commentariüs in epistolam pauli ad corinthios il - Archive ouverte ...

527 SERMONS 528
sommes faits participans. Voilà donc en somme
comme nous devons faire nostre profit de ce
passage.
Or nous avons aussi à noter quant et quant,
touchant l'ancienneté que traitte ici S. Paul, que
la doctrine de l'Evangile n'est point forgée de
nouveau, et que ce n'est pas une chose qui eust
esté incognuë du tout auparavant : mais que Dieu
a continué depuis Abraham iusques auiourd'huy
à nous appeler pour estre ses enfans adoptifs, et
pour s'approuver nostre Père. Il est vray que
desia devant qu'Abraham fust nay, cela estoit:
mais il nous doit suffire qu'alors il y a eu une
declaration si pleine que nous cognoissons que Dieu
a commencé de publier ce qui est auiourd'huy
contenu en l'Evangile, et que les Peres n'ont point
eu d'autre chemin pour parvenir à salut, que celuy
qui nous est auiourd'huy monstre. Or ceci
nous est bien nécessaire. Car beaucoup de brouillons
maintenant sans propos cuident que iamais on
n'avoit ouy parler de l'Evangile auparavant et
mesme8 il y a de ces mocqueurs de Dieu et gens
profanes qui pour amoindrir l'authorité de Dieu et
de son Evangile, diront que cela est venu depuis
seize cens ans, et qu'auparavant on n'en avoit iamais
ouy parler. Et comment? Dieu auroit il laissé le
monde? voire comme si nous ne voyons point à
l'oeil, et qu'il ne fust marqué comme au doigt, que
Dieu n'a point varié depuis qu'il lny a pieu adopter
Abraham, qu'alors nous avons esté enclos avec luy,
et la porte de salut nous a esté ouverte combien
que l'accomplissement n'en soit advenu qu'au temps
de plenitude, comme nous avons traitté ce matin,
et qu'il sera déduit plus au long en temps
opportun.
Et voilà pourquoy S. Paul dit que c'est un
secret qui avoit esté caché que la predication de
l'Evangile: mais cependant si est-ce que Dieu
l'avait ainsi déterminé, et en avoit donné la promesse
assez suffisante, comme nous voyons. Et
voilà à quel titre aussi nous sommes appelez la
lignée d'Abraham: car nous ne luy appartenons
de rien selon la chair: mais la foy est un lien
assez suffisant pour nous unir à luy. Et au reste,
voilà nostre Seigneur Iesus Christ qui a esté le
gage du salut des hommes, lequel nous est
maintenant révélé, afin que nous ayons tant plus
de certitude que nous sommes siens, et qu'il nous
veut tenir comme membres de son corps. Et voilà
pourquoy il dit qu'Abraham a veu son iour, et s'en
est esiouy. Les Iuifs mettoyent en avant la
dignité du patriarche: voire (dit Iesus Christ)
comme si Abraham vostre père ne se fust arresté
à ce qui luy estoit dit de moy. Il a donc veu
mon iour, et voilà où il a prins toute sa resiouissanco,
tellement qu'il n'a eu autre espérance de
salut, sinon par la foy qu'il a eu de la doctrine
qui vous est auiourd'huy annoncée par l'Evangile.
Et c'est-ce qui est aussi bien dit de lean Baptiste
par Malachie, qu'il a esté envoyé à fin d'unir les
coeurs et les affections des pères avec les enfans.
Or cela n'est point seulement dit de la personne
de lean Baptiste: mais il appartient à la doctrine
de l'Evangile. Voilà donc où nostre Seigneur
nous appelle: c'est combien qu'Abraham soit pourri
en terre, il y a si longue espace de temps,
moyennant que nous soyons conioints à luy par
foy, et que nous ayons une concorde telle, que
nous puissions invoquer Dieu d'un mesme esprit
duquel il a esté gouverné (comme il a eu son
esprit attentif à nostre Seigneur Iesus Christ),
cognoissan8 qu'il n'y a autre promesse que celle-là:
auiourd'huy donc nous voilà unis à nostre père
Abraham, iusques à ce que nous soyons accompagnez
tous ensemble et recueillis au royaume
des cieux, que nous tendions à nostre Seigneur
Iesus Christ, que ce soit nostre but et nostre
adresse. Voilà ce que nous avons à retenir quand
il est parlé de la promesse qui a esté donnée
devant la Loy.
Et mesmes nous devons bien estre incitez à
constance, quand nous voyons que nostre père
Abraham a tousiours attendu nostre Seigneur
Iesus Christ, combien qu'encores il fust si loin
d'estre révélé au monde: il luy est dit que sa
semence sera détenue captive en terre estrange.
Apres que Dieu luy a déclaré que tout le monde
sera bénit en sa semence, il adiouste: Et toutesfois
ne pense pas que cela se doive faire d'ici à
trois iours, ou d'ici à cent ans car il faudra que
tu trespasses, il faudra mesmes que tu sois transporté
en pays estrange, où les tiens quand ils
seront là, on les pressera en toute tyrannie et
cruauté. Il est vray que i'en feroy la vengeance:
mais il faudra qu'ils languissent. Abraham oit tout
cela. Et puis la Loy est-elle donnée ? voilà encore
deux mille ans qui passent devant la venue de
nostre Seigneur Iesus Christ. Or Abraham ne
pouvoit pas, sinon qu'il se fust armé d'une vertu
celeste, se tenir à ce qui luy estoit dit: car il ne
pouvoit pas iouir du bien qui lu\v estoit présenté,
ni luy ni ses enfans qui devoyent venir. Voilà
donc deux mille quatre cens ans qui se passent, et
toutesfois Abraham ne s'est point repenti d'avoir
quitté la maison de son père (comme l'Apostre le
declare en l'onzième chap, des Hebrieux), mais il a
tousiours poursuivi 6on train, combien que Dieu
voulust examiner sa patience iusques au bout.
Par plus forte raison auiourd'huy nous devons
estre confermez à cheminer où Dieu nous appelle,
et avoir la teste levée iusques à ce que nous
parvenions à ceste couronne de gloire, combien