commentariüs in epistolam pauli ad corinthios il - Archive ouverte ...

539 SERMONS 540
le voilà encore plus astraint qu'il n'estoit. Ainsi
en est-il des ceremonies. La Loy estoit assez pour
condamner tous hommes, d'autant que tous sont
transgresseurs : mais cependant Dieu voyant c'est
orgueil qui est enraciné en nostre nature, a encores
adiousté de superabondant les ceremonies, à fin
qu'elles fussent comme une obligation solennelle.
Or maintenant Bainct Paul dit que tout cela
a esté iu8ques à ce que la semence fust venue, cest
à sçavoir que la Loy n'a pas esté pour tenir en
bride et servitude ceux qui mettent leur confiance
en nostre Seigneur Iesus Christ: mais c'est pour
les amener à soy, à fin que là ils trouvent ce qui
leur défaut en la Loy. Ainsi donc nous voyons
que Dieu, usant de rigueur pour nous condamner,
procure nostre salut, et que ce nous est un tesmoignage
de sa bonté* singulière, quand il foudroyé
ainsi contre nous. Et pourquoy? I'ay desia déclaré
(et l'expérience le monstre par trop) que nous
ne cessons d'abuser de son humanité, et la tirer
tout au rebours de son intention. Il faut donc
qu'il nous rudoyé, et qu'il se monstre nostre iuge,
et que nous oyons ceste sentence espouvantable,
pour nous mettre tous en desespoir: c'est qu'il n'y
a nulle attente que mort éternelle: et puis que
ceste sentence-là encores se conferme et se ratifie.
Voire mais le tout est pour nous humilier, à fin
qu'estans confus, nous venions d'un vray zèle et
sans fiction à nostre Seigneur Iesus Christ, et que
nous apprenions de nous reposer en luy, quand
nous serons troublez d'inquiétude et de tormens en
nos consciences. Voilà donc pourquoy sainct Paul
notamment a ici mis que la Loy n'a pas esté donnée,
sinon qu'en attendant la semence. Or si on
demande, Comment donc les Peres ont-ils obtenu
salut? La response à cela est que la Loy a bien
eu son regne et sa vogue devant la venue de nostre
Seigneur Iesus Christ quant à l'ordre extérieur:
mais les Peres puis après n'ont pas laissé d'avoir
leur recours à la grace qui leur estoit promise,
encores qu'elle ne fust point apparue, ainsi que
nous verrons plus à plein ci après.
Voici donc une chose toute résolue: c'est à
sçavoir que la Loy n'a point apporté nul preiudice
à la promesse, et qu'elle n'a point esté adioustee
comme aide, ainsi que si la promesse de soy n'eust
point esté suffisante à salut: mais c'a esté pour
corriger l'orgueil et la présomption des hommes,
à fin qu'en humilité ils cerchent la miséricorde qui
leur est offerte en nostre Seigneur Iesus Christ,
et que par ce moyen ils soyent capables de la recevoir
et en iouir.
Or là dessus sainct Paul adiousté que la Loy
a esté ordonnée ou commise en la main des Anges
et en la main du Mediateur. Ici il authorise la Loy,
pour monstrer qu'elle doit estre receuë en toute
reverence: mais cependant qu'il ne la faut point
appliquer sinon à telle fin que Dieu l'a establie.
Pour monstrer cela il parle des Anges, comme s'il
di8oit que Dieu a eu assez de tesmoins pour donner
authorité à sa Loy, et quant et quant a monstre
comme elle doit estre prinse et entendue: mais le
principal est en ce qu'il met du Mediateur: c'est à
sçavoir nostre Seigneur Iesus Christ. Vray est
que beaucoup ont entendu ce mot de Moyse, comme
s'il estoit appelé médiateur entre Dieu et les hommes
quant à la doctrine: mais cela n'est nullement
convenable: car sainct Paul en premier lieu met
les Anges, et puis le Mediateur est adiousté comme
chef, et est ici en degré plus haut : ce qui. ne se
peut rapporter à la personne de Moyse. D'avantage
nous voyons ce que déduit sainct Paul: il
monstre qu'il n'y a point diversité entre la Loy et
l'Evangile en ceste promesse gratuite de salut.
Pour conformer cela il ameine nostre Seigneur
Iesus Christ, et dit quand la Loy a esté publiée,
c'a esté sous sa main et sous sa conduite. Vray
est que ce mot de main souventesfois emporte en
l'Escriture force: mais ici nous voyons que sainct
Paul fait comparaison entre Iesus Christ et les
Anges. Il met là les Anges qui ont esté assemblez,
à fin que la Loy obtint audience entre les hommes,
qu'elle fust receuë sans contredit. Ils ont donc esté
comme tesmoins de la maiesté de Dieu: mais il adiousté
le Mediateur comme le plus grand.
La main donc emporte une conduite: comme
s'il disoit qu'il y a eu le lieu souverain, et la commission
principale à ordonner la Loy. Et ne faut
pas que nous trouvions cela estrange: car quand
l'Ange apparoist à Moyse, il dit, le suis l'Eternel.
Il est là nommé Ange. 11 est donc messagier de
Dieu, comme le mot l'emporte, et toutesfois il dit,
le suis l'Eternel qui ay mon estre de moy, et cela
ne conviendroit pas à des creatures, et les Anges
ont esté faits de rien comme nous. Ce seroit donc
un sacrilege, que l'Ange eust usurpé ce titre-là,
qui ne convient sinon à Dieu seul. Il faut donc
conclurre que cest Ange-là est Iesus Christ, lequel
desia faisoit office de Mediateur, comme aussi sainct
Paul en traitte au 10. chap, de la premiere aux
Corinthiens b. 9 quand il parle de la rebellion des
Iuifs, et de ce qu'ils provoquoyent l'ire de Dieu
par leurs murmures, par leurs meschantes cupiditez.
Il dit qu'ils ont tenté Iesus Christ lequel les menoit
et les guidoit par le desert. Il n'y a donc
nulle difficulté qu'alors desia nostre Seigneur Iesus
Christ n'ait esté Mediateur, voire en diverses sortes,
pour reconcilier les hommes à Dieu son Père. Et
voilà pourquoy l'Apostre en l'Epistre aux Hebrieux
dit, Iesus Christ qui est auiourd'huy, estoit hier et
sera iusques en la fin, à ce qu'on se tienne à luy,
à fin qu'on ne vague plus en des doctrines estranges.