A Shared Path to Success - New York City Department of Education ...

Espere
siksè
Yon Gid Fanmi pou prepare elèv pou
kolèj ak karyè
High School
Klas 9yèm-12yèm ane

1
2
3
6
7
9
10
11
12
18
19
20
Kontni
Lèt Chanselye Walcott voye
Elve nivo edikasyon
Siksè nan salklas
• Nòm Aprantisaj debaz Inivèsèl Common Core Learning Standards (CCLS)
• Konpòtman akademik ak konpòtman pèsonèl
Yon wout pou siskè ki pataje
Kritè kou yo pou gradyasyon ak preparasyon pou kolèj
Rete enfòme
Zouti w ap bezwen
Planifikasyon pou lavni
Plis atansyon sou aplikasyon nan kolèj
• Lis sa pou konnen nan preparasyon pou kolèj
• Egzamen yo egzije pou kolèj
• Kalkile lajan sa ap koute
Li pa janm twò ta pou gradye
Konnen Dwa ou
Kalandriye
Aplikasyon pou Kat Bibliyotèk

Byenveni
Chè Paran,
Nan non plizyè milye pwofesè ak pwofesyonèl Depatman Edikasyon Department of Education
(DOE) ki devwe pou sèvi timoun lekòl nan Vil Nouyòk, mwen kontan anpil pou ane lekòl 2012-13
la. Prepare pitit ou a pou yon bon lavni se premye priyorite nou epi n ap pwogrese pi vit lè nou
travay ansanm. Gid sa dekri opòtinite pou w patisipe nan edikasyon pitit ou a depi byen bonè jiska
lekòl segondè.
Gwo espwa ak sipò enpòtan anpil pou siskè elèv nou yo. Pou yo ka prepare pou kou solid kolèj
yo ak djòb ki egzijan yo, tout elèv nou yo dwe montre kapasite pou ekri, fè analiz kritik, rezoud
pwoblèm, ak kreye. Travay nou avèk Common Core Learning Standards (CCLS) pral pèmèt elèv nou
yo atenn nivo ki pi elve sa a.
Nou konnen paran ak fanmi ki patisipe fè plis lekòl gen siksè ak meyè rezilta pou elèv. Mwen
ankouraje w itilize gid sa a pou w ka vin pi byen aktif nan edikasyon pitit ou. Gen plizyè fason pou
w patisipe: Ou ka rankontre avèk pwofesè pitit ou a, ou ka fè volontè nan lekòl pitit ou a, ou ka
enskri pou ARIS Parent Link, epi ou ka ale sou entènèt nan schools.nyc.gov.
Ou se pi gwo enfliyans ak pi gwo defansè ki pi pisan pou pitit ou a. Ann travay ansanm pou asire
elèv nou yo gen kapasite ki nesesè pou yo gradye nan lekòl leta Vil Nouyòk ak pou prepare pou
satisfè demann kolèj ak karyè.
Dennis M. Walcott
Chanselye

Elve nivo edikasyon
Pandan 10 ane pase yo, nan travay di elèv, pwofesè, lidè lekòl, estaf k
ap bay sipò, paran ak kominote nou yo, nou fè anpil pwogrè nan yon
sistèm bon lekòl.
Plis Opsyon lekòl
Gen prèske 600 nouvo lekòl ki ouvri depi 2002, k ap ofri
fanmi plis chwa sou kote yo ka voye pitit yo.
Lidè lekòl ak pwofesè ki gen talan
Lidè ak pwofesè ki gen talan nou yo te jwenn plis
opòtinite pou aprann kòman pou yo amelyore pi byen
enstriksyon yo ak sipòte elèv yo nan yon nivo ki pi wo.
2
Lekòl nou yo angaje pou fè
elèv yo fè efò pou yo fè travay ki
pi difisil ak pou sipòte tout elèv
tankou sa yo ki gen andikap ak
elèv k ap aprann lang anglè
English Language Learners(ELL),
pou yo atenn nòm elve.
Lajan yo mete pou salklas
Yo mete plizyè milyon dola nan bidjè lekòl yo. Sa vin bay
moun k ap travay pi pre ak elèv yo plis pouvwa pou pran
desizyon sou depans ki gen yon efè sou rezilta elèv yo.
Kòm rezilta, elèv ak lekòl pi byen prepare pou reyisi.
Se yon bon kòmansman, men nou kapab epi nou pral
reyalize plis. Yo dwe mande elèv nou yo pou yo fè travay
solid yo bezwen pou reyisi nan kolèj, nan karyè ak nan
lavi. Nòm ki pi elve nesesè pou prepare plis elèv ak
kapasite yo bezwen pou reyisi apre lekòl segondè. Lekòl
nou yo angaje pou fè elèv yo fè efò pou yo fè travay
ki pi difisil ak pou sipòte tout elèv tankou sa yo ki gen
andikap ak elèv k ap aprann lang anglè English Language
Learners (ELL), pou yo atenn nòm elve. Epi, pou fè sèten
tout elèv reyisi, nou pran angajman pou bay lekòl yo gwo
kalite sipò. Men nou pa ka fè sa san oumenm—fanmi se
asosye ki enpòtan nan preparasyon tout elèv pou yon pi
bon lavni.
Lè nou travay ansanm, nou
ka atann pi gwo siksè pou
tout 1.1 milyon elèv nou yo.

Siksè nan salklas
Pou diplome lekòl leta Vil Nouyòk yo reyisi apre lekòl segondè, yo dwe fè
yo travay nan nouvo mwayen onivo akademik epi resevwa sipò konsistan
lakay ak nan salklas pou devlope lòt kapasite ak konpòtman ki valab.
Preparasyon sa a kòmanse nan prematènèl epi li kontinye nan lekòl
presegondè ak segondè.
Nòm Aprantisaj debaz Inivèsèl
Pou elèv nou yo reyisi nan mache travay jounen jodi a, yo bezwen
aprann panse yon fason kreyatif, rezoud pwoblèm, prezante bon jan
agiman ak angaje nan deba.
Common Core Standards (CCS) yo dekri sa pitit ou a bezwen aprann ak
konnen nan chak nivo klas—apati prematènèl—pou gradye nan lekòl
segondè tou prepare pou kolèj ak karyè.
Vil Nouyòk se yonn nan lidè nasyonal nan aplikasyon Common Core
Standards (CCS) yo. Pandan ane lekòl 2012-13 la:
• Pwofesè ak lidè lekòl pral ekspoze elèv yo nan plis eksperyans aprantisaj ki gen rapò avèk
Common Core Standards (CCS).
• Elèv yo pral konsantre sou travay solid pou akselere aprantisaj yo, apwofondi konpreyansyon yo nan konsèp epi
ranfòse kapasite yo pou prezante agiman alekri ak aloral.
Konpozisyon anglè
English Language Arts(ELA)
Ansanm avèk travay fiksyon tankou woman ak istwa
kout, elèv yo pral li plis tèks reyèl tankou nouvo atik, rapò
sou rechèch ak dokiman istorik. Y ap gen pou devlope ak
defan agiman yo lè yo analize anpwofondè sa yo li. Tip
travay ekri sa yo pral prepare yo pou eksprime ide yo byen
klè ak konvenkan.
Matematik
Elèv yo pral konsantre sou konpreyansyon konsèp plis
anpwofondè epi fè koneksyon ant sijè olye pou prese bay
yon repons anpatikilye. Y ap gen pou eksplike kòman yo te
rive nan konklizyon yo epi reponn agiman ki kontrè yo. Elèv
yo ap travay tou pou yo kapab rezoud pwoblèm debaz avèk
presizyon ak rapidite yon fason rezonab- ale pi lwen pase
kalkil debaz yo ak konprann ide matematik ki pi gran an.
3

