “teh khaak 

tham zong hi lo hi” ci hi. 

Khrist hong pai masak lai-a a “Kumpi gam Lungdamna Thu” a 

hilh nungzuite mah bangin amaute thuak thu tuam tuamte Ama hong 

pai kik nading thu tangko mite in zong thuak ve ve uh hi. Nungzuite 

pai khia in, “A hun hong tung ta hi. Pasian gam hong nai ta hi” ci in thu 

a hilh uh hi. Tua mah bangin Miller leh a pawlte in Laisiangtho sunga 

hun sau huam pen hilhkholhna hun mongah tungta hi. Thukhenna hun 

hi ta a, a tawntung kumpi gam hong tung ta ding hi” ci in hilh uh hi. 

Nungzuite in hun tawh kisai a hilhna uh Daniel 9 sunga nipikal 70te ki 

bulphuh ahi hi. Miller leh a pawlte hong tangkona ah zong tua nipikal 

70 in pawl khat a huam Dan. 8:14 sunga ni 2300 thu bulphuh-in sik san 

uh hi. Tua thuhilhnate gel in a nih mah un hih hilhkholhna saupi pen a 

phel tuak a atangtun’na a hilh uh ahi hi.


Pawlpi sung ah sawtveipi a ki zanghsa lampialna tampi oma, 

tuate in hilhkholhna-a a thupi munkhat a khiatna maan a muhkhiat ding 

uh a na daaldaal hi. Tua ahih manin, nungzuipi masate bang mah in 

William Miller leh a pawlte in amau puak thu atel akhawk in theikimlo 

uh hi. Pasian in leitungte a piak ding uh tangkona pen tangko sam napi 

uh in a khiatna a bulhna uhah bulhkhial uh ahih manin adongtuak kha 

uh ahi hi . 

(352) Daniel 8:14 sunga “ni 2300 ciangin biak innpi ki siansuah 

ding hi” cih pen Miller sehna ah, leitung gen hi dinga, puah siang ding 

cih zong Topa hong pai kik in mei tawh puah siangna pen hi ding ci in 

um hi. Mi tampi muhna ah zong Biakinnpi cih pen leitung ding in seh 

ciat uh hi. Tua hi a, ni 2300 beina ki tel takin gen khol ahih manin tua 

nihveihna a hong pai nading ki tel lel hi lo hiam a ci a hi uh hi. Tua 

bulhkhiatna in taangpi etdan-a biakinnpi omzia a muh dan uh ahi hi. 

Khrist siampi sepna limciinna ah biakinnpi siansuahna pen 

siampi lianpa in a kum bup na sepna mahialna hi ta hi. Nasep teng 

zawh siangna siansuahna hi ta hi. Mawhna teng paaikhia-a, Israelte 

mite aki siansuahna ahi hi. Tua pen vantunga ih siampi lianpenpa in a 

na sepna zota a Ama mite amawhna-uh pan siansuah khia in vantung 

ciamtehna laibupi sungah guang cihna limla-a akiseem ahi hi. Hih 

nasepna-ah kantel thukhenna kihel a, a zawh ciangin meiilom tuangin 

minthan’na tawh vantung pan-in Khrist hong paisuk pah ding hi. Bang 

hang hiam cih leh Amah in mite omzia ding teng khentel khin, (a letsong 

dingte uh theikholsa) a hongpai sukta ahi hi. Jesu in, “En in a thaman 

kengin a man langin ka hong pai ding hi.Mi khempeuh a gamtatna 

tawh kizui in thaman ka pia ding hi ” ci ta hi. Mang. 22:12. Tua pen 

gupna ngah leh ngahlo ding khenna thukhen’na ahi hi. Tua pen Mang. 

14:7 sunga vantungmi khatna in “Pasian kihta un la a vangliatna phat 

un.Bang hang hiam na cih uh leh A thukhen ding hun a tung zo hi’ a 

cih pen ahi hi.


Tua thu a tangko mite-in bel ahun adinga kipia thumaan a tangko 

mah uh ahi hi. Nungzuipi masate in, “A hun tung zo hi. Pasian gam 

hong nai ta hi” a cih pen bang lian mah hia, Daniel 9 sunga genkholhna 

ah Laisiangtho in Messiah ki thah ding zong a genkholh mah hi sam 

napi, tua pen saang khial in na a sak mah mah mawk uh tawh a ki bang 

leu leu-in Miller leh a pawl te in zong Dan. 8:14 leh Mang. 14:7 thu a 

tangko uh na (353) hi a, Mang. 14 sung ah Topa hong pai ma-a tangko 

beh lai ding thu zong a omlai mah na hi veve hi. Nungzuipite in nipikal 

70 beina ah Kumpigam a kiphut pah ding na sa kha uh hi. Tua mah 

bangin Kumkikna Lamente in zong ni 2300 bei cianga piangdingthu 

asehna uhah asehkhial kha uh hi. Tua thute a saan’na uh leh a bulhna uh 

ah, apomsa uh taangpi lampialna huzap in thumaan telmuhsak zolo hi. 

A nih un Pasian in hilh dinga a deih nasep hi tuak bilbel napi, anih mah 

un bulhkhial tuaktuak uh ahih manin cihmawhna zong thuak kha tuak 

uh ahi hi. 

Thukhenna thu Pasian geel bangin ki tangko dinga asehna zong 

Ama deih bangin a ki tangko suak veve hi. Tua nilian pen hong nai a, 

mite telsit nading a hun Ama seh mah bangin a tung hi. Mite lungsim 

sung omziate ahi bangin dawkkhia takpi mah hi. Tangkona pen pawlpi 

puahsiang nading, telsit nading-a ki seh ahi hi. Amaute lungsim deihna 

lian pen hih leitung ah ki bulh hiam vantunga Khrist tungah kibulh hiam 

cih kitel sak pah hi. Amaute in Khrist honpa ka it hi ci ciat uh hi. Tu in 

amau neih zah itna ki langkhia hi. Amaute in leitung nate nusia in a 

Topa hong pai ding lawp in ana zindo takpi mah uh hiam? Tangkona in 

amau lungsim puak tel khehna, kilat sakna ahi hi. Tua migitna in a 

Topa uh ki niamkhiat leh kisikkikna tawh a zong takpi sak ding ahi hi. 

A bulh khialh man uh-a cihmawhna atuah uh nangawn in a amau 

hoih nading mah hi to to lai hi. Tua hilhkholhna ka saang hi a cite sung 

na ngawn ah a lungsim takpi uh tel khehna na hi to to lai hi. Amau 

cihmawhna pan un a phuut khak thute uh a mot nusiat pah uh hiam? 

Pasian kammal amuannate uh a paaikhia mai uh hiam? Ahih kei leh ki


niamkhiatna tawh thungen-in hilhkholhna a matkhialhna uh teltheih 

nading a hanciam uh hiam? Tua ading bang zah inlung hi-mawh in, liing 

lawng uh hiam? (354) Ahih kei leh, a lungsim phellang bek a pia niloh, 

thu um takpi hilo den lel uh hiam? Mi tampite in Topa hong pai kik ding 

a ut takpi in ki gen uh hi. Leitungmite nuih satna leh nopnehna hong 

tun’ ciangin cih mawhna tawh a ki ze-et ciangin a upna uh a nolh kik lel 

bang zah pha uh hiam? Pasian in amaute adinga a vaihawm sakna tel 

siang khin pah lo uh ahih ciangin A thumaan in a lah tel nading ngakloin 

a nolh pah mawk uh hiam cihte a sittel na ahi hi. 

Hih sittelna in amau upna pen Pasian Kha Siangatho hilhna takpi 

hi cih ki dawk sak nadingin a um mite tha hatna sittelna a hi hi. Tua thu 

ah tua bang tuah ciang bek mah-a ki thei ahih manin, mite seh tawm 

mawk thuhilhnate a saan’ khak ding uh lau huaina tel phawk sak hi. 

Laisiangtho pen amah leh amah ki zong khia sakin thu um taktaktein 

amau upna khial-a lampial ahih leh dah-in tua khialhna bawlpha sak 

nuam ding uh ahi hi. Hilhkholhna thu tel kan nuam zaw ding uh hi. 

Amaute in a upna sa uh din munte zong khia in Khristian dangte’saan 

dan mawk mawkte leh Laisiangtho sung thu a hilo munte khempeuh 

nial in a sit tel nading uh deihna a hi bulpi pen hi. 

Nungzuipi masate mah bangin hih mite thuman theihna zong a 

siang sin-sen zo kei zong in a nung ciang in hilh cian’na ki pia ding uh 

ahi hi. “Topa’ deihna” atel muh uh ciangin amau khialhna hanga a thuak 

uh ze-etnate panin a Topa in itna tawh a ngim sakte a tung tung ta 

ahihna a thei ding uh hi. Amaute in a Topa uh “mi hehpih siam, migitna 

tawh a dim” ahihna zong a thei tel ding uh hi. Ama vaihawmna peuhma 

pen, “Ama thuciam leh Ama tecipan’na a zui mi khempeuhte tung ah 

migitna leh thumaanna tawh a vaihawm a hi hi” cih thu amau phuut 

khakna pan a thei thei ding uh hi.

BIAKNA KHANLAWHNA LIANPI 353 

20 

Biakna Khanlawhna Lianpi 

(355) 

KHRIST hong pai kik nading tangkona in biakna khanlawhna lianpi 

khat piang sak ding ahihna Mangmuhna 14 a vantung mi khatna 

tangkona ah na ki gen hi. Vankimlai ah vantung mi khat leeng a, 

“leitungah ateeng mi aki pan gam khempeuh, nam khempeuh, pau 

khempeuh pawl khempeuhte kiangah,” ”Pasian kihta unla, avangliatna 

phat un. Bang hang hiam na cih uh leh, a thukhen ding hun a tung zo hi” 

ci hi. Mang. 14:6,7. 

Vantung mi in hih thugen hi cih thu a thupi hi. Vantung kamtaipa 

sianthona, vangliatna leh minthanna in tua thupuak nasep thupi sak in, 

vaang leh thupina in zong zui dinga gualzawhna ngah ding hi ci in Pasian 

in a sehsa ahi hi. Vantung mi khat van kimlai ah leeng in, “leitunga teng 

mi khempeuh akipan mi namkhempeuh leh mipawl khempeuh” tungah 

pataukona thu “aw ngaihpi tawh” atangko hi cih ciangin hih tangkona 

nase in nawh sa takin leitung zelin ki zo ding hi cih lahna ahi hi. 

Hih thupuak pen mahin bang hun-in hih nasep ki pan ding cih 

hong lak hi. “A tawntung lungdamna thu” tawh kizom hi a, thukhenna


thu a pulak hi. Hotkhiatna thu pen khang tawntungin a kihilh den den 

a hi hi. Ahih hangin hih thukhen hun tangkona pen Lungdamna Thu 

mah hi napi a a hun hong tun’ ciang, ni nu nung hun cianga tangko theih 

(356) bek thu ahi hi. Gupkhiatna Lungdamna Thu a khang khangin ki 

hilh hi. Hih hilhkholnain a hun atun cianga kihilh ding Lungdamna thuii 

khen khat ah ki hel ahi hi.Hilhkholhna in thukhenna hun atun dong 

aban ban in thupiangte a lak suk suk hi. Hih thu Daniel bu-a kigen 

thumaan ahi hi. Daniel tunga a gen lai-in thukhenna tawh kisai khawk 

teng pen ni nunungni hong tun’ cianga genkhiat bek dingin khup cip 

sak phot hi. “Beina hun atun mateng” khakcip in koih phot hi. 

Thukhenna tawh kisai tangkona zong a hilhkholh thu atun’ mateng ki 

tangko thei nai lo ahi hi. Hun bei ding ciangin “mi tampite’ pilna khngin, 

hong peek leen ding hi” zong ci lai hi. Dan. 12:4. 

Sawltak Paul in Khrist hong pai ding pen amau khang huam-a 

tung dingin a lametloh nading un a hilh hi. “Tua Ni hong tun’ ma-in 

Langpan’na lian a piang masa ding” mah na ci khol zo hi. 2 Thess. 2:3. 

Puukna lian hong tung phot dinga, “aki seel Gilo mipa ”-ii ukna hun 

saupi a om ma teng ih Topa pen lam et theih hi lo hi. “Gilo mipa” cih 

pen in “Mawhna thu thuuk” cih peuh, “Kisiatna tapa” cih peuh, 

“migilopa” cih peuh-in gen khia a, tua pen Papacy a genna a hi hi. 

Kum1260 sung avangliatna zomto ding a hi hi. Tua a vangliatna kum 

1260 pen 1798 kum-in bei hi. Tua ma tengin Khist hong pai kik nading 

a piang thei nailo ding ahi hi. Paul genna in Khristian khang buppi 

1798 kum dong huam suk hi. Tua kum khit lam ciang bek in hih Khrist 

hong pai kik nading thu ki tangko thei bek ding zong ahi hi. 

Hun beisate ah tua bang tangkona om ngei nailo hi. Paul in 

zong tua bang thu gen theiloa, ute naute tungah Topa hong pai ding 

pen sauveipi khit ciang hi ding hi, mah ci zaw hi. Puahphate in zong 

tua thu tangkolo uh hi. Martin Lutherin tua thukhen hun ding kum 300 

val sawt nawnlo ding hi, ci ngei tei bek hi. Ahih hangin 1798 khit 

ciangin a ki khup cip Daniel laibu pen ki leem khia ta a, hilhkholhna


thutheih telna khang ta hi. Mi tampi in tua thukhenna hun hong nai ta hi 

cih thu tangko uh hi. 

Kum zalom 16 lai a Puahphatna mah bangin Jesu alam en pawlte 

nasepna zong Khristian gam khempeuh ah a hun kibangin hong dawk 

khia hi. Europe leh America (357) ah thu um mi ginate in hilhkholhna 

na suut ciat uh hi. Kha Siangtho hilh kholhnate panin na khempeuh a 

mong tung ta hi cih hong mu khia ciat uh hi. Gam tuam ciat hi napi in 

Khristiante in amau om mun tek panin Laisiangtho simna tawh Honpa 

hong pai ding hun nai ta hi ci in na um ciat uh hi. 

Miller in hilhkholhnate suut a, thukhenna hun hong tung ta hi 

cih a muh khiat zawh kum 3na 1821 kum ciangin “leitung bup thu puak 

siapi” Dr. Joseph Wolff in zong Topa hong pai ding nai ta hi, cih tangko 

a na ki pan hi. Wolff pen Germany gam-a piang hi a, a pa Jew Rabbi 

khat hi in Hebrew mi ahi hi. A neu lai lim phet-in Khristian biakna 

maan a sa hi. A lungsim in thu thei nuam, thu kan, thu ciamteh lua hi a, 

a pa’ inn sung ah Hebrew mi thu um te hong ki khawm-in thu ki kum 

zel uh hi. A minam un a lam et uh Messiah hong pai-in Isreal minam a 

puahphat kik hun ding lametna khawng ki gente na ngai gi ge-in na man 

khia khia hi. Ni khat ni ciangin Nazareth mi Jesu cih hong ki kum kha 

zen zen uh hi. Tuapa kua ahi hiam ci-in a dong khia pah cinten hi. A 

dawn’ kikna uah, “Jew mi talen gol mah mah nei khat hi. Amah leh 

Amah Messiah-in ki gen se a, Jew thukhen mangte in that sak uh hi” ci 

in gen kik uh hi. “Bang hangin Jerusalem ki sia in eite gaalmat sal 

khawi-in om i hi hiam?” ci in dot to zel ciangin a pa in, “Ala, ala, Jew te 

in kamsangte na that that uh a tua hang a hi ve!” ci in hilh kik hi. 

Naupangpa lungsim ah thu khat hong suak khia vat a, “Jesu zong 

kamsang khat hi kha-a Amah mawhnei lopi Jew te in a thah hang uh hi 

ding a hi ve maw!” aci hi. – “Travels and Adventures of the Rev. Josep 

Wolff,” Vol. 1, p. 6 (ed. 1860). Hih lungsim pen khauh takin vom den 

pah ahih manin Khristian pawl sung a lut loh nadingin ki khaam napi, 

thuhilhnate va ngai ding hanciam pah viu veu hi.


Kum 7 bek a phak laitakin Khristian puteek khat kiang ah Messiah 

hong pai cianga Israelte gual zawh nading thu gen pih-in va ki sial 

hi. Puteekpa in thu dam tawh, “Bawi aw, Messiah tak tak hong hilh 

ning; tua pa Nazareth mi Jesu hi,…na pu na pa te in tanglai kamsangte 

a bawl bang mah un bawl in Amah singlamteh ah khai lum uh hi. (358) 

Ciah in la Isaiah a lian 53 sung sim le cin Jesu Khrist pen Pasian Tapa 

ahih lam na mu ding hi” ci hi. – Ibid. Vol. 1, p. 7. A lungsimah tua thu 

kip pah hi. Inn ah ciah in tua Laisiangtho a sim ciangin Nazareth mi 

Jesu in tua a ki hilh kholpa hi takpi cih a mu hi. Khristiante thumaan 

mawk hilo uh hiam? Naupangpain tua hilhkholhna khiatna gen dingin a 

pa a sawl leh dawng hetlo mawh ahih manin tua thu peuh mah gen pih 

ngam nawnlo hi. Tua ciangin Khristian biakna a tel theih nopna a hong 

khang semsem hi. 

Jew inn sung panin tua theihnopna lungsim tawh hong om gigea, 

kum 11 a phak ciangin leitung pilna leh a khan tawn nasep ding zong 

dingin a pa’ inn hong nusia ta hi. A behte inn khat ah om a, ahih hangin 

a sawt loin lampialpa cihna tawh ki nawh khia ahih manin, sum nei loin 

mi dangte lak ah hong pai khia hi. Mun khat khit mun khat ah pilna 

zong in pai khia a, Hebrew lai hilh in a ki vaak hi. Katolik sia khat thu 

zawhna tawh Rome upna hong saang hi. Tua ciangin, a minamte lakah 

thupuak hilh sia seem dingin ki sawl hi. Tua ngimna tawh a pai khiat 

khit kum tawmno sungin Rome-a Propaganda College ah lai sim zom 

kik hi. Hi lai panin amah pen thu ngaihsun thu gen siam ahih manin thu 

lampial hilh hi ci-a ngawhna hong thuak hi. A ki langtang mah-in pawlpi 

gamtat maanlote pulaak khia in, ki puahphat ding hong hansuah hi. 

Amasa in papal siapite in pahtaakna deihsakna tuam vilvel pia sam napi, 

a sawt loin Rome panin ki heem khia veve hi. Romete etcikna nuai ah 

mun khat pan mun khat a pai kawi kawi hi. Atawpna ah Rome sila 

hihna ah kipia zo lo ahih lam a ki tel dongin a thuak uh hi. Amah pen 

puahphat theih loh leh kep theih loh, ci in pulaak uh a, tua ciangin a 

utna peuh ah vak kawi kawi hi. England ah pai a Protestant upna zom


in English pawlpi ah lut hi. Kum 2 sang akah kik khit 1821 kum in 

thupuak dingin pai khia leu leu hi. 

Wolff in Khrist hong pai masak lai-in “dahna leh lungkham 

thuakpa hi: cih a saan’ phetin vangliatna leh minthana tawh a hong pai 

kik nading hilhkholhna zong tel (359) takin a mu khawm pah hi. Amah 

in a minamte Nazareth mi Jesu kianga kai khawm dingin na a sep laitakin 

tua mipa pen a hong ki khaam mipa hi, a hong pai masak lai in ki 

niamkhiat takin mite mawhna thoih dam nadingin kigo a, hong pai kik 

ciangin minthan’na leh gualzawhna tawh Kumpipa leh Honkhiapa-in 

hong pai ding hi” ci in a hilh hi. 

Nazareth mi Jesu in Messiah hi a, a khut a khe te ki kheen let 

in thah dinga gangawhna lam zuan a kihawl tuuno bangin a ki paipih 

hi. Dahna thuak mipa hi a, lunggimna tawh ki dim hi. Judah tung pana 

kumpi ciangkhut a ki lakhiain, a khe kikal pan kumpi thuneihna a 

kilak khiat khit ciangin a khat veina a hong pai hi. Vantung meii lom 

leh vantung mi mangpa pengkul tum sakna tawh a nihveihna a hong 

pai kik ding hi ci in ahilh hi—Wolff, “Researches and Missionary 

Labors,” p. 62 (ed. 1835). “Olive mual tung ah hong ding ding a, 

leitung pian cila Adam ngah dinga ki seh hi napi a ki taan kik gam 

ukna pen tua Jesu ki pia ding hi.( Piancil 1:26; 3:17). Amah in leitung 

bup ah Kumpi hi ding hi. Thuumna le tauna te bei sak dinga, lung 

dam kohna phatna la kisa te bek kiza ta ding hi….Jesu in A Pa 

minthanna tawh, a vantung mite tawh hong pai ciangin,…thu um misisa 

te hong tho khia masa ding hi. 1 Thess. 4:16; 1 Kor. 15:23. Tua pen 

ei Khristian te in Thawhkikna masa i cih pen a hi hi. Tua ciangin 

ganhing te in zong amau omzia kheelta ding uh hi. Isa. 11:6-9. Jesus 

kiang ah ki aap ciat ding uh hi. Late 8. Gal lem lung muanna in 

leitungbuppi uk ding hi. – Journal of the Rev. Joseph Wolff, pp 378, 

379 (ed. 1939). “Topa in leitung en suk kik dinga, ‘hoih mah mah hi’ 

ci kik ta ding hi. Ibid. p. 294.


Wolff in Topa hong pai ding nai mah mah ta ding hi ci in a um hi. 

Hilhkholhna hun a suutna ah Miller sehna hun mah bangin, suk mai 

mang hun ding pen kum tawmno bek in sam hi ci hi. Laisiangtho sik 

san a, “A ni leh a nai kua mah in thei lo hi,” hong pai kik ding a nai-na 

vai zong mite theih kul lo hi a ci suak pahte tung ah Wolff in” “Topa in 

a ni leh a nai ki thei ngei lo ding hi a ci hiam? Theikungte a teh hong no 

ciangin khuakhal ahong nai ta hi cih mi khat peuh in a theih bangin a 

hun hong nai ta ahih lam i theih theih nadingin kihilnate hong gen hilo 

hiam? Matt. 24:32. Eite in a hun huam beek thei thei het lo (360) ding 

I hi hiam? Topa mah in Daniel laibute sim unla thei un, hong ci hi lo a 

hiam? Daniel sungah tua thute a tawpna hun atun masung ki imcip 

phot dinga ‘mitampi taai kawi kawi phot dinga (Hebrewte hun tuatna 

genna hi), ‘theihna (hun theihna) khang ding hi’ Dan. 12:4. Hih thu 

genna ah Topa in ‘a ni leh a nai kua mahin theilo’ a cih hangin a hong 

naina hong thei sak nuam ahi hi. Noah Tembaw bawl lai mah bangin 

Ama hong pai ding ih ki gin kholh theih nadingin hun ciamtehnate a 

kicing in hong pia hi.”a ci hi. – Wolff, “Research and Missionary Labors,” 

pp. 404,405. 

Laisiangtho khiatna, a hih kei leh a ki khiat khialhna vai Wolff in 

a genna ah, “Khristian pawlpi a tam zawin tel taka Laisiangtho in a gen 

thute panin pial khia-in Buddhist-te deih geelna lamah ki heii khinin 

uppih uh hi. Mai lam mihing nopsak nading pen huih lak khawngah om 

hi, Jewte thu a sim uh ciangin Gentiles (zentail) te thu zong a theih uh 

kul hi; Jerusalem thu a sim uh ciangin pawlpi thu a theih uh kul hi; 

leitung a cih leh vantung a cih nopna hi; Topa hong pai nading thuah 

thupuak siate kipawlna (missionary societies) a theih tel uh kul hi; Topa’ 

inn omna mualtung ah kahto cih zong Methodist kikhop khawmpi a 

genna hi ci in upmawh deih khiat uh hi.’ci hi. – “Journal of the Rev. 

Joseph Wolff,” p. 96. 

1821-1845 kikaal kum 24 sung, Wolff khual zin kawi kawi a, 

Africa, Izipt, Abyssinia, Asia, Palestine, Syria, Persia, Bokhara, leh India


khawng ah kileh kawi kawi hi. U.S.A. ah zong hawhin, St. Helena 

tuikulh ah ozng thu hilh hi. 1837 kum August in New York tunga, thu 

a hilh hi. Philadelphia, Baltimore, leh Washingtonte ah zong thu a hilh 

hi. A genna khat ah, “President lui John Quincy Adams hong vai hawm 

sakna (361) tawh Congress ulian ki khawm khempeuh thukim in Congress 

Hall khat thuhilh nadingin hong zang sak uh hi. Sani (Saturday) 

ni khat in thu genna ka nei hi. Congress member teng, Virginia-a 

Bishoppa leh Washington-a Pasian nasem teng in hong uap uh hi,” ci hi. 

Tua mah bangin kumpi uliante deih sakna tawh New Jersey leh Pennsylvania 

ah zong ka thu muh khiatte ka gen a, Asia-a ka thu muh khiat 

te leh Jesu Khrist Kumpi-in amang ahihna thute ka gen hi,” ci hi. – 

“Journal of the Rev. Joseph Wolff,” pp 398,399. 

Europe gam thuneite’ kepna a om loh hangin a lau huai pen 

pen gamte nangawn ah zong ava zin kawi kawi hi. Haksatna tampi 

thuak in kisiat theihna namcin in kiim uum hi. Ciangpum tawh satna, 

gilkialna, sila dinga zuaknate leh sihna thuak dinga mawh sakna 3 vei, 

cih bang vive athuak hi. Misuamtein suam zel ahih manin, khat vei 

vei dang taak lum dek dek zel hi. Khat vei a neihsa khempeuh sut-in, 

a puan suah khiat sak uh-a, khe dap bulhloin tai tampi lam a paisak uh 

hi. Mual golpipite kantanin a maitang vuukin tuam a, akhete vuuk lak 

ah a hik cip hi. 

Migilote leh a gamsa suakte lak ah galhiam vomloin zin dah in a 

ki cih ciangin, “Kei galhiam hong ki guanzo hi”. Tua ka gaalhiam pen 

“thu ngetna, Khrist adinga na ka sepna, Ama hong kep ding muanna” te 

“Pasian leh ka veengte hong itna ka lung sung ah om in, ka khut sungah 

Laisiangtho ka tawi hi.” ci hi. – Adams, W.H. D., “In Perils Oft,” p. 

192. Hebrew pau leh mang pau-a Laisiangtho pen a paina khempeuh 

ah a keng hi. A khual zin nu nung na te khat ah, “Keimah in…ka khut 

sung ah Laisiangtho leem sa-in ka tawi hi. Ka vaang in tua sung ah 

oma, tua in hong huu ding hi cih ka thei hi” ci hi. Ibid., p. 201.


Tua bangin thuak keei kaai in thukhenna thupuakna pen leitung 

phel gol zaw a ki zelh dong in a sem hi. Jewste, Turks, Parsee, Hindu, 

leh minam dang tuam tuam te lak ah Pasian thu theh kawi kawi a, pau 

nam tuam tuam te lak ah Messiah ukna hong tung dek ta hi cih thu 

atangko kawi kawi hi. 

Bokhara-a a zinna ah gamlapi-a atang om mihon khatin Topa 

hong paikik baih ding cih upna tawh lamen a nungta uh a mu hi. Yemena 

Arab te in “Seera a kici laibu khat nei uh a, Khrist hong pai kikin, min 

thang taka a uk nading thu 1840 kum in hong piang kha ding hi, ci in na 

um (362) uh hi,” ci hi. – “Journal of the Rev. Joseph Wolff,” p. 377. 

Yemen-a Rechabte tawh ni 6 sung hun ka zangha, Jonadab, Rechab’ 

tapa mi hoih phawkna-in leengguite ciing loin, a tang tuh loih, a zu 

dawnlo uh a, tuipuan buk sung bek ah teeng uh hi. Amau leh Israel mi 

Dan suante ka mu a, amaute in Rechabte mah bangin vantung meiilom 

tawh Messiah hong tung dekta ding ci-in lamen a om uh ka mu hi,” ci 

hi.–Idem., p. 389. 

Tartary ah tua bang upna mah anei sangmang dang khat zong a 

va mu hi. Tartar siampi khat in tua sangmangpa kiangah Khrist bang 

hun ciangin hong pai kik ding hiam? cih a na dong hi. Sangmangpa in 

ka thei kei hi ci a a dawn kik ciangin, 1844 kum huam-a Khrist hong pai 

kik ding Laisiangtho thu hilh-a kawi vak sangmang khatin tua nangawn 

a theih loh pen Siampipa in lam dang a na sa mah mah hi. 

1826 kum kipat phet-in Jeus hong kumkik nading thu pen England 

gam ah ki hilh hi. A hih hangin America-a in ki dawk khol lo hi. 

A hun ding cian taka sehna zong om khol lo hi. Ahih hangin Khrist 

hong pai baih ding cih thu pen huzaap lianpi leh vanglianpi tawh ki 

tangko hi. Hi thu pen thu seelhat leh mi tuam om te kiang bek ah ki gen 

lo hi. Englishte laigelhpa khat ahi Maurant Brock in “Hih Gam 

Lungdamna Thu” pen sia 700 vaal bangin tangko uh hi, ci-in na genkhia 

hi. 1844 kum in Topa hong pai ding cih thu zong Great Britain gam ah


zong tangkona om hi. Tua thu genna laihawm te America panin tampi 

ki hawm khia hi. Laibute leh thu kizakna laite zong England te in na 

ngah uh a, zong a na hawm khia sawn uh hi. 1842 kum ciangin America 

pan-a tua thuthang ngahsa-a hong ciah English mi Robert Winter in a 

gamah Topa hong pai nading a tangko hi. Ama thupuakna pawm ciat 

uh a thukhenna hun hong tung ta hi cih thu England gam mun tuam 

tuam ah a tangko uh hi. 

South America mi gamh-tatte lak leh siampite thuzawhna mun 

lak nangawnah Spain mi Jesuit pawlte khat ahi Lacunza in Laisiangtho 

sung panin Khrist hong pai baih ding cih thu na (363) mu khia hi. Tua 

thu gen loin a om thei kei hi. Ahih hangin Rome te kawk ding a ut loh 

manin Jew thu um bangin ki bawl in “Rabbi Ben-Israel” min in a tangko 

hi. Lacunza pen kum zakhawk 18 sunga nungta mi ahi hi. Ahih hangin 

ama laibu in 1825 kum in London tunga, mangkam in na ki teikhia hi. 

Tua lai aki hawm khiat cianign Jesuh hong paikikna thu Englang gam 

sung a lawpna sa pen nakpi in alawp beh sak hi. 

Germany gam ah Bengel in kum zakhawk 18 sungin na hilh hi. 

Amah pen Lutheran pawlpi sia, Laisiangtho tel kheh a siam khat ahi hi. 

Bengel in a sang lai sinna te a zawh ciangin “theology lam sin a, tua in 

a lungsim leh a gamtat tha hat sak in, nunzia hoih a nei sak hi. Khangno 

dang te mah bangin biakna lam ah uplahna leh lunghihmawhna tampi a 

nei hi. Khangno khat thuak zawh loh zah dingin thaltang tampi vuh 

banga haksa asak tampi anei hi.” – Encyclopedia Britannica, art. Bengel 

(9 th ed.). Wurtemberg ah pawlpi mi khat hong suak a, biakna suahtakna 

a leen nuam khat a hi hi. “Pawlpi suahtakna a pan pih mah bangin a ki 

khih-a ki tuat lungsim sung upna uk cipna a thuak mite a pawlpi panin 

taw kik in a suahtak nading in apanpih den hi.” - Ibid. Tua bang ngeina 

pen a gam mi peuh mah in zong hoih a sak uh thu a hi hi. 

Mangmuhna 21 sung bulphuh in “Advent Sunday” tawh kisai 

thuhilhna a bawl leh Khrist hong pai kik nading vai Bengel lungsim ah


hong phu khia vat hi. Ni dang bang loin Mangmuhna sunga hilhkholhnate 

hong ki dawk han han hi. Kamsangpa gen ziate, leh minthanna thupitein 

a lungsim zogawp lua ahih manin, tawlpi khat tua thu aki mangilh bawl 

phot hi. Pulpit-a a din ciangin a lungsim ah tua thu khauh tak in ah 

hong phawk leu leu hi. Tua hun a ki panin Mangmuhna sunga Khrist 

hong pai baih nading hilhkholhna thute hong sim pha saan hi. (364) A 

nimit ding a sehna pen kum tawm no sung hi ding hi a ci hi. Miller in 

zong tua khit asawtlo in ama cih a thukim pih hi. 

Bengel laigelhte Khristian gam sung teng ah ki zeel hi. Ama 

muh khiat thute Wurtemberg State sung teng ah ki zeel a, Germany 

gam sung mun dang dang ah zong a lut hi. Tua nasepna pen ama sih 

khit in zong ki zom to lai hi. Gamdangte mah bangin Germany gam in 

zong tua tangkona na ngai uh hi. Tua sawng mah in Germany pan in 

thu um pawl khat Rusia gam ah peem to uh a, Khrist hong pai baih 

nading thu upna tua gam-a Germany pawlpi omte tungah a na tangko 

uh hi. 

Khawvaak in France leh Switzerland zong taan’ hi. Farel leh 

Calvin in puahphatna thumaan a na theh khiatna Geneva ah Gausen in 

Jesu nihvei ong pai nadingthu ana tangko hi. Gausen pen sangnaupang 

ahih lai kum zalom 18 leh 19 kipat cil lam-in Europe buppi ah thu sit 

siamna (rationalism) laang mah mah hi. A khangno lai-in hilhkholhna 

sim thanuam ngei napi, biakna na a sepna hangin thu leh la a theih loh 

ban ah, lung hiang niloh in hong om hi. Rollin’ laibu “Ancient History” 

a cih a sim khit ciangin Daniel bu a lian 2 sung sim a, tua sung ah 

hilhkholhna te taangtung takpi ahihna tangthu ki ciamteh a mu hi. Tua 

lai ah Laisiangtho pen Kha Siangtho huu mop tawh ki pia ahih takpina 

a mu hi. Hong pai lai ding hunte ah kisiatna pan hong len ding tembawsik 

kawipi bang hi ci in a ngaihsun hi. Thu suut siam lel tawh lung kim 

zo loin Laisiangtho sim to to in thumaan khuavak a kan tohna ciang ah 

lungkimna a hong nei kik hi.


Tua hilhkholhna a sin beh toh zel ciangin Topa hong pai kik 

nading hun hi ta hi cih upna ah atung to hi. Hih thumaan in alungsim 

lawnglua ahih manin, mite mai ah a gen khia nuam hi. Ahih hangin 

Daniel bu pen thu thuuk, thusim hi, theih zawh loh ding thu hi (365) cih 

taangpi upna in a mai a dal mah mah hi. Geneva ah Farel in a na hihsa 

bangin, a tawpna ah, a nu a pate uh lawh thei dinga a lam et naupangte 

tung ah anasep hong pan hi. 

Ama genna ah, “Hih thu na theih tek ding uh ka deih hi. I nasep 

I neu bawlna hi zaw loin manpha taka a thuk but theih nadingin I deih 

innkuan sung naupangte tung ah piak phot ding hoih hi” ci hi. “Mite in 

ih thu za leh deih ka hih manin a khang ham sa te tha khat in hilh pah 

leng hong ki za nuam lo kha ding ka lau hi” ci hi. “Tua ahih ciangin a 

neu pen te lawh masa ding, naupang hon khawm phot ding, mi hong 

tam sem sem ciangin, mite in zak nop sa-a lawp hi cih I muh ciangin, 

amau in a thu mu a a gen khiat kik theih uh ciangin u-haamtein zong tuin 

na zak ding hoih hi cih hong mu ding uh hi. Tua pan in a cial nihna ki 

sem to thei ding a, khang haam sa te in thu hong kan ding uh hi. Tua 

ciangin nasep hong picing thei pan ding hi” ci hi. – Gausen, L., “Daniel 

the Prophet,” Vol. 2, Preface. 

A nasepna mai nawt hi. Naupangte kianga a gen pen u-haam tein 

zong hong ngai uh hi. A biak inn sung te uh ah thu ngai mi hong dim 

hi. Tua te lak ah uhaam, milian, laisiamte zong hong om uh hi. Geneva 

a hong zin khual mite nangawn zong hong om uh hi. Tuatein hih thu 

pen mun dang gam dangah na puak sawn zaw lai uh hi. 

Gausen in a nasep mai nawtna hangin hong tha nuam hi. French 

pau a sim thei mite adingin a thuhilhnate lai tawh gelhin ahawm khia hi. 

Gausen genna ah, “Naupangte sin dinga ki bawl pen, tua bang laibu a 

sim nuam lo-a theih zawh ding hi kei a ci anu a pate kianga ‘Naupangte 

nangawn in thei buang hi ven, bang hangin thei lah ding ih hiam? a ki ci 

kim dinga ka bawl hi” ci hi. “Hih hilhkholhna pen I tuu honte lak ah ki


thei ciat leh ka deih lua hi. Lai a ki sim loh luat pen in tu hun ki 

taangsapna lahkhiatna kician zaw a suak hi.” “Tua hi a, hih lai simna 

tawh ih mai mah maha i tuah ding haksatna pan kiging khol thei-in Jeus 

Khrist vil in ngak khol thei leng ka deih hi” ci hi. 

Gausen pen French pau-a thuhilh sia lak ah a ki dawk mah mah 

leh aki it mah mah hi napi a sia nasep tawm vei ki khawl sak hi. Bang 

hang hiam cih leh, pawlpi in dotna dawn’ (366) na laibu (catechism) 

a zat te thu bun sa zo lo, upna phuhna mel nei lo a, neem ahih manin 

Laisiangtho thu om bang khangno te hilh nuam zaw ahih man a hi hi. 

A nunung lam ciangin Theological saang ah saang sia asem hi. Tua 

kawm mah in Sunday ni ciangin thuhilh sia seem in naupang te makaih 

a, Laisiangtho sung thu amaute a hilh hi. Hilhkholhna thu a hilhna ah 

mite lawp in a khanglo sak pha mah mah hi. Professor asep kawm 

mah in laikhetna tawh naupangte ading a deih sak thute hilh khia hi. 

Tua bangin kum tampi sung huu zaap lian mah mah tawh mite in Khrist 

hong pai baih ta ding cih hilhkholhna thu sim in a theih nadingun a 

hanciam uh hi. 

Scandinavia gam ah zong hih thupuak na ki tangko a, zapi zeel 

in ki lawp mah mah hi. Mi tampi in a leitung nuntak nading na ngawn 

uh zong khual nawn loin hong thokhia uh hi. Ki pulaak na tawh a mawhna 

te uh nusia in, Khrist min tawh mawh mai sakna hong ngen uh hi. Ahih 

hangin a gam-a inn teek pawlpi siapipa in tua bang hihna te deih lo ahih 

manin, tua thu zom-a a hilh mi pawl khat thong sung ah a khia hi. Mun 

tampi ah Topa hong pai kik nading thu hilhna pen hong daai pian mawk 

ahih manin, Pasian in tua thu tangko dingin a lam dang mah mah in 

naupangte a zangh in na hong seem kik hi. Amaute a kum cing nailo uh 

ahih manin a gam thukhun zui in thong ki khum theilo hi. Tua ahih 

manin a dal leh a nawngkaai sak omloin thu gen thei uh hi. 

Nasepna pen mi nautaang lak leh nasem mite lak hi zaw deuh a, 

tangkona thu ngai dingin hong ki khawm ciat uh hi. Tua thu hilh


naupangte zong a tam pen mi zawngte tate ahi uh hi. Amaute kim khat 

kum 6 kum 8 gual bek ahi uh hi. A gamtat in zong Pasian nget siangtho 

thukham te zui uh a, Honpa it uh ahih lam kilang sak uh hi. Tua zah-a 

naupang moi laite nangawn in tua pilna leh tua hoihna te nei thei lel 

ahihna teci pang suak sawn sawn uh hi. Mipite mai a a din’ uh ciangin 

amau pianpih ngeina baan ah a thu zawh huu zaap dang khat in tua 

bang dingin a taw sawn ahih lam ki mu thei hi. A aw suah uh leh a ki 

heek ziate uh kikhelin lam danga, Thukhenna hun hong tung ta hi ci-a a 

tangko uh (367) ciangin “Pasian kihta un la Amah phat un. A thukhenna 

hun hong tung zo hi” cih Laisiangtho kammal khawng man khia lian 

lian uh hi. Mite mawhna kawk khia in, a paangtatnate uh, numei-pasal 

mawhnate bek tham loin leitung a etlahna, a nungtolh nate uhnusia in, 

hong tung ding hehna pan a suahtak theih naidngun man langin ki khel 

un ci in gen uh hi. 

Mitein lam dangsa in a liing uh hi. Tua pen mite a zo thei Pasian 

Khaa in mite lungsim sung ah thu a gen ahi hi. Mi tampi in Laisiangtho 

sim hong hanciam uh a, a paangtatnate uh, numei-pasal mawhna te pan 

in hong ki puah pha uh hi. A gamtat palaute uh khel in hong om uh 

ciangin, gam uk pawlpi sia liante na ngawn in Pasian in hih nasepna 

makaih hi cih anial theih nawnloh zah dongun tua tangkona hong mai 

nawt hi. 

Scandinavia gamte ah zong Khrist hong pai kik nading tangkona 

thu kihilh dingin Pasian in a deih hi. Ama nasem siate’ aw ki daai sak 

hiau mawk ahih manin Pasian in Ama Khaa naupang te tung ah buak in, 

tua tawh nasep kizo ding hi leh bung hi. Jesu in Jerusalem hong naih 

ciangin a lungdam mihonpi in zui uha zawhna-aw tawh awng keek uh 

hi. Nisuh hiangte veii-in David Tapa, ci-a a tangko uh ciangin a hazaa 

Pharisee te in Ama kiang ah, hih mite daai sak in, a cih laitak un Jesu in, 

Hih mite in hilhkholhna a tun’ nading hi a, amaute daai hial mah leh 

zong suangtum te kiko veve lell ding hi, ci kik hi. Jerusalem kongpi a 

lutkhit uh ciangin siampite leh ukpite kihta in mipite daai uh hi. Ahih


hangin Biak innpi panin naupangte in lungdamna aw tawh nisuh hiangte 

veii-in “Hosana, David Tapa tungah Hosana”ci in hong awng keek zuah 

zuah ve ve uh hi. Matt. 21:8-16. Phariseete lungkim loin na sa mah 

mah uh a, “Hihte in bang gen cih na za hiam?” ci uh hi. Jesu in a dawn’ 

kikna ah, “Hi mah in, nau ngek leh nawine laite na ngawn’ kam sung 

panin phatna na kicing sak hi a cihna sim kha ngeilo na hi uh hiam? a ci 

kik hi. Khrist hong pai masak lai in Pasian in naupangte a zat mah 

bangin, A hong pai kik nading tangkona ah zong naupangte zangh ahi 

lel hi. Pasian kammal omsate tung kim ding hi. Honpa hong pai nading 

tangkona pen mi nam kim, pau nam kim, (368) pawl khem peuh, gam 

khempeuh ah ki tangko ding a hi hi. 

America gam sung tengah Jesu hong kum kikna thu tangko dingin 

William Miller leh a pawlte ki sawl hi. Hih gam pen tua tangko nasepna 

phualpi hong suak hi. Hilhkholhna sunga vantungmi khatna tangkona 

a tangtunna ahi hi. Miller leh a pawlte laigelhte gam dangte ah ki puak 

hi. Sangmangte lutna sa gam khempeuh ah Khrist hong pai baih nading 

thu tangkona pen tung kawi kawi hi. A tawntung Lungdamna Thu in a 

nai a gamla mun khempeuh ah, “Pasian kihta un la, avangliatna phat 

un. Bang hang hiam na cih leh a thukhen ding hun a tung zo hi.” ci 

kawikawi hi. 

Hilhkholhna ah 1844 tuuk sungin Khrist hong pai ding banga a 

gen pen in mite lungsim sung ah teci pangin thuk lut mah mah hi. 

Thupuak pen gam khat pan gam khat ah lut in ki zeel kawi kawi hi. 

Mi tampi in tua hilhkholhna hun seh pen maansa uh a, a ki saktheinate 

uh pai khia in lungdam takin thumaan na saang uh hi. Sia tampite in 

pawltuam lungsim aneihte uh ban ah a pawlpi leh a khasumte uh nusia 

in, Jesu hong pai ding tangkona hong pawl uh hi. Tua thu a tangko 

mite lak ah siate pen tawm lai mah mah tham hi. A ki niamkhiat pawlpi 

mi tampitein tangko zaw uh hi cih kimu theih hi. Lokhote in a lote uh 

nusia in, set nasemte in a vante uh nusia uh hi. Sumzuakte in a sumbuk 

uh nusia uh a, nasep neite in a panmunte nusia in tangkona ah ki hel


uh hi. Tua hi napi in nasep ding tam tawh ki tuak dingin nasem mite 

tawm lua lai hi. 

Pasian awlmawh lo in, leitung zuau thu leh gitlohna tawh a dim 

pawlpi dinmun in galvil citakte alung gim sak hi. Tua mite gupkhit zawh 

nadingin gilkial dangtak, gim le tawl, khual nawnlo in mite sam in na 

seem uh hi. Satan’ langdona kawmkaal mah ah nasepna pen mai nawt 

nawt a, mi tul tampi in tua thupuak asaang uh hi. 

Mun ci teng ah teci pan’na kiza hi. Deidan omloin, mawhnei 

leitung mi leh pawlpi mite tungah hong tung ding hehna pan a suahtak 

theih nading un thu kihilh hi. (369) Khrist kamtaai tuiphumpa Johan 

bangin hih thu atangkotein singphung ah a hei nga-in ki sik kikna gah 

hong gah dingin kunh uh hi. Mipi thugenna munte pan-a ki awngkhia 

Nopna leh lungmuan’na om hi, cih pen tawh ki lehbulh lua ahih manin 

amaute tangkona hangin mite kilok mah mah hi. Laisiangtho sunga a ki 

tel mah mah thute a theih ol ding in Kha Siangtho in lak ahih manin, 

mite in sai kaak thei uh a, a nial tatak pen tawmno bek om uh hi. Biakna 

naseemte in amau neihsa thumaan lo pan hong tho khia uh hi. A nungtolh, 

leitung nate bek en-a thu um lo, akisathei, a huai ham mi ahih gige lam 

uh hong ki mu tel ta uh hi. Tua ciangin mi tampi in mai zum in ki sik 

kikna tawh Topa hong zong uh hi. Leitung deihna-a sawt veipi a luai 

ken konna te uh tu in vantung lam hong ngat ta uh hi. Pasian Kha in 

amaute tung ah hong tunga, lungsim nip in hong neem uh hi. “Pasian 

kihta unla, avang liatna phat un. Bang hang hiam na cih leh a thukhen 

hun atung zo hi” cihna aw hong tangko pih uh hi. 

Mawhneitein kapsa in, “Gupna ka ngah nadingin bang ka hih 

ding hiam?” hong ci ta uh hi. A thumaan gamtat lo-a a kiciamtehte 

khawng hong ki puah pha nuam uh hi. Khrist sunga tawldam nopsakna 

a ngah mite peuh mah in midangte zong hawm sawn nuam uh hi. 

Kisaktheihna leh tangtat nopna teng a leeng mang hi. Lungsim tak 

tawh ki pulaakna te bawl uh a, innkuan mimalte in a ki nai pih pente uh


leh a it pente un gupna angah nading a hanciam pih uh hi. Thu ki 

ngetsakna aw te kiza hi. Mun khempeuh ah Pasian zong-a lung gim 

khaa te ki mu hi. Mi tampi in zan khuavak vak in a mawhna te uh a ki 

mai sak takpi nading leh a beh a phungte uh leh a vengte uh adingin thu 

ngen-in Pasian buan uh hi. 

Mi pawl tuam tuam khempeuhte Jesu Lamente’ kikhopna mun 

ah hong ki khawm uh hi. A hau a zawng, asaang a niam, nasep tuam 

tuam seemte, in amau ciat adingin Jesu hong kum kikna ding thu za 

nuam uh hi. Topa in amaute upna a ki pulaak laitak un lang pang khaa 

te let cip sak hi. Khat vei vei naseemte tha neem thei a, ahih hangin 

Pasian Kha Siangntho in thumaan (370) vangliatna guan hi. Vantung 

mite in a ompih lam a ki thei thei uh hi. Ni sial in thu um mi kibehlap hi. 

Khrist hong naina a gen uh ciangin mipi in huu saang lo liang mah-in 

angai uh hi. Van leh lei kimat ding tawh kibang hi. A teek a khang tung 

ah Pasian vangliatna hong tung hi. Mite in Topa phat kawm-in a inn 

lam uh zuan uh a, zan huih vot gam daai lak ah lung damna thu ging ki 

za hi. Tua ki khopna-a va paite peuhmah in bang zah in ki lawp ciat uh 

cih mang ngilh thei nawn lo uh hi. 

Khrist hong pai nading a hun lian hong seh uh ciangin pawl 

tuam tuam panin lang pangte hong ding khia uh hi. Pulpit-a siate pan 

a niam pen vantung awlmawhlote lak dongin a nial mi hong om hi. 

Hilhkholhna kammalte hong tung hi: “A nunung bel nite ciangin a 

kosia thei mite in amaute’ deihgawhna bang gamta-in Topa hong paikik 

ding cih thuciamna in koi-ah a om hiam? I pute ipate a si khin zo uh 

hi; a hi zongin na khempeuh a pian’sak cil-a kipan apian’ ngei bangin 

a om lai hi,” ci uh hi. 2 Peter 3:3, 4. Honpa it-a ki gen mi tampite in 

nihvei paina pen nial loin a hun lian sehna bek a nial in a ki pulak uh 

hangin, na khempeuh a mu Pasian in a lungsim sung uh mu-a, Khrist 

hong pai in thumaan tawh leitung te thukhen ding hi cih thu zaknop a 

sa lo uh a hi zaw hi. Amaute in thumaan lohna nei uh a, lungsim 

tawng dong zong khia-a a mu Pasian mai ah a gamtatna te uh ki dawk


sak ngam ngaap loin Topa muh ding a lau a hi zaw uh hi. Topa hong 

pai masak lai-a Jewstein Jesu dawn dingin a na ki gin loh mah uh a 

bang a hi zaw hi. Amau in Laisiangtho thumaan kigente ngai nuam lo 

bek tham loin, Topa a lam en mite nuihsan uh hi. Satan leh a vantung 

mite in Khrist leh a vantung mite maitang ah a lu uh puuk suk in kisial 

uh a, Ama mi a kici te in Ama hong kilat ding a deih het kei ve vua 

leh! Amah a itna uh neu pha ngel sam a hi ve maw! ci uh hi. 

“Kua mah in a ni leh a nai thei lo hi” cih pen tua thu nialna pi pen 

hi den hi. Laisiangtho in, “Tua ni leh tua nai-hun kua mah in thei lo hi. 

Vantung mite in thei lo uh hi. Pa khat bek in a thei hi,” Matt. 

24:36,3,33,43-51, ci mah hi. Topa lamente in a (371) Laisiangtho mun 

tel khehnate uh ki tuak takin a lah uh hangin a nialte in bel tua mun 

khial hi uh teh ci in lak uh hi. Khrist Biak innpi nusia a pai khiat khit 

Olive mual tunga A nung zuite tawh a kihona uh a a genthu a hi hi. 

Nungzuitein na dong uh a, “Nong pai ding leh leitung bei ding bang lim 

in hong thei sak ding hiam?” na ci uh hi. Jesu in lim piang dingte gen 

suk suk a, “tua limte na muh uh ciangin Mihing tapa in kong biang 

dongin hong nai ta hi ci in na thei ta un” ci hi. Honpa thu gente khat leh 

khat a ki lumlet ding ahi kei hi. A ni leh a nai kua mah in a theih loh uh 

hangin hong nai ta ahihna bel tel taka theih nadingin na hilh hi. Tham 

loin tua banga a hilh sim thu awlmawh lo-a Ama hong pai ding naina a 

thu donlo te pen Noah khang tuiciin tun’ ding a awlmawh lote mah 

bang ding hi ci hi. Tua mun mah-a thu gentehna sungah “Ka Topa hong 

pai hak ding hi” a ci mite thuak ding thu agen na ah, vil-a ngak-a a na 

om te piak ding letsong thu zong a gen hi. “A Topa hong ciah cianga 

tua banga a om amuh naseempa in thupha a ngah ding hi” ci hi. Matt. 

24:36, 3, 33, 42-51. “Tua ahih ciangin ngak in na om kei leh, guta 

bangin ka hong pai ding hi,” ci lai hi. Mang. 3:3. 

Paul in Topa hong pai ding a kiging lo mi pawl khat te thu a gen 

hi. “Zana guta te hong pai mah bang in Topa’ Ni in hong tung ding hi 

ci-in note mah in a tel takin na thei uh hi. Amaute in, ‘Nopsakna a om


hi, launa omlo hi,’ ci-in agen laitak un, tagai numei tungah ta suah hun 

gimna a tun’ bangin amaute tungah kisiatna gal in thakhatin tung ding 

a, suahtakna neu kha beek a ngah kei ding uh hi” ci hi. Ahih hangin 

Topa hong pai ding a na lawp mite ahih leh, “Ahangin, tua Ni in guta mi 

bangin note tungah a hong tun’ nading in ah note in khuamial lakah a 

om na hi kei uh hi. Bang hang hiam na cih uh leh, note khempeuh in 

khuavak’ tate, sun lai’ tate na hi uh hi” na ci hi. 1Thess. 5:2-5. 

Laisiangtho in ahih leh Khrist hong pai nading vai ah kiging loa 

om mawk nading thu pia ngei peuh mah lo hi. Ahih hangin thumaan 

a nial nuam mite in a bil uh hum- (372) in, “A ni leh a nai kua mah in 

theilo hi” cih pen a let sanpi uh ahi hi. Khrist nasem sia khat ka hi a ci 

pipite leh mi zahko theite in tua thu mah ging sak den ding uh hi. Mite 

khanglo in hotna lampi zong dingin hong patauh uh ciangin a khiimdaai 

dingin mite leh thumaan kikal ah biakna siate hong ki golh-in Pasian 

kammal a maan lopi pi-in a khiatna hong bawl uh hi. Mi muanhuailohonte 

in mi kheem mangpa tawh kopin, Pasian’ cih lohpiin, 

lungmuan’na, nopsakna om hi ci mik mek ding uh hi. Khrist hun a 

Phariseete mah bangin mi tampi in amau mah mah-in vantung gam sunga 

lut nuam lo uh a, a lut nuamte zong dal uh hi. Mite’ sisan amau tungah 

ki phul kik ding hi. 

Pawlpi sung ah a ki niamkhiat pente leh a ki pia zo pen te in 

thupuak saang masa pen pah pah zel uh hi. Amau mah in hilhkholhna 

thu a suut uh ciangin Laisiangtho tawh kilehbulh-a mite’ gamtatna te, 

hilhkholhna laak dan te ong mu khia uh hi. Pawlpi in a uk cip lohna 

mun peuh-peuhah amau adinga Pasian thu a sin tatak mite in Laisiangtho 

kammal leh Jesu hong pai baih ding cih upna sittel in, thuman ahih lam 

mu khia in a zui uh hi. 

Mi tampi in thu um lo a sang gamte’ bawlsiatna a thuak uh hi. 

Pawlpi sunga amau din’ mun a let kip lai theih nadingun a lam etna uh 

gen khia ngam loin a daai cip pawl zong a om hi. Ahih hangin Pasianthu


om bang zuih nading thumaan sel cipna pen Pasian in phal lo dinga, 

amau tunga ki pia thumaan sel cip ding hi lo hi a ci pawl zong om hi. 

Khrist hong pai ding um uh ahih man bek-a pawlpi pana ki paai khia mi 

tampi a om hi. Hih sittelna thuak mite adingin kamsangpa genkholhna 

thu manpha khat: “Kei tung ah note nong cihtakna hangun na mipihte 

pawl khat un note hong mudah in hong hawlkhia ding uh a, zahpihna 

tawh note hong hopihin…Topa in ama liatna hong lak hen la, note hong 

honkhia ta hen hong ci vial ding uh hi. Hih banga hong paute pen 

mindaina a thuak ding mite ahi uh hi”. Isa. 66:5. 

Tangkona in bang ciang lawh cih Pasian vantungmite in lawp 

takin en uh hi. Pawlpi a tam zaw in thupuak a nial lam pang ngen in gen 

zaw mawk uh cih a muh uh ciangin (373) vantung mite dah in ki hei kik 

uh hi. Ahih hangin mi tampi mah tua thupuak ah a ki sittel nailo om lai 

hi. A zi, a pasal, a nu a pate, leh a tatein athuzawh mitampi omlai hi. 

Tua bang mite vantung mitein hoih takin vil uh a, Pasian tokhom panin 

khuavak thak taan’ beh sak lai dingin koih uh hi. 

Tua thupuak a ngah kha phot te in Honpa hong pai ding pen gen 

zawh loh zah-in lawp uh hi. Ama hong kilat ding a lam etna hun uh 

hong nai ta hi. A nai hong cing ta hi. Multho in, ciliap in daai khip 

khep uh hi. Tua hun ciang a nop sak nading uh ngaihsun in Pasian 

sungah a ki tawldam sak uh hi. Tua a ngak laitak un a ki hel kha te in 

tua lam etna nuam mangngilh thei lo uh hi. Nipikal tam sim bang in a 

sap laitakin leitung nate khempeuh paai khia uh hi. Thu um taktakte in 

nai tawm kha khit ciangin a si ta ding mah bangin a lungsimte uh sit pha 

pha in leitung nusia ta ding cih ngaihsun uh hi. “Van kah nading 

puantual” bel bawl lo uh hi. Topa dawn dinga lungsim ki gin’na pen 

khaa-ii sianthona ahi hi. Gamtat siangtho in, Khrist sisan tawh kisawp 

siangna pen hi a ci uh hi. Pasian mi ka hi a kici khem peuh in tua bang 

lungsim a nei ciat uh hih ding a deih huai hi. Tua bangin khentatna leh 

tha nopna nei tek uh hen. Ki niamkhiat takin Topa mai ah ngen le uh 

tu-a a neih uh hauhna sangin muhna theihna lianzaw nei ding uh hi. Tua


banga thu ngen mi tawm lua hi. Mawhna nusia tatak mi tawm lua hi. 

Honpa in thupha tampi hong piakna ngah dingin upna nungta neihna te 

nusia mawk uh hi. 

Pasian in A mite sit tel ding sawm hi. Ama khut in hilhkholhna 

hun seh khialhna a hum hi. Jesu alam-ente in a khialhna uh mu lo uh hi. 

A langdo pil pen pen te in zong muh sak tuan sam lo uh hi. A nialte in: 

“Na hun sehna uh bel maan hi. Na lianpi khat 374) bel piang mah ding 

hi. Ahih hangin Miller seh kholhna pen hi loin leitung ki lumletna ding 

hi zaw a, Khrist nih veina hong paina hi lo hi” cih sak uh hi. 

A lam etna hun uh tung khin ta a, Khrist lah a mite la dingin 

hong pai lo mawk hi. A Topa uh hong pai takpi ding hi ci-a a umte 

nakpi in ci mawh in dongtuak uh hi. Ahih hangin Pasian sehna bangin 

bel a tung hi zaw hi. Ama kilat lamen-a ki nei amite a sit tel ahi hi. 

Amaute lak ah vai dang ngaihsun nawn lo-a a lau lel pawl zong om hi. 

Thu um hi’ing a kicih na uh in a lungsim uh leh a gamtat uh a lawh zo lo 

na hi mawk hi. Amau lam et banga thute a pian’ loh ciangin tua bang 

mite in kote ka ci mawh keei uh hi ci uh hi. Khrist hong pai takpi dingin 

um ngei zen zen lo uh hi. Tua bang mite pen thu um taktak mite adingin 

a dah huai, a lawmte a nuih san masa pen te a suak uh hi. 

Ahih hangin Jesu leh vantung mi khempeuhte in a um takpi a 

cimawh takpite itna leh hehpihna tawh en gige uh hi. Muhtheih leh 

muhmawh kikal kideina daal ki hawk khia hi leh, vantung mite in amau 

hum in Satan thal tang pan dal hi cih akip tentante in mu ding uh hi.

21 

Patau Kona Kinolh 

(375) 

JESU ong kumkik baih nading tangkona ah William Miller leh a pawlte 

in ngimna khat bek nei in thuhilh uh hi. Tua in thukhenna hun ading 

kiginkholh ding bek bulphuh uh a hi hi. Biakna nei ka hi a ci mite in lam 

etna maan ah a khanlawh nading uh, gamtat hoih zaw a neih nading uh, 

Pasian kianga ki heei a a ki sik kik nading uh thu gen a hi bek uh hi. 

“Amau in pawl tuam khat peuh phuan a biakna phel khap ding ngimna 

nei lo uh hi. Pawl tuam tampite lak ah na asep uh hangin amaute pawlpi 

ki ukna leh ki lom-na te uh sukhak sak nuam lo uh hi”. 

Miller genna ah, “Ka nasepna khempeuh ah a omsa pawlpi khat 

peuhte kiang panin pawl kai khia in pawl tuam phuh ka sawm ngei kei 

hi. Khat pen eu khia-in khat meet nading bawl ka sawm ngei kei hi. 

Vekpi-a phat tuam nading ngaihsun in ka sem hi. Khrist hong pai nading 

thu pen mi khempeuh in a lawp tek dingin ka seh lel hi. Tua thu kei tel 

zah-a a tel lo mi, a lawpna neu zaw deuh lel ding hi-in ka ngaih sun a, a 

tuam-a ki khopna zong a kul lo ding in ka seh zawk a hi hi. Ka ngimna 

pi pen in mite Pasian kiang ah hei zo in leitung in hong tung ding


thukhenna phawk le uh a, ka mihingpih te in lungsim ki ging khol in 

lung muang takin Pasian muthei dawnthei le uh ka deihna bek a hi hi. 

Ka thu gen a um mite a tam pen in pawlpi tuam tuam pana hong paite 

ngen a hi uh hi,” ci hi. –Bliss, “Memoirs of Wm. Miller,” p. 328. 

Pawlpi khempeuh puah kim ciat sawm ahih mah bangin tawl 

khat sung ama nasep ki paakta mah mah hi. Ahih hangin biakna makai 

siate in Jesu Lam-etna upna pen nial uh ahih (376) manin tua thu-a 

buaina a beisak nuam uh hi. Pulpit pana a lang pan’ bek uh zong hi loin 

nihveina hong pai ding a ki hilhna peuh mah ah a va ki khawm lo dingin 

a pawlpi mite uh dal uh a, pawl sung ki khop khawm ding lawpna na 

ngawn a gen ding uh a khaam uh hi. Thu um mite in amaute ki bawlsia 

in ki buai sak hi cih a mu uh hi. Amau pawl ciat it uh a, tua pawlpi tawh 

kikhen khiat ding ut lo uh hi. Ahih hangin Pasian Teci pan’na ki nial a, 

hilhkholhna va dawp tel ding lah ki phal lo zel ahih manin, Pasian tunga 

thumaan ding thupi zaw ci-in hong ki map bawl zel uh hi. Pasian thumaan 

teci pan’na a khak tan nuam te pen Khrist’ pawlpi’ aphut, “thumaan 

khuampi” bangin sang zo nawn lo uh hi. Tua ahih manin amaute in 

apawlpi lui uh panin ki khen khiat ding hoih zaw hong sa ta mai uh hi. 

1844 khuakhal hun ciangin mihing 59,000 bang a pawlpite ciat panun 

hong leeng khia ta mawk uh hi. 

Tua a ki pan in U.S.A. bup pawlpi omte in a et dan uh hong tuam 

pian hi. Kum tampi sung leitungte omzia, ngeinate zuih pihna a khang 

khang den hi a, leitung vai a khan’ zah mah zui in khaa lam vai pen a niam 

suk suk na hi pah leu leu hi. Ahih hangin tua kum ngawngaw ciangin 

pawlpi khempeuh niamkiat suk lua uh ahihna hong ki langkhia vat hi. 

Bang lawh ding cih thei loin aki om bibiai laitakin bang hangin tua ci 

hiam cih pen pulpit pan leh laikhetna te panin hong ki theh khia hi. 

Philadelphia a siakhawk kikhopna khat ah akitaangzat 

Laisiangtho khiatna bu bawlpa leh tua khua-a Pastor dawk mah mah 

khat ahi Mr. Barnes genna khat ah, “kum 20 sung sia sem ta inga, a

PATAU KONA KINOLH 375 

neek khawm bawlpihna a nunung pen dongin pawlpi sung ah, lah ki 

kiam lo, lah ki khang lo hi. Tu in zong khanlawh na lah om lo, ki 

khelna lah om lo, na sem siapi te lah thupha ah khan’ na nei lo, khaa 

gupna ngah nadingin thu a dawp lah om lo hi. Nasep tam a sum 

bawlna leh van laakna leitung lam nasepna lungsim hong khang hi. 

Tua pen pawlpi khempeuhte om zia a hi hi” ci hi. – Congregational 

Journal, May 23, 1844. 

(377) Tua kum February kha in Oberlin College-a Professor 

Finney in zong: “I gam-a Protestant te lak ah taang pi omzia pen ki 

puahna lam tawh kisai in, lah lawp lo, lah sia lo, ki om di de lel hi. Ki 

awng-hon’na pawl khat a om hangin a taangpi muhin ki lang khia tham 

lo hi. Pawlpi khempueh ah ki puahphatna omlo hi. Khaa lam thu ah 

lawpna pen bei khia khin phiala, a lauhuai mah mah ciang kitung suk 

hi…. Pawlpi mite ki zepna khang mah mah a, Pasian um lo mite tawh 

gual nopna, laam na, pawi bawl khawmna te ah I ki zom pha mah mah 

hi. Tua bek mah ih khantoh na ahi ding hi. Hih a huai sia thu gen gen 

nawn dah ni. Pawlpi omzia taangpi dah huai in niam kiat mah mah cih 

teci tampii hong lahte kicing lua hi. Pasian kiang pan gamla pial khia 

khin lua uh ahih ciangin amaute kiang panin Topa ki heemkhia khin ta 

hi” ci hi. 

Religious Telescope lai a gelhpa khat teci pan’na ah: “Tu laitaka 

biakna lam kiamsuk zia pen ni dangin ki mu ngei nai lo hi. Pawlpi in 

mantakin a khanlawh ding kisam hi. Zion a it pepeuh in hih zaha kiamna 

a piang sak thu pen muh khiat mateng zonkhiat ding kisam hi. Mite 

lungsim omzia ih et ciangin kikheelna man ‘a tawm lua leh ki haal lua 

cih ih mu hi. Tua hang in mawh bawlte tha hat uha, mot tatna uang lua 

ahih manin, ‘Pasian in a thupha piak ding mangngilh ta hiam? ahih kei 

leh, hehpihna kong hoh ki khak ta hiam?’ i ci kha phial mai ta hi.” 

A hang omlo in tua bang omzia pen pawlpi sung ah mawk pian’ 

ngei lo hi. Ih mi nam, pawlpi, leh mimal in khaa lam khuamialna hi zaha


ih thuak pen Pasian in a siangtho hong hehpihna tawh a huh nop nawn 

loh man hi lo hi. Mite tung a hong piak A khuavak pen awl mawh lohin 

aki nialmanin tua bang hong tung a hi hi. Khrist hun-a Jew te tangthu 

ah zong hih thumaan nasepna ki lak tel hi. Amaute leitung vai-a a na ki 

piak luatna uh tawh (378) Pasian leh a thu na mang ngilh uh hi. Tua 

manin a lungsim uh mang in, leitung lam bek na ngaihsun uh hi. Messiah 

hong pai masakna pen na thei khial uh a, amau ki saktheihna leh 

uplohna hang un Honpa na nial kha uh hi. Tua bang hi napi un hotna 

thupha a theih theih nading uh leh hotna a ngah ve ve theih nading uh 

Pasian in dal tan sak tuan sam lo lai lai hi. Thumaan nial mite in bel 

vantung’ letson deihna nei lo uh hi. Amaute in “khuavak mun ah 

khuamial koih uh a, khua mial mun ah khuavak koih” leh bung uh hi. 

Amau sung ah mialcipna tun’ dingin khuavak nial uh hi. Bang zah in 

khuamial lian ta thong hiam! 

Pasian bia lim mah pua napi Kha Siangtho in akop pih loh cianga 

om lel se pen Satan ngeina tawh ki lem mah mah hi. Lungdamnathu 

anial khit uh teh Jewste in a tanglai ngeina te uh hanciam pha kaan a 

teeltuam hihna zong a neih lai nop uh hangin Pasian ompihna ki lang 

nawn lo ahih lam nial thei lo uh hi. Daniel hilhkholhna ah Messiah hong 

pai ding hun leh a sih nading hunte theih khialh loh nadingin gen sit-set 

napi, Rabbi te in hilhkholhna a hun seh pian khat om leh taai in samsia 

mawk in, hilhkholhna kan hetlo uh hi. Israelte mittaw sa leh ki sik kikna 

om het lo sa in kum 1800 sung bang om khin uh hi. Hotkhiatna pia 

thupha zong tuan loin Lungdamna thupha peuh mah phawk-in zong nei 

lo uh hi. Vantung pana kipia khuavak a nolhte adinga lau huaina leh 

kihtaak huai ki hilhte zong thu don tuan peuh mah lo uh hi. 

Na khem peuh pen a haang a om man-a piang khia hi ham tang 

hi. Ngaihsun sun-a maan a sak, sep ding hi ci-a a ngaihsun te ama deih 

dan a hih loh man-a a thu neu seh manun a tawpna ah thumaan leh 

thukhial khentel thei nawn loin hu-sam zel uh hi. Theih theihna te mial 

a, sunglam upna te hik cip in, lungtangte khauh a, khaa te in Pasian


kiang pan pai khia uh hi. Pasian thumaan a na ki nuihsatna mun peuh 

peuh ah pawlpi pen khuamial in tuam dinga, upna leh itna dai-in ki meel 

maakna leh ki thutuah lohna a hong lut ding hi. Pawlpi mite in leitung 

vai bek lawp-in a tha neih teng uh tua lam ah zangh ding uh a, mawhnei 

te ki (379) sik kik nuam loin ngawngkhauh ding uh hi. 

Vantung mi khatna tangko Mangmuhna 14 sung thu in Pasian 

thukhenna hun pukaak a, mite in Amah kihta in a biak nadingun a sawl 

hi. Tua pen Pasian mi a kicite in leitung a thaang huaite lak pan ki khen 

khia in leitung kih huai zia leh nung tolh zia te tel muh dingin sap khiatna 

a hi hi. Pasian in pawlpite tunga hih thu puak zangin patau a na ko a hi 

hi. Tua thu a na saan’ uh leh, Amah tawh a ki gamla sak siatna teng nil 

khia ding uh ahi hi. Topa maii ah ki niam khiat na tawh Vantung thupuak 

na saang in, Topa’ mai a dingg thei dingin na ki ging uh hi leh, Kha 

Siangtho leh Pasian vangliatna amaute lak ah hong ki lang ding hi. 

Pawlpi in ki pum khatna ban ah upna, leh itna thupha mun tung kik ding 

uh hi. Sawltakte hun lai bang in thu um mite “lungsim leh ngaihsutna ki 

khat in” luang khawm ding uh a, “Pasian thu hang tak in a gen” thei 

ding uh hi. Tua hi leh “Gupna a ngah ding mite zong ni simin Pasian in 

akibeh lapsak” ding hi. Sawltak 4:32,31: 2:47. 

Pasian mi a kicite in Ama thubu pana Laisiangtho khuavaak 

hongtaang a om bangbang na saang le uh pum khat suah nadinga Khrist 

thu ngetna ngah ding uh a, sawltakpa gen “Kha Siangtho pumkhatna, 

lungmuan’na sunga lom khatna,’ ngah thei ding uh hi. Ama genna ah, 

“Pumpi khat, Kha Siangtho khat, lungsim-khaa khat, lam etna khat, 

Topa khat, upna khat, tuiphumna khat hi dingin hong sam hi” ci hi. 

Efesa 4:3-5. 

Jesu ong pai baih ding thu a saang te in tua thupha te ngah takpi 

uh hi. Amaute in pawlpi tuam tuam pan-a hong ki kaikhawmte hi napi 

uh in, amau pawlpi van gikte lei ah paai uh hi. Pawlpi thukhamte balzaanin 

kum tulkhat maan’ nading vai Laisiangtho hilhna tawh kituaklo upnate


nu sia uh hi. Nih vei pai nading lam etna maan lo te maan sak in, 

kiphatsakna leh leitung vaite phiat siang uh hi. A khial te a maan in 

bawl uh a, lungdam tak leh lungsim kituak in om uh ahih manin, 

lungdamna leh ki itna in ki ukna pang pi a suak hi. Hih upna in tua thu 

a saang mi tawmno te uk (380) ahih leh, mi khempeuh in na saang ciat 

uh hi leh mi khempeuh tung ah tua bangin a tung pah ding a hi hi. 

Ahih hangin pawlpi a tam pen in tua patau kona na saang lo uh 

hi. “Israelte galvilpa” bang a hi ding sia semte in Jesu hong pai nading 

thumaan phawkna (token) a nei kin ken ding uh hi napi, thumaan lah 

thei lo, kamsangte genkholhna lah thei lo, hun ciamtehnate lah thei lo 

mawk uh hi. Leitung lam etnate khang a, ngim na lianpi pi tawh lungsim 

buai zaw uh ahih manin Pasian itna leh muanna banah thumaan 

lunggulhnate daai hiau hi. Tua lak ah hih tangkona a ki piak ciangin ma 

nial nopna leh uplahna bek hong tho khia ta mai hi. A thu in zapi zeel 

la, pawlpi mi nautang te in hilh uh hi.Langdo na bek tawh na ki nial ta 

mai hi. Taang lai-ate mah bangin Pasian thu teci pan’na ah, “Kumpi te 

leh Pharisee te in a um uh hiam?” cih dotna te mah hong pai kik lel zel 

hi. Hilhkholhna hun sehna te a nial nop uh hangin ki nial thei lo ahih 

manin mite in tua hilhkholhna pen sin beh nuam nawn vetlo zaw uh hi. 

Hih hilhkholhna bute ki seel cip phot hi. Eite theih zawh ding hi lo hi ci 

uh hi. Mihonpite in a Pastor te uh pum muan’ uh a, tua patau kona pen 

ngai nuam lo uh hi. Dawk sak leu uh “pawlpi panin ki nawh khia ding ” 

ahih manin, pawl khat te in maan sa na pi ki dawk sak ngam lo uh hi. 

Pasian in pawlpi sit tel a a puah siang nadingin a thupuak pen leitung 

deihna lel tawh om te bang zah-in tam zaw a, cih thu leh Khrist a ngai 

tak tak te tawh a ki lamdan’na kilang sak a hi hi. Vantung lam a lawpna 

uh sangin leitung tawh a kizopna uh khauh zaw hi. Amaute in, lungsim 

teng a zong khia thumaan pen nusia in leitung pilna lam thu ngai dingin 

a ki hei khiat san ta thong uh hi. 

Vantung mi khatna tangko a nial uh ciangin amaute ki puah phat 

nading vantung thupuak a nial uh suak uh hi. Pasian kiang pana thupha


pen nuihsan in sim mawh uh hi. Pasian kiang pan amaute akhen khia 

gitlohna pen a nial sang sik un leitung tawh kilem nading a zong zaw ta 

uh hi. Tua manin pawlpite sunga lauhuai khaa lam sihna, nungtolhna 

leh leitungte tawh ki batnate 1844 kum in hong piang hi. 

Mangmuhna 14 sungah vangtung mi masa pen vantung mi nihna 

in zui in tangko leu leu hi. “Nu leh pa’ khialna tawh kipawl ama hehna 

leenggahzu mi pawl khem peuh a dawnsak khuapi lian Babylon a cim 

zo hi! a cim zo hi ” (Mang. 14:8) ci hi. (381) “Babylon” cih pen “Babel” 

kammal pana hong pai hi a, Buaigawp, cih na ahi hi. Laisiangtho 

sung ah tua min pen biakna lam pialna, khialhna a tuam tuam lahna-in 

ki zangh hi. Mangmuhna 17 sung ah Babylon a cih pen numei paktat 

tawh lak in, pawlpi a gennopna lim ahi hi. A siangtho numei a cih ciangin 

pawlpi siangtho genna ahih mah bangin numei paktat ginalo a cih ciangin 

a lampial pawlpi a cihna a hi hi. 

Laisiangtho sung ah Khirst leh Ama pawlpi kinaina zia a gen 

ciangin nupa omkhopna tawh genteh zel hi. Topa in ki teen’na siangtho 

tawh a mite hong pawl a, Amah pen A mite Pasian hi ding a, amaute 

zong Ama aa bek hi ding in a deih hi. Ama genna ah, “A tawntunga ka 

zi dingin nang ong kiciam pih in, thumaanna tawh nang kong kiciampih 

dinga, thukhenna maan leh itna thuneem tawh migitna lak-in kong teen’ 

pih ding hi” ci hi. Hosea 2:19. Khatvei leu leu, “Nang tawh ka ki teeng 

zo hi” Jer. 3:14 ci lai hi. Paul in Laisiangtho Thak sung ah, “Nungak 

siangtho bangin Khris kiangah kong piak nadingin pasal khat tawh ka 

hong kiteng sak zo,” (2 Kor. 11:2) ci hi. 

Pawlpi in Khrist tungacitakloin, amuan huaina teng leh a ngaih 

baanna teng Ama kiang pan la khia in leitung lam ah ki hei hi. Leitung 

nate lunggulhnain lungsim a uk ciangin nupa ki teen’na kamciam a palsat 

bang a hi hi. Isreal te in Topa kiang pan tai khia a a mawh uh ciangin 

alamdang mah mah Pasian itna sim-mawh in nusia uh hi. Tua thu Topa 

Pasian in a genna ah, “tenpih dingin kong kamciam hi.” “Nangmah na


meel hoih lua a, kumpigam sung ah na hampha hi. Na meel hoihna 

tawh lawkite lak pan na ki lang khia a, Keima thuneem-na hangin na 

kicingtaak a, na tung ah tua kicin’na leh na ki dawkna hangin aang zuak 

na suak hi.” “A zulhtat zi in a pasal kiang (382) pan ki khen khia 

bangin nangmah in Kei tung ah zehphii nuam lungtang na nei hi Isreal 

innkuan aw, Topa in ci hi,” “thuman lo zi in a pasal anusiat bangin…kei 

tung ah nong thu man kei uh hi.” ci hi. Ezek. 16:8; 13-15, 32; Jer. 3:20. 

Laisiangtho Thak ah Khristiante in Pasian sangin leitung a deih 

zawkna uh a genna ah tua bang pian khat mah agenna om hi. Sawltak 

James in, “No numei leh pasal mawhna bawlte aw, leitung tawh kipawlna 

in Pasian gal a hi theilo na hi uh hiam? Tua ahih ciangin leitung tawh 

kipawl mi peuh mah in Pasian gaal ahi hi.” 

Mangmuhna 17 sunga numei (Babylon) pen, “Tua numei in asan 

a eng puante silhin, kham tawh, suang manpha tawh , pala tawh kizeemin, 

a khutah ama gitloh gamtat khihuaina a hi muhdahhuainte tawh adim 

kham tawh adim kham hai atawi hi. A taltang tungah, thu thukpi, 

‘Leitungah a om Numei Gilote leh leitung kihhuaiinate Nu Babylon 

Khuapi’, ci-in a min kigelh hi.” Kamsangpa genna ah, “Tua numei in 

zong misiangthote’ si ahi zongin, Jesu’ teci pangte’ si ahi zongin kham 

in a om kamu hi” zong ci hi. Mang. 17:4-6, 18. Tua vangliatna pen 

kum za tampi sung gilo taka Khristian gam a uk cip Rome a hi hi. A 

sanciip leh ausan meelte, kham leh suangmanphate, kepte pen kumpite 

nangawn tunga uk zawkna anei, a ki-pha-sak Rome thuneihna a kawkna 

ahi hi. Tua sim loh “Misiangthote’ sisan akham” leh Khrist nungzuite 

gilo taka abawlsia vangliatna dang omlo hi. Babylon a mawhsakna 

dang khat zong, maan lo taka “leitung kumpite” tawh a ki zopna tawh 

a mawhna ahi hi. Tua pen Topa kiang pan ki khen khia a lawki te tawh 

a ki zopna pen Jew te banga aang zuak a suahna a hi hi. Tua lim mah zui 

leu leu in Rome te in zong leitung thuneihna tawh na ki nin sak in 

mawhsakna a thuak hi.


Babylon pen “paktat nu” na kici hi. Ama tanute zong pawlpi 

mah hi ve ve uh a, ama upna tawh a kizom, thuciin lel khawng a zui, 

ama nung a zui, thumaan paai khia-a leitung tawh a kizom Pasian 

mawhsak ahi uh hi. Mangmuhna 14 in Babylon (383) cipna pulaak 

hi. Tua pen khat vei lai-a a siangtho-a ki saang biakna pen tu-in a nin 

hong suak cihna a hi hi. Hih tangkona in thukhenna hun a gen khit-a ki 

gen ahih mah bangin ni nu nung hun-a ki tangko ding a hi hi. Rome bek 

ki ngawh thei nawn lo hi. Bang hang hiam cih leh, amah pen a puukna 

kum za tampi sung hi khin zo hi. Tham loin Mangmuhna 18 sung ah 

Pasian mite Babylonte lak pan hong pai khia ding in ki sam khia hi. Hih 

Laisiangtho genna en leng, Babylonte lak ah Pasian mi tampi om lai 

ahihna ki mu hi. Tua ahih leh, tu hun in bang cii pawlpite lak ah Khrist 

nungzuite a tam pen om uh hiam? Hih pen uplah ding zong hi lo hi. 

Upna ka nei hi a ci Protestant pawlpite lahna ahi hi. Amau te hong 

thawh khiat tuung lai un Pasian saan’ theih hoihna nei, thumaan deih-a 

Ama thupha ngahte a hi uh hi. Thu um lo leitungte nangawn Lungdamna 

thupha saan’na hangin mai nawtna nei uh hi cih a mu tek uh ahi hi. 

Kamsangpa in Israelte kianga a gen in ah, “A pau bang het lo dingin 

nang hong bawl ka hih manin na meel hoihna gam khem peuh ah kithang 

kawi kawi hi.” Ezek. 16:14,15. Ahih hangin amaute zong Israelte 

puukna mah ah puuk leu leu uh a samsiat-in a om uh hi. Amaute in 

Pasian um lote tawh ki pawl theih nading bek deih leh sep bel in nei 

zaw ta uh hi. “Ahi zongin na tuah peuhpeuh luppih ding zolna-in na 

meel hoihna leh na minthan’na a sia lamin na zang hi.” Ezek. 16:14,15. 

“Leitung kumpite” tawh kipawl in kih huaina khaap mah azui 

Protestant tampi takte cihna ahi hi. Gamuk Pawlpi leh leitung kumpi 

hihna tawh kip a sawm, leh leitung deihsakna a zongpawlpi dangte 

agenna zong ahi hi. “Babylon” cih ciangin a buai huai pawlpi om zia 

zua te cihna hi a, Laisiangtho sung upna te phiat khia in sim zawh loha 

tam pawl tuam tuam a phuan phuan te, upna phuaktawm a ki tukalh 

zia zuate a genna ahi hi.


Rome pana hong leeng khia pawlpite leitung tawh mawh in 

akipawlna baan ah mi dangte tung ah a lah khiat gamtat dang dang nei 

lai uh hi. 

Roman Katolik te laigelhna khat ah, “Rome Pawlpi in 

misiangthote a zahtakna hangin milim biakna ah mawh baang ahih leh, 

Khrist ading biak inn khat a neih sial in Mary ading sawm a nei, Romete’ 

tanu ahi Church of England zong (384) tua mawhna pan peng thei lo 

ding hi,” ci hi. – Dr. Challoner, “The Catholic Christian Instructed,” 

Preface, pp. 21,22 (ed. 1897). 

“Tulaitak a Rome pawlpi ih cih pen antichrist lung sim pua a 

gam tang hi cih pen uplah na ding thu khat bek omlo hi. Protestant 

pawlpi te-in zong siatna leh gitlohna pan kipuahpha nawn lo uh ahih 

man in antichrist lungsim mah a vom suak uh hi” ci in Dr. Hopkins in A 

Treatise on the Millennium cih a lai bu sung ah pulaak hi. Samuel 

Hopkins, Works, vol.2, p.328. 

Dr. Guthrie in Rome pana Presbyterian pawlpi a ki khenkhiatna 

thu a gelhna ah: “Ih pawlpi in a Laan tung ah Laisiangtho ki leemsa, leh 

a lai zial tung ah ‘Laisiagntho pan zong khia un’ cih kammal bulphuh 

tawi kawm-in Rome kong vang pan I pusuah mah bangin, tua Babylon 

panin gen banglo in ih siangthotakpi mah hiam?” ci in dotna khat a koih 

hi.-Guthrie, John, “The Gospel in Ezekiel,” p. 237 (Edinburgh ed. 1857). 

Spurgeon genna ah, “Church of Englandte in biakna zehte a thupi 

bawl ciangin a a siantho-na uh baanbaan in bei bei a, Pasian um lote 

thukhun sung ah a lut lut tawh kibang hi. Hoih dinga I up mite nangawn 

thu upna bulpi panin ki hei khia khia mawk hi. Cial khat khit cial khat, 

Englandte in a mawh siat huai Pasian uplohnate khuaibaal bangin limsa 

in zui zui uh hi. A tawpna ah haang san takin pulpit dong nangawn ah 

lut pih uh hi. A min-in Khristian mah lah a kicih ve ve ding hun a hong 

tung hi ci in ka um hi,” ci hi.


Lampial kipatcilna bang hiam? Bang ci bangin pawlpi in a gen 

nop mah mah Lungdamna Thu panin pial khia masa phot kha uh hiam? 

Lawki thu pomin a gamtat bang a zuih uh man-in, Khristian mah kici 

napi lawki thu na saang uh hi. Paul in ama hun lai phet in, “a ki seel 

gitlohna in tu nangawn in na asem lai tak hi” na ci hi. 2 Thess. 2:7. 

Sawltakte hin’ lai teng pawlpi in siangtho takin kip lai hi. Ahih hangin 

kum zakhawk nihna bei kuan ciangin pawlpi a tam pen te in biakna zia 

thak khat hong nei uh a, a maan-a a gen nopna a hoihna teng dawk 

nawn loin, nungzuipi teng lah han sung tung khin uh a, a tate uh leh mi 

thak ki ngah beh te in,…nasep dan hong khel uh hi.”-Robinson, Robert, 

“Ecclesiastical Researches,” ch. 6, par. 17. (385) Mi thak angah 

nop man un Khristian upna din mun niam khiat uh a, “lawki tuileet pen 

pawlpi sung ah hong luang in, a lawki ngeinate, agamtat te uh leh a 

milimte uh zong hong lut pih uh hi.” – Gavazzi’s Lectures, p. 278 (ed. 

1854). Khristian pawlpi in leitung a uk kumpi te maipha leh huhna a 

saan’ uh ciangin mipi in zong zuih kul pah a, Khristiante hi sam napi in 

a tatak in “lawki” lungsim anei mitampi pawl sung ah ong om hi. Tua 

bang in pawlpi sung uh ah milim biakna a hong lut pah hi.” – Ibid. 

Tua bang pian vi ve mah pawlpi khempeuh phial ah pianga, amau 

lah Protestant te mah kici ve ve ciat mawk uh hi lo a hi hiam? Apawlpi 

phuankhiate ciat in aneih uh ki puahphatna ding lunggulhna lungsim 

pen pai khia ciat mawk uh hi. A suan akhakte in “meel tuam pua in” na 

hong sem tek mawk uh hi. Mitsi tentansa in a ki zui ngeisa bang ci in 

zomzom mawk uh hi. A mai nawt nading uh thumaante nial in, puahphat 

te tate in ki niam khiatna, pumpi nialna, leh leitung nusiatnate tawh 

gamlapi ki kaak ta uh hi. “A masa a hoihna, gennopnate” ki dawk 

nawnlo hi. Leitung thute in pawlpi sung ah tuileet bangin luang lut a, 

“lawki ngeina le a gamtat ziate ban ah milim te phut kip ta hi.” 

Ala! Tua leitung tawh kipawlna khang han han ven, “Pasian 

gal” suahna pen lau huai zen mah si! Tua pen mah lah Khrist nungzui 

akineihte in nop a sak pen uh hi ta thong veh! Bang zah takin Khristian


a kici minthang pente in Laisiangtho thumaan tawh ki gamla ta hiam! 

ei leh ei kideeknate, gennop-a lungsim hoihnate, Pasian zahtaakna 

cihte gamla mah se! John Wesley in sumzatna maan a genna ah, “Talen 

manpha khat pen a neng khat na ngawn mit’ deih thu mawk mawk 

khat peuh, a uang lua leh a manpha lua puan leina peuh, a kullo kizepna 

peuh leina-in zangh kei un. A khel avet in ki zeem loin na inn sung 

van zatte uh zong a uang lua a manpha lua hi loin a tam man lua milim 

khawng, a tam bei lua inn zut khawng leh khamtui zut khawng ah na 

sum uh mawk bei sak kei un. Hih leitung nuntakna nop zat kiphatsakna 

peuh, mite’ pi muh ding lel peuhte in na sum uh zangh kei un. ‘Na sep 

ding bang maan takin sem peuh le cin mite in nang’ thu a gen teh thu 

hoih hi lel nading hi’. Na pumpi puan au-san tawh paun-neel tawh 

zeem-a ni sim-a an lim na neek” lai teng bel mite in hong pi et mah 

dinga, na thupina, na citna leh, na zin le leeng do siamnate hong kiphat 

mah ding hi. Ahih hangin tua pibawlna pen enlah lua dah in. Pasian 

kiang pana zahtakna pen (386) deih pha zaw in.” – Wesley’s Works, 

Sermon 50, “The Use of Money.” Tu hun-a pawlpi tampi te in tua 

bang hilhna awlmawh het lo uh hi. 

Biakna nei hih lel pen leitung ah ki angtan na khat ong suah uh 

hi. Ukpite, gamvaante, Upadi siamte, Zato nasemte, leh Sumbuktein 

mite lakah zahtaakna leh muan’na a ngah nadingun pawlpi mi suak uh 

a, tua tawh amau leitung vaite azom uh hi. Tua bangin Khristian hihna 

tawh amau gamtat hoih lote khuh in a tuam uh hi. Biakna pawl tuam 

tuamte in hih leitung lungsim bek anei a ki tuiphumte’ hauhna leh huzaap 

tawh mi lak a dawk ding a hanciam to to uh hi. A kidawk pawlpi thupi 

mah mahte bang in a nasia thei pen pen-a ki dawk dingin kongzing 

thupi pen pen munte ah a biak inn uh lam uh hi. Biakna pia mite zong 

a tamman pen pente tawh ki zeemin tee lialua uh hi. A siapa dingte uh 

zong mi huup thei ding, leengla do asiam mite khasum tampipi tawh 

acial uh hi. A mite sermonte in zong mawhnate kawk khia loin kuamah 

a naa sak lo, ki zep siamte bil in a ngaih nop, a lungdam sak te hi ding


hi. Ki seelsim asiam mawhneite pawlpi laibu ah ki gelh a, mawhna teng 

zeem hoih in Pasian min pua khem in kisel khin khian hi. 

Tu hun leitunga Khristian te om zia leitung thuthang zaksakna 

laihawmkhiat khat ah, “Pawlpi in a khang hun-a mi lungsim zui in a 

hun-a mite deihzia zui zel uh hi.” “A khang deih bangin biakna leh 

paaina nei uh hi.””Mi’ lung sim azol zawhna ding un ahih theih khem 

peuh tawh ahan ciam hi” ci hi. New York Independent sunga a gelhpa 

in Methodist pai zia a gelhna ah: “Pasian mite leh biakna nei lo mite 

kikaal kibat lohna pen awk-in-valh a, ki liah sem sem in, mi tha nuamte 

in tua ki lamdan’na te a bei siang theih nadingin sem khawm, ne khawm, 

gualnuam khawm a om theih nading un hanciam in sem uh hi.” “Biakna 

lian mah mah te in a pawlpi mi uh a pun’ nading leh a pawlpi’ meet 

nading a pia mite a ngah theih nading uh hamciam bel in aneih uh 

manin, a pawl mite uh thu man ah a makaih nawn kei uh hi” ci hi. 

Howard Crosby in: “Topa ngimna bang in Pawlpi a pian nading 

ih makaihna neu lua hi. Tanglai Jewste mah bangin milim biakna lam 

hoi in Pasian (387) kiang pan ih lung sim ih heei mang khin zo hi….Tu 

in zong Jesu pawlpi in thu um lo leitung te tawh ih ki pawlmat hi. 

Pasian deih nuntak maan panin Khrist nei lote nuntaksia ah ki pawl 

in, pahtaak zongsatna leh Pasian deihlam zuilo pi in vai ki hawm hi. 

Tua manin thupha sunga khan’ tohna khempeuh ih lang do kha khin ta 

hi” ci hi.—The Healthy Christian: An Appeal to the Church,” pp. 

141,142 (ed. 1871). 

Leitung nopsakna zuihna hangin angsung leh pumpi deih nial in 

Khrist-ading ki pum piakna cih om nawnlo phial hi. “Tu-a a pangpi pen 

nasem nupi papi te aneu lai un Khrist ading sep siam nading in a ki 

hilhte a hi uh hi.” “Tu-in sum leh paai a ki sap hangin, a pia dingin 

kuamah kiko nawn lo hi. Pawi bawl, pawi lak, thu sit ki neih, an lim ki 

kup teengta ki neih khawng, gual nop theih nading khat peuh peuh 

bawl sak un.”


1873 kum January 9 ni in Wisconsin-a Governor Washburn in a 

kumcin thupulaakna ah hi bang a ci hi: “thai kaap na bek a ki zangh 

saang pawl khat te phiat nading thukhun koih a kul ding bang hong hi 

ta hi. Mun ci teng ah tua bang om hi. Geel tek tek ahih loh hangin biak 

inn te na ngawn khat vei vei dawi nasepna in kizangh zel hi. Letsong 

zonna, pawi lahna peuh letsong ding van zuakna peuh, khat vei vei 

biakna lam huhna hawm khiatna peuh in ki zangh hi. A tam zaw in vai 

thu pi het lo Ongbali (lotteries) hawmna peuh, letsong kituhna mun 

peuh in ki zangh hi. Tuate khempeuh sum ngah nopna vai vive ahi hi. 

Lungsim sia in a hong zongsangh sak theite vi ve a hi hi. A diak diak in 

nasep gim khol lo khat-a ngah theihna, leh sum iiplahna ih khangnote 

hansuahna a suak hi. Mi thupi zahtaak huai ulianpipi a kicite na ngawn 

tua bang a ut uh ciangin ih gam ah khangno te kimawlna hoihlo, 

zongsatna tuam tuamte ah puuk ding cih pen a lau huai na a ki tel sin 

sen in ki mu hi,” ci hi. 

Leitung lungsim paaina in Khristian pawlpi khempeuh a hong 

sim hi. Robert Atkins in London-a a thuhilhna ah, England gam pen 

khaa lamah neng cipin khuamial sung atunna na thu gen ah: (388) 

“Dikna thumaan pen leitung pan kiam khin hi. Kuamah in awlmawhin 

zong nei nawn vet lo hi. Tu hun-a biakna nei-a kinei khempeuh leh 

pawlpi kimah, leitung iiplahte, leitung vai tawh a ki diahte, noptatna a 

iiplahte, zahtaakna ngah ding a ut te ngen ahi uh hi. Amaute Khrist 

tawh a thuak khawm dinga kisam te hi napi uh in neh thawhna leh sim 

mawhna a thuak thei lote ngen a hi uh hi….Lampialna, lampialna, 

lampialna vi ve biak inn kongkhakpi tung khempeuh ah ki gelh hi. Tua 

din munah a om lam uh ki phawk uh hi leh lamet a omlai ahi uh hi. 

Ahih hangin tua bang sang sik-in ‘Eite I hau hi, na I nei hi, bang mah 

I ki sam kei hi’ ci in ki ko zaw lai uh hi” ci hi.- Second Advent Library, 

Tract No. 39. 

“Nu leh pa’ khialhna tawh kipawl ama hehna leenggahzu mi 

pawl khempeuh a dawn sak”na hang in Babylon in mawhsakna a thuak


ahi hi. Khamtheih leenggahzu leitung mite dawn sak hi a cih pen leitung 

liatna tawh aki zop man-a a ngah upna maanlo a hilhna thu a genna a hi 

hi. Leitung tawh ki pawlna in upna sia sak a, amah in zong leitungte 

upna maan lo huzaap kih huai hilhsawn ahih manin a kitel leh a baihlam 

Laisiangtho thute a langdo suak ahi hi. 

Rometein mite kiang panin Laisiangtho hum cip in, amau hilh 

bang bang azui lel dingin mite azawhthawh sawl uh hi. Biakna 

Puahphatna huhau in Pasian Laisiangtho thu tawk kizui in mite hong ki 

puahpha kik sak hi napi tu ciang leu leu in puahphatna tawlnga sak in 

Laisiangtho thu sangin amau pawlte thu mang zaw dingin ki hilh mawk 

leu leu ta uh hi mah lo hiam? Charles Beecher in Protestantte omzia a 

genna ah: “Amau in a pawlpi upna luan’ dan uh a gensia zek khat om 

leh, siangtho pa a kici te in a misiangthote uh leh thahna thuakte a 

kigen siat ciangin a zak dah uh mah bangin za dah uh hi. Tua Protestantte 

lak a Evangelical pawlpi a kici te peuh mah bang hoh kipumkhat lua in 

amau sung leh Laisiangtho baan ah a bawltawm uh laibu pawl khat 

tawh ki tuaka a pomte lo buang thuhilh sia suak sak thei lo uh hi….Tua 

thuguikhun in Laisiangtho thuman dalna a suak hi. Romete khaam (389) 

cip mah bangin Laisiangtho khaam cip ding ngimna kawi lo ngal a dang 

ki ngawh thei lo hi.” –Sermon on “The Bible a Sufficient Creed,” delivered 

at Fort Wayne, Ind., Feb. 22, 1846. 

Siate in Pasian thubu kammalte pholhkhia in Laisiangtho sung 

thumaante theih kul hi a ci-in ahilh uh hi. Tua ciangin, mipil misiam, 

Laisiangtho thei-a kinei siate hong ding khia in, thumaan pen upnapial 

ci zaw sop uh hi. Thumaan a kante a tuam khat-in a heii khia zel uh hi. 

Leitung in Babylon leenggahzu kham lo hi leh mipite in Pasian kam 

mal thumaan thu gunte hangin ki kheel ding uh hi. Biakna upnate 

zong buai huai in a ki tukalh lia lua bangin ki mu ta a, mite in a koi 

pen zui ding ih hi hiam cih nangawn theizo nawnlo zah in a om uh hi. 

Leitung mawhnate leh ki sik kik lohnate in pawlpi Biak inn kong mai 

ah bok in mite ngak uh hi.


Mangmuhna 14 sunga vantung mi nihna tangkona pen 1844 kum 

khuakhal laitak in kihilh hi. America gam sung pawlpite tung mah ah 

thukhenna hun hong tung zo hi, cih tangkona ki tam gen pen hi. Zong 

na ki nak nial pen a hih mah bangin, ki tang kawk pha pen pah a, pawlpite 

nung tolhna zong tua lai ah a na sia pen hi pah hi. Ahih hangin 1844 

kum in vantung mi nihna tangkona pen tung kim nai lo hi. Pawlpite in 

Jesu ong kumkikna ding tangkona khuavak a nial man un a lungsim uh 

puuk khin hi. Ahih hangin tua puukna pen a mong tung nai lo sam hi. 

Hih thumaan tuam vil vel pen nial nial lai uh ahih manin amaute din 

mun niam sem sem hi. “Nu leh pa khialhna tawh kisai ama hehna 

leenggah zu mi khempeuh dawn sak” ahih manin Babylon puuk zo hi, 

cih pen tu in kici lian thei nai lo zek hi. Leitung tawh kipawl lungsimte 

tel khen nadinga hong kipia tuhun thumaan pen in Khristian gam 

khempeuh a a upna uh ki phutsa te kawk khiat nading hi a, mulkim huai 

leh a lau huai mawhsakna zong hih vantung mi nihna tangkona sung 

mah ah ki hel lai hi. Lampial nasepna zong among tung tatak nailo zek 

sam hi. 

Topa hong paikik madeuh in Satan in “zuauna tawh kipawl 

vangliatna, nalamdang leh dipkuathuai apawlpawlte tawh” nasem ding 

a, “gupna ngah nading ki-itna tawh kipawl thuman a sang “ lo khem 

peuh in tua “khemna apawl pawlte” sang ding uh hi, Laisiangtho in ci 

hi. 2 Thess. 2:9-11. Khristian gamte khempeuh ah hih pawlpi leh leitung 

kikop omzia a mong a tun’ ma teng, Babylon puukna a dim nai lo ahi 

hi. Hunte ki khel han han a, Mang. 14:8 a genkholhnathute a tunkim 

nading pen mai lamah om lai hi. 

Khaa lam khuamialpi leh Pasian tawh ki khen khiatna pen pawlpi 

sung ah a om hi. Tua manin Babylon a hong piang khia a hi ta zongin 

Khrist’ nungzui maante tampi Babylon sung ah omlai hi. Tua dinmun 

ah a lungkim zolo mite zong tampi a omlai uh hi. Tu hun adinga kipia 

thumaan tuam vilvelte a mu kha ngei nai lo zong tampi omlai uha, 

khuavaak taang zawkhat lunggulh in a om uh hi. A kizoppihsa uh


pawlpite sungah Khrist nunzia lim en en in mu zolo uh hi. Tua pawlpite 

in thumaan tawh kigamla sem sem in leitung tawh hong ki pawl hel uh 

ciangin, a pawl nihte omzia ki lamdan’ na hong ki lang khia ding hi. 

Tua ciangin thumaan deih tak takte tawh ki khen khiatna hong piang 

ding hi. Na khempeuh sangin Pasian a it zawte in Pasian sangin 

gualnopna a it zaw mite lak ah thaam thaam thei nawnlo ding uh hi. 

“Pasian biakna puatham teng zui uh a, ahih hangin avangliatna anial 

mite” lak ah om theih nawnloh hun hong tung ding hi. 

Mangmuhna 18 in Mang. 14:6-12 sunga vantungmi thum 

tangkona a kinial tak tak din mun atunna thu, vantung mi nihna 

hilhkholhna thu nialte thaman picing takin tung ta ahihna, leh Babylon 

sung a thaam lai Pasian mite sapkhiat nading thu te alak ahi hi. Hih 

tangkona pen leitunga ki puak ngei thu khempeuh lak ah a nu nung pen 

hi a, tua in nasep mahialna ding hi ta hi. Tua hun donga “thumaan 

thutak umlo in, gitlohna ah nuamsa “ lai laite ki nusia in, zuauthu um lel 

dingin ki pai san ta ding hi. 2 Thess. 2:12. A um nuam mite lungsim 

avaaksak dingin khuavaak amau tungah ki pia ding hi. Babylon sunga 

thaamlai kha Pasian mite in “Ka mite pawlte aw, tua khua gitlohna tawh 

na ki pawl loh nading uh ahi zongin, ama pulte na thuak loh nading uh 

ahi zongin, pusauk in hong pai un” a cihna aw hong mang ta ding uh hi. 

Mang. 18:4.


22 

Hilhkholhnate Tungta 

(391) 

1844 kum tuuklai a Topa hong pai ding lam etna masa hun in hong 

khen’toh khit ciangin a hong pai ding lamen mite khalau in tawlkhat 

sung telmun meel neiloin om uh hi. Leitung mite in amaute lamkhial taktak 

uha a nangh keei uh hi, ci-in a ngaihsut uh hangin, a siksan uh din’mun pen 

Pasian kammal pan vive mah ahi hi. Tampi mah in Laisiangtho zon’khiat 

beh uha, amau upna sittel phapha in hilhkhiolhna thu theih beh nadingin a 

simsim uh hi. Amau siksan Laisiangtho munte lah kitel mahmah in tua 

bang ding mah in a mu uh hi. Ki-hiilnate in lah Khrist hong pai ding naita 

hi, ci-in laklak hi. Topa thupha piak tuam-nate, mawh neite ki khelna, 

Khristian sunga kha lam puah phatnate in vantung pan a thupuak mah 

ahihna lak hi. Thu um mite in a cihmawhna uh a muh zawh loh uh ciangin 

Pasian in amau phuutsa thute mahah makaih kik hi, ci-in a thei uh hi. 

Nihveina hong pai nading hun hi ci-a asehna pen uh hilhkholhna 

in amaute kiciat nai lohna hilhna hi a, lungduai takin na ngak peuh le uh 

tu-a a telmuh theih nai loh uh khua mial pen hong vak hun om ding ci in 

a ki hansuah uh hi.

HILHKHOLHNATE TUNGTA 391 

Tua hilhkholhnate lakpan Hab. 2:1-4 ah, “Ka khua daakna 

tausang tung ah kah in, Topa in kei tungah bang hong gen dinga ka 

lungkim lohna teng bang hong ci dawn’ hiam, cih ka ngak ding hi. Tua 

ciangin Topa in lhih bangin hong dawng a, “Nang ka hong muhsak thu 

khempeuh, a sim nop mah mah dingin tungman peek tungah gelh in. 

Hih thu a tun’na ding hun hi pah nai lo ahih manin, lai-in ciamteh in. 

Ahizong in hong tung baih ta ding a, kong lah khempeuh aman in hong 

tung ding hi. A tung hak tawh aki bang kha ahi zong in ngak keikai in. 

Ka seh hun acin’ ciangin hong tung takpi dinga, hong zekai lua nawn lo 

ding hi. Agilo mite suakta lo ding a, thuman mite ahih leh Pasian tungah 

a cihtak manun nungta ding hi” ci hi. 

Kum 1842 kum kipat lam pan hih hilhkholhna pen “Nang ka 

hong muhsak thu khemeuh, asim nop mahmah dingin tungman peek 

tungah gelh in,” cih pen Charles Fitch in Daniel leh Mangmuhnabu a 

hilhkholhnate, laidal gol tungah Chart tawh a khiatna ki mu dingin 

abawlsa ahi hi. Tua Chartte hawmkeekna pen hih hilhkholhna a tun’na 

ahi hi ci-in a mu uh hi. Amaute lakah hih “Hih thu atun’na ding hun hi 

pah nailo” acih hun zong a tung kim veve ding mah ahihna tua 

hilhkholhna mah in genkhawm lai ahih lam a phawk kha nailo uh a na hi 

zaw hi. A cihmawh khit uh ciangin hih Laisiangtho mun hong mu pha 

kik saan uh hi. Tua zong a maan ahihna teci khat mah hi sawnsawn zaw 

lai hi. “Mangmuhna in hun teelsa khat nei a, tua hun a bei dek peet mah 

ciangin hong ging khia ding hi. Zuau lo ding hi. Hong zekaai phot ta 

leh ngak lai in. Hong tung takpi dinga, hong zekaai kik kik nawn lo 

ding hi….Mi dik mi in a upna tawh a nungta ding hi” ci hi. 

Ezekiel hilhkholhna pawlkhat zong thu um mite ki hehneemna 

leh tha laakna a suak hi. “Topa in kei tungah thu hong gen a, Ezekiel 

aw, bang hang in ‘Hun beibei a, genkholhnate a tung omlo hi,’ cih paunak 

pen Israel mite lakah zat belin kinei ahi hiam? Tua ahih ciangin Topa 

Pasian ahi keimah in tua tawh kisai-in ka thugenna amaute kiangah gen 

hi. Hih paunak ka beisak ta ding a, Israel mite in gen in anei nawn kei


ding uh hi.” “Amau Israel innkuante in ka thupiak ama mangmuhna 

sauvei pek ciangin hong tung phing dinga, tua hilhkholhna gamla lai hi, 

ci uh hi. Tua ahih ciangin amaute hilh in la, (393) Topa a hi kei mah in 

amuate tungah thu ka gen dinga, ka gen bangin tung takpi ding hi. Tuin 

zekai nawnlo ding hi”, Ezek. 12:21-25:27, 28. 

Tua banga thu om a muh uh ciangin Amah in a kipat pan atawp 

donga mu suak hi. Tu-a dongtuah ding zong mukhol zo ahih ciangin 

hong hansuah pah hi ci-in mu uha, thalawp kik thei uh hi. Hih bangin 

Laisiangtho hansuah kholhna omlo hi leh lungduai taka ngak lailai ding 

ahihna, Pasian thumaan muanga let tentan ding pen khahsuah in tua zeetna 

hunsungin ki puuk kha ding uh hi. 

Jesu Lam-en pawlte in Matthai 25 sunga nungak sawm 

thugentehnate tun’na zong ahi hi. Ama hong paikik nading leh leitung 

bei nading limlahnate tawh kisai-in Matt. 24 sungah nungzuite dotna a 

dawn’kikna ah, leitung thu leh pawlpi thute tawh kisaina lian pipi piang 

dingte Khrist in a baanbaan in gensuk hi. Hong pai masak pan a hong 

paikik kikal dong, Jerusalem kisiat ding thu, Lawki Rome leh Papal 

Romete khut nuai-a bawlsiatnate, ni leh kha mialnate, aksi kiatna 

khawngte a gen hi. Tua teng khit ciangin A Kumpigam tawh hong pai 

cianga a Amah a lamente laka mi pawl nih om ziate zong a gen suk hi. 

A lian 25 sungah, “Tua ciangin vantung gamin nungak 10te tawh ki 

bang hi” ci suk leuleu hi. Ni nunung ni cianga pawlpi nuntakzia ding 

kawksukna ahi hi. A lian 24 bei lam-a ki gen bang hi ding uh hi. Hih 

thu gentehna in ni suahnalam gamte ki teen’na ngeina khat tawh lim 

khat a lak hi. 

“Tua ciangin vantung gam in zipipa dawn dingin, ameivak tawi 

kawma paikhia nungak sawm tawh ki bang hi. Tua nungak lakah nga 

pil uh hi, nga pillo uh hi. A pillo nungakte in meivak atawi uh hangin 

namgimtui a pua kei uh hi.A pilte a hih uh leh, meivak leh thawl sungah 

namgimtui a tawi khawm uh hi.Zipipa a tun’ma kikalin tua nungakte a


vek pi un lusu-in a ihmu uh hi.Zankim laitakin,’En un, zipipa hong pai 

zo hi. Dawn dingin hong paikhia un,’” ci hi. 

