commentariüs in epistolam pauli ad corinthios il - Archive ouverte ...

619 SERMONS 620
vans sa parole, combien qu'elle procède d'an homme
mortel. Et au reste cognoissons quand nous desdaignerons
l'Evangile BOUS ombre que nous alléguerons
que ceux qui parlent à nous ne sont ne
rois ne princes pardessus nous, il est certain que
oeste rebellion-là s'adresse à nostre Seigneur Iesus
Christ: Qui vous mesprise (dit-il), il me mesprise:
qui vous reiette, il me reiette. Et ceci est bien à
noter: car nous voyons que sous ombre des personnes
auiourd'huy la parole de Dieu sera vilipendée,
tant que c'est un horreur, et tous ceux
qui ne voudront point estre reprins auront ceste
réplique incontinent en la bouche, et qui estes
vous? à sçavoir si vous estes mon prince? Voire
comme si Dieu n'avoit pas la supériorité pardessus
nous, et qu'il ne peut parler par la bouche de ses
serviteurs. Un prince envoyera bien un officier,
ou un tel homme qu'il voudra choisir, et encores
qu'il ne soit de nulle qualité, si voudra-il qu'on le
reçoive sans aucune doute, et on le fera aussi. Et
quand Dieu qui a le souverain empire pardessus
nous, et qui a toute supériorité pardessus les
royaumes et principautez de ce monde, que cestui
là nous envoyé ses serviteurs lesquels il avoue et
veut qu'on les escoute, si cependant nous les desdaignons,
et que pour le regard de leurs personnes
nous ne tenions conte du message qui est envoyé
par eux, où est-ce aller? et puis on allègue, et
comment? cestui-là est-il Dieu? Si un homme
porte fidèlement la parole de Dieu, et qu'il declare
que quiconque la mesprise, il s'adresse à Dieu et
qu'il s'esleve contre luy, et quoy? celuy-là se fait
Dieu, voire comme si Dieu ne pouvoit parler par
ceux qu'il a constituez ses instrumens: car comme
i'ay dit, malheur sur nous si nous apportons nos
«inventions. Il vaudrait mieux que nous fussions
cent fois abysmez que de monter iamais en chaire,
si ce n'estoit pour fidèlement exposer la volonté de
Dieu, et que nous tenions de luy ce qu'il nous a
commandé et que nous le puisions de la pure fontaine
de sa parole: ne faut-il pas que cela soit déclaré?
Pensons nous que Dieu puisse estre despouillé
de ce qui luy est propre, c'est à sçavoir
de sa vérité? non, ce sont choses inseparables.
Ainsi que nous détestions ces blasphemes là comme
vilains, quand on dira, O celui qui parle se veut
faire Dieu: s'il demande qu'on l'escoute sans contredit,
voire quand il aura ceste certitude en soy
de n'apporter rien qui ne soit de Dieu, c'est bien
raison qu'il face valoir l'authorité de son maistre.
Ainsi donc que nous ne ayons nulle accointance
avec toutes ces gens profanes: mais que nous portions
telle reverence à nostre Dieu, qu'encores que
ceux qui parlent en son nom soyent contemptibles,
que nous ne laissions pas toutesfois en vraye
humilité de foy d'obéir à ce qu'ils nous proposent.
Or cependant il faut aussi discerner entre ceux
qui faussement prennent le nom de Dieu et en
font une vaine couverture, et ceux qui sont fidèles
dispensateurs de sa parole, laquelle il leur a commise.
Voilà le Pape qui n'a pas honte avec toute
sa canaille de dire, qui vous escoute, il m'escoute,
et qui vous reiette, il me reiette, et amené ce
passage à fin d'estre authorité: mais ceux qui
voudront estre receus comme Anges, il faut qu'ils
facent office d'Anges, c'est à dire qu'ils soyent
vrayement messagers de Dieu, au nom de nostre
Seigneur Iesus Christ qui les a envoyez, et qu'ils
tiennent tout de luy: que vrayement .ils le servent,
et qu'ils ne cerchent en rien leur maistrise: mais
que tousiours il soit le pasteur de l'Eglise, et que
les brebis de son troupeau oyent sa voix pour
suyvre partout où ils les appellent: mais ceux qui
sont faussaires et qui pervertissent la vérité, ceux
qui usurpent maistrise pour obscurcir la parole de
Dieu, il faut bien qu'on les tienne tels qu'ils sont:
et cela a esté monstre par ce que i'ay dit du
commencement: c'est à sçavoir que nostre Seigneur
Iesus Christ a prononcé qu'il veut qu'on escoute
ceux qui viendront en son nom, comme si luymesmes
parloit en personne: qu'en cela il n'a point
voulu faire des idoles entre les hommes, à fin que
ceux qui avoyent lar charge de parler en son nom
fussent eslevez pour avoir quelque tyrannie: mais
il a voulu que sa parole fust receuë en toute reverence
et sans contredit, et quand sainct Paul dit
ici qu'il a esté receu comme un Ange, voire comme
Iesus Christ, c'est d'autant qu'il n'est point venu
en son nom, mais qu'il s'est estudié de purement
annoncer la grace de Dieu, et faire que Iesus
Christ fust suyvi, et qu'on se rengeast à luy seul,
qu'il eust l'authorité qui luy appartient, que l'Evangile
fust receu sans contredit, et qu'il apportast le
fruict tel qu'il doit produire: à sçavoir qu'il soit la
vertu de Dieu en salut à tous croyans, comme il en est
parlé au commencement de l'Epistre aux Romains.
Or nous nous prosternerons devant la maiesté
de nostre bon Dieu, en cognoissance de nos fautes,
le priant de nous les faire tellement sentir, que de
plus en plus nous soyons induits à repentance, et
qu'il luy plaise nous supporter en nos infirmitez,
iuBques à ce qu'il nous en ait despouillez du tout,
et nous ait tellement renouveliez à son image,
qu'il n'y ait plus que pureté en nous et que sa
. gloire y apparoisse : et que de plus en plus nous
bataillions tellement contre nos vices qu'ils soyent
anéantis en nous, et qu'il nous remplisse des graces
de son sainct Esprit: en sorte que nous puissions
y attirer les autres: à fin que chacun d'un commun
accord nous taschions de servir à sa gloire
et de nous y dédier du tout. Ainsi* nous dirons
tous, Dieu tout puissant, Père celeste etc.