commentariüs in epistolam pauli ad corinthios il - Archive ouverte ...

567 SERMONS 568
dit en l'autre passage) une paroy au milieu, à fin
que les Iuifs fussent comme enclos selon que Dieu
les avoit choisis. Mais maintenant la benediction
a esté publiée partout, tellement qu'il n'y a plus
de diversité. Or donc le Baptesme auiourd'huy
estant succédé au lieu de la Circoncision, supplée
au défaut de ce signe ancien qui a esté figure et
ombrage des choses à venir. Et il ne faloit point
que cela fust, sinon en l'absence de nostre Seigneur
Iesus Christ. Maintenant qu'il nous est manifesté,
nous avons le Baptesme qu'il nous a institué. Cependant
notons (comme desia nous avons dit) que
nous ne pouvons rien apporter du nostre pour acquérir
grace devant Dieu: nous n'avons sinon une
simple confession de nos péchez pour estre abysmez
comme en desespoir. Et au reste nous avons la
foy, par laquelle nous recouvrons ce qui estoit requis
à nostre salut. Nous le recouvrons (di-ie), le
cerchant en nostre Seigneur Iesus Christ. Or
maintenant si nous disons, voire nous sommes debiles
et rudes, nous ne pouvons pas parvenir si
haut qu'à ses secrets celestes, voilà le Baptesme,
qui nous est donné comme si Dieu nous tendoit la
main. Là il nous monstre à l'oeil comme il nous
retire de la malediction en laquelle nous estions
plongez, et nous couvre de nostre Seigneur Iesus
Christ à fin que toutes nos fautes soyent ensevelies
par la perfection de iustice qui est en luy. Car
nous sçavons qu'il a rendu une telle obéissance à
Dieu son Père, que quand nous venons estans là
fondez, nous ne pouvons faillir d'estre agréables.
Voilà donc comme d'un costé Dieu veut qu'on
s'arreste à luy et à nostre Seigneur Iesus Christ
son fils, à fin que nous puisions de la plenitude de
ceste fontaine là: et il veut qu'on attribue toute
la louange de salut à la vertu de son sainct Esprit.
Et puis à cause de nostre rudesse et infirmité, il
nous donne le Baptesme. Quand nous avons tout
cela, que cerchons nous plus? N'est ce pas comme
de8pouiller Dieu à nostre escient, si nous voulons
avoir quelque autre aide, et adiouster des opinions
et fantasies selon qu'il nous viendra en la teste?
de quoy servira tout cela? Or tels meslinges sont
corruptions diaboliques. Voilà pourquoy S. Paul
declare qu'il nous faut estre tellement unis à nostre
Seigneur Iesus Christ que nul ne s'esleve comme
s'il valoit mieux que les autres: mais que nous
cognoissions que nous tenons tout de la pure grace
de Dieu, et que grans et petis s'estudient ensemble
à cela, et que d un commun accord ils confessent
qu'ils ont tout ce qui est à souhaiter en nostre
Seigneur Iesus Christ, et qu'ils renoncent à toutes
inventions et fantasies qui leur pourroyent venir
au cerveau. Or cependant sainct Paul n'a pas
voulu dire, quant à la police de ce monde, qu'il
n'y ait des degrés divers: car nous sçavons qu'il I
y a des serviteurs et maistres: il y a des magistrats,
et peuples suiets: il y a au mesnage l'homme
qui est le chef, et la femme qui luy doit estre suiete:
nous sçavons donc que cest ordre-là est inviolable
et nostre Seigneur Iesus Christ n'est pas
venu au monde pour faire une telle confusion, que
ce qui est establi de Dieu son Père soit aboli.
Mais quand sainct Paul dit qu'il n'y a ne maistre
ne serviteur, qu'il n'y a ne masle ni femelle, il
entend que pour estre asseurez de nostre salut il
ne faut pas que les hommes viennent ici comme
des paons pour lever la queue et pour se mirer
en leurs plumes: mais il faut que ce que nous
pensons avoir de dignité propre, que cela soit
effacé : qu'il soit mis sous le pié : que nous cognoissions
mesmes que ce n'est sinon autant d'empeschemens
qui nous destournent de venir à Iesus Christ.
Quand donc et grans et petis auront cognu qu'ils
ne peuvent rien apporter de leur costé: mais qu'il
faut qu'ils reçoivent tout de la pure bonté et liberale
de Dieu, voilà comme nostre Seigneur Iesus
Christ sera luy seul tout en nous: c'est à dire que
nous ne voudrons rien adiouster à la grace qu'il
nous a acquise, et laquelle il nous offre iournellement
par son Evangile, à fin que nous en soyons
participans, et que nous en iouissions à nostre
salut.
Voilà en somme comme d'un costé nous garderons
la police du monde : que ceux qui sont grans
et ceux qui sont en authorité pardessus les autres,
ils cognoistront que Dieu se veut servir d'eux en
cest estât là. Comme les Magistrats qu'ils regardent
qu'ils sont d'autant plus obligez à faire leur
devoir, quand Dieu leur fait cest honneur d'estre
ainsi eslevez pardessus les autres. Apres, ceux
qui sont personnes privées, et qui doivent obéir
aux Magistrats, il faut qu'ils regardent de se ronger,
s'ils ne veulent se rebequer à l'encontre de
Dieu et luy faire la guerre. Voici donc sainct
Paul qui nous tient en ceste sobriété et modestie,
et sous la bride qui n'a point esté inventée des
hommes: mais que Dieu a dediee à nostre usage,
d'autant que sans cela le genre humain ne peut
consister. Et mesmes il faut avoir en honneur et
reverence ceste police-là comme nostre Seigneur
l'ordonne. Et cependant si nous venons à la vie
celeste, que nous cognoissions que là tout ce qui
est du monde s'escoule et s'esvanouit, comme le
monde et sa figure qui passe, dit sainct Paul: mais
le Royaume de Dieu est permanent. Ainsi donc
quant est d'estre ses héritiers, nous n'y parvenons
point ni par les richesses, ni par la noblesse ou
dignité, ni par nostre source ou vertu. Comment
donc? C'est de la pure grace et bonté de Dieu.
Car il faut que les grans s'humilient et s'abaissent,
I et que les petis s'esbahissent, voyans une bonté de