PDF herunterladen - LCGB
PDF herunterladen - LCGB
PDF herunterladen - LCGB
Create successful ePaper yourself
Turn your PDF publications into a flip-book with our unique Google optimized e-Paper software.
ACTUALITÉ / AKTUALITÄT<br />
10<br />
Rentereform<br />
Manifestatioun vum <strong>LCGB</strong><br />
zu Nidderanwen<br />
(16. Oktober 2012)<br />
Kolleginnen a Kollegen,<br />
Ech soen Iech Merci, dat Dir den Owend hei op Nidderanven komm sidd.<br />
En Owend, deen am Zeeche vum Protest steet, am Zeeche vun enger<br />
Manifestatioun géint eng Pensiounsreform, déi u sech an der Zilsetzung<br />
feelerhaft ass.<br />
Reforme mussen dofir suergen, dat eis Sozialsystemer besser ofgeséchert<br />
sinn, datt dës Systemer weiderentwéckelt an am Déngscht vun de Salariéë<br />
weiderbruecht ginn.<br />
Dëst ass bei der aktueller Reform vun eiser Pensiounsversécherung net de Fall.<br />
Mir hunn am <strong>LCGB</strong> eis net nëmmen zënter der Annonce vun dëser Reform mat<br />
eisem Pensiounssystem beschäftegt.<br />
Fir de <strong>LCGB</strong> sinn d’Pensiounen e Häerzstéck vun eiser sozialer Ofsécherung<br />
an dofir hu mir schonn zënter laangem eis Iwwerleeungen zu dësem Sujet<br />
definéiert.<br />
Fir dem Besoin vun den beschäftegten Salariéen, de Rentner a net fir se ze<br />
vergiessen, den zukünftege Generatioune gerecht ze ginn.<br />
De <strong>LCGB</strong> kann seng Zoustëmmung zu dëser Rentereform net<br />
ginn, well bei dëser Reform e puer Grondprinzipie vu sozialer<br />
Gerechtegkeet a Solidaritéit, absolut net respektéiert gi sinn.<br />
Nu si fir eis awer grad an dësem Dossier, dës Prinzipie vu sozialer<br />
Gerechtegkeet a Solidaritéit just d’Schlesselelementer, déi den<br />
Generatiounenkontrakt vun eisem Rentewiesen mussen zesummenhalen.<br />
De <strong>LCGB</strong> ass awer elo net dergéint fir dergéint ze sinn, mir maachen<br />
keng Politik andeems mir eis géint eppes definéieren, mä andeems mir fir<br />
eis Iwwerzeegungen antrieden, dës Iwwerleeungen a Revendicatiounen<br />
argumentéieren a vertrieden, am Dialog an am Sträitgespréich a wann et da<br />
muss sinn, och matt Manifestatiounen, wéi dëser, haut den Owend hei zu<br />
Nidderanven.<br />
– Mir trieden haut den Owend fir eis Iwwerzeegungen an,<br />
– mir fuerderen d’Regierung op, nozebesseren an eng Reform op den Dësch ze<br />
leeën déi méi sozial gerecht,<br />
– a solidaresch ass, an déi och den Entwécklungen um Aarbechtsmaart, der<br />
Formatioun vun eise jonke Leit an der Entwécklung vun der Gesellschaft<br />
Rechnung dréit.