You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Oh! ti priva <strong>de</strong> liberta,<br />
Sènte que moun amo n’en plouro!<br />
Mai aime tant t’ausi canta<br />
Que poue<strong>de</strong> pas te dire quouro,<br />
Pèr te leissa prendre toun vòu,<br />
Leissarai la gàbi durbido,<br />
Que farai plus ço que te fau,<br />
Estre lou bourrèu <strong>de</strong> ta vido.<br />
Mai iéu peréu, bèu chichibu,<br />
Siéu en presoun dins la grand vilo!<br />
Moun couer me dis que n’en pòu plus<br />
E moun amo me crido: Filo!...<br />
E pamens me li fau resta;<br />
Ai besoun <strong>de</strong> gagna ma vido:<br />
Tout mon bouenur es toun canta,<br />
Pardouno-me, iéu pas marrido.<br />
Lou jour que iéu pourrai parti<br />
Ti pourtarai dins la mountagno<br />
Mounte retrouvaras toun nis<br />
Emé ta poulido coumpagno.<br />
Ti sourtirai <strong>de</strong> ta presoun;<br />
Espeçarai ta gàbi bello;<br />
Te farai un darrié poutoun,<br />
Acò sara ma ritournello!<br />
Pièi quand vendrai souto lei pin<br />
Li pantaia touto souleto,<br />
Bèu chichibu, au bè mié fin,<br />
Vène canta la cansouneto.<br />
Ges d’aucèu pòu tant bèn que tu<br />
Mi faire entèndre un dous ramàgi<br />
Se diés que te rapèles plus<br />
Que t’ai tengu dins l’esclavàgi!
Change language