commentariüs in epistolam pauli ad corinthios il - Archive ouverte ...

557 SUR L'EPITRE AUX GALATES. 558
qui nous est auiourd'huy révélé, et dont nous
avons revelation toute patente. Mal-heur donc sur
nous, si nous ne sommes eschauffez et enflammez
à recevoir ce que Dieu nous offre, quand il desploye
les richesses infinies de sa bonté, à fin de
nous gagner et nous retirer tellement de ce monde,
que nous venions franchement nous rendre à luy.
Si donc nous ne sommes esmeus d'une telle grace,
puis que nous sommes parvenus en aage d'homme,
nonobstant nostre rudesse et infirmité que nous
ne venions à luy, que nous ne prenions le ioug
qu'il nous met sus pour nous laisser gouverner
sous son obéissance: mesmes que nous prenions
le frein aux dents pour despiter Satan et tout le
monde, et tous ses allechemens. Si donc nous ne
surmontons tous ces combats, il est certain qu'une
telle grace comme elle nous est offerte en l'Evangile
nous sera bien cher vendue.
Ainsi donc cependant que Dieu nous convie
et que c'est le temps de salut et le iour agréable,
que nous usions d'une telle opportunité et qu'un
chacun se. haste. Et voyans que nous sommes si
debiles que nous ne faisons que traisner les iambes,
que nous prions Dieu qu'il nous fortifie et qu'il
corrige ' nostre lascheté et froidure. Et qu'nn
YINGTTROISI
GALATES. Chap. Ill v. 26—29.
Nous avons veu cidessus en quelle dignité
nous sommes eslevez par l'Evangile. Car nonseulement
nous sommes appelez pour estre du reng
et de la compagnie des saincts Peres qui ont esté
tant honorez de Dieu: mais nostre condition est
encores plus digne et plus noble, d'autant que nous
sommes délivrez de la suiettion de la Loy, en laquelle
ils ont esté detenus. Or sainct Paul pour
mieux conformer ceste doctrine adiouste, qu'en
croyant à nostre Seigneur Iesus Christ, nous sommes
faits tous enfans de Dieu: comme aussi il en est
parlé au premier chapitre de l'Evangile sainct
lean: car là ceste dignité nous est prisée comme
elle le mérite, que nous ayons ceste authorité et
privilege d'estre reputez enfans de Dieu par la foy,
voire au nom de nostre Seigneur Iesus Christ, qui
est le fils unique et naturel: car ce titre luy
appartient à luy seul de droict, et il nous est
communiqué seulement par grace entant que Dieu
nous a voulu adopter en son nom. Yoilà donc
Iesus Christ qui est le chef de l'Eglise: mais en
chacun aussi se face force et violence : et que voyans
que nous sommes comme environnez des filets qui
nous sont tendus par Satan, que nous cheminions
tant plus en la crainte de Dieu, à fin que nous
puissions surmonter tous les empeschemens et
astuces de Satan, et de pouvoir continuer au
chemin auquel Dieu nous a mis, et suivre les
Peres qui nous ont precede, et lesquels nous
attendent, à fin que nous soyons tous ensemble
recueillis en la vie celeste, à ceste venue bienheureuse
de nostre Seigneur Iesus Christ.
Or nous nous prosternerons devant la maiesté
de nostre bon Dieu, en cognoissance de nos fautes,
le priant que nous en ayons telle desplaisance que
ce soit nonseulement pour gémir, à fin de luy en
demander pardon, mais pour estre renouveliez en
droite repentance: que nous y profitions et soyons
confermez de plus en plus, iusques à ce que nous
soyons despouillez de tous vices, et que nous
soyons faits tellement conformes à son image, que
sa gloire reluise en nous iusques à ce que nous
entrions en pleine possession de l'héritage qu'il
nous a promis. Que nonseulement il nous face
ceste grace, mais aussi à tous peuples etc.
EME SERMON.
son nom Dieu nous recognoit et avoue comme ses
enfans. Or ici nous voyons que ce mot de croire
emporte plus qu'on n'estime communément : comme
aussi nous l'avons desia exposé. Car ceux qui no
sont point exercez en l'Escriture saincte trouvent
estrange qu'en croyant nous soyons tant honorez
de Dieu et leur semble que la foy n'est pas une
vertu si grande qu'elle nous doive obtenir un tel
bien. Mais nous avons monstre ci-dessus que nous
croyons en Iesus Christ, non pas comme quand
on nous aura raconté quelque histoire, ou que nous
l'aurons leuë: mais c'est quand nous le recevons
en vraye certitude comme il nous a esté offert de
Dieu son Père. Quand donc nous embrassons
nostre Seigneur Iesus Christ, comme celui qui a
satisfait pour nos péchez, à fin de nous reconcilier
à Dieu, que nous mettons toute la fiance de nostre
salut en luy, que nous ne doutons point qu'il ne
nous ait aussi apporté tout ce qui estoit requis
pour l'héritage celeste : quand nous avons une telle
certitude, il ne se faut point esbahir si en croyant
nous sommes recognus de Dieu comme ses propres
enfans. Or cependant il nous doit souvenir de ce