408 - Gottfried Wilhelm Leibniz Bibliothek

470 ii. allgemeiner und gelehrter briefwechsel 1699 N. 284
Ineptum haud dubie Hikkesii judicium fuit et ex ignorantia profectum, si de Schilteri
opera contentim locutus est. Fac Hikkesium Junianis laboribus adjutum et in hoc incumbentem
videre aliquid in etymologia Germanica, quod Schilterum fugiat, ut certe nemo
in hoc genere omnia videt. An ideo non possit praeclara dare Schilterus vir doctrinae
5 late fusae? cum in medio positi sint fontes, unde sua etiam Junius hausit, Hikkesius vereor
ne ignorantia rerum dialectorumque magnae nostrae Germaniae in pudendos passim
errores labatur, ut Rudbeckio etiam passim evenire notavi. Mea Sententia tam necessaria
sunt nostra Anglosaxonicis aut Scandinavianis antiquitatibus, quam illae nostris.
Expecto discere quid a Magdeburgensibus impetraris.
10 Epistola Galli Abbatis a Nicasio ad quem scripta erat, etiam cum aliis communicata,
jam prostat in novellis Reipublicae literariae. Galli docti minime omnium linguam
Teutonicam despectui habent; memineris quid tibi de Huetio dixerim, idem suspicor de
Abbate Scharmaeo, qui Aremoricae imprimis sive Wallicae linguae subsidio utetur. Diu
jam tentavi excitare aliquem in Gallia ad studium vasconicae linguae sive Cantabricae
15 quae me fateor perplexum tenet usque adeo ab aliis abhorret. In Bearnia et vicino tractu
valet, nec dubito olim latius regnasse. Hiberniae etiam velim notitiam exactiorem.
Non est quaerenda in fabulis accurata connexio, sed velut fragmenta male consuta
veritatum. Caeterum quod vulgo creditur mythologiam veterum ex Mose et Mosaicis
petitam mihi nunquam verisimile visum, nec tanta Mosaicarum rerum notitia Graecis
20 fuit: tua de pantuffelis non paulo verisimiliora puto Sperlingianis.
Vir ille doctissimus de Celtarum appellatione aliquid ad collectores novorum literariorum
maris Balthici scripsit, qui Junio nupero inseruere, notulas illis aspersi et
Lubecam misi ad amicum.
Addo tandem quod omnium primum dicere debebam Dn. Sikii responsum a me in
25 Sueciam missum esse, et quod reponetur mature significatum iri. Ascripsi humanissimam
a te salutem quam mihi mandaveras. Vale.
7 Rudbeckio: O. Rudbeck, Atland eller Manheim, T. 1–3, 1675–1698. 10 Epistola: I, 16 N. 475.
10 Abbatis: P. Pezron, abbé de La Charmoye. 11 prostat . . . literariae: vgl. N o u v e l l e s de
la République des Lettres, Juni 1699, S. 627–639. 12 quid . . . dixerim: Gemeint ist wohl ein nicht
gefundener Leibnizbrief vom Dezember 1696 oder Anfang Januar 1697; vgl. I, 13 N. 412, S. 678 u. Erl.
20 Sperlingianis: O. Sperling, De crepidis veterum diatribe, 1698. 22 scripsit: O. Sperling, De
Origine Veterum Gallorum, in: N o v a literaria Maris Balthici, Juni 1699, S. 174–181. 22 notulas:
Leibniz, G. G. L. ad Dnn. Collectores Novorum Literariorum Maris Balthici, ebd., August 1699, S. 245
bis 248. 23 amicum: A. D. Leopold; vgl. N. 249. 25 missum: vgl. N. 275.