Syans sosyal ak Syans
Nan kou syans sosyal yo, elèv yo pral etidye istwa,
jewografi, ekonomi, gouvènman ak sivik epi aprann
kòman sivilizasyon, moun ak evènman fòme moun lan
onivo endividyèl ak kolektif. Leson sa yo ap ede elèv bay
mond kote y ap viv la sans epi y ap ba yo konesans ak
kapasite yo bezwen pou yo vin aktif ak enfòme onivo
lokal, nasyonal ak modyal.
Nan kou syans sosyal, elèv yo ap entèaji dirèkteman avèk
mond natirèl la epi y ap etidye mond ki antoure yo atravè
metòd aprantisaj ki baze sou pratik ak rechèch. Lekòl
segondè yo ofri kat diferan kou syans Regents: Living
Environment, Earth Science, Chimi ak Fizik. Yo tout gen
travay laboratwa ladan yo.
4
Kolèj yo konsidere mwayèn
jeneral grade point averages
(GPA) elèv, oswa mwayèn nòt
elèv fè nan kou yo, lè y ap
pran desizyon sou admisyon.
Ankouraje pitit ou a kenbe yon
mwayèn ki se omwen 80.
Arts
Elèv yo ka patisipe nan art vizyèl, mizik, dans ak/oswa
teyat. Anplis bati kapasite ak aprantisaj pou eksprime tèt
yo nan kreye ak fè pwòp travay art yo, elèv yo ka:
• enfòme sou materyèl, vokabilè ak konsèp chak fòm
art;
• konekte etid yo ak faktè istorik, kiltirèl, ekonomik ak
llòt faktè ki enfliyanse art;
• vin okouran karyè nan art;
• eksplore divès resous art lè yo patisipe nan
ekspozisyon ak pèfòmans nan mize, nan teyat, ak nan
lòt kote nan kominote a.
Byennèt fizik ak Sante
Nan tout klas, elèv yo ta dwe resevwa kou edikasyon
fizik chak ane epi angaje nan divès opòtinite pou yo vin
aktif onivo fizik, pou aprann fason pou yo pran desizyon
pou sante yo, devlope yon fason pou viv an sante, epi fè
eksperyans divès kalite aktivite fizik. Tout elèv ta dwe
resevwa tou leson sou HIV/AIDS. Klas lekòl presegondè
yo resevwa tou yon semès edikasyon sante chak jou
tankou edikasyon sante seksyèl. Elèv yo enfòme sou sante
pèsonèl yo ak byennèt yo, kòman pou pran bòn abitid
sante ak kòman pou evite konpòtman ki riske ak presyon
kamarad.
Fòmasyon pwofesyonèl ak teknik
Career and Technical Education (CTE)
Lèkòl CTE yo entegre etid akademik solid avèk kapasite
ki gen rapò avèk travay nan karyè byen presi. Elèv k ap
patisipe nan pwogram sa yo resevwa enstriksyon nan
yon domèn ki gen rapò avèk endistri tankou computer
graphics, syans veterinè, jesyon restoran, chapantri oswa
syans enfimyè. Y ap kapab gradye nan lekòl segondè
avèk kapasite byen presi nan endistri epi y ap rantre nan
inivèsite, nan trening endistri avanse ak/oswa rantre nan
mache travay la.

Konpòtman akademik ak
pèsonèl
Prepare elèv pou yo reyisi nan kolèj ak nan karyè ale pi
lwen pase liv yo. Pitit ou a dwe tou metrize lòt teknik
ak konpòtman ki ka fè yo gen siksè nan kolèj ak nan
travay. Yo ka gen konpòtman sa yo lakay ak nan lekòl epi
yo ka pratike yo ak ranfòse yo depi lè yo piti rive nan jèn
adolesans. Men kijan:
Pèsistans
Elèv yo rete konsantre sou fè pwogrè pi devan menm lè yo
rankontre pwoblèm sou wout yo. Ankouraje pitit ou a gen
yon mantalite pozitif ak rete angaje nan objektif alontèm
li menm lè li rankontre difikilte. Ou ka travay sou kapasite
sa a lakay lè w sipòte pitit ou a lè li gen pwoblèm avèk yon
travay difisil; pouse l pou l kontinye eseye ak pou l toujou
bay sa li kapab.
Angajman
Elèv yo santi yon koneksyon avèk lekòl yo, yo patisipe nan
aktivite lekòl la epi yo gen bon relasyon avèk pwofesè yo
ak kamarad yo. Ankouraje pitit ou a pou l patisipe nan
aktivite debaz ki pa nan kourilòm lan epi patisipe nan sa
ka p fèt nan lekòl la.
Abitid travay/Kapasite pou òganize
Elèv yo travay byen poukont yo, yo ka jere tan yo byen
epi yo ka verifye travay yo pou wè si li byen fèt. Ou ka ede
pitit ou a devlope kapsite sa yo lè w ankouraje l kòmanse
devwa yo depi yo fin bay yo ak lè w ede l kenbe agenda
lekòl la pwòp ak byen òganize. Agenda pitit ou a ta dwe
gen seksyon apa pou chak matyè epi byen òganize dapre
dat.
Ladrès kominikasyon/ kolaborasyon
Elèv yo travay byen ansanm, yo eksprime ide yo avèk
efikasite epi yo mande èd lè yo bezwen. Pou ede pitit ou
a ranfòse kapasite sa yo, travay ansanm avèk li pou kreye
yon anyè telefòn kondisip li ka kontakte yo lè li gen yon
kesyon sou yon devwa.
Regleman otomatik
Elèv yo reyaji sou pwoblèm olye pou yo evite yo, yo
konpòte yo byen epi yo ka reflechi sou pwòp konduit
yo. Ou ka montre regleman otomatik pou pitit ou a lè w
montre l ou koute sa moun gen pou di avan yo di sa w vle
yo di epi konsidere tout pati yon pwoblèm lè w ap eseye
jwenn yon solisyon.
Respè pou tout moun
N ap jwe wòl pa nou pou asire tout lekòl nou yo ofri
anviwònman aprantisaj ki sennesof ak favorab pou tout
elèv. Pa gen plas nan lekòl nou yo pou entimidasyon,
arasman vèbal, vyolans fizik, sitou lè se prejije, patipri,
oswa panik poutèt diferans. Règleman sa a anvigè
avan, pandan ak aprelekòl, lè elèv sou pwopriyete lekòl
la, lè yo nan yon machin DOE peye, nan tout pwogram
lekòl patwone, ak andeyò lekòl la lè yo ka pwouve ke
konpòtman sa yo twouble pwosesis edikasyon an lè yo
afekte kominote lekòl la yon fason negatif. Yon elèv ki
kwè li se yon viktim entimidasyon, sipoze rapòte ensidan
an touswit aloral oswa alekri ba nenpòt manm estaf. Y
ap envestige tout rapò konsènan menas, arasman oswa
entimidasyon. Konseye pedagojik lekòl la disponib pou
ofri sèvis konsèy. Pou konnen plis, ale sou,
schools.nyc.gov/RulesPolicies/RespectforAll.
Prezans
Vin lekòl chak jou se premye etap nan siksè. Yon elèv
ki rate de jou lekòl sèlman pa mwa pral rate yon mwa
ansèyman antye nan fen ane a. Prezans nan lekòl se yon
priyorite, depi nan prematènèl rive nan lekòl segondè.
Elèv ki absan lekòl gen tandans fè pi piti nòt epi sa limite
chwa yo nan lekòl presegondè oswa segondè. Si se
obligasyon nan fanmi, pwoblèm maladi tankou azma
oswa lòt pwoblèm ki fè li difisil pou pitit ou a vin lekòl,
pale avèk pwofesè pitit ou a oswa konseye pedagojik la.
Pou jwenn plis enfòmasyon, ale sou
nyc.gov/EveryStudent.
5