Khrist hong pai nading tangkona ah vantung mi khatna tangkona 

pan a ki theisa thu ahi Zipipa bel khat vei teitei a hong pai ding ahi hi. 

Nungakte kuan khiatna pen Jesu hong pai baih ding ci a tangkona hanga 

kipuah phatna ahi hi. (394) Hih thu gentehnaah Matt. 24 a mah bangin 

pawl nih om zia hong lak hi. A vekun a meivak uh ahi Laisiangtho la 

tek uh hi. Tua meivak taang zangh in zineipa dawn ding in kuankhia uh 

hi. “A pillote in meivak aken uh hangin namgimtui apua kei uh hi.” “A 

pilte in ahih leh, meivak leh thawl sungah namgimtui a tawi khawm uh 

hi. A nihna pawlte in a thatho sak Pasian hehpihna khuavaak a lak Kha 

Siangtho ngah uh hi. Tua in khe ading meivak hia, lampi a vaak sak 

Pasian thu ahi hi. Pasian kihta in Laisiangtho sim uha, thumaante thei 

uh hi. Lungsim leh nuntak siantho nading nakpi in zong uh hi. Hihte in 

a mimal nuntakna uh ah Pasian leh A thumaan muan’na a nei uh hi. Tua 

in alametpa uh hong zekai man leh tua hanga a cihmawhna uh thuakzo 

sak hi. A dangte in “meivak kengin namgimtui kenglo uh hi. Tuate pen 

mi’n zui tah ci-a a zui lelte ahi uh hi. A ki tangko thu in amaute patau 

sak sam hi. Ahih hangin a sanggamte upna teng bek ah kingam uh ahih 

manin mihon lawp hen-han na lak-a mei a kuang pak bang bek ahi uh 

hi. Amaute lungsim sungah thumaan theih tel taktakna leh thupha 

hehpihna in nasemlo hi. Tuate in zong thaman ngah dingin ki lamen 

uha, Topa dawn dingin hong dingkhia sam uh hi. Ahangin, Zipipa’ zekai 

mana cihmawhna nawkzo dingin kiging lo uh hi. Tua ahih manin sittelna 

hong tun’ ciangin a upna uh puuk in, ameivak uh a mit hi. 

“Zipipa hong zekai sungin amaute ihmut suak-in a na ihmu cip 

man uh hi. “Tua zipipa zekaina in Topa a hong pai ding lamet ni-a hong 

pailoh manin a cih mawhna uh leh a uaikaai a batna pen genna ahi hi. 

Kiciatna omlo tua hun sung tengin a tungtham bek leh lunghiang nei-a 

a lawpte hoigawp pah uha, a tawlnga ding in hanciam zaw pah lel mai 

uh hi. Ahih hangin a mimal a Laisianagtho theihna tawh upnakip a


neite ahih leh suangpi siksan bang uha, lungkiatna tuihualpi in hong 

nawk hangin a nawk khia zo kei hi. “Tua nungakte avekpi un lusu-in a 

ihmu uh hi”, pawlkhat in awlmawh neiloin upna nusia uh hi. A dangte 

in ahih leh a ki tel zaw khuavaak a ki piak dong a ngak tentan uh hi. 

Tuate nangawn in sittelna zan hun sungin a lawpna uh leh a ki aapna uh 

tawm na khahsuah man lai uh hi. Lunghiang pipi tawh atung tham bek 

a zawt-te in a lawmte uh’ upna tunga ki ngap lel bek tawh kip zo (395) 

nawnlo uh hi. Kip ding leh puuk ding pen mimal khensat ding ahi hi. 

Hih hun laitakin a ki uangsak pong mawk pawlkhat hong om leu 

zel hi. Tangkona a ki um sak phadiak pawlkhat in a khial theilo Pasian 

thumaan pen nial in Kha Siangtho makaihna banga zui dingin ki gen uh 

hi. Amau lungsim phuut up mawh mawk tawh lawpna, leh mit-kha a 

bulh tawm mawkte tawh gam taang uh hi. Pawl khatte leuleu in a 

hanciamna vang lak uh ah thu langneihsa in mittaw sialkhau let in amau 

cih bang a thukim pihlote pum mawh sak uh hi. Thumaan a ki sim mawh 

theih nadinga na seem uh suak ahih manin, tua bangte pen Jesu alam-en 

buppi adingin deih huai lo hi. 

Satan in tua bangte zangh in Pasian nasepna langdo in susia hi. 

Tua Jeus alam-ente tangkona hangin mihonpi lawp mahmah uha, 

mawhnei mi tultampi ki kheel uh hi. Mi muanhuai tampi in hong zekai 

sung nangawn in thumaan tangkona nasepna ah amau mah kipia in sem 

uh hi. Gilo mangpa in ama mite taan zel ahih manin Pasian nasepna a 

nawngkai sak zawh nadingin, thu um ing a ci mi pawlkhat khem a, a 

uang lam in kalsuan sak leh bung leuleu hi. Tua ciangin khutzatpa in up 

khialhna sunteng ciamteh ciauciau hi. Mi khialhna, mi ginat loh khakna 

teng, hih dinga ki lawmlo ahih kha pepeuh mankhia in mi’ theih dingin 

pulak khia hi. Tua bangin Jesu a Lam-ente leh a upna uh mi’ mai ah a 

dai sak hi. Jesu Hong paikikna a um-a ki gen, a lungsim Satan uk cip sa 

a hi mite a tam tektek ciangin thu umte’ sawltakte hi, ci-in a lawp sak 

nading nasep ah a dau pai semsem hi.


Satan pen “ih ute ih naute , Pasian mah ah sun tawh zan tawh 

amawh sak ”pa ahi hi. Ama lungsim mite mop-a, Topa nungzuite’ 

khialhnate a pang sak gige hi. A hoih lohna teng bek uh kip takin a 

ciapteh sak hi. A thupha bawlnate uh lah pulaak khiat sak ngeilo hi. 

Topa mai ah Pasian tate hong ki laak uh ciangin amau lak ah Satan 

zong hong pai zel hi. Kipuahphat na khempeuh ah a siangtholo, lungsim 

ki khaikimlo mite ava hel den hi. Tua (396) mite in thumaan pawlkhat 

a pom sak phot hi. Tua khit ciangin tuate zangh in mi ginalote khem uh 

hi. Tua ahih manin Pasian tate tawh biakna pia khawm in Topa sabuai a 

um khawm Khristian hoih taktak kici pah thei tuanlo hi. Satan zong 

tua bang hun thupi mahmahte keek mah ah aki hel zel hi. A khutzat 

theih ding sawltakte mel tawh hong om zel hi. 

Vantung khuapi manawh-a Pasian mite’ kalsuanna leitang khempeuh 

Gilo mangpain letmat nateh zel hi. Pawlpi khang tangthu khempeuh ah 

enkik le hang kipuahphatna khat peuh a om nak leh, a lehdo omlo-in, awng 

thawl taka nasepna om ngei peuh mah lo hi. Paul khang lai in zong tua 

bang mah a tuak hi. Sawltakte in koi mah peuh ah pawlpi a phuh nak uh 

leh upna ka nei hi ci-a a ki saang mi lakpan in thunial, buaina bawl, nasepna 

adingin sa lamkhak pawlkhat om zel hi. Ki thusim ciat hi ta peuh leh mipi 

in thumaan itna a bei sakzo hel dingin na seem pah uh hi. Luther in zong 

tua bang mite’ buaisakna a phu kha hi. Thu um pha diak-a ki gen mi 

pawlkhat in Pasian in amau tungah thu pia-a, tua bangin ka ding uh hi ci-in 

Laisiangtho sanga tung nung zaw-in ki gen zel uh hi. Upna leh thuakna a 

kicing nailo mi tampi in amah leh amah kicing gawp kisa-a a om lai takin a 

ki neihtawm siathak pawlkhatte’ lamkhialh pihna tawh thu thakte gen nuam 

in, Satan in Luther phuhthak Pasian nasepnate susia dingin sawltak a sem 

sak zel hi. Wesleyte khawng mah in zong ama huzaap tawh leitung in 

thupha saanga ama huzaap mah tawh thu upna ngah uh hi na ven, Satan na 

thanuam zaw kaan zela, a kal suanna khempeuh ah a hanciam khengvaal 

peuh, a ki leek kimlo, a ki siangsak lote a cialcial in Satan in a seem sak 

kawikawi hi.


William Miller in tua banga a ki uangsakte khah khong hetlo hi. 

Luther mah bangin khaa khempeuh Pasian kammal tawh sittel pahpah 

ding hi, ci hi. Miller in “Dawi in tu hun in mihingte lungsim ah a vaang 

guang thei mahmah hi. Tua bang ahih leh bang ci theih thei ding ih hi 

hiam? cih Laisiangtho in a dawnna ah: “Amaute gah-in na thei thei ding 

uh hi”..Leitung ah khaa tampi pusuak khin a, tua khaate sittel ding hong 

ki sawl (397) hi. Pilvaang taka thumaan zui dingin hong huh kei nak 

leh, tua khaate in Khrist Khaa hilo ding hi. Hih gamtatsia ah Satan in na 

naak sep mahmah hi cih ka mutel semsem hi….Eite lak ah a siangtho 

sinsen-a ki gen tampi mah in mihing thuciin lellelte mah a zui oma, tua 

banga ki gen selote zah mah in thumaan a thei nailote a hi zaw uh hi.” - 

Bliss, “Memoirs of Wm. Miller,” pp. 236, 237, 282. Lamkhial khaa in 

thumaan pan hong pialkhiat pih dinga, Pasian Khaa in thumaan ah hong 

lut pih ding hi. Lampial mi khat in Thumaan ka nei hi, ci nuam veve kha 

ding hi. Tua ahih leh, tua bang mite bang ci theihin bang ih cih ding 

hiam? Kha Siangtho in Laisiangtho tawh ki lehbulh ngeilo hi ci-in ih dawng 

hi. Mi khat peuh in amah leh amah Pasian thu tawh ki sittel hen. A ki 

pelhna a om kei leh thumaan ka nei mah hi ci pan hen. Pasian thukham 

leh Laisiangtho tawh kituakin a lungsim a pai kei leh tua mi ki dawm ta 

hen. Satan’ thaang ah awk kha ding hi.” –“The Advent Herald and Sings 

of the Times Reporter,” Vol. 8, No. 23 (Jan. 15, 1845). Lungsim pianthakna 

in mitzaamsa-a biangah khitui luangin, paukhia theilo zah-a aw bing lianga 

omte, leh Khristian laka gamlum heethaatnate sangin thu a but zawkna 

ka tel hi.” – Bliss, Memoirs of Wm. Miller,” pp. 236,237, 283. 

Puahphatna hun lai in uangtatna a lang pan’te a uangtat zaw 

bangin agaalte-in mawh sak uh hi. Tua lim mah zui in Advent Movement 

laite-in zong lang pangpa in na hong sem hi. A uanglua-a a ki 

umsak pha deuhte khialhna teng a hilo lamlam-a genna leh a khengvala 

a dawksakna tawh zong lungkim zo nailoin, thumaan a suun beeklo 

zuau thu tawh lawtlawt lai uh hi. Tua bang mite in ma nialna leh muhdah 

lungsim tawh a gamta uh ahi hi. Kong biangah Khrist omta hi cih thu in


a lung muanna uh sia sak hi. Mite in hih thu maan khamah ding hi, ciin 

a um tak ngam kei uh hi. Tua in Jesu alam-en mi suah nading leh 

upna guite pom ding daalna in nei zaw sak hiau mawk hi. 

Paulte Lutherte hun lai-a pawlpi sunga a uang lua leh mi 

kheemthei pawl a om man- a amau gel nasep mawh sak tham a cin’loh 

bang mah-in Adventistte laka (398) a uang lua tawmno khat a om manin 

hih nasep ah Pasian ki hello hi, cihtheih pah nading om tuanlo hi. 

Satan nungta lai-a, nakpi in naseem in hong vilvil mai hi, cih akidawk 

na dingin, mite thokhia sak unla ki sikkik in ki puah pha sak un, Jesu 

sunga thumaan omte Laisiangtho sung pan in zongkhia sak unla, Pasian 

tungah a pum a tangh un ki-aap sak un. A hangin, ahi thei mun khempeuh 

ah Satanin zuau khemna tawh ama vangliatna zangh dinga, a puuk 

vantung mite ki huh sak lai ding hi. 

Nihvei hong pai nading tangkona pen uatluatna peuh leh 

pawlkhenna peuh hi zenzenlo hi. 1844 khua khal laitakin Jesu hong pai 

ding a lam-ente in dinmun kician loin hong om uh hangin, tua sung 

maha, Vantung mi khatna tangkona leh zankim kikona in a uang lua 

teng leh ki pawlkhenna bei sak hi. Hih nasepna-a ki hel khempeuh 

kilem uha, khat leh khat a lungsimte uh ki-itna tawh ki dim hi. Sawtloa 

a muh ding uh a lamet uh Jesu a itna mah bangun ki-it uh hi. A upna 

uh leh a lametna uh ki bang hi. Tua thu in mihing hih zawhlohna ciangah 

laamto in Satan hong nawk nadingte nang huan uh hi. 

“Zipipa hong zekai sungin amaute na ihmu man ciat uh hi. Zan 

kim ciangin hong ki tangko a, ‘Ngai un Zipipa hong tung zo hi. Amah 

dawn dingin hong pai khia un’ hong ki ci hi. Tua ciangin tua nu ngak te 

khempeuh zong hong tho khia in a meivak ciat uh hong bawl uh hi.” 

Matt. 25:5-7. Kum 1844 khua khal sung, ni 2300 beina hi ding cih a up 

ma sak uh leh tua kum sung mah-a a hun a khiin toh uh phalbi kipat 

dong kikal sungin Laisiangtho kammal, “Ngai un, Zipipa hong tung ta 

hi” a cih tangkona a om hi.


Hih nasepna hong dinkhiat theihna in, Jerusalem puah kik nading 

thu (decree) Artaxerxes in B.C. 457 kum phalbi-mongin piakhia hi. 

Kumsimzia ngeina omsa zui-in, kum 2300 ki patkum-in seh uh hi. Tua 

BC 457 kum phalbi mong pana pat a kisimtoh ciangin, kum 2300 cin’na 

pen A.D. 1844 ah hong tungto hi. 

(399) Laisiangtho Lui-a limlahna a hi, “Biakbuk siansuahna” 

thu ki kum pha uh hi. A lim in a kawkkholh nate a tangtun’na a om kul 

hi, cih phawk uh hi. Tua thu in a kawk kholh na pen Khrist hong pai 

masak tung tangin tungkhin h,i cih zong teltakin ki mu hi. 

Paisan pawi tuuno kigo pen Khrist sihna lim ahi hi. Paul in, “Khris 

ahi eite’ Paisan tuno akigo zo hi” ci hi. 1 Kor. 5:7. Paisan pawi hunin Topa 

mai-a kivei gahmasa Anpal buhphal pen Khrist thawhkikna limciin kholhna 

ahi hi. Paul in Topa leh Ama mite thawhkikna a genna ah, “Khrist in gah 

masa bel ahi hi. Tua nung ciangin Khrist hong pai ciangin ama mite in 

thawhkikna angah ding uh hi.” ci hi. 1 Kor. 15:23,24. An laakhun tatak 

ma-a a min anpal buhphal a kivei pen bangin, anunciangin Pasian buhsaal 

sungah khol dinga a hong thokhia ding tatkhiatte anlaak bangin a ki laak 

theih nadingin Khrist pen gahma anpal ahi hi. 

Hih limlahnate pen tung kim khin a, a nate bek tung hi loin a hun 

zong cing khin ta hi. Kum 1500 sung bang Jewste’ kha masa ni 14 ni 

atun sialin paisan tuuno ki go den hi. Khrist mahmah in zong Ama sihna 

limlahna a hi tua paisan pawi pen A nungzuite tawh na ne uh hi. Tua 

pen “Leitung mawhna a pua khia Pasian Tuuno” lim ahi hi. Tua nitak 

zan mah in migilote-in Singlamteh-a thahlup dingin Amah lapah uh hi. 

Buhphal-vei limla ahi ih Topa in nithum ciangin tho kika, “Misite lak-a 

gah masa (an pal)” hong suak hi. Midikte thawhkik nading lim lak khol 

zong ahi hi. “A sia-pumpi” ki khela, “minthang pumpi bangin ki bawl” 

cihna zong a lak ahi hi. Filipi 3:21. 

Tua mah bangin a limciing pen in nihvei hong paina ding zong a 

limcin’na zia leh a hun sehna maan in atun’ kul ding hi. Mosi hun


nasepna ah Biak inn puah siangna, siansuahna, ni pen Jewste kha 7na, a 

ni 10 ni ahi hi. Siampi lianpa in Israel mite ading pumkhat suahna bawlin, 

a mawhna uh Biakbuk pan siansuah khia hi. Hong pusuah ciangin mipite 

thupha a pia hi. Tua ahih ciangin eite Siampi lian bel Khrist in (400) 

mawhna leh mawh nei teng susia in leitung ahong siansuah ta dinga, 

Ama miteng sih theih nawnlohna hong pia ta ding hi, ci-in ki um hi. 

Kha 7na ni 10 ni, Biakbuk siansuahna ni pen A.D. 1844 kum in October 

22 ni tawh ki tuak hi. Tua ni pen Topa hong pai ni ding hi ci-in na seh 

uh hi. Sittel phapha uha, ni 2300 hilhkholhna beina pen tua kum phalbi 

mong laitak tawh kituak a hih manin nial theih nading omlo hi. 

Matthai 25 sunga thugentehna in Zipipa hong tun’ ciangin 

ihmusa-a ngak acihte hun ding a hong suak to ta hi. Hih pen a lim 

lahnate pan hi ta leh, hilhkholhna pan hi ta leh ki tuak in ki lem linlian 

hi. Amaute lungtu ma mah in thumaan takin sem uha, “Zan kim 

tangkona” zong thu um mi tultampi in tangko uh hi. 

Tuihual bangin tua thu luangin lei maitang teng a tuum hi. Khuapi 

khat pan khat, khua neu khat pan khat, gam tuam a gamlapi pi dong 

zela, Pasian ngak a om mi khempeuh a khan’lawh dongun ki tangko hi. 

Hih tangkona ah ki uatsak luatna, thu tuam neihnate beisiang hi. Nisuak 

salha tui mang vukte bangin uangtatna teng bei mang hi. Thu um mite 

in a uplahnate uh, a buainate uh beikhia in lametna leh haan’na tawh a 

lungtangte uh ki dim hi. Nasepna ah a uanglua se, mihing liinglawng 

sakte peuh om nawnloin, Pasian Kha leh Laisiangthothu tawh a ki uklo 

peuh mah a beisiang hi. Tua hun laitak pen Pasian kamsangte in 

mawhkawkna thu a hilh ciangin Israel mi honpi ki sikkik uha, Toppa 

kiang azuat uh bang ahi hi. A khang khanga Pasian nasepna a ki ciamteh 

zelte khat a suak hi. Lungsim khat lawp in nuam lua mahmah napi, 

lungsim tawng zong khia in mawhnate pulaak in, leitungte nusia in, hi 

hiaihuai keei zen hi. Topa mu hel ding cih lungtang tawh lungsim pen 

kigawi keei ta hi. Thu ngetna bek tawh hunte zangh in, siit nei loin 

Pasian kiang ah ki pum aap uh hi.


(401) Tua nasep a ki sepzia Miller genna ah, “Lungdamnathu 

gen luat ding om vetlo hi. Mai lam-a piang ding thu bebek ki mitsuan 

lua-a, van leh leipi in gen zawhloh minthan’na tawh lungdam ding cih 

bebek in lungsim la khin hi. Awng khia nuam sam napi van pan-a hong 

ki awng ding pen ki ngak hi. Lasate zong khawl phot uha,…van pana 

vantung mite hong sak ding la a huh dingin ki ngak phot hi. Lungsim ki 

tukalh om loin avekpi in lungsim pumkhat in ki om hi” ci hi. – Bliss, 

“Memoirs of Wm. Miller,” pp. 270, 271. 

Tua nasepna-a kihel dang khat genna ah, “Mun khempeuh-a mite 

in van sangna-a Pasian mai ah ki niamkhiat in lungsim tawng nung khelkhia 

in ki aap zelzul uh hi. Hih leitung nate hong deih nawnlo sak pha mahmah 

hi. Ki elna ki muhdahnate siaksiang hi. Khialhnate ki pulaak in Pasian mai 

ah ki maisak hi. Lungsim ki tamkham in ki sikkik mahmah na tawh hong 

maisaka, a hong saan’ nading ki ngen ziazua hi. Ei leh ei ki niamkoih in, 

kuun in ih teci pan’ ngei nai peuh mah loh zah in lungsim niam hong guan 

hi. Pasian in Joel tunga a sawl, Pasian nilian ni hong tung ding hi, puan 

balkeek loin lungtang balkeek sak un, Topa lam ah ki hei in an ngawl in kap 

un la dah un, a cih bang linlian hong tung hi. Pasian in Zechariah tunga a 

genna ah: Ama mite tung ah hepihna Kha, thumna ngetna ki buak a amaute 

in teipi tawh a dawt-pa uh en in, thuumna lianpi lei maitang ah ki dim 

hi,…Topa a na lamen mite in Topa mai ah a ki gawtbawl uh hi,” ci hi - 

Bliss, in the Advent Shield and Review, Vol. 1, p. 271, (Jan. 1845). 

Sawltakte khanga ki pan biakna nasepna hun lian tuamtuamte 

ah hih 1844 phalbi mong laitakate sangin mihing ginat lohna phawktel 

a Satan ukna pan a suahtaak zawkna khatvei beek om ngei nailo hi. Tu 

nangawn in, kum tampi a kheng suk khin napi, tua hun a va ki helkha 

ngeisa thumaan a leen laite in tua hun a thupha nasepna pen Pasian’ aa 

tak tak hi, ci-in teci pang lai uh hi. 

“En un, zipipa hong pai zo hi. Dawn dingin hong pai khia un” 

ci a sapna ah ngaka a om mi khempeuh hong pai khia a, “a meivak ciat


uh a bawl uh hi.” Ni danga (402) a theih khak nailoh uh lawpna tawh 

Laisiangtho hong sim uh hi. Vantung mite ki sawl a, a lungkia mite 

phongin tangkonathu a saang thei dingin puah uh hi. Tua nasepna 

mihing pilna leh lai tampi theihna hang ahi kei hi. Pasian vaang tawh 

ahi zaw hi. Siam theihna talen tawh hi loin ki niamkhiat a kipiak 

zawhna tawh thuza masate in sapna manga a zuihna uh tawh ki sem hi 

zaw hi. Lokho mi in a lo nusia uha, set nasemte in a vante uh koih 

khia in lungdamna khitui tawh tua patau kona thu tangko dingin 

kuankhia uh hi. Amasa a makai ahi densate in hih nasepna ah zui 

nunung pen zaw den uh hi. Pawlpi tuamtuamte in a biakinn kongte 

uh kalh uha, mi lompi pite in amau kipawlnate uh nusia uh hi. Hih 

Pasian nasepna pen vantung mi nihna tangkona tawh a ki gawm pah 

ahi hi. 

Thupuak sunga “En un, Zipipa hong pai zo hi” cih pen kinial 

nading tampi om loin Laisiaingtho in zong ki tel takin a gen ahi hi. Tua 

ciang bek hi mawklo-a, mite a liinglawng sak pha mahmah khaa in na 

seem takpi cih ki mu pah lai hi. Dot kikna leh khalauna bang mah omlo 

hi. Khrist Jerusalem-a gual zawhna tawh hong lut lai in mun ci teng 

panin mite hong ki khawm in Olive mual pan a hong paite pawl in pawi 

hong bawl pah mai uh hi. Tua hun a Kha nasepna hong siim pakna uh 

tawh hong ot pih pah mai uh a, “Pasian min tawh hong paipa in thupha 

ngah ta hen” hong ci uh hi. Matt. 21:9. Tua lai a mah bangin thu umlo 

mite Jesu a Lam-ente kikhopna ah hong ki kaikhawm uh hi. Pawlkhatte 

theihnopna lungsim gil tawh, pawlkhatte simmawh nopna lungsim tawh, 

huzaap lian ngel nei husa khat in thupuak za nuam saka, “En un, Zipipa 

hong tung zo hi!” cih pih zaizai pong hel uh hi. 

Tua hun in thungetnate a ngahsak pelmawh ding zah in upna nei 

uha, thaman ngahsak zo ding upna hong khang hi. Lei keu tunga guahzu 

bangin nakpi-a a zong mite tungah Kha Siangtho’ hehpihna hong tuak 

suk hi. Amaute Honpa tawh maitang ki mu ta ding ci-a a lametna uh in 

a ki genkhia theivetlo lungdamna guan hi. Kha Siangthoin a


(403)lungtangte uh zo a, neem sak-in tuisuak sak hi. Thu um mite 

tungah tehna leet in A thupha a buak suk hi. 

Ki dawm tak leh ciliap huai takin thu saang thei mite in a Topa 

uh a muh ding uh a lamet hun tak ciangin hong pai ciat uh hi. Zingsang 

sialin amaute Pasian in a saan’ takpina kiciat sak phot ding pen vai 

masa-in nei den uh hi. Amau lungsimte kinai takin ki pumkhat a, 

thungetna vive in nei uh hi. Khat leh khat ading zong ki ngetsak uh hi. 

Amaute in gamdaihna tata ah ki tuah khawm in Pasian tawh kizom in a 

awte uh gamlak, lo lai, leh sing lak pan in vanah kahto tawntung hi. 

Honpa in saang hi cih a tel theih nading uhin nisial annek sangin lunggulh 

zaw uh hi. A lung sung uh ah meii a om leh a sian’khiat mateng tawlnga 

loin thu ngen uh hi. Hehpihna in amawhna uh mai sak zo cih a theih uh 

ciangin alunggulh uh Topa muh ding angaklah uh hi. 

Tua zah bang lakpi mah ah amaute cihmawhna ki thuak sak lailai 

hi. A lamet hun uh bei ta a, amaute Honpa hong kilang lo hi. Upna 

kiamlo, hoi loin Ama hong pai ding na en ngitnget uh hi. Hong dawk 

theihloh ciangin Mary in Honpa han en a a hawm-a om a muh ciangin a 

kah sa in awng a, “Ka Topa luang a la mang ta uh hi. Koi lai ah pai pih 

uh hiam ka thei kei hi” Johan 20:13 a cih bang a tuak uh hi. 

Lamdang sakna lungsim, tangkona amaan mah hi mawk ding 

hiam cih launa lungsim neihna tawh tawmvei sung thu umlo leitungte 

hong dal sak hi. A hun bei ta a hih thu lah hong tunglo hi. Amasa in bel 

adongtuak pawlte tung ah ki gualzo sak pah ngam samlo uh hi. Hi sam 

napi in Pasian hehna lim zong lah om tuanlo ve ahih ciangin a launa 

teng pan un leiihaang kik uha, nuihsatna leh zawthawhnate hong dawk 

ta hi. Topa hong pai baih ding ka um hi, a ci mi tampi in a upna uh a 

paikhia uh hi. Pawlkhat a um pha mahmahte in nasia pha deuh uha, 

leitung pan a leeng mang ding zah in ki tuat uh hi. Jonah bangin Pasian 

phunsan uh hi. Hin’ ding sangin sih ding lunggulh zaw ta uh hi. Pasian 

kammal tunga ki ngalo a mi dangte upna tunga ki nga (404) sawn lel


pawlte pen a ngimna uh tu in ki khel pah lel hi. Zahko theite in a 

thaneemte leh a meidawite zo gawp uh hi. Kikop in lamet ding lah om 

nawn kei, lau nading lah om nawn kei, ci huan uh hi. A hun tung khin 

a Topa lah hong pailo hi. Leitung lah a ngei-in ngei lel in, kum tultampi 

a tua ci om lai ding bang hiau mawk zaw hi. 

A hanciam thu-um mitein a neihsa khempeuh uh Khrist adingin 

piakhia zo hi. Ama mai ah hawm mang khin ta uh hi. A neihsa khempeuh 

uh, a upna bangun leitung mite tungah tangkona in zangh mang khin ta 

uh hi. A Topa uh leh vantung mite tawh om khawm baih ta ding ci in 

tangkona a saanglote tawh gamlapi ki hal khin ta uh hi. Deihna takpi 

tawh lungsim ki thasaan in thu ngen uha, “Topa Jesu aw hong pai in, 

hong man lang in” ci uh hi. Ahih hangin Amah hong pailo hi. Tu in hih 

leitung nuntakna ading mahmah in zong vangikpi hong suak kik hi. 

Lungkhamna hi zah lak ah mi zahko thei, mi bing-ho theite in upna leh 

lungduainate hong sit pha ngel uh hi. 

Ahih hangin hih cih mawhna in Khrist hong pai masak lai-a 

nungzuite thuak sangin nasia zawlo hi. Jerusalem-a gualzawhna tawh 

a lut laitakin Ama nungzuite in Amah pen David Tokhom ah tu dinga a 

galte uh’ nop nehna pan in Israelte honkhia ta ding hi, ci-in um uh hi. 

Lametna lian leh nopsa mahmah kawmsa in amaute zaliat ding kituh in 

a Kumpipa maipha zong uh hi. Mi tampite in a puan tungsilhte uh suah 

in Ama pai nading lampi ah phah uh hi. Pawlkhate in nisuh hiang khiak 

in phah uh hi. Gualnuam takin lungdamna lak uh a, “David Tapa tungah 

Hosanna!” ci uh hi. Phariseete in hih lungdamna nokkhak in Jesu kiangah 

A nungzuite taai dingin a sawl uh ciangin, “Hih mite daai mah le uh 

zong man lang takin suangte kiko ve ve lel ding hi,” ci kik hi. 

Hilhkholhnate a tung kim ding ahi hi. Nungzuitein Pasian vaihawmna 

banga asep uh kul hi. Ahih hangin amaute cih mawhna lianpi in khuh ta 

ding hi. A sawtlo in Honpa gentheihna leh sihna amaute in mu ta ding 

uh hi. Han sung ah vui ding uh hi. A lam etna uh bangin neu kha beek 

pianglo hi. Jesu tunga a lam etna teng uh mangthang lel hi. (405) A


Topa uh han panin gualzawhna tawh hong thawhtoh mateng , “Khris in 

sihna athuak khit ciangin sihna pan a hin’ kik nading thu a om,” hi cih 

hilhkholhna omsa thu a phawk kha kei uh hi. Sawltak 17:3. 

Tua ma kum 500 lai in Topa in kamsangpa Zechariah tungah a 

gensa thu om a, “Zion mite aw, nakpi takin lungdam un. Jerusalem mite 

aw, lungdamin awng un. En un, na kumpipa uh hong pai hi. Amah, 

gualzawhna tawh hong pai a, ahi zongin ki niamkhiatna tawh hong paia, 

sin nailoh lano tung ah hong tuang hi” ci hi, Zechariah 9:9. Nungzuite 

in Khrist in thukhenna thuak a si mawk ding ahih leh hih hilhkholhna 

tung theilo ding hi ci-in um uh hi. 

Tua mah bangin Miller leh a pawlte in hih hilhkholhna thu a 

tangtun’na ding na seem uha, leitungte kiang ah tua a ki mop thupuak 

tangko khia uh hi. Hilhkholhna in tua a cihmawh ding nangawn uh 

genkhol hi. Cihmawh khit ciangin tangkona dang khat mi namte tungah 

Topa hong pai ma in ki hilh lai ding ahihna a thei kei uh hi. Vantung mi 

khatna leh a nihna tangkona a hun maan in ki hilh hi. Pasian in tua 

nasepna amau te zangh in sep ding mah-a a seh sa a hi zaw hi. 

Leitung in lamen in ngak uh a, a hun-a Khrist a hong ki lat kei 

leh tua lametna buppi nusiat dingin tuat uh hi. A hi zongin Jesu kumkik 

nading tangko nasepna a gen pawlkhat kip takin dingg lai uh hi. Advent 

nasepna a gah tawh en le hang ki niam khiatna, lungsim tawng 

zon’khiatna, leitung nate nungngat a gamtat ki puahphatna na sepnate, 

Pasian nasepna takpi mah ahih na tecite a om hi. Amau in tua Advent 

thuhilhnate ah a huh Kha Siangtho hi kei ci theilo uha, hilhkholhna hun 

a sehnate uh zong a khialhna mu kik zolo uh hi. Amaute lang pang hat 

pente in zong hilhkholhna a khiatna a maan zaw ding lakthei tuanlo uh 

hi. Amaute in Laisiangtho teci pan’nate nakpi thu ngen a Laisiangtho 

sung pan a ki ngah thu, Pasian Kha Siangtho in huh takpi a a muhtel sak 

thute khah kik mawkmawk nuamlo uh hi. A lungsim sung uh kuang lai 

a, nuntakna vaang tawh hing lai uh hi. Biakna makai minthangte, leitung


mipilte, (406) thu gen siama minthangte, mi thupi leh mi taangpite 

nuihsatna thuak in kip takin ding uh hi. 

Amau lamet bangin bel pianglo mah hi. Ahih hangin tua in Pasian 

thu alet kipna uh panin lokkhia zolo hi. Jonah Nineveh khuapi sung ah 

ni 40 sungin khuapi ki sia ding ci a a tangko sak khit ciangin Topa in 

Nineveh khua mite ki sikkikna saang ahih manin in a hun khiin toh sak 

hiau mawk hi. Jonah pen Pasian sawl mah hi veve napi Ama deihna 

bangin Ninevehte ze-et lai hi. Jesu alam-ente zong tua mah bangin Pasian 

in Thukhenna hun patau tangko sak hi, ci in um uh hi. “Tua thu in a 

thuzate khempeuh sit tel in, Topa hong kilat ding lawpna a piang sak 

hiam, Ama hong pai ding muh nop lohna a piang sak hiamkhat hi ding 

hi, Topa in a thei hi. Tua bangin amau lungsimte sittel le uh Topa hong 

pai hi leh a koi lam zaw ah amaute kihel ding uh hiam cih pen a ki mu 

thei ding uh hi. “En un, hih in I Pasian, i ngak ngak pen hi. Amah in 

eite hong hon ding hi,” a cite lak ah a ki hel ding leh, mualte suangte 

amau tung ah cim in Tokhom tunga tu pa mai leh Tuuno hehna pan 

hong liah in ci-a a sam dingte lak ah a ki hel ding uh ahihna kilang pah 

lel ding hi. Pasian in eite upna hong sittel in A mite hong zongkhia hi. 

Thuaksiatna ah apuuk thei ding uh hiam cih hong telkheh ahi hi. A 

hong sehna mun ah ih ki lawm ih ki tuakzo ding hiam? Hih leitung 

nung ngat takpi in Pasian kaammal kip takin ih muang takpi hiam cih 

hong sitna a hi hi,” ci uh hi. - The Advent Heralh and Signs of the 

Ttimes Reporter, Vol. VIII, No. 14 (Nov. 13, 1844). 

Tua thuaknate ah Pasian hong makaih mah hi ci a a um lai vevete 

William Miller in a genna ah, “Khan khat seen-leh thei kik lai-in, tu-a 

ka (407) neih upna mah a nei ding hi leng, ka hih sa bang lian mah in 

Pasian tung leh mihing tung ah thumaan takin ka sep ngei bang ka sem 

kik ding hi.” “Mite sisan ka puan panin ka sawp siang zo hi, ci in ka um 

hi. Kei hih theihna zah ciang hanciam in, amaute ki mawhsaknapan ka 

ki pelh khia zo hi.” Hih Pasian mi pa in a gelhna khat ah, “Nihvei ka cih 

mawh khit hangin ka lungsim sia sak loin ka lungkia kei hi….Khrist


hong pai ding ka lemetna a ngeina mah-in a khauh lai hi. Ka bawlnate 

zong a kumkum-a ngaihsutna tawh ka sep hi a, ka sep ding maha hong 

ki pia hi, cih ngaihsun in ka um hi. Ka khialh khak leh zong thupha 

bawlna, lawmte itna, leh Pasian ah ki piakna hanga khial ka hi zaw ding 

hi.” “Thu khat ka theihna ah ka up thu longal thu dang ka hilh kei hi. 

Tua ka hilh thu ah Pasian in hong kop pih hi. Ama vangliatna hong ki 

langa, ahoih tampi a piang sak hi.” “Mi tul tampi in mihing muh theina 

ciang ah hun tawh kisai hilhna hangin Laisiangtho sim lawh uh a, tua 

thuhilhna hangin Khrist sisan ki thehna muang in Pasian kiang ah ki aap 

uhhi.” - Bliss, “Memoirs of Wwm. Miller,” pp. 256,255, 277, 280, 281. 

“Mi kisatheite maipha ngah ding ka hanciam ngei kei a, leitungte in 

hong mitsiin uh hangin ka hoi ngei kei hi. Tu in zong amaute pahtaak 

ding zongin ka maivil tuan kei ding hi. Amau muh dah nadingin lah 

aval ka seem tuan kei ding hi. Amaute khut ah lah nuntakna ka zong 

ngei kei dinga, zong ka mai-et beek kei ding hi. Amau huhna ka taan pi 

leh Pasian vai hawmna maan mahmah lel nading hi, cih lamen in ka 

muang hi” ci in gelh hi. - White, J., “Life of Wm. Miller,” p. 315. 

Pasian in amite nusialo hi. A Kha Siangtho in a ngah uh thumaan 

leh Advent thu a nusia lote huh lai hi. Hebrews laibu sunga kammaalte 

in hih a ki sit tel mite thuakna ah a hansuahna leh ki dop nading hilhna 

a om hi. “Ciamna na ngah nadingun thuak zawhna lungsim na sam uh 

hi. Bang hang hiam na cih uh leh, A hong pai dingpa in khawl loin, 

Tawlno khat khit ciangin ahong tung ding hi. Ka midik in upna tawh a 

nungta ding hi, a nung kin leh, ka lungsim in, Tua mi hangin lundamna 

a nei kei hi. Eite in ih hih leh, kisiatna tung dingin anungkin mite lakah 

i om kei hi; lungsim kha in gupna a ngah nading upna a nei mite lak ah 

I om hi. “ Heb. 10:35-39 ci in ki gelh hi. 

(408) Hih hihlhna pen ni nunung a pawlpite tunga ki pia, Topa 

hong pai baih ding cih a um mite lam lahna ahi hi. “Tawm vei khit 

ciangin a hong pai dingpa hong tung ta ding a, hong zekai lo ding hi.” 

Hih lai tak ah zong Topa hong kilat ding hong ki zekai sak phot ngei


ding ahihna tel takin lak hi. Hi athu hilhna pen a diak diak in hih hun a 

Jesu a lam-en pawlte thuakna tawh ki si hi. Tua mite upna a kisiat khak 

ding a lau huai hun hi mah hi. Amau in Pasian deihna bangin Kha 

Siangtho leh Ama kammal om bang tawh sem khin zo uh hi napi in tua 

a thuak na mawk pen uh bang deihna hi mawk hiam theilo uh ahih 

ciangin, mailam ah bang thu tuak kha lai ding cih lah theilo uha, eite 

hong makaih Pasian mah ahi takpi na diam aw ci in khalau thei mah 

ding uh hi. Tua bang bibiai ahih lai tak hun ading mah in, “Mi dik in a 

upna tawh nungta ding hi” ci leu leu hi. “Zan kim tangkona” in amau 

mai lampi sala, hilhkholhnate ki selcip nawnloin tel thei uh hi. Khrist 

hong pai ding hi ci a lim lahnate lah tung khin keei ta-a, amau mah mah 

in a muhna bang uh a lam pai a hi zaw uh hi. Hi napi, tu in ci mawh in 

kuncip uh hi. Pasian leh A thumaan a upna bek uh tawh ding lai uh hi. 

A zahko thei mite in, “Note bel a hong ki kheem hi lel veh aw! Na upna 

uh paikhia un la Advent nasep pen Satan aa hi ci lel ve un!” ci ci sawn 

sawn uh hi. Ahih hangin Pasian kammal in, “Mi khat peuh a nung kik 

leh Ka Kha in tua mi tung ah lungdamna nei lo ding hi” ci keei zel 

mawk hi. A upna uh nial in a tangkona uh a huh Kha Siangtho nolh leuh 

tua mi kisiatna sungah tung ding hi, ci hi. Amaute tungah Paul 

kammal in khauh takin hansuah a, “Na muan’na uh khah suah kei un.” 

“Thuak zawhna na ki sam uh hi.” “Tawm vei khit ciangin a hong pai 

dingpa hong tung ding hi. Hong zekai lo ding hi” ci hi. Amaute adinga 

lungmuan’na ding pen Pasian piaksa khuavaak a ngahna bangbang a 

pah tawi den ding uh ahi hi. Ama khapnate len cinten-in, Laisiangtho 

sim behbeh zel in, lungduai taka khuavaak dang ngah beh ding ngakin 

avil ding uh a kul ahi hi.


23 

Biak-buk I Cih Bang Hiam 

(409) 

Jesu Alam-ente upna ah na dang khempeuh sangin a tung nung zaw 

leh a laigil khuam a hi Laisiangtho mun in, “Ni 2300 ciangin Bianinnpi 

ki siansuah ta ding hi” Dan. 8:14 ci in a genna hi. Hih kammal 

pen Topa hong pai kik baih ding hi ci a a um mi khempeuh in thei uh hi. 

Muuk leh kam tul tampi in hih hilhkholhna pen galvil kammal banga a 

upna sung uh ah a neih uh ahi hi. Mi khempeuh in thu piang tuamtuamte 

lakah hi thu a lamet pen uh leh zak nop a sak pen uh thu ahi hi. Ni 2300 

cin’na in 1844 phalbi tuung lam hi ding ci in ki lak hi. Leitunga Khristian 

dangte mah bangin Adventistte in zong Biak-innpi cih pen leitung ahih 

kei leh leitunga mun khat hi ding hi ci in um uh hi. Amau in Biak-innpi 

puah siangna pen nitawpni-a leitung meikuang tawh puah siangna hi 

kha ding hi ci in um uh hi. Tua ahih ciangin Topa nihveina hong paina 

hi pah ding hi ci uh hi. Tua ci up uh ahih manin 1844 pen Khrist leitung 

a hong pai kikna ding kum cihna in seh uh hi. 

Ahih hangin a hun tung khin a, Topa hong dawklo hi. Thu um 

mite in Topa thu khial thei ngei lo ding hi, tua hilhkholhna a khiatna

BIAK-BUK I CIH BANG HIAM 409 

kipelh hi ding hi, ci uh hi. Ahih hangin koi ah khial hi ding hiam? 

Tampi mah in ni 2300 beina 1844 hi lo hi ding hi, ci uh hi. Ahih hangin 

amau lam et hun a Khrist hong pai loh mawk thu khat lo buang a ki pelh 

na ding ki mu zo tuan lo hi. Hih hilhkholhna pen 1844 a bei hi leh 

Khrist pen Biak innpi puah siang dingin hih leitung mei tawh hah siang 

dingin hong pai kul ding hi ci in ki nial uh hi. Tu in hong pai lo mawk 

ahih teh, tua gen kholhna pen bei nai lo hi ding hi, ci uh hi. 

(410) Tua bang hi mawk leh hih hilhkholhna akhiat dan masa 

uh a kheel uh kul ding hi. Ni 2300 lah Artaxerxes in Jerusalem puah 

kik ding a thupuak B.C. 457 phalbi tuung lam pen mah-a a ki pan hi 

zel hi. Tua pana pat bek mah tawh lah hilhkholhna sunga thu piang 

ding a ki gen teng a hun a mun kisi to dim diam thei bek zel hi. Dan. 

9:25-27. Nipikal 69 pen kum kum 483 hi a, 2300 lak patna lam Messiah 

sathau kinilh ciang baan to ci ahih teh, Khrist tui kiphum-a Kha 

Siangtho ki pia (ki nilh) AD 27 tawh kisi pah lian takpi hi. A nipikal 

70-na laizang tak ah Messiah ki that ding ci leu leu hi. A ki tuiphum 

khit kum thum leh a lang a cin’ AD 31 kum ciangin Khrist singlamteh 

ah ki khai a ki that takpi ahih manin ki si lian leu leu hi. Kum 490tawh 

kikim Nipikal 70, pen Jew te tawh kisai ahi hi. Hih hun a bei lian 

ciangin a mi nam buppi un Khrist nial takpi uh ahihna kip sakna-in A 

nungzuite na bawlsia zom lai uh hi. Tua ciangin sawltakte in AD 34 

kum a kipan Jew te nusia in Zentail te lam ah na ki hei ta uh hi. Tua 

hun in kum 490 hong bei to hi ta a, kum 2300 lak ah dok khia leng 

1810 om lai hi. Tua ahih ciangin AD 34 pan kum 1810 lato leu leu 

leng 1844 kum in bei hi. Tua khit ciangin Biak-innpi ki puah siang 

tading hi,” ci in vantung mi in gen hi. A paisa hun sung tee-a 

hilhkholhna in a gen thute a hun a mun ki lem tak maan takin piang 

takpi to dian dian khin zo hi. 

Tua tuatna ah dot kina omloin siangtho takin ki tuak to khin hi. 

1844 kuma Biak-innpi siansuah nading thu khat lo ngal amau sehna 

bang man takin tung hi. Ni 2300 beina ahi tua nite a tuatna sa uh khel


ni ci leng a vekpi in ki pelh khin hiau ding hi. Hilhkholhnate khempeuh 

zong maan takin tung a hih man-a a upna din mun khel hong kul ding 

hong suak mawk ding hi. 

Pasian in Ama mite Advent na seem dingin sawl a, a sepna te 

uah A vangliatna tawh huh hi. Tua nasepna pen khuamial leh lang 

pangte nop neh lel dingin Pasian in mot nusiat lo ding hi. Ama thumaan 

pen muan lah theih ding leh kician lopi in zong mot nusiat lo ding hi. 

(411) Mi tampi in tua hilhkholhna suut dan nusia in a din mun maan uh 

a nial uh hangin pawl khat te in tua a upna uh Laisiangtho thumaan om 

bang hi a, Pasian Kha Siangtho in zonga huh takpina teci om ahih 

ciangin khah suah nuam loin a len cinten lai uh hi. Amau tee hilhkholhna 

suut dan a thubulphuhte uh a maan mah hi ci in len cin ten lai uh a, a 

baan ah Laisiangtho zon’ beh lai kul hi ci in a ngaihsun uh hi. Nakpi thu 

ngetna tawh a din mun uh zong khia kik uh a, Laisiangtho sung panin 

akhialhna uh muh khiat kik ding hanciam uh hi. A hun seehna te uh 

tawh kisai a khialhna Laisiangtho sung panin mulo uh ahih manin Biakinnpi 

thu a tel sit zawk lai uh hong kul ta hi. 

Tua banga a zon’ khiatna uah taangpi sehna bangin Biak-innpi 

in leitung a genna hi cih theih nading Laisiangtho mun mu zo lo uh hi. 

Laisiangtho sunga Biak-innpi nesepna vai a genna te tel muh pha saan 

uh hi. A omzia, amun, a na sepziate dot tel kik zong kul lo in a ki tel sin 

sen a ki gennate a muh beh uh hi. Sawltak Paul in Hebru te a laikhakna 

ah, “Lam khat panin, thuciamna masa in biakna ngeina ahi zongin, hih 

leitung tawh kipawl siangtho mun ahi zongin a nei hi. Bang hang hiam 

na cih uh leh, puan buk khat a kibawl hi. A masa dei sungah meivakna, 

sabuai leh Pasian maihah a kikhoih khomunte a om uh hi. Hih mun in 

Siangthona Mun a kici hi. Anihna puan dalna sungah Siangtho Bel Mun 

kici dei khat a om hi. Tua dei sung ah paknamtui halna, kham tawh a 

kizut thuciamna singkuangte a om uh hi. Tua singkuang sungah mana 

koihna kham beel tawh, a pak apak Aaron’ ciangkhut tawh, thuciamna 

kigelhna suangpeekte a om uh hi, Tua singkuang tungah vangliatna tawh


kipawl vantungmi milimte in mawhphelna tokhom khuhin a om uh hi.” 

Heb. 9:1-5 ci hi. 

Paul in hi taka a gen pen Pasian sawl banga Moses lam, a 

saangbelpa teen’na mun dinga leitunga ki lam Biak-inn siangtho mun 

ahi hi. “Amaute lakah kei ka om theihna ding in kei ading in biakinn 

khat amaute bawl sak in”, (Paikhiatna 25:8) ci in mual tunga Moses 

tawh a om khawm lai un Pasian in thu a pia hi. Israelte in gam sung 

teng kan tan in khual zin uh a, a paina peuh uh ah tua Biak buk a puak 

kawi kawi theihding uha ki lam hih hangin nasia in hoih mah mah hi. A 

kawmte singpeek hoih kham tawh ki zut hi. A (412) ki bulhna munte a 

ki lawi liap liap thei ngun tawh ki bawl hi. A tung pen puan tawh savun 

pua-nun’-a ki bawl, a sung nung pen in puan neel hi in Cherubim limte 

a ki suai hi. Buk pua lam, a huang sungah haltumna tau om hi. A 

biakbuk sung pen dei nih pha a, Siangtho Mun leh Siangthobel Mun 

kici hi. A meel hoih puan neel manpha puandal tawh a ki kal ki dei hi. 

Tua deina puandal bang khat mah in siangtho mun lutna a na dal hi. 

Siangtho mun akhanglam pangah khuaimeivak khuamte meivak 

7 tawh, sun leh zan a biakinn sung ataang sak den dingin ki vak pai 

suak hi. A sak lam nawl ah Ompihna anlum te ki koihna sabuai a om hi. 

Tua ciangin siangtho mun panin siangthobel mun a ki dei madeuh in 

kham tawk kizut namtui halna tau om hi. Tua panin Israel te in ni sial a 

a thu ngetna uh namtui meikhu tawh Pasian mai ah puak to uh hi. 

Siangthobel Mun ah Thukham singkuang ki nga hi. A pangte 

sing golh tawh ki bawl kham tawh ki tuam ahi hi. A sung ah Pasian in 

Thupiak Sawmte a gelhna suangpeek nihte ki koih hi. Thukham kuang 

tung, singtho singkuang zaang ah, Hehpihna Tokhom a kici a khut siam 

pente bawl ahoih mah mah a peek khat ki phah hi. Cherubim nih in 

among tuak ah kual khum in laitaak uh hi. Tuate khempeuh kham tawh 

kibawl hi. Hih dei sung Cherubimte kikal panin hong ompihna meiilom 

vanglian tawh Pasian hong kilang zel hi.


Hebru mite Khanan gam ah hong kip om khit uh ciangin tua 

puan buk pen Solomom lam Biak-innpi tawh kilaih hi. A kip zaw leh a 

zai zaw in a lam uh hangin a lim mah et teh-in a lam uh a hi hi. Tua 

bangin Biak inn hong po to a, Daniel hun a ki suksiatna leh AD 70 kum 

a Rome te suk siatna dong hong hi to hi. 

Laisiangtho in a gen Biak-inn leitunga om ngei pen hi bek ahi hi. 

Hih Biak-inn pen Paul in thuciamna masa biak-inn ci hi. Ahih leh 

thuciamna thak in Biak-inn nei lo ahi hiam? 

(413) Hebru sung mah lem leu leu uh a, thumaan zong te in Thuciam 

thak Biak-innpi omna hong mu khia ta uh hi. Paul kammal mah man 

kik in, “thuciam masa in biakna ngeina ahi zongin, leitung tawh kipawl 

siangtho mun ahi zong in a nei hi.” “Zong” cih kammal a zatna ciangin 

Paul in hih biak-inn thu a genna sa om zo ahihna alak hi. A mai-a a 

genna om sa sung leh leem uh a: “Tu-a ki gen sa thute a bulpi in tua 

bang siampi ukpa ih nei hi. Amah in vantung vanglianpi tokhom ziat 

lamah tu-in a om hi” ci hi. Heb. 8:1, 2. 

Hi laitak ah thuciam thak-ii Biak-innpi hong gen a hi hi. Thuciam 

lui-a biak-inn pen mihing lam hi a, Moses phuh a hi hi. Tu-a a gen 

Biak-inn pen Topa phuh hi a, mihing hi lo hi. A masa sung ah leitung 

siampite in na seem uh hi. Hih a nu nung sung ah eite siampi lian Khrist 

in Pasian ziatlam ah seem hi. Biak-buk khat pen leitung ah om a, a khat 

pen vantung ah om hi. 

Tham loin Moses bawl biak-buk in et teh khat nei-a ki bawl a hi 

hi. Topa in makaih a, “Biakbuk leh a na-zatte’ lim ding tawh kisai-in 

nang tungah kong lahte khempeuh tawh kituakin nangmah in na bawl 

ding hi,” ci hi. A sawl kikna ah, “Mual tunga nang tunga hong kilak hih 

nate pen amau’ lim ding bangin na bawl ding thei in “ ci hi. Paikhiatna 

25:9,40. Paul in tua a masa pen bel “tu laitak hun ading lim ahi hi,” ci 

hi. Tua hi a, siangtho munte in “vantung-a a tak tak pen lim” a ciing 

khol ahi hi. Thukham zui a biakna pia a siampite zong “vantunga tu


hun-a ki sem ding ettehna” hi bek zaw hi. “Mi khut tawh kibawl a 

siangtho mun sungah Khris tum lo hi, eite tangding tu-in Pasian mai ah 

a pumpi lalh nadingin vantung ah a tum hi.” Heb. 9:9,23; 8:5; 9: 24. 

Vantunga Biak-innpi pen tu a eite ading Jesu in Siampilian a va 

sepna pen a hi hi. Tua in a tatak, a bulpi (original) pen hi zaw-a, Moses 

lam pen tua pana ki etteh bek ahi hi. (414) Pasian in hih leitunga Biakinn 

a lamte tung ah A Kha Siangtho pia hi. A ki lam dan khawng, a 

siamtheihna uh, khut neelnate in Pasian pilna ki muhna ahi hi. A kawmte 

in kham tawh kibang hi. Meivak khuam 7te tungah mei aki vak ciangin 

a leng kik in inn sung khempeuh tang kim sak hi. Ompihna Anlum 

sabuai leh namtui taute zong kham tak bangin te diam diam uh hi. Inn 

tung sung dapna puan hoihte tungah zong vantungmite lim kisuai hi. A 

eng dum, a ua palh leh san ciip in a mun ci teng etlawm sak hi. Siampi 

lianpa lo ngal mi dangte lut theih lohna a dei nihna sung ah zong Pasian 

minthan’na a hong la zelna Shekinah meii-ngo zong om hi. 

Tua leitung biak-inn tawh a ki teh thei vet lo a minthang vantung 

Biak-inn sung ah eite makai Siampilian Khrist in Pasian Tokhom ah a 

nasepna zia ih muh theih nadingin leitunga pen a hong pia a hi zaw 

bek hi. A mai ah ama nasem ding mihing tultul om a, a mai ah mlihing 

tulza sawm a ding uh hi. Dan. 7:10. Tua Biak-inn mun siangtho pen 

a tawntung Tokhom min than’na tawh ki dim in, a taang Seraphimte 

in vil uh hi. Amah zahtak in a maite uh liah uha omte’ omna mun pen 

mihing khut tawh a kibawl thei ngei lak-a hoih pen tawh a hi thei liai 

liai cianga a thupina ih muh theih nadinga leitunga pen a hong pia ahi 

zaw ta zen hi. A hi ta zongin mihing te Hot nadinga vantung Biak-inn 

sunga na ki seem te a zia I theih dinga pha mawh thumaan pawl khat 

om ahih manin, tuate hilhtel nadingin leitung biak-buk nasepzia tawh 

hong hilh ahi hi. 

Vantung Biak-inn sunga siangtho munte a lim cing ding in 

leitung biak-buk zong dei nih a ki suah ahi hi. Mangmuhna tawh


sawltaak Johan zong vantunga Pasian Biak-innpi sung ki mu sak a, 

amah in “tokhom mai a meivak 7 taang dente mu hi.” Mang. 4:5. 

“Kham kuang atawi adang vantungmi khat in zong hong pai-in biakna 

tau kiangah ding a, tokhom mai-ah”om vantung mi khat mu hi. Mang. 

8:3. Hih lai tak ah kamsangpa pen vantung Biak-inn a dei masa sung 

ki en sak a hi hi. Tua lai ah “meivak 7” leh “kham biakna-tau” mu hi. 

Tuate lim la a leitung biak-buk ah zong meivak khuamte leh namtui 

halna taute a ki koih a hi hi. “Vantunga Pasian Biak-innpi hong ki 

hong a,” (Mang 11:19) a dei sung nung zong a en leu leu (415) hi. 

Siangtho Bel Mun a mu hi. Hih lai ah, “thuciamna singkuangg” a mu 

hi. Moses lam na sunga Pasian thukham koihna singkuaang pen tua 

lim la-a ki bawl a hi hi. 

Biakbuk Thu a kantel te in vantung ah Biak-innpi om takpi hi 

cih pen ki sel nading om lo-in hong thei khia uh hi. Moses in hih leitung 

biak-innpi a lamna ah etteh nei-a a lam sak a hi hi. Tua a etteh pen 

vantunga a tatak pen a hi hi ci in Paul in hilh hi. Johan in teci pan’ pih 

a, vantung ah mu takpi hi. 

Vantunga Biak-innpi sung ah Pasian a teeng hi. Ama Tokhom in 

dikna leh thukhen tungah kinga hi. A siangthobel mun ah Ama Thukhun 

thukham koih a, tua tawh mi khempeuh ki sit tel hi. Thukham a tuam 

singkuang tungah Hehpihna Tokhom a om hi. Tua mai-ah Khris in 

mawhneite adingin Ama sisan tawh va thum hi. Tua bangin dikna leh 

hehpihna kigawm in mihingte hot khiat nading nasem uh hi. Mong nei 

lo pilna leh mong nei lo vanglian bek mah in pi cin’ theih nasep ahi hi. 

Tua a kikophehpihna leh dikna in vantung ah lam dang sakna leh 

zahtakna ki dim sak hi. Leitung biak-inn sunga Cherubimte in zahtak 

takin hehpihna Tokhom en suk sak uh hi. Tua pen vantung buppi in 

Hotkhiatna nasepna lawp takin a et denna uh lim lahna a hi leu leu hi. 

A tatak pen ah vantung mite in migitna thuthukpi pen telmuh nuama a 

etna uh lim a hi hi. Pasian pen thutang in a ki sik kik mawh nei mi te mi 

dik a tang sak ahihna, a puuk mite tawh a ki zopna uh a thak suahsakna


a hi hi. A puuk ngei lo vantung mite tawh gawm in Pasian maia a teen’ 

khawm den theih nading un, tua hehpihna thuthuk pi tawh Khrist in a ki 

sim zolo mihonte siatna khuk pan kaai khia in a kawk baang lo Ama 

puan silh sak hi. 

Mite tawh kikal a Khrist’ palai nasepna pen Zechairah 

hilhkholhna ah a ki lawm mah mah in gen a, Ama min in “A hiang” ci lih 

liah hi. Kamsangpa genna ah: (416) “Amah in Topa’ biakinn a lam 

dingpa hi a, kumpite’ ngah theih minliatna ngahih, ama mite uk ding hi. 

Ama(Pa)kumpi tomkhom gei-ah siampi khat om dinga, kithutuakin 

kilemin na sem khawm ding uh hi” ci hi. Zech, 6:12,13. 

“Amah in Topa’ Biak-inn lam ding pa hi.” Ama ki gawhna leh 

Palai sepna hangin Khrist in Pasian Biak inn lampa leh a phut pa ahi hi. 

Sawltak Paul in Ama pen “Khris in tua innkiu-nuai suang ahi hi. Tua 

suang leh inn khempeuh in kizom in khang a, Topa sung ah note in 

zong Kha Siangtho hangin Pasian’ omna na suah nadingun a kilam na 

hi uh hi. “ ci hi. Efesa 2:20-22. 

“Amah in minthan’na nei ding hi.” Khrist in a puuk mite a hot 

khiatna ah minthan’na nei hi. Khang tawntung in hot khiat mite lapi in, 

“Eite hong it a, a sisan tawh eite mawhna pan hong phelkhia a, ama 

Pasian mai-ah eite kumpi za ah a hi zongin, siampi za ah ahi zongin 

hong koih Topa tungah vangliatna leh ukna thu om tawntung ta hen,” 

ci ding uh hi. Mang. 1:5,6. 

“Amah in A Tokhom tungah tu in uk ding hi.” Tu in bel tua 

Minthan’na gam hi nai lo ahih manin “A minthan’na Tokhom” ah tu 

nailo hi. Palai a sepna a zawh ma teng in A pa David Tokhom ah tu-a 

a uk ding “a bei ngei nawn lo “ Kumpi gam pen Pasian in pia khia nai lo 

hi. Lk. 1:32,33. Khrist in Siampi hihna tawh tua Tokhom ah A Pa tawh 

vai hawm uh hi. Mang. 3:21. A om tawntungpa, Amah leh Amah-a 

piangkhia Pa, tawh tokhom tunga a tupa in “eite lungkhamna thuaka ih 

dahna te a puapa” hi a, “eite thuak mah bangin ze etna apawl pawlathuak


ngei mi, ahih hangin mawhna khialhna tawh akipelh,” “mawhzolna 

thuakte a huh zo pa”, “ midik Jesu Khris ahi eite hong huhpa Pasian 

kiang ah ih nei hi.” Isa. 53:4; Heb. 4:15; 2:13; 1 Johan 2:1. A ki dawt, 

a ki liam sak, a kawk baang lopi pumpi pen teek mah tawh Palai a sem 

ding a hi hi. A liam A khut, a ki sun let a pang, a ki kheen let khepeek, 

mah tawh mawhna sunga a puuk mite ading hong thuum sak in, a ki seh 

thei lo man tawh hong leisa ih hi hi. 

“Amaute kikal ah nopna vai hawm khawm ding uh hi.” Tapa itna sangin 

in aneu zaw tuanlo Pasian neih itna pen mawh nei mi te ading hotkhiatna 

nak a hi hi. A pai san ma-in Jesu in A nungzuite kiang ah, “Note ading 

Pa kiangah ke’n ngen ning ka ci kei hi.Banghang hiam na cih uh leh,…Pa 

in zong note hong it hi.” Johan 16:26,27, ci hi. Pasian “Pasian in Khris 

sungah om a, leitungmite’ mawhna ciamteh lo in amah tawh kilemsak” 

(417) kik hi. 2 Kor. 15:19. Vantung a Biak-inn sunga nasepna ah 

“amaute gel kikal ah nopna thu vaihawm khawm ding uh hi.” “Pasian 

in a Tapa khat bek a piak dongin leitung mite a it hi.Tua Tapa a um mi 

khempeuhte in kisia lo-a nuntak tawntungna angah nading uh ahi hi” 

Jn. 3:16. 

Biak-innpi I cih bang hiam? ci a dotna pen adawn na ding 

Laisiangtho ah ki cian mah mah hi. “Biak-innpi “ cih Laisiangtho kammal 

in Vantung na te muh theih nadinga ki bawl Moses lam biak-buk pen 

genna hi masa pen hi. A nihna ah, leitunga pen in a limciin vantung a 

om “a tak tak Biak-inn” pen cihna a hi hi. Khrist a sih ciangin lim 

ciin’na teng bei ta hi. Van-a om a tak tak Biak-inn pen Thuciam thak 

mun siangtho pen a hi hi. Dan. 8:14 sunga hun sehna hilhkholhna pen 

in hih Thuciam thak Biakinn pen gen ahih kul hi. Ni 2300 beina 1844 

kum in hih leitung ah tua Biak-innpi a om nawnloh kum zatampi pai 

khin hi. Tua hi a, “Ni tul 2300 ciangin Biak-innpi ki siansuah ta ding 

hi” cih hilhkholhna thu dot kik kul lo zah in vantunga om Biak-innpi 

kawk ahi hi.


Ahih hangin, Biak-inn puah siang cih ciangin bang ci puah siang 

hi ding hiam? cih dotna thupi pen khat dawn’ kik ding a om lai hi. Hih 

leitung biak-innpi tawh a ki zom nasepna Laisiangtho Lui in nagen hi. 

Leitunga pen bangin vantunga zong puah siang theih ding om ahi hiam? 

Heb. 9 sung ah leitunga hi ta leh vantunga hi ta leh, Biak-innpi 

puahsiangna zia tel takin na gen hi. “Thukham thu bangin na khempeuh 

si tawh kisiangtho sak hi cih dinfg hi. Si kibua loin mawhna maisakna a 

om kei hi. Tua ahih ciangin vatungah a om nate a limte in tuate (gan si) 

tawh a siangtho sak hi. Ahih hangin vantung nate ahih uh leh, apha 

zawte tawh a singtho sak hi,” (Heb. 9:22,23.) Khrist sisan tawh a ki 

siang sak a hi hi. Puah siangna ah a lim ciin’na hi ta leh a tatak pen hi 

taleh, sisan kizangh ding ahi hi. A masa ganhing sisan kizang in, a nu 

nung Khrist sisan tawh ahi hi. Paul in bang hangin (418) hih sisan ki 

zangh se hiam cih thu a tel gen na ah, Si kibua loin mawhna mai sakna 

om lo hi na ci hi. Mawh mai sakna ahi mawhna tei-khiatna sep a kul ahi 

hi. Bang ci bangin tua mawhna te vantunga leh leitunga Biak-buk tawh 

kisai kha mawk hiam cih thu a lim ciing nasepnate panin ki thei thei hi. 

Leitunga siampi semte in “vantung nate a lim leh liim” ciing in na seem 

uh a hi hi. Heb. 8:5. 

Leitung Biak-buk sunga na ki sep zia pen cial nih pha hi. Siampite 

in Siangtho mun ah ni sial in mawh suutna na sem uh hi. Ahih hangin 

Siampilianpa in Biak-innpi siansuah nadingin siangtho bel mun ah kum 

khat in khat vei bek lut in na seem hi. Ni khat khit ni khat a ki sik kik 

mawhnei te in ama ki thoihna gan te hong pai pih uh a, agan lu tung ah 

a khut nga in a mawhna teng uh pulaak hi. Tua pen ama tung pan 

mawhna teng la khia in mawhnei lo ganno tung ah suan hi, cihna a lak 

a hi hi. Tua ganno pen ki that hi. “Si kibua loin mawhna maisakna om 

lo hi,” ci in Sawltakpa in gen hi. “Nuntakna in si sung ah a om hi”. 

Siampilaibu 17:11. Pasian thukham palsatna pen a palsatpa nuntakna 

tawh loh ding ahi hi. Tua sisan pen mawh neipa in a taansa nuntakna 

lim la ahi hi. Ama mawhna pen ganno in a pua-a, tua pen Siampipa in


siangtho mun sung ah lut pih hi. Mawhneipa’ palsat thukham kikoihna 

ahi Siangtho bel Mun dalna puan mai ah hong theh hi. Hih bang Zeh 

bawlna tawh tu-in mawhna pen gan sisan ah tu a, tua panin Biak-buk 

sung ki tei suak hiau mawk phot hi. Khat khat pen siangtho mun ah lut 

pih se loin, a sa pen siampite in anek lel uh zong om hi. Moses in Aaron 

tate a thupiakna ah tua bang munte ah zong “Pasian in mipi mawhna 

nomau tung ah hong suan hi” ci pah leu leu hi. Siampilaibu 10:17. Tua 

Zehte gel in ki sik kik mawhneipa palsatnate biak-buk ah ki koih sak 

ahihna a lak hi. 

Tua nasepn pen nisial in pai to to a, a kum bup ki khol hi. Israel 

te mawhna teng Biak-innpi sung ah ki khol hi. Tua a ki khol mawhnate 

paih khiat nading nasep tuam khat hong kisam leu leu hi. Pasian in tua 

inn dei nihte sung ah siansuahna bawl nading thu pia tuak tuak hi. “Amah 

in tua bangin Israel mite’ nitna hang, leh amau’ thu palsatnate hang, 

amau’ khialhna khempeuh hangin siangtho mun adingin kilemna bawl 

ding hi.” Biakna-tau ading zong siansuahna bawl kul hi. “Sitawm khat 

tawh biakna tau tungah sagih vei theh siangsak in, Israel mite’ nit sakna 

panin siangtho sak ding hi.” Siampilaibu 16:16, 19. 

Siansuahna(kilemna ni) ni lianpi ni ciangin Siampi lianpa in Biakinnpi 

siansuah dingin siangthobel mun ah kum khat in khat vei ta bek a 

lut hi. Tua laitak ah a kum bup mawhphelna nasepna va mahial hi. 

Siansuah ni ciangin keel nih Biak-inn ah hong pai pih uh hi. Tua keel 

nihte tung ai saan in, “khat Topa keel, a khat nawhmang keel” ci uh hi. 

Siampilaibu 16:8. 21. 22. Topa keel ding pen mipi mawh thoihna in ki 

go hi. Siampipa in tua keel sisan hong pai pih a, hehpihna Tokhom 

tung leh a mai ah hong theh hi. Siangthobel Mun dalna ma-a namtui 

halna tau tungah zong theh hi. 

“Aron in keel hing lu tungah a khutte gel nga-in, amau 

khialhnaate khempeuh, keel tungah pulak ding hi. Amah in keel lutung 

ah tuate suan-in a paikhiat pih dingin a kithawisa mipa khut tawh gam


lak ah sawl khia ding hi. Keel in amau mawhnate khempeuh pua-in gam 

daihna ah pai ding hi.” Siampilaibu 16:8,21,22. Tua keel pen Israel 

mite lakah hong ciah nawnlo a, a kaai pa zong mite lak hong lut kikma 

in ki pumsil in a puante a sawp siang phot hi. 

Pasian in mawhna kih huai a sak zia leh Pasian sianthona Israelte 

in a tel theih nading in ahi thei zah zah a lungsim uh alawng thei ding 

ngimna in tua Zeh teng a ki bawl ahi hi. Tua baan ah amaute in mawhna 

va sukha kha nawn kei uh hen ci a lahna zong a hi hi. Mi khempeuh in 

hih siansuahna(kilemna) a kibawl hun sung teng amau ki sit teel in na ki 

gawt bawl uh hi. Vai dang khempeuh koih khia in Israel buppi in a ni 

buppi Pasian mai ah ki niam (420) khiattna in zangh uh hi. An ngawl 

thungen in, amau lungsim mah ki zong khia uh hi. 

Siansuahna tawh kisai thumaan te a lim lahna nasep panin ki 

thei tel thei pen hi. Mawhnei mi taang dingin a kipia gan khat a om hi. 

Ahih hangin tua kithoihna gan sisan in mawhna a sil siang ahi pah nai 

kei hi. Mawhna pen Biak-buk sunga ki khol sak ahi pan phing hi. Tua 

sisan a piakna tawh mawhnei mite in Thukham vangliatna a lak ahi uh 

hi. A mawhna, a palsatnate uh a maisak ding in hong pai ding Honpa 

lunggulh in upna tawh a pulaak uh hi pan bek hi. Thukham mawhsakna 

pan a suak ta siang tho pah uh ahi nai kei hi. Tua siansuahnani in siampi 

lian pa in mipi hong ken’ ki thoihna sisan pen a Siangthobel Mun a 

Hehpihna Tokhomn tungah va theh hi. Thukham’ ngetna a lungkim 

nading va bawl ahi hi. Palai sem Siampi lianpa in mawhna teng hong 

pua in, biak-buk sung panin hong pai khia hi. Nawhmang keel tungah 

a khut nga in a puak mawhna teng pen pulaak in keel tungah suan hi. 

Tua pan-in keel in pua khia leu leu hi. Tua ciangin mawhna pen a 

mawhneite tung pan ki lakhia pai suak ta hi ki ci pan hi. 

Tua nasepnate pen, “vantunga kisepna zia ding lim ciing” bek 

ahi hi. Ahi ta zongin tua leitunga sepna bang lian mah in vantung Biakinnpi 

sungah mawhsuutna ki seem ahi to leu leu hi. Van a kahtoh khit


ciangin Honpa in eite ading in Siampilian aseem hi. Paul genna ah, 

“Tua mah bangin a siangthona mun takpi lim ahi, mi khut taawh kibawl 

a singtho mun sungah Khris tum lo hi, eite tangding tu-in Pasian maiah 

a pumpi lah nading in vantungah a tum hi.” Heb. 9: 24, ci hi. 

Biak-inn dei masa sunga a kum tawn siampite nasepna in inndeina 

leh a pua lam kawm kikal sung siangtho mun a kici sung teng ahi hi. 

Khrist van kahto-a a lut ciilna nasep teng lim lahna a hi hi. Tua pen 

siampite in nisial a mawh suutna na seem uh a, mawh thoihna sisan leh 

Israelte thu ngetna ahi namtui hal gim a va puak toh nasep pen a hi uh 

hi. (421) Tua mah bangin Khrist in mawhneite adingin A sisan, Ama 

dikna namtui, leh a kisik kik thu um mite thu ngetna hel in A Pa mai ah 

puak in, a va luui a hi hi. Tua bangin vantung biak-inn adei masa sung 

ah mawhsutna ki seem ahi hi. 

Khrist van a kah toh lai in nung zuite in en uh a, tua mun dong 

upna tawh a zui to uh hi. Tua ahih ciangin tua amuhna pen uh upna 

laigil hong suak hi. Paul in a genna ah, “tua upna ei zong ih nei a, ih 

khaa hong len sik kawi kip bangin kip in kician hi. Eite adingin puan 

daal sung ah lut a, Jesu in eite ading a tawntung siampilian a sem hi”. 

“Tu-in khuttawh kibawllo, hih leitung tawh kipawllo, alianzaw, 

akicingzaw bukah, anung ciang suak ding phattuam nate siampi ahi 

Khris in eite a ding a tawntung tatkhitna thupha hong nagahsak khit 

ciangin, keel si, bawng si tawh hi lo, amah mah si tawh Siangtho Bel 

Mun sungah khat vei a tum hi.” Heb. 6:19,20; 9:12. 

Kum tul leh za giat sung bang van Biak-inn dei masa sung ah 

mawhsut nasep ki sem hi. Khrist sisan tawh a kisik kik mawhneite 

ading Pa in mawh mai-a a saan’ nading va bawl sak hi. Ahih hangin 

amaute mawhna pen mawhna ciaptehna laibu ah tuang lai hi. A lim 

ciing siampite nasep lai in zong a kum bei ciangin siansuahna a bawl 

mah bangin a tatak sepna ahi Khrist sepna ah zong mihingte hotna a ki 

zawh siang nadingin Biak-innpi panin mawhnate paih khiat ding a kul


ahi hi. Tua siansuah nasep pen ni 2300 bei cianga ki sem pen a hi hi. 

Tua hun ciangin kamsang Daniel muh kholhna mah bangin eite 

Siampilianpa in Asiangtho Bel Mun ah lut in a mulkim huai khentel 

siangna va sem a, Biak-innpi siansuah ta hi. 

Tanglai in mawhnate mawhthoihna gan tungah upna tawh ki suan 

hi. Tua pan in, si san tawh Biak-innpi sung ah ki khin phei leu-leu hi. 

Kiciamna thak sung leu leu ciangin a ki sik kik mawhna te, upna tawh 

Khrist tung ah ki suan hi. A lim hi nawn loin a tak tak vantung Biakinnpi 

sung ah va puak hi. A lim ciin lai a leitung biak-buk sung ah a ki 

mawh ngei mawh na omsa khempeuh a nil khiatna uh tawh nasep a ki 

zo ahi hi. Tua mah bangin a tak tak vantung Biak-innpi sungah a alut 

mawhna teng a ciamtehna pan a phiat siangna uh tawh Biak-innpi ki 

siansuah a hi hi. Ahih hangin tua ma in ciam (422) tehna laibute sit tela 

kua teng in suansuahna ngah ding hiam cih pen a ki khen tel masa 

phot ding ahi hi. Tua ahih ciangin Biak-inn siansuahna nasepna ah 

Dawpkhiat nasep (investigation) thu khenna nasep hong kihel hi. Tua 

nasep pen Khrist in A mite hon dingin hong pai ma in a ki zawh siang 

phot kul hi. Tua hi leh Ama hong pai ciangin mi khempeuhte amau 

gamtatna ciat bangin piak ding letsong a khut ah hong keng pah ta hi. 

Mang. 22:12. 

Tua hi a, hilhkholhna thu khuavaak azui mitein ni 2300 beina 

ahi 1844 kum pan in hih leitungah hong pai ding hi zaw loin Khrist in 

van Biak-innpi-a Siangtho Bel Mun ah lut dinga, Amah hong pai theih 

nadingin nasep mahial nading siansuahna ava bawl ding hi zaw hi ci in 

mu khia uh hi. 

Mawh thoihna gan in Khrist ki gawh nading a kawk mah bangin 

siampi nasepna in zong Khrist Palai nasepna lim kawk ahi hi. Nawhmang 

keel in mawhna teng bulpi Satan lim kawk a, a ki sik kik takpite mawhna 

teng atawpna ah ama tungah ki suan kik ding hi. Siampipa in 

mawhthoihna gansi tawh Biak-innpi panin mawhna teng sawp khia a,


nawhmang keel tungah suan hi. Khrist in Amah mah’ sisan tawh A 

mite mawhna sawp khia a, vantung Biak-innpi Siangtho Bel Mun panin 

mawhsut nasep azawh siang nadingin Satan tungah suan ding hi. Tua 

mawhna nei bulpipa in zawh siangna thukhenna ah tua mawhnate thuak 

ding hi. Nawhmang keel pen Israelte lak peuh mah ahong lut kik nawnlo 

dingin mi teen’ lohna munah ki kai mang in ki nawh mang hi. Tua mah 

bangin Satan pen Pasian leh A mite kiang panin a tawntung ki nawh 

mang dinga, mawhna leh mawhnei khempeuh a om ngei nawnlo dinga 

phiat siangna munah amah zong mai mang ta ding hi.

A SIANGTHO LAKA SIANGTHO BEL MUN AH 423 

24 

A Siangtho laka Siangtho Bel 

Mun ah 

(423) 

BIAK-BUK thu in 1844 kum-a cihmawhna thu thukpi kong hon’na 

tawhtang a hi hi. Tua thu in thumaan nasepna a kizopna leh a 

kilem diam diamnate hong lak a, Pasian khut in Advent nasepna makaih 

a Ama mite in tu in bang sem ding hiam cihte atel sak hi. Jesu nungzuipite 

alungkham ni zana cih mawh luat khit laitak uha “Topa a muh uh ciangin 

a lungdam” kik uh mah bang ahi hi. Tu in Ama hong pai ding a lam en 

takpite pen hong lungdam kik mah mah ta uh hi. Amaute in letsong pia 

dingin hong kilang ding in lam en khin uh hi. A cihmawh khit ban uah 

Jesu a muh loh sawn sawn uh ciangin han phual ah Mary tawh nakpi in 

kap a, amautein ka Topa a la mang ta uh hi. Koi lai ah sial uh hiam ka 

thei kei hi” ci khawm uh hi. Tu in Siangtho Bel Mun ah Amah in hehpih 

na tawh akidim Siampilian sem hi ci in mu uh hi. A sawt loin amaute 

Honkhiapa leh a Kumpipa dingun hong kilang ding cih a thei ta uh hi. 

Biak-buk tawh kisai khuavak in a beisa, tu hun leh hong tung ding hun


om zia teng a lak hi. Pasian in a khial ngeilo geelsa leh seh sa-a a neih a 

vaihawmna ah amaute zangh hi cih mu ta uh hi. A masa in nungzuite 

mah bangin a thupuak uh a tel kim nai loh man un lungsi mah mah uh hi. 

Tua te khempueh a hi ding mah, a maan si sek a na hi zaw hi. Tua a 

tangkona pen mah uh zong Pasian sehsa thu a tun’ na hi zel a, a nasepna 

uh a mawkna om lo hi. “Lam etna thak tawh ki hin suah kik ta uh hi.” 

Amaute in tu in hong lungdam kik uh a, “gen zawh lohin minthan’na 

tawh a nuam uh hi..” 

Daniel 8:14-a “ni tul nih leh ni za thum ciangin Biak-innpi ki 

sian suah siang ding (424) hi” cihna leh vantung mi khatna tangkona, 

“Pasian kihta un la, a vangliatna phat un. Banghang hiam na cih uh leh 

, a thukhen ding hun a tungzo hi “ cih thu pen Khrist in Siangtho Bel 

Mun ah lutin, mawh thumna leh Dawpkholh thukhenna a sepna zia 

kawkna a hi zaw hi. Migilote kisiat nading leh Ama mite hon khia 

dinga Khrist hong pai nading na hi lo zaw mawk hi. A khialhna uh 

pen a hun sehna uh hi lo zaw in, ni 2300 bei ciang a thu piang ding pen 

seh khial uh a hi zaw hi. Tua seh khialhna hangin thu um mite in 

cihmawhna thuak uh a hi hi. Ahih hangin tua a cihmawhna thuak ding 

pen nangawn uh zong Laisiangtho hilhkholhna in a gen khol sa mah 

na hi leu leu hi. Amau lamet bang hong pian loh ciangin dah a a kahna 

te uh zong a piang ding mah a a thu om kholsa na hi sawn sawn zel a, 

Topa mai ah Ama naseemte letsong a piak theih nading thu teng a 

kimsakna a hi hi. 

Khrist pen amau lam et bangin leitung ah hong pai lo hi. Ahih 

hangin a lim a ki ciing khol sa mah bangin vantung Pasian Biak-buk 

sung Siangtho Bel Mun-a a lut na hi zaw hi. Kamsangpa Daniel in hih 

hun ding a muh kholhna ah, Amah pen Taangkumpu kianga a pai na na 

gen hi. “Zan ka mangmuh hun sungin ka khawdak leh mihing tapa 

tawh a kibang mi khat meii tunga hong pai ka mu hi. A nungta tawntung 

mipa’ kiangah pai –in, ama kiangah a ki pia hi,” ci hi. Dan. 7:13.


Hih hong paina Malakhi in zong a gen kholhna ah “ “Tua ciang in 

na ngakngak uh Topa a biakinn sungah thakhat thu-in hong pai ding hi” 

Mal. 3:1 na ci hi. Biak-innpi sunga Topa hong lut ding pen Ama mite lam 

et lohpi in tha khat thu hi ding hi ci hi. Amaute in tua lai ah Amah a pai 

dingin ngaihsun lo uh hi. Amaute in hih leitungah Amah hong pai in, “Pasian 

a thei lo mite ih Topa Jesu Khris’ Lungdamna Thu a ngai lo mite dan a 

piak,” hun ding in a lam en zaw kha uh hi. (2Thess. 1:8). 

Ahi zongin mite in Topa dawn dingin ki ging nai lo uh hi. Amaute 

adingin bawl lai zek ding a kisam nasep pawl khat om hi. Khuavak 

kipia in, amaute lungsim ah (425) vantung Pasian Biak-buk ki lak tel 

ding hi. Tua ciangin upna tawh Siampilianpa’ mawhsut nasepna zui thei 

ding uha, sep lai ding a kisam nate hong ki dawk to zel ding hi. Pawlpite 

tung ah hilh ding patau kona dang ki pia lai ding hi. 

Kamsangpa genna ah: “Ahi zongin ama hong pai ni ciangin kua 

in thuak zo ding a, amah hong kilat ciangin kua nungta zo ding ahi 

hiam? Amah in, sikte a siangthosak mei leh puante asiangthosak satpiang 

tawh kibang hi. A ninte kangtumsak in, ngunte asiangsakpa bangin 

thukhen dingin hong pai ding hi. Tua ciangin Topa tungah a kilawm 

(dikna tawh) biakna pia ding uh hi,” ci hi. Mal. 3:2, 3. Khrist in van 

Biak-buk-a Palai a sepna a khawl ciangin hih leitung a a na nungtalai 

mite in siangtho Pasain mai ah Palai nei loin om ding uh hi. Amaute 

puantual nin baang lo ding hi. A gamtatte uh zong aki theh sisan hangin 

mawhna panin in kisiansuah sak khin ding hi. Pasian thusiamna leh 

amau mah hanciamna tawh amautein gilo galdona ah a zote ahi ding uh 

hi. Dawpkholh thukhenna a ki sep lai teng a ki sik kik thu um mite 

mawhna teng, Biak-inpi pan a nil khiat hun lai sung teng leitunga Pasian 

mite lakah mawhnate koih khia in ki puah siangna na om ve ding hi. 

Hih nasepna Mang. 14 sung thupuak ah ki tel takin a om hi. 

Hih nasep a ki zawh ciangin leitung ah Khrist mite in ama hong 

pai nadingin a ki ging khol khin uh na hi ding hi. “Tua ciangin Judah


mite leh Jerusalem mite’ piak biaknate pen, nidangate mah bangin Topa’ 

mai-ah a lungkimhuai hi ding hi.” Mal. 3:4. Topa a hong pai cianga a 

saan’ ding pawlpi pen, “siangtho in mawhsakna omlo ahih ciangin, anin 

ban’na omlo, sa tonna om lo-in, a mel kilawma “ dim pawl pi a hi ding 

hi. Efesa 5:27. Tua cianginpawlpi pen, “Ziingsang khuavak tawh a 

kibang, …Amah amel hoih mah maha nitang, khataang, a bang “ in mu 

ding hi. - Canticle (Solomon La) 6:10. 

Topa a biak-inn a hong pai na baan ah A hong pai kik nading 

Malakhi in a genkholhna zong om a, thukhen siang dinga hong pai cih 

genna ah, “Mi honpite’ Topa in hih bangin ci hi: ‘Note tungah thukhen 

dingin ka hong pai dinga, ai tawite, numei tawh mawhte, a manlopi-a 

teci pangte, nasemte’ thaman piakna-ah khemna a zangte, meigong, 

tagah, leh gamdang mite a zawhthawh bawlte, leh kei hong zahtak lo 

mi khempeuhte’ lang khatah teci ka pang ding hi,” Mal. 3:5. Jude in 

zong tua thu mah a gen behna ah, “Topa in mi khempeuh thu khen in, 

Pasian’ thu a deih lo mi khempeuh in Pasian’ deih loh a bawlna uh na 

khempeuh a kipan Pasian’ thu a deih loh uh mawhna a neite in, Topa 

tungah gensiatna kam khempeuh kilangsak ding a hi zongin, Topa in 

akisim zolo misiangthote tawh hong pai khawm ding hi.” Jude 14,15. ci 

hi. Hih Topa hong paina pen A Biak-inn a hong paina tawh a kibang hi 

loin hun tuam tuak, thu tuam tuak a hi hi. 

Dan. 8:14 a Siangtho Bel Mun siansuah dinga eite’ Siampilianpa 

hong paina, Dan. 7:13 a Tangkumpu kianga hong paina, leh Malakhi 

sunga Topa a Biak-inn a hong pai pen a hun, a thu a kibang a hi hi. 

Matthai 25 sungah Khrist in nungak 10 tawh genteh in, Zipipa hong 

tun’ na thu gentehna zong na gen hi. 

1844 kum khuakhal laitak leh phalbi mong kikaala ki tangko, 

“Ngai un, Zipipa hong tung ta hi”, cih pen a hi hi. Tua genna ah, Nungaak 

te a pil leh a hai om thu a gen hi — pawl khat in Topa hong pai 

ding a lam en, Amah a mu nuam takpi- a tha nuam pawl, a pawl a kha


lau man peuh uh a a lawp pak lel te, leh thumaan thei a lungkim lel 

Pasian thupha a ta sam pawlte a hi uh hi. Thu gentehna ah Zipipa hong 

tun ciangin “ ana ki ging khol sa te Amah tawh sung tum in gual nuam 

uh hi,” ci hi. Hih laitak ah Zipipa hong pai hun pen mopi ma a hi hi. 

Mo pawi pen Khrist in A mite Ama gam sunga a lut sakna lim ahi hi. 

Khuapi siangtho Jerusalem khua thak in tua Kumpigam khuapi Limla 

hi a, “Tuuno zi” a cih pen ahi hi. Vantungmi in Johan kiang ah a genna 

ah, “Hih lai-ah hong pai in. Tuuno’ zi ahi mo kong lak ding hi hong cih 

khit ciangin, Khasiangtho tawh kei a sang mual lian dawnah hong pai 

pih a, Pasian kiang vantung pan Pasian’ vangliatna pua-in hong kiasuk 

Jerusalem Khuapi Siangtho hong lak hi.” ci hi. Mang. 21:9,10. Mo cih 

pen tua Khuapi (427) Siangtho a hi hi. Zipipa dawn dingin a hong pai 

khia nu-ngakte pen Pawlpi cihna a hi uh hi. Mangmuhna sung ah Pasian 

mite pen mo pawi nitak an ne dinga kisam leengla te ci hi. Mang. 19:9. 

Leenglate pen Mo a cih tawh zong ki lak thei lo hi. Kamsangpa Daniel 

genna ah, Khrist in Taangkumpu kiang pan in “Ukna, minthanna leh 

Kumpigam a ngah hi.” “A pasal adinga ki zemsa-a om Mo tawh a 

kibang”, A kumpigam khuapi Jerusalem Thak a ngah ding a hi hi. Dan. 

7:14; Mang. 21:2. Tua Kumpigam a ngah khit ciangin Amah in 

Aminthanna tawh kumpite’ Kumpi, topate’ Topa-in hong pai ta ding 

hi. Ama mite “Abraham, Isaak leh Jakobte tawh” Ama gam sung Ama 

sabuai-a “tu khawm” dingin hon khia ta dinga, Tuuno Mo pawi nitak 

an hong uum pih ding uh hi. 

Taangkona in “En un, Zipipa hong tung zo hi” cih hi hi. 1844 

khuakhal laitaka, tua tangkona hangin mi tul tampi in Topa hong pai 

ding lam en uh hi. A seh hun mah in A Kumpigam la ding, leh Mo nei 

dingin vantung Taangkumpu kiang ah a hong pai a hi. Mite lam et bangin 

leitung ah hong pai lo hi. “A na ki gingkhol te Amah tawh mopawi ah 

lut uh a, kong a ki khak hi.” Amaute hih mopawi ah a pumpi uh tawh 

va om hi loin, amau pumpi leitunga omlai sapi mah in a thu tawh tua 

vantung ah a om uh a hi zaw hi. Khrist nungzuite in “Tua Mopawi pan


a Topa uh hong pai kik ciang dong a ngak uh” hi zaw hi. Lk. 12:36. 

Ahih hangin amaute in Ama nasep a theih pih uh kul a, Upna tawh Ama 

nung zui in Pasian mai ah Amah tawh a pai khawm uh a hi hi. Hih a 

amau mopawi pai pen a thu omzia tua bang na hi zaw hi. 

Thu gentehna sungah a meivak a meitui thunte bek mopawi ah 

lut uh hi. Laisiangtho thumaan thei a Kha Siangtho leh Pasian thupha a 

neite, zan lungkhamna thuaka lungduai taka ngakte, a kitel zaw khuavak 

mu nuam a Laisiangtho sung a zong khia beh zel te, in hih van Biak-buh 

tawh kisai thumaante mu khia uh hi. Honpa in mawhsutna thukhenna 

tawh athuah ziate thei uh hi. Tua manin van Biak-inn sunga Ama nasepna 

zong upna tawh ah zui thei uh hi. (428) Laisiangtho teci pan’na 

khempeuh a saang te in hih thumaan a genna te uh ki bang sisek a, Palai 

nasep a zawh siang nading nasep seem ding a Pasian mai ah Khrist a lut 

pen upna tawh na zui uh hi. Tua te pen a tawpna ah Ama kumpigam a 

ngah khawm pih ding mopawi siimte in gen hi. 

Matthai 22 sung ah mopawi tawh lim laka genna khat mah om hi. 

A mopawi ma in Dawpkholh thukhenna om a ahihna tel takin a gen hi. A 

mopawi ma deuh ih Kumpipa hong lut a, leenglate en hi. Mi khempeuh in 

niin baanglo, tuuno sisan tawh ki sawp mo pawi puan paak ahi gamtat hoih 

a silh uh hiam sit tel hi. Mang. 7:14. A cinglo mi nawh khia in, mo puanpaak 

silh a a muh teng saang hi. Kumpigam sung Tokhom tunga tutkhawm pih 

theih dingin cing hi ci in seh hi. Hih gamtat sittelna, Pasian Kumpigam 

adinga ki gingkhol khentatna pen Dawp kholh thukhenna hi a, van Biakbuka 

nasep ki zawh siang nading zong hi ta hi. 

Dawptelna a ki zawh ciangin, khang tawntunga Khrist nungzui ka 

hi a cite’ thuteng a ki sittel ding hi. Tua khit ciangin, hun hoih hehpihna leh 

migitna kongpi ki khak ta ding hi. Kam vui tomno khat tawh hi bangin ki 

gen hi, “abaihsa a om nungakte tawh mopipa pawi sungah a lut khawm 

khit uh ciangin, kong a khak uh hi,” a cih thu in Topa nasep a mahialna 

ciang, leh mihing hotkhiat nadinga sepna a kim dong hong tun’ suk hi.


Leitung Biak-buk nasepna in vantunga sepna lim a ciing ahi hi. 

Kilemna ni in Siampilian pa in a Siangtho Bel Mun a lut ciangin, Siangtho 

Mun kici a dei masa sunga nasepna a khawl ta ahi hi. Pasian in, “Israel 

mihon khempeuh adingin kilemna a bawlkhit hong paikhiat matengin 

kikhopna buk sungah kua mah omlo ding hi,” ci in thu pia hi. Siampilaibu 

16:17. Tua lim mah zui in Khrist in Siangtho Bel Mun a siansuahna 

bawla a lut ciangin a dei masa sunga mawhsutna nasep pen a khawl ta a 

hi hi. Tua dei masa sunga mawhsutna (429) a zawh ciang mah-in a dei 

nihna sung nasep aki pan ta a hi pah zel hi. Limciin nasepna ah 

Siampilianpa in zong Siansuahna(Kilemna) ni ciangin Siangtho Mun 

nusia in mawh thoihna gansi tawh Pasian mai ah lut a, a ki sik kik tak 

tak Israel te mawhna te va sut sak hi. Tua lim mah zui in Khrist in eite 

Palai sepna cial khat zo ta a, a cial dang khat ah lut in mawhneite adingin 

Pa mai ah Ama sisan tawh va lut ta a hi hi. 

Hi bang ditdet thu Jesu a Lam-ente in 1844 kum in thei nai lo uh 

hi. Honpa hong pai ding a lamet hun uh a khen’ khat ciangin Ama hong 

pai ding bel nai pel mawh ve ve ding hi ci in um uh a, thu piang khat bel 

om ham tang ding hi ci a a up mah bangun Pasian mai a Khrist Palai 

nasepna cial masa a zo ta na hi takpi hi. Topa meii tawh hong pai mazek 

in mite hun hoih hehpihna kongkhak ki khak ta ding cih Laisiangtho hilhna 

amaute tung ah ki lak hi. Mite in zongin, kiu in, a kah uh hangin hehpihna 

kong ki hon’ nawn lo ding hi Laisiangtho in a cih hun pen tua hun ciang 

a hi ta hi. Khrist hong pai ding hi ci a a up ni uh hi thu hi a, Ama hong pai 

ma zek a hong om ding a hi kei nam ci in ngaihsun uh hi. A kosiathei mite 

hansanna leh gamtatna te hangin, Thukhenna hun hong tung zo hi ci a 

patau kona lah ki tangko khin ahih manin, leitunga ding in asep ding uh 

aman khinta in seh uh hi. A gammang mawhnei mite gup khiatna ding 

zong lunggulh in nei nawnlo uh hi. Pasian in Lungdamnathu ading in 

hehpihna kong khak ta ahih manin, a Khasiangtho zong a dokkik ta bangin 

ngaih sun uh hi. Tua thu teng in hun hoih bei in “migitna kong ki khak zo 

hi,” ci-a a upna uh a kip sak hi.


Biak-buk thu a tel kan uh ciangin thuman khuavaak aki tel zawin 

hong mu uh hi. Ni 2300 beina 1844 kum ciangin vai thupi khat tei tei 

piang ding hi cih a lametna uh bel a maan a hih lam ong tel ta uh hi. 

Mihing te in Pasian mai a zuat theih nading uha kum 1800 vaal a kihong 

hehpihna leh lametna kong khak pen kikhak in, mawh mai siang na ding 

in Siangtho Bel Mun ah Khrist’ siampi sepna tawh va lut hi. Ama 

mawhsutna cial khat ki khak ta a, a cial dang khat hong sem ta a hi hi. 

(430) Mawhneite adingin Khrist mawhsut nasepna “kong a ki hong” lai 

cial khat Van Biak-buk ah a om lai hi. 

Mangmuhna sunga Khrist in pawlpite a hopihna kammal pen tu 

laitak hun a hi hi: “A singtho mi, a thuman mi, David’ konghon’na anei 

mi, kuama theih loh dingin hong in, kuama hon’ theih loh dingin a khak 

thei” ci hi. Mang. 3:7,8. 

Tua hi a, Jesu in mawhsutna nasepna ah a lut ciangin upna 

tawh a zuite in Ama Palai nasepna nop tuam pih uh a, tua mawhsutna 

nasep a entel ding khuavaak hong kipia pen a nial mite in tua 

noptuamna ngah lo uh hi. Khrist hong pai masak lai a khuavaak a na 

nial Jewste, leh leitung Honpa-a Amah a saang nuam lote in Ama 

hong maisakna ngah thei lo uh hi. A Palai sepna hangin a nungzuite 

in thupha angah theih nading in Jesu van ah kah to-a, Van Biak-inn 

sung ah a lut ciangin Jewste khuamialpi sung ah ki nusia cip lel ta ahi 

hi. Leitunga amau bawl niloh lai lai ki thoihna leh biakpiakna teng a 

mawkna asuak hi. Tua amau bawl lai lai limciin’na mawhsutna pen a 

beita ahi hi. Mihingte muh theih sepna pen Pasian mai ah a ki bei sak 

ta hi a, tua kong ki hong nawnlo hi. Jewste in vantunga Ama sep 

mawhsutna bek tawh a ki ngah thei hotkhiatna na nial kha khin zo uh 

hi. Tua ahih ciangin amau in Pasian tawh kizopna nei lo uh hi. Amau 

adingin kong ki khak ta hi. Amaute in Khrist thei lo uh a, Pasian mai 

a ki thoihna maan leh Palai in saang lo uh ahih manin Ama Palai sepna 

noptuam pih kha lo uh hi.


Tua thu um lo Jewste omzia in tu hun-a thu umlo Khristian te 

omzia ding kawk khol a hi hi. Amau in a migi Siampilianpa nasepna a 

theih-in thei nuamlo tang hial uh ahih manin thei kha lo pah takpi uh 

hi. A lim ciing nasepna a ki zat lai-in Siampilianpa Siangtho Bel Mun 

ah a lut ciangin Israel te khempeuh biak-buk kiim ah ki khawm uh hi. 

A ciliap (431) huai thei pen pen ki niam khiatna tawh Pasian mai ah 

ki aapna nei uh hi. A mawhnate uh maisak nading leh mipi lak pan 

paih khiat athuakloh nadingun a thuum uh hi. Tu in a tatak 

Siampilianpa in siansuahna(kilemna) a bawl laitak hi mawk hi cih ih 

theih ciangin bang zah takin ki aap pha zaw lai ding kul hiam cih 

phawk huai mah mah hi. 

Pasian in migitna tawh patau kona a sawl pen nial mawk ding hi 

het lo hi. Noah hun lai in tangko ding thupuak khat ki pia hi. Tua 

thupuak ana saan’ zia uh tawh kizui in amaute a suakta ding uh ahi lhi. 

Amaute in thupuakna nial uh ahih manin Pasian Kha Siangtho in mihing 

te kiang pan ki dok khia kik a, tuileet vuh cip in a ki sia cip uh hi. 

Abraham hun lai in Sodom khua a teengte mawhna pan a dal Kha 

Siangtho daai hiau hi. Lot, a zi leh a tanu nihte lo buang van pan-a ki 

khiat suk meikuang in su mai mang cip hi. Tua mah bangin Khrist hun 

ciangin zong ahi leu leu ding hi. Thu um lo tua hun lai a Jewste kiang 

ah, Pasian Tapa in “En un, na inn uh mi omlo gam simthamin kinusia 

ding hi” ci hi. Matt. 23:38. Ni nunungni en suk leu leu in mong neilo 

vanglianpa in, “Tua mite in gupna a ngah nadingun ki-itna tawh kipawl 

thuman a sang kei uh hi” ci hi. “Tua ahih ciangin amuate in thuman 

thutak umlo in, gitlohna-ah a nuamsa mi khempeuh in thukhena ngah 

nading un, zuau thu um dingun, khemna in hahkata a sep theihna thu 

Pasian in amaute lakah a piangsak hi,” ci hi. 2 Thess.2:10,12. Pasian 

thumaan kihilh pen nial uh ahih manin Pasian in Kha Siangtho dok khiat 

ciangin, a deih zawk uh zuau kheemna tawh a ki diah cip ta uh hi. 

Ahi zongin Khrist in mihing te ading Palai seem lai ta dih a, a 

zong mite tungah khuavak hong pia thei lai hi. A masa in Jesu alam-


ente in hih thu atheih loh uh hangin a nung muh tel uh a, Laisiangtho in 

amau dinmun maan hilh tel ahih ciangin a mai uh hong vang pha saan 

leu leu hi. 

1844 hun hong bei a, Advent thu upna a leen lai te tung ah 

bawlsiatna lian thuak hun tawl khat sung hong om hi. Amaute in amau 

din mun maan a tel theih man un Van Biak-inn ah a lungsim uh nga-in a 

ki tawl dam sak uh hi. Mi pawl khat in Kha Siangtho makaih Advent 

nasepna pen Satan makaih leh a sawltakte bawl, ci in hun seh hilhkholhna 

(432) nial-in nusia uh hi. Pawl khat in bel sepna omsate ah Topa in 

hong makaih hi cih thei in kip takin leen cinten uh hi. Pasian deihna 

theih beh zel uh-a, A Siampilianpa in amaute’ mawhsut nadingin 

biakbukah a dawlnihna ki pan ta hi cih a mu uh hi. Tua pen upna tawh 

ih zuih kul hi ci in mutel uh a, leitunga pawlpi nasepna zong ma kihial ta 

ding hi cih a thei uh hi. Amautein vantung mi khatna leh nihna tangkona 

atel zaw in thei uh a, Mang. 14 sunga vantung mi thumna tangkona thu 

saang ding leh tangko sawn dingin hong ki ging ta uh hi.

A KIKHEEL THEI LO PASIAN THUKHAM 433 

25 

A Kikheel Thei lo Pasian 

Thukham 

(433) 

VANtungah a om Pasian’ biakinnpi kihongin thuciamna 

singkuang biakinnpi sung ah aki muh khit ciangin khuaphelepte, kam 

aw gingte, vangingte, zinliingte, nakpi gialkiatnate a piang hi.” Mang. 

11:19. Pasian Thuciamna singkuang in Biak-inn dei nihna sung tawng 

Siangtho Bel Mun-a om a hi hi. Hih leitung Biak-buk sunga mawhsutna 

nasepna te in “vantunga ki seem ding et tehna leh lim lak” khol a hi hi. Tua 

dei sung nung pen Biak-buk Siansuah(Kilemna) ni ciang bek a a ki hong a 

hi hi. Vantunga Pasian Biak-innpi ki hongin Thuciamna singkuang hong ki 

mu a cih ciangin, tua in vantung Biak-innpi Siangtho Bel Mun ah 1844 

kum in Khrist in Siansuahna bawl dinga alut cianga ki hong pen a gen ahi 

hi. Tua hi a, Upna tawh Siampilianpa mawh sut nasepna mun a va zuite 

bek mah in Thuciam singkuang a mu a hi uh hi. Amaute in Honpa nasep 

cial dangah kin to ta cih tel theih uh hi. Amah in Pasian mai Thuciam kuang 

ah mawhneite adingin A sisan va puak hi cih a mu uh hi.


Leitung Biak-buk-a thuciamna singkuang sung ah Pasian 

Thukhamte kigelhna suangpeek nihte a om hi. Tua kuang pen Thukham 

suangpeekte koihna bek hi napi, asungah Pasian thukhun ahi thukham 

a omna hangin asiangtho leh a manpha a suak hi. Vantunga Pasian Biakinnpi 

a ki hon ciangin tua thuciam kuang pen hong ki dawk ahi hi. Van 

Biak-innpi a Siangtho Bel Mun ah Pasian Thukham siangthote ki koih 

hi. Sinai mual tunga van (434) ging khuaphia lak a Pasian mah mah in 

a gen thukham sawm pen mah tua suangpeek tung ah Ama khutme 

teek tawh aki gelh ahi hi. 

Vantung Biak-innpi a Pasian Thukham ki koih pen a bulpi (original) 

hi a, tua pan in suangpeek tunga ki gelh pen leh Moses in Laisiangtho 

sunga a gelh pen a ki tei khia sawn a hi pan bek hi. Hih a phamawh 

athupina a thei tel pawlte tungah thuthuk zaw Pasian Thukhamte 

asianthona leh a ki kheek sak thei lo ahihna te zong ki lak to lai hi. 

Amau in, “van leh lei a mang thang zongin thukham a neu pen khat 

nangawn ki sia lo ding hi” a cihna Honpa kammal pen ni dang sangin a 

thuk zaw in amu tel to pah uh hi. Matt. 5:18. Pasian Thukham in Ama 

deihna ki lah khiatna hi a, Ama gamtatzia ki dawkna zong ahih manin 

kip tawntung ding hi. “Vantung ah Teci a pang den ding ahi hi.” 

thukham khat beek ki phiat ngei nai lo-a, a ciamteehna no no te na 

ngawn khat beek ki khel ngei nai lo hi. Laphuakpa in, “Nangma 

thumanna in khang tawntungin kip hi” ci hi. “Ama thupiaknate muan 

tak mah mah hi. A tawntung in tuate kip ngitnget.” hi ci hi. Late 119:90; 

111:7,8. 

Tua Thukham sawmte laizangtak ah a lina in hi bangin ci hi: 

“Sabath ni a siangtho-a zat ding phawk in. Ni guk sung nangma na 

semin na nasep ding khempeuh na hih ding hi; ahih hangin a ni sagih ni 

in Topa na Pasian’ sabbath ahi hi; tua ni-in nang, na tapa, na tanu, na 

nasempa, na nasem nu, na ganhing ahia, na huang sunga om peemtate 

in ahi zongin na bang mah nasem kei ding hi, bang hang hiam cih leh ani 

guk sung tengin Topa in van leh lei, tuipi leh tuate sunga om khempeuh


bawla, ani sagih ni tawlnga hi; tua ahih ciangin Topa in sabbath ni thupha 

pia-in siangtho sak hi.” Paikhiatna 20:8-11. 

Pasian thu asin beh zelte’ lungsim Kha Siangtho in lawngin a 

hansuah hi. Piangsakpa tawlngak ni theiloa a palsatte tungah hih 

Thukham ki genin ki tel hilh hi. Bang thu hangin Pasian sianthosak ni 

mun ah ni masa ni ki guan beh zenzen hiam ci in a hong zong khia to zel 

uh hi. Thukham nambat li-na a phiat mang nading (435) Laisiangtho 

sung pain mu khia zolo uh hi. Tham loin Sabbath ki khekna zong mu 

zo lo uh hi. Ni sagih ni ki siantho sakna leh thupha a ki piaknate a ki 

khinkhiatna omlo hi. Pasian deihna thei tel ding in kuhkal takin hong 

zon ciangin, Pasian’ thukham a palsat den keeite ahih lam tak uh ong ki 

mu uh hi. A lungsim sung uh ah dahna tawh ki dim in Pasian thu mang 

nuam lua zen uh ahih lahna in A Sabbath siangtho zong hong zangto 

pah uh hi. 

Mi tampi te in amau upna suk siat sak nuam in na seem uh hi. 

Leitung biak-buk pen atak tak vantung Biak-innpi et sakna lim ciing hi, 

leitung biakbuk thuciam singkuanga ki koih thukham pen vantung 

Thuciam kuanga pen et teh-a ki tei sawn bek hi, cih a tel khempeuh 

ading in Pasian Thukham leh Thukham li-na a Sabbath kip lai-in, zong 

zuih lai ding ahi lam tel lah ding thu haksa hi nawn lo hi. Hih thu panin 

Laisiangtho khiatna maan Khrist in van Biak-innpi-a mawhsutna a sep 

zia hong ki lang khia a, a sim tham-a langpangte ngimna zong ki mu hi. 

Mite in Topa’ hon’ kongvang khak sawm uh a, Ama khakte hon’ sawm 

uh hi. Ahih hangin “ kua ma khak theih loh ding in hong in, kuama hon’ 

theih loh ding in a khak thei “ a cipa in, “En in, kuama khak zawh loh 

ding kong na mai-ah ka hong hi,” ci hi. Mang. 3:7,8. Khrist in van 

biak-buk ah Siangtho Bel Mun a mawhsutna kongkhak ahong hi. Tua 

ciangin aki hong van Biak-innpi sung pan khuavak hong tang khia in 

Thukhamsawmte hong ki langh hi. A nambat li-na zong tua lai-a ki 

koih thukham lak-a ki hel ahihna hong lak khia hi. Pasian kip sak pen 

mihing kua mah in pai khia thei lo hi.


Khrist Palai Siampi sepna leh Pasian Thukhamte kip den hi cih 

thuman khuavak asaang mite in hih thu pen Mang. 14 sung a aki gelh 

thuman hi cih hong mu khia leu leu uh hi. Mangmuhna 14 sungah 

tangkona cial thum a om hi. Tua in leitunga teeng mi khempeuh Topa 

hong pai nadingin a ki ging khol sak ding tangkona ahi hi. A tangkona 

in, “A thukhenna hun a hong tung zo hi,” cih thu hi hi. Tua in mite 

hotkhiatna dinga Siampi Khrist mawhsutna nasep ma ki hial ta ding 

cihna ahi hi. Honpa in (436) Palai nasep akhawl hun dongin hih thumaan 

pen ki tangko ding a tua zawh ciangin A mite Ama kianga om dingin 

ala dinga leitungah hong pai kik ding ahi hi. 1844 kum pana ki pan 

thukhenna pen asi leh ahingte thu khempeuh a ki khen tel khit dong ki 

zom to dinga, tua zawh ciangin mihing te hun hoih hehpihna kong ki 

khak ta ding hi. Tua bangin mihing te in thukhenna mai tang a a din’ 

theih na dingun ki ging khol dinga thupiak na in, “Pasian kihta un la, 

avangliatna phat un. Vantung, leitung, tuipi leh cikte apiangsakpa na 

bia un,” ci hi. Tua thu a mangte pen “ Pasian’ thukhamte leh Jesu upna 

a zui mi siangthote “ ci in gen khia hi. Thukhenna ading ki gin kholhna 

in Pasian thukhamte zuih ding ki sam cihna ahi hi. Tua Thukhamte 

thukhenna-in a ki zangh a hi hi. Sawltak Paul in, “Thukham thei lo-a 

khialte in Thukham loin a sia ding uh hi…. Pasian in Jesu Khris tawh 

mite’ seelsim lungngaihna akhen Ni ciang in tua bangin a khen ding hi.” 

