You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Marsiho, lou 22 setèmbre 1891.<br />
A MOUSSU F. MISTRAU<br />
Vous estruguèn, Mistrau, sus vosto bello cagno!<br />
Es-ti <strong>de</strong> Diéu verai d’agué talo castagno!<br />
Que clincleto que fès: sias pire qu’un rigau!<br />
Pèr vous Macoun es fres e Marsiho es tròup caud.<br />
Dins l’afaire d’un mes douei cop vous esperavon;<br />
Pèr veni courouna lei gèni que cantavon<br />
Bèn long-tèms avans vous. Ero voueste <strong>de</strong>vé<br />
De veni pèr Gelu, duvias l’agué cournprés.<br />
Mai pèr un tau felibre, aguerias <strong>de</strong> coulico!<br />
Man<strong>de</strong>rias la <strong>de</strong>spacho e la fèsto publico<br />
Si faguè sènso vous. — Se charrè bèn un pau<br />
Dóu mau que poudié ‘vé lou ninoi, Mistrau!<br />
E mai que d’un disien que voulien pas lou crèire,<br />
Que fuguessias malaut! Aurien vougu lou vèire.<br />
Enfin, basto d’un cop!... Mai ièr e mai encuei<br />
Vous pas vèire arriba!... Vous faudrié <strong>de</strong>i doues uei<br />
Derraba la pepido!... Oublida Lamartino!…<br />
Eu que vous a fa grand, éu, que sa man divino<br />
Vous a durbi lou pas <strong>de</strong> l’inmourtalita,<br />
Lou couer vous crebo pas <strong>de</strong> l’agué ‘bandouna?<br />
Eissublia lou peirin <strong>de</strong> la bello chatouno<br />
Qu’a mes sus voueste front l’inmourtalo courouno,<br />
Acò, jamai, Mistrau, lou pourren perdouna!<br />
Tant que viéuren, diren: Mistrau, vous sias manca!<br />
Càspi! coumprenias pas qu’èro eici vouesto plaço?<br />
Que la Muso, jamai dèu dire qu’es tròup lasso?<br />
Que sourdat que farias, moun paure Generau!...<br />
Se davans leis ami, disès que sias malaut.<br />
Que sarié se foulié coumanda la bataio,<br />
Davans lei gros canoun que racon la mitraio?