6
Yon wout pou siskè ki pataje
A Shared Path to Success
Tout elèv ta dwe gen aksè nan bon kalite edikasyon solid ki pral
prepare yo pou atenn pi gwo kapasite yo, tankou kolèj, karyè ak
vi otonòm.
Pwomès egalite nou an vle di asire tout elèv—tankou
sa yo k ap aprann anglè ak sa ki bezwen sèvis
edikasyon espesyal—gen menm opòtinite pou
prepare yo pou yo gen siksè. Pou ane lekòl 2012-13 la,
nou kòmanse yon A Shared Path to Success, yon pwojè
ki gen plizyè faz pou kenbe tout elèv ki gen andikap
nan nivo nòm elve pou yo ka gradye nan lekòl segondè
byen prepare pou kolèj, karyè ak lavi otonòm.
Apati otòn 2012, elèv ki gen andikap k ap rantre
nan matènèl, 6yèm ane oswa 9yèm ane kapab
ale nan menm lekòl yo ta ka ale si yo pa t gen yon
Plan edikasyon endividyèl Individualized Education
Programs (IEPs), kit se yon lekòl ki nan sektè li abite
zoned school kit se yon lekòl espesyalizasyon school of
choice. Nou bay tout elèv ki gen IEP pi gwo aksè posib
nan kourikoulòm edikasyon jeneral la epi nou anseye
yo nan anviwònman ki gen mwens restriksyon posib la.
Sa vle di lè sa apwopriye onivo akademik ak otan posib,
nou anseye elèv ki gen andikap yo nan menm salklas
avèk elèv ki pa gen andikap yo.
Rechèch montre plis yo edike tout timoun yo ansanm
,gen plis chans pou elèv ki gen andikap yo gradye tou
prepare pou kolèj ak karyè. Elèv edikasyon jeneral
yo benefisye tou. Etid onivo nasyonal montre tout
elèv benefisye onivo sosyal ak akademik lè yo aprann
ansanm avèk kamarad yo ki gen divès kapasite.
Pou plis enfòmasyon sou edikasyon espesyal nan
lekòl nou yo, pale avèk direktè lekòl ou a, koòdonatè
paran an oswa ale nan schools.nyc.gov/
Academics/SpecialEducation.
Nou pran angajman pou bay tout elèv, tankou ELL aksè
nan yon edikasyon ekselan. Gen yon kantite lekòl nou
yo ki ofri pwogram bileng ki ankouraje elèv ELL itilize
lang natifnatal yo nan salklas la pandan y ap aprann
anglè. Rechèch montre metòd sa a ka ede elèv aprann
ni kontni akademik ni lang anglè pi vit. Ou ka ede pitit
ou a tou lakay lè w li ak pale avèk li nan lang natif
natal li. Pale avèk lekòl pitit ou a sou chwa pwogram
edikasyon bileng ki disponib yo.
11

Kritè kou yo pou gradyasyon ak
preparasyon pou kolèj
Konprann egzakteman sa sa mande pou pran yon diplòm lekòl
segondè enpòtan anpil pou ede pitit ou a reyalize rèv sa a. Nan Eta
Nouyòk, pran yon diplòm lekòl segondè mande pou pase egzamen
Regents yo anplis akimile 44 kredi pou kou yo. Lè w suiv dosye
akademik pitit ou a, sa pral ede l rete sou wout pou gradyasyon.
Kritè egzamen
Pou gradye avèk yon Diplòm Regents, pitit ou a dwe fè
nòt 65 oswa plis nan senk egzamen Regents sa yo:
1. Egzamen konpozisyon anglè
2. Matematik
(nenpòt egzamen Matematik Regents)
3. Istwa jeneral ak Jewografi
4. Istwa Etazini ak Gouvènman Etazini
5. Syans (nenpòt egzamen Syans Regents)
Pou gradye avèk yon diplòm Regents Avanse Advanced
Regents Diploma, pitit ou a dwe fè nòt 65 pou pi piti nan
egzamen Regents ki site pi wo a, plis nòt 65 pou pi piti nan
egzamen sa yo:
1. Aljèb entegre, Jewometri AK Aljèb 2/Trigonometri
2. Living Environment AK Chimi, Earth Science oswa Fizik
3. Lòt lang ki pa anglè Languages Other Than English
(LOTE)
Si pitit ou a panse ale nan yon Inivèsite Vil
Nouyòk City University of New York (CUNY) apre
gradyasyon, l ap bezwen fè kèk nòt ki montre li pre epi evite pran kou
ratrapaj. Kou ratrapaj yo anseye teknik debaz pou elèv ki pa pre pou fè travay kolèj
epi yo egzije yo pou elèv ki pa fè gwo nòt ase nan egzamen rantre kolèj yo. Elèv k ap
pran kou ratrapaj pa gen kredi pou kou yo. Fè nòt ki plis pase minimòm sa yo mande
pou pase egzamen Regents yo se yon mwayen pou pitit ou a montre li pre pou fè
travay nivo kolèj yo. Elèv k ap rantre nan CUNY pou otòn 2012, dwe fè omwen nòt
75 nan egzamen Comprehensive English Regents lan ak omwen 80 nan yonn nan
egzamen matematik Regents y ap bay yo. Elèv ki
pa fè nòt minimòm yo ka montre tou yo pre pou
CUNY avèk nòt yo fè nan lòt egzamen tankou SAT,
ACT, oswa egzamen konpetans CUNY an. Gade
cuny.edu/academics/ testing/cunyassessment-tests/faqs.html
pou plis enfòmasyon
sou kondisyon CUNY .
7

Kritè pou kredi
Diplòm Regents
Kantite kredi minimòm
Anglè 8
Syans sosyal 8
Istwa Jeneral 4
Istwa Etazini 2
Ekonomi 1
Patisipasyon nan Gouvènman 1
Syans(paegzanp laboratwa) 6
Life Science 2
Syans fizik 2
Life Science oswa syans fizik 2
Matematik 6
Diplòm Regents Avanse
Lòt lang ki pa anglè Languages Other Than English (LOTE) 2 6
Art vizyèl, Mizik, Dans, ak/oswa Teyat 2
Edikasyon fizik ak Edikasyon sante 5
Edikasyon fizik 4
Edikasyon sante 1
Kou ochwa 7 3
Total: 44 44
Chema kou yo
Objektif nou se pou pitit ou a fini lekòl segondè avèk yon
diplòm ak kapasite ak konesans li bezwen pou pran kou solid
nan kolèj ak pou satisfè djòb ki egzijan yo. Ankouraje pitit ou a
pou li ale pi lwen pase kondisyon gradyasyon yo epi pou l pran
yon seri kou ki pi solid. Travay avèk lekòl pitit ou a pou chwazi
kou ki apwopriye pou li.
Kou avanse
• Kou avanse Advanced Placement (AP)
• Kou pou kredi kolèj tankou College Now oswa CUNY Early
College
• Kou Bakaloreya entènasyonal International Baccalaureate (IB)
• Kou pou preparasyon kolèj NYCDOE-apwouve
8
Syans ak Matematik pou tout kat
ane yo
• Syans: Ankouraje pitit ou a pou l akimile 8 kredi, oswa
kat ane syans nivo Regents(yo egzije sèlman 6 kredi pou
gradyasyon), lè w ajoute yon kou anplis nan seri sa a: Living
Environment, Chimi, Fizik Earth Science oswa Syans AP
• Matematik: Ankouraje pitit ou a pou l akimile 8 kredi, oswa
kat ane Matematik nivo Regents(yo egzije sèlman 6 kredi pou
gradyasyon), lè w ajoute yon kou anplis nan seri sa a: Aljèb
entegre, Jewometri ak Aljèb 2/Trigonometri oswa yon nivo ki
pi elve
Pou jwenn yon eksplikasyon konplè sou kondisyon gradyasyon
yo ak andòsman diplòm yo, ale nan schools.nyc.gov/
RulesPolicies/GraduationRequirements.

