commentariüs in epistolam pauli ad corinthios il - Archive ouverte ...

543 SERMONS 544
aurons tout le monde favorable, ce ne sera rien :
car pourquoy est-ce que Dieu a voulu que tous ses
Anges comparoissent à la publication de sa Loy,
sinon à fin que nous apprenions d'avoir bonté de
nos péchez, et que cela nous humilie à bon escient,
et que nous cerchions tout nostre salut en nostre
Seigneur Iesus Christ? Et au reste quand il est
dit que nostre Seigneur Iesus Christ a esté le Mediateur
de la Loy, asseurons nous que si nous avons
tout nostre refuge à sa grace, qu'il ne faut pas
craindre que la Loy ait plus nulle vertu pour nous
condamner, et pour dominer mesmes sur le péché.
Car il nous doit souvenir de ce que dit sainct
Paul au 15. chap. g. 56 de la premiere Epistre
aux Corinthiens, que la Loy est la vigueur du
péché, qu'elle aiguise le péché, tellement que nous
en sommes navrez mortellement.
Puis qu'ainsi est donc, si nous n'avions ce qui
nous est ici remonstré pour consolation, il est certain
que nous serions pressez d'une telle frayeur,
que nous ne pourrions pas estre asseurez de nostre
salât, combien que les promesses nous fussent offertes
en nostre Seigneur Iesus Christ: car nous ferions
tousiours comparaison des choses opposites:
nous mettrions la Loy en balance, pour dire, comment?
la Loy n'a elle pas esté donnée de Dieu? •
Or Dieu nous condamne par icelle. Combien donc
que nostre Seigneur Iesus Christ vienne au remède,
si ne semble-il point que nous soyons eschappez:
nous aurons donc tousiours quelque trouble, mais
quand nous regardons que nostre Seigneur Iesus
a esté Mediateur pour publier la Loy, cela nous
monstre que si auiourd'huy il est nostre advocat,
il sera aussi pour nous absoudre: tellement qu'il
ne faut point que nous soyons esperdus après que
Dieu a prononcé sentence de malediction, que nous
soyons là opprimez de tormens et d'angoisses,
comme si le mal estoit incurable : mais sçachons
que nostre Seigneur Iesus Christ s'accordera trèsbien
à faire tous les deux, c'est à sçavoir que nous
soyons confus pour estre enseignez à humilité, et
cependant que nous soyons certifiez de nostre salut.
Et ainsi apprenons, quand nous serons abbatus,
qu'il n'y a moyen de nous relever, sinon de cognoistre
que celuy qui a esté establi Mediateur pour
publier la Loy, nous est auiourd'huy manifesté avec
tel office, et qu'il nous le fera sentir par experience.
Et au reste sçachons qu'il n'est point Mediateur
d'une seule nation, mais de tout le monde: •
comme nous sommes creatures de Dieu. Il est
vray que par le péché d'Adam, nous estions comme
retranchez de luy, mais nostre Seigneur Iesus est
venu pour recueillir la dissipation qui estoit et au
ciel et en la terre, comme nous avons desia allégué
du premier chap, des Colossiens. Puis qu'ainsi est
donc, que nous ne doutions point que Dieu ne nous
accepte auiourd'huy pour héritiers de sa promesse,
d'autant qu'il nous recognoist pour enfans spirituels
d'Abraham.
Et ia soit qu'il y eust grande diversité du temps
des ceremonies, qui estoyent pour séparer les uns
d'avec les autres, que cela ne nous empeschera pas
que nous n'approchions familièrement de Dieu. Et
pourquoy? Car Dieu est un. Encores donc qu'il
y ait et Iuifs et Grecs, qu'il y ait beaucoup de nations
diverses entre les hommes, que les langues
soyent diverses, que les meurs et façons de vivre
soyent contraires et que chacun de nous mesmes
ait tant de variété en soy et d'inconstance, que
nous n'ayons nulle tenue, arrestons nous à Dieu,
car il est un. Il nous a donné sa Loy, il nous a
donné son Evangile, ne pensons pas qu'en cela il
y ait nulle repugnance, mais le tout s'accorde bien.
Souffrons seulement d'estre gouvernez par luy pour
venir à nostre Seigneur Iesus Christ. Et comment
cela se fera-il? Quand nous serons despouillez de
toute présomption, que nous serons estonnez et confus
pour nous desplaire et pour sentir qu'il n'y a
en nous que mort. Alors nous viendrons à nostre
Seigneur Iesus Christ, sçachans que Dieu le Père
nous accepte quand nous tiendrons ce moyen. Pourquoy
? Car il est un, et quand il a donné sa Loy,
ce n'a pas esté pour diminuer la promesse qu'il
nous avoit faite auparavant. Et quand il nous a
révélé sa grace plus à plein en l'Evangile, ce n'a
pas esté aussi qu'il ne sçache bien faire valoir sa
Loy envers nous, et luy donner son usage et utilité
à fin que nous ayons une reigle de bien vivre,
au lieu qu'estans maudits par icelle, nous cognoissions
qu'il n'y a autre remède, sinon que nous
soyons bénits en ceste semence qui a esté promise
de tout temps, et en la main de laquelle nostre salut
a esté conformé: c'est à sçavoir que nous venions
à nostre Seigneur Iesus Christ, qui est la source
et la fontaine de toute benediction.
Or nous nous prosternerons devant la maiesté
de nostre bon Dieu, en coguoissance de nos fautes,
le priant que de plus en plus il nous les face mieux
sentir pour nous y desplaire: et que nous ne luy
en facions point seulement confession de bouche,
mais que nos coeurs soyent desployez envers luy
pour nous assuiettir pleinement à sa saincte parole:
voire tellement que nous soyons consolez par sa
bonté gratuite, telle qu'elle nous est monstree en
nostre Seigneur Iesus Christ: et qu'il nous reforme
quant et quant par son sainct Esprit, à fin que si
de nous mesmes nous sommes pleins de rebellion,
que toutesfois quand il nous gouvernera, nous soyons
dociles, et prests de suivre sa saincte volonté,
et de nous y adonner du tout. Et le prierons de
toutes ces choses, disant, Dieu tout puissant, père
celeste etc.