commentariüs in epistolam pauli ad corinthios il - Archive ouverte ...

675 SERMONS 676
valoir: mais c'est pour confesser que nous sommes
pleins d'ignominie, que toute nostre dignité n'est
qu'ordure et puantise: que toutes nos oeuvres ne
sont qu'infection: que nous serions abominables
devant Dieu et pleins de pourriture comme des
poures ladres, sinon que nous fussions lavez et
nettoyez par le sang de nostre Seigneur Iesus
Christ, pour estre agréables à Dieu par son moyen.
Voilà pour un item. La iustice donc qui doit
régner entre les fidèles n'est pas une chose pompeu8e,
une chose qu'on ait en admiration et qui
soit en grande louange, nenni: mais toute poureté.
Et pour tant S. Faul dit ici que le monde
se mocque de nostre simplesse, quand il void que
nous espérons ainsi en Iesus Christ, et que chacun
par humilité se condamne iusques aux abysmes
d'enfer afin que nous soyons eslevez par la grace
de Dieu au royaume celeste.
Combien donc que le monde se mocque de
cela, que nous persistions constamment, sçacbans
que nous ne serons point frustrez : car nous sçavons
qui a nostre depost en garde: qui c'est qui
nous a promis de nous appeler à salut. Cheminons
donc en ceste foy, et embrassons Iesus Christ,
et le possedans, que nous mesprisions tout le
reste: que nous ne luy facions pas ce deshonneur
et ceste iniure de le reculer comme en un coin, et
qu'il nous serve seulement en partie: mais cognoissans
qu'en tout et partout nous sommes justifiez
par son moyen. Or là dessus on pourroit encores
faire une question, Comment donc? les ceremonies
ont elles esté commandées en la Loy sans
aucune raison? Il est vray que sainct Paul y a
assez respondu desia : mais pour ce que les hommes
sont tardifs à se résoudre quand il est question de
se tenir à la pure vérité de Dieu, voilà pourquoy
derechef il monstre qu'il y a difference entre nous
et ceux qui ont vescu devant la venue de nostre
Seigneur Iesus Christ. Il a aussi regardé à clorre
la bouche à beaucoup de mesdisans: car si tost
qu'on presche la pure miséricorde de Dieu en
Iesus Christ, il y a des chiens matins qui abayent
et qui mettent en avant beaucoup de calomnies,
comme auiourd'huy encores on le void. Car si
nous condamnons ceste fiance diabolique dont les
hommes se trompent quand ils Guident obtenir
salut pour leurs mérites, O comment? c'est donc
condamner toutes bonnes oeuvres? et auiourd'huy
voilà comme ces caphards diffament la doctrine de
l'Evangile laquelle nous portons, comme si nous
voulions donner congé et licence de mal faire, et
qu'il n'y eust plus aucune distinction entre vice et
vertu, et puis quand nous remonstrons que leurs
ceremonies ne sont que menus bagages, et d'autant
plus qu'ils s'enorgueillissent en icelles, que ce ne
sont qu'abominations devant Dieu, O comment?
voilà toute devotion qui sera abolie, et comment?
Dieu ne sera-il plus servi et honoré? Voilà le
langage et style dont usent auiourd'huy ces
canailles qui ne peuvent souffrir que nostre Seigneur
Iesus Christ soit le 3eul fondement, à fin
que nous appuyons sur luy la fiance de nostre
salut, qui ne peuvent aussi souffrir que nous soyons
gouvernez, par la pure et simple parole de Dieu.
Or pour ceste cause sainct Paul dit ici, qu'en Iesus
Christ il n'y a ne Circoncision, ne prepuce: mais la
foy qui besongne par charité. En disant qu'il n'y
a ne Circoncision ne prepuce en Iesus Christ, il
entend que ce que Dieu avoit commandé les ceremonies,
cela a esté temporel, qu'il nous faut tousiours
avoir esgard où il a prétendu, d'autant que
Iesus Christ n'estoit point apparu, il a voulu
retenir le peuple en espérance.
Car s'ils n'eussent eu ne lavemens, ne sacrifices,
ne choses semblables, ils se fussent trouvez
esbahis, et selon la fragilité des hommes ils fussent
défaillis cent mille fois, mais combien qu'ils ne
vissent pas encores pleinement comme ils devoyent
estre sauvez, si est-ce qu'ils avoyent là comme des
peintures vives et des miroirs où ils pouvoyent
contempler la grace de Dieu. Voilà donc comme
les ombres et figures ont servi pour leur temps.
Ainsi sainct Paul declare qu'il ne veut rien deroguer
à l'authorité de Dieu qui avoit establi la
Loy entre les Iuifs: qu'il ne veut pas aussi dire
que tout cela ait esté inutile et frustratoire : mais
que nous sommes venus à la perfection des temps,
depuis que nostre Seigneur Iesus Christ a esté
manifesté: qu'il ne faut plus qu'il y ait un voile
qui nous empesche de le regarder face à face, selon
qu'il nous est proposé en l'Evangile. Car toutesfois
et quantes que l'Evangile nous est presche,
c'est autant comme si nous voyons là le Fils de
Dieu estre crucifié pour nous, si nous voyons son
sang découler quand nous en sommes ainsi arrousez
par la vertu du sainct Esprit, comme dit sainct
Pierre en sa premiere Canonique. Ainsi donc puis
que nostre Seigneur Iesus Christ par sa mort et
passion nous a dédié la voye par laquelle nous
puissions parvenir à Dieu son Père, il n'est plus
question de nous amuser à ce qui a esté ordonné
pour le temps de son absence: il est vray qu'auiourd'huy
il n'habite pas au monde: mais nous
avons son Evangile, qui est l'accomplissement de
tout ce qu'il faut pour nostre salut: c'est donc autant
comme s'il estoit crucifié au milieu de nous,
comme desia sainct Paul en a parlé.
Or puis que nous avons l'intelligence de ce
mot en Iesus Christ, c'est à sçavoir depuis que
l'Evangile se presche, venons à ce qu'il adiouste,
qu'il n'y a plus ne Circoncision ne Prepuce, c'est
à dire qu'il faut que ces choses là cessent auiour-