Rete enfòme
Rete enfòme sou pèfòmans akademik ak konpòtman pitit ou a
nan lekòl ak lakay enpòtan anpil pou asire li devlope kapasite l ap
bezwen pou l gen sikè nan kolèj ak nan karyè.
Pi bon fason pou w toujou rete okouran edikasyon pitit ou se patisipe nan aktivite y ap fè nan lekòl pitit ou ye
a : tcheke regilyèman avèk pwofesè pitit ou a, ale nan reyinyon paran-pwofesè, ofri sèvis ou kòm volontè nan
pwogram y ap fè nan lekòl la oswa antre nan asosyasyon paran parent association (PA) a. Men kèk kesyon ou ka
byen renmen poze pwofesè pitit ou a pandan konferans yo ak pandan ane a.
Mande kisa pitit ou a ap aprann nan lekòl la ak kòman ou ka ede l lakay ou.
1.Kisa yo atann pou pitit mwen an aprann, konnen ak fè nan nivo klas sa a? Kòman y ap evalye l?
2. Kòm yo itilize Common Core Learning Standards(CCLS) yo nan salklas pitit mwen an? Èske w ka eksplike kòman
travay nan klas pitit mwen an prepare l pou l ka gen siksè nan kolèj ak karyè?
3. Ki kalite travay pitit mwen an ta dwe fè lakay pou kore sa k ap fèt nan salklas la?
4. Nan kisa pitit mwen an travay byen? Nan kisa pitit mwen an gen difikilte?
5. Kisa mwen ka fè pou m prepare pitit mwen an pou ane lekòl k ap vini an?
Mande enfòmasyon sou konduit pitit ou. Yon mantalite pozitif ak konfyans
nan tèt li enpòtan tou pou rete sou chemen siksè.
1.Èske pitit mwen an respekte angajman li pran nan lekòl la? Èske li toujou vin lekòl?
2. Èske pitit mwen fikse bon jan objektif epi lite pou reyalize yo?
3. Èske pitit mwen fini travay yo menm lè li rankontre difikilte?
4. Èske pitit mwen konnen pwen fò pèsonèl li?
5. Èske pitit mwen an konnen sipò ki disponib pou li?
6. Èske pitit mwen kapab defann tèt li?
Si w gen yon kesyon sou yon pwoblèm ki pa akademik, ou sipoze rele lekòl pitit ou ye a, epi mande pale avèk
koòdonatè paran an.
Enfòme ak patisipe Paran ak fanmi se patnè esansyèl nan preparasyon
elèv nou yo pou yon pi bon lavni—ou se moun ki enfliyanse pitit ou a plis ak pi
gwo defansè l. Nou atann pou chak elèv gradye nan lekòl nou yo pre pou pran kou
solid kolèj ak pou satisfè djòb ki egzijan yo. Men sa ka rive sèlman lè nou tout travay
ansanm. Patisipasyon fanmi se yon eleman enpòtan pou siksè elèv nan lekòl ak apre
gradyasyon.

Zouti w ap bezwen
Nou kreye plizyè zouti sou entènèt pou ba w kapasite pou suiv pwogrè
akademik pitit ou a ak pou konnen sa k ap pase nan lekòl li a. Ouvri
sesyon an epi dekouvri sa w bezwen pou rete enfòme.
Link ARIS pou Paran Pou enfòmasyon pèsonèl
ki fèk parèt sou pwogrè akademik pitit ou a— tankou
prezans ak nòt egzamen—ouvri sesyon nan ARIS Parent
Link nan ARISParentLink.org. W ap bezwen nimewo
OSIS ID pitit ou a ak yon modpass password. Kontakte
koòdonatè paran lekòl ou a pou jwenn yon password
tanporè avan w ouvri sesyon an pou premye fwa.
Sit wèb DOE Ale sou sit wèb DOE nan schools.
nyc.gov pou enfòmasyon ak anons ki fèk parèt sou
lekòl vil la.
Avètisman pa imèl Ou ka resevwa tou
avètismanregilye pa imèl sou nouvèl, sou pwosesis
enskripsyon, chanjman orè ki gen rapò avèk klima ak lòt
bagay ankò lè w anwole nan schools.nyc.gov/
Subscribe.
Rechèch lekòl School Search Ale sou sit
wèb DOE a nan schools.nyc.gov. Pou enfòmasyon
sou lekòl pitit ou a, tape non lekòl la nan seksyon ki
rele“School Search” la.
311 Si w gen lòt kesyon osijè lekòl, rele 311, kote w ap
jwenn yon operatè ki swiv trening pou sa k ap ede w.
10
Kenbe yon kopi nimewo OSIS ID pitit
ou sou lamen. W ap bezwenl pou
konfime idantite w lè w rele lekòl la
pou jwenn enfòmasyon.
TÈKS Voye yon tèks ak mo “nycschools” nan
877-877 pou w resevwa enfòmasyon ki fèk parèt.
Ale nan schools.nyc.gov/ParentsFamilies.
Nou kreye tou gid konplè pou ede w navige nan opsyon
kolèj ak karyè pou pitit ou a.
Like us sou Facebook nan Facebook.com/
NYCSchools epi suiv nou sou
@NYCSchools.
• Manyèl sou preparasyon kolèj College Planning Handbook
tinyurl.com/9xwukvv
• Yon gid paran pou planifye siksè: Sipò pou tranzisyon
elèv ki sòti lekòl segondè pou ale nan kolèj ak karyè
tinyurl.com/8mte9mh
Aksè nan Entènèt
Gid sa a voye w nan plizyè sit
wèb pou jwenn enfòmasyon sou
edikasyon pitit ou a. Si w pa gen
entènèt lakay ou, ou ka itilize
entènèt gratis nan yon bibliyotèk
piblik. Gen anpil lekòl tou ki
pèmèt paran itilize konpitè yo
pou chèche enfòmasyon sou
lekòl; kontakte koòdonatè paran
lekòl pitit ou a pou jwenn plis
ransèyman. Epi sonje ou ka rele
tou 311 tout tan.

Planifikasyon pou lavni
Anplis fè gwo nòt, preparasyon pou kolèj gen ladan sa ki enterese pitit ou
a ak objektif li, konpreyansyon diferan chemen li ka pran, ak ede l rantre
nan pwogram ak lekòl ki koresponn avèk sa li vle aprann.
Eksplorasyon Kolèj ak karyè
Eksplore yo bonè. Pale avèk pitit ou a sou opsyon apre
gradyasyon epi travay avèk pitit ou a pou fikse objektif ak
travay pou reyalize yo. Vizite kolèj yo. Etap sa yo ap ede
w konnen egzakteman kisa ou bezwen pou w rantre nan
kolèj ak pou jwenn karyè ki bon pou ou a.
Resous sou entènèt:
• New York State Higher Education Services Corporation
hesc.ny.gov/content.nsf/SFC/College_
and_Career_Planning
• Career Zone nycareerzone.org
• Big Future by the College Board bigfuture.
collegeboard.org/college-search
• First in the Family firstinthefamily.org
Bay patisipasyon w
Ede pitit ou a jwenn èd li bezwen pou l ranpli aplikasyon
yo ak lòt sa ki obligatwa pou yo aksepte l nan kolèj ak nan
pwogram pou karyè yo. Travay avèk yon konseye, oswa
yon pwofesè nan lekòl pitit ou a pou fè yon plan pou fè
rechèch, pou prepare ak soumèt aplikasyon alè.
Ou bezwen Lajan
Li pa janm twò ta—ni twò bonè—pou kòmanse sere
lajan pou kolèj ak pou lavi apre lekòl segondè. Pandan
pwoblèm lajan pa ta dwe limite opsyon pou lavni pitit
ou a, li enpòtan pou w konprann konbyen kolèj koute ak
kòman pou w peye l. Eta Nouyòk ofri opsyon epay 529 ke
yo rele Plan dirèk Direct Plan, ki ka ede fanmi sere lajan
pou kolèj. Se yon kont envestisman kote ou mete lajan
akote pou peye depans edikasyon siperyè tankou, kou, kèk
chanm ak pansyon, liv ak frè. Plan 529 Eta a ofri benefis ki
pa genyen nan lòt tip kont epay yo. Pou plis enfòmasyon,
tcheke sit wèb New York State 529 la nan nysaves.
com.
Èd federal ak èd eta a pral ede w peye pri kolèj, men anpil
lajan avan w rantre nan kolèj se responsablite fanmi an,
tankou lajan aplikasyon, frè pou egzamen ofisyèl, vizite
kolèj ak kou anplis pou prepare pou egzamen ofisyèl. Pou
plis enfòmasyon sou kalkil lajan ak èd finansye, gade paj
16 gid sa a.
Pwofite vakans ete a
Mwa ete yo se yon okazyon pou chèche opòtinite pou
aprann andeyò lekòl, tankou djòb ak estaj pandan ete.
Vil Nouyòk ofri divès eksperyans ki pral ede pitit ou a
dekouvri nouvo domèn enterè ak karyè. Ale sou
nyc.gov/html/dycd pou konnen kote ki gen kan
konpitè, pwogram syans, pwogram performing arts oswa
lòt opòtinite ki mache avèk enterè pitit ou a. Gen plizyè
pwogram ki gratis ak lòt ki bay bousdetid.
11

