CAHIERS DE BERNARD DE CAUX - Jean Duvernoy

Cahiers de Brnard de Caux – Jean Duvernoy 98
__________________
7. Cf Galates 2,9.
ISARNUS DOMINUS DE TAURIAC
F° 62 r° Anno Domini millesimo ducentesimo quadragesimo quarto, decimo quinto
kalendas iunii, Isarnus dominus de Tauriac F° 62 v° dixit quod apud Vilamur in domo den Guinha
vidit duos hereticos nomina quorum ignorat, et vidit ibi B. de Selhols, W. Bordi, Senhoret et plures
alios quos non novit. Et credit quod ipse testis et alii adoraverunt ibi dictos hereticos.
Et sunt viginti anni vel cirça.
Item vidit in domo Bernardi Gralh B. de Mota et P. Gralh hereticos, et vidit ibi dictum B.
Gralh, Matfredum de Paolhaca et Arnaldum Gralh. Et omnes et hic qui loquitur adoraverunt dictos
hereticos.
Et sunt quindecim anni vel circa.
Item vidit alia vice dictum B. de Mota et socium suum hereticos in predicta domo B. Gralh,
et vidit ibi dictum B. Gralh et Isarnum de Vilamur ut videtur sibi. Et omnes adoraverunt ibi dictos
hereticos.
Et fuit propedicto tempore.
Item vidit apud Tauriac in domo den Raygassa Poncium Gilaberti et socium suum F° 63 r°
hereticos, et vidit ibi dominam Finam uxorem eius qui loquitur et Bosonem filium suum. Et ipse
qui loquitur adoravit ibi dictos hereticos. De aliis non recolit, tamen credit.
Et hoc fuit tempore propedicto.
Item vidit in domo R. Fabri bis diversis temporibus Poncium Gilaberti et P. Gralh hereticos,
et vidit ibi Matfredum de Paolhac et Willelmam uxorem dicti R. Fabri. Et ipse qui loquitur et alii
tunc adoraverunt dictos hereticos.
Et fuit predicto tempore.