Leibniz, Akademie-Ausgabe, Bd. I, 22 - Gottfried Wilhelm Leibniz ...

N. 361 ii. allgemeiner und gelehrter briefwechsel 1703 611
Cum de Tua valetudine maximopere hactenus sollicitus fuerim, me hac cura angoreque
animi primum L. Menckenius et postea Vestrae Illustris Excellentiae literae ad meam
tenuitatem perscriptae mihique summopere gratae levaverunt, quibus testaris Te pristinae
sanitati restitutum esse. Te igitur bene valere ex animo gaudeo, Deumque precor,
ut hanc valetudinem constantem ac cum longaevitate conjunctam esse jubeat. Accepi 5
etiam pecuniam, quam Vir Excellentissime pro libris ex auctione Langiana emptis literis
adjecisti, pro qua summas ago gratias, et me ad omnia servitia Vestrae Illustri
Excellentiae praestanda ut obstrictissimum item etiam paratissimum profiteor. Etsi ille
qui auctionibus praeest mihi catalogum Langianae bibliothecae nondum transmiserit, ut
eum his literis addere possem, curabo tamen ut eum alibi nanciscar, et vel jam adhuc 10
cum Dn. Foerstero, vel data occasione post nundinas transmittam. Discessit non ita pridem
ex hac vita Petermannus medicinae Doctor et anatomices Professor, qui Cartesii
strenuus sectator fuit eumque contra Huetium Gallum defendit, qui etiam Theologiae
incubuit ac D. Ittigium et D. Rechenbergium de termino gratiae litigantes conciliare
studuit. Nondum constat qui ei in munere docendi medicinam successurus sit, ambiunt 15
autem illud inprimis quatuor D. Pauli, D. Welschius, D. Schacher et D. Ettmüller. Nuper
L. Guntherus Ecclesiastes Lipsienses, cum Comitei Rutheni, eidem Inspectoris ac
Professoris Gerani munus deferrent, ac is id recusaret, me ut huic muneri idoneum me
inscio nominavit, ast simul id audivi, dixi nec moris esse, ut pagani sacerdotes tam gravi
officio praeficerentur, nec eos, qui Lipsiae fortunae meae adversantur, permissuros esse, 20
ut ad tam splendidam dignitatem evehar. Ego interea quoad in hoc loco versor pietati ac
diligentiae in obeundo munere ecclesiastico studebo, quod ab eo temporis est reliquum
literarum studiis dabo ac in hac solitudine hoc me solabor, quod summo Numini et cum
omnibus iis, qui probitatem amant, Tibi Avuncule submisse venerande, placeam, cujus
etiam propensione animi ac favore certissime niti possum. Valeas igitur Patrone summe, 25
ac porro benignissimo oculo respicias 〈...〉
Probst. d. 12. Octobr. A. 1703.
6 pecuniam: vgl. N. 349. 6 auctione: Die Auktion von Chr. J. Langes Bibliothek fand am 22.
Mai 1702 statt. Vgl. auch N. 137. 9 catalogum: vgl. Chr. J. Lange, SV. 11 nundinas: die Leipziger
Michaelismesse. 12 Petermannus: A. Petermann war am 5. August 1703 verstorben. 13 defendit:
[A. Petermann], Philosophia cartesianae adversus censuram Pet. Dan. Huetii vindicatio in qua pleraque
intricatior Cartesii loca clare explanantur, 1690. 14 de . . . litigantes: der v. a. zwischen A. Rechenberg
und Th. Ittig ausgetragene terministische Streit. 17 Guntherus: vermutlich Joh. Guenther.