commentariüs in epistolam pauli ad corinthios il - Archive ouverte ...

687 SERMONS 688
et nous exhorte de marcher plus outre, iusques à
ce que nous soyons parvenus à nostre but : puis
qu'ainsi est donc, quand nous serons faschez de
l'escouter, et qu'un voudra prendre la vogue pour
suyvre ce que son appétit portera, quelle excuse
ou eschappatoire cuiderons nous avoir, que nous
ne soyons condamnez avec les Galatiens, de ce
qu'après avoir bien couru et nous estre avancez au
bon chemin, nous suyvrons nos tracas? Mesmes
nous devons aussi noter ce mot que sainct Paul
entrelace: Qui vous a (dit-il) empeschez? Il pou voit
dire simplement (comme il avoit parlé au commencement
de l'Epistre) qu'ils estoyent dèsbauchez du
tout, voire qu'ils s'estoyent révoltez comme des
apostats: mais il use du mot d'Empescher, pour
monstrer que ce n'est point assez, quand nous ne
serons pas du tout destournez de Dieu: mais si
nous sommes retardez, et que nous ne marchions
pas de un droit fil, et que nous ne persistions
constamment à tousiours approcher de Dieu, ' que
voilà desia une chose pernicieuse. Ainsi donc gardons
nous des astuces de Satan, et non seulement
craignons d'estre du tout révoltez de l'obéissance
de nostre Dieu, mais que nous soyons aussi avisez
et prudens, quand le diable taschera de nous refroidir,
de nous retarder nostre course, et que nous
n'irons plus sinon en clochant, qu'il aura par trop
gagné sur nous. Voilà donc en somme ce que nous
avons à retenir de ce passage.
Or pour mieux condamner les Galatiens d'ingratitude,
il adiouste, que ceste persuasion ne vient
point de céluy qui les appelle. Il avoit dit au premier
chapitre, le m'esbahi comme vous estes si
tost transportez de Iesus Christ qui vous appelle
à la grace de son Evangile. Car c'est bien raison
que Dieu soit escouté quand il daigne ouvrir sa
• bouche sacrée pour nous enseigner. Qui sommes
nous? poures vers de terre, pourriture, et cependant
nostre Seigneur fait retentir sa voix du ciel,
à fin que nous soyons asseurez, quand il nous
esclaire, et qu'il nous conduit, nous ne pouvons
point faillir, et pourtant qu'il faut que nous dépendions
du tout de luy, et que nous soyons appuyez
sur sa vérité. Or cependant si nous près tons l'aureille
à ceci et à cela, et quand Dieu parle que
nous voltigions en l'air, et que nous escoutions l'un
qui sible, l'autre qui chante, ne voilà pas une ingratitude
par trop vileine? Si un maistre void
ses escholiers gazouiller ensemble quand il parle,
ou bien forger des chasteaux en Espagne, et
n'entendre pas à ce qu'il dit, il faudra que la
verge trote : et à bon droit. Et mesmes chacun
ne pourra porter son pareil et son compagnon s'il
devise avec luy et qu'il s'amuse à autre chose,
nous prenons cela comme un mespris et un opprobre.
Et voici Dieu qui nous appelle, et cependant s'il y
vient quelque séducteur nous flagorner en l'aureille,
que nous l'escoutions pour suyvre oe qu'il nous
dira, c'est signe que iamais il n'y a eu cognoissanoe
en nous, pour sçavoir quelle est la maiesté de nostre
Dieu, pour luy porter la reverence qu'il mérite.
Nous sçavons que le principal hommage qu'il requiert
de nous, c'est de nous avoir attentifs et en
nos sens et en nos affections, pour sçavoir oe qu'il
nous commande et ordonne. Pour ceste cause donc
sainct Paul dit que ceste persuasion n'est point de
Dieu qui appelle les Galatiens. Or il est vray qu'il
les avoit appelez desia de longtemps: mais tant y
a qu'il ne se contente pas de nous avoir déclaré
pour un iour comme nous devons marcher: mais
il continué comme aussi nous avons besoin qu'il
nous rafraichisse la memoire de ceste dootrine
chacun iour. Puis qu'ainsi est donc que Dieu est
tousiours après nous voire (comme dit le Prophète
Isaie) soir et matin, c'est à dire- qu'il a ün soin
continuel de nous ramener à soy, et nous en faire
approcher de plus en plus, il est certain que le
crime est d'autant plus agravé si nous avons une
aureille au champ et l'autre à la ville (comme on
dit), et que nous ne soyons point du tout arrestez
et addonnez à luy et à sa parole. Brief, nous
voyons ici quelle est la vraye perfection des enfans
de Dieu, o'est de s'offrir pleinement à luy, se laisser
gouverner d'une façon paisible avec toute docilité,
en sorte que nul ne dise, voilà mon opinion et
fantasie, voilà ce que i'ay apprins des hommes:
mais que ceste obéissance de foy precede. Oar
il n'y a autre lampe pour nous bien guider, sinon
la parole de Dieu. Voilà pour un item.
Or après que sainct Paul a parlé ainsi, il
adiouste, Qu'un peu de levain corrompt toute la
paste. C'est pour conformer le propos que i'ay
touché n'agueres, c'est à sçavoir que ce n'est point
assez quand il n'y aura point une révolte manifeste
pour quitter pleinement Dieu, et renoncer toute sa
parole: mais il faut aussi que nous demourions
purs et entiers, et que nous soyons comme à délivre
pour nous avancer de plus en plus: combien que
Satan machine, combien qu'il tasohe à mettre des
barres pour nous retarder, que neantmoins nous ne
laissions pas de continuer tousiours. Or ceci est
encores bien à noter d'autant que le diable ne
monstre pas du premier coup les cornes (comme
on dit) pour nous faire aliener de Dieu: mais il se
transfigure en Ange de clarté, et vient par voyes
obliques, et mine par dessous terre. Et voilà comme
nous sommes séduits: car il semble que ce ne soit
point grand' chose de ceci ou de cela, et passons
legierement, et calons la voile, comme on dit. Or
nous sommes tout esbahis que le diable nous tient
enveloppez en ses filets. En somme sainct Paul .a
voulu ici dire que ce n'est point assez que ceux