commentariüs in epistolam pauli ad corinthios il - Archive ouverte ...

645 SUR L'EPITRB AUX GALATES. 646
aucune corruption ne meslinge. Et voilà pourquoy
sainct Paul nous rameine à la Ierusalem celeste, à
fin que nous sçachions qu'elle est nostre mere. Or
il est vray qu'à parler proprement, ceux qui pervertissent
le sens naturel de l'Escriture ne sont
pas enfans de Dieu, et n'y a que mensonge et
hypocrisie, quand ils le reclament pour leur Père.
Mais cependant pour ce qu'on les estime en tel degré,
sainct Paul discerne ici par la mere, à fin
que nous puissions iuger quels sont les vrais enfans
de Dieu et legitimes, et ceux qu'il approuve: car
le nom d'Eglise est souventesfois prétendu à la
volée : comme auiourd'huy les Papistes en font
bouclier pour maintenir tous les erreurs. Et d'autant
que l'Escriture saincte leur est contraire, il
leur semble que ceste couverture leur peut servir,
que si est-ce qu'ils ont l'Eglise de leur costé. Voire
mais sainct Paul nous monstre ici qu'il nous faut
estre prudens pour sçavoir quelle est la vraye
Eglise : car les Iuifs avoyent bien assez de couleur
pour monstrer que Dieu faisoit sa residence en
Ierusalem, pour ce qu'elle avoit esté choisie de luy
avec tesmoignage qu'il y feroit son repos perpétuel,
comme nous avons veu ce matin. Or tant y a que
ceste Ieru8alem-là estoit comme une caverne de
brigands, à cause que nostre Seigneur Iesus Christ
y avoit esté crucifié: et les Iuifs par leur desloyauté
s'estoyent retranchez du tout de la maison
de Dieu, et avoyent tasché entant qu'en eux estoit,
d'abolir sa vérité. Ce nom de Ierusalem, combien
qu'il eust esté honorable, estoit alors en
opprobre et infamie devant les Anges et devant
tous fidèles. Ainsi auiourd'huy nous avons bien à
regarder quelle est l'Eglise, à fin que nous ne
soyons point enfans d'une semence bastarde et que
Dieu ne nous reiette pas et bannisse de sa maison,
quand nous aurons ainsi par hypocrisie prétendu
faussement son nom devant les hommes. Il est
vray que c'est un honneur fort excellent que Dieu
attribue à l'Eglise, en disant qu'elle est la mere
de tous fidèles, et c'est selon que sainct Paul en
parle en l'autre lieu, où il dit, qu'elle est comme
le pillier pour soustenir la vérité de Dieu en ce
monde: non pas qu'elle ait besoin d'estre maintenue
par nous qui sommes enclins à légèreté et inconstance,
qui n'avons que mensonge de nature : quelle
fermeté donc y trouvera-on pour dire que la vérité
de Dieu soit appuyée sur les hommes? mais tant y
a que par sa bonté infinie il veut que sa parole
soit preschee ici bas, et en a ordonné la charge à
ceux qu'il appelle: et pour ceste cause l'Eglise est
nommée la mere de tous: car nous n'avons que
Dieu seul qui soit nostre Père: comme nostre Seigneur
Iesus Christ le monstre: voire tant du corps
que de l'Esprit : mais Dieu est nostre Père spirituel,
sans avoir, aucun compagnon: tant y a que s'il
nous engendre en l'espérance de la vie celeste,
c'est par le moyen de son Eglise, en laquelle il a
mis ceste semence incorruptible, comme il est dit
par le Prophète Isaie,: Ma parole sera en ta bouche,
et demourera d'aage en aage à tes enfans et à ceux
qui seront descendus de ta race.
Voilà donc comme Dieu veut gouverner ses
fidèles, c'est à sçavoir quand il y aura sa parole,
comme un depost et un thresor inestimable de
salut pour son Eglise, à fin que nous en soyons
tous régénérez et nourris. Or d'autant plus nous
faut-il estre prudens, comme i'ay desia touché, pour
sçavoir où nous trouverons l'Eglise: car puis qu'elle
est mere des enfans de Dieu, il ne faut pas que
ce nom-là soit profané et qu'on le souille : et qu'on
le pollue, comme on voit qu'il en est advenu, et
qu'il est encores auiourd'huy. Il n'y a rien plus,
commun qu'un tel sacrilege, d'opposer le nom de
l'Eglise pour anéantir ou obscurcir la vérité de
Dieu: car auiourd'huy où tendent les Papistes,
quand ils se vantent à pleine bouche et à plein
gosier qu'ils sont l'Eglise, sinon à ce que Dieu ait
la bouche close, que sa parole soit mise sous le
pié, et qu'on n'en parle plus, et cependant que ce
que les hommes ont forgé à leur appétit soit receu
sans aucune contradiction, qu'on s'y tienne, et
qu'on s'y assuietisse? Nous voyons donc comme
les hommes, qui ne sont que vers de terre et
pourriture, sont mis en balance, à l'opposite de
Dieu, et le tout sous ombre de l'Eglise. Mais ici
nous sommes admonestez par sainct Paul de cercher
l'Eglise qui a la pure doctrine par laquelle nous
avons esté adoptez de Dieu pour ses enfans. Or
nous avons déclaré ci dessus que le tout gist en
ce que nous soyons entez au corps de nostre Seigneur
Iesus Christ, et qu'aussi nous cognoissions
que de nature nous sommes maudits, et que toutes
nos oeuvres ne sont que pollutions, que le diable
nous tient suiets sous sa tyrannie, et qu'il n'y a
autre remède, sinon que Dieu nous reçoive à merci
et pitié. Que donc nous entrions en la maison de
Dieu par ceste porte, c'est à sçavoir cognoissans
qu'il n'y a que la seule et pure grace de nostre
Seigneur Iesus Christ qui nous y donne entree.
Voilà comme l'Eglise nous enfante, voire de ceste
semence incorruptible de laquelle il a esté parlé.
Or pour bien faire nostre profit de ce passage,
nous avons à observer deux articles : l'un c'est que
nous ne soyons pas comme d'aucuns fantastiques
qui cuident estre fidèles sans lecture, sans predication
: et leur semble que le sainct Esprit se doit
reveler à eux par songe ou ie ne sçay comment.
Et de faict, ils mesprisent toute doctrine, et leur
semble que c'est comme un ABC des petis enfans
pour estre enseignez. Ad visons de ne nous point
41*