commentariüs in epistolam pauli ad corinthios il - Archive ouverte ...

577 SUR L'EPITRE AUX GALATES. 578
institué est imparfaict, et qu'ils le veulent accomplir?
Autant en est-il de tout le reste.
Mesmes la saincte Cène de nostre Seigneur
Iesus Christ n'a pas esté seulement corrompue et
abastardie: mais elle a esté comme effacée du tout
par ceste abomination infernale de messe. Car il
semble que c'est une chose trop commune que de
prendre un morceau de pain et boire trois gouttes
de vin. Voilà la promesse que nous sommes faits
participans du corps et du sang de nostre Seigneur
Iesus Christ quand nous communiquons à sa
saincte Cène en vraye foy et obéissance, et qu'eu luy
seul gist la pâture de nos âmes. Or au contraire
il a falu qu'on se soit revestu comme pour iouer
une farce: et puis il y a tant d'agios qu'on y est
confus: et quelle est la fin de tout? Or c'est un
sacrifice qui sert pour la remission des péchez,
tant des vivans que des morts. En quoy voilà
nostre Seigneur Iesus Christ qui est despouillé de
la dignité sacerdotale qui luy a esté donnée de
Dieu son Père, voire avec serment solennel qu'il
n'auroit plus iamais de successeur: mais cependant
les Papistes, en feront un million. Et quelles gens
encores? Or si c'estoyent des Anges de Paradis,
encores les faudroit-il tenir comme des diables:
mais on choisira toute la vermine du monde,
toute la racaille et gens de nulle valeur, et diraon
que ce sont les successeurs de nostre Seigneur
Iesus Christ. Tant" y a neantmoins, que voilà ce
qu'allèguent les Papistes pour leur couverture, c'est
à sçavoir qu'à cause de l'infirmité des hommes il
faut qu'ils ayent quelques aides.
Et voilà dont est venu tout le reste des superstitions:
comme quand ils ont eslevez des idoles
et des marmousets, ils ont dit que c'estoyent les
livres des idiots: comme ils en ont un proverbe
commun: mais nous voyons que toute leur audace
est ici conveincue, quand sainct Paul nous rameine
à l'ordre que Dieu a establi, d'autant qu'il nous
y faut tenir et arrester du tout. Ainsi donc ne voulons
nous point quitter l'héritage celeste, lequel
nous a esté acquis par nostre Seigneur Iesus Christ?
suyvons ce gouvernement que Dieu a mis en son
Eglise, et sçachons qu'il suppléera à tous nos
deffauts. Quelque rudesse qu'il y ait, il nous
sçaura bien attirer à soy. Ouy, moyennant que
nous tenions le chemin: mais tant s'en faut que
ceux qui ont ainsi meslé et brouillé, et ont fait
un amas de tant de ceremonies, ayent remédié à
leurs infirmitez, que plustost ils se sont du tout
eslongnez de nostre Seigneur Iesus Christ. Car
nous sçavons que les hommes de leur nature sont
par trop enclins à choses visibles. Ainsi quand on
aura beaucoup de ceremonies, on s'enveloppe là
dedans, et s'y fourre-on, et s'y plonge-on si profond,
que puis après on quitte Dieu et nostre Sei-
Càlvini opera. Vol. L.
gneur Iesus Christ. Si on allègue, Et comment
donc? les Peres du temps de la Loy n'ont ils pas
eu aussi beaucoup de ceremonies pour aider leur
infirmité? Ouy, mais le tout leur estoit révélé par
la parole de Dieu: car en premier lieu il leur
avoit esté déclaré que le patron de toutes ces
choses estoit celeste, comme il est dit au 25. chapitre
d'Exode, d. 40. et fust monstre à Moyse en
la montagne, à fin qu'ils ne s'amusassent point à
ces choses présentes et corruptibles, et voyans
qu'ils y e8toyent par trop detenus, nous voyons
comment il les redargue vivement par les Prophètes,
Allez avec vos sacrifices et fy: car cuidez vous
que ie prenne plaisir que vous veniez ici esgorger
les bestes, pensans m'appaiser par cela, comme si
i'avois faim ou soif? Et pensez vous que i'aye
affaire de tels aides?
Yoilà donc comme Dieu a tousiours retiré son
peuple des superstitions combien qu'il y eust
ordonné beaucoup de ceremonies, voire pour la
nécessité du temps. Car il faloit qu'en l'absence
de nostre Seigneur Iesus Christ il y eust des
ombres et des figures, comme sainct Paul dit que
les Peres anciens ont esté conduits par ce moyenlà
à cercher Iesus Christ: mais maintenant qu'il
nous est apparu, nous n'avons plus besoin de tout
cela. Comme quand ie ne verray point le corps de
l'homme, si ie mô le veux représenter, il faudra
pour le moins que l'image m'y conduise: mais si
ie voy là le corps, et que ie le puisse contempler
en la face, il ne faut point que i'aye image ni
figure pour me le dépeindre plus vivement et le
représenter. Ainsi donc en a-il esté que les Peres
anciens ont eu beaucoup de figures et d'ombrages,
d'autant que nostre Seigneur Iesus Christ n'estoit
pas révélé : mais maintenant qu'il nous esclaire, et
qu'il est le soleil de iustice qui se monstre si
clairement à nous, si nous voulons encores avoir
des figures, n'est-ce pas comme si nous le voulions
ensevelir à nostre escient? Et voilà aussi pourquoy
en sa mort le voile du temple a esté rompu:
car auiourd'huy nous pouvons entrer privement
devant Dieu, et luy offrir nos sacrifices spirituels,
c'est à sçavoir nos oraisons et nos requestes, voire
d'autant que nous avons le corps et la substance
ainsi que sainct Paul en parle en l'autre passage
des Colossiens 3.
Or maintenant donc nous voyons que tous
ceux qui ont ainsi forgé des inventions nouvelles,
ont pleinement corrompu et falsifié l'Evangile, et
qu'ils ont mis des bandeaux et des voiles qui ont
empesohé que Iesus Christ ne fust regardé et
cognu, comme il devoit, et comme il estoit requis
pour nostre salut. Ainsi donc tous ceux qui
s'amusent à tels badinages, il est certain qu'aulieu
de cercher Iesus Christ, ils se précipitent eux-mes-
37