You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Sénse nat yèste, sénse ue paraule, sénse û cop d'oelh tau lheyt oun la soue coumpagnie e s'anabe mouri, la<br />
moulhè que-s tirabe dou cournè e que s'en anabe ta l'aute crampe.<br />
Quoan lou calou amourtalha:<br />
— Dab que lou cau besti, e digoun lous besîs; que caleré lou coustùme d'espousa, se ou men l'at bouten, e<br />
tabé lous linsòus.<br />
Arrés nou respounè: La serou, clabade, noû gausabe boudya-s.<br />
E Menoû de Pele-Prim oun ère? Que la cerquèn bères pauses, e que l'anèn tusta emparade à la frinèste qui da<br />
sus lous beriès, aquiu que-s resqueyabe dab l'àyre noeytiu cargat de sentous qui l'arribaben. Dehore qu'ère<br />
doungues la prime, la bite dens la soue plasence e la soue berou, deguens la malure hastiau e la mourt<br />
escusère.<br />
— Menoû? hé tout doucines ue besie.<br />
— Que bos!<br />
— Ya sabes que-nse cau linsòus ta amourtalha lou defunt.<br />
Ere, sénse bira-s de cap ta la qui parlabe, que yetè û plegot de claus au miey dou sòu en dise toutû:<br />
— Linsòus? que soun au gabinet, aquiu qu'abets las claus.<br />
Mes coum la besie las s'amassabe e anabe tau gabinet, e paupabe dens las pièles de lìnye, Menoû, darrè que<br />
bienè:<br />
— Dèche-m ha!<br />
E qu'ous coundabe, û, dus, tres, dinque à cheys! E que hournibe:<br />
— Aquiu qu'en aberats bessè prous.<br />
Quoàte dous beroys qu'en penoun adentour dou lheyt, e dus, lous mey usats, que serbiben à troussa lou cos<br />
de l'aulhé.<br />
— Pràube frayroû! e hasè la soue so, en dans lous darrès gàdyes aus òmis qui l'amourtalhaben, lou chapelet,<br />
la crouts, lou boèle, lous cìris, pràube, noû t'aberas bist que machant tems! Aqueres aulhes be t'en coustaben<br />
quoan de courrudes, quoan de droumides dab la pelhe gouhide! Mes yamey noû-t troumpès, Diu m'at<br />
perdoùni, coum de boùle-t marida. Aquet die, si, que hés lou gran pecat...<br />
Ploura que bouloure mes, e poùde!<br />
Que digou toutû encoère à bouts bache:<br />
— Que-t housses demourat dab nous, quoan n'y a ta sèt qu'en y a ta oeyt. Noû-t demandère lou me òmi que<br />
drin d'ayude entre yèrbes e ardalhs, abé l'oelh sou bestia, pous pechedés, gabida lous maynats; noû, yamey,<br />
noû lous ensegnam prou.<br />
Espian encoère aquere care qui ballèu noû bederé mey, hounide, la serou que s'en anè càde sus ue cadière. E<br />
û ploura!<br />
— Ploure, s'ou disè ue besie, de ploura qu'ey à cops ue bère gràcie! Bèn, noû-t boùdyes, e se-t parle ta que<br />
tourna-u respounse. Bèn, noû, noû gausara cerca de brut daban lou cos encoère tèbe dou soû<br />
marit!<br />
Mes, arregagnade, lous oelhs esbariats, lous bras anius, Menou que parechè sus la porte. Dous sous pès<br />
empertinents que patasseyabe e que s'apressabe dou lheyt, noû tienè coùnde de las hemnes, de las<br />
belhadoures qui èren aquiu ayulhades; que semblabe espia loungademens aquet cos aloungat dens la<br />
blangou eternau de las téles e dous cìris.<br />
Que s'anabe passa? Lous pots toursuts e lous oelhs heroùdyes que hé labets:<br />
— E toutu, òmi, lous qui toucaran lous dus mile qui m'abi estaubiats, qui m'abi sudats, n'an pas abut de que<br />
troussa-t, qu'a calut que m'at tiréssi dou me gabinet, e tu, tu que t'ès boulut ayassa dens lous mes linsòus!<br />
LOU TISOC<br />
Qu'abé hèyts lous soûs cinq ans de serbice lou Biséns de Lesquerrè, e tant per tant ère tournat per quauques<br />
mesades, quoan la soue may lou digou:<br />
— Oère, bèt tems-a noû bim à noùste tranquilitat parière, arrés qui-ns abeye per deguéns quoan tu e you<br />
abem barroulhat lou pourtau. Mes, per aquero, be t'at semble, nou seré pas de soubres gn'aute hemne per aci,<br />
e se t’as à marida dus cops (Diu preserbat!) que t'y calera pensa-y.<br />
Lou gouyat, qui abè courrut France e quoan d'autes tèrres per dera mountagnes e mars, que s'at prenè<br />
toustém à la douce, e n'ère pas d'aqueres mousques hissantes, d'aqueres roumigues rouyes qui saben boula,<br />
gnaca, tira-s d'entrigues en quin parat que sìen. Enta toute cause, que digouren qu'abè besougn d'èste ahiscat,<br />
d'èste cougnat. B'ou ne calè chacades, b'ou ne calè prèdics, b'ou ne calè sounsaynes abans que noû-s<br />
boudyèsse! Mediche quoan la soue may lou cantabe la cansoû de: Maride-t'y, qu'en debè esta gran aha ta<br />
decida-u.<br />
Per bounur, qu'abè û amic, e û amic au sang mey trebatent. A d'aqueste, s'ou hasoussen bèt sìnne, truc-susl'ungle,<br />
qu'en tirabe luts e que s'en amaneyabe; aquéste, lou Louiset de las Espounes, noû l'engountrabe û cop<br />
que noû lou digousse:<br />
— Bam, e n'as encoère desnidade ue de las qui t’agraden; quoan me coumbides à ha bistes?<br />
— Bos-te-m ana! si tournabe Bisens.