Vol. 254 - United Nations Treaty Collection

232 United Nations - Treaty Series 1956
2. Enige pensioen (behalwe 'n pensioen deur die Regering van die Federasie
betaal vir dienste vir horn by die uitoefening van regeringsfunksies verrig) en
enige jaargeld, uit bronne binne die Federasie verkry of geag verkry te gewees
het, deur iemand wat 'n inwoner van die Unie is, is van Federale belasting
vrygestel in die mate dat dit ingesluit word in inkomste vir Uniebelastingdoeleindes.
3. ,, Jaargeld " beteken 'n aangegewe som wat van tyd tot tyd op gegewe
tye gedurende lewe of gedurende 'n vermelde of vasstelbare tydsduur betaalbaar
is ingevolge 'n verpligting om die betalings te doen ten aansien van geld wat
betaal is.
Artikel VIII
1. Vergoeding (behalwe pensioene) deur een van die kontrakterende
regerings aan iemand betaal vir dienste wat vir daardie kontrakterende regering
by die uitoefening van regeringsfunksies verrig is, is vrygestel van belasting in
die gebied van die ander kontrakterende regering indien so iemand nie gewoonlik
in daardie gebied woonagtig is nie of gewoonlik in daardie gebied woonagtig is
uitsluitlik met die doel om daardie dienste te verrig.
2. Enige pensioen deur een van die kontrakterende regerings aan iemand
betaal vir dienste wat vir daardie kontrakterende regering by die uitoefening
van regeringsfunksies verrig is, is vrygestel van belasting in die gebied van die
ander kontrakterende regering indien onmiddellik voor die beindiging van
daardie dienste die vergoeding daarvoor van belasting in daardie gebied vrygestel
was, hetsy kragtens paragraaf 1 van hierdie artikel of andersins, of vrygestel sou
gewees het kragtens daardie paragraaf indien hierdie Ooreenkoms van krag was
ten tyde van die betaling van die vergoeding.
3. Die bepalings van hierdie artikel is nie van toepassing op betalings ten
opsigte van dienste wat verrig is in verband met enige handel of besigheid wat
deur een van die kontrakterende regerings met die oog op winste gedryf word nie.
4. Vir doeleindes van hierdie artikel sluit die uitdrukking ,, kontrakterende
regering " waar dit op die Regering van die Federasie van Rhodesie en Niassaland
toegepas word, die Regering van die gebiede wat die Federasie uitmaak, in.
Artikel IX
1. Iemand wat 'n inwoner van die Unie is, is vrygestel van Federale belasting
op winste of vergoeding ten opsigte van persoonlike (met inbegrip van professionele)
dienste wat in enige jaar van aanslag binne die Federasie verrig is as :
(a) hy vir 'n tydperk of tydperke van hoogstens altesaam 183 dae gedurende
daardie jaar in die Federasie aanwesig is; en
(b) die dienste verrig word vir of namens 'n persoon wat in die Unie
woonagtig is; en
(c) die winste of vergoeding aan Uniebelasting onderworpe is.
No. 3595