“Thukham banga azuite bekin dikkisakna angah ding uh hi.” Rom. 

2:12-16 ci hi. Pasian thukham zuih nadingin upna ki sam hi. Bang 

hang hiam cih leh, “Upna om loin Pasian lung ki dam sak zo lo hi,” 

Heb. 11:6 ci hi. Tua ban ah, “Upna lungsim tawh kituaklo gamtatna 

khem peuh in mawhna ahi hi.” ci leu leu hi. Rom. 14:23. 

Vantung mi khatna in, “Pasian kihta-a, avangliatna phat ding” 

hong sawl hi. Tua teh, Amah pen van leh lei apiangsakpa hihna tawh 

bia ding hi ci hi. Hihte ih zuih theih nadingin thukham te I zuih a kul na 

hi gi ge hi. Mipilpa in, “Mihing hong kipian’sakna, a thu bulpi pen in: 

Pasian zahtakna, leh a thu piakte man na ahi hi.” ci hi. Thuhilhsia 12:13.


Ama thukhamte zui ngap lopi I biak hangin tua biakna in Pasian lung 

dam sak thei lo hi. “Eite in Ama thukhamte I zuih leh Pasian ih it hi cih 

ih thei hi.” “Mi khat in thukham a zuih nop kei leh, ama thungetna 

nangawn Pasian in zak thadahhuai sa hi.” 1 Johan 5:3; Paunak 28:9. 

Pasian biak ding I nasep ahihna pen Amah in Piangsakpa hi a 

Ama tung panin a dang khempeuh a piang khia sawn ih hih man ahi hi. 

Koi lai Laisiangtho mun ahi zongin Amah zahtakna pen pian sak theihna 

vaang nei ahihna na lak zel ding hi. “Bang hang hiam cih leh (437) 

minam dangte’ pasiante khempeuh in milim hi lela, ahih hangin Topa 

ahih leh vantungte a bawlpa ahi hi.” Late 96:5. “ Kei kua tawh hong 

genteh ding na hi uh hiam? Siangtho Pa in ci hi. A sangna lam ento unla 

mu un, kua in hihte piangsak ahi hiam?” “Topa in vante bawl a, Pasian 

mah mah in leitang bawl hi. Keimah in Jehovah ka hi a Kei lo adang 

omlo hi,” Isa. 40:25, 26; 45:18, ci hi. Laphuakpa in, “Topa pen Pasian 

ahih na thei un! Eite hong bawlpa in amah hi a, eitein am aa ih hi hi.” 

“Hong pai un, bia in kun ni, eite hong bawl Topa mai-ah khukdin ni! “ 

Late 100:3; 95:6. Vantung ah misiangthote in Pasian a biak uh ciangin 

a biakna uh a hang pen, “Kote’ Topa, kote’ Pasian aw, nang in na 

khempeuh na piangsak a, Nangma deihna hangin piangin a om uh ahih 

ciangin, tua vangliatna, minthan’na, ukzawhnate ngah dingin na kilawm 

hi “ ci uh hi. Mang. 4:11. 

Mang. 14 sunga thupuak tangkona in Piangsakpa bia ding in 

mite sawl hi. Tua tangkona hang in Pasian Thukhamte a zui mihon 

lom khat zong a hong dawk sak hi. Tua thukhamte lak ah khat in 

Pasian pen Piangsakpa ahihna zong a hong lak khia lai hi. “Ni sagih ni 

in na Topa Pasian Sabbath ni hi: Ni guk sungin Topa in van leh lei, 

tuipi leh a sunga om teng bawl a, a ni sagih ni tawl nga in, Topa in tua 

Sabbath ni thupha pia-in a siangtho sak hi.” ci in Thukham li-na in 

gen tel hi: Pai. 20:10,11. Sabbath tawh kisai in Topa in a genna ah, 

“Topa ahi keimah in amaute pen mi siangtho in ka bawlna thu a 

phawkna dingun lim ding in…ka pia hi.” Ezek. 20:12, ci hi. A hang


a genna ah, “Ni guk sungin Topa in van leh lei bawlin, ani sagih ni-in 

amah tawlnga a, a tha dim kik sak hi,” Pai. 31: 17, ci hi. 

“Sabbath pen Piansakna phawk nading a kulna in, Pasian biak 

ding ahihna hong lak tawm tawm den hi. Amah in piangsakpa hi a, 

eite in Ama piansakte I hi hi. “Tua ahih manin Sabbath pen Pasian 

biakna vai ah a thubul pen hong suak hi. Tua pen, thumaan in a ki mu 

thei pah hel thu tawh hong hilh hi. A thu dangte piangsakpa ahihna 

tua zah a a ki (438) lang sak pah om lo hi. Pasian biakna vai khempeuh 

dangte en leng tua ni sagih ni tan’na lo ngal in a Piangsakpa leh a 

pian’ sakte kilam dan’na lam tangpi-a a dawk sak om lo hi. Hih thu 

lianpi ki heem khia thei ngei lo dinga, zong mangngilh mawk theih 

ding ahi ngei kei hi.” - Andrews, J.N. “History of the Sabbath.” ch. 

27.. Pasian in Eden ah Sabbath na koihzo hi. Tua ahih manin Amah 

in eite hong piangsakpa hi ih cih lai teng Amah ih biak ding hi a, 

Sabbath in zong piangsakpa ahihna leh eite in Amah bia I hihna lim 

ciamtehna hi ding hi.Tua ahih manin, mihing ahi peuhmah te lungsim 

in hih thumaan a theih gige den ding uh thu a hi hi. Sabbath hoih takin 

na ki zang pai suak hi leh, mihing lungsim leh deihnate pen Piangsakpa 

tung bek ah tu ding a, Amah bek zahtak in ki bia ding hi.Tua hi leh 

milim biakna te, lawki na te leh muan huai lohna cih bangte om hetlo 

ding hi. Sabbath tan’na in Pasian thu mang nuam hihna teci lim a hi 

hi. Tua Pasian maan pen, “Van leh lei tuipi leh tuinakte piangsakpa” 

pen hi. Pasian bia un ci-a patau kona thupuakin Ama thukhamte zui 

un a cih ciangin a tuam vil vel in nambat li-na zuih ding acihna hi 

phadeuh hi. 

A thumna vantung mi in Pasian Thukhamte zui a Jesu upna a 

neite tawh a ki leh bulh mipawl dang khat gen a, tuate pen patau 

tangkona alangdote pawl ahi uh hi. “Mikhat peuhin sahang leh ama 

milim bia-in, ama taltang tunga hih kei leh, a khut tungah ciamtehna 

angah leh Pasian hehna hai-ah a kihel khawm lo-a kikoih hehna leengahzu 

tua mi in a dawn ding hi,” ci hi. Mang. 14:9,10. Hih thu I tel theih


nadingin hih lim in a gen nop thu a khiatna I theih ding ki sam hi. Sapi 

acih bang hi a, a milim leh a ciamtehna a cih bang ahi hiam? 

Hih hilhkholhna leh limte Mang. 12 pan ki pan ahi hi. Gulpi san 

in Khrist a suah phet in na susia nuam hi. Gulpi cih pen Satan cihna hi. 

Mang. 12:9. Amah in Herod thu muam in Honpa sih nading vai hawm 

sak hi. Kum zakhawk masa lai te-in Satan in Khrist leh A mite adona ah 

a khutzat bulpi pen Rome kumpite ahi hi. Lawki biaknate hi pi pen hi. 

Gulpi san pen Satan cihna leh Lawki Romete a cihna ahi hi. 

Alian 13 ah Sapi dang khat gen leu leu hi. Tua in “kamkei tawh 

ki banga,” (439) Gulpi in amah vangliatna, a tokhom, leh a thuneihna 

a pia hi ci hi. Hih limlahna in Protestant khempeuh in zong a upsa, 

tanglai Rome kumpi baan zom-a a vanglian, a tokhom, leh a thuneihna 

uh a zangh to papacy (pope thuguipi) a hi hi. Kamkei bang sapi acih 

pen tung ah “Pasian gensiatna thu lianpipi a gen thei kamvang kipia a, 

amah hong kam pau a, Pasian neu bawl in thu gen a, Ama min neng 

cip—in A biak-innpi sim mawh-in vantunga teengte khempeuh a el hi. 

Amah in misiangthote gal-in do a, amaute a zo gawp hi. Minam 

khempeuh, pau nam khempeuh, mi pawl khempeuh tung ah tung nungin 

vangliatna a ki pia hi.” Hih hilhkholhna leh Daniel 7 sunga kii neu a ki 

bang hi a, dot kik akul lo zah-in a mal mal in papacy ahihna teci a om hi. 

“A vangliatna ki piak hun sawtna pen kha 42 hi.” Kamsangpa 

genna ah, “A lutangte khat a si ding zah-in a liam ka mu hi,” ci hi. A cih 

kikna ah, “Gal mat a ciing te ki man ding hi: namsau zangh te namsau 

tawh si ding hi.” Kha 42 pen hun khat, hun te, hun lang, Daniel 7 sunga 

“kum thum leh a lang”, ni 1260 a cih ahi zongin avek in aki bang si sek 

a hi uh hi. Tua pen papal vangliatna in Pasian mite a net cip hun sung 

teng a hi hi. Hih hun sung teng Papacy vangliat pen hun hi a, AD 538 

pan 1798 kum dong a huam hi. Tua kum 1260 bei-na ahi, 1798 in 

French galkapte in pope man uh hi. Papal vangliatna pen “si dektaka 

suk khakna liam-ma” a thuak ahi hi. Tua ciangin “Mikhat peuh in namsau


tawh midang athah leh tua in zong namsau tawh thahna athuak ding hi” 

cih genkholhna a tangtun’na a hi hi. 

Limlahna dang khat om lai hi. Kamsangpa in , “Tua khit ciangin 

lei sung pan a dang sapi khat pusuak ka mu hi.” ci hi. Mang. 13:11. 

Hih sapi meel leh hong khawk khiat dan te a masa sapi te tawh ki bang 

lo hi. Leitung bup a-uk kumpi gamte sapi-in Daniel tungah ki lak a, 

“tuipi tung ah (440) huih li-te a nun’ ciangin” amaute hong dawk uh hi. 

Dan. 7:2. Mang. 17 sung ah tui in “mipi, mi hon, pau namte cihna hi” 

ci-in vantung mi khat in hilh cian hi. Mang. 17:15. Huih nung cih 

ciangin gaaldo na lim a hi hi. Van-a huih lite tuipi lian tungah nung hi a 

cih pen nakpi-in kido na tawh ki lum let-a angah gamte’ vangliatnate a 

genna ahi hi. 

Ahih hangin tuu no bang sapi pen “lei sung pan-in hong dawk 

khia hi.” Hih gam in ama mai a gam dangte do in a zawh ciang in a luah 

hi lo hi. A gam pen ama mai ah a ki teeng nai lo, dam dam-a khang to, 

muan’na leh nopna a omna gam ahi hi. Tua pen leitung lui ahi Europe 

pan-a mi namte kidona tawh gualzo-a ding gam ahi kei hi. Tua a so 

zuah zuah tuipi — “mihon, mipi, minamte leh pau namte” lak ahilo 

nitumna lam gam Continent ahi hi. 

1798 kum a a thak lai gam thak hong pusuak, hatna leh liatna 

a nei thak, leitung buppi huup zo ding bang gam om hiam? Tua 

limlahna tawh kisai in akitel cian mah mah Gam khat ahi hi. Tua pen 

in America gam a kawk ahi hi. Laigelhte, Laisiangtho hi ta leh, leitung 

tangthu gelhte in hi ta leh, ki kum khol het lo a a gelh mah uh tawh a 

mal a lo khia phial phial zah-a ki tel in hih gam po khiatna leh a khan’ 

tohna zia tel gen ciat mah mah uh hi. Sapi in “lei sung pan in hong 

pusuak hi.” Laitei te in, “hong pusuak” a cih pen uh in singkung no 

khat bang a hong po khia, hong khang khia cih gennopna kammal ahi 

hi. Ei zong en leng tua gam ni dangin a na ki luah sa a hi lo hi. Mun 

awng khong ahihna ki mu thei hi. United States hong dawk khiatna


thu lai gelh minthang khat gelhna ah, “A hong pian khiatna in mun 

awng pan a hi hi. Khaici bangin khangto in Kumpi ciang ih tung to 

hi,” ci hi. 1850 kum a Europe gam daai khin khian sung pan in nisial 

in a vangliatna leh a kisaktheihna ki behlap den” na ci hi. Hih (441) 

gam a mu khia Pilgrim makaite lak a khat ahi Edward Everett in a 

genna ah, Amaute in hong nawk kha om lohna, tawldamna mun zong 

uh hi. A gamlat man-a gal muan theihna mun, Leyden pawlpi no in 

amau upna bangin a suahtak theihna mun zong uh hi lo hiam? En dih 

un, mun zapi, lung muan’na in hum a amau in singlamteh galkap a 

sepna mun uh hi!” a ci hi. - Speech delivered at Plymouth, Mass., 

Dec. 22, 1824, p. 11. 

“Tua sapi in tuu no bangin kii nih nei” hi. Tuu no-bangin, kii nei 

cihte in a moi lai, a migi, a kawk baang lo, a thu neem United States om 

zia tawh ki tuak lin lian hi. Kamsangpa tunga ki lahna ah, “hong pusuak” 

a cih mah bangin 1798 kum-a hong ding khia phing gam a hi hi. Siampite 

leh kumpite gitlohna pan Khristian ki nawh khiate lak a America hong 

beel masa te in zai tak en sa-in kumpi leh biakna a suah taakna tawh a ki 

phut kumpi khat phut ding na ngaih sun uh hi. A ngimna uh Independence 

pulaakna sung ah dawk sak uh a, tua tawh “Mi khempeuh a ki 

kim-a kibawl a hi hi” cih thumaan na phut uh hi. Tua thu tawh ki 

deidanna om loin “nuntakna, suahtakna, leh nopsakna ding zon’na te” 

na nei uh hi. Upadi in zong mihingte in amah leh amah ki uk theihna 

thu ngah a, mee tawh a teel uh te in upadi bawl in zangh ding cih thu a 

hi hi. Biakna lam ah zong suahtakna ki pia uh a, mi khempeuh in ama 

upna ama khentatna zui-in Pasian abiak theih nading thu pia uh hi. Mipi 

vai hawmna leh Protestant upna tawh a gam bup thubulte ki phut hi. 

Tua thubulte in a vangliatna leh a mai nawtna uh ahi hi. A ki nencipte 

leh aki sik cip den Khristiante in lawp tak leh lam en tak in hih gam 

zuan zel uh hi. Mi mak tampi in tua gam tuipi geiteng ah hong ki sep 

khia uh hi. United States in leitung bup-a a vanglian pen gamte khat 

ahong suak hi.


Hi napi tuu no a bang, kii a nei sapi in “Gulpi bangin pau hi. 

Amah in amasa sapi mai-a amasa sapi ngah ana khempeuh nei in, 

asidektak aliamna ma a dam kik amasa sapi pen leitung leh leitung mi 

khempeuh a bia sak hi. Leitunga teeng khempeuhte tungah (442) namsau 

tawh liam-a a dam kik sapi milim abawl nading un asawl hi.” Mang. 

13: 11-14. 

Tuuno abang, kii a nei, leh Gulpi banga paute a limen leng ki 

leh bulh uh hi. A nasep zia leh a gamtat zia ki lam dang pi ahi hi. Gam 

khat “kam pau” cih ciangin a Upadi leh a thuneihna ahi hi. Tua bang 

lian in la ni ci le’ng hih gam in lungnopna thubulphuh nei, suahtakna 

tawh a po khia, tua Upadi leen te a hi uh hi napi a zuau ding tawh ki 

bang hi. A hi zongin hilhkholhna in, “Gulpi bangin” kam pau a “sapi 

masa vangliatna teng mah” zangh ci mawk hi. Ki thuak lahna bawl 

siatna a piangsak Gulpi’ sawltak leh kamkei bang sapi lungsim mah 

nei dingin genkhol hi. Tua baan ah, kii nih nei sapi in “si dektak a 

liamna ma a dam kik amasa sahang pen leitung leh leitung mikhempeuh 

a bia sak hi” ci hi. Cih nopna ah, hih gam in zong zuih ding khat pe 

peuh bawl in a thuneihna tawh papacy tungah to kaai sak ding cihna 

ahi hi. 

Tua bang bawl-a gamtat ding pen hih kumpite thubulphuhte 

tawh ki lehbulh mah mah hi. Suakta taka nasepnate, Suahtakna lak 

lai-a a pulaak uh Gam thukhun bulphuh te uh leh gam Upadi a bawl te 

uh tawh ki tuak het lo hi. A gam satcilte in zapi en a leitung thuneihna 

in pawlpi a suk khaak loh nading dalkhol uh hi. Ki thuak lahnate leh 

bawlsiaatna te a om loh nadingin pil vaang takin dal khol uh hi. Gam 

Upadi ah, “Congress in Biakna khat peuh a kip sak tang tuamna ding 

leh ut peuh biak theih paai theih suahtakna a khaam ding thukhun 

bang mah bawl thei lo ding hi,” cih thu na koih uh hi. Tua baan ah 

‘United States-a mipi zum na seem dingin biakna tawh sit tel na 

deidan’na om lo ding hi,” cih thu zong khung uh hi. Hih minam suahtak 

nopsaknate akep cing laiteng un, kumpi thuneihna zangh in biakna


thuzuihna khat peuh zawh thawh bawl in ki sawl gawp thei lo ding hi. 

Ngong tat-na lo ngal in tua minam thukhunpi susia theilo ding ahi hi. 

Minambup thukhun tungah cih tak zawh lohna pen limciinna tawh a 

lahna sunga a lah ong bang ding ahi hi. Tua sapi tuu no tawh ki 

banga, kii nih nei hi. Thu hoih deih, mi gi, thu neem-hi napi gulpi 

bangin kampau ci ve ve mawk hi. 

“A nungta sapi milim khat peuh peuh bawlsak in ci-in leitungah 

a om mite kiang ah ci” hi. Hih thu panin kumpi (443) gam khat, mipi 

deihna tawh Upadi kibawl ahihna gam a gen hi; hilhkholhna gen mah 

bangin United States tawh kisi kim pen zel hi. 

Ahih hangin “sapi milim” cih pen bang ahi hiam? Bang ci ki 

bawl ding hiam? Kii nih nei sapi in tua milim bawl ding ci hi. Bawlding 

milim pen a masa sapi a suun ding ahi hi. Sapi milim zong ki ci hi. Tua 

milim bang tawh ki bang ding, bang ci ki bawl ding cihte ih theih nadingin 

sapi ahi Papacy gamtat ziate en suk ding hi. 

Pawlpi masa te in Lungdamna Thu hoihna leh gen nopna thu 

nusia in lawki ngeina te hong saan’ uh ciangin Pawlpi ninsak in Pasian 

Kha Siangtho vaang nusia uh hi. Mite upna lumgsim zawhthawh in a uk 

zawh theih nadingun leitung kumpite huhna hong zong uh hi. Tua 

ciangin Papacy hong piang khia in, kumpi thuneihna ukcip suk leu leu 

hi. Pawlpi in ama tupna a tun’ theih nadingin, a diakdiak in “upna 

lampialna” a gawi cip nadingin thuneihna a hong zangh hi. Tua mah 

bangin United States in sapi milim a bawl theih nadingin, pawlpi in 

leitung uk kumpite nehzo zaw in, a tawpna ah Biakna in Kumpi aana 

zangin hong uk ding uh hi. 

Pawlpi in leitung aana hong zat theih hun pepeuh ciangin ama 

deihna bang upna a zuilo peuh daan pia zel uh hi. Tua bangin leitung 

tawh kipawlna lam-a Rome nung a khe-khap teng a zui Protestant-te in 

mite lungsim sunga suahtakna ukcip nopna mah hong nei pah uh hi. 

Hih bang lim pen England Pawlpi thunialte bawlsiatna sawt veipi a omna


ah teci kimu khin hi. Kum za khawk 16 leh 17 lai pawl in amau deih 

banga zui lo Pastorte leh pawlpi mite a tul tampi-in, daan tatna, thong 

khiatna, gawt bawlna leh bawl sia a thahnate thuak uh hi. 

Pawlpi masate in leitung kumpi panpihna leh huhna ngenin tua 

tawh ding uh hi. Tua in Papacy ahi sapi picin’ nading lampi ziik asuak 

hi. Paul in, “tua Ni hong tun ma-in Langpana lian a piang masa dinga, 

kisiatna’ ta ahi Gilo Mi in hong piang ding hi,” 2 Thess. 2:3, ci in gen 

khol hi. Tua bangin pawl sung upna-pialna in sapi milim ading lampi a 

hong khol khol ahi hi. 

(444) Laisiangtho in Topa hong pai ma deuh in biakna hong 

niam kiat lua in pawlpi masate lampialna mah bang hong om ding hi, ci 

hi. “A nunung bel nite lai tak in a haksa hunte a hong piang ding hi ciin 

na ciamteh in. Bang hang hiam na cih leh, mite in amau pumpi uh it 

mi, sum it mi, akisathei mi, lungkhauh mi, mi gensia thei mi, anute a 

pate thu a mang lo mi, hehpihna a phawk lo mi, a siangtho lo mi, ngeina 

bang itna a neilo mi, kitotna lungsim nei mi, mi a gendai thei mi, a hoih 

lam a deih lo mi, thuciam a siasak mi, thuhilh a ngai nuamlo mi, 

kisatheihna tawh a hai thei mi, Pasian biakna puatham teng zui uha, 

ahih hangin a vangliatna a nial mi ahi ding uh hi” ci hi. 2 Tim. 3:1-5. “ 

Kha Siangthoin tel taka agenkholhin ah, a tawpna hun ciangin, amau 

lungsim uh kisuan’na ah siksa tawh ciamtehna a ngah khit uh ciangin, 

zuau thu a gen thei mite’ simtatna hangin mi kim khat in upna thu zui 

nawnloin a kheem thei khate ahi zongin, dawigilote’ thuhilhna a hi zongin 

a ngai ding uh” hi,” ci leu leu hi, 1 Tim. 4:1. Satan in “a vaangliatna 

khempeuh siit loin zangh dinga, lim leh phuahtawm thu lamdangte bawlin 

thumaan lo lamah a kheem theih zah suah-in a kheem ding hi.” 

“Thumaan a it tatak-a hotna ngah dingte lo buang” in tua “kheemna 

khauh zuau thu um lel mai dingin” amaute ki nusia ding hi. 2 Thess. 

2:9-11. Hih thute hong tun’ ciangin kum zakhawk masa lai-ate thuak 

ngei teng mah ki nawkto kik leuleu ding hi.


Protestant pawlpi tuamtuamte lak-a upna zapi pi ki kaak na zong 

a ki bat nading a bawlna khauh a om ngei loh hang hi ci in mi tampi in 

gen ta uh hi. Protestant pawlpite lakah a upna uh a ki bat khakna mun 

om sun sun te din munpi in nei in ki pawl hon nading hanciam pha mah 

mah uh hi. Tua banga ki pawl theih nadingin a kibat lohna munte uh a 

ki kup uh ciangin, Laisiangtho sung thumaan sukha phial taleh, ki pum 

khat theih nading in ahih nak leh kibat lohna mun paikhiat zawk mai a 

kul ahi ta hi. 

Charles Beecher in 1846 kum a a thuhilhna khat ah, “Evangelical 

Protestant pawl tuam tuamte” nasepna mite kihtakna ciang lel ahi 

hi. A nuntak zia, a gamtatzia peuh mah uh nin in, a hun hun-a thumaan 

a omte susia in leitung nate lut beh beh sak uha, lampialna vaang mai ah 

khuk din ta uh hi. Hih pen Rome tawh a ton khawmna uh hi lo hiam? 

Ama omzia (445) mah zui in nungta leu leu hi lo I hi hiam? Tua a hih 

leh I maii ah bang om lai hiam? I mu hiam? General Council dang 

khat! Leitung bup thukimna! Thuhilhna lam pumkhatna, leitung bup 

upna khat-a luan’na!” ci hi. - Sermon on “The Bible a Sufficient Creed,” 

delivered at Fort Wayne, Ind., Feb. 22, 1846. Hih thu hong pi cin’ uh 

in, a mi vekpi in a ki bangin hong bawl theih tak uh ciangin zawhthawh 

thu zat theih nading siksan a siik ta uh hong hi lel ding hi. 

United States-a pawlpi a gol zaw deuh deuh in a upna uh a kibat 

khakna mun om sunte hong let khawm uh ciangin a ki pawlna uh pan in 

leitung ukte thuzawh zaw in amau phuh saangte, zatote, nasepna khat 

peuh te puah toh sak dingin thu (decree) pia khia ding uh hi. Tua pen 

Protestant gam ahi America in Rome milim a bawlna hong hi ding hi. 

Tua panin amau thu manglo peuh mah leitung thu tawh daan piakna 

hong om ding a, tua pen a kipelh thei lo thaman saan’na hong hi ding hi. 

Kii nih nei sapi in “upa, naupang, sum hau, mi zawng, sila, to 

nei lote khempeuh sahang’ min ahih kei leh, tua min ciamtehna khat 

peuh peuh a nei lo mi peuh mah in sum zuak theilo, lei theilo ding in


mikhem peuh a khut tak lam tung ah a hi zong in, ataltang tungah ahi 

zongin a ciamteh sak hi.” ci hi. Mang. 13:16,17. 

Vantung mi thumna tangkona ta leu leu in, “Mi khat peuh mah 

in sapi leh a milim bia-in, ama taltangtung a hih kei leh, a khut tungah 

ciamtehna a ngah leh, Pasian hehna hai-ah a kihel khawm lo-a kikoih 

hehna leenggah zu tua mi in a dawn ding hi “ ci hi. Hih tangkona sunga 

“sapi” a cih pen ki-nihnei sapi in mi khempeuh a biak sak pen hi a, 

Mang. 13 sunga kamkei bang sapi pen hi in, “Papacy” ahi hi. 

“Sapi milim” a cih pen amaute upna te a kipsak, a hat sak dinga 

leitung ukte thuneihna a ngen Protestant te a hi hi. “Sapi ciamtehna” a 

cih zong ih tel hilh lai ding hi. 

Tua sapi leh a milim biakloh nading a tangko khit ciangin 

hilhkholhna in “Hih na ah Pasian thukhamte leh Jesu upna a zui 

misiangthote thuakna a om hi” ci in lak hi. Pasian thukham a zuite sapi 

leh a milim bia-a a ciamtehna neite lak panin ki lang khia tuam pah sam 

hi. A langah, Pasian thukham zuite, a leh lam ah, a palsatte, hi pah 

(446) ahih manin Pasian biate leh sapi biate ki deina a hi pah hi. 

Tua sapi leh a milim gamtat pen Pasian thukham palsatna nasep 

hi pah hi. Daneil in kii neu thu a genna ah “Amah in thukhamte leh 

hunte kheek dingin hanciam hi” na ci hi. Dan. 7:25. Paul in zong tua pa 

“aki seel Gilo Mi,… Pasian sanga a ki lian sak zawpa” na ci hi. 

Hilhkholhna omsa khat pen a dang khat in kip sak zel hi. Pasian thukham 

khek sakna bek mah tawh papacy in amah Pasian sangin a lian zaw in 

aki bawl a hi hi. Tua a ki kheek thukham thei napi in a zuih tei tei uh 

ciangin a omsa thu neipa sangin a khekpa a kihta zaw uh ahih lam lah 

na a hi hi. Tua banga papal thukham a zui mi in Pasian ciamtehna mun 

ah pope ciamtehna a saang zaw a hi uh hi. 

Papacy in Pasian thukham khek ding hanciam den hi. Thukham 

nambat nihna, Milim biak ding khaamna pen zong thukham lak panin


phiat khiat uh hi. Thukham li-na-a a ni sagih ni zong a ni masa ni tawh 

khek in Sabbath banga tan’ dingin thu pia in khek sak hi. Papist te in 

thukham nambat nihna a bei sakna uh a genna uh ah, thukham khatna 

ah thu kihel khin ngawn hi, hih pen kul nawn lo hi, tua manin Pasian 

ngimna bang a aki tel theih nadinga a paaikhia hi ung ci zen zen uh hi. 

Tua bel a ki khekna zia ding kamsangte gen kholh bang hi zo lo hi. 

Ngim ngim-a, tun tang hial-a kheek a hihna a gen ahi hi: “Amah in 

thukham leh hunte khek ding a hanciam hi” ci hi. Thukham li-na a 

khekna ah tua hilhkholhna tangtung lian hi. Tua bang mah in tua a 

khek thunei pen Pawlpi hi ci uh hi. Hih laitak ah Papal thu pen Pasian 

thu sangin a ki tung nun’ sak zawk na a hi hi. 

Pasian biate in thukham nambat li-na a thupi sehna uh tawh amau 

ki tuam dawk uh hi. Tua in Amah bek Piangsakpi hi, mihing in Ama 

tungah tokaai in zahtak ding hi cihna lim ahi hi. Sapi bia-a anung zui te 

leu leu in Piangsakpa ciamtehna susia a Romete phuh tawm pen a ultun’ 

sakna uh tawh kithei tel ding uh hi. Tua Sunday lapsangna pen popetein 

zong a ki phat sakna a lah masakna hi a, Sunday pen “Topa’ Ni” ci a 

tan’ dinga a sawl tei tei theih nadingin (447) kumpi thu a zat masakna 

uh zong a hi hi. Laisiangtho in bel ni masa ni Topa ni ci ngeilo a, ni 

sagih ni bek Topa ni ci zaw hi. Khrist in, “Mihing Tapa in Sabbath ni’ 

Topa zong a hi hi,” ci hi. Mk. 2:28. Thukham li-na in, “Ni sagih ni 

Topa Sabbath ni hi” ci hi. Topa in kamsangpa Isaiah a gen sakna ah, 

“Keima ni siangtho” ci hi. Isa. 58:13. 

Jesu in Sabbath khek hi a ki ci thithe zenzen pen maanlo ahih na 

Amah mah’ kammal in lak hi. Mualtung thuhilhna ah zong” “Thukham 

leh kamsangte thu siasak dingin hong pai hi ci in hong um kei un. A 

susia dinga hong pai ka hi kei hi. A kicing sak dinga hong pai ka hi zaw 

hi. A mantakpi kong cih in ah, van leh lei a mang thang zongin thu 

khempeuh a ki cin’ ma tengin thukham pan in lai malno khat zong kisia 

lo dinghi. Tua ahih ciangin mi khat peuh in thukham aneu pen khat 

palsat a mi dang zong a hilh leh, tua mi vantung gam sung ah mi neu


pen kici ding hi. Ahih hangin kua ma peuh in thukham zui a mi dang te 

zong a hilh leh tua mi vantung gam sung ah milian ki ci ding hi.” ci hi. 

Matt. 5:17-19. 

Laisiangtho in bel Sabbath khek nading thu pia lo mah hi, ci in 

Protestant te amau leh amau ki mawh sak thei sam uh hi. Tua pen a ip 

bawl bang uh zong hi lo a, American Tract Society te leh Sunday School 

Union te bangin lai gelh in a hawm khiat zawk uh thu a hi hi. Tua laite 

sung khat bang ah, “Laisiangtho Thak sung peuh mahah Sunday nipikal 

sung ni masa ni pen Nipi ahi ding leh tua bangin zat nading tel genna 

om het lo hi,” ci in tangko hi. - Elliot, Georte, “The Abiding Sabbath,” 

laimai 184. 

A dang khat leu leu sung ah, “Khrist sih dong nite khekna bang 

mah om ngei nailo hi,” ci hi. - Waffle, A. A., “The Lord’s Day,” laimai 

186. “A kiciamtehna te ah amau (nungzuipi te) in zong ni sagih Sabbath 

nusia a nipikal sung ni masa ni a tan’ ding sawlna zong om ngei het 

lo hi” mah ci hi. - Idem.. pp. 187,188. 

Roman Katolikte in ahih leh Sabbath pen amau pawlpi khek hi 

a, Protestant-te in tua Sunday a tan’ uh ciangin a mau thu neihna nuaia 

lut uh hi lel hi, ci uh hi. “Catholic (448) Cathechism of Christian 

Religion” bu ah Thukham li-na tan’ nading Ni thu dotna a dawn’ kikna 

hi bangin ki gelh hi.” “Thukham lui hun in Saturdayni pen ki siangtho 

sak mah hi. Ahih hangin Pasian’ Khaa in a sawl Jesu Khrist in ahilh 

pawlpite in Saturday pen Sunday tawh laih uh a, tu ni kote in ni masa ni 

tang zaw in, ni sagih ni ka nusia uh hi. Tua hi a, Sunday in tu mah mah 

in Topa ni ahi hi” ci hi. 

Katolik pawlpi thu neihna lim a dawk sak nadingun papist 

laigelhte in, “Sabbath pen Sunday tawh ki khek pen Protestant te in 

zong zui uh hi. Tua Sunday a tan’na pih uh ciangin pawi ni khawng a hi 

zongin, mawhna sung ah sawl na a hi zongin, pawlpi thu a mang uh hi 

lel hi” ci in gelh uh hi. - Tuberville, H., “An Abridgeement of the Chris-


tian Doctrine,” laimai 58. Tua ahih leh, Sabbath khekna pen bang ahi 

hiam! Roman Katolikte thuneihna ciamtehna hi-a, “Sapi ciamtehna” 

zong hi lo hiam? 

Rome pawlpi in amau tungnun’ penna khah suah ngei lo uh hi. 

Leitung buppi leh Protestant pawlpite in Laisiangtho Sabbath nusia in 

Romete’ bawl tawm sabbath pen a saan’ uh ciangin a thuneihna uh 

zong a dawk sak uh ahi hi. Amaute in aki zanghsa aban zom lel ahihna 

uh peuh paulam kha ding uh hi. Tua bang acih manun Rome pan-a a tai 

khiatna thubulte uh a thusim nawnlo suak uh hi. “Protestantte biakna 

letsanpi pen in Laisiangtho bek, cih a hi hi. Papistte in tua banga amau 

leh amau ki kheem-a hih thu en tel nuam lo-a mit si veu vau-a om a mu 

thei uh hi. Sunday tan’ ding sawlna mi tampi in a thu kim ciangin na 

lungdam mah mah a, Protestant buppi Rome thuneihna dialkhai nuai ah 

ki lut sak zo ding hi ci in a lung kim uh hi. 

“Protestantte in Sunday tan’na ah amau leh mau ki thusim lo a 

Pawlpi thuneihna nuai a a to kaaina uh ahi hi, “ ci in Romete in gen uh 

hi. - “Plain Talk About Protestantism,” laimai 213. Protestantte laka 

Sunday tan’ sak tei tei ciang in papacy ahi sapi a bia sak teitei a suak uh 

hi. Thukham nambat li-na nget pen thei napi a khial sabbath mah a 

maan (449) Sabbath sangin teel zaw-a a tang tei tei te in tua thu a pia 

khiate’ thuneihna bia mah ahi takpi uh hi. Biakna thu kimlai pawlpite in 

leitung aana tawh a sawl tei tei ciangin amau mah Sapi milim-a a ki 

bawl uh ahi hi. United States gam sung pan in zawhthawh thu tawh 

Sunday tan’na ding thu ong bawl uh ciangin Sapi leh A milim bia-a a 

sawl tei tei a suak ding uh hi. 

Hun bei sa-a Khristiante in Sunday ni pen Laisiangtho Sabbath 

ni mah a tang tangin a ki seh uh hangin tu lai Khristian pawlpi te lak 

ah Roman Katolik upna a saang tuan lo, Sunday pen Pasian Sabbath 

pen mah sa-a a tang ni loh uh Khristian hoih tampi a om lai hi. Tua 

bangte pen amau hoihna leh diktatna te Pasian in a saang hi. Ahih


hangin Sunday tan’na pen Upadi tawh zawh thawh thu-a hong kisawl 

gawp ciangin Sabbath maan kulna khuavak in leitungbup taan’ dinga, 

tua hun ciangin Pasian thukham pen Rome thuneihna sangin lian zaw 

a a saan’ zawk ding hi napi, a palsat tei tei te pen Pasian sangin pope 

a zahtak zaw mah a suak ding uh hi. A tua ci mi in Rome a bia suakin, 

Rome in a sawlte zong a bia a suak uh hi. Tua bangin sapi leh a 

milim abia a suak uh hi. Pasian in Ama thuneihna ciamtehna lim dinga 

a piak pen nial a, tua taanga Rome tungnun’ penna ciamteh nadinga a 

teel pen mah a deih zawte in Rome tawh kizopna lim a saang suak uh 

hi. Tua in “Sapi ciamtehna” ahi hi. Mite mai a a ki tel tak in tua thu 

ki pholaak ding hi. Pasian thupiak leh mite thupiak teel ding in ki luui 

ding hi. Teel nading tua hunpha aki piak khit ciang in a palsat zom 

den te in “Sapi ciamtehna” ngah ding uh hi. 

Vantung mi thumna tangkona sungah mihingte adingin a lauhuai 

khia penpen thu kihel hi. Tua in, migitna tawh kihel lo Pasian hehna 

atun nading a sam suk mawhna a hi hi. Mihingte pen hih thuphamawh 

thei kha loin ki mawk nusiat lo ding hi. Pasian in daan a piak ma-in 

hih a mawhna tawh kisai patau kona pen leitung buppi ah ki za sak 

phot ding hi. Mite (450) in tua daan a thuaklo in asuaktak nop uh leh 

a suah tak theih nading uh hun ki pia phot ding hi. Hilhkholhna in 

vantung mi khatna tangkona pen, “minam khempeuh, mi pawl 

khempeuh, pau khempeuh, mi khempeuh” tung ah ki tangko ding hi, 

ci hi. Hih vantung mi thumna tangkona zong tua sangin toi zaw thei 

tuanlo hi. Hilhkholhna in van kimlai ah aw ngaihpi tawh vantung mi 

leeng in ki ko a, leitung buppi in a ngaih ding uh thuphamawh tangko 

hi ci hi. 

Tua ki demna thu nih ki piate ah Khistian khempueh in phelgol 

nih-in ki phel khap ding uh hi. Pasian thukhamte zui a Jesu upna a 

neite pawl, leh Sapi leh a milim bia-a a ciamtehna a saangte pawl ahi 

ding uh hi. Pawlpi leh gamukte kop-in “aneu a lian, a hau a zawng, to 

nei toneilo, a vekpi in sapi ciamtehna” nei dingin zawh thawh thu


tawh a sawl uh hangin Pasian mitein bel na saanglo ding uh hi. Mang. 

13:16. Patmos-a kamsangpa in a muhna ah, “Sapi-a kipan ama milim 

leh ama min nambat gimna pan a suakta zo mite in Pasian’ gawsemte 

tawi-in tua limlang tuipi kiangah dingin a om uh ahi zong in ka mu hi. 

Tua mite in Pasian sila Moses’ la leh Tuuno’la sa” uh hi ci in gen hi. 

Mang. 15:2,3.


26 

Puahphatna Nasep Maban Khat 

(451) 

NI nunung ni ciangin Sabbath kipuahphatna nasep ki sem 

ding ci in kamsangpa Isaiah in na gen zo hi: “Topa in hih bangin 

ci hi: ‘Sawt loin note hong honkhia dinga, note hong khahkhia 

ding ka hih manin thutang unla, thumanin gamta un. Hih bang agamta 

mite, hih thu a len kip mihingte, sabbath tangin a siasak lote, siatna 

bawlna ding panin a kikemte in thupha ngah mi ahi hi.’” “Ama na a sem 

ding, Topa’ min a it ding, ama nasem hi dingin Topa pawlin a beel 

gamdang mite, sabbath ni tangin a siasak lo mi, ka thuciamna a len kip 

mi peuh mah—hih mite ka mual siangtho-ah paipihin keima thungetna 

inn sungah ka lungdam sak dinga, amaute meihal biakna leh biak piaknate 

ka biakna tau tungah kisang ding hi; bang hang hiam cih leh ka inn pen 

mi khempeuh adingin thungetna inn ki ci ding hi,” ci hi. Isa. 56:1,2,6,7. 

Hih kammal te Khristian te khang hun ciang adingin a ki gen hi 

aa, a kizop pih Laisiangtho munte en leng: “A ki theh thaang Israel te 

kai khawm Topa Pasian in Ama kianga ki khawm sa te a hi lo a dang 

zong ka kaih khop beh ding hi,” ci hi. Hi laitak ah Lungdamna thu in

PUAHPHATNA NASEP MABAN KHAT 453 

Zentail te a kaih khop nading lim lak khol ahi hi. Tua Sabbath hong 

zahtaak amaute tung ah thu pha piak ding gen khol hi. Tua hi a, thukham 

nambat li-na Sabbath thu pen Khrist singlamteh khit, thawh kik khit, 

van kah khit cianga ana seemtein mi nam khempeuh tunga a tangko 

ding uh lungdamna thute lakah ki hel in zong kul lai hi cihna ahi hi. 

Tua kamsangte tung mah ah Topa in sawl lai a, “Teci pan’na te 

lom heen in la (452) Ka nungzuite lak ah Thukham ciam teh in,” Isa. 

8:16, 20. Pasian ciamtehna pen thukham nambat li-na sung ah ki mu hi. 

Sawmte sung panin tua li-na thu bekin Thukham piakhia Pa, a zaliatna, 

leh a min a ki dawk sak hi. Amah van leh lei bawlpa ahihna kawk khia a, 

adang khempeuh sanga zahtak bawl zawk ding leh biak piakna-a zat ding 

ahihna na gen hi. Hih thukham lo adang thukhamte in thukham piakhia 

pa leh a thuneihna a dawk sak om lo hi. Papal vangliatna tawh Sabbath 

a ki khel ciangin thukhamte lak pan in tua ciamtehna a ki la khia a suak 

hi. Piangsakpa phawk nading leh Ama thuneihna lim lak dingin Sabbath 

thu puah pha kik in A mun maan thukham nambaat li-na ah ding sak kik 

dingin Jesu nungzuite hong sawl hi. 

Ki nialna hong tam a, upna tuam tuam hong dim zel zul hi. Upna, 

leh hilhna tuam taum ong om zia-zua ciangin, tua teng khai khawm a 

sittelna dingin Pasian Thukhamte a ki nial thei lo thukhunpi ahi hi. 

Kamsangpa in, “Thukham leh Teci pan na tawh ki tuak in thu a gen kei 

uh leh amau sung ah khuavak om lo ahih hang hi,” ci khol zo hi. Isa. 

8;16,20.(KJV) 

Khat vei a thupiak kikna ah, “Na aw sit loin nakpi takin kiko in 

la, peengkul aw bangin ging sak in; ka mihingte tungah amau khialhnate 

gen in la, Jacob innkuan tungah amau mawhnate gen in,” ci hi. Leitungte 

ci loin Topa in “Ka mite’ amawhna uh lak un,” ci hi. A gen beh laina 

ah, “Amaute pen, thuman-a a gamta, amaute’ Pasian’ biakna ngeina 

kipte a nusia lo minam bang keekin, nisimin amaute in kei hong zong 

uh a, keima lampite thei nuam uh hi,” ci hi. Isa. 58:1, 2. Hih laitak ah


amau leh amau dik a kisa gawp milom khat hong lak a, Pasian nasepna 

ah nopsa in lawp uh hi napi lungsim sung a zong khiapa in hawm thawh 

in a taaina ah Pasian Thukham sik cip kei in ci a a hilhna hong ki mu hi. 

Kamsangpa in thuciam ki nusia sate kawk a: “Note in Sabbath 

singthosak in, keima nisiangtho ni-in na sepna panun khawlin, Sabbath 

ni pen deihhuai sa-in, Topa’ ni siangrtho pen pah tawi-huai na cih uh a, 

note in pah tawi in note’ deihna bang zui loin, note’ ut bang hih loin 

mot pau loin n om uh leh, Keimah biakna hangin lungdamna na ngah 

ding uh a,” “tang lai-a a kisia na munte uh na lam kik ding uh a, khang 

tampi sung a kisia bulpite na dingtosak kik ding uh hi; note pen, asia a 

puahkik, teen’na dingin amun siate a ngei a bangsak kikte hong kici 

ding hi.” (453) ci hi. Isa. 58:12-14. Hih hilhkholhna in ei hun hong 

kawk hi. Rome vangliatna in Sabbath a khek ciangin thukham zong a 

ki susia a suak hi. Ahih hangin tua Pasian phuhsa thu a ki puah kik hun 

hong tung ta a hi hi. A ki siatna mun ki puah pha dinga, khang tampi a 

ki puuksa ki phongh kik ding hi. 

Piangsakpa in tawl nga a thupha a piak, a siantho sak sa Sabbath 

ni, Eden huan siangtho sunga mawh nei nai lo Adam in a tan’ sa a 

hi hi. Adam puuk-a huan pan a ki nawh khiat khit-in a hong ki sik kik 

lai hi. Tua Sabbathni pen pu-pite leh tulpite (patriarchs) khempeuh in, 

Abel pan Noah, Abraham, Jakobte dongin a zang ciat uh ahi hi. Akiteel 

minam Israelte Izipt ah sal-in hong om uh ciangin milim biate in khuh 

cip lua a, tua te lak ah Pasian Thukham mang ngilh uh hi. Topa in Israel 

te hon khia-in mipi kikhopna panin a lamdang zahtak huai tawh Ama 

Thukham tangko khia hi. Amaute in Ama deihna thei a, kihta in Ama 

thu a man’ den ding uh a hi hi. 

Tua ni-a kipan tu ni dong Pasian Thukham leitung ah ki keem 

den lai hi. Tua thukham nambat li-na zong ki zui pai suak lai hi. “A 

kiseel Gilo Mi pa” in ama thungnun’ pen hun sung teng Pasian thukham 

sik cip in a gawt bawl hangin a kisel mun simtham ah mi muan huaite in


zahtak in nakem ve ve uh hi. Biakna puahphatna hong om-a ki pan a 

khang khangin mun tuam tuam ah a na tang to den mi na om kawi kawi 

hi. Bawlsiatna leh neh thawhna in a vuh cip zel hangin a kip tawntung 

Pasian Thukham thu teci pang ki tat sat ngei lo hi. A siangtho piansakna 

ciamtehna Sabbath zong ki tatsat loin na ki tang suk den hi. 

Hih thumaan te in Mang. 14 sunga “a tawntung Lungdamna Thu” 

tawh ki zom-in a ki gelh hi. Jesu hong kilat ni ciangin tua Lungdamna 

thu mah in Khrist pawlpite pen mi dang te tawh hong ki lamdang sak 

pha mah mah ding hi. Tua thu cial thum tangkona hangin “Pasian 

Thukhamte zui a Jesu upna a neite” hong om hi. Topa hong pai kik ma 

deuh in tua tangkona a nu nung pen ki tangko (454) ding cih hi ta hi. 

Tua tangkona khit phet ciangin leitung an la dingin Mihing Tapa hong 

pai kamsangpa in mu pah hi. 

Biak-buk thu leh akip tawntung Pasian Thukham tawh kisai 

khuavaak a muh beh mite in a etlawm, a hun tawh ki zui thumaan a 

theih uh ciangin lungdamna tawh a ki dim uh hi. Amaute in tua khuavak 

Khristian khempeuh in nei leh a deih mahmah uh hi. Mite nial theih 

dingin tuaat lo uh a, a za mi khempeuh in lungdam takin ana saang ciat 

ding uh sa kha uh hi. Ahih hangin leitung mun tuam tuam a Khrist 

thuzui ka hi a ci pipite mah in na deih hetlo uh hi. Thukham nambat lina 

zuih nading in kipumpiak kul ahih manin, mi a tam pente nung kik 

zel uh hi. 

Sabbath-ii nget teng a ki gen ciangin mi tampite in leitung vai 

tawh a hak satna na lak zel uh hi. Amau in, “Ko Sunday vi ve ka tan’ 

den uh hi. Ka pate uh’n zong na tang zo a, mi hoih mi pha tampite in 

lungkim takin tua ni tangsa-in na si zo uh hi. Amaute zong mi pha mah 

a ki cih theih leh ko zong hi ve na nung. Hih Sabbath tan’na thuthak in 

leitung tawh ka kizopna teng uh hong paih khiat sak mawk dinga, amaute 

ka thu zawh zo kei ding uh hi. A ni sagih ni tang mi lomno khat in 

leitung buppi’ tan’ Sunday lang do in bang ci thu zawh zo ngei peuh


mah ding hiam?” ci uh hi. Tua bang dan mah-in Jewste in Khrist nial 

napi in, maan a kisa ve ve hon uh hi. Amaute nute pate’n kithoihna 

gannote go in Pasian in saang ahih leh, a tate un zong tua bang mah in 

hotna a zon’ pen uh bang hangin ki sanglo tuan ding ahi hiam? ci mawk 

uh hi. Tua mah bangin Luther hun laite in zong Khristian hoih mah 

mahte mah Katolik upna sungah si khin zo uh hi. Tua hi in, tua a omsa 

biakna tawh hotkhiat ki ngah thei lua hi, papistte in ci uh hi. Tua banga 

seh khak toh zelna in biakna maan upna leh gamtatna mabing sak in, 

tuan tual sak pha mah mah hi. 

Mi tampite in Sunday tan’na pen a ki kipsakna upna hi a, pawlpi 

te in kum za tampi sung a na zuih uh, a ki zel khinsa ngeina hi, ci in a 

seh uh hi. Tua kum sawtpi ki tang (455) sa cih thu a khumkhelh 

dingin Sabbath tan’na pen taang tawng pek pan hi zaw cihte, leitung 

tawh a u patna a kikim, Pasian leh vantung mite na ngawn in a na tan’ 

uh, ahihnate ki lak thuk zel hi. Leitung bawl ding vai ki hawm lim 

phet in Pasian tate lungdam la sa-a a ot lai pek un Sabbath om sak 

ding ngimna zong a om khawm pah a hi hi. Job 38:6,7; Piancil 2:1-3. 

Tua hi a, Sabbath a hong pian khiat phet in mihing vai hawmna peuh, 

thu ki vai khakte peuh tawh a po khia hi lo a, Taangkumpu in a 

tawntunga a kip A Thu tawh a piak khiat ahih manin zah tak huai in 

zuih ding kul a hi zaw hi. 

Hih Sabbath puah kikna tawh ki sai thu a ki gen ciangin mite 

lung hi mawh uh hi. A minthang siate ta ta in tua dotna lungsim neite a 

daih sak theih nadingun Pasian kammal te heii-khia in a khiatna ki pelh 

thei dingin bawl uh hi. Laisiangtho amau mah mah in zong khia a a thei 

vil vel lote ta leu leu in tua a hei khiatna bang lel mah uh amau deihna 

tawh kituak thei zaw pah lel sawn ahih ciangin, lung kim mah mah in a 

saang pah lel lai uh hi. Thu ki kupnate ah muutpu te leh pupa thuciin 

lelte peuh tawh pawlpi thu zangh in thumaan sawn-paai ding a hanciam 

uh hi. Tua thunialte Laisiangtho sung leem pih in thukham nambat lina 

ciang ki tun’ zel hi. Mi nun niam ahih hang thumaan kammal tawh a


ding lih liah lel pawlte pen lai tam pi thei a kicite, kha lau-a a hehte, 

muut ding bek a uangte, leh mi siam a kici te in nawk gawp uh a, ahih 

hangin hoi mah mah lo-in tang takin Laisiangtho munte a kammal tawh 

a lah toh ziau ziau uh ciangin, saang pana ki sin khelpil-siamna khawng 

lelte in a neh zo kei uh hi. 

Laisiangtho mun a siksan ding uh a om het loh ciang in, Khrist 

leh A nungzuite zong tua bang mah in na ki nial pong mawk ngei hi 

cihte mang ngilh in, “Bang hangin I miliante in hih Sabbath thumaan 

mu lo uh a hia leh?” peuh ci lel mawk uh hi. “Ahih hangin, No up bang 

a um mi tawm no bek hi. Tua ahih teh, akhel a vet noteng thu maan 

zaw-in, leitung bup-a mipil laisiam hi zahta khial zaw thei zen buang 

ding hiam?” peuh ci mawk uh hi. 

Hih mi dangte muh nai loh thu tel lah nadingin Laisiangtho hilhna 

munte lak-a khang tawntunga Topa in Ama mite hong kep sukna ziate 

lah ding ki sam a hi hi. Pasian in Ama Aw za-a a zui nuamte, a ut mite 

a zangh hi. Tua baan ah ki sam a sak leh thumaan gen a mawhna kawk 

khia ngam lah lote mah zong zangh ek thei zel hi. Bang (456) hangin 

hih puahphatna na seem dingin Pasian in laisimate, mizaliante zangh lo 

hiam cih leh, a thu upna sa uh, a pawlpi te uh zuih thute, Laisiangtho 

gui suutna thute muang lua uh ahih ciangin Pasian hilh ding ki sam kisa 

nawn lo uh ahih man a hi hi. Pilna khempeuh bulpipa tawh a kizomte 

bek in Laisiangtho thuthuk tel thei uh hi. Saang inn pan-a laipilna tawm 

bek a neite khawng peuh, thumaan lak khia dingin Pasian in sam khia 

thei zaw hi. Tuate a pil loh man uh hi lo zaw hi. Amau leh amau ki 

muang zo lo in Pasian hilh theih dingin a omte ki zangh thei zaw ahih 

man ahi hi. Tua bang mite in Khrist saang pan in sin zaw uh a, a ki niam 

khiatna uh leh a sawl man’na un amaute lian sak thei zaw hi. Ama 

thumaan tua bang mite a puak sak mah bangin Pasian in amaute zah 

takna pia a, leitung zahtakna leh mihing liatnate tawh khai kaak in bel 

ki lang khia se khollo uh hi.


Tua Advent pawlte lak ah zong atam zaw in Pasian Thukham 

leh Biak-buk thu nial uh hi. Tampi mah in a upna uh nusia uh a, tua 

hilhkholhna tawh kisai nasepna tawh a ki lehbulh upna maan lote saang 

uh hi. Kim khat ta leu leu in Khrist hong pai ding a ni mit bulh kik thi 

the den khialhna sung ah a lut uh hi. Hih Biak-buk tawh kisai khuavak 

in hilhkholhna hun sehna pen Ama hong pai kik dong seh sukna ding 

om nawn lo cih a lak hi. Tua thu a saang lo te in Topa hong pai nading 

ni mit seh suk zel uh a, ci mawh zel uh hi. 

Thessalon khua pawlpi te in Khrist hong pai nading a maan lo-a 

a lam et lai un Paul in amaute lam etna Pasian kammal tawh a kituak 

hiam tel sit dingin sawl hi. Amah in Khrist hong pai ma-a thu piang 

ding teng gen suk suk a, amau khang sunga Khrist hong pai ding cih 

lamet theih nading omlo hi. “Kua mah in note bangmah hangin hong 

kheem kei hen,” ci hi. 2 Thess. 2:3. Laisiangtho gen banglo pi-a lamet 

zel mawkna in gamtat khialhna ah hong tun’ zel dinga, cih mawhna 

hong piang zel ding hi. Thu umlo mite in hong zahpih in, lungkiatna 

hong leh suah kha ding lau huai hi. Amaute hotkhiat nading (457) 

thumaan kisam te up zawh nawn loh nading mawhzolna suak thei kha 

ding hi. Thessalon pawlpite tunga Paul lam lahna pen ni nunung tu hun 

a nungta-kha mite adingin zong a phamawh lai tampi om hi. Adventist 

tampite in Topa hong pai ding a nimite ih theih kei leh ki gin’ kholh cih 

den keei mawk pen ka tha dah hi, ci uh hi. Ahih hangin amaute lam 

etna buai sak thi the dinga, tua pen ki siat nading hi zaw lel hi. Tua hi 

leh, hilhkholhna thumaan ah a lawp nading teng uh lok sia in, a lawp 

thei nawn lo dingin upna dang nei sak lel ding hi. 

Thukhenna hun hong tung ta ci a tangkona masa sunga a hun 

maan sehna pen bang bel Pasian sawl mah a hi hi. Hilhkholhna huntuatna 

thupuak pen ni 2300 bei ciang ci ahih manin 1844 phalbi mong laitak hi 

ding cih bel a genkholhna thu a om mah ahi hi. Nial nading omlo hi. 

Tua hilhkholhna a kipatna leh a beina hun zong phapha a a nimit ding a 

thak muh zel den uh pen hih mun kip sakk nadinga a maan lo thu dang


khat let zel ding hi mawk hi. Tua in tu-lai thumaan pan in mite lungsim 

ki heii khia sak lel hi. Tua bek zong hi lo lai in hilhkholhna tel gen 

nading mun khempeuh ah sim mawhna piang sak in, thu gina-a et nawn 

lohna piang sak hi. Tua banga nih vei pai nadinga nimit I seh mun leh 

Satan nasepna hun hoih a pia mun I suak ding hi. A hun hong tung ta 

a, hong pai loh zel ciangin Amah in nuihsatna leh simmawhna te tawholhin 

phongh khia zel hi. Adventistte lametna lianpi masa 1843 leh 1844 

kum-a pen ciamnuihna bang suak sak uh hi. Tua banga a lam en kik kik 

keei mawkte in a tawpna ah Khrist hong pai ding gamla mah mah lai 

ding hi ci in um sak zaw beh lap ding hi. Tua bangin amaute a maanlo 

sungah tungin sihsan mai ding uh a, pawl khat te in a zekai luat dongin 

taksangh ding uh hi. 

Tanglai Israel te tangthu pen Adventist te thuakna a tel lahna 

khat a suak hi. Pasian in Advent nasepna ah A mite a makaih mah ahi 

hi. Amah in Israelte Izipt gam pan makaih mah hi. San-Tuipi a tun’ uh 

ciangin Hebrew mite zong ze etna lianpi thuak in ci mawh mah uhi. 

Amaute a makaih khut pen muang peuh le uh Pasian hot khiatna ngah 

na-lel ding uh ahi hi. 1844 kum-a a nasepna uah zong ki pumkhat peuh 

le uh A Kha Siangtho tawh na (458) nak pi in sem ding uh a, vantung 

mi thumna tangkona zong a tangko khawm lel ding uh a hi hi.Tua hi 

leh, khuavakpi in leitung tuam lel ding hi. Leitunga teeng mi khempeuh 

in patau kona za khin baih ding uh a, nasep ki zo baih in kum tampi laiin 

Khrist in a hotkhiat mite la dingin hong pai thei baih tuam zaw ding 

a hi hi. 

Israelte gamlak-a kum 40 a vaak thaapna uh pen Pasian deihna 

hi zaw het lo hi. Tang tak in Khanaan gam ah pai in nopsa in teeng le uh 

Pasian in deih sak hi. Ahih hangin “amau in a up loh manun ah a tum 

zawh loh uh ih thei hi.” Heb. 3:19. Nungtolhna leh lampialna hangin 

sehnel gamlak ah si uh hi. Pawl khat hong khang khia in a ki khapna 

gam ah lut dingin pai uh hi. Tua mah bangin Khrist hong pai ding zekai 

lua a, mite in hih leitung mawhna leh dahna dim lakah kum tampi a om


ngit nget ding uh Pasian deihna hi het lo hi. Ahih hangin uplohna in 

amaute leh Pasian ki khen sak hi. Amaute in tua tangkona sem dinga 

aki teelna nial uh ahih manin, mi dang hong ding khia in tangko uh hi. 

Leitungte khasiat lua ahih manin Jesu in a hong pai ding ki zia-nei sak 

hi. Pasian hehna a ki buak ma-in mawhneite in patau kona za man uh 

hen la, Amah beel man le uh deih sak hi. 

Tu-in khang masate’ aa mah bangin mawhna lah-khiatna leh hun 

maan lo a lak thumaan tangkona in hong langdo dingte pholhkhia ding 

hi. “A hoihlo a gamta mi khempeuh in khuavak a mudah uh a; amau 

gamtatnate a kilat loh nadingin khuavakna-ah a pai kei uh hi.” Johan 

3:20. Laisiangtho mun a siksan ding uh a muh zawh loh uh ciangin 

mitampi te in tua thumaan a pomte buai sak ding in hanciam pong hel 

uh hi. Tua pen khang tawntunga thumaan a na ki bawl siatna ngeina a hi 

hi. Elijah zong Israelte buaisakpa ci in na ki leh ngawh ngei zo hi. 

Jeremiah zong mi heekpa na ci uh hi. Paul zong Biak-inn thaang bawlpa 

na ci uh hi. Tua hunte-a kipan tu hun dong mah in thumaan leente pen 

(459) kumpi thu nialte, lang pangte, leh pawl khen te peuh ci-in a na ki 

mawh sak ngit-nget den mah a hi hi. Hilhkholhna tel mah mah napi a 

um nuam lo mite in lung hiang lo-in thu gina lo te peuh um pah pah 

nuam zaw uh hi. Mawhna a lak khia ngam thumaan pen ki langdo zawk 

den pen a ngeina a hi hi. Tua bang lungsim pen khang semsem lai ding 

hi. Laisiangtho in tel tak in hong hilhna ah, Gam ukte Upadi in Pasian 

Thukhun langbawl ding uh hi a cih hun hong nai mah mah ta hi. Pasian 

Thukham kimtak a a zui nuam mite in migilote’ bawlsiaitna a thuak 

ngam uh kul ding hi ci hi. 

Hih thu I et ciangin thumaan kamtaai te sep bang hi hiam? 

Thumaan lah mite in saang nuam ngap lo-in, langpan’ in dal uh a, suk 

siat ding bek hanciam zawsop mawk uh ahih manin, thumaan gen se 

loin koih cip mawk ding ahi hiam? Hi lo hi. Amah in Pasian thu Teci 

pan’na nidanga ki puahphatna masa lai mah bangin ki hua mawk ahih 

teh ci a ip cip mawk ding hun om nawn lo hi. Upna pulaak manin


misiangthote ki thahna thuak zel uh a, ahih hangin khang thakte in 

phat tuam lawh zel uh hi. Tua banga siangtho tak, khauh taka a na 

gamta mite mah et teh in tu hun a Pasian ading Teci pangte zong tha 

hat sak tuam a hi hi. Amau in thumaan leh hehpihnate saang uh hi. 

Amau kia ading uh ahi kei hi. Amaute tungtawn in leitung bup khua a 

vak sak ding uh ahi hi. Tu hun in zong Pasian in A naseemte khuavaak 

pialo ahi hiam? A piak leh amau in leitungte tua khuavak a piak sawn 

ding uh ahi hi. 

Tanglai in Topa in Ama min tawh thu gen khat pa kiang ah, 

“Israelte in nang’ thu hong man’ kei uh leh Kei thu hong mang lo uh a 

suak hi”. “Amaute kiang ah Ka thu na gen dinga, amau in hong ngai in 

hong don kei ta le uh na za sak tei tei ding hi”, Ezek. 3:7; 2:7, ci in a 

sawl hi. Tu hun a Pasian nasempa kiang ah hi bangin ki ci hi, “Pengkul 

aw bangin na aw khah khia-in mite a palsatna uh lak in. Jakob innkuan 

sung a mawhnate uh hilh in,” ci hi. 

Hun hoihte ki hong a, thumaan khuavak a ngah mi peuh mah in 

Israelte’ kamsangte mah bangin a lip khap huai sepding lianpi a nei I hi 

hi. Tua bang mi tungah Topa kammal hong tunga, “Ezekiel aw, tu-in 

Israel mi nam khempeuhte’ galvilpa ding in nang kong koih hi. Nang 

tungah kong piak hilhkholhna khempeuh amaute tungah na gen sawn 

ding hi. Migilopa khat pen si ding hi, ci-in kong gen ciangin amah a 

nuntak theih na dingin a gamtatna a khelna ding na hilh kei leh, tua 

mipa pen a mawh nei-in si ding a, ahi zongin ama sihna nang kong 

ngawh ding hi. Nangmah in gilopa khat hilhkhol napi-in a mawh 

gamtatna a khawl kei leh, tua mipa a mawh nei mah-in si ding a, ahi 

zongin nang na suakta ding hi,” ci hi. Ezek. 33:7-9. 

Thumaan saang ding leh puak sawn ding cih ciangin, hun hoihlo, 

hong nok khak a hong dal tam mah mah hi. Tua teng mah thumaan 

nasepna ading paulap hi den hi. Khrist nungzui maan hihna pen tuate in 

kipelh sakzo tuan lo ding hi. Hih bang mite in thumaan a hong ki deih


ciang ngak tuan lo uh hi. Amau pan mun thei a lungkim takin singlamteh 

a saan’na uh hangin Paul tawh, “tawlkhat bek ka thuak uh gimna-a 

zangin a tawntung agik vangliatna ading a piangsak hi.” (2 Kor. 4:17) 

ci khawm thei ding uh hi. Khanglui lai-a mi khat tawh, “Izipt gam sum 

khempeuh sangin Khrist tawh kipawl kosiatna a lian zaw-ah lungkim “ 

zaw hi a ci khawm uh hi. (Heb. 11:26.) 

Amaute bang bangin gen ta le uh a lungsim sung uh ah leitung 

bek en a na seemte hi uh a, sep dan kikhungsa khat (policy) zui a seemte 

hi lel in, biakna thubul agaihsun uh ahi kei hi. Thumaan pen a maan ahih 

manin eite in iteel dinga, a thaman ding pen Pasian hoih sak bang hi hen 

ci ni! Thumaan bul, upna, leh haan’na a leen puahphatna asem mite 

tung ah leitung in leiba tampi anei hi. Tua bang mite bek mah in tu hun 

a ki puahphatna ding zong mai nawt sak bek ding hi. 

“Thumanna a thei, na lungsim sung uh-ah keima thu a vom mite 

aw, ka thu ngai un; mihingte’ kosiatna kihta kei un la, amaute’ 

simmawhna haningin lungkia kei un. Bang hang hiam cih leh nget in 

puan anektum bangin amaute beimang ding hi; ahih hangin keima 

khahkhiatna om tawntung dinga, khang tawntung in ka hotkhiatna kip 

ding hi” Topa in ci hi. (Isaiah 51:7,8.)

TU HUN KIPHUAHPHATNATE 463 

27 

Tu Hun Kiphuahphatnate 

(461) 

PASIAN thu om bang hoih taka aki hilhna peuhpeuhah Pasian sehna 

bangin thaman nei zel sam hi. Pasian Khaa in Ama naseemte huh a, 

A thu in vang lian nei hi. Mawhneite lungsim hong ki phel hi. “Leitung 

mite khuavaak in taan’ a,” aki dawk khia lo lungsim tawng nung dongin 

taan’in, alak khia hi. A lungsim uh thuk takin va lawng a, va khel sak 

hi. A mawhnate uh mu in thumaan mu uh a, hong tung ding thukhenna 

te zong phawk uh hi. 

Amau te in Jehovah deihna mu uh a, lung sung zongkhiapa mai ah 

a siantho lohna te uh leh a mawhbaan’na te uh ki mu in hong kha lau thei 

uh hi. Lung gim in, “hih a si ding pumpi panin kua in hong hon khia ding 

hiam? ci uh hi. Mihingte mawhna thoih dam nading a ki pia Kalvary 

singlamteh hong ki langh hi. Khrist cin’na lo ngal amaute mawhna phel 

khia dingin a dang bang mah om lo cih thu leh tua bek mah in amaute 

Pasian kiangah lemkik thei hi cih thu a mu uh hi. Ki niamkhiatna leh 

muan’na tawh leitung mawhna a pua khiapa Pasian Tuu no na saang uh 

hi. Tua ciangin, Jesu sisan hangin “a mawhna uh a omsate ki mai sak hi.”


Tua bang mitein ki sikkikna gah hong gah uh hi. Amautein umin 

ki tuiphum uha, nuntakna athak tawh tho khia in gamta uh hi. Jesu 

sungah piangthak uh a, ni danga a lung gulhna te uh deih nawn loin 

Pasian Tapa upna tawh a nung zui uh hi. Ama gamtat bang (462) gamta 

in Amah a sian’tho bangin siangtho in nungta uh hi. Ni danga a muh 

dahte uh tu in it thei ta uh a, ni dang a itte uh tu in mu dah thei ta uh hi. 

A ki sa thei a ki hi sakte ki niam khiat in lung neem ta uh hi. A maitat 

aki phasaktein thu hong ngaihsun in, hong leiihaang nawnlo uh hi. A 

thopptat te hong zahtaak kaai in, zu kham khamte hong tei sit set uh a, 

a khuaval te hong siangtho ta uh hi. A mawkna tawh kipawl leitung 

kizepnate paai khia uh hi. Khristiante in pua lam zepna, sampaak 

manphate, kham leh a man pha na te zatna te, a ki lang khia na te zangg 

loin,..Pasian muhna-a a manpha zaw nate ahi lungsim sung zepna a 

zongg zaw ta uh hi.” 1 Pet. 3:3,4. 

Kipuahphatna in lungsim sung thukpi bun suk ahih manin, 

kinaimkhiat sak hi. Amaute hoihna tawh ki sek uh a, Khirst sisan in a 

lei lungsim hoihte deih uh hi. Numei-pasal hotna ngah nadingin thu 

ngetna tawh Pasian a buan uh hi. Amau leh amau ki nial-a a kipia mite 

in tua bang ki puahphatna gahte gah uh hi. Khrist hangin simmawhna 

leh bawlsiatna te thuak tham cing a a om uh zong lungdam zaw uh hi. 

Midangte-in zong Khrist min tawh amaute ki khel takpi uh hi cih a 

gamtatna pan un mu thei uh hi. Amaute huzaap in a veeng taang uh 

ading phatna a bawl hi. Khrist tawh kikop in khaa khaici tuh uh a, 

tawntung nuntakna a la uh hi. 

“Hong dahsaka hong kisiksak ahih manin alungdam ka hi uh 

hi.” “Pasian deihna tawh kituak in kong dah sak uh hi. Bang hang hiam 

na cih uh leh, Pasian’ deihna tawh kituak dahna in hong gup nading 

tawh kizom kisik kikna lungsim hi a, kikheel theilo kisik kikna lung sim 

hong bawl thei hi. Leitunga dahna in sihna a piangsak thei hi. Pasian’ 

deihna tawh kituak note dahna in note sungah bang ci bang phawkna, 

bangci bang mawh kiphelna, bang ci bang hehna, bang ci bang launa,


bang ci bang lunggulhna, bang ci bang dikna lungsim, bang ci bang 

thuman tawh dan piak thu-a bawlphatna ci-in en ta un. Note in hih thu 

sung pan mawh sakna tawh na kipelh uh ci-in na khempeuh hangin na 

lak zo uh hi.” 2 Kor 7:9-11. 

Hih in Pasian Khaa nasepna thaman ahi hi. Ki puahphatna taktak 

a ki muh khiat mateng ki sik kikna maan teci a om nailo ahi hi. A kam 

khapna taang tun’ sak-in, a suhsa na te pia kik in, mawhna ki pulaakna 

nei in, Pasian leh a mi pihte a it leh tua mawhnei (463) mi in Pasian 

sung ah lung muan’na ngah takpi a hih lam ki thei thei ding hi. Kum 

beisate ah biakna khan’ lawhna a om ciangin tua bangin a piang hi. 

Amaute gahte Pasian thupha pan ahihna ki thei thei a, mite hotkhiatna 

leh ki niam khiatna ki lam to pah zel hi. 

Ahih hangin tu lai kipuahphatna pawl khat pen nidanga Pasian 

nasemte nasepna thaman Pasian thupha ki saang ngeisa te tawh ki lehbulh 

hi. Khaa lam lawpna kuang khia a, mi tampi ki khel hi ung ci in pawlpi 

sung lut uh hi. Ahih hangin a omzia te uh ah upna kimu lo-in, khaa lam 

nuntakna maan om tuan lo hi. A khuavak uh tawmvei sung a taan’ khit 

ciangin a mit hi. 

Ki puahphatna ci-a a minthang pawlkhatte pen lungsim-a 

ngaihsutna lel peuh hi mai a, a lawp kineih tawm pong te peuh hi mai 

hi. Itna phuahtawm leh peh tawi mawk mawk peuh a hi lel hi. A ki 

khel a kicih uh teh tawm vei Laisiangtho hong sim nuam zok uh a, 

kamsangte leh sawltakte teci pan’na thei nuam pak lel te a hi zel uh 

hi. Biak ki khopte bang a lawp huai zek a a om kei leh ut lo pah mai 

uh hi. A thu ki gentein azaknop thuneem amau deih lam pang ahih kei 

buang leh bun lo hi. Pasian hong gen a tawntung kimang ding thute 

awl mawh lo lel uh hi. 

A maan taka ki kheel mi peuh mah in Pasian tawh ki zopna leh a 

tawntung na te pen ama nuntakna thubul hi sak den ding hi. Ahih hangin 

tu lai-a a ki dawk mah mah pawlpite ah tua banga ki aap Pasian tawh


kizom koi ah om mawk hiam? Thuzui a kici mite in ki saktheinna leh 

leitung iiplahna khah het lo uh hi. A ki khelma uh sangin a ki niam 

khiat zawkna, a lung neem Jesu a zuih zawkna mah mah uh om lo hi. 

Amah leh amah ki niala a ki khalna singlamteh a puakna mah mah om 

tuan lo lel hi. Biaknate thu umlo mite ciam nuih mawl bawlna suak lel 

hi. A min bek pua in a thu lah a zui kei ve ve mawk uh hi. Khristian 

gamtat hoihna in Pawlpi tampi te nusia ta hi. Picnic peuh, biak inn-a 

pawi lahna peuh, biak inn-a van zuakna, inn zep, mi mal ki lahsanna te 

in Pasian phawkna hawl khia hi. (464) Leitangh neihna, vante neihnaa, 

leitung nate hauh nading bek bek mite lungsimte ah ki dim a, a tawntung 

nate a saan nadinguh in lungsim mun awng nei nawnlo hi. 

Upna leh hoihna ah pawlpite a niam kiat mah mah hangin a lak 

uah Krist nungzui maan zong om lai ve-ve sam hi. Pasian hehna in a 

hong phial ta tak ma in Pasian mite lak ah sawltak te khang lai-a kipan 

a piang ngei lo zah kipuahphatna lianpi hong piang ding hi. A mite tung 

ah Pasian Kha Siangtho ki buak ding hi. Tua hun ciangin leitung deihna 

in Pasian itna a bawhkhiat sak pawlpi te sung panin mi tampi hong pai 

khia ding uh hi. Siate leh pawlpi mite in Pasian thumaan lian lungdam 

takin saang ding uh a, Topa hong pai kik nading tangkona nasep hong 

sem ding uh hi. Tua nasepna pen galpa in dal nuam ahih manin, tua 

nasep a ki sep ta tak ma-in a lim ciing zuau thu tawh na ma leep khol 

sak ding hi. Ama kheem zawh pawlpi te tung ah Pasian kiang pana 

hong kipia thupha takpi bangin ki dawk sak ding hi. Biakna lam 

khan’lawhna, leh lawpna lianpi bang in a dawk sak ding a, Pasian in 

thupha hong buak takpi hi ci in mi honpi te a ki sial ding uh hi. Ahih 

hangin khaa dang khat nasep na hi gi ge mawk ding hi. Biakna lim mah 

zui in kheem dinga, Satan in Khristian khempeuh ngahzawh nadingin a 

hanciam ding hi. 

Kipuahphatna nasepna mun tampi ah kum 50 bang-a kipan in 

tua bang pian ngen hi ta zaw hi. Nung sang ciangin tua bang vive hong 

ki om lai lai ding hi. A maan leh a khial helzau-sa in mite lam khial sak


dingin lawp hen han pak nading khanlawhna khem hong ki om ding hi. 

Ahih hangin kua mah in tua kheemna tak san’ kul lo hi. Pasian kammal 

khuavaakte pan in tua bang nasepnate telhaklo hi. Mite in Laisiangtho 

thumaan ci cintenlo uh hi. Pumpi nial-a leitung nusiat a kul sak, a ki tel 

sin sen, lungsim tawng dong a sit tel thumaan te a ki thu don lohna 

peuh peuh ah Pasian thupha ki pia takpi het lo hi cih a ki tel pah hi mai 

hi. Khrist in a genna” (465) “Amaute a gah-in na thei ding uh hi” a cih 

pen ettel ding ahi hi. Matt. 7:16. Tua teci tawh hih khanlawhna pen 

Pasian Kha Siangtho’ aa hi lo cih ki thei pah ding uh hi. 

Pasian in Ama thumaan kammal sungah Amah mah aki laktel hi. 

Tua thu tawh aki dal mite Satanin kheem theilo hi. Tu khawnga leitunga 

biakna maan lo a ki theh luatna zong tua thumaan a awl mawh loh luatna 

uh in a kongvang a hon’ haang ahi hi. Pasian thukham leh nate pian ngei 

ziate mu nawn lo sak hi. A tawntung thute saang khial uh ahih manin 

Pasian thukham a kulna te mu nawn lo uh hi. Pianthakna leh Khristian 

nuntak sianthona te ah lam pial in khial pah uh ahih manin, pawlpi din’ 

munte niam kiat suk pah hi. Tua mun ah Pasian vang leh Kha Siangtho 

nei lo uh ahihna tu lai kipuahphatna a kici te ah ki tel thei hi. 

Pawlpi tuamtuam tampite ah mitein ki Pasian thu zui sak mah 

mah uh ahih man mah in, a kisia zaw uh hi. Prof. Edwards A. Park in tu 

lai kisiatna a genna ah, “A lau huai thupi bul khat in, pulpit pana Pasian 

thukham I gen loh na hang ahi hi. Ni dangin pulpit pen sunglam upna 

tangkona mun-in ki nei hi. Ih thuhilh sia a seem siam pen pente in ih 

Topa hong lamlahna vangliante gen uh a, thukhamte a thupi pen in gen 

uh ahih manin tua thukham te nasepna a phat tuamna zong hong ki 

dawk khia a hi hi. Amau in thu lian pen nih te ahi, Thukham leh 

Lungdamna Thu, gengen uh a, thukham in Pasian sianthona kilah khiatna 

ahih zia leh thukham deih lote in Lungdamna Thu a deihlo suak ahihna 

te zong gen uh hi. Thukham ahi a Lungdamna Thu ahi zongin a thu nih 

mah un Pasian omzia liimlang banga hong lak a hi tuak tuak uh hi. Tua 

tegel a khat kinusia leh mawhna a sia huai ahih na neu sehna ciang hong


tun in, tua in siatna hong tun pah hi. Thukham maan luatna zah mah zui 

in tua thukham azuilote khialhna zong khial luatna a suah to pah lam 

aki lang pah hi. 

“Tu-a ih gen lauhuaina tawh ki pawl a lau huai khat om leu leu 

hi. Tua pen Pasian thumanna(thu-tangna) a ki neu sehna thu a hi hi. Tu 

lai pulpit te in Pasian thutang khenna leh Pasian hehpihna khen khia uh 

hi. Citna tawh Pasian thupha bawlna pen thubulphuh suak sak nawnloin 

lungsim phuut tawm thu ki suak sak hi. Theology thu phuah tawm a 

neih thakna uh ah, Pasian in a ki kim-a a (466) koih thu phelkhap-in 

khenkhia uh hi. Pasian thukham a hoihlo ahi hiam? A hoih ahi hi. 

Thutang-na zong a maan ahi hi. Tua manin Upadi kilen thei ahi phing 

zaw hi. Pasian thukham leh thutang a ki neu seeh na pan in, sawlman’ 

lohna leh deihkaihna ong om hi. Tua ciangin, mawhna pan a hong sian 

suah hehpihna zong neu seh nopna hong om pah hi.” Tua in mihingte 

lungsim ah Lungdamna Thu-ii manphatna bei mang sak a, Laisiangtho 

na ngawn kul nawnlo ci-sak in a nawl khin sak pah leuleu hi. 

Khrist in Ama sihna tawh thukhamte phiat khia khin a, mihingte 

tua thukham khut nuai pan ki suakta khin hi, ci in biakna sem sia tampite 

in hilh uh hi. Tua thukham kolbulhna in gim hong pia a, Lungdamna 

Thu in ahih leh ut bang in om theihna ding suahtakna hong pia hi ci-in 

hilh uh hi. 

Pasian kamsangte leh sawltakte in bel amau cih bangin hilh lo 

uh hi. David genna ah, “Nangma thukhamte zuih ding hanciam ka hih 

manin, nuam takin ka nungta ding hi “ ci hi, Late 119:45. Sawltak 

James in Khrist sih khit in thukham sawmte a genna ah, “Kumpi Thukham 

“ leh “Suahtakna tawh kizom a kicing thukham” ci in na gen hi. Jakob 

2:8; 1:25. Singlamteh khit kum sawmnga bang khit ciangin mangmupa 

in, “Thukham zuite in thupha ngah uh ahi hi. Bang hang hiam cih leh 

khuapi kongvang ah lut theihna ngah-in nuntakna singkung kiang a tung 

thei ding uh hi” ci lai hi. Mang. 22:14.(KJV)


Khrist in Ama sihna tawh A Pa Thukhun phiat mang sak hi cih 

ngiau mawk pen bulkip nei lopi a hi hi. Thukhamte a ki phiat thei, a 

ki khel hi leh thukham palsat mite mawhna daan thuakna pan hotkhiat 

kik nading kullo dinga, Khrist zong asih kul lo pah ding hi. Khrist 

sihna in Thukham aki phiat cih tha dah-in, thukham kip sak zaw a, 

“zahtaak huai sak zaw” dingin hong pai a hi hi. Isa. 42:21(KJV). 

Amah in, “Thukham leh Pasian kamsangte thu siasak dingin hong pai 

hi ci-in hong um kei un. Akicingsak dingin hong pai ka hi hi. Aman 

takpi kong cihinah, van leh lei a mangthang zongin thu khempeuk a 

kicin’ matengin Pasian’ Thukham a neu pen nangawn kisia ngeilo ding 

hi.” na ci zaw hi. Matt. 5:17,18. Amah mah in, “Nangma deih bang 

hihna-ah nuam ka sa hi, ka Pasian aw; na thukham ka lung sung ah om 

hi,” ci zaw lai hi. Late 40:8. 

Pasian Thukham pen a pian lim phet-in kheek theih loh in 

tawntungin a kip (467) a hi hi. A neipa deihna leh a gamtat lah khiatna 

ahi hi. Pasian in ki itna hi a, a thukham in ki itna a hi hi. Tua thukham 

thubulpi nihte in Pasian it nading leh mihing te it nading a hi hi. “Tua 

ahih ciangin ki-itna in thukham zuihna thu kicin’na ahi hi. “ Rom. 13:10. 

Pasian gamtat zia pen Dikna leh Thumaan hi a, thukham zong tua hi 

pah hi. Laphuakpa in, “Na thukham zong maan tawntung hi. “ na ci hi. 

Late 119: 142,172. Sawltak Paul in zong, “Thukham in a siangtho hi. 

A thu in zong a siangtho, a dik, apha hi” na ci hi. Rom. 7:12. Tua 

thukham pen Pasian deihna leh a lungsim omzia pulaakna hi a, a neipa 

a kip lai teng kip ding hi. 

Pasian leh mihingte ki lem kik sak a, a siangtho kik sak ki khelna 

in Ama thukhamte tawh ki tuaka gamtatna ahi hi. A kipatcil in mihing 

in Pasian lim le meel suun-a ki bawl ahi hi. Siangtho in kicing a, Pasian 

leh a Thukhuntawh ki lem hi. A lungtang sung ah Dikna thubulte om 

kholzo hi. Ahih hangin mawhna in a bawlpa kiang panin khen khia hi. 

Tua-a ki pan Pasian lim suun thei nawn lo hi. A lungtang puak in Pasian 

Thukham sawl thute a langdo hi. “Ci leh sa lungsim in Pasian’ Thukham


manglo tham loin a mang zolo ahih maninah Pasian tawh a kido hi. “ 

Rom. 8:7. Ahih hangin “Pasian in a Tapa khat bek a piak dongin leitung 

mite a it hi.” Tua pen mihingte Pasian tawh ih kilem kik theih nading a 

hi hi. Khrist’ dikna hangin mihing in amah abawlpa tawh a ki lem kik 

thei hi. Pasian thupha tawh a lungsim uh ki thak sak dinga, vantung 

pana piak nuntakna thak nei ding uh hi. Tua ki khelna in pianthakna hi 

a, tua bang tawh loin “Pasian gam sung ah alut thei kei ding hi” ci-in 

Jesu in a gen hi. 

Pasian tawh ki lem kikna theih nadingin mawhna hoih lohna tel 

theih ding kisam masa bel hi. “Khialhna in thukham palsatna ahi hi”. 

“Thukham tawh mawhna kilang” hi.” 1 Johan 3:4; Rome 3:20. Mawhnei 

mi khat in a mawhna a tel muh nadingin ama gamtat te leh Pasian Dikna 

din mun ahi thukham a et kaak ding ki sam hi. Tua in gamtatpha a ki 

taangcing lak khia a, tua panin ama kisap laina munte a ki kawk khia hi. 

Thukham in mite kiang ah a mawhna lak a, a zatui ding bel pia 

lo hi. A sawlmang nuntakna pia ding ci in khaam a, sihna bel palsatna 

thaman (lem lawh) hi cih athei sak hi. Khrist (468) Lungdamna Thu 

bek in mawhsakna leh mawhna in a hong suksiatna panin hong suakta 

sak thei hi. Amah in a thukham palsatnate hangin Pasian lam ah ki sik 

kik ding, Khrist leh Ama tatkhiatna muang dingin in hong sam a hi hi. 

Tua ciangin a “mawhna omsa te mai sakna ngah in,” Pasian omzia a 

suun in hong nungta ding hi. Tua ciangin amah in ta dinmun ngah kikna 

lungsim hong nei in Pasian pen “Abba, Pa!” hong ci ta hi. 

Tua bang ong hih ciangin Pasian thukham palsat theih nading 

thu ngah a hi hiam? “Tua ahih leh, upna hangin eite in thukham paaikhia 

ihi hiam? Tua bang hi lo hi. Thukham ih kipsak hi, “ Paul in ci hi. Rom. 

3:31. “Mawhna a anusia eite in tua sung mah ah nungta lai lai ding I 

hiam?” Johan in a genna ah, “Pasian itna in Ama thukhamte zuihna a hi 

hi. Pasian thukham zong a zuih hak a hi kei hi.” Rom 3:31; 6:2; 1 Johan 

5:3. Pianthakna ah lungtang puak in Pasian tawh ki lem a, Ama thukham


tawh zong kilemna hong puak hi. Hih a lamdang kikhelna hong pian 

ciangin amah in sihna pan hin’na ah, mawhna pan sianthona ah, palsatna 

leh galbawlna pan sawlman’na leh migitna ah a tung ta a hi hi. Pasian 

tawh a ki khen khia nuntakna lui pen bei ta a, a ki lem kik nuntak thak 

ahi upna leh itna hong kipan ta hi. Tua ciangin, “cileh sa deihna zui loin 

Pasian’ Kha Siangtho’ deihna zui-in a nungta eite tung ah a Thukham 

hanciamna thu a tun’na ding hi. “ Rom 8:4. Tua ciangin “Na thu deih 

mah mah ing! Sun tawntung-a ka lungngaih-ngaih ahi hi” ih ci thei ta 

ding hi. Late 119:97. 

“Topa thukham in kicinga nuntak a thak suah sak hi.” Late 19:7 

Thukham simloh Pasian cihtakna leh sianthona muh theih nading dang 

omlo hi. Thukham simloh mihingte’ mawhna leh kih-huaina aki dawk 

nadingin alak thei dang omlo hi. Mawhna aki muhloh ciangin ki sik kik 

a kulna zong phawk lo uh hi. Pasian thukham palsatte in a mang thang 

ahih lam uh thei loin Khrist sisan a ki sap lam uh phawk lo uh hi. Lungsim 

ki khel lopi leh kipuahpha lopi in hotkhiatna saan’na thu lamen pah 

mawk uh hi. Tua bang a pua tham bek kikhelna tawh mi honpite in 

pawlpi azop pong mawk uh hangin, Khrist tawh kizom kha ngei hetlo 

mawk uh hi. 

(469) Pasian thukham nial pi pi mah in sianthona ngah ding ki 

lam-etna pen thumuh dan amanlo ahi hi. Tu hun-a biakna sunga a thupi 

ngaihsut pen khat uh hi ngiau mawk hi. Tua bang upna pen amau in dik 

asak mah mah uh hangin, a thu in a lau huai ban ah a tak tak ciangin 

zong lau huai gamtatna in zui kik hi. Hih bang munte ah Laisiangtho 

hilhna a tel theih nadingun a tel sim phat zawk ding uh a ki sam ahi hi. 

A maan sianthona pen Laisiangtho hilh upna maan ahi hi. Sawltak 

Paul in Thessaloni pawlpite a laikhakna ah hi bangin ci hi, “Note sianthona 

pen Pasian deihna bang hi, na pumpi-un lungmuan’na-Pasian in hong 

siantho sak nadingin thu ka ngen hi,””Nopsakna a pia Pasian mah in note 

khempeuh hong siangthosak ta hen.” 1 Thess. 4:3; 5:23. Laisiangtho in


sianthonathu bang ahi hiam cih ahi zongin, ih ngah theih dan ding ahi 

zongin a hong hilh hi. Honpa in anungzuite ading agenna ah,”Na thuman 

tawh amaute na siangtho sak in: Bang hang hiam na cih leh na thu in 

thuman ahi hi,” na ci hi. Paul in thu um mite “Kha Siangthoin a siantho 

sak nading” vai a hilh hi. Tua ahih leh kha Siangtho nasep bang ahi hiam? 

Jesu in anungzuite kiangah agenna ah: “Thuman thutak Khasiangtho hong 

tun ciangin Amah in thuman a om khempeuh hong makaih ding hi,” ci hi. 

Johan 16:13. Laphuakpain, “Na thukhamin thuman ahi hi” na ci hi. Pasian 

thu leh Akha in thukham sunga om dikna bulpite mite tungah a lakkhia 

hi. Pasian thukham “siangtho in, thutang in, hoih” hi. Pasian kicinna zia 

leh tong teng muhkhiat theih dingin a ki gelhkhia ahi hi. Tua ahih manin 

thukham tawh kituak ding a kipuahpha nuntakna pen a siangtho ding ahi 

pah hi. Tua bang nuntak ih neih nadingin Khrist in a et teh ding a picing 

pa a hi hi. Amah in, “Keimah in ka Pa thukhamte ka zui hi,” ci hi. “Ama 

deihna bangin ka hih tawntung hi,” ci hi. Johan 15:10; 8:29. Khrist 

nungzuite in amah tawh ki bang ding ahi hi,—Pasian hehpihna tawh a 

siangtho thukham deih thubulte tawh a kituak in nungta ding uh hi. Tua 

in Laisiangtho gen sianthona pen a hi hi. 

Tua bang nuntak pen Khrist upna neih taktakna leh, ih sunga 

Pasian Kha Siangtho a teen’bek tawh aki tangtun thei ahi hi. Paul in thu 

um mite a lamlahna ah, “launa liin-na lungsim tawh, na pumpi uh na 

gup nadingun na hahkat un. Banghang hiam na cih uh leh, note in ama 

deihna bang na sep nop na’ng uh leh nasep theih na’ngun amahmah 

Pasian in nomau sungah hong bawl ding hi.” ci hi. Filipi 2:!2,13. Mawhna 

in a phut (470) lam Khristiante in thei ding uh a, a nan’ den ding uh a 

ki sap lam zong a thei ding uh hi. Tua mun ah Khrist huhna ki sam hi. 

A thanem mihing pen Pasian thahatna in kop pih hi. Tua ciangin upna 

in, “Ih Topa Jesu Khris hanga eite zawhna hong pia Pasian’ hehpihna 

ka phat hi” ci hi. 1 Kor. 15:57. 

Khristian nuntak ahi Sianthona pen tatsatlo in akizom den 

kalsuan’na hi ci in Laisiangtho in teltak in ong lak hi. Mawhnei mi khat


hong ki khel ciangin tatkhiatna sisan hangin Pasian tawh kilemlungmuan’na 

a ngah hi. Tua pan-in Khrisitan nuntak kipan pan in, 

“kicin’na kim” zuan in a kalsuan to to ding ahi hi. Khangto to in “Khrist 

din mun ciang aphak dongin” mai a nawt ding ahi hi. Sawltak Paul in, 

“ka nungah a om nate ngaihsun loin, ka mai lamah a omte zamin, Khrist 

Jesu sungah Pasian in tung lam pan hong sapna tawh kipawl lungdamna 

ngah nading in, kidemin kung dongin hahkatin ka tai hi.” ci hi. Filipi 

3:13,14. Peter in I mai ah tua a kicing sianthona ngah nading kalsuan 

daan a na gen’na ah: “Tua thu hangin note in upna tungah lungpilna, 

lungpilna tungah noptat khamna, noptat khamna tungah thuakna, 

thuakna tungah Pasian biakna lamah nopsakna, Pasian biakna lamah 

nopsakna tungah ki-unau itna, ki-unau itna tungah ki-itna hahkat mah 

mah in na koih thuap un....Tua bang na hih uh leh, na puk ngei kei ding 

uh hi.” ci hi. 2 Pet. 1: 5-10. 

Laisiangtho gen sianthona a ngah mite ki niamkhiatna lungsim 

tawh hong kithei ding hi. Moses bang mah in sianthona thupina mu-in 

mong neilo Topa sianthona leh kicin’na tawh ki khai lua uh ahih lam 

zong ki mu uh hi. 

Kamsangpa Daniel pen sianthona manah etteh tham cing ahi hi. 

Amah khangto-in, Topa nasep thupi sepna-in anuntakna bup zangh hi. 

Amah pen “Pasian in a it mah mah pa ahi hi.” Dan. 10:11. Ahih hangin 

a siangthonate akisial in a pulaak sang sik in mawhna dim Israelte tawh 

ki genkhawm in, deihsakna tawh amite ading in Pasian mai ah, “Kote’ 

gamtatna pha suang hi loin, nangma’ migitna suangin thu kong ngen uh 

hi.” “Ka mawh khin uh a, ka khial khin uh hi.” “Keima mawhna leh ka 

mi pih Israelte’ mawhna pulakin, ...thu ka ngen hi.” ci zaw hi. Dan. 

9:18, 15, 20; Tua khit ciangin Pasian Tapa amah thuhilh dingin hong 

kilang hi. “Ka tha neih teng bei khin a, ka mel kikhel gawp ahih manin 

kei ka hih lam mel kua mah in a hong thei nawn kei uh hi,” Dan. 10:8. 

ci hi.


(471) Job in pingpei lai pan Topa aw a zak ciangin “ka paunasate 

khempeuh hangin ka maizuma, tu-in vut leh vai khu-in nakpi takin ka 

kisik hi. “ ci-in a kiko khia hi. Job 42:6. Isaiah in Topa minthan’na a 

muh ciangin, Cherubim in “Mihonpite’ Topa, Siangtho, Siangtho, 

Siangtho hi” a cih azak ciangin, “Gim ngahpa hi ta ing! Bang hang hiam 

cih leh a mawkna pi ka hi hi” ci hi. Isa. 6:3-5. Paul in van athuapthumna 

ah a ki laak toh lai in, mihing in a ki tel gen theilo thu azak lai in, ama 

omzia a genna ah, “Keima pumpi ahih leh, thanemna simloh, ka kisa 

thei kei ding hi,” ci in ki gen hi. 2 Kor. 12:2-4; Eefesa 3:8. Johan pen 

Jesu awm-a kingama a minthanna a mupa hi a, vantung mi khe mai ah 

misi bangin puuk hi. Mang. 1:17. 

Kalvary singlamteh liim bel-a kalsuan mite in mawhna su kha 

loin ka siang hi ci-a kisialh nading leh ei leh ei ki pahtawi nading mun 

om thei peuh mah lo hi. Amaute in amau mawhna in Pasian Tapa lung 

gimsak, a lungtang ki tamkham sak hi cih mu zaw uh hi. Tua muhna in 

ki niam khiatna a piang sak hi. Jesu kiang nai pen pen-a om te in mihing 

tha neemna leh mawh kidimna te tel muh pen pah uh hi. A ki khailum, 

a tho kik Honpa’ sepsakna bek mah amau lam etna a hi hi. 

Tu khawnga biakna sunga sianthona-a a ngaihsut pi pen uh in, 

ei leh ei ki pah tawina, Pasian thukham awl mawh lohnate peuh hi zaw 

mawk hi. Tua bang lungsim pen Laisiangtho pan aki ngah biakna lungsim 

hi lo hi. Tua bang ahilhte in sianthona pen tom kha no sunga ki ngah 

upna tawh ki zui-a sep zom pai suakna bek tawh hi a, upna bek tawh 

thuah le hang a kicing siangthona ki ngah thei hi ci uh hi. Amau cih dan 

ah, “Um lel un,” leh “thupha bel saang het ding hi teh” cih a hi hi. Tua 

thupha ngah nadingin nang ki thasaan kullo hi, ci uh hi. Tua ci kawm 

kawm sa-in Pasian nial uh a, Thupiakte zuih ding kul nawn lo hi, na 

suakta khin zo uh hi, ci in ki hilh uh hi. Ahih hangin ngaihsun le u cin 

Pasian gamtat, Ama pian zia, Ama deihna te tawh kilem lopi a leh tat 

gawp keeipi mah in Ama lung ki dam sak thei zaw zen in a siangtho I hi 

ve ve thei ding hiam?


Ki thasaanna, pumpi deihna nialna, akullo leitung hai-vai (472) 

te tawh zong ki khenna nei loin biakna a baih lam thei thei ki ultung sak 

hi. Upna bebek, ci lan lan lai uh hi. Ahi ta mawk zongin Pasian kammal 

in bang gen hiam? Sawltak James in, “mi khat in, “Upna ka nei hi, a cih 

hangin a hoih a gamtat kei leh bang phat tuamna a om hiam? Tua upna 

in tua mi gum zo ding ahi hiam?...gamtatna hoih omlo, upna in khat bek 

om ahih ciangin asi-in a om hi. Kiphasak pa aw, gamtatna hoih omloin 

upna in phattuamna omlo hi cihna thei nuam hi hiam? Ih pa Abraham in 

ama tapa Isaak biakna thau tungah a piak ciangin a gamtatna hoih hangin 

dik kitangsak hi lo ahi hiam? Upna in ama gamtatna tawh bawlpha 

khawm a, gamtatna hoih hangin a upna a kicing hi ci-in na thei ta in.” ci 

hi. Jakoh 2:14-21. 

Sepna omlo upna pen lampial nading thang zak ahi hi. Pasian 

kammal tawh a ki leh bulhna Laisiangtho in tel takin teci a pang hi. Hih 

bang upna in thupha piak dinga vantungin a khap upna pen hi lo hi. 

Deih bawl tawm ahi zaw hi. Laisiangtho sunga upna maan in zuih ding 

sawl a, khapna tawh ki zui pah zel ding hi zaw hi. 

Mi kua ma peuh in Pasian nget khat peuh susia ngit nget sa 

kawm kawm in mi siangatho hi ve ve dingin ki lam en in amah leh amah 

ki kheem se dah zaw hen. Akilanga mawhna bawl teeiteeina in, Kha 

Siangtho teci pan’na aw meng cip in, mihing leh Pasian khen khia hi. 

“Khialhna in thukham palsatna ahi hi.” “ Mawhna a hih mi in amah a 

mungeilo, a thei ngeilo ahi hi.” 1 Johan 3:6. Johan in zong a lai khak na 

ah ki itna thu bulphuh in ki cing takin a gelh hi. Tua sungah zong 

Pasian thukham palsat sa pi pi-a mi siangtho hi dinga kigen te tung ah 

thumaan gamtatna a tel lah ding cik zia loin zekai het lo hi. “Tua Topa 

ka thei hi, ci napi-in ama thukham a zuilo miin thu zuau genmi hi-a, 

ama sung ah thuman thutak a om kei hi. Ama thu a ngai mi sung ah 

Pasian’ itna a kicing taktak hi.” 1 Johan 2:4,5. Hih lai tak ah mi 

khempeuh amau ki genna tawh a ki bang uh hiam sit telna om hi. Eite 

in mi khat peuh sianthona, van leh lei sianthona tehna dinga Pasian


thukham pen a man nei loin seh a Pasian makaihna a neu seh leh, tua 

thukhamte a neu pen khat na ngawn a palsat leh, mi dangte zong a 

palsat dinga a hilh leh, tua mite vantung (473) in pakta thei ding lam et 

om lo a, amaute din mun kip a nei lo hi cih I thei thei pah ding hi. 

Mawhna nei lo-a ki genna him him in tua banga a gen mi 

sianthona maan tawh a ki gamla mah mah ahihna dawk sak hi. Tua 

bang mi in mongneilo Pasian siangthona, a ki ciatna a maan in saang 

khalo lua zaw a, Ama gamtat pha zuih ding mu kha nai lo lua zaw uh 

ahih hang hi. Tua bang mite in Jesu-ii it huaina leh kiciatna tel muh kha 

nai lo uh a, mawhna gitlohna in a suksiatna te zong tel muh nailo uh hi 

napi, amau leh amau siangtho-in a ki gen kha mawk mawk ahi zaw uh 

hi. Amau leh Khrist a kigamlat sem sem ciangin, Pasian deihna bang 

zuih ding hong ngetna saang kha lo sem sem uh hi. Pasian tawh a ki 

gamlat ngel laitakun amau leh mau mi dik in ki mu pha zaw kaan lai 

deep uh hi. 

Laisiangtho sung a sianthona kigen pen in lungsim pumpi leh 

khaa dongin huam kim hi. Paul in Thessalon pawlpi ading thu a nget 

sakna ah “na lungsim na ngaihsutna uh leh na pumpi uh, ih Topa Jesu 

Khrist hong pai kik ciangin mawhsakna tawh a kipelh nading un “ a 

ngen hi. 1 Thess. 5:23. Tua baan ah, thu um mite lai a khakna ah, “Tua 

ahih ciangin ute naute aw, a hing biakna, a siangtho leh Pasian’ deihna 

tawh kituakin, na pumpi uh Pasian kiangah na piak nadingun Pasian’ 

hehpihna tawh kong thum hi.” ci hi. Rom 12:1. Tanglai-a Israelte hun 

laiin zong kithoihna Pasian kianga a kipiak ding ciangin phinciil takin 

ki sit hi. Ganno tung ah poina neu no khat ki mu leh ki nolh kik hi. 

Bang hang hiam cih leh, Pasian in tua biak piakna pen “Kawk baang lo 

ding” ci in ngen hi. Tua ahih manin Khristiante pen amau pumpi mah 

mah, “a hing-biakna, a siangtho kawk baanglo Pasian saan’ theih dinga” 

kipia ding ahi uh hi. Tua bang a pian theih nadingin amaute vaang pen 

ahoih thei pen pen in keem ding uh ahi hi. Pumpi ahi-a lungsim a hi 

zongin a tham neem sak thei gamtatna khat pepeuh in piangsakpa’ na ih


sep ding zah sem thei lo dingin hong tuantual sak hi. Eite hih theih ding 

zah sanga tawm zaw tawh Pasian biakna pia leng Amah a lungkim zo 

ding hiam? Khrist genna ah, “Na Topa Pasian na lungsim khempeuh, 

na kha khempeuh, na pilna khempeuh tawh na it in “ ci hi. A lungsim 

khempeuh tawh Pasian a it mi in ama nuntakna a hoih pen pen tawh A 

na sem nuam ding uh hi. Ahih theihna khempeuh ah Ama deihna a sep 

theih nading hanciam in, thukham tawh ki lem-a nuntakk ding han suah 

ding uh hi. Amaute nek leh dawn, lungsim gamtatnate ah vantunga Pa 

mai-ah ki awng hon lo ding uh hi. (474) 

Peter in, “kha tawh a kido thei pumpi tawh kipawl deihgawhnate 

khempeuh na tan’ nadingun, khualzinte, peemtate bang ahi note ka hong 

thuum hi.” ci hi. 1 Pet. 2:11. Mawhna lam ei deih bawl a peh tawi 

tawm mawk mawkte peuh mah in lungsim leh khaa navaakna mol sak 

hi. Lungsim sungah zong Pasian khaa leh Pasian thu thaneem sak thei 

hi. Paul in Korinth pawlpite a lai khakna ah, “ih pumpi kihhuainate leh 

lungsim kihhuainate khempeuh pan kisiangthosakin, Pasian kihta-in, a 

siangtho gamtatna tawh dimin om ni.” ci hi. 2 Kor. 7:1. Tua ciangin 

Kha Siangtho gah, “Ki itna, lungdamna, lungmuanna, lungduaina, 

thumaanna, hoihna, muan’na leh lung neemna” te tawh “ki deek ki 

daamna” a gen khawm hi. Gal. 5:22, 23. 

Hih Khasiangtho thumuapna tawh hong ki hilh thumante tawh 

ki lehbulh in Khristian tampi te leitung hamphatna tuhna in biakpiak zia 

, Pasian deih bang lo huai hamna, uisanna, zu nekna, awiloh gualnop 

bawlna te ah bual uh a, a hatna uh tha neem sak uh hi. Pawlpi in lah a 

khal zawk gen loh tua bang gamtatna te thapiakna lim vive a lak zaw 

sop hi. Tua bahg in a om maan un Khrist itna tha neem sak uh hi. Tu lai 

biak-inn sung te ah Jesu hong lut leh pawi bawlna te, biakna min paulama 

ki bawl a siangtho lo sum bawlnate mu ding ahih manin, Jerusalem 

Biak-innpi sunga sum khekte leh anin sakte a nawh khiat bang mah in 

amaute zong hawl khia tham mah lo ding hiam?


Tunglam pana ki pia pilna pen a”siangtho masa”ahih na thu 

sawltak James in agen hi. Jesu min manpha lawh na in amuk zang in, 

tua muuk mah ah a mi nin sak, gimsia-in, vantung huih a kih huai sak, 

za teep khutawh pum sunga gu a thun thun khawng mawh sak ngel mah 

lo ding ahi hiam? Sawltak pa hong pai leh zong Lungdamna Thu 

sianthona a dal te, “Dawi aw, leitung mi aw, khawval mi aw” ci in 

mawhsak mah hi lo a hi hiam? Zanah-ii silate hi napi in, sianthona ka 

nei ci a a ki gen te, vantung alamen lai deepte khawng Pasian kammal 

in ki tel takin, “A kihhuai na te khempeuh tua lai ah ki lut sakk lo ding 

hi” ci hi. Mang. 21:27. 

(475) “Note pumpi in Pasian hong piak na sung uh ah a teeng 

Kha Siangtho’ biakna inn ahi zong, na pumpi uh no aa ahi lo ahi zongin 

thei lo na hi uh hiam?Bang hang hiam na cih uh leh, man tawh kilei zo 

na hi uh hi:tua ahih manin Pasian neihsa ahi napumpi uh leh lungsim 

uh tawh Pasian vaang na pia un.” 1 Kor. 6:19,20. Ama pumpi Kha 

Siangtho teen’na biak-inn ahi mi peuh mah in hong susia thei na te’ 

sila in om lo ding hi. Ama vaang khempeuh in Khrist neihsa hi a, Ama 

sisan tawh leisa a hi hi. Aneihsate zong Topa aa a hi hi. Kepsiamna 

tawh apungsak dinga ki aap na manpha teng a zang tum mang mi 

peuh mah mawhnei lo kici thei ding ahi hiam? Khristian a kicite in 

kum sial in ki manna nei lo hong susia lel ding munte ah ki awnghon 

in sum bang zah gaitum uh hiam? Tua te hangin mite in nuntakna pan 

ki sia uh hi. Tham loin, Pasian Kaih(sawm-ah khat) leh a sumpite pia 

loin suh sak sim tawntung lai uh hi. Mizawngte a huh sang sik un, 

Lungdamna Thu Tangkona-a a zat sang sik un, a pumpi uh suk siat 

nadingin ne tum uh hi. Khrist nungzui ka hi aci mite in a siangtho in 

nungta ding uh hi. A kul lopi, leh hong na sak zaw thei mun khawngte 

peuh ah a sum uh zang zaw loin, Topa sum kholna ah pia zaw ding uh 

hi. Ki deek ki daamna lam te ah ei leh ei ki nial a ki ukna, ei leh ei 

kipiak zawhna te ah et-teh hoih suak ding uh hi. Tua bang hi leh 

amaute in leitung khuavak a suak ding uh hi.


Ci le sa lunggulhna zuihna ah leitung buppi ki khah khong in om 

uh hi. “Ci leh sa lung gulhnate, mit et lah nate, gamtat ki phasakte” 

tawh mipi ki uk hi. Khrist nungzuite ahih uh leh a siangtho zaw ding in 

tuate sung pan aki sam khia ahi hi. “Tua mite lak pan paikhia unla, a 

tuamin om un. A siangtho lote na lawng kei un,” Topa in ci hi. Pasian 

hong khuavaak piak tawh eite in Dikna ki ngah a, sianthona pen tua 

mawhna lampi te zui kawmsa pi pi in leitung tawh kizopna te nial kei 

mawk leng a ki ngah thei ngei ding hi lo hi, ci in I tangko khia hi. 

“Tua mite lak kpan hong pai khia un la,... a siangtho lo nate 

lawng kei un” cih thu a mang mite tung ah Pasian thuciamna in, “Note 

Pasian ka hi ding hi, Note zong ka tanu ka tapa na hi ding uh hi, Vanglian 

Topa in ci hi.” 2 Kor 6:17,18. Tua ahih manin Khristian khempeuh in 

Pasian piak hih hauhna leh hoihna na te I neih theih nadingin thu a ngah 

I hi hi. (476) “Keimah in hih leitung khuavaak ka hi hi. Ka nung hong 

zui te in khuamial lakah pai lo-in nuntakna khuavaak angah ding hi” 

Jesu in ci hi. Johan 8:12. “Thuman mite’ zuih lampi ahih leh, sun dong 

a taang pha sem sem zing khua vaktung tawh kibang hi.” Paunak 4:18. 

Upna leh thumanna tawh a kalsuan khempeuh in Leitung khuavak lam 

neh sem sem uha, “khua mialna om nawnlo hi.” Dikna Ni in Pasian 

mite tung ah a taang hi. Amaute in Ama khuavak leng kik ding uh hi. 

