commentariüs in epistolam pauli ad corinthios il - Archive ouverte ...

563 SERMONS 564
Toilà donc comme nous sommes yestus de
nostre Seigneur Iesus Christ par le Baptesme.
Gomme aussi sainct Paul sous une autre similitude
le monstre au sixième chapitre des Romains a. 5.
Car il dit que nous sommes entez en la mort et
passion de nostre Seigneur Iesus Christ, à fin
d'estre participans aussi de sa resurrection et vie.
Ceste similitude d'ente est aussi propre que celle
du vestement. Car on prendra un surgeon d'un
arbre : on coupe une branche en l'autre, ou le tronc,
on met ceste petite verge qui estoit tirée d'ailleurs,
on voit que cela s'unist et qu'il y a une substance
commune, et que la racine iette sa vigueur à ce
petit surgeon qui est prins d'un autre arbre. Ainsi
donc en est-il (dit sainct Paul) que nous sommes
entez en nostre Seigneur Iesus Christ, voire à fin
que nostre vieil homme soit crucifié en luy, et que
nous ressuscitions en nouveauté de vie.
Or ici premièrement nous avons à noter combien
Dieu s'est monstre et se monstre encores bénin
et liberal envers nous quand il luy plaist de nous
unir à son propre fils: car cela surmonte tous les
biens que nous pourrions concevoir en nostre fantasie.
Et c'est aussi pourquoy sainct Paul argue
que tout ce que Dieu a, nous appartient quand
nous possédons son fils, et que nous en avons la
iouissance: celui (dit-il) qui n'a point espargné son
fils unique, comment ne nous donnera-il toute chose
avec luy? En somme Dieu ne pourroit mieux desployer
les thresors infinis de sa bonté, que quand
il nous a ainsi conioints à nostre Seigneur Iesus
Christ, son fils unique. C'est plus que s'il nous
avoit donné et le ciel et la terre: car il est certain
que quand nous aurons comparé Iesus Christ avec
tous les biens du monde, et mesmes tous les
biens qui surmontent ce monde terrien, que Iesus
Christ surmonte encores par dessus tout. Voilà
pour un item.
Or au reste cognoissons aussi que Dieu nous
a unis tellement à nostre Seigneur Iesus Christ,
qu'il faut que nous ayons en luy toute nostre vie.
Et c'est pour nous humilier tant mieux, et nous
faire sentir combien c'est une chose horrible que
d'estre enveloppez en ceste malediction d'Adam.
Car si l'Escriture saincte ne nous disoit qu'il nous
faut estre unis à nostre Seigneur Iesus Christ devant
que nous puissions estre agréables à Dieu,
nous ne sentirions point assez la poureté en laquelle
nous sommes detenus de nature, et nous
n'aurions point nos péchez en telle detestation
comme il appartient: mais quand il est dit qu'il
est impossible encores que tous les Anges vinssent
pour nous secourir, et que tout le monde tendist
à ceste fin: brief que rien ne defaillist, il est impossible
toutesfois que nous puissions approcher
de Dieu, ne qu'il nous daigne regarder d'un visage
paternel, ne que mesmes il nous avoue pour ses
creatures iusques à ce que nous soyons revestus
de nostre Seigneur Iesus Christ. Cela est pour
nous faire concevoir un horreur de nous-mesmes.
Et il faut bien que nous soyons plus que détestables,
d'autant qu'il n'y a eu autre moyen d'appaiser
Dieu envers nous, et faire que nous le trouvions
propice, iusques à ce qu'il ait couvert nos
pouretez, qu'il ait nettoyé nos ordures et nos infections,
qu'il ait effacé nos iniquitez, et que cela
se face, d'autant que nous vestons Iesus Christ:
comme de fait nous voyons la figure qui nous en
est donnée en la personne de Iacob, quand il est
bénit de Dieu par la main et par le moyen de son
père: il est vray qu'il est eleu comme Iacob: mais
il a un autre accoustrement. Et c'est comme luy
d'un costé, quant à ce que Dieu l'appeloit à l'héritage:
mais c'est comme un autre homme, d'autant
qu'il faloit qu'il empruntast d'ailleurs la robe. Ainsi
nous venons bien comme estans eleus de Dieu, et
comme ayans la promesse par laquelle il nous certifie
qu'il est prest de nous recevoir à meïci : mais
devant toutes choses si faut-il que nous soyons revestus
de nostre Seigneur Iesus Christ. Car si
nous comparaissons en nous-mesmes il faut que
Dieu nous déteste et qu'il nous ait en execration,
comme aussi nous en sommes dignes. Yoilà de
quoy nous sommes admonestez.
Or cependant faisons valoir ce tesmoignage
qui nous a esté donné au Baptesme, à fin que nous
puissions batailler contre toutes tentations et contre
toutes defiances que Satan nous met devant les
yeux pour esbranler nostre foy. Si nous sommes
stupides, tellement que nous ne sentions point nos
vices, mais que nous y soyons comme empunaisis,
malheur sur nous. Mais quand nous serons resveillez
pour penser que c'est de rendre conte devant
Dieu, que soir et matin il nous souviendra
qu'il est le. iuge du monde, et qu'il ne peut pas
quitter son office : après que nous entrons en nousmesmes
pour faire examen de nos péchez, il est
certain qu'il nous faudra estre en frayeur et comme
gens transis: et si nous n'avions quelque remède
pour nous soulager, il faudroit que nous fussions
abysmez en desespoir, mais ayons nostre refuge au
Baptesme, et que nous sçachions que ce n'est pas
en vain que Dieu nous a appelez pour estre participans
de la pureté de son fils unique, et que nous
sommes faits un avec luy: et que par ce moyen le
sang qu'il aura espandu aura son effect pour nous
purger de toutes nos macules, tellement que nous
pouvions venir le front levé devant Dieu: non pas
avec une hautesse telle qu'ont les hypocrites et
ceux qui présument d'eux-mesmes: mais nous confians
en sa bonté inestimable d'autant qu'il nous a
déclaré que tout ce qui appartient à nostre Sei-