commentariüs in epistolam pauli ad corinthios il - Archive ouverte ...

637 SUR L'EPITRE AUX GALATES. 638
ont gardées n'ont pas esté en pleine liberté, comme
auiourd'huy Dieu nous en fait iouir, selon qu'elle
nous a esté acquise par nostre Seigneur Iesus
Christ: mais tant y a que sainct Paul parlant ici
de la Loy qui engendre en servitude, le prend ici
pour ceste fausse opinion qu'avoyent ceux contre
lesquels il dispute: car il adioustera puis après
que tous ceux qui sont ainsi engendrez, en la fin
seront dechassez et bannis de la maison de Dieu
et de l'héritage. Or combien que les Peres ayent
esté engendrez en servitude externe, comme il en
est parlé au 8. chap, des Romains, si est-ce
toutesfois qu'ils ont esté francs par l'Esprit de la
foy qui a dominé par dessus la servitude, ou autrement
ils eussent esté retranchez de toute espérance
de salut. En somme sainot Paul parle ici de
la Loy, à cause de l'interprétation dont elle avoit
esté corrompue par ces hypocrites qui s'amusoyent
à des menus fatras, et en vouloyent faire des
mérites : et cependant mettoyent les consciences
comme en des liens si estroits, que c'estoit pour
les estrangler.
Or de cela il en a esté traitté assez par ci
devant : mais il nous doit souvenir de ce qui a
esté dit, c'est que la Loy est accomparee à l'Evangile,
d'autant que ceux qui veulent acquérir iustice
par icelle, il leur semble que Dieu est obligé
envers eux quand ils se sont acquittez de leur
devoir, et le pensent faire. Ils oyent ceste promesse,
Qui fera ces choses, il vivra. Là dessus
ils s'efforcent et leur semble qu'ils viendront à
bout d'accomplir tout ce que Dieu requiert et commande.
Et puis ayans ceste promesse qui leur
est donnée, voilà autant de salaire: et ne pensent
plus que leur salut soit un don gratuit, mais
qu'ils ont desservi tout ce que Dieu leur promet
en sorte que la vie éternelle leur est une recompense
de leurs mérites. Voilà donc que c'est de
la Loy, quand S. Paul l'accompare à l'Evangile.
Or de l'Evangile, il entend que c'est une doctrine
par laquelle Dieu se desclare nous estre Père, à
ceste condition que nous soyons affranchis de la
condamnation de Satan et de péché: et mesmes
de la malediction de la Loy: car il est dit, comme
desia nous avons veu, que ceux qui en tout et
partout n'auront point satisfait à la Loy, seront
maudits. Or est-il ainsi que nous sommes tous
redevables. Yoilà donc tout le monde englouti
en desespoir, et n'y a nul remède, Binon que
Dieu retire les poures pécheurs de ceste condamnation,
et qu'ils soyent absous de la sentence qu'il
avoit prononcée contre eux.
Nous voyons donc maintenant comme S. Paul
a prins ici le nom de la Loy; ce n'est pas que la
doctrine contenue en Moyse ne nous face vrayement
enfans de Dieu, et qu'elle ne contienne les
promesses qui suffisent pour le sàlut éternel des
hommes: mais c'est tant seulement que devant que
Iesus Christ fust apparu au monde, il n'y avoit
pas encores pleine liberté, comme elle est auiourd'huy,
et d'avantage que les hypocrites abusoyent
de la Loy par leur fausse interpretation: car ils
imaginoyent qu'ils pourroyent satisfaire à Dieu, et
par ce moyen acquérir grace envers luy: comme
S. Paul dit que nous serons tousiours en servitude,
iusques à ce que nous soyons engendrez
d'une autre espèce de semence, c'est à sçavoir de
l'Evangile. Or notons quand il est dit qu'Agar
ou Sinai respond à Ierusalem qui estoit pour lors,
c'est à sçavoir à ceste ville qui avoit esté auparavant
le sanctuaire de Dieu, et qui devoit estre'la
fontaine de la doctrine celeste, selon qu'il est dit
en Isaie et en Michee, la Loy sortira de Sion, et
la parole de Dieu de Ierusalem: mais d'autant que
les Iuifs s'estoyent corrompus, et qu'ils avoyent
meslé leurs inventions et leurs gloses parmi la
pureté de la vraye doctrine et mesmes qu'ils
avoyent renoncé Iesus Christ, la fontaine de vie,
S. Paul dit que ceste Ierusalem là est comme
Agar servante, et comme la montagne de Sinai,
qui ne peut engendrer qu'en condamnation, et ceci
est bien notable: car c'est pour monstrer que Dieu
n'a iamai8 attaché tellement sa grace à un lieu
qu'il n'ait puni l'ingratitude des habitans, quand
ils n'ont sceu faire leur profit du bien qu'il leur
avoit mis en main. Voilà Ierusalem qui est
nommée la cité saincte de Dieu, son palais Royal,
son domicile, le lieu de sa residence, tous ces titres
là luy sont attribuez en PEscriture saincte.
Or cependant S. Paul dit qu'elle est devenue comme
Sinai, une montagne sterile en un lieu desert
et esgaré, et hors des limites de ceste terre saincte,
que Dieu appelle son repos et l'héritage de ses fidèles
et esleus. Puis qu'il y a eu un tel changement
en la ville de Ierusalem, qui avoit esté esleuë
de Dieu, qui avoit esté honorée de si beaux
titres et excellens, que sera-ce auiourd'huy de tous
les peuples qui reiettent la doctrine de l'Evangile?
encores qu'ils eussent esté eslevez en tel honneur,
tant y a que Dieu les pourra bien faire trebuscher
en toute ignominie: nous voyons ce qui est dit de
ces villes où nostre Seigneur Iesus Christ avoit
publié l'Evangile, comme de Capernaum et du
reste : car elles se pouvoyent glorifier d'avoir eu le
premier message de salut, que Iesus Christ avoit
là conversé au monde, plus mesmes qu'en la ville
de Ierusalem : mais il dit, tu seras mise au profond
d'enfer, d'autant qu'il y avoit là eu une
rebellion et malice obstinée, en ce qu'ils avoyent
desdaigné de recevoir la grace qui leur estoit
preschee. Et mesmes nous voyons ce que dit
Ieremie de Silo, d'autant que les Iuifs se glori-