commentariüs in epistolam pauli ad corinthios il - Archive ouverte ...

657 SUR L'EPITRB AUX GALATES. 658
diateur à Dieu son Père. Nous avons déclaré
quant et quant pourquoy sainct Paul parle ici
d'une semence servile et franche: c'est pour ce
que ceux qui cerchent leur iustice en leurs vertus
s'aliènent de nostre Seigneur Iesus Christ et de
sa grace. Car par ce moyen ils s'obligent à une
chose impossible, c'est de satisfaire à Dieu en observant
ses commandemens. Or il y a une telle
faiblesse en nous que nul ne se pourra acquitter
du moindre article de la Loy: tant s'en faut qu'en
tout et partout nous puissions venir à la perfection
laquelle nous est là monstree. Et voilà pourquoy
sainct Paul conclud maintenant qu'il nous faut
tenir en la liberté qui nous a esté acquise par
nostre Seigneur Iesus Christ. Or il est certain
qu'il traitte ici des ceremonies de la Loy: mais il
nous faut tousiours venir à la source et au but
principal. Car s'il n'estoit question que de garder
un iour de feste, et de s'abstenir de manger quelque
viande, cela ne seroit pas de si grand pois
qu'il en fallust esmouvoir telles contentions en
l'Eglise. Mais sainct Paul ne s'est pas amusé à
ce qui estoit frivole et de petite consequence: il a
regardé à la doctrine; il a regardé que si on veut
attacher les hommes à quelle nécessité d'apporter
ceci ou cela, c'est les exclurre d'espérance de salut:
car s'il me faut sur peine de péché mortel garder
une chose: me voilà constitué transgresseur quand
i'auray failli, et n'y a point de remède. Car Dieu
est mon iuge, et me faudra venir à conte, et n'y
a nul moyen de me racheter. Or il est vray que
nous sommes tous suiets à observer la Loy: mais
cependant il y a le remède, c'est qu'en nos deffauts
nous recourons à nostre Seigneur Iesus Christ, lequel
a esté assuietti à la Loy: à fin de nous acquérir
liberté: lequel a porté nostre malediction, à
fin que nous en fussions affranchis. Maintenant si
on impose quelque nécessité pour dire que de faire
ceci ou cela soit péché, voilà nostre Seigneur Iesus
Christ qui ne nous servira plus du remède que
nous avons dit. Il faudra donc que nous soyons
plongez en nostre malediction sans en estre aucunement
relevez. Ainsi ce n'est point sans cause que
sainct Paul exhorte les Galatiens à tenir bon, et
ne se point laisser assuiettir: car par ce moyen il
dit qu'ils seront privez d'un bien inestimable, voire
iusqu68 à estre decheus de la grace de Dieu, et
séparez de nostre Seigneur Iesus Christ, là où gist
tout nostre salut et félicité.
Maintenant pour mieux comprendre le sens de
sainct Paul, et recueillir aussi le fruict qui nous
est offert en ce passage, notons qu'en ce mot de
liberté, qu'il s'entend que nous puissions cheminer
devant Dieu avec pleine confiance qu'il nous sera
tousiours propice-' et au reste que si nous sommes
coulpables de beaucoup de fautes, qu'elles nous
Calvi/ni opera. Vol. L.
seront quittées au nom de nostre Seigneur Iesus
Christ. Davantage qu'il n'est point en la puissance
des hommes de nous brider ni tenir captifs: mais
qu'il nous doit suffire de nous rendre obeissans à
nostre Dieu, voire non pas encores d'une façon
servile et contrainte, mais comme les enfans se
rendent suiets à leur père, sçachans bien que le
père ne les voudra point traitter à la rigueur.
Voilà qu'emporte ce mot de liberté dont S. Paul
use. Mais à fin que ceste briefveté ne soit obscure,
ie declareray le tout plus au long: cependant que
nous sommes en doute: si Dieu nous aime, ou s'il
nous hait, il y aura tousiours torment et inquietude
en nos consciences, et seront là tenus comme en
prison. Il n'y aura donc nulle franchise en nos
âmes, iusques à ce que nous ayons cognu et que
nous soyons bien persuadez que Dieu nous est
propice, et qu'il nous reçoit en son amour et en
sa grace, combien que nous n'en soyons pas dignes.
Or il est impossible d'avoir nulle certitude, sinon
que tousiours nous ayons devant les yeux nostre
quittance qui nous a esté faite en la mort et passion
de nostre Seigneur Iesus Christ. Pourquoy?
comme i'ay desia dit, nous sommes redevables à
Dieu en beaucoup de sortes, voire infinies. Car
nous sommes obligez à garder sa Loy, et nous
faillons cent fois le iour, voire sans y penser. Apres
il y a des cheuttes bien lourdes. Quoy qu'il en soit,
nous ne pouvons pas nous asseurer de l'amour
de Dieu, sinon que nous soyons acquittez envers
luy de l'obligation de mort éternelle en laquelle
nous sommes detenus.
Or nous obtenons un tel bien, quand nous
sommes persuadez par l'Evangile que le sang de
nostre Seigneur Iesus Christ a esté espandu pour
nous laver de toutes nos macules, et que sa mort
nous est un sacrifice pour appaiser l'ire de Dieu,
et effacer la memoire de toutes nos offenses et iniquitez.
Voilà donc comme nous sommes affranchis,
c'est en cognoissant que Dieu nous reçoit à merci
au nom de nostre Seigneur Iesus Christ, et que
nos fautes et péchez ne empescheront point que
tousiours nous ne trouvions grace devant luy, et
que nous n'y ayons accès privé comme enfans
envers leurs pères. Il y a pour le second, que
nous ne soyons point agitez de costé et d'autre
pour faire scrupule de tout ce que les hommes
auront inventé en leur teste: mais qu'il nous
suffise de cheminer selon la parole de Dieu, sçachans
au reste que nos consciences sont libres, si
les hommes commandent, s'ils défendent, que cela
ne nous soit rien, ie di quant au regime spirituel
de nos âmes: car il n'est point ici question de la
police, ne de la vie commune des hommes : il est
question de nostre salut. Ainsi dono toutes choses
nous doivent estre libres, quand elles ne nous sont
42