DISIK SALE - boukie banane

Koze ki long! Lanbians fennsiferKraz dimoun malad, fors zot al legliz;Lafime gamat, desibel jannjatPetri galimacha, belo mafat,Plak limanite lor enn tawa so.Tapaz telma for ki Dokter bizenKit pasian sorti pou vinn rann enn kontKi pe deroule dan so douniya.Tranblemandeter? Trwaziem Ger Mondial?Enn briye gate koup respirasion.Dokter sap lor kal. "Ki pe arive?Kot zot kwar zot ete? Dan fennsifer?"MTL, MGP, MLS fixe li fran-fran,Dokter bes lizie al get so pasian.Sa ti arive dan mo rev yerswar.Erezman zis enn rev! Pa vre, monwar?PAROL KI SHELLEY TI DIRKouma'nn fanatik mo ti swiv zetwalLor lekran, lor disk:James Dean, Belafonte, Elvis Presley.Mo pas kot Shelley, mo pa trouv nanyeTelman mazik Hollywood sarye mwaLor lezel teknikolor-stereofonik dan paradi rev.Tousa bien komik. Fer riye-onte.Rod fer parey kouma zot;Mem kwar talan pa manke.E pandan sa letan laMo pas kot Shelley, mo pa trouv nanye.Pourtan li ti dirEnn poet li enn artizan langaz.Ler lalimier HollywoodKoumans perdi so kara,Kouma berze lezanderMo rod reyni tou zanfanDan gran larkansiel Larivier Tanie.Kan mo ti konpran mo finn rat sime?Pa kone. Pa kone, pa'nvi kone?Difisil pou dir.Dan miting? Dan renion?Dan parlman? Dan kaso?Pratik politik,Vizion artistik,64