Plis atansyon sou aplikasyon nan kolèj
Anplis yon dosye akademik solid ak diplòm lekòl segondè, oumenm ak
pitit ou a ap bezwen fè lòt bagay pou yo aksepte pitit ou a nan kolèj ak
pou l gen siksè.
Delè ki rekòmande
Klas 9yèm ane
Klas 9èm-12yèm ane
Klas 9èm-12yèm ane
Klas 9èm-12yèm ane
Klas 9èm-12yèm ane
12
Lis sa pou konnen nan
preparasyon pou kolèj
Eksplorasyon Kolèj ak karyè
Responsablite
Konprann nòt Regents ak kritè kredi yo pou gradyasyon nan lekòl segondè
ansanm ak kou anplis pitit ou a ka bezwen pran pou l pre pou kolèj.
Travay avèk pitit ou a pou fè yon lis karyè posib. Itilize zouti tankou NYC Career
Zone pou w wè si sa ki enterese pitit ou a mache avèk espesyalizasyon l ak wout
karyè l.
Idantifye twa opsyon karyè epi dekouvri ki edikasyon anplis yo egzije. Mete lis la
ajou pandan enterè ak eksperyans pitit ou a ap chanje.
Kòmanse fè rechèch sou kolèj. Konprann diferan tip kolèj ki genyen(dezan ak
katran)ak kolèj ki bay diplòm. Kreye yon premye lis ki gen twa kolèj pitit ou a
renmen ak kondisyon admisyon yo (paegzanp nòt SAT ak GPA). Chak ane, mete
lis la ajou pandan enterè karyè, eksperyans ak pwogrè pitit ou a chanje.
Fè omwen yon vizit kolèj.

Egzamen yo egzije pou kolèj
Pitit ou a ka byen bezwen pran omwen yon egzamen
admisyon nan kolèj tankou SAT oswa ACT pou l ka rantre
nan kolèj. Kolèj yo itilize souvan nòt pitit ou a fè nan
egzamen ofisyèl, egzamen nasyonal yo pou jije kòman li ka
pèfòme nan kolèj. Sepandan, pitit ou a ka toujou bezwen
pran egzamen plasman apre yo fin aksepte l nan kolèj.
PSAT (Preliminary Scholastic
Assessment Test): Elèv 10yèm ak 11yèm ane
pran egzamen sa a, ki la pou mezire kapasite panse kritik,
kapasite pou rezoud pwoblèm matematik ak kapasite pou
fè disètasyon. Yo ka pran l de fwa, epi li gratis pandan
jounen lekòl la pou tout elèv lekòl leta NYC. Nòt pitit ou
a ka yon faktè nan fason li pral pran egzamen SAT I an
epi li ta ka kalifye l pou l jwenn posiblite bousdetid. Se
College Board ki bay egzamen sa a. Pou plis enfòmasyon
sou egzamen sa a ale nan collegeboard.com/
student/testing/psat/about.
SAT I (Scholastic Assessment Test I
Reasoning Test): Egzamen avèk kesyon chwa
miltip sa ki gen yon redaksyon an fèt sou 2400 pwen
epi li fèt pou mezire kapasite pou li, fè matematik ak
redaksyon. Jeneralman se elèv 11yèm ak/oswa 12yèm ane
ki pran l epi yo ta dwe pran l omwen de fwa. Jeneralman,
kolèj yo ap konsidere pi gwo nòt pitit ou a fè a lè y ap
pran desizyon yo. Gen anilasyon frè ak akomodasyon pou
andikape ki disponib, si w bezwen. Se College Board ki bay
egzamen sa a. Pou plis enfòmasyon osijè egzamen sa a,
ale nan sat.collegeboard.org/home.
SAT II Subject Tests (Scholastic
Assessment Test II Subject Test):
Egzamen sa yo ki fèt pou mezire konesans timoun lan
nan yon matyè byen presi, se kèk gwo kolèj ki egzije yo.
Pitit ou ta sipoze pran egzamen sa yo imedyatman apre
yo fini kou a nan lekòl segondè. Gen eksepsyon pou frè ak
akomodasyon pou andikape ki disponib, si w bezwen. Se
College Board ki bay egzamen sa yo. Pou plis enfòmasyon
osijè egzamen sa yo, ale nan sat.collegeboard.
org/home.
ACT (American College Testing
Assessment): Yo ofri ACT avèk ou san redaksyon
kòm yon lòt opsyon pou SAT I Reasoning Test. Mayè
yo se Anglè, Matematik, Lekti, Syans, ak Redaksyon,
epi nòt maksimòm lan se 36. Gen eksepsyon pou frè ak
akomodasyon pou andikape ki disponib, si w bezwen.
American College Testing ki bay egzamen sa a. Pou plis
enfòmasyon osijè egzamen sa a, ale sou sit web
act.org.
Egzamen pou AP: Elèv yo ka pran egzamen
Advanced Placement (AP) nan fen kou AP yo epi yo ka fè
yon nòt 1 rive 5 nan egzamen sa yo. Souvan, kolèj yo bay
elèv ki fè yon nòt 4 oswa 5 kredi kolèj. Kou AP nan yon
relvenòt lekòl segondè montre ajan admisyon kolèj yo ke
yon elèv te pran yon kourikoulòm ki solid. Se College Board
ki bay egzamen AP yo. Pou plis enfòmasyon osijè egzamen
sa yo, ale nan web apcentral.collegeboard.
com/apc/Controller.jpf.
Pifò kolèj aksepte ni nòt SAT ni
nòt ACT. Pitit ou a ta sipoze eseye
modèl egzamen yo epi pran sa li
santi li pi alèz pou l pran an. Gen
modèl egzamen ki disponib nan
collegeboard.org ak act.org.
13

Delè ki rekòmande Responsablite
Klas 9yèm ane
Klas 9yèm-10yèm ane
Klas 9yèm-10yèm ane
Klas 9yèm-10yèm ane
Klas 10yèm ane
Klas 10yèm ane
Klas 10yèm ane
Klas 10yèm ane
Klas 10yèm-12yèm ane
Klas 11yèm ane
Klas 11yèm ane
14
Bay patisipasyon w
Ede pitit ou a kreye yon imel adrès ki parèt pwofesyonèl (Paegzanp, non pitit
ou a name@gmail.com).
Asire w pwofesè pitit ou a konnen l. Pwofesè sa yo pral ekri rekòmandasyon
pou pitit ou a pou kolèj, pou djòb ak estaj.
Ankouraje pitit ou a rantre nan club ak nan ekip espò epi chèche kote pou l
fè eksperyans kòm volontè. Kolèj yo ap vle wè pitit ou a patisipe nan aktivite
chak ane lekòl segondè l epi aktivite yo ap ede l konnen pwen fò pèsonèl li ak
enterè ki pral gide objektif karyè l.
Fè pitit ou a sonje enpòtans bon nòt. Yon GPA 80% oswa plis ap bay pitit ou a
yon seri opòtinite pou kolèj ak karyè.
Responsablite. Fè pitit ou a anrejistre pou yon kont gratis nan collegeboard.com.
Asire w pitit ou a etidye pou l pran egzamen PSAT.
Revize nòt PSAT pitit ou a ansanm avèk konseye l oswa pwofesè l.
Travay avèk pitit ou a pou l enskri pou egzamen SAT II (an jen) pou matyè li te
fè omwen 80%.
Ede pitit ou a ekri yon resume epi fè l pratike kapasite entèvou l pou djòb, ak
pou kolèj.
Lè pitit ou a resevwa nòt SAT l, gade yo ansanm avèk relve nòt li epi kòmanse
chèche kolèj. Si w pa t kòmanse pwosesis sa a deja, fè pitit ou a rankontre avèk
yon konseye kolèj ki ka ede l konnen diferan tip kolèj ki genyen.
Dapre rechèch, fè yon lis kolèj ki gen ladan kèk lekòl pitit ou a gen plis chans
pou l rantre ak sa li gen mwens chans pou rantre. Mande pitit ou a pou l
montre konseye kolèj li a lis la pou l ba li sijesyon. Vizit otan lekòl posib ki sou
lis la.