Aksite in van ah khuavak lian’ vaang taang tawh a taang khia sawn ahih 

uh mah bangin, Khristian te in khua vannuai khempeuh te ukna Tokhom 

tungah a tu Pasian khat om a, A vaang leh gamtat pha te biak tham 

cing, ngaihsut tham cing hi ci in I pulaak ding ahi hi. Ama Kha Siangtho 

thupha, Ama omzia, leh a sianthona teng A tecite tung ah a ki dawk 

ding a hi hi. 

Kolosete tungah Paul lai khakna ah Pasian mite thupha ki buakna 

thu tampi a gen hi. A cihna ah, “Tua ahih ciangin kote in zong ka zak 

uh ni pana kipan, note ading thungen tawntungin ka om uh hi. Ka 

thungetna un: note in gamtat hoihna apawlpawl ahi gah gahin, Pasian 

theihna pilna khan’tohna nei-in a hi zongin, lungdamna tawh na


khempeuh thuakin lungduaina ding in ama minthan’na vangliatna bangin, 

thahatna tawh dimin ahi zongin, Topa tawh a kilawmin gamta-in, na 

khempeuh ah a hong deihsak nading in Pasian tawh kipawl theihna leh 

pilna apawlpawl tawh, ama deihna khempeuh na tel nading un thu ka 

ngen uh hi,” ci hi. Kol. 1:9,10. 

Efesa-a sanggamte tungah zong a deih sakna gelh a, Khristiante 

hamphatnate a theih nadingun a gen hi. Amaute maiah kammal ki tel 

mah mah tawh a lam dang vangliatna leh theih theihna in, a Tungnungpen 

pa tanu tapate a suah nading uh a hilh hi. “Topa in ama Kha Siangtho 

hangin note sungmi in hatna tawh kip tawntungin,” “ki-itna thu ah 

zungkha-in, “ “misiangthote tawh itna a zai zia, a sau zia, a thuk zia leh 

a saan’ zia thei telin; theih zawh loh zah-a Khrist’ itna theih nading a hi 

hi.” Sawltakpa in thungetna hun hoih angah zah zah tawh amaute 

“Pasian’ kicin’na a om khempeuh tawh a kidim nading un “ a nget sak 

hi. Efesa 3:16,19. 

(477) Vantung I Pa in Ama hong deihsakna te I na zuih leh upna 

tawh I ngah theih ding thute hiah hong lakk hi. Khrist sepna masuan in 

Mong nei lo Vanglian tokhom ih zuat theih nading thu a om hi. “Ama 

Tapa khat bek haza lo a, eite khempeuh ading a piapa in man ngen lo-in 

nate khempeuh ama Ta tawh hong pia khawm loin om ding ahi hiam? “ 

Rom 8:32. Pa in Ama Khaa tehna nei loin A Tapa a pia hi. Ei zong tua 

mah a dim in angah khawm thei ding ih hi hi. Jesu in, “Note in migilo hi 

napi-in na tate uh ahoih na piak uh leh, tua sangin vantungah a om na 

Pa un a ngen mite Kha Siangtho hong pia zaw ding hi lo ahi hiam? “ Lk 

11”13. “Kei min suangin na nget peuhmah uh hong hih ding hi.” “Na 

lungdamna uh a kicin’ na dingin ngen un, na ngah ding uh hi.” Johan 

14:14; 16:24. 

Khristian nuntak ah ki niam khiatna ki mu ding hi. Dahna leh 

khakunna ki mulo ding hi. Pasian in mi khempeuh thupha a piakna thu 

a muh theih nading hunpha ngah ciat uh hi. Vantunga i Pain eite khuamial


sunga mawhsakna thuaka ih om cip ding hong phallo hi. Lukuunsa-a ei 

mah bek ki ngaihsutna pen ki niam khiatna maan lahna hi tuanlo hi. 

Jesu kiang pai in ih ki puah siang leh thukham maiah zum huaina leh ki 

suantaakna omlo ding hi. “Khrist Jesuh tawh kipawlin anungta mite 

pen mawhna thukhenna tawh kipelh hi,” Romans 8:1. Jesu hangin apuksa 

Adam suan le khak khempeuh “Pasian tanu tapa” asuak kik uh hi. 

“Mawhna pan in mite asiangthosakpa leh sian’thona a ngah mite in, Pa 

a kibang a nei khawm uh hi” Hebia 2:11. Khristian nuntakna in Pasian 

sung ah upna leh gualzawhna tawh lungnopna ahi hi. “Pasian ta ahite 

peuh mah in leitung nate zo uh hi: i upna tawh leitung nate tungah a 

gualzo ihi hi.” 1Zawhg 5:4. Tua thu in, upna tawh ih ngah zawhna a hi 

hi. Pasian sawltak Nehemiah in man taka a genna ah, “Topa sungah 

lungdamna in note’ thahatna ahi hi” ci hi. Neh. 8:10. Paul in, “Topa 

sungah lungdam tawntungin om un. Khat vei ka hong gen kik inah 

lungdam un!” “A tawntug in na lungdam ta un. Thungen niloh un. Na 

khempeuh ah a hong hehpihna phat un. bang hang hiam na cih uh leh, 

note in tua bang na bawl dinguh Jesu Khris hangah Pasian’ deihna a hi 

hi.” Filipi 4:4; 1 Thess. 5:16-18. 

Laisiangtho sunga ki khelna maan leh sianthona maan in tua 

bang ahi hi. Ahih hangin Khristian-leitung in Pasian thukham-ii deihna 

thubulpite a bulhna uh lam dangpi khat suah uh a, hih a gah te ki tawm 

muh mah mah hi. Tua bang mah in a thuk zia te man khia zo loin Pasian 

Kha Siangtho sep pihna neu lua cih hun beisa-a puahphatna a cihte uh 

omzia te ah ki mu hi. 

Mitsuan in ih etna tawh a ki khel ih hi hi. Pasian in mite mai-a 

hong hon khiat sak Ama omzia siangtho leh kicin’na a lak a siangtho 

thukham pen ki awl mawh lo hi. A lungsim uh in mihingte bawltawm 

leh ngaihsutna bek deih uh ahih manin, pawlpi sung nuntak hoih mi 

kiam suk pha mah mah pah hi. Tua tawh kisai Topa in a genna ah, 

“nuntakna ciktui(tuinaak) ahi keimah a hong taisan zo uh hi; tuibeem 

bawltawm uh-a, tuibeem keh-in tui a vung thei kei hi,” ci hi. Jer. 2:13.


“Mi nuamsa ih cih in, migilote’ thu a zuilo mi” ahi hi. “Ama 

nopsakna in Topa’ thu sung bek ma hi a, sun leh zanin ama thu 

ngaihsunsun mi ahi hi. Amah in luitui luang gei-a a kisuan, ama gah 

hunin gah a, a teh avul lo sing kung tawh ki bang hi. Ahihna khempeuh 

ama apai hi..” Late 1:1-3. Pasian thukham ama mun mah a a ki koih 

kik ciangin mite lak ah taang lai upna maan pasianmi hihna te Pasian’ 

mi ka hi a ci te lak ah hong om thei bek ding hi. “Topa in mite tungah, 

‘Lamka bomah ding un la khuadak un. Lam hoih ahi lampi luite dong 

unla tawn un. Na kha uh a ding tawldamna na mu ding uh hi.” Jer. 6:16.

DAWPKHOLH THUKHENNA 483 

28 

Dawpkholh Thukhenna 

(479) 

KAMSANGPA Daniel in, “Ka et lai takin kumpi tokhomte a hong 

kikoih hi. A nungta tawntung mi Pa khat in tua tokhomte tungah 

a tu hi. A puante vuk bangin ngo a, a samte tuumul hoih tawh a ki bang 

hi. A tokhom in meikuang lengpei tungah kinga-in meikuang zua-zua 

a; tua sung panin meikuang gunpi a hong luangkhia hi. Ama nasem ding 

mihing tul za om a, amai-ah mihing tulza sawm a ding uh hi. Thukhen 

nading hun kipana laibute a kiphen hi.” ci hi. Dan. 7:9,10. 

Tua bangin kamsangpa in mangmuhna sungah mi khempeuh 

amau gamtatna ciat bangin “kisit tel in leitungte thu kikhenpa mai a 

nawk ding uh ni lianpi ni a mu hi.. Laphuakpa in, “Mual liante leh leitung 

na bawl ma pek, a tawntunga kipan a tawntung dongin nangmah in 

Pasian na hi hi,” (Late 90:2) ana cih anungta tawntungpa (Tangkumpu) 

in Pa-Pasian pen a hi hi. Amah pen nuntakna nei khempuehte hong 

meen’ khiatna bul ahi hi. Thukham khempeuhte naak leh thukhenna ah 

thukhen dingpa a hi hi. A siangtho vantung mite ‘a tul tul a then then 

in’ a na sem in teci pang ding in a kim ah a om uh hi. ‘Mihing tawh a


kibang mi khat meii tunga hong pai ka mu hi. A nungta taawntung 

mipa(tangkumpu) kiangah pai in ama kiangah a ki pia hi. (480) Amah 

in vangliatna, minthan’na leh kumpi za ngah ahih manin minam kimte, 

minam tuamtuamte, pau nam tuamtuamte khempeuh in ama na a sem 

ding uh ahi hi. Amah in a tawntungin uk dinga, akumpi gam a bei ngei 

kei ding hi.’ Dan. 7:13,14. Hih mun-a agen ‘hong pai’ na in misiangthote 

lading in leitungah nih vei hong paina agen ahi kei hi. Palai nasem dinga, 

a zawh khit ciangin a Palai sepna hanga a luah ding ukzawhna leh 

vangliatna la ding in Tangkumpu kiang ah a pai gen ahi hi. Hih hong 

paina pen hilhkholhna in a gen ni 2300 beina 1844 kum-a Siangtho Bel 

Mun a paina pen hi hi. Mihingte tang dinga sisan tawh mawhsutna ma 

hial in, tua a sisan a bel mikhem peuh phattuamna dingin anunung bel 

anasep ding ahi lemtuahna bawl ding in Siangtho Bel Mun Pasian mai 

leh vangtungmi honpi mai ah a lutna ahi hi. Nopna ngah thamcing ding 

kua teng om cih vantung laibupi sung pan va dawpkhol in va siangsak 

ding hi. Tua ahih manin Dawpkholh thukhenna zong ahi hi. 

Lim ciing Siampite sep lai a a ki sik kik mawhneite ki pulaak in 

Pasian mai ah hong pai uh a, mawh thoihna sisan hong keng uh hi. Tua 

ciangin Biak-buk sung Siangtho Mun ah sisan lim ciinna tawh a mawhna 

te uh a ki koih cing hi. Ki Lemna Ni kici Sian Suah ni ciangin tua a ki 

koih cing mawhna teng Siangtho Bel Mun Hehpihna Tokhom mai ah 

kipai pih in Kilemna bawlna tawh a ki siansuah khia a hi hi. Tua hi a, 

hih siansuahna api pen kibawlna ah a ki pulaaksa Pasian mite mawhna 

teng bek ki sem a hi hi. Mi gilote mawhna te thu kikhen ding pen a 

tuam hi a, nung sang ciang hi ding hi. “Pasian innkuan te amasa belin 

thukhenna ding hun a tung zo hi. Eite a masa-in thu hong khen leh, 

Pasian’ Lungdamna Thu a zuilo mite thu a zawhna bang a hi ding hiam? 

“ 1 Pet. 4:17. 

Vantung ciamtehna laibute sung ah a min uh leh a gamtatna ciat 

uh ki gelh a, tua zui in khentatna ki bawl ding hi. Kamsangpa Daniel in 

a genna ah, “Thukhen nading hun kipana laibute a ki phen hi.” ci hi.


Mangmupa in a tuam dang khat gen beh lai a, “Laibu te zong kiphen uh 

hi. Nuntakna laibu ahi a dang laibu khat a kiphen hi. Tua asi mite in a 

gamtatnate bang laibu sungah a kigelh mah bangin thukhenna a thuak 

uh hi. “ Mang. 20:12. 

Nuntakna laibu ah Pasian na sem dinga hong kipia ngei min 

khempeuh a om hi. Jesu in A nungzuite tungah, “vantung khua sungah 

na min uh ki khum ahih manin na lungdam ta un” (481) ci hi. Lk. 10:20. 

Paul in a nasep pih muanhuaite “nuntakna laibu sung ah a min uh ki 

khum” ci hi. Filipi 4:3. Daniel in “a piang ngei nai lo haksatna hun” 

ciang en suk suak-in Pasian mi “Pasian’ laibu sunga a min kigelh na 

mite in gupna angah ding hi “ ci in pu laak hi. Mangmupa in Pasian 

khuapi-a lut dingte “Tuuno ‘ nutakna laibu sunga min ki khum” teng 

bek hi ding hi ci hi. Dan. 12:1; Mang. 21:27. 

“Phawkna laibu” pen Pasian mai ah ki gelh-in, tua laibu sung 

ah, “Topa kihta a A min a ngaihsun mite” gamtat hoihna teng ki gelh hi. 

Mal. 3:16. Amaute in upna tawh a paukhiatnate uh, itna tawh a septe 

uh, vantung ah a kigelh den na na hi hi. Hi thu tawh kisai in Nehemiah 

in, “Ka Pasian aw, hih thu tawh kisai in kei hong phawk in la, ka Pasian’ 

inn leh a nasepna dingin ka sepsa gamtat hoihte maimangsak kei in.” 

(Neh. 13:14) ci hi. Pasian phawkna laibu sung ah thumaan nasepna 

teng mual thei lo hi. Mawhzolna ki nolh zote, gitlohna a ki thuak zote, 

migitna aw-khum luangkhia te khempeuh a om bang bangin a ki khum 

hi. Kipiakna khempeuh leh Khrist hanga athuak uh dahna kahna 

khempeuh ki ciamteh hi. Tua zui in Laphuakpa in, “Ka sin liin’nate 

nangmah in na ciamteh khin hi; ka khituite na thawl sungah thun in! 

Tuate na laibu sungah omlo a hi hiam?” ci in pulak hi. Late 56:8. 

Mawhneite mawhnate kiciamtehna bu zong a om hi. “A pha 

hita leh a sia hita leh, a simtham-a ih hih simte nangawn, ih hihna 

khempeuhah, Pasian in thu hong khen ding hi.” Thuhilhsia 12:14. “Ke’n 

kong cihin ah, mite in mawkna thu khempeuh hangin thukhen ni ciangin


tel dotna a thuak ding uh hi. Bang hang hiam na cih uh leh, na thu genna 

hangin mawhsakna tawh na kipelh ding uh hi. Na thu genna hangin 

thukhenna na thuak ding uh hi.” Honpa in ci hi. Matt. 12:36,37. A 

simtham ngaihsutna leh lungsim puakte a khial het lo-a a ki ciamtehna 

bangin hong dawk ding hi. Pasian in khuamial sunga ki seel nate 

khempeuh khuavak sal sak dinga, lungsim tawnga vaihawmna teng na 

ngawn ki lang khia ding hi, 1 Kor. 4:5 ci hi. “En un, amaute dan piak 

ding ka khentat khina, a maute’ thuak dingte laisungah kiciamteh khin 

hi. Amau’ mawhnate ka mawk koih kei dinga, amau mawhna leh a pu a 

pate’ mawhnate ka thukkik ding hi.” Isa. 65:6,7. 

Mi khempeuh gamtatna te Pasian mai ah ki sit pha kik hi. Muan 

huai omna te (482) hi ta leh muan huai-om lohna te hi ta leh ki lak kik 

si sek hi. Vantung laibu-a a min omna mai ciat ah a akinial theilo dingin 

a kam pau khialhna te uh a ki pan a huai hamnate uh, a sep ding bang a 

sep lohna te uh, a simthama a mawhna te uh, kheem bawlìn alungsim 

tawnga asel thusim teng zong ki ciamteh hi. A awlmawh loh uh vantung 

pan-a taaina kammalte, hun hoih leh hamphatna nei napi a thangzatnate 

uh, leh huzap nei napi a lehzat nate uh a ciamteh sitset hi. 

Thukhenna ah gamtat khempeuh leh thukhem peuh kikhensat 

na dingin Pasian thukham in tehna thu bulpi a hi hi. Tua ahih main 

mipilpa in zong, ‘Pasian kihta un la, a thukham khempeuh zui un. Tua 

in mihing hong ki piansakna thubulpi ahi hi. Bang hang hiam na cih uh 

leh, apha hita leh, asia hita leh Pasian in na gamtatna khempeuh uh 

thukhenna ah hong suah ding hi,” Thuhilhsia 12:13,14 ci hi. Sawltak 

James in a sanggamte a lamlahna ah, “Suahtakna thukham tawh thu 

hong khen ding bangin kampau in gamta un” ci hi. James 2:12. 

Thukhenna sunga “a picing “ mi khempeuh in midikte thawh 

kikna ahi thawh kikna masa ah tho kik ding uh hi. Jesu in, “Leitung 

luah thamcing ahi sihna pana a tho kikte in, vantung mite tawh a ki 

kim-a Pasian tate a suak uh hi a, thawhkikna tate a hi uh hi” ci hi. Lk.


20:35,36. A gen kik lai na ah, “Gamtatpha a gamta mi in nuntakna 

ngah dingin hong tho kik ding hi, “ ci hi. Johan 5:29. Midik misi sa te 

in thamcing hi cih thukhenna a ngaah khit uh ciangin “nuntakna ngah 

dingin hong tho kik” ding uh hi. Tua ahih ciangin amaute in thukhenna 

mai ah a mihing-in a om kul loin a nuntakna ciamtehna te ki sit in ki 

khen sak ding hi. 

Jesu in amaute sit-ni sem in Pasian mai ah deih sakna tawh ding 

ding hi. “Mi khat peuh in a mawh khak leh Pa mai ah eite Palai (sit-ni) 

mi dik Jesu Khrist I nei hi: 1 Johaan 2:1. “Khrist in a limciing bek a hi 

khut tawh ki bawl siangtho mun ah lut hi lo a, vantung mah mah ah 

Pasian mai ah eite adingin va lut a hi ta hi.” Tua ahih ciangin Amah 

nungta a amaute adingin Palai sem hi cih um in Pasian kiang hong zuan 

mi, Amah in a tawp dongin a hon thei hi.” Heb. 9:24; 7:25. 

Thukhenna laibute ki leem a, Jesu a um mite nuntakna te Pasian 

mai ah ki sit (483) hi. Leitunga piang khia masa sa-in Palaipa in a 

khang khanga kizuite sit suk suk a, a nungta laite a nu nung sak hi. Min 

khempeuh ki lokhia a, tel takin ki sit suk hi. Min pawl khat ki saang a, 

min pawl khat a ki nolh hi. Mawhna pawl khat ciamtehna bu ah pulaak 

loh maisak loh-in na om lai-a, nuntakna laibu sung pan a min uh ki 

phiat-in, agamtat hoihna omsa te Pasian ciamtehna laibu panin ki phiat 

khia leu leu hi. Topa in Moses kiang ah, “Kua kua ci lo Kei tunga hong 

mawhte ama min Ka laibu pan ka phiat ding hi,” ci hi. Pai. 32:33. 

Kamsang Ezekiel in zong, “Midik in adikna pan ki heikhia-a mawhna a 

bawl leh,… ama dikna omsa khempeuh ki phawk sak nawn lo ding hi” 

na ci hi. Ezek. 18:24. 

A maan taka mawhna ki sik a Khrist sisan tawh ki siansuah ding 

upna nei mite, vantung laibu sunga a min mai ah, ki maisak hi, ci in ki 

gelh hi. Amaute in Khrist dikna a tang kha te hi ta a, a gamtat lai 

nadingte uh Pasian thukham tawh a ki tuak ding mite hi-in amaute 

mawhna te ki phiat khiat sak a, amau leh amau mah in zong tawntung


nuntakna ngah ding thamcing cihna ngah uh ahih lam a ki thei thei uh 

hi. Topa in Isaiah zangh-in a genna ah, “Keimah, Kei teek teek mah, in 

na palsatna te kong phiat sak a, Keima mai sak ahih manin na mawhna 

te kiciamteh nawn lo ding hi” ci hi. Isa. 43:25. Jesu in, “A zo mi puan 

paak ki silh sak dinga, a min nuntakna laibu pan ka la khia kei ding hi. 

Ama min Ka Pa leh vantung mite mai ah ka pulaak ding hi.” Mang. 3:5. 

“Tua ahih ciangin kuama peuh in mite mai-a Kei hong pulaak leh Kei 

zong vantung a om Ka Pa mai ah a min ka pulaak ding hi. Ahih hangin 

mite mai-a Kei hong nial peuh mah vantunga om Ka Pa mai ah ka nial 

ding hi” ci hi. Matt. 10:32,33. 

Leitung zum-a thusitna lungtang sukha pen pen te in nuntakna 

laibu sunga ki khum minte leitung buppi Thukhenpa mai-a sit telna tawm 

tawm bang hong tel thei sak hi. (484) Sianmang Palaipa in Ama sisan 

muanga suakta zote’ palsatnate mai sak ding, amaute Eden inn ah ki 

koih kik ding, Amah mah tawh a “gam masa” a luah khawm nading uh 

a thuum sak hi. Mikah 4:8. Pasian in mi a bawlna te a vai hawmna te 

Satan in bang-mah-lo suah nuam in a hanciam hangin Khrist hangin tua 

nasepna te ki taang’ tun’ ve ve in mihingte a puuk ngei lo bang hi kik 

sak hi. Amah in A mite mawhna mai sak a a dik kin bawl sak ciang lel 

zong hi lo lai in, a kicing kitaangsapna om loin Ama minthan’na hawm 

a, Ama tokhom ah tut pih hi. 

Jesu in Ama thupha saang a mi dingte a seh seh lai takin Pasian 

maitang ah Satan in nial in, amaute zong thu palsatte mah a hi uh hi, 

ci ni loh hi. Mi kheem lianpa in amaute a ginalo dingin tawholh a, 

Pasian a muan’na uh khah khia in A itna tawh khen khia nuam a, A 

thukham palsat le uh ut in hanciam hi. Tu in amaute nuntak sung 

ciamtehna laite kawk in a gamtatna uh a ginalo mun te amau te Honpa 

a minsia sak thei munte, ama hansuahna tawh mawhna hong bawlna 

munte uh lak a, “Hihte kei mi ding hi zaw uh hi” ci in tul sal sal keei 

zen hi.


Jesu in amaute mawhna mot nusiat hi lo a, amaute ki sik kikna 

leh a upna te uh lam to in lak a, “Amaute a mi mal min uh tawh ka thei 

hi. Ka khut peek tung ah ka gelh zo hi. ‘Pasian mai-a hong ki thoih I 

cih pen a lungsim ki tam kham, lungtang ki sikte hi, Pasian aw, tuate 

Nang na mot neu sim kei ding ka um hi,’” ci hi. Late 51:17. Ama mite 

mawhsakpa kiang ah, “Topa in nang hong taai hen Satan aw; Jerusalem 

a teel khia Topa in nang hong taai hen: hih in singkhuah tum baang 

tetkhiat a hi hi,” ci hi. Zekhariah 3:2. Khrist in A mi muanhuaite Ama 

dikna silhsak ding a, A pa mai ah “A minthang pawlpi, a kawk baang lo, 

sa ton loin” a lak nuam hi. Efesa 5:27. Amaute min in nuntakna laibu 

ah tuangaa, “amaute siangtho takin kei tawh ka kithuah ta ding uh hi. 

Amaute thamcing hi” ci in ki gelh hi. 

Tua bangin kiciamna thak-ii khapna tang tung ta ding hi, 

“Amaute mawhna ka (485) mai sak ding hi. Amaute mawhna ka phawk 

nawn kei ding hi” a cihna thu a tun’na a hi hi. “Tua ni ciangin Israelte 

mawhna ki sit dinga ki mulo ding hi. Judah mawhnate kizong khia 

dinga ki mu lo ding hi.” Jer. 31:34; 50:20. “Tua ni ciangin Topa 

meengsel ki melhoih sak dinga, ki minthang sak-in leitang in amaute 

ading gah hoih pen te gah in, tuate pen Israel a suakta te a hi uh hi. Tua 

ciangin Zion-a ki nusia te leh Jerusalem-a laite siangtho kici dinga, 

Jerusalem-a hinglai min ki gelhte zong kihel ding hi.” Isa. 4:2,3. 

Dawpkholh thukhenna leh mawhna te siansakna nasep pen Topa 

nihveina hong pai ima in a ki zo siang sa a hi ding hi. Misite thu laibu-a 

kigelh bang bangin ki khensak ding hi ahih manin a thu khempeuh uh a ki 

pholh khiat khit matengin leh a thukhenna a ki zawh matengin mite 

mawhna phiat khiat ding hi thei nai lo hi. Ahih hangin sawltak Peter in 

kitel takin a genna ah, Thu um mite mawhnate “Topa kiang pana ki thak 

suaksakna hong tun’ ciangin Amah in Jesu Khrist hong sawl dinga” tua 

ciangin ki phiat siang sak ta ding hi, ci hi. Sawltak 3:19, 20. Dawpkholh 

thukhenna a ki zawh ciangin Khrist hong pai dinga, Ama letsong dingte 

keng dinga, mi khempeuh amau gamtatna ciat bangin pia ding hi.


Limciin nasep lai in siampilianpa in Israelte adingin siansuahna 

bawl in, hong pusuah ciangin mipite thupha a pia hi. Tua mah bangin 

Khrist in zong Ama Palai nasep a zawh ciangin hong kilang dinga, 

“mawhna baang loin hotkhiatna” ah Amah angak mite tawntung nuntakna 

thupha pia ding hi. Heb. 9:28. Tua siampi in Biak-inn pan mawhna teng 

la khia in amah mah in hong pua khia a, nawhmang-keel lutungah pulaak 

in a suat mah bangin, tua hun ciangin Khrist in zong mawhna khempeuh 

hong tawi-in Satan, mawhna teng a phuankhiapa leh a pungsakpa, tung 

ah suan ding hi. Nawhmang-keel in tua Israel te mawhna teng lu khuk-a 

“mihing teen’ lohna mun” ah a ki nawh mang hi. Siampilaibu 16:22. Tua 

mah bangin Satan zong ama hanthotna tawh Pasian mite in a bawl uh 

mawhna te pua in kum tul khat sung leitungah kikhum cip ding hi. A 

leitung pen nuntakna nei dang om loin ki hawm sak dinga, a tawpna ah 

migilote ki haltumna mei sung ah tua a puak mawhna (486) teng liausumdaan 

Satan in thuak ding hi. Tua bangin hotkhiat nading vaihawmna kizo 

to ta ding hi. Mawhna khempeuh zong ki phiat siang -in, mawhna nusia 

nuam mite ki honkhia ta ding hi. 

Thukhenna hun dinga seh khiatsa ni 2300 beina 1844 ciangin 

Dawpkholh thukhenna ki pan ta a, mawhna te ki phiat phiat ta hi. Khrist 

min hong puak ngei mi peuh mah phin ciil takin ki zong khia in ki sit hi. 

A hinglai te leh a sisa te a vek un ki sit ding hi. “Amaute gamtatna bang 

bang laibu-a kigelh te ki sit ding hi. 

Mawhna a ki sik kik lo-a a ki nusia lo te, kimai sak lo ding a, 

Pasian ni lianpi ni cianga tua mawhneipa lang-a pang dingin ki koih 

ding hi. Mawhna a bawl lai-in sun ni taang nuai-a a bawl, zan khuamial 

hun-a a bawl zong hi thei hi; ahih hangin ei ki sik-pih ding Pa mai ah a 

vek in ki lang sil sel hi. Pasian vantung mite in tua mawhnate a malmal 

in tecii pang uh a, nial theih loh in laibu sung ah ciamteh uh a hi hi. 

Mawhna khat pe peuh, pate, nute, zite, tate, lawmte’ theih loh ding ki 

iim in, ki nial in, ki hum cip kha thei ding hi. Kua mah in theih pih loin 

mawh bawl mi bek in thei a, mawh bawl ahihna ki thei lo ahih manin


nop tak a sa kha thei hi. Ahih hangin vantung-thukante mai ah tu in 

hong ki luui khia ta hi. Khuamial laka a mial pen pen, simtham zo siaha 

a simtham pente, a tawntung Pa mai pan in ngaihsutna neu no khat na 

ngawn ki liah thei lo, ki liah zo lo hi. Pasian in thumaan lo peuh mah 

ciamtehna nei a, ngaihsutna hoihte ciamteh zel hi. Amah mi hoih banga 

a ki bawltawm sei sai nate peuh in kheem zo lo hi. Amah in gamtatnate 

seh leh khial ngei lo hi. Mihingte lungsim sung maan lopi mah tawh ki 

kheem thei lai a, Pasian in bel a zuau phuahna teng sal a, sung lam 

nuntakna te sim khia hi. 

Diipkuat huai lua! Ni khat khit ni khat, kumkhua-in pai ding, 

vnatung laibute in a khel no no ciamteh ni loh ta zen hi veh! Kammal 

khat a ki pau khia khinsate, gamtat khat a ki ta khia khinsate, a ki la kik 

zo lah hi mawk lo. 

Vantung mite in a sia a pah ciamteh ni loh uh hi. Leitunga a 

vanglian pen a gualzo pen in zong ni khat bek ciamtehna na ngawn dok 

kik thei nawnlo hi. I gamtat I kampauna, I thusim tawngnung pen 

nangawn in zong amah tawh kituak thaman a nei den ding hi. Tuate in 

I nuam nading, leh I dah nading ahi zongin I thu hong ki khen sak na ah 

lang leekk sak ding hi ngiau hi. Eite in I na mang ngilh phial zongin tua 

te in a diksak ding leh (487) mawh sak ding ahi zongin tecii na pang 

ding uh hi. 

Lim suaih siamte in maisuah khawng a hi bang banga dawk sak 

theih bangun vantung laibute sung ah a hi banglian-a ki ciamteh gamtatna 

lim a om hi. Vantung mite et et tua ciamtehna te ki neu ngaihsut lua 

kha hi. Muh theih leh muh mawhte ki deina daal ki hongkhia hen la, na 

khempeuh mu theile’hang, I kampau khempeuh leh I gamtat khempeuh 

kiciamteh niloh ahih lam thei leng, nisial a I pau khiat tampite leh I 

bawl tampi te paulo, bawl loin ih nusia zaw mah mah ding I hi hi. 

Thukhenna sung ah I talen neihte I zat dan zong nasia takin ki 

sit tel hi. Vantung in eite ciat a hong piak Talen I bang ci zat hiam?


Topa in a hong pai ciangin a pa-khak sumbul a meet a ngah ding hiam? 

Eite in a hong kipia khutsiamna, lungpilna, khuakpilnate Topa Pasian 

minthan’ nadingin I zangh hiam? Leitung mite noptuam nadingin ih 

zangh hiam? Ih hun, ih laikung, ih aw, ih sum, ih huzaapnate ih 

bangci zat hiam? Mi zawngte, mi thuaksiate, tagahte, meigongte 

tungtawn-in Khrist ading bang i hih hiam? Pasian in eite Ama thu 

siangtho kikholhna tuibeem bangin hong bawl hi. Eite hong kipia 

thumaan khuavak tawh mite hotna ngah nadingin pilna I ngah sak 

nam? Khrist thu a um mi khat ka hi hi, cih lel in man nei lo hi. Ki itna 

in a zuih leh bek a manpha, a citak ahi hi. Itna in sepna a pian sak leh 

bek, vantung muhna ah manpha ding hi. Itna hanga sepna khat 

pepeuhte pen mihing muhna ah bang zah in a neu zongin Pasian in 

saang veve a, letsong pia kik teek teek hi. 

A kiseel mihing huaihamnate ding khia ze za a, vantung laibu 

sung ah ki dawk hi . Mihing tunga bawl dingte a kibawl kim lo te leh 

Honpa nget thu a ki zui lo, a ki mang ngilh sak maite zong na kiciamteh 

sisek hi. Amaute in a hun, a lungsimuh leh a hatnate uh Khrist neihsa 

kimlai bang zah vei Satan na pia zelmawk uh hiam cihte mu kik ding uh 

hi. Ciamtehnate vantung mite in vantungah a piak uh ciangin dah huai 

thei lua hi. Mi teitang, Khrist nungzui ka hi a cite gige mah leitung 

nopsakna leh leitung nate tawh a na ki diah cip na uh mu uh hi. A 

sumte, a hunte, a hatnate uh milaka a ki dawk nading uh leh a duh a dah 

uh neekna lel-in zangh uh a, ki awnghon-in gamta lel-in thu ngen-a ki 

aapna, (488) Laisiangtho sung thumaan zongkhia a ki niam khiatmawhna 

pulaakna hun ki tawm zat mah mah hi. 

Satan in a ki sim khin zolo ngiimna tuam tuam tawh I lungsimte 

uk sawm den a, I hoih theih pen nading lampite awl mawh lo thei ding 

a vai hawm hi. Mi kheem mangpipa in siansuahna thumaan leh 

vangliatna-kimm nei Palaipa thute I theih tel khak ding deih loin thumaan 

mudah mah mah hi. Jesu leh A thumaan tawh mite a kipelh theih nadingin 

na khempeuh a mi-ii lungsim bang ci hei khiat zawh ding cih te thei hi.


Honpa Palai sep a phat tuam pih nuam mite in Pasian kihtaakna 

a hi Siantho-kimna leh amau kikal lah bang mah a ki guang ding phal lo 

uh hi. Hun manpha te leitung nopna zon’na peuh, mi lak dawkna, 

hamphat zon’na, cihte peuh sangin lungsim tak tawh thu ngen a Pasian 

thumaan zon’ khiatna in zangh zaw ding uh hi. Pasian mite in Biakinnpi 

thu leh Dawpkholh thukhenna thu a tel takin a theih ding uh kul 

hi. Mi khempeuh in amau ciat adingin Siampilianpa nasep leh a din 

mun a tel siang ciat uh kul ding hi. Tua hi kei leh tu hun-a theih ding a 

kisam upna thei loin, Pasian in ama sep ding a Adeih sem loin om kha 

ding hi. Eite ciat a kua ma peuh in I khaate hon ding maw paai ding cih 

nasep I nei tek hi. Eite ciat in Pasian thukhenna mai ah thu I nei tek hi. 

Eite ciat in Thukhen-mangpa mai sik tek ding I hi hi. Tua lipkhap huai 

thukhenna a kitut ciangin laibute a ki leem ding thu ngaih sun in, Daniel 

tawh tua ni tawp ni teh eima thuneih ei mah hong ki sit ding ahihna 

phawk ding bang zah-in thupi hiam cih ngaihsun ciat ni. 

Hih thu-ii khuavak a ngah kha mi khempeuh in Pasian in tua 

thumaan teci pang dinga a sawlna a ngahte ahi pah uh hi. Vantung a 

Biak-buk pen mihing adinga Khrist nasepna munpi a hi hi. Tua mun in 

leitunga a teeng mi khempeuh tawh a mi mal ciat in ki zom uh hi. Tua 

thu in hotkhiatna vaihawmna zia a pulaak hi. Hun beina hong lak suk a, 

dikna leh mawhna kikal-a kidemna pan zawhna ngah dong a omzia ding 

teng hong lak hi. Tua thu tel siang taka theih ding a kul pha pen a hi hi. 

I upna hong dong khat a om leh siang taka hilh thei ding kisam hi. 

(489) Khrist in mite ading van Biak-innpi ah Palai a sepna pen 

hotkhiatna nasepna vai tampi te lak ah singlamteh tunga a sihna zah 

lian mah-in a kisam a hi hi. Ama sihna tawh tua nasep a ki pan hi pan 

a, van A kah toh khit ciangin zawh siang nadingin a sem zom a hi hi. 

Eite in upna tawh tua puandal sung ah va lut ve-in, “I makaipa in ei 

adingin zong a lut” hiam cih I theih ding kisam hi. Heb,. 6:20. Tua lai 

lah Kalvary mual pana khuavak pen hong ki leng kik hi. Tua mun panin 

hotkhiatna thu thak ta tel zaw in I mu thei ding hi. Hotkhiatna nasep


zawh nadingin vantung in supna lian pen a thuak kul a, ki thoihna a 

kibawl pen zong a ki palsat thukham’ nget lak ah a lian pen a hi hi. Jesu 

in Pa’ tokhom zuatna lampi hong hon sak a, Ama Palai sepna tawh 

Amah um-a, muanga a zuite khempeuh Pasian mai ah a puak hi. 

“A mawhna a hum mi hamphalo ding hi. Ahih hangin ki pulaak 

a a nusia mi in migitna thupha ngah ding hi.” Paunak 28:13. Mite in 

amawhna sel sim a, mawh lo banga a om ciangun Satan in amaute tung 

ah ki sial in Khrist leh siangtho vantung mite kiang ah lah san hi; tua 

bang a om uh ciangin a mawhna te uh pulaak meng meng in nusia pak le 

uh hong deih sak mah mah hi. Gamtat thel baangte hangin Satan in a 

bumpi-a uk theih nading han ciam a, hih a thelbaan’na te uh zom to to 

in hong picing thei leh ci in a vil gige a hi hi. Tua ahih manin amah in 

Khrist nungzuite pen a tawntung in sul zuih a, kheem theih nading mun 

zongin amaute suah taak zawh lohna mun ding a tun’ ciangun a 

kheemsiam tawpna tawh buan paai hi. Ahih hangin Jesu in amaute 

deihsak a, Ama khut liam mapawn tawh, aki sun a pumpi tawh lak in 

Ama nung a zui nuam mite khempeuh kiang ah, “Ka hehpihna in nang 

adingin kicing hi” ci hi, 2 Kor 12:9. “Keima haakol zam in kisuan un 

la, kei kiangah hong kisin dih un, Keipen kiniam khiatin neem hithiat ka 

hih manin ka kiangah na tawl uh a dam ding hi. Bang hang hiam cih leh 

note kong suat ding ka hakkol nuam a, na puak ding uh van zon a zang 

mah ahi hi.” Matt. 11:29,30. Tua ahih ciangin kua mah in ama 

thelbaan’nate a ki damsak thei lo ding sa kha kei hen. Pasian in tuate 

zawh nadingin upna leh thupha guan ding hi. 

Eite in tu in siansuahna ni lian ni hun-a nungta kha mite I hi hi. 

Limciing siampite sep lai in Siampilianpa in siansuahna a bawl laitakin 

Israel te a vekpi in amaute ki sit tel uh hi. Topa mai ah ki niam khiat in 

a mawhna te uh ki sik kik in om uh hi. Tua bang hi kei (490) le uh a 

mite lak pan un ki khen khiatna thuak ding uh hi. Tuate bawl mah 

bangin nuntakna laibu ah a min uh tuang lai ding a deih mi in tu in hun 

tawm bek a om lai sung ah Pasian mai ah ki niamkhiat a mawhna te


kisik kikna dik tawh I ki sit tel kul ding hi. I lungsimte thuk takin 

zongkhia in kalhkhiat kul hi. Khristian a kici pi pi zaang khaai om 

khuaval om dan pen paih khiat a kul hi. Zawh toh a sawm, hoih lohna 

vai teng a paai khia nuamte in nakpi-in a hanciam ding uh a hi hi. Ki 

gin’kholhna pen mimal nasep a hi hi. Eite a mi lom in hotna hong 

kipia ding hi lo hi. Mi khat ki aap zawhna leh sianthona in mi dang 

sung ah ki sapna te hutt sak thei lo hi. Pasian mai ah minam khempeuh 

te thu ki sit kim het ding ahih hangin, mimal ciat in a mi dang om 

nawn het lo amah kia thu nei ahi zah-in tel tak phin ciil takin sittel 

ding hi. Mi khempeuh ki sit dinga kawk baang lo, saton lo ding in ki 

deih a hi hi. 

Siansuahna nasep a ki zawh siang nading thupi lua a, ciliap huai 

lua hi. Hun tomno sungte mah thupi lua hi. Vantung Biak-inn ah 

thukhenna pai pai keei ta hi. Kum tampi mah pai khin ta hi. Kizo baih 

mah mah ta ding hi. Bangzah in kizo baih ta ding cih a thei om lo hi. A 

thusitnate a hinglaite tung ah tung ta ding hi. A zahtaak huai lua Pasian 

mai ah mite thute ki pholaak ding hi ta zen hi. Hih hun laitak ciangin 

vaai dang khempeuh sangin a thupi zaw, khaa khempeuh in I phawk 

ding thu in, Honpa hong lamlahna, “Thu ngen in ngak un, a hun ding 

thei lo na hih man un.” Maku 13:33. “Na vil kin ken kei leh guta 

bangin na kiang kong tung dinga, kong pai lam na phawk kei ding hi,” 

cih a hi hi. Mang. 13:3. 

Hih Dawpkholh thukhenna a ki tawp ciang pen mi khempeuhte 

sihna ngah ding maw nun’na ngaah ding cih ki khentel khit ciang hong 

hi ding hi. Topa vaan meii tawh hongkilat kik ma deuh in hun hoih ki 

khak ding hi. Mangmuhna sung ah tua hunding lah kholhna ah Khrist 

in, “A thutanglo te tua ci suak hen; a kih huaite kih huai suak hen; a 

dikte dik lai hen; a siangtho te siangtho suak hen. Ngai un, a man 

langin Ka hong pai ta ding hi; mi khempeuh amau gamtatna bang ciat 

piak ding thaman kong keng hi,” ci hi. Mang 22:11,12.


(491) Midikte leh migilo te leitungah a muat thei pumpi ciat 

mah tawh nungta khawm lai uh hi. Mite in huan bawl-in, innte lam-in, 

ne in dawn in, vantunga Biak-innpi pan a ki khel kik zo ngei nawn lo 

ding khen satna ki bawl khin hi cih thu peuh mah a phawk kha het kei 

ding uh hi. Tuiciin tun’ma in Noahte Teembaw ah lut in Pasian in kong 

kalh nelh a, mi hoihlote a pua-ah a khah khum hi. Ni sagih sung mite in 

amau thuak ding daan ki kip sak khin ahih lam phawk loin a om ngei un 

om lai uh a ki dawm loin nuntak gualnopnate zangh lai uh a, a hong 

tung pah vat ding thukhenna nuihsan in a zah pih uh hi. “Tua mah tawh 

kibangin” Honpa hong hilhna in: “Mihing Tapa hong pai ciangin tua 

bang mah hong hi ding hi” ci hi. Matt. 24:39. Gam daai takin phawk 

khakloh-in zan-a guta bangin mawhnei te ading a kipia migitna ki dok 

khia kik ta a, mite mai lam among beina, khentelna kipia khin hun hong 

tung vat mawk ding hi. 

“Tua ahih ciangin ngak un:…Tua bang na hih kei uh leh tha 

khat-in Amah hong pai dinga, na ihmut laitak uh hong tuak kha ding 

hi.” Mk. 13:35,36. Ngak zo lo-a leitung lam a lawp lua te tung ah 

kisiatna tung ding hi. Sum meet bawlte in a ngah theih nading uh delh 

a, noptatna a uuk te in uang tat-in, kizep a thupi sakte in a ki zep nading 

uh bawl bawl in, tua bang zel zul laitak keek mah in leitung buppi 

Thukhenpa in khentatna pulaak ta ding hi. “Nang hong ki tawi khai in 

naleek zo kei hi” ci khia hiau ta ding hi. Dan. 5:27.

THUSIA KIPATKHIATNA BUL 497 

29 

Thusia Kipatkhiatna Bul 

(492) 

MAWHNA hong piankhiatna abulpi leh, bang hangin mawhna om 

mawk ahi hiam ci-in mitampi lungsim buai uh hi. Amau in siatna 

nasep a hi dahna hawmsuaknate mu uh a, na khempeuh a Ukpa khut 

nuai ah, mongneilo Pilna leh ki-itna tawh a dim Pa mai ah, hih thu siate 

bang dingin om hiam ci-in tel hak sa uh hi. Hih laitak ah a kitel gen thei 

lo thu thuk a om hi. Tua banga a tel lohna uh pen hotkhiatna ngah 

nadinga kisam Pasian thumaan a muhtel lohna hang uh a hi hi. Tua 

bang mite in mawhna bulpi pen Pasian ahong lah lohna lam pang tawh 

zong uh hi. Tua man-in thei lo uh ahih ciangin muanlahna leh mawh 

zonna tawh hong kidim uh a, Laisiangtho ahong nial ta uh hi. Pawl 

khatte leu leu in tua mawhna vai lianpi te tel zolo uh ahih manin Pasian 

gamtatzia leh Ama ukzia, mawhna tungtang Ama vaihawmzia 

Laisiangtho-a om te pen khanglui thuciin lelte peuh leh Laisiangtho 

kiteidan maan lo khawng peuh tawh melh cip suk uh hi. 

Mawhna bulpi leh mawhna bang hanga piangkhia hiam cih kitel 

hilh thei lo hi. Bang hang hiam cih leh, deih-a kipiangsak hi lo hi. Ahih


hangin a kilawm khom zah-in tua mawhna piankhiatna leh a tawpna koi 

ah kikoih ding hiam cih ciang tel theih ding kul hi. Tua gitlohnate tawh 

kisai Pasian vaihawm sak zia te in ih muh ciangin hehpihna migitna leh 

thutang A zatna I tel muh (493) theih nading a hong om hi. Pasian in 

mawhna hong lut nadingin bangmah bawl lo hi cih Laisiangtho hong 

hilh val-a hilhcianna dang om tuan lo hi. Pasian in Ama migitna dok 

khia kik ahih manin, ukna ginalo a langpangte hong tho khia cih zong a 

hi tuan kei hi. Mawhna pen a buluhte bangin a hong kiguang tawm thu 

hi hi. Ama vai pen deih-a kivaihawm hi lo ahih manin kigen sak thei lo 

hi. A thu pen thu lamdangpi khat hi a, a haang zong kithei lo, a paulap 

ih zon leh a awi aam kihi lel ding hi. Paulap ki zong thei hi leh, ahih kei 

leh a piankhiatna kilak thei hi leh, mawhna ahihna bei ding hi. Tua in, 

“Mawhna in thukham kanna ahi hi”. Pasian’ Gam ukna thukhun ahi Kiitna 

pen gal-a a dona thu bul a hi hi. 

Gitlohna thusia hong lutma in vantung leh leitung buppi ah 

kilemna leh nopsakna a om hi. Na khempeuh in Piangsakpa’ deihna 

tawh kilem kituak-in om uh hi. Pasian it ding athupi pen hi a, amaute 

khat leh khat ki-itna pen langbaai lo hi. Thu ahi Khrist, Pasian Tapa 

neihsun, in a tawntungin Pa tawh a om khawm a hi hi. Amau gel pen 

pianpih kibang, gamtat kibang, deihna kibang hi uh a, leitung-vantung 

buppi-a Pasian vaihawmna leh makaihna sunga kihel theipa a hi hi. Khrist 

zangh-in Pa Pasian in vantung mi khempeuh piangsak hi. “Tapa hangin 

Pasian in vantung ahi zong, leitung ahi zongin-ah a om khempeuh a 

kimutheite, a kimu thei lote: kumpi tokhomte ahi zongin, uknate ahi 

zongin, a sang bel na khempeuh a piang sak hi. “, Kolose 1:16, Khrist 

hangah ahi zongin, Khrist’ adinga ahi zongin a kipiangsak a hi hi. Amah 

in Pa tawh kikim-in, vantungte in zong ama na sepna koppih uh hi. 

Ki-itna in Pasian Kumpigam ukna thukhun bulpi ahi hi. Aki 

piangsak nuntakna nei khempeuhte lungdamna, nopsakna in tua Dikna 

bulphuh thukhun tawh kituaka gamtatna te a hi uh hi. Ama nuntakzia 

paakta-a amau thu-a itna tawh Ama deih-a gamta ding a deih hi. Ut lo


pi pi-in zawhthawh thu-a pawl matna a zang kei hi. A ut manun amau 

lungsim kuan utna tawh kipawlna anei bek ding in suahtak a pia hi. 

Ahih hangin hih suahtakna a lumlet khat hong om hi. Pasian in 

Khrist zom-a zahtakna apiak, vantung mi khempeuh lak-a a vanglian 

pen, leh vantunga teeng mite lak-a a minthang pen-a a bawlpa tung pan 

mawhna hong kipan khia hi. Tua pa in Lucifer ahi hi. Amah in a puuk 

ma-in a niin baang lo, a siangtho Cherub lian pen a hi hi. (494) “ Nidang 

lai-in a kicing etteh pha khat na hi a, pilna leh hoihna tawh na kidim 

hi.Pasian’ Edin huan sungah na teng a, Suangmanpha nam khempeuh 

tawh na kizem hi….Sathau kinilh Kherubte ka hong cingsak a, ka mual 

siangtho tungah na tenga, a te zaizai suang manphate lak ah na vak 

kawikawi hi.Gamtat siat ding na kipat ma hun ciang dong, na suah 

tuanga kipanin na gamtatna khempeuh pauban’na khat bek omlo hi.” 

Ezekiel 28:12-15. 

Lucifer in Pasian deihna bangin om suak hi leh vantung mi bup in 

zahtak-in it ding uh hi. Aliatna vaangte zong midangte thupha ngahna suak 

dinga, a bawlpa minthanna suak ding hi. Ahih hangin kamsangpa in, “Na 

melhoihna na ki saktheih pih kha a, na minthan’na in hong hai tatsak hi.”, 

Ezek. 28:12-15,17 na ci hi. Lucifer in tawm tawm in hong kiphasak seem 

seem hi. “Nang pen, pasian zahin a pil kisa na hih manin,” “Van tungah ka 

kahto ding hi; a sangna mun, Pasian’ aksite’ tung pekah ka kumpi tokhom 

ka koih ding a, leilulam pek-a kikhopna munal ungah zong ka tu ding hi; 

meiite tung pekah ka kahto dinga, Sang Penpa bangin ka ki bawl ding hi na 

ci hi”. Ezek. 28:6; Isa. 14:13,14. A bawlsa khat in zahtakna leh itna tawh 

Pasian tungnunpenna alah sangsik-in Lucifer in tua biakna leh zahtakna 

teng amah’n ngah nuam mawk ta zen hi. Tham loin mongneilo Pa in A 

Tapa tunga a piak zahtakna teng hazaa a, vantung mite makaipipa in Khrist 

bek in a zat theih vangliatna pen zang nuam hi. 

Vantung bupin Piangsakpa’ minthan’na pahtawina tawh a dim hi. 

tua bangin a om sungteng vantungah lungdamna leh kilemna a dim hi. A


hizongin tu-in kilemlohna hangin tua nopsakna ong kisia hi. Pasianin 

vangliatna atambel a guatpain Piangsakpa’ ngimna tawh kilhbulh dingin 

ama pumpi pahtwi nopna lungsimgolo hong vom hi. Vantung mihonpitein 

thumna tawh Lucifer kho uh hi. Pasian Tapa in zong Pasian liatna, phatna, 

thumanna, sianthona, leh a thukhunin akikheello tawntung zia le tong nei 

ahihna thu Lucifer kiangah a gen hi. Pasian mahmahin a kipsaksa vantung 

kilemnate thukham kikheek theih loh ziate a gen hi. Pasian mah mah in a 

kipsaksa vantung kilemnate pan kikhenkhia leh Lucifer in amah bawlpa 

zahtak lo suak dinga, amah leh amah kisia-sak suak ding cih a gen hi. Ahih 

hangin tua mongneilo itna leh migitna (495) in a hilh thuhoih pen dal nopna 

lungsim bek hong tho sak hi. Lucifer in Khrist haza-a, khumkhelhgawp 

ding ngimna hong nei hi. 

Kisaktheina tawh ama tungnun pen ding utna hong khang hi. 

Pasian in Lucifer a piak zaliatna leh zahtaknate Piangsakpa tungah 

lungdamna-in saang het lo hi. Amah leh amah a vaangtaan’ nate leh a 

zaliatnate tawh minthang kisa gawp-a, Pasian tawh kikim ding bek a 

lunggulh hi. Amah pen vantung mite mit-in zahtak uh hi. Vantung mite 

in a thu mang uh hi. Amah pen amaute khempeuh sangin pilzaw, a 

minthang zaw-a a kibawl a hi hi. Ahih hangin Pasian Tapa pen vantung 

ukna khempeuh a theihpih, Pa tawh vangliatna leh Aana khempeuh a 

leen khawm ahi hi. Pasian in vai khempeuh ah Amah pen a hel hi a, 

Lucifer bel Pasian vaihawmna sungah hong lut ding thu kipia lo zel hi. 

A vanglian hih vangtungmi in a lungsim sung ah, “Bang hangin Khrist 

in tungnunpenna nei ding hiam? Bang hangin Lucifer sangin Amah ki 

zahtak zaw se hiam?” cih lungsim hong nei hi. 

Lucifer in Pasian mai pan thakhat-in paikhia-in vantung mite lak 

ah kilemlohna phuangkhia dingin hong kipan hi. A sep dan pen thusim 

thuk mah mah tawh seem a, a hun khop tan khat pen a ngimna tatak 

dawksak nai lo-in Pasian zahtak mah-in ki bawl lai hi. Vantungmi 

khempeuh ukna thukham in amaute maidal hi, kul lo hi, ci-in a lungkim 

loh theih nadingun lok lok phot hi. Amaute zong a siangtho pianpih


mah nei-a kibawl uh ahih manin, a deihteelna ciat uh tawh ut banga om 

theih dingte ahi uh hi ci-in hansuah in phin den hi. Thumanlo pi-in 

tungnunpenna za Pasian in Khrist pia se in, amah pen a khasiat-huai 

gawp keei bang khat-in kidawk sak in aki gen hi. Amah pen a zalian 

nuamlai, a saang zaw zahtakna deih bangin kigen het lo-a, vantunga 

teengte khempeuh-ii awngthawl nading leh a piankhiat zia uh a saangzaw 

dinmun a suahtoh theih nading lampi zong bang in kigen bek se hi. 

Pasian in Ama migit luatna tawh Lucifer pen sawtvei khop mah 

thuak phot hi. Kilemlohna leh vantung mite mai-a thumaan lo a hong 

phuah khit na ngawn-in ama dinmun sang pan-in thakhat-in kizakiasak 

pah nai het lo hi. Sawtveipi vantung kilem lai hi. (496) Kisikkikna leh 

ki-apkikna bang zui-in maisakna kipia zel zel hi. A langpan’ khakna 

pan-in akikhelkik nadingin mongneilo itna leh pilna bek in vaihawm 

thei hi. Ni dangin vantung ah lungkim lohna kithei kha ngei lo hi. Lucifer 

mah mah in zong koi panin amah lampialkhia kha hiam cih a lungsim 

pianzia kitel nai lo hi. Ahih hangin ama lungkimlohna pen kitel lahkhiata, 

haang nei lo, hih huai lo cih a kihilh ciangin Lucifer in mang lel hen 

la, amah khial in, Pasian maan hi ci-in vantung buppi mai ah gen lel leh 

hi ding hi. Tua bangin na hih hi leh amah leh vantung mi tampite suakta 

ding uh hi. Tua hun laitak in Psian a biakna uh avek-in khahkhia khin 

tatakk nai sam lo uh hi. A dinmun, Uappa-Cherub hihna a tai san khit 

hangin Pasian kiang ah hong ciah kik nuam hen la, Piangsakpa pilna te 

hong pulaak kik leh, Pasian in ama dinmun dinga a sehna bang lungkim 

lel leh, ama za ngeimah ah ki koih kik ding hi. Ahih hangin ama cih bek 

ci tel tal-in kisikkik kul salo hi. Amai mah ah amah bawlpa langdo-in 

“Buaina Lianpi” a phuang hi. 

Lungsim pilna khempeuhte tu-in mi kheemna-in hong zangh ta hi. 

Ama uk sunga om vantung mite’ khasiatpih thei dingin hong hanciam hi. 

Khrist ina hilhna sate khawng leh-heek kikna in nei hi. Amah tawh a kinai 

pen a ki-it pih pen pente kiang ah Satan in amah pen thumaan lo-in kigawi 

bawl-a, a dinmun ki simmawh sak-in a suahtakna teng kisuh sak hi ci-in a


gen hi. Khrist-ii kammal teng a hilo lam-a a genna tawh thukawi bawl-in 

zuau gen a, amah vantung mite mai ah a ki zahhuai sak dan-in Pasian Tapa 

amawh sak hi. Amah in amah leh a thumang vantung mite kikal ah zong 

thu a maan in dawksak lo hi. Ama lam ah pang dingin a deih banga thuzawh 

a kisak loh mite pen vantungte ading deih saklo, thu um theilote ci-in 

mawhsak hi. Ama nasep ahi zaw tua langdona pen Pasian adinga thumaanlai 

vantung mite a leh ngawh zawsop hi. Pasian in ama tung ah thu (497) 

maanlo hi ci-in kidawk sak nuam a hih man-in lungsim kawi tawh Piangsakpa 

kammalte leh a sepnate lumlet-in, a hi lo lam-in agen hi. Vantung mite 

buaisak a, thukhel tawh Pasian vaihawmna toknok sak ding ama dan ahi hi. 

Telnop-a, a gen nop mah mah lel Jehovah thupiakte pen khelpilna tawh 

lumlet-in khalau zawh nading thu thukpi, ciang suah tawntung hi. Ama 

dinmun sang Pasian vaihawmna tawh kizop pahna in midangte muanna 

ngah sak a, tampi mah ama lama kop dingin khem zo-in, vantung aana a 

lehdo sak hi. 

Pasian a pilluatna hang zawk-in Satan pen a lungkim dongin a seem 

sak ahi hi. Tualgal piangsak a, a deihna zah a cin’ sak dongin a khahkhong 

phot tadih hi. A ngimna khempeuh a sep khit ciangin a omzia maan uh a hi 

bang bang mi khempeuh in mu ding hi. Lucifer pen sathau kihilh Cherub hi 

a, a kilianbawl mah mah ahi hi. Amah pen vantung mite in it uh a, a huzaap 

zong gol hi. Satan in vantung mite tawh tualgal picin’ le uh a vantung bek 

hi lo Pasian Ukna gam khempeuh, leitungte khempeuh, leh Pasian bawlsa 

teng khempeuh sut-in tang khin ding a ngaihsun hi. Amah in khelpilna 

tawh ama lam diklohnate, zuauthu muutna tawh hilh ngitnget hi. Ama 

khemsiamna vang pen lian mah mah a, zuauthu tawh ama meel seel-in a 

sepna ah a lawh cing mah mah hi. Thumang lai vantung mite na ngawn in 

ama omzia taktak pen tel kim zo lo uh a, ama nasepna in bang teng sunok 

ding hiam cih thei zo lo mai uh hi. 

Satan pen a kizahtak mah mah tham khat ahi hi. Ama nasepnate 

lah thuthuk ahih man-in vantung mite in ama omzia tatak pen telhaksa 

uh hi. A sep ding teng a zawh toh matengin mawhna ih cih pen zong


thusia ahih lam kidawk nai khol lo mai hi. Tua hun ciang ciang Pasian 

van leh lei tengah mawhna a om ngei nai lo ahi hi. A siangtho mite in 

ama pianzia a huaisiatna phawklo uh hi. Amaute in Pasian thukham ki 

paaikhia leh bang teng hong piang zia zua zen ding cih nangawn mu 

thei lo uh hi. Satan in akipat tuungin ama nasep pen selsim hi. Pasian 

thu a mangkawm khawm sa mah-in ahi thei ding bangin a kigen hi. 

Pasian zahtak ve ve ding, A Kumpina kipsak seem seem ding, vantung 

mi khempeuh adinginlah nop ding, ci-in a gen hi. Ama khutnuai a 

vantungmite lungsim sung ah lungkim loh nading guan guan kawm in 

(498) amah pen lungkim lohna teng lemtuahpa bang pian-in kigen leu 

leu hi. Pasian Kumpi gam sunga om dan leh thukhun kheel kul hi, 

vantung ah ki-thu-tuahna a om ding bawl kul hi ci-in a gen hi. 

Pasian in mawhna thu tawh kisai ah thumaan leh Dikna bek A zangh 

hi. Pasian in a zat theih loh phatkheemna leh zuauphuahna pen Satan in a 

zatdan siam hi. Pasian kammal te ahi lo lam-in heii a, vantung mite mai ah 

Pasian Kumpi gam phuh dan pen vantunga teengte khempeuh tung ah Upadi 

leh ngeina bawl-in, a bawlsa mite in thu zui-in sawl mang ding cih hi se ahih 

man-in amah leh amah kiliatsakna hi lel hi, ci-in Pasian Kupimna ahilo lamin 

a gensia hi. Tua ahih ciangin vana teeng khempeuhte leh leitung 

tuamtuamte mai ah Pasian Kumpina pen thutanga A thukham pen 

kawkbaanglo hi cih hong kimuh khiat ngeu dong ngak kul ahi hi. Satan in 

bel amah pen van leh lei hoih nading zongka hi hi, ci -in ki gen hi. Sutkhiapa 

omzia amaan bel mi khempeuh muh-in hong kidawk hun hong tungna 

ding hi. Ama omzia tatakk a kitel tak-a a gitlohna bawlna tawh a lahkhiat 

nading hun tawm nei sak lai bek ding hi. 

Ama piansak vantunga kilemlohna pen Satan in Pasian Kumpina 

leh A thukham hang hi cin-ngawh hi. Ama gamtatsiatna hanga apiang 

thusia teng Pasian Ukzia hoihlo vive-in a gen hi. Tua hang mah-in Jehovah 

dinmun puahphat ding ka gen gen hi ci hi. Tua ahih man-in Pasian Thukham 

phiata ama ngimna bang tawh a sep ciangin a ki ngah ding omzia pen a 

kidawk dong hun piakk kul zaw hi. Ama sepna in amah hong mawhsak lel


ding hi. Satan in bel, thutangpeek hi ke’ng, tualgal zong phuang ke’ng, 

kici phot sam hi. Lei leh vanpi khempeuh in im hetlo-in mi khempa a 

omzia taktak maan pen hong kilangin mu tek ding uh hi. 

Vantung ah amah pen sawtvei om thei nawn lo ding cih thu a 

kikhentel khit na ngawn-in Mongneilo Pilna in Satan pen su-mai mang 

pah nai lo hi. Pasian in itna nasep bek deih a, saang thei ahih man-in A 

bawlsa mite khempeuh in zong ama na a sepna uh ah Ama thutang leh 

thu hoih deih-in zahtak ding deih bek hi. Van-a teengte leh leitung 

dang dangte in Satan ki-sumai mang pah mawk leh mawhna’ pholhkhiat 

thamante leh Pasian thutanna leh migitnate mutel manlo ding uh hi. 

Thakhatin omsak nawnkei pah mawk leh (499) amaute in itna tawh hi 

loin kihtakna tawh tokaai mawk ding uh hi. Mi khempa’ huzaap lah 

beisiang nai loin langpan’na lungsim zong baang lai kha ding hi. Gitlohna 

pen a khan khit dongin kikhawi lai vet zaw hi. Van leh lei buppi in a 

khang khangin ahoih-lawh theih zawk nadingun Satan in a sep theih 

tawp seem zaw hen la, a kipiangsakte khempeuh in Pasian;’ Kumpina 

langdopa’ pholhkhiat thu omzia telmuh le uh Ppasian thutang’na leh 

migitna leh a kisusia thei lo A thukham kipnate dot kik loh sa in kip 

paisuakk thei zaw ding a hi hi. 

Satan tualgal bawlna pen hong pai lai ding hun khempeuh ah a 

tawntungin van leh lei buppi in mawhna thaman buaihauinate teci pannain 

nei ding uh hi. Satan’ ukna ngeina leh mite leh vantung mite a 

sukbuaina pen Pasian aana neihna koih khiat nopna gah ahi hi. Tua in, 

Pasian Kumpina leh A thukham in a bawlsate khemepeuh a cidamsak, a 

keem zaw ahihna teci pang ding uh hi. Tua bangin hih tualgal bawlna 

tangthu in a siangtho mite khempeuh tungah kidopna suak-in, thukham 

palsatna vai ah a taksan loh nading uh, leh mawhna bawlna daan thuakna 

pan a honkhia ding a suak hi. 

Vantung a kidona a tawp dong dinmun tuhpa in amah leh amah 

kidiksak lai hi. Vantung lungdamna nopna pan-in amah leh a pawlte


teng kihawlkhia ding thu a ki piak ciangin tualgal makaipa in hang takin 

Piangsakpa Thukham pen hoih a sak lohna, a mawhsakna kiciam-in a 

genkhia hi. Amah in vantungmite pen tua ci Uk cip kul lo hi, amau ut 

banga om sak lel ding hi, amau-in ahoih thei thei dinga a om lel ding uh 

hi, cikhia leu leu hi. Amah in Pasian Upadi pen suahtakna dal hi lel hi 

ci-in a gensia hi. Thukham pen kiphiat leh hih ahong dal tentan teng 

pan kipengkhia lel ding hi, vantung mihonpi teng in a nop zaw a min 

thang zaw nuntakna cial sangzaw ah kitungto ding adeih ka hi bek hi, 

ci-in gen khia leu leu hi. 

Satan leh a pawlte teng amau tualgal bawl pen Khrist ngawh-in, 

ki kawk khia se lo hi leh lehdo het lo dingin aw-kihual-in gen huan uh 

hi. Tua bangin thumanglo a sia (500) lam ma nawh tei tei ngawngkhauhte 

in Pasian Kumpina lumlet nuam in gensiat tawh thuah uh a, amau 

mawhnei lo kimlai vangliatna in nen-niam in a gawicip athuak bang 

pian-in a kigen uh hi. Tualgal mangpa leh a koppih khempeuh a tawpna 

ah van pan-in kihawlkhia hi. 

Vantung a tualgal lungsim mah tawh leitung ah langpang dingin 

thu muam leu leu hi. Vantung mite tawh a sep ngei mah bangin leitung 

mite tawh seem leuleu hi. Thumanglo mite in ama lungsim teng a puak 

pih ta uh hi. Amah tawh kibang lian mah-in mihing tate in zong a hong 

keem Pasian Thukham pen susia ding hong kipan uh a, tua thukham 

palsatna pan suakta dingin mite hilh uh hi. Mawhna kawkkhiatna pen 

muhdahna leh dalcipna-in tuat uh hi. Pasian hilhna hong kipiak ciangin 

Satan in mite amau leh amau dikgawp kisa sak a, amau mawhbawlna ah 

pawl zon beh zaw uh hi. A khialhna uh puahphat sangsik-in akawkkhia 

mi tung ah heh uh a haksatna piangsakpa bang lel-in a tung ah heh uh 

hi. Midik Abel hun pan-in tu lai ei’ hun dongin mawhna akawkkhia 

ngamte tungah tua bang lungsim vive kinei mawk hi. 

Vantung a om lai-a Pasian pen giloUkpa, gamtatsia banga agen 

ngeisa mah bangin leitung ah zong mite hong kheem a, mawhna hong


bawl sak zo hi. A baan ah Pasian pen thumaanlo, ih mai hong dal, mite 

a puuk theih nading thangsiah khol helse pa, cih bang pian in ama 

langpan’ ngei zui-in langpan’ na dong tun’ hi. 

Ahih hangin atawntung Pa in Ama gamtatna a genna ah; “Topa, 

Topa, hehpihna nei-in a dik Pasian, lungduai-in itna kip leh thutakna 

tawh a dim, mitul tampite adingin itna kip a nei, mawhna, thu palsatna 

leh khialhna a maisak “ kici hi. Paikhiatna 34:6,7. 

Van pan-a Satan anawhkhiatna ah Pasian in Ama thutang leh A 

tokhom akepna hi ci-in gen hi. Ahih hangin mihingte lampialpa kiangah 

ki aap-in hong mawh uh ciangin Pasian in Ama itna teci dingin Tapa 

khat a neih sun mimawhte ading sihna thuak dingin hong (501) pia hi. 

Hotkhiatna nasepna ah Pasian gamtat hoih hong kilang hi. Singlamteh 

vai-in vantung-leitungte mai ah mawhna nasep Lucifer in a teel zawk 

thu pen Pasian’ uk siam lohna hi a kici thei het lo dingin a lakkhia hi. 

Honpa in leitungah na a sep lai-in Satan leh Ama kikal kidemna 

pan in mi khempa’ omzia teng a pholaak siang hi. Leitung bup Honpa 

tunga ama gamtatsiat luatna zah-a vantung mite lei leh van mite 

khempeuh itna pan-a Satan a zungbawh khia zo ding bangmah om lo 

hi. Simmawhna tawh mualtung ah kah pih to a, Khrist in amah bia 

dingin ngen ngam tazen hi. Ki-awi lah pi pi-in a gitloh hangsan’na alak 

hi. Biakinn khum saang a dawn pan peuh-in a tuak suk dingin a sawl hi. 

Ihmu lo lianga Amah sabet-a a beng kawi kawi sinsia siampite leh mipite 

buitawholhna hangin Ama itna nial sak-a, a tawpna ah, “Khai lum un! 

Khai lum un!” a ci sak hi. Tuate pen van leh lei khempeuh in lamdang 

sa uh a, a hehsuahnapi pen uh a piang sak hi. 

Leitung in Khrist a na nial pen Satan bawl a hi hi. Gilo kumpipa 

in Jesu suksiat theih nadingin a vangliatna leh siamtheihna khempeuh 

siit lo-in a zangh hi. Bang hang hiam cih leh amah in Honpa migitna leh 

itna, hehpih-a a thu neemnate in Pasian gamtatzia leitung mit muh in a 

dawksak a hihna a mu hi. Satan in Pasian Tapa’ gen khempeuh dem to


den hi. Honpa nuntakna gentheihna leh dahna tawh adim dingin mihing 

zangh-in na a seem hi. Thuzuau tawh muuta, Jesuh nasep a liah mang 

zawh nadingte, thumanglo mite zangh-a mudahna a dawksaknate, dem 

zawhloh hoihna lam etteh tham cing Pa a mawhsaknate khempeuh a 

lungsim tawnga langdona pan-a hong so khia a hi hi. A ki umcip a 

hazaatna, mudahna leh thuk nop van-van’na pen Kalvary mual-a Pasian 

Tapa a langdona ah mei bangin hong kuang khiaa ta hi. Tua laitakin 

vantung khempeuh in mulkim-in gamdaai tak-in na en hiai huai uh hi. 

Kithoihna lian a kibawl khit ciangin Khrist in van ah kahto a, 

“Pa aw, kei nong piak mite in zong nong piaksa minthan’na amuh 

nadingun ka omna-ah na om khawmsak ding in ka deih hi. “ Johan 

17:24. Tua ciangin Pa (502) tokhom pan-in a kigen khia thei vet lo itna 

leh vanglian hong pusuak a, “Pasian vantung mi khempeuh in Amah 

bokin a bia uh hen” ci-in thu pia khia hi. Heb.1:6. Ninthelno khat zong 

Jesuh tung ah ki mu lo hi. Ama zahhuaina bei ta a, Ama kithoihna 

picing khin hi. Min khempeuh lak-a min tungnung pen a kipiata hi. 

Tu in Satan mawhna pen paulap om thei nawn lo hi. Zuautheipa 

leh tualthatpa ahihna ama omzia maan amah mah in lakkhia ta hi. 

Vantung ah ki phal hi leh leitung mite a hong uk bang lian-in vantung 

mite a uk ding ahi hi. Amah in Pasian thukham kiphiat leh suahtakna 

hi ding ci napi kikhihna, niamkiatna hi zaw cih taangpi taangta in kimu 

tel ta hi. 

Satan in Pasian omzia leh a ukzia zuau aphuah niloh hangin tuin 

amaan kitel muh tek ta hi. Pasian pen A bawlsatein A thu mang uh 

hen la biak le paai bel in nei leh adeih hi, midangte amau leh amau ki 

dawm dingin sawl napi Amah’in lah tua bang hih lo, kipumpiak tuanlo 

hi, ci in a mawh sak hi. Ahih hangin, a puuk mite hotkhiat nading kiitna 

in abawl theih lian pen ahi van leh lei bup ukpa tekmah kithoihnain 

kigo zo cihthu kimu tek ta hi. “Pasian pen Khrist tawh om a Amah 

tawh leitung hong lemtuah hi”. 2 Kor. 6:19. Tu in Lucifer in ama liat


pen nopna hangin mawhna hong lut nading kongvang hongkhia hi. Khrist 

in bel tua mawh na a beisak nadingin Amah mah kiniamkhiat-in sihna 

thuak dongin thu mang hi, cih kimu tel ciat ta hi. 

Pasian in langpan’na lungsim pen muhtha dahhuai sa ahihna a 

lak hi. Vantung khempeuh in Ama thutang mu thei ta uh a, Satan a 

mawhsiatna leh mite hotkhiatna ah a teltheih ta uh hi. Lucifer in Pasian 

thukhamte kiphiat theihetlo a, a palsat te thuak ding daan zong kiphiat 

thei het lo ahih leh, tua thukham a palsat ngei khempeuh in Piangsakpa 

deihsakna peuhmah taan ding hi, ci-in a eng gen khia zaak hi. Amah in 

mawhnei minam peuhmah hotkik zawh ding hi loin ama matsa vi-ve hi 

lel hi, a cih laitak in, tuate’ suahtak nading in Khrist a sihna ki melh 

mang sak thei lo hi. Thukham palsatna daan (503) pen Pasian tawh a 

kikim A Tapa tung ah kipia a, mihingin Khrist dikna teng kisik kik-a 

kiniam khiat-a nuntakna tawh a saan’ nak leh Pasian Tapa in a zawh 

bangin Satan vangliatna a zo thei ding ahi ta uh hi. Tua bangin Pasian 

thutang ah, Jesuh a umte khempeuh a tangsak hi. 

Ahih hangin Khrist leitung ah hong pai a, mihingte hon dingin 

hong sihna ciang bek tawh akiman siang hi nai lo hi. Ama hong paina 

pen Thukham “a golsak” ding leh “Azahtakaai” sak ding zong hi lai hi. 

Hih leitung mite in Thukham pen ahi ding bangin zahtak sak ding bek 

zong hi lo lai-in van leh lei khempeuh muhna ah Pasian thukham pen 

kikheksak thei het lo ahihna zong lak ding ahi lai hi. Pasian thukham 

kihemkhia thei ding hi leh Pasian Tapa in tua palsatte hotna-in Ama 

nuntakna a piak se zaw zen kul lo ding hi. Khrist sihna in thukham 

kiphiat theih lohna teci ahi hi. Pa leh Tapa itna in kithoina piak ding kul 

sa uh ahih man-in mawhneite kihotkhiat kikna pen van leh lei khempeuh 

mai ah Pasian Kumpina leh A Thukham in thutang leh migitna tawh a 

dingg a, hih sangin a neu zaw kithoihna in hotkhiatna cin zo lo hi cih a 

lak hi. Phiatsiang thukhenna ah mawhna piankhiatnathu paulap ding 

bangmah kizongtheilo ding hi.


Leitung khempeuhte’ Thukhen mangpipain Satan tungah bang 

hangin ong langdo in ka gammite ong sut nahi hiam? acih ni cinagin 

gitlohnate bulpipa in paulap theih ding a nei kei hi. Apauthei kam 

khempeuh dai uh hi. Pasian alangpan mihonte zong cimawhin a kamka 

bek lel ding uh hi. Mawhna thamanin sihna ahih lam elh Pasian thukhun 

kip tawntung ahihna Kalani singkhuamin teltakin lakkhia ta hi. A husan 

tawpna in “Azozo hi” cih a awtna awgingin Satan sihdaak atum hi. 

Sauveipi kidona Lian pen khentelna kibawl ta hi. A tawpna ah gitlohna 

pen kiphiatsiang ta ding hi cih kitel siang ta hi. Pasian Tapa in hankhuk 

sung hong nawk pen “sihna tawh sihna piangsakpa Dawi a suk mang 

nading a hi hi.” Heb. 2:14. Lucifer kiliatsak nopna in “Pasian aksite 

tung ah ka tokhom ka laamto dinga,…A tungnungpenpa ka bang ding 

hi,” ci hi. Pasian in ama (504) kiang ah, “Keimah in nang pen leitungah 

vut kong suak sak dinga…na om kik ngei nawn kei ding hi” a ci hi. Isa. 

14:13,14; Ezek. 28:18, 19. “En un mi kiphasak khempeuh leh migilo 

khempeuh, azung ahiang cih omlo in buhtu bangin a kattem ding hun 

hong tung ding hi.Tua ni ciangin khat zong suak ta loin a vekpi-in 

kangtum khin ding uh hi. Topa in a ci hi”, Malakhi 4:1. 

Leitung-vantung khempeuh in mawhna thaman teci apang ding uh 

hi. Tua banga a beisiangna pen, atuungin ki tua cih hi leh vantungmite lau 

lel ding uh a Pasian zong mindai sak lel ding uh hi. Ahih hangin, tu-in Ama 

itna leh Ama zahtaakkaaina van leh lei bup maitang ah pulaak in, Ama 

deihna bang sep ding nopsa-in A thukham a lungsim sung uh ah lut ta hi. 

Gitlohna hong thokik ngei nawn lo ding hi. Pasian kammal in “thuaksiatna 

om kik ngei lo ding hi” ci hi. Nahum 1:9. Satan in Sila suahna ci-a a kawk 

Pasian Thukham pen Suahtakna Thukham ci-in kizahtak ta ding hi. Zeetna, 

sittelna a thuak Pasian piansak khempeuh in Pasian leh A gamtatziate, 

itna siangtho leh mong nei lo pilnate, teltak siangtak-in mu khin zo uh ahih 

man-in Ama thumangloin kiheii ngei nawnlo ding uh hi.


30 

Mihing leh Satan Kikal-a 

Ki-elna 

(505) 

NANG leh numei kikal, na suan-lekhak leh ama suan-le-khakte 

kikalah kilangneihna ka koih ding hi; amah in na lutang hong sunim 

dinga, nangin ama khetul na sunim ding hi.”, Piancil 3:15. Pasian in 

mite apuuk khit cianga Satan a samsiatna in hunbei dong khang 

tawntunga dingin hilhkholhna namkhat mah asuak hi. Leitung minam 

khempeuhte thuak ding kidona lim zong hi khol pah hi. 

Pasian in “Kilang neihna ka koih ding hi” ci hi. Hih ki langneihna 

pen pianpih nate hi lo hi. Mihing in Pasian thukham hong palsat ciangin 

Satan tawh kilem-in pianzia gilo nei hong suak uh hi. Mawhnei mite leh 

mawh phuangcilpi kikal ah kilangneihna omlo hi. A nih mah un lampialna 

tawh gilo khawm uh hi. Lampialpa pen midang khat in hong khasiat-a 

ama nung hong zuih sak mateng a mot din khawl ding pa hilo hi. Tua 

ahih ciangin apuuk vantung mite leh migilote kithuah thei mah mah uh 

hi. Pasianin dallo hi leh Satan leh mihingte kipawl-in vantung langdo

MIHING LEH SATAN KIKAL-A KI-ELNA 511 

ding uh hi. Satan a el cih thadah, mihing akici peuhmah kipawl-in Pasian 

langdo ding uh hi. 

Satan in vantung mite tualgal bawl dingin a zol mah bangin 

mihingte zong mawhna bawl dingin zol hi. Tua pen amau kipawl thei in 

vantung dohuan le uh a deihna ahi hi. Amah leh apuuk vantung mite 

kikal ah Khrist muhdahna uh ah kithu hual in kinialna om ngeilo hi. 

(506) Thudangte ah bel kithutuak loin kinialna tam hi. Van leh lei 

khempeuh Ukpa langdo nading ah bek kiptakin kipawl uh hi. Ahih 

hangin amah leh numei leh asuan akhakte uh’ kikal-ah kilangneihna 

koih ding cih thupiakna Satan in azak ciangin ama guat mihing lungsimsia 

pen kidaltan sak-in, bang khat peuh tawh ama aana anolh theih hun uh 

hong om ding cih a thei pah lian hi. 

Tua ciangin Satan in mihingte amuhdahna hong uang san hi. 

Bang hang hiam cih leh Khrist tungtawn-in amaute pen Pasian itna leh 

amigitna angah thei ding uh hong hi ta uh hi. Amah in mihingte hotna 

ding Pasian vaihawmna pen daltan nuam hi. Pasian kizahtak loin, a 

nasepte niin baang henla maisia mu leh vantung abuai mah bangin leitung 

buai-in hawmsuak leh a ut a hi hi. Tua ciangin amah in hih buaina teng 

kawk-in Pasian in mihing na bawl vialse thaman a hi ve cih san hi. 

Khrist thupha in mihing lungsim sung ah Satan alangneih nading 

uh a guan hi. Tua bangin thupha in amaute khel-in thaksuak sak lo hi 

leh mihing in Satan’ sila suakto den ding a, Satan’ deih bang bangin 

seem to to den ding uh hi. Ahih hangin tua thuthak hangin mite in 

Satan tawh akizopna uh hong palsat thei uh hi. Tua Khrist guan thupha 

vangliatna in gilo- buluhpa hong dal thei ta hi. Akuama peuh mawhna 

bawl nuamlo-a kih huai asa mite, mawhna lunggulh na nial-a azo mite, 

in tunglam pana thubulphuh a zanghte ahi uh hi. 

Hih leitung in Jesuh a muak dan ah Khrist lungsim puak leh 

Satan lungsimpuak a kilehngatna a kitel muh theih pen hi. Amah pen 

ahau, alian, leh a thupigawp-in hong kilang lo hi. Tua man-in Jewste in


ana nolh uh ahi kei hi. Hih apuatham a kilang vangliatnate a vukcip zo 

ding vangliatna a neih lam a mu uh hi. Amah siangtho in taksa ahih 

manin, tua in a-Pasian-milote’ muhdahna apiangsak hi zaw hi. Amah 

leh amah kiniala mawhbaang lo-a ki-aapna in mi kiphasakte leh mi 

huaihamte a kawkkhiatna suak den hi. Tua bangin Pasian Tapa 

kilangbawlna a hong piang hi. Satan leh gilo vantungmitein tua migilote 

pawl uh hi. Thumaan bulpipa langkhat ah lampialte in a thahatna 

khempeuh uh gawm-in langdo huan uh hi. 

Khrist nungzuite zong a Topa agalbawl mah bangun a galbawl 

zel uh hi. (507) Mawhna in a hong nungsawn sawn dan mu-a, tunglam 

pana thahatna tawh mawhzolna a dal mi khempeuh tungah Satan leh a 

pawlte hehna so ding hi. Thumaan bulphuhte mudah-a tua thumaan 

ahilhte bawlsiatna pen mawhna leh mawhneite a om lai teng ki zom 

zomlai ding hi. Khrist nunguite leh Satan naseemte pen kilem theingeilo 

uh hi. Singlamteh nialna pen daai nai lo ahih ciangin, “Jesu Khrisit 

sunga kipin a nungta nuam mi khempeuhte in zong bawlsiatna athuak 

ding uh hi.” 2 Tim 3:12. 

Satan sawltakte Satan’ thuneihna akipsakk nading in ama 

makaihna sungah na seem seem in Pasian Kumpina langdo den uh hi. 

Tua hang mah-in Khrist nungzuite kheem uh a, amuanhuainate uh khim 

sak-in zol uh hi. Amau makaipa uh’ sep ngeina bangin Laisiangthote 

lumlet-in, khiatna maanloin bawl-in, a ngimna uh tunsak ding hanciam 

uh hi. Satan in Pasian asuksiat nop mah bangin a sawltakte in zong 

Pasian mite gim pia nuam uh hi. Khrist sihna dong a tun lungsimpuak 

mah in migilote hanthawn a, Jesuh nungzuite susia sak hi. Hih thute 

khempeuh alakkhol hilhkholhna ah, “Nang leh numei kikal, na suanleh-khakte 

keh ama suante kikal ah kilangneihna ka koih ding hi”, na ci 

khol zo hi. Tua thu in hun bei donga kizom toto ding thu hi ta hi. 

Satan in a galkapte samkhawm-in, kidona sungah ama 

vangliatna neih khempeuh tawh alom-in a deng hi. Bang hangin adal


lampangte in zong nakpi-in dalbeh zaw lai lo thong hiam? Bang hangin 

Khrist’ galkapte ihmutsuak-in thudonlo uh hiam? Amautein Khrist 

tawh kizopna pen neu neih kha uh hi. Kha Siangtho kitasam lua uh 

hi. A Topa uh adinga mawhna a huathuai a etsathuai bangin amau 

tuaci sa lo mawk uh hi. Amau in Khrist hih bangin khentelsa 

nialkholhsa-in koih zo lo uh hi. Amau in gitlohna leh mawhnate in 

gim apiakziate ngaihsun kim kha khol lo pah pah uh hi. Khuamial 

kumpipa in lah tua thute aphawk loh nadingin na maihum lai hi. Satan 

nasepna nakpi-a a huat khol loh mawkna uh pen ama vangliatna 

leh a kheltatna tampi a theihloh hang uh hi zaw hi. Hi bangin mipite 

kidiahcip hon uh hi. A galppa uh pen agilo vantungmite lungsim a 

ukcip, ahat mah mah galkap Manglianpi khat ahih lam thei lo uh (508) 

hi. Khate in hotna a ngah theih loh nadingingilo vantung mitein uk-a 

galsiam tak-in vaihawm na nasia tak tawh Khrist alangdo denhel uh 

ahih lam atelsiang nai loh hang uh hi zaw hi. Khristian akicite lak ah 

leh Lungdamna Thu hilhsia ahite lak na ngawn ah Satan omzia tel 

taka kigenna kiza ngeii lo phial hi. Khat vei vei pulpit pana thugen 

dang tawh kizom-a gingkha pak zelte lo buang kithei kha ngei phalo 

mai hi. Amaute in Satan nasepna, leh A khelpil luatnate ahi zongin, a 

do pah lian dingin a om gige in, zongseem pah thei ahih lam awlmawh 

lo mawk uh hi. 

Mite in ama vaihawmnate theihpih lo uh hi. Hih a gilo anavaak 

atei setsat keei galpa in amaute suul a zui den hi. Inn sungvai tuam 

tuamte, khuapi kongzingte, biakinn sungte, minam kikhopna sungte, leh 

thukhen zumte ah buaina bawl-in, kheem-in, zol-in, numei pasal, naupang 

zahlo in susia hi. Innkuan kitam sak-in, kihuatna khaici bangin tuh a, 

kidemna kitotna, leh kiheekna kithahna te tawh a dim sak hi. Tua pen a 

Khristian pipite mah in Pasian sehna bang bangh hi ding hi ve’n, Pasianin 

pha asak bangbang hiphot ve, ci-in Pasian ngawh laideep uh hi. 

Pasian mite leitung tawh kikhena a tuampiannate uh susia nuam 

in, a zawh theih nadingin Satan a hanciam den hi. Tanglai Israel te


zong Lawkite tawh kipawl in aki awilohna mun ciang dong alutngam 

uh ciangin mawhna tawh hong kizom pah uh hi. Tua bang lim mah 

tawh tulai Israelte (thu zuite) zong lampial uh hi. “Tua bang mite in 

Pasian, meel a hi Khris’ vangliatna tawh a dim Lungdamna Thu a tan’sak 

loh nadingin hih leitung a uk topa in a umlo tua mite’ lungsim mittang 

uh a tawsak hi. “ 2 Kor. 4:4. Khrist nungzui dinga akhensat lo khempeuh 

Satan naseem suak uh hi. A lungsimi athahat sak kik kik lote in mawhna 

it uh a, bawl bawl leh paulap zon zon a thuah uh hi. A ki puahthak kik 

lungsim in mawhna nial ding khentelsa in a koih hi. Khristiante in thu 

umlo mite tawh hong kipawl ciangin amau mah mawhzolna sunga 

kiphum a suak uh hi. Satan pen amau mit muh loh-in hong kihel a, 

simtham takin a mit uh a hum sak hi. Amau in tua kipawlna hangin 

amau tung ah siatna bang mah mu lo phot uh hi. Hun te hong sawt 

ciangin leitungte tawh kibang seem seem uh a, nuntakzia, kampau, 

gamtatte tel muh lo seem seem uh hi. 

Leitung ngeina zuihluatna in pawlpii pen leitung lam ah kiheii 

sak hi. (509) Khrist lam ah leitungte kiheii sak ngei peuh mah lo hi. 

Mawhna tawh ki zopna atam ciangin a siahuaina ki neu muh sem sem 

sak hi. Satan naseemte tawh kipawl ding a teel mi a sawt loin ama 

Topa a zahtakna bei ding hi. Ih nasepna lam lam ah thusitna I thuak 

ciangin kumpi zum-a Daniel a kisit lai-a bangin Pasian in hong keem 

ding hi ci-in lungmuang ding hi. Ahih hangin tua mawhzolna ah I kikausi-phum 

leh amanlaangin a hiam a zekai-in a hiam I puuk kul 

hamtang hi. 

Mawhzolna in ama huam sung a om dinga kiseh het lo mite 

tungh a sepna picin thei zaw hi. Laisiamna leh talent hoih neite 

kizahtakin kipibawl hi. Tua bang siamnate Pasian azahtakna taanga 

kimang thei ding, Pasian pahtak a lawh sak zo dingin kituat kha hi. 

Talent leh ngeinate pen Pasian hong piak hi mah hi, ahih hangin Pasian 

I zahtakna taanga I zat leh bel Pasian tawh a hong kinai sak sangsik-in 

Amah tawh hong kikhen sak a suak thei zaw ding a, samsiatna leh


thangsiahna a suak ding hi. Tua sanga khialhna gol zaw om lo hi. Mi 

tampi muhna ah gamtat hoih hi, a kipuahpha mi hi, Khrist mi hi, ci-a 

amuh theih uh pawl khat bel om hi. Tua pilna le siamnate in Khristian 

nuntak zeem dinga, biakna maan lam-ah huzaap khauh sak ding ahi hi. 

Tua bang a hih nadingin Pasian tung ah aap a kul ahi hi. Tua hi kei leh 

siatna lam ah ki zangh kha thei ding hi. Mi pawlkhatte maitai in tei 

uha, gamtat gilote ah zong kihel lo a kicih hangin a Satan’ khut zat 

taktak ahi om thei hi. Simtham taka a kheem bawl a huzaap a omdan in 

Khrist ading in mipil lo mitei lote sangin gal lauhuai zaw hi thei hi. 

Nakpi-a thungetna leh Pasian muan’na tawh Solomon in leitung 

bup in lamdang sa-a a pahtawi uh pilna na ngah hi. Ahih hangin tua 

thahatna Bulpi pan kiheii khia a ama ut banga mai hong nawt ciangin 

mawhzolna a lel hi. Tua ciangin hih kumpite laka apilpenpa, lamdang 

akisa zah-a vanglianpa in galpa khutzat hat pen khat hong suak h. 

Khristiantein Satan in mite lungsim mittaw sak dingin zong zong 

hi cih mang (510) ngilh loin “eite in si-le-sa tawh kido ihi kei hi; asang 

belte tawh ahi zongin, ukte tawh ahi zongin, vangliatna tawh ahi zongin, 

leitung tawh kipawl khuamial ukte tawh ahi zongin, vantung tawh kipawl 

munah a om gilo khate thawh a hi zongin ih kido “ ahih lam phawk den 

ding kul hi. Efesa 6:12. Kha tawh kimuam kithuhilhna in kum za tampi 

sung ging suk suk a, eite hun dongin hong hilh lai hi. “Kikepna tawh 

ngak un. Bang hang hiam na cih uh leh, na gal uh ahi Dawimangpa in a 

hawk thei humpinelkai bangin kua mi ka ne ding hiam ci-in zong kawi 

kawi hi.”, 1 Pet. 5:8. “Dawimangpa khemna na nan zawh nading un 

Pasian galhiam khempeuh silh un. “, Efesa 6:11. 

Adam pana eite hun dong I galpa in mite nenniam ding leh susia 

dingin kithasaan tawntung hi. Tu-in pawlpite susia dingin a tha neih 

tawp suah in ki sa hi. Khrist zuih a sawm mi peuh mah in hih atawlngalo 

galpa tawh a kisual kul ding hi. Khristian khat peuh in Pasian a etteh 

tek tek teh Satan’ do nop theih dinga ki bawl bawl a suak hi. Pasian na


nakpi in seem a, gilopa kheemna te pholaak a, mite mai ah Khrist apuak 

uh leh, Paul bangin lungsim niamkhiatna takpi tawh mawhzolnate pan 

khitui tampi tawh Topa naseem ahi khawm thei ding uh hi. 

Satan in a theihtawp suah-in mawhzolna lauhuai pen leh a 

thukawi pen tawh Khrist na zol a, ahih hangin akuan sim-in na kithalsawn 

lel hi. Tua kidona pen eite hong huutna hi a, Ama zawhna in eite zawhna 

ih ngah theih nading ahi hi. Tua zawhna a deih mi khempeuh tung ah 

Khrist in thahatna pia ding hi. Mi khat peuh amah ana-kipiak kei nak 

leh Satan in mawk zo thei lo hi. Mawhzolpa in kuama tung ah utna pen 

ukcip sak thei lo-a, mawhna pen hen gawp mawk thei sam lo hi. Lungkiat 

nading bawl thei dinga, gen baang sak thei lo ding hi. Khirst in azo zo 

hi cih thu in Ama nungzuite in pasal lungsim tak tawh mawhna leh 

Satan a do ngam na ding thapiakna a hi hi.

31 

Kha Gilote’ Sawltakte 

(511) 

MUHTHEIH leh muhtheih loh leitungte kizopna ahi-a, Pasian 

vantung mite nasepna leh khagilote’ nasepna ahi zongin mihing 

tangthu bup ah khen theihloh zahin Laisiangtho sungah teltak in na 

kilak hi. Khagilote om ahih lam ki um nuam nawn lo a, “gupna luah 

nading mite kem dingun, sawltak nasem“ (Heb. 1:14) vantung 

misiangthote bang misisate’ khaa hi a ci nuam tampi om ta hi. 

Laisiangtho in vantung mite om a hih thu a gen hi.Ahoih leh akisia 

vangtungmite ahi uh-a, misite’ khaa hi cih a genna om lo hi. 

Mihing akibawl ma-in vantung mite om khin hi. Leitung bulpi a 

kingak lai-in “zingsang aksite in la sakhawm uh a, Pasian tate lungdamin 

awng uh hi” ci hi. Job 38:7. Mihing hong puuk khit ciangin nuntakna 

singkung vil dingin vantung mite kisawl hi. Tua pen mihingte asi a om 

ma uh a hi hi. Vantung mite pen apianlim pek un mihingte sangin a lian 

zaw-a kibawl hi uh a, laphuakpa in mihingte “vantung mite sanga niam 

zaw deuh-in na bawl hi” mah na ci hi. Late 8:5.


Laisiangtho sungah vantung mite tamna, a vangliatna leh a 

minthannnate uh, leh vantunga teengte thu, Pasian’ Kumpina tawh kisai 

ama sepnate, eite hotkhiat nadinga a nasepnate uh, hong gen zo hi. 

“Topa in a tokhom van ah koih a, Ama gam in a vekpi huam hi” a na ci 

hi. Kamsangpa in “Topa tokhom kiim ah vangtungmi tampi’ aw ka za 

hi” zong na ci hi. “Vantung mi a thahat pha deuhte in” kumpite’ Kumpipa 

inn dei sung vil uh hi (512) ci hi. “Ama nasemte in Ama deih bang bang 

seem uh hi”. “Ama thu ngai uh hi”, Late 103:19-21; Mang. 5:11. 

Daniel in “Tul sawm mun tulsawmte leh a tul tul te” Dan. 7:10; in 

vantung sawltak na seem in om mu hi. Sawltak Paul in zong, “Akisim 

zo lo vantungmi tampi “, Heb. 12:22. ci hi. Pasian sawltakte ahih mah 

bangun amaute a paikhiat uh ciangin “Khuaphelep a bang uh hi”, Ezek. 

1:14, taang zia zua-in leeng zau zau uh hi. A kiliansak Assyriate kumpi 

Sennacherib in Israelte susia dingin, Pasian kosia in hong pai-a, hong 

nawk “ zan in Topa vantung mi khat pusuak-in Assyriate Giahphual va 

vaat a, mi 185,000 a va that hi.” Tua laitak ah “agalhaang thahat teng, 

abu makai teng uh” a si hi. “Tua ciangin Sennacherib maizumsa-in a 

gam ah a ciah kik hi.” 2 Kumpite 19:35; 2 Khangthangthu 32:21. 

Vantung mite pen migitna thu puak dingin Pasian mite kiangah 

kisawl zel hi. Abraham kiang ah thupha khaam dingin a ki sawl hi. 

Sodom kongkhakpi ah midik Lot in dan a thuak loh nadingin a honkhia 

dingin kisawl hi. Sehnel gama gilkial lungkhama a sih dektak laitakin 

Elijah kiangh kisawl hi. A galte in khuaneu khat ah Elisha kiim-uum a a 

kalhcip laitakun tua khua kiimkot ah sakol leengte leh sakol meikuangte 

kualkhum sak hi. Lawki kumpipa khat zum sunga Pasian pilna angeet 

laitak leh humpinelkai kua sunga akikhiat laitak in Daniel kiangah 

vantungmite ki sawl hi. Herod thong kaw-hawm mial sunga si dinga 

akikhum lai-in Peter kiangah vantungmi a kisawl hi. Philippi-a 

thongkiate kiang khawng, Paul leh a lawmte tuipi tunga a tuahsiat lai 

khawngun vantung mite va pai uh hi. Kornilius in Lungdamna Thu 

saang dinga a lungsim a honsak ding, Peter in hotkhiatna thu lawkite

KHA GILOTE’ SAWLTAKTE 519 

tunga a thehkhiat ding laite in siangtho vantung mite hong kisawl a, a 

khang khangin Pasian mite adingin na a seem uh hi. 

Khrist nungzuite khempeuh a cing dingin vantung mite ki seh 

hi. Tua thu pen (513) Satan mah mah in zong thei a, “Job in Pasian 

hong mawk zah tak ahi hiam? Amah leh a innkuan leh a neihsate 

khempeuh na hutna-in a kimkotah dai kai hilo nahi hiam? “ a ci hi. Jop 

1:9,10. Pasian in A mite keem-a a sawl sawltakte thu laphuakpa inzong 

la-in a sa hi, “Amah a zahtakte’ kim-ah Topa’ vantungmi in giahphual 

sat a, amaute honkhia hi.” Late 34:7, ci hi. Honpa in zong Amah a 

umte thu a genna ah, “Note in hih naupangte khat peuhmah na simmawh 

lohna dingun ka kikeem un. Bang hang hiam na cih uh leh, amau’ vantung 

mihingte in, vantungah a om ka Pa’ maitang amu niloh uh hi. “ Matt. 

18:10 a ci hi. Pasian mite cing dinga kiteel vantung mite in Ama maitang 

va mu den uh ahi hi. 

Tua bangin tawlnga lo-a vantung mite kepna tawh Pasian mite 

in ihmu lo-a om khuamial ukpa’ kheemna leh agilo khaate’ galdo na 

pan suakta thei uh hi. Kisam lo hi leh vilsak lo ding hi. Gilopa sawltakte 

in khauh tak-in nawk nawk ding uh a hih ciangin Ama mite thupha leh 

hehpihna tawh keem ding cih Pasian in kamciam hi. Tua agilo sawltakte 

pen tam mah mah uh a, lungsim khauh leh kuhkal tuah in mi bawlsia uh 

ahih man-in kiginglo awlmawhlo-a om tawh kisuakta zo lo ding hi. 

Khaa gilote zong akibawlcil-in tu-a Pasian sawltak asiangtho 

vantung mite bang mah in mawh baanglo, akizakim, avanglian, aminthang 

ve ahi uh hi. Ahih hangin mawhna tawh hong puuk uh a, amaute 

kipawlhon-in Pasian langpang ding leh mihingte kisiat nading hong 

hanciam uh hi. Satan tawh tualgal bawl-in kikop uh ahih manin amah 

tawh van pan kinawhkhia khawm uh hi. Kum tampi sung Satan tawh kop 

in Pasian langdo in na seem uh hi. Laisiangtho in eite kiangah amaute 

omzia, a gam uk dan uh, akikopzia uh, apilna uh, a khelpilna dan uh, leh 

mite nopsakna leh galmuannate a suksiat nopzia uh hong hilh hi.


Laisiangtho Lui Tangthu in tua gilo-sawltakte thu ong kidawk 

sak zel hi. Ahih hangin Khrist leitunga hong nuntak sungin tua a gilo 

khate’ nasepna uang pen hi cih zong hong dawk hi. Mihingte hotkhiat 

nading vaihawmna tawh Khrist leitungah a hong om lai tak in, Satan in 

leitung uk cip ding a hanciam hi. Amah in Palestin gam teng lobuang 

leitung buppi mun (514) citeng ah milim biakna khawng na phut kawi 

kawi khin hi. Mawhzolpa tunga aki-ap khinlo zek gam khatah Khrist in 

vantung khuavaak mite tunga puak dingin a hong pai hi. Hi laitak ah 

tungnungpenna kituh vangliatna nih ong om hi. Jesuh in itna tawh a 

khut hong vaan a, Ama kiang ah maisakna leh galmuan-nopna ngah 

dingin hong sam hi. Khuamial ukte in amau ut bang un a ukna aneih 

zawh loh lam uh kimu uh a, Khrist nasepna hong picing leh amau ukna 

bei hiau ding cih zong amu uh hi. Satan zong akikhihcip humpinelkai 

lunghaam bangin heh a, mite pumpi leh khaa susia dingin ama vangliatna 

a zangh hi. 

Mihing dawilut cih pen Laisiangtho Thak sungah teltakin kigen 

hi. Tua banga a bawlsiat mite pumpi cinatna a thuak bek hi lo uh hi. 

Khrist in tua bang mite teltakin thei a, a tel et ciangin kha gilote lut hi 

ci-in mukhia pah hi. 

Gadara-a dawilut adamsakna ah Khrist vangliatna leh migitna 

hi taleh, dawite a phazah leh a vangliatna uh leh a gitloh nasepna, a 

kithasaanna te uh Laisiangtho in gen hi. Tua dawi gilote lutna mi kep 

zawh-in om loin kikhuuk gawp, cilphuan bua gawp-in lunghaam-in 

kiko vua vua den hi. Amah mah kigimbawl-in a nehkha mi om leh zong 

lauhuai hi. Tua a pumpi liamna asisan luannate, lungmawka-gamta 

khawng khuamial kumpipa in muhnopsa-in a lungkim mai hi. Tua 

dawilutpa in, “Ka min Legian hi, tampi tak hi ung” ci hi. Mk. 5:9. 

Rome galkapte sung ah legion khat a kicih ciangin galkap tul thum pan 

tul nga bang pha thei uh hi. Satan galkapte zong alom lom-in kipawl uh 

a, tua lom khat pen Legion khat sangin tawm zaw lo hi.


Jesu sawlna tawh tua khaa gilote tua mipa sung pan taikhia uh 

hi. Khagilote in a nusiat khit uh ciangin tua pa daai tak-in Honpa khe 

kiang ah tu hi. Migi-in pilvaang-a thu dik mah mah hi. Ahih hangin vok 

honkhat tuipi sunga atuak mang sak dingin phalna dawite ki pia hi. 

(515) Gadara-a teengte in hih supna pen Pasianthupha angahnauh sangin 

lianzaw sa-in cidamsak Jesu pen a kiang pan-un a paikhia dingin angen 

uh hi. Tua bang pian vive-in Satan in piang sak nuam hi. Tua supna 

pen Jesu ngawh-in ahuaiham mi patau sak uh a, Ama thu a kingaihloh 

theih nadingin dal pah lian uh hi. Satan in Khristiante pen supna 

piangsakte hi ci-in a ngawh den mah a hi hi. Kamsiatna, leh thuaksiatna 

tuam tuamte atun ciang in zong apiangsak pen angawh sang sik in 

Khristiante a lehngawh lai hi. 

Ahih hangin Khrist vaihawmnate bel kidal zo lo hi. Tua khaa 

gilote in vokte a suksiat ding pen bel a kiphal mah ahi hi. Bang hang 

hiam cih leh Jews te in tua a siangtho lo ganhingte khawi-a sum ngah 

ding a hanciam se se uh a taai na a hi hi. Khrist in dalsak lai zaw hi kei 

leh a vok bek zong hi loin a vokcingte leh a vokneite nangawn asikhin 

ding uh ahi hi. Sihna pan a kisiit laiteina zong Ama vangliatna bekmah 

in adal thei hi zaw lai a, amaute hotkhiat nadingin hehpih a migi taka 

kithasaan kul lai zaw deep hi. Hih thu apiansakna ah a deihna dang 

khat om lai hi. Nungzuite in Satan’ khaa gilote mihing sunga a lut theih 

mah bangin ganhing sungah zong lut thei ahihna a theih ding uh deihna 

a hi hi. Honpa in Ama nungzuite in galpa nasep zia a tel theih uh a a 

kibingphuut khakna mun uh hong om ciangin ama ngimna in a 

kheemzawh loh nading adeihna ahi hi. Tua baan ah, Ama vangliatna 

in Satan hencipte khahkhia thei ahihna zong tua kuam-a mite in mu leuh 

a deihna a hi hi. Jesu a paikhiat khit hangin a nungah mite a suahtak 

theih na lam dang pen kikum uh a, thupha bawlpa migitna pen gen belin 

anei lai uh hi. 

Tua bang pian thupiang Laisiangtho-a ki gen gen tampi om lai 

hi. Syro-Phenicia nupinu’ tanu dawi in a bawlsiat khat zong Jesu in a


kam tawh tua dawi a hawlkhiatsak khat om hi. Mk. 7:26-30. “Dawilut 

mittaw-a a pautheilo khat mah” Matt. 12:22, tua leh “a pau theilo khaa 

in meikhuk khawng tui sung khawngh puuk saka a suksiat” khangno 

khat, Mk. 9:17-27. Dawi lut dang khat mah, “dawi nin in a nuai gawp” 

a, Lk. 4:33-38. Kaperanaum khua kikhopna ah mipi buaisak hi. Tua 

teng a migi Honpa in A damsak hi. Tua banga (516) a bawlna khempeuh 

phial ah Khrist in dawi pen pilna neilo bangin hopih-a, mi a bawlsia 

nawn lo dingin a sawl zel hi. Kapernaum khua-ah biakna pia-a om mite 

khempeuh in Ama vangliatna “Mi khempeuh in lamdangsa uh a, ‘Hih 

thu in bang thu ahi hiam? vangliatna tawh, kihhuai dawite thu a piak 

ciangin amau a pai khia uh hi,’ “ a kici uh hi. Lk. 4:36. 

Tua dawi lutte a tam pen in cina thuaksiate ahi zel uh hi. 

Pawlkhatte dawilut ahih lam akithei nai lo pawl zong om hi. Mihing 

neih ngei loh thu ahih manin deih pong mawkna tawh Satan huzaap a 

na saang zong pawl khat om hi. Tua bangte pawl pen dawite tawh kido 

kha lo uh hi. Tuate lak ah dawi ai-siam pawl zong om hi,—Simon 

Magus cihte, Elymas mitphial lakpa te pawl, Paul leh Silas te Philipi 

khua dong a zui numeinu te pawl a hi uh hi. 

Khaa gilote thuzawhna lakah, Laisiangtho lopi-in dawi om lo hi 

ci-a nial het pawlte din mun sangin alauhuai zaw om lo hi. Amau omzia 

ih theitello in ih phawk khak loh sung mah in gamlapi na mai nawt khin 

uh hi. Ami pum neii pen in ama pilna, ama lungsim zanga gamta niloh 

akisak khak sungin tua khaa gilote geelna bangbanga paipai a na hi zaw 

kha thei hi. Tua man mah-in hun bei nading naita a Satan in zuaukheemna 

leh suksiatna dingin a vangliatna zat theih tawp-in a zangh hi. Mun 

khempeuh ah amah omlo ci-a upna pen mite lak ah a theh kawi kawi hi. 

Ama omzia maan pen bel iim-in, a sepdan khawng a selsim den mah a 

ngeina a hi hi. 

Eite in ama vaihawmna I theih pih khak ding alau zah-in khemdan 

siampenpa-in launa dang neilo hi. A meel seel-a a ngimna tak a picin


theih zawk nadingin khembawlnate a sep ciangin amah leh amah a nuihsat 

huai lel banga kibawl na sanga a deih a lungkim zawk omlo hi. Amah in 

nuihzak huai, kihtaak huai dan-a a meel seelsim pen nop sa a, a 

piangsual—a lang mihing alang ganhing cih bang khawngin kibawl hen 

la mipil migina-a kiseh pawlkhatte bangin ama min ciamnuih bawlna, 

nuihzak bawlna-in zang leh zaknop a sa hi. 

Tua pen amah in a mai a tuamna nam khat a hi hi. Mi a suksiat 

zawh nading (517) in mite in, “Hi bang peuh mah om thei mawk ding 

hiam?” khawng ci leh a thusim pen hum zo zaw hi. Laisiangtho genna 

pawl khat a kitel mah mah lel munte a thukawng heii thei leh biakna 

taangpi in sang thei zaw a, a nasep picing thei zaw hi. Tua bangin 

Satan in mihing lungsim uk thei a, amau phawk loh kal in a thuzawh 

gige na hi kha thei zel cih Pasian inetteh ding tampi hong pia hi. Ama 

gitloh mi khelbawlnate, a simtham galdonate I mai ah kimu-in a hong 

nawk gawp loh nadinga kigalginna I suak sak ding hi. 

Eite in ih buk nading leh suahtak nading in a vanglian zaw ih 

Topa muta hi kei le hang Satan leh apawlte vaangpi leh mi’ etsatna in 

hong patau sak lua ding hi. Migilote in ei nuntakna leh ih neihsate hong 

lawk loh nadingin ih innte tawhbu leh kongkalhnate tawh limtak-in ih 

kalh thei hi. Ahih hangin a gilo vantung mite in eite hong nawk theih 

nading uh a zong den uh hi a, ei leh ei ki huu zo lo ihih lam pen ih 

phawk khol kei thei zel hi. Phal kha hi le hang ih lungsimte lakhia-in ih 

pumpi hong su lawi gawp-in ih neihsa leh ih nuntakna khawng te bawlzan 

gawp ding uh hi. Amau in tua buaina leh kisiatna te amuh uh ciang 

bek-in a lungdam thei uh hi. Pasian cihna nial in Satan mawh zolna 

mang ding in Pasian nusiatte din mun ding a lau huai mah mah hi. Ahih 

hangin Khrisit nungzuite pen Ama kepna sungah lungmuang hi. Vantung 

pan-in ahat phadiak vantung mite amaute keem dingin a kisawl hi. Pasian 

in A mite a cin’ sakna agilopa in nawklet zo lo hi.


