commentariüs in epistolam pauli ad corinthios il - Archive ouverte ...

€47 SERMONS 648
laisser ainsi esgarer par Satan et par ses astuces:
mais'si nous desirons d'estre reputez enfana de
Dieu et avoir la vraye marque, par laquelle nous
soyons cognus devant les Anges, que nous souffrions
d'estre enseignez, et que nous gardions en toute
reverence et humilité l'ordre de l'Eglise. Et ainsi
les plus grans, et ceux qui sont eslevez en quelque
degré d'honneur, doivent tousiours avoir cela tout
conclud que la plus grande dignité qu'ils puissent
avoir, c'est d'estre enfans de l'Eglise, et fussent-ils
Bois et Princes: car celuy qui se veut exempter
de telle condition, il renonce pleinement Dieu, et
se retranche de toute espérance de salut. Voilà
donc pour un item, que cependant que nous sommes
en ce monde, nous taschions à profiter en la parole
de Dieu, d'autant que c'est là où gist toute nostre
vie spirituelle, et pomme Dieu nous a régénérez,
qu'aussi nous serons là nourris iusques en la fin,
comme c'est la seule pasture de nos âmes. Que
nous n'ayons point donc un tel orgueil et présomption
de mespriser toute doctrine, comme si
nous n'avions plus nul besoin d'estre escholiers:
mais que de iour en iour nous recevions ce qui
nous est monstre, et que par ce moyen nous soyons
tous vrais enfans de l'Eglise: voilà donc pour oest
article.
Le second est, que nous discernions, et que
nous ne soyons pas comme des bestes qu'on traînera
par les marests et à travers champs: mais
que nous sçachions que c'est de l'Eglise, comme
Dieu a imprimé certains signes à l'Eglise, lesquels
ne nous tromperont iamais. Quand donc nous
aurons la parole de Dieu qui nous sera purement
annoncée sans aucun meslinge, là où il ne se fera
nulle corruption de l'Evangile, mais où nous serons
amenez pleinement à Dieu pour cercher tout
nostre bien en luy, que nous tiendrons la voye
qu'il nous monstre, c'est nostre Seigneur lesus
Christ, et qu'estans despouillez de toute fierté et
arrogance, que nous souffrions d'estre revestus des
biens spirituels qui nous sont offerts en nostre
Seigneur lesus Christ, que ce soit là toute nostre
gloirej là où nous aurons une telle doctrine, c'est
la maison et le sanctuaire de Dieu, c'est la vraye
Eglise qui est nostre mere, à fin que nous sçachions
que Dieu aussi nous avoue et reçoit pour ses enfans.
Yoilà (di-ie) un examen tout certain et infallible,
moyennant que nous ne soyons point
abrutis à nostre escient, comme nous en voyons
beaucoup qui ferment les yeux, et bouchent les
aureilles, et se font accroire qu'ils sont quittes,
moyennant qu'ils ayent allégué ce nom d'Eglise,
pour cacher tous leurs abus et tromperies et illusions
de Satan« Que donc nous ne soyonB point
ainsi bestes de nostre gré: mais que nous cognoissions
où Dieu noua envoyé pour estre vraye-
ment régénérez de la semence de sa parole et
pour en estre nourris comme de nostre pasture
unique. Et voilà pourquoy aussi ce tesmoignage
d'Isaie est allégué, Dieu ne s'adresse pas en confus
à chacune multitude qui se pouvoit vanter
d'estre Eglise, mais seulement au troupeau qui devoit
estre résidu, après que le peuple des Iuifs
auroit esté esgaré en une horrible dissipation,
comme nous sçavons qu'il en est advenu. Or il
est vray que de prime face on eust iugé que Dieu
avoit exterminé son Eglise du monde et abolie du
tout: mais tant y a qu'il en a recueilli quelque
petit nombre, et ceux là sont appelez le résidu dé
l'élection gratuite. Pour ceste cause le Prophète
Isaie dit, que ceux qui en ont esté rachetez, et
qui sont vrayement retournez à Dieu pour reigler
leur vie à l'obéissance de sa parole, que ceux là
sont enfans de l'Eglise.
Or ici nous avons cependant à noter que
l'Eglise n'est pas triomphante en ce monde, et ne
reluit pas avec telles pompes et si magnifiques
qu'on puisse estre ravi du seul regard, à fin de
s'y addonner, mais souventes fois qu'elle sera déserte,
elle sera comme défigurée: et cest article là
encores est bien notable: car quand [les Papistes
se vantent d'avoir l'Eglise de leur costé, comment
le prouvent - ils ? Il faut venir à quelque tesmoignage.
Or ils n'allèguent sinon leurs richesses, et
la vogue qu'ils ont, et les grandes pompes et fanfares.
Or ce n'est pas ainsi que Dieu veut que.
son Eglise soit cognue: car nous sçavons que
nostre Seigneur lesus Christ veut ici régner au
milieu de ses ennemis, tellement que tousiours la
doctrine de laquelle il a adverti ses disciples doit
estre prattiquee de nous, 'c'est à sçavoir que nous
serons reiettez du monde, que nous serons mesprisez,
qu'on nous tirera la langue, que nous serons
faschez et ennuyez, en sorte qu'il ne nous faut
point ici eercher ni paix ni repos. Or donc quand
on nous parle de l'Eglise, avisons bien à ce qui
est ici dit par sainct Paul: car il l'accompare à
une femme vefve, qui est toute seule en sa maison,
qui n'a ne support ni aide: on la reiette, on n'en
tient conte, elle est là comme à demi au sepulchre :
mais Dieu dit qu'elle sera restaurée, et qu'elle
aura plus d'enfans que celle qui sera mariée et
qui est en credit et honneur. Or il nous faut
(di-ie) auiourd'huy prattiquer ceste doctrine, quand
nous verrons la poure Eglise estre ainsi foulée,
que nous verrons les ennemis de vérité estre en
tel orgueil, voire furie, qu'ils dresseront lés cornes
et feront leur triomphe pardessus nous, comme si
nous n'estions que poudre et fumier: quand nous
verrons cela, que nous attendions en patience que
Dieu recueille ceux qu'il .a esleus: et contentonsnous
d'estre avouez de luy pour enfans, enoores