Klas 11yèm ane
Klas 11yèm ane
Klas 11yèm ane
Klas 11yèm ane
Klas 11yèm ane
Klas 12yèm ane
Klas 12yèm ane
Klas 12yèm ane
Klas 12yèm ane
Klas 12yèm ane
Klas 12yèm ane
Ankouraje pitit ou a kòmanse travay sou disètasyon kolèj la.
Travay avèk pitit ou a pou l enskri pou yon kou pou l prepare SAT(apati janvye).
Pitit ou a ap pran egzamen SAT I an nan prentan.
Ede pitit ou a chwazi pwofesè l ap mande rekòmandasyon yo nan fen ane lekòl la.
Gade nan pwogram opòtinite Eta Nouyòk New York State Opportunity Programs,
ki la pou ede elèv rantre nan kolèj ki gen pwogran dezan ak katran epi ki bay sipò
akademik, èd finansye ak oryantasyon counseling endividyèl. Elijiblite a depann
de kolèj la oswa inivèsite a. Kontakte biwo admisyon lekòl ou konte ale a pou plis
enfòmasyon.
Pitit ou a ap pran egzamen SAT I an yon dezyèm fwa ann otòn.
Fini lis kolèj pitit ou a.
Fè pitit ou a sonje pou l mande rekòmandasyon nan men de pwofesè li chwazi.
Ede pitit ou a òganize dat enpòtan pou tout kolèj ki sou lis li a. Oktòb: Soumèt
aplikasyon CUNY, paegzanp yon demann pou voye nòt SAT yo. Novanm: Soumèt
aplikasyon SUNY yo, paegzanp dokiman siplemantè yo ak nòt SAT. Desanm:
Soumèt aplikasyon lekòl prive yo, paegzanp disètasyon ak nòt yo.
Avril: Gade lèt ki gen desizyon yo ak pake èd finansye yo ansanm avèk pitit ou a
ak konseye kolèj la epi deside kote pou l enskri.
Me: Pitit ou a soumèt fòm enskripsyon li fin ranpli a ba lekòl li chwazi a, li ranpli
tout fòm ki nesesè pou lojman ak fòm medikal, epi soumèt tout avalwa yo egzije
pou kenbe plas li a.
15

Kalkile lajan sa ap koute
Pandan pwoblèm lajan pa ta dwe rete w avèk pitit ou a
pou chèche tout opsyon, ou bezwen konnen konbyen ak ki
tip èd finansye ki disponib pou ede w peye l. Avèk sipò èd
finansye ak bousdetid, pi fò elèv kapab ale nan kolèj..
Èd finansye
Premye etap la se pou pitit ou a aplike pou kolèj. Pwochen
etap la se aplike pou èd finansye. Kantite èd pitit ou a
resevwa depann de revni w, kantite moun ki sou kont
ou ak si gen lòt manm nan fanmi w ki nan kolèj. W ap
bezwen ranpli taks ou chak ane.
Pou aplike pou èd, ou dwe ranpli Aplikasyon gratis pou
èd federal pou elèv Free Application for Federal Student
Aid (FAFSA). FAFSA se sèl aplikasyon ki pi enpòtan pou èd
finansye ki baze sou bezwen. Li konsidere bezwen pitit ou
a epi li detèmine kalifikasyon l pou èd federal, eta a ak èd
kolèj bay, tankou don, prè ak pwogram pou travay pandan
w ap etidye workstudy. Pou w jwenn plis enfòmasyon,
gade fafsa.ed.gov. Ou dwe ranpli yon aplikasyon
FAFSA pou chak ane pitit ou a nan kolèj.
Anplis, plizyè lekòl ap egzije pitit ou a pou l
ranpli CSS/Financial Aid profile. Gade
collegeboard.com/profile pou plis
enfòmasyon.
Loan
Èd finansye sèlman gen dwa pa ase pou kouvri tout pri
kolèj la. Nan ka sa a, pitit ou a ka kalifye pou l prete lajan
sou fòm yon loan ke li dwe peye apre. Kondisyon loan lan
depann de kote k a prete lajan an.
16
Loan gouvènman an bay—eta ak federal— ofri to pou
prè ak plan pou peye ki pi enteresan yo men yo gen dwa
pa ase pou kouvri tout depans yo. Pandan tan sa a, loan
prive ki disponib nan enstitisyon prive tankou bank yo,
se yon lòt mwayen pou jwenn lajan ki manke. Sepandan,
kondisyon ak to yo pa rezonab menm jan avèk loan
gouvènman an.
Don ak Bousdetid
Lajan sou fòm don se sipò finansye ou pa p gen pou peye
epi yo baze swa sou merit swa sou bezwen. Aplikasyon
FAFSA w la pral ede kolèj yo detèmine si kantite lajan ou
touche kalifye pitit ou a pou yon don Pell oswa TAP grant,
ki se de pi gwo sous don ki baze sou revni.
Gen kèk kolèj tou ki bay don pou elèv dapre dosye
akademik yo oswa dapre dosye aktivite anplis ki pa nan
kourikoulòm lan. Pifò lekòl ofri kèk tip èd bousdetid dapre
merit akademik, konsantrasyon akademik, enterè ak lòt
kritè. Kritè yo pral diferan dapre chak lekòl. Kidonk asire w
pale avèk chak kolèj pitit ou a aplike sou opsyon yo genyen
pou èd finansye.
Òganizasyon ak gwoup ki lòt kote yo tankou biznis ak
asosyasyon yo se yon lòt sous pou bousdetid ak don.
Pwogram Work-Study
Elèv ki gen pwoblèm lajan ka kalifye pou djòb atan pasyèl
nan campus oswa pou djòb sèvis kominotè. Pifò elèv
travay atan pasyèl pou yo touche lajan yo ka itilize pou
achte liv ak lòt depans.
Souvan Kolèj ak inivèsite prive
yo konn pi chè pase sa leta yo
men lekòl prive yo kèk fwa gen
kapasite pou yo ofri plis chwa
èd finansye ak bousdetid pou
elèv ki kalifye.

