CAHIERS DE BERNARD DE CAUX - Jean Duvernoy

Cahiers de Brnard de Caux – Jean Duvernoy 46
PEREGRINA UXOR QUONDAM WILLELMI GASC
F° 30 r° Anno Domini millesimo ducentesimo quadragesimo quartoa secundo kalendas
martii, Peregrina uxor quondam Willelmi Gasc, que fuit domicella uxoris Comitis Tholose sororis
Regis Aragonum, iurata dixit quod in pueritia sua vidit apud Rabastenx matrem den Pelfort domi-
F° 30 v° ni de. Rabastenx et duas sorores ipsius Pelfort hereticas in domo ipsarum hereticarum. Et
vidit ibi cum eis dominam Orbriam uxorem dicti Pelfort et duas domicellas ipsius Orbrie de
nominibus quarum non recolit, sed ipsa que loquitur non adoravit nec vidit alias adorare.
Dixit etiam quod fuit ibi per tres dies, et fuerunt quadraginta anni vel circa.
Dixit etiam quod semel dedit ad comedendum quatuor Valdensibus apud Moissacum in
domo P. Ortola qui est mortuus, sed tunc temporis Ecclesia non persequebatur Valdenses. Et ipsa
que loquitur didiscit unam orationem a Valdensibus predictis.
Alibi non vidit hereticos nec crediditc nec unquam audivit predicationem Valdensium.
Requisita de tempore predictorum Valdensium, dixit quod non sunt viginti anni, sed possunt esse
quindecim F° 31 r° vel sexdecim anni. Et tunc dicta Peregrina credidit Valdenses bonos homines et
habere bonam fidem, quousque audivit quod Ecclesia persequebatur eos. Et didiscit orationem ab
eis.
Et abiuravit heresim et iuravit stare mandatis Ecclesie et persequi hereticos.
Testes Arnaldus Serda, B. de Ladinhac.
___________________________
a) Corr.: tertio ?.- b) provincia ms.- c) credit ms.-
__________