commentariüs in epistolam pauli ad corinthios il - Archive ouverte ...

691 SERMONS 692
nostre temps combien ce que dit ici sainot Paul est
Veritable. Car nous voyons auiourd'huy là où
^Evangile s'estoit presche purement, qu'il y a tant
d'opinions diverses que c'est un horreur, que iournellement
il semble que tout doive aller en ruine,
là vérité de Dieu est comme deschiree par pieces;
Et dont procède cela, sinon de ceste lascheté que
les hommes ont pour se maintenir en repos, et
pour avoir leurs commoditez et leurs aises, et pour
è'esgayer de costé et d'autre, et ont consenti à
ceux qui sont venus pour desguiser la pureté de
l'Evangile? Dieu donc leur a rendu le salaire qu'ils
ont mérité. Quand nous voyons de tels exemples,
soyons tant plus sur nos gardes et cheminons en
lia pureté de l'Evangile, en telle sorte que nous
mettions tout meslinge, et que nous l'ayons en
abomination. Or là dessus sainct Paul adiouste
éwcores, qu'il se confie des Galatiens qu'ils ne sentiront
pas autrement. Nous avons veu les reprehensions
qu'il a mises si dessus, qui estoyent rudes et
àspres. Or quand on excède mesure, il y a tousiours
danger que les hommes ne soyent découragez
et qu'ils ne se despitent. Pour ceste cause
sainct Paul se modere et encores cerche à se
reunir avec les Galatiens.
Et voilà de faict, l'ordre que doivent tenir
tous ceux qui désirent d'édifier l'Eglise de Dieu.
Yray est qu'on ne doit point espargner les vices:
et surtout quand on voit quelque empeschement
à la pure doctrine, et que la foy est pervertie, là
il faut que nous ayons un zèle enflambé pour
batailler vaillamment et maintenir la cause de
nostre Dieu. Mais cependant si faut-il tascher en
tant qu'il sera possible de réduire ceux qui ont
esté esgarez, et de retenir ceux qui sont encores
au chemin, combien qu'ils soyent debiles, et qu'ils
ne marchent pas d'une telle vertu comme il seroit
bien requis et à souhaiter. Voilà donc quel est
l'office de ceux ausquëls la charge est commise de
porter la parole de Dieu, c'est qu'en reprenant
ceux qui s'estoyent fourvoyez, qu'ils usent tellement
dô sévérité et rigueur que neantmoins ils monstrent
quelque bonne espérance, à fin que les auditeurs
ne soyent point du tout ennuyez, et qu'ils
né s'opiniastrent point là dessus pour reietter toute
bonne doctrine: mais chacun de nous doit appliquer
ceci à son usage. Car qui est cause souventes
fois de nous faire grincer les dens quand
Dieu nous redargue, et de nous faire préoccuper
d'aire telle malice que nous luy sommes rebelles?
C'est pour Ce que nous louons au quitte ou au
double (comme on dit) et sommes désespérez.
Ainsi nostre Seigneur se fasche de nous réduire,
Voyant que nous sommes gens perdus ou Men en
traiô de perdition: mais si est-ce que encores nous
teût-il gagner à soy: cependant toutesfois nous
ne cognoissons point la fin ou l'intention où il pretend.
Là dessus donc nous luy fermons la porte
tellement qu'il ne peut chevir de nous en façon que
ce soit. D'autant plus nous faut-il bien retenir ce
qui nous est ici monstre par sainct Paul, c'est que
si on nous gratte nos rongnes, combien que cela
nous cuise et nous fasche d'estre reprins aigrement,
que nous ne laissions pas toutesfois de nous renger
en toute patience, d'autant que Dieu ne nous veut
point précipiter en abysme: mais plustost il nous
rappelle à soy. Or suyvant cela notons aussi qu'il
n'y a autre remède en tous nos vices, sinon do
nous addonner à ce que Dieu nous declare: car
sainct Paul presuppose ce qui estoit vray, qu'il
avoit purement annoncé la doctrine de l'Evangile,
qu'il ne s'estoit pas ingéré pour mettre en avant
ses songes et resveries: mais qu'il s'estoit acquitté
purement de la charge et de la commission qui
luy avoit esté donnée. Il dit maintenant que les
Galatiens sentiront tout cela. Ceste admonition est
encores bien utile. Ainsi en general il nous monstre
que si nous avons esté mal avisez, et que le
diable nous ait embrouillé nos esprits, que les séducteurs
aussi nous ayent desbauchez, qu'il n'y a
autre moyen sinon que toute bouche soit close, et
que nous respondions Âmen à nostre Dieu, et que
nous souffrions mesmes d'estre conduits par sa parole,
combien qu'il ne descende pas du ciel en façon
visible, ou qu'il n'envoyé pas des Anges qui
apportent les marques de sa maiesté: mais qu'il
parle à nous par des hommes fragiles qui ne sont
pas de grande valeur, que nous ne laissions pas
neantmoins de luy rendre vraye obéissance, voilà
en somme ce que nous avons à retenir.
Or là dessus sainct Paul destourne ce qui estoit
le plus detestable sur les trompeurs qui estoyent
venus semer leurs zizanies en l'Eglise des
Galatiens. Il dit donc que céluy qui vous inquiète
portera son iugement, quel quil soit. Par ceci il
monstre que s'il y en a qui soyent tant envenimez
de Satan, .qu'ils provoquent de leur bon gré l'ire
de Dieu sur leurs testes, qu'il ne faut pas que nous
soyons esmeus ni esbranlez pour cela. Ceste admonition
est encores bien utile. Car combien que
nous soyons difficiles et tardifs à eroire maintenant
ce que Dieu nous propose, si est-ce qu'à l'opposite
incontinent que nous voyons quelqu'un errer, nous
sommes prests de courir après, voilà donc une inclination
perverse, laquelle est quasi commune partout:
c'est un vice plus qu'ordinaire. Et au reste
il semble que nous soyons bien aises d'avoir quelque
couverture pour nous laisser tromper à Satan,
combien qu'il ne cerche que nostre perdition, d'autant
plus nous faut-il bien, noter ce qui est ici dit,
que ceux qui troublent l'Eglise porteront leur jugement:
car par cela sainct Paul nous avertist qu'il