commentariüs in epistolam pauli ad corinthios il - Archive ouverte ...

635 SERMONS 636
est nay de la promesse; car Dieu y besongne par
miracle, à fin qu'on cognoisse que nostre Seigneur
Iesus devoit estre envoyé au monde: non point
selon l'ordre de nature: mais comme procédant de
la bonté de Dieu et de son conseil admirable.
Quoy qu'il en soit, voilà en la maison d'Abraham,
qui est comme une figure et image de l'Eglise,
deux femmes avec deux enfans qui sont sortis de
l'une et de l'autre. Or quant est d'Agar, sainct
Faul dit qu'elle est comme Sina, la montagne où
la Loy fut donnée : et l'appelle montagne d'Arabie,
pour monstrer qu'elle n'estoit pas en ceste terre
saincte, laquelle Dieu avoit desia ordonnée à son
peuple pour heritage. Il y a aussi Sara qui respond
à Ierusalem, non pas (dit-il) à ceste Ierusalem
qui est maintenant: car elle s'estoit corrompue,
«lie s'estoit alienee de la Loy et de la pure doctrine
de Dieu: delà Loy (di-ie), non pas selon que
sainct Paul le prend maintenant, qu'elle engendre
servitude : mais selon l'alliance que Dieu avoit
faite avec son peuple au nom de nostre Seigneur
Iesus Christ. D'autant donc que Ierusalem qui
estoit du temps de S. Paul, avoit renoncé Iesus
Christ, et avoit par ce moyen aboli l'alliance de
Dieu, S. Paul dit qu'il la faut associer avec Agar,
ou avec Sina, c'est tout un (dit-il) que les Iuifs se
vantent sous ombre de leur temple et de leurs
sacrifices et choses semblables, qu'ils sont le peuple
choisi et esleu, tant y a qu'ils sont comme bannis
et exterminez de la terre saincte, et n'ont sinon un
titre frivole de la Loy, car qu'on regarde Testât de
Jérusalem tel qu'on le voit, il ne diffère en rien
d'avec Sinai.
Or il y a (dit-il) ceste Ierusalem d'en haut, c'est
à sçavoir l'Eglise, laquelle nous régénère devant
Dieu, et celle-là aussi ayant ceste semence incorruptible
de l'Evangile engendre des enfans qui sont
francs et libres, et est la mere de tous fidèles (dit-il)
selon qu'il est escrit: Esiouy toy povre femme sterile.
Or Isaie ne parle point seulement à une femme:
mais par similitude il appelle ainsi l'Eglise de Dieu,
qui pour un temps devoit estre en grande dissipation.
Il dit donc, il est vray que tu seras comme
reiettee, et y aura comme une espèce de* divorce
entre Dieu et toy: mais en la fin il te multipliera
derechef, et tu auras plus d'enfans que si tu avois
esté touBiours florissante et en toute prospérité,
comme il en est advenu quand l'Evangile a esté
publié au monde. Car alors l'Eglise n'a point eu
seulement les enfans d'Abraham, ni un certain
peuple: mais elle a engendré par la semence celeste
de l'Evangile des enfans • infinis à Dieu, de
toutes nations et de pays eslongnez et de longue
distance, comme Dieu a desployé alors sa vertu
par tout le monde. Voilà en somme le contenu
4u texte que nous avons recité.
Or en premier lieu nous avons à noter, quand
S. Paul dit que ces choses sont dites par allégorie,
ce n'est pas qu'il vueille anéantir le sens naturel
de l'Escriture saincte: comme nous voyons qu'il
y a eu une folle curiosité de cercher des speculations
sottes en l'Escriture saincte, et qui n'a
esté que pour tout brouiller, et on a estimé que
le sens literal ne fust rien. Voilà qui a esté cause
de tout falsifier et pervertir: et c'a esté une invention
diabolique que des allegories qui ont régné
au monde, et qui encores plaisent tant à beaucoup
de gens: comme ils en ont esté ensorcelez, pour
ce que cela est favorable et qu'on leur applaudit.
O voilà une belle exposition. Et pourquoy?
quand on ne touche ne ciel ne terre, le poure
peuple s'y ravit et est bien aise d'estre là en suspens
et en bransle. Or S. Paul n'a pas entendu
que ce que Moyse recite d'Isaac et d'Ismael soit
seulement une speculation ainsi curieuse: mais il
monstre en somme qu'en ceste histoire nous contemplons
quel est Testat de l'Eglise, d'autant
qu'alors il n'y avoit Eglise au monde que Dieu
eust gouvernée, sinon la maison de Abraham.
Il y avoit bien encores Salem, où Melchisedec
estoit Boy: mais d'autant que cela s'en alloit
encores en confusion, Dieu en la personne d'Abraham
a recueilli un peuple où il a donné comme
un te8tnoignage qu'il vouloit estre invoqué de ceux
qu'il avoit séparez d'avec le reste du monde. Il
ne faut point donc que nous lisions ceste histoire
de Moyse froidement, sans regarder plus loin:
c'est à dire sans regarder à ce qui est advenu en
ceste maison - là où il nous est monstre Testât de
l'Eglise. Voilà pour un item.
Or maintenant pour venir au principal, notons
quand S. Paul accompare Agar la servante d'Abraham
à la montagne de Sinai, et à la Loy, qui a
esté là publiée, que ce n'est pas prenant la Loy
en tout son contenu et en sa substance. Car en
la Loy il y a les promesses de salut, qu'il nous
faut espérer par nostre Seigneur Iesus Christ,
comme sainct Paul le declare en plusieurs passages,
et aussi nous l'avons veu. Quand donc on prendrait
la Loy en son droit usage et legitime, il est
certain que là nous aurions une semence incorruptible
de vie et Dieu seroit nostre Père, et nous
serions affranchis de luy. La Loy a bien engendré
en servitude, quant à l'apparence extérieure: comme
.il en a esté traitté ci dessus. Les Peres anciens,
encores qu'ils fussent enfans de Dieu et héritiers
du royaume des cieux comme nous, ont esté sous
des tuteurs et curateurs: car ils estoyent encores
semblables à des petis enfans : et la perfection a
esté réservée à la venue de nostre Seigneur Iesus
Christ, et les ceremonies ont esté comme des
bridés et des attaches, tellement que ceux qui les