You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
ENN PESER-LABOUREREnn peser-labourer dan vilaz Samarel,Dan gri-gri gramaten kan bann fe dan lesielFinn kasiet zot palet, ramas kot son lafnetEnn zwazo plim mouye ki pe mor lamor bet.Vit-vit li souy li sek, anvlop li ar lenz so,Ar kouyer fer li bwar detrwa gorze diloPou sov lavi zwazo lesiel-later-lamerKi finn grandi lao lor montagn set kouler.Ler tanto arive ar labrim ti lapliZwazo mengi-mengi pa tann lapo kabri;Dan enn kwen so pagne li pe fixe dan vid,Respire pa fasil kan lavi finn lasid.Nou peser-labourer pas lanwit pou vey li,Konsol li, soulaz li, redonn li gou lavi.Ler gramaten vini so lizie ferm tousel,Dan enn rev fantastik li pe bat so lezel.Dan lesiel Samarel; dan lebra so zwazoLor enn vag Nirrvana zot pe bengn dan diloKolorye ar penso bann zepis parfime.Ler so somey kase zwazo finn anvole.Dan so plas enn prenses lor enn tronn kler-de-linn,Bote lebenn dan enn sari laswa-de-sinnPe sant lamour. Enn gran roulman lapo kabriAnvlop so nam ar sawal nouvo melodi.Bann zwazo Samarel dan lesiel set koulerFinn aprann so sante; bann pwason dan lamer,Tou bann pie lor montagn anker pe sant ansam.Nouvo poem kram-kram aster pe donn lagam.123
Change language