commentariüs in epistolam pauli ad corinthios il - Archive ouverte ...

695 SERMONS SUR L'BPITRB AUX GALATES. 696
Voilà en somme ce que nous avons à retenir de
ee passage.
Et ainsi d'autant que Dieu nous a une fois
appelez à soyy et qu'il ne cesse iournellement de
nous picquer par exhortations, que nous soyons
retenus en son obéissance. Et combien que nous
voyons beaucoup de troubles et de dissensions, et
de combats parmi le monde, toutesfois que nous
démourions tousiours adherans à la vérité qui est
infallible. Et d'autant que nous pourrions estre
tântost séduits et trompez, prions Dieu qu'il nous
donne prudence et discretion. Et aussi soyons
attentifs à escouter sa parole, par laquelle nous
pourrons estre conformez contre toutes illusions de
Satan: que nous ne serons plus menez à la pipee,
comme sainct Paul en parle à la fin de ceste
Epistre. D'autant donc que nous avons les moyens
que Dieu nous a establis pour nous retenir tousiours
de sa maison et de son Eglise, que nous
persistions en cela. Et si quelquefois il nous advient
par la folie de nostre chair et inconsideration
d'estre destournez, qu'incontinent nous escoutions
les admonitions qui nous sont ici faites, que nous
Imprimerie Appelhans à Pfenningstorff, Brunswick.
gémissions pour nos fautes, et ayans gémi, que
nous servions à nostre Dieu, sçachans qu'il est
tousiours prest à nous recevoir. Et que nous gardions
bien sous ombre que nous voyons tant de
contempteurs et gens profanes qui ne cessent de
corrompre et pervertir la doctrine de l'Evangile, et
mesmes qui sont comme abrutis en leurs corruptions:
combien (di-ie) que nous voyons de tels
scandales, que nous n'en soyons point desbauohez
pourtant, et que nous ne les suyvions point pour
estre enveloppez en une mesme condamnation : mais
que nous tendions au salut qui nous est proposé,
et auquel Dieu nous solicite iournellement de parvenir.
Or nous nous prosternerons devant la maiesté
de nostre bon Dieu, en cognoissance de nos fautes,
le priant qu'il nous les face sentir de plus en plus:
et que cependant il nous supporte en nostre infirmité,
iusques à ce qu'il nous ait pleinement despouillez,
et revestus de la pureté de sa iustice, laquelle doit
croistre en nous iusques à, ce qu'elle soit du tout
parfaite. Ainsi nous dirons tous, Dieu puissant,
père celeste etc.