32 

Satan’ Thaangkamte 

(518) 

KHRIST leh Satan kidona tu in kum 6000 dek tak bang pai khinta 

a, a sawt loin bei ta ding hi. Tua ahih ciangin mite ading deihsakna 

tawh Khrist nasepte susia dingin a hanciamna a zah nih-in khan to a, 

khaate a mat nadingin, gilopa in thaangte a kam kawi kawi hi. Ama 

deihnapi pen in Lungdamna Thu Palai sep khawl-a mawhsutna a bei 

dongin mite ki sik kik se loin khuamial sungah len cip thei leh a ut pha 

pen a hi hi. 

Ama vangliatnate dalna tuam om khollo a, pawlpi leh leitung in 

kikhelna mel neise loin a om hit hiat uh ciangin Satan bel lung muang 

mah mah hi. Bang hang hiam cih leh ama matsa khaa te in, “Gupna ka 

ngah nadingin bang ka bawl ding hiam?” ci-a a dot uh ciangin tua mun 

ah dingg-in Khrist vang leh ama vang tawi khai-in Kha Siangtho 

huzaapna talsik-in na dal tan hi. 

Pasian vantung mite Topa mai-ah thuko dingin a hong ki laak 

ciangin amaute lak ah Satan zong hong kihel hi, ci-in Laisiangthoin gen 

ngei hi. Job 1:6. Tua bangin ava ki hel ciangin Pasian bia nuam hi loin

SATAN’ THAANGKAMTE 525 

midikte a bawlsiat nop luat zawk man a hi zaw hi. Tua bang pian ngiimna 

mah tawh mite in Pasian bia dingin hong ki khop uh ciangin zong hong 

kihel zel uh hi. Eite muh loh-in simtham-in biakna pia mite lungsim a 

uk theih nadingin nakpi-in a hanciam hi. Galsiam galkapmang te in gal 

do nading a hun a tun’ ma-in geel sa-in a koih bangun a nasep ding 

geelsa-in a koih zel hi. Pasian thu puapa in Laisiangtho munte zong 

khia in mite tunga a hilh ding ciamtehna a bawl ciangin na et pih gige 

zel hi. Ama siam theih zah-in tua thuhilhna in (519) mite a lawn loh 

theih nadingin a hun a mun na uk a, a na nawng kaai sak zel hi. Tua a 

ki hilh thu a zak ding a kitaangsam pen pen mi khat peuh mun dang 

khat-a a kihel loh a pha mawh het ding thu khat peuh na om sak a, tua 

mun panin kisam khia sak helse-in tua thu zakha lo dingin a bawl hi. 

Tua thu za leh nuntakna a ngah zo ding mi hoih ahih manin a tua cih loh 

nadingin a hih theihzah-in a na dal hi. 

Khaa lam khua mialna in mite tuamcip ahih manin Topa naseemte 

lungkham mah mah uh ahih zong Satan in a mu gige hi. Amaute 

thungetna kammalte zong za gige hi. Awlmawh meel neih lohna, 

thoptatna, thadahnate a bei khiat nadinga Pasian hehpihna leh vanglian 

a ngette uh zong a ngai gige hi. Tua ciangin tha nuam takin hong seem 

to pah zel hi. Mite zol-in, uisan na, leh a dang zongsatna khat peuh 

tawh a lungsim te uh mawl sak phot-a, zak leh theih ding akisam mah 

mah thute thei lo sak hi. 

Laisiangtho sim leh thunget a awlmawh lote ki thuzawh baih hi 

cih pen Satan in tel mah mah hi. Tua ahih manin ahi thei zah-in lampi 

zongin mite lungsim manlah sak hi. Mi pawlkhatte in mi hoih hi’ng kici 

nuam napi uh in, thumaan om bang zui lel peuh ning ci loin, a kilempih 

loh khat peuh’ mawhna leh a upkhialhna zong niloh thei uh hi. Tua 

bang mite pen Satan khut zat a hi hi. Sanggam te a mawhna a zong den 

mi tampi om uh hi. Pasian leh anung zuite in na a sep ciangin tua Satan 

khutzat mite zong na mot omlo zel uh hi. Ama naseemte in Amah bia 

uh hi. Thumaan zuite aki muhkhhialh nadingin a kammalte leh gamtatnate


a maan lopi in gensiat sak uh hi. Khrist adinga naseem kuhkal pen pen 

te bang mi khempa peuh, mi’ kheemsa peuh ci in gen sia uh hi. Mi gina 

leh mi thupi te mah zong a leh lam lam-in heek uh hi. Thu theikhin nai 

ngaplopite a gensia uh hi. A siangtho a dikte nangawn misia mi kheem 

theite, ci-in a ngaihsut theih zah-un a gensia uh hi. 

Ahih hangin kuamah taksan se kul lo hi. Amau in kua’ mi hi a 

kua’ nungzui hiam, kua’ na seem uh hiam cih pen kithei thei lel hi. 

“Amaute gah en le’uh teh, amau lungsim na thei ding uh hi.” Matt. 

7:16. Amau nasep in sihna gunei, mi gensia Satan omzia mah zui-in 

“ih u ih naute, I Pasian mai-ah sun tawh zan tawh a mawhsak” (520) 

mah bang lian uh ahi hi. Mang. 12:10. 

Mi khem lianpa in khaate siah nading lampialna a nam nam-in 

a nei hi. A suksiat nop mite’ duh leh deih theih theih ding na khat 

pepeuh lampial nadingin siahna in koih khol gige hi. Pawlpi sung ah 

acitak lohna, khalauna leh uplahnate a piangsak pianthak lohnate a 

guang hi. Pasian nasepna tawh kizui in khantoh ding leh manawt ding 

alunggulhte khaktan a sawm hi. Khristian zong hi mah sam napi, Pasian 

a um tak zolo mitampi in, asan dingin thumaan pawlkhat hoih asak uh 

hangin, upna maanlote Laisiangtho hilh upna zah mah-in guang khawm 

thei lai hi. 

Mite in bang bang um taleh bang phamawh hiam cih dinmun pen 

Satan’ mi kheemna hoih pen a hi hi. Amah in thumaan pen deih takpina 

tawh ana kisan’ ciangin a saang mi in sianthona ngah lawh ahih ciangin 

tua thumaan pen a taksalo, a huut akhial Lungdamna thu dang khat a 

suah sak theih nadingin bawl hi. A kipatcil pan phet-in Pasian nasemte 

in zuauthu hilh siate langdo-in nial uh hi. Tua zuauthu hilhna pen migilo 

hi bekmawk loin khialhna lam vive pantah hi a, mite’ maibing sak a hi 

uh hi. Pasian thumaan a heii te Elijah, Jeremiah, leh Paulte in khauhtak 

leh dual lo takin langdo-in nial uh hi. Thumaan len misiangthote leh 

upna maan a thupi sim lo mite aki hua mah mah uh hi.


Laisiangtho khiatna aki leh lak-a, phuahtawm peuh in a ki 

hilhna te, Khristian lak ah upna kaa zia zua a ki-tukalhte pen mite 

buaisak-in thumaan atel theih loh nading uh a galpa nasepna ahi hi. 

Tua banga Khristian sung ve ve pawlpi kilem lo-a ki phelkhapna a 

piangsak thu in Laisiangtho amau deih bang taka kaai a, a saan’nate 

hang uh a hi pah hi. Amau deihna bul akipsak nading bek in hanciamin 

a sim man uh ahi zaw hi. 

Upna maanlo leh Khristian gamtat maan ahi lo khat peuh zuihnop 

man in pawl khat te in (521) Laisiangtho sung mah hinapi atung anuai 

tawh kizom lopi-in ama deihna tawh kituak aneu khat sung bek peuh 

lakhia lian-in zangh thei uh hi. Tua bangte abaan sim lai le uh a thubulpi 

deihna kitelkhia pah lel dinga, amau cih tawh a ki-lehbulh khiatna nei 

peuh na hi thei zaw sop ding hi. Gulpi thukawi pilna mah zui-in, akisai 

lopi-in amau pumpi deihna tawh a kilem thei dingin a zom mawk uh a hi 

lel hi. Tua bangin mi tampi in Pasian kammal lumlet uh hi. Kim khate 

ta leu leu in amitkhaa uh-a a muhna bangun limlahna tawh kigen 

Laisiangtho munte amau upkhialhna zui-in akhiatna la uh a, Laisiangtho 

teci pangsak bangin kinei in amau deih banga akhiat uh tawh akhel avet 

in Laisiangtho sung thuhilhnate genkhia se uh hi. 

Bang hun bang hun hi taleh thungetna leh kiniamkhiatna lungsim 

leh zuihnopna lungsim tawh Laisiangtho akisim loh ciangin a kitel pen 

pen munte leh a gennop pen pen munte na ngawn ahaksa pen pen mun 

te bang mah suak-in a khiatna maan pan in kiheiikhia kha pah pah hi. 

Papal makaite in Laisiangtho munte alom no no in amau deihna tawh 

kituak dingin teelkhia uh a, amau vaihawmna a huh theih dingin zangh 

uh hi. Tua hangin mite in amau thu-in Laisiangtho sim-a, a khiatna a 

theih na ding uh hamphatna a taan lawh uh hi. A tatak in cile hang 

Laisiangtho buppi mite kiang ah pia-in a om bangin a simtek ding uh a 

hi zaw hi. Tua hi leh deih kaihna tawh Laisiangtho hilh sawnna cihte 

om selo dinga, amau leh amau in sim in, a telna bang bang uh amau 

adingin hoih zaw mah mah ding hi.


Laisiangtho pen Piangsakpa’ deihna athei nuam mi khempeuh 

adingin lamhilh-a zat dinga hong ki pia ahi hi. Pasian in a kician mah 

mah hilhkholhnate mihingte tung ah hong pia hi. Vantung mite leh 

Khrist mah mah in Danielte, Johnte tungah mailam thu piang dingte a 

theih theih nadingun na hilh hi. Eite hotkhiat nadinga akul munte theih 

zawh loh-dingin na koihlo hi. Tua thute in thumaan deih taktaka azong 

mite buai nading leh lamkhialh nading na lak zenzenlo hi. Topa in 

Habakkuk tung ah, “Nang ka hong muhsak thukhem peuh, a sim nop 

mahmah dingin,….taai kawm na ngawn-a sim theih dingin bawl in” na 

ci hi. Hab. 2:2. Pasian kammal te pen lungsim tak leh thungetna tawh 

a ki sim leh a kitel mah mah dinga kigelh a hi hi. Thumaan deih takpi 

khempeuh in thumaan mu ding uh hi. (522) “Thuman mite’ tungah 

khuavak hong taanga” hi. Late 97:11. A kiseel van manpha zon bangin 

thuman azong lo pawlpi peuhmah in siangthona ah a ma uh sot zo lo 

ding uh hi. 

Suahtak nopna leh zaleen’na paulap in galpa thangzak mulo ding 

in mite mit-taw sak in a khemna tawh Satan in ama deihna ah atun zel 

hi. Mihing’ geeltawm thusuak tawh “Ka suakta uh hi,” acih nateng pen 

uh galpa lawhcinna ahi zaw hi. 

Mi tampite adingin pilna tawh nate telkan in zonkhiat theihna 

pen sam-siatna a suak hi. Pasian in leitung ah pilna siamnate a 

kimuhkhiat nadingin khuavak tampi piak dingin thu a pia hi. Ahh hangin 

lungsim pilna saang pen nangawn Pasianthu tawh a kimakaih kei leh 

amau muhkhiat thute leh Pasian lahkhiat thute kitukalhsa in abuai lel 

ding uh hi. 

Mihing muhkhiat pilnate pen, leitung nate ah hi ta leh, khaa lam 

thute ah hi ta leh, a them neng bek hi a kicingtaak hi nailo hi. Tua ahih 

manin amau muhna pawl khat pen Laisiangtho genna tawh kilem thei lo 

tampi om hi. Mi tampi in mipilte muhkhiatte “pilna a kici khem” thute 

pom bel in nei uh hi. Tua tawh Pasian kammalte sittel zaw sop uh hi. 1


Tim. 6:20. Piangsakpa leh A nasepnate pen mihing’ lahtel theih dingin 

aki muhpih zo nawnlo tampi a om lai hi. A muhpih banloh uh thute pen 

amuhtheih nate omzia thukhun te tawh alah tel theih loh uh ciangin, 

Laisiangtho pen muan theih ding hi lo hi cih sak zen zen uh hi. Tua 

banga Laisiangtho Lui leh Thak thu amuang zolo mite hong kalsuanto 

lai uh a, mongnei lo Vangliatna nei Pasian om lo hi dingin hong um to 

leu leu uh hi. A kipiangsak nate in mong neilo vaang a nei zaw dingin 

seh uh hi. Tua caingin, amau aleenkip ding thuman sikkawipi pen khah 

suah uh ahih manin uplahna suangpi tawh a kitat tat lel dingin tua bang 

mite ki nusia ta hi. 

Tua bangin Dawi khemna tawh mi tampi lamkhial uh hi. Mihingte 

in amaute a piangsakpa sangin pil zawk ding hanciam uh a, mihing 

ngaihsut pilna bek tawh khang tawntunga kitelsiang ngeilo ding thute 

zon khiat a sawm uh hi. Pasian in Amah leh A thu hong theihsak nopna 

ciang lel mah theih tel sawm hi le uh Jehovah vangliatna, minthanna, 

lamdannate thei in amaute neuna leh bang mah tham ahih lohna te uh 

mu ding uh a, amaute leh atate uh adinga kilak nate hangin (523) lungkim 

zaw ding uh hi. 

Pasian in eite tung lahkhiat ding a sawm loh, ahong lahkhiat 

ngei lohpite theih khiat teitei sawm-a zon tei teina pen Satan mi khemna 

ah a picin’ theihna khat mah ahi hi. Tua bang linlian hang mah in Lucifer 

in a van dinmun a taan ahi hi. Amah in Pasian thusim teng 

atheihpihloh manin lungkim zolo hi. Amah akipia dinmun sang mahmah 

muna asep ding akilak pen hawmthawh in awlmawhlo, donlo zaw mawk 

hi. Vantung mite hansuah a, ama lungkim loh banga lungkim lo teng 

tawh puukna hong piang sak hi. Tu in amah in tua lungsim mah mite 

lungsim-a a guan zawh nadingin thun a, Pasian hong sawlnate awlmawh 

lo dingin a makaih hi. 

Laisiangtho thumaan ahi bang taka saang nuam lo mite in lungsim 

a hai sak thei lel phuahtawm tangthute, zon beh beh ding uh hi. Khaa lam


thu ah ei leh ei ki ukna, kiniamkhiatnate akiam ciangin amau lungdamna 

hi sem sem hi. Tua bang mi in amau ci le sa deihna asep theih nadingun 

apilnate uh a niamkhiat uh hi. Amau leh amau pil kisa lua uh ahih manin 

Pasian makaih-a Laisiangtho simding leh nakpi thungen-a kisik kikna 

lungsim khawng kul sa lo uh hi. Tua ahih manin khemna dal nading a nei 

lo uh a suak uh hi. Satan in tua bang lungsimte’ ut-te na pia zel a, siing 

kuang leh ai-kuang khek bangin, thumaan mun ah khemna a na koih sak 

zel hi. Tua bang mah-in papacy in avangliatna mite tung ah zangh hi. 

Thumaan ah singlamteh om ahih man-in pua nuam lo uh hi. Singlamteh 

pelh nading lampite mah hong tawh to leu leu uh hi. Tua bangin a nuam 

bek leh ngeina bang bek in mang-a Pasian thu a awlmawh lote in leitungte 

tawh kilamdanna nei lo ding uh hi. Biakna thumaan pana lampialte ci-a 

mawhsakna a thuak dingin kinusia ding hi. Thumaan nial a sawm viu veu 

het te in lamkhialh theihna khempeuh ah zui pahzel ding hi. Khemna nam 

khat a en ngam lo khat in a dang saang veve mawk ding uh hi. Paul in tua 

bang mite a genna ah, “tua mite in gupna ngah nadingun ki-itna tawh 

kipawl thuman a sang kei uh hi. “ “Tua ahih ciangin amaute in thuman 

thutak um loin, gitlohna-ah a nuamsa mi khempeuh in thukhenna ngah na 

ding un, zuau thu um dingun, khemna in hahkata a sep theihna thu Pasian 

in a maute lakah a piangsak hi.” 2Thess. 2:10-12. Hih (524) kihilhna 

eite mai ah kikoih ahih ciangin I saan’ thu bangci thu hiam ci in I kidop 

ding hoih hi. 

Mi khempa’ lawhcin theihna te lak ah a thupi pen pen in sikha 

hopihte hilhna leh na lamdang bawlna te a hi hi. Mite upmawh loh 

hetna munte ah khuavak vantung mite bangin kibawl-in Satan in a ngeen 

na phah pah pah hi. Pasian thu nakpi thungetna tawh simle uh khuamial 

lak ah mite kinusia mawk lo dinga, amaute in upna maanlote thei tel 

pah ding uh hi. Ahih hangin thumaan nial uh ahih manin, khemna in a 

pum mat ding suak uh hi. 

A lauhuai lampialna dang khat om leu leu hi. Tua pen Khrist-ii 

Pasian hihna a nial upna a hihi. Hihleitunga mihing a hong om ma in


Khris pen a om ngei nai lo hi ci uh hi. Hih upna pen Laisiangtho ka um 

hi aci mite lak mah ah tampi a om hi. Ahih hangin amau upna pen 

Honpa in A Pa tawh a kipumkhat in, Pasian-hihna, leh atawntunga hihna, 

Amah mah in apulaaknate tawh kilehbulh mah mah hi. Hih bang hilhnate 

pen Laisiangtho a lehlam ta-in saang ding I hil kei leh lungkim taka up 

theih mawk ding peuh mah hi lo hi. Tua in mite lungsim sung ah 

Honpathu neusim sak tuam mahmah tham loin Laisiangtho zong Pasian 

hong piak ahihna pan niamkiat sak tuam peuh mah hi. Lauhuaina 

apiansak zah mah bangin zong nial hak hi. Mite in Khrist ahihna 

Laisiangtho pan ahong nial khit uh ciangin i va kikuppih hangin zong 

phatuam zo nawn khol lo a, kiselnate in bun ta leh a lungsim uh sukha 

zo lo hi. “Leitung lungtang a nei mi in Pasian’ Kha Siangtho’ nate 

amang kei hi. Bang hang hiam na cih uh leh, tuate haina a sa uh a, tuate 

Kha Siangtho bek tawh kikhen tel thei ahih ciangin amah in a thei zo 

kei hi. “ 1 Kor. 2:14. Hih bang upna nei mi peuhmahin mite hotkhiat 

nadinga Pasian vaihawm na ahi Khrist nasepnate, ahi ding bangin saang 

kha theilo leh a mankha theilo uh ahi hi. 

Lungsim khel leh a lauhuai mah mah lampialna dang khat a om 

lai hi. Tua pen Satan in pumpi nei mimal hi lo hi cih upna ahi hi. Tua 

upna pen kizel baih mah mah hi. Laisiangtho sunga amin akigengena 

pen mihingte lungsim gilo leh lunggulhnate limla a kigenna hi lel bek hi 

ci uh hi. 

Pulpit tampite panin taang zai takin akihilh thu ahi, mi khat asih 

ciangin ama ading (525) in Khrist nihveina a hong pai hi pah lel hi, cih thu 

tawh mite lungsim lampial pihna in van meii tawh ahong pai nading upna 

bei sak hi. Kum tampi sung Satan in, “En un, Amah inndeih sungah om 

hi” acih densa hi a, mi tampi in hih kheemna hangin gam mang uh hi. 

Leitung pilna in thungetna kisam lo hi ci in hilh hi. Mihing pilna 

mah in thungetna ahong dawn kik ding a om hi lo hi. Hong kidawng 

phial hi mah leh zong ngeina susia hi dinga, na lamdangpi khat hi ding


hi. Na lamdang ahi lo dingpi khat hi thei mawk, cih pen a om-in om lo 

hi ci uh hi. Amau in, van leh lei na khempeuhte in ki ukna ngeina kip 

khat a zui hi uh a, Pasian mah mah in zong tua ngeina kip tawh kituak 

loin bang mah bawl lo hi ci uh hi. Pasian mah mah zong tua Ama 

bawlsa ngeinakipte in hencip in ukzaw a, Amah mah in a lehzuih bangin 

gen uh hi. Pasian thukhamin a Pasian nangawn a To-peng saklo bangin 

agen uhhi. Tua bang hilhnate pen Laisiangtho tawh kilehbulh hi. Khrist 

leh nungzuite in nalamdangte bawl takpi mah hi lo uh ahi hiam? Honpa 

in leitung mihingte laka hong teen lai mah bangin tu mah mah-in zong 

nungta a, upna tawh thu ngetnate hong za in hong pia nuam den a hi hi. 

I pianlim in ei pianlim sanga gol zaw tawh akizom ih hi hi. Upna tawh 

thu I nget manin hong kipia thupha pawl khat pen ngen lo hi le hang a 

hong piak loh ding kim lai hi a, tua pen Pasian in eite adinga hong seh 

sak khat mah a hi hi. 

Khristian pawlpite lak ah upkhialhna tuam tuam leh lungsim 

mialsak thu tampi sim zawh loh in hong lut hi. Pasian kammal in 

akipsaksa gamgi suang phuh khat I khiin khiat ciangin a thaman bang 

teng in hong zui hiam cih pen kigen khin zo vet lo hi. Tua banga gamgi 

a botkhia ngam mite lak ah thumaan khat a nialna bek tawh a khawl 

thei mi tawm mah mah hi. Mi a tam zaw in thumaan khat khit ciangin 

khat pai khia zel ding a, thu um lo a bat dongun behlap lap ding uhhi. 

Theology lampialnate in mi tampi upna kip nei lo suak sak hi. 

Tua thute om zen zen lo hi leh Laisiangtho a um thei ding mite ahi uh 

hi. Tua thu a saan’ khit uh ciangin Laisiangtho hilh thutangna, migitna, 

thupha bawlnate saang thei nawn lo uh hi. Pasian kammal om bangin a 

saan’ ding nial sak zaw ta hi. 

Hih pen Satan in a nasep a zawh theih nadingin a ngimbulpi khat 

hi den hi. (526) Pasian muanna leh Ama thu muanna a suksiat zawh 

nading sangin a deih zawk bang mah om lo hi. Tua akhalau upna kip lo 

galkap honte mai ah Satan pen amakai lutangpi in dinga, ahih theih


tawp suah-in mite ama dinmun bang a tun’ theih nadingun kheem in a 

makaih hi. Tua bangin uplahna pen kizepna puanhoih silh bangin nei ta 

zaw uh hi. Tu in mi tampi in Pasian kammal omte muanlahna tawh en 

uh a, A neipa zong tua bang mah-in muang zo lo uh hi. Bang hang hiam 

cih leh, Pasian thu in mawhna kawkkhia in mawh sak hi. Tua hilhna a 

saang nuamlo phot te in tua aana paikhia nuam uh hi. Laisiangtho 

simna sabuai siangthote pana thu kigente a ngaih uh zong a Laisiangtho 

leh a sermon pen amawh mat nop man uh a hi hi. Ahih ding bang hihlo 

uh ahih manin amau ki awnghonna leh a kidiksak nop manun thu umlomi 

asuah lawh hel mi tawm lo hi. Pawl khat leu leu pen a tha dah man uh 

leh a ki sak theih manun mi kiplo a suak uh hi. Zahtakna ngah thamcing 

dingin nakpi-a sepna leh kipiak zawhna kul ahih manin, amau ngimna 

ah a sangzaw pilna leh pahtawina a ngah nadingun Laisiangtho gensia 

in a hun uh a zangh uh hi. Ciangtan nei mihing lungsim tam zat lua uh 

ahih manin Pasian pilna khuavak ngah lo uh a, zong thei tel theilo uh 

ahih manin a gensiat nading uh a zong zaw ta uh ahi uh hi. Mi tampi in 

thu um lo, thu khel, leh biakna nei lo-a om lel khawng thupina in hong 

la zaw ta mai uh hi. Mi hoih-a a kidawk hangun a lungsim nuaiphah 

pipen uh in kisaktheihna leh ki-pum-muanna a hi hi. Mi tampi mah in 

mite in lamdang asak ding thu khat peuh Laisiangtho sung pan-in 

muhkhiat pen nop a sa uh hi. Pawl khatte in a kinial nop manun akhial 

lam ah pangin gensia phot uh hi. Amau in thangsiahpa thangkam sunga 

akitawl saan lel uh ahih lam akithei kei uh hi. Tua bangin a uplohnate 

uh a langtang in gen uh-a, a dinmun ding uh zop a sawm uh hi. Tua 

bang gamtatna in mi hoihlote tawh kipawl uh ahih manin Paradis 

kongpua ah amau leh amau kikalhnelh a suak uh hi. 

Pasian in A kammal Laisiangtho sung ah Ama nunzia le gamtatna 

ateltak-in gen hi. Mihingte hotkhiatna thu tawh kisai thute zong kitel 

tak-in gen hi. Ahong kikhaam Kha Siangtho huhna tawh tha nuam taka 

a zong mi in tua thumaan ama adingin a tel thei ding a hi hi. Mite in a 

upna uh (527) a phuhna ding uh mun kip Pasian in apia hi.


Ahih tei hangin aki-ciangtan mihing lungsim in aki-ciangtanlo- 

Pa ngimna leh vaihawmna pen kimtakin theih pih khin zo lo hi. Pasian 

pen mihingte zontawm muhtawm zawh theih hi lo hi. Tua ahih ciangin 

Ama thupi’na leh vangliatna aliah puandal pen zum mawh liang-a va 

leemkhia-a, teel siang zawh ding hanciam pen, asawm-in sawm kei 

zaw ni. Sawltakpa in, “Pasian’ hihna leh pilna leh siamna in bangzahin 

thuk hiam! A thukhennate kuamah in thei zolo hi! A paina lampi zuiin 

ih zon’ hangin ih mu zo kei hi! “ ci hi. Rom. 11:33. Eite theih 

pihna ciang pen Amah in eite hong kem a Ama hong huhna tawh ki 

gamtang in, mong neilo itna migitna leh vangliatna tawh hong don hi 

cih ciang bek a hi hi. Van-a ih Pa in nakhempeuh pilna leh thumaanna 

tawh uk hi. Eite in lungkim lo leh muang zolo peuh-in a om ding ih 

hikei hi. Zahtakna tawh ki ap-in amai ah ih kun lel ding ahih zaw hi. 

Amah in eite ading a hoih ding ciang, leh Ama hong vaihawm sakna 

teng hong thei sak ding hi. Tua baan teng pen vangliatna khempeuh 

len Khut leh Itna tawh kidim Lungtang neipa khutsung ah lung muang 

taka ih ap lel ding ahi hi. 

Pasian in ih upna ding ciang etsan hong pia ahihcingin uplah 

nadinga paulap theih khempeuh abei dong in hong khinkhiat sak se 

khollo kha ding hi. A um lah nuamte in paulap zong le uh na om zel 

ding hi. Pasian thumaan saan’ nading anial photte in ahong dal khempeuh 

a kinilkhiat-a uplah nading a om nawn het loh dong ngak niloh leh, tua 

mi in khuavak hong zuan ngeilo ding hi. 

Pasian muanlahna pen lungsim thaksuak mite pianzia ngeina hi 

a, Ama adingin muhdah huai hi. Ahih hangin Upna in Kha Siangtho 

guat hi a, tua pen ki puah leh a khang sem sem a hi hi. Lungsim khensatna 

leh kithasaan lo-in upna ah kuamah thahat thei lo hi. Pasian hong piak 

upna khoi nading tecite thudon loin, muanlahna idawksak ciangin 

uplahna pen amah leh amah thakhauh sem sem in, hong kip sem sem lel 

ding a hi hi.


Ahih hangin Pasian in piak dinga hong khap Ama thuphate 

muanglaha akhalau mite pen Amah neu seh-a a zahtak lo ahi hi. Khrist 

kiang ah midangte ava tunpih cih thadah amaute huzaap in midangte 

Khris kiang panin a nawhkhia zaw ding hi. Tua bang mite pen a (528) 

gahlo singkung hi a, amau hiang zaam kawi kawi-in kung dangte’ ni 

taang ngah nading deep-in, a liimvot ah a si sak hi. Tua bang mite 

kiang panin, akhan tawn tawlnga loin amaute langpanna teci bek akidawk 

den ding hi. Amau in muanlahna leh kiplohna khai-cii tuh uh a, pel loin 

agah alo kik hamtang ding uh hi. 

Uplahna pan asuakta nuam tatak mite zuih ding lampi khat bek 

a om hi. A tellohna munte uh mawhzonga a dot kik uh sangin a telsiang 

sak ding khuavak a ngah beh nading uh hanciamle uh khuavak lian zaaw 

a ngah beh ding uh hi. A theihsa uh thute ah zuih ding leh sep ding a 

om teng hoih takin sem le uh tu-a a uplahna munte uh ah theih-telna a 

ngah ding uh hi. 

Satan in tua banga khem theih dinga a omte tungah thumaan 

mah abang ve ve, khembawlna zuauthute a hilh pah geih hi. Tua ciangin 

thumaan tawh kizom ki-pumpiakna leh ki apnate aneilo mihingte a zo 

thei pah hi. Ahih hangin thumaan deih taktak-a bang zah-in haksa ta 

leh a thei nuamte ama vaangin lencip zolo zel hi. Khrist in “leitunga 

piang mi khempeuh a vaaksak” thumaan leh khuavaak ahi hi. John 1:9. 

Thumaan Khaa in mite thumaan om khempeuh ah a makaih dingin hong 

ki sawl zo hi. Pasian Tapa vangliatna muang in, “Zong un, na muding 

uh hi” Matt. 7:7. “Mi khat peuh in Pasian’ deihna hih ding a teel leh, ka 

thuhilna Pasian pan hiam…., cih amukhia ding hi. “ John 7: 17(ZIV). 

Satan leh a pawlte in amaute a do nading uh-a a vaihawm thusimte 

Khrist nungzuite in tawmtheih pih lua mah mah uh hi. Ahih hangin vantunga 

tu-a vaihawmnate khempeuh a thei khinpa in Ama sehna bang a kisep zawh 

theih nadingin a uk ding hi. Topa in mawhzolna meisa thuak dingin A mite 

a phal hi. Tua pen amaute thuaksiatna leh gimnate muhnop asa hi lo-in, tua


thuaksiatnate mahin a tawpna ah amaute zawhna ngah sak zo ding ahih 

man hi zaw hi. Amah in avangliatna tawh mawhzolna tawh kipelh dingin 

Amite liah den lo ding hi. A hangin, tua banga liahna tawh amaute picing 

thei zawlo ding uha, sittelna thuaknate in amaute dawi’ khimm-na panin 

dal thei zaw-in kiging thei zaw ding uh a hi hi. 

Migilote hi ta leh dawite hi ta leh in Pasian nasepna pen dalcip 

zo lo uh hi. A (529) mite a panpihna zong liahcip zolo-in, khakcip 

zolo ding uh hi. Bang hang hiam cih leh amaute in lungsim kisik kiknate, 

ki-pulaaknate, leh mawhna nusiatnate, ban-ah upna tawh Ama hong 

khap thuphate a ut bang bangun a ngen thei uh hi. Mawhzolna khempeuh 

leh langdona huzaap khempeuh te a kilang a hi a a simtham a hi zongin, 

“Tha gum hatna hang hilo, vangliatna hang zong hilo, keima tung pan 

nangah Kha hang bek tawh na ma na tun’ zo ding hi” mipite Topa in ci 

hi. Zechariah 4:6. 

“Topa mit in midikte en hi, a bil in zong amau thungetna a ngai 

hi…Note in thupha lamah lungsim a nei mi na hih uh leh, kua in note hong 

bawlsia ding hiam?” 1 Pet 3:12,13. Balaam zong letsaung lianpi in a khimm 

lai-in nuamtakin Israelte samsia ding, kithoihna biak piakna tawh Topa in 

A mite samsia sak dingin a hanciam laitak-in Pasian Kha Siangtho in thusia 

a lawhkhiat nop kammal dal a, Balaam in “Bangci bangin topa in a samsiat 

lohpi ke’n samsia thei ding ka hi hiam? Topa in a to lohte ke’n bang ci to 

ding ka hi hiam?” “Midik sihna bangin kei hong si sak in, kei beina pen ama 

beina bang hong hi sak in” ci hi. Kithoihna bawl pha leuleu uh a, a kipat 

phat kik uh hangin kamsangpa in, “Ngai dih un, Ama thupha piakte kei 

zong thupha pia dingin hong kisawl a, kei thu in ka lum let thei kei hi. 

Amah in Jakob sungah mawhna mu lo a, Israel sung ah thang huaina mu lo 

hi. Topa pen Amah Pasian hi a, amaute lak ah Kumpipa khat otna aw ka za 

hi”. “Jakob bum zawh nading omlo a, Israel phuisam nading thu om theilo 

hi. Tu hun laitakin Jakob leh Israel thu ah Pasian in bang bawl sak hiam a 

ki cih ding hun a hi hi.” Gamlakvakna 23:8, 20, 20, 21, 23; 24: 9. A 

thumveina biakna tau lam lailai in Balaam in samsia dingin kipan leu leu hi.


Ahih hangin a utlo kamsangpa muk in Pasian Kha Siangtho in Ama teelsate 

hamphat nading teng lo khia ngit nget mawk a, amau galte haina leh 

muhdahna taai taai kha zaw mawk hi. “Nang thupha hong piate in thupha 

saang hen la, nang hong samsiate in samsiatna thuak ta hen” ci zaw zek 

mawk hi. 

Israel mite pen hih hun laitakin Pasian tungah thumaan uh a, 

Ama thukham a zuih lai teng uh hih leitunga vangliatnate leh Hell 

nangawn in amaute zo zo lo uh hi. Ahih hangin Balaam in a samsiat 

ding a kiphal lo Pasian mite tung mahah atawpna ah khembawl-na tawh 

amaute mawhna ah hong tun zo ve ve hi. Pasian thukham hong palsat 

uh (530) ciangin Ama kiang panin amau leh amau hong ki khenkhia uh 

a, amaute susiapa vangliatna thuak dingin ki nusia hi. 

Satan in Khrist a beel mite laka a thaneem pen pente na ngawn 

khuamial sunga mipi te tawh tehna-in hat zaw pek zel lai cih thei hi. Amah 

tel takin va kilang leh nial in nolhkik thei ding cih zong a mu hi. Tua ahih 

manin singlamteh galkapte thahatnate kaihkhiat phot nading lampi zongin, 

ama galkapte tawh lam gei ah buk-in na bok khi khe uh hi. Tua mun anawkte 

a susia dingin pang gige hi. Ki niamkhiat taka Pasian tawh ki zop den na 

leh Ama thukhamte zuihna bek tawh eite ih suakta thei ding hi. 

Thungetna a om kei leh ni khat nagawn zong lungmuan’na ding a 

om lo ahi hi. A diak diak-in Topa kiang ah Ama thumaan ih theih siam 

nading ih ngen pha deuh ding hi. Mawhzolpa deihnate tel thei-a bang cih 

le’ng ama zolnate dal zo ding cih thute ih ngen pha deuh ding hi. Satan in 

Laisiangtho siam mahmahpa khat ahi hi. Laisiangtho bu mah leen in a deihna 

mun khat pen a deih bangin akhiatna lak hi. Tua tawh eite hong puuksak 

nadingin a seem hi. Eite in ki niamkhiat takin Laisiangtho sim in Pasian ih 

mit suan den ding a kul hi. Satan vaihawmnate pan ih kikep tawntung 

kawm-in upna tak tawh thu ih ngen tawntung dinga, “Khemna hong 

thuaksak kei in” ih ci tawntung ding hi.


33 

A Masa Bel Kheemna Lianpi 

(531) 

MIHING om cil phet-a ki pan in Satan in hong kheemna kipan pah 

hi. Vantung pana gal phuangkhia pa in Pasian’ Kumpina langpang 

huan dingin leitunga teengte zong hong zawn hi. Adam leh Eve in Pasian 

Thukham zuihna ah nopsakna kicing ngah uh hi. Tua banga a om 

laitengun, Pasian Thukham in Ama bawlsa khempeuhte’ nopsak nading 

teng dal in, gentheihna leh nuainetna thuakna suah hi ci-a vantunga 

Satan’ langpanna aman lohna uh a lak den uh ahi hi. Tham loin 

mawhbaang lo nupate inn dinga kipia mun nuam amuh ciangin a hazatna 

zong hong ultung mah mah hi. Mihingte puuk sak in, Pasian kiang pan 

kikhenkhia leh kei khut nuai hong tung thei ding uh hi, tua ciangin hih 

leitung beek ngah in, sangbelpa langpangin ka kumpigam phut leng, ci 

in khentat hi. 

Satan in ama meel takpi leh agamtatzia dawk sak pah leh, Adam 

leh Eve tungah tua galpa lauhuai zia teng akihilhsa a hih manin, tha 

khat-in na thal sawn pah ding uh hi. Ahih hangin Satan in a tupna a tun 

zawh theih zawk nading in ama ngimna taktak pen sel sim-in khuamial

A MASA BEL KHEEMNA LIANPI 539 

sung ah na seem a hi hi. Ama khutzat dingin ganhing laka mitla pen leh 

a meel hoih peen gul sung ah kiguanga, “Pasian in, huan sunga sing 

khat peuh peuh ne lo ding hong ci a hi nam?” ci-in Eve a hopih hi. 

Piancil 3:1. Eve in mawhzolpa tawh kisel ta dih lo-in kilel sak leh 

suakta zaw ding hi napi, amah tawh va kinial ngam kha a, galpa deihna 

bangin apuuk takpi hi. Tu in zong tua bang lim mah tawh (532) mi 

tampi zo in apuk sak to to lai hi. Pasian sawlnate muang pah lel zo loin 

lung hiangin taksan lahna lungsim nei zel uh hi. Tua hangin Pasian sawlna 

sangin mihing thutheihte saang zaw uh ahih manin, Satan in tua mun 

pan in lam apialpih pah pah hi. 

“Numei in gul kiang ah, Huan sunga sing gahte ka ne thei ding 

uh hi; ahih hangin Pasian in, huan lai zang-a om sing gah na ne kei ding 

uh hi, zong na lawng kei ding uh hi, tua bang hih le uh cin na si ding uh 

hi hong ci hi” a ci kik hi. “A hih hang in gul in numei kiang ah, Na si kei 

ding uh hi. Bang hang hiam cih leh tua singgah na nek ciangun na mitte 

uh ki hong dinga, a pha leh a sia thei in Pasian tawh na ki bat ding 

lamtak uh Pasian in thei” a hong khaam a hi hi, a ci hi. Piancil 3:2-5. 

Amah in Pasian tawh kibang dinga hun beisa sangin pil na saang zaw 

nei-in amihing hihna uh a thupi zaw mun tung ding ci in hilh hi. Eve 

taksangin na ki-ap a, ama thuzawh sawnna tawh Adam zong mawh sak 

lai hi. Amau in gul thu na um uh aa, Pasian in hih loh ding acih pen na 

hih uh hi. Amaute a bawlpa in dinmun sangzaw atun ding uh khaktan 

nadingin thu a khung bangin Pasian thukham te mukhial uh hi. Tua 

thukhun palsat in dinmun sangzaw ngah dingin ong lam en ta uh hi. 

Mawhna hong bawl khit ciangin Adam in, Na nek ni mah un na 

si ding uh hi acih pen a khiatna a hong bang ci tel theih hiam? Satan 

gen bang in dimnun sang zaw tung mah-in a ki mu uh hiam? Tua bang 

hi leh Satan pen mihingte adingin thupha bawlpa hi takpi ding hi. Ahi 

zongin Pasian in tua bang in sehna nei lo hi cih Adam in a mu hi. Mawhna 

thaaman daan dingin a kipiansakna lei a suak kik ding in Pasian in, 

“nangin lei vui na hi hi, lei vui ah na ciah kik ding hi” ci hi. Piancil 3:19.


Satan in bel, “Na mitte uh ki hong ding hi” a cih pen tu-a ciang bek ah 

a maan ding hong bang sawn sawn hi. Adam leh Eve in Pasian thu a 

nial uh ciangin a mit uh vaak (ciim, ki hong) mah ngei a, amaute haina 

mu pah uh hi. Thusia lasia thei uh a thupalsatna gau a thuak uh hi. 

Eden huan laizang ah nuntakna singkung khat zong po a, tua sing 

gah in nuntakk sak tawngtungna vaang a nei hi. Adam in Pasian thu na 

mang paisuak hi leh hih singgah a duh duh-in (533) ne thei dinga nungta 

den ding ahi hi. Ahih hangin a hong mawh ciangin hih nuntakna sing gah 

a nek ding ki phal nawn lo a, sihna thuak ding hong hi ta hi. Pasian gen 

bangin “Lei...tawh hong ki piangsak a, nang in leivui na hi hi, leivui-ah na 

ciah kik ding hi “ cih pen in nuntakna omzia hong kawk ta hi. 

Thu mang-in om uh hi leh a ngah ding uh-a kikamciam sa nuntak 

tawntung pen thukham palsatna hangin a taan uh ahi ta hi. Adam in 

nuntak tawntungna neilo ahih manin a suan a khakte tungah tua nuntakna 

pen go-gil bangin pia theilo hi. Pasian in A Tapa hong piakna tawh a 

puuksa mite’ bat zawh dingin nuntak tawntungna hong puak suk hi kei 

leh mihingte adingin lam-et a bei ta a hi hi. “Mi khempeuh mawhna leh 

sihtheihlohna hong puak hi.” Rom. 5:12; 2Tim. 1:10. Tua hi a, Khrist 

tung tawn bek-in sihtheihlohna ki ngah thei bek hong suak hi. Jesu in 

“Tapa a um mi in a tawntung nuntakna nei a, Tapa a um lo mi in nuntakna 

a mu kei ding hi” ci hi. John 3:36. Mi khempeuh in tua sawlna bang 

hong man’ uh leh man piak loh thupha hong nei thei ding uh a hi hi. 

“Lungduai takin minthanna, zahtakna leh sihtheihlohna a zong mi in a 

tawntung nuntakna ngah ding hi.” Rom. 2:7. 

Sawlmang lo pi pi mah in nuntakna ngah ve-ve dingci-a Adam 

kiang ah a khaam pen zuaukhem makai pa bek mah a hi hi. Eden huan 

a Eve kiang ah, “Na si kei ding uh hi” a cih kammal pen mihing in 

asitheilo khaa nei hi cih zuauthu a hilh na sermon masa pen a hi hi. Hih 

thu akipatna pen Satan kiang pan hi a, ahih hangin tu-in Khristiante’ 

thuhilhna pulpit pan na ngawn-in tua zuau thu kitangko ngit nget hi. I


nu leh I pa masate saan’ bangin mi khempeuh dektak in um-in saang uh 

hi. Pasian in, “A mawh mi (khaa) pen si ding hi” Ezek. 18:20 a cih kim 

lai, “si lo-in a tawntung nungta ve ve ding” cih sak hiau mawk uh hi. 

Pasian gen bang um nuam lo-a Satan kamkhum, vangngaih huai kamzuau 

pen mite in um zaw hiau mawk uh a, lam dang ih cih ding longal, lawh 

theih a om kei hi. 

Mihing in mawhna sungah apuk khit un nuntakna singgah va ne 

mawk leh si thei lo in, mawhna tawh nungta tawntung ding uh hi. Tua 

ahih manin Adam innkuan sung pana khat peuh in tua nuntakna singgah 

a va nek khak loh nadingun meikuang (534) namsau leh Cherubim te 

in “nuntakna singkung kiang paina lampi” vilin, daltan sak hi. Tua ahih 

ciangin a sih theihlohna anei mawhnei mi om lo hi. 

Mawhna alut khit nangawnin mihing te in asitheilo kha khat nei 

lai-a, gentheihna sung tawntung gawtmunah genthei pipi in gimna thuak 

ding uh hi cih a um sak uh hi. Tua bang in a upsak manin Pasian pen a 

gilo, amah alungkim saklo te athukkikna dingin hell adenna pah pah, 

phulak nuam asa Pasian bang asuak sak hi. 

Tua bangin dawi mangpa in ama pianzia teng tawh mihingte 

piangsakpa leh thupha apia Pa meel leh mai belmang nuh bangin a vom 

sak hi. Gitlohna bel Satan’ aa hi. Pasian bel ki-itna hi. A bawlsa na 

khempeuhte siangtho-a it huai-in lang pang lianpa in mawhna hong lut 

sak matengin kician in kip hi. A thangzaak tawh mihingte a mawh zol 

khit ciangin, a susia mihingte galpa pen Satan tek mah ahi zaw hi. Tua 

bangin mite man in a suksiat zawh pen kisial lai hi. Pasian vangliatna in 

na dal zen zen lo in, ki phal hi leh Adam suan leh khak mihing akici 

khempeuh a ngeen sung ah luak khin hiau ding a, khat zong suakta lo 

ding uh hi. 

Thutheihna tawh akiphut Piangsakpa ukna leh a thukhunte’ 

thuman-na a muang zolo ding in Satan in ih nu masa le pa masa te a na 

zol-zol a, a khem mah bang in tu hun a mite zong tua mah tawh a khem


hi. Mihingte agentheih sakna leh Pasian a langdonate uh amelh theih 

nadingin Pasian pen amaute sang a gilo zaw leh a suuksia zaw-in Satan 

leh ama thu a akhutzat mite in dawk sak ding a han ciam uh hi. Mi 

khem lianpa in ama gitloh gamtatnate teng pen vantunga I Pa ngawh 

ding a han ciam hi. A thutang lopi-a a Uk mipa khutnuai ah a maan lopi 

in kipia nuam lo tei tei se ka hih manin van pan nawh khiatna ka thuak 

pen kei’ khialhna hi mah hi, cih bang pian-in mawhsakna a dawk sak se 

hi. Ama nung zui le (535) uh Jehovah thukhun nuai-a thong kia banga 

a om tentan uh sangin awngthawl zaw, suakta zaw, leh nopsa zaw tham 

ding uh hi ci-in leitungte kiangah a gen hi. Tua banga khimm na tawh 

Pasian thu a zuihna pan-un mite a lam pial sak hi. 

Leitung nuntak tomno sunga a bawl khak uh mawhna thaman 

dingin migilote in tawntung gawtmun ah, Pasian nuntak tanvei, kat leh 

meikuang thuak den hel ding uh hi cih phuahtawm thuhilhna pen Pasian 

migitna, hong itna, leh a thutangna tawh a kilehbulh mah mah ahi hi. 

Tua zah-a thu-leh-luan upna pen, Khristian tuam tuam tampi te in upna 

guikip-in nei uh a, ki nak hilh mah mah saan lai uh hi. Doctor of Divinity 

pilna nei siapa khat in a genna ah, “Hell-a thuaksiatnate a muh uh 

ciangin misiangtho te lungdamna khang san ding hi. A pianpih, a khanpih 

uh a lawmte gimna sung ah kia-a a om laitak un amaute pen ki teel 

khia-a hotna ngah cih a muh uh ciangin amau lungdamna kibeh lap 

tuam mah mah ding hi,” ci hi. A dang khat leu leu in hi bangin ci hi: 

“Thukkikna thuakk mite thuak hun ding thu a piak khiat ciangin, amaute 

thuaksiatna meikhu a tawntungin kahto dinga, thupha ngah mite in mu 

den ding uh hi. Tua ciangin misiangthote in Amen, Helelujah! Pasian 

phat un! ci ding uh hi,” ci hi. 

Pasian laibu Laisiangtho akoi mun ah hi bangin kigelh hi mawk 

hiam? Hotkhiatna ngah mite in vantung a tun uh ciangin a lungsim neih 

ngei uh ahi, hehpih theihna, khasiat theihna, a lungsim ngei teng man 

suah khin ding uh a hi mawk hiam? Amaute in sia leh pha lah thei lo-a 

hai keei ding uh hi mawk ve maw? Ahih kei leh, vantung a tun’ uh


ciangin gilo-in haangsan keei ding uh hi mawk ve maw? Hih thu pen 

Pasian Laisiangtho hilh tawh a kituak het lopi khat ahi hi. Hih a tunga 

thu-leh-luan upna ahilhte in Laisiangtho thuman mun ah lungsim 

khelpilna leh gamtatna thu aguan sawm leitung mipil te ahi uh hiam? 

Tua bang mite ahi kei uh hi. Hih mite in laithei mipil leh lungsim kawi 

neilo ahih teeii hangun Satan khemna zom sawn-a a muut beh te a hi uh 

hi. Laisiangtho genna tawh ki lehbulh-a, a uang zaw a gen sak mik mek 

uh hi bek hi. PiangsakPa lungsim leh pianzia tak-tak hi lo zaw-in ama 

ngaihsut tawm tawh a muh dan a genkhia kha mawk mawk uh ahi hi. 

“Kei mah in a nungta Topa Pasian ka hih bang mah in mawh nei mi khat 

a si ka muh ciang in nuam ka sa het kei hi. A mawh gamtatna khawl in 

a nuntak ding ka deih hi zaw hi...Bang hangin si nuam sese na hi uh 

hiam? “ Topa Pasian in hong ci zaw hi. Ezek. 33:11 

Tawntung gawtmunah tawlnga lo-a gimna thuakte a muh muh 

ciangin Pasian in muh nopsa hi ci-a (536) upna ih neih manin Pasian 

adingin bang phat-tuamna om mawk ahi hiam? Thum thum, tau tau-a 

kap-a awng keek A bawlsa te Hell meikuang sungaa A hencipna manin 

Pasian kipahtawi tuam ding ahi hiam? Mong neilo itna nei Pasian bil ah 

cimawh-a kahna awte in bangci bang in langaih kisa bang hi thei ding 

hiam? Mi mawhte gim thuakna in a tawntungin tawp hun nei lo hi cih 

thu pen van leh lei bup a siatsuah mawhna Pasian in a mudah zia lahnopna 

in alet uh hangin, Pasian gensiatna hi zaw lel hi! Tua bang hi mawk leh 

Pasian in mawhna mudah lo in mu den nuam zaw cihna hi zaw mawk 

ding hi! Hehpihna om lo, gimbawlna kizomsuak den hi cih a hilh Theology 

laisiamte hilhna thu in mite hai sak in, heh uh suak in Pasian gensia 

zaw ding uh hi. Thamlo in a khialhna vangikpi pan suahtak sak sangin 

kidiahcip sak zaw ding uh hi. Tua bang upna hangin, khang tawntungin, 

mawhna kibehlap zaw-a, Pasian min adai sak a suak zaw hi. 

Tawntung gawtmun-ah daanthuak ding cih upkhialhna pen bang 

zah-a haksa gimna hi ding hiam cih mihing ngaihsutna in baan zo lo hi. 

Itna, migitna, leh hoihna namkim anei, Laisiangtho hilh biakna man teng


pen upmawh motphuah thu teng leh akihtak huai thu tengin tuamcip in 

lauhuai suah sak hi. Migi-a it huai meel apua kim lai, Satan in ahi lopi a 

Topa’ meel a zutvom ngaihsun in Topa pen kihtaak muh pah in, alau huai, 

a muhdah huai-in I mu kha thei pah mawk kha nam? Pulpit pana thuhilhnate 

hangin Pasian pen sahang kihtaak-a kihtakna lungsim in leitung bup zel hi. 

Tua in mi a tul then tampite’ lungsim sungah Pasian muanlahna leh uplahna 

a piang sak hi. Tawntung gawtmun daan thuakna thu pen Babylon in mi 

khem peuh a dawnsak upkhialhna leenggahzu nam khat a hi hi. Mang. 

14:8; 17:2. Khrist naseemte in hih upkhialhna len-in siangtho pulpitte pan 

a tangko khak mawk ding uh a dah huai pi khat a hi hi. Tua thu pen Rome 

te kiang pan a Sabbath maan lo aluah suk mah bangin a ki ngah khawm a hi 

hi. Man tak in gen le’ng, ei ngah bang khuavak amaute in ngah nai lo uh 

ahih manin, ulian pipi leh migina pi-pi te mah in zong tua thu hilh mawk uh 

hi. Hih tawh kisai in amau hun-a khuavak bangin sep ding nei uh a, ei zong 

ei hun-a khuavak bangin hong ki saang ding ahi hi. Eite in ei hun-a ih muh 

Pasian thumaan khuavaak nusia in, thuman amu nailo I pate hilh pau-lap in 

thukhial pen va lehsaan kik le’ng Babylon’ mawhna leenggahzu teng (537) 

a va dawn pihte I suak ding hi. 

Tawntung gawtmunah daan thuak ding cih thu a um lo-a mihon 

pawl khat a om hi. Tuate in Laisiangtho sung ah Pasian pen ki-itna leh 

migitna tawh kidim ci ahih manin A bawlsate tawntung meikuang sung 

ah khul ding hi cih pen um thei lo uh hi. Ahih hangin mihing in asitheilo 

pianpih khaa nei hi cih upna nei uh ahih ciangin, atawpna ah mi khempeuh 

in hotna ngah ding hi, ci-in um leu-leu zel uh hi. Laisiangtho hong 

taainate pen mihingte thu mang le uh deihna-a hong khalau sakna bek 

hi-a, a gen bang lian lian-a hong tung takpi ding hi lo hi, ci-in ngaihsun 

uh hi. Tua bangin mawhneimi in ama nopsak bangin gamta in Pasian 

deih ngetnate awlmawh lo in a om hangin, a tawpna ah Pasian’ pahtaakte 

suak ve ve ding uh hi ci-in lam en uh hi. Tua bang upna in Pasian 

migitna bek suang-in A thutan(g)na don lo ahih manin migilote amawh 

bawlna uh ah a leii-haang sak leu leu uh hi.


Leitung buppi in Pasian in hotkhiatna ngahsak ding hi cih upna 

anei mi pawlkhat om hi. Tuate in amau’ gupna a siasak ding upna alet 

nadingun Laisiangtho mun pawlkhat a siksan uh hi. Tua Laisiangtho 

mah tawh amau gen thute akhialhna lak kik-a hilhcian ding a hi hi. 

Biakna meel neilo khangno khat tuahsia-in si-a a kivui ciangin, leitung 

bup-in hotkhiat ngah ngawn ding cih upna a hilh siapa khat in a 

Laisiangtho siksan dingin David genna mun khat teel in, “Amnon si 

khin a muh ciangin a lung nuam hi” (2 Samuel 13:39) cih thu a sim hi. 

Hih thugenpa in, “zu kham-a si peuh, khut khialhna sisan baang a 

sawp lo-a si peuh, leh mawhna nei-a a si, hih khangnopa banga, biakna a 

nei ngei se khol lo te khawng asih teh bang a ci ding uh hiam cih hong ki 

dong thi the hi. Laisiangtho in tua dotna a dawn kik nate lungkim huai 

mah mah lel hi. Amnon pen a sih laitak in mawhna tawh aki dim mi hi-a, 

zong ki sik bek lo-in, zu ki tulhkham in, a kham laitak-a ki that ahi hi. 

David pen Pasian kamsang ahi hi. Hong tung ding leitung ah Amnon in 

gupna ngah ding maw, ngahlo ding cih thei peuh mah ding hi. A lung sim 

sunga om thu bang teng pulak khia ahi hiam? ‘Tua ciangin kumpipa in 

Absalom ngai-in hong mah mah hi; bang hang hiam cih leh amah si hi, ciin 

thei khin ahih manin Amnon thu-ah kiheh nem hi “ (2 Samuel 13:39). 

(538) “Hih kam kipau sung pan bang I mu khia thei hiam? Si 

lah silo hing lah hinglo in gawtmun ah tawntung hell thuak ding hilhna 

kihel lo hi lo hiam? I tua ci muh hi; hih mun in a lungkim huai mah mah 

nopsak nading leh kilem in leitungbup ong zel ding ahihna thu ong mu 

sak hi. Atapa asi amuh ciang in amah bang hang in lung nuam zaw sop 

hiam? A tapa in hong tung ding zia-etna khempeuh leh mawhna kolpan 

suakta in, siatna tawh a ki pelh ban ah, minthanna leh sianthona ngah 

in, van mihonte lak ah ki tual-bual sak ta hi cih kamsang mit tang tawh 

a muh ciang in amah aki hehnem zo ahi hi. A tapa in mawhna adim 

pumpi pan suakta in Khasiangtho tawh a kidim khit ciangin lungsim 

sung khuamial teng theng in aki sia theinawnlo itna leh sianthona tawh 

van nunnuam luah khin hi cih thu in a mah a lung nuam sak pen hi.


“Hih thu teng hangin vantung hotkhiatna ah hih nuntak sunga ei 

sepsa I suan’ ding om lo hi; tu mah mah-a I lungsim kikhelna peuh, I 

upna leh I biakna peuh pau lap ding piang thei lo hi,” ci in a gen hi. 

Khrist’ nasem a kici pa in Eden-a gul’ gen thu zuau, “Na si takpi 

kei ding uh hi... Na nek ni-un na mit uh hong vaak dinga pasiante na 

bang ding uh hi” a cih pen mah a gen kik kik a hi hi. Mi that, guta, 

khuaval-a mawhnei a suukpen nangawn zong a sih nung ciangin lungnop 

tawntungna a lut ding a hi ve ve hi, ci hi. 

Laisiangtho hi banga alumlet gawppa in bang siksan ahi ding 

hiam? David in Pasian vaihawmna a muan na thu a gen kammal kimlai 

siksan dinga ala hi lel zen hi. ‘Tua ciangin kumpipa in Absalom ngai-in 

hong mah mah hi; bang hang hiam cih leh amah si hi, ci-in thei khin ahih 

manin Amnon thu-ah kiheh nem hi ‘ (539) A khasiat luatna pen a hong 

sawt ciangin hong thuak nop zaw deuh-in a si sa ngaihsun sun nawn 

loin a hing lai pen hong ngaih sun zaw a, a thusia-bawl athuak lawh 

ding a lau man-a a taai khia pen a phawk hi. A sanggamnu tunga paktat, 

zu kham Amnon pen a sih phet-in lungnop na mun ah ki puak pah hi, 

tua mun ah mawhpeng van mite tawh kithuah thei dingin kisiansuah in 

ki puah siang zo hi!, a cih ciangin, zak nop nong a, mihing lunggulh 

theih te nam hi lua zen a, zong ki um tek peuh mah. A hi zongin hih pen 

Satan’ hilh thugui upna ahi hi. Hih bang mah hang in siatna a khang hi 

hoh lo ding a hia? 

Hih zuau gen Siapa khat’ hilh dan pan in mi dang tampite hilh 

dan zong ki mu theih pah hi. Laisiangtho kammal khat lak lak in, (aki 

tua cihna tampi om hi) a cih nop pen tawh kilehbulh a khiatna la thei 

tek uh hi. Tua bangin a kizom lopipi te Pasian thu a hi lo doctrince 

hilhna-in zang mawk uh hi. Zu kham Amnon vantung ah om hi cih pen 

deih kaih a bulh tawm hi lel a, Laisiangtho in zukhamte Pasian gam 

sung tung lo ding a cih sit set tawh a ki lehbulh a hilhna a hi hi. A 

umlahte, thu umlote, leh biakna thumungphuh a saang zolote in tua


bangin thumaan pen zuauthu suah uh hi. Amau thukhel-pilna in mi a 

honpipi-in khimm-in ihmu cip sak hi. 

Mihingte a sih phet-in akhaa vantungah tung pah takpi ahih mawk 

taak in hin sangin sih I ut zaw mah kei ding maw. Lungkham, cihmawh, 

lungkiat ciangin a ngot hinna khau bottat ziau-a kumtawn nun nopna 

mun zuan in leen toh mah zong baih zaw lel mah ding hi. Nuntakna 

sangin sih baih hoih zaw cih tua upna a pom man-un mitampi tak in tua 

ding in hanciam uh hi. 

Pasian in A Thukham palsat te daan pia ding cih pen ama 

kammal Laisiangtho sungah tel tak-in a gen sa ahi hi. Pasian pen migi 

mah mah-a mawhneite tung ah athutangna zangin thukhen ding ahi 

kei hi ci-in phuahtawm mawk upna nei in, amau leh amau aki pah tawi 

tawmte in (540) Kalvary Singlamteh a et ding a kisam a hi hi. Tua hi 

leh, mawhbaang lo Pasian Tapa sihna in Pasian thukhaam palsatte thuk 

kikna ahi “mawhna thaman in sihna hi,” cih thu a tangtunna tecii ahih 

zia amu ding uh hi. Mihingte adingin mawhneilo Khrist pen mawhna 

bangin hong kibawl hi. Amah in palsatna thaman teng pua in, a pa 

maitang pan ki liah-a, lungsim kitamkham-in a nuntakna ki meek lum 

hi. Tua in mawhneite suahtakna dinga a thuaksiat kithoihna a hi hi. A 

hangin, mawhna daan pan-in mihingte suakta-a a kikhahkhiat theih 

nading lampi dang omlo ahih man a hi hi. Tua a kipia hotkhiatna a 

nial mi peuhmah in a palsat mawhna daan pen ama pumpi mah tawh a 

thuak kik ding ahi hi. 

A ki sik nuam lo, a hoih gamta nuam lo mite nangawn in 

vantungah gupna ngah ve-ve ding hi cih upna alen, leitungbup gupna 

ngah dinga aseh te hilh zia Laisiangtho tawh ih enkak lai ding hi. 

“Tui duh mite nuntakna ciktui man nei loin ka pia ding hi”, Mang. 

21: 6, 7 ci hi. Hih a khapna pen a dangtaak mi teng bek tunga a khap 

ahi hi. Hih nuntakna tui lunggulh manin na dang teng a nusia ngam 

teng bek mah kipia ding ahi hi. “A zomi in hih nate luah in, kei in ama


Pasian ka hi dinga, amah in ka ta ahi ding hi” ci hi. Mang. 21:6,7. Hih 

mun ah zong na khempeuh luah theih nadingin a mihingte in ih mawhnate 

a nial in, a zo mi I hih ding akisam ahi lam tak ong lak hi. 

Topa in kamsangpa Isaiah a et sak na ah, “Amaute tungah thu 

hoih ding hi, ci-in thuman mite kiangah gen un, bang hang hiam cih leh 

amaute in amau gamtatna hih a gah ne ding uh hi. Migilo in gimna ngah 

ta hen!Ama khut in ahihsate ama tung mah ah thukkik ding ahih manin 

ama tungah thu sia ding hi.” Isa. 3:10,11. “Mawhnei khat in za vei 

dong siatna bawl napi-in, a khan’ sau veve hi. Ahi zongin, ‘Pasian a 

zahtakte’ adingin, thukhempeuh nuam dinga,..migilo ahih leh nuamsa 

lo ding hi.” Thuhilhsia 8:12, 13. Paul in, “Mawhnei mi in Pasian in thu 

mantaka a khen ni, mi khempeuh amau gamtatna ciat bang a athuk kik 

ni, hehna kilat ni ciang adingin amau mah tunga kibuak kik ding hehna 

a khol khol uh ahi hi...a gamtatsia mi khem peuh in gimna leh lungkhamna 

thuak ding uh hi.” Rom. 2:5, 6, 9. 

(541) “Numei tawh akhial mi ahi zongin, mi kihhuai mi ahi 

zongin, milim bia mi ahi huaiham mi khat beek in Khris leh Pasian’ gam 

sungah luahna a ngah kei ding hi ci-in na thei uh hi.” Efesa 5:5. “Mi 

khempeuh tawh kileminnopsakna ahi zongin, a siangtho gamtatna ahi 

zongin na phak matengun delh un. Tua siangtho gamtatna a om kei leh, 

kuamah in Pasian amu thei kei ding hi.” Heb. 12:14. “Nuntakna 

singkung neih theih nading le kongpite tawn-a khuapi sunga lut nading 

thu neih thei nadinga puantual uh a sawpsiangte thupha ngah ahi uh hi. 

Apua lamah ahi leh, uite, dawi-ai tawite, numei le pasal paktatte, 

tualthatte, milim biate, le zuauphuak nuamsa a, zuauthu gente peuhmah 

a om ding uh hi.” Mang. 22:14, 15.(ZIV). 

Pasian in Ama gamtatzia leh mawhnate bang ci lampi tawh len 

hiam cih mihingte theih dingin a lak hi. “Topa Pasian mite-in hehpihna 

nei-in a dik Pasian, lungduai-in itna kip leh thutakn tawh adim, mi tul 

tampite adingin itna kip anei, mawhna, thu palsatna leh khialhna mai sakin,


ahih hangin bangbang hita leh mawhna a siangsak ngei lo,” Paikhiatna 

34: 6, 7. “Amah in gilo mi susia ding hi.” A palsat mite kisia hon ding hi. 

Mi gilote kibeimang sak ding hi.” Late 145:20; 37:28. Pasian in a Kumpi 

vanglian tawh langdona teng beisak ding hi. Ahih hangin Pasian pen 

migitna, lungduaina leh thupha piaPa ahihna a dawk sak ban ah thukkikna 

ah zong thutang mah mah ahihna kilangsak ding hi. 

Pasian in mite’ utna leh khentatna te ah zawh thawh thu zang tei 

tei lo hi. Amah in aana lel-a sila banga sawl manna lel pen a deih ahi kei 

hi. Ithuai ahih manin a piansak mihingte in Amah it thuk leh a deih hi 

bek hi. Amah pilna tawh dima, thutang leh cingh ahihna phawk-in Ama 

thu mang le uh a deih ahi hi. Thute a tangtaka saang thei mi in Ama 

hong bawlna phat huai ahihna mu-in Amah it ding uh hi. 

Khrist in eite etteh dinga migitna, itna, thusiamna hong hilhte 

pen Pasian deihna leh Ama omzia a hong lahna a hi hi. Khrist in A Pa 

kiang pana a ngah thu ahilo thu dang dang bang mah a hong hilh ngei lo 

hi. Pasian ukna zia ahi thukhunbulpi khempeuhte in “Na galte na it in:” 

a cih Honpa thupiak pen tawh kithuhual sisek a hi hi. Pasian in migilote 

tunga a thukhennate pen thukhenna thuakte leh van leh lei buppi ading 

in phattuam zawk nading vive a hi hi. Ama gamtatna ah thutangna leh 

A Ukna thukham bangin om le uh nopsakna a pia ding ahi hi. Pasian in 

amaute a itna mutheih ding nate vive tawh kiim uum hi. A thukhun te 

a theih nading un zong hun pha pia-in Ama (542) migitna tawh zong a 

nungzuih hi. Ahih hangin amaute in Pasian itna te simmawh-in A 

thukhamte peel uha, A migitnate a nolh uh hi. Ama thuphate saang 

niloh napi-in apiaPa a zahtak kei uh hi. A mawhnate uh kih huai sa hi 

cih thei uh ahih manin Pasian a mudah zaw mawk uh hi. Topa in amau 

palauhnate a thuak thuak hi. Ahih hangin a tawpna ah amaute masuan 

uh a kikhentat nading thukhen hun hong tung ding hi. Tua hun ciangin 

hih langpangte Pasian in Ama lam mah ah a leen ten tan ding hiam? 

Ahih kei leh, Ama deihna bang seem tei-tei dingin Pasian in zawh thawh 

bawl-in a sawl lai ding hiam?


Amau makai ding-in Satan teel-a tua’ ukna sunga a om mite in 

Pasian kiang zuan dingin ki pan nuam lo uh hi. Kisaktheihna, 

zuautheihna, huukna lanna, gitlohnate tawh a gamta uh hi. Leitung a 

a sim mawh luat uh mite tawh a tawntung a teeng khawm dingin 

vantung ah lut khawm nuam mawk ding uh hiam? Thumaan pen 

zuauphuahna tawh kilem thei ngei lo dinga, lungneemna in kiphatsakna 

leh kiliatsaknate lungkimsak zo lo mawk ding hi. Sianthona zong a 

niin mite in sang zo lo ding uh hi. Angsung bek akhual te adingin 

angsungthu nusia a midang khual ding lawp thei lo ding uh hi. Angsung 

ading leh leitung bek a lungulh mite nop sak na khat beek vantungah 

om lo hi.Pasian langpanna in anuntakna azang mite vantung ki puak 

in, van nunzia va mu leh, lungnopna, itna, Pasian Tuuno phatna la asa 

mite leh, tokhom tunga tupa vaangtang aleng maitangte tawh Pasian 

leh thuman a langdona lungsim vom niloh te, a ava gualnuam thei 

mawk ding uh hiam? Vantung mihon lak ah va bual-in tua late a va 

sak pik theih pah ngap khol ding uh hiam? Amau in Pasian leh Tuuno 

minthanna thuak zo mawk ding uh ahi hiam? Thuak zolo ding uh hi. 

Amaute in vantung omzia leh luhin zia te ah nuamsa in a zongsat 

theih nadingun hun saupi kipia napi a lungsim uh leh a kampaute uh 

vantung’ deih bangin sek nuam ngei lo uh (543) a hih man un, tu-in 

bel a ze kai lua zota ahi hi. Pasian langdote nuntakna vantung tawh 

kilawm kituak zo lo hi. Vantung sianthona, citakna, lungmuannate 

pen amaute adingin gawtbawlna bang hi ding hi. Pasian vangliatna 

pen amaute a haltum ding meikuang bang hi ding hi. Tua ahih manin 

amaute in tua sianthona munpanin manlaangin a taimang pak nuam 

zaw ding uh hi. Mai mang pak zaw in Honpa maitang pan kiselmang 

pak zaw le uh a ut ding uh hi. Mi gilote beina a mong in amau mah 

teel ahi zaw hi. Pasian pen thumaan in hehpihna tawh dim hi napi, 

vantunga a lut loh uh zong amau deih zawk-a a teel uh a hi hi. 

Tua nilian ni-a meikuang in tui tampi vunga alet ziah ziah bangin 

Pasian thumaanna lak ding hi. Ahih hangin migilote ki huu zolo ding uh


hi. Ahangin Topa sung ah buk nading mun a nei kei uh hi. Amaute ut 

bangin langpang khin zo uh a, a lungsim uh aleh lam panga kheel vat 

nadingin nuntkna bei ta a, zong ahun om nawn lo hi. Palsatna pan 

sawlmanna, muhdahna pan ki-itna ah kheel nading ahun zekai khin ta hi. 

Tualthatpa Kain pen nuntakna hun kipia lai tadih hi. Mawhneite 

a ki hin khawi lai ciangin kamkaih vawh lo-a khahkhong mawk bangin 

a gamhtatzia uh leitung buppi in a muh nading deihna in Pasian in hun 

apiak lai ahi hi. Kain-ii lamkaihna tawh ama suan leh khak mi honpi in 

mawhna sung ah hong lut uh hi. “Leitung mihing’ gitlohna aliatna leh 

mihing lungsim ngaihsutna peuh mah asia ahih ngitngetna thu Topa in 

mu hi.” “Tu in Pasian’ muhna ah leitung sia a, leitung in ngongtatna 

tawh ki dim hi. “ Piancil 6:5,11. Pasian in leitung a khua ngaih luat 

manin Noah khangin migilote na zung bawh in, Sodom-a mi gilo te 

susia hi. Satan khemna hangin gitloh nasem te in khuatuahna leh 

pahtakna ngah uh hi. Tua hang in langpang ding in midangte ama kaih 

uh ahi hi. Kain hun leh Noah hun in tua bangin a kalsuan uh mah bangin 

tu hun in zong a kalsuan uh hi. Khuavan-nuai akhuangaih luat manin 

Pasian in ama hehpihna a nolhte a susia cip ding a hi zaw hi. 

“Mawhna thaman in sihna ahi hi. Ahih hangin eite Topa Khris 

Jesu hanga nuntak tawntungna in man kipia lo Pasian’ letsong ahi hi.” 

Rom 6:23. (544) Midikte in nuntakna a ngah ding uh a, mi gilote in 

sihna ngah ding uh hi. Moses in Israelte tung ah, “Na teel ding un note 

mai-ah nuntakna leh a hoih na, sihna leh siatna ka koih khin zo hi” na ci 

hi. Thuhilhkikna 30:15. Hih sihna pen Adam tunga kigen sihna pen hi 

lo-in mawhneite thuak ding thupalsatna thaman sihna daan pen a hi hi. 

Nuntak tawntungnatawh aki leh bulh Laisiangtho’ gen “nihna sihna” 

pen a hi hi. 

Adam mawhna hangin mihing akici khempeuh sihna in nawk-a, 

hansung tung ciat uh hi. Hotkhiat-kikna ki vaihawm ahih manin amaute 

han pan in ki lakhia kik ding hi. “Midik leh midiklote khempeuh in


sihna pan ahing kik ding hi.” Sawltak 24:15. Adam sungah mi khempeuh 

asih uh mah bangin Khrist sungah mi khempeuh a nungta uh hi.” 

1 Kor. 15:22. A hong thokik pawl nihte kikhen dinguh hi. 

“Hansunga om khempeuhte in Ama aw za uh a, a hong pusuah hun uh 

hong tung ding hi. Gamtat pha a bawlte in nuntakna ngah dingin hong 

thokik ding uh a; a gilo gamtatna a bawlte in thukhenna thuak dingin 

hong thokik ding uh hi.” Johan 5:28, 29. Nuntakna ngah dinga hong 

thote pen “Thamcing” cihna ngah uh hi a, “thupha saang, a siangthote” 

a hi uh hi. “Tua mite tungah nihna sihna in neukha beek uk kha lo ding 

hi.” Mang. 20:6. Ahih hangin kisik kikna leh upna a neilo mite in 

maisakna ngah lo in, a palsatna thaman uh saang ding uh hi., — “Mawhna 

thaman in sihna ahi hi.” Amaute daan thuakna kibang kimlo dinga, 

ahun sawtna leh anasiatna kilamdang tek ding hi. “A gamtatna bang” 

ciat uh hi ding hi. A tawpna ah bel nihna sihna mah hi ve ve ding hi. 

Pasian in Ama migitna leh thutangna in mawhneite a mawhbaangpi mah 

in saang thei lo ahih man-in, Thamcinglo hi, cih a ngahte pen a mawhna 

tawh beikhawm sak hi. Kha Siangtho humopna tawh a kigelh lai sungah, 

“Tawl khat sung in mi gilopa om nawn lo dinga, ama omna mun na lim 

zon’ hangin, tua lai-ah amah na om lo ding” a, “...a piang ngeilo mah a 

bang ding uh hi.” ci hi. Late 37:10; Obediah 16. A min uh beitaa-in lam 

et om nawn lo, atawntunga kimangngilh ding a hi ta ding uh hi. 

(545) Mawhna pen ama piansak gimna le siatna teng tawh tua 

bangin bei khawm hi. Laphuakpa in, “Mi namte na tai a, mi gilote na 

susia hi; a tawntunga mangthang dingin amau min na phiat hi. Siat denna 

sungah galte bei mang hi” ci hi. Late 9:5, 6. Mangmuhna sung ah Johan 

in atawntung hun ding na mu khol hi. Van leh lei vekpi in aw kihual in 

phatna lapi sa uh hi. Tua lapi sakna ah a kituk kalh sak ding aw-thelno 

khat nangawn omlo hi. Van leh lei-a mi om khempeuh in Pasian 

minthanna a pahtawina uh kiza ta hi. Mang. 5:13. Tua hun ciangin gim 

thuak-a kithasaan van van peuh leh, Pasian gensia-a ki ko ko aw cih 

bang kiza nawn lo ding hi. Tawntung Hell sung pana thuaksiate kahna


otkeekna aw-gingte peuh hotkhiat mite phatna lapi aw-gingte tawh kiza 

khawm khawm den cih bang om lo ding hi. 

Tawntung gawtmun, mihing in sih ciangin a khua thei khaa nei 

hi cih upna, pen Pianpih in a sihtheihlo khaa khat mihing in nei hi cih 

lampial upna pan-a hong piang a hi hi. A tawntung gawtmun ah daan 

thuakin kap kap hi ci-a upna pen Laisiangatho hilhna tawh aki lehbulh, 

mihing upmawh phuah tawm mawk a hi hi. Mi tampite upna bangin, 

vantunga hotkhiatna ngahsate in a nusiat alawm hinglaite uh tawh hong 

kithuza thei in, leitung thu hong sailai thei uh hi cih upna nei uh hi. Tua 

bang in asisate in, hotna ah nopsa ding hi hial mah ta leh a hinglaite 

buaina teng mu den ding uh a, tua vai tawh lung himawh ding uh hi. 

Mawhna a bawl beh beh lai khawngte thei uh hen la dahna cihmawhna 

a thuakte, a lungkham nate khawng uh, mu den mawk le uh, abang 

zong nopsak om thei mawk ding hiam? A lawmte uh vil-a a lung hi 

mawh dente in vantung nopsakna bang lemlawh man ding uh a hi hiam? 

A kisik kik lo mimawhte bang, a pumpi pan a huu nu nung pen a bei lian 

leh thakhat-in meikuang ah a khaa kikhul pah hi ci-a up ngiau mawk 

pen a lian mah mah langpanna hi mawk lo maw! Hotna ngah mi khat in 

a it a lawmte khat kiging lo sa-in han ah lut a a khaa pen tawntung 

gimna ah kikhul pah cih mu mawk leh, naa sak pih ngel mawk lo ding 

hiam! Tua upna maan lo ah mi tampi kihawl lut hiau mawk uh a, a hai 

lawh uh hi. 

Laisiangtho in hi thu bangci gen ahi hiam? David in Mihing a 

sih ciangin bang mah phawk thei nawn lo hi cih a genna ah, “A husan’na 

a bei ciangin amah lei-ah ciah kik a, tua ni mah in ama ngaihsutnate 

beita hi” ci hi. Late 146:4. Solomon in zong tua bang mah in, “A hing 

laite in a si ding ahih lam uh thei thei uh a, a site in bang mah thei (546) 

nawnlo uh hi” “amau adingin itna, muhdahna, hanciamna cihte om 

nawnlo a, leitunga om nate, khat beek thei kha kik nawn lo ding uh hi” 

ci hi. Thuhilhsia 9:5, 6, 10.


Hezekiah in a thu ngetna ngah in a nuntakna kum 15 a ki khan 

sak ciangin amah lungdam in Pasian migitna a la a phuahna ah, “Sihna 

ah nangmah phawk theihna omlo ahih manin, leinuai pan in kua in nang 

hong phat thei ding hiam? “Leinuai-a om mite in nang tungah lungdamna 

hong ko thei lo a, asite in nang hong phat thei lo uh hi; gum sunga a pai 

sukte in nangma thumanna hong muang theilo uh hi. Tu ni a keima bawl 

bangin, a hing mi bekin nang tungah lungdamn hong ko thei hi” ci hi. 

Isaiah 38: 18, 19. Mi tampite upna hilhnate ah, midik asite in vantung 

ah lut pah uh a, a muatthei nawnlo leii tawh Pasian phat uh hi, ci uh hi. 

Ahih hangin Hezekiah in sihna ah tua bang muatheihlohna a nei 

minthanna mu thei lo hi. Laphuakpa in teci a pan pih na hi: “Sihna ah 

Nang hong kiphawk thei nawn lo a, han panin kua in Na tungah lungdam 

thei nawn ding hiam?” “Misite ahi a, gamdaihna sung a pai peuh peuh 

in ahi zongin Topa phat nawn lo uh hi.” ci hi. Late 6:5; 115:17. 

Peter in Pentecost ni-in pupi David “si a, ki vuina han in tu ni 

dongin eite kiang ah a om hi.” “David in vantung ah a kahto kei hi” ci 

hi. Sawltak 2:29, 32. David zong a hansunga thawhkik ni ngaka a om 

lai pen in midikte a sih phet leh van ah kah pah lo ahihna hong lak hi. 

Thawhkiknathu a om man leh Khrist a thawhkikna hang bek mah in 

David zong tho kik dinga, a tawpna ah Pasian ziat lam ah tu thei ding hi 

phing zaw hi. 

Paul in: “Misite a tho kik lo hi leh, Khrist zong a tho kik kei 

ding hi. Khrist tho kik lo hi leh, na upna uh a mawkna ahi hi; mawhna 

khialhna sungah a om lai na hi uh hi.” 1 Kor. 15:16-18, ci hi. Kum tul 

li bang midikte a sih phet in vantung na tung pah pah uh hi leh bang 

hangin Paul in Thawhkikna om lo hi leh, “Khrist thu um-a site in kisiatna 

ah tung zo uh hi” ci lai lai mawk ding hiam? Tua bang (547) hi leh 

thawhkikna zong a kul nawn lo ding hi zaw mawk ding hi. 

A kithat Tyndale in misite omzia a genna ah: “Khrist leh Pasian 

vantung mite tawh minthang tak-in maang khawm ta ding uh hi cih pen


ka um kei hi. Ka upna thubulpi lak ah zong ka hel thei kei hi. Tua bang 

hi mawkk leh pumpi thawhkikna I hilh thute a mawkna suak ding a hi 

hi” ci hi. Tyndale, Wm., Preface to “New Testament” (ed. 1534). Reprinted 

in “British Reformers - Tindal, Frith, Arnes,” p. 349 (ed. 1830). 

Sih phet in tawntung nuntakna ki ngah pah hi cih upna pen nial 

theih loh zah ding dongin ki zel mah mah ahih man in Laisiangtho sunga 

thawhkikna thu nangawn kitel muhsak thei nawn lo hi. Hih vai Dr. 

Adam Clark in a genna ah, “Thawhkikna thu tu hun sangin Khristian 

masate lak ah a ki nakk gen zaw hi! A bangci dan hiam? Sawltakte in 

tua thu hilh den uh a, Pasian a umte kizen ding, sawl mang ding, maitai 

ding ci uh hi. Amau a zomto tulaii mite in tua bang meel gen nawn lo 

mai uh hi! Sawltakte’n hilh in, Khristian masa te’n a up uh hi. Ei zong 

hilh in, I hilh a za te in zong um uh. Gospel sung ah tua thu zah-a kitel 

hilh dang khat zong om lo hi. Tu hun thuhilhna ah tua zah-a ki thusimlo 

upna thugui dang om lo hi!” ci hi. –( Commentary on the New Testament, 

Vol. II, general comments on 1 Corinthians 15, par. 3.) 

Hih thu in Khristiante lak ah thawhkikna thu mialsak hi. Thumaan 

mu sak zo nawn lo hi. Biakna makai khat in 1 Thess. 4:13-18 sunga 

Paul kammalte abehlapsak-a agelhna khat ah, “ Ki hehnepna khem peuh 

lak ah, Topa nihveina a hong pai ciangin midikte in sihtheih nawn lohna 

ngah pan ding hi cih ving veng pen ka lung kim zawh loh khat ahi hi. 

Sih ciangin a si pen adingin Topa hong pai hi pah lel hi. Tua pen mah ih 

ngah ih vil thu a hi hi. Misite in minthanna ngah khin uh hi. Amau in 

amaute thu kikhen nadingin thukhenna pengkul tum ging ngak nawn lo 

uh hi” ci ngiau hi. 

Ahih hangin Jesu in a nungzuite a nusiat ding lai-in asi masa 

peuh in Ama kiang hong (548) zuan pah dingin gen lo hi. “Kei pai in 

note om nading uh ka bawlding hi,” “Pai-in na om nading uh mun ka 

bawl leh ka hong paii kik dinga ka omna ah na om theih nadingun ka 

hong la ding hi” ci phing zaw hi. Johan 14:2, 3. Paul hong hilhna ah,


“Topa mah mah vantung pan aw ngaihpi tawh hong kumsuk dinga, 

vantung mi makaipa aw tawh, Pasian pengkul aw tawh, hong tuak suk 

ding hi. Tua ciangin Khrist um-a a si mite hong tho masa in, a hinglai 

eite tawh meii tung ah puak toh khawmna ih ngah ding hi. Huih lak ah 

Topa va dawn-in Topa tawh I om khawm tawntung ta ding hi.” “Hih 

thu tawh khat leh khat na kihehnem un” ci hi. 1Thess. 4:16-18. Hih 

hehnemna leh den-a ih gen Universalist siapa genna bang zah in ki leh 

bulh hiam! Misi pen bang zah-in mawhnanei hi ta leh a sih phet in vantung 

mite lak ah lut pah ding hi ci in hehnemna khat in a hilh hi. Paul in bel, 

Topa hong pai ciangin Khrist thu um misisate kolbulhna pan kiphelkhiain 

nuntak tawntungna ngah dingin han pan tho kik ding hi, ci zaw hi. 

Mi khempeuh in thupha inn sung a lut ma-un ama vai khempeuh 

kisit tel phot dinga, ama gamtatnate avek-in Pasian mai ah kilak phot 

ding hi. Mi vekpi laibu sunga kigelh bangin thu kikhensak phot dinga, a 

gamtat na uh tawh ki tuak in thaman saang ding uh hi. Tua thukhenna 

pen sih ciangin kinei hi lo hi. Paul kammal ciamteh in: “Bang hang 

hiam na cih uh leh, amah in a koihpa tawh leitung mite thuman tawh 

thukhen na ding ni a gen khol zo hi. Tua pa sihna pan ahin’ kik ciangin 

a kitel zo hi ci in mi khempeuh a theisak zo hi. “ Sawltak 17:31. Hih 

laitak ah sawltakpa in leitung te thu khen ding ni khat ki seh khia khin 

zo a, tua pen mai lam hun hi lai hi, cih thu teltakin agen hi. 

Jude in hih hun mah a genna ah: “Tua ciangin, a thuneihna 

kemcing lo a, a inn uh a taisan vansawltakte khuamial sungah 

khumcipin nithupi Ni a thukhen dingin tawntung sikkhainiang tawh a 

khih hi.” ci hi. Enoch genna-sa man in a gen sawn lai na ah, “En un 

Topa, a misiangthote tul mun tul tampi tawh hong pai in, mikhempeuh 

tungah thu khen ding” ci hi. Jude 6, 14, 15(ZIV). Johan in zong, 

“Tua laitakin a si mi a neu a liante in tua kumpi tokhom mai-ah dinga 

om uh ka mu hi. Laibute zong kiphen uh hi...Tua a sim mite in a 

gamtatnate bang laibu sungah a kigelh mah bangin thukhenna a thuak 

uh hi” ci hi. Mang. 20:12.


(549) Misisate in vantung nopna ngah khin in, mawhnei asi mite 

gawtmun Hell atung khin uh hi mawk leh mai lam ah thu khen lai lai 

ding bangci kul nawn mawk ding ahi hiam? Hih thu tawh kisai 

Laisiangtho Pasian kammal hilhna ah akicianlo leh a ki leh bulh dingin 

bangmah omlo in, mi khempeuh teltheih dingin siangtak in hong hilh tel 

zaw hi. Lungsim kician nei te adingin tulai thu hilhnate pen thumaan leh 

ciimna hi ih ci ngam pah mawk ding hiam? Midik te bang hoh amaute 

gamtatna teng kidawptel siang phot a thu a ki khen khitciangin, “Thuman 

midiktat naseempa aw, a pha hi... Na topa tawh lungdam khawm in.” 

(Matt. 25:21, 41) a ci ding hi mawk ahih manin, Ama kianga sawt veipi 

a teeng khinsa mah tua a ci ngau ngau ve ve ding suak ve! Migilote ta 

leu leu, daan thuakna mun tungin a thuak thuak khinsa ngawn pen, thu 

khenna ah samkhia kik phot-in, “Ciamsiatna athuak mite aw, 

dawimangpa leh ama nungzuite ading a ki bawl mei kuang tawntung 

sungah kei kiang pan in pai khia un” ci pha kik leu leu ding suakk ve! 

Matt. 25: 21, 41. Ah! zaw zen aw. Mulkim huai, zum huai mawk lo 

ding maw! Pasian pilna leh thutangna nopneh lua mah si hang maw! 

Hih khaa sitheihlo cih upna pen Rome pana ki ngah upna 

lampialna khat ahi hi. Tua pen lawki upna pana hong kila to, Khristian 

upna sunga hong lut upna a hi hi. Martin Luther in tua thu pen” Rome 

te gitlohna thukhun-ii tawphah phuahtawm sikha tangthu” hi ci-in gen 

hi. Misite in bang mah thei lo hi ci-a Solomon in Thuhilhsia laibu sungah 

a cih thu pen Puahphapa in, “Misite in bang mah phawk lo uh hi. Panmun 

zong nei lo, pilna leh theihna nei lo, ciimna nei lo-a omna mun ahi hi. 

Misite in ihmu hi. Bang mah phawk lo hi Solomon in ci hi. Misite 

lumcip uh a, kum leh ni zong sim lo tuat thei lo uh hi. A thawhkik uh 

ciangin asih hun sung uh minit khat khawng a ihmu lel bang mah hi ding 

uh hi,” ci hi. — Luther’s “Exposition of Solomon’ Book Called 

Eccelesiates,” p. 152 (ed. 1573, London). 

Laisiangtho sung peuh mah ah mite a sih phet leh midik in a 

noptuam saang dingin kahto pah a, mimawh in a daan thuak nading


mun ah ki khia pah hi cih pen a genna (550) om het lo hi. Khanglui 

pupite leh kamsangte in zong tua bang a genna om ngeilo hi. Khrist leh 

a sawltakte in zong heem gen ngei beek lo lai uh hi. Laisiangtho in, 

misite thakhat in vantung ah pai pah lo-in, thawhkikna ni mateng han 

ah ihmu uh hi, (1 Thess. 4:14) ci in teltak in gen zaw hi. A sih ni mah 

in, ngun meivaakna khau kitat in, ih kham meivak kia-in kitam dinga, I 

tuikhaina beel kitam pah in(Thuhilhsia 12:6) amah maimang pah (Job 

14:21) in, mihingte lungsim bei-a bangmah phawk nawnlo hi (Job 14:10- 

12). Han sunga paite pen gam daai uh hi. Vanpi nuai-a ki seem peuh 

mah bang mah theih pih lo uh hi. Midik a gimte tawl ngak hamphatna 

hi! Hun saupi ahi zongin amau adingin mitphiat kal bang hi bek ding hi. 

Amaute a ihmu uh a hi hi. Sihtheih nawn lohna silh dingin Pasian pengkul 

mut ging in amaute a phong ding hi. “Tua peengkul a mut ding a, 

misite in muat thei nawnlo dingin hong tho kik ding uh hi...Bang hang 

hiam na cih uh leh, hih a muat theite in muat theilohna a silh ding hi. 

Hih a muat theina in muat theih lohna silh a, hih sih theihna in sih theih 

lohna a silh ciangin, ‘Zawhna sungah sihna kivalh tum zo hi’ ci-a 

Laisiangtho sungah a kigelhsa thu in a tung ding hi” 1 Kor. 15: 52-55. 

Ihmut nuam mah mah pan amaute a ki phot ciangin a sih ma-a a khuaphawk 

tawpna pan-in a khua phawkna le ngaihsut kizom kik ding hi. A 

hin lai uh a, a theih nu nung pen uh in sihna limnuai ah gual-lel in si 

dinga nat a thuak uh hi dinga, han pan a hong thawh khiat kik uh ciangin 

a zak masak pen uh aw in” Han aw na zawhna koi lai ah om hiam? 

Sihna aw na gu koi lai ah a om hiam? “ ci in phu-tun hanla sa-a zawhna 

aw-ging hi ta ding hi.

SIKHA THU UPNA 559 

34 

Sikha Thu Upna 

(551) 

LAISIANGTHO in apulaak vantung misiangthote nasepna pen 

Khristiante adingin hehnepna leh lungmuanna bulpi khat hi napi, 

Laisiangtho hilhna tawh aki lehbulh sikha thu in mi tampi upna lumlet 

gawpin, muhna a mialsak khit ciangin lam a pial sak hi. Mihing in a 

sitheilo pianpih khaa kinei hi cih upna pen Lawkite kiang pana a ki taw 

upna ahi hi. Pawlpi lampial hunsung a Khristian upna thugui dinga hong 

kiguang tawm upna manlo ahi hi. “Misite in bang mah thei thei nawn lo 

uh hi” cih Laisiangtho in tel taka ahilh thu pen tua in a phiat khia hi. 

Tua manin “gupna luah nading mite keem dingun, sawltak nasem ding 

khate”(Heb. 1:14) a cihte pen tua misite’ khaa hi ci in um hiau mawk 

uh hi. Laisiangtho in bel tuate pen vantung mite hi uha, sihna a om ma 

pek nangawn-in mihing tawh kizopna ana nei khin zo uh hi ci-in gen hi. 

Mi khat asih khit ciangin phawk-theihna nei khaa khat om lai 

hi ci-a upna pen a diak diak-in misite khaate in a hinglaite adingin na 

hong seem thei hi ci-a upna ahi hi. Tua in tu lai sikhaa thu upna a 

ultun nading a lampi a ziik sakkhol upna ahi hi. Misite khaa pen


Pasian leh A vantung mite mai-a va kilaak thei, a ni danga a pilna uh 

sangin pil zaw lai uh ahih leh, bang hangin ahing lai te thu hilh-a leitung 

khuavak sak dingin hong ciah kik phot lo uh ahi hiam? Mite up bangin 

a sisate’ khaate in khua phawk in laam laam zaw zen uh ahih leh, adah 

a akap-kap ahinglai alawmte un siatna athuak loh nadingun hong pai 

in hehneem zel lo mawk uh ahi hiam? Sih khit ciangin (552) phawktheihna 

nei khaa khat om lai hi ci-in a umte adingin huu saa tawh 

amaute kianga hong kihil sikhaate pen Pasian kiang pana hong pai hi 

kei, ci-in koi ci nial thei mawk mah ding uh ahi hiam? Satan gamtatna 

pen Khasiangtho’ nasepna mah a ki sak theih nading lampi a hong 

suak hi. Tua pen Satan in a ngimnate a tangtun sak theih mah mah na 

khat a hi hi. A puuk vantung mite in misiste khaa bangin kibawl uha, 

thupuak sawltak bangin hong kineih uh a hi hi. Tua bangin misisate 

leh ahinglaite kizom thei bang keek in hong kigen uh ciangin, dawi 

mangpa in ami khemsiamna tawh mihingte lungsim a bumzo mah mah 

ahi ta hi. 

Mihingte mai ah a sisate alawmte uh’ meel suun khat peuh a lak 

thei hi. A meel puak dan, a kampau, leh a awsuahte a tel mah mah in 

kibangsak lin-lian zah in a lim ciin’ dan siam mah mah uh hi. Mi tampi 

in tua a lawm itte uh tawh kimu kik thei in, vantung ah lungdamna tawh 

kidim cih a zak uh ciangin lung dam pih uh hi. Tua tawh lung hiang 

nawn lo in a thugen teng ngai-in a zui pah uh hi. Tua bang in a om uh 

ciangin “a kheemthei khaa te ahi zongin, dawigilote thu hilhna ahi 

zongin” azui uh ahi gige hi. 

Misite amau kiangah hong hawh thei takpi hi ci-in mite in a up 

uh ciangin, pianthakna neilo a a site bang diak a hinglai a lawmte 

kiang ah a va hawh dingin Satan in deih diak hi. Bang hang hiam cih 

leh, tua bang mite na ngawn in vantung ah mun hoih ngah-in nuam va 

sa uh hi ci-a a kigen ciangin, midik leh midiklo zong a ki lamdanna om 

tuan nawn lo cih a suak sak pah hi. Hih upna khial in mun zaa hong 

zeel baih mah mah hi. Sikha khua pan hong pai-a kibawlte in khat vei


vei thupiang dingte gen khol uh a, a kidop theih nading uh hilh kholin, 

zong hong maan thei zel hi. Tua banga mite muanna hong kip 

ngah khit phot uh ciangin upna lam ah Laisiangtho bang lopi hong 

hilh pah uh hi. Leitung a om lai a lawm itte uh hoih nading a 

lunghimawh mah mah bangin hong kineih uh a, thu kawng heek-in 

upna khial, alauhuai pi pi hong guang uh hi. Thumaan pawl khat a 

genna uh zong om sak uh a, thupi lian pawl khat hong piang dingte 

bang gen khol uh hi. A genkholh uh thupiangte in amau thugente 

uptham cing ahihna teci pang sak-in, tua lak ah khemnaa zuauthu hong 

zeplut uh hi. Tua khemnate zong mipi in maan ding hi, ci-in um-in 

Laisiangthothu zah-in saang uh hi. Pasian thukham hemkhia uh a, 

hehpihna Kha Siangtho nasepna neu bawl-in Thuciamna sisan pen a 

niin in mu sak uh hi. Tua sikhate in Khrist’ Pasian hihna leh Piangsakpa 

ahihnate nial-in, amaute tawh aki kim lel in gen uh hi. Vantunga 

galphuang cil pa in Pasian a langdona khawl nai lo hi. Vantung pan a 

apat hi-a leitungah kum tul guk dek tak bang zom in ado ni loh hi. Tu 

hun ciangin ngimna thak tawh heii-in khem beh lai a hi hi. 

(553) Mi kim khat te leu leu in hih sikha tawh kizopna pen, 

mitphial bang lel in a tuat khak uh hangin, tua akilang na tampite 

nungah mihing bawltawm theih het loh vangliatna khat in na a sem ahi 

zaw hi. Kiu kek kek-a hopih cih bang pian pan-a ki pan tu lai sikhathu 

upna pen mihing lahtheih mitphial siamna hilo in a puksa vantung mite 

in mihingte a khemna nasepna hi zaw hi. Mihingte’ suk siat nadingin 

azat gaalhiam hoih pen pen dinga a bawl ahi zaw hi. Sikhathu upna 

pen mihing bawl tawm mawk hi ci-in a neu seh vialmi tampi tak in ava 

maitang muh uh ciangin, mihing bawltawm mawk theih hi lo takpi hi 

cih a va mu tel san pan uh hi. Tua in amaute a kheem zo ding hong hi 

ta hi. Tua khemna pen Pasian vangliatna takpi ding mah in um to sak 

pahhel sawnsawn lai hi. 

Hi bang mite in Satan leh a sawltakte na lamdang bawlte a muh 

uh ciangin Laisiangtho thumaan pen a enthawl pah mai uh hi. Satan


huhna tawh Pharoah-ii mit phial siamte in zong Pasian nasepna lim ciing 

in lak thei ve ve uh hi. Khrist hong pai ma deuh-in zong “Satan bawlna 

hangin zuauna tawh kipawl vangliatna, na lamdang leh dipkuat huaina 

apawlpawl te tawh ahi zongin, kisiatna tawh a ngah mite ading diklohna 

kheemna a pawlpawlte tawh ahi zongin” Satan vangliatnate hong ki 

dawk kik ding hi, ci in Paul in zong na gen hi. 2 Thess. 2:9, 10. 

Sawltak Johan in ni nu nung ni-a na lamdang kilak dingte a genna ah 

“Mite maitangah vantung panin leitung dongin mei a kiasak dong in na 

lamdang a lian mah mah a lak hi.” ci hi. Mang. 13:13, 14. A kineih 

tawm na tawh Satan in mite a kheem nadingin mitphial bek zangh ding 

ci lo zaw hi. 

Khuamial kumpipa in sawtveipi sung a zat zuau-khem nadingin 

aneihsa avangliatna zat kizen in a siam mah mah hi. Amawhzolna ciangin 

mipawl tuam-tuamte tungah amau omzia a cial cial tawh kituak ding in 

zoldan a siam mah mah hi. Mi teisate tungah sikha thute pil leh tei zawkan 

omzia tawh khem ahih manin, a (554) thangzaak sungah kailut zo ve ve zel 

hi. Sikha thu-a pilna pen James in a genna ah, “Tua bang pilna in vantung 

pan hong tung pilna ahi kei hi; leitung pilna, pumpi pilna, dawi gilo pilna 

ahi hi.” ci hi. James 3:15. Vantungmi Seraph bang keek in kilanga gamlak 

ah Khris ava khempa in iplah ahuai thei bel meel pua in mi hing te a khem 

hi. Thu lianpipi gen natawh migina phalote lawp pak sak pak dan a siam hi. 

Ki-itna leh thupha bawlna khawng thupi asa bang lim-in thu gen siamna 

tawh mite a huup hi. Ngimna-sang zaw nei dingin mite toktho in, amau 

pilna suangin a kisaktheih sak mah mah khit ciangin tawntung Topa 

simmawh dingin a bawl hi. Leitung bup Honpa nangawn mualsang dawn 

tungah pai pih thei a, leitung kumpi gam teng leh a minthan na teng uh 

Zeisu mai-a a laktheihpa-in a mimal tawh ki tuak pen pen ding mawhzolna 

hong keng ding hi. Pasian kepna tawh a na kidal kei buang uhleh tua 

mawhzolna in mite’ lungsim lum let ding hi. 

Abatzawhloh ding leh akiphallo lung pilna nei in, dinmun 

sangzaw alunggulh na ding in Eden huan sungah Evua lungsim toktho


in, mot phatna tawh a mawhzol bangin, tu hun in zong Satan in tua 

mawhzolna teng mah zangin mite hong zol hi. Amah puuksak thusia 

pi pen zong tua mah hi a, tua bang pian mah tawh mite susia dingin a 

ngim hi. “apha leh a sian thei-in Pasian tawh na ki bang ding uh hi” a 

ci hi. Piancil 3:5. Sikha thu Upna in a hilhna ah, “mihing pen khantoh 

ma nawh nam a hi hi; a piantuung-akipan khang toto in, a tawntung 

dinmun ahi pasian suah dongin khang to to ding hi” ci-in hilh hilh hi. 

Tham loin “Mihingin ama lungsim utna bangin gamta dinga, dang khat 

in amah va ukse lo ding hi”. “ Ama lungkimna tawh a khensat a hih 

man-in, thukhensatna a maan ahi hi. Tua ahih maninThukhen tokhom 

nang ma sung ah a om hi” ciin hilh uh hi. Sikhathu ahilh siate khat 

genna ah, “Khaa lam thu phawk theihna” a neih ciangin, “lawmte aw, 

mi khempeuh in mawhna sung ah a puuklo pasian nam vive I hi hi:” ci 

hi. A dang khat leu leu in, “Picing in adik mi khem peuh Khrist ahi 

pah uh hi” ci hi. 

(555) Mihing dinmun man tehna tawi suang ahi Pasian dikna leh 

picinna sangin piansak nate thupi sak zawkna lungsim Satan in ong 

guang hi. Pasian thukham nget dikna mun ah mihingte hoihsak gamtat 

pha leh kuhkalnate ong guang hi. Tawi-suang banga mihing nuntakna 

teh na ding in mawhnei, a khial den mihing’ pahtak thukhunte, 

thukhensatnate in mihing a ding kitehna tawi suang asuak ding in Satan 

in ong guan hi. Tua bang gamtatna te in Pasian lim leh meel sun in 

khantohna ahih sangsik in dikna pan kiamsuk na ahi zaw hi. 

Pilna lam leh Khaa lam thu ah, I et bang zui-in I ki kheel hi. 

Lungsim in a ngaihsut sut khat pen dam dam-in pumpi in a zui hi. I saan’ 

pen pen mah ki it sem sem in, ki zahtak sem sem hi. Mihing in aneih thei 

sianthona, a hoihnaa, leh a thumaanna dinmun ciang khat sangin sang 

zaw ding pianpih nuntakna nei lo hi. Mi khat in amah pumpi a thupi pen 

in angaih sut hangin tua sanga sang zaw in sangkhaan to zaw thei tuan lo 

ding a, dam dam-in niam sem seem lel ding hi. Asang khaan’ thei Pasian 

thupha beel lo in amah leh amah adin sawm leh akiam suk hipah hi.


Ci leh sa lunggulh na tawh ki diah in, gualnop azangh, a 

khuaval, a zulhtatte in pilvaanga a kipuah anavak mite sangin Sikhathu 

um baih zaw uh hi. Bang hang hiam cih leh amau omzia zui-a 

khem theih nadingin mun hoih tam zaw hi.Tua ding mah in Satan in 

mite gi-nat lohna leh athanemna munte a zong niloh hi. A mimal thanem 

theihna munte ciamteh in, hun hoih a omciang in mawhzolna in pelh 

lo-in a zangh pah lian hi. Kideek kidaamna meel nei nawnlo-in, ahi 

ding zah vaal-in mihingte uangtat sak-in, apumpi, a lungsim, leh a 

nuntakna tha teng a kiam sak hi. Tua banga pumpi kepna meel nei lo 

mi tul tampite in a ngongtat ganhing pianzia vom dingin susia khin 

thamlo in a susia sia lai ding hi. Tua nasepn a picin theih nadingin 

Satan in sikha zangh-in, “ thukham khempeuh sangin mihing a 

saangkoih zaw pilna in pilna maan ah hi.” “A hi khempeuh in man in 

dik” ahih manin, “Pasian in mawhsiatna khat bek anei kei hi;” “aki 

palsat mawhna khempeuh zong mawhsiatna in akaai sak kei hi,” a ci 

sak hi. Mite in amau tupna pen thukham saang pen hi, suahtakna pen 

ut banga nuntak theih nading phalna hi, mihing pen amah leh amah 

kisit tel lel hen, ci-in a hong pom uh ciangin mun cin gam cin pan-a 

phulkhia siatna leh kiamsukna pen lamdang sa in alung hi mawh ding 

kua om nawn ahi hiam? Mi honpi in tua amau leh amau hoihsak banga 

gamtat theih suahtakna pen (556) lungdam takin saang uh hi. Ki 

khalna kamkaih pen lunggulhna ngawng ah vawh uh hi. Lungsim leh 

nuntak thatang teng ganhing pianzia in ukcip khin hi. Satan in tuate 

noptak sa-in, a ngeen tawh Khrist nungzui akici mi a tul tul-in khuh in 

a lom lom-in, a luak hi. 

Pasian in tua thaang kisiahte telmuh zawh nading khop 

khuavak leitung ah hong pia ahih manin, kua mah in tua sikha-thu 

taksan kul lo hi. Tua sikhathu-upna thubulpi in Laisiangtho thu a kitelcian 

pen pente nangawn langdona ahi hi. Laisiangtho sungah 

Misite inbang mah thei thei nawn lo uh hi, a ngaihsutna khempeuh 

uh kisia hi, ni nuai-a na kisem khempeuh theih nei nawn lo uh hi.


Leitunga a itpente uhhi ta leh, nuamna dahna hita leh phawk nawn 

lo uh hi,(Thuhilhsia 9:5) ci hi. 

Tham loin, Pasian in misisate’ khaa kineih in a hong kilakte tawh 

kizop ding khaam hi. Hebrewte hun lai-in zong tu hun-a sikha-hopihte 

mah bangin misisa-te tawh kiho thei a kinei mi pawlkhat a om hi. Sikha 

khua pana hong lengla a kinei tua “meltheih khaate” pen Laisiantho in 

“dawi gilo’ khaa” hi ci hi. ( Gamlakvakna 25:1-3; Late 106:28; 1 Kor. 

10:20; Mang,. 16:14.teng saikak in). Dawi lawm neite pen Topa adingin 

kih huai ahih manin, mulkim huai takin sih daan kipia pah hi. Siampilaibu 

19:31; 20:27. Dawi lawmnei cih min mah mah pen ki lipkhapin, 

Khuamial Hun omzia lahna bang khat in aseh uh hangin tua sikha-thu 

in mite atul zaza, a maakmaak-in bum hai khin hi. Leitung pilna lam 

tawh kop in a kalsuan ciangin, pawlpi tampi zo gawp-a, leitung ukte 

pahtakna ngah-in kumpite zum sungte na ngawn azeel khin hi. Hih 

zuau khemna lianpi pen a kilipkap taanglai-a dawi lawmneihna pen mah 

thaksuah kik in, a hong “piang thak” ahi hi. 

Hih in sikha-thu ahi hi cih na ding teci ih mat zawh kei phial leh 

zong theih dingin, thumaan leh mawhna, a hoih a siang pen Khrist 

sawltakte leh a nin pen pen Satan naseemte kikaal a dei dan het loh 

mawk na pan bek in zong Khristiante adingin sikhathu-upna a kikhen 

tel thei ding ahi hi. Mi khansia pen (557) pen khat peuh vantung ah 

om-in a ki paakta mah mah-in Satan in mite tunga a genna ah: “Bang 

zah in gamtat siatna ahi zongin, Pasian leh Laisiangtho up leh uploh ahi 

zongin bang mah thupi lo hi. Hoih nasak bang bang-un gamta nungta 

ciat lel un. Vantung in no mau inn ahi hi” ci uh hi. Tua sikha-thu nasem 

siate in, “Topa in a sia-gamtate a hoihin ngaihsun a, zon itin amaute 

tungah lungkim takpi hi…thukhen ding in Pasian koi lai ah om ahi hiam?” 

Mal. 2:17 a ci uh hi mai hi. Pasian kammal in bel, “A phate sia ci a, 

khuavak dingin khuamial koihin, khuamial dingin khuvak …akoihte in 

gimna ngah ta uh hen “ ci hi. Isaiah 5:20.


Akhemthei khaa te Sawltakpite ong kineih in, leitungah sawltakte 

a om lai uh a Kha Siangtho humuapna tawh a gelh uh laisaingtho thute 

tawh a kilehbulh in thu hong gen ta uh hi. Laisiangtho pen Pasian 

Khasiangtho kiangpan humuap na tawh kingah ahina nial uh ahih manin, 

Khristiante lam et bulpi teng sia sak uh-a, vantung lampi hong lak 

khuavak a mit sat uh hi. Satan in leitung buppi mai ah Laisiangtho pen 

tangthu bang lel hi a, minamte hai lai a om zia tawh kituaka kipia hi ciin 

um sak ding a, tu hun adingin tua zah pi-in ki thupi seh nawn loin, tu 

hun tawh kituak nawn lo ahih manin ki paai khia ta hi ci-in pom sak hi. 

Laisiangtho-a Pasian kammal let cinten nading munte ah tu lai-a sikha 

te hong puak thuthakte pom zaw sak hi. Tua bangin uk theih nading 

zawi (lampi) bawl a, ama deihna bang bang leitung bupin a um sak hi. 

Amah leh a nungzuite thu a khen ding laibu pen paam paih-in a utna 

peuh deenna-a, leitung bup Honpa pen zong mi mawk mawk khat lel 

sangin lamdan zawknaneituan lo sak hi. Han cing Rome galkap te in 

Jesuh’ thawhkikna thu a maanlo-a a gen nadingin siampite leh upate in 

a kam hum uh a, thu hi lopi-a a theih sak mah bangin, hih sikhaa naseemte 

in zong Honpa nuntak lai a thu piangte leh a na lamdang bawlte nangawn, 

a bawl lo mah sa in a ki-up theih nadingin hanciam uh hi. Tua banga 

Jesuh ahepkhiat khit uh ciangin amau in na lamdang bawl in Khrist 

nasepsa nate sangin nasia zaw mah mah ci-in gen ding uh hi. 

