PDF herunterladen - LCGB

Kolleginnen a Kollegen,
D’Aart a Weis ewéi mir dës Rentereform gestallten, ass e ganz wesentlechen
Aspekt, wéi mir eis Zukunft an dësem Land gestallten.
Kolleginnen a Kollegen,
D’Fro ob mir de Chômage an domadder och de Jugendchômage kënnen an de
Grëff kréien.
Och dës Fro, wärt decisif sinn fir d’Zesummeliewen an dësem Land.
Kolleginnen a Kollegen,
Chômage a Renten, dës zwee Elementer si wichteg Bestanddeeler
wat déi sozial Kohösioun hei am Land ugeet.
Eng weider Konditioun fir d’Erhale vun der sozialer Kohäsioun ass
den Equiliber vum Staatsbudget an déi national Verschëldung,
Wat kann dëst Land sech an Zukunft nach leeschten?
Wéi séchere mir eise soziale Modell of?
Wéi kënne mir d’Zukunft vun deene kommend Generatioune preparéieren?
Dofir fuerdert de LCGB eng Tripartite iwwert d’Staatsfinanzen! Mir
brauchen eng gemeinsam Strategie, fir dës Laascht ze stëmmen!
Dës Laascht muss gerecht an solidaresch verdeelt ginn zwësche
Privatsektor a Secteur Public, tëscht Salarié an Employeur an och
tëscht de Generatiounen.
Ouni esou eng Approche ass d’sozial Gerechtegkeet an d’Solidaritéit
an domadder och sozial Cohesioun an dësem Land a Fro gestallt!
Kolleginnen a Kollegen,
Mir hunn nach schrecklech vill Aarbecht virun eis. Fir eis steet de Mënsch am
Mëttelpunkt. Dat heescht, dass mir als LCGB och net wäerte midd ginn op di
Ongerechtegkeeten de Fanger ze leeën, déi mir an eise Land hunn.
Reforme musse gemaach ginn, fir d’Leit hei am Land, fir méi sozial
Gerechtegkeet a Solidaritéit. Ugefang mat dëser Rentereform.
Mam Chômage dee muss zeréckgefouert ginn, matt der
Virbereedung vun eiser Jugend op den Aarbechtsmaart an dem
Equiliber vun eise Staatsfinanzen.
Mir fuerdere méi sozial Gerechtegkeet fir de Privatsektor hei am
Land. Et ass de Privatsektor an seng Salariéen déi de Räichtum
erschafen. Dat duerf net vergiess ginn.
Dofir ass fir de LCGB de Mënsch am Mëttelpunkt vu senger
Aarbecht.
Kolleginnen a Kollegen,
Et ass an deene leschte Woche vill geschwat a geschriwwe ginn iwwert dës
Manifestatioun. Dir sidd haut den Owend komm, fir ären Iwwerzeegungen
anzetrieden a fir ärem Protest Ausdrock ze ginn.
Kolleginnen a Kollegen,
Mat ärer Präsenz hutt Dir haut déi richteg Äntwert ginn.
Villmools Merci fir Är Opmierksamkeet.
De Video zur Manifestatioun vum 16. Oktober 2012 kënnt Dir Iech am
Internet ënnert dëser Adress ukucken :
http://www.youtube.com/user/lcgblux
13
ACTUALITÉ / AKTUALITÄT