Delè ki rekòmande Responsablite
Klas 9yèm ane
Klas 10yèm ane
Klas 11yèm ane
Klas 11yèm ane
Klas 12yèm ane
Klas 12yèm ane
Delè ki rekòmande Responsablite
KLAS 9yèm-11yèm
ane
Klas 12yèm ane
Apre lekòl segondè
Ou bezwen Lajan
Abitye w avèk diferan tip èd finansye, tankou FAFSA, don, loans ak bousdetid.
Egzamen SAT ak SAT II yo koute lajan pou pran yo. Pale avèk konseye kolèj ou a
sou kalifikasyon pou eksepsyon nan frè yo. Si pitit ou a pa kalifye, kòmanse sere
lajan pou peye pri egzamen yo.
Travay avèk pitit ou a ak konseye kolèj li a pou ranpli FAFSA a nan
fafsa.ed.gov pou jwenn tip èd finansye ki ta ka disponib pou pitit ou a.
Ede pitit ou a fè yon plan pou l peye pou aplikasyon kolèj yo. Pitit ou a ap bezwen
lajan la nan mwa septanm pou pi ta lè li nan 12yèm ane. An 2012, CUNY koute 65
dola pou chak aplikasyon epi SUNY koute 50 dola pou chak aplikasyon. Chèche
konnen pri lekòl prive yo pou w konnen si w kalifye pou pa peye frè yo.
Kòmanse chèche bousdetid avèk pitit ou a.
Ranpli FAFSA 1ye fevriye pou pi ta. Si w pa gen taks ane ki pi resan an, ranpli
FAFSA avèk taks ane avan an epi mete aplikasyon an ajou lè w pre. Fanmi yo ta
dwe ranpli taks yo chak ane pou asire y ap kalifye pou èd finansye.
Pwofite vakans ete a
Travay avèk pitit ou a pou planifye yon aktivite ete k ap ede l devlope kapasite
pou l prepare pou kolèj ak karyè, tankou yon aktivite djòb, estaj, kou, sèvis
volontè oswa enrichment.
Fè pitit ou a sonje tcheke kourye pou l konnen enfòmasyon ki fèk parèt sou
enskripsyon nan kou, oryantasyon ak nenpòt egzamen yo egzije. Gade tout lèt yo
avèk konseye kolèj pitit ou a.
Ankouraje pitit ou a rete an kontak avèk lekòl segondè l la apre gradyasyon. Pitit
ou a ka byen ede ankadre elèv ki pi jèn yo nan pwosesis aplikasyon pou kolèj la.
17

Li pa janm twò ta pou gradye
Si pitit ou a gen ant 15 ak 21 lane epi li an reta nan kredi, li pa twò
ta pou l gradye. Vil Nouyòk gen anpil lekòl ak pwogram pou ede
pitit ou a repran chemen pou gradyasyon ak prepare l pou lavi apre
lekòl segondè, kit li ale nan kolèj, kit li ale travay, oswa kit li ale nan
pwogram fòmasyon.
Learning to Work (LTW)
Anpil nan lekòl ak pwogram nou
mete adwat la jwenn sipò inisyativ
Learning to Work (LTW). LTW ede
elèv yo rezoud kèk pwoblèm yo
rankontre pandan y ap chèche
pran yon diplòm segondè. LTW
ofri preparasyon pou djòb ak
aktivite pou dekouvri karyè ki la
pou amelyore kontni akademik
kèk Lekòl Transfè ak Young Adult
Borough Centers (YABCs). Lekòl ak
pwogram ki gen LTW yo genyen
estaj peye tou.
18
Lekòl Transfè
Elèv ki gen ant 15 ak 21 lane ki pase omwen yon lane
nan lekòl segondè yo kalifye pou ale nan yon lekòl
transfè. Kantite kredi yo mande pou admisyon varye
dapre lekòl la. Elèv yo ale lekòl atan plen lajounen pou
yo pran yon diplòm lekòl segondè
Sant Borough pou Jèn Adilt Young
Adult Borough Centers (YABCs)
Elè ki gen ant 17.5 ak 21 lane, ki pase kat ane nan lekòl
segondè epi ki gen 17 kredi kalifye pou ale nan yon
YABC. Elèv yo ale lekòl atan pasyèl aswè pou yo pran
yon diplòm lekòl segondè.
Pwogram GED
Pwogram GED atan plen ak atan pasyèl yo prepare
elèv yo pou yo pase egzamen GED a. Elèv yo dwe gen
omwen 18 lane pou yo ka enskri nan yon pwogram
GED.
Pou w ka jwenn yon lis konplè opsyon pou elèv ki gen
reta yo, ale nan goingforme.org.

Konnen Dwa ou
Dapre lwa Eta a ak lwa federal, ou gen kèk dwa kòm paran
oswa gadyen. Sa gen ladan dwa pou gen aksè nan lekòl pitit
ou a, nan salklas la, nan dosye akademik ak dosye presans
li ak nan materyèl edikasyon depi sa pa entèwomp jounen
lekòl la. Ou gen dwa tou pou gen aksè nan enfòmasyon
sou reyinyon piblik, ale ladan yo ansanm avèk nan deba
Chanselye a, Konsèy Vil la, Sipèentandan kominote yo,
Konsèy Edikasyon kominote yo ak lekòl yo.
Ou gen dwa pou:
1. Mande, enspekte ak evalye dosye edikasyon pitit ou nan
espas 45 jou apre yo resevwa demand ou a. Ou sipoze
soumèt yon demand alekri ki idantifye dosye ou ta
renmen enspekte a (yo). Lekòl pitit ou a ap fè w konnen
lè ak lokal kote ou kapab enspekte dosye.
2. Mande pou yo fè chanjman nan dosye edikasyon pitit
ou lè ou kwè yo pa egzat, yo pote konfizyon oswa yo
vyole dwa FERPA sou respè entimite. Ou sipoze mande
alekri pou yo fè chanjman nan dosye yo, epi idantifye sa
ou vle chanje a ak rezon ou vle fè chanjman yo. Si NYC
DOE deside pou l pa fè chanjman ou mande yo, y ap fè
w konnen dwa w pou mande yon deba ak kèk pwosedi
pou suiv pou deba.
3. Bay konsantman alekri avan yo bay enfòmasyon nan
dosye edikasyon pitit ou a ki ka idantifye l pèsonèlman,
eksepte nan kèk ka FERPA pèmèt yo mete yo deyò san
konsantmna w. Youn nan eksepsyon ki pèmèt yo mete
enfòmasyon deyò san konsantman se si y ap bay ofisyèl
lekòl ki bezwen evalye dosye edikasyon enfòmasyon
pou yo kapab ranpli responsablite pwofesyonèl
Si w pa dakò avèk desizyon yon lekòl, ou kapab fè aksyon
legal pou ale ann apèl kont desizyon an oswa ou kapab
pote plent devan Depatman Edikasyon osijè pwoblèm
ki afekte edikasyon pitit ou. Finalman, ou kapab jwenn
enfòmasyon sou pwogram ki pèmèt pitit ou a aplike pou
admisyon nan lekòl ki pa nan zòn sektè lekòl pitit ou a, lè
sa apwopriye. Pou w ka li Parents’ Bill of Rights la okonplè
oswa pou w konnen kòman pou pote yon plent, ale sou
schools.nyc.gov/Offices/FACE oswa rele 311.
Avi sou Dwa prive federal Federal Privacy Rights
Lwa nan Edikasyon sou Dwa ak Respè Entimite Fanmi The Family
Educational Rights and Privacy Act (“FERPA”) bay paran ak elèv ki gen 18
ane oswa plis, kèk dwa ki gen rapò avèk dosye edikasyon elèv. Deklarasyon
Dwa Paran ak Règleman A-820 Chanselye a bay lòt enfòmasyon ou ka
gade nan schools.nyc.gov/RulesPolicies.
yo. Egzanp responsab lekòl yo se moun NYCDOE
anplwaye(tankou administratè, sipèvizè, pwofesè
oswa lòt edikatè oswa manm estaf pou sipò) ansanm
ak moun DOE angaje pou bay sèvis si li ta itilize pwòp
anplwaye l( tankou ajan, kontraktè ak konsiltan), epi
ki sou kontwòl dirèk NYCDOE ki gen rapò ak itilizasyon
ak jesyon enfòmasyon ki ka pèmèt yo idantifye elèv la
apati dosye edikasyon l.
Yon lòt eksepsyon ki pèmèt yo bay enfòmasyon san
konsantman, se lè yo mete enfòmasyon an disponib
pou ofisyèl yon lòt distri lekòl, lè yo mande sa, kote pitit
ou a planifye pou ale, oswa kote li ye deja, si objektif
demand lan se pou pitit ou a ka nan lekòl la oswa pou
yo ka transfere l.
4. Pote plent devan US DOE si w kwè NYC DOE pa respekte
règleman FERPA. Ou ka depoze plent yo nan biwo k ap
administre FERPA a:
Family Policy Compliance Office
U.S. Department of Education
400 Maryland Avenue, SW
Washington, DC 20202-8520
19