Sikha-thu Upna in tu in a sepziakheel ta hi. A huat huai zaw 

diak mun teng Khristian min tawh khuh in a liah sak uh hi. Ahih hangin 

kum tampi sung mipi mai ah hilh in laikhetna te (558) pan ahawmkhiat 

uh thute kilangh lua mah mah khin hi. Tua a hilhsa thu upnate pen kisel 

cip-a, nial kik theih zong hi nawnlo ahih manin, a sep ziate uh pan-in ki 

lang khia ve ve hi. 

A sepziate uh nidanga te sangin neuseh zawk ding hi het lo-a, 

khemsiam zaw uh ahih manin a lauhuai zaw lai hi. Amasa lai-in Khrist 

leh Laisiangtho pen nial uh hi. Ahih hangin tu ciangin anih-in ka saang 

uh hi ci sak napi, Laisiangtho pen piangthaklopite deih zui in khia uha,


a thugil thupi tatate in khiatna mel nei lo dingin asuah hiau mawk uh hi. 

Itna pen Pasian nuntakzia thupi pen hi ci teei napi, sia leh pha theihna 

ciang bang lel-in neu seek-in lungsim ginat zawh lohna in anei zawsop 

uh hi. Pasian’ thutang in mawhna a deih loh luatna, Ama thukham 

siangtho’ deihngetna thute lah muhkhak lohna ah koih cip uh hi. Mite 

in thukham sawmte zong dangka si banga a seh lel nadingun kihilh hi. 

Laisiangtho upna thuguite bulphuhnanusia in, mi a huupthei, a zaknop 

phuah tawm taangthu te mite in aa pom zawkna dingun a makaih uh hi. 

Tua teng ciangin Khrist pen a kinial ngeisa zah mah-in hong kinial kik 

hi. Satan in tua khemna pen a kiphawk khak loh nadingin mite thuman 

muhna lungsim mit a hum sak hi. 

Tua sikha nasepna leh a huzaap a lauhuaina a phawk mi tawmno 

bek a om hi. Mi pawlkhat in thei tel nuam in ava neh zel uh hi. Amau in 

um tak sam lo uh ahih ciangin tua sikhate uksunga va kipiak ding pen 

kihtaak huai sa saam uh hi. Ahih hangin a khamna gamgi khengin ava 

kalsuan uh ciangin mi suam pipa in a vangliatna tawh amaute na bum a, 

amau kimuanna lungsim nabang lo-in lehheii zo ve-ve hi. Khat vei ama 

ut banga a lungsim uh akaih sak theih khit nak leh lah galmat salkhawiin 

a khawi pah zel ahi hi. Amau thahatna bek tawh tua abumna leh 

bilthak neihna pan in suakta kik zolo uh hi. Lungsim tamkham leh 

muanna tawh Pasian kianga kingen thungetnate a hong dawn ciang bek 

in tua thaang awk te ki honkhia zo pan bek hi. 

Gamtat hoih lo zongsatna leh mawhna thei gige-a nop asa mite 

in Satan mawhzolna a sam sam uh a suak hi. Tuate in Pasian kiang pan 

paikhia in, amau a vil vantung mite (559) taisan uh ahih manin, gilopa 

in a khem ciangin belh ding nei lo suak uh a, baihlam takin puuk in 

matsa suak uh hi. Tua banga Satan’ vangliatna tual sung a va lut mite 

in a tawpna ah bang suak ding cih a ngaihsun kha het kei uh hi. Amau 

sep theih na ciang ciang tawh mi dangte khim-sawn ding leh a susia 

dingin ki zangh sawn thei pah uh hi.


Kamsangpa Isaiah in, “Amaute in no kiang ah phun suausuau 

in a pau mualmual vankah theite leh aisan theite kiangah thu 

dong un. Mite in amau pasiante thu dongin, mihingte’ thu pen misite 

dot ding mah hilo ahi hiam hong ci ding uh hi. Thukham leh 

Laisiangtho thu tawh kituak in thu a gen kei uh leh tuate sung ah 

khuavak om lo hi na ci un “ Isa. 8:19, 20(KJV) ci hi. Mi khat peuh 

in mite pianpih omziate, leh sih cianga omzia tawh kisai thumaan a 

theih nop leh Laisiangtho sung ah kitel takin a om hi. Tua pan mah 

in sikha hopihte genna leh Satan nalamdang bawlte zong ki mankhia 

thei mah mah lel hi. Ahih hangin mite in ci-le-sa lungsim deihna 

banga suahtak mah ut zaw in, mawhnate it uh a hih man-un, paikhia 

nuamlo uh hi. Pasian hilhnate awlmawh loin, khuavak a muh khak 

ding uh a mit uh hum uh a, Satan in a ma ngimna sungah akihel 

dingin puan gat bangin gan khawma, Satan samat a suak uh hi. “Bang 

hang hiam cih leh, tua mite in gupna ngah nadingun ki-itna tawh 

kipawl thuman a sang kei uh hi” tua ahih ciangin “amaute in thuman 

thutak umlo in, gitlohna-ah nuamsa in, zuauthu um dingun khemna 

in hahkata a sep thei na thu Pasian in amaute lak ah apiang sak hi.” 

2 Thess. 2:10, 11. 

Sikha-thu kihilhna a na nialte in mihing bek nial hi loin, Satan 

leh a vantung mite zong a do uh ahi hi. Amaute in alianbelte, 

vangliatnate, leh vantung tawh kipawl mun a a om gilo khaa te tawh 

kido na ah a lut uh a hi hi. Vantung sawltakte vangliatna nang zo lo in a 

tawkin kei buang leh Satan in a siksa leitang pan in letmat khat zong a 

nungtolh het lo ding hi. Pasian mite in amah pen in Honpa’ nan’ bangin 

“ci in Laisiangtho sungah kigelh hi” cih kammal bek tawh a nangh zo 

ding uh hi. Tu nangawn-in Satan in I Topa khang lai-a a let ngeisa bang 

mah-in Laisiangtho kammalte len ding a, a khiatna pen ama khembawlna 

lam-a a lut thei dingin lumlet ding hi. Hih khemna hun haksa lakah a 

kip din nuam mi peuh mah in ma nuntakna akihut nadingin Laisiangtho 

gen thumaan a theih tel peel mawh ding ahi hi.


Mi tampi in meel theihte leh ih lawmte banga kineih in alau huai 

pen (560) pen upna lampial ahilh dawite tawh kitalsik ding uh hi. Tua 

sikhate in eite hong khasiat mah mah bangin hong kigen ding uh a, 

amaute I up theih nadingin nalamdangte hong bawl ding uh hi. Tua thu 

thei khol-in kigingsa-in ih om dinga, misite in bang mah thei nawn lo uh 

hi, tua a hong kilak mi pen gilo dawite’-khaa hi cih Laisiangtho sung 

thuman ah kip tak in ih ding ding hi. 

Eite mai ah “leitung khempeuh ah atung ding ze-etna hun “ a 

om lai hi. Mang. 3:10. Ama upna Pasian kammal tunga a phut kip lo 

mi peuh mah tua ze-etna in zo ding hi. Satan in “gitlohna tawh a 

siamtheih tawp in khemna seem in, mite a uk zawh nading hanciamna, 

beh lap lap den lai hi. Ahih hangin ze-etna a thuak mipa in thukimna 

tawh ana kipiak ciang bek in tua mi a zo theih ding hi. Bang hang 

hiam cih leh “lungduai taka thuak dingin kong thupiak na man 

nungsangin, …ken zong nang kong pengkhiasak ding hi. “ Mang. 

3:10(ZIV), cih pen Honpa hong khapna ahi hi. Amah muang khaa 

khat pen Satan zawhthawhna in a suksiat ding sangin, vantung hawm 

nusiat liang zawin amite hum dingin a vantung mi khempeuh na ngawn 

van pan a sawl khia nuam zaw ding hi. 

Pasian thukhenna pan ka suakta zo uh hi ci sak ding, migilote 

tunga hong tung ding a lau huai khemna khat kamsangpa Isaiah in 

hong gen kholhna ah, “Eite in sihna tawh thuciamna khat ih bawl zo 

a, Leinuai tawh thukimna khat ih nei zo hi; a tumcip ding tuiciin 

hong tun’ ciangin ei hong ban lo ding hi; bang hang hiam cih leh 

zuau thu ih beela, zuauna ah ih bu hi” (Isa. 28:15) aci sak hi. Hihte 

pawl pen tu-a kisik kik nuam lo-a ngawng khauhte, mawhneite daan 

piakna om ke’n teh ci-a a ki hehnem in a ki lung muangsakte, mihing 

khempeuh nin ta le uh bang mah dei-danloin vantung ah ki lato 

nadinga, Pasian vantung mite bang hi ding hi hang, a cite kihel uh 

hi. A thupi zaw lai khat in, buaina hunah (561) vantung Pasian pen 

a midikte bukna kulhpi a hong suah ciangin amaute buk nading mun


kulhpi-in Satan piak sikha-thu upna tawh khemna zuauthu pen bek 

ahi hi. 

Tu khang mite in gen zawh loh a lamdang mah mah in mittaw 

uh hi. Mi tul tampi in Pasian kammal pen muantham cing saloin 

Satan khemnate muang mah mah zaw uh hi. Kamsangte leh sawltakte 

thu upna bang a leen tentaante pen a kho ngap lote leh mi zahpih 

thei te in ciamnuih bawlna-in nei uh a, Khrist leh hotkhiatnading 

geelna tawh kipawl thumaante nuihsan uhhi. Amau tunga tung ding 

thukkikna thu khawngte nuihzak bawlna-in nei uh hi. Pasian cih 

bang a mang nuam leh zui nuam napi thu tampi thei lo-a tha neem a 

taksang baihte lungsim patau sak uh hi. Amau in sihna tawh thuciam 

bawl zo uh a, Hell tawh thukimna nei khin uh ahih ciangin, Pasian 

thuk kikna in amaute sukha thei het lo dingin thukip nei khin ci-in a 

kitelsa bangin lung muang uh hi. Bang mah in amaute lungsim pholh 

khia thei het lo hi. Mi khempa tawh kinak zop lua khin uh a, a 

lungtang puak in thu zawh lua khin ahih manin a thaang awkna panun 

a suak ta kik zo nawn kei uh hi. 

Satan in leitung bup a khem nading nasepzia sawt veipi a geel 

khol hi. A nasep kipatna bulpi in Eden huan-a Eve tung pan kipan to 

a, “ na si kei ding uh hi” “na nek ni un na mitte uh ki hong dinga, sia 

leh pha thei-in Pasian tawh na kibat ding lamtak uh Pasian in thei hi” 

Piancial 3:4, 5, a cihna pana kiphut to pah a hi hi. Dam dam-in behlap 

to to a asisate khaa silo in ahinglaite tawh ong ki zom in na sem lai uh 

hi cih sikha-thu upna ciang a tun’ ta a hi hi. Ama deihna leh a ngimna 

zah a tun’ khin nai lo lai ahi hi. Ahih hangin hunbei kuan hun tawmno 

bek a neih laitakin adeih tan atun dongin sem khin ve-ve ding hi. 

Kamsangpa in, “uiphuk tawh kibang a kihuai kha pawl thum a 

pusuakkhia ka mu hi. Amaute in nalamdangte lakin Vanglian tawntung 

Pasian’ ni lianpi-ah gal do-in leitung khempeuh pan kumpite 

kikhawnsak ding in a paikhia dawi gilo’ khate ahi uh hi “ ci hi. Mang. 

16:13, 14. (562) Pasian vaang leh Ama thu a umte ki kem tuam dinga,


tuate lo buang leitung buppi in hih khemna sung ah lut khin ding uh 

hi. Mite pen amau lung muan nadingin ki khim phot ding a, Pasian 

hehna hong kibuakna bek in khangh-lo sak phing ding hi. 

Topa Pasian in agen in ah, “Keimah in thutan’na pen khau 

khai bangin ka bawl dinga, thuman’na pen khaukhai sikbawk bangin 

ka bawl ding hi; gial in na zuau buk uh dengkhia dinga, tui in na 

bukna mun uh susia ding hi. Tua ciangin sihna tawh na thuciamna uh 

kiphiat dinga, leinuai tawh na thukimna uh kip lo ding hi; a tuum cip 

ding tuiciin in hong nawk ciangin note hong sugawp ding hi “ Isa. 

28: 17, 18, a ci hi.


35 

Biakna Lam Suahtakna Kiam 

(563) 

ROME upnate Protestant-te in ni dang sangin, tu in, neh ngam zaw 

ta uh hi. Katolicte hat lohna gamte leh papacy huzap in zeel leh 

ut-a a hanciamna gam te nangawn ah papacy vangliat lai-a puahpha 

pawlpite pusuahna apiangsak upna kilamdangte beimangin, kipawl 

kikna khang mah mah ta hi. Mite in i upna thugilte zong tampi lua ki 

lamdang sam lo hi, i khauh luat nate dau sak zaw le’ng Rome tawh 

kitelsiam in zong ih kinai thei zaw pah lel ding hi cih lungsim vive nei 

ta uh hi. Protestant te in ahih uh leh biakna le upna lam suahtakna 

pen manpha sa uh hi. A neih alam khempeuh nangawn uh tawh a khek 

ngam lian lian sa uh a hi hi. Papacy nung zuih ding leh Rome tawh 

kipawl khak ding pen Pasian tawh ki khenna hi-a, deih huai lo hi ci in 

a tate uh zong ahilhsa uh thu a hi hi. Ahih hangin tu in bang zah-in 

hong ki lamdang ta hiam. 

Papacy a hu mite in a pawlpi uhin gensiatna thuak lua mah 

mah hi ci in agen uh pen Protestantte in zong thukim pih tham zel uh 

hi. Thu phawk theih nai loh hun lai-a, kum zalom tampi sung lipkhap

BIAKNA LAM SUAHTAKNA KIAM 573 

huai leh a hai huai-a pawlpi gamtatnate tawh tu hun-a pawlpi pen 

mawhsak ding ki lawm nawn lo hi ci in mi tampi in thum ta uh hi. Tua 

a mulkim huaipipi a a gitloh gamtatnate uh pen a thu theih ma uh hun 

hi a, tu in pil zaw, thukhual zaw in pawlpi’ lungsim puakzia kikhel ta 

hi, ci uh hi. 

(564) A Khial Ngeilo leh a Khial theilo pawlpi’ thuneihna tawh 

kisem ahi hi ci-in a gitloh gamtatna teng mah uh kum 800 sung bang a 

kisialh tawntung lamtak uh hih mite in mangngilh ta uh ahi hiam? Pawlpi 

in a kisialh pih den uh ahi, A khial Theilo cih thuguilet pen khahsuahlo 

bek thamlo in kum zalom19 sung bangin zong ni dang sangin kip sak 

zaw in a khauh let zaw lai uh hi. Rome in a pawlpi pen, “Lam khial ngei 

lo hi, khial lo paisuak ding hi,” ci hi. Laisiangtho tawh i etkaak ciangin 

lam khial den keei uh hi cih ki mu hi. Amau ki ukna leh a thubulphuh 

sate uh koi ah paikhia thei mawk ding uh a hi hiam? 

“A khial theilo” cih thugui-let pen Papal pawlpi in a pawlpi 

thugui-let lak pan in khah suah ngei lo ding uh hi. Hun beisa in amau 

up bang um lo a a nialte a bawl siatna uh ciangin Ka khial kei uh hi a cih 

bang mah in hunpha ngah le uh tua bang mah in hih kik lai lo ding uh ahi 

hiam? Tu in, kumpite in tua bang agamtat ding uh hong dal sak lai ahih 

manin agamta theih lo ta dih uh hi bek hi.Tua dalna bei in Rome in 

vangliatna hong ngah kik leh a gitloh gamtatnate leh a bawlsiatna ngei 

teng mah hong zangh kik pah ding uh hi. 

Papal vangliatna in mimal neih lungsim upna nangawn gakcip in 

a uk zia leh United State in a gam thukhun ah tua lungsim puak zia a 

ettehna thu a gelhna ah, hih bangin gelh hi: America gam ah Roman 

Katolik upna kihtakna pen naupang vai lua in, thu cilgilna bang lel in a 

tuat mi tampi a om hi. Tua bang mite in Romete omzia leh lungsim 

tawng a theitel het lo uh ahi zaw hi. Suahtakna leh biakna zalenna tawh 

ih sep khantohnate leh nasepna phualpite a hong huat zia ahi zong in, 

gol zaw in ong thahat lai leh uh bang hong cih ding uh hiam cihte a


telmuh het lo uh a hi zaw hi. Tua ahih ciangin i kumpite thukhun 

bulphuhte leh amau thubulphuhte pawl khat sai kaak dih ni. 

“United States(America) gam thukhun bulpi in mimal’ lungsim 

up biakna ah suahtakna a kip nading in a hut sak hi. Tua sanga manpha 

zaw leh it huai zaw bang mah om lo hi. 1854 kum August 15 ni a pope 

Pius 9-na pa in Encyclical kici laikhak a gelhna ah, “Mimal’ lungsim up 

biakna suaktakna pen thupisa in kip letna leh humsakna in a nawngkai 

pen pen langpan’na ahi hi. Mi dang a nawngkai sak leh a kihtak huai bel 

thu ahi hi” ci mik mek hi. Tua pope mah in, 1864 kum December ni 8 

ni-a a gelhna ah, “Mimal’ Lungsim up biakna ah suaktakna hut sak ding 

a gen te”, leh “pawlpi in upna lam ah zawhthawh thu le thatang suang 

lo ding aci tei tei te” in sam siatna ngah hen ci-in agelh hi. 

(565) America gam a Rome aw-neem pen a lungsimpianthak 

takpi man uh hi lo in, a pangh-paatna mun uh a a aw-neem mawk mawk 

uh a hi bek hi. Bishop O’Conner in: “Biakna suah takna in Katolik a 

hong sukkhak loh sung teng ciang ki zangh thei bek ding hi” ci hi. St. 

Louis a Archbishoppa in khat vei, “Upna dang neite leh thu umlote pen 

mawhmat theih thusia neite a hi uh hi. Mikhem peuh in Katholic upna 

zui-in, tua biakna mah gam ukna thubul asuahna Italy leh Spain akipan 

khristian gamte ah tua bang mite pen Upadi dang palsat te mah bangin 

daan kipia hi,” ci hi. 

“Cardinal te, Archbishopte leh bishop te khempeuh in pope tunga 

thumaan dingin kamciam bawl uh a, hih a nuai-a kammal bangin ciam 

uh hi” “Upna lampial te, pawl khen te, leh i Topa (pope) ahih kei leh 

ama baan zom te a langpan peuh mah te tung ah bawl siat theih tawp 

suah in ka do ding hi” ci sak hi.– Josiah Strong, “Our Country”, ch. 5, 

pars.1-4. 

Rome pawlpi sung ah zong Khristian citak mi om a, amau 

khuavak ngah zah zui in Pasian a beel taktak mitul tampi mah tua pawlpi 

sungah a om hi. Laisiangtho ki sim sak lo ahih manin Thumaan telmuh


kha lo uh hi. Lungsim tak tawh biakpiakna leh biakzia ding bawltawm 

lim khat zui-a biakpiaknate’ ki lamdanna zong mu kha ngei lo uh hi. 

Pasian in upna nei-a mite khemna lampi zuikha tua bang mite hehpihna 

mittang tawh a avil hi. Tua mite a khuhcip khuamialpi athengsak dingin 

Pasian in Jesuh neih thumaan khuavak tawh tua mite salhvaak ding hi. 

Tua ciangin mi tampi in Pasian mi dikte hong pawm ding uh hi. 

Cikmah hun in Rome te upna leh zuihna pen Khrist 

Lungdamnathu tawh kihual ngeilo hi. Abeisa Khang khempeuh a aki 

tuah theih loh mah bangin tu in zong kilem zaw tuanlo hi. Protestant 

pawlpite zong khuamial in khuh cip ta hi. Tua hi kei leh hun ciaptehna 

dinga kihil lim le nalamdangte tel thei ding uh hi. Rome pawlpi ngimna 

leh a sepna uh a taangzai mah mah ahi hi. Amah in leitung bup a uk kik 

theih nadinga gaaldo ding in ki ging khol gige hi. Protestantte sepsa 

teng lumlet in bawlsiatna tawh anuai mang kik zawh nading ngimna 

tawh a vangliatna in huzaap a neih sem-sem theih nadingin hih theih 

zawh zah in a han ciam niloh hi. Katolikte in mun khempeuh (566) ah 

dinmun nei kawi kawi uh hi. Protestant gamte nangawn ah a pawlpi leh 

a pawl mi pun ziate uh na en un. America teek teek ah a college uh leh 

a biakna sinna seminaryte uh min thang mah mah a, Protestant te teek 

teek mah in va panpih uh hi. England gama a biakpiak ziate uh Katolik 

suun in bawl beh beh lai uh hi. Tua banga thupiangte in Lungdamthu 

bulpite thupi asa mite lungsim a phawng ding hi. 

Protestantte in pope omzia deih pih uh a pawlpih ding in hong 

kineel uh ciangin, a upnate uh zong hong ki hel gawp pah hi. Upna 

hong khiam suk zel ahih manin pope pawlte mah mah in zong lamdangsa 

in tel hak sa zaw phial ta uh hi. Mite in Rome te gamtatzia leh a thuneihna 

azat hun a hong tun’ cianga piang ding lau huai nate kimuh mawh bawl 

in phawk kha lo uh hi. Gam mipi leh Biakna suahtakna gaal ahi cih 

lauhuai thu in mai a nawt loh nadingin, mite khanghlo in a dal ding uh 

ki sam hi.


Protestant tampi tak ngaihsutna ah, Katolik te biakpiakzia in 

milawpsak lo hi, cimtak huai in thadah huai lel hi, khiatna zong nei lo hi, 

bawltawm a omsa khat lumlet tha pai uh hi, ci-in neuseh sak kha zen zen uh 

hi. Hih mun in Protestantte khialhna bulpi ahi hi. Bang hang hiam na cih 

leh, Rome biakpiakziate pen khemna bulpi-a ki zangh ahih manin apuatham 

etpak sang in asungthu kuullut zaw in mihing lungsim a zo zaw hi. 

Biakpiakzia leh zeh tuam tuamte in mipi’ cimul tho sak thamlo in lungsim 

tawng a ciliap sak khit ciangin sia leh pha khentel theihna lungsim nangawn 

kongkawcip sak ahih manin lop thop bawl ngam lo leh zahtaklo theilo ding 

in a koih hi. Mite mit a bum zo mah mah uh hi zaw hi. Biak inn gol mah 

mahte, zahtaak a huaithei pen ding zia tawh pai in biak-innpi sung a lut 

dante uh, kham biakna taute tawh, suang manpha tawh kibawl biakna 

vanzatte, a meel hoih-a ki zuut milim te, leh a kisui milim hoihte amuh uh 

ciangin mite in it in hoih sa uh hi. A va zak te uh mangngilh thei nawnlo uh 

hi. A kisa Late zong dem theih loh zah in ngaihsa uh hi. Zahtak kaai biak 

inn tutphahgual pan-a Organ ging thuum ham ham te tawh kihualkhawm a 

hong ging aw-hoih tampite sak langaihte in mangngilh zawh nawnloh zah 

dingin mite lungsim bun ahih manin lamdang sa in a zahtak pah uh hi. 

Tua banga a pualam thupina leh zahtak-kaai dinga lah khiatna 

pen mimawhte lunggulh azol pak na bek hi lel ahih manin lungsim 

ginatlohna akilatna khat a hi hi. Khrist biakna maan ah tua bangin 

apuatham tawh mi a huup thei nate ki zangh lo hi. Singlamteh pana 

hong tangkhia khuavak sungah Khristian thumaan pen siangtho leh it 

huai takin a ki langh hi. A pua tham thupina in tua (567) sung lam 

manphatna cik mah in ademzo kei hi. Pasian deih manphatna pen 

lungnema kiniamkhiatna leh a ithuai siangtho nunzia a hi zaw hi. 

Minthanna leh gualtung tuan na in asiangtho leh apicing lungsim 

lahkhiatna ahi tuan kei hi. Khutsiamna thupisa in, ahoih no no bawl 

theih leh tua dan uukna lungsim puakna pen leitung vai lunggulhna hi 

den zaw hi. Satan in khaa lam tangsapna tak takte aki mang ngilh theih 

nadingin tua bang nate thupi seh dinga a bawl ahi hi. Mihingte in a mai


lam thu ding uh mangngilh in, nuntak tawntungna ngah theih nading 

ahong huh Pasian nungngat in, hih leitung khan khatsung ading bek in 

nungta lel le’uh deih in Satan in tua banga a makaih ahi hi. 

Lungsim piangthaklo mite in a puatham-a dawk biakna lunggulh 

uh hi. Romete biakbawlziate in zol siamna, bum siamna vaang nei ahih 

manin, lampialna phungpi suak in mi tampite a khem hi. Tua pawlpi bek 

vantung lut nading kong vang bangin a tuat uh hi. Pasian thumaan-ah a 

khe a phut kipte bek mah tua huzaap in zo lo hi. Ahih hangin Khrist tel 

tak a theilo mi tul tampite in Pasian biakna apuatham teng zui uh a ahih 

hangin vangliatna anial tua a kipi bawl biakna saang in lungkim mah 

mah ding uh hi. Ahangin tua bang biakna nam bek mipi in a lunggulh se 

uh ahi hi. 

Pawlpi in mawh maisak theihna nei hi cih thu in a pawlpi mite 

mawhbawl a haang sak hi. Mawhsutna omlo in mawh maina kipia lo hi a 

cih uh ciangin mawhbawl theih nading lampi ahonsak asuak leu leu zel uh 

hi. Mawhnei mihing ve ve khat mai ah khuk din a lungsim tawnga a neih 

khak gitlohna leh thusim teng a va pulakte in a mihing hihna niam khiat a 

suak hi. Ci le sa deihna zui in zu le a dangte tawh a pheengtat, a khial thei, 

asi thei veve mawh nei mihing lel khat tungah a nuntak ginat lohna teng a 

va pulaak uh ciangin a nuntak zia a niam khiat suak uh a, a baan ah siatna 

a bawl ngam zaw hi. Pasian din mun ah Siampipa mu pah phot uh ahih 

manin, Pasian pen mawhnei mihing khat bang lel dingin a lungsim uhah a 

koih suk sawn sawn hi. Ahangin, mihing mai-a mawhsut in kipulakna pen 

kiamsukna lianpi khat ahih manin, siatna tampi a piansak ban ah, leitung 

ninsak in, hal tum dinga kilawm dinmun atun pih zong tua mah a hi hi. 

Ahih hangin mi thoptat nuamte in Pasian mai sangin mihing mai-a kipulak 

ut zaw uh hi. Mihing pianpih lungsim in a mawhna nusiat ding sangin 

pumpi gimpia in gawtna thuak (568) (penance) ngam zaw uh a, ci le sa 

lunggulhna khai lup ding sangin ci le sa ippi puan silh-in Laho peuh ki bik 

sak-a sik khau tawh ki khih khawng ut zaw uh hi. Khrist hakkol sangin ci le 

sa lunggulh hakkol in nak pi in a gik zawtham pek ahi hi.


Khrist hun laia Judah Pawlpi leh Rome pawlpite vai a kibatna a 

om hi. Jew te in apuatham in thukham te zui-uha, a kuhkal nuam mah 

mah bang keek in tanglai pupa ngeina a beh lap uh hi. Ahih hangin a 

thukhun-gil bulpi teng sim tham takin a sikcip uh hi. Tua bang hi napi 

uh in Judah te in thukham ka zui uh hi aci ve ve uh hi. Rome pawlpite in 

zong singlamteh ka zahtaak uh hi ci uh hi. Khrist thuakna lak ding limte 

thupi sak in a pahtawi uh hi. Ahih hangin amau nuntakna sung Zeisu ki 

dawk sak ding anial uh hi. 

Tua pawlte in Biakinn tung, biakna tau tung, leh puansilh tung 

khawng aki pan mun ci teng ah singlamteh lim tawh ciamtehna koih uh 

hi. Mun khempeuhah tua lim pen pua tham zahtakna leh pahtawina a 

pia uh hi. Ahih hangin Khrist hilh thute pen khiatna nei lo, thuciin 

mawk mawkte leh a khiatna maan lo a phuahtawm thute sangin niam 

sak zaw in a phum cip uh hi. Mittaw sialkhau-let tentan uh ci in Honpa 

in Jew te amawh paih na teng tu-in Rome pawlpi makai te in a vetzaw 

in a zui uh hi. “Amaute in vangik pipi lom hen in mite liangko ah a suan 

uh hi. Ahi hangin tuate khin nadingin a khutme nangawn uh a tangsak 

nuam kei uh hi.” ci hi. Matt. 23:4(ZIV). A khalau thei mite tungah 

Pasian hehna kihta in lau thawng sak den napi uh in, pawlpi uliante 

khuaval zulhtat in a-ut a-nuam-un nungta uh hi. 

Milimte leh tangvan biakbawl na, misiangthote tunga thuumnate, 

leh pope pahtawinate pen Pasian leh A Tapa kiang panin mite lungsim 

heii khiat theih nadinga Satan vai hawmna a hi hi. Mihingte a suksiat 

zawh nadingin, gupna a pia thei, Pasian khat bek a ompa kiang panin 

mite a zol khiatna a hi hi. “Vangik pua a a gim mite aw Ka kiang ah 

hong pai ta un, tawl damna ka hong pia ding hi” a cipa taang-in nadang 

khat peuh guang ding hanciam ahi hi. Matt. 11:28. (569) 

Kidona lianpi’ thudopphah ki kimangngilh in, mawhna lipkhap 

huaizia aselcip zawh nading leh Pasian dikna akitelkhialh theih theih 

nading in Satan a hanciam tawntung hi. Ama muut siamna zangh in


Pasian thukham a kulnate kiam sak a, mihingte mawh theihna ding 

lampi ahon sak hi. Pasian agilo mah mah bangin mite a muh sak khit 

ciangin itna tawh bialo in sahang kihtak bangin kihtak na tawh a bia 

sak hi. Ama gamtat gitlohna lim vomkhinsa in Piangsakpa tung ah 

biakna a pia sak hi. Mite mit taw sak in, Pasian langdo ding a sawltakte 

a suak sak hi. Pasian omzia aleh-amakin mite theisak ahih manin 

lawki mi namte in Pasian maipha muh zawhna dingin mihing luang 

tawh biak kul hi cih dong in a um sak hi. A mulkim huai nono tawh 

milim biakna piang sak hi. 

Rome pawlpi in lawki tawnzia leh Khristian upna a heelkhawm 

hi. Lawki lamah Pasian omzia a-leh-amak in laka, gitloh theih tawp leh 

galbawl theih tawp suah-in langdo sak hi. Rome Pawlpi’ vangliat pen 

hun sung in amau upna bang a up pih nuam lo te a khel thei pen pen in 

gawt bawl uh hi. Ama thu a mang lote adingin thahna khuampi a phut 

uh hi. Thukhenna ni a aki pholaak ma teng a kimu ngeilo hel ding zah 

milompi suamlupna om sak kawi kawi zel uh hi. Sipahlo in sawtvei 

agenthei sak ding bawlsiat dan a siam nading un pawlpi makaite in Satan 

khutnuai ah siam asin uh hi. Mun tampi ah a mi khelbawlna te uh 

mihing thuak theih loh zah in veetsuah lua ahih manin, athuakte in sihna 

pen anuam mah mah suahtakna bangin a lunggulh zaw uh hi. 

Rome a langdo kha mi peuh mah’ tanh (tel) ngah ding pen tua 

bang thuakna vive a hi pah pah hi. A mite asek nading khaalna in an 

ngawl gilkial a sauveipi khumcipna, pumpi gentheih nading a khel nono 

leh lung gim theihna tuam tuamte azang hi. A ki sik kik mite in Vantung’ 

maipha a ngah nop manun nate’ pianpih thukhun ngeina palsat natawh 

Pasian thukham a palsat zaw sop uh hi. Leitung nuntak sunga mihingte 

nop sak nadinga Pasian piak thupha teng nolh dingin a kihilh uh hi. 

(570) Tua man in, Pasian heh sak hi ci in a up uh leitung na khempeuh 

thamlo in lawm le gual itna nangawn nusiat sawm a amau leh amau a ki 

mawk gawttawm gimthuak mitampi biak inn huang sungte ah kimu 

kawi kawi hi.


Kum za tampi sung Satan nasepna leh gitlohna a theikim nuamtein, 

Pasian min aza ngeilote lak sangin, Khristian laka Rome pawlpi 

khangtangthu sung pan bekin mu zaw ding hi. Gilo pa in hih khemna 

lianpi tawn-in Pasian sim mawhna leh mite siat bawlna ding ageel na 

teng a deih bangin a sem ziah ziah hi. Tua agamtatnate tungtawn in 

amah leh amah a kisel sim zia, pawlpi makaite khutzat in ama deihna 

bang a tangtun sak zia, leh Laisiangtho a mudah diak ziate ki mu thei 

hi. Tua laibu mite in sim in thei leh Pasian hong itna leh amigitna kimu 

dinga, tua bang van gikpi-pi bangmah mite tungah suanlo ahih lam zong 

a kilang ding hi. Pasian in lumgsim kitamkham a ki sik kikna leh ki 

niamkhiatna tawh thu man ding bek a hong ngen ahi hi. 

Vantung tun’ theih nadinga vantung deih gamtat pha ah kisek 

nadingin phungzi saang sung khawng ah numei pasal kong kikalh nelha 

om ding cih bang hilhna Khrist in nei ngei lo hi. Ki itna leh kideihsakna 

te nusiat ding zong gen ngei lo hi. Honpa lungsim in ki itna tawh a 

dim leet a hi zaw hi. Picinna lam ama nawh mite lungsim ah mawhna 

omzia tel theih zaw in thuaksiate hehpihna leh khualna lungsim adim 

sem-sem zaw hi. Pope in Khrist-ii taang ka hi ci napi in ama gamtatte 

leh Honpa-ate khai kaak le’ng bang i ci muh ding hiam? Khrist in 

Amah vantung Kumpipa ci-a a bia nuamlote thong sung peuh ah khumin, 

khuam tung peuh ah khai-in sat gawp ding cih bang ahih ngei hiam? 

Amah ana saang nuamlo te sih daan a tat ngei hiam? Samaria khua 

mite in Amah na neubawl lua in Johan a heh suak lua a, “Topa aw, 

amau te suksiat nadingin vantung panin meikuang sam le ung nong 

awi hiam?” ci-in adot ciangin Jesuh in a nungzuipa lungsim man lang 

lua hehpih in, “Mihing tapa in mite nuntakna siasak ding hilo, ahonkhia 

dingin hong pai ahi hi” ci zaw hi. Luka 9:54,56 (ZIV). Khrist lungsim 

leh Ama taanga ding akineihpa bang zah tak in (571) ki lamdang mawk 

uh ahi hiam? 

Rome pawlpi te in amau lipkhap huai gitloh gamtatnasa tangthute 

thuum na kamsiam tawh a melh uh hi. Tu in Khrist puan tawh ki zeem


uh a, ahih hangin a sung lam uh kikhel tuan lo hi. A khunsa uh 

thubulphuh ngeina teng tudong mah in kip lai hi. Khuamial pen pen 

hun lai-a a bawl uh upna bulpi te mah kip let lai ve ve uh ahih manin, 

kua mahin tak sang pah kei hen. Protestant te in a lam naih uh papacy 

thuguilet leh vangliatna pen puahphat hun lai-a Pasian mite in luang 

khaam-a ana mawh kawk khiat pen mah uh hi lai ve ve hi. Kumpite 

uliante a uk, a nuaisiah, ki phatsakna leh ki thuneihna teng mah len lai 

uha, Pasian khutzat mahin a ki gen lai ve ve uh hi. Gitlohna leh suksiatna 

lam ah mihing te suahtakna suksiat sak a, sangbel Pasian misiangthote 

a thah thah hun lai sangin alungsim uh neem zaw tuan nai lo hi. 

A vangliatna in zong 2 Thess. 3:3,4.sunga hun nu nung lampial 

nading hilh kholhna ki gen pen mah a hi hi. Thankik in a tawlbawk 

alang san, alang duma akidawk sak theih bangin a vaihawmna leh ngimna 

te a picin theih nadingin kidawkzia khel dan a siam hi. Ahih hangin tua 

akheel kawikawi pianziate nungah a gulgukhauh a sel sim kin ken hi. 

“Upna pen upna lampialte leh tua bang dinga muan mawh ahuaite tawh 

mot koih khawm ding hi lo hi” ci uh hi. – Lenfant, “History of the 

Council of Constance,” vol. 1, p. 516 (ed. 1728). Misiangthote sisan 

tawh kumtul vaalsung avangliatna uh ana ciamteh tua pawlpi pen Christa 

mah in ki bangci pom thei ding hiam? 

Ni dang sang in Rome pawlpi hong kikhel zaw hi, Protestant te 

tawh hong kineh mah mah ta hi, ci-a Protestant gamte ah a ki gen kheu 

kho pen a haang khat a om ahi hi. Kikhelna pawlkhat a omtei hangin 

papacy lampang panin athu uh a kheel ahi kei hi. Rome pawlpi in Protestant 

te tawh hong kineh mah mah ngei hi. Tua pen Protestant te in 

puah phate huna a upna leh zuihnate panin hong niamkiat zaw pha mah 

mah uh ahih hang bek ahi hi. 

Protestantte in leitung maipha a zonna lam-un, huhna manlo ngah 

uha, tua in a mit uh amang sak ahi hi. Telmuh theilo uh ahih main a sia 

khempeuh nangawn a hoih hi ci uh a, thaman a ki mu khia thei pah a


hoih khempeuh zong a sia hong ci leu leu ding uh hi. Misiangthote 

adinga kipia khuavakte len cinten ni ci loin, hun beisa-a Rome tawh a ki 

thu tuah theih lohnate uh leh a thutangpeek na te uh tu in thupha tawi in 

amai sak nading (572) un mawhmaina ngen zaw behlap ta uh hi. 

Rome pawlpi’ upna apakta hetlo mi tampite nangawn in zong 

tua pawlpi’ vangliatna leh a huzaap pen kihtak zia ding a phawkzo kei 

uh hi. Hun laizang (Middle ages) hun sunga pilna leh khaalam khuamialpi 

tua pawlpi thu upna, thuciin mawk mawk te, leh net cipnate pung sak 

zaw in, pilna leh thuphawkthakna a kizelh hun ahi khangthak hun in 

biakna suahtakna hong taangzai zaw ahih manin, ukcipnate leh 

kithuaklahna te a beisak hi ci-in a um uh hi. Theihna leh lungsim vaak 

hunnangawn in hun lui a piang thusiate omkik ding cih akigen ciang in 

a nuihsan uh hi. Hi mah hi. Khuavak pha mah mah ta a, pilna, thumuhna 

lungsim, leh biaknate in leitung a taan’ ta hi. Ahih hangin theih ding 

thukhat a om hi. Tua in, khuavak tam ki pia napi anialte in a lumlet te 

adingin khuamial hong sah pha zaw kan leu leu hi cih thu ahi hi. 

Nakpi thu ngen-a Laisiangtho simna in Protestant te papacy 

dinmun maan musak dinga, kih sak in a peel sak ding hi. Ahih hangin 

mi tampi in amau lungsim ah pil kisa lua uh a, thumaan muh nadingin ki 

niamkhiat-a Pasian zon ding kul sa nawnlo uh hi. A lungpilna leh 

thutheina uh a ki phatsak pih uh hangin Pasian vangliatna leh Laisiangtho 

thumaan a thei het kei uh hi. Amau lungsimsung thu phawkna kitheih 

mawh bawl dingin a hanciamna lam un kha lam thu leh ki niamkhiatna 

thu pelh theih nading mun a zong zaw uh hi. Pasian mang ngilhna hinapi 

Pasian aphawk den veve hih a ut uh hi. Tua bang lunggulhna a nei mite 

alungkimsak thei ding in Papacy in nasep asiam mah mah hi. Gamtat 

pha suanga gupngah ding pawlkhat, leh a mawhna mah uh tawh gup 

ngah nuam pawlte ading in upna lampi nih a bawl sak uh hi. Tua upna 

nihte pen leitungbup phial in a pom pih hi. Hih in a vangliatna leh 

agualzawhna thusim laigil a hi hi.


Pilna leh thuphawkna amial ciangin papacy gualzawh nading hun 

hoih pen asuah bang mah in, khauvaakpi hong tan ciang in zong ama 

ading in gualzawhna hun hoih a hong suak kik zia ding hong ki lak hi. 

Laisiangtho neilo in thuman a theih loh uh hun lai in, amit uh kihumcipsak 

ahihmanin, mi tultampi in thangzak mulo in a awk uh hi. (573) Tu hun 

leu leu ciangin mihingte in “pilna (science) khuavaak” acih khem uh mi 

lung geel tawm thu in mi tampi’ mit leng gawp-in mit kihumsak hun lai 

ate bang mah in thaangzaak va sik leu leu uh hi. Mihing pilnate zong 

hong bawlpa Pasian hong piak hi a, thumaan leh dikna nasep na-a zat 

ding ngimna tawh apiak a hi hi. Ahih hangin kiphatsakna leh lungliatna 

in mihing kisathei sak in, amau geeltawm thukhun khat peuh pen 

Laisiangtho a Pasian kammalte sangin a tung nung sak zaw uh hi. Tua 

ciangin pilna in hai lai hunte sangin a nasia zaw in siatna a tun’ hi. Tua 

bangin tu hun a pilna kici khem pen in Laisiangtho thumaan nenniam 

ahih manin, papacy nasepna a kisaan’ theih nadingin lampi hong asuak 

hi. Khuamial hun lai-a thumuhna a dalcip pen ama vangliatna akhan 

theih nading ahih mah bang ve ve in a nasepzia a khel bek ahi hi. 

Tu huna United State-a om biakna sangte leh nasepna khat peuh 

in kumpi huhna a saang niloh uh hi. Protestantte in Europe-a Rome 

pawlte gamtat bang mah azui uh ahi hi. Tua bek thamlo in Europe ah a 

taansa uh tungnunna teng, tu in, Protestant lak ahi America gam ah 

ngah kik nading un kongvang a hong uh ahi hi. Sunday aana hial-a tan’ 

sak nading ngimna ahi hi. Tua pen Rome pana ki phuaktawm ngei nakhat 

ahi hi. Pawlpi’ tungnuna aana lahna ding ciamtehna hi ci-a atangko 

in akisialhpihsa uh ahi hi. Pasian thukham sangin tungnung sak zaw-in, 

leitung ngeina leh thuciinte tawh gawm-a kizahtak zawk nadinga papacy 

ngimna a hi hi. Tua ngiimna pen Protestant te lak ah hong thunlut 

uh a, ni danga Rome in a thupi sak zah mah bangin Sunday pen tu in 

Protestant makaite in hong thupi sak leu leu uh ahi hi. 

A sawt lo-a hong tung ding kidemna sunga na seem pangpi dingte 

thu hih lai a sim kha mi in a tel theih nop leh, hun beisa-a Rome pawlpi


gamtatzia ciaptehna tangthu guiteng sutkik ta uh hen. Protestant te leh 

Pope te kikop-a a bawl tawm uh thu upna a nial mite tung ah bang hong 

(574) ci gamhtat ding uh hiam cih a thei nuamte in, Rome in Pasian 

Sabbath leh akemcing mite huat vilvelna lungsim avom zia leh agawtna 

thu omsate thei ta uh hen. 

Tua lawki pawlpi leh zehpi ni pen Khristian sungah a kip sak na 

ding un, kumpi thupiakna, kikhoppi tawh kipsakna, banah kumpi kopihna 

thatang dong zangin a dawl dawl in a kipsak tawm uh hi. Mipi’in Sunday 

tan’ ding thu a piakhia masa pen pen in Constantine kumpi piak 

thukhun ahi hi. Hih thupiakna ah Khuapi sunga teeng mite “ni kizahtak 

ni-in” tawl nga uh hen. Gam sung khuaneu ateng mite in ahih leh a 

lokhawhnate uh ah sem thei hi, ci hi. Khrsitian minpua khat hong suah 

khit ciangin, kumpipa in, tua lawki van ahi zehpi ni pen Khrisian nipi 

banga zat dingin AD 321 kum in thu apia khia hi. 

Bishop khat a hi Eusebius pen kumpite maipha piak a zong den, 

Constantine a phat den a lawmpa zong ahi hi. Amah in kumpipa thupiak 

in Pasian aana laih khia lian zo sa nai lo zek ahih man in, Khrist in 

Sabbath pen Sunday ah khiin zo hi ci in thuthak khat a behlap mik mek 

hi. Tua thuthak a kip sak nadingin Laisiangtho munkhat beek zong a 

bulphuh kei hi. Tua thu amah tek mah in zong maan sa lo ve ahih manin 

kua khek hiam cih a pulakna ah, “Sabbath ni-a ki bawl ding teng Topa 

ni-a bawl dingin ka khiin to khin uh hi” a ci zaw sop hi. – Cox, R., 

“Sabbath Laws and Sabbath Duties,” laimai 538 (ed. 1953). 

Phuahtawm lel ahi Sunday in Topa’ Sabbath sik cip sak ngam dingin 

mite ahang san sak hi. Leitung’ pahtaak ding a ut khempeuh in lah tua 

nibiate zehpi Sunday ni pen apom bawl keei pah mawk uh hi. 

Rome pawlpi dinmun leh ukna a hong kip sem sem ciangin Sunday 

pahtawina zong a hong kizom to suak hi. Tawl khat sung mite in lo 

kuan ni in azang ve ve lai uh a, a ni sagih ni pen Sabbath mah-in kiseh 

lai ve ve sam hi. Ahih hangin dam dam-in hong khek zo te-tek uh hi.


Leitung thu-a ki nialnate khensat na dingin Sunday ni a zat loh nadingun 

Rome pawlpi zuma thukhen naseemte a khaam uh hi. Tua khit a sawt 

loin nasem mi khempeuh tua ni in tawlnga ding, a manglo teei teei te 

topeng mi ahih leh gaam ding, sal ahih leh nak pi-in ki sat ding hi, ci in 

thu pia khia leu leu uh hi. Tua khit ah (575) behlap to lai uh a, mihau in 

a palsat leh a neihsa a lang lak sak ding, tua na ngawn-a a palsat lai lai 

leh amah sila suak sak ding, ci uh hi. Mi nautang in a palsat leh gamsung 

panin khantawn nawh mang thuak ding, ci to leu leu uh hi. 

Tua ni-a nasemte’ tuahsiatna zong nipi khapi awiloh man-a 

piang nalamdang bangin a gen uh hi. Tua te laka aki gen khat, lokhopa 

khat in Sunday ni-a lo kho dingin a tutang sik khat tawh a hah siang 

leh a khut ah tua sik belh cip a hih manin, “na mah mah leh mai zum sa 

pi pi-in” kum nih tawntung vom het mawk hi, ci-in athang sak uh hi. 

– West, Francis, “Historical and Practical Discourse on the Lord’s 

Day,” laimai 174. 

Tua zawh ciangin, tua banga Sunday apalsat te leh aveengte uh 

tungah gimna lianpi atun loh nadingin biakinn ah pai in thungetna guuite 

a va saam hamtang nading uh, azaksak sawn dingin, khawk-uk phungzi 

te tungah Pope in thu a pia hi. Thu sinna kikhoppi khat nei uh a, Sunday 

ni-in na seem le uh keek in deeng ahih man-in tua ni pen Sabbatha 

zat ding mah hi, ci uh hi. Bang hang hiam cih leh Phungzite bang in 

“A hi lel ding mah ahi ve! Pasian in tua ni lopthop bawl ding phallo pha 

ngel cih hong hilh a hi ve!” cih sak nong uh hi. Protestant te mah in 

zong tua dan a hong zui pha san uh hi. Tua khit in, Siampite, biakna 

seem siate, kumpite, upate, leh mi muan huaite in, “tua ni pen ama 

zahtaak-kainasa banga zahtak ding, a hi thei zah zahin puah ding, mailam 

ah zong Khristian upna kepcingna ding in ki apna tak tak tawh tang to 

to ding hi,” ci-in ngetna thak khat a bawl beh lai uh hi. –Thomas Morer, 

“Discourse in Six Dialogues on the Name, Notion, and Observation of 

the Lord’s Day,” laimai. 271 (1701 kum) ah.


Pawlpi thukhensatna tawh a kipiakhiasa thukhunte hawmthawh 

uh ahih manin, Sunday ni-a tawlnga dingin mite a lauthong sak zo ding 

leitung uk kumpi te aana tawh behlap-a thu piak dingin a ngen uh hi. 

Rome ah makaite kikhopna khat nei uh a, hun beisa-a thu khensatna 

omsa khempeuh kip sak pha kik in, a khauh zaw-in a puah pha uh hi. 

Tuate pawlpi Upadi sung ah hel-in kumpi aana tawh Khristian khempeuh 

phial zuih dingin a bawl uh hi. –(Heylyn, “History of the Sabbath,” 

Part II, khawkpi 5, khen. 7na ah en in.) 

Laisiangtho sawlna a om het lo thu ahih manin Sunday tan ding 

(576) ahah gen lua vialte’n khat vei-vei mai zum thuak lawh thei uh hi. 

“A ni sagih ni in Na Topa Pasian Sabbath ni ahi hi” ci-a Jehovah in tel 

taka agen pen nil khiai in, Nibiate zehpi Sunday ni zat mawk pen hoih 

ding ahi hiam ci-in mite in a Siate peuh uh dong thei zel uh hi. 

Laisiangtho panin teci panna om lo ahih ciangin thu dang phuat khiat 

hong kul hi. Kum zalom 12 lai-in Sunday tan ding han suah-a vaak khat 

England-a pawlpite kiang ah va lut hi. Ahih hangin thumaan teci pang 

nuam pawl khat in na nolh uh a, a nasepna bang mah gah nei loin tua 

gam pan pai khia kik hi. Tawl khat khit ciangin hong pai kik-a, aana 

hial tawh sawl theih na dan ding a ngaihsun hi. A hong pai kik ciangin 

bel a taang sapna teng ngah ahih manin hong picing mah mah hi. Savun 

kizial laidal khat hong kenga, a sung ah Sunday tan nading thupiak 

kigelh hi. A tang nuam lo te in a lauhuai mah mah gimna ki thuak sak 

ding hi ci-in ki gelh hi. A ta-tak-in hih laibu pen aphualpi uh Rome-a 

pope zum pana ki bawl ahong pusuak hi napi, Pasian mah mah in van 

pan-a hong khiat suk hi ci-in a gen hi. A cihna ah, Jerusalem-a Golgothaa 

St. Simeon biakna tau tunga kimu hi ci uh hi. A pawlpi’ thuneihna 

ding, kip nading leh hauhna nadingin, zuauphuah leh bawltawm lim 

lahna vi-ve tawh a kalsuan den tawntung mah uh a hi hi. 

Saturday nitaklam nai thum pan sangkah nikhatni zingsang nisuah 

dong nasep ding a khaam uh hi. Tua thu kipsaka aki zuih theih nadingin 

na lamdang piang tampi om sak uh-a, tuate tawh kip sak uh hi. Tua aki


khaam hun sung tenga na seem tei tei te zaw cip (paralyse) hi, an neel 

gawi khat in a an neel hong pusuak ding a sak leh sisan vive hong 

pusuak a, a an gawina peipi lah tui hat mah mah napi-in a khawl cip hi. 

Nupi khatin a an pheeng a beelsa sungah a han’ leh a beel sa mahmah 

napi in a lak khiat kik ciangin a sial mah-in na om lai hi cih peuh gen uh 

hi. A dang khat in a an neel lom meeksa nai kua cianga em dinga a 

koih, Monday ciang em mai ning ci-a a koih pen a zing ciang a ve et dih 

zen zen leh Pasian vaang tawh emsa-in a na om a mu hi peuh ci uh hi. 

Mi khat mah in Saturday ni nai kua zeh tan’ kipat khit-in moh mah 

bawl-a, a zingsang teh (577) neek dinga a bal khap leh sisan hong 

luang khia hi ci uh hi. Tua banga a haithu sim keei, upmawh thuciin 

pian vive tawh puahto in Sunday tan na leh a siantho sakna te a ki 

kipsak to to pong mawk a hi hi. – Roger de Moveden, “Annals,”Lom 

2, laimai 528-530 (Bohn ed.). 

England gam mah bangin Scotland gam ah zong tanglai Sabbath 

tawh gawm in Sunday ki zangh hi. Ahih hangin a tuam vilvel-a 

siantho sak nading a kisawl hun kibang lo hi. Scotland kumpipa in 

“Saturday sun nai 12 panin siantho sakna kipan ding hi,” ci in thu a pia 

hi. Tua hun panin Monday zing sang dong kua mah in leitung vai 

peuhmah hawm lo ding hi, ci hi. – Morer, “Dialogues on the Lord’s 

Day,” laimai 290, 291 ah. 

Bulkip om het lopi mah-in papistte in mipi mai ah, Pasian in 

Sabbath sianthona a bawlsa teng kibot khia in mihing bawl tawm-in 

Sunday sianthona ki kip sak hi, ci in tua bangin pulaak khia uh hi. Kum 

zalom khawk 16-na ciangin papal ki khoppi khat hong neihna uha,tua 

lai pan in, “Khristian khempeuh in na phawk ding uh thu in, Pasian in a 

ni sagih ni pen seh khia a, Jew te bek hi lo Pasian bia-a kinei khempeuhin 

saang-in tang ciat uh hi. Ahih hangin tu in ei Khristiante in tua Sabbath 

ni pen Topa’ Ni ah i khiin to ta hi” ci uh hi. – (Idem. pp. 281, 282). 

Pasian thukham a kheel mite in amau leh amau zong a ki thei lo hi het lo 

uh a, Pasian sangin ki a tung nung sak zaw uh hi tang hial sam hi.


Romete bawl khiat ngeina a zui nuam lote pen sisan luangin 

sawtveipi sung ki bawl sia hi. Sawt veipi sung sisan luangin bawlsiat 

thuak Waldenses te lak ah honpi khat in Sabbath zangte ahi uh hi. Mi 

dang te zong tua mah bangin thukham nambat lina a zuih man-un ki 

bawlsia hi. Ethiopia te leh Abyssinia a khristian pawlpi te tangthu ah 

kilang pha deuh hi. Khua mial Hun sung te-in Africa gam laizang lama 

Khristiante leitung mun dangte in phawk kha loin amau upna bang bangin 

suakta takin biakna pia thei uh hi. Ahih hangin Rome in tua bang 

mun om hi cih a theih ciangin Abyssinia kumpipa tung ah pope pen 

Khrist’ taang ahihna thu kiza sak hi. Thu dang dang bawl tawm thute 

zong kiza sak to to hi. Sabbath tan’ loh nading sawlna thu leh (578) 

thu mang lo te in nasia tak in daan thuak ding cih thu zong pia uh hi. – 

(Michael Geddes at “Church History of Ethiopia,”laimai. 311, 312 

ah). Papal gilo ukcipna pen Abyssiniate adingin hakkol gikpi hong 

suak a, amau zong tua hakkol a ngawng pan-un a sut khiat zawh 

nadingun kipeek uh hi. Tua banga nakpi a kithasaan na uh tawh Rome 

te pen amau ki ukna panin nawh khia thei uh a, a tanglai upna mah uh 

zangh kik uh hi. Pawlpite in amau suahtaknate ah a lungdam uh hi. 

Romete khembawlna, mottatna, leh ukcipna te thu tawh kipawl thusia 

teng amangngilh ngei kei uh hi. Tua ahih manin Khristian dangte 

nawkkhakloh dingin, gamtuam om ding in a thu kim zaw uh hi. 

Africa gam-a pawlpite in popete a lampial ma-a a tan’ uh mah 

bangin Sabbath a zang uh hi. Pasian thukham zuihna tawh a ni sagih ni 

zang uh a, pawlpi ngeina zuihna in Sunday ni na seem loin om pong uh 

hi. Romein liat penna a ngah ciangin Pasian Sabbath sikcip in ama aa a 

guang hi. Ahih hangin Africa gama pawlpi te in kum tul dek tak sung 

bang amau lampialna zuih pih loin, ki keem thei uh hi. Romete in a 

lampi uh Africa dong hong khun’ khit uh ciangin amaute tungah zong 

Sabbath maan pai khia a, phuah tawm sabbath pen zangh dingin a aanasawl 

uh hi. Tua pan in gam suahtakna a ngah phet-un thukham nambat 

lina a zang kik pah uh hi.


Rome in Sabbath maan leh a zuite muhdah in, ama phuah tawm 

pen ki zahtak zaw leh a deihna uh hih ciamtehna tangthute pan in ki mu 

thei hi. Rome pawlpi leh Protestantte kigawmkik-in hih a piangsa thute 

bang mah in hong bawl kik ding uh a, Sunday hong pahtawi pha kik 

ding uh hi, ci-in Pasian kammal Laisiangtho in a hilh khol hi. 

Mangmuhna 13 sunga hilh kholhna ah, Tuuno bang kii nih nei 

sapi in “leitung mi teng khempeuh” papacy bia sak ding hi ci-in gen hi. 

Tua papacy pen “kamkei” lim tawh a kilak pen ahi hi. Tuuno bangin 

kiinih anei sapi in, “leitunga teng mi khempeuh kiangah sapi milim 

khat bawl sak dingin sawl ding hi,” ci hi. Tham loin “a neu a lian, a hau 

a zawng, sila, leh topeng” khempeuh in “sapi ciamtehna” nei sak ding 

ci leu leu hi. (579) Mang. 13:11-16. Tuuno banga kii nih a nei sapi 

acih pen United State of America ahi hi. Rome pawlpi’ vangliat hun lai 

a, Ka tungnunna uh ciamtehna hi ci-a, a phuat Sunday tan’na pen aana 

hial mah-a kitan’ kik nadingin America in hah bawl in a hong sawl gawp 

ciangin hih hilhkholhna a hongtung ding hi. Hih papacy biakna a kipiakna 

ah America bek hi lo ding hi. Rome ukna in a huam khak ngei 

khempeuhte ah a hu zaap kisia nai het lo hi. Hilhkholhna in ama vaang 

hong tho kik ding hi cih a gen zo hi. “A lutang khat si dek tak-a liamna 

thuak ka mu a, tua liamna a dam kik zo hi. Leitung bup in tua sapi 

lamdang sa-in a nung a zui uh hi,” ci hi. Mang. 13:3. Tua si dek-a 

liamna pen 1798 kum a pope ki matna a hi hi. Tua khit ciangin 

kamsangpa in “aliamna dam kik a, leitung bup in ama nung a zui uh hi,” 

ci hi. Paul in tua kisiatna mi in Jesu nih veina hong pai dong huam hi ciin 

tel tak-in gen hi. 2 Thess. 2:8. Hun bei siang dongin ama mikhem 

nasep pen sem zom suak ding a hi hi. Mangmupa in papacy vai a genna 

ah, “Tuuno nuntakna laibu sungah a min uh kigelh lo leitung mi 

khempeuh in sapi a bia ding uh hi” ci hi, Mang. 13:8. Leitung hun lui hi 

ta leh hun thak hi ta leh, Sunday ki pibawlna tawh papacy in leitung bup 

te’ biakna ngah ding a hi hi. Tua pen, Rome pawlpi thuneihna tawh ki 

phuankhia, mi khempeuh in a zuih thu ahi hi.


Kum za lang val bang America-a hilhkholhna sin te in hih thu 

teci pang in taangko khin uh hi. Tu in thu piangte en le’ng, hih 

hilhkholhna a tun’ nadingin ki nawh mah mah ta hi. Protestant siate in 

zong Sunday tan’na a nakgen mah mah uh ciangin a masa-a papal siate 

in Pasian hong piak hi ci-a a teci pan’ nading-ua na lamdang piang ci-a 

pau lap ding a phuah tawm pong hel mawk te bang mah-un hong om 

kik ve ve ding hi. Sunday nipi a palsat man-un Pasian hehna ih thuak hi 

cih khawng hong om lai ve ve kha sop ding hi. (580) Tua pen a kici 

ngeisa hi a, tu in a mong ki pan kik ta hi. Sunday aana hial-a tan’ sak 

theih nading vaite in tu in din munkip a ngah han han khin ta hi. 

Rome pawlpi’ thukawi zia leh a kikep zawh dan uh lamdang 

mah mah hi. A piang ding thu zong a sehkhol thei hi. Protestantte in 

nipi maan lo a saan’pih man-un amau nung zui-a a bia ahih gige lam 

zong a thei uh hi. Hun beisa lai-a a bawl ngeisa bangun aana hial-a a 

zuih sak theih nading kigingsa in a ngak gige uh ahi hi. Thumaan khuavak 

a nial mite in a khial-theilo-a akineih pa phuat khiat thute zuih pih in a 

pahtawi theih nadingun amah bel in huh angen zaw lai ding uh hi. 

Kizopding haksa asa hi lo ahih manin, amah in hih thu ah Protestant te 

a huh nuam mah mah ahi hi. Hih pawlpi thu a mang nuam lo mite bawlna 

dan ding pen papal makaite sangin a siam zaw kua om ding hiam? 

Papal ngimnateng zui in a ukna nuai ah a leh-lut kik ding in 

Rome pawlpi in leitungbup zela a taisan sa pawl tuam-tuam te kaihkhop 

kikna ding kipawlna lianpi khat a bawl hi. Leitung tuam-in gam tuamtuam 

a om Khrisian Pawl tuam tuam mi mak tampi te in zong pope thu 

mang dingin a kihilh khin zo uh hi. Minam tuam-tuam leh kumpi gam 

tuam-tuam khempeuh in zong nadang khempeuh sangin hih pawlpite 

thu a mang zaw ding uh ahi ta uh hi. A gam uh tungah citak ding in 

kam ciam aneih phial uh hangin, Romete thu a man’ nading kamciam 

zong a koih khin khian veve uh hi. Tua in kiciamna dang khempeuh a 

deep zolai ding ahi hi.


Minamte lak-a a nasep siam zia, siksan ding munkip a ngah zia, 

ban ah kumpi leh mipite asuksiat zawh ziate Tangthu te en le hang ki mu 

hi. AD 1204 kum-in pope innocent a 3-na in, Arrogan kumpi Peter 2-na 

pa thu lian mah mah khat tawh akiciam sak hi. “Kei Arragon kumpi 

Peter in ka topa ahi pope Innocent tung ahi zongin, ama zom Katolik te 

leh Rome Pawlpi tungah ahi zongin citak in a thu ka mangden ding hi, ka 

gam sung ah Katolik upna zui in aki hut nadingin ka sem ding hi, lampial 

thu nial peuhmah ka bawl sia ding hi, ci-in mipi theih dingin ka kiciam hi” 

ci sak hi. –Dowling, J. “History of Romanism,” p. 6, sec. 55. 

(581) Rome phungzipa in “apaihnop kumpite paikhia thei hi”, 

“gam-uk kumpi diklote zong a gam bup in phiat thei hi”, cihna thu 

omsa zui-a a ki ciam sak ahi gige hi. 

Rome in Ka ki khel ngei kei hi ci-in kisialhna thu ki phawk 

tawntung ta hen. Gregory a 7-na pa leh Innocent a 3-nate thukhun 

bulphuhte tu mah mah-in zong akip lai ahi hi. Kum zalom beisate-a tua 

aanate a zat zah mah un ahong zangh toto lai ding uh hi. Protestant te in 

Sunday pahtawi nading in Rome te pan pihna a deih sese uh zong, mai 

lam thu ding a muhna uh tom lua ahih manin, bang sem uh cih amau leh 

amau nangawn aki tel zo lo uh a hi hi. Hih nasepna picin nadinga 

Protestantte a hai dian keei mawk uh ciangin, Rome in bel ni danga a 

neih ngei, a taan kiksa tungnun pen na ngah kik nadingin lampi zik zik uh 

hi lel cih a mu gi ge hi. America ah hih Upadi khat vei kip phot leh pawlpi 

in gam ukte thuzawh zaw-in biakna zuihna pen leitung Upadi tawh aana 

hial-in sawl sak ding uh hi. A tom-in gen le’ng, gam ukkumpi thuneihna 

leh pawlpi thuneihna hong kikop dinga, aana hial-in mite lungsim upna 

suahtakna gakcip ding uh hi. Tua hun ciangin hih United States (America) 

gam leitang tungah Rome in gual zawhna a ngah ta a hi hi. 

Pasian kammal in sawt lo-a hong tung ding lau huaina hong hilh 

hi. Protestant te in a awlmawh loh uh manin, Rome te ngimna bulpi thei 

lo uha, a thangzak ah a awk uh hi. A suakta zonawnlo din mun a tun uh


ciangin a mu phing ding uh ahi ta zen hi. Rome pawlpi thuneihna ahih 

leh kua ma phawk loh in a lian semsem hi. Amau thu upnate in, pawlpi 

sungte, mite lungtang tawng, leh thukhenmangte zumpi sung dong a 

zel kawi kawi hi. Ni danga azatsa bawlsiatna ahong zat kik nading in 

sim tham munte ah a ki pithawi mah mah khin ahi hi. A gamtat khiat 

theih hun hong tun’ cianga azat pah theih dingin lamet lohna munah 

simtham in thakholin siksan a guangguang hi. Ama deih pi pen in dinmun 

kip hi a, a deih bangin angah khin ahi hi. Eite in a sawtloin Rome 

ngimna mu in ih phu kha ding hi. Pasian thu um-a a zui mi peuh mah ki 

nopneh in bawlsiatna thuak ding uh hi.

HONG TUNG DING ALAUHUAI KIDONALIAN 593 

36 

Hong Tung Ding Alauhuai 

Kidonalian 

(582) 

VANTUNG ah kidona hong om-a kipan Satan in Pasian thukham a 

paihkhiat zawh nadingin a hanciam den a hi hi. Hih thu mah a 

picin nading deihna-in Piangsakpa langdo-in tualgal na phuang khia hi. 

Vantung pan a ki nawh khiat khit nangawnin tualgaal leitungah ana 

zom to lai hi. Mihing in Pasian thukham khat pepeuh zui nuam loin 

nial leh, ama deihna a taang tung ding a hi hi. Ahangin thukham khat 

apalsatte in a vekpi-a a nial mah bang a hi hi. Tua hi leh ama huzaap in 

nawk a hih manin a palsat mah uh hi ve ve a, “a vekpi a susia bang mah 

hi ve ve,” ding hi. James 2:10. 

Pasian dinmun mawh sak ding a hanciamna ah Laisiangtho sung 

thu upnate a lum let sak hi. Tua hangin Laisiangtho thu um a kicite mi 

tul tampite lam hong pial pah uh hi. Thumaan leh thukhial ki nialna lian 

nu nung pen zong hih Pasian thukham tung taang mah a kinialna ahi hi. 

Tu-a eite do ding gitlohna lian zong mihingte thukham leh Jehovah


thukham kikala kidemna ahi hi. Laisiangtho thuman zui-a biakna leh 

mite phuah tawm khang thuciin te zui-a biakna kilaka kinialna a hi hi. 

Hih kidonalianpi sungah thumaan leh dikna do dingte in tu 

nangawnin a seem niloh ta uh a hi hi. Eite khang donga sisan nai san leh 

thuaksiatna tuam tuam (583) tawh a hong kipia suk suk Pasian kammal 

siangtho pen ki neu seh lua hi. Laisiangtho pen mi khempeuh neih theih 

dingin om napi, nuntakna lampi alak dingin a saang tak tak mi tawm 

mah mah hi. Leitungte lak bek hi loin pawlpi sung nangawn ah Pasian 

uplohna khang mah mah hi. Mi tampi in Khristiante upna bulpite nial 

uh hi. Thu lianpipi ahi Piansakna thu Laisiangtho-a om bang in umlo 

uh hi. Khristian a kicite mah in mihing puukna, hotkhiat kikna, leh Pasian 

thukhamte kip den ahihna, cih thute um nawnlo in, a buppi a hiam, a 

khawk khat peuh a hiam-in nial het mawk uh hi. Mi tul tampi in amau 

pilna suangin kisathei uh a, Laisiangatho sung thu a mal no no donga va 

zuih ciu-teu ding pen haina, ginat lohna bangin tuat uh hi. Kha tawh ki 

pawl vaipi pen pente nangawnah Laisiangtho thumaan mawh zon’-in, 

amau theihna leh siamnate tungnung sakzaw uh hi. Thuhilhsia tampite 

leh, mipil lai hilh siate in a pawlpi mite uh tung leh, a sangnaupangte 

tung uh ah Pasian thukham kikhek khinzo hi, a neng a tawnga zuih a 

sawm lai laite pen khuak kicinlohna hi, a nuih zak huai a khial zaw uh a 

hi hi ci-in mawhsakna thu hilh uh hi. 

Thumaan a nial uh ciangin tua thumaan neipa nial a suak uh hi. 

Pasian thukham a sikcip uh ciangin tua thukham a piapa’ aana a nial uh 

ahi hi. Sing leh suang tawh milim bawl ding a baih zah khat-in upna 

maan lo thu pawl khat peuh bawl-in sep ding baih sa pah uh hi. Mite in 

Pasian a muhkhialhding deih in, Pasian omzia aleh-lam in aki muh theih 

nadingin Satan in mihingte amakaih hi. Jehovah tutna mun ah thuguisaupi 

anei thei ding milimte bawl in a tu sak uh hi. Pasian a nungta hia, 

Laisiangtho sung, Khrist nuntakna sung, leh a pian sak-nate sung pan 

kilang in dawk kawi-kawi hi napi, ahi ding bangin a bia mi tawm mah 

mah hi. Mi tul tampite in piansakna-te pasian-in nei napi uh in, a piangsak


Pasian a nial uh hi. A bawldan a tuam ahi ta zongin milim biakna ah 

Elijah khang lai-a Israelte biak mah bangin tu lai Khristian te in zong 

bia uh hi. Tua bangin mipila ki seh thuguisut siam pipite, laisiamte, 

gam le minam akinte, College leh siamsinna Sangpite thamlo in 

Laisiangtho sinna Sangpipite’ biak le paai a pasian uh akizutzol tawm 

singtum peuh hi zen a, Phoniciate’ ni-pasian Baal sangin tawm bang a 

mel lawm zaw tei bek ahi lel zen hi. 

Khristiante pom thumanlote lak ah mihing in Pasian thukham 

zuih kul nawn lo ci-a akihilhna uh sangin zaa zeel baih (584) zaw-a, 

tung Pasian thu neihna asukha zaw, mihing thungaihsutna asu-sia zaw, 

leh gamtat ginalo apungsak zaw dang omlo hi. 

Kumpi gam peuh peuh in zong a gam uh a uk nading thukham 

nei tek uh hi. Van leh lei bup a bawlpa in zong tua a bawlsate khempeuh 

a ukna ding Thukhun neiloin om mawk thei ding ahi hiam? Gentehna 

in, thuhilhsia minthang khat in mipite mai ah a gam mite leh leitang 

akemcing ki ukna thukhun leh thukhamte kul lo hi, tua te-in mipi 

suahtakna leh ut peuh-a gamtat theih nading hong dongkholh hi, zui 

nawn kei un, ci-in hilh den keei mawk leh, tua siapa sawtvei kikhah 

khong mawk in na um hiam? Tua bangin, minamte ki ukna leitung 

Upadi awlmawh lohna bek zong lau huai ding ahih leh, ki ukna khempeuh 

hong piankhiatna bulpi Pasian neih Upadi sik cip sak mawk ding pen 

bang zahin lau huai zaw kan lai ding ahi hiam? 

Pasian in a thukham a beisak ding sangin, leitung gam leh 

minamte in agam ukna thukham phiat-in, gam miteuh a ut bang peuhin 

om in, migilo thukhen nading leh midik pahtawi nading siksan leh 

thukhun meel neilo thamlo in, akhial adik cih omlo a koih dak ding uh 

baih sa zaw lai mai ding uh hi. Pasian thukham omlo hi cih na muna 

ki-ukna leh a piang thusiate ki mu thei zo hi. France gamah Pasian 

omlo hi cih thu in gam a uk lai-in, ukna agilo pen pen leh a thuak-hak 

pen pen ki-ukna nuai-a lutna ahih lam leitung buppi in amit tawh mu


ngei khin zo hi. A hong hu den dikna le thumaan dinmun ahi Pasian 

thukham a ki paampaih ciangin, gilo kumpipa in leitung ah a vangliatna 

hong kip sakin, a ut banga gamtat theih nading lampi honsakna asuak 

zaw hi. 

Pasian thukham a ki nialna mun ah mawhna pen mawhna bangin 

ki mu nawn lo ahih man in, thumaan limcitna zong a beei pah hi. Pasian 

ukna sung alut nuam lo mi in amah leh amah ki uk dingin zong a 

cinglo pha saan mi ahi hi. Pianpih lung tomna, huukna lanna tawh 

kidim in kikhaalna neilo, a paangtatsa khangnote tungah tua bang 

thuhilhna hoihlo a behlap uhciangin, khangnote lungsim ah thunialna 

lungsim aguan beh asuak uh hi. Pasian deihna (585) azuite mi navaaklo 

bangin nuih san uha, Satan khemnate lah lawp takin a saang uh hi. 

Lawkite tungah Pasian hehna dan atungsak leitung lunggulhna leh 

mawhna teng mah abawl uh hi. 

Pasian thukhamte zuih kul lo hi ci-a hilhte in sawlman’ lohna 

khaici a tuh uh ahih manin, sawl man’ lohna gah mah at kik ding uh hi. 

Eite a hong len len Pasian thukham pen paikhia le’ng mihing thukhamte 

zong a ki awlmawh nawnlo pah ding ahi hi. Bang hang hiam cih leh, 

Pasian in gamtat hoih lote, ki hazaatnate, zuau gennate, leh kikhemnate 

a khaam hi. Mihing in ama suahtakna dongkholh hi ci-in tua teng sikcip 

leh, a thaman dingin Pasian thukham in a khaam tua teng mah a lehngah 

kik zaw ding uh ahi hi. Tua thukham in khaam kei leh kua in 

mawh ding kihta nawn ding hiam? I neihsa nate mang thang gawp pah 

ding hi. Mihingte in thatang hat ciam-in a vengte’ nate sut dinga, a 

thahat pen pen te a hau pen suak mawk ding hi. Mihing nuntakna 

nangawn kizah zo nawnlo lel ding hi. Innkuan nuntakna a hum, ki 

teena kamciam zong asianthona bangmah om nawnlo ding hi. A hatzaw 

pa in a veengte zi a deih gawh naak leh a thatang hat suangin sut ding 

hi. Thukham 5-na zong a 4-na mah bangin ki paaikhia pah ding hi. 

Tate in a lungsimnin uh tawh a deih khat a ngah theih nading uh hi peuh 

leh a nu a pate zong that ngam ding uh hi. Hoih taka ki uk leitung pen


guta leh mithat teng kikholna mun suak dinga, lungmuanna, tawl damna, 

leh nop sakna, cihte khempeuh a vekpi-in leitung ah kimu kha nawnlo 

ding hi. 

Pasian thukham zuih nading pan kapeng zo hi cih thuhilhna in 

mihing lungsim sung ki ukna teng thaneem sak a, leitung ah mawhna 

tuiciin hong lut nading kongvang a hongkhia hi. Ki uk theih lohna, 

vaak thaapna, kihhuai gamtatnate in tui hual bangin I tung ah hong 

tuum hi. Innkuan sungah Satan in na seem hi. Khristian innkuante 

tung mah ah zawhna dialkaih ki khai a, phe val val hiau zen hi. Ki 

een’nate, mawhzonnate, simtatnate, ki nusiatnate, ki demnate, elnate, 

thuciam siangtho siatsaknate, leh lunggulhnate adingin kamkaih phelkhia 

in a ki khahkhong uh hi. Biakna thubulphuh leh upnate pan ahi zongin, 

mihing ki ukna thubulpite pan ahi zongin puuk khin uha a kisia lel ding 

in a om uh hi. Migilo kheltat pen pen te bang thong a ki khiat ciangin 

a een’ huai bang liangin piak (586) peuh nei-in ki kinbawl mah mah 

zaw sop hi. A gamtatsia leh a suksiat thute uh ki tangko mai zaw lai hi. 

Thu ki zakna laite in a gamtatna te uh kim tak-in hong tangko leh lah 

tua te in mi khemna, guktakna, mithahna peuh a hong hi zel hi. Tua 

bang ciangin Satan bel a lung dam mah mah lel hi. Gitloh nuam a sate, 

mi thah nuam a sate, leh a ki deek thei lote’ omziate pen Pasian zahtakte 

adingin, tua gitlohna te bangci daaih sak ding cih ngaihsutna a pia 

khanlawh nading ahi hi. 

Thukhen mang zumte zong kihhuai gamtatna tawk ki dim hi. 

Gam ukte zong huai ham in ngah nading leh gualnopna en lah lua uh hi. 

Ki deeklahnate meii bangin kaai a, Satan in amaute a pumpi in uk khin 

zo dek ta hi. Thukhente in golhguuk ne-in thu a manlo in thukhen uh 

hi. Upadi a leente-in zukham-a gualnopna, iiplahna, een’nate pan a kipan 

a gamtatsia tengin gamta zaw mawk uh hi. “Thutang kihawlkhia a, 

thuman in hong naih theilo hi. Mihonpite kikhopna munah thuman kizang 

lo a, thutang tum thei lo hi.” Isa. 59:14.


Rome liatpen hun sungin gitloh gamtatna leh khaa lam 

khuamialna in a ukcip na ahangin Laisiangtho a paih khiat man-a piang 

a kipelh thei lo thaman ahi hi. Biakna suahtakna om-a, Lungdamnathu 

sun nitang abat na munte ah cik in Pasian a phawk lohna, Pasian 

thukhamte nialna, gamtat siatna, leh kih huai gamtatna te in ukcip ngei 

ahi hiam? Tu in Satan in leitungte mai ah Laisiangtho pen len cip thei 

nawn lo ahih manin, a nasepna zia dang ah heii ta a hi hi. Laisiangtho 

sunga upna susia-in ama deihna bang um sak thei leh, ahih kei leh a 

Laisiangtho mah mah susia thei leh, ama deihna bang ngah thei ding hi. 

Pasian thukham in hong uk nawn lo hi ci-a hilhna tawh mite in thukham 

hong palsat leh, a thukham a seelcip sak zah mah-in muibun ding hi. Tu 

in khang masa lai-a mah bang in, pawlpite zangh in a sem leu leu hi. 

Biakna pawl pawlte in taangpi zaknop loh leh theih loh Laisiangtho 

sung thumaante ngai nuam het lo uh hi. A ngahsa uh thu ah tutkho in, 

aLaisiangtho khiatna manlo tawh alangdo uh a, lung hian (uplah) nading 

khaici a vawh kawi kawi uh hi. Pope lampialna ahi sih theihlohna leh 

sih cianga phawk theihna om lai cih upna khawngte pen sikha khemnate 

bekmah siksan dingin a nei uh hi. Migilote in gawtmunah, si la silo 

hing-la hinglo in, tawntung daan thuak ding cih thuhilhna in zong (587) 

mi tampite Laisiangtho a umlah sak tuam hi. Pasian thukham li-na mite 

a ki hilh ciangin a ni 7 ni Sabbath zat nading thu tawh hong kizom hi. 

Deih lo-a a zuih noploh uh thu ahih manin, a paih khiat theih nading un 

thukham in hong uk nawn lo hi ci-in aki hilh ngiau mawk uh hi. Tua 

hangin Sabbath leh thukham paikhia khawm uh hi. Sabbath puah kikna 

hong om ciangin thukham li-na zuih ding pelh theih nading hanciamna 

leitung bupin hong lawh ding hi. Biakna makaite in Pasian phawk loh 

nading, sikhathu up nading, leh Pasian thukham siangtho huatsah nading 

kong a hong uh hi. Tu lai Khristian lak-a om gamtat gitlohna teng zong 

tua makaite hang ahih man in amau ki ngawh kik ding hi. 

Hih te pawl in mawhna gamtatsia akhanna pen “Khristian sabbath” 

acih pong hel uh Sunday akithusim loh man hi ci uh hi.


Zawhthawh sawlna tawh tua ni aki tan sak ciangin mihing lungsim 

ong piangthak in gitlohna teng ong kiam ding hi ci zaw sop uh hi. Hih 

thu pen Sabbath maan a kinak hilh pen na mun America mah ah ki nak 

sawl pen pah leu leu hi. Hih Sunday tanna ding aana tawh a sawl uh 

ciangin mite thupi sim bel ahi lungsim puahphat nading ki deek ki 

daamna leh cidamna lam nasep a paulap uh hi. Mipite lawp theih pen 

pen dinga naseem ka hi uh hi, hih thu a hong saang nuam lo te pen ki 

deek ki daamna leh cidamna gal ahi uh hi, ci nong deep sam uh hi. 

Tua nasepna ah thuhoih ahi kideek kidaamna a ki hel tei hangin a 

thupi zaw-in ci le’ng lampial dinga sawlna bulpi hi zaw mawk hi. Guu 

pen an limci tawh I hel hangin guu a hihna kheel tuan lo hi. Tham loin 

a theilote in guu tawh ki hel an ne hiau mawk ding uh ahih manin a lau 

huai mah mah lai hi. Tua banga mite deih theih nate leh a khial na 

khat gawm-a sepna se zen pen Satan ngimna a hi hi. Sunday nasepna 

(588) makaite in mite kisapna lian pen khat ahi cidamna thu tawh 

hong gawm ciangin Laisiangtho sung thu tawh zong a kituak ding 

mah a bang hi. Ahih hangin Pasian thukham tawh a ki lehbulh khat 

tawh hel hiau se mawk uh ahih manin Pasian nasem tak takte pen 

amau tawh a kipawl thei lo uh a hi hi. Mihing bawltawm thukhun zuih 

theih nadinga Pasian thukham paih khiatna in pau lap tuam-tuam a 

neih hangin aki dikzun theingeilo thu ahi hi. 

Lamkhial thu lian mah mah nam nih zangh in Satan in mite a 

khem hi. Tuate in, Khaa sitheilo hi cih upna leh Sunday tanna thu ahi 

hi. Amasa pen in Khaa sitheilo cih upna a kip sak nadingin sikha hopihna 

tawh pan in, a Sunday nipi a zatna in Rome tawh kilemna ding lampi a 

zik khol ahi lel hi. Sikha hopihna pom ding in America-a Protestantte 

in ki lamdanna kuamthukpi kantan-in a khut hong zam masa pen ding 

uh hi. Tua khit in Rome vangliatna tawh khut hong kileen ding uh hi. 

Tua khit ciangin hih pawl thumte thuzawhna tawh United States 

(America gam) in Romete khekhap tawn in, pianpih gogil ahi biakna 

suahtakna hong sikcip ding uh hi.


Sikha thu upna pen tu hun Khristian upna tawh kinak zop mah 

mah ta ahih manin tua sunga a thaangsiahna mah ah mi tam awk zo zaw 

pah ding hi. Satan mah mah zong tu hun omzia in hong om hi. Amah in 

khuavak tawh kipawl vantung mite bangin kilak ding hi. Sikha nasemte 

zangh-in na lamdangte bawl dinga, cina te dam sak ding uh hi. Nial theih 

loh na lamdangte tawh nasem ding uh hi. Tua khaate in Laisiangtho ka 

um uh a pawlpi zong ka zahtak uh hi ci ding uh hi. Tua ahih manin amau 

nasepna pen Pasian sep vangliatna bangin ki mu ding hi. 

Khristian ka hi aci te leh Pasian abia him him lo te ki kal ah ki 

lamdanna bang mah om lo a, khen tel hak mah mah ta hi. Pawlpi mite 

in leitungte deihte deih ve uh a, amaute tawh kipawl uh hi. Satan in 

zong sikha nasepna athakhauh sak nadingin tua bangin amaute gawm 

in pawl khat a suah ahi hi. Papist pawlte pen nalamdang bawlna tawh 

pawlpi maan hi aci dente uh ahih manin, tua na lamdangte tawh a khem 

baih mah mah ding hi pah lel uh hi. Protestantte zong thumaan paikhia 

khin mawk uh ahih manin hong lut pah lel ve ve ding uh hi. Rome 

pawlte, Protestantte, leh leitungte, a thum un Pasian thuzui bangkeek 

in hong om ding uh hi. Tua teng ki gawm amuh uh caingin leitung bup 

kikhel-in, sawtveipi ki lam-en kumtul maan’na hong piangsak ding 

kipawlna hi ci ding uh hi. 

(589) Sikha nasepna zangh-in Satan pen mite thupha piapa bangin 

hong kilang dinga, mite natna te damsak in, upna thak biakna hoih zaw 

a hong puak bangin ki gen ding hi. Ahih hangin tua nasep pen mite suk 

siatna ahi zaw gige hi. Ama mawhzolna sungah mihing tampi kisia hi. 

Ki kep lahna in thu theihna kiam sak ahih manin, khuaval zulhtatna, ki 

elna, khangsak in sisan naisan kisuahna in zui pah hi. Satan in 

ngonghtatna nuam sa ahih manin, a thuakte in gitlohna, sisan luanna 

banah a tawntung maiman nadingin, a sia pen pen dong sem dingin mite 

lungsim a hansuah hi. Pasian nilian ni-a ding kigin kholhna lungsim 

neilo in a heikhiat theih nadingin, mi nam khat leh nam khat sutuah taw 

holh in akido sak den hi.


A kiging khol lo khaa te ama ansaal sunga a sen’ theih nadingin 

Satan in na bulpite (elements) zong zangh-in na seem hi. Amah in 

Pasian bawlnate pianzia bulte a thei hi. A siamna leh a theihna Pasian in 

aphal zah zah siit loin pianpih nate tungtawn in zong na a sem hi. Job 

bawl siat theih nading thu angah ciangin nawh sa tak-in a gangualte, a 

naseemte, a innte, leh a tate, Pasian piansaksa nate zang-in tawm vei 

sungin abanban in a sukmai mang sak hi. A susia nuampa’ vaangliatna 

tawh kipelh nadingin Pasian in a mite dal dal in, hum hum zaw napi 

Khristian bup in Pasian thukham a hua uh hi. Topa in a gensa bang mah 

in A thukham a langdote leh mi dang hilh-a a langdo sak te a daalna 

thupha leitung pan in dok khia ta ding hi. Pasian huut tang tuamte lo 

peuh mah Satan in ukcip pah hi. Ama ngimna a picin zawk theih nadingin 

pawlkhatte bang daupai sak-in a lawh cing sak hi. Midangte buai sak-in 

gimna hong pia pen Pasian hi ci-a up theih nadingin mite a makaih hi. 

Natnate a dam sak zato mangpipa bangin mite lak ah kilang 

vial zen a, ahih hangin khuapi pawl khat a bei mang sak dongin natna 

leh buaina a piangsak kawi kawi hi. Tu in zong amah pen kicing lah 

liang-in na a seem seem a hi hi. Leitung tuitungah tuahsiatna piang 

sak a, patau kaangmei nasia te, huihpi le (590) piingpei te, gialpi kia 

te, khuasia kipeite, tui leet vuh cipna te, tui hual te, leh ziin liinnate, 

mun tuam tuam ah a bawl kawi kawi hi. Satan a vangliatna tawh kheltat 

siamna nam tul bang zangh-in tuahsiatna akhelno no apiang sak hi. 

Khaici min ta an laak ding hun lin lian laitak khawng suksiat sak hiau 

mawk-a kialpi in a nungzui pah hi. Huih lak ah sihna guu khah a, nat 

gualtaai in mi a tul lom lom-in a sisak hi. Tua bang thuaksiatnate pen 

ki nawh seemseem in hong ci mawh sak seemseem lai ding hi. Mihing 

leh ganhing te hong susia ding hi. “Leitung in dahna tawh kidima, 

vulcip ta hi”, “mi kiphasakte…tha zawm ta hi. Leitung in a tunga 

teengte nuai ah a niin gawp hi. Tua pen amau in thukhamte palsat-in 

thuciamte khek uh a, tawntung thuciamna a suksiat bang uh a hi hi.” 

Isa. 24: 4, 5.


Tua hun ciangin mikhem mangpa in, ama bawl thuaksiatna teng 

pen Pasian biate hanga hong tung hi ci in mite a umsak ding hi. Pasian 

thukham zuite hang in vantung heh in, tua buainate hong tung hi, ci in 

leh-ngawh ding uh hi. Sunday nipi a palsat man-un Pasian hehsak uh hi 

ci ding uh hi. Tu-a gimnate pen Sunday nipi palsatna tawh Pasian 

kilangdo ahih mana hong piang ahi hi. Sunday aana hial-a I tan sak kei 

leh daai ngei lo ding hi, ci zaw lai ding uh hi. Thukham nambat li-na a 

zuite in Sunday zahtak lo uh a, mite gim pia-in Pasian thupha saang sak 

theilo uh ahih manin khantohna leh picin na ding teng susia uh hi, ci in 

ngawh ding uh hi. Tua bangin Pasian naseemte lang bawlna pen tanglaia 

te mah bangin hong kinei kik ding hi. A paulap uh zong tanglai-a te 

mah bang hi a, “Ahab in Elijah amuhciangin, Israelte buaisak nang na hi 

haim? a cih ciangin Israel te buaisak pen kei hi loin nang aki pan napate 

leh na bawng bup uh a hi uh hi. Topa thukhamte na nusia uh a, Baalim 

pasian na biakna hang uh a hi hi”, 1 Kumpite 18:17, 18, a cih lai hun 

bang hi kik ding hi. Lamkhial Israel te inElijah a ngawh zaw sop mawk 

uhmah bangin mite in ngawh khialhna tawh Pasian mite tung ah nakpi 

heh in a mudah ding uh hi. 

Sikhah hopihna pana piang na lamdang bawlna tawh Mite thu 

sanga Pasian thu ka mang zaw ding uh hi a ci mite nakpi-in ki langdo 

ding hi. Sikha tawh a ki thuza zel te in (591) amaute pen Pasian kiang 

pana Sunday nialte tel hilh ding a hong ki sawl hi kici ding uh hi. Pasian 

thukham zah mah in leitung thukham Upadi zong zuih nading in a hilh 

a ki sawl bang keek in gen ding uh hi. Leitunga gitlohna pung lua 

khawngte a lung himawh mah mah bangin kibawl in hong thuum ding 

uh hi. Biakna makaite teci pan’nate thukim pih-in mihing ginat lohna 

pen Sunday a thu neu sehna hang uh hi ci ding uh hi. Amau hong puak 

tecipan’na a na nialte tung ah nakpi heh-in lungso ding uh hi. 

Satan in kidona lian vantungah a patcil lai-a a azat ngeina teng 

mah tu huna Pasian mite a dona nu nung pen ah zong zang suak lai 

ding hi. Amah in Pasian gam kip nading a hanciam bang keek in ki


gen dinga, a simtham tak-in a leh sawn paih nuam a hi hi. Ama nasep 

gitlohna teng leh sep a sawmnate vantung misiangthote sepna leh 

hawmna hi ci in ngawh hi. Tua mi khemna nasepzia pen Rome pawlpi 

sung ah ki zangh ngei zo hi. Amah pen vantung Sawltak in kigen a, 

Pasian sangin a kilian sak zaw hi. Ahih hangin Pasian thukham te a 

khek hi. Rome uk hunsunga Lungdamna Thu len tentan-a a sih pih te 

pen thusia bawlte, Satan tawh ki pawl te hi ci in a leh-ngawh uh hi. 

Min siat theih nading van nuai siit loin mipi leh amaute mai ah a sia 

thei pen pen-a dawk dingin hanciam uh a, mi gilo pente hi a ci uh hi. 

Tua bang teek teek mah zang in tu-in zong hong om kik ding hi. Satan 

in Pasian thukham zuite a suksiat theih nadingin kumpi thukhun 

palsatte, Pasian zah tak lo te, kamsiatna hong thuaksakte, cih vi ve-in 

leh ngawh ding uh hi. 

Pasian in bel mihing te sunglam upna leh deihnate aana hial-in 

nawk sak ngeilo hi. Satah in mite a uk zawh theih nadingin gitlohna 

zawhthawh bawlna vi ve zangh ding hi. Tua cih kei leh lah uk zo lo 

mah ding hi. Kihtakna leh launa hang peuh, zawhthawh sawlna zangh 

in mite sunglam upna lungsim lencip in, amah kibia leh a ut a hi hi. Tua 

banga a sep theih nadingin biakna lam leh leitung ukna lam thuneite 

zangh kop hi. Tua ciangin, Pasian thukham sia sak in mihing thukham a 

ultung sak dingin a zawhthawh bawl sak hi. 

Laisiangtho Sabbath a zahtak mite pen Upadi leh vaihawmna 

langpangte, (592) mihingte kipawlna a susiate, kumpite a buaisakte, 

Pasian hehsak in leitung buai sakte hi ci-in ki ngawh ding hi. Amaute 

pen kumpi deihlote ci in ki ngawh ding hi. Biakna Sia seem Pasian 

thukham a nialte in pulpit panin kumpite thu mang ding hi cih pen pi 

gen pha se ding uh hi. Thukhen zumte, thu sitna zumte panin 

PasianThukham zui mite pen ahi lopi-in ki mawhsak ding hi. A kampau 

malte uh a tuampi in pehtawi in zepsiat sak ding uh hi. A gamtatna 

khempeuh uh a sia lam lam-a a uang thei pen pen in bulh sak ding uh hi.


Pasian thukham kip den nading tel takin Laisiangtho sungah a 

kimu pen Protestantte in nial mawk laklawh uh ahih manin, tua thukham 

leente gamdaai takin a om lel ding uh a deih lua peuh mah uh hi. Amaute 

in tua thu ki muh mawh bawl in a mit uh hum uh ahih manin, Khristian 

khempeuh zuih pope’ nipi a zui nuam lo, sung lam upna ahi biakna 

suahtakna a kip let tentante bawlsiat nading vaihawmna ah a pawlpih 

zaw ta uh hi. 

Pawlpi leh kumpite lam makai uliante kikop-in mi khempeuh 

golhguuk hiam zawhthawh bawl hiam tawh-in Sunday tang sak ding uh 

hi. Pasian thupiakna a let-san ding uh lah om lo mawk ahih ciangin tua 

bang mite gawt nading upadi hong zangh ding uh hi. Leitung ki ukna 

kisia lua ahih manin tua in thuman manpha sakna leh itna te a kisia sak 

hi. A suakta America gam na ngawn ah kumpi te leh thukhun bawl te in 

mipi pahtak ding a deih man un, mi honpite ngetna leh deihna zui-in 

Sunday aana hial-a tan’ nading Upadi bawl ding uh hi. Sunglam upna 

bang zui thei ding suahtakna pen a manpha pen hi a, tua thu ki awlmawh 

nawn loin aki thusim nawn loh hun hong tung ding hi. A sawt lo-a 

hong tung ding kidona ah, “Gulpi in numei tung ah heh mah mah a, 

Pasian thukhamte tham loin Jesu’ teci pan’na a len numei’ suante lak 

pan a om laite tawh galdo ding in” (Mang. 12:17) kuan khia hi cih 

kamsangpa thugen atak tak a hong piang ih mu ding hi.

LAISIANGTHO KIDALNA LUM 605 

37 

Laisiangtho Kidalna Lum 

(593) 

THUKHAM bang leh Laisiangthothu banga thu a gen kei uh leh 

amaute sungah khuavaak omlo a hi hi.” Isa. 8:20. Khua mial tawh 

kipawl khaa gilote’ vangliatna leh khemna husapi a dal nadingun Pasian 

mitein Laisiangthothu len ding uh hi. Satan khemna kelluphum teng 

Laisiangtho in tel takin pholak mawk ahih manin mite in Laisiangatho 

thumaan a theih khak ding dal theihna om khempeuh tawh a dal niloh 

hi. Pasian thu hat in kipuah phatna a hatna mun khempeuh ah Satan in 

na anak sep zaw kan zel hi. Ahangin Khrist leh a nungzuite a langpan 

nunung pen adingin hanciam theih tawp suah-in tu in a thasaan hi. A 

nunungbel khemna lianpi a sawtloin ih nawk ding hi. AntiKhrist in 

nasep a lamdang pen eite mit muh in hong seem ding hi. Ataktak leh a 

kheem pen kibang phial phial ding ahih manin, Laisiangtho tawh lo-in 

khen tel hak mah mah ding hi. Amaute teci pan’na leh a na lamdang 

bawl te uh leh a thugente uh I sit tel ding hi. 

Pasian thukham a om khempeuh a zui kim nuamte kilang bawlin 

ki simmawh ding hi. Amaute Pasian sung bek ah ding thei ding uhhi.


Tua mite in hong tung ding thuaksiatna leh sit telna te a do zawh 

nadingun Pasian thu leh A deihna theih tel uh kul ding hi. Pasian 

gamtatzia, a gam uk zia, leh a vaihawmna te a telsaim uh ciangin Pasian 

a zahtak in A deihna bangin a gamta thei bek ding uh hi. Laisiangtho 

thumaan tawh a lungsim a hatsakte lo buang in kidona nu nung do zo lo 

ding uh hi. Mi khempeuh in sit telna thuak ding uh hi. (594) Pasian thu 

leh mite’ thu koi mang zaw ding? cih khentelna pen tu mah mah in I 

neih ding hi ta hi. I khete Pasian thumaan suangpi tungah a kinga hiam? 

Pasian thukhamte leh Jesu upna khahsuah loin ding kip dingin I kiging 

khol hiam? 

A mah ki that dinga haan panin tho kik ding ahihna thu Honpa 

in singkhuam tungah a ki khai lup ma-in a nungzuite a hilh hi. Vantung 

mite in tua thute nungzuite lungsim sung ah aphawk sak kik-kik zel hi. 

Ahih hangin nungzuite in Rome kumpi’ hakkol panin hih leitung bumpi 

mah mah a hon khia dingin a lam en uh hi. A lam etpa uh in mai zum 

huai takin sihna thuak ding cih pen thuak hak sa mah mah uh hi. Amau 

ciapteh ding thuphamawh pen pente mang ngilh uh ahih manin, ze etna 

hun hong tun ciangin a kiging lo a suak uh hi. Jesuh in gen khol kei leh 

Ama sihna in nungzuite lam etna khempeuh bei sak kil kel ding hi. 

Nungzuite tel mah mah dingin Khris in a genkholh mah bangin eite 

tung ah zong hong piang ding hilhkholhna thu te kitel takin hong genkhol 

hi. Hehpihna kong kikhakna tawh a kizoma thupiang dingte leh buaina 

hun ciangin kigin kholh nading ziate zong kitel takin a hong gen hi. 

Theih ding a phamawh hih thumaante a ki gen ngei kei leh mi honpite in 

phawk kha lo ding uh hi. Gimna hun ciangin a kiging khollo a suah 

theih nading in, hotkhiatna ngah zo ding zah-a thuman deihna lungsim 

amuh peuh peuh Satan in matkhiat sak pah pah hi. 

Pasian in thu phamawh patau kona mite tunga hong piak ciangin 

a phat mawhna zia zui-in vantung mite hong leenga a gen bang lim 

tawh hong lak hi. Mi khempeuh in zong na lung himawh in ngaihsun 

le uh a deihna a hi hi. A lau huai thukhenna in amawh kawk Sapi leh


a milim biakna ( Mang. 14:9-11) pen mite in lunghimawh in tel sin le 

uh sapi ciamtehna bang ahi hiam cih theitel in, tua tawh bangci kipelh 

thei ding cih zong thei le uh a deih a hi hi. Ahih hangin mihonpi in 

thumaan za nuam lo-in a bil uh heii khia uh a, tangthu mawk mawk 

lam ngat san khin uh hi. Ni nu nung ni ding en khol in sawltak Paul in 

a genna ah, “Thuhilhna pha manglo in, bilthak nei-in, amau deihgawhna 

bang thu hilh a tami, amau ading a koih ding uh hi.” na ci hi. 2 Tim. 

4:3. Tua hun pen tu-in a hong tung ta a hi hi. Mipi in Laisiangtho 

thumaan deih lo uh hi. Bang hang hiam cih (595) leh amau mawhnopna 

leh leitung deihna tawh ki lehbulh ahih baan ah Satan inamau deih te 

pia in khem beh lai uh hi. 

Ahih hangin Pasian in Upna khempeuh phuh nading leh kipuah 

phat nadingin Laisiangtho bebek a leen nuam milom khat leitung ah nei 

lai hi. Laisiamte lungpilnate, leitung pilna neite, pawlpi upna guite leh 

counsel khensatna thute, a kilem ngaplo pawlpi tuam tuamte, a tam 

zaw thukimna cih thute in biakna man leh maanlo khentel nadingin cing 

lo uh hi. Upna khat pe-peuh leh thukham khat peuh ih saan’ ma-in 

“Topa in hi bangin ci hi” cih tawh khensat pen thukhentatna maan hi 

bek ding hi. 

Pasian thu sangin mite thu mah lawp zaw dingin Satan in mite a 

hansuah den hi. Mite in ama ading amah mah in Laisiangtho zong khiaa 

a theih tel ding sangin Bishop te peuh, Pastor te peuh, Upna thuhilh 

Siate peuh makaihna zui lel dingin pan tah zaw hi. Tua makaite lungsim 

ukcip-in, mipite zong ama deih bangin ki uk thei pah hi. 

Khrist in nuntaknathu a gen ciangin mimawl te in, zaknop sa in, 

lungdam takin a thu gente ngai uh hi. Siampi leh makai tampi in zong 

athugente a um uh hi. Ahih hangin siampi Liante leh gam-uk mang 

lianpite in mawh sak in A thugente langpan ding bek ngim khol kinken 

uh hi. Mawhsak nadingin langdo-a a hanciamna khempeuh uh ah Khrist 

genthute in alungsim uh a leh zawh zawsop hi. Ahih hangin manial


nopna lungsim a pai man un, Pasian vangliatna leh pilna in Amah Messiah 

ahihna kitel sak zaw hi napi, a nial hamtang ve ve uh hi.. Nial kei 

le uh lah amau zong A nungzuite suah kul ding cih lah utlo zel uh hi. 

Jesuh nialte tua mite pen a neu tuung uh a kipan mite’ zahtak dinga a 

kihilhte a uh hi. Amau thuneihna aana tawh mite na ki uk uh a, 

mipi’zahtak leh biak a nangahte na hi zel mawk uh hi. Amaute ki dong 

uh a, “Bangci daan hiam? Ukpi te leh laithei te in Jesuh um lo uh hiam? 

Amah Khrist ahih leh bang hangin hih mipil te in saang lo mawk uh a hi 

hiam?” ki ci uh hi. Tua hi a, hi bang makaite thu zawhna hangin Jewte 

a nambup un a Honpa uh a nial asuak uh hi. 

(596) Siampite leh Upate a tua ci gamtat sak khaa pen mah in tu 

in zong Biakna-a mi hoih mi gina ka hi a ci tampite tung ah na asep lam 

ong ki dawk lai ve ve hi. Amau te in tu hun ading a hong kipia 

Laisiangtho thumaan pen sit tel in zongkhia nuam lo uh hi. Amaute in 

a pawl tamna uh, a maipha ngahna uh, leh ahauhna uh suang uh hi. Tua 

hangin thumaan keemte pen a tawmna uh, a zawnna uh, a kidawk zawh 

lohnate uh, leh leitung tawh a ki helzau theilo a thu upna te uh hangin 

neu-et in a mawh sak uh hi. 

Tua laitheite leh Phariseete neih lungsim leh azat uh aana maan 

lo pen Jewste hun tawh bei khawm pah lo ding ahih lam mukhol hi. 

Mihing aana tawh mimal lungsim deihteelna kiuk cipna hun hong tung 

lai dinga, tua in pawlpi akhang khangin pawlpi gim pia mah mah ding hi 

cihzong mu khol zo hi. Tua manin laitheite leh Phariseete nakpi-a a 

taaina te na kiciamteh a, tua pen a hong tung lai ding khang thak te a 

hong thu-hilhna zong a hi hi. 

Pasian na seemte bek in Laisiangtho khiatna gen thei ding hi 

ci-in Rome pawlpi in thu a khung hi. Thuhilh Siate bek in Pasianthu 

hilh thei ding thu ngah-in a dang teng in ngah lo hi. Kipuahphatna 

(Reformation) in mi khempeuh tung ah Laisiangtho a pia khia hi. Ahih 

hangin Romete khun tua ngeina in amau leh amau ading Laisiangtho


sim ding Protestantte nangawn a dal hi. Amau pawlpi in a khiatna a 

bawl bang bek saang dingin kihilh uh ahih manin, Laisiangtho sung 

pan thuman ki tel zaw a muh uh hangin amau upna phuhsa upna thugui 

leh pawlpi pomsa upna bang lo peuhmah a saang ngam tuan lo mi tul 

tampi a om hi. 

Laisiangtho sung ah zuau thuhilh Siate kidop nading a dim takin 

om hi na pi in amau’ khaa kep nadingin a Siate bek uh a pum muan 

kha ta leu leu uh hi. Tu hun-in biakna nei ka hi a ci mite mah hi napi in 

a Siate uh hilhna baan ah ama upna letsanh gen ding bangmah a nei lo 

mi tul tampi mah a om hi. Tua bang mite in Honpa hilh thu te nagawn 

phawk-in nei nawn lo phial uh a, a Siapa uh’ gen bang bang pum muan 

in mittaw sial khau let mai uh hi. Tua Siate a khial (597) thei het lo 

ding ahi uh hiam leh? Laisiangtho khuavaak tawh ong makaih uh hi cih 

ih thei tel kei buang leh khaa nuntak na dingin tua mite bang pum muan 

theih mawk ding I hi hiam? Leitung zuih lampi ngiilsa panin pial khiatna 

ding khop in hangsanna nei lo uh ahih manin, mi tampi in laisiamte 

nung mawk zuih zuih uh hi. Amau adingin thuman zong khia-a sit tel 

ding ngaap lo uh ahih manin lampialna sikkol in amaute a khih cip hi. 

Tu lai tangkona thak Laisiangtho thumaan mu gige sa, leh Kha 

Siangthoin zong tua tangkona panpih hi cih thei gige napi-in Siate lang 

panna azuih man un tua khuavak tawh aki nungngat san uh hi. A lungsim 

sung uh ah thuman a muh uh hangin siate’ vang nang lah in thu dang a 

ngaih sun ngam kei uh hi. Mimal neih khensatna leh teeltheihna nangawn 

thu manial midang khat khut sungah a tung sak hiau mawk uh hi. 

Satan in a matsa mite a lom hen nading lampi tampi a nei hi. 

Khrist singlamteh gal-a a do pawlte tawh ki sak in, tanau-itna naikhau 

hual tawh mitampi a henkhawm hiau mawk hi. Nuta pata hihna, ta nau 

hihna ahi zongin kizopna, kipawlna khat peuh a neih phot nak uh leh 

tua tung tawn in mimal khensat theihna lungsim gakcip sak hi. Tua in a 

suahtakna ding un a zuihsa lampi leh a kizopna sa khau apeek tat zo 

nawnlo zah dong dingin akoih hi.


Pasian vangliatna leh thumaan ki khen khia thei lo hi. Laisiangtho 

nei na pi-a ngaihsut lampialna tawh Pasian zahtak-a kibawl ve ve pong 

mawk pen hi thei lo hi. Mite in up dan leh zuih dan thupi lo a, ih gamtat 

maan thupi zaw hi ci thei uh hi. Ahih hangin gamtatna pen upna zui a 

kalsuanna ahi zel hi. Khuavak pen ih batna om napi ih zuih theih nadingin 

za nuamlo in, va mu nuam kei le’ng, tua khuavak a nialte ki suak in, 

khuavak sangin khuamial mah a teel zaw I hi lel hi. 

Mihing muhna ah,”hoih hi ci-a i ngaih sut khak thu khat pen, sih 

theihna ding thu na hi thei zawsop hi” Paunak 16:25. Pasian deihna 

theih nading hun pha a kipiak an mun ah, lampialna leh mawhnateadingin 

”thei khalo mawk inga” cih pau lapzon tawh ki maap lo hi. Khualzin 

mi khat lamkabom hong (598) tunga, koi pen in koi lai mun hong tun’ 

ding cih lai ki suang a mu hi. Tua lamlak lai thu-sim loin, a dang khat a 

zuih leh, lam dung ah bang zah in lungsim hoih le gamtat hoih nei in, a 

lampi maan tawn bangin a ki ngaihsut hangin, lamkhial a tawn mah hi 

ve ve hi. 

Ama deihna leh hong hilh thute theih in i zuih theih nading in 

Pasian in Ama thubu Laisiangtho eite hong pia hi. Thukham theipa 

khat in Topa ze-et dingin hong pai a, “Nuntak tawntungna ka luah 

nadingin bang ka bawl ding hiam?” a ci hi. Honpa in Laisiangtho 

sung mah leen-in, “Thukham sung ah bang ki gelha hi hiam? Bang 

thu na sim kha hiam?” na ci kik hi. “Thei kha ke’ng “ cih bang lel 

tawh a kua mah maap lo hi. Pasian thukham palsatna thaman daan 

thuak ding panin peng sak lo hi. Bang hang hiam cih leh, tua thukhunii 

deihna bulpite leh a nget thute tel taka kigenna Laisiangtho amau 

khut sung ah om hi. Gupna ngah nadingin, mi khat peuh in ama hoih 

sak bang, cih pong te, Siate in a hoih hi ci uh a, cih bang lel mawkte, 

ki siksan thei loahih manin, mikim in ama nuntakna ahot na dingin 

amah mah in Laisiangtho thumaan zong khia in a sit tel ding uh ki sam 

a hi hi. Ama kizawh dan khauh in, Siapa in thumaan thei hi cih 

muannate in gupna zon na ah zat ding dinmun kip hi lo hi. Amah in


vantung lam zuatna lamkabom-a lai kigelh pen nei hi. Tua lamlahna 

bang bek zuih ding hi a, lampi dang khat leh thu dang peuh lunggulhna 

tawh ki nawngkai sak lai lai ding hi lo hi. 

Ngaihsuttheihna lungsim a nei mi peuh mah ading athu lian bel 

in Laisiangtho panin thumaan zongkhia in, tua thumaan zui-a mi dang 

te zong zui sak ding a hi hi. Eite in kuhkalna tawh nisial-in Laisiangtho 

sim-in, a thute khai kaak kawi kawi-in, mun khat leh mun khat i et kaak 

ding ki sam hi. A mimal in Pasian mai-a eima ading thudotna a dawng 

dingte i hih man in, Pasian huhna suangin thu zuih dan Pasian deih tawh 

ki tuah sak ding i ngaih sun ding hi. 

Laisiangtho sung ah tel taka ki lak thumaan te pen laisiamte in pil 

kisakna tawh sim-in tel hak leh zuih hak sa uh hi. Laisiangtho pen thusim le 

thu thuk hi, ei’ theih phak loh khiatna nei khaa lam thu siim hi, ci-in hilh uh 

hi. Tua bang te pen zuau thu hilh Siate a cihte a hi uh hi. 

