commentariüs in epistolam pauli ad corinthios il - Archive ouverte ...

621 SUR L'EPITRE AUX GALATES. 622
GALATES. Chap. IV, v. 15—20.
Il ne faut point que nous allions à Peschole
pour cercher ce que nous estimons nous estre bon
et profitable: car chacun de nature sera enclin à
cela: voire iusques à y estre par trop addonné:
mais le mal est que nous, ne discernons point quel
est le vray profit ou le dommage: mais nous
sommes souventes fois aveuglez en nos fols appetis,
tellement qu'un chacun comme à son escient se
ruine: non pas que nous oublions ce que i'ay dit
pour estre imprimé au coeur: mais d'autant que
nous sommes transportez par nos meschantes convoitises:
ou bien que les vanitez de ce monde nous
esblouissent en sorte que nous n'avons nulle discretion
pour bien iuger. Et d'autant plus nous
faut-il tousiours recourir à Dieu, à fin qu'il nous
donne prudence pour sçavoir cognoistre ce qui
nous est bon, à fin de le suivre: et d'y estre tellement
affectionnez que iamais nous n'en soyons débauchez:
mesmes il adviendra à ceux qui se reputent
bien sages selon le monde, d'estre comme
des petis enfans selon qu'ils varient en leurs désirs,
ils quittent ce qu'ils avoyent bien aimé et courent
et trottent après quelque menu fatras qu'il leur
sera mis devant les yeux, tellement qu'il n'y aura
nul arrest: nous verrons quelque fois un enfant
qui courra après trois ou quatre: et puis s'il a une
chose qu'il a bien cerchee, il la placquera là incontinent:
et s'il voit une pomme, ou une cerise, ou
ie ne sçay quoy qui luy viendra à gré, il laissera
tout le reste pour se ietter là. Ainsi en somme
nous: il est vray que nous cuiderons tousiours
avoir sens rasBis, et ne voudrons pas mesmes qu'on
nous enseigne et qu'on nous advertisse de ce qui
est bon: car il nous semble qu'on nous fait quasi
iniure : mais tant y a que l'expérience monstre que
nous sommes despourveus de sens et de raison.
Car qui est cause que les hommes tracassent et se
tormentent tant et plus, et cependant sont esgarez
en toute leur vie: tousiours ce principe-là, comme
i'ay dit, sera retenu d'un commun accord que nous
desirons de cercher nostre profit, il n'y a ne grand
ne petit qui ne soit là enclin. Or regardons à
quoy les hommes appliquent leur estude, il n'y a
celuy qui ne soit comme bouillant en ses affections,
et verra-on mesmes la plus grande partie qui se
mettent quasi à la torture, et ne cessent ne iour
ne nuict de concevoir ce qui leur viendra au devant
et qu'ils espèrent leur estre profitable. Or se
sont-ils bien tormentez? A grand peine d'un million
en trouvera on une centaine qui ayent leurs affections
bien reiglees: tellement qu'il vaudrait mieux
VINGTHUITIEME SERMON.
qu'ils fussent endormis tout le temps de leur vie,
que de prendre tant de travail ne sçachans pourquoy.
Or donc puis que nous sommes convaincus
que la plus part de nous ne discerne point entre
le bien et le mal, comme il seroit requis et expedient:
nous avons besoin de nous renger à Dieu
le priant qu'il nous conduise par son sainct Esprit.
Et mesmes quand il est question de ce bien souverain,
il est certain que là nous devrions estre du
tout transportez et ravis: mais cependant nous
sommes distraits, et ne faisons que voltiger çà et
là, et y a tant d'inconstance et de légèreté en
nous que ce que nous aurons préféré un iour à
nostre vie, le lendemain sera comme à mespris.
Et voilà aussi pourquoy S. Paul reproche en
ce passage aux Galatiens qu'ils ont bien oublié
quelle estoit leur félicité: car ceste sentence de
nostre Seigneur Iesus Christ est prinse de l'ordre
commun de nature, là où sera le thresor de
l'homme que aussi son coeur sera là attaché du
tout. Il appelle thresor ce que nous estimons
estre nostre principal bien, et là où est tout nostre
repos : car il y a beaucoup de choses desirables
desquelles toutesfois on se passe aisément. Quand
un homme verra une chose belle et précieuse, si
est-ce qu'il demourera tousiours paisible en sa condition,
quand il aura de quoy se contenter: mais
si nous estimons nostre vie malheureuse, sans iouir
de quelque bien, il est certain que nous serons
tousiours agitez d'inquiétude, iusques à ce que
nous y soyons parvenus, et la pratique commune
le monstre assez. Puis qu'ainsi est donc, qu'il
faut que nostre coeur soit attaché à ce que nous
estimons estre requis à nostre félicité principale,
regardons maintenant comment chacun s'y porte.
Ceux qui seront addonnez aux biens caduques de
ce monde, ou qui seront tellement embrasez d'ambition
et de cupidité d'honneur qu'ils ne cercheront
sinon à se magnifier et estre en quelque haut
degré et grand estât, pour se faire priser, tousiours
travailleront après cela: ceux qui sont possédez
d'avarice iamais ne cessent d'acquérir des biens et
n'en sont iamais rassasiez et rien ne leur coste.
Ils endurent et faim et soif, et froid et chaut, et
puis ils n'osent pas ne boire ne manger qu'à demi
leur saoul, à fin d'amasser tant et plus. Voilà où
ils en sont. Apres ceux qui veulent estre prisez
et eslevez selon le monde, ils endurent tant de
misères que s'ils estoyent entre les mains d'un
bourreau, il ne les ' tormenteroit pas plus qu'eux
mesmes se font de mal: et ils y sont neantmoins
tellement obstinez qu'on ne les en peut divertir en
façon que ce soit: mais quand Dieu nous a fait