commentariüs in epistolam pauli ad corinthios il - Archive ouverte ...

559 SER]
que nous avons traitté, c'est à sçavoir que cela ne
vient point de quelque mérite de la foy, et ne
faut point ici poiaër en balance quelle vertu c'est:
car nous sommes faits enfans de Dieu par adoption
gratuite. Si on demande la cause, ie di la vraye
source et le fondement, il ne faut cercher sinon la
pure bonté de Dieu, d'autant qu'il luy plaist d'avoir
pitié de nous: mais cela se fait par le moyen de
la foy (comme nous avons dit), d'autant'qu'estans
despouillez de toute vaine présomption, cognoissans
que nous sommes du tout damnez en nostre nature,
nous avons nostre refuge à nostre Seigneur Iesus
Christ. Voilà donc en somme ce que sainct Paul
a voulu dire.
Or il continue son propos, à fin que nous
sçachions que la seule foy nous doit bien suffire,
sans attirer moyens de costé ni d'autre pour nous
aider à obtenir salut. Que demandons nous plus,
que Dieu nous recognoisse pour ses enfans? voulons
nous adiouster quoique comble à un bien si
inestimable? Voilà donc nostre pleine félicité et
gloire parfaite, c'est que nous ayons liberté d'invoquer
Dieu comme nostre Père,, ne doutans point
que, nous ayant receu en son amour, il ne nous
traitte comme ses propres enfans. Or comment
parvenons-nous là? Sainct Paul dit que c'est la
seule foy qui nous fait participans de ceste dignité.
Concluons donc que la Loy ne nous peut rien
apporter, ou il faudrait qu'il y eust une merveilleuse
convoitise, et que nous fussions comme
insensez d'appeter d'estre plus qu'enfans de Dieu.
Les Anges sont bien honorez en l'Escriture saincte :
mais le principal de tout le titre qui leur est là
donné c'est qu'ils sont enfans de Dieu. Maintenant
que, nous sommes associez avec eux, nous (di-ie),
poures vers de terre, où il n'y a que pourriture et
mesme8 que nous n'avons en nous que toute
corruption de péché, quand Dieu nous ouvre le
Royaume des cieux, et qu'il veut que nous soyons
faits compagnons des Anges qui sont ses vertus,
qui sont conioints à luy: estans (di-ie) participans
de ceste gloire, que nous soyons si outrecuidez de
cercher ie ne sçay quoy outre cela? Or est il
ainsi que la seule foy nous fait obtenir un tel bien.
Ainsi apprenons de renoncer à tous les moyens
qui nous pourroyent estre mis en avant: car ce
n'est sinon nous destourner de nostre Seigneur
Iesus Christ, quand on veut nous offrir quelques
aides, comme si la foy que nous avons en luy
n'estoit pas suffisante. C'est donc l'intention de
sainct Paul. Et iamais nous ne comprendrons le
fruict qui est contenu en ce passage, sinon que
tousiours ceci nous vienne en memoire, que par ce
mot de foy sainct Paul veut exclure tout ce que
les hommes cuident ou imaginent d'apporter de
mérite ou de dignité devant Dieu, quand ils se
ONS 560
veulent faire valoir par leurs propres vertus. C'est
comme s'ils retranchoyent une partie de la grace
de nostre Seigneur Iesus Christ. Or il ne peut
pas estre deschiré et mis par pieces : il faut donc
que toute perfection de salut proced.e de luy seul,
et que nous ne traversions point ne çà ne là, que
nous ne cerohions point de sentiers obliques, mais
que nous venions à luy par le droit chemin de
la foy.
Là dessus sainct Paul adiouste, Qu'estans
baptises en Iesus Christ; nous l'avons vestu. Or c'est
pour oster ceste difficulté qu'on pourrait ici faire,
comment il est possible que nous soyons enfans
de Dieu, veu que ceste dignité là est propre à
nostre Seigneur Iesus Christ. Car quand il est
appelé fils de Dieu, l'Apostre monstre que cela ne
peut convenir aux Anges de Paradis. Il est vray
(comme desia nous avons touché) qu'ils sont
nommez enfans de Dieu: mais ce n'est pas sans
queue comme on dit. De trouver donc creature
à laquelle ceste dignité appartienne, il n'en .est
point question. Or puis qu'ainsi est que Iesus
Christ est fils unique de Dieu, comment cela
s'estend-il iusques à nous? Sainct Paul declare
que c'est à cause de l'union que nous avons avec
luy: comme il en est parlé au 17. chap, de sainct
lean d. 23. Si donc nous n'estions unis avec
nostre Seigneur Iesus Christ, il est certain que
nous n'aurions nulle accointance avec Dieu: car
nous sommes retranchez de toute espérance de
vie par le péché. Et mesmes il faut, iusques à
ce qu'il nous ait changez et renouvelez, que nous
luy soyons comme ennemis mortels, et luy à
nous. Quoy qu'il en soit, estans séparez de Iesus
Christ, estans considérez en nostre nature, nous
ne sommes pas dignes d'estre appelez creatures
humaines, tant s'en faut que nous nous puissions
glorifier que Dieu soit nostre Père. Mais sainct
Paul (comme i'ay desia touché) a ici voulu soudre
ceste question, en disant que par le Baptesme nous
avons vestu nostre Seigneur Iesus Christ. Or
ceste similitude de vestir est assez commune en
l'Escriture saincte : elle emporte en somme que
Iesus Christ est comme nostre parement, et que
tout ce qui nous pourrait faire reietter devant Dieu
est couvert et enseveli: et qu'il nous acquiert
grace, tellement que nous ne sommes plus espluchez
ni examinez en nous mesmes: mais c'est autant
comme si nous venions là en la propre personne
du fils de Dieu. Brief, sainct Paul a voulu ici
monstrer l'union que nostre Seigneur Iesus Christ
a avec tous fidèles qui sont membres de son corps:
comme toute la substance d'un arbre vient de la
racine, et aussi toutes les vertus et facultez du
corps viendront de la teste. Ainsi en est-il du fils
de. Dieu au regard de nous. Car comme i'ay desia