(599) Tua bang mite kiang ah Jesuh in, “Note in Laisiangtho ahi 

zongin, Pasian vangliatna ahi zong in theilo na hih uh ciangin, um khial 

hilo na hi uh hiam? “ ci hi. Marka 12:24. Laisiangtho kammalte pen, 

limlahna leh genteh sawnna a kizang a hih kei buang leh, a kammal om 

bangin a khiatna laak pah lel ding hi zaw hi. Khrist in khapna khat hong 

nei a, “Mi khat peuh mah in Pasian deihna bangin a gam tat nop leh, hih 

thu Pasian’ thu” athei ding hi” ci hi. Johan 7:17. Mite in Laisiangtho a 

sim uh ciangin agen thu a om bangin zuih pah lel leh, zuau thuhilh Siate 

in a buai sak kei nak uh leh, nasep ki mainawt mah mah ding hi. Tu-a 

lamkhial-a vak vai mi a tul mun tulte zong Khrist huang sung ah hong 

lut ding uh a, vantung mite lungdam mah mah ding uh hi. 

Eite in ih lungsim hatna zah zah tawh Laisiangtho sim in, i pilna 

leh i siamna vekpi zangh-in Pasian thuthuk mihing theih theih ciang 

ding pen theih ding i hanciam ding hi. Tua baan ah, naupang bangin 

hilh nop-in a thu man a om bang lungsim maan tawh up pah pah lel ding 

ahih lam ih mang ngilh kei ding hi. Leitung pilna tawh Laisiangtho


sung thu haksate pen tel kheh zawh theih ngei ding hi lo hi. Mi tampite 

mot hanciam bangin leitung pilna suang zaw loin, thungetna leh kiapna 

tawh Pasian deihna tel nop takpina lungsim maan tawh Laisiangtho 

I sim zaw ding hi. KEIMAH ahi alian mah mah Topa kiang panin pilna 

I ngah nadingin hilh theih ding lungsim leh ki niamkhiatna lungsim tawh 

Ama kiang I zuan ding hi. Tua hi kei leh gilo vantung mite in I lungsim 

hum cip in, khauh sak ding ahih manin thumaan I man kha thei nawn 

kei ding hi. 

Thuthuk hi ahih kei leh Thupi lo hi ci-in mitampi in a nusiat uh 

Laisiangtho mun tampite pen Khrist Saang pana ki hilh mite adingin 

lam lahna leh a hehnemna kammal thupi mah mah pen te ahi zaw uh hi. 

Laisiangtho siam a kici Theologiante in Pasian thumaan tel hak hi a 

cihna munte uh pen zui nuam lo uh ahih mana a thu thei tel nuaam lo 

kineih in a mit uh a hum uh ahi zaw hi. Laisiangtho thumaan theih 

siamna pen leitung pilna pan hi lo zaw-in lungsim ngimna khat bek 

tawh thumaan deih tak takna pan ki ngah ahi zaw hi. 

Laisiangtho pen thu ngen lo pi-in mawk sim ding ahi kei hi. 

Laisiangtho sung thu a manphatna ciap khak theih na ding leh a tel hak 

munte telsiam na ding in Kha Siangtho bek in hong huh thei hi. Vantung 

mite nasep pen Pasian thu I tel zawh nading, a deih huaina ih lung 

sungah a ten nading, (600) leh a hilhnate telin, a kamciamte hangin 

lawpna leh thahatna I ngah zawh nadingin a huh ding uh hi. Laphuakpa 

tawh “Nangma thukham sung panin a lamdang nate ka muh theihna 

dingin keima mitte hong hon’ sak in.”( Late 119:18) i ci khawm ding hi. 

Laisiangtho sim leh thu nget thadahna manin mawhzolnate in nan 

zawhloh ding lim in hong kilangh zel uh hi. Bang hang hiam cih leh 

Satan pen Laisiangtho galhiam tawh do un a cih Satan pen Laisiangtho 

galhiam tawh do un a cih Pasian kamciam pen zolna athuakte in phawk 

den kha lo zel uh hi. Ahih hangin Pasian thu a thei nuam takpi te kim 

kot ah vantungmite om uh a, a kisap pen hun ciangin a sap bangun 

thumaan a phawk sak zel ding hi. “Galpa in tuiciin khang banga hong


vuh ciangin Topa Kha Siangtho in galpa langdo nadingin dial-kaih hong 

lap toh sak ding hi.” ( Isa. 59:19). 

Jesuh in nungzuite kiang ah, “Ahih hangin ka min tawh Pa in 

hong sawl ding Huhpa a kici Kha Siangtho in na khempeuh hontg hilh 

dinga, no kiangah kong gen khempeuh hong phwkkiksak ding hi” ( 

Johan 14:26) ci in na khaam hi. Ahih hangin Khrist hilhna teng pen I 

lungsim sung ah na vom phot ding hanga, tua pen haksatna hun ciangin 

Kha Siangtho in hong phawk kik sak ding a hi hi. “Nang tungah kong 

khialh lohna dingin ka lung sim sungah nangma thu ka khol hi,” (Late 

119:11) David in ci hi. 

Tawntung nuntakna thumanpha a sa mi peuh mah in uplahna 

hong lut khak loh nadingin ki kem ding uh hi. Khuampi banga akip 

Thumaan khuampite teek mah zong hong nawk ding hi. Eeng kona, 

muutna te, leh tu hun thukhel-kawi le a lauhuai dang dangte’ bat khak 

loh dingin ki kep zawh hi lo hi. Satan in a ze etna leh mawhzolnate mi 

a pawl pawlte omzia tawh kituak dingin siampha zel hi. Amah in laisiam 

lote sim mawhna leh nuihsatna tawh zo thei hi. Laisiamte pen Science 

lam leh Philosophy kici thu ngaihsutna lam tawh Laisiangtho muang 

lah dingin leh a sim mawh sakdingin zo thei ve ve hi. Khangnote bang 

zong Khristian dinmun bulpi muang lah sak hi. Tua khangnote’ Pasian 

uplahna leh ki daaithahna te in baan nei to zel hi. Tampi takte in anu a 

pate uh’ upnate ciamnuihna-in nei uh a, thupha pia (601) Kha Siangtho 

pen simmawh uh hi. Heb. 10:29. Pasian zahtak a kaai sak ding leh 

leitung adingin thupha a bawl ding nuntakna tampi takte uplahna huu 

namsia in zaap keu khin hi. Mihing pilna tawh khensat-a aki sialhpih uh 

thute muang uh hi. Pasian huhna ngah lopi-a thumaan Pasian thuk mu a 

kici mitampi, tua bangin, Satan thangzaak sung ah awk zel uh hi. 

Eite in leitung tangthu sung ah a hun thupi bel laitakin anungta 

kha te I hi hi. Leitung mite tun nading aki khensat ding hi ta hi. Ih mai 

lam nuntak nading leh mi dangte nuntak gup ngah nading pen tu-a I


omzia te tunga ki nga ding ahi hi. Thumaan Kha Siangtho makaihna I 

ki sam hi. Khrist nungzui khempeuh in I theih nop ding thu pen, “Topa 

aw, bang ka bawl ding nong deih hiam?” I cih ding ahi hi. Topa mai ah 

ki niamkhiat-in, an ngawl-in, thu ngen-in, Ama thute, a diak diak-in 

thukhenna thu, ih lungngai ding hi. Pasian thu thuk tawh nuntak nading 

I tel kan ding hi. Hun tomno khat nangawn mawk bei sak ding ahi kei 

hi. I kiim kot ah na lianpi pite piang piang hi. Eite in Satan bumsa 

leitang tungah I om hi. Pasian galvilte aw ihmu kei un. Galpa in hong 

buk hi. Nang khamuangin na lusuk leh nang’ tungah hong zuan-in samat 

bangin hong bawh ding hi. 

Pasian mai-a a om dan uh tel loin mi tampite in khem thuak uh 

hi. Mawhnate bawl lo tei uh ahih manin a lungdamna te uh ki kum uh. 

Ahih hangin Pasian nget thupha bawl ding pen awl mawh lo zel uh hi. 

Pasian deih lungsim leh nuntaak picing a gah ding uh a awl mawh kei 

uh hi. Pasian huan sung ah singkung khat hih lel bek ki tang cing lo hi. 

Pasian in amaute thupha pia napi, a lam-et gahpha ahi thupha a bawl 

theih dingte uh a bawl kei uh leh leiba-in siik kik ding hi. Vantung laibu 

sungah tua bang te pen leitung a noksak lel te, ci in ki ciamteh hi. Ahih 

hangin tua ciang pen lam et beina hi nai lo sam hi. Pasian migitna a 

zaangkhai bawla a thupha a na sim mawhte tawh a ki bangin itna 

lungduaina in makaih khawm lai hi. “Tua ahih (602)ciang in; ‘A ihmu 

mi aw, khanglo in la, Sihna pan tho kik in! Tua bang ahih leh Khris in 

nang tungah hong tang ding hi “(Ephet 5:14-16). 

Tel sitna hun hong tun’ ciangin amau nuntakna Pasian 

thu(Laisiangtho) tawh amakaih mi hong kilang ding hi. Tuuk hun 

sungin singkung khempeuh a kibangin a teh a dum khin hi. Khawkhaal 

(American te Phalbi) ciangin singkung pawl khat a teh a pulh hi. A 

hing den leh a tehpulh nam hong ki lamdang hi. Tua mah bangin 

Khristian tak leh a kheem zong tu ta dih-in ki lang khia nai lo hi. Ahih 

hangin a kilat ding hun hong nai mah mah ta hi. Pasian langpangte a ut 

leh tho ta hen. Upna guptuam neite leh mi thuak zolote in a khut uh


viik kik ta hen; bawl siatna te hong so kik hen. Lung hiang neite leh a 

ki-neihtawmte hoi ding a upna uh khah lel ding uh hi. Ahih hangin 

Khristian maan ahi te pen suangpi bangin kip ding uh hi. Hun nop lai 

sangin a upna uh khauh zaw lai dinga a lam etna uh kician zaw ding hi. 

Laphuakpa in, “Na teci pan’na te ka lung ngai-ngaai hi” “Na 

thuhilhnate hangin thu theihtelna ka ngah hi; tua ahih ciangin a manlo 

lampi khempeuh ka mu dah hi.” Late 119:99, 104. “Pilna nei-in, thu a 

thei mipa in, a lungdam mi ahi hi.” “Amah in gun gei-a kisuan singkung 

bang hi a, lui gei ah a zung kha hi. A tehte hing den ahih man in nisa 

kihta lo hi. Kitatsat lo-in gah den ahih manin guah zuk loh kum cingin 

zong lung kham tuan lo hi.” Paunak 3:13; Jer. 17:8.


38 

Patau Kona Nunung 

(603) 

TUA khit ciangin vantung panin vantung mi dang khat a hong pai 

suk ka mu hi. Amah in aana a lian mah mah nei a, ama vang in 

leitung buppi a taan’ hi….Tua ciangin vantung panin aw dang khat ka 

za a, ‘Keima mite aw, a mawh gamtatna ah kihel kha-in a gim thuakna 

thuakpih kha ding na hih manun hong pai khia un’ a ci hi.” Mang. 

18:1,2,4. 

Hih Laisiangtho mun in, Mang. 14:8-a Babylon cipna ding tawh 

kisai thu a tangko kikna ding hun a kawk to ahi hi. Thang huaina nam 

kim kigawmna, Babylon hong pianna thu a gen beh ahi hi. Tua pen 

1844 kum-in khat vei ki tangko ngei zo hi. Hih a gen behna ah, biakna 

lam omzia a gen beh hi. Thumaan a nialna man-un mite lungsim mial 

sem sem in, ngawng khauh sem sem ding uh a, Pasian um lo bit a suah 

hel dong uh tun ding uh hi. Tua tangkona a nialte in Pasian thukhun 

khat a nawk paih khit uh ciangin, a nawkpaih uh thu a zui tei tei te a 

bawl siat dongun kalsuanto lai ding uh hi. Khrist pen bang mah-in ki 

sim lo dinga, Ama thu leh Ama mite ki mawh sak ding hi. Pawlpi

PATAU KONA NUNUNG 617 

tuamtuam te in sikha hopihna a saan’ (604) uh ciangin mihing ci-le-sa 

hong leen ni loh thu teng kinil khia in-in biakna ka nei hi a ci mite in 

mawhna a suuk pi teng hum cip-in sel sim zaw ta ding uh hi. Sikha 

hopih thei upna in a khem thei khaa te a dingin kongkhak hon sak dinga, 

tua ciangin. dawite thu upna leh gilo vantung mite thuneihna te pawlpi 

sung ah hong ki lang ta ding hi. 

Babylon tawh kisai hih hilhkholhna a gen laitak hun-in, “Ama 

mawhna in vantung baan a, Pasian in ama mawhna a phawk ta hi” ci hi. 

Mang. 18:6. Babylon in a mawhna hai dim let sak ta ahih manin, ama 

tung ah ki siatna a ki buak ta ding a hi hi. Tua Babylonte sung ah 

Pasian mi pawl khat om lai uh hi. Pasian thukhenna dan a ki buak main, 

Babylon mawhna leh athuak ding gimna tawh a ki pelh theih na dingun, 

tua mi citakte ki sam khia phot ding hi. Tua banga nasepna pen, avang 

tang tawh leitung a salhvaak, a aw-ngaih mah tawh hong kumsuk in 

Babylon mawhna a tangko vantungmi lim la-in agen hi. A hong tangko 

thupuak sungah “Ka mite aw hong pai khia un” cih sapna aki hel hi. 

Hih tangkona pen vantung mi thumna tangkona tawh kop-in leitung a 

teeng mi khempeuh tung ah a tawp khakna-a ki tang ko ding a hi hi. 

Leitung in a nawk ding thubuai pen lauhuai mah mah hi. Leitung 

vangliatna khempeuh ki kop-in Pasian thukham langdo-in, “a neu a lian, 

a hau a zawng, to nei to peng,” (Mang 13:16) a vekpi-un pawlpi thukhunngeina 

zui in Nipi maan lo tang ding hi ci-in thu pia khia ding uh hi. 

Tua thu anial pe-peuh kumpi daan thuak dinga, a tawpna ah thah ding 

ki lawm hi, ci ding uh hi. A lehlam pan-in Piangsakpa tawlngakni pen 

tan’ ding a sawl Pasian thukham in sawl man’na ngen-a, a palsat peuh 

mah hehna thuak dingin tawng zel hi. 

Pasian thukham sik cip-a mihing thukham a zui mi khem peuh 

in, Pasian sangin a teel zawk, a thu a zuih vangliatna neipa Sapi-ii 

ciamtehna ngah hi ci-in kitel takin gen hi. Vaang nei khat tawh ki pawlna 

lim ama teelna tawh a saang a suak hi. Vantung pana hilhna (605) ah,


“Mi khat peuh in sapii leh a milim bia in a tal tang tung ah a hih kei leh, 

a khut tungah a ciamtehna a ngah leh tua mi in hehna hai sung pan, 

Pasian hehna leeng gah zu ciil a dawn ding hi,” a ci hi. Mang. 14:9, 10. 

Ahih hangin hih thumaan kipuak in atelkhit ciangin, a lungsim 

khentatna tawh a nial masiah Pasian hehna mi khat peuh in mawk thuak 

pah lo ding hi. Hih thumaan tuam vilvel pena za kha ngeilo mi tampi a 

om hi. Amau tel ding in Thukham nambat li-na ki sam lai ahih lam ki lak 

nai lo hi. Mite lungsim leh ngaihsutna thei-a a sittel Topa in thumaan 

thei leh a pom ding mi peuh mah hih kidona sung ah khemna thuak 

dingin mawk nu siat lo ding hi. Mi khempeuh in a thu tel-a a deih zawk 

a teel theih nadingun khuavak ngah kim phot loh pi in Thupiakna pen 

mite tung ah a ki mot sawl ding hi lo hi. 

Sabbath pen ki nialna khempeuh mungpi suak ahih manin, thu 

mang hihna sit telna hong suak ding hi. Sittelna nu nung pen hong om 

ciangin Pasian beel leh beel lote ki kal ah tel khenna gamgi hong ki 

khung ding hi. Kumpi leh gam deihna zui-a kibawl upadi zui in thukham 

lina tawh ki leh bulh sabbath maan lo ki tang pen Pasian tawh ki langdo 

vangliatna tawh kipawlna a hih bang mah in, Pasian thukham zui-a Sabbath 

maan tan’na pen Piangsakpa tunga thumaan na lim dawkna a hi hi. 

Pawl khat in leitung uliante tungah ki-apna lim in sapi ciamtehna a ngah 

a suak uh a, a khat te in bel Pasian vangliatna muang zaw in a teel zawk 

uh manin Pasian ciamtehna a ngah a suak uh hi. 

Vantung mi thumna tangkona a tangko kawi kawi mite pen mi 

patau sak buaina bawl bang lel-in ki seh ta dih lai hi. Amaute’ 

hilhkholhna ah America ah biakna khah khong nop lohna om dinga, 

biakna leh gam ukna ki kop-in Pasian thukham zuite bawl sia ding uh hi 

ci-a hilhna pen dinmun nei lo, thu mot phuah bangin ki seh sak ngei 

khin zo hi. Hih gam pen tu-a a hihna sa baan ah lam dang thei tuan 

nawn lo ding hi, ci-in kip takin pulak khin uh hi. Biakna suahtakna om 

hi, ci uh hi. Ahih hangin Sunday aana hial-a tang dingin hong (606)


sawl uh ciangin, tua a up zawh loh uh thu hong tung takpi ding hi thong 

veh ee cih mu ding uh a, tangkona in ni danga a suk khak zawh ngei 

lohna munte ah zong gah hong nei ding hi. 

A khang a khang-in Pasian in leitung leh pawlpite mawhna lakin 

taai dingin Ama naseemte sawl ngit nget hi. Ahih hangin mihingte in 

a baih lam lam thute hong kihilh leh bek za nuam uh a, thumaan citak 

pen sang thei lo zel zaw uh hi. Puahphate in zong amau nasepna te 

panin minam leh pawlpite mawhna te a kawk khiat ding uh ciangin 

thukhual mah mah, ki dawm mah mah sa-in a seem uh hi. Amaute in 

Khristian nuntak hoih lak uh a, tua tawh mite Laisiangtho sung upna ah 

hong ki heii thei ding a lam en uh hi. Pasian Kha Siangthoin amaute 

tung ah hong tung hi. Khasiangtho in Elijah tung ah haan’na lungsim a 

piak ciangin gilo kumpi leh minamte lampialna a taai bang mah-in 

Laisiangtho thumaan hilhlo in a om thei nawnlo uh a, nidanga a hilh 

ngam loh uh upna pen hilh tei tei uh hi. Khasiangtho in a maute thanuam 

sak ahih manin alau huai khemna thu leh Topa piak thumaan pen hangsan 

takin a tangko khia uh hi. Tua bang dan tawh tua patau kona thumaan 

pen mite in a za uh hi. 

Tua bang mah in vantungmi thumna thupuak pen zong ki tangko 

ding hi. Tua thu pen vangliatna tawh piak ding hun hong tun’ ciangin 

Topa in a ki niamkhiat mite khut zat in Ama nasepna-a dinga ki pia 

takpi lungsimte a zangh ding hi. Tua bang naseem dingin laisinna sangpi 

pan-a pilna neite hi zaw loin, Kha Siangtho tawh a ki nilh mite ahi zaw 

ding hi. Upna leh thu ngetna tawh a ki zomden mite lawpna tawh kuan 

khia ding uha, Pasian in amaute apiak thute tangko khia ding uh hi. Tua 

ciangin Babylon kih-huai gamtat mawhna teng, kumpi aana tawh zuih 

ding a ki khung pawlpi bawl tawm thukhun leh nipi zatnate, leh a lau 

huai sikha hopihna nasep hong lutna thu, leh simtham takin pope te 

vangliatna in mai hong nawtna te, a vek-in hong ki dawk khia ta ding 

hi. Hih patau kona thupi pen in mite tok zo mah mah ding hi. Tul mun 

tul tampite in a zakngei loh uh hih bang thu hong ngai ding uh hi. Vantung


pan kipia thumaan a nialna hangin Babylon ahi pawlpi in mawhna sungah 

apuk na thu (607) teci kipang pen lam dang sa mah mah sa-in ngai ding 

uh hi. Mite in lawp mah mah sa-in a Siate uh kiang ah pai-in, Hih bang 

thu ahi mah hiam? ci in adot uh ciangin, a Siate un tua tangthu mawk 

mawk peuh, thuhoih bek hilhkholhna tawh, thu theih nop zaw deuh te 

peuh gen pih in a patauhna teng uh hawl khiat sak uh hi. Ahih hangin 

pawl khatte in mihing aana lel tawh lungkim thei lo uh ahih ciangin tel 

dot zaw lai uh a, “Topa in tua ci hi” acih te bek za nuam uh hi. A 

minthang Siapa te in tanglai-a Pharisee te mah bangin lung ngol-in tua 

thupuak pen Satan’ aa hi cih sak uh a, tua ciangin mawhna a it lai mite 

taw holh-in hih thu a tangkote bawl sia sak zaw ngel mawk uh hi. 

Ki nialna hong ki zelh in gam thak thak ah hong lut hi. Mite in 

akituancil Pasian thukham lam ah a ki sap khiat zel ciangin Satan patau 

mah mah hi. Thupuak a keem keem vangliatna in thunial mite hai sak lel 

ding hi. Pawlpi Siate in mihing sep theih loh zah phial-in hanciam-in na 

seem uh a, tua khuavak mai dal uh hi. Dal kei le uh a tuu honte lak uh ah 

khuavak taang ding hi. Hih thu tawh kipawl nasepna, leh thu kikupna 

khempeuh ahih theih zah-un suk siat sak uh hi. Pawlpite in kumpi’ tungah 

huhna ngen uh hi. Tua sung ah pope pawl te leh Protestant te hong ki 

pawl uh hi. Sunday aana hial-a tan’ ding thu hong khauh zaw-in a kitel 

zawk ciangin Pasian thukham zuite kumpi upadi tawh gaak ding uh hi. 

Gapna, thong khiatna tawh tawng gawp-in pawl khat pen zaliatna leh 

hamphatna tah in ki zol ding hi. Ahih hangin amaute kipna lahna-in, “Ka 

khialhna uh Pasian thubu panin hong lak un,” ci uh hi. Luther in zong tua 

bang mah-in na ci ngei zo hi. Pawl khat te thukhen mang zum ah ki 

puak-a, thumaan khauh takin a gen khiat uh ciangin a za mi pawl khat 

pen Pasian thukhamte kim tak-a zuihna lam pang ah hong ding uh hi. 

Tua bangin mi tul tampi te mai ah khuavak ki puak hi. Tua bang hi kei 

leh hih thumaan tangkona amaute in za kha lo ding uh hi. 

Lungsim upna tawh Pasian thu a um thei mimal peuh mah tual 

gal bangin kido (608) ding hi. Satan mai humna tawh nute pate in thu


um thei a tate uh genthei sak ding uh hi. Topate leh tonute in Pasian 

thukham zui nuam a naseemte nen cip ding uh hi. Itna sutat in, thu 

um tate luah ding go-le-gamh teng tan sak in, inn pan ki hawl khia 

ding hi. Paul in a genkholhna te tung kimding hi, “Jesu Khrist tunga 

a citak mi khempeuh in bawl siatna thuak ding uh hi” ci hi. (2 Tim. 3 

:12). Thumaan leen-a Sunday-nipi a nial peuh mah, kim khatte thong 

ah ki khia-in kim khat te ki hawl khia dinga, kim khat te sila bangin ki 

bawl ding hi. Mihing pilna tawh et-in hih thu pen a piang thei ngei lo 

ding bang a hi hi. Ahih hangin hong keem keem Pasian Kha Siangtho 

kidok khia dinga, Satan in hong pum uk cip ciangin , amah in thukham 

mudah ahih manin a lamdang dangin thu a piang ding hi. Pasian 

kihtakna leh itna om kei leh mihing lungsim pen lamdang sak huai 

zah-in gilo thei hi. 

Khuasia hong ki pei-in, thumna vantung mi’ tangkona ka um hi 

ci napi thumaan tawh akisiansuah nuamlo mi tampite in amau dinmun 

nusia-in, a lang lamte pawm zaw ding uh hi. Khuavak te zong a kibang 

hiam-hiam phial in mu napi leitung tawh kithuah in leitung lungsim pai 

luat manin, ze etna hong tun ciangin amaute in, a baih lam lam leh a ki 

dawk zaw zaw beel ding a ki ging kholsa mah uh a hi kin ken zo hi. 

Thumaan sunga lungkim sa mi gina, leh thugen siam minthang pawl 

khat te bangin, tua hun ciangin mi dangte khemna leh lam khial sakna 

dingin a siamna uh leh a vangneihna te a zangh uh hi. Tua bang mite 

pen a sanggam masate uh’ adingin gal gilo pente a suak uh hi. Amau 

upna hangin dotna dawng dingin Sabbath zangte thukhen mang zum 

mai ah a kisap ciangin, gam uk kumpi te el sem sem na ding in alawmte 

om zia uh thumanlo pipi in lawtin teci pan sak uh ahih manin, hih bang 

lampial mite pen Satan sawltak a ki zen pente a suak uh hi. 

Hih bawl siatna hun sung in Topa naseemte upna ki sittel ding 

hi. Amau in muan huai takin patau kona tangko khia uh a, Pasian leh A 

thumaan bek a en uh hi. Pasian Kha Siangtho in amaute taw sawn-in, 

thu a gen gen nuam sak hi. Deihsakna lungsim siang in lawpsaka,


Pasian huupna tawh amau sep ding na asem uh hi. Pasian in mite kianga 

gen ding a (609) piak thute tha sial loin a gen gen mai uh hi. Amau in 

a leitung hamphat nading uh zong loin amau nuntak nop tuam nading 

leh mite’ pahtawi ut se lo uh hi. Tua bang hi sam napi lang pang thusia 

hong ki phial ciangin mai bing -in, “Hih bang thusia piang thei ding mah 

mu khol hi le hang I kam paute ki dawmmah ding hi ve hang” ci lai ding 

uh hi. Haksatna in amaute um cih hi. Satan in a thuak hak mawh zolna 

tawh a nawt hi. A nasep pan mun a letnate uh amau zawh theih ding 

lim pua lo hi. Amaute ki susia gawp ding dan ahi hi. Amaute lawp 

theihna pen pen teng uh bei hi. Lah, a taw kik thei nawn kei uh hi. Tua 

ciangin a huh ding dang nei loin vanglian khat a om Pa’ thahatna a beel 

uh hi. Amau in a pau khiat sa kammal te uh amau ut-a pau zong hi lo 

cih a thei uh hi. A sawlpa’ sawl bang bang a tangko ahih lam uh a ki 

thei uh hi. Pasian in amau lungsim sung uh ah tua thumaan guan a, gen 

loin om thei lo uh a hi zaw hi. 

Pasian mite in tua bang thuaknate mah hun beisa sung ah na 

thuak ngei khin zo uh hi. Wycliffe, Huss, Luther, Tyndale, Baxter, 

Wesleyte in upna bulpi teng Laisiangtho tawh sit tel ding sawl uh a, a 

maan lo teng nusia dingin tangko uh hi. Hih mite zong na ki langdo hi. 

Khasiat huai sakna mal khat zong kihello in hehna tawh ki bawl sia hi. 

Ahih hangin a tawp tuan kei uh hi. Pawlpi tangthute ah a hun tuam 

tuam zui-in thumaan tuam vil vel tangko ding om zel a, a hun zui-a 

Pasian mite neih ding thumaan tuam om zel hi. Thumaan thak khat 

peuh a dawk ciangin a langdo na om zel a, tua thupha khuavak a saang 

mite na ki bawl sia-in na ki sit tel zel hi. Topa in a thumaan tuam vil vel 

tangko ding kisamte nawh sa-in pia sak zel hi. Tangko ding a ut lo kua 

om ngam hiam? Amah in leitungte kiang ah migitna thu tawh sapna nei 

dingin A naseem te A sawl hi. Gen kei mawk le uh amau mah mah ki 

sia mang ding uh hi. Khrist Sawltakte in a thuak ding uh gimna te zong 

khual zo loin na tangko ve ve uh hi. A nasep ding uh seem uh a, a 

thaman ding ahih leh Pasian a aap uh hi.


(610) Lang pangte a nasia zaw-in hong laan sem ciangin, amau 

hangin tua buai na teng apiang bang in ong dawk ahih manin Pasian 

nasemte lungsim a buai hi. Ahih hangin a lungsim sung khua phawkna 

leh Pasian kammal in amaute thumaan lampi zui ahih lam uh kha muang 

sakin, sit tel na a thuak zawh nading un hatna zong kipia hi. Ki demna 

leh bawl siatna nai sem in a hat na tawh ki tuak in amau upna leh lawpna 

zong a khang pha saan zel hi. A teci pan’na uh ah, “Pasian thumaan 

phel khap in pawl khat te kul kei, ci a pawl khat bek lak cih bang tawh 

leitung te pah-taakzon’na in ka ut kei uh hi” ci tang hial lel uh hi. “A na 

ka sep uh Topa in ko hong hon khia zo ding hi. Khrist in leitung ka zo 

zo hi, ci hi. Tua a kizo sa leitung kihta ding ka hi uh hiam?” ci uh hi. 

Bawl siatna a nam nam hong piangte pen Satan a om lai teng leh 

Khristian pawlpi a kip lai teng a om zel ding mah a hi hi. Khuamial 

pawlpi’ langdona thuak loin kuamah in Pasian na sem thei lo hi. Gilo 

vantung mite in nawk dinga, a nasepna-a a ngah mite buai sak-in ama 

khut pan sut khia-in gal mat samat bangin bawl ding uh hi. Ama gamtat 

hoih in a sel-phona a thuak migilote kipawl uh a, Pasian kiang pan bang 

cih le’ng ki khenkhia thei ding hiam? ci-in mawh zolna a tuam tuam 

tawh zol ding uh hi. Tua banga a zawh zawh loh uh ciangin aana hiala 

a lung sung lam upna suk siat sak ding a vaihawm uh ahi hi. 

Vantung Biakbuk sungah Jesu in Palai a sep laiteng Kha Siangtho 

hong kepna in gam ukte leh mipi lak ah nasem lai hi. Tua Khasiangtho in 

leitung gam ki ukna upadi te ah zong a hun khop tan khat len in huzap va 

nei hi. Tua upadite omlo hi leh leitung pen tu-a sangin nakpi in ki sia zaw 

lai ding hi. Gamuk ulian tampite Satan khutzatte ahih laitak hun mah-in 

Pasian in a zat gam makai tampi zong na om ve ve hi. Pasian na sepna 

mai dal ding vai hawmna khat nei dingin Gaalpa in anasemte a sawl ciangin 

Topa kihta thunei zo tham mah mah khat peuh Topa in na zangh zel a, 

vantung mite thu zawhna tawh tua thu kisung pen a kinial thei het lo 

dingin dal sak geih zel hi. Tua banga gilo vaihawmna pen a deih mi 

tawm- (611) no bek om zaw zel sak hi. Vantung mi thumna nasep a ki


sep theih nadingin thumaan-ii galpa pen ki lencip lai phot hi. Tangkona 

nu nung pen ki tangko ciangin tu-a Topa khutzat gam maikai tung tawn 

in gam uk makai te in thuman ong phawk ding uh hi. Pawl khat in thumaan 

hong saang ding uh hia, lung kham buaipi hun sung teng Pasian mite 

tawh hong ding khawm ding uh hi. 

Vantungmi thumna tangkona tawh hong ki kop vanglian 

vantungmi a dang khat pen-ii vaang tawh leitung buppi hong taang 

ding hi. Leitung bup a zel alian mah mah nasepna khat hong ki gen 

khol hi. Advent nasepna 1840-1844 sunga tangkona pen Pasian vanglian 

kilatna khat hi a, vantung mi khatna’ tangkona pen leitunga Mission ki 

phuhnasa mun khempeuh ah a tung hi. Mun khat khat te ah puahphate 

khanga kipan biakna lawpna om ngei sa lak ah thupi-in nasia pen hi ci 

uh hi. Ahih hangin tu-a a vanglian vantung mithumna tangkona tawh 

kop-a ki tangko ding pen tuate khempeuh sangin nakpi in nasia zaw lai 

ding hi. 

Nasepna pen Pentecost ni-a tawh ki bang ding hi. “Guah masa” 

in Lungdamna Thu nasepna ah kong hong dinga, khaici manpha po 

nadinga kibuak ahih mah bangin, “Guah nunung” zong tua khaicite a 

tang cingin aki at theih nading in a ki buak ahi hi. “Tua hun ciangin 

Topa I zuih den leh I thei ta ding hi. Ama pai khiatna in zingsang bang 

hi a, Amah in leitunga guah masa leh guah nu nung zu bangin eite kiang 

ah hong pai ding hi.” Hosea 6:3. “Lungdam un, no Zion tate aw, na 

Topa Pasian tung uh ah ki paak un. Bang hang hiam cih leh, Amah in 

guah masa a hoih bek takin hong pia a, note ading guah hong zu sak lai 

dinga, guah masa leh guah nunung hong zu sak ding hi.” Joel 2:23. “Ni 

nu nung ni ciangin Pasian in mi khempeuh tung ah Ka Khaa Ka bua 

ding hi” ci hi. “Tua hun ciangin Topa min tawh thu ngente khempeuh 

in hotna ngah ding hi.” Sawltak 2:17, 21. 

Lungdamna Thu hilh nasepna lian pen a ki pat tuunga thu 

konghong dinga kilang Pasian vangliatna sanga nasia zaw thupha hong


kibuak phot loin nasepna ki tawp lo ding hi. Lungdamna Thu tangko 

(612) nasep kipat khiat nadingin guah masa ki buahna tawh hilhkholhna 

te a taang tun’ mah bangin, tua nasep kizawh nadingin guah nunung 

buah ding zong hong taangtung ding hi. Hi lai tak ah, “Ki puahthakna 

hun” ci-a Peter gen gen hun a hi hi. “Tua ahih ciangin no te ki sik kik 

un la ki khel un. Tua hi leh Pasian kiang panin ki puahthakna hun hong 

tun’ ciangin na mawhna te uh ki phiat siang ding hi; tua khit ciangin 

Amah in Jesu hong pai sak ding hi,” ci hi. Sawltak 3:19, 20. 

Pasian naseemte ki aapna siangtho tawh a maitangte uh taang 

hi. Tua in vantung pana thupiak tangkona ah mun khat pan mun khat 

man laang sak tuam mah mah ding hi. Leitung buppi ah aw tul tampi in 

patau kona tangko ding uh hi. Na lamdangte ki bawl dinga, cinate ki 

dam sak-in lim leh nalamdangte in thu um mite zui ding hi. Satan in 

zong zuau nalamdangte bawl a, mite’ muh-in van pan meikuang nangawn 

kia sak ding hi.” Mang. 13:13. Tua bangin leitunga teeng mite in amau 

panmun ding tek uh la ta ding uh hi. 

Pasian Kha Siangtho tawh in telsakna nei ta ahih manin gatang 

kaih bang in thusut na tawh thupuakna ki tangko nawn lo ding hi. Kinial 

leh thuguisut nading teng ki laktel khin hi. Khaici kituh khin-a hong po 

hong khang to-in, a gah hong vui ta ding hi. Thupuak nasemte in huzap 

anei laihawmkhiat dingteng zong hawm khia khin uh hi. Hi napi mi 

tampi te lungsim in thumaan a mat siang nading leh a zuih nading pen 

uh a dal a om lai hi. Tu-in khuavaak in mun ci teng taan’ in, thumaan 

sianthona teltak in ki mu ta ahih manin, Pasian ta hoihte in amaute 

agaak cip khau-guite paltat ta uh hi. Innkuan kizopna khau, pawlpi 

kizopna khau cih bang lelte in amaute awh in hencip zo nawn lo hi. 

Thumaan pen nadang khempeuh sangin manpha zaw sa ta uh hi. 

Thumaan langdo dinga a kipawl huan uh hangin mi tampi in Topa lam 

ah dinmun hong la ta uh hi.


39 

Buaina Hun 

(613) 

TUA ciangin saihadial puan a silh vantung mi in, ‘Na mite a 

cing, a lian vantung mi Michael hong kilang ding hi. Tua 

ciangin leitungaa mihing apian’ zawh-a kipan a nasia penpen gimna 

hun hong tung ding hi. Tua hun a hong tun ciangin Pasian laibu 

sunga a min kigelh na mite khempeuh a kihonkhia ding hi’ a ci hi. 

Dan. 12:1. 

Vantung mi thumna tangkona a ki zawh ciangin leitunga teeng 

mi mawhte pen hehpihna in hum nawn lo ding hi. Pasian mite in amau 

nasep a zo ta a hi hi. Amaute in “Guah nu nung” “Pasian kiang panin 

puahthaknaa” a ngah khin uh hi. A nawk ding uh ki sittelna hun adingin 

amaute ki ging khol khin uh hi. Vantung mite ki cinglah-in vantung ah 

ki lek zel zul uh hi. Leitung panin vantung mi khat hong ciahto a, ama 

nasep kizo khin cih hong pulaak hi. Sittelna nu nung leitungah ki bawl 

khin a, Pasian thukham tungtang-a muan huai mite tung ah “A nungta 

Pasian’ ciamtehna” ki pia khin zo hi hong ci hi. Tua ciangin Jesu in 

vantung Biakbuk sunga A Palai nasep a khawl hi. A khut laam toin aw

BUAINA HUN 627 

ngaih takin, “A zo zo hi” ci in a ki ko hi. Tua khit ciangin “a gilo mi in 

gilo lai ta hen, a kihhuai gamtatte in kihuai gamtat lai ta hen. A dik mi 

in dik in gamta lai ta hen. Athumam mi in thuman lai ta hen. A siangtho 

mi in siangtho lai ta hen.” Mang. 22:11, 12 ci in hong ki ko a, tua lai 

takin vantung mihonpi in a lukhu uh a la khia uh hi. Mite thu khempeuh, 

sihna thuak ding maw nun na ngah ding cih, ki khentel khin zo hi. Khrist 

in Ama mite mawhna laak khiat sak a, siansuah khin zo hi. Ama mi a hi 

ding te ki sim khin a, van nuai gam khempeuh ah Ama (614) Kumpi 

gam leh Ama Ukna kibawl khin ta hi.” Hotna ngah ding mite a luah 

ding uh ki pia ta a, Jesu in kumpite Kumpi, tote Topa-in a maang ta 

ding a hi hi. 

Amah in van Biakbuk pan apusuah ciangin leitung pen khuamial 

sahpi in tuam cip hi. Tua lauhuai hun-in siangtho Pasain maitang ah 

midikte in Palai nei a om uh hi. Mi gilote a leen’ ni loh migitna pen ki 

lakhia ta a, Satan in a ki sik kik nuam lo mite a theih tawp-in uk ta hi. 

Pasian lungduaina pen a mong tung ta hi. Leitung in Ama migitna 

nolh uh a, Ama itna sim mawh-in a thukham sik cip uh hi. Migilote in 

amau hun hoih kheng khia ta uh a, Pasian Khaa a ki nolh denkeei pen 

ki dok khia kik ta hi. Pasian thupha in a kepna belh ding om lo a, 

migilote kiang pan ki dalna om nawn lo hi. Satan in leitunga teengte 

khempeuh lak ah lutin buaina lian pen piang sak ta hi. Pasian vantung 

mite in mihingte dal dingin huihsia nung ding a dal ni loh uh pen tu in 

ki khah ta ahih manin buaina om thei khempeuh tho khia lia lua uh hi. 

Leitung buppi in tanglai Jerusalem ki siat lai sangin nasia zaw-in kisia 

zia zua ta hi. 

Vantung mi khat bebek in Izipt gam-a ta upa khempeuh that 

khin thei a, a gam bup dahna tawh dim sak vat thei hi. David in Pasian 

a lang do na in mikisimna abawl laitakin vantung mi khat bek in ama 

mawhna daan pia a, ki siatna lianpi a piang hi. Pasian in siangtho vantung 

mite tua bang siatna bawl dinga a sawl mah bangin Amah in vantung 

mite hun pia dinga a ut a dahun nuai ding uh hi. Tu-in tua bang sem


dingte a ki gingsa-in om zo a, mun ci teng susia dingin Pasian in hun a 

piak khiat ding bek ngak-in om uh hi. 

Pasian thukham a zahtak mite bawl-in leitung ah thukhenna hong 

tung hi ci in ki ngawh hi. Tua nate pianpih ki siatna lauhuaaite (ziinliing, 

huihpi) leh mite laka kitotna, ki dona sisan suahnate leitung ah dim a, 

gimna omte amau ki ngawh zaw sop ta hi. Patau kona nu nung a huh 

vangliatna in migilote tok tho hi. Amaute lunghaamna hong ki tawh 

kuangin thumaan saangte tungah heh ih hi. Tua baan ah Satan in a ki 

mudah ding leh bawl siat ding a na taw holh beh lai hi. (615) Jew mite 

kiang panin Pasian om pihna a ki lakkhiat laitakin siampite leh mipite in 

phawk kha lo uh hi. Satan in pum-uk gawp khin-a, siatna a mulkim 

huai no no nam kim thuak khin napi uh in amau leh amau in Pasian teel 

tuamte hi hang ci-in ki seh lai lai zen uh hi. Biakinn sung ah nasepnate 

zom zom lai uh hi. A kih huai biakna tau ah mawh sutna sisan te tawh ni 

sial in va pai uh a, Pasian Tapa-it’ sisan tunga a mawhna te uh ni sial-in 

va selpho niloh uh hi. Pasian naseemte leh sawltakte thah dingin zong 

kawm kawm lai sawn uh hi. Tua mah bangin van biakbuk sungah a ki 

khel kik theih nawn het lo khentelna a ki pulaak khin a, leitung omzia 

ding zong a kip-in a ki seh sak khit hun nangawn in leitunga teeng mite 

in thei nai lo ding uh hi. Pasian Kha Siangtho in a nusiatsa mite in 

biakna ngeina teng mah bawl bawl lai pepeuh tazen uh hi. Satan in tha 

nuam takin siatna namkimte amaute buakin nuai nuai keei ta napi, Pasian 

adinga tha nuama sem bangin ki seh lai lai tazen ding uh hi. 

Sabbath pen Khristiaante lak ah ki nialna bulpi pen a suah hun 

leh biakna leh leitung ukte kikop hun ciangin Sunday tan’ nading aana 

hial-a a sawl ding uh hi. Pawlpi leh leitung kipawl in a sawlna anial 

niloh mi hon lomno khatte pen leitungah lipkhap huai muhdah pen pente 

bangin seh ding uh hi. Pawlpi khempeuh leh leitung bup vai hawmna a 

langdo leitung a buai sak tua mi lomte pen om kei zaw leh ci –in thuak 

zo nawn lo uh hi. Tua bang lungsim mah tawh tu ma kum 1800 lai-in 

“mipite leh Ukpate” in Khrist tung ah langdona na nei ngei zo uh hi. Mi


huaai ham Kaiaphas in, “Ih minam bup in siatna athuak sangin ih minam 

bup tangin mi khart si leh a hoih zakna thu phawk lo na hi uh hiam?” 

Johan 11:50 ci hi. Hih vaihawmna tawh thu ki khentat a, Thukham lina 

Sabbath a siangtho sak tei tei te a khel thei pen pen daan tatna thuak 

ding a ki lawm hi, tua hi leh mipite suakta thei ding hi ci in a hun seh-in 

tawm vei khit ciangin thah dingin thupiakna aging khia sak uh hi. Europe 

a Rome pawlpi’ zat bawlsiatna nam mah America a Protestant te’ 

in Pasian thukham (616) zuite tungah hong zang ding uh hi. 

Pasian mite in tua hun ciangin kamsangpa gen kholhna mah 

bangin Jakob lungkham hun sung ah lut ta ding uh hi. “Topa kong cih 

in ah: Launa leh patauna aw ka za a, lung nopna thu kaza kei hi.…Nu 

e! tua ni lianpi hong tung ding a, ni dang tawh teh thei ding hilo hi! 

Jacob’ suante’ gim hun hi dinga, ahih hangin amaute suakta ve ve ding 

uh uh hi.” Jer. 30: 5-7. 

Jakob inb a lungkham ni zan in Esau khut pana hot khiat nading 

thu ngetna tawh Pasian a buan zia mah in mite in a buan ding uh lim a 

lak khol a hi hi. Piancil 32:24-30. Jakob in a pa thupha a saan’ theih 

nadingin Esau ki neih in apa akhem a hi. Tua khem bawlna hangin a 

sanggampa thah ding a lau ciangin a nuntaakna huu dingin a tai mang 

hi. Kum tampi khit ciangin, Pasian sawlna tawh, a zi a tate leh a 

gangualteng tawh a pian’ na gam lam ah ciah kik ding a sawm hi. A 

gamgi a tun’ ciangin Esau galkap hon khatte kiang pan thu a za hi. 

Tua ciangin hehna hong thuk kik takpi ding hi tah ci-in lau-in a liing hi. 

Jakob pawlte in galhiam leh belh ding om lo ahih manin, sat zaan leh 

thah thuak lel ding bang dinmun hong hi ta mai hi. Ama hanga hi thu a 

piang ahih lam amah leh amah mawh kisa pha saan-in, a lung kham lua 

hi. Pasian migitna leh hehpihna bek lam et theih ding om a, thu ngetna 

bek gal hiam hong hi ta hi. A sanggampa tunga khialhna teng bawlphat 

nading leh tua a lauhuai thu a ki lumlet in hotna angah nadingin, a bawl 

theih khempeuh siit loin a han ciam hi. Tua hun mah bang in Khrist 

nungzuite in zong tua buaina hun hong tun’ ciangin mite muhkhialna


leh sunglam upna suahtakna a ngah theih nading un a dal teng bei a, 

thusia ki lumletin mipi telsiam a ngah nading un bawl theih khempeuh 

a bawl ding uh hi. 

Alungkham luatna teng a muh pih lo dingin Jacob in a innkuanpih 

teng tuam om sak-a, amah kia-in Pasian koppih nading a ngen hi. Ama 

mawhna te pulaak-in Pasian migitna a saan’ sa te ko kik a, ki niam 

khiatna lianpi tawh a pa tunga a ki khaam sa thuciam leh (617) amah 

mah Bethel-a a giah nizan-a a mangmatna te khawng a pau lam hi. 

Ama nuntakna a lau huai na hun hong tunga, na khempeuh lauhuai khin 

hiau hi. Zan khuamial gam daai sung ah amah kia ki niam khiat-in 

Pasian mai ah thu a ngen hi. Tha khat-in a liangko tung ah khut khat 

hong ki nga hi. A lungsim sung ah galte in amah that ta ding hiam ci-in 

a tha tang neih khempeuh tawh a buan pah tal-tal hi. Zan khua hong 

vak dek tak ta hi. Mihing sangin vanglian zaw ahih lam lah nadingin a 

langpa in tua mithahat Jacob a lawng hi. Jacob zaw cip pah in, a puuk 

hi. Ci mawh-in, a kah kawm kawm-in a galpa ngawng kawi-in thu a 

ngen hi. A ki buanpihpa pen kamciamna a pia vantung mi hi ci-in thei 

ta hi. Tho zo nawn loin na sa mah mah napi, a deih na pen khah suah 

nai lo hi. Sawtveipi lung gim-in a mawhna a ki sik kik hi. A mawhnate 

ki maisak khin ahih lam khamuanna a hong deih ta hi. Pasian sawl 

lengla pa ciah nuam ta hi. Ahih hangin ama tung ah Jakob luai geigai 

lai a, thupha piak ding a ngen hi. Vantung mi in, “Hong khah in, khua 

vak ta hi” a ci hi. Ahih hangin tulpi pa in, “Thupha nong piak mateng in 

kong khah kei ding hi” a ci hi. A muanna, a thuakzawhna, leh a lametna 

kho in kip mah si maw! Ki sialhnaleh a kineihkhem peuh hi leh Jakob 

pen tha khat thu-in kisia takpi ding hi. Ahi zongin a thamcin’ lohna 

teng, leh a tha neemna teng a ki pulakna ban ah Pasian pen thuciam 

pelh lo, a migi ahihna kip tak in a muang mah mah ahih lam a ki muh 

telna a hi hi. 

“Amah in vantung mi nangawn a thu zawh hel sam hi.” Hosea 

12:4. Ki niamkhiatna, ki sik kikna, leh amah le ki pum-apna tawh, asi


thei mi mawh mi khialh pa in vanglian vantung buan in a zo hi. Lau-in 

a liing sa pi pi mah-in, amah in Pasian thuciam a len ten tan hi. Mong 

neilo itna lungsim a neipa in zong hih mi mawh pa thumna mawk paih 

khiat sak thei nawnlo hi. Ama gualzawhna ciamteh nadingin leh ama 

omzia et teh-a mi dangte zong a lung khauh theih nadingin, mawhneipa 

phawkna min panin mawh a zopa cih tawh ki khek sak hi. Jakob in 

Pasian nangawn a zawh hel na pen in mihingte zong zo ding cih a ki 

lahna ahi hi. Pasian in ama belhpa hi ta ahih manin a sanggampa’ do 

ding zong, tu in, lau nawn lo hi. 

(618) Satan in Pasian vantung mi mai ah Jakob pen mawh sakin, 

a mawhna thaman tawh a a ki suksiat ding mah hi, ci hi. Esau zong han 

suah a, amah nawk gawp dingin tawholh hi. Vantungmi tawh zan 

tawntung a ki buan buan laite in Satan in Tuulpipa Jacob tungah a 

mawhna te a phawk sak hi. Lung kia a Pasian a pom ten tan-na te a 

khah suah theih nadingin hanciam hi. Jakob pen lungkia sak zo dek tak 

phial hi. Ahih hangin vantung pan hong ki huh kei leh kisia takpi ding 

cih a thei gige hi. Amawhna lianpi ki sik kik mah mah hi. Pasian migitna 

a ngen hi. A deihna a tun’ ma teng talo keei-in ngen tei tei a, lung gimin 

kap-a, a deih a ngah dongin a leencip hi. 

Satan in Esau hansuah-in Jakob do dingin a kuan khiat sak mah 

bangin tua buaina hun hong tun’ ciangin zong migilo te hansuah-in Pasian 

mite susia ding in tawholh ding hi. Jakob a mawh siat mah bangin 

Pasian mite zong a mawh siat ding hi. Amah in leitung bup ama mi-in 

a seh laitakin Pasian thukham zui mi lom tawmno khat te in ama liatpenna 

na langdo uh hi. Tua milom tawmnote leitung panin phiat siang thei leh 

ama gual zawhna a picing thei ding a hi hi. Tua mite vantung mite in vil 

uh a, a mawhna te uh ki maisakin, van Biakbuk panin zong amaute thu 

ki khentel khin zo hi cih pen a mah in theih pih lo hi. Tua mite mawhbawl 

dingin zol ngei zo a a mawh sak sa te zong a mun, a hun, leh a thu te tel 

takin a thei hi. Hih mite zong amah bang mahin Pasian in amawhna uh 

hangin a suksiat lel ding te hi ci-in gen zal zal keei zen hi. Amah in,


Pasian in tua mite mawhna mai sak-a amah leh a pawl vantung mi mawhte 

susia ding cih se mawk pen thutang hi thei lo hi cin-in gen sesa keei zen 

hi. Tua mite zong ama galmatsa vive hi khin zo uh a, a suk siat dingin 

ama khut sunga a piak lel ding hi zaw hi ci in Pasian kiang ah gen hi. 

A mawhnateng uh paulap in Satan in Pasian mite mawhkawk 

den hi. Tua ahih manin Satan in ahih theih tawp in amaute a ze-et ding 

in Topa in aphal hi. Pasian a muanna, a upna uh leh a kipna te uh nasia 

takin ki sittel ding a deihna a hi hi. Hunbeisa a anuntakzia a et kik uh 

ciangin pulaak tham cing dingin hoihna neilo uh cih aki phawk uh a 

tua in a lam etna uh (619) a mial sak hi. Amaute in a ginat lohna te 

uh leh a tham cin’ lohnate ngen uh a mu uh hi. A lungkiat nadingun 

Satan in a nin baan’na tata te uh lakin tuate ki sawp khiat sak ngei lo 

ding cih lam in a buai sak hi. Tua hi leh Pasian a muan’ tentanna uh 

pan in ki heiikhia-in ama mawhzolna ah hong kipia lel dingin Satan in 

a lam en hi. 

Agalte un Pasian mite a kiim kot uh ah kiim uum in susia nuam 

uh hi. A hih hangin amau lung gimna pen bawl siatna thuak ding launa 

hi lo-in, a mawhna te uh a ki sik kik nai loh uh a om khak ding, Honpa 

khapna a ngah zawh loh khak ding uh hi zaw hi. Tua khapna in, 

“Leitunga om mi khempeuh ze-et na dingin leitung bup-ah a hong tung 

ding lungkham na pan in kei zong note ka hong suaktak sak ding hi.” 

Mang. 3:10. Amaute in mawhmaina ngah takpi peuh le uh gawtbawlna 

sihna te kihta nawn lo uh hi. Ahih hangin amaute gamtat siangtho lohna 

hangin a nuntakna taan le uh tua panin Pasian min siangtho ki nop neh 

kha ding ahi hi. 

A kiim uah langdo nading ngiimna leh langdona vive bek a mu 

uh hi. A lungsim sung uh ah hih upna-pialna lianpi ki khak tan thei hen 

la migilote’ gitlohna bei thei leh cih bek bek a ngaihsun uh hi. Langdo 

nasep a ki khawl nading Pasian tung ah a nget kawm kawm un amau 

mah mah in tua hoih lohna do zo daal zo lo uh ahihna a ki pulaak uh hi.


Ahih theih zah-un Khrist’ nasepna ah hanciam den-in thatang hatna 

zong ngah to to uh a, Satan galkapte in lel ding hi cih a thei uh hi. 

Amaute in Pasian mai ah amau mah ki sit tel-in hun beisa-a a 

mawhna tampi te uh ki sik kikna lak-in, Honpa kamciam paulam-in, 

“Ka tha hatna amah leen sak un. Tua hi leh Kei tawh ki lemna hong 

bawl thei dinga Kei kiangah gal muang ding hi” Isa. 27:5 ci uh hi. 

Amaute thu ngetna hong ki pia kik pah vat ta kei leh a upna uh khiam 

tuan lo uh hi. Jakob in vantung mi a let ten tan bangin Pasian len tentan 

uh a, “Thupha nng piak (620) matengin kong khah ngei kei ding hi” a 

ci uh hi. 

Jakob in Upa za a ngah nading a zuau phuahna na ki sik kik khin 

zo hi kei leh ama nuntakna a ki khawi lai nadinga Pasian hehpihna a 

nget pen Pasian in ngai lo ding hi. Tua mah bangin buaina hun sungin 

Pasian mite in a ki pulaak nai lo mawhna a neih uh leh tua in lunggim 

sak in, lungkia-in a upna uh kitat-in, hon khia dinga Pasian a sapna uh 

ah muan huai zo lo ding uh hi. Ahih hangin amaute in Thamcinglo 

ahihna a ki muh uh ciangin a lah khiat ding uh mawhna a sel sim uh om 

lo hi. Amaute mawhnpa pen thukhenna ah ki puak zo a, a ki paih khiat 

sak khin zo hi. A maute in zong a phawk kha nawn kei uh hi. 

Mite in a nuntak sung uh a a ginat lohna neng nengte uh Pasian 

in thu sim lo hi ci-in ngaih sun leh Satan in a deih hi. Ahih hangin Topa 

in Jakob a bawlna ah a hoih lo khat pen thu kim thei lo leh awi-aam thei 

lo ahihna a lak hi. A mawhna te uh sel sim-in pulaak loh leh maisak loh 

in vantung laibu ah a om sak lai mite tungah Satan gualzo ding hi. 

Dinmun saang sem sem leh a zah tak huai zaliatna te a let toh sem sem 

uh ciangin adin mun ding uh Pasian muhna panin lungkham huai sem 

sem a, a galpa uh’ adingin zawh theih na mun tam sem sem hi. Pasian’ 

ni lian ni adingin ki ginkholh a zekaite adingin buai hun sung ahi-a a 

nung ciangin a hi zongin kigin na ding om nawn lo ding hi. Tua bang 

mite ading in lam et a om nawn lo ahi ta hi.


Khristian kici napi tua lau huai hun adingin ki ging khol lopi-a 

hong paite in a cih mawh manin a mawhna te uh lung gim-in hong 

pulaak pong mawk uh ciangin, migilote in amau tavaihna a nuihsan lel 

uh hi. Tua bang ki pulaakna pen Esau leh Judas ki pulaak bang lel ahi 

hi. Tua bang mite kahna pen a mawhna uh a mu dah man hilo in, a 

mawhna thaman uh a muh uh ciang a kap uh ahi hi. A ki sik kik dan uh 

lampi maan lo a, gitlohna mudah lo uh hi. A mawhna uh hong gen khiat 

pen uh tua mawhna dan a kihtak man uh hi lel a, thukhenna ki phiat kik 

hial mah ta leh zong tanglai-a Pharaoh bangin Pasian gensia kik lel ding 

uh hi.(621) 

Jakob tangthu ah Pasian in khemna zolna thuaka mawhna sunga 

kiate ki sik kik hen la Ama kiang ah lungsim maan tawh hong ki heii kik 

leh nil khia tei tei loin saang kik tham hi cih teci ki mu hi. Satan in tua 

bang mite suksiat dingin a zon zon lai takin ki siatna sung ah akiat loh 

nadingun Pasian in a vantung mite sawl in kem sak-in huh sak ding hi. 

Satan nawk na pen nasia in siam thei hi. A khemna te kihtak huai mah 

mah hi. Ahih hangin Topa mit in A mite en gige a, A bil in amaute’ 

kahna-aw za gige hi. Amaute thuak siatna pen nasia-in a thuak ding uh 

haksatna zong a kang tum sak meikuang zah a hi hi. Ahih hangin kham 

hal siang bangin A halpa in siangtho sak ding ahi zaw hi. A mite in 

sittelna suk pen athuak hun in zongh a hamphat nop sak pen hunlaitak 

a ait zah mah in Pasian in a it hi. Ahih hangin amaute Pum-mei tawh hal 

siang kul ahih manin ki hal dinga, a leitung vai teng uh khang tum phot 

ding hi. Tua khit ciangin Khrist a batna teng uh hong ki lengkik thei pan 

ding hi. 

Mai-a ih nawk ding lunggimna hun-a gilkial dangtakna, zekaina, 

lunggimna te ih nan zawh nadingin upna kho leh ki sekna ki sam hi. 

Bang zah-in hong ki sittel ta leh a vul lo ding upna ki sam hi. Tua hun 

adingin a ki ging khol thei dingin mi khempeuh tung ah hun hoih kipia 

hi. Jakob in zo thei hi. Bang hang hiam cih leh khensatna khauh tawh 

amah luai ken kon hi. Ama zawhna in kuhkal a thungetna in vang nei


ahih lam ahong mu sak hi. A kuama peuh in ama kuhkal tentan bangin 

Pasian thuciam len tentan-in, ama hanciam bangin hamciam in I nget tei 

tei leh, ama zawh bang mah in i zo ding hi. Ama utna nial nuam lo-a 

Pasian mai-a lunggim thuak nuam lo, thu saupi ngen nuam lo, Pasian 

thupha lung gulh khol lo mi in ngah lo pah lel ding uh hi. Pasian tawh 

kibuanna ih cih atel mi tawm lua mawk hi! Pasian deihna tel nuam a a 

hih theih tawp suah-a, a hong ki thasaan mi tawm lua hi. Kam tawh gen 

theih loh lungkiatna tui hual in thu ngente a nawk ciangin Pasian thuciam 

ah a belh ten tan-a a upna a khah suah het lo mi tawm mah mah hi. 

Tu khawnga upna tawmno bek tawn a om nim nem lelte Satan 

khemna hong (622) laanga sunglam upnate aana hial-a hong ki uk ciangin 

a puuk khak ding uh lau huai mah mah hi. Tua sittelna ah thuakzo kha 

phial mah le uh zong buaina hun sunga a lut uh ciangin lungkiat huai 

pha san zaw zel ding hi. Amaute Pasian muanna ah zong sangh lo uh 

hi. Tua amau awl mawh loh upna zatzia pen a lungkiat huai mah mah 

hun sungin ut-in ut ta kei le uh buai huai takin phu kha ding uh a hi hi. 

Eite in tu bangin Pasian tawh kinai khol khol-in Ama hong ciam 

thute I zui to to ding hi. Vantung mite in muanhuai tak leh deihna tak 

tawh thu ngetna khempeuh ciamteh uh hi. Pasian tawh ki thuzakna I 

taan sangin ei’ ading I sepna te taan le’ng a hoih zaw lai ding hi. Zawn’ 

pen penna te, ei leh ei kinialna lian pente nei a Ama hong saan’ ding pen 

hauh pen penna, liat pen penna, tawl dam pen penna te sangin deih huai 

zaw hi. Thu nget nading hun i seh ding hi. Leitung vaite I kin luat leh 

Topa in thu I ngaihsut theih nading hun A hong piakna-in i sum I paai, 

I inn I lo-gam hoih hong hep khiat sak thei mai ding hi. 

Khangnote in mawhna a nial uh leh-a Pasian thupha nakpi-a a 

nget uh leh khemna sung ah puuk lo ding uh hi. Pasian thu-pua mite in 

leitunga patau kona a piak uh ciangin Pasian thupha a ngetna te uh ah a 

tha dah huai a tek nek peuhin ngen loin upna om se sa keei sa-in Jakob 

nget bangin ngen le uh, “maitang kituah in Pasian kamu khin a, ahi


zongin kei hong ki hing khawi lai hi “ (Piancial 32:30) cih theih nading 

hun ngah ding uh hi. Amaute in Pasian leh mihing te kikal ah zawhna 

ngah-a vantung panin kumpite banga a sehte suak ding uh hi. 

“A piang ngei lo haksatna hun” a sawt loin hong tung ding hi. 

Eite in tu-a I neih loh sikdona te I ki sam hi. Tampi takin a ngah nadingun 

hanciam nuam beek lo uh hi. Bang khat pepeuh te I seh kholhna zah-in 

haksa khol lo thei zel zaw hi. Ahih hangin hih buaina pen tua bang hi 

het lo ding hi. Ahi bang lian-in a kigentel thei lo zaw hi. Tua buaina 

hun ciangin mi khempeuh in ama khaa adingin Pasian mai ah a din tek 

kul ding hi. “Noah, Daniel leh Job te” leitunga a om lai un “ amaute 

hoihna in amau nuntakna ciat bek ahut zawh cih loh, amaute tate 

nangawn hu zo tuan het lo ding hi ci in a nungta Topa Pasia” in ci hi. 

Ezek. 14:20. 

(623) Tu-in I siampilian pa in eite siansuahna bawl lai 

ahih ciangin Khrist hanga siantho kimna I zong thei lai hi. Eite Honpa 

in mawhzolna sung ah ngaihsut pak na neu no khat na ngawn pia ngei 

lo hi. Satan in mite lungsim sung ah ama khe ngak nading a mu zeel hi; 

zongsatna hoih lo te panin a deih bang a seem theih hi. Ahih hangin 

Khrist in “Leitung kumpipa hong pai a, Kei tung ah zawh theih nading 

siksanh bang mah mu zo lo hi. Amah in A Pa thukhamte zui a, Satan in 

a mai nawt theih nading Ama tung ah siksanh mu zo lo hi. Tua omzia 

mah mailam-a hong tung ding hun haksa sung a nawk zo suak dingte 

omzia hi ding hi. 

Tu-a nuntakna sung mah ah Khrist hong siansuahna tawh 

mawhna pen ei tawh ki khenkhia ding hi. Eite’ Honpa in Amah tawh 

kizom dingin hong sam hi. Eite tha neemna te Ama hatna ah, eite’ 

haina te Ama pilna ah, eite’ thamcin’ lohnate Ama thamcin’na ah ki-ap 

dingin hong sam hi. Pasian hong sehsakna bangin lung neemna, ki niam 

khiatna Jesu’ saan ah I kah ding hi. Topa in I mai ah zuih ding lampi 

hong koih sak den a, a baih lam lam a nuam lam lam teel ding hi loin, 

nuntakna maan a ngim lampi I zui ding hi. Vantung in I nuntak zia


dinga hong seh sakna bang in zuih theih ding eima nasep a hi hi. Kuamah 

in tua lampi khek thei lo, mot nusiat thei lo hi. Azuih kei leh kisiatna 

lau huaina mun a tung ding hi. 

Sawltak Johan in vantung ah aw-ngaih mah mah khat za a, 

“Leitung leh tupi tunga teengte aw, dah-in kap un. Dawi in hun tomno 

bek nei lai ahih lam kithei-a, heh mah mah sa-in hong tuak suk hi,” ci 

hi. Mang. 12:12. Van pana tangkona hih thu in lauhuai mah mah hi. 

Satan hehna pen hun tom nei lua ta ahih manin so mah mah a, khemna 

leh suksiatna a deih zah pen hih buaina hun sung tengin a sep khiat man 

nadingin sawm gige hi. 

A lau huai mihing bawl theih loh, dawite na lamdang bawlte van 

ah hong (624) kilang ding hi. Dawi khaa te in leitung kumpite leh 

leitung buppi khem dingin kuan khia uh a, vantung ukna langdo dingin 

Satan ki thasaan na koppih dingin amaute ngen ding uh hi. Tua nasepnaa 

Sawltuakte in Gam Ukte leh mihonte a ki bangin khem khawm ding 

hi. Mite hong tho khia ding uh a, Khrist-in kibawl ding uh a, Honpa 

ngah ding a zaliatna leh biakna te ngah dingin hong ki gen ding uh hi. 

Amaute in cina damsakna na lam dangte bawl ding uh a, vantung pana 

hong kilak thu hi I-inki gen ding uh hi. Tua a gen thute uh Laisiangtho 

sung thu tawh lah ki bang het lo zel mawk ding hi. 

Satan in Khrist bangin hong ki bawl ding hi. Tua pen khemna 

laka a tung nung pen khat a hi Pawlpi in Honpa hong pai ding sawt 

veipi a lam et pen uh tu-in mi khem lianpa in Khrist aki lang in a hong 

pai ta bang in lim hong bawl ding hi. Leitung mun tuam tuam ah 

Satan va ki laak kawi kawi ding hi. Johan in mangmuhnasunga Pasian 

Tapa omzia a gen te bangin mite lak ah a thupina leh a vaang tann’na 

te hong lak ding hi. Mang. 1: 13-15. Amah kual khum minthanna te 

mihing muh ngei tua sanga thupi zaw om ngei lo hi. “Khrist hong 

tung hi! Khrist hong tung hi!” cihna awte huih lak ah ging khia zuah 

zuah hi. Khrist leitunga a omlai-a a nungzuite thupha a piak dan mah


ciing-in a khut laam to a thupha a piak ciangin mite in a mai ah bok-in 

bia zai zai uh hi. A aw neem-in thu zawhna a nei hi. La-aw ngaih 

bang in zong kiza zel hi. Thu neem leh thu-duai tawh Honpa thupha 

piakte bang dan-in vantung thumaante gen khia a, cina te zong dam 

sak hi. Khrist a hi dan-in gamta in, Sabbath zong Sunday tawh ka 

khek khin zo hi hong ci ding hi. Tua ama thupha piak nipi thak pen mi 

khempeuh in zang ciat ta dingin zong sawl ding hi. Amah in ni sagih 

ni a zang tentan teei teei te pen ama min dem-a a gensiate hi, amaute 

kianga thumaan leh khuavak puak ding in a sawl khiat vantung mite 

a na nolh te in amah a nolh suak hi ci nong zen ding hi. Hih pen a 

khauh mah mah khemna hi a, khemna tung nung pen phial a hi hi. 

Simon Magus in a khem (625) Samaria mite mah bang uha, a neu 

pen pan a lian pen dongin dawi vai te um in, “Vanglianpa Pasian akici 

pen amah ahi hi” ci uh hi. Sawltak 8:10. 

Ahih hangin Pasian mite bel khem zo tuan lo ding uh hi. Hih 

Khrist zuau thuhilhna pen Laisiangtho sung thu tawh ki bang lo hi. 

Ama thupha piakna pen Sapi leh a milim biate tunga kipia hi a, 

Laisiangtho in Pasian hehna zu ciil (zugei) ki tulh a cihte a hi zaw hi. 

Minthanna tawh Khrist hong pai kikna lim a ciing mite akhem 

dingin Satan phalna ki pia lo hi. Honpa in Ama mite hih thu-a khemna 

om ding leh Amah tak tak hong pai kik cianga omzia ding pen kitel 

takin hilhkholh zo hi. “Khrist zuauthei leh kamsang zuau hong piang 

dinga, na lamdang lianpipi te lak ding uh hi. Ahih theih liai leh a teelsa 

te nangawn a khemzawh nading a hanciam ding uh hi….Tua ahih ciangin 

amaute in En un, Amah sehnel gam ah a om hi, hong cih uh leh pai kei 

un. Inndei sung ah om hi hong cih leh um kei un. Khuaphia-lep in 

nisuahna pan nitumna dongin a tang bang Mihing Tapa hong pai ciangin 

a hong piang ding hi.” Matt. 24:24-27, 31; 25:31; Mang. 1:7; 1 Thess. 

4:16, 17. Hih Paikikna pen a lim ciin’ theih ding hi lo hi. Leitung buppi 

in muh khat-a muh theih ding in a piang ding hi.


Leitung bup galmat banga a man cip-pa’ khemna sung ah 

thumaan it-in Laisiangtho tha nuam taka a sim, thumaan om bang a 

saangte pen a puuk loh nadingin ki hu ding hi. Hih bang mite in 

Laisiangtho teci pan’na tawh mi khempa ki neihtawmnate man khia 

thei ding uh hi. Mi khempeuh mai ah ze etna, sittelna hun hong pai tek 

ding hi. Mawhzolna hong kipia kawi kawi dinga, Khristian taktak te 

hong kilang khia ding hi. Pasian mite in ama thumaan ah a kip tak tak 

nam? Hih thu hong pian cianga a na taksan’ khak loh nadingun hih 

bang lauhuai hun ciangin Laisiangtho a len cinten na ding uh hiam? 

Ahih theih leh Satan in amaute tua hun cianga a kip loh theih nadingun 

khiang khol khol ngel ding hi. Leitung (626) hauhna khawng tawh van 

gik sak, lung gim sak-in, hih leitung nuntakna te tawh a tuantual nadingun 

daai kaai kaai-in daal khol khol ding a, tua sittelna ni pen guta bangin 

amau tung ah a tung sak ding hi. 

Khristian gam-a leitung Ukte in Pasian thukham zuite langdo a a 

thupiak kawi kawina un gam ukte in a gam mite a kepna teng uh bei sak 

uh hi. Amaute a susia nuamte in susia thei ta ahih man in, Pasian mite in 

khuapi khua neute nusia-in a pawl pawl, a lom lom-in gam simtham zuanin 

taai mangin a teeng uh hi. Tampi in mual lak guam lak, kaw-hawm 

sung khawng beel uh hi. Piedmont kuam-a Khristiante mah bangin mualno 

mun saang tung khawngte biakinn-in zangh ding uh a, “belh ding suangpi” 

peuh a na om ciangin Pasian tung ah lung dam ko lai ding uh hi. Isa. 

33:16. Ahih hangin amaute laka tampi khop mah, gilo leh thumaan lopi 

in ki man ding hi. A saang a niam, a hau a zawng, a vom a kaang cih 

omlo in mi nam cin lak pain mawhsakna thuak om kai-kawi ciat ding hi. 

Pasian it te in gimna hun te pal tan to ding uh a, sik khau tawh khihna, 

thong inn-a ki kalh nelh ding hi. Thah dinga thukhenna thuak tawh, lei 

sung khuamial kaw-hawm sunga gilkial-a si lel dinga nusiat cipna thuak 

tawh, tua bang vive-in khel bawlna thuak ding uh hi. A maute thumna za 

in a awlmawh ding mihing khatbeek zong om nawnlo hi. Mihing khut 

peuh mah amaute huh ding om nawn lo ding hi.


Hih sittelna hun ciangin Topa in Ama mite a mang ngilh ding 

hiam? Tuiciin tun ma a om mi hingte tungah a thukhenna a buak suk lai 

in zong a muan huai Noah khat bek nangawn mang ngilh ahi hiam? 

Zang lei tung-a khuapite van pan-a mei kuang tawh a ki hal lai-in zong 

Lot mang ngilh ahi hiam? Izipt gam-a milim bia honpi in a kiim uum lai 

tak-un Joseph A mang ngilh hiam? Jezebel in Baal siampite tawh 

kiciamna a bawl sak laitakin Elijah A mang ngilh hiam? Meikuang 

khukpi sunga lawmta 3 te leh humpinelkai khumna sung a Daniel mang 

ngilh ahi hiam? 

“Jerusaleem mite in ‘Topa in ei hong nusia khin a, ei hong 

mangngilh khin ta hi’ a ci uh hi. Ahih hangin Topa in, ‘Ama sung pana 

a suak a tapa ahehpih lo ding zah in nupi khart in ama nawi ateep 

naungek mangngilh thei ding ahi hiam? Hihte in mang ngilh kha thei 

dinga, ahi zongin kemah in kon mangngilh kei ding hi...ka khutpekte 

sungah nang kong gelh khin zo a, kong mangngilh kei ding hi.” ci hi. 

Isa. 49:14-16. “Topa’ mite a su mi peuhpeuh in amit nauta bang a na 

man;ha pen khat asu ahi hi, mi honpi Topa in a ci hi,” Zech. 2:8. 

Galte in amaute khumcip ta leh, thong inn kawm te in amaute 

leh Khrist kikal (627) kizopna daal zo lo hi. Amaute tha neemna teng 

a theipa, sittelna khempeuh a na thuak ngei khin pan, in leitung vangliatna 

khempeuh sanga a vanglian zaw pa a hi hi; a vantung mite in a lung 

zuang gam daai munte ah vantung pana lungmuanna te leh khuavakte 

puak ding hi. Thong inn sungte kumpi inn sung bang hi dinga upna 

kicingte a hih manun a inn sung khuamial te vantung khuavak taan’ 

dinga, Paul leh Silas te in Philippi thong inn sunga zan kimpi-a thu 

ngen-a la a sak bang uh a hi ding hi. 

Ama mite a susia nuamte tung ah Pasian thukhenna hong tung 

ta ding hi. Hang taka thukham palsat ngam migilo te sawt veipi ki 

thuak thuak ahi ta zongin amaute thuak ding daan pen, a ki khiam het 

loin, hong tung veve ding hi. “Topa in Perazim muala A sep bangin


seem dinga, Gibeon kuam-a A heh bangin heh ding hi”. Isa. 28: 21. 

Amigi ih Topa adingin daan piakna pen a lam dang nasep a hi hi. Topa 

in, “Keimah in a nungta Topa Pasian ka hih mah bangin mawh nei mi 

khat asi ka muh ciangin nuam ka sa het kei hi,” ci hi. Ezek. 33:11. 

Topa in, “hehpihna nei in a dik Pasian, lungduai-in itna kip leh thutakna 

tawh a dim, mitul tampite ading in itna kip a nei, mawhna, thupalsatna 

leh khialhna maisakin; ahih hangin...mawhna a khahkhong ngeilo” hi. 

“Topa a lung duai mah mah a, avang zong liana, ahih hang in mimawhte 

khahkhong ngeilo hi.” Paikhiatna 34:6, 7; Nahum 1:3. Ama aana 

neihna a lak thukham a ki sikcip sak pen thumaan tawh phel khia kik 

dinga, lau huaina te hong piang ding hi. Palsatna a ngak khol kin ken 

thuk kikna pen nasia mah mah a, Topa in ut lopi pi-a thutang tawh a 

khen sat a hi hi. Amah in a thuak thuak hi. Mi namte in Pasian hehna 

ciangtan kheng ta uh hi. A tawpna ah migitna kihel nawn lo, hehna 

lenggah zu lawi(cill) dawn ding uh a hi ta hi. 

Biakinnpi sunga Khrist Palai nasepna a khawl ciangin sapi leh a 

milim a bia mite tung ah khasiatna kihel lo hehna hai ki buak ta ding hi. 

Mang. 14:9, 10. Izipt gam pana Paian in Israel te a hot khait ding laia 

te bang mah-in, Pasian mite a ki hot khiat ma deuh-in zong a kih tak 

huaipi Pasian hehna leitung ah ki bua suk ding hi. Mangmupa in tua lau 

huai thuhkikna mu in a gen- (628) na ah, “Sapi ciamtehna a nei in 

amilim abia mite tung ah kih huai meima pianga hi”. “Tuipi in misite 

sisan bang suak a, tupi sunga nungta khempeuh si uh hi. Guntui leh 

tuinaak khempeuh zong sisan suak khin uh hi.” ci hi. Hih thute in Pasian 

pen thutang lua ahihna lah khiatna a hi hi. Pasian vantung mi in, 

“Misiangthote leh kamsangte sisan luangsak uh ahih manin tu-in amaute’ 

dawn dingin sisan apia na hi hi. Hih in amaute’ ngah ding a kilawm ahi 

hi... Vanglian Topa Pasian aw, na thukhenna te thumanin thutang hi. 

Mang. 16: 2, 6, 8, 9. Pasian mite sihna a thuak sak dingin apiak manin 

amau khut-lum a sisan a luang sak bangin thuak kik ding uh hi. Tua 

mah tawh kibangin Khrist in Ama hun-a Jew te zong Abel pan a kipan


misiangtho te sisan te ki loh sak ding hi, ci hi. Amaute in zong tua 

lungsim mah nei in kamsang te thah dingin zong uh ahih manin, tuate 

sep bang mah a seem te a hi uh hi. 

Gimna om lai te in hong zui a, Ni in “asatna taw mite a kang 

gawp hi. Nisa in mite kang gawp hi. “ Mang. 16:8, 9. Hih a lau huai 

hun lai tak kamsangpa gennna ah, “Lo ante kisusia a, leengguite keutum 

a, oliv kungte keugaw ahih manin, lo lai-ah bangmah om nawn lo a, 

litang lungzuangin a thum hi....Mihingte’ lungdamna teng zong a 

maimang ta hi. Guah tui om lo ahih manin, khai kituhte leisungah keucip 

a, an khol ding om nawn lo ahih manin ansal khemnpeuh kisia khin ta 

hi. “Khaici khempeuh a gaap sung ah muat a, saal khempeuh hawm 

khin hi.” “Ganhingte hum ham hi! gangualte kawi taai uh a, lopa hing 

lah om nawn lo hi. Guntuite lah kang keu ta a, gam sung lopa khempeuh 

lah mei in kaang tum ta hi.” “Tua ni ciang in kumpi inn-ah lungdam la 

sakna awgingte, kahna awging suak ding hi. Mun khempeuh ah misi 

dim ding a, mun citengah kipaithangin gamdai ding hi, Topa in ci hi.” 

Joel 1:10-12, 17-20; Amoss 8:3. 

Hih gimnate tha khat-in leitung bup a tung khin pah hi nai lo hi. 

Leitung mite a vek-in a bei siang pah del del hi nai lo hi. Ahih hangin 

mihing theih ngeina sa khempeuh lak ah a lau huai pen pen thuaksiatna 

a hi uh hi. Hehpihna kong khakma deuha thuak- (629) siatna te pen 

migitna tawh a kihel lai a hi hi. Mawhnei te in a mawhna zah uh tawh 

kituakin a thuak liang loh nadingun Khrist sisan in khoh sak sak lai hi. 

Ahih hangin hih anunung bel thukhenna daan aki buak ciangin migitna 

ki hel nawn lo hehna thuk kikna daan a hi ta hi. 

Tua ni ciangin mihonpi te in sawt veipi a sim mawh uh Pasian 

migitna beel nuam saan ding uh hi. Topa Pasian in a genna ah, “ Keimah 

in leitung ah kial pi ka tungsak hun hong tung ding hi. Tua kialpi pen an 

leh tui duhna kial hilo ding a, Topa’ thuzak nop mah mahna kialpi hi 

ding hi. Mi hingte , leulu pan leitaw dong, nisuahna pan nitumna dong,


Topa’ thukanin vak kawikawi ding uh a, ahi zongin mu zolo ding uh 

hi.” Amos 8: 11,12. 

Pasian mite tua thuaksiatna pan peng nailo ding uh hi. Bawl 

siatna thuak lai uh a, gil kial lai ding uh hi. Ahih hangin a kisia dingin 

ki nusia cip lo ding hi. Elijah a keem Pasian in Ama adinga kipia A tate 

khat beek mawk nusiat lo ding hi. A lu tung uh-a sam zang a sim 

khinpa in amaute keem ding hi. Kialpi sungin amaute in gilvah ding uh 

hi. Migilote in nat leh kial a thuak-in a sih dek laitakin, vantung mite in 

midikte liah-in, a taangsapna te uh pia ding hi. “Thumaan taka om 

mite” “an ki pia dinga, ama adingin tui ki tasam lo ding hi.” “A ci 

mawh mite in tui zong uh a, a om kei hi. A dang uh keu lua hi. Keimah 

Topa in amaute ka za dinga, Israelte Pasian Keiman in amaute ka nusia 

kei ding hi.” Isaiah 33:16; 41:17. 

“Theigahte hut khin a, leengguite a gak kei zongin, olv kungte 

gah lo a, lo-ah an a piang kei zongin, gangualte a huang panin beita uh 

a, gan buuk ah tuu om nawn lo hi.” Ahih hangin Amah a kihta mite in 

“Topa tung ah lung dam uh a,” Pasian hotkhiatna ah a lung dam uh hi. 

Hab. 3:17, 18. 

“Topa in nangmah hong keempa hi a, Topa in na taklam panin 

hong liah ding hi. Nisa in sun-in hong haal loin, kha taang in zan-in 

hong ci mawh sak lo ding hi. Topa in siatna khempeuh panin nang 

hong keem ding hi. Amah in na khaa keem ding hi.” (630) “Amah in 

thangsiahpa thang panin nang hong honkhia dinga, buai huai natna te 

panin hong huu khia ding hi. Ama thumaan in na kidalna Lumm ahi 

ding hi. Zan-in migilote kihta kei dinga, sun-in zong migilote’ thaltang 

leeng na kihta kei ding hi. Khuamial laka nat gual leengte, sun-a 

pulnatnate in hong sukha lo ding hi. A tul lom-in na kianga te puuk 

dinga, na ziatlam ah tul tawm a puuk hang nang hong sukha lo ding hi. 

Na mit tawh migilote thaman saan’ na en lel ding hi. Topa pen nang’ 

belh na hih sak-a a Saangbelpa nang’ teen’na na suak sak man a hi hi.


Siatna in nang hong sukha lo dinga, gimnate nang’ teenna mun ah hong 

kia lo ding hi.” Late 121:5-7; 91: 3-10. 

Mihingte’ muhna panin Pasian mite bel a sawt loin ki that ta 

ding bang in a om uh hi. A sisan uh tawh amau teci pang ta ngel ding uh 

hi ci-in mu uh hi. Amau in zong, Topa in hong nusia ta a galte khut 

sung a tung ding I hi ta hi ci-in lau uh hi. Hih hun pen a lau huai lua hun 

a hi hi. Sun tawh zan tawh amaute in Pasian kiang ah hotkhiatna ngeninkap 

uh hi. Mi gilote in ki sial-in nuihsan uh hi, “Na upna uh koi ah 

om hiam? A mite na hih uh leh bang hangin na Pasian un kote’ khut 

sung panin hong honkhia lo a hi hiam? ci uh hi. “Aamah in mi dangte 

hon zo a Amah leh Amah ki hon zo lo hi. Israelte Kumpi ahih takpi leh 

Singlamteh tung panin hong kum suk hen. Tua hi leh ka um ding uh 

hi,” Matt. 27: 41. ci-in Kalvary Singkhuam tunga Jesu a akizahpihna 

siampite leh Ukpa te in kammal te aphawk kik uh hi. Jakob bangin 

Pasian tawh kibuan ciat uh hi. Amaute mai suah in a sung lam uh ki tha 

saan ahihna lak hi. A maitangte khempeuh uh daang hi. Ahih hangin a 

thu ngetna uh bel khawl tuan lo uh hi. 

Mihing te mit in vantung mu thei hi leh Khrist lungduaina kammal 

a keem vin ven te kiim uum-in a tha hat vantung mite a thuang a thuang 

a om lam amaute in mu mah ding uh hi ve’n! Vantung mite in hehpih 

takin alung gimnate uh mu in thu ngetna te uh zong va za uh hi. A ki 

siat loh nading un va hot khiat theih na dingin Avanglianpenpa’ a sawlna 

ngak bek uh a hi hi. Amau in tawm vei ngak lai ding uh hi. Pasian mite 

ina mau’ (631) dawn ding hai dawn phot ding uh a, amau ki tuiphum 

nading uh ah ki tuiphum phot ding uh hi. A hun zekai-a haksa a sak 

luatna te uh pen amaute a dinga a hoih pen penna tawh a thu ngena te 

uh a ki dawn’na hi zaw hi. Amau in Topa in hong sep ding deihna leh 

muanna tawh ngak uh a biakna lam-a a thuakna uh tawm lai pen a 

kicing upna, lam etna, leh thuak zawhna a ngah nading uh a hi hi. A’ 

teel te adingin buaina hunte ki tom sak ding hi. “Pasian in sun le zan a 

ama kiang kiko, a teelsate adingin thukhensak lo ding ahi hiam? A maute


ngak saksak ding ahi hiam Ken khon gen ih ah , anute thu manlang 

takin a khensak ding hi.” Luka 18: 7, 8. Beina pen mite up mawh 

sangin tung baih zaw ding hi. Mangbuhte Topa’ saal sunga sen’ dingin 

ki kaikhawm in ki lom hen dinga, kiakte pen meisel banga hal tum dingin 

ki lom hen ding hi. 

Vantungmite in cihtakna tawh gal vil lai uh hi. Thukham zuite 

a kithah ni ding sehsa-in thupiak om ahih hangin galte in a hun sehna 

cing nai lopi mah in paulap tuam tuam zong nin amau te nunnakna 

laak sak nuam uh hi. Ahih hangin midikte kiim uum-a vil vantung 

mite kua mah in pai let zo lo uh hi. Khuapi khua neu nusia-a taikhia 

pawlte a galtaina mun uh ah pawl khat te in sul zuih-in nawk gawp 

nuam uh hi. Ahih hangin a namsaute uh buhtuu bangin zaw nak nak-in 

kia lel hi. Pawl khat te leu leu vantung mite in galkap honpi bangin ki 

bawl-in a vil uh hi. 

A beisa khang khempeuh te ah Pasian in a vantung mite zanghin 

A mite huu khia zel hi. Vantung mite in mihing ading nasep seem zel 

uh hi. Amaute in khauvak puan silh-in hong dawk zel uh a, mihing 

khualzin bang peuh-in zong hong pai zel uh hi. Vantungmite in Tawsaw 

kungpi khawlmun khawng ah hong khawl uh hi. Mihingte zindo theih 

khawngin hong om uh hi. Khualzin mite lam hilh peuh-in hong pai pai 

thei uh hi. Biakna tau khawng ah amau khut tawh namtui halna mei 

peuh hong tawh thei uh hi. Thong kongkhak khawng hong hon khiat 

sak-in Pasian naseemte suakta sak zel uh hi. Vantung puan silh-in 

Honpn’ haan kongkhak suang hong liik khiat sak uh hi. 

Vantung mite in mihing meel pua in mi dikte kikhopna khawng 

ah kihel zel in, migilo te kikhopna te ah zong va lengla zel uh hi. 

Sodom khua bang ah pai-in a gamtat- (632) na te uh va ciamteh teh 

uh hi. Pasian lungduaina gamgi a kaan ta uh hiam cih vil zel uh hi. 

Topa in migitna deih a, A na a seem tak tak mi tawmno omte hut na 

dingin suksiatna ding pan a dal kik sak zel hi. Tua bang in mipite


lungmuanna hun asauto sak zel uh hi. Pasian langdo mimawhte in a 

nuih sat leh a net niam mi tawmno te tung ah leibat a neih gi-ge lam 

uh a phawk kei uh hi. 

Hih leitung Ukte in a theih loh uh hangin a kikhopna sung uha 

thusung zel te in vantung mite a hi uh hi. A mittang in mu uha, a thu 

sun’te uh a bil un za-in a ngimna te uh nial in, a vaihawmna te uh 

mihing in nuih san kha zel uh hi. Mihing khat in amaute dong khak in 

sim mawh bawl kha thei zel hi. A ki nen cip te huu khia dingin kikhoppina 

inn deih te, leh thukhen zumpi te ah hih vantung sawltakte in a theih 

tawp un hong pang in mihing te nasepna te lak ah hong ki hel uh hi. 

Amaute in Pasian nasepna dal tan dinga vai kihawmte khawng va sat 

niam sak uh a, Pasian mite thuak siat luat nading donga a gitloh luatna 

te khawng uh va khiap sak zel uh hi. Kisiatna hun laitak ciangin “Amah 

azahtakte kim ah Topa’ vantung mi in giahphual sat a, amaute a hon 

khia hi.” Late 34:7. 

Pasian mite in a Kumpipa uh hong pai nading lim khat peuh 

hong kilat ding ngak lah mah mah ta uh hi. Galvilpa kiang ah, “tu-zan 

bang ci hiam? hong ci hi. Gal vil kei mah in zing ni hon suak a, zan 

khua zon hong mial hi.” ci-a a dawn’ bang a hi hi. Isa. 21:11,12. Mual 

dawn khumvum-a meii tung ah khuavak te kiau kiau hi. A sawt loin 

Ama vangliatna hong kilang ding hi. Dikna NI hong taang khia ding hi. 

Zing sang leh zante tu in hong tung ta ding hi. Midikte adingin a 

tawntung ni hong suak ta ding a, migilote adingin a tawntung zan hong 

tung ta ding mah a hi zel hi.” 

Thungetna tawh Pasian a buan nilohte in muhtheiloh Pasian tawh 

a kikal uh a liah dalna pen tu-in ki nilkhia pian ta cih a mu uh hi. Vantung 

zong tawntung nizang tawh eng hiu hiau ta hi. Vantung mite’ la aw 

ngaih bangin “Kip takin dingun. Huhna a hong tung ding hi ta hi.” 

cihna kam khum a bilte uah a za uh hi. Khrist gal zo belpa in a gim A 

galkapte ading a kisia thei lo (633) minthanna lukhu hong tawi khia ta


hi. “Ngai un, Keimah in note tawh kong om khawm hi. Lau kei un. Na 

dahna te uh kong theih pih a, na lung gimna te uh Keimah in ka na 

thuak hi. Note in a ki do kha ngei lo gal a do na hi kei uh hi. Keimah 

in note adingin tua gal ka na do khin zo a, note in Keima min hangin gal 

zo belte na hi ta uh hi,” ci- in a zapi-a ki hong kong vang pan in a aw 

zong hongging khia hi.: 

I kisap hun ciangin manpha Honpa in huhna hong pia ding hi. 

Vantung paina lampi pen Ama khekhap tawh a siiksa vive a hi hi. Eite 

khe hong sun thei ling te khempeuh in Ama khetaw na sun ngei zo hi. 

Eite puak ding Singlamteh khempeuh Amah’n na pua ngei zo hi. Lung 

muanna I ngah nadingin kitha saanna a tuam tuam te Topa in a hong pia 

a hi zaw hi. Pasian mite adingin buaina hunte kih taak huai hi. Ahih 

hangin tua pen mah in thu um mite upna khauh sak in, lung muan nading 

kamciam in sakhituihup bangin amah kual-khum in a om lam upna tawh 

a muh theih zawk nading ahi hi. 

“Topa’ mi akithehthangte hong ciah kik ding a, lasakna tawh 

Zion-ah hong pai ding uh hi. Amaute, lungdam tawntung ding uh a, 

amaute in lundamna leh kipakna ngah in, dahna leh khuisatna nei nawn 

lo ding uh hi. Topa in ‘Kei, keimah pen note hong hehnempa ka hi hi. 

Lopa sangin sauvei a nungtra zaw tuan lo, mihing lellelte bang hangin 

kihta na hi uh hiam? Vantungte zal in lei bulpite a koih, note a hong 

bawl Topa hong mangngilh khinta na hi uh hiam? Note hong susia 

dingin a kithawi no a hong neng niamte hehna, bang hangin kihta in 

lau tawntung na hi uh hiam? Amaute hehna in note hong susia zo het 

lo ding hi. Thong sunga kikhum mite kikhah baih ding hi. Amaute sau 

veipi nungta ding uh a, annek tuidawn kitasam lo ding uh hi. Bang 

hang hiam cih leh keimah in tuipi tok gawp in tuihual a hawksak Topa, 

note Pasian ka hi hi. Keima min in Vanglian Topa ah hi. Vantungte zal 

in lei bulpi ka phut a, Zion kiangah Nang in keima mi na hi hi. Nang 

tungah thu kong hilh khina, ka khut tawh nang kong hu hi..” ci hi. 

Isa. 51:11-16.


“Tua ahih ciangin gimna athuak, zu ne lopi in zukham a bang 

note in hih thu za un. Ama mite’ adingin a thumsak Topa, Topa ahi 

note; Pasian in hih bangin ci hi: ‘En un, note’ khut sung pan-in hoina 

hai ka lakhia khin a, ka hehna haipi na dawn nawn kei ding uh hi. Note 

kiangah ‘Na tung uh ah kong pai theihna dingun kun suk un, a hong ci 

no a hong bawlsiate khut sung ah tua haipi ka koih ding hi. Note in a 

nungzang uh lei lak bangin bawl in paina ding in amaute kongzing bangin 

na bawl khin uh hi aci hi. (634)” Isa. 51:21-23, ci hi. 

Pasian mit in khang tawntung mu suk suak a A mite’ thuak 

lauhuaina te a en hi. Leitung thuneihna in amaute a langbawlna te uh 

a mu hi. Galmat nawh keek bangin gilkial leh sat thuak in a sih khak 

ding uh a lau uh hi. Ahih hangin Israel te mai-ah San Tuipi a khen 

keek Siangtho Topa in Ama vanglian hong lak khia dinga, a galmatte 

a leh heii ding hi. “Vanglian Topa in hih bangin ci hi:’Tua a kiciamteh 

mite pen keima mite hi ding uh hi. Kei mah in na ka sep ni ciangin, 

amaute pen keima neihtuam taktak mite hi ding uh hi. Pa in ama thu 

amang atapa a hehpih mah bangin, kei zong amaute ka hehpih ding hi’ 

“ a ci hi. Malakhi 3:17. Khrist teci muan huaite’ sisan hih hun sungin 

a luan hangin Pasian adinga kituh thahna thuakte sisan khaici bang hi 

nawnlo ding hi. Amau muan huaina in midangte thumaan mu sak 

ding leh ki khel sak nading teci pan’na hi nawn lo hi: lung khauh mite 

in migitna luang khia pen leh-nolh zo uh ahih manin hong luang nawn 

lo hi. Midikte pen tua buaina ah a galte mat lel dingin ki nusia mawk 

leh khuamial kumpipa gual zawhna lel takpi mah suak ding hi. 

Laphuakpa in, “Bang hang hiam cih leh haksat hun ciangin a buiuk 

sungah kei hong seel ding hi. A puan buk khuhna nuai ah kei hong 

seel ding a, kei hong koih ding hi.” Late 27:5 ci hi. Khrist in a genna 

sa khat ah, “Kamite aw hong pai un na inn sung uh ah tum un la na 

kongte uh khak un. Hehna a dam matengin tawl khat sung bu un. 

Bang hang hiam cih leh en un, amau’ mawhna hangin leitungah a teng 

mite gim apia ding in ama omna panin Topa paikhia a, leitung in ama


tunga akithat mite laakkhia ding a, a kithaty ama mite sincip nawn lo 

ding hi” ( Isa. 26:20, 221) ci hi. Ama hong pai ding lungduai tak in a 

ngak, nuntakna laibu sunga min kigelh mite a ki hotkhiat nading zia 

pen vanglian, nasia, in a ciliap huai mah mah hi.


40 

Pasian Mite Kihonkhia ta 

(636) 

PASIAN thukhun a zuite kiang panin mihing a kem ki-huutna Upadi 

a ki hepkhiat hun a tun ciangin gam tuamtuamte ah zong suksiat 

nading thu thakhat in vaihawm hon pah ding uh hi. A hun ciangtan 

thupiakni a nai ciang in mite in tua mi lomnote a suksiat siang nading in 

kiciamkhol diim-diam ding uh hi. Zankhat thu in nawk khat suahin 

sukmang khit dingin gelkholhsa-in anei uh hi. Thu kimlo-a nialna ging 

khat beek kizaloin thakhat in buk sim in suam ding uh hi. 

Pasian mite pawlkhat thonginn sungah, pawlkhat gammaangtulak 

ah, gamsimtham beel in Pasian’ kep ding ngen niloh uh hi. Gilo vantung 

mite in amaute that dingin galhiam tawi galkap honte mun citeng panin 

seh kawikawi uh hi. Tua hun ciam a tun laitak lian mah in Israelte’ 

Pasian in A mite honkhia dingin hong gamtang ta hi. Topa in a gen in 

ah, “Ahi zongin no Pasian’ mite in ahih leh biakna pawi a kikham ni 

zah-a bangin, la na sa ding uh hi. Israel a hu, Topa’ biak-inn ah a pai 

ding in tamngai aw ginna zui in a kuankhiate bangin na lungdam ding 

uh hi. Topa in heh mahmahna leh a kangtum thei meikuang sung pan in

PASIAN MITE KIHONKHIA TA 651 

vanging leh huihpi leh gialpi tawh, ama liatna minthan’na aw kiza sak 

in ama khut a viik sukna kimu sak ding hi.” Isaiah 30:29,30. 

Gual zo kisa in ot-khaina tawh zahko-a to bawlna tawh migilote 

in agaalmat dingte tung ah bawh ding in a kisak lai tak un, Eh! Mawk 

aw! Zan khuamial sangin sah zaw in a vom sah mah mah khat leitung ah 

hong kia suk hi. Tua ciangin Pasian tokhom panin vangtang sakhituihup 

khat in van a vaitan in hong kualkhum vat hi. Simmawhna tawh a gamlum 

lia lua teng daai cip hiau hi. Thah nopna lungsim a neih teng uh a 

mangngilh khin uh hi. Launa in gaak cip in Pasian thuciamna hong ki 

dawk pen lamdang sa in en hiai-huai uh hi. Tua vangtang in amaute 

hum leh a ut uh hi. 

Awging siang mah mah khat in Pasian mite kiangah, “Van daak 

dih un” aci hi. Amaute in vantung a ettoh uh leh Kamciam sakhituihup 

amu uh hi. Leitung akhuh avom hehna meiilom pen ki khenkham hi. 

Stephen in van a ettoh leh Pasian minthanna leh Mihing Tapa tokhom 

tunga tu a muh bang in a mu uh hi. A Pasian hihna meel tawh aki 

niamkhiatna limte tawh amuk pan in a Pa leh Vantung mite kianga agen, 

“kei na hong piak minthanna amu dingin keimah na hong piak mite 

zong ka omna ah a hong pai theih nading ka deihsak hi.” (Johan 17:24) 

cih kammal a za uh hi. La aw ngaih bangin aw khat hong ging kik a, tua 

in gualzawhna aw ahi hi. “Hong pai ta uh hi! Hong pai ta uh hi! A 

siangtho, gitlohna tawh kipelh, anin bang lote ahi uh hi. Keima thuak 

lungduaina thute zui uh a, amaute vantung mite tawh kithuah ta ding 

uh hi” cihna thu a za leu leu uh hi. Tua ciangin amai daang, upna 

khahsuahlo, thungen-a muk phun niloh te in tha khat in zawhna aw 

tawh a awng keek uh hi. 

Pasian in a mite a hotkhiat nading in ama vangliatna a kilat sak 

ding hun pen zankim laitak ahi hi. Thakhat in ni hong dawkvat a atang 

gemgam hi. Lim leh na lamdangte in zui in ki laih phang-phang uh hi. 

Migilote lau in, lamdang sa in a en hei-haai keei ta uh hi. Midikte in


ahih leh amaute kihot khiat nading lim mu ta uh ahih manin, ciliap multho 

liangin a lungdam uh hi. Nate khempeuh in nidanga apai ngei in pai 

nawnlo uh hi. Luituite khawl in, van ah meiivom lompite hong lengin ki 

khenpaih uha, kiphukha lamlam uh hi. Van maitang kinuai keei lak 

munkhat pan in telgen theihloh zah in khuavaak a hong tang hi. Tua 

vangtaang sung panin “A zo zo hi”ci in tuipi ging bang Pasian aw a 

hong ging hi. Mang. 16:17. 

(637) Tua aw ging in van leh leitung teng thawn in a lok gawp 

hi. Nakpi in ziin linga, “ziin ling khempeuh lakah a husia pen ahih manin 

mihing apian’ zawh hih bang zin ling om ngei nai lo hi.” Mang. 16:17. 

Vantung kihong in kikhak dua-dua zeel hi. Tua kawm lak pan in Pasian 

tokhom pan a vangtang khia pen hong phe zel hi. Mualte zong huihmuta 

vuang pumpeng a bang uh hi. Suangtum golpipite kitheh khia ziah 

zuah kawi kawi hi. Khua kipeei-a, van ging bangin ging dam-dam kawi 

kawi hi. Huihpi zong ku via-vua in a susia nuam a awng dawite aw 

bangin kiza ziazua kawikawi hi. Lei maitangin tuipihual bangin vumto 

au-au zel, kuaksuk da-da zel in a om hi. Lei maitangte kitam kham 

kawikawi hi. A dinmun pan in a lengmang ding tawh ki bang hi. 

Mualdung golpipite zong a omna pan tumsuk uh hi. Mi teenna tuikulhte 

zong ki mu nawnlo hi. Sodom banga gitlohna dim tuipi gei khuapite 

zong tuipi lung haam in a valh tum hi. A lian Babylon Pasian mai ah 

phawk in om a, “ama hehna lenggah zucill a ki dawnsak kik hi.” Mang 

16:19-20. Gialpi “talen khat khat a gikte” in mun citeng ah suksiat ding 

nasep a sem hi. A kisathei pen pen khuapite kisial pai ta hi. Kumpi inn 

nuamte, leitung miliante in a hauhna leh a nop sak na in a zat munte leh 

a vang a lian sak dinga a a hauhna uh azatna munte zong a mau mitmuh 

mah in suang kitam zan bulom a suak khin ta hi. Thonginn kawmte ki 

balkeek a, upna hanga kikhum Pasian mite a suakta uh hi. 

Hante ki hong khia-a, leisunga ihmu mi tampite hong thokhia 

uh hi. Kimkhatte in tawntung nuntak na ngah ding, leh kim khat te pen 

tawntung maizumna le mawhsakna thuak ding in a tho uh hi. Dan. 12:2.


Vantung mi thumte thu ki tangko hun sunga asi mite khempeuh Pasian 

in ama thukham azui mite’ ading nopna thuciam agen za ding in amau 

hantek panin vanglian sa in hong pu suak uh hi. “A pang teipi tawh a 

sunte” zong hong tho khia uh hi. Mang 1:7. Khris asih ding lai-a a lung 

gimnate peuh ciamnuih in zangh a a mawl pihte leh a thumaan langdo in 

mite a na bawlsia a gilo pente zong tua minthanna leh Pasian mite 

noptuak na teng mu ding tanghial in ki tho sak phot ding hi. 

Meiilom sahpi in van teng tuamcip lai hi. Tua lak pan in nitaang 

in hong kaaplet suk zel hi. Jehovah Pasian in phuula ta dinga a hong 

ensuk tawh ki bang hi. Khuavaak (638) lauhuai in vantung pan ki zial 

khia in meikuang peekpi dal deda bang in leitung pum tuun hi. Vantunga 

a hawk vangingpi zong lau huai in a telhaksa hi. Migilote thuak ding 

buppi teng a lak hi, Kam ki pau khia teng mi khempeuh in thei kim loa, 

ahih hangin zuau thuhilh Sia teng in teltak in thei uh hi. A den deuh 

mah mah lai khawnga Pasian thukham zuite tunga gitlohna lak in kisialna 

tawh a zahko, aphin ato to tengin tu-in cih nading thei lo in lau-in ton 

khe-khaa uh hi. Amaute cih mawh kahna aw gingte, na ging zia-zua te 

lak pan in ki za vau-vau hi. Dawite in Khrist Pasian ahihna pulaak ta uh 

hi. A vangliatna mai ah liingin a om laitak un mihingte in hehpihna ngen 

in atal uh lei ah sii-in lungkham cimawh in a kap uh hi. 

Pasian nilian ni ding mangmuhna tawh amu tanglai kamsang te 

in a gen na ah, “Topa’ ni hong nai ta ahih manin nakpi tak in kap un. 

Vanglianpa’ kiang panin suksiatna hong tung ta ding hi.”Isaiah 13:6. 

“Topa kihtakna leh a lian ama minthan’na pan in suang hawm sungah 

lut un la, leivui sungah bu un. Mite’ ki liatsakna pen ki niam koih dinga, 

mihingte’ ki phatsakna pen ki niam khiat ding hi....A mah pen leitung a 

liingsak gawp ding in a hong kipat ni hun ciangin, Topa kihtakna leh a 

lian ama minthanna panin suang hawmpite sung leh keen hawmte sungah 

a buk theihna ding un, mite in a biak ding un a bawl uh ngun leh kham 

milimte, buite leh bakte a paih ding uh hi.” Isaiah 2:10-12, 20,21.


Meiipi hong kihong khat sung panin a taang mah mah aksi khat in 

a kiim khuamial tawh etkaak in a zah li banga taangzaw in a hong dawk hi. 

Tua in Pasian thukham zuite kiang ah lam-etna leh lawpna, lungdamna thu 

hong gen suk in Pasian thukham palsatte tung ah hehna leh nuaisiat nading 

thu hong pulaak hi. Khrish adinga na khempeuh a phal mite Topa kulhpi 

sung ah bu ta uh hi. Amaute in leitungte leh thumaan sim mawhte mai ah 

sittelna thuak khin uh a, amau adinga sihna thuakpa ading in muanhuai tak 

in teci pang khin uh hi. Sihna maitang nangawn ah thumaan a khahsuah 

lote in a lamdang ki khelna ngah ta uh hi. (639) A den deuh lai in a maitang 

te uh daangin gimmel pua in, gem in, a buai uh hi. Tu-in lamdang sa in a 

maisuahte uh ki phalhta a, upna leh itna tawh vaak suah ta hi. Amaute gual 

zawhna aw kiza hi. “Pasian pen eima belh leh ih thahatna hi-a, haksat hunin 

hong huh pahpah pa ahi hi. Tua ahih ciangin, leitung kikhin in, mualte tuipi 

sung a kiden na zongin, a tuite ging zua-zua in phuan zuazua a, hih gin’na 

hangin mual liante a ling zong in ih lau kei ding hi.” Late 46:1-3. 

Tua muanna kammal siangthote Pasian kiang ah kahto hi. Meii 

lumte lah theng siang ta hi. Aksi ki dawk van siang pan in a heh a mial 

van-maitang tawh a ki leh bulh, kam-a gen zawh loh minthan’na hong 

ki dawk hi. Vantung khuapi thupina zong a kongpi kihong panin kimu 

khia zia-zua ta hi. Van pan in khut khat in suangpeek nih kikhepsa in a 

tawi hong ki mu hi. Kamsangpa genna ah, “Vantung in ama thumanna 

gen hi; bang hang hiam cih leh Pasian mahmah thukhenpa ahi hi.” Late 

50:6. Sinai mual tunga meikuang leh van ging laka hong ki pulaak khin 

Pasian thumanna ahi a siangtho thukham in mite nuntakna hong uk ding 

hi. Thuman leh thukhial ki lang sak ahih na hong tel dawk sak ta hi. Tua 

khut in suangpeek kikhep pen hong zal khia hi. Thukham Sawmte 

khempeuh sim theih ding in ong om hi. Hun beisa a khuamial tawh 

kipawl pu-pa thucin le tanglai ngeinate peuh leh lampialnate phawkkik 

zanghzangh hi. Lungsim panin tuate lengkhia manga Pasian thusawmte 

tom mahmah leh kitel mahmah in, thuneihna leh a zahtaak huai pen in 

leitung-a teng mikhempeuh et ciat ding in ong ki lakkhia hi.


Pasian nget thu siangthote a khe tawh a sikcip mite a lau dan uh 

leh a cihmawh dan uh genkhiat theih hi vetlo hi. Topa in tua Thukham 

pia a, amaute in amau gamtatna sate uh tawh enkak in, kisik kikin a ki 

puahphat nading un a piak ahi hi. Ahih hang in leitung mite maipha a 

zon’na un tua thukham paikhia in midangte zong a palsat ding in ahilh 

sawn uh hi. Amaute in Pasian mite bang Sabbath palsat ding in aana 

bawl teitei ngei zaw lai uh hi.(640) Tu in tua a simmawh uh thukham 

pen mah in amaute mawhsak ta hi. Amaute tua thukham panin penglo 

mawk uh ahih lam a tel phat san uh ciangin a cimawh uh hi. Biakna 

azuih ding uh amau deih pen ateel khin zo uh hi.”Tua ciangin midikte 

leh migilote, leh keima na hong semte leh hong sem lote a kilamdan’na 

na mu kik ding uh hi” a ci hi. Mal. 3:18. 

Pasian thukham agalbawl siate pan apawlpi mi aneu pen dongin, 

thumaan hong muthak san uha, zuih ding ahih lam hong thei phasan 

mawk uh hi. Thukham nambat li-na pen a nungta Pasian ciamtehna ahih 

lam a theihna uh zekai lua ta hi. Amau nipi maanlo pen phuah tawm 

Sabbath ahih lam a tel muhna uh zekai ta hi. Amaute in Pasian langdo 

kha uh ahih na uh a tel muh phing mawk uh hi . Biakna makai Siate in 

Paradise kongvanga paipih ding in akigenna te uh kisiatna sunga mite a 

makaih ngit-nget uh na hi thong hi. Tua ni tawpna ni ma tengin sum 

siangtho a na semte pan mun bang zah in thupi in, amau muan huai 

lohna thaman bang zah tak in kihtak huai hiam cih a thei het kei uh hi. 

A tawntung ading in khaa khat a maiman pen bang zah man hiam cih ki 

tuat theilo hi. Pasian in “nang gilo nasempa, Ka kiang panin paikhia in, 

a cih ngeu tanghial ding pen nak lauhuai tuak lua hi. 

