commentariüs in epistolam pauli ad corinthios il - Archive ouverte ...

617 SUR L'EPITRE AUX GALATES. 618
c'est merveilles que ceux qui font ainsi des enragez
quand on les reprend, qui se tempestent et
grincent les dents, que ceux là neantmoins, s'ils
entrent en eux, que maugré qu'ils en ayent se condamneront
tousiours, mais tant y a qu'ils aiment
mieux faire des forcenez à l'encontre de Dieu, le
despiter en tout et par tout, que de passer condamnation
pour s'humilier. Voici donc le moyen que
nous avons à observer, c'est que si on nous redargue,
nous escoutions ceux qui nous pourront
faire entrer en conte. Et surtout, que nous regardions
à ce qui est en nous, et où le trouveronsnous?
escrit et engravé en nos consciences: et encores
que nous ne le sentions pas du tout, tenons
nous suspects: car nul n'est iuge competant en sa
cause propre (comme on dit), il est vray que Dieu
nous fait desia iuger en partie, mais tant y a qu'encores
nous faut-il plustost accepter la condamnation
que nous n'appercevons pas, que de nous rebecquer
sans avoir bien poisé à la vérité trente fois,
si nous sommes coulpables ou non. Mais il y en
a beaucoup qui sont bien aises de clorre les yeux,
ou de se les bander, pour ne point voir leur turpitude,
quand on les vient soliciter à repentance,
ils s'e8carmouchent du premier coup, et se sont-ils
ainsi débauchez? c'en est fait, il n'y a plus nulle
audience: qu'ils soyent convaincus cent fois, ce ne
leur est rien. Ils n'en font que torcher leur bouche:
car ils se veulent tousiours Justifier, et encores
qu'ils soyent ridicules iusques aux petis enfans, ce
leur est tout un, encores font-ils gloire d'estre ainsi
endurcis en leurs vilenies et ordures. Gardons bien
donc de nous plonger en telle obstination: mais
en iugeant à la vérité et sans feintise de nos vices,
qu'aussi nous ayons un esprit d'humilité pour nous
assuiettir et pour abbatre tout orgueil en nous, à
fin qu'il n'y ait rien qui nous empesche que tousiours
nous ne confessions librement que nous
avons failli. Voilà en somme ce que nous avons
à retenir de ce passage.
Or on pourroit trouver estrange de ce que
sainct Paul dit, que les Gàlatiens Vavoyent receu
comme un Ange de Dieu, voire comme Iesus Christ.
Car quelque perfection de saincteté qu'il eust, si
est-ce qu'il ne se pouvoit pas accomparer aux
Anges, comme nous voyons qu'il en parle au septième
chapitre des Romains, là où il confesse qu'il
est miserable, et se declare comme un poure homme
captif et esclave en ce monde, sous la servitude de
peohé: combien que sainct Paul eust un zèle ardent
de servir Dieu, toutesfois il cognoist qu'il ne
fait que trainer les iambes, et qu'il y a beaucoup
d'infirmitez en luy qui le retardent, et ici il dit
qu'il a esté receu comme un Ange, voire et ne se
contente pas de cela, mais il adiouste, comme Iesus
Christ, lequel, comme nous sçavons, est le vray j
fils de Dieu, le Roy souverain qui a l'empire sur
toutes creatures. Mais ici il n'est point question
de la vie de sainct Paul, ne de quelque dignité
qu'il prétende en sa personne. Il regarde seulement
à la doctrine. Il dit en premier lieu qu'il a
esté receu comme un Ange de Dieu. Et pourquoy
non? Gar ce titre là aussi est attribué à tous
ceux qui ont eu la charge de porter la doctrine de
la Loy, et par plus forte raison de l'Evangile: car
c'est là où Dieu desploye sa vertu et maiesté beaucoup
plus qu'il n'avoit fait anciennement sous
la Loy. D'autant donc que Dieu ordonne les
hommes mortels pour parler en son nom et authorité,
il faut bien qu'ils soyent recognus comme ses
Anges, c'est à dire messagers: car le mot d'Ange
n'emporte autre chose. Et de faiot, que seroit-ce
de la doctrine que nous oyons, si elle ne procedoit
de Dieu ? Il vaudroit beaucoup mieux que nous
fussions muets saos pouvoir parler, et que les auditeurs
ne vissent goutte, que d'escouter un homme
qui parle, et cependant qu'il ne soit pas envoyé de
Dieu : car le principal hommage que Dieu demande
de nous, c'est que nous luy facions silence, que
nous escoutions sa parole en luy attribuant toute
authorité, nous nous tenions là bridez et captifs,
comme sous le sceptre royal auquel il nous veut
assuiettir. Or ai une creature usurpe cela à soy,
que sera-ce? Ainsi donc notons bien que non sans
cause sainct Paul s'accompare à un Ange, quand
il est question de la doctrine. Et pourquoy? car
il sçait bien qu'il ne l'a voit pas forgée en sa teste:
mais qu'il la tenoit de Dieu.
Et voilà pourquoy aussi il adiouste comme
Iesus Christ. Car de faict nostre Seigneur Iesus
Christ veut qu'on reçoive ceux qu'on constitue ses
ministres comme s'il estoit ici en forme visible au '
milieu de nous. Qui vous escoute, il m'escoute.
Or là, il est certain qu'il n'a point voulu faire des
idoles, quand il a establi ses Apostres et ceux qui
devoyent estre ministres de sa parole. Il n'a pas
voulu qu'ils fussent adorez en son lieu : car il n'est
pas question mesmes de donner ceste authorité-là
aux Anges de Paradis: et que sera-ce donc de
nous qui ne sommes que fange et pourriture? Or
nostre Seigneur Iesus Christ n'a pas regardé quels
sont les hommes: mais il a voulu magnifier sa
parole, à fin que tous s'assuiettissent à icelle. Combien
donc que nous soyons comme des pots de terre
fragiles, voire cassez, que nous soyons de nulle
valeur, tant y a que ce thresor de l'Evangile que
nous portons, ne doit point estre mesprisé pourtant.
Et ainsi quand la parole de Dieu nous est preschee
purement, c'est comme s'il habitoit au milieu de
nous, qu'il nous apparust en personne, et faut que
nous donnions approbation de la crainte, de l'a
mour et de l'obéissance que noua luy portons, rece-