Leibniz, Akademie-Ausgabe, 1704--1716

N. 180 transkriptionen 1703–1716 217
180. LEIBNIZ AN DAVANZATI
Wien, 30. Juli 1714.
Überlieferung: L Konzept:
Ill. me et Rev. me D. ne
Longum iter a TE feliciter confectum, nec benevolam me memoriam amissam gau- 5
deo. Gratulor etiam quod negotia studiis distinguis, et subinde Academiae ab Eminentissimo
Gualterio domi suae fundatae interes, quae si naturam Luminio scrutatur, argumentum
maximi momenti, et profundae meditationis tractandum suspexit. Ais hypnothesin
Renati Cartesii, Petri Gassendi et Isaaci Newtonj examinari. Hugenii opus de
Lumine non minus considerari merebatur. Newtoni experimenta resumenda et amplifi- 10
canda essent. Mariottus olim in Tentamento de Coloribus, putabat radium coloratum per
refractionem ortum rursus alia refractione colorem mutare posse, quod negat Newtonus,
id ergo diligenter discuti e re erit. Quanquam hic in Newtoni sententiam magis inclinem,
qui rem diu, et magno studio versavit, quae a Mariotto obiter tantum tractata est.
Libenter intelligo esse Romae praeclaros viros qui mihi faveant. Ex iis quibus visus 15
sum olim, paucos superesse puto, Eminentissimos Cardinales Daviam et Ptolemaeum,
tum Illmus . Blachinum. An vero Cl mi Viri Quarteronius et Franciscus de la Scine Gallus
supersint nescio. Data occasione me iis commendari peto, qui mei benevole meminere.
Imprimis autem Excellentissimo Legato comiti Galassio. Quod superest vale et fave.
Dabam Viennae 30 Julij 1714. 20
P. S. Cum Romae eram vivebat illic Adrianus Anzutus vir ex Gallia doctissimus,
quem etiam Romae obiisse intellexi. Habebat ille multas eruditas observationes et meditationes.
Cl. Abbas Nazarius autor diarij Romani literati quaedam nactus erat, vel
certe spem edendorum fecerat, sed et ipse deinde decessit. Utrum in Galliam ne relata
sint ista cura fortasse Eminentissimorum virorum Bullionaei vel Estraei, aliorumve viri 25
amicorum, in Romae manserint, et cujus in manus devenerint, inquirere operae pretium
foret.
1. 9. 2005