Create successful ePaper yourself
Turn your PDF publications into a flip-book with our unique Google optimized e-Paper software.
90 <strong>LG</strong><br />
OCTOBRE 2019<br />
SOCIÉTÉ<br />
D‘ONGD-FNEL an d‘Gemeng<br />
Stroossen engagéieren sech<br />
Interview vun der ONGD-FNEL (Fédération Nationale des<br />
Eclaireurs et Eclaireuses du Luxembourg) mam Här Gaston<br />
Greiveldinger, Buergermeeschter vun der Gemeng Stroossen.<br />
Duerch hiert Engagement ënnerstëtzt d‘Gemeng Stroossen<br />
der ONGD-FNEL hire Projet «Umbrella» am Nepal. Dëst ass<br />
ee vu 14 Educatiounsprojeten déi d‘ONGD-FNEL am Nepal<br />
huet, am Kader vu sengem «accord-cadre 2019/2023» mam<br />
ministère des Affaires Étrangères et Européennes (MAEE).<br />
Aus wéi enger Iwwerleeung eraus<br />
ënnerstëtzt d‘Gemeng Stroossen<br />
Entwécklungsprojeten?<br />
D‘Gemeng huet eng sozial Verantwortung,<br />
déi iwwert déi lokal Dimensioun erausgeet,<br />
an als Virbild gëlle soll. Zanter 2001 huet<br />
d‘Gemeng Stroossen e substanzielle Budget<br />
fir humanitär Aktioune virgesi mat deem<br />
si 4 bis 5 Projeten iwwert eng gewëssen<br />
Zäit ënnerstëtzt. Dëse Budget gëtt<br />
erweidert duerch den Erléis vu verschidde<br />
Gemengemanifestatiounen an Aktivitéite<br />
vu lokalen Associatiounen.<br />
Ënnerstëtzt ginn haaptsächlech strukturéiert<br />
ONGen well:<br />
• et méi liicht ass nozevollzéien, wou déi<br />
ëffentlech Gelder hi ginn,<br />
• d’Aktioune regelméisseg um Terrain<br />
verfollegt ginn,<br />
• der ONG hir Participatioun vum MAEE<br />
multiplizéiert gëtt,<br />
• nohalteg Educatiounsprojeten dozou<br />
bäidroen d’Verantwortung an d’Selbststännegkeet<br />
vun den Zillänner ze fërderen.<br />
Wat huet dozou bäigedroen dass<br />
d‘ONGD-FNEL mat hirem Projet<br />
«Umbrella» dëst Joer zeréckbehale gouf?<br />
• Ausschlaggebend war d’Ausstellung an<br />
der «Belle Etoile» am Abrëll am Kader<br />
vun den 30 Joer ONGD-FNEL. Mat esou<br />
Aktioune gëtt et ëffentlech visibel wéi a wat<br />
an der Vergaangenheet an an der Zukunft<br />
um Terrain geschitt.<br />
• Et ass och net déi éischte Kéier wou<br />
d’ONGD-FNEL vun der Gemeng<br />
Stroossen ënnerstëtzt gëtt; d’Zesummenaarbecht<br />
vun der Gemeng mat hire<br />
Scouten, de «Kiewerlecken» huet eng<br />
laang Traditioun.<br />
“D‘Gemeng<br />
huet eng sozial<br />
Verantwortung,<br />
déi iwwert déi<br />
lokal Dimensioun<br />
erausgeet, an als<br />
Virbild gëlle soll”<br />
De Projet: «Appui à la réintégration et<br />
soutien scolaire des jeunes et au développement<br />
communautaire en zones rurales<br />
avec Umbrella Organisation Nepal»<br />
D‘«Umbrella Organisation Nepal» (UON)<br />
ass beméit déi sozio-ekonomesch Situatioun<br />
vun de benodeelegte Familljen am Distrikt<br />
vu Rasuwa am Nepal ze verbesseren.<br />
Mat spezifesche Formatiounsprogrammen,<br />
mat der Reintegratioun vun ausgeschlosse<br />
Kanner, a mat der Fërderung vun<br />
der Gemeinschaftsentwécklung dréit<br />
d‘Organisatioun dozou bäi den Impakt vu<br />
Kannerhandel a Kanneraarmut am Nepal<br />
ze ënnerbannen.<br />
De Programmdirekter vun «Umbrella»<br />
zesumme mat enger jonker Beneficiärin<br />
komme vum 4. bis de 17. November 2019<br />
op Lëtzebuerg fir iwwer dës Problematik ze<br />
informéieren a sech mat jonke Lëtzebuerger<br />
auszetauschen. An deem Kontext wäerte<br />
se och zu Stroossen an d‘Primärschoul<br />
goe fir mat de Schoulkanner doriwwer ze<br />
diskutéieren. n<br />
Fir méi Informatiounen iwwert<br />
d‘ONGD-FNEL an hir Projeten:<br />
www.ongd-fnel.lu
Change language