Pasian aw van panin hong ging hi. Jesuh hong pai ding hun a ni 

leh a nai hong tangko khia ta hi. Ama mite tung ah a tawntung thuciamna 

pia ta hi. Van ging keek kia zah in a aw in leitung kualvial in a thawn 

kawi kawi hi. Pasian’ Israelte in tua aw ngai in a vandak uh hi. Amaute 

mai tangte a taang hi. Mosi in Sinai mualtung pan a hong kumsuk lai-a 

tawh ki bang hi. Migilote in amaute maitangte en zolo uh hi. Pasian


zahtakna a Sabbath siangtho a na zangte thupha a kipiak khit ciangin 

zawhna aw ngaihpi tawh a awng uh hi. 

Tua khit a sawt lo-in khuttum lang cia a pha meiivom lomno 

khat nisuahna lam pan in hong kilangh hi. Tua pen Honpa a kim um 

meii hi a, a gamla panin meiivom bang a kimu ahi hi. Pasian mite in hih 

pen Mihing Tapa lim hi cih a thei uh hi. (641) Dai tak in gal-et uh a, 

leitung lam hong naih sem sem ciangin avang tang meiipaak lianpi bang 

in hong ki langh hi. A taw-dap pen a kang tum sak thei meikuang bang 

ahi hi. Tua meiipaak tung ah Thuciamna sakhituihup in a kual khum hi. 

Jesu in gaalzo lian pen pa ahihna tawh hong tuang suk hi. Tu in Mi cimawhpa 

in, “maizumna tui kha dawn nawnlo ding hi. Van leh lei-a gualzo 

hihna tawh hong pai ta hi. A nung ta leh a si mite thu khen sak ding in 

a hong pai hi. “ amah thumaan in muan huai a, dikna tawh thukhen in 

galdo ta ding hi.” ”Vantung a galkapte in amah hong zui uh hi.” Mang 

19:11, 14. Van buppi “ tulsawm mun tulsawm, a tul mun tul tampite 

tawh” a taang zia zua hi. Mihing laikung in akim in a gelh theih loh, 

mihing lungsim in a thupina a matkim zawhloh, leh theihtel zawhloh in 

a thupi hi. Ama liatna in vantung khuh in, amah ki pah tawina in leitung 

a dim hi. Ama’ vang tang in khuavaak bang hi.” Hab. 3:3,4. A nungta 

meii hong nai ta a, mittang khempeuh in nuntakna Kumpipa mu uh hi. 

A siangtho lutang tung ah ling-lukhu om nawnlo hi. Aminthag zahtak 

huai lukhu a lutung ah ki nga ta hi. Ama maitang vaang tang in sun 

nitaang sang in a taang zaw hi. Ama puantung leh aphei tung ah kumpite’ 

Kumpi, topate’ Topa ci in a ki gel hi” Mang. 19:16. 

Ama mai ah, “maitang khempeuh a daang hi”. Pasian migitna a 

na nial kha khempeuh a tawntung cih mawhna ki buak ta hi. Lungsim 

khem peuh tui mang a, khuk kitat in liing kakauh in kon cip uh hi. A 

maitangte uh mual mang khin hi. Jer. 30:6; Nahum 2:10. Midikte liingin 

a awng uh a, Kua in thuakzo ding ahi hiam? ci uh hi.Vantung mite lasak 

tawmvei khawl uha, a gamdai uh hi. Tua ciangin Jesuh’ aw hong kiza a, 

“Keima thupha in nang ading in kicing hi” hong ci hi. Midikte maitangte


hong taang khia hi. A lungsim uh nuamna tawh a dim hi. Vantung mite 

in a la aw uh a eu zawzek in la uh a, a sak kik leuleu kawm un leitung 

lam hong neh suk suk uh hi. 

Kumpite’ Kumpipa meiilom tungah hong tuang suk pen 

meikuang in kiim um hi. Vante laidal zial bang in a ki zial hi. Amai ah 

leitung lau in a liing hi. Mualte leh tuikulhte zong a omna uh panin a kin 

khia uh hi. “I Pasian hong pai-a, amah dai om mawk lo hi. Ama mai ah 

mei husia om a, a kimkot ah huihpi om hi. Amite thu a khen theihna 

dingun tunglam vantung leh leitung a sam hi.”Late 50:3,4. 

“Tua ciangin leitung kumpite leh mi liante, galkap mangte, mi 

haute leh mi thahatte, silate leh sila lote-a kipanin a kua ma peuh, mual 

tunga leihawm lakah bu uh a, mualte leh suangtum lianpite kiangah 

‘Kote tung ah hong kia suk un la, tokhom tung ah a tupa maitang leh 

Tuuno hehna panin kote hong liah un. Amaute hehna hang in gimna 

hun hong tungta ahih manin kua in thauak zo ding ahi hiam” a ci uh hi. 

Mang. 6:15-17. 

Zahkona, nuihsatna te bel tu in bei ta hi. Zuau phuak mukte 

zong tu in khawl in daai ta uh hi. Galvan ging lamlamte, galdo nading 

vai hawmnate , buainate, leh sisan tawh a geep puan cih te hun hi nawn 

lo hi. Isaiah 9:5. Tu in thungetna leh thumna kahna aw lo ngal a dang ki 

za nawnlo hi. A den mah mah a azahko theite aw ging te in “ Ama 

hehna ni hong tung zo ahih man in kua in thuak zo ding ahi hiam?” ci ta 

uh hi. Migilo te thungetna pen mualte suangte in amau vuk cip ding cih 

bek hi a, amaute’ sim mawh leh anialpa uh maitang pana liah ding , 

kimu sak nawn lo ding ahi hi. 

Misite bil in a zak theih ding aw-ging a za thei ta uh hi. Tua aw 

mah in bang zah vei a ki tel mah mah leh aw neem tawh ki sik kik ding 

in amaute sam ngei khin hiam?. Khatvei leh lawm bangin, khatvei leh 

sanggam bangin, khatvei leh Honpa bangin a sam thi-the khin zo hi. 

Ama thupha anial mite ading in tua in sauveipi a zolnate pen mawh


sakna leh kawkna, leh nolhna bang suak zaw ta mawk hi. “Na mawhnate 

uh kikhel un. Bang hang in si nuam se se na hi uh hiam?” Ezek. 33:11. 

Tua awte pen mi dang mawk khat aw bang in a ngaih sut man uh ahi hi. 

Jesuh in, “Kei mah in note hong sam napi in nong ngai nuam kei uh a, 

ka khut hong vaan napi in kua mah in nong thudon kei uha, ka thugen 

khempeuh hong thudon loin, kong tainate nong mang nuam kei uh hi”a 

ci hi. Paunak 1:24, 25. Tua aw ging in thu phawk kik sak a, patau 

kohnathu a thusim lohnate uh leh zolna aman’lohnate uh, ahun hoihte a 

zaangkhai bawlnate uh utlopi in a phawkkik sak hi. 

Khrish a sim mawhnate tua laitak ah om hi. (643) Alungsim uh 

a lok mahmah vangliatna hong tunga, Thuaksiap maitang a siampi lianpa 

in kiciam lianga a dot a dawnkik na ah, “Mihing Tapa in minthanna leh 

Pa vangliatna tawh meii lom tuangin a hong kum suk na mittang tawh 

na mu ding uh hi” Matt. 26:64 aci h. Tua pen tu in Ama minthanna sung 

ah amah mu ta uha, vangliatna ziat lam ah tu in a mu uh a hi ta hi. 

Pasian Tapa ahihna a gen ciangin a zahpihte in tu in gen ding dang nei 

nawn lo uh hi. Aki phasak Herod zong om a, Ama zaliatna zahpih in, a 

simmawh galkapte kiang ah Ama a ding kumpi lukhu bawlsak un ci-a a 

sawlpa ahi hi. Tua lai ah khut nin tawh puansan a silh sakte zong a om 

uh hi. A siangtho taltang tunga ling lukhu a khusakpa leh kumpi 

ciangkhut lim khat tawi dinga a pia pa zong a om hi. Simmawhna tawh 

mawlpih gawp-gawp in amai a a bia pa zong a om hi. Nuntakna Kumpipa 

saat in a cilphihte in tu in A maitang leh a vangliatna pan taimang nading 

a zong uh hi. A khut akhe ah siktukkilh a khente leh a pang teipi tawh 

a dawt galkappa in ama khutmate mu in lau in, a ki suang mahmah sa in 

en uh hi. 

Siampite leh Ukpite in Kalvari muala thupiangte a phawk kik 

dandan keei uh hi. Satan kisialhna ngeite bangin, a ngawng uh puksak 

in, Amah in midangte honkhia thei napi in a mahmah aki honkhia theilo 

hi. Amah Israel mite’ kumpi ahi hi. Tu-in singlamteh tung panin 

hongkumsuk leh ih um ding hi. Amah in ‘Kei, Pasian’ Tapa ka hi hi.’ ci


ahih manin amah in Pasian muanin a nei hi. Pasian in a hot nop leh tu-in 

honkhia ta hen,” (Mate 27:42,43) a cih laite uh phawk kik in lau lua-in 

amai uh san zai zai hi. 

Huan cingte-in a gah apiak noploh uh ciangin a nasemte bawlsia 

in a Tapa a na thahsak thugentehna Jesu gente a phawk uh hi. Leenghuan 

neipa-in, “migilote susia ding hi” ci-in agen thute zong a phawk uh hi. 

Tua mite daan kipiakna ah Siampite leh Upa te in amau mah mah sep 

khiat sa te leh a thuak ding te uh a phawk kik uh hi. Tu in haksa thuakna 

otna ging a kiza hi. “Amah singlamteh ah khai in! Amah singlamteh ah 

that in!” ci-a a Jerusalem kongzingte a a otna te uh sang in “Amah 

Pasian Tapa hi! Amah Messiah tak tak ahi hi” ci-in lungkham (644) leh 

maizum a a kiko na te uh a ngaih zaw lai hi. Amaute in kumpite’ Kumpipa 

muh khak lohna mun ah tai mang nading a zong uh hi. Leitung kilok in 

a kikeekkham lei kawhawm sung khawng ah buk mang a sawm uh hi. 

Thumaan a nial mi peuh mah in a thawh kik khit uh ciangin a 

nuntak lai uh a a gamtat siate uh phawkkik dandan uha, cih nading leh 

lawh nading theilo in patau gawp lel in a hun paisate uh pammaih a sa 

mahmah uh hi.”Hawm suahna banga launa” ni hong tunga, “kisiatna 

in pingpeii bangin a pei hun tawh kiteh thei vet lo hi!” Paunak 1:27. 

Tua Jesuh leh A mite a susia ngitngette in tu-in amaute thuakna tawh 

minthanna teci a pang phing zen uh hi. A mau buaina tua zah lak 

panin misiangthote lungdamna awging za uh a, “En un, amah pen eima 

Pasian ahi hi; eite hong hon dingin amah i ngak hi,” cihna aw a za uh 

hi. Isa. 25:9. 

Lei liing lak, khuaphia a taang zalzal lak, leh vanging a puak 

damdam lakpi ah Pasian Tapa in misiangtho ihmute samkhia hi. .Amah 

in midikte hante en in a khut lamto kawm in a kiko hi. “Tho un!, Tho 

un, Tho un, no leivui laka ihmu te aw tho khia un!” a ci hi. Leitung 

adung a vai-a misisa khempeuh in tua aw za ding uh a, tua aw a za 

khempeuhte hong thokhia ding uh hi. Leitung khempeuh kualkhum in


mi namte, mipawlte, leh pau namkimte lak panin mi honpi hong ki 

gualkhia phangphang hi. Sihna thonginn sung panin amaute hong paikhia 

uha, sitheinawnlo in, “Sihna aw na gu koi lai ah a om hiam? Han aw na 

zawhna koi ah a om nawn hiam?” ci uh hi. 1 Kaw 15:55. Ahinglai midikte 

leh a hong thokik midikte ki gawm in aw saupi tawh zawhna lungdamna 

a awng uh hi. 

Han pana hong pusuah uh ciang in han sunga lut lai bang mah in 

hong tho kik uh hi. Adam pen hong tho kik mi honpite lak ah a sang pen 

leh a meelpha pen hi hi. A hih hang in Pasian Tapa sangin niam zaw 

deuh ve ve hi. Amah in a khang kikte sangin lamdang zaw zek ahihna in 

minamte’ kiam suksukna teci lak a suak hi. A hih hangin amaute 

khempeuh tha tho mah mah uh a, khangno bangin a thadim tawntung 

ding uh ahi hi. (645) A kipat cil in mihing gamtat tham lo in pumpi mah 

mah zong Pasian lim le meel sun-a ki bawl ahi hi. Mawhna in meel 

hem sak in Pasian meel kimu thei nawnlo zah dek tak dong a tun suk hi. 

Ahih hang in Khrish in tua a ki mansuahsa thuteng bawlpha dingin hong 

pai ahi hi. Amah in i pumpi poi pen khek in ama minthang pumpi bangin 

hong zeem kik hi. Asi thei a muat thei, a meelhem, mawhna suksiatsa 

teng a kicing ameel hoih, leh asi theilo hong suah kik hi. Ginat lohna 

kawkbaangte khempeuh han sung ah nusia uh hi. Sawtveipi a taansa uh 

Eden huan-a nuntakna singgah tawh hotna ngah mite hong khang khia 

to ding uh a, a kipat tuunga kipia minthanna tawh a ki dim pumpi cia 

mah hong phato kik ding uh hi. Mal. 4:2. A vomh lai uh mawhna khaap, 

samsiatna teng ki nil khia in Khrish mi muanhuaite pen, “ih Topa Pasian 

meel hoihna” hong pua ding uh hi. Lungsim leh pumpi zong a bup in a 

cingtaak Topa lim le meel hoihna tawh hong kisuun kik ding uh hi. Aw! 

hotkhiatna ih cih lam dang mah ngei si maw! Sawtveipi i gengen, i 

lametet, i maseh kholhkholh, i ngaihsut den , tel taka aki theizolo pen 

hih maw! 

A hinglai midikte ‘tawm vei sung mitphiat kikaal in kikheel ding 

uha,” Pasian aw in amaute minthanna pia in a sithei nawnlo ding in


kikheel uh hi. Misiangtho hong thokikte tawh huih lak ah Topa dawn 

ding in kipuakto ding hi. Vantung mite in a ”teelsate leimong khat pan 

mongkhat, kiu khat pan kiu li dong in a khawm tuah ding uh hi” Naupang 

neute vantung mite in la uh a, anute a pia uhhi. Sihna hang in sawt 

veipi ih ki khenpih sa ih lawmte tawh a kikhen ngei nawnlo ding in 

kituah hon ding hanga, lungdamna la tawh Pasian khuapi lam ma nawh 

in ih kah to khawm ding hi. 

Meiilom leeng in apang ciat ah kha nei a, a nuai ah a ki peipei 

lengpeei a om hi. Leeng buppi van lam a kah toh ciangin “ Siangtho” ci 

in a pei te aki ko uh hi. Akhate zong ki zaap-in, “siangtho” a ci uh hi. 

Vantung mite in zong kiko in, “Siangtho, siangtho, siangtho avanglian 

Topa Pasian” ci uh hi. Tua ciang in hot khiatsa mite in “halelujah!” ciin 

a awng uh hi. Tua bangin leengpi in van Jerusalem Thak lam ma 

nawh in a kahto hi. 

Pasian Khuapi lut ma-in Honpa in A nungzuite zawhna leh Kumpi 

innkuan hihna za a pia hi. Minpha a ngah khit uh ciangin a Kumpipa uh 

kiim uum in hong ki gual uh hi. Misiangthote leh vantung mite laizang 

panin sang zaw in Honpa ong dawk khiato hi. A meel puak in itna a lak 

hi. 646 Aki sim zolo hotkhiat mite mit in amah mit suan-in a minthan’nate 

en uh a, “midang khempeuh sanga meel sia zaw leh mihing sanga a 

thuak sia zaw” ahi ngeipa’ vangliatna a en uh hi. A gualzo mite lutung 

ah Jesuh mah mah in a taklam khut tawh minthan’na lukhu khu sak ciat 

hi. Mi kim ading lukhu om a, tua lukhute tung ah a mau min thak ciat a 

tuang hi. “Topa tunga Sianthona”, ci-in a ki gelh hi. A maute khut uh 

ah galzote neih theih nisuh hiang leh a tee mah mah tumtheihte a pia hi. 

Tua ciang in a Uk vantung mi in la aw a la hi. Mi khempeuh in a tum 

theihte uh a sai ciat uh ciangin la aw ngaih kihual mah mah in a lem uh 

hi. “A hong itpa, ama sisan tawh eite a hong silsiangpa, leh A Pa Pasian 

kianga eite siampi leh Kumpi a hong suak sak pa tungah minthan’na, uk 

zawh nate om tawntung ta hen” ci in gen zawhloh lungdamna tawh a 

phat uh hi.


Hotkhiat mihonpi mai ah khuapi siangtho a om hi. Jesu in suang 

manpha kongpi a hon ciang in, mi namkimte lak pan in thuman zuite a 

lut uh hi. Tua laitak ah amaute in Adam mawh ma-a a inn ngei uh Pasian 

Paradis a mu uh hi. Tua ciangin mihing bila a kiza ngei sa khempeuh 

sanga a ngaih zaw, zong a kiza ngeilo aw khatin “Haksatna bei ta hi, 

No ka thupha a sangte aw, leitung piancil a kipan note a ding a kiseh 

kholsa gam nuam ah hong pai unla hong luah un” a ci hi. “Nang mah in 

kei nong piak mite zong Keima omna ah a om ding uh ka deih hi” ci-a 

Honpa in A nungzuite ading a thungetna tu-in a tang tung ta ahi hi. 

“Ama minthan’na mai ah pau banna om het lo leh lungdam takin a hong 

paipih” ta ahi hi.(Jude 24). Khrish in a sisan tawh a leisa mite a Pa 

kiang ah lak in, “ Hi lai ah Keimah leh Na hong piak mi teng ka om uh 

hi” a ci hi. “ Nong piaksa mite ka kem hi” a ci hi. Oh! Hong hotna leh 

hong itna lam dang mah si! Hih bang kipahna ah mong neilo Pa in 

hotkhiatsa mite en a, Ama meel suun in a mu hi. Mawhna leh asiatsak 

teng zong bei ta hi. Mihing leh Pasian hong ki lem kik in innkuan khat 

suak uh hi. 

Jesuh in a mi muanhuaite, gen khiat zawhloh itna leh “Topa 

Lungdamna” tawh a na dawntuah 647 hi. Honpa lungdamna in 

thuaksiatna leh zahhuaina tawh a hotkhiat mite minthang kumpi gamsung 

ah Amuhna pen ahi hi. Hotkhiat mite-in zong amau thungetna, amau 

nasepna, itna tawh akipiak na uh hang in Khrish kiang a tunpih uh thupha 

sang mite mihonte lak ah amuh uh ciangin, Khrish lungdamna mah tawh 

a kibang in, a lung dam khawm uh hi. Tokhom kaang lian kiim a a 

kikhopna uh ah Khrish adinga amau mi ngahte leh tua mite in a na ngah 

sawn mite mu uh a, avekpi un tawldamna ngah ciat ta uh ahih manin 

kigentheilo lungdamna tawh a kham lukhu te uh Jesuh khe kiang ah nga 

in tawp hun neilo atawntung in Amah a phat ta uh hi. 

Hotkhiatsa mite Pasian khuapi ah hong lut khit uh ciangin huihlak 

ah biakpiakna phatna awte hong ging khia hi. Adam nihtegel zong hong 

ki mu ta uh hi. Pasian Tapa in a khut zan in, a bawlpa langpan mawhna


hangin mawh lawh tawi nading liamma pawn a piang sakpa ahi eite pa 

masa, Adam a saang hi. Adam in tua sik tukkilh ma pawnte a muh 

ciangin Topa ang ah ki ngam zaw loin a khe phungah bokin, maizum ki 

suang sa in “thahna athuak Tuuno a ki lawm hi, a ki tuak hi” a ci hi. 

Honpa in amah dam tak in a phot toh khit ciangin sawtpi sung a tansa 

Eden inn a en sak hi. 

Eden pan a ki nawh khiat khit a ki pan in Adam nuntak sung 

khempeuh dahna tawh a ki dim hi. Nahpateh pulh khempeuh, kithoihna 

gan kigo khempeuh, pianpih hoihna kisia in siatnama vive akimu nate 

khempeuh, leh mihing te sianthona a thep nei sak khempeuh in ama 

mawhna a phawk thak kik sak den a suak hi. Tua mawhna in na khem 

peuh a pumtuam amuh ciangin kisik kikna tawh lung gim in a buai hi. 

Ama mawhna in amah a taai ngitnget hi. Lungduai tak leh ki niamkhiat 

tak in palsatna daan kumtul dektak a thuak hi. Muanhuai tak in a 

mawhnate kisik kik a, hong ki khaam Honpa ki limcinna muangin 

thawhkikna lam en kawm kawm in a si hi. Pasian Tapa in mihingte a 

puukna (648) pan in honkhia hi. Tu in tua hotkhiatna hangin Adam in 

zong a ngah ngeisa dinmun a ngah kik ahi hi. (Mikah 4:5). 

Lungdamna tawh khat vei lai-a a nopsak pih sing kungte khawng 

a en hi. Mawhna a neih ma, sunkamh khawng cianga singgah a lo in a 

kaih khopna kungte khawng a mu hi. Leeng gui a lawn ngeisa te, a zunzun 

ngeisa pak hoih te a mukik hi. A lung sim sung ah Eden a ki puah 

kik takpi hi veh e maw! ci-in a ki nawhkhiatma-ate sangin zong nopci 

zawlai asa hi. Honpa in nuntakna singkung kiang ah paipih in a gah 

khat loin a pia hi. Ne in ci in a sawl hi. A kim en a, ama suan le khat te 

lak ah hotkhiatna ngah in Paradis atung mihonte a mu hi. A kham lukhu 

suah khia in Jesuh khe kiang ah a koih khit ciangin boksuk in Honpa a 

kawi hi. Kham tawh ki bawl tumtheihte tum in”thahna a thuak ahing 

kik Tuuno a kilawm in a manpha hi,” ci-in tung thangvan kuumpi thawn 

in gualzawhna la a sa hi. Adam innkuan pih tengin a lukhute uh Honpa 

khe kiangah koih in, kun in Honpa a bia uh hi.


Hih ki muh kikna ah Adam puk lai-a a kap vantung mite, Jesu 

sihna pan-a hong thawhkik van a kahtoh cianga a lungdamte zong aki 

hel hi. Tuate mah in Jesuh um in hotna ngah mite haante a va hongkhiate 

ahi uh hi. Tu-in hotkhiatna nasep kizo siang ta mu uha, amaute tawh 

phatna la a sa khawmkhawm ta uh hi. 

Tokhom maia Pasian vang leh meikuang tawh kihel a bang 

limlang tuipi tung ah “sapi milim leh a ciamtehna leh ama min ciam 

tehna tung ah agualzote a ki khawm uh hi” Mang. 15:2,3. Zion mual 

tung ah Tuuno tawh “Pasian neih tumtheihte tawi in mite lak pan tatkhiat 

ahi sangkhat then li tul lite a ding uh hi. Tuipi lian ging bangin ahi zong 

in vanging bangin ahi zongin “tumtheih tumna ging “a kiza hi. Mang. 

14:1-5. Amaute in tokhom mai ah “lathak” sa uh hi. Tua 144000te longal 

in a saktheih lohna pen amau thuaksiatna teng phuahna la ahih man ahi 

hi. Midangte in tua thuaksiatnate va thuakpih khalo uh hi. “Amaute in 

Tuuno a paina peuh ah zui uha,” leitunga ana hing lai, a hing tanga 

kikheelte ahi uh hi. ”Pasian leh tuuno a ding in gah masa bel” ahi uh hi. 

Mang. 14:1-5; 15;3. “Hih pawlte pen thuaksiatna teng paltanto a hong 

suaktate ahi uh hi.” Mang. 7:14-17. A maute in mi nam om khit peuh 

mah a piang ngeilo lungkham buaina teng a nawktote hi uh a, Jacob 

lungkhampi hun a kici buainate thuakto uh hi. Pasian thukhenna daan 

ahi gimna nam sagihte a ki buak khit in Palaai neilo a haksatna phu kha 

mite ahi uh hi. Ahih hangin amau in “a puante uh Tuuno sisan tawh 

sawpsiang in” hotkhiatna ngahte ahi uh hi. “Amuk uh pan in zuau thu 

kiza lo a, Pasian mai ah amawhna uh ki mu lo hi” “Tua ahih manin 

amaute in Biakinn sung Pasian tokhom mai ah sun tawh zan tawh Ama 

na sem in, tokhom tunga tupa in a maute tawh a teng khawm den ding 

hi ta hi. Mang.7:14-17. A maute in leitung kialpi leh natgualte tawh a 

kisiat lai mu uha, ni in mite kangzo zah in asat laite, thuaksiatna tuam 

tuam, leh gilkial dangtaknate a phu khin uh ahi hi. A hih hang in tuin”gilkial 

nawnlo, dangtak ngei nawnlo ding uh hi. Ni in zong amaute 

haal nawn lo ding hi. Tokhom laizanga om Tuuno in amaute vaak in.


nuntakna tui kiang ah pai pih ta ding hi. Amaute mit panin khituite 

Pasian in nul siang sak ta ding hi. Mang. 7: 14-17. 

Khang tawntunga Honpa teel khiat mite in sittelna sangah ki 

sek in pilna kiguan sate ahi uh hi. Amaute in leitung a lampi kawcik a 

tawn, thuaksiatna hanga sianthona a ngah, pum-mei tawh aki haal siang 

sate a hi uh hi. Jesuh ading in lang bawlna, muh dahna, leh mawh zonna 

te tawh bawlsiat a thuaksa uh ahi hi. Amau in gimthuak in Amah zui 

uha, amau pumpi deihna nial in cih mawh haksat tampi a thuak pih uh 

ahi hi. Amaute thuaksiatnate hangin mawhna (650)gitlohna tel muh uha, 

mawhna vangliatnate, asiat huaina leh a gimpiak zia te mu in mawhna 

pen kih huai a sa mahmah uh hi. Tua siatnate thoih dam nading a kipia 

kithoihnate ngaihsun uha, a lungsim uh ah lungdam na leh phatna tawh 

a dim hi. Tua in amaute ki niamkhiat sak a, a puuk ngeilote in a phut 

ngeiloh leh a theih pih khak ngeiloh pilna neite a suak zaw uh hi. Amaute 

mawhna tam ki mai sak lua ahih manin a itna uh zong a tam pah hi. 

Khrish thuakna teng thuakpih uh ahih manin Ama minthan’na zong a 

neih pih uh hi. 

Pasian’ gam a luahte pen inn khumvum, inn ginalo sung, thong 

sung, a ki khai lupna khuam tung, mualtung, sehnel gam, lei hawm 

sung, leh tuipi gei suang hawm lak khawng peuh pan a hong pai khia te 

a hi uh hi. Leitung ah amaute “ ki tavai sak in, kigim bawl in, ki guhgawi 

hi.” Mi mak tampi in minsiat sakna thuak uh a, han ah a tung uh ahi hi. 

Tua te pen Satan’ khemna ah kipia nuam lo uh a, kip tak in anialte ahi 

uh hi. Amaute pen mihing thukhenna ah a mulkim huai leh a nasia khia 

pen in a ki bawlsia hi. Tu in “Pasian mah mah in thukhen mang hong 

sem hi.” Late 50:6. Tu in leitunga thukhennate ki leh lum-let ta hi. 

“Ama mite a ki taaina teng kila khia hi.” Isaiah 25:8. “Amaute tu in 

misiangthote, Topa’ tatkhiatte, ki ci ta ding uh hi. Pasianin amaute “meel 

hoihna pia a, dahna taang in lungdamna sathau nilh a, lunggim vangik 

taang in phatna puan silh sak ta hi” Isaiah 62:2; 61:3. Amaute tha nem 

nawnlo ding uh a, ki gim bawl nawnlo in ki khen keek nawn loin, zong


ki gawt bawl nawn lo ding hi. Tu-a kipan in Topa tawh om khawm 

tawntung ta ding uh hi. Amaute tokhom mai ah ding uh a, leitunga 

puan hoih pen a kicite sanga hoih zaw puante tawh a kizem ta uh hi. 

Leitung kumpite’ khuk ngei lukhu vaang lian pen sangin a vanglian 

zaw lukhu khu ta uh hi. Natna kahna nite bei mang pai suak ta hi. 

Minthang Kumpipa in maitang teng khempeuh panin khituite a nul siang 

sak khin hi. Lung gimna khem peuh ki paai khia ta hi. Nisuhhiangte veii 

in phatna late sa uh a, kitel leh kihual tak in asak uh phutun han lapi aw 

zong thangvan tual teng thawn ding in a ging beh beh hi. “Hotkhiatna, 

Kumpi tokhom tunga tupa i Pasian le Tuuno pan ahi hi” ci in a sa uh hi. 

Vantung mi khem peuh in na dawng kik uh a, (651)“Amen! i Pasian 

tungah phatna, minthanna, pilna, lungdamna, pahtawina, vangliatna, le 

hatna a tawntungin omden ta hen” a na cih pih uh hi. Mang. 7:10, 

12(ZIV). 

Tu-a i nuntakna panin hotkhiatna thu pen lam dang mah hi cih 

ciang bek i muh pih milmial pan hi. Ciangtan a nei mihing lungpilna 

tawh i et ciangin mai zumna le minthanna, nuntakna leh sihna, thuman 

leh migitna, leh singlamteh-a a thuaknate ciang bek i mu thei hi. Hih i 

mihing lungsim ciang lel tawh thu khempeuh a kim tak in i mu thei nai 

kei hi. Hong tankhia itna a dung a vai, a niam le a san’na, cihte a kipan 

hong Honpa thu dongin a hi milmial bek in i muh pih tei pan bek hi. 

Hotkhiat nading vaihawmna tawh kisai thu thukpi pen hotkhiat mite na 

ngawn in amau ki muhna lel ciang tawh zong a kim in tel khin zo nai lo 

ding uh a, a tawntung nuntakna ah thumaan thakte zong a sin beh toto 

lai ding uh hi. A lamdang thu, leh lungsim a nuam sak thute bek om ta 

ding hi. Siatna a piang sak thei khempeuh ki phiat siang ta hi napi in 

Pasian mite in hotkhiatna manphat zia pen a tel zaw in theih beh to to 

lai ding uh hi. 

Khrish singlamtehthu pen hotkhiat mite adingin pilna leh a 

tawntung lapi suak ding hi. Minthanna a ngah Khrish pen singlamteh-a 

ki khai Khrish hi cih a mu ding uh hi. A kisim zolo van kaw hawm-a


leitung om zia-zua teng a bawlpa, Ama vaang tawh nate piang sakin, 

nate a don a kempa, ahi Pasian Itpa, vantung Kumpipa, vantung mi 

cherub leh a vaangtaang seraph in a biak biakpa in a puuksa mihing 

dom kang to ding in a hong ki niamkhiat hi. Mawhna huai siatna leh 

zum huaina teng thuak in A Pa’ mai mulo in A nuntakna a bei dong 

hong thuakpa thu ki mang ngilh ngei nawnlo ding hi. Leitung tampite a 

piang sakpa, na khempeuh a siangsakpa in mihingte a it man in A 

minthan’na suah khia in, Amah le amah hong ki niam koihpa pen vanpi 

leipi bup in biak ding a lawp mahmah den ding uh hi. Hotna ngah 

minamte-in a Honpa uh en uha, Ama maisuaha a Pa’ tawntung 

vaangtaang a mu uh hi. A tawntunga akipden a tokhom zong en uha, A 

ma kumpigam in bei ni nei ngeilo ding ahih lam a mu uh hi. Amaute-in 

lungdam kipaakna lasa uha, (652) “Ama sisan manpha tawh eite hong 

tan in Pasian kiang a hong tunpih thahna a thuak Tuuno in min phatna 

ngah ding a ki lawm hi” ci in a phat uh hi. 

Singlamtehthu in thuthuk dang khempeuh tel-lahkhiatna ahi hi. 

Kalvari pan-a hong tang khuavaak in a lau huai tawh a ki bang eite ading a 

hong kipia Pasian thupina pen a deih huaina leh a meel hoihna a hong dawk 

sak hi. Migitna, thu neemna, leh nute pate itnate in zong sianthona, 

thutangna, leh hatna tawh a ki gawm khawm hi. A minthang leh a ki lamto 

a tokhom’ ‘minthanna ih muh ciangin, “Eite’ Pa” minthanna, itnate ni dang 

a ih tel sang in a thuk zaw in i telpha saan ding hi. Mong neilo pilna neipa 

in eite hotkhiat nading in Ama Tapa kigawhna longal hotkhiatna ding pen 

vaidang ki hawm thei salo ahih ziate zong i muhpih lai ding hi. Tua kigawhna 

loh kik nadingin hih leitungah a siangtho, a gualnuam, a sitheilo tatkhiatte 

a teng sak ding hi. Honpa in khuamial vangliatna tawh a kidona thaman 

pen hotkhiat mite-in nopsak lawh uh hi. Tua man piakna ah Pa lungkim-in 

Khrish mah mah in Ama piak kithoihna gah leh paakte amuh ciangin a 

lungkim hi.


41 

Leitung Hawmsuahna 

(653) 

AMA mawhna in van ban a, Pasian in a gamtat hoihlohnate phawk 

gige hi. Amah in note hong bawl bangin ama tungah gamta un la, a 

zahnih in thuk kik un. Amah in note a hong dawn sak a zah nih in a 

khauh leenggahzu ama dawn ding in a hai sungah sung un. Amah ki sial 

in a kiphatsakna zah tawh ki zui in dahna leh lungkhamna thuak sak 

un. Amah in, ‘Kei kumpinu ka hi a, migong numei lah ka hi kei a, dahna 

ka tlhuak ngei kei ding hi,’ ci ahih manin, gimna in nikhat thu in ban 

dinga, pulnatna, kahna, leh kial pi in vat gawp ding hi. Ama tungah thu 

a khen Topa Pasian vanglian ahih manin mei tawh kihaltum ding hi.” 

Mang. 18:5-10. 

“Tua khuapi sungah sum bawl in a hauhlawh mite in ama thuakna 

amuh uh ciangin laulua-in a gamlapi ah ding in kapin thum ding uh a, 

‘Hih a lian khuapi in a thuakna, bang zah takin lauhuai, bang zah tak in 

nasia! Puan hoih nono, a dupsan leh a sante silhin, kham suangmanpha 

leh kepte tawh a kizem ngei khuapi! Nai khat sung in a hauhna khempeuh 

maimang ta!” a ci uh hi. Mang. 18:15-17. Pasian hehna thukhena in

LEITUNG HAWMSUAHNA 669 

Babylon tung ah a ki buah ni-in hi bang teng thuak ahi hi. A mawhna 

haai dim let zo hi. Ama hun hong tung ta hi. A ki sia ding hi ta hi. 

654 

Pasian aw in a ki mancip a mite a hotkhiat ciangin migilote in a 

khantawn-a ding kidona ah na khempeuh a taan uh ahih lam ki phawkna 

tawh lau in a kigaih uh hi. Hun hoih ki hon lai in Satan’ khemna in khua 

musak thei lo ahih manin, amau mawhna lampi mah hoih a sasa niloh 

kha uh hi. Ahih hangin amau hauhnate pen Pasian thukham a palsat 

man uha a ngah uh hauhna ahi hi. Amaute in gilkialte anvaak ding, 

tangguakte silh le teen guat ding, leh lungsim tang neih ding, migit ding 

ahih lam a awlmawh kei uh hi. A mau thupi nading bek zong uh a, a 

pianpih uh a lawmte uh’n a biak ding uh a deih uh hi. Tu-in a thupina 

teng uh bei in dinmun meel neilo in a guaksuak uh ahi ta hi. A maute a 

Piangsakpa sanga thupi zaw asak uh a milimte uh a kisiatna pen cimawh 

leh lau mahmah sa in a en lel uh hi. Amaute in a khaa uh leitung hauhna 

leh nopsaknate tawh zuak uha, Pasian lam-a hauhna a zong kei uh hi. A 

nuntakna sung khempeuh a mawkna suak in a mau nopsaknate 

gentheihna a suak hi. Tua in a thaman uh ahi hi. A sum a paaite uh kisia 

khin hi. A khantawn uha a khol uh nate khempeuh tawmvei sung in a 

mangthang hi. Mi haute in amau inn lianpipi kisiate thum pih tau pih uh 

a, a ngun a khamte uh a ki theh keek lel hi. A milimte leh amau mah 

mah nangawn zong kisiatna maitangah om zaw lai uh ahih manin, tua a 

thum ataupihte uh thupi zolo in a daai khian zaw ta uh hi. 

Migilote in Pasian leh a mipih te uh don lo leh a mawhna te uh 

hangin a dah sang sik un Pasian in zo zaw mawk ahih manin dah zaw 

mawk lai uh hi. Amaute in, Bang hi mawk hiam? ci in thuum lel uh hi. A 

gitlohnate uh kisik beek lo uh hi. A hih theih liai leh bang ci leng zawhna 

kingah thei ding hiam cih hanciam sawmlo lai uh hi. 

Leitung mite in sim mawh, zawh thawh gawp in, phiat mai dinga 

a sawm uh mite pen bang mah thuak loin natgualte, pingpeiite, zinlingte


pan in suakta mawk uh hi cih a mu uh hi. Ama thukham palsatte a valhlum 

meikhuangte pen ama mite adingin kidalna kulhpi suak zawsop ta thong 

hi. Mite pahtaak ding deihna in thuman a nawl khin Siate in tu in amau 

gamtatte leh a thuhilna uh huzaapte a mu ta uh hi. Na khempeuh amu 

khin thei mittang in a mau en gige kawi kawi hi. Pulpit-a adin laitak 

khawng, nuntakna vai-a mite tawh a ki thuah laitak khawng mu sisek hi. 

A lungsim omzia khempeuh, alai gelh khempeuh, kampau khempeuh, 

thuzuau beel dinga mite a thu 655 zawhna khawngte, mun khempeuh ah 

khaici bang in a po kawi kawi hi. Tu in kisia khinta a, a kiima amah beel 

khaa mangthangte en in a khaici vawh a at kik ta uh ahi hi. 

Topa in a genna-ah,”Amaute in ka mite’ thuaknate thupi sim 

sak lo uh a, hoihna a om keei lopi, ‘Hoih hi, hoih hi’ ci mawkmawk uh 

hi.” “Keima gen hilo napi in na thu zuau gen teng uh tawh mi hoihte na 

lunggimsak uha, migilote asih theihna dingun ki hei lohna ding lam ah 

na leh hanthot zawsop uh hi” Jer. 8:11; Ezek. 13:22. 

“Ka lonona mun pana tuute theh keek-a a susia tuu cingte in 

gimna thuak ta hen! ..En in, Keimah in na gamtat siatna uh zui in na 

tung uh ah kong phul ding hi.” “No tuu cingte aw, kap in kiko un, vut 

lakah bual un. No tuu hon makaite aw, ki khen keeka na sihna ni ding 

uh hong tung ta hi. Tuu cingte in taimang na ding lampi a nei kei uh hi. 

Tuu makaite zong a suah taak nading a om kei ding hi.” Jer. 23:1,2; 

25:34, 35. 

Siate leh mipite in Pasian tawh kikopna bang mah nei lo uh ahih 

lam a mu ta uh hi. Amaute in tangtaka thu a khen, dikna thukham leh 

Pasian vangliatna langdo kha uh ahih lam a kimu tel ta uh hi. Pasian 

thukham phiatna in gitlohna, buaina, ki muhdahna, a kipan mawhna 

lampi tul tampi piang khia saka, leitung ah kidona bebek tawh ki dim 

in, kisiatna ah a henh’cip suk hi. Tu in thumaan nial-a lamkhialh nuam 

asa mite omzia hong kitel muh ta hi. Thu manglo-a phengphi-te in a 

tawntung nuntakna taan pai suak ta ding cih a muh uh ciangin kam


tawh gen khiat theih vetloh zah in a lung gulh uh hi. Talen leh a thu 

gensiamnate uh hangin Leitung in thupi sa a a biak phial uh mite in 

zong tu in hih thu piang te hangin amau dinmun tak ahi bang bangin 

kitel muh ta uh hi. Amaute in thukham a palsatna hang un a taan uh 

thute mu uha, a citak tua mite’ khe mai ah bok-in simmawha, a nopneh 

te uh Pasian in a itte ahi zaw mawk hi ci in pulaak ta uh hi. 

Mipite leu leu in amaute ki khem niloh in, khem a thuak uh ahih 

lam mutel ta uh hi. Tua kisiatna sung a hong lut pih ‘Nang hi teh’ ci in 

khat le khat ki ngawh zia zua uh hi. Mihon te in alom lom in a Siate uh 

mawhsak heet-haat uh hi. Thu zuau hilh Pastor te in hilhkhohnate neu 

bawl uh a, Pasian thukham a pelh ding in amau thu ngaite hilh in, 

thukham a zui teitei te bawlsia uh hi. 656 Tu in hih bang Siate in leitungte 

mai ah ki khemna nasep seem kha uh ahihna a pulaak ta uh hi. Mihonpite 

lungso sa in awngkeek uh a, “Kote a mang thang mi ka hi khin zo uh hi! 

Kote kisiatna note hang hi! ci in kap uh hi. Tua bangin Tuucing diklote 

a ngawh zel-zul uh hi. Khatvei lai-a pahtawi a a zahtaak bawl pente in, 

tu in, a awsia le ham-sia tawh phuisam uh hi. Amaute tunga pah tawina 

lukhu a khu sak khutte tu in amaute susia ding in ki viik ta hi. Pasian 

mite thah nadinga a zuun uh namsaute in, tu in, amau le amau ki leh do 

nading in hiam a suak hi. Mun khempeuh ah kidona, sisan luanna om 

kawikawi hi. 

“Leimong dong in gamlumna hong tung hi. Topa in minamte 

tawh kido ta hi. Amah in mi khempeuh sawl ding a a gilote namsau ä 

tah ding hi.” Jer. 25:31. Kum tulguk sung bang Pasian Tapa leh a vantung 

sawltakte in gilopa vangliatna tawh kido khin uh a, mihing tate honkhia 

nuam in thuhilh in khuavaak a puakpuak hi. Tu in bel khentelna kibawl 

khin a, migilote in Satan tawh ki pumkop in Pasian a do uh hi. A thukham 

a sik cip sak uh pen Pasian in a thuneihna a lak ding hi ta hi. Tu in 

kidona pen Satan bek zong hi nawnlo in mite tawh zong a kido ahi ta 

hi. “Topa in minamte tawh kido hi.” “Migilote pen namsau ah a tah ta 

ding hi.”


“ A muhdah huai gamtatnate a ki sepna hangin dah in a lungkham 

mi khempeuhte” hot khiat nading ki bawl zo hi. Tu in Ezekiel 

mangmuhna sunga mithahna galhiam kenga kisawlte lim ciin sihna 

vantung mite hong kuan khia ta hi. “Kua mah hinkhawi kei un la, kua 

mah khasiat kei un. Puteek, nungak tangval, numei naupang dong tak 

in va that un la, ahi zong in a taltangah ciamtehna anei peuh mah su kei 

un”ci in a kivaikhakna a za hi. Ezek. 9:1-6. Kamsangpa in a genna h, 

“Amaute in Biakinn mai-a om a khangham a upa te pan a kipan uh hi”ci 

hi. Tua suksiatna in khaa lam mite a kemte hi ung a cite tungpan in 

kipan masa ahi zaw hi. Gaal vil manlote a puuk masa ding uh hi. Kua 

mah a hehpih a khaw-tuah ding om tuan nawnlo hi. Nupi pasal, nungak 

tangvaal nupi naupang dong a vek pi un ki sia cip ding uh hi. 

“Amaute mawhna hangin leitung ah a teng mite gim a pia dingin 

ama omna panin 657 Topa paikhia a, leitung in ama tunga a kithat mite 

laak khia ding a, a kithat ama mite sincip nawn lo ding hi.” Isaih 26:21. 

“Hih pen Jerusalem langdo mite khempeuh thuak ding daan piak na 

ding a Topa vat maai na hi ta hi. A khe uh tawh a din lai mah in a 

satakte uh bei khia mang ding hi. Amit-kua pan un a mittangte uh beikhia 

in a satak te uh beikhia mang ding hi. Tua ni ciangin Topa kiang pana 

hong pai buaina tawh amaute a buai ding uh hi. Amaute khut in a vengte 

uh suam ding a, amaute ciat kikaal ah khut lum kinga zel zul ding uh hi” 

Zech. 14:12, 13. Amau ki motdo gawpna uh tawh a lungso na uh a 

zangh ding uh hi. Hehpih aneilo Pasian hehna leenggah zu cil ki buak ta 

ding hi. Siampite, Ukpa te, mihonte, ahau a zawng a sang a niam cilo 

in, a vekpi tungah ki bua ding hi. “Tua ni ciangin Topa thah mite lei 

mong khat pan mong khat dong in dim ding uh a, kua mah in kahlo in 

vui nawn lo ding hi.”Jer. 25:33. 

Khrish hong pai ciang in lei maitang panin migilote siak siang ta 

ding hi. Ama kam pana pusuak meikhuang tawh su mai mang dinga, a 

minthanna vangtawh a mai mang ding uh hi. Khrish in a mite van-a 

Pasian khuapi ah ciah pih to ta ahih manin, leitung a hawm-suak sak hi.


“En un, Topa in leitung a hawm suak sak in gamkhing suak sak dinga, 

amah in lei maitang huih heek gawp in a tunga teng mite theh thang 

gawp ding hi.” “Leitung ki hawmsuak sak in kisiacip ding hi; bang hang 

hiam cih leh Topa in hih thu a gen zo hi.” “Ama tunga tengte in leitung 

ninsak uh hi; bang hang hiam cih leh amaute in thukhamte khial-in, 

ngeina kipte palsat uh a, tawntung thuciamna peel uh hi. Tua ahih ciangin 

Topa in leitung samsiatin susia a, a tunga teng mite in amau mawhna 

hang un thuak uh hi.” Isa. 24:1,3,5,6. 

Leitung gam simtham a suak hi hi. Zinliingpi in khuapi, khua 

neute susia a, singkungte kizung lot sak hi. Tuipi leh leitung mah mah 

in suangtum golpipite thehkhia uh a, lei maitang teng ah kitheh zua zua 

hi. A kitam-a khaangkham kaw hawm thukpipite in a ki lawn khia mualte 

bul a hi uh hi. 

658 Thu piangte in siansuahna nilian ni kizo ta ahihna theihsakna 

lim ahi hi. Siangthobel mun a nasep a ki zawh ciang in mawh thoihna 

gansi tawh Israelte mawhna teng Biakbuk pan kisiak khia hi. Tua khit 

ciangin Topa mai ah nawhmang keel a hing tangin ong ki pai pih hi. Tua 

“keel lutung ah mipite mawhna leh palsatn teng pulaak in kisuan a, keel 

lutung ah ki koih hi.” Siampi. 16:21. Tua mah tawh ki bang in van 

Biakbuuk sungah siansuahna a ki zawh ciangin Pasian mite mawhna 

teng, Pasian leh a siangtho vantungmite mitmuh in, Satan tungah ki 

suan ding hi. A mah in mihingte mawhna bawl ding a a sawl teng tu in 

a lubuuk in a thuak kik ding hi ta hi. Nawhmang keel pen mi teen lohna 

gam ah a ki nawh mang bang mah in Satan pen gamkhing asuak hih 

leitung hawm ah ki nusia ding hi. 

Mangmupa in hih Satan a kikhumna thu a genna ah, leitung pen 

kumtul kim huai hawmsuak in ki koih ding hi ci hi. Topa nihveina hong 

pai-a migilote a suksiat khit ciangin, “vantung mi khat hong pai suk in, 

kua hawm thukpi hon’na tawhtang leh sikkhau khainiang golpi khat 

tawi ka mu hi. A mah in tanglai gulpi, Dawimangpa Satan manin kum


tulkhat sung a hencip hi. Tua ciangin kua hawm thuk pi sungah khia 

suk in kum tulkhat a cin’mateng minam tuamtuamte a khem theih nawn 

loh na ding in tawh kalhin, a ciam teh hi.” Mang. 20:1-3. 

Mong neilo kuampi a cih pen buaina leh khuamial tawh dim a 

om leitung gen ahih na Laisiangtho mun dang in ong lak hi. Laisaingtho 

ciamtehna ah, “a kipat cil in” leitung in “lim le meel neilo..khua mial 

tuam cip .kuam thukpi( awng thawlpi)” ahi hi ci hi. Pian. 1:2. Leitung 

pian cil a, lim le meel anei nailo, dinmun tung kik ding hi ci in hilhkholhna 

in gen hi. Tua Topa nilian ni ding enkhol in Jeremiah in a genna ah, 

“Leitung ka et leh, lim leh meel nei lo a, vantung ah lah khuavak omlo 

hi. Mualte ke et leh kiliing damdam uh a, mual neute kileh kawikawi uh 

hi. Ka khuadak leh mi khat beek ka mu kei a, van-a vasate zong a leeng 

mang khin uh hi. Ka et leh lo gam hoih teng sehnel gam suak khin a, 

Topa’mai leh a hehna lianpi mai ah khuapi khempeuh kisia khin uh 

hi....Gam buppi gamlak suak” khin hi ci hi. Jer. 4:23-27. 

Tua lai pen Satan leh a vantung mi gilote kum tul sung a teen 

nading uh ahi hi. Hih leitung bek ah om thei ding uh a, leitung danga 

puk ngei nailo mite khem dingin pai khia thei lo ding uh hi. Tua banga 

aki koih pen a kikhih cip ki ci hi. A khem ding midang om nawn lo hi. 

Kum za tampi sung nuam asak pen ahi mikhem nasep leh suksiat nasep 

a sem thei nawnlo ding hi ta hi. 

Kamsangpa Isaiah in Satan kipumpaih nading hun muhkholh in 

a genna ah, “Nang zing sang tapa Lucifer aw, bang ci in vantung pan 

kiasuk thong na hi hiam? Minamte a tha nem sakpa, hong koi ci ki khiat 

suk ahi hiam? Na lungsim sung ah, vantung ah ka kahto ding a ka tokhom 

Pasian aksite tung ah ka laam to ding hi na ci hi...Keimah in a tung 

nung penpa bang in ka hi ding na ci hi. A hih hang in hell ah nang hong 

ki khia suk ding a kuampi sung na tu suk ding hi. Nang hong mute in 

hong neu et mah mah ding uha, a lung sim uh ah, Hihpa pen leitung a ki 

liingsak pa, kumpigamte a lok pa, leitung bup gam simtham asuak sak


pa hi, khuapi te susia in thong kiate kong ahonlo pa hi lo hiam? hong ci 

ding uh hi,”ci hi. Isaiah 14:12-17. 

Kumtul guk sung Satan’ langdo nasepna in “leitung a liing sak 

hi”. Amah in “leitung gamsimtham suak sak in khuapite a susia hi.” “A 

thong khiatte kong hon lo hi.” Kum tul guk sung Pasian mite a thong 

inn sung ah khum beh beh zela, a tawntung in len cip pai suak nuam hi. 

Ahih hangin Khrish in tuate phel in, a khah khia hi. 

Tu in migilote nangawn a sukha theilo dingin kikoih ta hi. Amah 

leh a vantung 660 migilote bek omta uh a, mawhna thaman bang teng 

piang hiam ci in a ngaih sut kik nading uh hun a kipia hi. “Minam dangte 

kumpite khempeuh amau’han khuk sung ciat uh ah a minthangin lum(si) 

uh hi. Ahih hangin nang pen han nangawn ngah loin akih huai a hiang 

meeng bang in a haan pan hong ki paai khia hi...Amaute tawh na 

kivuikhawm kei ding hi. Nang mah in leitung na susia a na mite na that 

hi.” Isa.14:18-20. 

Kum tulkhat sung Satan kawi vak in hih leitung hawm sungah 

Pasian thukham a langdo man a thupiangte a en kawikawi hi. Tua hun 

sung in thuaksia kisa mah mah hi. A puuk a kipan in anuntakna bel 

tawlngalo-a nasem den ahi hi. Tua te bawl in tu in a vangliatna teng ki 

suhkhiat saka, vantung Kumpipa gam ukna a langdo pan a kipan a nasep 

khiat sa teng ngaih sun kik, en kik ding in hun a kipia ahi hi. Mailam thu 

ding a et kholh ciangin lau mahmah in a liing hi. Ama tawsawnna tawh 

a ki bawl kha mawhna omsa khempeuh teng a ding thuhkikna daan a 

thuak ding ahih manin tua teng kihta in a lau mahmah hi. Pasian mite 

ading in Satan a kimatna pen a lungdam huai leh kipah huai pen ahi hi. 

Kamsangpa genna ah, “A haksa nasep hong kisep sakna, gimna 

leh lungkhamna panin Topa in note tungah tawldamna hong piak ciang 

in, Babilon kumpi(Satan) tungah hih zahkona kam na zang ding uh a, 

‘Kumpi gilopa puk ta a, kua mah nengniam zo nawn lo ding! Tawlnga 

loin mihingte satna a a kizang hehna tawh mi namte uk in nakpi takin a


bawlsia, migilote ciangkhut leh gam ukte kumpi ciangkhut Topa in 

kuaitan khin ta hi” Isaiah 14:3-6. 

Thawhkikna masa leh thawhkikna nihna kikal kumtul sung kihal 

hi. Tua sungin migilote’ thu ki khen hi. Sawltak Paul in hih thukhenna 

pen nihveina hong paina ban zom a thupiang hi ci hi.”Tua ahih manin a 

hun a tun ma in kua mah mawh sak in thukhen kei un. Topa hong pai 

ciangin a tawpna thukhenna hong om dinga, amah in thusimte hong 

pholakin, mihingte in a lungsim sung uh ah a ipcip uh thute hong telkheh 

ding hi.” 1 Kor. 4:5. Daniel in Tangkumpu hong pai a “a tung nung pen 

pa misianghote in thukhen” ci hi. Dan.7:22. Hih hun in midikte in Pasian 

kiang ah siampi leh Kumppi a sem uh hi zaw leu leu ta uh hi. Johan 

mangmuhna ah, “thukhenna tokhomte ka mu a, a tunga tu mite in 

thukhen theihna ding thu angah uh hi,”ci hi. Mang. 20:4. “Ämaute Pasian 

leh Khrish siampi suak ding uh a, kumtul sung a mang khawm ding uh 

hi.” ci hi. Hih hun ding Paul gen kholhna ah, “Pasian mite in leitung 

mite thu a khen sak zaw ding ahih lam theilo na hi uh hiam? Note pen 

leitung mite thu a khen sak ding” na hi uh hi ci hi. 1 Kor. 6:2,3. Khrish 

tawh kikop in amaute in migilote thu khen sak ding uha, a gamtatna uh 

leh thukhiahtanna laibu ahi Laisiangtho en kaak in a gamtatnasa uh 

tawh kituak in khen sak ding uh hi. Migilote in a nasepna uh omsa teng 

bangin a thuak ding uh thaman bawl sak ding uh a, sihna laibu-a minte 

tawh kitangin a thuak ding ciat uh ciapteh sak uh hi. 

Satan leh ama vantung migilote thu zong Khrish leh A mite in a 

khen uh hi. Paul in, “Vantung mite thu zong khen sak ding ih hih lam 

theilo na hi uh hiam?” ci hi. 1 Kor. 6:2, 3. Jude in a genna ah, “a omna 

pan un a paikhia vantung mite” in zong “amau thu akikhen ding Ni 

lianpi ngak in Pasian in a koih cip hi” ci hi. Juda 6. 

Kum tul a cin khit ciangin thawhkikna nihna om ding hi. Tua 

hun ciangin migilote sihna pan ki phong khia kik dinga, Pasian mai ah 

hong ki laak ding uh hi. A siang khia hiau ta ding in “thukhenna a kigelh


bang bang”a thuak ding ahi ta uh hi. Midikte thawhkikna a gen khit 

ciangin mangmupa in, “Kumtul a cin matengin a sidangte hing kik lo uh 

hi,”ci hi. Mang. 20:5. Isaiah in migilote tawh kisai a genna h, “A gum 

sunga om thongkiate bangin amaute kikaikhawm ding hi. Thong sungah 

amaute kikhaknelh dinga, nitampi khit ciangin amaute gim kipia pan 

ding hi”ci hi. Isaiah 24:22.


42 

Gal Veng Ta 

(662) 

KUMTUL a bei ciangin Khrist leitungah hong kum suk kik hi. 

Hotkhiatsa mi honpite leh vantungmi siangthote in hong zui suk 

uh hi. A minthanna vanglianpi tawh hong tuak suk a, daan thuak dingin 

migi lote phong khia kik hi. Amaute tuipi gei-a sehnel zah in sim zawh 

loh mihonpi ahi uh hi. Thawh kikna masa-a thote tawh kikhaai teei sam 

mah uh ei maw! Misiangthote thawhkikna-a thote in sih theih nawn 

lohna leh khangno meel hoihna pua in hong tho uh hi. Migilote in ahih 

leh natna, sihna lim mah pua lai sa-in hong tho uh hi. 

Tua mihonpite’ mitte in Pasian Tapa vangliatna en ciat uh hi. “Topa 

min tawh hong pai Pa mi hampha hi” ci in aw kikhat-in Migilote awng zai 

keei uh hi. Tua otkhaina in Jesuh it uh ahihna lahna ahi kei hi. Thumaan 

husa in a ut lo mukte nangawn tua bangin a gen khia sak teitei kha hel 

hizaw hi. Migilote in han sunga a lut lai uh-a bang lian mahin hong 

thokikin, Khrist a mudah na le langdona lungsim nei uh hi. A hoih lohnate 

uh kipuah phat nadinga a beisa-a a ngahngeisa uh hun hoihte amaute in a 

ngahtuan nawn lo ding ahi ta uh hi. Ngah mah uh le zong bangmah a

GAL VENG TA 679 

lemlawh ding uh a om hi tuan nawn lo hi. Thu palsatna in anuntak 

sungbuppi uh zang khin uh ahih man un a lungsim uh a neem thei nawn 

kei hi. Hun hoih khat kipia lai hel mah leh zong a masa-a a nuntakzia 

mah uh a bang veve ding uh ahi zaw uh hi. Pasian nget thute susia in 

Amah langdo dingin hong kitok suah kik ding hi lel zaw ding hi. 

A thawh kik khita a van kahna, a hong kumkik ding khap kholhna 

kamciam vantung mitein agen kikna, Olive mual tungah Khrist hong 

kumsuk hi. Kamsangpa genna: “Tua ciang in Topa ka Pasian hong pai 

dinga, a misiangtho te khempeuh hong tonpih ding hi.” “Tua ni 663 

ciangin Jerusalem nisuahna lam-a om Olive mual tungah Topa ding ding 

hi. Tua ciangin nisuahna lam pan nitumna lam-ah Olive Mual kitamin 

phel nih suak dinga, a kikal ah kuampi om ding hi.” “Tua ciangin Topa 

pen leitung khempeuh’ kumpi suak dinga, mi khempeuh in a mah bek 

thei in bia ding uh hi.” Zechariah 14:5, 4, 9. A thupinate zee ziahzuahsa 

in Jerusalem khua Thak van pan hong kum suk hi. A kingakna dinga 

kisehsa mun siangtho ah hong kinga suk hi. Khrist in amite leh 

vantungmite tawh Khua sung ah lut uh hi. 

Liatbel nopna lungsim tawh a nunung bel kitomna Satan in hong 

nei lai ding hi. A mi khem nasep a sep theih nawn loh nadingin a 

vangliatna a kilaak khiat sak pen naa a sa mahmah hi. Tua manin, ama 

lam-a pang a tam mahmah migilo honpite kiphong kik amuh ciangin a 

tha hong tho-in a lametnate hong hinsuah kik hi. Kidona lian ah kimot 

piak het lo ding hong hanciam pha saan hi. A mangthang mi khempeuh 

ama thuneihna nuai-ah makaihin, zangh-in, vai hong hawm pha saan hi. 

Migilote pen Satan’ galmatsa ahi uh hi. Khrist nial phot uh ahih ciangin 

langpang makaipa ukna a saang uh hi. Ama ngimna bangbang pom in 

sep ding a sawm uh hi. Ahih hangin A zuausiam ngei sate bangmahin 

Satan ahih lam amah le amah kigen lo hi. Ama kigenna sate ah amah 

pen thumaan kumpi, leitungbup nei theih nading thu ngah bangin kigen 

hi. Ama luah ding kimlai thumaan lopi tawh a kisuhkhiatsak bangin 

kigen hi. Amah leh amah Honpa bangin kigen a, amaute han pana a


thosakkik zong ama vangliatna mah hi ci hel lai sawnsawn hi. Tua 

tham loin, ukna gilo lua mahmah panin zong amaute nopsakna pia dingin 

khaam lai hi. Khrist in ompih nawn lo phot ahih ciangin Satan in ama 

ngimna bang a sep theih nadingin na lamdangte a bawl hi. A thaneemte 

tha khauh sak a, ama lungsim bang leh ama tha hatna bang guan ciat hi. 

Amah in amaute makaihin tua misiangthote teenna Pasian Khuapi do in 

la ding ci-in a gen hi. Kisialhna kam pian tawh sihna pana hong thokik 

sim zawhloh mak tampite kawk kawmin ama makaihna tawh hih teng 

ziahzuah in tua Khuapi lumlet pak lel ding uh a, ama tokhom leh ama 

gam ngah kik zo ding ci-in gen zalzal keei zen hi. 

664 Tua mihonpite lakah Tuiciin tun’ma-a sawt pipi a nungta 

mite zong hong kihel hi. Tuate pen a tunh sangin, golin, pil uh hi. 

Amaute zong a puuk vantungmite khut sungah aki-aap sa uh ahi hi. 

Amaute kipahtawi theih nadingin a siamtheihna teng uh zanghin, a 

lamdang nono a bawlte uh hangin leitung bup in a pil a siamna uh milim 

biakin a bia uh hi. Tua a gitloh a kheltat siamluatna uh tawh a bawlte un 

leitung niin sakin Pasian lim sutna teng a meel siasak hi. Tua manin 

Pasian in A bawlsa teng nangawn a phiat khiat sak hel ciang dong a 

tung ahi zaw hi. Lunglian in kumpi gamte nawkin, amai uh ah minamte 

a liingsak ziah-ziah, gaal alel ngeilo kumpite, galkap mangte, leh minamte 

do-in a zo gawpgawpte zong tua lai ah om uh hi. Sihna in tua a pianzia 

ngeite uh kikhel saklo ahih manin, a sihma uh-a a lungsim puak uh vom 

kawmin, a sih laitak uha ukpate a zawh nopna lungsim mah uh a hong 

zom kik uh hi. Satan in a vantung migilote leh hih gal zoden kumpite 

leh miliante tawh hong vaihawm hi. Amaute in amau lam-a pang a 

kisim zolo mihonte en uh hi. Amau tawh teh nadingin khuapi sunga 

mite pen tawmno khat bek hi a, kizo thei tham ding hi ci-in gen uh hi. 

Jerusalem khua thak a laak zawh nadingun vai tuamtuamte a hawm uh 

hi. A vekpi-un tha khatin galdo dingin a kisa uh hi. Siamna neite in 

galvante bawl uh hi. Agal zawhna uh hanga a minthang galkap makai 

mangpipite ahi uh hi. Mipite a pawlpawlin khen in a makaih uh hi.


A tawpna ah manawt ding thu aki piak ciangin a kisim zolo 

mihonpite mai hong nawt uh hi. Hih zah galkap pen leitunga gualzo bel 

ngeite nangawn-in zong makaih in zangh ngei lo uh hi. Leitunga gal 

kido cil-a kipan a khangkhanga kigawm suk hih zahta pen kimu kha 

ngei lo hi. Galkap mangpipa Satan in a lompi makaih a, a vantung mite 

in hih a nunungbel kidona ah zom pah uh hi. Kumpite leh galkap 

mangpite ama hilhsa a hi uh hi. Mipi in a lomin zui uh a, amau makai 

dinga a kiseh pawl sungciai ah pai uh hi. Galkap lungsim tawh a cialciala 

kiseh Zamin tek tawh lei maitang kitamkham gawpte dap-in Pasian 

Khuapi lamah ahong ma nawh uh hi. Tua lai tak in Jesuh in, Jerusalem 

Khuapi Thak kongvangte khak sak hi. Satan leh a galkapte zong khuapi 

kiim uum-in a do thei pah dingin hong om uh hi ta hi. 

665 Tu in a galte muh dingin Khrist hong kilang hi. Kham tawh 

kizut A tokhom pen Khuapi tungah tau sangpi tawh kilaam to hi. Tua 

tokhom tungah Pasian Tapa a tu hi. A kiimkotah Ama Kumpi gam mite 

in uum uh hi. Avangliatna leh a azahtak-kaaina pen kam in gen khia 

khin thei lo hi. A tawntung Pa’ vangliatna in A Tapa tuam hi. Ama 

vangliatna taang in Pasian Khuapi sung a dim in, a leetkhia pen in leitung 

buppi taangsak zo lai hi. 

A tokhom kiang a nai pen munah khat vei lai-a Satan nasem 

gaalhat hi napi singkhuah tumbaang kiteen khia banga Honpa kianga 

kipumpiak, a nung hong zui mite a om uh hi. Tuate zomin Pasian bia 

lo mite leh muanhuai lote lakah om napi-a Khristian nuntak hoih kicing 

a nei mite, a khangkhanga upna hanga thahna a thuakte mihing mak 

tampite, Pasian thukham paaikhia ding ci-in kisawl napi-a ut lo-a a 

zui tentante a om uh hi. Tuate baanah “gam khempeuh, nam khempeuh, 

pawl khempeuh, kam khempeuh sung pan kuama sim zawh loh mihonpi 

in tokhom leh Tuuno mai ah puanpak silhin, akhut uhah nisuh hiang 

tawi-in a “ om uh hi. Mang. 7:9. Amaute in a sep ding uh seem khin 

uh a, a galdona uh zo ta uh hi. Tai kidemna ah taai khin-a noptuam a 

ngah khinte ahi uh hi. A khut uh-a atawi uh nisuh hiang pen zawhna


lim hi a, a puantual paak silh pen un tu-a amaute a kipia Khrist’dikna, 

lim ahi hi. 

Hotkhiat mite sak phatna la-aw in vantung innpi thawna, a thawn 

nawnnawn hi. “Hotkhiatna in tohom tunga tu i Pasian leh Tuuno’ aa 

hi” ci uh hi. Vantungmi leh Seraph in zong a phat uh hi. Hotkhiatna 

ngah mite in Satan vangliatna leh lungsim mu uh a, Khrist vangliatna 

bek in amaute a gualzo suaksak zo bek hi cih a mu uh hi. Hotkhiat mite 

lak panin kuamah in amah leh amah hotkhiat tham hi’ng a ci om lo uh 

hi. Amaute nasepte leh thuaknate bangmah gentham ding om lo a, a la 

saknate uh leh a lapite uh in zong, Hotkhiatna pen Pasian leh Tuuno’ 

aa hi cih phuahna ngen ahi hi. 

666 Van leh lei buppi muhin Pasian Tapa Kumpi-lukhu ngahna 

pawi kibawl hi. Tu in vangliatna tungnung pen leh minthanna sangpen 

kipia a, kumpite’ Kumpipa in Ama ukna langdo-a Ama thukham leh 

Ama mite a na nencipte tunga thukhenna hong pulaak ta hi. Pasian 

kamsangpa genna ah: “Tua nung ciangin kumpi tokhom a kang alian 

khat ahi zongin, tua tokhom a tu Topa ahi zongin ka mu hi.Tua Topa 

maitang pan lei leh van in a taikhia uh a, amau adingin omna a om nawn 

kei hi. Tua laitak in asi mi aneu a liante in tua kumpi tokhom mai-ah 

ding a om uh ka mu hi. Laibute zong kiphen uh hi. Nuntakna laibu ahi 

adang laibu khat a kiphen hi. Tua a si mite in a gamtatnate bang laibu 

sungah a kigelh mah bangin thukhenna a thuak uh hi” ci hi. (Mang. 

20:11, 12). 

Laibute kilem a, Jesuh mit in migilote a et phet leh amaute in a 

bawl khitsa uh mawhna teng a phawk kik dandan uh hi. Amaute in koi 

mun panin a khe uh sianthona lampi pan pial khia sak kha uh a, Pasian 

thukham galbawlna ah bang tan thuklut kha uh hiam cihte a kimu khia 

kik phasan uh hi. Lampial sak mawhzolna a lut theih nadinga amaute in 

mawhna-a a kikhah khongnate uh, tua hanga thupha saan ding uh kipelh 

hiau mawkte, Pasian kamtaite simmawh in patau kona a nialna, ngawng


khauhna hang in Pasian hehpihna leh migitna a nolh kik kha khin, lungsim 

kisikna nei lo cihte khempeuh aban ban in meikuang laimal-a kigelh 

bangin hong kilang ta hi. 

Tokhom tungah Singlamteh hong kilang hi. Adam mawhzolna 

thuakna leh a puukna panin hotkhiat nading vaihawmnateng a baan baanin 

milim taangthei lah bangin hong kilang hi. Honpa niam taka hong pianna 

khawng, a neulai-a a gen nopna leh a sawl manna, Jordan gun-a a 

kituiphumna khawng, gampalak-a an ngawl-a mawhzolna a thuaknate, mipi 

lakah hotkhiatna na a sepnate, mihing adingin vantung in siit nei lo-a thupha 

a piaknop denna, migitna leh itna lak-a mipite adinga sun niloh-a a na sepna 

leh zankim gamdaai mual panga thu ngen-in a vilnate, Ama thupha bawlte 

thuk kikna-a muhdah hazaat a thuak khawng hong kilang hi. Een’na leh 

bawlsiatnate tawh kithuk kik-a Gethsemane huan-a lunggimna lian a 

thuakna, leitungbup mawhna in Amah a gawicipna, tualthat mihonpite khut 

sunga a kipekselo 667 thongkiapa a it a nungzuite in a taaisatna, Jerusalem 

kongzingah gannawh banga a kihawlna khawng hong ki dawk hi. kigualzo 

sak-in Annas mai-ah Pasian Tapa a puakna uh, Siampipa mai leh Pilat maia 

a thusit gawpnate uh, meidawi-a a khansia Herod mai-ah ciing gawpin a 

nehpiik tho-thop khit uh ciangin thah ding hilel — a cihte khawng teng uh 

a hi bangbangin hong kilang deudeu hi. 

Tu in mihonte mai-ah thu khempeuh kizawh siangna hong kilak 

suk leuleu hi. Lung duai taka thuakpa pen Kalvari zuatna lampi dungah 

hong lang leuleu hi. Singlamteh-a Vantung Kumpipa kikhai tohna, a 

kiliansak siampite leh mi honpi in zahko-a lungsim tama a sih laitak a 

nuih sat ngeingai honna khawng uh, a ngei bang lo-a khuamial in hong 

tuam laitak leh ziinlingin leitang a kisin vanvan laitak khawng, 

suangtumpite kitam a hante a kihon laitak khawngteng in leitung Honpa 

in A nuntakna pia ahihna teci hong lak uh hi. 

A mulkim huai-na teng ahi bang lianlianin hong kidawk hi. Satan 

leh a vantung mite leh a mihonte in amau gamtat khiatsate uh muh


theih dinga kilak kik pen daal thei lo uh ahih manin in en lel uh hi. 

Sepkhiat khat pepeuh a neite in ama gamtatsa teng kim takin mu kik uh 

hi. Israelte Kumpipa that nuama Herod in Bethlehem naungek teng a 

thah sak lai khawng, tuiphumpa Johan sisan a baang a khuaval 

Herodiaste khawng, a thaneem ameidawi Pilat, a simmawh bawl 

galkapte, siampite leh ukpite, “Ama sisan kote tungah leh ka tu ka tate 

uh tungah hong tung ta hen!” ci-a ngen a hai hon keei mipite kiko-na 

khawng a vekpi in ki lak in a gamtatna khempeuh uh ki-en kik sak 

siksek hi. Pasian vangtaang tee ziazua pan ahi zongin, A maitang ahi 

zongin buk mang theih nading a zong pong mawk uh hi. A minthanna 

ni sangin taang zaw a hotkhiat mite in Honpa khe kiangah a lukhute uh 

koihin, “Amah in kei a ding si hi” ci tek uh hi. 

Hotkhiat mite lakah a haangsan Paul, a kuhkal Peter, ki-it in mi 

zong a it Johan, lungsim hoih a nei a sanggamte uh tawh thahna a thuak 

khawm Khrist nungzui mi tampi om uh hi. Kulh pua lamah gilote, 

kihhuaite, bawlsiatna thong khiatna leh sihna a piang sak zel mite a om 

uh hi. Khat vei lai-a gim kipiate muhnop sa-in amah kipahtawina-a a 

kineih lai, gilo lua ahih manin ami bawl siatte gentheihnate mu leh a 

Satan lungsim tawh a lungkim, gilo-a suuksia penpen Nero zong, hong 

kilak hi. A tapa omzia-in ama pattahna zui ahih lam leh ama gamtatziain 

a tapa 668 lawhsawn ahih manin mithahnate, leitung gimsaknate piang 

ahihna anu ki-en sak kik hi. 

Khrist’ taangmi ka hi uh ci napi kilhcipna, thong inn mial sunga 

khumcipna, mei halna khuamte peuh zangh-a mite upna a ukcip popete, 

siampite leh phungzite, zong tua laiah a om uh hi. Pasian sanga lian 

zaw-in kibawl-a tung nung penpa thukham a laih sak eek eekpate khawng 

zong om uh hi. Tua pawlpite’ Pate a kicite in Pasian tungah ut lopipiin 

a sepna teng uh a pulaak uh a kul hi. Na khempeuh a thei sisekpa in 

Ama thukham hu lai hi. Thukham a susiate mot maisak lo hi cih a theih 

pen uh zekai lua ta hi. “Ke’n amantakpi kong cihinah, note in ka unaute 

ahi hih mi neu pen khat tungah na bawl uh ciangin, kei tungah zong


hong bawl na hi uh hi” ci-a Khrist in Ama a dinga thuaksia mite 

awlmawhna kammal thei kik phasan mawk uh hi. Matt. 25:40. 

Gilo leitung buppi pen Pasian thukhenna mai-ah matsa-in om uh 

a, vantung gam ukna langdote hihna tawh kimawhmat hi. Amaute a 

huu ding kua mah nei nawn lo uh hi. Paulap ding zong om thei nawn lo 

hi. A tawntung sihna thuak dingin amaute thu kipia khia ta hi. 

Mawhna thaman pen suahtakna leh tawntung nuntakna hi het lo 

hi, sila suahna, kisiatna leh sihna hizaw hi cih mi khempeuh in teci pang 

thei phing uh hi. Mi gilote in amau galbawl gamtatna hangin bang teng 

taan uh hiam cih tel muh ta uh hi. A tawntung minthanna a kipiak laia 

deih lo-a a nolh pen uh bangzahin deih huai cih tu-in telmuh san mawk 

uh hi. “Hihte khempeuh ka neih theih ding hi napi, gamlapi ah ka paaikhia 

kha zo hi, Zenzen aw, deih khial kha si’ng! Bang dinga nopsakna, 

lungdamna, zahtaknate, gentheihnate, mindaina leh lunggimnate tawh 

khek tazen ka hia!” ci-in tua mite kiko-in kap uh hi. Amaute khempeuh 

in vantung pan a kikhen khiatna pen a hiding mah hi, thutang hi ci-in 

mu tek uh hi. A nuntakzia mahmah uh in, “Hih Jesuh pen kote hong uk 

dingin ka deih keiuh hi,” a ci ngitnget uh ahi hi. 

Mangmu bang liangin migilote in Pasian Tapa lukhu ngahna a 

en uh hi. Amaute in simmawh in a na palsat uh thukhamte kigelhna 

suangpeek nihte A khut sungah tawi in amaute a lak hi. Hotna ngahte 

nopsakna, lamdang sakna, leh a pahtawinate uh zong a mu uh hi. Amaute 

lasakna aw kihual pen Khuapi pua lam mihonpite tung dongah tuihual 

bangin kihual phei-a, “Vanglian Topa Pasian aw, Na bawlnate a lianin, 

a lamdang mahmah hi! Mi pawl khempeuhte’ Kumpipa aw, na 

gamtatnate in a dikin, a man hi,” ci-in tha khatin a awng uh hi. Mang. 

15:3. Tua khit ciangin bok-in nuntakna Kumpipa a bia uh hi. 

Khrist minthanna leh a vanglianpi a muh ciangin Satan kongkaw 

cip ding bang hong hi hi. Khat vei lai-a Uap-pa Cherub ahi ngei napi a 

kipuukna khawng a phawk kik vatvat hi. A vangtaang Seraph, “Zingsang


Tapa”, kilamdang zo mah si teh maw! Kikhoppina sung khawnga a 

kithupi sim mahmah pa a tawntung a dingin kipaaikhia ta khong! Tu in 

thudang khat muh beh leuleu a, Pa kiang nai-a a ding, Ama minthanna 

a khuh mi khat a mu hi. Khrist lutunga lukhu a khusak vantungmi pen 

a tun saang ngiungeu, a tee zuazua khat hi a, tua dinmun pen ama a 

ding ahi ngei hi cih a thei hi. 

Pasian phunsan a Khrist a een’ ma hunte-a mawhbaang lo-a 

lungkim leh lungmuang tak, siangtho taka a om laite a phawkkik 

zanghzangh hi. Pasian in a maisak theih ding hun laite-in a suahtak kik 

theih nading hanciam ning ci lo-a, ngawng khauh-a a phuut teiteina 

tawh ama lama kop ding vantungmite khawng khem a holhthawh 

khawng, a galbawlna a langnialnate khawng a phawk kik zanghzangh 

hi. Mite laka piang Ama nasepna thaman ahi, khat le khat ki-el keei 

mawknate, nuntakna a lauhuai mahmah tawh a kisiatcipnate, kumpi 

tuamtuam hong khangin a pukkik zelna khawng, kumpi tokhomte 

kisialhpih zel a buaina kithuapte, kidona leh khang kilumlet gawpnate 

khawng a vekpi-in a mu suk zanghzangh hi. Khrist nasepna a langpan 

nilohna leh mite a sukkiam suk sak den helnate a phawk kik hi. Amah 

in Khrist muang mite a suksiat theih tawp a hanciamna khawngte, a 

nasepte a mawkna lel ahihna tel muh ta hi. Ama kumpi gam en a, ama 

nasep gahte kisiatna leh lelhna ngen himawk cih zong a mutel hi. Amah 

in mihonpite kiangah, Pasian Khuapi pen simgawp le uh zo pak lel ding 

ci-in mawk khem na ve’n, zo thei het lo ding ahihna mukhia ta hi. A 

baanbaanin kidonate ah amah’n a lel den himawk a, kipumpiak vive a 

kul den ahi hi. A tawntung mipa vangliatna leh minthanna pen kip lua 

mahmah hi cih pen thei tel mahmah ta hi. 

670 Tual gal mangpa-in amah mah tang kisa a, Pasian gam ukna 

pen puahphat kul hi, tua puahphat nadingin galphuan kul hi a ci ahi hi. 

Tua ngiimsa-in a pilna leh a liatna zangh hi. Amah in ngimngim sa leh 

lep dimdiam sa-in na seem ahih manin a nasepna zong mai nawt mahmah 

in, kidona zong sawt veipi mah do khin hi. A kumtul lomin, hih thulang


phuangpa in, thumaan pen thukhial bangin belmang nuh in dai sak khin 

zo hi. Ahih hangin tu in tualgal kizo siang ta a, Satan tangthu leh a 

nuntakzia a kilang khia ta ding hi ta hi. Ama kitomna nunung bel ahi 

dingin a kumpi tokhom pan Khrist zakia sakin, A mite susia in Pasian 

Khuapi luah ding ci-a a akitomna ah a mite mit muhin a zuau ahihna 

hong kitel muh mahmah ta hi. Amah koppihte in ama ginat lohna tel 

muh mahmah ta hi. Pasian gam ukna langdo-a na asepnate Khrist leh 

thumang vantungmite in a en uh hi. Leitung vantung khempeuh in zong 

amah ensan ta uh hi. 

Satan in ama galphuanna in amah vantung tawh kilawmlah sak 

ahihna a mu hi. Ama vangliatnate Pasian langdo siam nadingin seek 

toto hi. Vantung sianthonate, lungmuannate, leh kilemnate pen ama 

adingin gawt bawlna, thuaksiatna lian pen bang suak zaw ding hi. Pasian 

thutang leh migitnate a langdo den helna pen tu in daai ta hi. Jehovah 

phunsan-a a kawkkawkna teng khempeuh tu in ama tung vive ah tu ta 

hi. Tu in ama tungtaang thu a kikhensak zia pen a maan mah hi, thu 

tang hi, ci-in pulaak khia ta hi. 

“Topa aw, nang min kua in kihta lo, Phat lo-in a om ding hiam? 

Bang hang hiam na cih leh, Nang bek na siangtho a, Nangma dikna 

gamtatnate in a kilang zo ahih ciangin Mipawl khempeuh in na mai-ah 

hong thuumin, hong bia ding uh hi ci in aphat uh hi.” Mang. 15:4. 

Thumaan leh thukhial kitel lo-a kum hitan ta kido suk ngitnget pen tu 

in kitel khia ta hi. Tualgal dona, Pasian thukham hep khiatna hanga 

piang teng, lungsim nei khempeuhte mit muhin a thaman kiluui khia ta 

hi. Ama nasepteng mah in Satan leh mawhsak lel ta mawk hi. Pasian 

pilna, A thutangna leh a hoihnate kip takin ding khia giugeu lel hi. Hih 

kidona lian tawh kisai Pasian ngimnate pen 671 Ama mite leh Abawlsa 

leitung dangte hoih tawntung hoih nading nading ngimna tawh a 

vaihawm ahi hi. “Topa aw, nangma sepsate khempeuh in nang tungah 

lungdamna hong ko ding uh a, nangma mi siangthote khempeuih in 

nangmah hong phat ding uh hi.” Late 145:10. Mawhna hong pian


khiat zenzenna in, Pasian thukham a kizatna munah A bawlsa mite 

nopsakna hi cih teci lak ding a suak hi. Tua kidona en in, “Nang 

misiangthote’ Kumpipa aw, Na lampite tangin maam hi,” ci-in thumangte 

hi taleh galbawlte hi taleh vanpi leipi tawh a kituakin tha khatin a awng 

khia zuahzuah uh hi. 

Pa leh Tapa in mihingte a deihsakna uh tawh mawh-thoihna lian 

a bawlsakna khuavannuai maiah tel takin kilak khia khin ta hi. Min 

kiphuak khempeuh sangin min golzaw, Ukpite vangliatna khempeuh 

tunga a tungnung zaw leh minthanna mun Khrist in a luah nading hun 

hong tung ta hi. Simmawhna leh maizumna singlamteh a hong thuakna 

pen Ama mai-a hong tung mitampi in lungdam leh minthanna a ngah 

lawh nading ahi hi. Dahna leh maizumna lian mahmah ahih hangin 

lungdamna leh minthanna pen lian zaw tham lai hi. Ama lim le meel 

suun kik-a a puah phat hotkhiat mite a en hi. Lungtang puakzia 

khempeuh in Pasian’ aa bang hi-in, maiput peuhmah zong a Kumpipa’ 

uh aa bang ahi hi. Khrist in tuate a muh ciangin a thuak gimnate tawh a 

thalawh sa ahih manin a lung kim hi. Midikte leh mi gilote zak kim 

dingun “Ka sisan tawh ka thalawhsa mite en dih un! Amaute a dinga a 

thuak ka hi hi. Amaute a dinga a si ka hi hi. Tua manin amaute in a 

tawntungin kei kiangah teeng thei ding uh hi,” a ci hi. Tua khit ciangin 

tokhom kiim-a puanpaak silhte kiang panin phatna la ging to a, “Thahna 

athuak Tuuno in, vangliatna, hauhna, hatna, pilna, zahtakna, minthanna 

leh thuphate a ngah dingin kilawm hi,” a ci uh hi. Mang. 5:12. 

Pasian thutangna leh Khrist tungnun penna nial zawhloh in kilang 

khia ta ahih manin Pasian mai-ah Satan a kuun hangin ama gamtat akheel 

tuan kei lai hi. Khua hun kipei bangin langpanna lungsim hong kipei 

veve lai hi. Hong lungso vat a, kidona lian pen tawp tuanlo dingin 

hong khentat pha lai hi. Vantung Kumpipa 672 langdo-a kitomna nunung 

pen hong tung ta hi. A mihonte lakah hong lut hi. Ama heh bangin heh 

hon sak a, gal sim dingin ding khia sak hi. Ahih hangin a kisim zolo 

mak tampite lakah khat beek in amah pen tungnung penpa in mu thei


nawn hetlo uh hi. A vangliatna bei ta hi. Migilote in Satan hanthotna 

hangin Pasian tungah heh mahmah uh hi. Ahih hangin amaute thu lah 

lamet om nawnlo dinmun hi ta-a, Jehovah lah zawh theihna ai om het lo 

cih thei ta uh hi. Tua manin hong sinso pha mah mah uha, dawi-hang 

heh bangin Satan leh mi khem a sawltakte tung a hong tu ta uh hi. 

Topa cihna ah, “Nang pen, pasian zahin a pil kisa na hih manin, 

thukhualna a nei het lo galte, nang ka hong simsak ding hi. Na pilna leh 

na siamna tawh na lamsa khempeuh amaute in hong vatmaisak ding uh 

hi. A maute in nang hong that ding uh a, na hankhuk ding tuipi sungah 

hong khia ding uh hi.” “Avangtang Cherub aw, meikuang suanglak ah 

nang kong susia ding hi.... Lei lakah nang kong paai ding hi, kumpite 

maiah kong sial paai dinga, amaute in hong en ding uh hi.... Leitung ah 

vut leh vai na suak dinga, amaute in hong mu ding uh hi.... Nangmah in 

a lipkhap huai na hi ding a, na om ngei nawn kei ding hi.” Ezek. 28:6- 

8, 16-19. 

“Galhangpa gal simna khempeuh gamlum biaibuai-in puante 

sisanah kidiah khin hi; hih pen meikaat ding mei-a khul ding a suak 

ding hi.” “Topa thangpaihna minam khempeuh tungah tu-a, a hehna a 

galkapte tung a tu hi: Amah in amaute siasiak cipin thahna mun a 

puak hi.” “Migilote tungah mei aam leh mei leh kaat, leh a lauhuai 

huihpi guahpi a buak ding hi: hih pen amau haai-tanh ahi ding hi.” 

Isaiah 9:5; 34:2; Late 11:6. Vantung Pasian kiang panin meikuang 

hong kiasuk hi. Lei maitang teng a kitam hi. Lei sung tawnga 

kiphuumcip galhiamte a kipholh khia hi. A liak tum thei meikuang 

hut-hutte tua kawhawm sungte panin hong pawt khiat hi. 

Suangtumpite bang hoih kuan’ pha saan hi. Pum-mei-a haltum ni 

ding a hong tungta ahi hi. Nate sa lua-in tuimanga, lei mahmah leh a 

sunga na kiseem khia khempeuhte a tummang uh hi. Mal. 4:1; 2 Pet. 

3:10. 673 Lei maitang khempeuh tui suakin mei liipi vung a bang hi. 

Thukhen hun leh pasian-milote kisiat hun - “Topa’ thuk ni leh Zion 

thubuaipi thaman piak kum ahi hi.” Isa. 34:8; Paunak 11:31.


Migilote in leitungah a thaman uh saang uh hi. “Amaute buhkung 

bulsim bang hiding uh hi. Hong pai ding tua ni in kaangtum ding hi, 

mipite Topa in ci hi.” Mal. 4:1. Kim khatte pen tawmvei sungin tummang 

uh hi. A dangte ni tampi thuak zong a om hi. Mi khempeuhte “amau 

gamtat bang ciat uh” daan kipia hi. Ama langpanna thaman bek thuak 

loin, Pasian mite zol-a a mawhsakna midikte’ mawhnateng zong Satan 

tungah kisuan kik hi. Ama thuakna daan pen a khemsa midangte khat 

peuh’aate sangin nakpi takin nasia zaw hi. Ama khem zawhna hanga a 

puuk mi khempeuh a bei mang khit ciangin zong amah nungta lai-in 

thuakthuak lai hi. Puah siangna mei in a zung ahi Satan leh ahiang ahi 

a nungzui migiloteng zong a haltum tum siang hi. Thutang in a nget 

Thukham’ daan piakna hi ta hi. Tua pen van leh lei in zong muh uh a, 

Pasian thumaan na a pulaak uh hi. 

Satan bawl thusiateng a tawntung adingin bei mang ta hi. Kum 

tul guk sung leitung ah a ut bang bangin gamta-in, leitung teng dahna 

tawh dim sak hi. Leitung vantung khempeuh lungkhamna a guan hi. 

Na sa-a huumhaam-in a kipiangsak khempeuh taau sak hi. Tu in Pasian 

piansaknate ama kiang leh a mawhzolna pan kihon khia ta hi. “Leitung 

khempeuh tawlnga-in gamdai takin om ta uh a, amaute in la sa-in kiko 

uh hi.” Isa. 14:7. A thumaan leitung le vantung bup in phutun hanla sa 

in awng uh hi. “Tua laitak in mihonpi’ aw, tui lianpi’ aw, nakpi vangin’ 

aw bang kampau’ aw in: ‘Hallelujah! Bang han hiam i cih leh, Vanglian 

Topa i Pasian in a mang hi’” ci uh hi. (Mang. 19:6). 

Leitung buppi suksiatna meikuang in a tuam laitak-in midikte 

pen Khuapi siangtho sungah gal muang takin a om uh hi. Thawhkikna 

masa-a thote pen nihveina sihna in neukha beek sukha lo hi. Migilote a 

dingin a haltum meikuang ahih laitakin Ama mite a ding in Pasian pen a 

Lumm uh leh a Ni uh ahi hi. Mang. 20:6; Late 84:11. 

674 “Tua nung ciangin Van thak leh lei thak ka mua, a masa van 

leh lei abei mang zo hi.” Mang. 21:1. Migilote haltum meikuang in


leitung zong a hahsiang hi. Samsiatna khaap khempeuh kiphiat siang ta 

hi. Midikte muha a akuang niloh ding, a lauhuai Hell kici tawntung 

meikuang cih bang om lo hi. 

Gilo mawhna sepkhiat nate phawk theih lai nading khekhap khat 

bek om a, tua pen Singlamteh-a Honpa’ lutang liamna, a pang leh a 

khut a khe pawnte bek ahi hi. Khrist a minthanna tawh om a muhna ah, 

Kamsangpa in, “A khut sung panin khuavak taang khia hi; tua in a 

vangliatna a koihna mun ahi hi.” ci hi. Hab. 3:4. Mihing leh Pasian a 

lemtuah sisan zong tua a kidawt a pangpi pan a hong luangkhia hi. Tua 

santak pen Honpa “avaangliatna koihna mun” ahi hi. Tua a kithahna 

hang bek in “A hon zo hi,” ahi hi. Tua man mahin Pasian migitna a 

simmawhte tungah khauh takin thutang a lak khia thei ahi hi. A thuak 

zahpihna teng mah A zahtaak kaaina sang pen suakin, khang tawntungin 

Kalvari-a liammate in Amah phat nading leh A vangliatna pulaak nading 

a suak hi. 

“Pasian in a mite a etna Jerusalem khuapi aw, nidanga na 

vangliatna ngah kikin, kumpi khuapi na suak kik ding hi.” Mikah 4:8; 

Efesa 1:14. Eden huan pana meikuang namsau tawh a kinawh khiat 

khit-a kipan misiangthote in a lamet den uh “Pasian neihsate akitatkhiat” 

hun a cih pen hong tung ta hi. Leitung pen a kipat tuung pan in mihing 

luah ding gam a kipia hi napi, khemna tawh Satan khut sung a tung kha 

zenzen hi bek hi. Gilopa khut sungah sawt veipi a tham khit ciangin 

hotkhiat kikna tawh a kingah kik ahi pan phing hi. Mawhna hanga a 

mangthangsa khempeuh kingah kik hi. Topa in “leitung a awngthawl 

ding in bawl lo in, teen nadinga a piansak.” Ahi hi. Isa. 45:18. Hotkhiat 

mite in leitung hong luah uh ciangin Pasian in a bawl cil-a a ngimna pen 

a taang tung pan hong suak hi. “Thuman mi in leitung luah dinga, tua 

tungah teng suak ding hi.” Late 37:29. 

I luah ding gamah inn tatak ki lam dinga tua sungte ah ki teng 

ding hi. Tua pen leitung banglel ahih ding launa in mi tampi in sikha vai


bang lelin seh kha leuleu zel uh hi. 675 Khrist in A nungzuite a vaikhakna 

ah, Amah pai-in A Pa inn sungah amaute om nading bawl ding ci hi. 

Pasian kammal Lai Siangtho hilhna a saang mi khempeuh in vantung 

omzia ding thei lo kikeuh-in om lo ding uh hi. “Mit in mu lo, bil in za 

lo, mihing lungsim ah zong a lut ngei lo Pasian in Ama a it mite adinga 

a bawl nate” ci hi. I Kor. 2:9. Midikte ngah ding letsong pen gen tel 

nadingin mihing pau kicing zo lo hi. A mute bek mah in tel theih ding 

uh hi. Ciangtan a nei mihing lungsim in Pasian Paradise mun nopcitna 

pen kim takin a man khin siang zo lo ahi hi. 

Hotkhiatna ngah mite luah ding mun pen Laisiangtho sungah 

“apha zaw gam” ci hi. Heb. 11:14-16. Tua lai-ah vantung Tuucingpa 

in a tuu honte nuntakna tui gei ah paipih hi ci hi. Nuntakna singkung in 

kha sialin gah a, a tehte in minamte zat ding ahi hi, ci hi. Tua laiah a 

kang ngeilo luituite luanga, atui in thankik-haatat suangpak bangin siang 

hi. Lui pang tuakah singkungte a hiang zaam didiai hi. Tuate pen Topa 

hotkhiat mite lampi aliap sak dinga kibawl ahi hi, ci hi. Tua laiah 

munzang zapite om a, mual neute in a meel lawm dingin khawh 

dimdiamin a nunglam uh ah Pasian mualsangte a om hi. Sauveipi 

gimthuaka peemta banga vaak-vai Pasian mite in tua lungmuanna mun 

ahi zanglei-a a luang nuntakna luui kiimte ah innkip lo kip tawh teng 

ding uh hi. 

“Ka mihingte pen kilem tak-a ten’na, lungmuan tak-a omna, dai 

tak-a tawlngakna mun-ah om ding uh hi.” “Na gam sungah ngongtatna 

kiza nawn lo ding a, na gam sungah siatmai-na leh suksiatna om nawnlo 

ding hi; nang mah in na kulhte pen Hokhiatna, na kulh kongpite pen 

Phatna, na ci ding hi.” “Amaute in inn lamding uh a, amau mah teng 

ding hi; amaute in leenggui lo bawl ding uh a agah ne ding uh hi. Amaute 

in inn lamin midang teeng cih om lo ding hi; amaute in suan-in a dang 

khat in ne cih omlo ding hi,...amau khut tawh a sepsa nate lungdamin 

ne suak ding uh hi “ Isa. 32:18; 60:18; 65:21, 22.


Tua laiah “gam lak leh lei keuna gam lungdam dinga, sehnel 

gam lungdamin palh kia ding hi.” “Ling tangin taksing hong po ding a, 

lungkung tangin muikung hong po ding hi.” Isa. 35:1; 55:13. “Keivom 

pen tuunote tawh om khawm ding a, kamkei gialbem pen keelno tawh 

lum khawm ding hi....naupangno khat nangawn in tuate hawl ding hi.” 

676 “Amaute khat leh khat Ka mual siangtho tungah kina sak kisusia 

lo ding uh hi, Topa in ci hi.” Isa. 11:6-9. 

Vantung ah natna om thei lo hi. Tua laitakah khitui luanna, 

sivuina om lo a, dahna ciamtehna mualsuang om lo hi. “Sihna zong a 

nung ciangin a om nawn kei ding hi. Tua tham loin, thuumna, kahna, 

natna zong a om kei ding hi. A masa nate mangthang khin zo uh hi.” 

Mang. 21:4, Tua gam-a “teeng mite kuamah in, ‘Ka cina’ ci nawn lo 

ding uh a, mawhna khempeuh kimaisak ding hi.” Isa. 33:24. 

Tua laitakah “Topa khut sunga hoihna lukhu,...Pasian khut 

sunga kumpi lukhu” ahi Jerusalem khua thak om a, a minthang leithakii 

Khuapi lianpi ahi hi. “Tua khuapi a tan’na a vang in 

kristral(thankikhatat) bangin jasper suangmanpha bangin” a siang hi. 

“Hotkhiat minamte in khuavak sungah lam pai ding uh a, leitung 

kumpite in amau minthannate tua laiah hong lutpih uh hi.” “Jerusalem 

hang in ka lung dam dinga, ka mite hangin ka kipak ding hi” Topa in 

ci hi. “Pasian buk mite lakah om a, amah in amaute tawh a om khawm 

ding hi. Amaute in zong Topa’ mi pawlte suakin, Pasian mahmah in 

amaute tawh om khawm in amaute Pasian a hi ding hi.” Isa.62:3, 

Mang. 21:11, 24, Isa. 65:19, Mang. 21: 3. 

Pasian Khuapi sungah “zan om nawn lo ding hi.” Kuamah in 

gim-a tawlngak kisam lo ding hi. Pasian deihna banga gamtat leh Ama 

min phatna ah a cim a tawl cihbang omlo ding hi. Zingtung-a navaak 

bangin nitumkuan dong in om suak ding uh hi. “Nitaang khatang le 

meivaak akisam kei hi. Bang hang hiam cih leh Topa mahmah in a 

khuavak uh ahi hi.” (Mang. 22:5). Sun nitaang sangin taangzaw napi


in i mit hong lengh lo hi. Pasian leh Tuuno minthanna in khuapi sung 

taangkim sak dinga, mit ngei lo ding hi. Hotkhiat mite in nitaang ahi lo 

a tawntung minthanna vaangtaang a ngah den ta ding uh hi. 

“Tua laiah Biakinn ka mu kei hi. Pasian leh Tuuno in a biakinn 

uh ahi hi. Mang. 22:5, 21:22. Pasian mite in Pasian leh A Tapa tawh 

maitang kimu in kithuah uh hi. “Tu in eite in sumngo limlanga et bangin 

ahi milmial bekin ih mu hi.” I Kor. 13:12. Mihinga dinga ageelna, leh 

a piansak nate tung tawn in Pasian meel ahong kilangkhia sunsun 

limlanga et bang bekin a mu milmial pan ih hi hi. Tua hun ciangin 677 

Ama maiah dingin, tel takin, Ama maitang leh a minthanna i mu ta ding 

hi. Hotkhiat mite in midang atheih bang mahin amah leh amah zong a 

kithei ding uh hi. Pasian in mihing lungsim sunga a guan ki itna leh 

kikhuatuahnate tua lai-a gamtat luheekna khempeuh ah kilang den ta 

ding hi. Tuuno sisan tawh apuan uh sawpsiangin acitak khangtawn-a 

misaiangtho honpite leh thupha ngah vantungmi honpite ong kikhawl 

in sungkhat suak bangin laitual leng uh hi. Tua lai-a “vantung leitungah 

a om mi khempeuh” kipumkhatin atuallenna uh in tatkhiatte lungdamna 

a piangsak hi. (Efesa 3:15). 

Tawntung nunna tawh a nungta hotkhiatmite in apiangsak thei 

Pasian vangliatna leh a hong tankhia itna thuthukpi pen, tua laiah, 

lungngai in lawp takin sinsin ding uh hi. Tua laiah gitlohnate om nawn 

lo ding hi. Pasian mangngilh dingin a zol gal om nawn lo ding hi. I 

duang leh ih lungsim zong kiphalh khia in khangto lai ding hi. A kisam 

pilnate sinna in i lungsimte gim cih bang omlo dinga, thatang gim-a bah 

cihbang zong om lo ding hi. Tua laiah vai thupi pente kihawm dinga, i 

ngaihsut tawpna kitung ta ding hi. Ngimna lianpente kinei dinga, sin 

beh tohtoh ding thumaan thakna om to zel ding hi. Kah toh lailai nading, 

pahtaak tohtoh ding, leh i tel theih ding thu thakthak na omom lai ding 

hi. Pumpi, lungsim, leh nuntak mahmah tawh sin beh toh zel ding thuthak 

na om toto ding hi.


Khuavaannuai-a a manpha mahmah nateng Pasian mite sin 

dingin kihong ta ding hi. Sih theihna in kol bulh nawn lo ahih manin, 

gim nawnlo-in, leitung a puuk lai-a a dah, hotkhiat kikna thu hong om 

cianga lungdam pihna la a sa, gamlapi-a om leitung dangte bangah 

hawh ding uh hi. A mawh leitung pan-a tatkhiat mite in zong a puuk 

ngei lote leitungate’ neih lungpilna leh lungdamnate ngah ve ta uh hi. 

Pasian khut tawh kibawl nate pana sinthei a khangtawn pilna le 

siamnate hong nei ve ta uh hi. A liah om loin pian sakna thupite hong 

tel muh ve ta uh ahi hi. Nite, aksite, a pawl a pawlin amau kisehna 

mun tek panin Pasian tokhom kiim-kot diamdiam cihte hong mu ve ta 

uh ahi hi. Aneu pen pan a lian pen na khempeuhte tungah, 678 

Piangsakpa’ min kigelh zel a, tuate panin Ama vangliatna kimu 

kawikawi hi. 

A tawntung sunga kumte hong kivei dinga, Pasian leh Khrist 

minthanna tampi hong lak toto lai ding uh hi. Pilna in mai a nawt zah 

mahin ki-itnate, kizahtaaknate leh nopsaknate zong khangto to ding hi. 

Mite in Pasian a tel theih zawk zah uh zui in A gamtatna zong thupi sa 

zaw to pahpah uh hi. Jesuh in hotkhiatna thu amaute maiah a pulaak khia 

hi. Satan tawh a kidona lamdangte a lah khiat ciangin hotkhiat mi a tul 

mun tul tampite in, ki-aapna nasia zaw tawh, kham gawsemte le tumtheihte 

tumin lungdamna la sa-in phatna la tomte sa khawm zaizai uh hi. 

“Vantung leitung, leinuai leh tui tungah a om a bawlsa ganhing 

khempeuh-a kipan, tua vantung, leitung, leinuai leh tuitungah a om na 

khempeuhte in zong: ‘Tokhom tungah a tu mi leh Tuuno tungah, a 

tawntungin thupha, minthan’na, vangliatna leh ukzawhna om ta hen’ci 

in a phat uh hi.” Mang. 5:13. 

Kidona lian bei ta hi. Mawhna leh mawhneite om nawn lo uh 

hi. Van leh lei khempeuh siangtho ta hi. A kipiangsak khempeuhte 

lungsim kituak in kipumkhat uha, kilemna leh lungdamna tawh dim 

uh hi. Hong piangsakpa kiang panin, van kaw-hawm mong neilo dim


zahin, nuntakna, khuavak, leh lungdamna, ahong luang khia hi. Na 

vanuai lakah a neu penpen ATOM leh agol penpen leipum akipan, 

nuntakna a nei leh aneilote khempeuh in zong amau meel hoihna ciat 

a liah a dal leh siit om lo-in, lungdamna tak tawh Pasian pen Ki-itna hi 

ci-in pulaak khia ciat ta uh hi.

Kammal Kammal Hilh Hilh Cianna 

Cianna 

Ausburg-a Pulaakna (Augsburg Confession) 

Puahphatna hun sunga Katolic Pawlpi Lampialnateng lahkhiatna 

ding leh Lutheran Pawlpite’ dinmun ahi upna thubulphuhteng 

Philip Melancthon in tomkaih in agualh ahi hi. Kipsak nadingin 

Augsburg parliament (imperial Diet) ah tua thuteng 1531 kumin 

pulaakin sung uh hi. (New Dictionary of Theology, Inter-Versity 

Press, 1994, laimai 159) (Khawkpi 11) 

Dawpkholh Thukhen’na 

Laisiangtho sungah thukhenna cialthum ong kilangh hi. Amasa 

pen, mawhsutna leh thukhenna ahi hi. Thu Ciam Lui hun-a 

Kilem Ni in Siampi lian penpa in biakbuk sung adei nihna ahi 

Siangtho Bel munah lut hi. Thukham leh Hehpihna mai-ah Israel 

mimal khempeuh a dingin thumna a bawl sak hi. A kimaisak 

lote a minam panun ki khenkhia hi. Aman ciangin ong pusuak 

in Azazel keel lutungah akimaisak mawhna, palsatna, leh 

khialhna teng suanin tua keel gamlapi ah ki nawh mang hi. 

Jesu in van Biakbukah eite adingin Siampi Lian sem hi. Nih 

veina ahong pai ma-in ciaptehna laibute en-a, a gup ding leh a 

paih ding khentel theih nading in Ama sisan tawh mawh a ki 

maisak ding leh maisak thamlohte a khentel ding hi. Nuntakna 

ciaptehna laibute phen in vantung mite maiah mimal min aki 

pulaak ciangin ama sisan a suangte agum ding hi. Tualote a 

nolh ding hi. Tua thukhenna pen Jesu Kumkikma-Thukhenna 

zong kici hi. Hih laibu sungah Dawpkholh Thukhena ci in ki 

zang hi. Siam. 16, 17; Dan 7:9-13; Heb. 8, 9:24.


Anihna: Vantung atungkhin missiangthoteng leh Jesu in 

vantungmi mai-ah Kumtul sung akhen ding uh thukhenna ahi 

hi. Migilote agamtatna uh tawh kituakin thaman ding seh ding 

uh hi. Tua pen Kumtul Thukhen’na ci in ki zang hi. 1 Kor 6:1- 

2; Mang 20:1-5; 

A thumna: Kumtul acin khit ciangin Jerusalem khuathak leh 

misiangthote van panin hong tuaksuk uh hi. Mimawh asite tho 

in tua khuapi um cih uh hi. Tua laitak in a lian a kang tokhom 

hong ki lang hi. Agamtatna uh laibu sunga ki gelh tawh ki 

tuak in mikhem peuh thaman ki pia hi. Tua sungah Satan zong 

ki susia hi. Tua suksiatna mei pen Hell ahih kei leh kat leh 

meikuang ki ci hi. Hih pen nihna sihna ahi hi. Satan leh Khazih 

kikaal-a kidona tawh kisai vai khempeuh siaksiangna 

thukhenna nunung bel ahi hi. Mang 20:11-15. Thukhen dan 

adawldawla khentel siamna dingin hih laibu sungah Siaksiang 

Thukhenna ci in kizang hi. (Khawkpi 28) 

Nawhmang keel: Azazel 

Kilemna Ni-in Siangtho mun leh kikhopna buk leh biaknatau a 

kisiansuah khit ciangin Israelte mawhna, thupalsatna, leh a 

khialhn teng uh a pua dingin keel khat koih uh hi. Siampipa in 

Israelte mawhnateng tua keel lutungah suan in gamlakah ki 

nawhmang hi. Azazel keel zong ki ci hi. Siam. 16:20-23. Tua 

in a kimaisak mawhna teng Satan tungah ki suankik ding cih 

limciing ahi hi. (Khawkpi 23,28) 

Phutun-hanla (glad shout of victory/Truimphant song) 

Khanglui lai in gaal le sa tungah phu-la dingin kuan uh hi. 

Phula zo in gaallu sa lu tawh gualzo in inn lam ong zuat uh 

ciangin khuamual hong suak uha, tua lai pan, khuazang zak 

dingin minsialin hanla sa in thau kap uh hi. Tua a kizak ciangin 

khua pih tuipih in delh in dawntuah uh hi. Tua ahanla sak uh 

pen phutun-hanla kici hi. Khazih hang in athokik misiangthote

KAMMAL HILHCIANNA 699 

in sihna zo in phutun hanla sa uh hi. 1 Kor 15:51-56. 

(Khawkpi 40). 

Puahphate(Reformers) 

Kum zalom 16 hun sunga Laisiangtho bek(sola scriptura), 

upna hang bek(sola fide) Pasian hehpihna bek(sola gratia) 

tawh gupna kingah thei bek hi, pawlpi lutangin Khrish bek 

ahi hi, mikhempeuh in siampi hi ciat uh a, Pasian leh mihing 

kikaalah Jesuh simloh palai dang omlo hi cih thu bul leh a 

dang dang tawh Pawlpi puahpha dinga kipan mite. Protestant 

zong ki ci hi. 

Sikhathu Upna (Spiritualism) 

Mihingin a sitheilo khaa nei hi. Midik site khaa in ahing laite 

kiangah ki lang in vantung thu zong ong hilh thei uh hi, ih muh 

nop asikhinsate khaa zong sam kikin ong ki musak thei hi cih 

upna hi. 1846 kumin America ah kipan in, 1948 ciangin Pawlpi 

kip khat in ding hi. Hun nunnungah tua khemna pen suuk 

semsem dinga, Khristian pawlpite azawhna dingin khemna lian 

pi in Satan in zang ding hi. Tua in Pasian langdo dingin biakna 

khempeuh gawmtuah ding hi. (Khawkpi 34) 

Sunglam upna suahtaakna (freedom of conscience) 

Pasian in mikhempeuh akibang in piangsak hi, upna leh biakna 

tawh kisai thute ah zong mimal lungsim sunga deihna bang 

azuih theih nading lungsimsung khensat theihna thuneihna 

neisak tek hi. Pasian in upna leh biakna thu ah zong amimal 

lungsim khensatna pan-a luangkhia upna bek deih hi, biakna 

leh upa thu ah kua mah in kua mah hahsawl theihna ding thu 

omlo hi, biakna leh upna thu tawh kisai in zawhthawhna 

akizatna munah buaina leh bawlsiatna in zom pah hi, cih Europe 

gama thupiangte in kicing takin lak khin zo hi.


Thulam pial/Thukhial(heresy) 

Rome pawlpite upna a sanpihlo, a langdote a min vawhna uh. 

Thumotphutte (Fanatic) 

Phuahphatna ong kipat hunin amau lungsim phut lawpna bek 

bulphuh in agamta biakna zui pawlkhat om hi. Tuate in 

kalsuanzia ding thu nung thuma saupi ngaihsunlo in motatte. 

Contents 

Kammal Hilh Cianna ........................................................................... 697

Khrist leh Satan kikal-a - Myanmar Union Conference

You also want an ePaper? Increase the reach of your titles

Delete template?

Save as template?