commentariüs in epistolam pauli ad corinthios il - Archive ouverte ...

627 SERMONS 628
ires. Or nous sçavons que l'homme sensuel ne
comprend pas les secrets de Dieu. Il faut donc
que nous soyons despouillez de nostre naturel pour
estre renouveliez en Dieu, et ce que nous appelons
regeneration, c'est à dire une naissance seconde,
s'entend que ce qui est en nous du vieil
homme soit amorti et soit comme changé. D'autant
donc que les Galatiens n'avoyent pas donné
lieu à la doctrine de l'Evangile, voilà pourquoy
sainct Paul dit qu'il faut qu'ils soyent encores
derechef enfantez, voire iusques à ce que Iesus
Christ soit formé en vous (dit-il). Ce mot est
adiousté à fin d'adoucir ce qui estoit de soy bien
àspre : car quelle honte estoit - ce que ceux qui
avoyent receu l'arre de leur salut au Baptesme et
en la Cène, comme il y en avoit beaucoup qui
avoyent esté instruits en l'aage de vingt, trente,
cinquante et soixante ans, tant hommes que femmes:
après avoir donc protesté devant Dieu qu'ils
estoyent pleinement renouveliez en üesus Christ,
qu'il fale derechef qu'ils soyent quasi refondus?
Or pour ceste cause sainct Paul dit, que c'est
iusques à ce que Iesus Christ soit formé, comme
s'il disoit, le m'esbahi que vous soyez encores
comme petis enfans, et que ie soye contraint quasi
de vous recevoir en mon ventre et en mes entrailles,
iusques à ce que le terme soit venu pour
vous meurir autrement que vous n'avez esté, toutesfois
ie crain que la peine que i'ay prins entre
vous et le travail ne soit perdu et aboli: tant y a
qu'il y a ceste faute que vous n'estes point si bien
polis comme il est à désirer. Voilà en somme
comme sainct Paul modere ceste rigueur qui pouvoit
estre trop excessive, et qui pouvoit navrer
par trop les Galatiens, quand il leur disoit, Comment?
vous estes comme avortons: ie pensoye
vous avoir conceu, vous avoir engendrez, vous
avoir enfantez et nourris en Iesus Christ, ie voy
maintenant qu'il n'y a nulle vie, voire spirituelle,
et que tout s'est escoulé et esvanouy. Si sainct
Paul se fust arresté là, il est certain que ces poures
gens fussent demourez désespérez et confus.
Ainsi à fin de leur donner courage de se réduire,
il dit, Et bien, il est vray que vous avez très mal
profité iusques ici: mais que vous rentriez au bon
chemin, et que ce qui semble estre péri du tout,
encores produira-il fruict nouveau, et cognoistraon
que ce n'a point esté en vain que par cidevant
vous avez fait protestation de cheminer selon
l'Evangile.
Comme si un arbre estoit quasi mort, et qu'il
semblast estre du tout séché, si on luy donne terre
nouvelle à la racine, et qu'on luy aide, il produira
derechef. Ainsi il adviendra qu'un homme
qui sera. comme desvoyé de l'Evangile, si on le
réduit, non seulement il sera régénéré pour la se­
conde fois: mais ce qu'il avoit receu auparavant
luy profitera, et on le voit où Dieu eslargit une
telle grace que de ramener au droit chemin ceux
qui en ont esté eslongnez. Or il est vray qu'il
n'advient pas à tous : et pourtant que nous soyons
sur nos gardes, et que nous n'abusions point de la
bonté de Dieu, comme beaucoup de gaudisseurs qui
se destournent, comme s'ils avoyent complotté avec
Satan, comme nous voyons de tels exemples de
ces gens qui se polluent et profanent, et en tant
qu'en eux est, anéantissent la vérité de Dieu : mais
s'il y en a qui par legiereté se destournent, il
semble que tout soit perdu, et dira-on, et qu'est-ce
qu'on a gagné à les enseigner? voila un enfant
perdu: on dira donc qu'il n'y a pas une seule
goutte de bonne cognoissance. Or si Dieu les
rappelle (comme on en voit des exemples assez),
on trouvera que ce qui estoit comme estouffé auparavant,
reiette, comme s'il y avoit eu sur une
terre bien cultivée de l'ordure, ou qu'on y
eust ietté des poussières et autres choses semblables
pour un temps, ce qui est là dedans demouré
caché, mais en la fin si reiettera-il. Voilà
en somme ce que sainct Paul nous a ici voulu •>
declarer.
Or cependant nous avons aussi à noter quand
il dit, que Iesus Christ sera derechef formé en euxy
voire s'ils se réduisent à son obéissance. Il est
vray que ce mot sembleroit de prime face assez
rude: car nous sommes plustost formez en Iesus
Christ qu'il n'est pas en nous: qu'ainsi soit, voilà
Iesus Christ qui est toute nostre perfection: de
dire qu'il se nourrisse en nous comme un petit
enfant: de dire qu'il croisse ou qu'il s'avance, cela
n'est pas convenable à sa personne : toutesfois
sainct Paul parle ainsi : mais en cela il nous
monstre l'union que nous avons avec Iesus Christ
nostre chef. Combien donc que Iesus Christ ne
puisse ne crpistre ne diminuer en soy, si est-ce qu'il
accepte sur sa personne tout ce qui est de nos
vices et infirmitez. I'ay desia dit que nous naissons
en luy, quand par la doctrine de l'Evangile nous
sommes appelez à l'espérance de salut : car en
Adam nous sommes tous morts et damnez. Il n'y
a qu'un moyen de vie, c'est que nous soyons unis
à nostre Seigneur Iesus Christ, qui en est la fontaine,
et qui en a en soy toute la plenitude de laquelle
il nous faut puiser. Naissons-nous donc en
Iesus Christ, comme nous avons dit? Il nous
allaicte par la doctrine de son Evangile, iusques à
ce que nous puissions recevoir doctrine plus parfaite
et que nostre foy soit tellement avancée, que
nous ne ressemblions plus à des petis enfans, et
que nous profitions de plus en plus iusques a ce
que nous soyons parvenus en aage d'homme, comme
sainct Paul en parle au 4. chap, des Ephesiens.