153 - Gottfried Wilhelm Leibniz Bibliothek

N. 178 ii. allgemeiner und gelehrter briefwechsel 1700 291
praesidium mihi religiosissimo clienti Tuo, qui in omnibus ad nutum tuum se gerere
laborat, quam diutissime salvum sospitemque conservet.
Erat quondam penes Romanos consuetudo ut tempore calendarum Januarii subditi
principibus clientesque patronis strenas ad testandam observantiam conciliandamque superiorum
gratiam mitterent; neque me peccaturum esse confido si praesentem meum 5
libellum, suppresso meo nomine ut foetum immaturum editum Tuis oculis conspiciendum
tradam limatissimoque Tuo judicio subjiciam. Ineunte enim mense Decembris passus
sum me persuaderi a ministro bibliopolii Lanckisiani, qui ex tractatu de Jubilaeo suis
sumptibus impresso magnum sibi lucrum hoc tempore promittebat, ut inter labores, qui
adventus tempore mihi incumbunt, maximos ope scriptorum de Pontificibus has pagellas 10
de ceremoniis historiaque et fructu jubilaeorum seu indulgentiis festinanter conscriberem
et typographo, qui tam plura omisit circa Alexandrum VI. multisque mendis scriptum
implevit imprimendum traderem. Vereor equidem ne hoc scribendi genus totaque commentatio
haud satis elaborata ac brevis admodum ac subcisiva in periculum offensae Tuae
veniat, quippe quae nil affert, quod dignum sit, ut Tibi a negotiis vacuo placere possit. 15
Verum summa tua bonitas animum mihi facit, ut credam, Te hoc certe mihi daturum esse,
ut tenui scripturae ne irascaris, qui perspectum habes me obsequii perpetui amorisque
literarum ac Theologiae laudem ambire. Res cum D. Rechenbergio Theologo primario,
quod nosse cupis, Vir Excellentissime ita se habet. Postquam D. Lehmannus Carpzoviusque
superiori anno ex hac vita discessissent ac tota Facultas Theologica in Olearium 20
unicum ejus Doctorem et assessorem esset devoluta, is annuente maximo Patrum Academiae
numero amicum suum integrum Rechenbergium primo loco tum Cyprianum,
Schmidium et Seligmannum ut futuros Theologiae professores denominavit, et literas ad
Consistorium Supremum misit (ut mos est) quo unus aut duo ab Electore nostro ad Professiones
Theologiae vocarentur. Verum dum Rechenbergius ob controversias Pietisticas 25
adhuc inimicum habebat Carpzovium Supremum concionatorem aulicum, hic cum suis
affirmabat et heterodoxa docere Rechenbergium et aulam Saxonicam Weissenfelsensem
jam tangere ordinem a qua Professor Theologiae ex pactis fraternis constitueretur. Verum
illustris Consistorii Praeses Beichlingius qui multis abhinc annis ope D. Speneri Rechenbergium,
qui Speneri filiam in matrimonio habet, summa gratia prosecutus est, eumque 30
omni ratione evehere annitebatur, respondebat, falso Rechenbergium heterodoxiae ac-
8 bibliopolii Lanckisiani: die Buchhandlung Fr. Lanckisch. 22 Cyprianum: Johannes Cyprianus.
26 Carpzovium: Samuel Benedict Carpzov. 30 filiam: Susanne Catharina.