Kalandriye lekòl segondè 2012 - 2013
6 Septanm
Lekòl kòmanse pou tout elèv
• Ranvwa bonè pou elèv ki pa nan distri 75
• Demi jounen lekòl pou elèv prematènèl lekòl leta.
7 Septanm
Premye jounen konplè lekòl pou elèv Matènèl nan lekòl ki pa nan
Distri 75.
Demi jounen lekòl pou elèv prematènèl lekòl leta.
10 Septanm
Premye jounen lekòl konplè pou elèv prematènèl lekòl leta.
17 -18 Septanm
Rosh Hashanah (lekòl fèmen)
26 Septanm
Yom Kippur ( lekòl fèmen)
8 Oktòb
Vakans pou Columbus Day (lekòl fèmen)
17 Oktòb
Pa gen lekòl pou elèv prematènèl
25- 26 Oktòb
Konferans paran pwofesè lekòl segondè
6 Novanm
Jounen eleksyon(lekòl fèmen)
7 -8 Novanm
Konferans pwofesè-paran nan pwogram lekòl distri 75
12 Novanm
Konje Veterans Day(lekòl fèmen)
13 -14 Novanm
Konferans paran pwofesè lekòl primè
19 - 20 Novanm
Konferans pwofesè-paran elèv lekòl presegondè ak segondè
22 - 23 Desanm
Vakans Thanksgiving (lekòl fèmen)
5 Desanm
Pa gen lekòl pou elèv prematènèl
24 Desanm-1ye Janvye
Vakans ivè(tankou Nwèl ak nouvèl An) (lekòl fèmen). Elèv yo ap tounen lekòl
mèkredi 2 janvye 2013.
21 Janvye
Fèt Dr. Martin Luther King, Jr. (lekòl fèmen)
6 Fevriye
Pa gen lekòl pou elèv prematènèl
18 -22 Fevriye
Vakans mwatye Ivè (Anivèsè Washington ak Anivèsè Lincoln (Lekòl Fèmen)
27 -28 Fevriye
Konferans pwofesè-paran elèv lekòl presegondè ak segondè
12-13 Mas
Konferans paran pwofesè lekòl primè
14-15 Mas
Konferans paran pwofesè lekòl segondè
18-19 Mas
Konferans pwofesè-paran nan pwogram lekòl distri 75
25 Mas-2 Avril
Vakans prentan(Vandredi Sen, Pak, ak Passover) (lekòl fèmen). Elèv yo ap
tounen lekòl mèkredi 3 avril.
10 Avril
Pa gen lekòl pou elèv prematènèl
27 me
Konje Memorial Day (lekòl fèmen)
4 Jen
Premye demi jounen lekòl pou mwa jen(ranvwa bonè pou elèv presegondè/
segondè)
6 Jen
Jounen Konferans Chanselye a pou fòmasyon anplwaye(Lekòl fèmen)
13 Jen
Dezyèm demi jounen lekòl pou mwa jen(ranvwa bonè pou elèv presegondè/
segondè)
26 Jen
Dènye jou lekòl pou tout elèv( ranvwa bonè)
Se règleman Depatman Edikasyon Vil Nouy òk New York City Department of Education
(NYCDOE) pou l pa fè diskriminasyon ki baze sou ras, koulè po, rejlijyon, peyi orijin yon
moun, sitiyasyon sitwayènte/imigrasyon yon moun, laj, andikap, sitiyasyon de moun k ap
viv nan kay kòm yon koup, sèks, oryantasyon seksyèl oubyen fason moun idantifye oswa
eksprime sèks yo, nan pwogram edikasyon li yo ak nan aktivite l yo, epi pou l tabli yon
anviwònman kote pa gen arasman seksyèl, jan lalwa mande l.

APLIKASYON POU KAT BIBLIYOTÈK
Gen plis pase 200 bibliyotèk piblik nan Vil Nouyòk. Yon kat biblyotèk gratis pèmèt ou prete liv, DVD, CD ak lòt materyèl. Branch lokal
yo òganize pwogram kòmanse depi sou lekti liv avèk desen pou timoun rive sou seri film, lekti pwezi ak kou konpitè pou adilt.
Eksplikasyon
Pou jwenn yon kat bibliyotèk, tanpri ranpli aplikasyon sa a epi soumèt li ansanm avèk yon foto ID bay bibliyotèk piblik ki nan lokalite
w la. Adilt kapab montre yon lisans Eta Nouyòk ki valid, yon pèmi, oswa lòt pyès idantifikasyon ki gen foto. Jèn adilt(laj 13–17 lane)
ka montre dokiman travay aktyèl oswa ID lekòl yo. Timoun(ki gen laj 12 lane pou pi plis) dwe fè yon paran oswa yon responsab legal
siyen aplikasyon sa a; se paran yo ki pral responsab pou materyèl ki gen mak akote yo nan kat pitit yo. Ale sou sit wèb bibliyotèk ki
nan borough bò lakay ou a pou jwenn yon lis konplè fòm pyès idantifikasyon ki akseptab yo ak kote ki gen yon sikisal bò lakay ou.
Pou Bronx, Manhattan, ak Staten Island, ale nan nypl.org; pou Brooklyn, ale nan brooklynpubliclibrary.org; pou Queens, ale nan
queenslibrary.org. Adilt ak jèn adilt kapab aplike pou yon kat bibliyotèk sou entènèt.
1. Tcheke yonn:
❏ Timoun laj(Laj 12 lane pou pi plis) ❏ Jèn adilt(Laj 13–17 lane) ❏ Adilt laj 18 pou pi piti)
2. Enfòmasyon sou moun/elèv ki gen kat bibliyotèk la:
Siyati Non inisyal
Dat nesans(Mwa/Jou/Ane) Sèks ❏ Gason ❏ Fi
Adrès # Apatman:
Borough oswa Vil Eta Kòd postal
Telefòn kay Adrès imèl
Se regleman prive tout twa bibliyotèk yo ki kontwole itilizasyon modèl enfòmasyon(disponib nan nypl.org, queenslibrary.org ak nan
brooklynpubliclibrary.org).
3. Paran/ gadyen (yo dwe ranpli pati sa a pou elèv 12 lane pou pi plis):
Siyati Non inisyal
Adrès imèl Telefòn PIN
Tcheke A oswa B:
❏ A. Pitit mwen an ka prete materyèl pou adilt ak materyèl pou timoun tou. ❏ B. Pitit mwen an ka prete materyèl pou timoun sèlman.
Paran/responsab yo responsab pou materyèl pitit yo prete avèk kat la.
Siyati Paran/Gadyen Dat
Seksyon sa a rezève pou estaf sèlman
Photo ID # Address Verification Proof Log
NEW LOST/REPL. TRANSFER PTYPE
EXP.DATE COMPLETE: (Staff Initials)

Plis enfòmasyon
Ou ka wè ak download kopi gid sa yo pou klas prematènèl rive 8yèm ane sou sit wèb nou an nan
schools.nyc.gov/ParentsFamilies.
DOE bay plis enfòmasyon sou edikasyon pitit ou a ak lide sou fason ou ka kore l, lakay ou ak nan lekòl pitit ou ye a. Pou w jwenn plis enfòmasyon,
ale sou schools.nyc.gov. Ou ka kontakte tou koòdonatè paran lekòl pitit ou ye a oswa telefone 311.
T&I-18440 (Haitian Creole)
Se règleman Depatman Edikasyon Vil Nouy òk New York City Department
of Education (NYCDOE) pou l pa fè diskriminasyon ki baze sou ras, koulè
po, rejlijyon, peyi orijin yon moun, sitiyasyon sitwayènte/imigrasyon yon
moun, laj, andikap, sitiyasyon de moun k ap viv nan kay kòm yon koup,
sèks, oryantasyon seksyèl oubyen fason moun idantifye oswa eksprime
sèks yo, nan pwogram edikasyon li yo ak nan aktivite l yo, epi pou l tabli yon
anviwònman kote pa gen arasman seksyèl, jan lalwa mande l.