commentariüs in epistolam pauli ad corinthios il - Archive ouverte ...

623 SERMONS 624
ceste grace de nous reveler où gist nostre bien,
c'est à sçavoir au royaume des cieux, encores que
nous soyons admonestez que nostre vie n'a quasi
nulle durée, et que nous decheons tantost, si estce
que nous sommes tellement ravis après nos
vanitez, que nous quittons ceste ioye inestimable
à laquelle Dieu nous appeloit, et l'héritage des
cieux sera vilipendé au pris des choses corruptibles
de ce monde qui ne sont rien.
Pensons donc ce que sainct Paul a reproché
ici aux Galatiens nous attouche et s'adresse auiourd'huy
à nous, quand il leur demande quelle est
leur félicité: car il presuppose que les Galatiens
avoyent cognu que Dieu ne leur eust sceu faire
plus de bien en ce monde que de les illuminer en
la cognoissance -de l'Evangile: d'avoir esté tout
persuadez et résolus que le monde n'a rien en soy
que tromperie, quand il nous destourne de l'héritage
celeste: comme aussi nostre Seigneur Iesus
Christ admeine ceste similitude que c'est une pierre
précieuse que l'Evangile, et les thresors et richesses
qui y sont contenues: et que s'il estoit question
de quitter tout ce que nous prisons en ce monde,
et ce qui nous est desirable, que nous n'y pouvons
rien perdre: et que nous n'avons point occasion
de nous repentir: mais maintenant nous sommes
coulpableB au double quand après avoir cognu que
Dieu nous retiroit d'ici bas, à fin de nous faire
participans de sa gloire celeste, que puis après
nous en sommes débauchez: et quand une mouche
nous vole à travers des yeux, comme on dit, que
nous avons oublié ce bien inestimable. Ainsi
d'autant qu'il a pieu à Dieu de nous ouvrir les
yeux et nous retirer de ce bourbier auquel nous
estions plongez avec les incrédules et ignorans:
voire non seulement pour suivre les superstitions
et idolatries comme les autres: mais aussi pour
estre addonnez à nos appétits charnels, à nos meschantes
concupiscences: puis que Dieu nous a
fait sentir où gist nostre vraye ioye et qu'il nous
en a donné un tel goust, que nous devons estre là
arrestee du tout, gardons bien de iamais changer
propos, ni estre muables. Et si nous le sommes,
pensons qu'ici par la bouche de sainct Paul l'Esprit
de Dieu condamne nostre ingratitude, en
disant, où est vostre félicité? Car si nous avions
esté tousiours abbrutis sans cognoistre où gist
nostre bien et nostre ioye, il ne se faudroit point
esbahir si nous allions nostre train oommun: mais
quand Dieu nous a déclaré qu'il nous faut cercher
tout nostre bien en nostre Seigneur Iesus Christ,
et que c'est là touto nostre perfection, là où nous
devons avoir tout nostre repos: si puis après nous
voltigeons çà et là et sommes esbranlez de costé
et d'autre, il est certain qu'il n'y a plus nulle
excuse d'ignorance. Voilà donc ce que nous avons
à retenir de ce passage, c'est qu'après avoir esté
enseignez en l'Evangile, nous despitions tout ce
que nous avons partrop prisé auparavant, et ce
que les hommes convoitent sans fin et sans mesure:
c'est à sçavoir tous les allechem^ns de Satan et de
ce monde, toutes ces choses transitoires et caduques
qui n'ont nulle fermeté, et que nous continuons
à cercher nostre Seigneur Iesus Christ,
iusques à ce que nous venions à la ioye pleine de
tous les biens qu'il nous a apportez.
Or là dessus sainct Paul accuse encores les
Galatiens, qu'il ne leur peut estre ennemi, sinon
pour leur avoir dit le vray. Car c'est une chose
par trop vilaine, si nous prenons la guerre à un
qui nous sera ami, seulement pour estre cognu
fidèle envers nous. Qu'est-ce que nous devons
requérir sur toutes choses en un ami, sinon qu'il
procède rondement envers nous, qu'il ne soit point
double, qu'il n'use point d'astuce et de mensonge?
chacun le sçaura bien dire: et c'est comme un
enseignement naturel, que nous cognoissons tous
sans aller à l'eschole, et cependant que nous soyons
faschez et despitez contre ceux qui nous sont
véritables, et qui par ce moyen procurent nostre
profit, ne faut-il pas que nous soyons ensorcelez
de Satan, si nous venons nous eslever contre eux,
et que nous leur soyons ennemis ? Sainct Paul
donc allègue pourquoy il craint d'eux, et qu'ils
s'estoyent aliénez de luy, et leur reproche qu'ils
ne luy estoyent ennemis, sinon d'autant qu'il avoit
usé d'intégrité et de rondeur envers eux. Or combien
que ce vfce soit detestable, et que tous le
condamnent, si est-ce qu'il est auiourd'huy aussi
commun au monde que nul autre: car qui entretient
les amitiez, sinon mensonges, flatteries et
dissimulations et feintises, et choses semblables?
tellement que si un homme chemine en rondeur,
il acquerra haines et mal-veillances de tous costez:
et voilà qui est cause auiourd'huy des plus grandes
contentions qui soyent au monde, et de toutes
riottes, c'est qu'on a les aureilles bouchées à toute
vérité et raison: car nous voudrions qu'on ensevelist
tout ce qui nous desplaist. Ceci donc n'a
pas esté escrit seulement pour les Galatiens: mais
nous le devons encores auiourd'huy appliquer à.
l'instruction commune de tous ceux qui ne peuvent
souffrir qu'on chemine envers eux en vérité. Car
que chacun se regarde et qu'il s'examine, et on
trouvera que nous sommes tous entachez de ce
vice, iusques à ce que Dieu nous en ait purgez.
Ainsi donc pensons bien que si nous contristons
ceux qui ont esté véritables, que nous despitons
Dieu par ce moyen et luy faisons la guerre plus
qu'aux creatures mortelles. Nous protesterons bien
tout l'opposite: mais ce n'est que mensonge, quand
nous ne pouvons souffrir que Dieu descouvre ce