Armorial-de-la-Flandre-médiévale-Tables

Armorial de la Flandre médiévale - Tables 253
VII. L'Anchiene Noblesse de la Contée de Flandres par Corneille Gailliard
L’anchiene noblesse de la très-haulte, très-noble et très-puissante contée de Flandres avecques
leurs armes blasonnez comme il souloient anchienement porter, ascavoir des contes, pers, villes,
barons, banneretz, officiers hérytables, seignouriez et des anchiene noble maysons de chevalerye
de la dicte conté de Flandres
Flandres est la plus haulte, noble et puissante conté de chrystyenté, et a dignité royale en toutes choses, et est
très-renommé par toute le monde, à cause des très-illustres, très-puissans et très-victorieulx contes dudict
pays, qui ont estè et sont redoubtés de tous princes de lontain et de très, à cause de leur puissance, haultesse,
grands guerres qu’il ont eu et mené à l’encontre diverses nations, tant par mer comme par terre, et aussy par
la mémorable renom des très-nobles seigneurs et noblesse dudict pays, qui ont esté et sont très-puissant et
vertueulx; desquelz sont venu, par aliance de leur saing, les plus grand part des princes chrystyens, et
pareillement à cause des grands faictz de la marchandyse des dyver nations qui fréquentent, de longtain pays,
ladicte conté.
1. Les armes des anchiens contes de FLANDRES fut gyronné d’or et d’asur, de dyx pièces, à l’escu de gueulle,
parmy la tymbre coroné à la royaelle d’or, à deux ales d’ermynes, et enctre les dictes ales, deux maeins carnael,
en pal; les waeyelles d’asur et d’ermynes, et leur crye, à la bataielle, fut: Haerlebecq! Haerlebecq! Haerlebeque
le noble!
2. Les nouvelles armes de FLANDRES, concquis en bataille, à la Terre Saincte de Hiérusalem, par prouesse
d’armes à l’encontre des infydèles, par fu noble prince de bonne mémoire, le très-hault, très-puissant et trèsexcellent
prince Phelippe de Helsasse, conte de Flandres, &c, fut d’or au lyon de sable, lampassé et armé de
gueulle; laquelle armes concquis, ledict conte, ces successeurs contes et contesses de Flandres ont porté et
portent jusques à présent, Iesquelz oent eu pour leur crye aulx batailles: Flandres le noble au lyon! et leur
tymbre-est coroné à la roeyale d’or, au demy-lyon rampant de sable, lampassé et armé de gueulle, enctre deux
ales d’or, les waeyelles de sable et d’or.
Icy après s'ensuivent les douze pers de Flandres, du temps passé
3. Le conte de BOULLOlNGNE, d’or, au gonfanon de gueulle.et crye à la bataille: Nostre Dame Boulloingne!
4. Le conte d’ARRAES portoit de gueulle, au lyon d’or, lampassé et armé d’asur, et crye à la bataille, son nom:
Arraes!
5. Le conte d’ALOST d’argent, à l’espée en pal, la poinct en hault, tout de gueulle, et crye: Helpt Godt!
6. Le conte du NEUFCHASTEL de GANDT, à présent appellé HAUWERBOURG, portoit de sable, au lyon rampant
d’argent, lampassé et armé de gueulle.
7. Le prince du BOURG de BRUGES portoit fesses d’argent et de gueulle de huict pièces, et crye: Bruges!
8. Le conte de TEROUANE portoit essequeté d’argent et de gueulle de six large.
9. Le conte d’AYRE portoit les anchienes armes gironnés de Flandres, à ung chevalier, armé de toutte pièces, à
chevael et l’espé levé en hault, pour batre, tout d’argent audict escuson de gueulle, le chevael garnye d’asuer,
orné et boutonné d’or, et crye: Flandres!
10. Le conte de SAINCT-POL, d’argent, au lyon rampant de sable, coroné, lampassé et armé de gueulle, et crye:
Sainct Pol l’ardy, l’ardy!
11. Le conte de HESDYN, de gueulle, à la poerte à troes tourrettes d’argent, couvert, et crye: Guarde d’aprosser
la fortresse de Madame!
12. Le conte de GUYSNES porte varyé d’asur et d’or, et crye: Berne! Berne!
13. Le conte d’ARQUE porte d’argent, à deux fesses bretesqué et contre-bretesqué de gueulle, et crye: Sainct
Bertyn! Sainct Bertyn!
14. Le conte de HOYE, d’or, à quatre fesses de gueulle, et crye: Totter crone!
S'ensuivent les villes fremez, en ladicte conté de Flandres
15. GANDT portoit de sable, à ung gantelet en pal d’argent; mais après il ont porté de sable, au lyon d’argent,
coroné, collané à ung crois, pendant sur le pantryne du lyon, lampassé et armé, tout d’or.
16. BRUGES, fesses d’argent et de gueulle de huict pièces, au lyon d’asur. coroné, collané au crois pendant sur le
pantryne du lyon, lampassé et armé, tout d’or, sur le tout.
17. YPRES, de gueulle, à la croes varye, au chief d’argent, au double crois de gueulle, poinct arivant.